لوحة القادة

الشيخ محمد عبدالمقصود من الناس المحترمه جدا والمثقفه جدا نحسبه على خير ولا نزكى على الله احدا انا شوفت مواقف كتير للشيخ كانت كلها قوه وكانت كلها فى الحق وكان من ضمن الناس اليى افتوا بالخروج يوم 25 يناير وخالف اغلب السلفين والراجل ده بينتقد السلفيين كتير قوى مع انه سلفى ولكنه يقول كلمة الحق هحاول ادور على الحلقه كامله واشوفها لان انا ملسوع من موضوع قطع لزق من ايام عمرو خالد تحياتى عنبو

لكلـك ... لكلـك كلام كلام كلام .... هو فيه إيه ماسورة كلام وإنفجرت في مصر بقينا عاملين زي تلاميذ الابتدائي لما المدرس يخرج من الفصل كله يبدأ يتكلم بصوت واطي شوية بعدين يبدأ الصوت يعلي علشان كل واحد عايز يتسمع في وسط الدوشة والصوت يعلي أكتر لحد ما يوصل لأعلي درجة ساعتها يدخل مدرس الفصل بسرعة ويرزع بالعصاية علي أول تخته ويقول بصوت قوي جدا ( بس ) مش عايز ولا نفس ،،، الحقيقة هو ده بالظبط اللي احنا محتاجينه يحصل في مصر محتاجين المخرس المخلص اللي يقولنا بس سكوت وفي نفس الوقت كلنا نتفق علي طاعته ونصمت وإحنا في قمة الثقة إنه يقدر يقودنا ولكن يا للأسف والآسي مفيش واحد لحد دلوقتي علي الأقل محل لهذه الثقة بالإجماع أو بالبلدي الفصيح مفيش واحد مالي عنينا في الموجودين علي الساحة العامة سواء كان من أحزاب الوسط أو المعارضة أو أحزاب ( خلينا نسميها ) الموالاه لأي قادم لو لاحظتوا هتلاقوه في وجه شبه يجمع بين كل الموجودين علي الساحه وهو أن أصغرهم سننا تخطي الخمسين ( ده أصغرهم ) يعني معظمهم مواليد الحرب العالمية الثانية يعني مستحيل يفهمونا ، ده ناهييك بقي عن من يسموهم الحكماء ورؤساء اللجان دول بقي مرضي بالزهايمر منذ خمسين سنة لأ وكمان في أي مؤتمر تلاقيهم قاعدين علي المنصة ( من 6 الصبح فاضي بقي ) وواخدين أول عشر صفوف أمام المنصة وتيجي تدور علينا يا شباب تلاقينا يا إما واقفين في أخر صف لأن مفيش مكان فاضي لينا أصلا (ودي ليها دلالتها طبعا) يا إما ماشين في الشوارع مانعرفش حاجة أصلا عن المؤتمر اللي المفروض بيناقش مستقبلنا ، لأ والمضحك بقي إننا لما قمنا بالثورة كشباب ( إضحك بقي علشان اللي جاي) تسأل أي جدو من الجدوهات اللي كترو أوي بعد الثورة وتقولوا ......... كنت فين ياجدوا لما جيت أقول لا .......... يقولك (كنت قاعد أمام التليفزيون بتفرج عليكم وإنتوا بتندهسوا تحت العربيات وكنت بتصل بالتليفزيون المصري أؤيد الإستقرار وبقاء الحال علي ما هو عليه لكن بصراحة لما كسبتوا قولت أشجعكم أصلكوا عملتوا ماتش جامد أوي) طبعا مستحيل حد يقول الكلام ده لكن لسان الحال بيقول كده وكل الشباب عارفين الكلام ده وكل شاب فينا ناجح أو بيحاول ينجح في دايما عدد واحد جدو من إياهم واقف في سكته سواء كان في شغله او في التعبير عن رأيه أو حتي في حياته الشخصيه المهم نرجع لموضوعنا ، خلي بالك أنا ما بتكلمش عن كبار السن بصفه عامه أنا بتكلم عن من أستطيع تسمهيتهم بعد الثورة بالمتحشرين الجدد اللي حشروا نفسهم وسط الشباب وطلعوا علي المسرح ياخدوا تحية الجماهير علي نجاح الثورة وشوية شوية بدأو يزيحوا الشباب ويظهروا هما فقط وبالتالي لن يظهر سوي فكرهم وبالتالي فلن نقتنع بفكرهم ( العقيم طبعا ) وبالتالي لن نصمت إحتراما لما يطرحونه يعني مفيش بس وفيه لكلك لكلك إلي أن يسمع صوتنا وفكرنا وتتحول افكارنا إلي واقع ساعتها بس إحنا إللي هانقول ( بس ) . كتبه / سامح عامر

برغم انني لا اتدخل بالموضوعات الخاصة بالسياسه بشكل عميق ولكنني اؤكد كلام اخي ابراهيم عبد العزيز بأن الدكتور طارق سويدان ليس شيعيا بل سني المذهب .... وهو من جماعة الأخوان المسلمين ويعتبر من مؤسسي جمعية الاصلاح الإجتماعي ( الإخوان بالكويت ) ولكنه معروف بإعتداله ويعمل مع مجموعات حقوق الانسان وضد الظلم والاضطهاد ..... فقط للتوضيح من عضوة كويتيه تحياتي

الكثير سمعوا ان احد رجال الاعمال تبرع لمشروع الدكتور زويل فى مصر بمبلغ 30 مليون دولار يعنى 175 مليون جنيه ما شاء الله بس هل فيه جد مننا سال عمن تبرع بهذا المبلغ الضخم ؟ هل حاولت اى وسيلة اعلم مصرية عن الكشف عنه ؟ طبعا لا لانهم فاضين للضحك على الشعب والوقيعة بين طوائفه لنشر الاشاعات والفوضى المهم ده تعريف بالوطنى الحقيقى اللى اتبرع بهذه الثروة الدكتور محمد العريان يتبرع بـ30 مليون دولار لمشروع زويل لنهضة مصر علمياً، الخبر لفت إنتباه كثيرين لضخامة الرقم، ولكن ما أثار التساؤلات هو الاسم نفسه لأن معظم المصريين لا يعرفون من هو الدكتور محمد العريان؟ هو خبير إقتصادي مصري أمريكي يشغل منصب المدير التنفيذي لمؤسسة بيمكو الأمريكية، التي تعتبر من أكبر شركات إدارة الأصول في العالم وتدير أصولا تزيد قيمتها على 1.1 تريليون دولار أمريكي، أي أكبر من حجم اقتصاديات أغلب دول العالم النامية، كما أن مؤسسة بيمكو تعد واحدة من أربع شركات إدارة أصول اختيارها الرئيس الأمريكي أوباما لإدارة برنامج مجلس الاحتياط الفيدرالي البالغ قيمته 500 مليار دولار، كما تدير الشركة أيضاً برنامج الأوراق المالية التجارية البالغة قيمتها 251 مليار دولار، والتي تحافظ على تدفق الدين قصير الأجل في الشركات الأمريكية، مما يجعلها ضرورية لانتعاش الاقتصاد ولد الدكتور العريان في عام 1958 لأب مصري وأم فرنسية، متزوج من محامية ولديه ابنة وحيدة، والده الدكتور عبد الله العريان الذي كان أستاذاً للقانون ثم قاضي في محكمة العدل الدولية، وعمه الأستاذ أحمد العريان أستاذ هندسة المواد في كلية الهندسة جامعة القاهرة، احتل الدكتور محمد العريان المرتبة الـ11 ضمن أفضل 500 شخصية عربية حسب استفتاء مجلة أريبيان بيزنس، والمرتبة الـ7 عام 2009، كما أنه يعد مرجعا لعدد كبير من المؤسسات المالية والصحف العالمية، والعديد من الدول، وصفته جريدة النيويورك تايمز قبل أعوام بأنه "المصري الأهم والأكثر تأثيرا في العالم ..وقلة هم من يملكون القوة التي يتمتع بها العريان" وأسمته أيضا بالرجل الغامض، وقالت الجريدة في تقريرها إن أهمية الدكتور العريان على المستوى العالمي لا تضاهيها أي شخصية مصرية أخرى، وذلك لتأثيره على مجريات الشئون الدولية المالية، وخلال الأزمة المالية العالمية التي عصفت بالعالم في 2008، كان العالم يتأثر وأسواقه المالية تظهر ردود أفعالها على تصريحات وأراء الدكتور محمد العريان، ومع تضخم الأزمة الإقتصادية في اليونان وزيادة الديون كان العريان هو أهم من تلجأ إليه وكالات رويترز وبلومبرج المتخصصة في قطاعات المال والأعمال ليوضح ما يحدث، والى أين يسير العالم، أما رأيه في التمويل الإسلامي، فيرى العريان أنه أداة هامة في حركة رأس المال نحو استخدامات منتجة، وهو يرى أن هذه الممارسات المالية ستستمر في الانتشار والتزايد، وهذا النوع الهام من التمويل يتم تقويته عن طريق تدعيم بنيته التحتية. وقد حصل العريان على شهادته الجامعية في الاقتصاد من جامعة كامبريدج، ثم حصل على شهادتي الماجستير والدكتوراه في الاقتصاد من جامعة أكسفورد في المملكة المتحدة،وعمل لمدة 15 عاما لدى صندوق النقد الدولي في واشنطن قبل تحوله للعمل في القطاع الخاص، حيث عمل كمدير تنفيذي في سالمون سميث بارني التابعة لسيتي جروب في لندن، وفي عام 1999 انضم إلى مؤسسة بيمكو الاستثمارية العالمية، وقد نشر الدكتور العريان العديد من الدراسات حول القضايا الاقتصادية والمالية العالمية، حصد ألقاباً كثيرة وبرز اسمه كواحد من أهم نجوم عالم الاستثمار الذين صعدوا بسرعة غير عادية، نال في عام 2008 جائزة عالمية عن كتابه "عندما تتصادم الأسواق"، وقد كان العريان مسئولاً عن الوقف الاستثماري لجامعة هارفرد والبالغ قيمته 35 مليار دولار، وحقق فيه عوائد قياسية بمتوسط 23% للسنة المالية وهي الأعلى في تاريخ الجامعة. وعند سؤاله عن سر نجاحه في عالم المال والاستثمار، قال إن التفكير المستقل وراء كل نجاح، إضافة إلى تطابق آراء الفرد مع المعلومات المتوافرة أمامه. بعد كل هذا لا تتعجب عندما تعرف أن محمد العريان مرشح الآن لرئاسة البنك الدولي خلفا للفرنسي ستراوس.

