لوحة القادة

مهما نبعد مهما نقرب مهما نشرق مهما نغرب مهما اتخنقنا منها مهما قولنا هانسيبنا منها نرجع تاني غصب عنا نقول بنحبها مش بس بكلام و لا اغاني لأ بتصرفات و افعال تقول بجد اننا بنموت في ترابها مش بس بنحبها دا مش شعر و لا زجل و لا نثر و لا اي شئ تعبيري لا دا كلام خارج من القلب احنا بنحب مصر كده ليه؟ ما الناس كلها بتحب بلادها بس عمري ما شوفت حد بيغوص كده في بلده مثال مثلا من يوم ما بدأت الثورة و احنا ما بنتكلمش غير على مصر حتى هنا في المنتدى اظن واضح للكل ان في ابواب و اقسام ما حدش بيعدى عليها الا على استحياء الكل مشغول بحالهاو رايحة فين في حين ان عندي قرايب سوريين الدنيا مقلوبة عندهم بجد زعلانين مش هاقول لأ بس لما رحت عدهم لقيتهم بيشغلوا مسلسلات عادي و بيتابعوا القنوات المختلفة اقسم بالله ايام الثورة التليفزيون ما كان بيتنقل من على الاخبار عندنا شوفوا كده كم الاغاني الوطنية المعمولة على مدى التاريخ الحديث عملنا كام اغنيه ليها في حبها ما اعتقدش ان دا ناتج من الابداع يعني بس لا ناتج من الحب و الغريب ان كتير فنانين مش مصريين بيغنوا اغاني مصرية وطنية و الامثلة كتير ليه تفتكروا ليه ما اعتقدش ان دا نفاقا او لمجرد الظهور اظن دا حب ليها هاقولكم مثال تاني بس كلام عام بدون تفاصيل واحد مصري مركزه محترم و مش فقير المهم نصب على واحد من جنسية عربية فلوس بملايين يقوم ناس تانية من اهلنا(المصريين يعني ) في الصعيد يرجعوا الحق لصحبه و يصرفوا من جيبهم الشخصي و هما لا علاقة لهم بالموضوع و لا هايعود عليهم باي منفعة خاصة نهائي بس عشان سمعة مصر اكبر من ان فرد واحد يهزها و ان مصر رجالة تصون الحق و تحفظ العهود ايه دا دا مش حب بس دا عشق يا جماعة

ممكن نختلف على العنوان " عودة المحاروات " لكن لا أظن أننا نختلف عن احساسنا بتغيير ملحوظ في الروح العامة للأعضاء الذين مهما ابتعدوا يعودون بحنين لـــــ "بيت العيلة " بتواجد للأسف مخفي ممكن صوت الاختلاف أصبح عالي النبرة و معظم الموضوعات تهتم بزاوية واحدة من حياتنا و هي الزاوية السياسية و هي الأهم حاليا لنا كمصريين لكن دائما الحوارات تسير بين طرفين تتحول تلقائيا إلى مواجهات دينية أو تجريح و تخوين في القريب والبعيد و كل الحوارات مهما كانت بدايتها دائما تتحول لخلاف فكري لا يؤدي لاتفاق و رغم ان الاختلاف سنة بين الخلق لا تتبدل لكن اختلافنا في عرض رأينا أصبح حادا بعض الشيء و أخشى أننا قد نفقد الود بيننا كمصريين بعد الذي هوالأساس لبناء حياتنا . مش معنى كلامي إننا مطلوب نهمل الجانب السياسي لكن احنا مش هنقدر نتفرغ للسياسة 24 ساعة في اليوم و يستحيل أبدا يكون ده مطلوب لأننا التفرغ لم يذكر في شيء على قدر علمي إلا فقط في لفظ " إلا ليعبدون " فإذاكنا لم نستطع تقصيرا من انفسنا ان نعيش العبادة لله في كل حركاتنا و سكناتنا فلا يمكن ان ندعي أننا سخرنا حياتنا للسياسة فقط .. احنا مسئولين نبني مصر و مسئولين نبني أنفسنا و مش عيب نمارس حياتنا و نعبر عن آرائنا في كل الموضوعات . معرفش العودة (لو صح التعبير) تكون إزاي و مين يبدأ الأعضاء و لا الإدارة طبعا دور الإدارة مش بسيط و هم أدرى به و أحسبهم الأقدر على المتابعة و الرصد أتمنى أن تعود المحاروات بما تذخربه شخصيات محترمة كثيرة تتمتع برقي الفكر و الرأي و خفة الدم و أتعلم منهم أدب الاختلاف افتقد تنوع الموضوعات و الأكثر أفتقد أصحابها و هم ليسوا بقليل . فاكرين الانتاج المشترك سلسلة لماضة الساري ..... مش هاحط رابط .. لأن الرابط في قلوبنا فاكرينه على طول .. رابط من الاحترام و الحب بين أبناء بيت العيلة . كل التحية و الاحترام للجميع عادل

معلش ده كلام مكرر كتبته في مداخلة في موضوع تاني بس لأن رأيي مختلف شوية هو إني عن نفسي لم أشعر أبدا بأني أحب مصر ... و الحمد لله الكورة ماليش فيها فكانت مشاعري تقريبا ثابتة مش بتتحرك مع انتصارات المنتخب . يمكن بحب المكان اللي اتولدت فيه و اتربيت فيه و الحي بتاعي و جيراني و مدرستي لأني عاشرتهم سنين و ذكرياتي معاهم ما تتنسيش .. لكن مصر أنا مشفتش من مصر حاجة غير إني مصري الجنسية ... خدمت في الجيش و مكنتش شايف له أي تأثير على مشاعري تجاه مصر . حتى لما كنت باسافر برة مصر في شغل و أرجع أحس بصدمة أول مادخل المطار موقف مصر من حرب غزة موقف مشين .. رغم إنه موقف قيادة سياسية فاشلة لكن للأسف كانت هذه هي الصورة عند اخواننا من العرب و المسلمين و لا نملك إلا العجز الثورة قلبت كل المفاهيم عندنا احنا كمصريين قبل كل العالم واللي راح ميدان التحرير عاش احساس عمره ما ينساه .. سمعت أغنية طول عمرنا كنا بنسمعها بس كنا بنتريق عليها زي بقية الأغاني الوطنية .. أغنية شادية يا حبيبتي يا مصر .. مكنتش أتخيل إن الواحد ممكن جسمه يقشعر و هو بيسمع الأغنية دي احنا فعلا كنا محرومين من إننا نحب مصر ... و مصر أكتر مننا كانت كمان محرومة من حب ولادها .. الحب اللي يبنيها أنا عرفت أد إيه إن مصر دي غالية و إن حبها متأصل جوانا بس كان فيه ناس عاوزين يكرهونا فيها ... لكن... و يمكرون و يمكر الله و الله خير الماكرين

