لوحة القادة

ترددت كثيرا فى فتح هذا الموضوع ..و أرجو محدش يزعل منى و عموما ده احساسى يخطأ أو يصيب أنا شايف إن فى نوع من الشللية فى المنتدى يعنى زميل يكتب موضوع يتهافت باقى شلته للمشاركة و الرد و ممكن يكون الموضوع فعلا بسيط أو بسيط جدا لكن تلاقى كتير من المشاركات والردود الجميلة (و دى حاجة تسعدنى بجد )وموضوع تانى لزميل جديد او قديم بس مش بتاع شلل و ممكن يكون مجتهد فيه او بيطرح قضية مهمة و تلاقى الردود ضعيفة بل ان فى بعض الزملاء ليهم مواضيع مهمة و لا يوجد و لا رد عليهم و لا حتى شكرا , و نفس القصة مع زميل جديد يضع مشاركات بسيطة فى المضمون صحيح بس على الاقل هو زميل فى المنتدى يعنى حتى شكرا , الله يكرمك اى حاجة , انا عارف ان دى طبيعة البشر الشللية سواء فى الطبيعة او على الشبكة لكن ليه منكنش مختلفين و نغير من نفسنا يعنى نعتبر ان المنتدى ده زى الحياه الطبيعية مش من الزوق و احنا قاعدين فى جلسة مثلا او مكان عام وواحد يقول موضوع و محدش يعبره حتى لو كان موضوع بسيط او مكرر الرد عليه حيعمل ايه حيقلل من مكانتى ؟! انا شفت قائمة الاعضاء و شفت كتير جدا لهم مشاركات و تركوا المنتدى ممكن يكونوا انقطعوا لاسباب شتى لكن مؤكد من ضمنها الاحباط لما يطرح اكتر من موضوع و محدش يعبره , عموما النصيحة دى لزملائى الاعزاء و لى قبلكم .. و طبعا مش مقصود من كلامى انى لازم اشارك فى كل موضوع ارجو ان تكون فكرتى واضحة.. و شكرا ..........................

هذا ما حذرنا منه وإتنبح صوتنا وقولنا إن العدالة البطيئة هي مُنتهى الظلم وعاوز أسأل الأخوة الزملاء وعلى رأسهم الأستاذ شرف الدين ... لو كان عندك شهيد سقط في المظاهرات السلمية المحترمة أو بلاش كده لا قدر الله لو كان لك أحد ضحايا عصر مبارك الأسود اللي إقتلعته الثورة كما يُقتلع الجذر الفاسد من الأرض كنت هاتتكلم الكلام ده ؟ أيها السادة جميع القضايا لم يتم حسم أياً منها حتى الأن .... وقولنا إن ده سيؤدي إلى حالة غليان وإحتمال ثورة أخرى عنيفة ... لإن إيه معنى إن ناس مُسالمة تنزل ترفع صوتها تُنادي بالعدالة والحرية والكرامة ثم يُستشهد منهم 800 ويُقتلع النظام .. ثم نجلس سنين نشاهد مهزلة التأجيلات والبيه قاعد مآنتخ في شرم الشيخ ويقول لك ... اصل عنده سرطان والله ؟ وكان فين السرطان ده من سنتين لما سافر ألمانيا وقالوا دي وعكه صحية والرئيس زي الفل ده حتى بيرلسكوني بتاع إيطاليا قال ده لسه بيلعب أسكواش ورجع 30 سنة ورا وبقى شباب .. ه أحنا كنا بنفكر نجوزه واحده تالتة ؟ والكذاب الأشر فريد الديب يطلع يقول والله إنتوا كمان ظالمين الست دي ( على سوزان مبارك يعني ) ولما مبارك مظلوم وسوزان مظلومه وجمال مظلوم ... أومال مين الديكتاتور الظالم ؟ إحنا طبعاً وإليكم الدلائل عشان ما نبقاش بنتكلم أي هرتلة وخلاص وتعرفوا حالة الإحتقان الموجودة دي وهاتزيد ليه فاكرين المجرم ده ؟ http://www.youtube.com/watch?v=ll08m9oHPA8 طبعاً بعد الفيديو ده تم تحويلة تأديبياً من مديرية أمن البحيرة إلى مديرية امن القاهرة لعمل إداري لإنه إنسان قذر ولا يستحق أن يعمل في جمع القمامة حتى .. عفواً أنا مش بأغلط في جامعي القمامة ولكن باتكلم عن تحويل مثل هؤلاء الأوباش لعمل أقل من عملهم .. ما بالك لو كان لواء ومدير أمن ؟؟ وتخيلوا واللي كتير ما يعرفهوش إنه أصلاً متورط في قتل المتظاهرين وتُجرى محاكمته .... كده وكده يعني ههههههههه ومع ذلك .. في حركة الترقيات الأخيرة منذ أسبوعين تمت ترقيته .... حد يتخيل ده في العالم كله ؟ مش بس كده .. كان في جلسة محاكمة له من 3 أيام .... وإحنا عارفين طبعاً حصل إيه .. خلاص بقينا حافظين ... تم تأجيل المحاكمة إلى 27/9 .. يا حليلة مش بس كده أيها العقلاء ياللي عندكم عقل يُميز كان متورط معاه 6 أخرين من القيادات ... ركزوا معايا فحضر المجرم ده عادي بملابس مدنية ... ومعه إتنين عُمداء إأيديهم ملطخة بدماء الشهداء أيضاً ركزتوا معايا في اللي جاي ورفض الأربعة الأخرون الحضور ... حضور إيه ؟ حضور جلسة محاكمة في محكمة الجنايات .. بما يترتب عليه إن القاضي كان لازم يُصدر أمر للنيابة بالقبض عليهم وأحضارهم بالقوة للمحكمة .. لكن القاضي كان حنين وأجل القضية 3 شهور عشان المتهمين الأربعة يتعطفوا ويحضروا ... وخد عندك بقية المحاكمات الأخرى اللي كلللللللللللللللللللللها إتأجلت .. والمصيبة الكُبرى إن ولا قضية ستُحسم قبل عام كامل وأكثر وهافكركم لإن ببساطة ايها السادة القضاة هايبدأوا أجازتهم الصيفية في شهور 8 و 9 و 10 ... تخيلوا المهزلة ؟ في أحد البراامج الحوارية الأسبوع الماضي سمعت احد القضاة اللي شغالين تأجيلات دول وسألوه عن السر الرهيب وراء هذا فقال بالنص : القضاة بيبقوا مشغولين بقضايا أخرى كثيرة .. وبالتالي بيتم تأجيل هذا النوع من القضايا لإن لها اوقات معينة للنظر فيها !!!!!!!!!!!!!! يا حليلة بقى قضية مصر كلها ومستقبلها وحاضرها وماضيها .. بقت زيها زي قضية سرقة غسيل أو واحد سرق ربع جنيه من التاني ؟ وإذا كنا شوفنا بأعيننا أول أمس مشهد دامي هو مقدمة لما حدث بالامس وسكتنا ومصمصنا شفايفنا وقولنا يا عيني فهذا ذنبنا جميعاً وعلينا أن دفع الثمن المشهد كان من أمام المحكمة التي يُحاكم فيها العادلي وعصابتة .. ومن قبل ما يدخل الجلسة كلنا عارفين النتيجة ... تم التأجيلللللللللللللل وتم منع أهالي الشهداء من حضور الجلسة فقاموا برشق سيارات الشرطة بالحجارة ودمروا سيارة ترحيلات العادلي وحدثت خسائر في صفوف الشرطة اللي مالهاش ذنب طبعاً هايطلع صوت حكيم دلوقت يقول : بس دي بلطجة وعلينا أن نثق في القضاء .. القضاء اللي كان منه ممدوح مرعي وزير العدل السابق القضاء اللي منه عادل عبد السلام جُمعه قاضي التأجيلات القضاء اللي كان منه كل مزوري الإنتخابات واللي كانوا بيحلفوا بالطلاق إن الإنتخابات عفيفة وشريفة ونضيفة القضاء اللي كل الأصوات المحترمة طالبت بتطهيرة بعد الثورة من كل المتورطين في التزوير والاحكام المسبقة اللي كانت لصالح مبارك وعصابته .. لكن لم يحدث أيها السادة فوقوا يرحمكم الله أيهاً السادة ... مرة أخرى العدل البطي هو منتهى الظلم .. بل هو أبشع من الظلم أيها السادة اللي مش واخدين بالكم إننا في الموال ده من 5 شهور وتم تأجيل جميع القضايا بلا إستثناء 3 شهور أخرى ... وأصبر يا عم وما صبرك إلا بالله أيها السادة بالراحه والرحمه على الشعب المصري الصابر عشرات السنين يا دعاة الصبر . هل تتخيلوا إن ضحايا حرب العراق على الكويت واللي فلوسهم وأعمارهم راحت لسه محسومه قضيتهم الأن من سنة 91 وفلوسهم كانت عند الظالم مبارك ؟ الفلوس كلها على داير المليم مش لسه في زملاء بيسبحوا بحمده ويقولوا الأيام هاتثبت فعلاً الأيام هاتثبت إنه أبشع من فرعون وهامان وأبو جهل الأيام هاتثبت إنه مجرم سفاك دماء ولا يتوانى عن سفك دم شعبه الأيام هاتثبت إن كان عاوز يدخل حقوق المصريين في العراق في ديون مصر المستحقة للعراق ... ويبقى زيتنا في دقيقنا والناس تاكل تراب مش مهم إصبر يا عم وماله أيها السادة .. هل تعلموا إن الدولة أو العصابة اللي كان بيرأسها مبارك سرقت أموال المودعين في شركات توظيف الأموال في الثمانينات وبعض القضايا لم يتم حسمها حتى الأن وناس كتيرة فلوسهم راحت ولم يستردوها بالرغم من إن الحكومة وضعت يدها على جميع ممتكلاتهم وخدت حقها وزيادة في وقتها أضحكني موقف إستضافة عمرو خالد لعبد اللطيف الشريف صاحب شركات الشريف لتوظيف الأموال واللي قال له عمرو ضاحكاً : أبويا لما عرف إني هاقابلك قال لي إسأل الأستاذ عبد اللطيف فين فلوس اللي حطيتها عندك يمكن في الثمانينات ؟ هههههههههه وطبعاً الراجل واخد براءة لإنه سدد من زززززززززززمان كل أموال المودعين وحقوقهم .. لكن الدولة ضربت عليها العواف ------------ دي كانت مقدمة بسيطة عن معنى الصبر والظلم عرفتوا معنى الظلم ؟ وعرفتوا طعم الصبر اللي مثل العلقم ؟ هاتكلم طبعاً عن أحداث التحرير بالأمس لكن قولت اشرككم معي في معنى كلمة الصبر

