لوحة القادة

اجمل خبر سمعته النهارده و ان شاء الله ياخد جزاؤه العادل على كل الامراض والبلاوى الى عملها فينا

ونا اعيط

مسلمون يخمدون حريق في كنيسة بسوهاج تكثف قوات الحماية المدنية بمحافظة سوهاج جهودها من أجل السيطرة على حريق نشب بكنيسة مار ميناالمخصصة لإقامة الشعائر المسيحية بقرية أولاد يحيى قبلى دائرة مركز دار السلام، فيما يحاول أهل القرية المسلمون والمسيحيون إخماد الحريق. وأشارت المعلومات الأولية، إلى أن قوات الحماية المدنية تستخدم الآن 6 عربات إطفاء كبيرة وأن الحريق نشب بمكان إقامة الشعار وامتد لعدد أربعة منازل متجاورة بينهم مسلمون ومسيحيون ولم يتم تقدير الخسائر حتى الآن، وجارى محاولة السيطرة على الحريق ومعرفة أسبابه ومنعه من الوصول إلى باقى منازل القرية. والجدير بالذكر أن جميع الأهالى بالقرية من مسيحيين ومسلمين هرعوا للمشاركة فى إخماد الحريق http://www.tanseerel.com/main/articles.aspx?selected_article_no=25890 يظهر معدن المصريين وقت الأزمات فيبدون كنسيج واحد وأخوة في الوطن مصلحة واحده هدف واحد اللهم احفظ مصر لكل المصريين

واحدة بتقول لزوجها إنت إيه اللي عاجبك فيا : جسمي الرشيق ولا شكلي الحلو ولا شعري الناعم قالها : ... . .. .... لاء خيالك الواسع :P

السلام عليكم و رحمة الله و بركاته الحقيقة في كل سنة في نفس التوقيت كان اتجاه عام في معظم الجمعيات الأهلية في مصر انهم يبتدوا يستعدوا لشنطة رمضان و السنة دي لأن كل منا غرقان في الحوارات عن الثورة حبيت ان يكون التوبيك هنا تذكرة بموضوع "شنطة رمضان" 1- لو تعرفوا اي جمعيات أهلية بيكون ليها تواصل مباشر مع الاسر في امصر يا ريت تحطوا ارقام تليفوناتها 2- حطوا ميزانية محددة للموضوع لاني بلاحظ ان الشنط بتبقي كتيرة اوي في اول اسبوعين من رمضان و بعد كده ممكن تقل...ممكن نقسم الميزانية انها تبقي شنط رمضان في ال 3 اسابيع الاولي و بعدين "عيدية" مناسبة باقتراب العيد و خصوصا لو الاسرة فيها اطفال. 3- ممكن كل حد فينا في اطار اسرته يتولي اسرة "إفطار صائم" اسرة واحدة فقط او كل علي سعته طوال الشهر و تكون من الاقربين او تكون من اللي فعلا محتاجين بس عمرهم ما بيسألوا الناس. 4- متنسوش في وسط الزحمة اللي احنا فيها دي....ناس كتير ممكن تتنسي....لسه هتفكروا ها مين هيبتدي 5- ممكن لو حد مش نازل مصر من المغتربين يكلف اسرته في مصر هي تتولي الموضوع دوت...(و ان كنت بحب ان اللي يعمل حاجة يعملها بنفسه و يروح بنفسه لغاية الاسر و يتعرف عليهم...بس كل علي سعته). 6- لو عندكم اطفال خلوهم يشاركوا معاكم...الحمد لله عملناها السنة اللي فاتت و كانت جميلة جدا بفضل الله ...اطفال العيلة هما اللي راحوا و حطوا الحاجات في شنطة رمضان...و كل واحد عمل شنطة باسمه....السنة دي بفكر انهم يبتدوا يحوشوا من دلوقتي علشان كل واحد فيهم يبقي فعلا عنده شنطة و يحس بقيمتها مش عارفة معنديش افكرا تاني دلوقتي لو جت افكار هاجي و اكتبها يالا قاعدين ابتدوا فكروا....كل اللي "غرقان" في حوارات عن الثورةو الاعتصامات...عايزين فعلا "العجلة" تلف علي الهامش اصل الفكرة من كلمات قريتها النهاردة لعمر طاهر و ده نص الكلمات النهاردة قريت الجملة دي عمر طاهر- جريدة التحرير

نبذه عن افرام ناعوم الاسم(Avram Noam Chomsky) أفرام نعوم تشومسكي الميلاد 7 ديسمبر 1928 (العمر 82)، فيلادلفيا، بنسلفانيا المدرسة/التقليد الفلسفي اللسانيات، الفلسفة التحليلية الحقبة فلسفة القرن العشرين / الحادي والعشرين الإقليم الفلسفة الغربية الاهتمامات الرئيسية اللسانيات، علم النفس، فلسفة اللغة، فلسفة العقل، السياسة، الأخلاق بالتاكيد برغم تحفظى على بعض ما ورد فى نظريته و على اعتبار الشعوب مجرد مستقبل لا رد فعل له و لا قدره على على التميز بين ما يقدم له اى اعتباره عامل ثابت فى المعادله كذلك استغراقه فى نظريه المؤامره فى التفسير الا اننا ان تجاوزنا تلك النقطه فطبيعى جدا ان يقفز لدينا السؤال التالى كم من هذه الاستراتيجيات كان النظام السابق يحاول تطبيقها علينا و كم منها مازالوا يطبقوها معنا بعد الثوره ؟ فى انتظار مد\اخلتكم التى تثرى الموضوع

لعصام شرف ,,

بالعكس يا أستاذ ابراهيم عشان مش يقولوا الثوار بلطجية وعايزين خراب البلد عشان يتأكدوا ان الثورة في الميدان بس والثوار عندهم حق في كل شئ حتى لو وصل لعصيان مدنى مادام هناك تقصير تبقى الثورة لازم تستمر ومطالب الثوار تزداد يوم بعد يوم حتى يتم التطهير لن نقبل بأنصاف حلول او مسكنات