إخواني الأفاضل لن أقول لا يصح تسفيه آراء الآخرين و أعلم أن حضراتكم تدركون ذلك و لست بأعلم من أحد من حضراتكم بما يصح و لا يصح و لكن أذكر حضراتكم أنه لم يفعل أحد من مخالفيكم ذلك في موضوع ترشيحكم للشيخ حازم أليس فردا أيضا؟؟ ألستم تريدون مبايعته؟؟؟ ادعوا كما تريدون لمرشحكم و بالتالي فغيركم له نفس الحق في مبايعة من يريد من يبايع الشيخ حازم فليفعل و من يبايع الدكتور البرادعي فليفعل فلا فريق أفضل من فريق أما عن رأيي الخاص فلن أنتخب شخصا سأنتخب برنامج و تخطيط و أهداف و من يوفر لي ذلك سأنتخبه تحياتي للجميع

السلام عليكم ورحمة الله... تعقيباً على ما أورده أخى الفاضل سى السيد فى مقاله الشامل عن (حكومة شرف فى الميزان ) ، أود أن أسجل تقديرى لهذه النظرة الشاملة والمتعمقة لتقويم هذه الحكومة التى مهما تعاطفنا مع رئيسها أو بعض وزرائها المحترمين ، فلا يمكن أن يصل هذا التعاطف إلى درجة الإعجاب بإنجازتها التى كنا نود أن ترتقى إلى مستوى عظمة ثورة 25 يناير ، وكأن الصورة تصور الثورة كعملاق تناطح رأسه السحاب ، بينما يمسك فى يده بحكومة أشبه ( بكيس فلوس أم مجدى بتاعة الجرجير اللى ذكرها سى السيد بطريقته الضاحكة ) . فهناك فارق شاسع بين عظمة الثورة التى إنبهر بها العالم بأسره وبين حكومة متقزمة لاتغنى ولا تسمن من جوع ، والنتيجة الموضوعية لمئة يوم مرت على هذه الحكومة ، هى مايمكن تسميته (بقبض الريح ) . فما زالت كل الملفات عند نقطة الصفر ، وطبعاً لن نستطيع أن نحمل (المجلس العسكرى ) مسئولية تكبيل هذه الحكومة حتى لا نعرض أنفسنا للتهديد والوعيد بالمحاكم العسكرية التى أصبحت تستخدم لترويع كل من تسول له نفسه أن يذكر المجلس العسكرى من قريب أو بعيد ، لذلك سوف نقصر كلامنا على هذه الحكومة التى ساقها حظها العاثر إلى أن تتولى زمام الأمور فى هذه الفترة الحرجة ،فأصابتها الأنيميا وفقر الدم الشديد ، بحيث لايطالعنا أى وزير من وزارئها على شاشات التليفزيون إلا وقد حمل مجموعة من الفّزاعات لترويع هذا الشعب البائس بالويل والثبور وعظائم الأمور ، فأصبحت حكومة تعويق أعمال وليست حكومة تسيير أعمال ، والدليل على ذلك هو أن جميع الملفات الرئيسية التى طالبت الثورة بإنجازها مازالت مجمدة كما هى دون إنجاز حقيقى ، ويكفى أن نشير هنا إلى مجرد عناوين لهذه الملفات ، وعلى من يجد أن هناك أى إنجاز حقيقى فى أى ملف من هذه الملفات أن يخبرنا به . ونصيغ تساؤلاتنا فى ما يتعلق بهذه الملفات فى ما يلى : 1- ملف المكاشفة والمصارحة والشفافية ؟!! 2- ملف الإعلام ؟!! 3- ملف الجامعات ؟!! 4- ملفات الفساد ؟!! 5- ملف الأجور ( حد أدنى وحد أعلى ) ؟!! 6- ملف المجالس المحلية ؟!! 7- الملف الأمنى ؟!! 8- ملف المحاكمات العاجلة والسريعة للمخلوع وعائلته وعصابته ؟!! 9- ملف إنتخابات المحافظين ؟!! تلك بعض الأمثلة التى نذكرها على سبيل المثال لا الحصر ، ونحن نرضى بحكم الشعب الذى يعانى من تجميد هذه الملفات ويدفع ثمناً باهظاً يضاف إلى تاريخ المظالم السابقة التى إستمرت ستين عاماً ، منذ قيام ثورة 23 يوليو ، مروراً بمن أفرزتهم من حُكام طغاة أعادوا مصر إلى العصور الحجرية فى ما قبل التاريخ ، وكان أخر هؤلاء الحكام أسوأهم على الإطلاق ، حيث قام بمعاونة أسوأ تشكليل عصابى بالنهب والسلب والتخريب وتحطيم منظومة القيم الأخلاقية لأعظم حضارة فى التاريخ . . . . يتبع

الحياة إسراء ومعراج ...... سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ

لا حول ولا قوة إلا بالله حتى الدكتور محمد عبدالمقصود الممنوع من قبل أمن الدولة منذ عام 2001 من المنابر وحبيس الإقامة الجبرية في منزله بالمعادي ، والملفق له تهمة محاولة قلب نظام الحكم !! الدكتور محمد عبدالمقصود الذي من كان يذكر أسمه في العهد البائد كان يعتقل مباشرة !! الدكتور محمد عبدالمقصود الذي يدعوا للإنصاف حتى مع مخالفيه !! الدكتور محمد عبدالمقصود الذي كان في ميدان التحرير على كرسي متحرك من أول يوم !! الرجل ينقل مقال مكتوب لفراج إسماعيل ، ثم يعلق عليه بإنتقاد الماسونية فما الجرم إذن هل تريدوا من العلماء أن لا يتكلموا في السياسة مثلا هل هذا يبيح لأحدنا أن يقول "أشبه بقعدة نسوان" علمائنا وأهل الفضل = نسوان سيرة الدكتور محمد عبدالمقصود : هو فضيلة الشيخ محمد بن عبد المقصود بن محمد بن عفيفي وُلد في السادس والعشرين من شهر شعبان لعام 1366الموافق للرابع عشر من شهر يوليو لسنة 1947. بمحافظة المنوفية بمصر. تخرج من كلية الزراعة ثم حصل على درجة الماجستير والدكتوراة من كلية الزراعة جامعة الأزهر. ويعمل الشيخ دكتور مهندس بمعهد البحوث ووقاية النباتات شارك الشيخ في مؤتمرات عديدة منها: مؤتمر مسجد الإيمان بنيويورك. مؤتمر مسجد مدرسة النور بنيوجرسي. مؤتمر مسجد التوحيد بنيوجرسي. مؤتمر الإيانة بواشنطن وقد زار الشيخ بلاد كثيرة للدعوة منها إنجلترا – أمريكا – الإمارات وغيرها من البلاد. بصراحة شئ مؤسف للغاية وهستحضر البيت الشعري الذي أتى به الأخ أيمن من قبل : وعين الرضا عن كل عيب كليلة ... ولكن عين السخط تبدي المساويا

ديما انت حقاني يأخي الشيخ يقرأ مقال وليس هو كاتبه فيعتبر ده مش نقد الشيخ للباشا حمزاوي طيب وماذا لو كان كل هذا الوصف صحيح يبقى ايه الموقف مش يبقى تحذير للناس من فكر الرجل (لانه شخصية عامة) وبعدين راجع اراء سي عمرو وانت تعرف انه لغز كبير وشوف هو اصلا شغال فين ومين بيدعمه الشيخ الذي تتكلم عليه باستهزاء هذا انه الشيخ الجليل محمد عبدالمقصود والرجل كان له مواقف كثيرة من ايام مبارك قبل الثورة بمدة كبيرة وكان له موقف اثناء 25 يناير اثناء ماكان حمزاوي يتنزه في دول اوروبا وأمريكا حضرتك استشهدت بالحديث الشريف والله لو انت مقتنع باسقاطه يبقى انت مخالف له وبتسقطه على غيرك قبل ان تسقطه على نفسك وراجع مواضيعك واضح جدا تحياتي لك