انا لا مع دول ولا دوكهم ولا ليا فى السياسه اساسا لكن ما اثار حفيظتى ؟! دول بقولوا الانتخابات اولا ودوكهم بقولوا الدستور اولا والخيبه بالويبه عليهم اجمعين ،، لحد دلوقتى لم يصدر حكم واحد على القتله السفاحين غير على امين شرطه ؟! اما السُمان فى برتو طره بيكلوا من الفنادق وبيتمتعوا بزيارات يوميه وعايشين حياتهم لحد مايشفولهم حل ويخرجوهم لأسباب صحيه مرضيه او انسانيه او ملوخيه الثوره لسه مانتهتش والجبن مش هينفع هيحصل ايه اكثر من اللى حصل محدش بيموت من الجوع ومن لم يمت بالسيف مات بغيره ، نموت فى ثوره شهداء ولا نموت كمدا وغيظا وحسره على بلدنا وعلى حقوقنا اللى ضايعه وارادتنا المسلوبه نموت فى ثوره ولا نموت فقرا وجهلا وتخلفا الفلوس اللى اتنهبت مش هترجع ولا الايام اللى راحت من عمرنا واحنا فى زل ومهانه وحرمان متشحطتين فى بلاد { الله } سمعنا ان الشرطه حتى الان تستعين بالبلطجيه ؟، مين له مصلحه فى الحاصل الان ؟ ليه ده بيحصل دلوقتى بعد قرار حل المجالس المحليه ؟؟ الاول دستور محترم يحدد ملامح الدوله ويقوم عليه برلمان محترم الانتخابات اولا يترتب عليها وصول فلول النظام المخلوع الى البرلمان وكأنك يأبو زيد ما غزيت واصحاب الاجندات هما الاكثر قوه على الارض والاكثر تنظيما والاكثر تمويلا من الخارج ؟! الثوره لم تنتهى بسقوط النظام ، الثوره قائمه حتى خلع الاقزام تحيتى لكل الحركات الثوريه / واسفى على كل الخفافيش الجبناء الحالنجيه اولئك اللذين يعلمون النوازع الصوفيه لدى المواطن المصرى ويتاجرون فى مقدراته بأسم الدين !! حتى الان لم يصدر حكم واحد يوحد ربنا على رأس النظام البائد او اولاده او معاونوه ورموز حكمه او من اللى نهبوا البلد او حد من اللى كان بيقول له صباح الخير ؟! صباح الخير يامصر بإذن { الله } سينتصر الحق ويعم الرخاء

اللي بيحصل في الصدامات المباشرة مع الشرطة ان بعض النشطاء بيقوموا بارتداء ملابس واشياء معينه تعطي انطباع اولي انهم من البلطجيه اما حدف الحجاره على المنازل فده بسبب وجود بلطجيه حقيقين فوق اسطح بعض العمارات وكانوا يلقون الحجارة والملوتوف على النشطاء فيه واحد استشهد منذ قليل بقنبلة غاز مسيل للدموع ضربت مباشره في وجهه شطرته نصفين العديد من الرموز السياسية ذات المصداقية متواجده الان في الميدان تضامنا مع النشطاء والاعداد في ازدياد ,, عصام شرف متحفظ على اللي بيحصل ويواجه ضغوط من المجلس العسكري لعدم تقديم استقالته انا معاكي في الابتعاد عن مقر وزارة الداخلية وعدم اقتحامها وده القرار اللي اخذه شباب 6 ابريل منذ قليل بعدم اقتحام الداخلية لكن صعب توقع هل سيلتزم بقية الفصائل في الميدان بذلك خصوصا ان سقوط شهيد منذ قليل لن يمر عليهم مرور الكرام ,, لابد من استقالة العيسوي فورا لانه لا يصلح لو ماحدث كان بعلمه فده سبب وجيه ولو كان من وراه بدون علمه فده سبب اكثر وجاهة ! تحيتي للجميع ,, لاحول ولاقوة الا بالله. يعنى انا كنت حالفة افضل بعيد اتفرج واشوف آخرتها ايه. بس يظهر الواحد لابد يتدخل مهما كان صبره جميل. افهم بس يعنى ايه معنى الكلام اللى حضرتك ياسيد تيمور بتقوله ده؟؟؟وانا تعمدت اكبر لك الخط واضعه باللون الأحمر ؟؟ يعنى ايه بعض النشطاءيقومون بارتداء ملابس معينة واشياء معينة ليعطوا انطباع انهم بلطجية .. افهم يعنى ايه اشياء معينة ؟؟ يعنى اسلحة بيضاء وكدة يعنى ؟؟؟ وياترى بقى الملابس المعينة بيجيبوها معاهم من بيتهم يعنى زى اللى رايحين يلعبوا مباراة كرة قدم وواخدين لبس اللعب معاهم؟؟ انا مواطنة مصرية بسيطة ومش متعلمة ولا مثقفة ولا اى غلب ....اقدر افهم ازاى ؟؟؟؟؟ بين الكومبارس والحقيقى ؟؟؟ اميز ازاى بين النشيط (( يعنى على اساس ان جمع نشيط نشطاء وكدة يعنى )) هو اللى لابس لبس فانتازيا ؟؟ بيكون على لبس البلطجى الحقيقى دم يعنى ؟؟؟ وياترى بشنب والا من غير شنب ؟؟ واما بقى ثالثة الاثافى ... العيسوى لازم يقدم استقالته فى كلا الحالتين.. ياصلاة النبى احسن.. تصدق وتآمن بالله؟؟ اللى انا بستغرب له فعلالالالالالالالا ازاى يرشحوا وزير داخلية من غير ما يعدى الأول على مجموعة ... سيكولوجيين...!!!! معقول يعنى اى حد يتعين ف اى حتة مهمة كدة ويتقال عليه بيفهم...من غير ما يتعمل له كشف (( نفسى ؟؟ )) .. عندك حق حضرتك...لازم يشيلوا العيسوى ...,كمان يهدوا شارع العيسوى اللى متسمى باسمه ف اسكندرية ويدمروه.. ولازم كمان يشيلوا عصام شرف ...ولازم المجلس العسكرى كله ..كله كله .. يتنحى ... ولالالالازم فعلا يجيبوا اى حد بيفهم....يبقى وصى على مصر .. زى ما بعض المعتوهين المصريين المتأمركين كانوا بيطالبوا امبارح .. ولازم ولازم ولازم .. ياعينى عليكى يامصر... ياعينى عليكى يامصر.. طيب الأولانيين دبحوها..سابوها لكم بتفرفر ..وانتوا بقى جيتوا سلختوها ومثلتوا بجثتها بحجة حمايتها؟؟؟ وعايزين تدفنوها وهى لساااااااا عايشة .. فيها الرمق.. فيها الرمق الأخيررررررررررر حرااااااااام.. اقسم بالله العلى العظيم... انى طيلة حياتى لااعرف معنى الكراهية .. لكنى تعلمته بعد كل العمر على ايديكم.. لكم اكره كوووول من يتشدق بحب مصر لغرض فى نفسه.. واكره المجموعات التى تتخفى وراء ستار الدين.. واكره من يسمون انفسهم ليبراليين وهم لايفقهون شيئا.. ولأول مرة فى حياتى ...اشعر بالكراهية نحو اى مصرى يفكر فقط فى ..(( عيب...والعالم الخارجى حايقول علينا ايه؟؟)) فليذهب العالم الخارجى الى الجحيم... ليذهبوا جميعاااا الى الجحيم.. هل انحصرت مشاكلنا فى مباراة القمة؟؟ اى قمة ؟؟؟ اى قمة واهل بلدى يشعرون انه قد تم سحبهم...للقاع؟؟؟ اى قمة ؟؟؟ اى قمة ؟؟؟ ولكل دول اقول لهم... تضافرت كل جهودكم ....لقتل اى روح جميلة . منكم لله.. منكم لله.. منكم لله كلكم ... خسارة فيكم مصر ..خسارة فيكم... ضيعتوها؟؟؟ الله لايسامحكم .

هذا هو أسلوب الفوضويين ومثيري الشغب إشاعات ليذهب الناس ليرو ماذا يحدث فيزيد العدد وممكن إشاعات بإصابات أو حتى قتل مع كلمات تثير النعرة وتجعل الدم يغلي فيحدث فعل ورد فعل وتفتعل مشكلة ولكن لأنهم باعدين كل البعض عن نبض الشعب فإنهم بذلك يزدادون بعدا عن الشعب بل ويزداد بغض الشعب لهم