مرت حتى الآن ستة أسابيع على هذا الموضوع و كانت آخر مداخلة للفاضل Architect و فيها صرح بأن المطلوب من الإخوان المسلمين بوصفها أكبر فصيل على حد قوله أن تقوم بتجميع فصائل الثورة !!!! ما سبق كان إستهلالا لابد منه اليوم 11 يوليو ما زلت على حيرتى .... صحيح مستوى الحيرة كان متغيرا خلال الفترة السابقة رغم أن وجهة نظرى هى الدستور و إلغاء نسبة ال 50% إلا أنى تقبلت فكرة الدكتور البرادعى الخاصة بوجود مجموعة من المبادئ فوق الدستورية التى ستكون فى الدستور مع النص على ثبات تلك المبادئ و ألا يتم المساس بها مستقبلا. بدأت فكرة المبادئ فوق الدستورية على لسان الدكتور البرادعى و إعترض عليه الكثيرين و لكن المفاجأة أنه تقريبا تجمع الجميع تقريبا حول فكرة المبادئ الفوق دستورية فى صورة وثيقة البرادعى ووثيقة الأزهر ووثيقة الوفاق الوطنى و أعتقد هناك وثيقة رابعة و هذا فى حد ذاته أمر مطمئن جدا الآن أنا موجود فى لندن لفترة قصيرة و أشعر بشعور أبنائى هنا و المصريين الموجودين خارج مصر هناك قلق و توتر و لا توجد طريقة لمعرفة ما يجرى ربما نعرف البعض عن طريق تويتر أو محاورات المصريين. و أنتهز هذه الفرصة لتوجيه الدعوة للفاضلة فتفوتة أن تعيد تواصلها المستمر فى نقل الأخبار للمصريين فى كل مكان.

http://www.youtube.com/watch?v=Jfnc_ALAqPQ&feature=share

المستشار أحمد الإدريسى قاضى التحقيق المنتدب من وزير العدل أصدر قراره النهارده بس يعني كان بيذاكر طول الفترة الماضية في كتاب كليله ودمنه مثلا ولما خلص الكتاب افتكر المريب والمخفي في أمر هذه الثورة أكثر بكثير من المعلن عموما جميل ان تأتي متأخراً أفضل من أن لا تأتي بالمرة

محاولات تشويه صورة الليبراليين من الاسلاميين دخلت مرحلة فجة تماما مثلما كانت محاولات تشوية صورة الاسلاميين من العلمانيين فجة المواطن العادي من أمثالي يصاب بالغثيان من كم الفجاجة فجاجة فريق اليمين وفجاجة فريق اليسار بزيادة فجاجه يا جماعه نفسنا ماعت من ريحة الفجاجة شوية احترام لشعب عظيم

انا بقى باقولك يااستاذ محمد ولاحاجة اتغيرت ولا الهوا بقالنا شهر بنتعامل مع جهات حكومية ودوخنا السبع دوخات على ختم النسر اللى شكله طار مع مبارك واخير بطلوع الروح ختمناه من كذا مصدر ادارة تعليمية على قسم شرطة على مديرية الامن وعذاب مابعده عذاب فى القيد العائلى حتى ورق الدمغة فى البوستة بيخبوه ويبوعه للفراشين والكتبة ليبوعه باضعاف تمنه وتروح يقولك مافيش حتى فى هيئة البريد نفسها اما موظف او موظفة ماتسويش اربعة ابيض وتشخط فيك لما اخلص اللى ايدى اعملك ورقك عقد نقص بعيد عنك اطمنك الرشاوى والوسايط شغالة وكله تمام جرب روح مصلحة حكومية او عسكرية بعد ماطلع عين ابونا فى الاوراق واجازات ومصاريف تعدت مبلغ وقدره عشان بنتا شبطت تلتحق بالقوات المسلحة كله ده طار فى الهوا بسبب الواسطة والرشوة اللى اتردد انها قاربت 25 الف جنيه الحمد لله ان متقبلتش لاننا كنا معترضين عليها لكن تركنا لها حرية الاختيار لكن مااحزنى صدمة مئات البنات اللى اترفضوا وغيرهم وبكاءهم الهستيرى وغيرهم كل يوم بحجج واهية اتضح انها سبوبة بيع الاف الاستمارات والعدد المطلوب حوالى 50 فتاة وطبعا متسجل اسمهم مقدما زى عملية الوظايف الخالية انشر الخبر فى الجرايد وهم معينين مسبقا اشخاص بعينها المؤسف ان ارملة بتحلف انها مستلفة فلوس الاوراق عشان تقدم لبنتها وغيرها من المحافظات التانية تحملوا مبالغ اضافية مواصلات ونوم فى الشارع عشان يلحقوا دور كل البنات اجمعوا انهم نجحوا فى الكشف الطبى الاولى لكن موبيل الباشا مبطلش رن من الوسايط ساعتها بس جالى احساس ان لاثورة قامت ولاحصل تغيير ولا حيحصل الجميل ان كلنا عبرنا عن راينا ده بعلو صوتنا فى المكان لكن ودن من طين وودن من عجين البلد دى عاوزة نوعين بس من البشر يعيش فيها يااما واحد مسنود وله مركز ورتبة وواسطة يااما واحد حالته ميسورة يقدر يدفع ويقدر يتعالج هو اولاده ويعيشهم كويس غير كده لأ بالمناسبة بقى دى صورة ام احد الشهداء فى ميدان سعد زغلول الكوسة والواسطة والرشوة ضيعت حق ابنها