هوأنا قلت انقلاب عسكري لسمح الله يأستاذ طارق كل الموضوع هو فضحهم ونشر مخالفتهمومن ثم محاسبتهم بشكل قانوني ولا نريد غير ذلك يأستاذنا فقط الضرب على يد المخالف صورة زي دي بصراحة مستفزة ولابد من محاسبة الباشا على هذا الجرممن قبل مرؤسيه ليس أكثر ولك كامل الاحترام

لقد تم ياأخى طارق فضح مبارك ليس بيد الشباب ومن بعدهم شعب مصر بل بيد الله عز وجل ومن يدقق فى الاحداث سيجد ان الله يدافع عن الذين أمنو .. القادم يحمل معة الكثير من الفضايح لكل خائن ومنتفع من النظام الفاسد بقيادة مبارك الصبر ثم الصبر انها منظومة الايمان ياأخى الصبر انة السر العظيم لكل من هو مؤمن بالله ومن ظلم من اخوتنا وتم اعدامة لن يستقيم حال الدنيا الا ان ترجع الحقيقة الى موقعها وهو الحق ولسوف يعلم من يكابر ويدلس ان يوم الحقيقة قادم لا محالة فعلينا الانتظار والنظر بحكمة لكل ما يدور حولنا لقد فضح الله الفاسدين والسارقين واتباعهم واليوم ياكل الحرام والفساد نفسة وينفضح بأمر الخالق يأخى القادم هو للحق والعدل والمساواة فهل يعي ذلك الا كل ذي عقل وقلب سليم ... تحياتى

الفاضلة لماضة الفاضلة بينك تحياتي و شكرا على كلماتكم التي لا استحقها و لكنه الكرم من طرفكم كما هو معتاد ---------------------------------------- نرجع للمواقف المحرجة كنا مجموعة شباب عايشين مع بعض كذا سنة في سكن تبع الشغل كنا لسة كلنا متخرجين جداد و كانت من أحلى الأيام و بقينا مع بعض أعز أصحاب و الحمد لله حتى الآن واحد مننا اتجوز فاتفقنا نروح و نعمل الواجب اللي هو النقوط يعني ، دخلنا عنده و سلامات و ضحك و شوية و جاب لنا صينية عليها كحك الفرح .. فاحنا كل واحد حط ظرف - احنا بقى عاملين واعيين و متفقين كل واحد هيحط كام في الظرف بتاعه - المهم صاحبنا خد الكام ظرف و قعد يقول و ليه كدة ومش ليه كدة و تاعبين نفسكم المهم دخل بالصينية و راح يجيب لينا شاي ناخده في البلكونة لقينا صاحبنا رجع بسرعة وبيضحك بنقوله فيه ايه قال مفيش حاجة بس لو مقولتوش مين اللي جاب الظرف الفاضي هاحدفكم واحد وار التاني من البلكونة . احنا جالنا حالة ضحك مش عارفين نتكلم أصلا ... بعدين عرفنا إن واحد مننا فعلا نسي يحط الفلوس في الظرف و كان محرج جدا لأنه بصراحة ده أطيب واحد فينا و محدش يصدق أنه عامل مقلب و لا حاجة و إنه نسي فعلا بس لو مكنش افتكر .. معرفشي صاحبنا ده كان عمل فينا إيه .

اختي ذهبيه لا اعرف اهمية ان يطرح الموضوع مره اخرى او اهميته للمصريين من المؤكد انك لا تعرفين وضعها وموضوعها ليس جاد والكل يستهزأ بها هنا سبق وقلنا ومعروف عنها انها ليست ناشطه وانما مريضه تتعالج في الطب النفسي والشعب الكويتي كله يعرف قصتها ولا مزيد لدي للحديث عنها ربنا يشفيها ويعافيها

<script src='http:///shareable/?i=1837762441255079199.jpg&s=190&p=tl' type='text/javascript'></script><noscript></noscript>

<script src='http:///shareable/?i=1837762441255079179.jpg&s=694&p=tl' type='text/javascript'></script><noscript></noscript>

لا يا استاذ طارق هو بس الرد هايبقى صعب اوي و حضرتك عارف الاخوة هنا محترمين و كلام الواد دا لازم هايكون الرد عليه باسلوب غير محترم اكيد عشان كده الافاضل الاعضاء امتنعوا عن التعليق انا دخلت قريت الكلام و بصراحة ما عرفتش ارد اقول ايه اللي زي دا ما يتردش عليه

<script src='http:///shareable/?i=1837552621263856484.jpg&s=190&p=tl' type='text/javascript'></script><noscript></noscript>

<script src='http:///shareable/?i=1837552621263856474.jpg&s=843&p=tl' type='text/javascript'></script><noscript></noscript>