لو هزم المجلس العسكري المصري وتراجع في معركة الانتخابات اولا ام الدستور اولا التي تدور في مصر حاليا فستتوالى الهزائم على مصر سياسيا واقتصاديا وغيرها وستهزم مصر دوليا وسيتشجع اعداءها الخارجيون ويلتقطوا انفاسهم بعد هزيمتهم في معركة الثورة. وعندها سينتهي الربيع العربي بصقيع عربي سيدوم طويلا. لقد اصبحت معركة الدستور والاستفتاء في مصر مسألة حياة او موت لقوى كثيرة تعادي مصر هنا في الولايات المتحدة. ومبعث هذا التحليل انه هنا في الولايات المتحدة تقف ثلاث قوى لا رابع لها ضد النجاح الباهر للاستفتاء الشعبي الذي تم في مصر وهي قوى شعرت بالخوف من نجاح الثورة المصرية والتحام الجيش بالشعب وهزيمة حلفائها في العهد السابق. اول هذه القوى هي المنظمات الصهيونية واللوبي الإسرائيلي، وثانيها منظمات ونشطاء نصارى المهجر من المصريين، وثالثها قوى المحافظين من اليمين الامريكي وحركة التي بارتي ومتشددي الحزب الجمهوري. ويقف في صف التصويت والانتخابات في موعدها الذي قرره المجلس العسكري المصري عدد لابأس به من اليسار الامريكي ومن الليبراليين الحقيقيين - لا ليبراليوا مصر الذين هم في حقيقة الامر منتمون لليمين ولحركة المحافظين العالمية – علاوة على بعض اعضاء الحزب الديمقراطي. اشرس هذه القوى هي منظمات اللوبي الصهيوني الاسرائيلي التي تحب ان ترى المجلس العسكري المصري في تراجع ورضوخ. وتحب هذه المنظمات ان تراه لا يثبت على موقف. فالمجلس العسكري هو من قادة الجيش اي من القوات المسلحة التي اذاقت اسرائيل المر في حرب 1973 وتصرفات اعضائه تفهم هنا عسكريا بقدر ما تراقب سياسيا. ومنظمات اللوبي الإسرائيلي تحب ان ترى هزيمة المجلس العسكري داخليا في هذه المسألة السياسة من القوى التي قد تقترب – ربما بدون قصد على الإطلاق - من خدمة مصالح اسرائيل في مصر. وهذه القوى التي تقترب من خدمة إسرائيل هي بالتأكيد ليست القوى الإسلامية ولا القوى الوطنية التي تعارض سياسات إسرائيل في المنطقة. فلقد هال إسرائيل وحلفاؤها في واشنطن الالتحام غير المسبوق بين الشعب والجيش في مصر في اعقاب الثورة وعرفت اسرائيل والحركات الصهيونية ان الجيش المصري ليس فيه طبع الخيانة للوطن. فاتخذت هنا في واشنطن سبيل محاولة انهاك قادة المجلس العسكري المصري عن طريق اجباره على التراجع في قرارات سابقة اتخذها. وسخرت عدد من كتاب اللوبي الإسرائيلي وحلفائه في بعض مراكز الابحاث والصحافة لانتقاد الجيش المصري بشدة والتقاط اخطاءه بملقاط لمحاولة زعزة الثقة الدولية فيه. وجوهر مطلب اللوبي الإسرائيلي من مصر هو طلب تغيير المعادلة السياسية بعد الثورة بحيث تتمكن القوى التي ترى فيها إسرائيل امتدادا لحكم الرئيس السابق حسني مبارك من جمع قواها. والهدف الإستراتيجي الاقل طموحا لإسرائيل هو على الاقل ايقاف او محاولة منع وصول معارضي إسرائيل من الاقتراب من مؤسسات الحكم في مصر مثل البرلمان والرئاسة والمراكز القيادية الاخرى في مصر. وثاني هذه القوى المعارضة للمسيرة الحضارية في مصر هي قوى نصارى المهجر التي كانت قد نجحت في تليين النظام السابق وتحقيق مكاسب كبيرة على حساب الاغلبية المسلمة. وهي نفس القيادات التي تعمل الان في مصر بشرعية مطلقة تحت حكومة عصام شرف ويحيى الجمل وتقوم بلقاء كبار قيادات الدولة على الرغم من انها تحالفت جهارا عيانا مع المنظمات الصهيونية هنا في امريكا في السابق. هؤلاء في المهجر طالبوا من قبل بتدخل إسرائيل وامريكا عسكريا - واكرر عسكريا - لحماية النصارى المصريين اي طالبوا بمعركة بين إسرائيل وامريكا في جانب و المجلس العسكري والقوات المسلحة المصرية بل ومصر في جانب آخر. وهم ايضا يظنون ان الانتخابات في موعدها ستأتي بالاسلاميين وهم لا يخشون ضياع حقوق النصارى، ولكن كما هو واضح من ادبياتهم في المهجر فان الامر تخطى مرحلة مطالبة بحقوق الأقباط من النصارى الى مرحلة معاداة دين الاغلبية للمصريين ومحاولة تقليل مظاهر التدين الإسلامي في مصر، والشاهد من الاحداث انهم لجئوا لحجة اضطهاد النصارى لتأجيل الانتخابات وليتمكنوا من جلب المزيد من التنازلات من حكومة عصام شرف ونائبه يحيى الجمل والتي تعمل – وفق هوى نصارى المهجر - ضد الهوية الوطنية والعربية لمصر. وثالث القوى في امريكا هنا التي ترغب في تأجيل الانتخابات في مصر لكسب المزيد من الوقت لمنع القوى الإسلامية والقوى الوطنية والقوى الاخرى التي ترفض هزيمة المجلس العسكري ومصر ثالث هذه القوى هي قوي اليمين الامريكي والذي تمثله كنائس امريكية متطرفة عدة علاوة على حركة المحافظين الجدد وبعض غلاة الجمهوريين ممن تتضخم نفسيا عندهم عقدة الهيمنة الامريكية في الشرق الاوسط ويرون ان النجاح في بلد عربي كبير سيتبعه نجاح في دول اخرى مما يهدد الهيمنة الامريكيةة ويصيبها في مقتل، بحسب تفكيرهم. فنجاح مصر في انتخاب وتأسيس مجلس تشريعي قومي هي عندهم بالضرورة منافسة للهيمنة الامريكية واضعاف للشركات الامريكية العاملة في مصر بلا رقيب او حسيب ويفضلون حكومات خانعة تطئطأ الرأس يسهل اقتيادها على غرار الحكومات الخليجية او حكومات معيبة همجية تمد اليد يسهل ابتزازها كما كانت حكومة مبارك وعلي صالح في اليمن وبن علي في تونس وكما هو الحال في الجزائر والمغرب. والقراءة الاستراتيجية بعيدة المدى تقول لو نجحت تلك القوى الامريكية في تفعيل صبيانها في مصر – وبعضهم مخلص ووطني يظن انه يعمل حقا لصالح مصر - في الضغط داخليا على المجلس العسكري واجباره على التراجع عن الانتخابات، والتي اعلنها المجلس بنفسه، فمعنى ذلك عسكريا ان القوات المسلحة المصرية بقياداتها الحالية يمكن ان تتراجع القهقرة في المعارك الحاسمة اذا ما حان وقتها. وتشير القراءة الإستراتيجية في التحليل النهائي الى ان القوات المسلحة في تلك الحالة ستعطي رسالة مفاداها انها تميل الى عدم المواجهة بل يمكن بسهولة – عن طريق "شوية برامج توك شو لمذيعات فافي" واصوات عالية وزعق من بعض السياسيين ومقدمي البرامج – يمكن ان يهرب لؤاءات القوات المسلحة المصرية من المواجهة رغم التفويض الشعبي الرائع للجيش ورغم الحب الكبير من ابناء الوطن بل ومن ابناء العرب جميعا للقوات المسلحة المصرية الذي ظهر في الثورة والإستفتاء. وبالطبع ينسحب الشيئ ذاته على ياقي الجيوش العربية. وبهذا اذا هزم المجلس العسكري المصري - وهو ما لن يحدث - وانقلب المجلس على نتيجة الاستفتاء ستتوالى الهزائم وستزيد المطالب من الجوقة المصرية التي تحالفت مع القوى الغربية الثلاثة – سواء بقصد او بدون قصد - التي ذكرتهم وهي اللوبي الإسرائيلي في امريكا، وحركة التمرد الطائفي لنصارى المهجر، علاوة على اقصى اليمين الامريكي المتطرف وهي القوى التي لم يجمعها التاريخ من قبل الا عندما اشتركوا في مصلحة واحدة ...هزيمة الجيش المصري سياسيا املا في هزيمته يوما ما عسكريا. منقــــــــــــول

بعد رد الاخت ذهبيه احب اقولكم اننا لم نقم بثوره احنا عملنا شاى بلبن مش عاوز حد يقولى ده سلوك ناس والناس المفروض تتغير الكلام ده مبقاش يأكل عيش لو فيه قانون حاسم وصارم ولو الموظف حس ان عصر الرشوه والواسطه راح خلاص وحس فعلا ان فيه تغير من خلال القيادات عمره ما هيعمل كده ولا هيمد ايد ياخد رشوه او اتاوه انتوا عارفين انا حاسس ان الامور ماشيه ازاى فى مصر ان الناس الكبيره مش مقتنعه اساسا بحاجه اسمها ثوره ولا احزنوا وبتحاول بقدر الامكان الحفاظ على الحرس القديم وبتدير بنفس العقليه وكل لما يزيد عليهم الضغط يقوم يضحوا بواحد من الحرس القديم طبعاتضحيه قدام الناس يعنى واليى فيكى فيكى يا ...... تحياتى عنبو

الاخوه الاحباب اعضاء المنتدى اليكم بعض وصور لانواع التشطيبات ارجو ان تنال اعجابكم تقبلوا تحياتي

كثير منا تستهويه هواية التقاط الصور وذلك حتى من قبل ظهور الكاميرات الرقمية الديجيتال والكاميرات الإحترافية الموجودة حاليا في الأسواق ,,,,,, وتمثل بعض الصور لدينا حميمية معينه تجاهها وقد نشعر بجمالها دون غيرها من الصور ولأنني اهوى التصوير بكل انواعه وأحب توثيق كل لحظات الحياة لنستمتع فيما بعد بمشاهدة هذه الصور ولأن كل منا لا بد ولديه صوره التقطها اعجبته بشده .... لذا نود ان نرى صور منكم تعبر عن الحياة حولكم او الأشخاص ولماذا تحب هذه الصورة .... وسأبدأ بنفسي بهذه الصورة التي التقطتها في العام 2002م في الدانمرك .... ولا زلت أحب مشاهدة الطبيعة الخلابة بها والتي لا يمكن أن نراها لدينا ... رغم انها التقطت بكاميرا عاديه ...... ورغم انني زرت العديد من الدول ذات الطبيعة الجميله ... الا ان هذه الصورة ظلت معلقة بقلبي .....