الزميلة الفاضلة أشكرك على الموضوع الرائع فحقاً ما ينقصنا هو المعرفة معرفة الذات ومعرفة الآخر والإدراك الواعي لما يقدم لنا, ويمكن بعد الإنتهاء من هذا الموضوع ان نطرح دينامكيات ثورات الشعوب حتى نتمكن من إدراك حقيقة ما يحدث على الأرض والإستفادة من دروس التاريخ وقد نصل حينها لفهم واحد ورؤية واحدة تجمع الفرقاء. أبدأ بنفسي واجيب على تساؤلك. إستراتيجيّة الإلهاء: في خلال الأعوام الثلاثين لحكم الرئيس السابق مبارك أُعتمدت هذه النظرية بشكل كبير وتوجه المجتمع نحو جهات غير نفع للشعوب فتم تهميش التعليم والعلماء والمبدعين فرأينا علماء مثال احمد زويل ومجدي يعقوب وعلماء دين مثال عمرو خالد والشيخ عمر عبد الكافي يتم إقصائهم على حساب تقريب الفنانين من ممثلين -حظي طلعت زكريا بقابلة الرئيس وكذلك منه شلبي وكان وفد مصر على ما لذكر المتوجه للقمة الإقتصادية برئاسة جمال مبارك يصطجب معه الراقصة دينا والممثلة روبي- ولنتذكر كيف تم إلهاء الشعب لدرجة وصلت لقطع الأوصال بين مصر والجزائر وكيف تم التلاعب به وذلك لحساب مشروع التوريث, ولا ننسى يوم مقتل السياح بالإقصر وبعده انشغل الرأي العام بقضية وفاء عامر وحنان ترك وتم إلهاء الشعب وغيره الكثير. إستراتيجيّة إبتكر المشاكل ... ثم قدّم الحلول : في مراحل ثورة 25 يناير الأخيرة تم تفعيل خطة نشر الفوضى ونشر الصراخ والتحذيرات في جميع وسائل الإعلام وتم إخراج المساجين وعمل دوريات من البلطجية ورجال الشرطة في ذي مدني يطوفون الشوارع على سيارات مسلحين ينشرون الفوضي وتم ظهور مصطلح اللجان الشعبية لأول مرة منذ أكثر من 30 عام وذلك لتفريغ ميدان التحرير وكانوا ينون تقديم الحل في حال نجح أنصار الحزب الوظني في إحتلال ميدان التحرير، والغريب أن المجلس العسكرى قام بإستخدام نفس النظرية عندما قدم مشكلة البيضة أم الدجاجة أولا واقصد بها الإنتخابات أم الدستور أولا ... وحاليا يقدم المجلس العسكري الحل من خلال أتفاقية فوق دستورية يزمع تقديمها للفرقاء تضمن أن الإنتخابات أولا على أن يكون هناك محددات للدستور القادم وذلك بعد الإنتخابات. إستراتيجيّة التدرّج: وتتجلى في أقبح صورها في طريقة تقديم جمال مبارك خلال السنوات الأخيرة وتدرجة في المناصب وإشراكة في العمل الشعبي تمهيدا لتوريثه الرئاسة استراتيجيّة المؤجّــَـل: رائعة تلك الإسترانيجية التي يستعملها المجلس العسكري الآن في طريقة للعفو عن مبارك مبارك مصاب بحاله عصبيه ويتشبث بالسرير - الرئيس مصاب بإرتجاف في البطين الأيمن - الرئيس لا يقوى على المشي وحده - الرئيس مصاب بالسرطان - رئة الرئيس لا تعمل بكفاءة - اصابة مبارك بالذعر بسبب المظاهرات أمام المستشفى - قلب الرئيس توقف عن العمل لمدة دقيقتين ...... وغير بعيد أرى خبر موت مبارك اكلينيكيا منشور والسبب هو انتم أيها الشعب الحاقد المتناسي لرموز الوطن والمتجاهل لكل تضحيات الرجل خلىل 62 عاما من العطاء. استراتيجيّة مخاطبة الشعب كمجموعة أطفال صغار: غير بعيد ماتش الأهلى والزمالك السابق وغير بعيد أول ضربة جوية فتحت باب الحرية وكذلك أنا أو الفوضى والأمن الذي نعمت مصر به طوال فترة حكم مبارك وكذلك العلاوة السنوية والتي يعقبها زيادة الأسعار بشكل يأكل معه ما ادخرت الأسر ولا ننسى النداء الشهير كل عام في عيد العمال .... المنحة يا ريس .... إستثارة العاطفة بدل الفكر: نعيش الآن في مرحلة دغدغة المشاعر الدينية والعاطفية والمتمثلة في أنا آسف يا ريس ... الريس كبر حرام عليكم ... إرحموا عزيز قوم ذل .... الراجل قرب يموت ... أنا لو إبني شهيد أعفو عن مبارك لو الأمر بيدي .... الرجل مريض .... أين النخوة المصرية والرجولة .... كيف نهين رمز الدولة ..... من قال نعم فهو في الجنة .... المسلمات المختطفات والمسيحيات المختطفات ... الثورة غير مشروعة دينيا ... الإعتصامات مخالفة للشريعة ... العالمانية الكافرة والسلفيون المتشددون والإخوان المنافقون والإجندات الإجنبية وال 40 مليون دولار ل 6 إبريل .... كنتاكي التحرير ... العلاقات الجنسية والمخدرات والبلطجية .... تعطيل مصالح الفقراء ... ولا ننسى عهد مبارك البائس ومعركة الجزائر الكروية والشردحة ولامعاير بالمساعدة وسب شهداء ثورة الجزائر. كفاية كده واترك غيرى ليكمل وأشكرك مرة أخرى على الطرح الإكثر من رائع .... لعل قومي يعلمون

الموضوع باين من عنوانه :) اكيد احنا هنا بقلنا فاتره متباينه فى المنتدى يعنى فى الى بقالوا سنين و فى شهور و فى حتى ايام اكيد\ الى بقالهم فتره فى المنتدى ليهم مواضيع كتيره فيه و ممكن مواضيع منها تكون قديمه شويه و هى رغم فكرتها الحلوه او تميزها اتنست او اختفت بفعل تراكم المواضوعات الجديده الى بتضاف كل يوم فى المنتدى رغم ان الموضوعات دى ممكن تكون بتحتوى على فكره حلوه او موضوع مهم للنقاش او مداخلات ثريه لمن للاسف هنلاقى اغلب الاعضاء الجدد ميعرفوهاش و مشاركوش فيها و دا بسبب تجدد اعضاء المنتدى كل فتره علشان كدا انا فكرت ان احنا نرجع نرفع الموضوعات دى تانى علشان ندي لاالاعضاء الجدد الفرصه انهم يشاركوا فيها او نديها هى حقها لانها ممكن تكون اتظلمت وقت ما نزلت فى المشاهده او الردود يالله ننفض تراب الزمن عن موضوعات جميله و كنوز محاوراتيه بس بشرط الاول ان كل واحد يرفع موضوعات خاصه بيه هو ثانيا انه لماميكتفيش بس برفعها لكن كمان يحط لنا رابطها هنا علشان كلنا نشوفها و يبقى الموضوع هنا مرجع صغنن للموضعات دى يالله كل واحد فينا يقلب فى موضوعاته القديمه و يشوف يحب يرفع لنا منها ايه علشان ترجع تتشاف و تتفتح تانى و انا اول واحده هبدأ موضوع من انت و لو عجبتكم الفكره شاركوا معايا فى انتظاركم