السلام عليكم طبعا الناس كلها فاكرة اني هطلب حسنة قليلة و كده..و طبعا كله كان داخل يشمت..بس أنا ولله الحمد مستورة معايا اليومين دول..رغم اننا في آخر الشهر.. بصراحة أنا نفسي أعمل الموضوع ده من فترة و كنت مستني الدنيا تهدي شوية..عاوزين نعمل هدنة بين الأعضاء هنا..و طبعا بما إني أنا المقترح..فأنا اللي هحط الشروط طبعا.. أنا بس كل اللي طالبه مواجهة كل محاولات التفرقة اللي تحصل اليومين دول من جميع المواقع الاخبارية و التي بحسن نية ننقلها هنا للنقاش و نحن لا نعلم أنها ستأجج مشاعر الكراهية بيننا و بشكل أصبح ملحوظ جدا ولا ينبغي السكوت عليه وعاوز أقول علي حاجة مهمة ملاحظها من فترة طويلة..موقع مثلا زي موقع اليوتيوب..اللي أصبح يحتوي دلوقتي علي مش عارف 4 مليون فيديو و شوية كسور كده..والرقم ده كمان قديم..و أكيد أصبح الرقم الحقيقي دلوقتي أضعافا مضاعفة الموقع ده علي سبيل المثال ممكن تلاقي عليه أي حاجة تخطر علي بالك..و لأنه فيه كل حاجة..فهتلاقي علي ناس من كل جنس و لون.و بيقولوا أي كلام ممكن تتخيله.. يعني أنا مثلا لما أحب أنتقد تيار سياسي معين..ممكن أدور لحد ما ألاقي مقطع معين حتي لو كان من 20 سنة..لواحد ينتمي للتيار ده..و بيقول كلام أهبل..أو كلام جارح..و أقوم جايبه هنا و برضه لو عاوز أنتقد التيار الاسلامي..ممكن أدور لحد ما ألاقي واحد ملتحي..مش مهم طبعا هو عقيدته ايه ولا تفكيره ايه..ولا اللحية دي أساسا مربيها ليه..بس المهم انه ملتحي..و بيقول أي كلام..تهديد بأه..شتيمة...تكفير..أي كلام..و أقوم جايبه هنا بالله عليكم قولولي..لو أنا عملت أي حاجة من اللي فوق دي..هيبقي غرضي ايه؟..يعني هكون عاوز ايه مثلا؟؟ نقاش هادئ مثلا؟؟...طبعا مستحيل يبقي أكيد هكون عاوز - ولأني مختلف مع النوعية اللي جبتها في الفيديو - ان الناس كلها تدخل تشتم في صاحب الفيديو..و من علي شاكلته..و طبعا الناس اللي متفقين مع فكر الراجل الموجود في الفيديو ده..مش هيسكتوا..هيقوموا داخلين تقطيع في الناس التانية..و الأخ ناقل الفيديو اللي هو أنا قاعد طبع مبسوط..و شغال يونيفيرسال إشعال ذاتي..و فرحان ان موضوعي وصل ييجي 10 صفحات..,يااااه...دي الناس دي بتحبني أوي.. ينفع يا اخواننا الكلام ده؟ أنا بس ليا رجاء خاص..المواضيع اللي ما نحسش انها ذات طابع جاد للنقاش..و مش هييجي من وراها غير الخلافات و الشتيمة و وجع القلب..يبقي بلاش منها..اليومين دول علي الأقل لحد ما البلد تستقر شوية..و نبقي ساعتها ياعم نجيبلك ولاعة و جركن بنزين وولع في القسم اللي ما يعجبكش

تابعت ندوة للدكتور والداعية الاسلاميى طارق سويدان وقد عقدها فى ساقية عبد المنعم الصاوى مساء الجمعة الماضية , واحببت ان اطلعكم عليها فقد قال كلاما قيما ورائعا يصحح فيه كثير من المفاهيم المغلوطة عند بعض المتشددين ويرد فيه على كثير من الأمور التى أثيرت الفترة السابقة مثل المفاجاة التى دعى لها الشيخ الحوينى ومطالبته بعودة الرق لتجاوز الازمة الاقتصادية !! ووصى فيها شباب الثورة المصرية بوصايا قيمة جدا . والان أترككم مع تفاصيل الندوء نقلا عن جريدة اليوم السابع : العنوان : (( الحديث عن العودة لنظام "الرق" تخلف.. ومن حق المرأة الترشح لرئاسة الجمهورية.. وحد الردة سياسى وليس دينيا.. وإغلاق مبارك لمعبر رفح خيانة لله ورسوله)) رفض الداعية الدكتور طارق سويدان، الدعاوى التى أطلقها أحد القيادات السلفية والتى جاء فيها أن العودة إلى نظام الرق ينهى الأزمة الاقتصادية التى تمر بها البلاد الآن قائلا: العودة لنظام الرق والاستعباد بحجة الخروج من الأزمات "تخلف"، فروح الإسلام دائما ما كانت تدفع للتخلص من هذا النظام، حتى وإن كان الرق يُستخدم قديما كأساس للاقتصاد فهو لا يجوز فى زماننا هذا، وعلينا أن نحارب ونتصدى لكل من يروج لمثل هذا الكلام حتى نعطى صورة سمحة للإسلام الذى طالما دعا للحرية. وأضاف سويدان خلال اللقاء أنه من حق المرأة الترشح لرئاسة الجمهورية وتقلد كافة المناصب، مشيرا إلى أنه لم يرد فى القرآن ما ينص على تحريم عمل المرأة كقاضية أو مهندسة أو رئيسة دولة على سبيل المثال قائلا: إذا تحدثنا عن المجتمع السعودى وذكرنا أنه لا يجوز عمل المرأة سائقة، فهذا يرجع إلى عادات وتقاليد المجتمع السعودى وليس له أساس من الناحية الدينية. وأضاف: الحرية أن يفعل الإنسان ما يشاء ويقول مايشاء شريطة ألا يؤذى غيره، فإذا انعدمت الحرية انعدم العطاء والإبداع، وأحمد الله أننى عشت حتى رأيت مصر تتحرر من الظلم وتطلق ثورتها العظيمة ونصيحتى لكم أن تظلوا وراء مخلفات النظام السابق وتنزعوه واحدا واحدا فهذه مقدرات الأمة ليس بها تسامح وارفعوا لهم شعار"إن عدتم عدنا". وتابع: الإنسان حر فى عقيدته وعبادته فلا إجبار فى الدين، وحد الردة حد سياسى وليس دينيا فعندما قال الرسول صلى الله عليه وسلم، من بدل دينه فاقتلوه، كان يقصد بذلك اليهود الذين تلاعبوا بالإسلام فى عهده وقالوا سنسلم فى وجه النهار ونرجع عن هذا الدين بالليل، والأصل فى الإسلام هو العفو وليس تطبيق الحدود فما المانع أن نصفح ونعفو عن من يرتكب خطأ، طالما هذا بأيدينا. ولفت سويدان إلى أهمية الحرية فى التعددية السياسية قائلا: يجوز أن نسمح لليهود والنصارى وحتى الملحدين أن يؤسسوا أحزابا سياسية تعبر عنهم داخل أى بلد إسلامى، ولو طبقنا الشريعة الإسلامية الحقة التى تنص فى جوهرها على التسامح والإخاء فى مصر لعاش الأقباط واليهود فى رفاهية وحرية، ومن حق المسيحى أن يدعو لدينه داخل الدولة الإسلامية ومن أخطاء المسلمين أنهم يريدون الحرية لهم ويقيدونها على الآخرين. وشدد سويدان على ضرورة أن يتضمن الدستور المصرى الجديد، بند خاص بحق المواطنين فى التظاهر والتجمهر طالما أن هذا يتم بطرق سلمية مشروعة، متحدثا: شهداء ثورة 25 يناير قائلا: من مات فى تلك الثورة ليس شهيدا بل سيد الشهداء ، وهؤلاء الذين يروجون أن تلك المظاهرات حرام شرعا فهم السبب فى تكريس فكرة أن الدين أفيون الشعوب، كنت من أوائل الذين أيدوا الثورة قبل أن تنتصر لأن الله سبحانه وتعالى لم يقبل يوما بالظلم وشعرت بالحرية التى تنعمون فيها منذ دخولى المطار فقديما كنت أخشى عليكم من كلماتى حين نلتقى أما الآن فكل شئ تغير تماما وستعود مصر من جديد أساس الحضارة الإسلامية، ورفض سويدان كافة أشكال التعاون مع إسرائيل، قائلا إن إغلاق حكومة مبارك لمعبر رفح هو تعاون واضح مع إسرائيل وهذه خيانة لله ورسوله. هنا انتهى كلام الدكتور طارق سويدان وأقتبس منه جملا أراها الأروع فى الندوة : (( شهداء ثورة 25 يناير قائلا: من مات فى تلك الثورة ليس شهيدا بل سيد الشهداء)) (( وأحمد الله أننى عشت حتى رأيت مصر تتحرر من الظلم وتطلق ثورتها العظيمة ونصيحتى لكم أن تظلوا وراء مخلفات النظام السابق وتنزعوه واحدا واحدا فهذه مقدرات الأمة ليس بها تسامح وارفعوا لهم شعار"إن عدتم عدنا))