الفاضل / architect نتناقش بهدوء وياريت الكلام ده يوصل لأصدقاءك الموجودين في القاهرة. ماحدث بالأمس شكله مش طبيعي على الإطلاق ، حفل بمسرح البالون لتكريم الشهداء، اهالي الشهداء معتصمين عند ماسبيرو مطالبين بسرعة محاكمة المسئولين عن أرواح أبنائهم شباب ونشطاء في بيوتهم أو أعمالهم أو بيتفسحوا مع ودعوات لتنظيم وقفة مليونية او مظاهرة مليونية او أي كان إسمها ستكون يوم 8 يوليو أي بعد عشرة أيام كاملة قرار أسعد اناس كثيرين بحل جميع المجالس المحلية على مستوى الجمهورية وتأييد من قيادة البلد السياسية والحاكمة ناس ليس معروف هويتها تتوجه لمسرح البالون لإثارة الشغب ، تصدي قوات الأمن لهم وتتطور الأمور بشكل درامي ويتم استدعاء ( مقاتلي ) الشباب أو النشطاء وكأنهم كانوا جالسين على المقاهي انتظارا لإشارة البدء تتدفق جحافل الشباب حاملين معهم قنابل مولوتوف تم اعدادها سلفا حسب قولك ومسلحين بالطوب والظلط ليتحولوا من نشطاء وشباب اعتادوا التظاهر السلمي إلى بلطجية يقاتلون قوات الأمن. تتصدى قوات الأمن لهؤلاء البلطجية ( لايمكن تسميتهم متظاهرين سلميين متى رفعوا السلاح في وجه قوات الأمن حتى لو كانت طوبة ) تتطور الأمور ليذهب هؤلاء البلطجية لمحاصرة وزارة الداخلية مع التهديدات القميئة من المتظاهرين بأنهم سيفعلون كذا وكذا إذا لم تتم اقالة وزير الداخلية ، وكأنما تحول المتظاهرون إلى ميليشيات مسلحة تكر وتفر وتملي شروطا. الفاضل / architect مازالت مصر دولة قانون حتى لو كان القانون فيها مازال عاجزا عن التطبيق بسبب الظروف الحالية. أي خروج عن القانون يجب أن يواجه بالشدة والحزم خاصة إذا أقترن ذلك الخروج بالعنف. قل لأصدقاك يجب عليهم أن يحافظوا على الطابع السلمي للإحتجاج والتظاهر ، وقل لهم أيضا أن شرعية القانون تختلف عن الشرعية الثورية فى ميدان المعركة يمكن أنيصدر حكم اإعدام خلال دقيقتين ، أم خارج الميدان فقد يصدر حكما بالبراءة على نفس الجرم. وقل لهم لطالما ناديتم بوقف محاكمة المدنيين أمام محاكم عسكرية ، فلماذا تريدون محاكم استثنائية لرموز النظام السابق الذين هم بالفعل تتم محاكمتهم ولكن أمام القضاء المدني الذي يتحري مسوغات البراءة مثلما يتحرى مسوغات الإدانة. قل لهم أن مصر بحاجة للم الشمل وليس للتفريق والتشرذم ، ولو كان ليس لهم كبير فليجدوا لأنفسهم كبيرا يستشيرونه بدلا من التصرف بالطريقة التي حدثت بالأمس والتي أثبتت أنهم لايزالون في طور المراهقة السياسية والثورية على السواء. قل لهم أنهم ليسوا بأحرص على مصر من باقي المصريين ، وليترووا قبل الإقدام على أي عمل من شأنه الإضرار بالإستقرار الذى نحاول ان نصل إليه. وأخيرا قل لهم ، حتى لو استخدم الأمن العنف ضدكم ؛ فلا تستخموا العنف ولاتقاوموا السلطات وإلا إنقلبت إلى فوضى. الثورة خلصت وحان وقت البناء.

لا ازاي يا ام زيد بدأت الثورة و كنا كلنا فيها ايد واحدة اللي برة و اللي جوة لكن دلوقتي الوضع اختلف بقى اللي جوة احسن من اللي برة بقى اللي برة مالوش يفتح بؤه و يعبر عن رأيه بقى اللي برة مش حاسس بحاجه و قاعد يتكيف ما حدش يعرف ان اللي برة منهار اكتر لانه لوحده و مش شايف بعينه ما حدش يعرف ان اللي برة بيحس بالرعب اكتر لان اللي جوه متونس باهله و بيطمن بيهم ما حدش يعرف ان اللي برة ما بيناموش من الخوف على مصر ما حدش يعرف ان اللي برة شغال بيتفحت و بيبعت كل شهر فلوس تعتبر تالت مصدر من اقتصاد البلد ما حدش يعرف ان اللي برة و في امكانه يقنع حد من البلد اللي شغال فها يعمل شغل في مصر و نيته مساعدة بلده ما بيتأخرش لا اللي برة المفروض يخرص و مالوش دعوة بالبلد و لا اللي فيها شكرا جزيلا بس مش هانبطل نتكلم و نقول رأينا لان البلد دي مش بتاعت اللي جوة بس البلد دي غصب عن الكل بتاعتنا احنا كمان اقسم بالله العظيم بنتي مريم الساعه 4 الفجر لما لقتني فاتحة الجزيرة جت قعدت جنبي ولقيتني باقول هايحرقوا البلد تاني مريم العيلة الصغيرة اللي ما كلمتش 6 سنين انفجرت في عياط هيستيري و قالتلي لا انا بحب مصر و مش عاوزاهم يحرقوا بلدنا و فضلت احضنها و اهدي فيها يجي 10 دقايق لحد ما هديت ادي اللي قاعدين برة في التكييف و ادي ولادهم

نعم بلطجيه وكل اسم يريد زعزعة الاستقرار فى البلد هو بلطجى الناس دى التى تتمنى الا يكون هناك دوله قليل عليهم كلمة بلطجى لان البلطجى ممكن يروع فرد او اتنين اما هؤلاء فهم يروعون بلد باكملها هم اكتر من بلطجيه وحضرتك يا ابو هنا لما السلفيين كانوا بيعملوا مظاهرات علشان اختنا كامليا واختنا عبير مكانوش بلطجية لما استأسدتم فى الهجوم على ساويرس وشركاته مش بلطجة مع ان هناك قضية امام النائب العام بالعكس البلطجى هو اللى بيكون عنده عمى الوان وبيشوف الحق باطل والباطل حق البلطجية هم من يدافعوا عن الباطل وليس عن الحق

هناك افكار عديده ممكن ناخذ منها مايناسبنا ويتناسب مع ذوقنا

الأخ أركتيكت... الموضوع بيناقش مصيبة بتعم على مصر كلها ولا يختص ببيانات حركة 6 ابريل وانت حولته بقدرة قادر إلى بوق تنقل لنا من خلاله اخبار شباب الحركة وقياداتها بل الادهى والامر انك بتنقل لنا حوارات اعضاء الحركة من على صفحتهم وده مخالف خلى بالك ومالفت نظرى ايضا انك مصر على استخدام اسلوب الهجوم والتنكيل والسخرية واحنا وانتم ايضا اديت لنفسك الحق انك تتقمص دور مشرف وتطالب الاعضاء بوضع روابط وماشابه احنا بنتكلم عن مصر يا اركتيكت..مصر بتاعتنا كلنا مش مصر 6 ابريل ، وعن شبابنا كلهم مش شباب الحركة معايا مش كده؟ وبالمناسبة بقى...الاجراء القادم من الادارة لن يكون له رجعة ولن تفلح معه لا اتصالات ولا توصيات.. اظن واضح تحياتى

السلام عليكم و رحمة الله و بركاته طب معلشي استحملوني شوية يعني هو ايه لزمت الدوري اصلا من اساسه دلوقتي؟؟؟ مش لما نعرف راسنا من رجلينا؟؟ يا خوفي الفتنة اللي جاية تبقي اهلي و زمالك....!!!

كلامك صحيح يا اخت ذهبية فى أن كل القوى السياسية وعلى رأسهم جماعة الاخون المسلمين مشغولة بمصالحها وللترتيب للانتخابات القادمة ولكن من قال لكى ان الرهان على هذه القوى السياسية ؟؟ الثورة لم تنجح بفضل هذه القوى وهذه القوى لم تشارك فى ثورة 25 يناير إلا بعدما رات الشعب المصرى يخرج عن بكرة أبيه, ويزأر بقوة فى وجه كل ظالم يوم 25 يناير فلا تعطي هذه القوى السياسية أكبر من حجمها ولا تعتقدى ان مشاركتها او عدمها هى الفيصل فى نجاح الدعوة لليوم او فشلها الفيصل فى نجاح اليوم أو فشله هو الشعب المصرى نفسه ( الأغلبية الصامته ) اذا اقتنع الشعب المصرى باهداف هذا اليوم فسيكون النجاح حليف هذا اليوم لا محالة وستركض هذه القوى السياسية للحاق بالركب كالعادة ( كما حدث فى أول ايام ثورة 25 يناير )

أتفق معك يا اخ عنبو وأضيف يا سيد عنبو الى تعليقك أن مشكلة الثورة المصرية أن من قاموا بها لم يتولوا زمام الامور بعد تنحي الرئيس السابق فأى ثورة حدثت فى العالم يقوم الثوار بتولى زمام الامور حتى يطبقوا أهداف ثورتهم على أرض الواقع أما فى مصر فنعشر أحيانا أن هناك فارق كبير بين ما يتمناه ويريده شباب الثورة وبين ادارة الحكومة والمجلس العسكرى للثورة على الأرض نشعر ان سلطات الدولة تعتقد ان الثورة قامت لاسقاط مبارك فقط وأنها بتحقيق ذلك انتهى مطالب الثوار وشباب مصر اهدافهم وأمالهم لم تكن اسقاط مبارك فقط وإنما اسقاط مبارك لم يكن إلا تعبيدا لطريق تحقيق الهدف الأساسى وهو حدوث تغير وتجديد شامل فى اسلوب ادارة مصر داخليا وخارجيا , حيث ان اسلوب ادارة مصر طوال العشرون سنة الأخيرة أضرها وتسبب فيما نعانيه الان من اوضاع داخلية صعبة وعلى المستوى الخارجى هناك تقزم للدور الاقليميى المصري . وعندما تقتنع حكومة الثورة بهذا الهدف وقتها فقط ستعمل على تحقيق اهداف الثورة لان الدافع سيكون من داخلها دون الحاجة لمليونيات او اعتصامات او اشتباكات لتحقيق الهدف .