أنا بأه عندي حاجة غريبة جدا بتحصللي كل سنة أو سنة و نص كده... أنا تقريبا من 2005 و أنا بره مصر..كنت شغال مدرس برمجة و شغال مبرمج برضه في طرابلس ..قبل ما آجي السعودية في 2007 الغريب في الموضوع...اني مافيش ولا مرة نزلت فيها أجازة و كنت ناوي أرجع تاني...كل مرة أنزل أجازة..قبل ما أنزل..أقول لنفسي,,مستحيل أتغرب تاني..أنا هعيش في البلد دي مهما يحصللي..بس للأف الظروف بتبقي أقوي مني كل مرة و بارجع ورجلي طبعا فوق رقبتي لدرجة اني صفيت شقتين هنا لحد دلوقتي في الرياض..كل مرة أنزل أجازة..أقول مش هارجع تاني..و أصفي كل حاجتي قبل ما أنزل..و في الآخر ألاقي نفسي راجع تاني و بدور علي شقة تانية..وبحث في الوسيلة بأه و مكاتب العقارات.. آخر مرة جيت فيها من أجازتي..كانت في أكتوبر اللي فات ده..وكنت ناوي اني عمري ما هارجع مصر قبل سنتين علي الأقل لأني كنت خارج منها و أنا مخنوق منها جدا..لكن دلوقتي رجعت تاني لنفس الطبع اللي هيوديني في داهية..حاسس اني عاوز أرجع بأي طريقة..و أقعد فيها..ان شاء الله حتي أشتغل ب 500 جنيه في الشهر..بس أعيش هناك و خلاص.. كل مرة و أنا راجع أقول لنفسي..أنا عاوز أحبك يا مصر..بس من بعيد..لأني طول ما أنا بعيد و متغرب أكيد هبقي مشتاق لمصر جدا..لكن لما بنزل مصر..للأسف .. بكرهها جدا..عشان كده .. مش عاوز انزل أجازات تاني دلوقتي خالص..عاوز أفضل أحب فيها من بعيد كده.. لكن برضه ما بقدرش..كلها كام شهر و برجع لنفس الموال تاني..طب أعمل في نفسي ايه طيب؟.

دخلنا رسميا فى موسم الصيف و رسميا درجة الحرارة فوق الثلاثين و يبحث الإنسان عن آلية للبيات الصيفى أو قل آلية للإحتماء من حرارة الصيف مع البقاء على قيد الحياة. ما سبق كان إستهلالا لابد منه فرغت لتوى من وجبة الغداء التى تكونت من جبنة بيضاء مهروسة بقليل من الزيت و الفلفل الرومى الأخضر المقطع قطعا صغيرة و ممزوج بمهارة مع الجبن الأبيض المهروس و الطبق الآخر بطيخة أو قل نصف بطيخة مثلجة و مقطعة و هى ليست مثلجة إلى حد تقارنها بالآيس كريم و لكنها باردة ترد الروح. رغم بساطة هذه الوجبة إلا أنها كثيرا ما تعز على المصريين بالخارج أى خارج سواء أوروبا أو أمريكا أو دول الخليج و العاملين بالخليج يعرفون صعوبة الحصول على الجبنة البيضاء لماذا ؟ لست أدرى و قد سافر أحد أصدقائنا إلى أستراليا منذ أسبوعين و عرفت بعد ذلك أن سلطات المطار فى أستراليا صادرت ما معه من جبنة بيضاء و جبنة رومى و طبعا كان هذا الخزين الذى أخذه من هنا حتى لا يحرم من الجبنة البيضاء و الجبن الرومى طوال مدة مهمته هناك لمدة ستة أسابيع. أعرف ربما هذا الموضوع مكانه المطبخ و لكنى أثناء تناولى الغداء شعرت بفضل الله على العبد الفقير و رأيت أن أشرككم معى فى الغزل فى الجبنة البيضاء سواء مع البطيخ أو الطماطم أو الخيار و أظن أن الجبنة البيضاء مهروسة مع الطماطم و قليل من الزيت و قرن شطة تعتبر وجبة أسطورية للمصريين فى الخارج.

هذه الحادثة بقوتها وعنفها تتطابق بشكل كبير مع المواجهات التى حدثت بين الاهالى والمواطنين اثناء ثورة 25 يناير وفيها تكرار لسيناريو حرق أقسام الشرطة والشىء الواضح جدا الذى لا جدال فيه أن هناك مشكلة عميقة لن تحلها الكلمات المعسولة ولا الحلول الكلاسيكية المعتادة ولن تحلها تغيير مسميات اجهزة الداخلية أو القيام بحملات اعلامية لتغير صورة الشرطة فى عين المواطن ولكن الأمر يحتاج لهيكلة حقيقة فى الداخلية تشعر المواطن انه فعلا امام جهاز جديد تماما ( افراد وسياسات واسلوب تعامل مع القضايا وحتى فى الملابس والمباني والسيارات ) حتى يبدا هذا الجهاز الجديد مسيرة اكتساب ثقة المواطن المصري لكن استمرار الاوضاع على الوضع الحالى فإن الامور لن تهدأ وسيظل هناك حساسية فى العلاقة بين المواطن والشرطة واى دولة المواطن فيها لا يكن الثقة والاحترام لجهاز شرطتها فهى دولة غير مستقرة وستعاني من الانفلات . سبحان الله ولا إله إلا الله ... ولا حول ولا قوة إلا بالله وأول مرة أكتب بالخط الكبير ده ... الشرطة أطقلت النار على أحد المهربين ما أدى إلى مصرعه ... هاجم الأهالي ( وأكيد دول من البدو طبعا - وما أدراك ما البدو - ومسلحين ) المستشفى وقسم الشرطة ( ما هي خلاص أقسام الشرطة بقت مستباحة ) وأحرقوه. فالغلظ على مين ... الغلط على الشرطة الشريرة إنها بتضرب نار على المهربين ... لازم يغمضوا عينيهم ويعملوا نفسهم مش شايفين .... والبلد تغرق سلاح ومخدرات مش مهم. تخيلوا السيناريو ده بين المهرب والشرطة المهرب / سلام عليكو يا شرطة .. أنا مهرب .. تسمحولي أعدي بالتهريبة بتاعتي الشرطة / لا منقدرش نسمح لك لأن ده ضد القانون .. ومعلش تسمح لنا نقبض عليك .. عشان نأدي واجبنا .. المهرب / طبعا من عنيا ... اتفضلوا شوفوا شغلكم الضابط للعسكري / حط الكلبش في ايده يابني.. الظاهر ان بعض الناس متخيلة .. إن الشرطة لازم تتغير عشان لما تقبض على المهربين .. يكون طريقة القبض ماشية بالسيناريو ده. الظاهر إن في ناس بتحلم كتير .. ومتخيلة إن المجرمين والخارجين عن القانون دول ناس ملايكة ( بس الشيطان غواهم يا عيني وخلاهم خرجوا عن القانون ) والشرطة الشريرة يا عيني هي اللي بتبلطج عليهم .. زمان واحد صديق ليا .. ( أيامها كان لسه أمين شرطة .. هو حاليا ضابط ) .. لقيته جاي في يوم وماسك معاه سيف طول الدراع كده .. لأ وايه .. سيف مشرشر كمان .. هو كان شغال في القطامية .. سألته قلت له انت جبت السيف ده منين .. قالي مسكناه في خناقة .. قلت له .. ايه .. يا نهار اسود .. في خناقة .. ده لو لمس رقبة واحد هيطيرها .. قالي عادي عادي .. ده بنشوفه كتير ... تخيلوا دلوقتي بعد ما أصبح فرد الشرطة مستباح ودمه مالوش تمن .. هل في واحد منهم هيقدر يدخل خناقة بالسيوف عشان يفضها ؟ ولا هيقولك يا عم وانا مالي .. وأنا أضيع نفسي ليه .