الشاعر عبد الرحمن يوسف حرق دم عمرو اديب و صاحبة بصراحة فرحان فيهم http://www.youtube.com/watch?v=dUjwkOE1KH4

هو أي حد والسلام ؟؟ الموضوع كان عن مين أصلا ؟؟

سبحان الله هذا كلام عبد الرحمن يوسف - اتهم التنيار السلفي بأنه مصري سعودي في الصباح - واتهمه عمرو أديب بأنه مصري قطري في المساء كما تدين تدان

ساعات بتكون الحياة كده واقف واخد جنب ومش قادر تشارك اللي حواليك في الايقاع

فقط سؤال هل يجرؤ عمرو اديب ان يقدم عمرو حمزواي على انه الماني الجنسيه ؛ مع العلم ان احمزاوي تنازل عن الجنسية المصرية مقابل ان يحصل علي الجنسيه الالمانيه ثم قام بالتزوير واستعاد الجنسيه المصريه ؛ رغم حظر القانون الالماني لازدواج الجنسية ؛؛؛ السؤال الذي اريد ان اقوله هل يستطيع عمرو اديب ان يقدم حمزاوي على انه الماني/ مصري

و الله أنا اللي اتحرق دمي ده طرده بمنتهى الوقاحة فين اللي اتحرق دمه ده الأستاذ عبد الرحمن فعلا ما شاء الله سريع البديهة ولو كان استمر في اللقاء كانوا طبعا حيتطرقوا لانتمائه لدولة قطر بخبث التقرير معمول بطريقة السم في العسل و طريقة تقديمه كانت بمنتهى الخبث ألوم عليه أنه اعطاهم فرصة للأخذ و الرد و لكنه عنصر المفاجأة طبعا وأحييه جدا أنه لم يقبل بطمس مصريته و أدرك الفخ الذي نُصب له

المصدر

هو ده اللى انا عايزة اقوله.. فيه ناس حرام نحسبها على المصريين ونقول انهم منهم...سرقونا بكل افترى وحتى اللى سرقوه هربوه ..وياعالم حايرجع امتى؟؟ وفيه ناس ...عندها ايثار وانتماء كمصريين حتى لو لم يترعرعوا على ضفاف النيل ويتغنوا بجماله....!! وعلى فكرة ...فيه كتير زى دكتور العريان بس يظهر من كتر اللى بنشوفه ونسمعه كل يوم عن فساد يزكم الانوف . لم نقف وتفكر او نلقى الضوء على كل هؤلاء النجوم الحقيقيين. لسا فيه خير. وان شاء الله ربنا حاينصرنا على كل كارهى هذا البلد وسارقيه و...محتليه. كان فعلا احتلال بكل ما تحتويه الكلمة من معانى . ويارب حبب أهل مصر ف مصر . يارب احمى مصر وشعبها .

أنا ما زلت عند رأيي لم تكن هناك ثورة لنقارن أداء حكومة عصام شرف بأداء أي حكومة ثورية ما حدث هو تغيير في أشخاص النظام فقط لكن نفس السياسة هي هي لم تتغير نرجع بقي للرد علي كلام سي السيد و ناخدها واحدة واحدة إنت عارف 3 مليار دولار يعني إيه ؟ يعني 10 % تقريباً من ديون مصر من ساعة ما أتخلقنا ... يعني في تاريخنا وجغرافيتنا نستلف 35 مليار ونيجي في شهر بس نستلف 3 مليار وده جزء من الـ 12 اللي مقدمين عليهم يا باشا حضرتك برضه بتتكلم في كام و مش راضي تبص للشروط بتاعة القرض اللي تقريبا بتخليه زي القرض الحسن الحاجة اللي حضرتك مش واخد بالك منها يا ريت تبص علي الميزانية بتاعة السنة الجديدة اللي لسه هتعتمد من المجلس العسكري عارف فيها عجز كام تقريبا مائة مليار جنية طبعا انت فاكر انك قريت الرقم غلط لا يا سيدي الرقم صح مائة مليار جنية يبقي الراجل الغلبان اللي متدبس في الوزارة ده هيجيب منين يا أخي أنا راضي ضميرك ... لو كمية الناس اللي حضرتك شوفتهم بعينك على كوبري قصر النيل وكانوا في الطليعة وأنضربوا وأتصابوا إصابات مباشرة ... لو سعادتك عرفت إن لسه منهم ناس كتيرة .. وكتيرة جداً مرمين رمية الـ .... في المستشفيات بإصابات مختلفة .... ولسه بعد 5 شهور الحكومة بتفكر إنها تعمل لجنة للمصابين .. وتعمل إتفاقيات مع روسيا والنمسا عشان تسفر ناس بره تتعالج .. كل دي خطط يا بيه الناس اللي بتتكلم عليها ده كانت بتتعالج في مستشفيات مصرية ولا مرمية في الشارع هو العلاج ما يبقاش علاج الا لو كان بره بطلوا بقي عقد الخواجة دي يا بيه المجلس العسكري والحكومة قالت إن أخر الأخر لهم هايبقى مع نهاية السنة يبقى مشروعات قومية إيه اللي هايتكلموا عليها ومين هايعمل مشروعات قومية في بلد الشرطة فيها بتتدلع ؟ إزاي مش فاهم حكومة جايه 6 شهور وتتكلم عن مشروعات لسنوات طويلة .. ما خدتش بالك من المشروع القومي للإسكان اللي هايتكلف 10 مليار جنيه معلش انا اصلي كنت فاكر ان مصر دي دولة مؤسسات مش فرن عيش بلدي أي دولة محترمة ما بتغيرش مشروعاتها القومية بتغيير الرئيس او رئيس الوزراء يعني موضوع وزارة تسيير الاعمال دي شماعة مش أكثر حتي لو عصام شرف اتغير بعد كام شهر ده معناه ان البلد دلوقتي توقف علشان مستنية رئيس جديد يا عم طيب قول كلام معقول يا راجل يا مؤمن إعمل قانون للإيجارات القديمة وخلي الناس اللي عندها شقة وإتنين وعشرة تفتحهم وتأجرهم بدل ما هي مقفولة والفيران بتجري فيها وبعدين إعمل مشاريع إسكان قومية يا عم الحج قانون ايه ده اللي يتعمل في دولة مفيهاش مجلس شعب هو القانون ده بيتعمل في المطبخ ولا تحت بير السلم ارجوك ما تظلمش الراجل و خليك حقاني إحنا عاوزين مشاريع إنتاج ... إنتاج .... أقسم بالله لو سمعت عصام شرف بكره بيقول إننا قررنا خلال شهر نعمل مصانع لإنتاج فوانيس رمضان عشان ما بستوردهاش من الصين بمليارات والله هافرح .... انا موافق علي الجزء ده تماما إيه هي والنبي الإنجازات طمنني أصلي كنت مسافر بره البورصة اللي واقفة علي رجليها في الظروف السودا اللي احنا فيها ده ما تبقاش انجاز الاستثمارات القطرية والكويتية و السعودية اللي هتدخل البلد بالمليارات ده مش انجاز ارجاع العلاقات مع الدول الافريقية ده مش انجاز الثروات دي هي كل مصر اللي إتنهبت في 30 سنة الثروات هي طريق مصر إسكندرية اللي إتباع حضرتك المتر بـ 200 ج وفي نفس القاعدة الهوامير باعوه بمليارات ( جولف السليمانية .... الريف الأوروبي ... البشوات .... كل الأراضي اللي حوالين القرية الذكية ونقلوا عشانها البوابة لمسافة 30 كيلوم متر عشان يبيعوا الأراضي دي بمليارات بعد ما ولعت ) الثروات هي الساحل الشمال اللي إتباع المتر بجنيه واحد .... يعن ثمن قرص طعمية ومن غير سمسم كمان الثروات هي جميع شركات الأسمنت الي إترمت بأقل من حمولة تريلا من الأسمنت لأسبانيا والبرتغال وفرنسا .. ونعرف بعد كده إن أوروبا كلها منعت وجود الصناعات الملوثة للبيئة لإن عندها المساحات محدودة وما فيش عندها صحرا زي عندنا هاعيد اللي قلته تاني الحاجات دي محتاجة حكم من القضاء علشان تتصادر او حتي علشان يتم تقييم اصولها زي ما حصل مع عمر أفندي الحكاية مش خناقة و الراجل يطلع في التليفزيون يقلنا أممنا شركة كذا ولا شركة كذا معاك حق . هو فعلاً رجل .. وفرد إيه ده ... وهو مهاتير محمد ومحمد بن راشد أل مكتوم .. وأردوغان ... كانوا أشاكيف ولا أفراد برضوا الناس دي ظروف بلادها مختلفة عن مصر خصوصا في الوقت اللي احنا فيه وقلي علي حد فيهم عمل دولة في 100 يوم كل واحد فيهم أخد سنين عقبال ما بدأ يقول ان عندي دولة

