لوحة القادة

مبارك هايموت فى سريره زى سوهارتو . . ياريت متوجعوش قلبكوا فى الموضوع ده لانه ماشى على كتالوج . . ليس كتالوج ثلاجة بكل أسف ولكن كتالوج رئيس فاسد اعتذر ان كنت احبطتك ولكن يجب ان تعلم ان سوهارتو فعل المستحيل ليبقى فى المستشفيات ست سنوات كاملة بعد اسقاطه واكثرها حراسة كانت مستشفى السجن ولكن لم يدخل الزنزانة ولم يقف خلف القضبان اذا كنت ترفض هذا السيناريو فالسيناريو الاخر هو تجنيب شعار سلمية ورفع شعار دموية دموية كما فعل شعب رومانيا فى تشاوشيسكو ماذا تختار? . . مبقلش اوقفوا المحاكمة لكن انا اعتقد انى عارف النتيجة . . محاكمة باقى رموز النظام سنراها جميعا ولكن من السذاجة ان نتصور استسلامهم بسهوله كمدير ادارة الفلول الذى يبكى فى زنزانته فى فواصل قناة التحرير ومن السذاجة ايضا ان نتصور وجود تواطأ من المجلس العسكرى فى المحاكمات حيث ان جميع اقوال وافعال هذا المجلس تثبت ان افراده يريدون ان تكتب اسمائهم فى صفحات التاريخ البيضاء وقد أتت لهم الفرصة على طبق من ذهب يوم 11 فبراير وهى لا تقدر بثمن كلنا نعلم ان سوار الذهب من بين العسكريين هو الذى ذكره التاريخ الحديث بالخير فقط حين سلم السلطة للمدنيين بعد الانقلاب الذى قام به فى السودان هذه المحاكمات ستأخذ سنوات بلا شك ومن يحاولون تسريعها يزايدون فقط ويريدون المتاجرة بدماء الشهداء كلنا تابعنا محاكمة هشام مصطفى ونحن متيقنون تماما انه حرض على قتل سوزان تميم ومع ذلك استغرقت سنتين وكلنا نعلم انه سينفق اخر مليم قبل ان يلتف حبل المشنقة حول عنقه وهذا سلوك من حرض على قتل امرأة واحدة فما بالك بسلوك من حرض على قتل شعب بأكمله هذا المسار هو الذى يجب علينا سلوكه اذا كنا نريد الاحتفاظ بشعار الثورة السلمى اما غير ذلك فستكون دموية لذا نحن فى مفترق طرق بين ان نمضى للامام ونترك الماضى للقضاء او ان نقف لنصفى حساباتنا مع النظام بايدينا وتتحول الثورة من سلمية لدموية وانا ابتهل الى الله الا نرى ذلك لانه ستكون مأساة كبرى وفرصة هائلة لكل أعداء مصر لمزيقها إربا

الاستاذ طارق ... تصديقا على حديثك ... أمريكا بدأت سيناريو فوضنة العراق بالخطوات التالية ... أول خطوة كانت هي إسقاط النظام .. لأنه لا يمكن لأي فوضى أن تحدث في ظل وجود نظام - فالفوضى عكس النظام ... وإسقاط النظام كان لابد أن يتم بتدخل عسكري هناك .. لأن نظام صدام حسين كان لا يسمح لأي مجموعة أن تفكر مجرد التفكير في عمل مظاهرة ولو من 10 أشخاص ... الخظوة الثانية ... هي قيامها بحل الجيش والشرطة ... لأنهما هما الجهات المنظمة في أي دولة .... أي جهات لها قيادات ولها أفراد تسمع وتطيع وتنفذ ... قامت بحل الجيش والشرطة ( وكان هذا مصحوبا بتهليل العراقيين للأسف لأنهم ظنوا أنهم بهذا سيتخلصون من القبضة الأمنية التي كانت تذلهم ) ... ثم قامت أمريكا بترك البلاد بدون جيش ولا شرطة .. بدعوى إعطاء الفرصة للعراقيين لبناء الجيش والشرطة من جديد على أسس جديدة تدعم الحرية والديمقراطية ... وها قد رأينا العراق بعد 8 سنوات على الغزو الأمريكي والحال التي وصل إليها . هل استطاع بناء شرطة أو جيش جديد ؟ في مصر حتى الآن الأمر لا يزال تحت السيطرة إلى حد معقول بشكل لا يحقق أحلام مخططي الفوضى الخلاقة ... فالبلاد لم يحدث فيها حمام دموي كالذي جرى في ليبيا وسوريا واليمن أثناء الثورة ... ومبارك لم يقاوم كثيرا ... والجيش لم يضرب الشعب .. ومبارك عندما رحل ترك قيادة البلاد للقوات المسلحة ( وهذا هو المسوغ الأول الذي أعطى الشرعية للمجلس العسكري ) ... القوة المنظمة الوحيدة الباقية في البلد بعد أن أصبحت الداخلية بلا حول ولا قوة ( لدرجة أن الجيش الآن هو الذي يحمي الداخلية .. فكيف تحمي الداخلية المواطنين وتحفظ النظام وهي بالأساس لا تستطيع حماية نفسها ؟ ) .. ولذا فالخطوة القادمة التي لا محيد عنها بالنسبة لمخططي الفوضى الخلاقة هو إسقاط الجيش أيضا وذلك عن طريق إسقاط قيادته المتمثلة في المجلس العسكري .. وترك البلاد بدون قبضة قوية تستطيع السيطرة على الأمور .. تماما مثلما حدث بالعراق. وإن شاء الله سيخيب مسعاهم لأن الشعب سوف يقف خلف الجيش في التصدي لأتباع الفوضويين.

احنا الكل حاسين بكده اننا بينضحك علينا ولكن زى ما قولت فى التوبيك اليى قبل كده اننا ما بين نارين اما ان نقوم على المجلس العسكرى ونسقطه وده ممكن يؤدى الى انقسام المؤسسه العسكريه وده طبعا هيؤدى الى ضياع البلد بلا رجعه او نفضل نناهد فيهم لحد لما نعمل انتخابات رئاسيه ونجيب رئيس منتخب من قبل الشعب ويستمد شرعيته من الشعب لا من امريكا ولا من اسرائيل ولا من الجيش كمان وينفذ بقى اليى الشعب عاوزه ونعيد محاكمة العصابه من تانى تحياتى عنبو

اللابتوب بتاعي عندو عيب خلقي و التهوية محدوفة على جمب واحد. بحطه على كتاب بحيث الناحية اللي فيها التهوية طايره في الهوا وهو بيوزن نفسو بس ده في حالتي مش بقعد على كرسي وتربيظة زي الناس. لكن لو حضرتك بتقعدي على السفرة مثلا ومفيش عليها مفرش مش مفروض يبقى في أي مشاكل. مرة والدي كان عايز يشرح لراجل على قد حاله انو يعمل كمادات والراجل مش فاهم كلمة كمادات ولا مستوعبها خالص. راح قاله عارف الكيس اللي بتيجي فيه الفرخة أهو كيس زيه كده بالظبط وحطه على الوجع. الراجل قاله طب احطه بالفرخة ؟؟؟ سخونة اللابتوب مضرة جدا جدا جدا جدا جدا للجلد. كذا مرة أسمع عن حوادث بسبب الموضوع ده ودايما يحذروا إن سخونة اللابتوب خداعة عشان الواحد بـيحس إنها عادية ويمكن جميلة في الشتا لكن أضرارها فظيعة. كأنك بتطبخي على نار هادية. مالها الاربه؟

ترددت كثيرا فى فتح هذا الموضوع ..و أرجو محدش يزعل منى و عموما ده احساسى يخطأ أو يصيب أنا شايف إن فى نوع من الشللية فى المنتدى يعنى زميل يكتب موضوع يتهافت باقى شلته للمشاركة و الرد و ممكن يكون الموضوع فعلا بسيط أو بسيط جدا لكن تلاقى كتير من المشاركات والردود الجميلة (و دى حاجة تسعدنى بجد )وموضوع تانى لزميل جديد او قديم بس مش بتاع شلل و ممكن يكون مجتهد فيه او بيطرح قضية مهمة و تلاقى الردود ضعيفة بل ان فى بعض الزملاء ليهم مواضيع مهمة و لا يوجد و لا رد عليهم و لا حتى شكرا , و نفس القصة مع زميل جديد يضع مشاركات بسيطة فى المضمون صحيح بس على الاقل هو زميل فى المنتدى يعنى حتى شكرا , الله يكرمك اى حاجة , انا عارف ان دى طبيعة البشر الشللية سواء فى الطبيعة او على الشبكة لكن ليه منكنش مختلفين و نغير من نفسنا يعنى نعتبر ان المنتدى ده زى الحياه الطبيعية مش من الزوق و احنا قاعدين فى جلسة مثلا او مكان عام وواحد يقول موضوع و محدش يعبره حتى لو كان موضوع بسيط او مكرر الرد عليه حيعمل ايه حيقلل من مكانتى ؟! انا شفت قائمة الاعضاء و شفت كتير جدا لهم مشاركات و تركوا المنتدى ممكن يكونوا انقطعوا لاسباب شتى لكن مؤكد من ضمنها الاحباط لما يطرح اكتر من موضوع و محدش يعبره , عموما النصيحة دى لزملائى الاعزاء و لى قبلكم .. و طبعا مش مقصود من كلامى انى لازم اشارك فى كل موضوع ارجو ان تكون فكرتى واضحة.. و شكرا ..........................

السلام عليكم و رحمة الله و بركاته العنوان صادم جدا و لما قريت المقال تفهمت علاقته بمحتوي المقال بس للاسف استاذي ايمن اللي بيعارض النزول للجمعة دي او اللي سبق من الجمع كان بيتهم اللي بينزل برضه انه بيتاجر بدماء الشهدا الكل بقي بيتهم الكل ماما سلوي قالتها في مداخلة امبارح الشهداء ماتوا خلاص و بقوا في مكان افضل و دلوقتي كل واحد عايز يقايض بالدم ده مش راح نخلص من الاتهامات من كلا الفريقين علشان كده انا ابتديت افكر بشكل تاني...مع كل الاحترام و التبجيل و الدعاء الصادق للشهداء و اسرهم بفكر ليه محدش بيفكر في اللي عايشين...و اللي راحو يعيشوا مش كلنا عندنا ولاد و عايزينهم يكبروا في البلد دي مش كلنا عندنا حلم.....حلم العودة و انا يبقي ليك وطن زي اللي في يوم حلمت بيه مش كلنا حتي لو جوه مصر....عندنا حلم ان احنا نعيش بكرامة..بعدالة....اخد فرصتي في الحياة مش كلنا...في يوم 11 فبراير....حلمنا...و فرحنا....و حضنا بعض في الشوارع و الحارات...و حسينا ان فيه حاجة بتتغير بعد ما خلاص كان اليأس بقي احد مفردات قاموسنا المصري.. مش كلنا من حقنا نحلم طب ايه مش راح ندافع عن الحلم ده ليه اذا قدامنا فرصه نتنفس....و نحلم ليه لا انزل لو مش عايز تنزل....محدش هيشدك من غير اتهامات...من غير احكام مسبقة اللي عايز يحلم....يدور علي حلمه.....هيلاقي الطريق و الطريق لسه بيترسم...دي كانت اول خطوة و المشوار اكيد طويل هيقع مننا كتير في الطريق....و كتير مش هيكملوا....بس من حق النفر و لا النفرين اللي قرروا انهم ينزلوا و يحلموا...من حقهم يكملوا من غير ما حد يحدف عليهم طوب و دي وجهة نظري مش راح افرضها علي حد تحياتي

على حسب تصريح سمعته لمساعد وزير الداخلية للامن العام غن تم ضبط سيارة مُحملة بالبنزين وهي التي كانت تقوم بتعبئة زجاجات المولوتوف تفتكروا دي 6 إبريل برضوا ولا إيه ؟

بصراحة بما أني عضوة جديدة وليس لي مواضيع فلم ألحظ هذه الظاهرة لكن هذا الأمر ملاحظ بكل المنتديات تقريبًا وبس اللي لاحظته هنا أنه الاقبال شديد على مواضيع بعينها من مسببات الاحتقان و النقاش الحاد الذي قد يصل إلى الخلاف أتمنى تكون ملاحظتي هيذه ليست بمحلها أما المواضيع العامة أو الإصلاحية أو حتى مواضيع التي لا جدال فيها فنجد رد أو ردين والسلام عليكم أتمنى أن يكون الوضع العام في مصر والعالم العربي هو السبب في ذلك وأن لا نكون نحن العرب قد أدمنا أسباب الخلاف وابتعدنا عن الأهداف الحقيقية وهي البناء والتجمع والتوحد على كلمة واحدة فنفيد أوطاننا وعالمنا العربي بشكل عام لا أعرف إن كان ردي هذا خارج الموضوع ولكن وجدته المكان المناسب لما يطرق بالي الآن

كان فيه بلد جميلة اوي اسمها مصر البلد دي كانت فيه اشجار جميله ,, وعصافير خضرا صوتها جميل ,, وبحر ازرق بيسبح فيه الاطفال ,, وحصان ابيض سريع و بيجري بس فجاة ! جم اشرار و حراميه ووحشين دخلوا البلد ! الناس كلها خافت منهم ,,! ودخلوا بسرعه استخبوا جوه البيوت ,, العصافير بطلت تغني والشجر اوراقه وقعت على الارض والبحر بقى لونه اسود ومابقاش حد بينزله والاشرار دول سرقوا الحصان الابيض الجميل وحبسوه جوه بيت قديم ومكسر بقت الناس اللي في البيوت زعلانه وبتعيط كل ماتسمع صوت الحصان كل ليله وهو بينادي عليهم عشان ينقذوه ,, الناس قعدت تفكر تفكر ,, في فكره ,, ازاي تنقذ الحصان الصغير و تطرد كل الاشرار الوحشين اللي دخلوا البلد وسرقوا حصانهم الجميل ,, يتبع ,,

بنمر في حياتنا بمواقف محرجة سواء انت اللي عملتها او كنت السبب فيها او حد بيحطك في موقف محرج مواقف بنقدر نتصرف فيها و مواقف تانية لأ المواقف المحرجة مش هانقدر نلغيها من حياتنا بس الاكيد اننا بنتعلم منها حاجات تقلل من تكرارها خالونا نفضفض سوا و نحكي عن المواقف المحرجة في حياتنا و كان تصرفنا فيها ازاي و اتعلمنا ايه منها مستنية مداخلات حضراتكم

كثير منا تستهويه هواية التقاط الصور وذلك حتى من قبل ظهور الكاميرات الرقمية الديجيتال والكاميرات الإحترافية الموجودة حاليا في الأسواق ,,,,,, وتمثل بعض الصور لدينا حميمية معينه تجاهها وقد نشعر بجمالها دون غيرها من الصور ولأنني اهوى التصوير بكل انواعه وأحب توثيق كل لحظات الحياة لنستمتع فيما بعد بمشاهدة هذه الصور ولأن كل منا لا بد ولديه صوره التقطها اعجبته بشده .... لذا نود ان نرى صور منكم تعبر عن الحياة حولكم او الأشخاص ولماذا تحب هذه الصورة .... وسأبدأ بنفسي بهذه الصورة التي التقطتها في العام 2002م في الدانمرك .... ولا زلت أحب مشاهدة الطبيعة الخلابة بها والتي لا يمكن أن نراها لدينا ... رغم انها التقطت بكاميرا عاديه ...... ورغم انني زرت العديد من الدول ذات الطبيعة الجميله ... الا ان هذه الصورة ظلت معلقة بقلبي .....

رسائل في الفراق http://www.youtube.com/watch?v=J_xFkfK4OEg الفراق مستبد ينشب أظافره في الكرسي عناده يخرب البلاد يوما فيوم ونيران تجبره تشتعل في كل شيء فوق الأرض وتحت السماء ولا تجدي كل ثورات البشر في اقتلاعه طعم المرارة الذي يولد في الحنظل وفي الفراق جعل الوحشة تتفل قلبي بعرض الطريق يائسة منه بعد أن مضغته بأسنان قاسية لوقت طويل قلبي.. مضغة تافهة ومحطمة ألقيت على قارعة طريق في ليل ممطر وصقيع وظلام لا أرى قلبي فيه إلا في الأوقات التي تضرب فيها صاعقة المرارة روحي ويضيء برق اللوعة كل الأشياء لو كنت أعاقب بذنب قديم دموي أظن أن عذابي كان يقتصر على أقل من نصف ما أشعر به من مرارات في بعادك لو كنت في المطهر لاتسع الوقت البطيء القاتل لبناء قصر مهيب في النعيم مكتوب عليه : شهيد عشق أذاقه العشق من لذة بلا نظير سوى ما أذاقه العشق من عذاب بلا نظير سوى ما أذاقه العشق .. نعم هي الحياة الحياة – كما قلت أنت مليئة بالصباحات غير أنها بلا صبح واحد مشرق القسمات .. الحياة .. لا تتوقف من أجل أحد لا تسير من أجل أحد بعينه .. أو بقلبه إنها الحياة التي .. ليست بأحد بذاته لا بي لا بك لا بنا .. أنت أو أنا .. هي هي الحياة .. غير أنها ليست بذات معنى أفهم الآن بماذا شعر أبي آدم وأمي حواء لما وجدا نفسيهما كملعونين وراء حدود الجنة وحيدين على أرض غريبة طريدين ومعذبين أفهم شعور آدم بالذات لو كان قد حدث وقتها أن نظر فجأة فلم يجد حواء إلى جانبه وأكتشف أن الرب أستردها منه في هذا الظرف المميت كي يجعل من نجاته على الأرض أمرا مستحيلا في كل ليل يأتي أقول : يستحيل أن يأتي ليل أشد حلكة من هذا .. على الأخص في هذا الليل الذي يطل في سمائه نصف قمر مكسور كأنه تحطم – بدوره - على صخرة الفراق تهجرني وأحبها !!.. أتسائل ولا يجيبني غير القمر الكسير : ولو حطمتك ألافا من القطع ستواصل كل قطعة منك على حدة حبها المحطم لها

من فترة بنت خالتي قالتلي ان اللاب توب مفروض يتحط علي سطح مفرغ فأنا خفت علي اللاب توب من حر الترابيزة او المرتبة المهم اني جبت قفص خضار و حطيت عليه اللاب توب اي حد يدخل يشوف المنظر ده لازم ينفجر من الضحك و فيه ناس بتيجي تصور كمان المهم بعد فترة كسلت و رجعت احط اللاب توب علي المرتبة تاني ، انهاردة خفت علي الحالة الصحية بتاعته رحت جبت القفص و قلت احطع عليه تاني بس بعدين خفت علي اللاب بتاعي من التريقة و صعبان عليه حد يقعد يضحك عليه ، و هوه اغلي حاجة عندي في الدنيا بعد بابا الله يرحمه و ماما مش عارفة اخلي اللاب توب بقفص ولا من غير قفص

تعرضت لموقف محرج هنا في المحاورات لسة طازة من شهر عملت مداخلة في موضوع .... بعد ما بعت المداخلة قريتها بوجهة نظر مختلفة ... حسيت إنها مش مناسبة في حق شخصية محترمة معانا .. "مش مناسبة" ممكن لفظ مهذب شوية .. أقل تقدير توقعت معاتبتي و للحق كنت أستحق أكثر من العتاب بسبب تجاوزي - عن غير قصد - للحدود الشخصية في الحوار طب أحاول ألغي المداخلة دي خلاص لزقت فيا ... بلغت الإدارة و الحمد لله استجابوا لطلبي و حذفوها الحمد لله بصراحة فضلت زعلان من نفسي فترة طويلة وبسبب سفر و انشغال كنت قليل الدخول و المشاركة رجعت وقلت خلاص الموضوع بتاعي كدة اتحذف و أكيد اتنسى في نفس اليوم لقيت نقطة خضرا لا استحقها ... من نفس الشخصية بجد حسيت باحراج شديد أني أخطأت في حق شخصية كريمة تقابل الخطأ بالاحسان

السلام عليكم و رحمة الله و بركاته غريبة انتي يا بينكي روز...لما هي محرجة انا أجي و اقولها كدهوت ليه...(وشي و انا بمصمص شفايفي...و بستغرب اخر سبع حاجات) شوفي يا بنتي...انا اتذكر فيما اتذكر اني حكيت كذا موقف من نوعية ان الكعب انكسر و طلعت اتحنجل عل المرسح في حفلة التخرج مش فاكرة انا قولتهم علي انهي مصطبة....قصدي في انهي توبيك و عشان كده انا هقول حاجة تانية خالص كان يا مكان يا سادة يا كرام (صوت ابلة فضيلة....اوعي حد ينام) انا مديري الحالي....طويل العمر يطول عمره و يزيهزه عرشه و ينصره علي مين يعاديه...هااااااااااي هيء....فلسطيني اردني كندي...ايون زي الشامبو تلاتة في واحد في يوم من ذوات الاربع كان عندي مشكلة اللي هي ايه سعادتك اللي هي بقي...انه نقلني من مبين الجامعة اللي جنب السكن الي مبني الجامعة التاني اللي هو سفر اوي..(عندنا المبنين منفصلين تماما)...المهم عليمائدة الحوار و انا بعرض وجهة نظري و حيثيات الحكم و عملت فيها ريشتارد قلب الاسد قووووووم قولتله ايه بقوله......انت هتشحططني ليه بين المبنيين هو انا من اللاجئين؟؟؟ انا اصلا الكلمة دي بنستخدمها في بيتنا عادي...حيث ان احنا اسرة واحدة لكن عايشين في 3 اماكن مختلفة من علي خريطة الوطن العربي...و في نفس الوقت من صغري كنت بتريق علي اخواتي الاولاد لما يعملوا احتلال عندنا في اوضتنا و يسيبوا اوضتهم لان كان عندنا التلفزيون اكبر و بعدين ركبنا التكييف عندنا و سبناهم يفرقعوا في الحر....كنا نقولهم انتو لاجئين عندنا المهم يا بنتي انا لسه بقول لاجئين...بهذا المعني العميك الالي فوق دوت.. و لسه مخلصتش حرف النون و لقيته طلعله فوق الترابيزة..(تعبير انفعالي دليل انه هيديني بوكس في وشي) و اداني محاضرة طويلة عن اللاجئين...و يعني ايه لاجئين و يعني ايه نعيش في خيام و يعني ايه تتنقل من بلد لبلد طبعا انا حسيت اني كائن انوي جدا..(وش يوسف بيه وهبي) و اقوله يمين...اقوله المعني المخفي للمصطلح المستكفي ابدا حسسني اني لابس الخوذة و بحارب طبعا انا غلطان و لساني طويل و مدلدل و عايز قصه و اصلا اعتذرتله بس اللي تاعبني اني عرفت بعديها انه اصلا لا شاف فلسطين و لا كان لاجئين بوتاتا بس برضه انا غلطانة جدا من ساعتها بقي اشتريت الاسكارف الفلسطيني دوت الكاروهات...جايبة منه كل الالوان و برضه اتعلمت اني لما آجي اتجلي في الحوار....بلاش اريح اوي....لاني ممكن ادوس علي زرار غلط بس خلاص كان معكم من امام موقف عبود لماضة.,...عرفت غلطها....(و طبعا اتحدفت حدفة ملبن...جدا علي ابعد كامبس فيكي يا جامعة....فعلا عرفت يعني ايه لاجيء...وشي و انا بتشحتف) اذكروني...حين تغيب الشمس سلام

السلام عليكم و رحمة الله و بركاته انا مع نقطة ان طالما فيه قضية ينظرها القضاء يبقي المفروض النائب العام يستصدر قرار بعدم تداولها من قبل وسائل الاعلام لو دوسنا علي قلبنا و ابتدينا نقرا الخبر اللي اورده استاذ محمد من جريدة اليوم السابع و الله انا في الحقيقة انصدمت من الكلام اللي منشور علي لسان فريد الديب...لان كده انا حاسة ان احنا قاعدين علي المصطبة مش بنحاكم رئيس دولة و في قضية امن وطن بحاله يعني انا مافهمشي في القانون لكت افهم ان فيه مصطلحات اجرائية لازم يستخدمها المحاميون علشان كلامهم يبقي بالادلة و اكتر لفظين خلوني يتاكد ليا احساس المصطبة و ان اللي بيتكل ده سليمان غانم في ليالي الحلمية لما كان بيحكي للبهروز و المليجي لما سلمان غانم.....قصدي فريد الديب قالك ايه قوووووووووم ايه الريس اندهش.....يا سنة سوخة يا ولاد.....هو اندهش دي يعني انه كان قاعد بيشرب شاي العصاري و بعدين حد جري عليه و قاله الحقنا يا ابا العمدة...راح هو اندهش طب بلاش اندهش لما الخبر قال....اصل الشرطة انسحبت من تلقاء نفسها....و الجيش راح برضه نزل من تلقاء نفسه طب ده علي اعتبار ان القاهرة دي عوبارة عن خمس بلاطات في خمس بلاطات....الشرطة هتاخد بعضيها كده و تنحسب...يعني واحد اتنين...لكن كل الشرطة...لا و ينزل مكانهم كمان الجيش اللي هو في سينا...او علي اطراف القاهرة طب بلاش دي سرقة العربية الدبلوماسية...برضه معندوش علم بيها....عداه العيب....هو الراجل راح يقطع نفسه يا رجالة.....ده علي اعتبار ان السفارة دي بالعربية بالعفش مش موجودة في بيته يعني...قصدي علي مصطبته يعني...يووووووه قصدي في دولته يعني و احنا عندنا في قري مصر لما الحمار او الجاموسة بتتسرق بناخد بعضينا كدهوت و نقول الحقنا يا عمدة...(ارجو الرجوع لاي فيلم ابيض و اسود و ادراجه مع حيثيات القضية يا سيادة المستشارين...وش اي محامي ارياف)....يروح ابا العمدة يشد شيخ الخفر...(اللي هو حبيب ابن العادلي....و يقوله يا ريس حبيب...شوفلنا مين بيسرق البهايم يا استاذ محمد....اليوم السابع...عايزة توزع جرايد....و انت عايز تقولنا حيثيات و انا مش شايفة غير حلقة معادة من مسلسل المصطبة بين سليمان غانم بس اللي احب اقوله احنا لا بهروز و لا احنا المليجي و لا احنا في فيلم ابيض و اسود الدنيا اتلونت اتلونت بدم شاب زي حضرتك كان نازل في الشارع مقالشي حاجة غير انه عايز عدالة دهسته عربية مش من حقنا بقي ان احنا نسال الشاب ده مات ليه كان ذنبه ايه قولنا نحاسب مين مش انت افوكاتو اد الدنيا....قولنا.....اشتكي مين اقدم بلاغ في مين مش برضه لابا العمدة لا حول و لا قوة الا بالله العلي العظيم حد يغطيني و يصوت عليا -------------------- رديت بالطريقة دي....علشانالخبر بتاع اليوم السابع مينفعشي معاه...غير حكي المصاطب مع ان اللي اعرفه ان جدي و اعمامي يوم ما كانوا بيحتكموا في حد محدش بيتاخر حقه كل ده....و كما تدين تدان الظاهر احنا محتاجين نجيب شوية من الصعيد الجواني....عشان نفهم الناس اللي فوق دولم.....مين بيولع في الدرة و في اعصابنا فوتك بعافية ا

أنت الجماعة ولو كنت واحدا للشيخ الحويني http://www.naqatube.com/view_video.php?viewkey=915d03b855c0bd0d1a82 روووعة

<script src='http:///shareable/?i=1836762441254333825.jpg&s=853&p=tl' type='text/javascript'></script><noscript></noscript>

لا شك أنها كانت مؤامرة لكن ممن وتجاه من وما الهدف منها بعد مشاهدتى لبرنامج بلدنا بالمصري والذي وضع جزء أول منه استاذ محمد وهذا هو الجزء الثانى http://www.youtube.com/watch?v=EuJkfgOKBDc&feature=relmfu لاحظوا هناك تأكيد من عدد من أهالى الشهداء انهم عرفوا ان من يحاولوا استدراجهم من البلطجية ولكن ربما أيضا هناك من انطلت عليه الخدعة وذهب الى مسرح البالون وهذا يؤكده مداخلة تليفونية بنفس البرنامج لضرب أم شهيد من ضابط شرطة ثانيا في الفيديو الثانى يقول الضيف وهو عضو الجمعية الوطنية للتغيير أنه تلقي تليفون غير معلوم ممن ولكنه كان استغاثة من الميدان اتوقع أن أي قيادي من الثوار تلقي مثل هذه التليفونات المجهولة وهو بدوره بلغ غيره ليتاكد وفي نفس هذا الوقت كان فعلا هناك عنف قائم بالميدان لكن ضد من غير معلوم للان !!!!!!!! اي شخص سيقترب من الميدان ويري كمية الدخان من بعيد سيتذكر تماما ما حدث بجمعة الغضب وهذا فعلا ما قاله كل شهود العيان فيؤكدوا جميعا لبعض على وجود عنف بين وواضح لذلك توجهوا جميعا للميدان لنجدة أهالى الشهداء كما تم ايهامهم بذلك هذا الضيف قال انه توجه للداخلية وأخذ وعد منهم بوقف اطلاق القنابل والعنف والغريب انه لم يتوقف العنف برغم اتصاله مجددا بقيادات من الداخلية مع تأكيدهم له واستعجابهم من عدم تنفيذ الأوامر!!!!! السيناريو الذي اتوقعه أنا هو عنااصر من الامن المركزي باالاتفاق مع بلطجيتهم االقدامي قامت بهذه التمثيلية مستغليين وجود اهالى الشهداء بماسبيرو مجتمعين لمحاولة تحريكهم نحو مسرح البالون ومن ثم للميدان للاعتصام لضرب اهالى الشهداء على يد الأمن وذلك فقط لاستدعاء الشباب الى الميدان ثم محاولة استفزازهم بالشتائم وبالقنابل ليقوموا بالاعتداء عليهم بالطوب فلماذا كل هذا !!!!!!!!!!!!!!!!!!!!!!! السبب بسيط جدا لو نظرنا في هذا الموضوع فقط الكثير هنا برغم تأييده لكل خطوات الثوار من قبل بدأ بتسميتهم بلطجية !!! السبب بكل بساطة هو تغيير صورة الثوار أمام الرأي العام فلا تنفع لهم مظاهرات أو احتجاجات او مطالب مستقبلية بأى جمعة قادمة بل ربما ينزل لهم الناس لضربهم أيضا في الميدان وما يؤكد ذلك عدم انسياق الأحزاب مع الشباب هذه المرة فوحدهم الشباب اليوم هم المراد التخلص منهم لأنهم بلا رئيس نرضيه أظن أن الشباب خدعوا ولكن لم يخدعوا وحدهم ايضا على فكرة أنا لست تابعة لاي حركة أو ائتلاف شبابي قبل أن تنهال على التهم

اسمحلي ان اختلف معك يااستاذ زوهيري بالرغم اني كنت متفق معك في كل مداخلاتك السابقه مايحدث في مصر هو تاخير و تردد وايدي مرتعشه والسبب ان من بيده القرار وهو المشير طنطاوي رجل ضعيف وعصام شرف اضعف منه وكلاهما لا يستطيع اتخاذ قرارات حاسمه لا توجد مؤامره بدليل تصميم الجيش علي ترك السلطه وعدم تاجيل الانتخابات والحكايه كلها 3 شهور وهتحصل انتخابات مجلس الشعب لاتوجد مؤامره بدليل حبس اولاد مبارك وكذلك محاكمه مبارك نعم قد يوجد تعاطف مع سنه وخدمته في الجيش ولذلك يتركونه في المستشفي لكنه فعلا انتهي هو واسرته الي غير رجعه كان من الاسهل ان يهربوه الي السعوديه وقد قيل ان هذا حدث وصدق الناس ان مبارك هرب خارج مصر وتحدثوا عن تواطؤ المجلس الاعلي وقالوا كلام مشابه لما تقوله الان ثم اتضح عكس ذلك الحكايه وما فيها ان هناك ثوره ومن في سده الحكم ليسوا ثوار وبالرغم من ذلك غالبيه الناس توافق علي هذه الوتيره في المحاكمات وفي التغير قرات الان علي اليوم السابع في استطلاع ان 75% من الناس توافق علي تعامل الشرطه مع المتظاهرين في التحرير لان الغالبيه تريد الهدوؤ وكل الحكايه 3شهور ويجي مجلس منتخب وهيكون من حقه محاسبه من بيده امور البلد

السلام عليكم.. انا اؤيد وجهة نظر الفاضل Mohammed ده فيديو قام بتصويره أخى اثناء تواجده بالصدفة امام وزارة الداخلية يوم 29 يونيو.. حوالى الساعة السادسة صباحا: http://www.youtube.com/watch?v=up6UmS2DceI هل هؤلاء حقا هم الثوار؟!! ممكن تقول لى طيب هنعرف منين الثائر و البلطجى.. هنعمل كارنيهات يعنى؟ الطريقة الوحيدة للتفرقة بين الثائر و البلطجى هى اسلوبه فى التظاهر و التعامل مع الامور. و شهادة اخويا - و هو من اول من نزلوا ميدان التحرير و من القلائل اللى راحوا وقفوا قدام القصر علشان يطالبوا مبارك بالرحيل (مش فلول يعنى) - ان الامن لم يطلق رصاصة واحدة عند وزارة الداخلية.. و الامن المتواجد فى وزارة الداخلية تفاجأ بهذا الحشد.

فوايد انك تتجوزي واحد زملكاوي .. .. .. .. ........ .. .. اولا .. ده واحد راضي بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدوري ومبياخدهوش وعادي جدااا مبيعترضش ثانيا .. عنده حصانه ضد الضغط والسكر .. لأنه لو كان عنده استعداد يجيل...ه ضغط أو سكر كان جاله من زماااااااااااااااان ثالثا .. أصيييييييييييييييل .. يعني بقاله سنييييييييين بيشجع الزمالك وعارف انه مش هياخد الدوري ومع ذلك عمره ما فكر يسيبه فصدقيني مهما عملتي ومهما كانت عيوبك مش هيفرط فيكي رابعا .. متسامح .. يعني تلاقي أصحابه الاهلاويه كل شويه يعايروه .. وتلاقيه مبيردش عليهم .. مش عشان عينه مكسوره لا سمح الله بس عشان قلبه كبيييييييييييير خامسا .. مختلف .. يعني مصر كلها بتشجع الأهلي وده طالعلك فيها بيشجع الزمالك وعادي جدااا معندوش أي مشكله وده في حد ذاته تميز واختلاف سادسا .. هيلتمسلك الأعذار .. يعني مثلا يبقي عارف ان الزمالك كان أداؤه زي الزفت ومع ذلك ميحبش يلوم عليه أبدا .. تلاقيه بيقولك التحكيم .. مش عشان حاجه بس هو طبعه كده يحب يلتمس الأعذار لأي حد سابعا .. مبيعرفش اليأس .. يعني تلاقيه واخد اصحابه ورايحين يشجعوا الزمالك في الاستاد .. ومع انه كل مره بيخسر .. الا انه مبييأسش .. كل مره بيروح يشجع علي أمل انه يكسب عادي جداااا

يختلف أحساسي عن إحساس حضرتك ولي سؤال كم استغرقت محاكمة الرئيس صدام حسين والإرهابي بتاع صربيا (لا أتذكر اسمه) ومعتقلي جوانتانامو لأ في فرق كبير جدا يا دكتوره بين محاكمه دوليه و علنيه و بين محاكمه داخليه و مخفيه بل و كمان يشرف عليها جزء من اتباع المتهم علانية !!!!!!!!!!!!!!! معتقلي جوانتاناموا عذبوا عشرات السنين ثم أطلق سراحهم دون تهمة وكانت محاكمتهم في الخفاء، أنا مع محاكمة أي مجرم كائنا من كان ولست مع استعجال الحكم أو المطالبة بتنفيذ حكم معين لأرضاء الجماهير ولكن الكلمة للقضاء وأرى أنه من الخطأ الوقوف عند ذلك وإعطاءالناس أحساس أنه لو لم يحاسبوا فستخرب مصر وخلاص الثورة ضاعت وفيه نقطة مهمة لو عاوزين بجد نحاسب أهل الفساد والرشوة في النظام السابق فهم ملايين ولو أخذنا كل السلم الوظيفي يبقى عشرات الملايين فلا فرق بين الذي سرق الكثير والذي سرق القليل إلا أن كل منهما أخذ ما طالته يده والذي أعرفه أنه لا يقبض على أحد إلا ببلاغ ويحاكم بأدلة وكلا الطرفين يقدم أدلته وكل هذا يأخذ وقت وقد لا نختلف جميعا أنه لايحكم على ظالم ويأخذ براءة خير من ظلم بريء فلذلك أحبذ أن ننطلق للبناء ونتابع دون إهمال ونطالب بالطرق القانونية عندما نجد تراخي وأعتذر إن كنت خرجت عن هدف الموضوع

أنا متفق معك يا أخ طارق فى أحساسك فهو أمر ملحوظ جداً و دة السبب اللى مخلينى مقل جداً فى المشاركات بالرغم من كونى متابع و مشترك فى المنتدى منذ قرابة السبع سنوات و لكن أحب أوضح وجهة نظرى أنه لا توجد شلل و لا حاجه و انما هى طبيعه بشرية كما قيل فى مشاركات سابقة و الذى يحدث أنه يوجد مجموعه من رواد المنتدى هم الأكثر نشاطاً فى المشاركات وجدت فى أفكارها إما نوع من التقارب الفكرى أو التنافر و السجال و الجدال الفكرى كونت فيما بينها جروب أو كما تقول شلة و الموضوع بيتحول تدريجياً و كأنه شات بين مجموعه من الأشخاص سيكونوا مهتمين جداً بما قاله أعضاء هذه المجموعه الأفتراضية فى هذا الشات اليوم أو أمس و يستمر حبل التواصل بشكل لا شعورى على هذا النحو طبعاً أى عضو جديد بالمنتدى أو أى عضو غير مداوم على المشاركات سيجد صعوبة فى التواصل مع هذا الجروب لفترة ليست بالقليلة حتى يأتى اليوم الذى يقبل فية داخل هذا الجروب و الموضوع محتاج شوية أصرار طبعاً فى موضوعات أو مشاركات أحياناً من أعضاء خارج الجروب بتفرض نفسها و بستفز الجميع للرد و المشاركة لكن موضوعات و مشاركات أى عضو فى الجروب مهما كانت قلة أهميتها تجد صدى داخل الجروب كما أوضحت أعلاه طبعاً الجروب ده يوجد ناس أساسيين و قدامى و هم حجر زاوية هذا الجروب طول الوقت و يعتبر هذا المنتدى مبنى على كتافهم بصراحه و الباقيين بيتغييروا كل فترة مثلاً كل سنتين تلاقى نشاط لأعضاء معينين ثم يختفوا و يظهر غيرهم و هكذا لكن فى الأخير أشياء مهمه أود التنوية اليها و هى :- 1- كل ما ذكرتة هو وجهة نظرى و توقعى تقبل الصواب أو الخطأ 2- هذا الأمر طبيعى و فطرى 3- بالرغم من قلة مداخلاتى إلا أن هذاالمنتدى هو أفضل منتدى أتابعه وأتصفحه يومياً تقريباً و أننى أستفدت منه و من أعضائة كثيراً و خاصةً من هذاالجروب الأفتراضى

انا معرفش الا انه اللى حصل ده اسمه ثورة ...ثوووووووووورة يعنى انقلاب وكل واحد يعرف شغله دلوقتى حااااااااالا مش محاكمات ومش عارف ايه وتأجيل ...اصل دى مش قضية فساد ونشوف حيثيات القضية والورق والحكم دى ثورة شعبية يعنى كل البلد تعرف كويس قوى من العصابة اللى سرقتها ومتفقة عليها يبقى لسه هنشوف؟؟؟؟؟؟ يبقى يتحاكموا فوراا ويتنفذ فيهم فوراا ويطلع منهم الفلوس باى كيفية وبعدين نشوف مصلحتنا من انتخابات مجلس الشعب ورئاسية وخلافه ونلتفت لمشاريع التنمية العملاقة اللى بجد ونحيى الامل داخلنا ونشوف العقول المصرية وولاد البلد اللى افكارهم حبيسة الادراج وصناديق القمامة فى النظام الروتينى البائد الذى امات كل عقل وكل فرصة للتقدم واحيا كل فرصة للفساد..... حسبى الله ونعم الوكيل....اما عن شعورى الشخصى فهناك طبعا لعبة كبيرة على هذا الشعب واستخفاف كبير به وبعقله مع ان الشعب المصرى ...سورى يعنى اصيع منهم ومن اى حد يستغفله

بالنسبة للتساؤل حول حفظ لبن الأطفال بالمواد الحافظة فده مش شرط فالدارج و الطريقة الأفضل هو نزع الماء منه و تحويلة الى بدرة و يحفظ فى علب مع تفريغ الهواء منها و هذا هو المتبع فى الألبان الصناعية البديلة للبن الأم أما بخصوص مشروعية هذه الفكرة فدى تحتاج لمفتى فممكن ( طبعاً معرفش تكون صح و لا غلط ) أنه بعد تحويلة لبدرة يتم خلط جميع الكميات الموجوده خلطاً جيداً و بهذه الطريقة لا تتحقق أبداً عدد الرضاعات المشبعات المطلوبة لأخذ النسب لو وجد طريقة شرعية مقنعه لأستخدام فكرة حليب الأمهات دى و كانت طريقة تنفيذها أمنة و أمينة ستكون نقلة هامه للأطفال المضطرة لحليب بديل لأن حليب الأم يوجد به مواد هامة جداً مهمه للطفل غير موجوده بالألبان الصناعية و لا يمكن أضافتها للألبان الصناعية و أهمها Immunoglobulins المهمه لأكساب الطفل المناعه ضد الأمراض المختلفة .

في نفس الشركة وحياتك ههههههه نفس المجموعه ونفس السحنه بس على انضف :happy:

فى الحقيقة يا سيد أسامة أنا أصدق كلام السيد هنية تماما مع انه كلام مفاجىء لى ولكن لا أستبعده فحتى نحن على المستوى الداخلى لم نشعر بالتغير الذى كنا ننشده بعد ثورة 25 يناير ولكن نحن نراهن ان شاء الله على أن هذه الفترة هى فترة انتقالية وان شاء الله سننتخب من نريد ووقتها لن يفعل شيئا لا يريده الشعب الذى انتخبه ومن الاشياء التى لا يريدها شعب مصر هى التضييق على أهل غزة بأى حالا من الاحوال وخاصة فيما يتعلق بمتطلبات حياتهم الاساسية من ماكل ومشرب وتنقل للخارج للتعليم او العلاج او غيره ما علينا إلا الصبر يا سيد اسامة والله المستعان

السلام عليكم و رحمة الله و بركاته مع حضراتكم في الاحساس ده جدا عنبو قال احنا بنناهد لغاية ما نوصل للي الشعب عايزه بس انا حاسة ان بقي فيه سيناريو "انهاك" غير عادي بنطلع من حاجة نخش في حاجة و في كل مرة بنستنزف صحتنا و عقلنا و قناعات كنا فاكرين انها واضحة وضوح الشمس و الاهم من ده كله ان فيه ناس بتموت ناس بتموت المقصود ان احنا نوصل لمرحلة الانهاك الشديد...و لما يتحط قدامنا اي خيار نكون خلاص سلمنا و جبنا زيت فنقبل بيه و السلام و ساعتها هيتقال لينا عشان بسكلتة الانتاج و عجلة التنمية و حاجات كتير مش بفهمها!!!! حاسة زي ما يكون كل واحد حاطط صباعه تحت ضرس التاني و بنشوف مين هيقول آي الأول أرى كلامك قريب جدا للصحة يا اخت لماضة وأقولها وانا فى غاية الأسف ولكن بالفعل الموضوع فيه استنزاف وانهاك كما قلتى انتى حتى يرضى الشعب الطيب باى بديل يتم طرحه طمعا فى الهدوء والاستقرار لذلك ألوم بقوة على الاخوة الذين يهاجمون أى افراد من الشعب يخرجون للتظاهر السلمي ويقومون باتهامهم بالبلطجة والاجرام وانهم مدسوسين وانهم من ذوى الاجندات الخارجية وووووووو الخ قائمة الاتهامات المعروفة لا ادرى لما القاء اللوم عليهم كما لو أن الامور تسير طبقا لاهداف الثورة تماما وهؤلاء يخرجون لمجرد التظاهر فقط !! والكثير يعلم أن هناك أمور تحدث لا يمكن الرضى عنها

فيه جمله كتبها سي السيد جننتني مدير امن البحيره اللي شتم المصريين و متهم بقتل المتظاهرين و تحت المحاكمه حاليا اترقى!!!!!!!!!!!!!!!! و الضابط وائل الكومي الشهير بسفاح اسكندريه حرا طليقا حد يفهمني لو كان فاهم ايه معناه ده؟

السلام عليكم و رحمة الله و بركاته مع حضراتكم في الاحساس ده جدا عنبو قال احنا بنناهد لغاية ما نوصل للي الشعب عايزه بس انا حاسة ان بقي فيه سيناريو "انهاك" غير عادي بنطلع من حاجة نخش في حاجة و في كل مرة بنستنزف صحتنا و عقلنا و قناعات كنا فاكرين انها واضحة وضوح الشمس و الاهم من ده كله ان فيه ناس بتموت ناس بتموت المقصود ان احنا نوصل لمرحلة الانهاك الشديد...و لما يتحط قدامنا اي خيار نكون خلاص سلمنا و جبنا زيت فنقبل بيه و السلام و ساعتها هيتقال لينا عشان بسكلتة الانتاج و عجلة التنمية و حاجات كتير مش بفهمها!!!! حاسة زي ما يكون كل واحد حاطط صباعه تحت ضرس التاني و بنشوف مين هيقول آي الأول

متفق معك تماما والشعور ده يلازمني كثيرا وانا اقرا بعض المشاركات والردود عليها اعتقد انها طبيعة بشرية حتى في العالم الافتراضي لكن علينا ان نجتهد في التخلص منها وليكن شعارنا مازا كتب لا من كتب تحياتي

http://www.youtube.com/watch?v=BqhxR_vMW88

http://www.youtube.com/watch?v=K8YYsz8C3G4&list=PL2F3867176513E3D1&index=10

مرحباً بإعلام الحزب الوطني ويا ترى ممكن نشوف أخبار من عنية : 1- وظبطنا إيرانيين وناس بتتكلمش إنكلش لانكوتش ؟ 2- والكنتاكي هايوصل إمتى ؟ عفواً يا دكتورة ... الموضوع لا محتاج بريطانيين ولا امريكان الموضوع مننا فينا والأسباب معروفة وهي اللي وصلت الأمور لكده التيارات المتأسلمه بدأت تتبوأ مقاعد الحزب الوطني في الدنيا فهل سيتبوؤا مقاعدهم ايضا في الاخره؟؟؟؟

صورة من الميدان أمس هل هؤلاء بلطجية !!!

أنا مع أخي طارق مصري تماما .... كثيرون لا يشجعون على التحاور والمناقشه ....

أحيانا نحن لا نرد على الكلام المتزن الصائب ويكون سكوتنا علامة الرضا والقبول ثم نعقب على الكلام الغير صائب لنكشف ما فيه من خطأ وكذلك الموضوعات الصائبة ربما لا تحتاج لإضافة وهناك موضوعات نشترك فيها لأنها تحمل استفزازا معينا من وجهة نظرنا فاشتراكنا في الموضوعات قد يكون بسبب جودتها أو لما تحمله من عناصر الإثارة أو التشويق ولا أظن أن هناك شلل تشترك في موضوعاتها فقط ولكن كل واحد له فكره الذي يدافع عنه في أي موضوع مطروح

فى العاده انا مش بعمل لوج إن غير نادر ولكن الموضوع ده خلانى اعمل لوج ان علشان ارد على الحيره اللى انت فيها اولا انا متابع اكتر مما تتخيل الموبايلات واستخدمت اغلبها حقيقى انا مش عارف انت محتار ليه؟ لإن بكل بساطه واضح انك عارف احتيجاتك كويس وانت مش عايز اى فيرتشوال كيبورد لإنك مش حببها يبقى ليه تسمع كلام غيرك؟؟؟ التعود على الفيرتشوال كيبورد سريع وسهل جدا وممكن تحبوا لكن واضح انك مش مرتاح ليها خالص خيار ال اكسبريا مينى مستبعد تماما لإن الشاشه عايزه عدسه علشان تشوفها الايفون ممتاز لكن الموضوع مش اسم وخالص لإنك ادرى باحتياجك وشاشة الاى فون 3.7 انش لكن النوكيا اى 7 شاشته 4 انش يعنى طلبك موجود وواضح سامسونج ويف من اسوء موبايلات سامسونج وافضلهم جلاكسى اس 2 وهو حاليا اسرع واقوى موبايل موجود بدون منافس حتى ال اتش تى سى سينسيشن مش اقوى منه مع ان المواصفات قريبه جدا من بعض فئة الموبايلات دى كلها اغلى من 4500 جنيه مصرى او بالريال 2450 ريال سعودى لإنى فى السعوديه لكن النوكيا سعره 2000 ريال وعلى فكره بندا عامل عليه عرض لمده اسبوع ب 1699 ريال يعنى ادفع اقل فى احتياجك الموضوع بسيط جدا واللى راح اى دول اوروبيه مثلا هيلاقى اغلب الناس بتركب العربيات اللى تكفى احتياجهم واكترهم توفير على اللونج رن مش زى الخليج مثلا ببساطه لازم يكون عندنا ثقافة شراء الأنسب مش الأغلى والأسرع والأقوى مع انه فوق احتياجاتى مع احترامى لأراء الجميع اشترى اللى يناسبك واللى ترتاح فى استخدامه لإن مفيش حد هيجى يكتب بدالك على الأيفون او السامسونج لو انت مرتحتش فى الكتابه عليه ربنا يوفقك للى فيه خير ليك ايا كان

تحياتى على الموضوع الرائع من فوق الشلال من تحت الشلال

بدو لاجيج أبدو لاجيج ياله كومي موتراساه !!.. أبدو لاجيج .. أبدو لاجيج .. ياله !! كومي موتراساه ؟؟؟, , , ........., , , اندونيسية بتصحي عبد العزيز عالمدرسة

يسألوا حسام حسن : هوا الزمالك حياخد الدوري امتى ؟. . . . . ....... . . . . . . قالهم انا ابراهيم

اية القلق دة انا مقدمة الملف فى 3\2010 تاريخ فتح الملف وا ستلام payment يوم16\09\2011 وهو تاريخ فتح الملف يبقى اية الحكاية ومعاد المقابلة مجاش

اتنين كدابين قوى واحد فيهم بيقول للتانى " انا مولود من ايام ماكان قوس قزح ابيض واسود " .............................رد عليه التانى وقاله " وانا بقى مولود من ايام ما كان البحر الميت لسه عيان

ممكن تكون الهدية مشتركة يعني حضرتك تجيبيها و مريم ربنا يحفظها - تقوم بعمل ( مراسم ) تسليم الهدية ... الهدية إيه ... ( كانز ) مش مهم الهدية إيه ممكن تكون أي حاجة .. بس المهم تتلف بشياكة و بخفة دم ومع ضحكة من مريم مع حضرتك هيحس بمعنى الأسرة اللي بتعيشه أحلى أوقات عمره ممكن تكون الهدية له هو بس هي في نفس الوقت هدية لحد هو بيحبه جدا .. يعني ممكن تكون الهدية تكون حاجة مشتركة بينكم كلكم أو حاجة مشتركة بين حضرتك و بينه أو حاجة مشتركة بينه و بين مريم بكدة الهدية بتسعده و بتسعدكم كلكم وهتفرحوا بيها سوا .. غالبا ألعاب اليكترونية .. بلاش عزومات خارج البيت في اليوم ده . وكل سنة و كل يوم و كل لحظة و إنتم في سعادة و دائما في طاعة بإذن الله

بسيطة اسمعوا حكاية نجوى وليلى وحكاية تزويد المصروف :closedeyes: نوجى والعصير ايد واحدة http://www.youtube.com/watch?v=mLecRDZo_n0

عفوا تاريخ فتح الملف 9\2010

والله يأبو هنا عندك حق العيال شكلهم اقل مايقال عليهم زي بلطجية عين شمس الاي كانوا بيقتحموا المستشفى من كم شهر ياحج تيمور حضرتك جالس في التكييف وعمال تنقل لنا البيانات والتصريحات وكأنك ماشاء الله عليك هتلر الامور لن تهدأ الا ان يكون للبلد رئيس والجيش مش هيعمل اكتر من كده خلاص احنا عارفين المجلس العسكري خلاص لاننتظر منه اكثر من كده تمام زي الحيطة المايلة كل الاي نقدر نعمله لازم نصر لى الاسراع في الانتخابات علشان البلد تستقر

من حق المحامي أن يدافع عن موكله ويقول ما يشاء حتى لو قال إن مبارك هو من قام بالثورة وأن الشرطة كان معاهم مسدسات ميه وفي النهاية الحكم للقضاء