تيمور كبير المراوغين يتهمني أنا بالمراوغة والتهرب من الإجابة .. مع أن إجابتي كانت واضحة جدا .. وكما قال أخونا عنبو ( اللي ميشوفش من الغربال يبقى أعمى ). إلا أنني أعود وأقول ... عن نفسي شخصيا .. فأنا لا أحب كلمة الثأر هذه .. هذه الكلمة لا دافع وراءها إلا الشيطان .. ولا تنتج أبدا إلا رغبة في الثأر المضاد.. وحيث أنني لا أحب هذه الكلمة فإن عدم حبي لها لن يكون مجرد شعار أرفعه فقط .. ثم ألقي به في سلة المهملات عند أول ناصية .. عدم حبي لهذه الكلمة سيجعلني لا أفكر أصلا في الثأر .. وسأترك الثأر لله وحده .. فهو وحده العادل الذي لا يمكن أبدا أن يشوب حكمه ظلم أو تجني. وبالنسبة لهؤلاء الذين يطالبون بالثأر .. فلن أنكر عليهم .. لو أنهم ارتضوا حكم القضاء .. بدلا من الضغط عليه وإرهابه لإصدار الأحكام بناء على هواهم وطلبهم .. أما أن يكون الثأر أعمى لا يميز .. ويندفع كالثور الهائج ينطح جميع من يقابله دون تمييز .. فإنه لن يكون حقا أبدا .. سيكون باطلا وظلما .. والظلم ترجع عقباه إلى الندم. مع احترامي لك يا أخى العزيز شرف الدين ولكن انا ايضا أرى انك حتى الأن لم تعطي اجابة واضحة ومحددة على سؤال أخينا تيمور واجاباتك هى كلام عام تقبل اعتذراي ولكن هذا ما اراه حسنا عزيزي إبراهيم مع أنني لا أجد أن المسالة بها كل هذا القدر من الغموض .. لو أن القضاء أصدر حكما نهائيا غير قابل للنقض ( ومن دون أي ضغط أو إرهاب ) بإدانة الضباط .. وخيرت وقتها بين العفو أو القصاص .. فسوف أختار العفو بدون تردد. ولو أن القضاء أصدر حكما بتبرئة الضباط .. فسوف أقبل به .. وسوف أتمنى من داخلي فعلا أن يكونوا برآء منها. أنا أريد أن أسألك يا أخ إبراهيم ... لماذا لا تفترض أن الضباط فعلا لم يطلقوا الرصاص ؟ لماذا ؟ أو أنهم أطلقوه دفاعا عن النفس ؟ لماذا لا تفترض هذا ؟ استاذ شرف حتى لو تنازل اولياء الدم عن حقهم فهناك حق المجتمع الذى يجب ان يؤدى بعقاب مثل هؤلاء الظباط حتى لا تسول اليهم انفسهم او يسول لغيرهم الاستهانه بارتكاب ذات الجرم مجددا كما ان قدرات الاشخاص على العفو تتباين و الله لا يحمل احد فوق طاقته فمن قدر على العفو فهناك غيره ممن لن يقدر و ان كان الله رغب فى الركون الى العفو الى انه لم ينكر على من لم يقدر عليه لعلمه المسبق باختلاف قدرات الاشخاص على تحمل تبعاته اما بخصوص ان الضباط لم يطلقوا النار من عدمه فهذا يفصل فيه التحقيقات لا غيرها و لكن ينبغى ان نتذكر ايضا الفيديوهات التى شاهدناها جميعا للقناصه الذين كانوا يقتلون بدم بارد من فوق سطح وزاره الداخليه و الجامعه الامريكيه قد يكون هناك حالات تمت طفاعا عن نفس و لكن بالتاكيد هناك حالات اخرى تمت لغير ذلك و جل ما نريده هو تمايز ذالك عن ذاك ليفصل فى كل موضوع بعدل و اعتذر ان كان تدخلى فى الحوارسبب لحضرتك ازعاج تحياتى

الحوار بيدور في حلقه مفرغه بس لازم كل فريق يعبر عن رايه والشباب في التحرير لسه بيحاربوا المعركه بتاعة الثوره حسب معتقداتهم واللي بيؤمنوا بيه وممكن يكون فيه سلبيات وخساير بس المعركه دي مطلوبه لان الثوره لسه في مرحلة المخاض لازم نغير من تفكير وعقلية الخوف من الخساير لان هو دة اللي جعل مبارك وغيره يحكموا البلد تلاتين سنه مفيش جنه من غير نار

العذر بتاع تعطيل مصالح الناس ده هو نفس العذر اللي قالته عفاف شعيب اثناء الثوره و تبرر فيه رفضها للثوره بسبب اغلاق محلات البيتزا و الكباب حيث ان ابن اختها الطفل الصغير يبكي بسبب احتياجه الشديد لأكل هذه المأكولات الهامه خلال الثوره تحياتي و بيتزاتي

إيقافهم عن العمل لحين انتهاء التحقيق هو فعلا ما يطالبون به أما حكاية القصاص ( وهو حد من حدود الشريعة ) من القاتل فلا خلاف عليه حينما يثبت فعلا إنه هو القاتل فلا أنا ولا أنت نستطيع أن نجزم بأن هؤلاء هم القتلة وإذا كنا نعلم ذلك فعلينا أن نثبته يقينا للمحكمة لا أن نطالبها بالحكم عليهم بالإعدام بدون أي أوراق ومن ناحية العدالة بطيئة فليس في هذه القضية فقط