سبحان الله هناك من امتدت يداه لنهب اموال مصر وشعبها وهناك من امتدت يداه لتمويل الخزانة المصرية بملاين الدولارات من حر ماله لدعم مصر واقتصادها بعد الثورة بوركت يا دكتور محمد العريان وانت فعلا نموذج لنا كمصرين فى الإيثار وحب الوطن ونعلم أن امثالك كثر فى الشعب المصرى ولكن للاسف لا ياخذون فرصتهم

مسجد قبة الصخرة المسجد الاقصي

طيب خلينى اسال حضرتك سؤال صغير هل لو كان المقدم الى قاعد قدام عبدالرحمن يوسف شخص اخر اسمه سين او صاد اى شخص بخلاف عمرو اديب هل كان موقف حضرتك من الى عمله الضيف كان هيكون هو هو يعنى حضرتك شايف ان اسلوبه لائق و لا يتسم لا بغرور و لا بالاستفزاز و انه لم يستخدم اسلوب غير مقبول فى الاعتراض حتى و ان كان له بعض الحق فى هذا الاعتراض بغض النظر مين الى بيحاوره و لا لمجرد انه عمرو اديب استاذى الفاضل بغض النظر عن تحفظات ليا على عمرو اديب لكن دا ميمنعش ان الحق معاه تماما فى الموضوع دا الضيف هو من لم يتحلى بلياقه الضيافه و لا باداب الاعتراض و مينفعش نفرح بالى عمله علشان بس عمله فى عمرو اديب او اى اسم تانى انا مش بستلطفه الى عمله عيب لانه كان ممكن يوصل اعتراضه بشكل افضل و ارقى بكتير من كدا و كان ممكن على الاقل انه يحاول يخفى عنجهيته بشكل افضل تحياتى

السلام عليكم ورحمة الله وبركاته تحياتى اولا للاخ سى السيد على اثارة هذا الموضوع الهام وفيما يخص الموضوع أقول : حكومة الدكتور شرف تدير الامور بطريقة كلاسيكية ولا تتناسب ابدا مع حكومة ثورة لو ان حكومة الدكتور شرف جاءت قبل ثورة 25 يناير ( اى فى الظروف الطبيعية ) كنا سنحتفل بها أشد الاحتفال لكن ولأنها حكومة ثورة نستطيع أن نقول انها لم تكن ابدا على مستوى الطموحات فكنا ننتظر قرارات ثورية بحق كما حدث فى كل الحكومات التى جاءت بعد أى ثورة فى العالم بما يحقق اهداف الثورة بالله عليكم كيف تكون حكومة اختارها الشعب وجاءت من ميدان التحرير وبشرعية الثورة ( اى أن الشعب يدعمها ويقف وراء ظهرها مساندا ) ثم نراها مترددة ومتخوفة فى اتخاذ القرارات وتفضل الحلول السهلة والمسكنات حتى لا تثير لنفسها المشاكل , وهذا النهج لا يليق ابدا بحكومة ثورة عقدنا عليها الامال فلو كنا راضين عن اسلوب ادارة مصر ما قبل ثورة 25 يناير والطريقة الكلاسيكية التى كانت تدار بها الامور ما كان شعب مصر ليقوم بهذه الثورة ولكن ان تقوم الثورة ونجد حكومة الثورة تسير تقريبا بنفس اسلوب حكومة نظيف ومن سبقوها فى ادارة مصر فهذا شىء محبط وكما سردت الاخت فلانة العديد من الامور الحساسة المعلقة التى لم تعالجها حكومة الثورة احب ان اضيف لها نقاط اخرى : هل قامت حكومة الثورة يتطهير واعادة هيكلة جهاز الشرطة والتخلص من بعض القيادات التى اذلت المواطن المصرى فى وزارة الداخلية كما يامل المواطن المصرى ؟؟ وهل اصلاح الداخلية يكون بتغير مسميات الأجهزة وشراء سيارات جديدة !! ؟؟ كنا ننتظر ان نرى تجربة لاصلاح الشرطة كما راينا فى دولة مثل جورجيا مثلا والتى بعد ان انتهت ثورتها , اعلنت حكومة الثورة عن حل شرطة المرور بالكامل وقامت باقالة 50 الف رجل شرطة تورط خلال عمله فى اعمال فساد وانتهاك لحقوق المواطنين وقامت باحلال شباب جدد مكانهم وهكذا . هل قامت حكومة الثورة بتعديل اسعار الغاز الطبيعي المصرى المصدر للخارج , والذى يباع بأبخس الأسعار وهو ما فيه من هدر للموارد الطبيبعية المصرية( المحدودة أصلا ) واهدار لحقوق الاجيال القادمة ( كل ما نراه فى هذا الشأن هو قيام الحكومة باصلاح انبوب الغاز كلما قام احدهم بتفجيره على حساب الدولة المصرية ثم اعادة ضخ الغاز مرة أخرى !!) ؟ . هل قامت حكومة الدكتور شرف برفع قانون الطوارىء ؟؟ . وغيره من الاسئلة نحن لا نريد حكومة ثورة لكى تقوم ببناء مساكن وعمل صرف صحي وتعبيد طرق وانشاء قصر ثقافة وتجديد كنيسةاو مسجد ........ الخ !!! هذه أعمال اى حكومة قبل الثورة كانت تقوم بها ولكن حكومة الثورة كنا ننتظر منها التطرق للامور التى تسببت فى غضب المواطن المصرى وقيامه بالثورة نامل ان يتحسن الوضع فى الايام القادمة

دكتور أيمن أولا بأرحب بحضرتك معانا هنا و لو إنها متأخرة شوية بالنسبة لحكاية السيطرة دي فمش صح أكيد لأن المحاورات مفتوحة لجميع التيارات الفكرية و الأعضاء المنتمين للفكر السلفي معانا هنا من زمان و من قبل الثورة و كان و لا زال ليهم مواضيع و مناقشات هنا كون حضرتك ملاحظ نشاطهم الكبير ما شاء الله فده مش بسبب سيطرتهم على الموقع ده بسبب إن التيارات الباقية توقفوا تماما عن التحاور و مش الحل إني أخرس أصوات السلفيين و نقعد كلنا نترحم على المحاورات و نقول هي فين المحاورات التحاور محتاج ناس و محتاج تيارات مختلفة يتحاوروا مع بعضيهم حتى لو كانوا مختلفين فبينهم ود طاقتي الفكرية استغلها في عرض أفكاري و ما أؤمن به مش إني أشد الهمة عشان أثبت خطأ من يخالفونني ده إهدار طاقة همة بيعرضوا فكرهم و غيرهم يعرض فكره و قد نصل بالتحاور لنقاط اتفاق تعيننا على الحياة المشتركة معا كمصريين تجمعنا بلد واحدة حضرتك مثلا جديد معانا هنا ليه ما تطرحش فكر حضرتك في موضوعات نتناقش حولها؟؟؟ المحاورات تتسع للجميع

السلام عليكم الإخوه الكرام جزاكم الله خيرا ozoozo و س س و ايمن كان يمكنكم اولا السؤال عن الشيخ و معرفه منهجه و تاريخه قبل ان تورطوا انفسكم فى التهكم عليه بهذا الشكل المخزى الذى لا ينم الا عن جهل شديد بالرجل و علمه و فكره و منهجه و حسب الرجل ان يزيد ميزان حسناته بهذا التطاول منكم و من غيركم عليه و اخيرا و من باب الذكرى التى تنفع المؤمنين صدق رسول الله صلى الله عليه و سلم

كان الهدف من موضوعي من البداية هو أن الناس لما تنقل حديث لازم تقول مصدره وصحته لأننا كناس عادية أو كعوام - بالنسبة للعلماء- كنا بنقول الحديث علي طول لا كان قصدي أني أنتقص من قدر مصر ولا حاجة سؤال لو أنا نقلت الحديث بتاع مصر ده وعلمته لواحد وخده زي ماهو ونقله لأهل بيته وعياله وجيرانه وفضل ينتشر لحد ما الناس مش مصدقة أنه حديث باطل رحت انا مت ودخلت القبر وخلاص داخل الجنة اهو وعند الميزان جه الحديث ده حديث الْمُغِيرَةِ قال سمعتُ النبيَّ صلى الله عليه وسلم يقول: (إِنَّ كذِبًا عليّ ليس ككذِبٍ على أحدٍ، مَن كَذَبَ عليَّ مُتعمِّدًا فَلْيَتَبَوَّأْ مَقْعَدَهُ منَ النار) متفق عليه تفتكروا ساعتها مصر هتنفعني ولا كل بلاد العالم ولا أهلي ولا حتي إبني ؟؟ قال تعالى في سورة عبس((يوم يفر المرء من أخيه 34} وأمه و أبيه{35} وصاحبته وبنيه {36})) يا جماعة مالكم كيف تحكمون ؟؟؟!!!!!

الفاضل ozoozo لا داعي للهجة السخرية يا أخي ، ولا داعي للإنسياق وراء أن من رفض دعوة يوم 27 مايو يعتبر أن المجلس العسكري ملاك منزل من السماء لابد أن نعطي الأمور حقها لنستطيع تمييز المواقف دعوة 27 مايو لابد أن تعلم أسبابها وما دعت إليه ، لتستطيع تفسير الموقف المقابل لها أما رفض إستقالة يحيى الجمل فهو أمر من وجهة نظري يستحق النقد (النقد فقط) ، فإن كنت لا ترى ذلك فهذا حقك ولكن دون لهجة سخرية تحياتي...