لا حول و لا قوة إلا بالله و إيماني و يقيني كله بك يارب أنك لن تخذلنا لست خائفة فهذا ما يريده النظام البائد بإذن الله ( فهو لم يبد بعد) لن أخاف و كل ما تفعلونه لن يؤثر في يقيني بالله ما أنتم إلا بالون كبير متضخم و بإذن الله ستنقشعون فلنكف عن الاختلاف و لنتحد من أجل بلدنا ألم تدركوا مخططات الفتن بعد؟؟؟!!!! كل يوم فتن و إشاعات و خطط إجرامية و كل فئة لها لغتها التي يخاطبونهم بها لعبوا على ان المظاهرات وقف حال طب هو فين الحال اللي مشي ده ؟؟؟!!!! ده الحال من سيء لأسوأ و مفيش حاجة اتغيرت يا سلام هو احنا حنستنى الناس لما تتغير من الداخل؟؟؟!!! اللي محتاج يتغير يتغير على مهله و براحته لكن لازم يكون في ردع و فوري لكل من يمارس الفساد لعبوا على التفرقة بين المسلمين و المسيحيين لعبوا على التفرقة بين المسلمين و المسلمين و بقوا يكفروا بعض و اللي مش معانا يبقى علينا ده غير اللعب على نغمة المجلس العسكري اللي نحمد ربنا انه صابر علينا و إلا حنجري من دبابات الجيش المصري زي ما بيحصل في سوريا!!!! لسه مفهمتوش يا مصريين لسه؟؟؟؟؟!!!!!!!!!!!!! امتى حنفوق ؟؟؟ امتى؟؟؟ عارفين اللي الجهاز قدامه مبيتحركش و عمال يخبط على كل الزراير في هيستريا هو ده اللي بيتعمل فينا دلوقت خبطوا على كل الزراير مخلوش حاجة شككونا في بعض عشان نبقى فرق و يقدروا يفتتونا مفيش حل غير الاتحاد اللي كان موجود في الميدان من 5 شهور لازم نتحد مسلم ومسيحي سلفي و إخواني و ليبرالي و علماني كلنا مصريين كلنا مصريين و طول عمرنا عايشين مع بعض من قرون اوعوا تصدقوا حلم الدولة الإسلامية اللي بيضحكوا عليكم بيه و الله بيضحكوا عليكم قيادات الإخوان باعونا لفلول النظام أو يمكن مضحوك عليهم بيسلكوا كل الطرق عشان يوصلوا للحكم انتو فاكرين بجد حيسيبكم توصلوا للحكم انتو مجرد كرت في ايد النظام اللي لازال موجود و لسه ما بادش و لما تخلصوا مهمتكم حيرجعوكم تحت الأرض تاني ده ان فضلتم على وش الدنيا للأسف قسمتوا التورتة قبل ما تستوي و طلع طعمها ماسخ ما صبرتوش لما نتخلص من السم المتغلغل بس اعرفوا كلكم كل اللي خد حتة من التورتة التورتة مسمومة ارموها فورا من ايديكم و الا حتندموا أشد الندم وقت لا ينفع الندم قوتنا دلوقت في عودة روح الميدان و الا كل واحد بقى يشوف نفسه و باي باي ثورة و وقتها محدش يشتكي من الفساد و محدش يشتكي من وقف الحال اللي حيبقى أضعاف أضعاف أضعاف ما كان بيحصل خلال الكابوس المستمر من 1952 { وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ } اللهم قد بلغت اللهم فاشهد اللهم فاشهد اللهم فاشهد

ممكن سؤال لو سمحتم حد ابنه استشهد هل هايستنى تكريم من حد باحط نفسي و اتخيل ان ابني مات في سبيل الدفاع عن بلده هل هاستنى تكريم من حد و اروح اقتحم مكان بيتم فيه تكريم ؟؟؟؟؟؟ كل اللي هاعوزه ان ربنا يصبرني على فراق ابني و ادعيله ان الله يتقبله في الشهداء و اني الحق بيه في الجنة هابقى طبعا مصرة على القصاص من القاتل بس مش هاروح اشحت بدم ابني شقة او شغل لاخوه زي ما حصل قبل كده و انا شوفته بنفسي انزل و اطالب و اقف كل يوم قدام دار القضاء العالي و مش هاسكت بس مش هاروح اصوت في التحرير و اقول الحقوا دم ابني في حاجه غلط في الموضوع و كتير على الجزيرة اكدوا دا ربنا يستر

البعض ما زال مصاب بالعمى يا بشر دى ناس ولادها استشهدت .. وفى خلال خمس اشهر عوقب امين شرطة واحد لكن لم يمس الكلاب الكبيرة بأى سوء ..الناس اللى بتهدد دلوقت بانها لازم تتخلى عن القضايا وعن حق اولادها الناس اللى استشهدوا علشان نقعد احنا نتخانق فى ساويرس و نكسر الشرائح ونعمل فيها اسود ولا نعمل مظاهرة علشان كامليا ولا علشان زفت الطين الناس اللى استشهدوا علشان نفرح بالأحزاب وكل واحد يجرى وينافق المجلس العسكرى علشان نتكلم ونجعجع ارحموا من فى الأرض يرحمكم من فى السماء فعلا احنا نستاهل حكم شخص زى مبارك ده طالما بقينا غلاظ القلوب كده قبل ما حد يتكلم ياريت يراجع نفسه ويشوف هو كان فين مستخبى خلال فترة الثورة وكفايانا جعجعه افهموا بقى بالمناسبة حد يفهمنى ازاى البلطجية دول بيتحركوا كده امام عربات الشرطة http://www.youtube.com/watch?v=twe8TNHB0D8

اي تصرف احمق سيتم الرد عليه وبكل عنف مش عاوزين تصعيد بالله عليك عاوزين تهدئة شباب 6 ابريل استعد للقتال ... ( كتب عليكم القتال ) ...وبدأ الحشد .. ولا مانع عند الأبريليين من تحويل مصر إلى ساحة لحرب أهلية أقولها ... وبعلو صوتي ... ( ألا لعنة الله على كل من يجر مصر للفوضى ) ... يا سيادة المشير ... أنقذ مصر .. وأعد هيبة الدولة ... ارجع بذاكرتك للوراء وسل نفسك ... لو أن المشير عبد الحكيم عامر رحمه الله في مكانك الآن ... ماذا كان سيفعل ؟ تقمص روح عبد الحكيم عامر الآن يا سيادة المشير ... درء المفاسد مقدم على جلب المنافع يا سيادة المشير .. والجيش بكل إمكاناته يستطيع وبكل سهولة ردع هؤلاء الفوضويين قم باستدعاء الاحتياط لو وصل الأمر .. قم بإغلاق ميدان التحرير نهائيا لو وصل الأمر .. المهم أن تحفظ استقرار مصر ... هذا هو ما سيذكره التاريخ .. فقط لا غير.

الفاضل / architect نتناقش بهدوء وياريت الكلام ده يوصل لأصدقاءك الموجودين في القاهرة. ماحدث بالأمس شكله مش طبيعي على الإطلاق ، حفل بمسرح البالون لتكريم الشهداء، اهالي الشهداء معتصمين عند ماسبيرو مطالبين بسرعة محاكمة المسئولين عن أرواح أبنائهم شباب ونشطاء في بيوتهم أو أعمالهم أو بيتفسحوا مع ودعوات لتنظيم وقفة مليونية او مظاهرة مليونية او أي كان إسمها ستكون يوم 8 يوليو أي بعد عشرة أيام كاملة قرار أسعد اناس كثيرين بحل جميع المجالس المحلية على مستوى الجمهورية وتأييد من قيادة البلد السياسية والحاكمة ناس ليس معروف هويتها تتوجه لمسرح البالون لإثارة الشغب ، تصدي قوات الأمن لهم وتتطور الأمور بشكل درامي ويتم استدعاء ( مقاتلي ) الشباب أو النشطاء وكأنهم كانوا جالسين على المقاهي انتظارا لإشارة البدء تتدفق جحافل الشباب حاملين معهم قنابل مولوتوف تم اعدادها سلفا حسب قولك ومسلحين بالطوب والظلط ليتحولوا من نشطاء وشباب اعتادوا التظاهر السلمي إلى بلطجية يقاتلون قوات الأمن. تتصدى قوات الأمن لهؤلاء البلطجية ( لايمكن تسميتهم متظاهرين سلميين متى رفعوا السلاح في وجه قوات الأمن حتى لو كانت طوبة ) تتطور الأمور ليذهب هؤلاء البلطجية لمحاصرة وزارة الداخلية مع التهديدات القميئة من المتظاهرين بأنهم سيفعلون كذا وكذا إذا لم تتم اقالة وزير الداخلية ، وكأنما تحول المتظاهرون إلى ميليشيات مسلحة تكر وتفر وتملي شروطا. الفاضل / architect مازالت مصر دولة قانون حتى لو كان القانون فيها مازال عاجزا عن التطبيق بسبب الظروف الحالية. أي خروج عن القانون يجب أن يواجه بالشدة والحزم خاصة إذا أقترن ذلك الخروج بالعنف. قل لأصدقاك يجب عليهم أن يحافظوا على الطابع السلمي للإحتجاج والتظاهر ، وقل لهم أيضا أن شرعية القانون تختلف عن الشرعية الثورية فى ميدان المعركة يمكن أنيصدر حكم اإعدام خلال دقيقتين ، أم خارج الميدان فقد يصدر حكما بالبراءة على نفس الجرم. وقل لهم لطالما ناديتم بوقف محاكمة المدنيين أمام محاكم عسكرية ، فلماذا تريدون محاكم استثنائية لرموز النظام السابق الذين هم بالفعل تتم محاكمتهم ولكن أمام القضاء المدني الذي يتحري مسوغات البراءة مثلما يتحرى مسوغات الإدانة. قل لهم أن مصر بحاجة للم الشمل وليس للتفريق والتشرذم ، ولو كان ليس لهم كبير فليجدوا لأنفسهم كبيرا يستشيرونه بدلا من التصرف بالطريقة التي حدثت بالأمس والتي أثبتت أنهم لايزالون في طور المراهقة السياسية والثورية على السواء. قل لهم أنهم ليسوا بأحرص على مصر من باقي المصريين ، وليترووا قبل الإقدام على أي عمل من شأنه الإضرار بالإستقرار الذى نحاول ان نصل إليه. وأخيرا قل لهم ، حتى لو استخدم الأمن العنف ضدكم ؛ فلا تستخموا العنف ولاتقاوموا السلطات وإلا إنقلبت إلى فوضى. الثورة خلصت وحان وقت البناء. الأخ الفاضل محمود ذكرت بالبداية انهم غير معروفين الهوية عند مسرح البالون ثم رجعت لتؤكد انهم شباب ثائر في التحرير تخلى عن السلمية وحمل زجاجات المولوتوف المحضرة سابقا من كان يستطيع بالأمس وحتى اليوم معرفة من حمل زجاجات المولوتوف لا أحد يعلم الشباب تم دفعه فيما بعد بعدما تبين سوء معاملة الشرطة لأهالى الشهداء وهذا ما بثه هنا الاخ أرش وكذلك على الفيس بوك اذن فالشباب السلمي لم ينزل الا بعد الشدة التى لاحظوها من الشرطة وبعدما تأكدوا من وجود اهالى الشهداء بالميدان ربما لم تتواطئ الشرطة مع البلطجية الأوائل ولكنها استمرت بنفس العنف بعد تدفق الشباب لحماية اهالى الشهداء وربما وقتها كان قد فر البلطجية الحقيقيين بعد فراغ زجاجاتهم فما تفسيرك للعنف بعد ذلك من الشرطة وهل تظن ان يقف الشباب ليتلقوا القنابل المسيلة للدموع بلا ردود فعل ولو بحجارة لا أحاول هنا الا أن اتخيل ما حدث بالميدان ومازلت لا أفهم ولكن تصورك لم يكن صحيحا من وجهة نظري ارجو أن تتقبل وجهة نظري بصدر رحب تحياتي الفاضلة / نور العين ربما حدث سوء فهم لمداخلتي من هاجموا مسرح البالون حسب أقوال الشهود لم يكونوا لانشطاء ولا أهالي شهداء ومن هاجموا قوات الأمن بزجاجات المولوتوف حتى لو كانوا من النشطاء ( الذين تسائلت سابقا عما إذا كانت وظيفتهم ناشطين أو ثوريين وجاهزين تحت الطلب لأي إستدعاء ليكونوا في الميدان خلال ساعة او ساعتين ) فقد إنتفت عنهم صفة المتظاهر او الناشط السلمي لانه " قاوم " قوات الأمن. المتظاهرين السلميين ظلوا سلميين حتى قبل أمس ، أما ماحدث بالأمس فمن الصعب أن نجزم بأن من هاجم قوات الأمن كانوا ناشطين أو ثوار لان الثوار لايقاتلون قوات " أمنهم "