الى كل من يتهم من كانوا فى ميدان التحرير منذ ثلاثة ايام بانهم بلطجية ( ولا أقصدك انت طبعا يا اخى العزيز طارق ولكن أتكلم بشكل عام ) عليه أن يقرا هذه المقالة للكاتب محمد رشدي من جريدة اليوم السابع عنوانها ( حلاوة العيش فى أيام مبارك!) مرت الأيام على الثورة المصرية وأصبح البعض منا يتهم الثوار واهالى الشهداء بانهم بلطجية !!

و انا يسعدنى الرد على موضوعك الجميل يااااااااحلاوة .... http://www.youtube.com/watch?v=yWuiLzy3_yA

من الفيس بووك ، إشمعنى أنا يعنى شعر الزوج بان زوجته أصبحت ضعيفة السمع.. وخوفا عليها ذهب للطبيب لاستشارته فأجابه الطبيب: كل مشكلة و لديها حل لكن لكي نفهم الوضع أكثر ممكن تعمل تجربة ...ابعد عن زوجتك 40 متر و كلمها بنبرة صوت عادية جدا لو لم ترد قرب 30 متر و كلمها لو لم ترد قرب 20 متر و كلمها لو لم ترد قرب 10 متر و كلمها وبالفعل.. عاد الزوج للمنزل ووجد زوجته بالمطبخ فابتعد عنها بمسافة 40 متر وقال بنبرة صوت عادية ماذا صنعت لنا اليوم على العشاء ؟ ولم ترد فتقدم الزوج 30 متر و قال للمرة الثانية ماذا صنعت لنا اليوم على العشاء ؟ ولم ترد فتقدم الزوج 20 متر و قال للمرة الثالثة ماذا صنعت لنا اليوم على العشاء ؟ ولم ترد فتقدم الزوج 10 متر و قال للمرة الرابعة ماذا صنعت لنا اليوم على العشاء ؟ ولم ترد فتقدم الزوج بالقرب من زوجته تماما و قال للمرة الخامسة: ماذا صنعت لنا اليوم على العشاء ؟ هنا قالت الزوجة بغضب للمرة الخامسة أقول لك أني صنعت أرزاً ولحماً!!