اضافة يأستاذ طارق الديمقراطية هتجيب تحكيم الشرع يبقة إسمها ديكتاتورية الأغلبية http://www.youtube.com/watch?v=e_20IeVMhAY مقال أحادي النظرة كعادتهم (ما أريكم إلا ما أرى وماأهديكم إلا سبيل الرشارد )

كل يوم بنشوف ديمقراطية من نوع جديد وغريب ديمقراطية الانقلاب على استفتاء ديمقراطي بدرجة امتياز ديمقراطية التأجيل علشان مش مستعد وهم مستعدون ديمقراطية الوصاية على الشعب اللي مش عارف مصلحته ومش واثقين في اختياره ديمقراطية التزكية وادخل لوحدك علشان تتطلع الأول ديمقراطية منع الشعب من الاختيار ما بين مرشحين ديمقراطية العجب والعجاب

كنت اتمنى ان يكون ردى معة عدة نقاط خضراء لكن ماباليد حيلة نقطة واحدة وكنتى تستحقين بهذة المداخلة مأة نقطة خضراء ياسيدتى ما يحدث من مواضيع هنا تناقش أحداث ليست مهمة وما ينبغى لنا التحاور بها لانها لاتفيد وتجعل الشقاق مستحب والخلاف يذيد على العموم ربنا يهدى سيدتى لتعلم كل سيدات العالم الاسلامى ان مجتمعنا الاسلامى يحترم المرأة وكرمها الله اكبر تكريم فهى الحنان المتدفق والام والاخت والزوجة واوصانا الرسول (ص) بها فكرمها بتشريع الحجاب كما علمة ربة فكانت المرأة فى الاسلام عفيفة ووطاهرة وفى قبلة متبرجة وغير أمنة على نفسها وليعلم اعداء الاسلام جيدآ ان الدولة الاسلامية من اهم مصائبها هو اهمال دور المرأة وتهميشها وتجهيلها عمدآ من قوى الجهل والضلال الذين يحكمون بلاد المسلمين وياتى على الاسلام ودولة وممالكة تغيير الان نابع من الداخل لتغيير كل شيء بما فية دور المرأة المسلمة بالنهوض بالوطن الاسلامى عن طريق العلم والبناء فالقادم ان شاء الله خيرآ للجميع وعلى رأسهم المرأة المسلمة من تعليم وثقافة وتقدم

مهمة الجمل الحالية هي اعادة تدوير قاذورات نظام مبارك واخراجها بشكل جديد فاي ملف قد ادارة عمل علي اعادة تعيين فلول نظام مبارك من جديد بداية من المحافظين الي الصحافة الي فتحي سرور اللي قال عليه (مش هيتحاكم عشان صحبي!) الي المجلس القومي لحقوق الانسان الذي ملائة بفلول واتباع النظام مبارك اتى بهذا الرجل قبل ان يترك الحكم وهو كان يدور علي جميع الفضائيات ليبكي علي الرئيس ويتمني ان يتركه الثوار حتى تنتهي مدتة

الف الف مبروك لانفواييير الواحد بجد كان مضايق على عدم معرفة اخبارة يارب يكون الكلام دا صحيح ويجى ونباركلة كلنا علشان يبقى ختامها مسك ان شاء اللة الف مبروك لانفوايير ولكل الناس اللى نجحت وماننساش اللى ربنا ماوفقهومش وبلاش نقول انهم فشلوا خالص الكلمة دى ياريت تتلغى من القاموس لان اللة لايعرف روح الفشل احنا نقولهم ربنا اكيد شايف ليكم طريق افضل او ربنا مرتبلهم وقت غير دا يكون فية مصلحة ليهم ويكون افضل من الوقت دا وعن تجربة شخصية حصلت معايا بينتلى اد اية بيكون لينا رأى وتفكير لكن ارادة ربنا لازم بتغلب فى الاخر بس مش وقتة ولا مكانة انى احكيها يارب تسمح الظروف انى احكيهالكم بعدين علشان الكل يعرف ان ارادة ربنا وتدبيرة بيفوق ارادة وتدبير عقول البشر كلها مهما كنت ذكى او شاطر ياجماعة اللى محتاج مننا دلوقت دعم هما اللى ربنا ما ارادش انهم ياخدوا السى اس كيو اللى نجح ربنا وفقة وكلنا قولنالة مبروك لكن الافضل والاهم اننا نقف جنب الناس اللى ماعدوش المقابلة هما دول الاولى انا بقولهم مش معنى كدا انكم اقل من حد بالعكس انتو عملتوا اللى عليكم بس دى ارادة ربنا حاولوا وماتيئسوش رتبوا نفسكم من الاول وشوفوا الغلط كان فين وان شاء اللة انا متاكد ان المرة اللى جاية هاتعملوها الانكسار وحش والمفروض لما نقع نقوم تانى ومانستسلمش نقول يارب لتكن مشيئتك قبل ارادتى انا وثقوا ان ربنا بيتصرف بحكمة لايفهما البشر مهما كانوا انا اسف انى بطول فى مداخلاتى بس دا واجب عليا للناس دى ولازم كلنا نقف معاهم ربنا يرتبلكم حياتكم وتكون تجربة تفيد ماتكسرش هانى

مساء الخير لكل الناس اللى هنا انا الاول ياجماعة متأسف جدا لانى حاسس انى مقصر مع اخواتى اللى هنا بس ربنا يعلم غصب عنى انتوا بس صلولى انا ببارك لكل الناس اللى نجحت فى الميشن دا ويارب يكمل على خير وبقول لكل اللى ربنا ماوفقهومش معلش ربنا عاوز كدا وارادة ربنا فوق ارادتنا واللى شايفة هو يكون افضل لينا ان شاء اللة الميشن دا يخلص على خير ونظبط نفسنا للميشن الجديد وان شاء اللة ليستة الدكتورة جيجى يكون وشها حلو لليستة الجديدة اللى ان شاء اللة هاتتعرف فى ظرف اسابيع بس ليا رجاء اخوى ياريت الكل يتقبلوا بصدر رحب يارييييييييييييييييييت فى الفترة اللى جاية وبداية ميشن جديد الكل يحب بعض ويخلص لبعض لان دا هو اساس النجاح والنجاح فعلا انك تساعد وتشوف نتيجة مساعدتك دى سواء رأى تفيد بية او مساعدة معنوية وتشجيع المهم يكون قلبنا على بعض علشان كلنا فى مركب واحدة وياريت اللى حصل الفترة اللى فاتت مايتكررش تانى لان هدفنا هنا واحد وهو الهجرة وانهاردة علينا بكرة لينا ولازم نتأكد من حاجة مهمة جدا على اد ماهانساعد على اد ماربنا هايساعدنا ومستحيل تعمل خير ربنا يردة حاجة تانية معلش طولت عليكو بكلامى لكن دا رجاء محبة ويارب الكل يسمعة ونحس بروح المحبة هنا اكتر ماهى موجودة ربنا يوفق الكل ويحقق لكل واحد امنيتة وطلبة اعزرونى لان مشاركاتى قليلة وصلولى ان ربنا يعدى الايام دى على خير هانى

اللهم اجعل وفاتي في صلاتي * بين سجدة وتسبيح وركوع واجعل آخـر كلامي في حياتي * قول الشهادة في خشوع

السلام عليكم و رحمة الله و بركاته عارف استاذي العطار هو احنا مش محتاجين هدنة لان فعلا تسارع الاحداث حوالينا مخلينا زي الايقونة اللي حضرتك حاططها دي....حد بيمسك الدريكسيون لاول مرة في حياته و مبسوط و مزقطط و لازق رجله علي البنزين و دايس و مش راضي يسال نفسه انا رايح فين هو السؤال اللي بساله لنفسي من ساعة ما رجعت الممنتدي و طبعا بتصفح عناوين التوبيكات في البداية....يا تلاقي العنوان مستفز و تقدر من غير ما تخشه تحدد الخناقة هتبقي في صفحة كام و بين مين و مين يا تلاقي اصلا توبيكات نازلة مطرة في اتجاه معين....لدرجة اني قولت لنفسي يا ربي هو الناس بتبقي مجهزة التوبيك من قبل و لما بتحطه دلوقتي و لا ايه انا رايي المتواضع جدا و مقدرشي افرضه علي حد اللي ليه شوق في حاجة يعملها مافيش داعي نفضل نسلخ في بعض كده اللي مش واخدين بالنا منه ان نيجي ندافع عن الللي احنا مؤمنين بيه لما بنتحمق زيادة عن اللزوم الناس اللي زيي اللي لسه بتكون فكرة....تلاقيها اصلا كرهت المبدا علي اللي قاله عللي اللي يتشدد له لاني بحس اني بلبس في الحيط مش عارفة اطلع من الحوار و حرب اليوتيوبات دي باي خلاصة ببساطة نسال نفسنا ايه التوبيك اللي انا عايز اتحاور فيه احط ليه....3 كلمات رئيسية عشان توضح الدنيا في دماغي و ابني عليها عرضي و تحليلي و اتدرج مع الناس في الحوار و الله هنتغير كتير و ده اللي محتاجينه دلوقتي بس ناخد نفسنا و نسال نفسنا قبل ما نكبس علي الزرار انا بحط ده ليه؟؟؟ و دي وجهة نظري مساك.......هدنة و استرخاء و روقان بال و بيب بيب...(وش الراجل بتاع الايقونة و هو حاطط ايده علي الكلكس)

بمناسبه الهدنه والبعد عن التوتر والعصبيه قرات دلوقتي نكته علي مصراوي بيؤلك بمناسبه جوالديموقراطيه والحريه اللي احنا عايشينها الايام دي تحبوا رمضان يجي الاول ولا العيد الاول

السلام عليكم و رحمة الله و بركاته بحاول افهم هو حضراتكم بتناقشوا ايه بالظبط هل بتناقشوا المذيعة المحجبة تطلع في التلفزيون و لا لا....و متهيالي دي اتحسمت بالقضاء ان ليها الحق تطلع و لا بتناقشوا بعض اراء الجماعات الاسلامية...طب من منطلق ايه...هل من منطلق ان احنا نتصيد ليهم خطا و نقول امسك اهم كمان هيخنقوا علينا في التلفزيون (مع احترامي الشديد لاي من زملائي الافاضل هنا)..يقوم الناس التانيين يخشوا علي الاسلاميين و تقوم حريقة و لا برضه بناقش بعض من اراء الجماعة الاسلامية من باب التلميع الدعائي...لكن الفكرة ان ارائهم دي معروفة من زمان و مافيهاش جديد...و اصلا اي شيخ في زاوية صغيرة في كفر محدش يسمع بيه لما اي واحدة بتخش تكلمه تلقائي بتحط علي راسها ايشارب و لا بنقارن بين الجماعة الاسلامية و الليبرالين....و نرجع نقول تاني اللي مقتنع بحاجة مش راح يغيرها....اللي شايف ده ابيض و التاني اسود عمره ما هيغير عينيه و لا هيغير الالوان و لابنعمل ايه بالظبط؟؟؟ بحاول افهم و شكرا جزيلا

الكلام التقيل بقى المفروض إن كل واحد من الأيفونيين الأحرار كل ما ييجي يشبك أيفونه اليومين دول ببرنامج الأيتونز تطلع له رسالة تقول له " لازم ترقي نظام التشغيل إلى 4.3.3 وهو متاح عبر الأيتونز " وده أحدث ترقية لنظام تشغل ايفون وبصراحة حاجه محترمة وهاتحس بفرق في أداء الجهاز لما تنزله خصوصاً أستهلاك البطارية اللي بتخليها تقعد معاك وقت أطول وكمان البلوتوث والحركات دي .. بإختصار ... لما تيجي تنزل النظام ده هاتطلع لك رسالة فيها إختيارين 1- Download & Upgrade وإوعى حد يختار الأوبشن ده لإنه هايضطر يشبك الأيفون بجهاز الكمبيوتر طوال فترة التحميل .. ولما تعرف بقى إن نظام التشغل ده حجمة 600 ميجا .. والنت عندك مش سريع قوي .. يعني كل سنة وإنت طيب محتاج 6 ساعات ولا حاجه والناس عمالة ترن عليك وإنت مش عارف تستخدم جهازك 2- Download Only هو ده ... إختار الأوبشن ده وسيب الجهاز ثواني يعمل عملية تزامن لحد ما يبدأ التحميل ... وافضل الأيفون من الكبل وأستخدمه عادي .. وسيب الأيتونز يحمل براحته .. ولما يخلص بمزاجه وتيجي تشبك الأيفون هايقول لك سيبني شوية انقل لك برنامج التحديث لجهازك .. ومش هاياخد إلا دقايق وهاتلاقي النظام الجديد اللي عندك بقى على أيفونك وكله تمام بعد كده نيجي للشغل التقيل كل واحد يدخل على اللنك ده .. ولو ما فهمش حاجه يبقى يستفسر مني الرباط الخاص بي المصطلحات ممكن تخص وتحس إنها مكلكعه وعاوزه أحمد زويل يفك طلاسمها .. لكن أهم حاجه ركز على : 1- حمل برنامج إسمه Redsnow على جهازك .. أظن دي سهله ...وتشبك ايفونك على الجهاز .. وروح على مكان البرنامج بتاع التلج الأحمر ده وأعمل دبل كليك .. هايفتح معاك شاشة تشرح لك إزاي تعمل جيل بريك وهي خطورة تعتمد على خفة الإيد .. بمعنى إن إزاي تقدر تدوس على زراري الهوم " اللي هو تحت في منتصف الأيفون " والـ " باور " البتاع الل فوق وبتقفل وتفتح منه ... عشان تخلي جهازك يقبل الجيل بريك سهله والله بس حاولوا مرة وإتنين مش هاتخسروا حاجه وعايزكم برضوا تقرأوا الموضوع ده مفيد جداً جداً الرباط الخاص بي أهم ما في الموضوع .. لو مش عندك إنترنت واي فاي .. يبقى كإنك يا ابو زيد لا روحت ولا جيت

من ناحية الحرام والحلال . أنا ما أقدرش أفتي لكن هاوضح لك أنا باعمل إيه طبعاً في بداية إستخدامي للأيفون كنت .... بطيخة ... وقرعه كمان ... ويادوب أدوس أخضر أرد على المكالمة .. وأحمر أكنسل أو أقفل .. وساعات كان يبقى مزاجي رايق قوي فكنت أغامر وابعت رسايل يعني دافع الاف الدنانير عشان أقول ألو أو نو أو سين سين في الحمام نقول له مين يافندم ... وكل ما أحتاج برنامج .. الاقي عم أيتيونز يقول لي إشتري بالدورارات يا حلو وبما إن شركة أبل شركة غلسة وتحس إن صاحبها حلاق وتلم ... فهي مش بتنزل أوبشنز كتيرة فري مع الجهاز تحس إن واحد مقدم لك كوباية شاي فاضية .. وإنت عليك تشتري المية السخنة والسكر وفتلة الشاي وتجيب حد يشربها لك كمان .. إسمع بقى النكتة دي ... حبايبنا الدمايطة معروف إنهم شطار قوي ههههههههه فواحد دمياطي خبط على جاره باليلل في عز الناس ما هي نايمة وقال له : لو سمحت يا حج .. ممكن تسلفني لمونه ؟ راح مديله لمونة خمس دقايق راح مخبط عليه تاني : ممكن شوية سُكر يا حج راح مديلة معلقتين سكر خمس دقايق تانيين : وقال له .. مالاقيش عندك شوية مية ساقعيين وحتتين تلج ... فالراجل أنفجر فيه وقال له : يعني لما خبطت عليه في أول مره وصحيتني من أحلاها نومة .. ما قولتليش ليه لو سمحت إديني كوباية لموناته ؟ .. فقال له بكل برود : وهو حد جاب سيرة الللموناتة ؟ المهم لحد ما ربنا هداني لموضوع الجيل بريك وكنت شايف زمايلي من الأيفونيين الأحرار مركبينه .. بس كنت خايف أحسن أقايس وأنزله أنا كمان يروح مفرقع في وشي أو يتحول إلى عشة فراخ فقلت هي موته ولا أكتر .. وفعلاً نزلت الجيل بريك وهو عبارة عن كسر السجن اللي بتعيشك فيه شركة التفاحة وخلي بالك عاوز اوضح حاجة .... الجيل بريك لما بينزل بيبقى منقسم لجزئين : 1- برنامج إسمه Installous وده عبارة عن صياد بيصيد البرامج اللي موجودة في الايتيونز مجاناً وإنت مجرد بتنزل البرامج دي من خلاله 2- برنامج إسمه Cydia .. وده فيه اللعب والحركات والشعوذة كلها وعاوز مرحلة متقدمة - في العمر - في فهم التعامل مع الأيفونز ... لإنه بيعتمد على وجود " هاكات " أو نقول برامج في عيال عفاريت متخصصة عاملينها بنفسهم ومتجربة وتمام التمام إنت بتاخد الهاك ده وبتبرمج به الأيفون .. ما تخافش الموضوع صعب في أولة لكن بعد كده بيبقى مهلبية بالقشطة ... على سبيل المثال .. في هاك إسمه " Big Boss وده بتنزله عندك بتلاقي تحتيه بلاوي وأبليكيشن الجهاز متحاجها جداً مثلاً مثلاً زي إن الأيفون يسمح لك بحذف مكالمة مكالمة منفردة .. تخيل غلاسة أبل إن الخاصية اللي بتييج مع إجهزتها تقول لك all or never يعني يا تمسح كل المكالمات والرسائل يا بلاش .... يا سلام ؟ إذا كان عم عبدو كفته اللي بيعمل نوكيا ابو 5 جنيه بيعرف يعمل الأوبشن ده ... هاوضح أكتر ... الهاكات كتيرة جدا جداً ومش مجرد إنك بتنزل الهاك وخلاص .. لأ .. ده كل هاك مختص بأبلكيشن معينة تحته على فكرة الفرق بين الأنستولس والسيديا .. إن الأنستولي بيركز على الالعاب والحاجات الـ Funny لكن السيديا بيدخل على التقيل والأبلكيشن اللي بجد محتاجها كل جهاز وما تخافش واحده واحده بتعرف يعني إيه هاك ... وبتعرف توصل للبرامج اللي تحتها وتستفيد منها على قدر إحتياجك ------------

دع سرّك بين اثنين: (نفسك وربّك) واجعل إيمانك قويّ باثنين: (ربّك ونبيّك) واحرص في دنياك على رضى اثنين: (أبوك وأمّك) واستعن على الشّدائد باثنين: (الصّبر والصّلاة) ولا تخف من اثنين لأنّهما بيد الله: (الرّزق والموت)

ليست الجبال التي أمامك هي التي تعيقك وتنهكك وإنما حبات الرمل في حذائك. لا تخف من اتخاذ خطوة واحدة كبيرة, لأنك لا تستطيع عبور هوّة بقفزتين صغيرتين هناك أناس ينشرون السعادة أينما ذهبوا, وآخرون ينشرونها متى ذهبوا...

سؤال حلو لأن هناك شخص كان علماني ويعلن العلمانية وضد الحجاب وكما قال بلسانة (الحجاب ليس منطقياً) واولي صديقاتة يهودية وكماقال (لم أشعر أبدا بأن الدين عنصر رئيسي يجب أن أضعه في الحسبان) وكان يريد تعديل المادة الثانية ثم يظهر مع عمرو خالد ليتكلم بالقرأن وكأنه لايترك المسجد ان لم يكن هذا الخداع فماذا يكون الخداع ؟

الاسلام فيه سياسة ولاننكر ذلك ونفتخر به ومن حق الشيخ عندما يري علمانياً ان ينصح المسلمين بعدم انتخابة لأن المسلم لايكون علمانياً ابداً مهما قال فالعلماني يعترف لله بانه الخالق لكن يدعي لنفسة حق الحكم والتشريع وهذا قصد الشيخ من كلمه ( منكرا لوحدانية الخالق )

**اللهم أنت أحق من ذكر ,وأحق من عبد , وانصر من ابتغى , و ارأف من ملك , و أجود من سئل , و أوسع من أعطى , أنت الملك لا شريك لك , والفرد لا تهلك , كل شيء هالك ألا وجهك , لن تطاع ألا بأذنك , ولن تعصى ألا بعلمك , تطاع فتشكر , وتعصى فتغفر , اقرب شهيد , وأدنى حفيظ , حولت دون الثغور , و أخذت بالنواصي , وكتبت الآثار , ونسخت الآجال ,القلوب لك مفضية ,والسر عندك علانية , الحلال ما أحللت , والحرام ما حرمت , والدين ما شرعت والأمر ما قضيت , الخلق خلقك , والعبد عبدك , أنت الله الرءوف الرحيم أسألك بنور وجهك الذي أشرقت له السماوات والأرض , كل حق هو لك , وبحق السائلين عليك أن تقبلني العشية وان تجيرني من النار برحمتك***

الى الاخوة والاخوات الافاضل المعلقين على الموضوع بضرورة الشراء من مصر الفكرة اننى فعلا مغترب وامتلك سيارة فى البلد التى اعيش بها حاليا وانا مغترب منذ اكثر من عشرون عاما السؤال هو الا يحق لى ان احضر سيارتى معى الى مصر عند عودتى نهائيا بدون جمارك بعد طول فترة الغربة اسوة بدول فقيرة مثل الاردن التى تتيح للمغترب لمدة معينة ان يرسل اغراض بيتة وسيارته بدون جمارك كثير منا وبعد طول فترة غيابة وارتفاع تكاليف معيشتة مع مرور الوقت لا يستطيع ان يشترى سيارة جديدة ومع ذلك يضطر لبيع سيارتة عند نزولة نهائى بسبب اجراءات مصلحة الجمارك التعسفية التى لا تخدم سوى لصوص النظام البائد لعنة الله عليهم وعلى امثالهم

السلام عليكم ورحمة الله وبركاته الفيديوا دا مهم جدآ فيه موضوع تتكلم فيه المرأة التي قيل ان السلفين أحرقوا منزلها وفيه بعض المسيحين والقساوسه وهم يتحدثون عن السلفين ودورهم الايجابي في بناء مصر http://youtu.be/QkYgS-gdvYs http://youtu.be/QkYgS-gdvYs يا سلام هو دا الواقع الصحيح بين المسلمين والأقباط

لو كان القضاء حكم عليهم كان زمان التوبيك دا عمل له الوقتي 3 صفحات ولا حاجة بس للأسف الاتهام بيجي في صفحة والبراءة في سطر عموما - حسب بعض التحليلات الغير مؤكدة - أن الحملة على السلفيين يقودها رجل أعمال شهير له قنوات وصحف وذلك بسبب موقف الجماعة السلفيية من قضية كامليا شحاته ووفاء قسنطين ومن أجل الضغط عليها وتشويه صورتها لإنهاء هذا الملف وإيقاف مطالباتهم في هذا الشأن عموما يا خبر النهاردة بفلوس بكره يبقى ببلاش

http://www.youm7.com...D=203&IssueID=0 الخبر في اليوم السابع مصدر قضائى: واقعة هدم الأضرحة ستقيد ضد مجهول استمعت نيابة قليوب برئاسة محمود مصطفى إلى أقوال النقيب أمثل حرحش معاون مباحث قليوب، فى واقعة هدم الأضرحة، والذى أكد أن هدم الأضرحة ببعض المساجد مجرد عمل تخريبى من مجموعة بلطجية ليس لهم أى انتماءات دينية أو سياسية ولا علاقة لهم بالسلفيين، ولم يتم القبض على أى منهم. وأضاف فى أقواله، أن مباحث القسم تلقت حتى الآن بلاغات بهدم وتكسير 9 أضرحة بالمساجد، والأهالى لم يجزموا أثناء تقديمهم البلاغات بأنهم شاهدوا أحدا يقوم بالهدم وإنما معظمهم قدم البلاغ وقال فيه إنه سمع أن السلفيين هم الذين وراء هدم الأضرحة والبعض قال إنهم اكتشفوا هدمها. كانت النيابة العامة أجرت معاينة لأضرحة المساجد التى تم هدمها بمنطقة قليوب، وهى مساجد "سيدى عبد الرحمن" و"سيدى يوسف" و"سيدى عبد الله شحاتة" و"سيدى عبد المتعال" و"سيدى الرداد" إضافة إلى 4 أضرحة أخرى، وتبين من المعاينة التى أجراها شريف عبد الله وكيل النيابة وجود كسر فى الأضرحة المصنوعة من الأخشاب وبعض الأعمدة التى تحيط بها ولا يوجد نبش أو رفات لأن تلك الأضرحة عبارة عن رمز فقط للقبور. كان مأمور قسم قليوب تلقى بلاغا برقم 810 إدارى لسنة 2011 يتهم بعض السلفيين بهدم الأضرحة الموجودة بعدة مساجد بحجة أنها حرام شرعا ووجودها بدعة، وبعرض البلاغ على النيابة أمرت بسرعة تحريات المباحث وأجرت معاينة للأضرحة المبلغ بهدمها وأكد مصدر قضائى فى قليوب لـ"اليوم السابع"، أنه سيتم حفظ البلاغات بهدم الأضرحة ضد مجهول، لأنه لا يوجد حتى الآن أى متهمين فى القضية ومعظم البلاغات التى يقدمها الأهالى لا يتهمون أحدا فيها، وإنما يقولون إننا سمعنا أن السلفيين هم وراء هدم الأضرحة. وأضاف المصدر، أن تهمة نبش القبور لا تنطبق على المتهمين إذا تم ضبطهم فى تلك القضية لأن هذه الأضرحة ليست قبورا ولا يوجد بها أى رفات طبقا لما ثبت من المعاينة التى أجرتها النيابة، وثبت منها أنها عبارة عن رمز فقط للقبور ومصنوعة من الخشب وبالتالى ما تم هدمه خشب وليس قبورا.

بيان مِن "الدعوة السلفية" بشأن الاستفتاء على التعديلات الدستورية واضح إن كل طرف واخد باله من التاني بيرمي على إيه طرف عايز دستور جديد علشان ندخل في دوامة المادة الأولى والمادة الثانية وطرف آخر بيرد بأن التعديلات دي من باب ما لا يدرك كله لا يترك جله عموما كل واحد حر في قول نعم أو لا وحكم الأغلبية هو اللي هيمشي كان مبارك بيعمل تعديل طفيف وهمي ومكانش حد بيعترض بل إن العض كان بيهلل له وقد رأيت بنفسي مهللي الأمس وكيف أصبحوا هم معترضي اليوم في الأحزاب الكرتونية أنا كنت معترض على نقطة واحدة وهي عدم اشتراط في الرئيس أن يكون على قدر كبير من العلم فقط لكن في النهاية كل واحد حر وكل واحد له نظرته المهم إن الراي يتكون من خلال المصلحة العامة لا المصلحة الطائفية لجماعة هنا أو هناك وتكون إرادة الخير للبلد كلها