كل سنة وانتي طيبة يابينكي كل سنة وكل مصر بخير ويارب احمي بلدنا من شر كل سوء ماتنسوش ياجماعة تدعوا لبلدنا ربنا يحميها جزيتي كل الخير يابينكي علي موضوعك الرائع

اليوم الأخير فى حياة جمال عبد الناصر http://www.youtube.com/watch?v=1YhsTGxGZx8

أحيانا نحن لا نرد على الكلام المتزن الصائب ويكون سكوتنا علامة الرضا والقبول ثم نعقب على الكلام الغير صائب لنكشف ما فيه من خطأ وكذلك الموضوعات الصائبة ربما لا تحتاج لإضافة وهناك موضوعات نشترك فيها لأنها تحمل استفزازا معينا من وجهة نظرنا فاشتراكنا في الموضوعات قد يكون بسبب جودتها أو لما تحمله من عناصر الإثارة أو التشويق ولا أظن أن هناك شلل تشترك في موضوعاتها فقط ولكن كل واحد له فكره الذي يدافع عنه في أي موضوع مطروح

أفكر جديا الآن في إبلاغ الشرطة والمجلس العسكري عن ذلك العضو الذي يدعو لإشاعة الفوضى والبلطجة في أنحاء الوطن ويدعم بكل ما أوتي من قوة ومن أخبار مختلقة مزورة هدم استقرار البلد لقد ثبت لدي بما لا يدع مجالا للشك أن ذلك العضو يقوم بالتحريض هنا وفي منتدى آخر يعمل فيه مشرفا لكنه للأسف حينما يكون في حركة 6 إبريل لا يتحدث بهذه اللغة بل وينكر تمام الإنكار ما يكتبه هنا وليسوا هناك تقريبا على شاكلته هذه هل تحترم هناك ولا تراعي هنا فيما تكتب لماذا هنا وليس هناك وذلك ثابت عندي فقد اجهته هناك وتحدثت مع زملائه أنت لست أغلى عندي من الوطن أنا الآن في طور التفكير حتى لا أندم على ما فكرت فيه وإذا عزمت فسأجمع ما تكتب

النهاردة كان يوم غير عادة بالمرة ويارب يعدي علي خير مكاني عملي مقارب لوزارة الداخلية ..... النهاردة الصبح كان متجمع عدد ليس بالهين امام مبنى وزارة الداخلية ......... شكلهم مش متظاهرين ابداً مسالمين لأن ببساطة شديدة مافيش متظاهر مسالم بيشيل اسلحة بيضاء وبيخوف سكان المنطقة اصدقائي في شارع الشيخ ريحان قضوا ليلة غريبة وكانوا محبوسين في بيوتهم ولا يزالوا حتى الآن ........... ( الشيخ ريحان هو احد الشوارع التي تطل عليها وزارة الداخلية ) البلطجية كانوا بيرموا طوب علي البيوت المجاورة للوزارة اللي شوفته النهاردة ياجماعة مش متظاهرين سلميين ابدا دول بلطجية فعلاً دة بالنسبة للي موجودين عند وزارة الداخلية ماعرفش ايه اللي بيحصل في التحرير لأنه مغلق تماماً بس نشاط الشرطة النهاردة فعلاً يفوق العادة ........... الشرطة منتشرة في جميع انحاء القاهرة لدرجة اني ماشوفتش افراد الجيش النهاردة .......... اول مرة في حياتي كلها اشوف تواجد أمني بالشكل دة في القاهرة ككل ( بعيداً عن موقع الأحداث ) من وجهه نظري الاحتجاج بالشكل دة غير مقبول ابداً الان ومن وجهه نظري برده ماينفعش الشرطة تنسحب كدة من التحرير علشان تثبت حسن نيتها ....... احنا محتاجين امن وامان وحزم واي تعدي علي المواطنين الآمنين اسمه بلطجة

جبل بركاني وسط البحر جمل بيعمل الرياضه بتاعته الصبح بدري

السلام عليكم و رحمة الله و بركاته محدش ممكن يقول علي دكتور شرف خاين يا بينكي دكتور شرف كان مع الثورة من الاول و كان في الميدان بس اللي احنا متوقعينه منه اكبر من مجرد انه يطلع "يقول" انا اقدر اقعد ع النت ليل نهار ااقول و ابرطم و افش في غلي و اطلع ده خاين و التاني لا لكن دكتور شرف المفروض ان احنا متوقعين منه تصرف حاسم...ادارة حاسمة....قرار فوري حتي لما بنعلق علي حكومته بنعلق علي "الاداء" و تحقيق المطالب اللي الحكومة دي اصلا مكنتشي هتيجي لولا "الاداء" للي كان قبلها....(يا لهوي ايه ده معقول ممكن حكومة شرف تبقي مجرد حكومة زي اللي قبلها حتي لو قولتها عرضا في الكلام...مش عارفة) محتاجين تصرف دا كلامك انتي يا لماضة عشان انتي واحدة محترمة و عندك قدر كبير من الوعي و الثقافة و قدر كبير من العقل و ربنا يديمهم عليكي نعمة لكن بنظرة سريعة على الفيس بوك هاتشوفي مهازل ادخلي اي بيج و دوري عينك على السريع هاتلاقي بلاوي تشكيك في المشير و المجلس و شرف و العيسوي اتهامات بالخيانة صريحة دا غير رصة الشتايم المعتبرة اللي تحسسك فجأة انك في الشارع مش في بيتكم في تحريض غير عادي يا لماضة علي الفيس تحريض عدائي لاقصي حد و المصيبة انك لا عارفه مين الي بيكتب و لا منين بيكتب و الادهى و الامر انك تلاقي كتير ماشيين ورا الكلام من غير تفكير وسؤال معلومتك دي منين مصدرها اللي ع الفيس ده حرب أعصاب زي اللي كان بيحصل أيام الثورة انتي نسيتي يا ريم ده اهالينا في مصركانوا مقلوبين علينا علشان مؤيدين للمظاهرات هو ايه اللي حصل نفس السيناريو بيتعاد تاني؟؟ و بقوا الناس اللي في الميدان بلطجية؟؟؟!!! و برضه أجندات أجنبية و قلة مندسة؟؟؟ّ!!! هو مبارك بس اللي كان المشكلة؟؟؟!!! انتو نسيتوا ان المطالب كانت اسقاط النظام؟؟؟!!! هو فين النظام اللي سقط؟؟؟ هو فين الحال اللي اتعدل؟؟؟ خدعة كبرى مصر رجعت تاني في العناية المركزة و حسبنا الله و نعم الوكيل اللهم عليك بالظالمين أشهدك أنني لم أفقد يقيني بك منذ اللحظة الأولى و حتى هذه اللحظة اللهم عليك بالظالمين اللهم عليك بالظالمين اللهم عليك بالظالمين

حسبنا الله ونعم الوكيل عاجبكم ايها النخبة يا من تضعون مصالحكم فوق مصالح الشعب مبروك الخراب مبروك التفريق مبروك الحشد الجماهيرى الذى يثبت للمخالفين لرآيكم انكم قوة مبروك للحزب الوطنى الفاسد رجالكم من البلطجية نجحو فى احداث فوضى واستغلو انقسام النخبة واصحاب الفخامة من قائدى الثورة المباركة مبروك عليكو جميعآ تأخير تدوير العجلة وايقافها لأجل غير مسمى مبروك على كل من يكرة ان يرى مصر يحكمها غير العسكريين مبروك لمن يريد ان يتم الاعتداء على الشرطة فلا ترد وان حدث فهذا اعتداء ويجب محاسبتهم لانهم يرمى عليهم مولوتوف وحجارة ويردون بقنابل مبروك عليكم يا شباب معطل غائب من يوم ما وعي على الدنيا فى عصر مبارك ودلوقتى اصحاب همم ومشاريع تنموية يخربها الشرطة والشعب الذى يريد التعجيل بالاستفتاء علشان شعب غبى ومش مثقف ولابد من تأديبة بتعطيل كل شيء عن العمل وتحيا الثورة وتحيا الاعتصامات وتعطيل الانتاج مبروك عليكم العدل المنقوص فيجب طبخ المحاكمات وسلقها فلى ظل وجود قوانيين معدلة لمصلحة الحرامية مبروك الحشد والخراب مبروك عليكم هروب العمال من مصانعهم وقفلها مبروك عليكم الفوضى ولنا الله وحسبى الله ونعم الوكيل

اتعب نفسك شوية وا بحث وحضرتك تعرف دوره كان إيه بالظبط وشارك من إمتى.