يا أستاذ طارق ضباط الشرطة قد يكونوا مخطئين ولكن دول موظفين بالدولة لم تتم إدانتهم رسميا ومش ممكن يتم إنهاء خدمتهم بجرة قلم في دولة يسودها القانون ومش ممكن يتحاسب الموظف بالظنة أو بغير حكم قضائي يستلزم إنهاء خدمته علشان خاطر إرضاء فلان أو علان أو ترتان والوزير محق تماما لو كان قرر عدم تنفيذ القرار لأنه ستتم إدانته حتما لو لجأ هؤلاء للقضاء للأسف على حد علمي إن هو دا القانون وإلا سيتم إنهاء خدمة الكثيرين من غير مساءلة ودي تبقى مصيبة سودة وفوضى وعشوائية لو عايز عصام شرف ينهي خدمتهم فليتول ذلك على مسئوليته الخاصة ويبدوا أن عصام شرف ضعيف ويستجيب للضغوط فيلجأ للخطأ وهذه بداية للانهيار ويفتح بابا من الشرور قصده الأعداء من أول الأمر تحياتي

انا كمان بعترض على تعيين الفنجرى و انا مش تبع سته ابريل او اى تنظيم سياسى اخر لكن انا اعتراضى مش مبنى على فكره المطالبه بوزير مدنى لكن تحفظى من اختيار احد كوادر الجيش ليمسك بمنصب حساس زى دا و بالتالى هيكون الجيش فى الحاله دى مسيطر على قوات مصر الخارجيه او الداخليه و دا بشعرنى بالقلق ليه عايزين نكرر سيناريو 1952 تانى بحذافيره هو احنا متعلمناش مما الت اليه الاوضاع بعدها ليه يكون الجيش ليه السيطره الكامله بالشكل دا معلش مهما كنا واثقين فى المجلس العسكرى فهم فى الاخر بشر و الطريق للجحيم مفروش دائما بالنوايا الطيبه مش عايزين نرجع نوزع المناصب على ضباط الجيش كنوع من المكافاه تانى و احنا عارفين الى حصل ساعتها و يكفى ان نتذكر ان عبد الناصر مسك وزير الداخليه بعد الثوره بلاش نفتح الباب دا الجيش المصرى قام بدور مشرف اثناء الثوره و حتى الان يستحق الشكر من القلب عليه لكن لازم الامور متتخلطش بعد و نرجع نندم بعد كدا هى بتكون خطوه بتجر خطوه و لو وفقنا على الاولى هتكون الى بعدها اسهل بكتير و هنلاقى سيناريو 52 راجع يتنفذ تانى بحذافيره و كاننا معملناش حاجه و مش مقتنعه بفكره ان الشعب دلوقتلاى مبقاش ينضحك عليه و انه ساعتها مش هيسكت لان اكيد الموضوع مش هيتم فى يوم و ليليه و مش هيتم الا بعد ما ينجحوا فى اعاده تدجين الشعب تانى عبر سلسله من الخطوات يا ريت نقعها عليهم من الخطوه الاولى كما ان و بشكل عملى الشخصيه الى اتكونت خلال حياه عسكريه مختلفه تماماعن الى اتربت فى الحياه الشرطيه و الى ينفع لدا مينفعش لدا و اى حد فى اى من المؤسستين على ارض الواقع هيقول نفس الكلام اعتقد ان جهاز الشرطه لن يعدم شخص واحدكفء و نزيهه يقدر يتحمل مسئوليات منصب زى دا او ممكن اى ناشط حقوقى او قانونى محترم لكن عفوا متحفظه على اختيار ضابط جيش هذا المنصب و لا اوافق عليه هذا هو راى و شكرا

ياسلام عليك يا اركتكت ساعات بتكتب حاجات تستحق تتبروز المثال بتاعك ده ، بيلخص القصة بشكل رائع بس ينقصه انك تغير الكلمة اللي لونتها نا باللون الاحمر في مداخلتك لكي تكون ( شاكة ) بدلا من ( عارفة ) لان المسألة لا تصل لدرجة المعرفة الأكيده - ولما يا حاج تيمور تكون الزوجة شاكة في زوجها ان بيخونها ولما تكون عارفة انه قرر ينفصل عنها بالمعروف وهي بعد كده تشوف زوج ثاني بالمعروف والاوصول برده يبقى مفيش داعي انها تروح تشوف لها واحد تاني تعمل علاقة معاه قبل ما الطلاق يتم...لان كده الزوج هيشك في نوايها للطلاق وان المسألة كان فيها إنُ ً من الاول ...علشان كده احنا عاوزين المسألة تفضل ماشية بالتوازن المطلوب الى ان يحدث الانفاصل بالطريقة التي تم الاتفاق عليها خاصةً أن الخطوة الأولى لهذا الطريق باقي عليها شهرين فقط ..إذن لا داعي لهذه الزوجة ان تلجأ للمحاكم والعنف والعند وانها تقف امام زوجها وتقوله انا عاوزه زوج تاني غيرك دلوقتي حالا ، لانه ده مش هيجيب نتيجة وهيخلي الزوج يعند لأنه يتأكد انها كانت عاوزه تتطلق علشان الرجل الثاني اللي في حياتها مش :) علشان هوه سيء ( يعني تقدر تقول كده لها مصالح شخصية او اجندات خارجية :closedeyes: ) اذن نستمر في المطالب بمظاهرات سلمية آه ، لكن يسقط المجلس العسكري او يسقط عصام شرف..واعتصامات وقطع طرق وقفل المصالح الحكومية...ده كله لأ.... أشكرك على هذا المثال..الرائع..ربنا يزيد ويبارك...

المشكلة يا استاذي الفاضل انك طالب ان كل واحد مننا لازم ينشر اسمو وعملو وتليفونو ودي معلومات شخصية مش لازم ان الكل يطلع عليها لان الموقع مش مقفول علينا بس يعني كناس عايزة الخير لبعضها لا في الحاقد وفي الفضولي وفي الي بيتسلى كل ده بيعدي عالموقع فمش صح ان كلنا ننشر بياناتنا بالشكل ده وفي المقابل اي حد بيحتاج حاجه معينه هنا هتلاقي الكل جنبو وهتلاقي المساعده على الخاص عن طريق الايميل ولكن لاداعي للنشر على الملأ .... ده تقديري الشخصي واعتقد انه هو السبب ان محدش رد لغايه النهاردة واوعى تفكر انها سلبية ابدا ولكن الحيطة من نشر المعلومات الشخصية على الملأ على الانترنت شئ غير صحيح .

حتى لو جابوا وزير مدنى فلن ترضى سته ابريل لان الموضوع بالنسبه لهم مش موضوع داخليه ولا شهداء ولا اى حاجه من الكلام اليى دوشوا به اهلنا الموضوع وما فيه انهم نصبوا انفسهم اوصياء على الشعب المصرى وعلى الشعب السمع والطاعه بمعنى ان منصب فى الدوله لابد ان يتم موافقة سته ابريل عليه الاول هذه هى الحقيقه ومازلت اقول اليى ميشفش من الغربال يبقى اعمى هناك اناس على استعداد لفعل اى حاجه للالتفاف على ارادة الشعب المصرى وعدم تمكين التيار الاسلامى من حكم مصر حتى لو خيروا بين الفوضى والتيار الاسلامى فسوف يختارون الفوضى بلا شك فهم لا يروا الا انفسهم ويعتقدون ان الصواب جانبهم على طول الطريق علشان كده فشلوا فشل ذريع فى تكوين قاعده شعبيه وتقبلوا تحياتى عنبو

بصرف النظر عن كلام الدكتور عصام شرف وبصرف النظر ايضا عن القانون واذا كان الكلام اليى صدر من شرف او من اللواء العيسوى قانونيا صح ولا غلط بس انا حاسس ان اللواء العيسوى بيدير الداخليه بنظام دول رجالتى زى ما كان عبدالحكيم عامر بيعمل فى الجيش وطبعا دى كارثه ومصيبه سوده تحياتى عنبو

يا أخي نفس الكلام حضرتك ذكرته في موضوع العوا وكأن كل من يوجه انتقاد لموقف الشباب لا ينتقد الحكومة والمجلس العسكري وكأن من يوجه انتقاد لموقف الشباب يدعم موقف الحكومة والمجلس العسكري لا أدري ما دلالة هذه الفهم حينما نوجه انتقاد للشباب نوجه انتقاد لأنفسنا لأننا الشعب ونحن أقرب من بعض الشباب أنفسهم داخل التحرير انتقدوا تصرفات بعضهم البعض بإغلاق مجمع التحرير بالأمس وأرجع إلى تويتر لتتأكد من هذا فهل سيقول من أغلاق المجمع من الشباب لمن أنكر عليهم : الواجب أن تنكروا على المجلس والحكومة ، أي منطق هذا ؟ كلما انتقدنا أحد قال لنا أنتقد المجلس والحكومة وكأن فعله هو معصوم من الخطأ ؟ هناك دعوة اليوم لقطع خط المترو ؟؟ والدعوة التي تعلمها في موضوع الدكتور العوا ؟؟ أظن الواجب أن لا ننتقد هذه الدعوات بل ننتقد المجلس والحكومة

فى الحقيقة نرفض طبعا هذه الدعوة ونعوذ بالله منها ولكن كان حريا بالدكتور العوا أن يوجه كلامه الى الحكومة والمجلس العسكري ويطلب منهم تطبيق العدالة الناجزة وسرعة القصاص ممن قتلوا المصرين فى ثورة 25 يناير حتى تبرد النار فى قلوب اهالي الشهداء , ولو تحقق ذلك فسيختفي هذا النوع من الدعاوي على الانترنت بشكل تلقائي ومثل هذه الدعاوى لم تكن لتخرج إلا لانها وجدت البيئة الخصبة لذلك والمتمثلة فى المماطلة والتأخر والتسويف فى القصاص لاهالي الشهداء فاللوم لا يكون بالكامل على شباب الثورة يا اخ الغريب

طريق طويل و في آخره دراعين مفتوحين ليك بحجم الكون بحاله حياتك....كده لكل حد فينا....طريق...بنجري فيه...بنتكعبل....بس عينينا ديما علي الايدين اللي دايما مستنيانا في آخره و بتعوضنا عن تعب الطريق بحاله

ماشاء الله لاقوة إلا بالله ربنا يبارك فيها ويرزقها الصلاح ويجعلها قرة عين لوالديها ورزق الوالدين الجنة وصحبة النبي بحسن التربية فعن أنس قال، قال رسول الله : ((من عال جاريتين حتى تبلغا جاء يوم القيامة أنا وهو كهاتين وضم أصابعه)) [رواه مسلم]. وعن جابر: ((من كان له ثلاث بنات يُؤويهن ويكفيهن ويرحمهن فقد وجبت له الجنة البتة، فقال رجل بعض القوم: وثنتين يا رسول الله، قال: وثنتين))

الان علي قناة التحرير ابراهيم عيسى ، يملي ارادته ورأيه علي الشعب ، بطريقه مفضوحة ، يرمي كلامه المتسلط ويمجد رايه ويتهم المخالفين بان لا كلمة لهم طالما لم ينزلوا الا الميدان نظرا لتاخر الوقت قد اكتفي بهذا الان وقد يكون لي تعقيبات للغد ارجوا ان تتابعوه الان مازال في بداية الحلقة ، وخلع برقع الحيا ، ويستغل الكلام المنمق ثم يعود ويلمح ويلمز ويغمز. علي المختلفين لرأيه

أنا شايف ان 6 ابريل أهم من عمل لجنة لنقل خبرات دولية ... لأ انا عندى رأى تانى ... أحنا نصدر تجربة الثورة المصرية للاخرين الذين لم يكملوا الطريق أتمنى من المجلس العسكرى يشحنهم فى اقرب وقت على ليبيا ولا اليمن ... ولا سوريا حتى .. هاياخدوا فيهم وفينا ثواب ساعتها مش هنحتاج وزير داخلية أصلا