1 - أذا كان مبارك قد أدمج أتفاقية توريد الغاز المصرى لاسرائيل داخل اتفاقيات كامب ديفيد ولم يتم الأعلان عنها للشعب ولم يتم عرضها على نواب الشعب ، أذا كان هذا الفعل أعتبرته جموع الشعب المصرى جريمة كبرى ويستحق عليها المحاكمة بتهمة الخيانة العظمى بأضرار مصالح الوطن لصالح العدو الاسرائيلى هذا عدا عن الاستفادة المادية هو وأسرته وحسين سالم ووزير البترول السابق فلماذا أذن لم يحاكم على تلك الجريمة .. وأذا ما اعتبرناها جريمة وهى كذلك بالفعل فلماذا العودة لتصدير الغاز لاسرائيل من جديد ... ومن لديه السلطة لادماج بنود جديدة على المعاهدات القديمة - وفى ظروف فساد حكم وعدم شفافية - يصبح لدينا الحق فى الالغاءبناء على اتفاقيات الشفافية الدولية والموقعين عليها فى عهد مبارك والتى تعطى كل الحق للشعوب بأن تلغى الاتفاقيات والمعاهدات التى تمت فى ظروف فساد أو عدم شفافية .. 2 - أذا كان حسين سالم معلوم للجميع بأنه مع بداية أحداث الثورة ذهب الى سويسرا وأقام فى قصره الخاص هناك وتطوعت السلطات السويسرية بأبلاغ مثيلتها فى مصر بانها تحفظت عليه فى مقر أقامته وتنتظر من يحضر من مصر لتسليمه ، ولكن أنتظرنا مدة طويلة جدا حتى تمكن من الرحيل لاسبانيا حيث موطنه وجنسيته وننتظر من اسبانيا التى تحاكمه على جريمة تبييض الاموال أن تسلمه لنا !!!. 3 - أذا كانت النيابة العسكرية والمحاكم العسكرية تجرى للمتهمين و أغلبهم من النشطاء السياسيين بسرعة البرق وبدون توفير حقوق للمتهمين وفى خلال فترة لاتتعدى يوم او يومان من تاريخ القاء القبض عليهم يصدر الحكم المشدد سنتان او ثلاثة على جرائم أبداء الرأى ... أذن لماذا لايتم معاملة رجال النظام السابق كذلك ؟! ولماذا يترك الضباط السفاحين المتهمين بقتل المتظاهرين فى مواقعهم حتى الآن يؤ ثرون على اهالى الشهداء وعلى الشهود ويستغلون وظيفتهم فى عرقلة العدالة . 4 - أذا كان الامن اختفى فى مناسبات عدة منها أحداث امبابة وتفشى جرائم البلطجية وتحجج بعدم القدرة وبالحواجز النفسية الهلامية التى تولدت عند ضباط الشرطة ، أذن لماذا كان هذا الأستخدام المفرط والشديد للقوة عند التصدى لمظاهرات المصريين أمام سفارة أسرائيل وكذا ضد اهالى الشهداء عند مسرح البالون وميدان التحرير مزودين بقنابل غاز جديدة وتأثيرها اشد و أفتك بكثير هذا خلاف الصواعق الكهربية الجديدة 5 - أذا كانت الثورة قام بها الشباب المصرى فلماذا يكون تشكيل مجلس الوزراء كله من العواجيز ومن أتباع النظام السابق - عدا وزيرين او ثلاثة - وأذا كان رئيس الوزراء عصام شرف يجد معوقات كثيرة فى عمله وتفرض عليه أسماء بعينها ولايملك تغييرها ولايستطيع اخذ قرارات هامة بدون الرجوع للسلطة الاعلى والتى غالبا ماترفضها أذن لماذا لايستقيل وهو من حملته جماهير الثورة على اكتافها ويعلن فشله عن عدم قدرته بألاستمرار فى هذا الوضع أيكون بريق الكرسى قد أبهر عيناه ام أنهم هددوه بان يضعوا السيخ المحمى فى صرصور ودنه لو قدم أستقالته . 6- أذا ما كانت هنالك مؤمرات من جهات عربية وغيرها لماذا لايعلن ذلك بشكل واضح ويتم توجيه أنذار قوى لتلك الجهات بالتوقف عن التدخل فى الشئون الداخلية لمصر ونعرف ساعتها من هو العدو ومن هو الصديق بدلا من ان تترك الامور مائعة وغير واضحة 7- لماذا لم يتم للآن حل المجالس الشعبية فى المحافظات وهى بعلم الجميع من أكبر بؤر النظام السابق ، بل ويتم الدفاع عنها من قبل وزير التنمية المحلية الحالى . أيضا ولماذا لم يصدر قرار بحرمان اعضاء الحزب الوطنى من حقوقهم السياسية لمدة خمس سنوات على الأقل وحرمانهم من شغل الوظائف العامة ويتركوا ليعبثوا ويدمروا فى البناء الوطنى 8 - لماذا تقدم التنازلات وترمى بعض اللقيمات للثوار عشية أية تظاهرة كبيرة ، ولايتم ذلك بشكل طبيعى وسلس ولماذا الاصرار على المضى قدما فى مهزلة الانتخابات قبل كتابة الدستور ، وهذه تحتاج توضيح منى : أولا : لأن أنفراد مجلس الشعب وهو احد السلطات من الثلاثة الرئيسية بكتابة الدستور دونا عن السلطتين الأخريتين يعتبر تجاوزا دستوريا ثانيا : فى حال كتابة الدستور بعد الانتخابات ستنشأ مشاكل عدة بناءا على الدستور الجديد والتى تتيح الطعن أمام المحكمة الدستورية العليا فى مشروعية مجلسى الشعب والشورى حيث تم انتخاب اعضاؤهم طبقا لشروط الدستور القديم - الحالى - والتى تتعارض مع بنود الدستور الجديد الذى سيتم وضعه وبذا يتم حل المجلسين و اعادة الأنتخابات من جديد . ثالثا : أن تضع العربة امام الحصان ولاتقوم ببناء الاساس قبل بناء الاعمدة والادوار التى تليها ، هذا نوع من العبث السياسى او عدم الفهم او لاغراض مخفية لاندرى مغزاها ، فالواجب هو ان تتفق الامة على مبادئ الدستور الذى سيحكم البلد لمدة طويلة ويضع مصالح جميع طوائف الشعب نصي عينيه ولا يضع شروطا لمواطنة المواطنين ولايميز احدا على الآخر لانه فى حال تم عكس ذلك سيحدث انشقاق كبير فى الامة . رابعا : أذا ما كان الاستفتاء الذى تم على تعديل تسعة مواد فى الدستور القديم ونتيجته هى حجة الاستمرار عند الحكام ومن يروا ان مصالحهم تتماشى فى ذلك الاتجاه فان الرد بانه حتى هذا الاستفتاء ونتيجته لم يتم احترامها من قبل الحكام وتم تعديل مادة وحذف مادة ثم اضافة واحد وستين مادة جديدة .. كل هذا بدون الرجوع للشعب ولا اجراء أستفتاء جديد عليه .. ودارت الماكينة و أخرجت قوانين للاحزاب وممارسة الحقوق السياية والانتخابات بدون الرجوع أيضا للشعب ... فعن اى ديمقراطية نتحدث ؟ 9 - و اخيرا فى الافق تظهر بشائر و أمارات بأستثمارات ومشروعات بالمليارات من الدولارات قادمة من الشرق ومن الغرب فهل ستترك كل هذه الخيرات ...........