صحيح الجديد مفروض ميطردش القديم لكن يتكامل معاه اهو انا صورة اللاب بتاعي ده وهوه علي القفص دعوة للتعايش بين الحضارات ،

الأخ الفاضل عفوا لقد أعطيتك سالب على سبيل الخطأ مافيش مشكلة .

أقترح محاولة البحث عن أي خيار آخر . بالعكس القفص كان بيشيل حاجات احلي من اللاب توب ، ممكن يشيل تفاح او مانجه او بطيخ

الأخ الفاضل عفوا لقد أعطيتك سالب على سبيل الخطأ فقد كنت أقصدها لمن قال كتب عليكم القتال وهو كره لكم واستعمل القرءان العظيم في غير محله فقد نزلت الآية في قتال الكفار وليس ليقتل المسلمين بعضهم بعضا وفرضت من أجل إقامة العدل والسلام والإعمار وإعطاء كل ذي حق حقه وليس للفوضى وخراب مصر لا شك أن من يقوم بهذا الحشد أناس ليس عندهم أدنى أحساس بالوطنية والوطن مع إنهم من مروجي المواطنة وأدعياء حب الوطن وبأمر الله سيفشلوا في سعيهم هذا كما فشلوا فيما سبق اللهم صب جام غضبك على كل من يريد ببلدنا الحبيب مصر سوء

السلام عليكم و رحمة الله و بركاته متفقة مع كلام حضرتك جدا....بس في جزئية ان "زمان" كان الناس عندها هدف واحد و عشان كده كانت بتنزل الميدان بس اللي بيحصل دلوقتي من ساعة "زمان" اللي هو شهر يناير و احنا في شهر يويله دلوقتي تفتكري ده ميخليش عندنا هدف واحد للنزول تفتكري حالة الفوضوي و التفسخ و الاحباط اللي احنا رجعنا ليها تاني و كاننا بنبتدي من نقطة الصفر بس المرة دي مبارك بدل ما كان بيطلع يعمل باي في التلفزيون دلوقتي حتي "باي" ريحناه منها و بقي قاعد يصيف عادي في شرم الشيخ!!!!!!!!!!!!!!! تفتكري حال البلد اللي مش ملاحقين ناخد نفسنا من فتنة لفتنة و من ازمة لازمة و ادارة هشة و قرارات من نوعية ندين و نشجب و نهيب و نطبطب...كل ده ميخليش عندنا هدف واحد تفتكري لما الاقي زمايلي ابتدوا يحسوا بروح الثورة و ابتدوا يبنوا علي اساسها و نزلوا و شمروا ايديهم و راحوا للقنوات الشرعية و الرسمية في المطالبة بحقوقهم و بعدينيلاقوا نفسهم مقبوض عليهم بتهمة البلطجة..(مع انهم دكاترة جامعة)...ده مخليش عندنا هدف واحد تفتكري لما تبقي الفرحة اللي عشناها يوم 11 فبراير نحس انها زي المصاصة اللي كنا بنتحايل بيها و مافيش اي حاجة بتتغير...ده ميخليش عندنا هدف واحد تفتكري لما نبقي قاعدين نقول ده سلفي و التاني يرد عليه يقوله يا ليبرالي و احنا قاعدين زي كورة البينج بونج رايحين يمين و شمال و كل واحد ماسك المضرب و بكل عزمه عمال يرزع...ده ميخليش عندنا هدف واحد تفتكري لما نبقي لغاية دلوقتي...عمالين نقول عدي علي حكومة دكتور شرف 100 يوم و عشرين سنة و احنا حاسين ان العربية بترجع للخلف و احنا واقفين اصلا علي منحدر....يبقي فيه ايه تاني راح نخسره فيه تاني فاضل انا لو هنزل الميدان او هدعي ليه عشان عندي هدف واحد انا فعلا تعبت و زهقت و الفرحة اللي عشناها بحس انها بتنسرق و لو هرجع لحالة الاحباط اللي خلتني في يوم اسيب اهلي و اسافر يبقي هنزل هنزل عشان هي جابت زيت عشان تعبت....تعبت...تعبت و انصاف الحلول و مسك العصاية من النص مبقاش ينفع بقي زي الرقص علي الحبل في كل لحظة متوقعين السقوط و احنا مش ف سيرك احنا في مصر و مينفعشي نقول هلا هوب....و لو هنقولها هنقول هيلا هوب....علي الميدان تعبنا بقي --------------------------------------- دي وجهة نظري.....الخاصة و مش راح اطالب بيها حد هي ليا لوحدي و حطيتها علي الورق تحياتي

أستاذ الغريب مصر بتضيع للأبد و حضرتك مش متحمل كلمة "المتخاذل" على قيادات الإخوان يا أخي سبحان الله همة ملائكة يعني مبيغلطوش محدش اهانهم شخصيا احنا عايزينهم ياخدوا موقف و لا يثقوا في فلول النظام اللي بيضحكوا عليهم احنا بننبههم مش بنهاجمهم لازم تحرك سريع و بأحب من هنا أوجه كلامي للي قال منهم طز في مصر أن الدولة الإسلامية لن تقوم إلا بمصر

ولكم في القصاص حياة الناس مش هتعرف تعرف معنى للحياة الا بالقصاص هو ده ديننا

بلا نهيب بلا نونيب عاوزين محاكمة علنية لابن الـ ..... اللي عامل ميت في شرم الشيخ ده وفورا وعاوزين من الداخلية و منكم اعتذار صريح عشان لما اسر الشهداء يتصلوا بيستنجدوا بينا الحقونا بننضرب يبقى لازم نلحقهم ونحميهم بارواحنا وناخد لهم حقهم مين اللي تسبب في الموقف غير استخدام العنف المفرط تجاه اسر الشهداء وضرب النشطاء بالرصاص المطاطي وقنابل الغاز الجديده !! بتجربوا فينا قنابل غاز جديده وتضربونا بيها !! كنا قاعدين وساكتين وكافيين خيرنا شرنا وبنقول نصبر لكن لكل شيئ حدود طيب ,, ايها المجلس العسكري ,, احنا اعلنا الاعتصام ولن تستطيع قوة على وجه الارض ان تزحزحنا عن ميدان التحرير الا بعد تنفيذ ( كل ) مطالب الثورة التي اعلناكم بها ,, راجعوا بيانكم ده ولا غيروه ولا احرقوه ,, عاوزين بيان الاعتذار والالتزام بتحقيق ( كافة ) مطالب الثورة ,,

صفحة كلنا خالد سعيد

هو الثوار اتعلموا يعملوا مولوتوف طيب لما الشرطة تلاقي كده المفروض تعمل ايه يعني ايه يطالبوا الشرطة بالانسحاب يعني ايه نوارة نجم مش عاوزينها الشرطة دي الغوها مش نافعة يعني ايه الناس تكون مش عارفة الحقيقة فين و نازلين يحاربوا و يحشدوا يعني ايه شوية مشجعين كورة ينزلوا يقفل االميدان يعني يطلع امام مسجد عمر مكرم يطالب الموجودين بالاعتصام في الميدان يعبروا عن رأيهم اي رأي اللي عاوزين يعبروا عنه الدستور الاول و لا دم الشهيد اللي لو ربنا تقبلهم في الشهداء زمانهم اتغمسوا في النعيم و نسيوا مصر و الدنيا باللي فيها و لا محتاجين منكم او من غيركم حاجه الشيخ صفوت حجازي بيطالب الثوار الحقيقين الانسحاب من الميدان عشان يقدروا يعرفوا البلطجية لانهم بيجهزوا مولوتوف في الميدان و ناويين ي لعوه الكلام دا على الجزيرة مباشر دلوقتي

تحيّة طيبة أخي الكريم . يعجبني سرعة التفاعل مع المشاركات ، خاصة بهذه السرعة القياسية :) بخصوص الملابس فهي ليست ملابس البيت بالطبع ، أما بخصوص الهيئة فأنت تعرف هيئة الصور التذكارية بشكل عام وهيئة صور الزفاف بشكل خاص . كزوج يحتضن زوجته وما إلى ذلك . دي مسألة سرعات رد فعل ليس الا ;) طيب مادامت الصوره مش بملابس البيت يعني بملابس عاديه يشاهدها الجميع في الشارع واا كان صور زفاف يشاهدها كل المدعويين بل ومؤكد انها ظهرت في كاميرات المدعوين انفسهم واحتفظوا بها للذكرى ايضا ومادام المجتمع المصري طول عمره مجتمع عادي بناتنا بنزلوا الشارع يمشوا فيه بكل امان مش زي بلاد الخليج المتزمت مثلا ,, يبقى فين المشكله !

(9) أرتب الغرفة للمرة العاشرة في نفس النهار وأتبرم من الفوضى التي لا تنتهي ألا يستطيعون على الأقل المحافظة على الترتيب؟؟؟!!! و تجولت بعيوني في المكان كم جميل منظر الغرفة و هي مرتبة هادئة و بعيدة عن شبح الفوضى كانت أمي تقول دوما: لابد أن تتسخ الغرفة و تعم الفوضى المكان هو احنا عايشين في متحف؟؟؟!!! ده حتى المتحف بيحتاجوا ينظفوا التراب اللي فيه!!! ابتسمت للصورة التي رسمتها أمي و تساءلت لماذا لا يغلقون النوافذ و يوصدون الأبواب حتى لا ينفذ التراب للداخل؟؟؟ غرفة خالية من الناس حتى تظل على ترتيبها وأناقتها ونوافذ مغلقة وأبواب موصدة حتى لا ينفذ التراب للداخل عدم وجود الناس= غياب الحركة نوافذ مغلقة + أبواب موصدة = عدم وجود هواء لم تعد غرفة لقد صارت مقبرة!

غاليتي نورالعين جعل الله لكِ حظا من اسمك آمين كثيرا ما كنت أميل إلى التمرد على كل القوالب و الأنماط المفروضة و كنت أثير الزوابع أين ما حللت و كنت أستمتع جدا باستنكار من حولي لما أفعله و أستمتع بتجاهل ردات أفعالهم و كنت أعُد ذلك انتصارا على محبي الوصاية على البشر و مع الوقت و كلما نضجت أكثر كلما خفت حدة هذا التمرد و كلما اقتربت أكثر ممن حولي التواجد بين الناس نعمة من الخالق عز وجل و التواصل معهم متعة الحياة و لا ضير من هدم بعض أسوار النفس و السماح لها بالتريض من آن لآخر في حدائق الآخرين

(8) اتساءل بشدة ما الذي يعنيه تأييد الآخرين لنا؟؟ هل هو بهذه الضرورة لنا؟؟ ماذا لو لم يؤيدك أحد؟؟ و ماذا لو أيدوك و لكنهم اكتفوا بذلك؟؟؟ نحتاج إلى التأييد للتأكد أننا نسير على الطريق و حتى لا يتسرب الخوف في نفوسنا و لا نقع في الحيرة مثل حيرة سيدنا إبراهيم عليه السلام التأييد ضرورة احتاجه سيدنا موسى عليه السلام و طلبه من ربه عز وجل واجعل لي وزيرا من أهلي * هارون أخي* اشدد به أزري* وأشركه في أمري * (طه: 29-32) و احتاجه سيدنا الحبيب محمد صلوات الله و سلامه عليه فأيده الله تعالى بالصدّيق أبا بكر رفيقه في رحلة الدعوة التأييد و لو كان ضئيلا يزيد من إيماننا بما نعتقده صوابا و يزيد من قوتنا في مجابهة تحديات الرفض و الخذلان قفز إلى ذهني فكرة أن الأنبياء دائما و أبدا كانوا يجدون الرفض لما يقولون لعله الخوف من الجديد... المجهول فنحن قد جُبلنا على حب ما نعرفه و نألفه و نحب أيضا ما اعتدنا عليه حتى و إن لم يكن ذا منفعة كبرى لذلك يسكننا الحنين إلى الماضي الدافئ الذي عرفناه و خبرناه دائما ما كان الرسل يجابهون صخرة ذلك الماضي المتمثل فيما كان يعبد الآباء و ما كانوا عليه أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ (البقرة : 170) صخرة العادات و التقاليد التي لا فكاك منها حتى وإن كان قد عفى عليها الزمن كمن يخاف القفز في حوض السباحة و تتسمر قدماه و تُشل حركته و قد يظل خائفا لسنوات و ربما عمره كله مع أن الآخرين يسبحون بمنتهى البساطة لم يحاول و لا يريد المحاولة لا أدري لماذا تذكرت قصة الفيل نيلسون الذي ربطوه بسلاسل و أغلال بأثقال ضخمة تمنعه من الحركة فلا يستطيع الهرب و بعد عدة محاولات فقد الأمل و لم يعد يفكر بالهرب حتى بعد أن أزالوا عنه تلك الأحمال لم يجرّب مرة أخرى لم يحاول و عدت بذهني إلى أطفالي و كيف أنني عندما أقوم بعمل هام أغلق الباب بالمفتاح فيحاولون فتحه و يدركون أنه مغلق ثم لا ألبث أن أفتح بالمفتاح بهدوء و يظل الباب مغلقا دون قفل كلما أغلقت الباب بالمفتاح لا يكف صغاري عن محاولة فتحه كل مرة و أعني " كل مرة" لم يمت الأمل لديهم هو دوما موجود فلن يكفوا عن المحاولة تأييد... ثم محاولة أم محاولة ... ثم تأييد نحتاج للتأييد حتى نحاول؟ أم نحتاج أن نحاول حتى نحظى بالتأييد؟ أم أنها حلقة واحدة؟

(5) كنت أصاب بالحنق عندما كان ابني يقول: " ماعملتش حاجة! " مع أنني رأيته بأم عيني يفعل !!! أو "ما أخدتش حاجة!" مع أني أعطيته بيدي!!! أو عندما يصرخ في وجهي و هو غاضب " مبحبكيش" و بالخبرة أدركت... الأطفال لا يتصرفون مثلنا بناء على تراكمات خبرات الماضي فهم يعيشون اللحظة يعني لما يقول ما عملتش حاجة فهو يقصد أنه لم يفعل ما يستحق عليه العقاب أو قد يقصد أنه لم يفعل ذلك متعمدا و لما يقول ماخدتش فهو يعني أنه لم يكتفي يعني لم آخذ ما يكفيني أو لازلت أريد المزيد و لما يقول مبحبكيش فهو يقصد شعوره في تلك اللحظة بالتحديد و ليس عن معرفة دقيقة لمشاعره و ربطها بأحاسيس معقدة و خبرات مؤلمة مر بها أوصلته لتلك النتيجة و الجميل فيهم انهم بينسوا بسرعة صاروخية المثير في الأمر أن من الناس من يأخذ الأمور بهذه البساطة و لا يفلسف مشاعره و لا يحمّل المعاني أكثر مما تحتمل و ينسى بسهولة إذا أردت أن تكون سعيدا عش بقلب طفل!

(4) أحيانا أسرح و أنا أنظر لزوجي و أبنائي و أتعمق في النظر إليهم و هم عني لاهون ابني يتابع برنامجه المفضل على التلفزيون و بناتي يتصفحن مجلة و يبدين آراءهن و تعليقاتهن على الثياب و قصات الشعر! فهديّ الصغيران يتسابقان أو يجلسان مشدوهين أمام أفلام الرسوم المتحركة أو يتشاركان لعبة من ألعاب الكومبيوتر زوجي ممسكا بجريدة مرتديا نظارات القراءة و يبدو مهتما بشيء ما في الأخبار سرعان ما سيخبرني ما هو ببراءة لا تقل عن براءة أصغر أبناءنا جميل أن يشاركني ما يفكر به حتى لو كان ألما في قدميه أو أسنانه لا أرى فرقا بينه و بين أبناءنا جميعهم يأتون إليّ كما السفن ترسو على المرفأ - هل سمعتِ ما حدث ل... تعلو قسماتي ابتسامة ها هو يخبرني ماذا قرأ الآن سيأتي أحد ابنائي و له طلب ما أو شكوى أو حتى ليبتسم في وجهي و يرتمي في حضني و هو يردد بحبك ياماما حتى صغيرتي تأتي باكية و تهمهم بكلمات غير مفهومة و ترمي بجسدها الصغير في أحضاني ثم تفلت نفسها و تعود لما كانت تفعله سرحت في مشهد مشابه كنت ألعب فيه دورا مختلفا كنت أنا الأبنة آتي لأمي و أجلس معها لا أفارقها حتى في المطبخ حتى وهي نائمة كنت أحب أن أنام بجوارها ممسكة يدها و أبي أيضا ممسكا بجريدة و يخبر أمي ماذا يقرأ و يظلا يتناقشان و أنا أشارك معهما تارة أو أشاهد التلفزيون أو أطالع كتاب أو مجلة لا يقاطعني إلا صوت أبي الحبيب: ممكن كوباية شاي من ايديكي الحلوين؟ أفيق على زوجي وهو يقول: ايه ده انتي سرحانة في ايه؟ فابتسم له فيرد الابتسامة و يقول بكل براءة: طب ممكن كوباية شاي من ايديكي الحلوين أذهب للمطبخ و قد اختلط عليّ الأمر لمن أعد كوب الشاي؟ لأبي ؟ لزوجي؟ لإبني؟ أم لهم جميعا؟؟؟!!!

"اكتبوا! اكتبوا رسالة يومية أو بعض الملاحظات علي قطعة من ورق فيما تتكلمون في الهاتف، لكن اكتبوا! فالكتابة تدنينا من الله. إذا أردتم أن تفهموا دوركم جيدا في هذا العالم أكتبوا! اجهدوا لتترجموا وجدانكم كتابة، حتي ولو لم يقرأ أحد كتاباتكم-أو في الأسوأ حتي ولو قرأ أحدهم ما أردتم أن تبقوه سرا. أن نكتب ببساطة يساعدنا علي نظم فكرنا، ومعرفة كل ما يحوطنا بوضوح. يمكن لورقة أو ريشة أن تجترح العجائب فتشفي الآلام، وتحقق الأحلام وتعيد الأمل المفقود. للكلمات نفوذ" باولوا كويلوا -مكتوب

ما أروع تصويرك إبداعاتي تحتاج ...دفتي كتاب ... تحتضن كلماتي ... في رقة و حنو واحتواء تخيلت كلماتي طفلتي الصغيرة التي تتعلق برقبتي و تجذب ذراعيّ بقوة و رقة في آن واحد ترجوهما ... تستعطفهما... تجذبهما...تحثهما على الالتفاف حول جسدها الصغير الرقيق و تساءلت بفضول لماذا ننكر الاحتياج؟؟ لماذا نتجاهله؟ لماذا نترفع عنه ؟ الاحتياج شعور رائع و محروم من يحرم نفسه منه و هو شعور بشري بحت لذلك كان الله تعالى هو الغني و نحن الفقراء نحن من نحتاج إليه و لا يحتاج هو إلينا ترفعنا عن الاحتياج يحرمنا لذة الحب الحقيقي مع الله تعالى أولا ثم مع مخلوقاته التي نرتبط بها في رحلة حياتنا أعلن احتياجي لك يا خالقي و إلى كل عطاياك احتاج كل مفردات دنيتك و فردوسك الأعلى