كل السادة الزملاء بيقولوا عبيط سيبة يخرف برضة اجددنا كانوا بيقولوا كده على تيوديور هرتزل اللى كان يحلم بتاسيس دولة لليهود فى فلسطين و عمل مؤتمر لذلك اواخر القرن 19 , و لو اى حد قبل 5 يونيو 1967 قال ان اسرائيل حتحتل سيناء و الجولان فى بضع ساعات لقلته عليه مجنون و بيخرف , و لو حد قبل حرب اكتوبر قالكوا بعد 6 سنين حيكون فيه سفارة لاسرائيل فى مصر كنت حتقولوا عليه مجنون و بيخرف , و مؤكد الاخوة فى شمال السودان من عقد او عقدين كانوا مفكرين فكرة الانفصال نوع من الجنون و التخريف , صدقونى احنا بنتكلم و أعدائنا بيشتغلوا . http://www.egyptiantalks.org/invb/index.php?showtopic=123819&st=0&p=757918entry757918

يا 6 أبريل قبل التصعيد أعمل توعية مثلا أنا عارف أن في جورجيا الوردية اصبح دولة نظيفة نوعا ما طيب زي الفيديو اللي وضعته الأخت نور العين ده لو اتعرض في التليفزيون ونقلنا تجارب الأخارين الناجحة زي اليابان مثلا فيها ايه لو تخصوصوا لجنة من 6 أبريل مهمتها نقل تقارير مصورة من بلدان زي دي تقول يا جماعة في بديل ممتاز وأحسن وارقي عاملين نقول للعيسوي طور وغير وهو يقول حاضر حاضر لكنه عمره ما شاف البديل فبيشتغل علي حدود عقله مثال training اللي مثلا بتعمل الشركات المحترمة الكبيرة اللي بتقول لموظفينها يا شباب في طريقة شغل تانية غير اللي متعودين عليها أيه رأيك يا تيمور في الأقتراح ده

الشئ بالشئ يذكر حركة 6 أبريل معترضة جدا علي فايزة أبو النجا ، وزيرة التعاون الدولي و كانت عملالها بيان مخصوص رغم إنها مش الوزيرة الوحيدة اللي من العهد البائد و مش الوزارة السيادية أو حتي الوزارة الخدمية الهامة يقال أن السبب إنها فاتحة ملف التمويل الخارجي لمنظمات المجتمع المدني و وجهت رسالة شديدة اللهجة للسفيرة الأمريكية بخصوص موضوع الأربعين مليون دولار و طلبت تفاصيل و إن أي دعم بعد كده يكون من خلال الوزارة عشان كده الحركة حاطها علي أول القائمة بناكشك يا باشمهندس تيمور ، smk:

حلو وقعوا فى بعض دة حرب بقى و تحدى علنا قدام كل الناس هو وزير الداخلية مسنود ولا اية ارفض ان يتم محاكمة اى عضو فى النظام السابق بالقوانين الحالية لاننا كلنا عارفين ان القوانين كانت بتتفصل على قد مقاسهم وكانوا بيخططوا كويس جدااا مش سرقة شغالة 30 سنة يعنى عاملين حسابهم وقت ما حد يتجرا يقدم اى مستند قصادة الف قانون يبطلة يبقى لازم نعرف ان المستندات تم اعدامها و لا نسيتم الحريق اللى حصل فى امن الدولة كان ماس كهربائى و لا اتحرق صدفة يعنى لو بالقانون يبقى حسنى مبارك اول برىء لابد ان نتعامل اننا فى ثورة يعنى يعنى محاكمات عاجلة

لمن يتساءل عن سبب طلب تعيين مدنى رئيسا للداخلية هو تحقيق التجربة الجورجيية http://www.youtube.com/watch?v=1A6nAnIHvGg بعد قيام الثورة فى جمهورية چورچيا تولت شابة مدنية كان عمرها 27 عاما آنذاك مهمة تطهير جهاز الشرطة الفاسد، فقامت بفصل 18 ألف شرطي فى يوم واحد وبناء أقسام شرطة بحوائط زجاجية وأعادت هيكلة الجهاز بحيث تصبح السجون تابعة لوزارة العدل وخفضت عدد أفراد الشرطة إلى الثلث، إلى جانب تغييرات ثورية عديدة أدت إلى خلق جهاز شرطة محترف يقضي على الجريمة ولا يقضي على الحريات ويحوز ثقة الشعب بنسبة 84٪. «المصري اليوم» التقت «إيكاترينا زولادزة» نائبة وزير داخلية چورچيا ورصدت التجربة الچورچية فى تطهير جهاز الشرطة والقضاء على الفساد والتعذيب والرشوة بعد الثورة الوردية التي أطاحت بالرئيس شيفرنادزة فى 2003.

نفسى اقتنع بكلامك ولو مرة واحدة يا هندسة تفتكر رد فعلك هيكون ايه لو بكره الصبح جابلوك طبيب بشرى وقالولك ده مديرك الجديد ؟؟ النقطة التانيه المضحكة فعلا اعتراضك على شراء قنابل مسيلة للدموع بمعرفة د. عضام شرف يعنى هو المفروض ان الشرطة تبقى مجرده تماما من اى اسلحة ؟؟ طبيعى جدا ان الشرطة تسلح نفسها سواء فى وجود د. عصام شرف او عدم وجوده زيها زى الجيش بالظبط حدث العقل بمايعقل الله يكرمك

الكل يقع في خطأ الاعتقاد ان المجلس العسكري سيرحل فور انتهاء التشريعية !! المجلس العسكري يحوز على صلاحيات رئيس الجمهورية وسيتم نقلها الى الرئيس المنتخب الجديد يعني بعد 14 شهر بالتمام والكمال ! اما مجلس الشعب فمجرد ديكور زي اللي قبليه ليس له اقصاء المجلس العسكري عن السلطة لان الاعلان الدستوري فرض علينا المجلس لحين تولي رئيس جديد الحكم في البلاد 14 شهر بالتمام والكمال الشناوي يا مصريين اتاريكم ,,