يا نهار ابيض ايه يا خوانا كل الغل دا :protest: الاستاذ اللي كاتب الموضوع اصلا عنده 19 سنة يعني واخد الحقد بدري بدري بالله عليكم لما حد تظهر عليه بوادر الشر دي و هو لسا ما كملش 20 سنة قولولي دا لما يوصل 40 سنة هايبقى عامل ازي ارحمنا (الستات) يا رب

هذا الموضوع افتتحه الأخ عاشق وكنت اقرا فيه في العام 2009م وبصراحه اعجبني جدا وقررت حفظه من وقتها في المواقع المفضلة لدي لماذا ؟؟؟؟ لأنني أحب ان اعرف من احدث وجدت في موضوع أخي عاشق موضوعات وتجارب مهمه وشيقه للعديد من أعضاء المنتدي ولكن ...... لاحظت أيضا بان كثير من الذين كتبوا عن انفسهم لا اراهم يكتبون حاليا ولا تظهر أسمائهم ......... ونحن نطالبهم بالعوده لإثراء المنتدى بتجاربهم وخبراتهم .... وكذلك لاحظت ايضا بأن العديد أيضا من الأعضاء الذين يشاركون حاليا ..... لم يقوموا بالتعريف بأنفسهم ..... ومنهم نفسي التي ساتحدث عنها لاحقا ..... ولكن ..... بالنسبة لي بقية الأعضاء أهم ..... واشكر أخي عاشق على فكرته المميزه واتمنى ان يكون حاضرا معنا حاليا ..... فهل من مزيد من تجارب وخبرات أعضائنا الأعزاء ؟؟؟

الحياة ممكن اوي تبقي كده شابة جميلة في غابة بفستان سهرة تصميمه قريب من شكل جلد النمر في وضعية الترقب والصيد اما تقرب من خط المواجهة معاها وتعيش مغامرة محسوبة او غير محسوبة او تهرب وتفضل الوضع الآمن دايما

هحكى لكم موقف زمان حصلى وانا كنت لسه 14 سنه كنت تقريبا فى ثالثة اعدادى وكان لى صديق عفريت شقى جداا :afr: وانا بطبعى هادى :blush2: ,المهم صاحبى ده كان بيحكى لى عن بنت واختها كانو تقريبا فى سننا وانه عاوز يتعرف على واحدة فيهم بس مش عارف اذاى , بعد فترة لقيته جاى مبسوط وقالى ان البنت وافقت انها تقابلة بس بشرط انها هتجيب اختها معاها hg):: ومفيش مانع لو هو معاه صاحبه ,طبعا انا فهمت هو بيلمح لأيه وقلت له انسى ,انا مش بتاع الكلام ده شوف لك حد تانى يروح معاك ,بعد محاولات وضغط منه لأنه كان لحول جداا تغلب فضولى على مبادئى وروحت معاه المهم البنت تكلمنى وانا وشى فى الارض ومكسوف جداا:blush2: ومش عارف اقول ايه ,عدى الموقف ده وحفلت انه لايتكرر ,جاء صاحبى بعدها وقالى ان البنت بتسأل على طبعا انا رديت عليه بعنف po:: وقلت له الموضوع منتهى حلو ,, لا مش حلو قالى هى بتقولك هى عايزة تشوفك تانى ولو ماجتشى معايا هى ممكن تجيلك بيتكم ! انا عقلى ساعتها طار وشتمته وقلت له يبلغها ان مفيش موضوع اساسا وانى كنت جاى معاك بالصدفه وانى ماليش فى المواضيع دى وفى احدى الايام كان عندنا ضيوف وهما بقى بيحكوا ويتحاكو عن اخلاق الرفاعى وشطارته واستقامته والجرس يضرب اروح افتح الباب :blink: الاقى البنت واقفه بتقولى هو انا زعلتك فى ايه انت ليه ماجتش مع صاحبك ,واذا بماما تنادى على مين على الباب وانا ساعتها بقول للارض تنشق وتبلعنى رديت على امى وقلت لها لا ده واحد صاحبى ,يابنتى امشى وهى لا ممكن امشى غير لما توعدنى ,اوعدك بأيه ,بإننا نشوف بعض تانى ,يابنتى انا ماليش فى الموال ده وهى هاتك ياعياط cr((: وشوية وصوتها هيطلع :shutup: ,قلت لها هو ايه اللى يرضيكى دلوأتى قالت انك توعدنى ,قلت لها خلاص :giveup: اوعدك بس امشى ... الحمد لله مشيت بس اختى الصغيرة كانت واقفه وشايفه الحوار i*: ,المهم بعدها قطعت علاقتى بصاحبى تماما والموضوع انتهى لا ما انتهاش واذا بإختى الصغيرة تساومنى ههه تعملى كذا ولا اقول لماما انها بنت مش صاحبك يابنتى اللذينه وبعد عدة مساومات زهقت منها وقلت لها قولى وهى ماصدقت خبر وفضحتنى فى البيت لكن الحمد لله الوالدة كانت بتثق فى جداا وماصدقتش وقالت لاختى انتى اصلا بيتهيىء لك وبتتبلى على اخوكى الدروس المستفادة ههه -امشى عدل يحتار عدوك فيك -الصديق قبل الطريق

السلام عليكم ورحمة الله... تم حذف عدد لا بأس به من المداخلات الخارجة عن سياق الموضوع والتى تشتت الفكرة الأساسية التى يود الكاتب طرحها ، بالإضافة إلى حذف عدد من المداخلات بها تهجم وشخصنة وملاحقة لكاتب الموضوع الفاضل زهيرى وكأن الغرض منها هو ارهابه ومنعه من مواصلة طرح أفكاره ، وهو ماترفضه قواعد المحاورات والجميع يعلم هذا. أيضا يؤسفنا أن نعلن أنه تم انذار الفاضل طارق حسن ومنعه من المشاركة فى هذا الموضوع لتعمده تشتيت الموضوع وشخصنة الحوار. نرجو من حضراتكم مزيد من التعاون معنا . شاكرين تفهمكم عن فريق الاشراف

المرة دي عايزين نحدد حاجة جديدة.نكتب جنب كل واحد بعد النجاح يعزمنا علي اية.مهو تعب الاعصاب مش ببلاش كدا ولا اية؟؟