رجل مستفز و إستفزازه في غير وقته بالمره ما معنى أن رئيس الوزراء لا يملك توجيه أحد الوزراء اللذين يعملون تحت رئاسته ؟؟ و يعني إيه متهمون بقضايا قتل يحظوا بحماية وزير الداخليه نفسه ؟ و يعني إيه يتردد كلام عن فساد داخل الوزاره و يكون رد الفعل هو مقاضاة من تكلم عن هذا الفساد ؟ ألا يفترض بوزير الداخليه في اي بلد محترم أنه موظف بيشتغل عند الشعب و عمله هو تحقيق مصلحة الشعب ؟. كونه كما هو واضح للجميع_لأنه هو نفسه لا يبذل جهداً يـُـذكر في إخفاء ذلك_ كونه حامي حمى القتله و غير مهتم بحماية حقوق المتظلمين فهذا يشير بوضوح إلى أن هناك خطأ ما و تزداد الطينه بللاً بكونه مصاب بقدر لا بأس به من الصلف و التكبر يصل لحد عدم طاعة رئيسه و رئيس الوزراء كافه .. هو إذن لا يصلح .. و لا يصح أن يظل في منصبه هذا يوم واحد أكثر السؤال الآن .. يا ترى هل سيستمر مكانه يعمل بنفس سياسته التي تفوح منها رائحة النظام السابق بفجاجه ؟ و السؤال الأهم .. لو إستمر فمن وراءه و من هو ظهره ؟ ربنا يكون في عون أهالي الشباب الورد اللي دمهم لسه بيصرخ و بيقول هاتولي حقي ربنا يستر

:blink: :blink: :blink: :blink: :blink: :blink: :blink: سامحوني يا جماعة بس أنا بأكلم نفسي.....يعني أيه وزير (مع كامل الاحترام لشخصه) يطلع يقول إن رئيس الوزارة مش من اختصاصه يدخل في عمل الوزارة؟!!! أومال أيه هي اختصاصات رئيس الوزارة ؟ بأي منطق وبأي عقل يتقال الكلام ده في ظل الظروف اللي إحنا فيها البلد مولعة وسيادة الوزير كل ما يهمه أختصاصاته ومحدش يتعدي علي وزارته!!!!!!!!!! لكي الله يامصر

ماشى , بس عاوزين كمان استفتاء على أداء المجلس العسكرى و رأى الشعب فى تأخر محاكمة مبارك و التعامل مع البلطجية ايام الثورة و غيرها ...

وحلا لهذا الاشكال اقترح بتسمية المولود : تيمور :happy: الصبررررررررر يا رب يعني حاطط تيمور....و بعديها ايقونة مبسوطة و كمان عايزه تتناقله الاجيال...(وش حد احول من كتر الاستغراب) طب منكن سؤال آد النملة هو بابا حضرتك سماك تيمور ليه؟؟؟ امممممم مش فاهمة ....لو ينفع توضحلي يبقي كتر خيرك لو مش ينفع اوك....(مساحة خاصة مش راح ادوس عليها تاني) مساك.....كل واحد ليه نصيب من اسمه...(دي عبارة ماما دايما تقولهالي....بس بالنسبة لحضرتك مش عارفة هيبقي نصيبك ايه بقي) ده سؤال جميل وانا احب اللي يسألني طيب ,, انا اول ماوعيت على الدنيا ,,, :P لا بجد تيمور اسم اصله تركي ,, وده تيمنا باسم جدي لامي وهيا اصلها تركي من عيلة اغا وهم من الاشراف ومعلوم ان ابن الشريفة والحمد لله شريف ولكنه لا يورث الشرف ,, تيمور لغة مشتق من دمور = حديد باللغةا لتركية واجمالا بابي سماني كده عشان اكون متميز واديكي شايفه السبوره مليانه تميز قدام حضرتك ازاي ولسه ! ;) http://www.youtube.com/watch?v=658bXrh0KZs

بسم الله الرحمن الرحيم أخي الفاضل / فاروق تحية طيبة وبعد ... 1- لا أعرف مدى صحة هذا الخبر أنا قمت فقط بتحليل ما جاء فيه . 2- لن يتم طرح الأراضي كلها على مرحلة واحدة و لكنها ستكون على مراحل متقاربة التوقيتات وطبقاً لتصريحات الوزير فقد تصل أعداد قطع الأراضي لمائة ألف قطعة أرض في المرحلة الواحدة . 3- عندي معلومات و لكنها غير مؤكدة أن هيئة المجتمعات العمرانية الجديدة قد ألغت نظام القرعة و إنها ستستبدله بنظام الإتاحة وهو حصول كل مواطن على قطعة أرض حيث أن الوزارة تؤمن بحق كل مواطن مصري في الحصول علي قطعة أرض أو وحدة سكنية لمرة واحدة . 4- هناك بعض المدن ستخلوا فعلاً من المشوع القومي الجديد ( وهو ما يسمى بالمشروع الإجتماعي و المخصص لمحدودي الدخل ) مثل الشروق و العبور و التجمع ولكن هذه المدن سيطرح فيها أراضي للإسكان العائلي لمتوسطي و متميزي الدخل . 5 - بالنسبة لمدينة العبور فالمساحة المقرر طرحها تم الإعلان عنها في الخبر و بالتالي فمن المفترض أنها حقيقية ، أما بالنسبة لعدد قطع الأراضي فهي إجتهاد مني بناء على تحليلي للمساحة المقرر طرحها و التي تم ذكرها في الخبر . خالص تحياتي مهندي / أشرف محمد

عملت انا و مريم الفانوس دا دلوقتي ايه رأيكم؟ كانت مجرد تجربة على السريع كده و ان شاء الله هانجيب كرتون ملون و نجيب ستيكرز نجوم و نزوقه بيه مريم طايرة بيه من الفرح و قاعدة تعمل واحد لوحدها اهي يالااااااااااااااااا فرحوا العيال

ده كيل بمكيالين يا هندسه ,, لانك ياما قلت قبل كده ان القيادات العليا لابد ان تطاع وعلى المرؤوسين تنفيذ الاوامر الصادره اليهم بدون نقاش ,, ولكن عندما حدث العكس تماما قمت بابداء اعجابك لمجرد انه يتفق مع هواك اللي انا مستغربه هو ايه بالظبط هل تعاطف مع الظباط المتهمين ام ماذا لكنه هوى والسلام ,, تقبل التحية ,,