مقطع مؤثر لفضيلة الشيخ يعقوب ماشاء الله http://www.youtube.com/watch?v=W7J-uTXKay8&feature=related

انا متفق معاك لان الموضوع ده واضح جدا فى المواضيع المطروحه فى المنتدى وشوف الفرق بين واحد جديد او مش مشهور فى المنتدى طرح موضوع واحد تانى معروف طرح موضوع تانى

- وانا مفيش حد مفتقدنى هههههههههههههههههه

باركولي ياجماعة انا لسه وصلاني رسالة من البنك بتقول ان مكتب الهجرة في كيبك سحب مني الفلوس ..انا مقدم 26\2\2011 وكده ان شاء الله يبقي رقم الملف جاي قريب...عقبال اللي لسه يااحلي منتدي

مهندس اختبارات للسيرفر بشركة IBM الايرلندية Test Eng.eServers-in IBM خريج كلية هندسة جامعة الاسكندرية عام 1989

انا بقى حكايتي حكاية يا ريت تجيبوا كوباية شاي معتبرة تشربوها و انتوا بتقروا وظيفتي :) يللا نبتدي من حوالي 14 سنة كده حصلت على بكالوريوس محاسبة من جامعة عين شمس الغالية و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية طبعا اتظلمت و خدت التقدير الشعبي المعتبر مع اني جبت جيد في تالتة و طبعا اللي من دفعتي و قبلي عارفين يعني ايه جيد في تجارة عين شمس المهم خدت في وشي و قعدت في البيت مكتئبة لحد ما واحدة صاحبتي من ألسن قالت لي تعالي درسي انجلش في مدرسة لغات معتبرة في طريق مصر الاسماعيلية قلت لها مش لازم اعمل تربوي و الكلام ده قالت تعالي يا بنتي همة حيخدوكي عشان اللغة عندك قوية المهم رحت قدمت و فعلا الست المديرة الله يذكرها بالخير قالت لي تداومي معانا من بكرة و كنا في مايو و كان وقتها عندهم (ماي سكول) و دي مدرسة صيفية قبل الأجازة الصيفية دي كانت مديرة المدارس لكن ناظرة ابتدائي كان لها وجهة نظر دايما معاكسة لتلك المديرة فأصرت اني ما ادرسش انجلش رغم ان كان في مدرسة برضه تجارة و كان الانجلش بتاعها مش اد كده المهم خللوني ادرس ماث و اشتغلت معاهم سنتين و نص حاولت خلالهم بشتى الطرق اني ادرس انجلش و الناظرة راسها و ألف سيف انا ده ما يحصلش ابدا كان والدي الله يرحمه توفى و أنا في تالت سنة معاهم يدوب كملت الترم و تركتهم و كانوا مستغربين لأني كنت الحمد لله ناجحة معاهم و متأقلمة في جوهم انا كنت في حالة نفسية صعبة و كنت حاسة اني لازم اتوقف شوية عشان أعرف انا رايحة فين لأني مكنتش مبسوطة بتدريس الماث انا مغرمة باللغات عموما و بالانجلش خصوصا كنت بأنا اعجاب كل الأجانب اللي اتكلمت معاهم الا الناظرة :sad: المهم ريحت لي تيرم و طبعا خلال الراحة دي فكرت ادرس لكن ملقتش حاجة ترضيني يعني زمايلي كانوا بيقولولي اعمل دبلومة تسويق ما رضيتش كنت حأعمل دبلومة ترجمة لكن ما كانش متاح غير ترجمة مهنية و كنت عايزة ترجمة فورية ماكانتش متاحة الا للي دارسين انجلش في مرحلة البكالوريوس وقتها مكنتش اعرف حاجة عن التيسول انو ممكن يتاخد تبع المعهد البريطاني لأني حاولت آخد TEFL في ال AUC و برضه ما نفعش عشان المؤهل طبعا كانت معلوماتي غير دلوقت لأني مكنتش من رواد النت و المنتديات وقتها من عشر سنوات تقريبا المهم فكرت ارجع للمدارس تاني و انا متضررة عمري في حياتي ما حأنسى الانترفيو في المدرسة دي كنت مقدمة مع اتنين من صاحباتي كانوا معايا في المدرسة الأولانية دول بقى كانوا مدرسات انجلش واحدة ليسانس ألسن و بتحضر ماجيستير و التانية آداب انجلش و هاف بريتيش ( مامتها بريطانية) و بلا فخر كنت انا اللي باتكلم انجلش طول المقابلة و همة كانوا بيردوا بيس و نو !!!! همة اكيد على علم بس معندهمش طلاقة و مع ذلك كان راسها و ألف سيف اني ادرس ماث عشان ان مش خريجة انجلش بقيت حاتجنن هو المؤهل ضروري مفيش كلام بس كام واحد من الآلاف المؤلفة من خريجي ليسانس الآداب و الألسن و التربية كام واحد منهم نطقه حلو و نير نيتف؟؟؟ ده فيه دكاترة جامعة و نطقهم ..... ما علينا الأجانب عشان تدرس معاهم الانجلش كلغة تانية بيشترطوا مؤهل جامعي أي تخصص و تكون نيتف او نير نيتف أنا بفضل الله كل الأجانب اللي قابلتهم و اشتغلت معاهم بعد كده كانو بيصنفوني نير نيتف يعني شهد شاهد من أهلها الست دي بصراحة احبطتني جدا بعد الموضوع ده بشهر اتكلبشت و دخلت قفص الزوجية في ظرف شهرين!!! و كان المفروض اسافر مع زوجي الدمام حيث يعمل فركشتله السفرية و قعدنا في مصر 3 سنين كان بيدور فيهم ع السفر كل يوم و يا ما حاولت اقنعه ندرس سوا لكن ربنا ما أرادش لما جيت مكة بدأت اشتغل برايفت انجلش و طبعا كنت بانحت في الصخر لأن أهل مكة ما بيحبوش الانجلش و مفيش بينهم و بينه عمار المهم نجحت بفضل الله و بقيت اعمل من الفسيخ شربات و بقوا البنات اللي درستهم يحبوا الانجليزي اشتغلت برايفت و ترجمة و مدارس و معهد لغة و مذيعة في القناة التانية السعودية و كله فري لانس (عمل حر) من الباطن و بدون تعاقد رسمي طبعا الشغل بيزود الخبرة و الكفاءة لكن باحتار لما حد بيسألني بتشتغلي ايه؟؟ ما هو أصل مش معقول كل ما حد يسألني احكيله الحكاية دي كلها حتى لما بأملا البيانات لولادي في المدرسة بأسيب خانة عمل الأم فاضية تفتكروا يبقى انا وظيفتي ايه بقى؟؟؟ :blink:

بكالوريوس محاسبة جامعة عين شمس امتهنت أعمال صناعة الديكور والهدايا ورسم الزجاج وكلها عمل حر لمدة 6 سنوات دورات في تصميم الباترون والملابس من الشركة القابضة للغزل عملت بهذا المجال لمدة سنتين عمل حر درست تجويد القران في السعودية أعمل حاليا مونتيره أفلام وثائقية عمل حر ... :blink: وصلنا سبع صنايع وللا لسة ..... :)

من الأسباب التي حفزتني لكتابة هذا الموضوع الذي عزمت عليه منذ فترة طويلة كما قلت في أحد الردود هو أنني حضرت درسا لتعليم فقه الغسل والتكفين (منذ حوالي ستة أسابيع) ) أعلن عنه في أحد المساجد ، إذ قد لمست بنفسي جهل من يقومون بهذه المهمة عن قرب وذلك عندما وقفت على غسل والدة زوجي وجدتي فقلت أتعلم ذلك لأقوم بتغسيل من يموت قبلي من أحبتي إكراما لهن بدأ الدرس من الأخت بذكر العلامات الدالة على الاحتضار و ما يجب علينا فعله من تلقين غير مباشر للشهادة فذكرت من ذلك تغريب العينين(حول) ، انحراف الأنف يمينا أو شمالا ، انفصال في الأنف من منطقة ما بين العينين ( أحيانا) ثم تكلمت عن كيفية التثبت من أن المحتضر قد مات بالفعل وليس قد دخل في غيبوبة ما ، فقالت بتسليط ضوء كشاف أو حتى عود ثقاب على عينه فإن حدثت استجابة للضوء فهو في غيبوبة. وإن لم يحدث فهي الوفاة ثم انتقلت إلى كيفية التعامل مع المتوقي من تغميض العينين وتلين المفاصل والتعامل معه إذا كان في جسمه خراطيم ما أو قسطرة أو مكان ينزف. ثم انتقلت إلى قص الكفن ثم بدأت خطوات الغسل على دمية من القطن كأنها بنت في الثامنة وما أن بدأت هذه الخطوات حتى تخيلت هذه الدمية إنسان ما طاغية متكبر يأمر وينهى في حياته أما وقت الغسل فهو لا حول له ولا قوة يجلسه مغسلوه ويقلبونه يمنة ويسرة وكل ما يريدون فعله يفعلونه وهو لا يملك من أمره شيئا ، والأخت تنبه من آن لآخر على ضرورة الرفق معه ويكفيه ما فيه ومع تتابع الخطوات يزداد ألم أجده في قلبي ونفسي حتى وصلت الأخت إلى ربط الأربطة وأخذت الجثة الشكل النهائي الذي نخرج به من الدنيا وهنا أشارت الأخت بأصبع السبابة وكانت موفقة للغاية وهي تقول بطريقة مؤثرة لِمِثْلِ هَذَا فَلْيَعْمَلِ الْعَامِلُونَ: الصافات : 61 وانتهى الدرس وقد بلغ بي الألم مداه وعدت إلى مسكني وأنا أكاد أجر قدامي وأشعر بثقل في جسمي وأتذكر بعض أعمالي وكان أبرزها موضوعاتي ومشاركاتي هنا ولا أدري لماذا كانت متسلطة علي فكري في هذا الموقف . وقتها عزمت على كتابة رأس هذا الموضوع الذي طال تفكيري في كتابتة دون تنفيذ ذلك أسأل الله السلامة لي ولكم

ما فهمته خطأ كان من القراءة المنفصلة للعنوان بعد أن تجاوزت مشاركاتي 500 مشاركة رأيت أنه يجب أن أتوقف ( أم أحمد) شكرا لتوضيح الفاضلة سلوى وفق الله الجميع

التحذير من هذه المواقع في هذه الصورة هو بالضبط ما يتمناه القائمين عليها هذه دعاية مجانية لهم و الفضول سيدفع البعض الى زيارتها الافضل التجاهل التام لهذه المواقع، او الرد عليها من قبل متخصصين

طبعا وقمة التخلف وواقع الامر ان المتنقبة تخفى دمامتها فكل من اعرفة من المتنقبات كانوا دميمات يريدن ان يخفوا وحوههم او حالتهم الاقتصادية لاتسمح لهم الا بلبس لا يكلف الا القليل. الم يعرفوا ان الاختلاط بالرجال حرام . هذة الفئة غير مرحب بها فى المجتمع. نريد الاعتدال فقط فلا تشجعوا على التطرف. من اين نستمد فتوانا من المفتى ام من كتيبات تباع على الارصفة ام من بن لادن حامى الارهاب. لا للارهاب لا للتطرف.

عااااجل : شباب 6 ابريل يرشقون مقر السفارة الامريكية بالحجارة وانتشار القناصة حول محيط السفارة لحمايتها من الاقتحام ,, تعليقي : والله و علمتم عل الامريكان يا رجاله هههههه :happy: عشان يبقوا يبيعوا للداخلية قنابل جديدة تضربنا بيها ولاد التيييييت - :happy: