لوحة القادة

أخيرا عبر المجلس الأعلى للقوات المسلحة عن صوت العقل - المدعوم بالقوة اللازمة – فى هذا الوطن .. ووجه خطابا حاسما لمجموعة متنافرة ولكنها متحدة على هدف واحد (الفوضى غير الخلاقة) .. أظن أن الأيام التالية ستشهد حسما لتلك الحيرة التى يشعر بها البعض .. فالخطاب القوى تضمن : 1 – المجلس الأعلى هو القائم على إدارة شؤون البلاد فى الفترة الانتقالية 2 – لن يسمح بمحاولات القفز على السلطة (دعاوى المجلس الرئاسى) 3 – دعم رئيس الوزراء فى مقابل دعاوى استقالته لوضع أحد جنود كوندليزا رايس مكانه 4 – الترتيب الذى وافق عليه الشعب فى الاستفتاء (انتخابات تشريعية ثم دستور ثم رئيس جمهورية) هو الترتيب المعتمد حتى تسليم السلطة إلى دولة مدنية ذات دستور ومؤسسات دستورية 5- القضاء على الجدل الدائر الذى تثيره الجنود المجندة - لإشاعة فوضى كوندليزا – حول المخاوف من الجمعية التأسيسية .. إذ ستوضع وثيقة حاكمة بضوابط لاختيار تلك الجمعية وسيصدر إعلان دستورى جديد بها (أى قبل إعداد الدستور المنتظر) .. ليت المراهقين السياسيين يتوقفون عن تضليل الشعب بأن مصر لا تعدم الفقهاء الدستوريين القادرين على وضع دستور جديد فى ظرف أسبوع .. فتلك الجمعية (مع ضرورة أن تضم فقهاء دستوريين) يجب أن يكون من أهم معايير انتخابها تمثيل كافة طوائف الشعب دون استثناء .. أما الصياغة وإعادة الصياغة فهى مهمة القانونيين والدستوريين 6- إذا كانت الثورة قد قامت من أجل الشعب فلن يُسمح لأعداء الشعب لكى ينالوا من مصالح هذا الشعب .. إغلاق مجمع التحرير بلطجة وإضرار بمصالح الشعب .. إغلاق البورصة بلطجة وإضرار بمصالح الشعب .. المساس بقناة السويس بلطجة وخيانة عظمى .. فليتوقف أعداء الشعب عن المتاجرة بمصالح الشعب ودماء الشهداء قبل فوات الأوان

ماشى .. حضرتك ياسيد تيمور بتقول ان المجلس ده ما ينفعش ..(( حافظين مش فاهمين )).. و... حضرتك وضعت لنا هنا مداخلة (( لأحد الكوادر ))...معرفش يعنى كوادر ايه وكوادر مين ..واحنا مالنا ف المحاورات بالكوادر دول يعنى ؟؟ والكادر ده بقى بيقول .....اكيد النهاردة او بكرة بالكتير فيه مجزرة حاتحصل.. طيب... تصدق وتآمن بالله....قول لا اله الا الله.. انا معروف عنى انى فعلا عندى طولة بال وصبورة بس بصراحة..!!! بصراحة يعنى ...!! انت (( مش ممكن )) ....دى ( تانى مرة فقط اللى اعطى لأى حد تقدير سالب ) اعطيتك تقدير سالب ..ف مداخلة واحدة..بس بصراحة لك اكثر من مداخلة مستفزة هنا. انت بتشعلل الدنيا... انت عايز تولع الدنيا... بتنادى بايه بالظبط؟؟؟ يعنى المجلس (( حافظ ومش فاهم ؟؟ )) ...وبعدين تتريق وتقول (( الراجل اللى ورا عمر سليمان هو نفسه اللى ورا الفنجرى )) هى دى حرية رأى ؟؟؟ هو ده الحوار ؟؟؟ حوار مثمر ؟؟؟؟؟ حرااااام بجد. وبعدين تقول دول بيعاملونا زى الاسرائيليين.. عايز ايه؟؟ عايزها تولع اكتر من كدة ابه؟؟ برضه..أنا بمسك نفسى ومش بكتب مثلا تعليق.. لك مداخلة بتسخر فيها من عضو...بيقول ان بتوع السادس من ابريل فاكرين نفسهم صفوة .. وحضرتك بترد وتقول خلاص يعنى بقى خللوا البسطاء يحكموا ..و...بلابلابلابلابلابلابلا... طيب.... انا بنفسى شفت فيديو ...(( كله منظرة يعنى منظرة ...وشوية عيال ( لأن ملهمش اى اسم تانى )..)) بيستعبطوا وصدقوا فعلا ان هم اللى عملوا كل الثورة دى .. لالالالالا ياتيمور بك. نقطة نظام ...نقطة نظام...نقطة نظام... وشوية ميه ساقعة تفوق العيال دى.. المجموعة اللى كانت هى السبب ف اشعال شرارة الثورة مجموعة رائعة فعلا وولاد ضحوا علشان الباقى يعيش و نقطة الدم منهم تطهر جيل كامل سابق مقدرش يعمل حاجة .. ولاد...من كل مصر...من كل حتة فيكى يامصر.. ما تجيش حضرتك وتختزل كل حاجة ف ...شوية قاعدين على ترابيزة وفاكرين نفسهم هما اللى عملوا كل حاجة .. وبلاش .. بلاش يعنى بلاش ... بلاش نفتح دفاااااتر كتيرررررررونتكلم بقى عن ....حاجات كتيررررر بتحصل من وراء الكواليس. ايوة .. ايوة ياباشا... مش وقته... لكن؟؟ اقسم برب العزة ...عندما تستقر الأمور . اقسم بالله العلى العظيم سوف آتى لكم هنا بكل ما يثبت ....أنه رغم اعتراض الكثيرين على المشير طنطاوى ..وانا ايضا لى عليه تحفظات . وانا ايضا هنا ...فى مداخلة قديمة لى هنا...تنبأت ان يكون الرئيس القادم هو السيد سامى عنان..بعد استقالته من الجيش .(( لو اضطرت الامور الى اللجوء لذلك..!!!!!!!)) واشياء كثيرة جدااااا اقول لكم.. خيرا فعل المجلس العسكرى .. خيرا فعل ... مصر فوق الجميع.. مصر فوق الجميع ويجب النظر للأمور بطريقة ....حكيمة وعاقلة . اعمل معروف ياتيمور بك....بالله عليك ياأخى.. أرحمنا شوية وارحم الناس . خلاص بقى كفاية . ثق ف ربنا الأول ...ثم...ثق ف جيش بلدك.

ااستاذ دياب اسمح لي اقول لك ان وضع المجلس مقابل حركة يفتقد لكل منطق لان حركة 6 ابريل فصيل سياسي وسط عشرات القوى الفاعلة على الارض لو كنت حضرتك بتستقي الصورة من وسائل الاعلام فقط فانا اكيد باعذرك على الخلط والتشويه الحاصل في الصورة لان الصورة ليها تفاصيل كتير اولا الثورة ليس لها رأس او قائد أو ايقونه من اول يوم وهذا اجمل مافيها انها بدأت ثورة شباب ثم اصبحت ثورة شعب عظيم ومتحضر وبالتالي تجد حضرتك انه بيعالج اخطاؤه أولاً بأول يعني حكاية طريق الكورنيش لم تستمر سوى ساعتين وانهاها عقلاء الثوار بالتفاهم مع من قام بها وكذلك نضع موضوع طريق السويس وغيره مما ذكرته حضرتك انفعالات وقتية يتم تصحيحها والانصات لصوت الحكمة يعني حضرتك وضعتها بصيغة ماتش كوره بين الاهلي والزمالك وبصيغة ابيض واسود يا قاتل يا مقتول طب ممكن اشجع اللعبه الحلوة قصدي ممكن اشجع مصر ومصلحة مصر فقط بدون عصبية يعني لو المجلس العسكري أجاد نقول له انصفت واجدت وشكرا ولو الشعب والثوار اجادو ننضم ليهم ممكن ولا صعب تحياتي آه بالمناسبة أنا من القلة المندسة قصدي مع تصعيد الاحتجاج والضغط على المجلس العسكري لتحقيق مطالب الثورة التي لم تتحقق حتى تاريخه شكرا

اتنين مصاصين دماء راحوا قعدوا علي القهوه ... الاول طلب كبايه دم .. والتانى طلب كبايه ميه سخنه ...فالاول بيساله ليه ميه سخنه??! فرد عليه التانى وقاله: . . . . . . . . . . . اصل معايا دم فتله

اصدار وثيقه جديده تتضمن مبادئ حاكمه لوضع دستور جديد يعني الإنتخابات في موعدها ولكن هناك محددات للدستور الجديد من خلال التوافق بين جميع الفرقاء وبذلك يتلاشى خوف كل فرق من إعداد دستور يضمن مصالح فرقة معينة و فصيل معين. أعتقد هذا هو الحل الأمثل الآن والذي يجب أن يتجمع عليه كل الفرق المختلفة لو أردنا الخروج من حلقة البيضة الأول أم الدجاجة ويضمن أن الدستور دستور توافقي يخدم مصلحة مصر وليس أحد الفرق.

من ضمن الملاحظات اللي لفتت إنتباهي إن في زوار كتير جداً لمصر والمطار زحمه جداً .. مصريين مغتربين راجعين يقضوا أجازتهم في مصر .. وعرب .. وأجانب ... والحركة تكاد تكون عادية بالنسبة للقادمين إلى مصر كل عام خصوصاً في الصيف .. - خلال الفترة اللي قضيتها في مصر أكاد اجزم إن موضوع الأنفلات الأمني ده نابع من ناس عاوزه الثورة تفشل وبتهول الأحداث ... أيوه في حوادث بتحصل ... لكن مش بسبب الثورة أو الأنفلات الأمني اللي صوروا لنا الموقف إن الناس بتقتل بعضها في الشارع ... وإن الكل حابس نفسه في بيته .. بالعكس .. الحياة عادية جداً كما تعودناها وفي محلات فاتحه 24 ساعة ... قد يكون هناك بعض الحوادث نتيجة إن إحنا مجتمع مزدحم ومتعدد الثقافات ... وقد يكون لسقوط هيبة الشرطة لدى كثير من المجرمين وقالوا يستغلوا الموقف ... لكن حتى من خلال تقاعس الشرطة عن أداء واجبها ... فتقريباً اقدر أقول إن الشارع المصري ماشي بقوة الدفع الذاتي وقادر يحمي نفسه بعيداً عن جهاز فاسد تم تكوينه من سنوات طويلة لحماية نظام فاسد وليس لحماية الشعب صاحب البلد ... - أكثر أنفلات ضايقني كثيراً وكان لازم يكون له وقفة مع الحكومة هو الانفلات الأخلاقي والسلوكي في الشارع المصري ... يعني رجال المرور تقريباً يكادوا يكونوا نادرين في الشارع وبالتالي عاوز تمشي عكس الأتجاه .. شغال ... تركن صف رابع .. برضوا شغال .... مش بس كده ... - حاجه بقى يتكتب عنها مُجلدات كاملة ... وتتمثل في وجود حركة بناء غير عادية ومش عارف الفلوس دي جت منين ... ده أنا بأتكلم عن مناطق كتيرة زورتها في القاهرة ما بالك بالمحافظات الأخرى ... عماير شاهقة طلعت في أقل من 3 أو 4 شهور بطريقة غير عادية مستغلين إن مافيش محليات ولا محافظة ولا تراخيص .. وإبني يا عم الحج .. بدون مبالغة ممكن تشوف شارع عرضه مترين مثلاُ .. ويطلع النهار تلاقي برج مكون من 13 طابق طلع فجأة كده ... - وحركة هدم لبيوت قديمة كانت دور أو دورين ... بيهبط عليهم أصحاب رؤوس الأموال يغروهم بالاموال عشان يبيعوا بيوتهم وهوووووووب .. يبنوا البرج التمام مكان البيت - طب يا عم الأنقاض والرتش والحاجات دي الي ناتجه عن الهدم بتروح فين ؟ مكانها موجود .... أرمي يا عم في أقرب شارع ولو كان عمومي ... وجايب لكم صور مصورها بنفسي لشوارع عمومية في مناطق شهيرة .. تم غلقها بالكامل من الأنقاض دي ... الأعجب من ذلك ... كنت معدي على مزلقان قطار السويس في منطقة عين شمس .. واللي لحد دلوقت مش عارف القطار ده بيعمل إيه هناك .. المهم على المزلقان لازم يكون هناك مبنى للتحويلة ولمراقبة حركة القطار ولغلق المزلقان أمام السيارات لما القطار يقترب من المحطة ... المبنة أندفن تماماً تحت الأنقاض اللي إترمت أمامة - ما أضحكني بقى .. وهانزل الصور ... إن لما بأقرب من شارع جسر السويس اللي بيوصل لطريق مصر الأسماعيلية لازم اعدي على محطة اتوبيسات الجراج القريبة من فندق السلام والكلية الحربية وطريق المطار ... ماشي كده ؟ هناك على شارع جسر السويس يقع مبنى حي عين شمس وهو بيدير منطقة كبيرة ومترامية الأطراف .... ومبانيه كبيرة جداً ... المبنى بتاع الحي واخدين بالكم اللي فيه مكتب رئيس الحي والمهندسين وبتوع النظافة ... أختفى كله تماماً خلف جبال من الأنقاض المرمية .... عشان بس الناس اللي زعلانة على حل مجالس اللي قعدوا 6 شهور بعد الثوةر شكلهم كانوا مستخبيين ولا يحركون ساكناً ... ووجدت مبنيين لحي عين شمس .. مبنى قديم سابق تم نهبه بالكامل حتى المكيفات .. حتى الشبابيك الألوميتال تم أقتلاعها من مكانها ... ونقلوا في مبنى بجانبة ويبعد أمتار فقط . ومبنى فخم بصراحة مش عارف كان مخصص لإيه قبل ذلك ... نفس الشيء أندفن خلف كسر البيوت المهدودة والأنقاض المرمية وده بيحصل يومياً وأخر ما كنت أتوقعه إن مدينة العبور الهادئة والمنظمة بطبعها .. في مناطق كثيرة ومنها المساحة المخصصة لإقامة جامعة عين شمس هناك ... إتملت أنقاض من دي ... وكان زمان ما حدش يجرؤ إن يرمي حاجه زي دي وإلا تتسحب العربية منه ويتسجن ويدفع غرامة .. لكن مقارنة بالأحياء الأخرى . فالعبور أفضل حالاً بمراحل ومافيش تجاوزات تُمثل مشكلة أو ظاهرة .... - على شارع جسر السويس نفسه كان في شارع بأمشي فيه على طول عشان بيختصر المسافة .. الشارع ده فيه فلل على الجانبين .. يمكن 10 فلل أو حاجه ... وفي قرار ثوري شكل أصحاب الفلل إجتمعوا ... وأجمعوا على ضرورة غلق الشارع أمام مرور السيارات هههههههههههههه أه والله .. جابوا حجارة من بتاعت الرصيف .. ورصوها على مدخل الطريق ... بلا سيارات بلا وجع دماغ شاهدت برضوا في أحد الشوارع هناك على الرصيف ... شخص ظريف طقت في دماغه فكرة .. راح مستغل إن الرصيف عرضه حوالي 3 أمتار ... وراح باني أكشاك تجارية على الرصيف وكان بيبيع الكشك بـ 3000 ج ... بس ده بصراحة نزلت قوات الجيش طربقت الحاجات دي فوق دماغه - حاجه بقى ولا في أفلام الخيال العلمي . .. أنتوا عارفين إن في مساكن كان بتبينها الحكومة زمان وبتبيعها بأسعار معقوله بتُسمى البلوكات ... ودي موجودة في اماكن كثيرة جداً في أحياء القاهرة ... بيبقى لها طابع وشكل مميز وموحد وكلها في نفس الأرتفاع ... إزاي ومين وإمتى وفين .. يتم بناء أدوار علويه لسه على الطوب الأحمر فوق تلك البلوكات المملوكة للحكومة ؟ أنا مش عارف ّ!!!!!!!!! الاعجب والأغرب بقى ... كل واحد تطق في دماغه يروج جاي جنب المساحة الخالية من البلوك ويروح باني دورين تلاته .. أه والله طب فين الدولة والدنيا والأحياء ومين هايدخل له مرافق ؟؟؟؟؟؟؟؟؟؟؟ سألت أخويا وهو بيسافر بلدنا كتير .. قولت له الوضع عامل إيه في الريف ؟ طبعاً تعديات على الأرض الزراعية بلا حدود ... وياريت على حدود الأرض .. لأ .. ده في نص الأرض فجأة تلاقي عمارة خرسانية طلعت ... بالله عليكم ... الا يستحق ك هؤلاء إعدام علني أو الدفن تحت تلك المباني اللي عملوها وضيعوا بها ثروة بقى لها الاف السنين بتتكون من الأرض الزرعية الخصبة من أيام الفراعنة فجأة تضيع في لحظات .؟ وكلنا عارفين إن الأرض الزراعية طالما إتصب عليها خرسانة وأتبنت وأتهدمت .. فهاتتزرع تاني إزاي حتى لو تمت الأزالة ؟ نكمل بعدين

السلام عليكم و رحمة الله و بركاته طب ممكن نستني لما الصورة توضح من خلال قناة شرعية مهمة جدا و هي السفارة المصرية هناك و الاهم وزير الخارجية المصرية هيكون تصرفه ايه في الموضوع دوت؟؟ قبل بس ما نسن السكاكين و نخش فاتحين صدورنا علي الاخر احنا ليه مش مقتنعين ان كل بلد ليه ظروفه و ان كل بلد ليها الحق انها تقرر ما يدرس و ما لا يدرس في مناهجها و اذا ارتضينا تواجدنا في هذا المجتمع يبقي ليه مبنسلمشي بقوانينه و معطياته اللي طرحها علينا من قبل قدومنا ليه يعني مكنتشي مفاجأة لو الموضوع طلع صحيح و اتمني انه ميكونشي كده و حد يتفضل بمخاطبة المكتب الاعلامي في السفارة لاستيضاح الموضوع من كافة جوانبه يبقي اتمني ان السفارة تاخد رد قوي و ان كنت من ناحية اخري "لو ثبت ان الموضوع صحيح" لا اعفي صاحبه من الخطأ. انا بدرس في الجامعةو معظم طلابي في الجيش و الشرطة لكني لما بتكلم عن الثورة بتكلم عن ثورتنا احنا بتكلم عن مباديء الخير و العدالة و بحاول اطبق معاهم الديمقراطية في محاضراتي لكن مش بتطرق لنظام الحكم.....مش قضيتي....مش ملعبي انا بزرع المبدأ فقط....و كل يتناوله بما يتراءي ليه و برضه دي وجهة نظر

وعليكم السلام ورحمة الله وبركاته يا اختي العزيزة لماضه انا الحقيقة عندي رصيد واستأذنك لو أضيف على ماسبق ملحوظة صغيرة اني لم أشر الى الدكتور البرادعي لسبب بسيط انا شخصيا لا اعرف عنه – كشخص – إلا النذر اليسير واتصور ان الاخوة الرافصين له لن يختلفوا عني في شيء فهم رافضينه إما من زاوية 1) انه لم يقضي في مصر وقت طويل من عمره وبالتالي فهو دخيل على الصورة 2) انه من غير دقن ، فهو عند فصيل آخر سيكون غير مرضي عنه ابتداء 3) أو انه عند فريق ثالث يعتبره امريكاني عميل وابن ستين في كل التصورات ستجدي ان الرجل يتعرض لاغتيال معنوي في نظام مبارك وبعده لمجرد انه عبر عن رأيه ورؤيته بوضوح في مستقبل بلادنا الحقيقة انا احترم فيه انه لم ينافق مبارك لحظة واحترم انه عنده رؤية كثيراً ما اثبتت الايام انها تسبق تصوراتنا نحن الناس العادية غير كده انا بالنسبة للدكتور البرادعي اقف على الحياد لست ارفعه لمصاف الملائكة و لا أراه مندوب كونداليزا في المنطقة شكري وتقديري

أنا أذهب لأبعد من ذلك فاعتبر المجلس العسكري وطني وقام بعمل تاريخي أما هؤلاء أولئك الذين يسعون للتخريب عملاء وخونة وأصحاب مصالح خاصة على حساب البلد هذه حقيقة ما في نفسي اللهم دمر من يريد الخراب لمصر

قبل ما أكتب عن إنطباعاتي عن التحرير أحب أسجل وأؤكد مرة أخرى موقفي من تصرفات وردود أفعال جهاز الشرطة ... والتي تجلت في تصريحات الأخ العيسوي في رفضة تنفيذ قرار رئيس مجلس الوزراء بفصل الضباط المتهمين بقتل الثوار ... بالرغم إني ضد القرار ده وشايف إنه لازم يبقى صادر من المحكمة بناء على قرار إدانة ... وبالتالي عرفنا مين هما الفلول وليه مافيش أي حاجة إتغيرت في هذا الجهاز الفاسد ... وليه مش عاوزين يغيروا من نفسهم ويبقوا شرطة في خدمة الشعب مش في خدمة السُلطة أو خدمة أنفسهم ... سؤال هل حد فينا شعر خلال الـ 6 شهور إن الشرطة إتغيرت للأفضل ؟ لأ طبعاً هاحكي مثال واضح على عقيدة الشرطة وتفكيرهم وتربيتهم وشوفته بعيني خلال اليومين الماضيين ... في طريقي من مدينة العبور إلى القاهرة كنت إما أختار طريق مصر الإسماعيلية من مدخل العبور عشان أوصل الطريق الدائري .. والمسافة يمكن 3 كم .. كنت في العادة بأخدهم في حوالي ساعة أو ساعة وزيادة من الأزدحام لإن كل الدنيا بتبقى جايه من الأسماعيلية والعاشر من رمضان وبورسعيد أيضاً .. أو باختصر الطريق بالعرض من داخل العبور إلى أن أوصل إلى طريق بلبيس الصحراوي في التقاطع مع مصر إسماعيلية .. والطريق ده بيستغرق 10 دقائق بالظبط ... شوفتوا الفرق ؟ في مدخل طريق مصر الأسماعيلية من طريق بلبيس توجد لجنة ثابتة للشرطة . لإن ده الطريق اللي بيوصل من الشرقية إلى القاهرة - الصحرواي طبعاً - أو اللي رايح الشرقية من الطريق ده لازم يعدي على الكمين وده شيء جيداً جداً عشان لو عربية مسروقة أو حاجه يبقى ما تتسربش من هذا الطريق .. وكمان كان هناك لجنة حجر صحي بتمنع دخول الطيور الحية إلى القاهرة عشان أنفلونزا الطيور وما إلى ذلك .. وكنت حكيت لكم الموقف ده من سنتين لما كان عندي شغل في شقتي وجبت إتنين عمال أعرفهم جيداً متأكد منهم ومن سوكهم لإني مش هادخل بيتي مشبوهين مثلاً .. وجينا بعد الظهر وواحد منهم تلقى إتصال من زوجته إن إبنه تعبان جداً ودخل المستشفى . الولد كان مولود بقى له إسبوع ... فقلت له هاوصلك المستشفى وهاكون معاك وسوقت بسرعة عشان اوصل الراجل ده وجينا في الكمين لا سألني بطاقتك ولا رخصك .. وأمر الناس دول ينزلوا وقال لي إتفضل إنت دول هايفضلوا معانا !!!!!!!! رفضت واصريت إني أبقى معاهم واشوف هايعملوا إيه ... وأخدوا بطايقهم الشصخية .. وأتاري الناس الغلابة اللي زي دول بيمشوا ومعاهم أوراق كتير منها شهادة تأدية الخدمة العسكرية !!!!!!! وأمروهم إن وشهم يبقى في الحيط وأنا كل ده مستغرب وأنا جابوا لي كرسي وحاجه ساقعه ورفضت أقعد أو اشر ب حاجه لإن ده مش موقف ضيافة ... والبيه الظابط قدامه حاجه زي السنترال بيتصل بمديرة الامن عشان تكشف على الصحيفة الجنائية للناس دي ... فأبلغوه على الطرف الثاني مديرية الأمن طبعاً إن جهاز الكمبيوتر عطلان ومش هايقدروا يردوا عليهم دلوقت وقالوا لي إمشي إنت هما هايفضلوا معانا شويه فرفضت وثورت وأشتبكت مع الظابط المسئول وقولت له دي مشكلتكم إنتم إن الكمبيوتر عطلان ولا خربان وإن دي ناس محترمة وكل مشكلتهم إنهم عمال غلابة .. بالمناسبة واحد منهم معاه دبلوم تجارة ... فلما لقوني كده وافقوا وسابوهم أخدتهم معايا ومشيت ولقيت ناس كتير هناك محجوزين بنفس الطريقة المهم ... عديت كذا مرة خلال الأيام الماضية على نفس الكمين .. لقيت البهوات كلهم جايبين كراسي وقاعدين على جنب كل في فترة دوامه ... ورافعين الحواجز اللي كانت بتبقى محطوطة وهاتك لا موخذه يا مرقعه وضحك وتهريج وسايبين الدنيا وولا بيقولوا لحد كخ كده فهي دي شرطتنا ... وقدامك حل من إتنين : 1- إما أن تقبلني إنساناً مغروراً متكبراً يظن نفسه فوق البشر ويهينهم ويقهرهم ويتسلى عليهم والباشا راح والباشا جه . 2- أو يقعد بجلابيته عند أمه بلا عمل ولا أمن ولا بطيخ ويسيب الدنيا تضرب تقلب لحد ما يخلينا نركع ونتوسل إليه إنه يرجع تاني لشغله وأكل عيشه عشان نحس بالأمن وبالتالي يعمل فينا ما بدا له .. حبيت أسجل الملاحظة دي بس ملاحظة أخرى هامة كلنا طبعاً في طريقنا للمطار وأمام الصالات ما كانش حد يجرؤ إنه يفضل بعربيته دقيقة واحده عشان التكدس وسيولة الطريق للي رايح واللي جاي .. وده شيء جيد أمبارح أخويا بيوصلني العصر .. وإني ألمح خيال عسكري حتى يقول لنا إنتوا بتعملوا إيه .. ابداً والراجل ركن عربيته ودخل معايا الصالة ... ويمكن شرب شاي .... وكل سنة وإنتي طيبة يا شرطة مع العلم إن هاتلاقي عينهم قد كده في المرتب الشهري لإنه راجل بيتعب وقاعد عند الحاجه سنية والدته وما بيعملش حاجه لكن مرتبه شغال طبعاً --------- تصدقوا بالله هذا الموقف حدث تماماً معي على العكس ً .. واقف في إشارة عباس العقاد مع زاكر حسين والجو في مصر كان ولعه والعربية مكيفة والواحد مع ذلك مش طايق نفسه الضهر .. إلا والاقي واحد مندوب شرطة واقف في الأشارة وبيبتسم للي رايح واللي جاي فقربت منه وسلمت عليه وقولت له ربنا يعينك وأخبار الشغل والجو إيه ؟ الولد يحمد ربنا بطريقة غريبة وابتسامة لن أنساها وهو واقف تحت الشمس والعرق وبيموت ... فبدون رياء ولا مبالغة قولت له ممكن تقبل مني دول تجيب لك بهم قزازة ميه ساقعه في الجو النار ده ... فبنفس الأبتسامة رفض تماماً وقال لي " أنا حضرتك من الأشراف .. والأشراف ما بيقبلوش الصدقة .. وبعدين ده شغلي اللي باخد عليه مُرتب " لا تعليق

حلو قوي القلم ده علشان يفوق اللي فاكرين نفسهم عاوزين يفرضوا إرادتهم على الشعب ، الكلام كله بيؤكد على اصرار المجلس على المضي قدما في الطريق الصحيح المرسوم من البداية، bv:- - وتحذير من محاولة اثارة الفوضى، ولم يذكر أي شيء حول المطالب اللى قطاع الطرق عاوزينها... - هذا هو الكلام...المجلس كسب صف غالبية الشعب الذي رأى أن البلد على وشك التخريب - mc: وابقوا سلموا لي على بتوع احنا قررنا واحنا هنشوف واحنا ها نصًعد، واحنا هنقفل خط المترو ، وسلموا لي برده على الراجل اللي قال ، هااايل

معلشي معلومة بس ع الهامش الدكتور اللي اسمه بالفونت العريض دوت لو طلع فعلا دكتور "جمال التلاوي" عميد كلية الاداب- جامعة المنيا يبقي اسمحولي.....الليلة دي لا هي ثورجية و لا يحزنون و برضه في انتظار اكتمال الصورة من السفارة المصرية يمكن اطلع انا غلط و يا رب اطلع غلط و ان بعض الظن اثم....سامحني يا رب بس انا شربت من كيعاني بسبب "الثورجية" من امثال هذا الدكتور و حسبي الله و نعم الوكيل اتحققوا من الخبر الاول قبل ما نحط طاقة غضبنا و احباطاتنا في ارض مش ارضنا و دي برضه وجهة نظر و لا اقولكم انا حاسة اني بكلم نفسي كملوا بقي ربنا يوفقكم

حث النبي على قيام الليل ورغّب فيه، فقال عليه الصلاة والسلام: {عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد } [رواه أحمد والترمذي وصححه الألباني]. وقال النبي في شأن عبد الله بن عمر: { نعم الرجل عبد الله، لو كان يصلي من الليل } [متفق عليه]. قال سالم بن عبد الله بن عمر: فكان عبد الله بعد ذلك لا ينام من الليل إلا قليلاً. وقال : { أفضل الصلاة بعد الفريضة صلاة الليل } [رواه مسلم].

حيرة عاتية يا أستاذ عادل .. حيرة عاتية حقا .. أحاول منذ فترة أن أصيغ لنفسي مجموعة من الثوابت التى أستطيع القياس عليها .. لكنها - و أصدقك القول- مسألة غاية فى الصعوبة .. وسط كم رهيب من المتغيرات و الأحداث و الرؤى .. كان رأيي فى الاستفتاء هو رفض التعديلات .. لكن رأيي هذا تغير .. الآن .. و لك أقولها أنني أقبل بأي شيء مقابل أن تأتى حكومة منتخبة تكتسب شرعيتها من الصناديق ... أيا كان توجهها ..و أيا كان الدستور المصاغ .. مملكتى مقابل حكومة منتخبة ... لأن الخطر الحقيقي يكمن فى وجود حكومة لم يأت بها الناس .. الحقيقة أنه لا يعنينى من سيأتى اليوم الى سدة الحكم فى مصر .. لكن يعنينى بشكل كبير من سيعقبه .. و كيف سيعقبه .. التجربة الأولى ليست بالضرورة أن تكون كاملة أو مثالية أو صحيحة .. على العكس .. فلندع الناس تجرب .. و تختار .. و تفطن الى معنى الاختيار اليوم .. أيا كانت النتيجة .. اليوم التجربة أهم من النتيجة ذاتها.. لازلنا لا نحس أننا خرجنا من الجمهورية الأولى الى الثانية .. و لن نحس بهذا الا أن تأتي حكومة و يأتي حاكم (رغب فى الكرسي أولا) و رأى أنه يقدر على مهامه... و أنه على استعداد أن يحاسب .. حاكم يقبل شروط اللعبة .. يأتي به الناس .. و فى نيتهم أن يحاسبوه ان أخفق .. هذا أمر جلل يستحق أن ننحي من أجله التفاصيل الآن ... من قال أن الدستور القادم سيكون نهائيا .. بالعكس .. على الأرجح أنه سيطاله الكثير من التعديل طبقا لما قد يستجد و طبقا لما قد تفطن له الجموع .. نحتاج أن نرعى التجربة .. و لا نحملها أكثر مما ينبغي .. أحيانا التجريب يكون أكثر أهمية من النتيجة لأن النتيجة المرجوة ستصبح مسألة وقت ساعتها... و ستخضع لآليات الوجدان الجمعي للناس .. و لقوانين الانتخاب الطبيعية .. تجارب الشعوب تنشأ هكذا. من الثوابت التى وصلت لها أنه لا توجد اجابات مثالية .. لا يوجد اليوم نموذج اجابة .. و على جميع التيارات أن تعي هذا جيدا .. حتى من يتحدث بمرجعية دينية أو بمرجعية حقوقية انسانية .. كنت أعتقد أن وضع الدستور أولا مسألة منطقية ثابتة راسخة رسوخ الحقيقة ذاتها.. لكننى لم أعد أحمل تلك القناعة الآن .. النقاش و الاختلاف الذى سيصاحب هذا سيبعدنا كثيرا عن معنى الثورة ذاتها و قيمتها .. و الهدف منها .. و سيفرض أطرا و أطروحات مرهقة .. فكم الاختلاف فى الشارع أكبر من أن يتم احتواءه فى ظل وضع انتقالي .. نحتاج جميعا لترتيب أولويات .. أتذكر موضوعك أستاذى الفاضل عن صياغة الحلم المصري .. و أجدنى أفكر أننا فى أمس الحاجة لصياغة لأولوياتنا على ضوء ما يجمعنا و لا يفرقنا .. كلنا أيا كانت أيدولوجياتنا و توجهاتنا نريد لمصر الأفضل .. لكننا بحاجة ماسة لترتيب الأولوية .. مصر تشهد حالة رهيبة من الانفلات الاعلامي .. و انهيار دعائم الحوار .. و هذا مناخ غير صالح لصياغة دستور .. يجب أن نخرج من حالة التخبط هذه .. يجب أن يكون هناك مسؤل منتخب بناء على رغبة منه أولا و استعداد للمساءلة .. حتى نستطيع أن نصيغ ما وراء ذلك. مهيب

السلام عليكم ورحمة الله وبركاته طبعا انا الدمعه هتفر من عينى وانا بقولكم الخبر ده بس يلا وكلنا لها لقد نمى الى علمنا انه قدتم بحمد الله وتوفيقه خطوبة اخونا العزيز الغالى المحترم البكر الودود حوسام عبد الفتاح حينما كان يقضى اجازته السنويه بمصر العزيزه الغاليه الحبيبه على قلوبنا جميعا ايوه شايفك ياليى بتشوح بايدك من الخلف ياعم وانا هعمله ايه ياما نصحته وقولته ياحوسام تنزل مصر اه تخطب لاء بس خلاص بقى ده قضاء ربنا هنعترض على قضاء ربنا يعنى ايه الكلام اليى انا بقوله ده اسكت انت احنا فى فرح بعدين نبقى نتكلم فى الموضوع ده المهم دلوقتى يا جدعان عاوزين كل واحد يدخل يهنىء الاخ حوسام ميدخلش بايده فاضيه انتوا عارفين الراجل عريس وخاطب والله يعينه على المصاريف ده بيكفى الاتصالات لوحدها دى عاوز شغل بعد العشا الفرقه الموسقيه جاهز bnd5:: bnd5:: bnd5:: bnd5:: bnd5:: تمام كده حوسام بالنسبه للرقاصه هنخليها ترقص قدام الناس ولا سكتم بكتم بعد الفرح ( عنبو فى المايك ) ينظر حوسام بكسوف شديد الى عنبو قائلا له اذهب الى الجحيم وخد الرقاصه معاك ( الجحيم ده اسم الشقه يعنى ) المهم انتوا معايا ولا انشغلتوا بالرقاصه انتوا كمان صحصحوا معايا الله يكرمكم علشان نركز مش عارف ليه حاسس انكم مش فاهمين طيب هعيد من تانى بس بالهندى شوف صديج هذا نفر حوسام صديق عنبو هو سفر مصر يشوف بابا ماما لكن مسكين بعد شوف ماما وبابا هما يمسك هو وهما كلام لازم فى خطوبه داهين ازر وايز انت مش ابنى ايمى تابتشان هو اليى ابنى احنا والكلام ده اظن كده وضحت الاخ ميكو رضى الله عنه بيرفع ايده يسأل عنبو قائلا انت يا عمنا عنبو ردا عليه ايو يا ابا سلمى يا الغالى ميكو سيبك ياعم من البؤين اليى بتقولهم علشان تحسسنى انى متزوج ومخلف يعنى اقولى انت هتروح الجحيم امتى :P اقصد هتخلص امتى علشان البوفيه يعنى والبنت سلمى خلاص حاسس انها هتاكل صوباعى عنبو لا تقلق يا ميكو يا حبيبى هنروح الجحيم مع بعض قصد البوفيه مع بعض نجد من يرفع صوته قائلاً الرقاصه اولاً ومن ثم البوفيه والا فلن نسكت وسوف نقوم بتصعيد الامور الى اقصى درجه وسوف نهدد باغلاقه الفندق على ما فيه ثم صعد فى احدى الطرابيزات وبدأ يخطب برجله على الترابيزه بحركه منتظمه قائلا ثوار نتحد لا نفترق ثوار نتحد لا نفترق والثوره قائمه ومستمره ينظر اليه عنبو قائلا يا سيدى تيمو احنا هنا حضرتك فى حفل خطوبة اخونا حوسام مش فى ميدان التحرير ينظر اليه تيمور بعيونه الخضيره خضار البرسيم قائلا مصر كلها ميدان التحرير مصر كلها ميدان التحرير انا الشهيد انا الشهيد عنبو يا دى النيله ياجماعه مين بس اليى دعاه حاضر يا تيمور سوف نبدأ بفقرة الراقصه الاول ومن ثم يجد صوت ميكو قد بدأ فى الارتفاع انها الليبراليه الكافره انها العلمانيه الم نتفق يا اخ عنبو على ان البوفيه اولاً عنبو طيب خلاص يا جماعه انا عندى فكره اليى عاوز الراقصه الاول يجي كده واليى عاوز البوفيه الاول يجى كده طبعا كلكم عارفين الناس هتروح على فين يتبع بس قولوا مبروك لاخونا العزيز الشاب المحترم جدا ابن الناس الكويسين حوسام الف مليون مبروك يا صديقى العزيز وربنا يتمم لك بخير تحياتى عنبو

أنا لسه راجع من مصر أمبارح بالليل .... فهاغير هدومي وأطس وشي بشوية ميه وارتاح وأرجع أكتب إنطباعتي عن الزيارة دي اللي بصراحة كانت عاملة زي عملية شحن البطارية للواحد .... لإن أخر زيارة لمصر كانت قبل ثورة 25 يناير بأسبوع بالظبط ... وتأسفت إن فرصة التواجد في مصر فاتتني أثناء ذروة الأحداث .. لكن أهو الواحد لو مالحقش الحج .. يبقى على الأقل يعمل عُمره :) وكمان هاحكي عن الرعب اللي بيبدأ من السعودية لأي مسافر .. وأوعى هاتتمسك في المطار وهاتاخد تأشيرة نهائي لو شركتك أحمره وممكن يعلقوك من رجليك وأبو رجل مسلوخه هايطلع لك في المطار ... إلخ هههههههههههههه أخدت تاكسي من قدام البيت للمطار وطلع السواق فلبيني .. فسألني : إنت مسافر داخلي ؟ قلت له : لأ دولي فعمل زي الفنان محمد شومان في فيلم سور الصين العظيم بالظبط وقال لي : دولي ؟؟؟؟؟؟؟؟؟؟؟؟؟ وقاعد جنبي كده عادي فقلت له : طب أعمل إيه ؟ أقعد في شنطة العربية مثلاً ؟ كان هاين عليه يقول لي طلع المصحف إقرا فيه وإتشاهد على عُمرك .... يا عم اي حد بيسافر دلوقت وشركته في النطاق الأحمر بياخد نهائي كركب بطني الله يحرقه مع إني سافرت كذا مره خلال الأيام الماضية وعادي فقلت له : ولا .. ما تهرتلش .. شوفت حد بعينك خد نهائي ؟ فقال لي كتيرررررررررررررررررر من صحابي .. وكتير من اللي بأوصلهم وقعدوا مكانك كده ( ده حانوتي مش سواق ده ) وكلهم كانوا مسافرين خروج وعودة وسايبين كمان أهاليهم هنا وحاجتهم ... وييجي عند ظابط الجوازات اللي بيبص بعين ونص ويشوف إن شركته حمرا وإن بقى له أكتر من 6 سنوات هنا يروح لاطع له تأشيرة نهائي ... وعشان يزيد تأكيده قال لي : لأ واللي مش بياخد تاشيرة وهو خارج .. بياخدها بعد ما يرجع من اجازته . فقلت له : طبعاً .. من انت بوز فقر لازم تقفلها زي الدومينو .. وما رضيتش أجادل معاه وقلت له : روح الله يحرقك يا بعيد والحمد لله سافرت وروحت عادي ومافيش حاجه لأن من ابسط قواعد اللعبة إن إدارة الجوازات مالهاش دعوة بمكتب العمل اللي بيحدد نطاقات كل شركة وموقفها من نسبة الموظفين السعوديين لديها ... وزي ما قولت لكم قبل كده إن كل الناس عندها عربيات على اساميها وعلى الأقل لازم يبيع عربيته قبل ما ياخد تأشيرة نهائي والا هاتبقى هيصة وحاجه هاتعمل مشاكل أكنية كتيره خصوصاً إنه مش رايح خروج وعودة وما رجعش .. لأ .. ده وزارة الداخلية هي اللي هاتدي له التأشيرة وهي اللي بيظهر عندها إن فلان لديه سيارة على اسمه أم لا ده أول موقف قولت أحكيلكم عليه عشان أطمن ولادنا اللي بيسافروا يعني والله الموفق ونكمل بعدين

مرة كيس شبسي زعلان صاحبة بيقول له مالك قال لة : شبسي في حالي قالة :ليز قالة : ابويا كرنشي من البيت ...قالة : يا عم قلبظ دماغك

http://www.youtube.com/watch?v=cZhhc40OcCo

لما ما تكونش متأكد من الخبر - او ما تعرفش تتأكد ازاي - يبقى بلاش تنشر هذا الموقع معروف بترصده للسعودية والسعوديين وهو موقع غير محايد فيما يتعلق باخبار السعودية عندما اريد ان انشر خبر يتعلق بدولة ما .. لابد ان اعرف اختار مصادر محايدة وليست موتورة ضد طرف ما لو كان هذا الدكتور قد حاول التدخل بالشؤون الداخلية السعودية والتحريض على الثورة داخل البلد هنا - بأي شكل من الاشكال - فهو يستحق الاحتجاز والمحاسبة والمحاكمة

وهو أسوأ ما فيها "أيضا" يا أستاذ حنظلة :sad:

وهذا هو المهم استاذ دياب وطالما صفت النوايا وأخلصت نحو مصلحة مصر فمهما اختلفنا فالاكيد أننا سنصل لما نريد لأن هدفنا واحد هو الصالح العام ولكن كل واحد منا سيصل للهدف عن طريق يراه الأصلح والاكثر تمهيدا من وجهة نظره

قبطان طوف النجاة اللى انقذنا من الغرق وبيجدف بايدية الاثنين بكل قوته . .أمام عيل مربع ايديه ولاوى بوزوو وبيقوله انت مبتعرفش تجدف هاتلى الشط هنا لوانا معاهم على الطوف هانصح العيل متنصحش هاشخط فيه لو مسمعش الكلام. . يبقى عيل مش متربى ويستاهل الضرب على قفاه

انا الشعب اشك في قدرة المجلس العسكري على ادارة الأمور بشكل جيد و اشك في ذمة و امانة و الولاء الوطني لبعض اعضاءه (رجال و مساعدي مبارك المخلوع) و لكن يهمني الاستقرار ايضا (اذا كان هناك ما يؤكد صدق اولي الأمر في تنفيذ المطالب) اما اذا كانت كلها وعود مطاطه و تسويفات و تأجيلات و تحايلات و كسب وقت فأنا ضد الاستقرار بكل ثقه مقابل التطهير و التحرير

الشرطة يابو السيد عندها تعليمات متحتكش بالناس . . التعاملات المباشرة ومنها الكماين والتفتيش مش اولوية . . خصوصا بعد حادثة سواق ميكروباص المعادى وممكن يدخلوا ملكى يراقبوا الوضع من بعيد لبعيد بدون مايشعر الناس بيهم لان العلاقة لسه لم تتحسن للدرجة. . الاخ عبد المطلب أشار للنقطة دى قبلى مشكورا لما اشار للجهود الغير منظورة لجهاز الامن . . علشان كده التواجد مش محسوس لهم. وبعدين هو انت تتفتش مش عاجبك . . يسيبوك تعدى من غير ما حد يبصلك . . مش عاجبك وبعدين معاك على فكرة انا بسافر الدمام والاحساء بالعربية كتير بقالى سنتين عمر ماحد شاف رخصى او فتش العربية . . هل ده معناه تقصير ? . . لا طبعا لما بيكون حد مشبوه او شكله بلطجى :) او متبلغ على نمره او عيل صغير هو ده اللى بيوقفوه

8 /10 يا برادعى وكانت هاتبقى 10/10 لو كانت الصيغة بالرفض بدل الاعتذار

وافق السيد رئيس مجلس الوزراء د.عصام شرف علي قبول إستقالة الدكتور يحي الجمل نائب رئيس مجلس الوزراء. المصدر: الصفحة الرسمية لرئاسة مجلس الوزراء

مرة اخرى اخي الفاضل الاستاذ دياب انت وضعت ان الجيش والاخوان و حركة ابريل هم قاطرة الحياة في مصر ياسيدي الكريم واين الشعب المصري العظيم الذي قام بثورة اذهلت العالم في تحضرها أين ملايين الشباب والشيوخ الغير منتمين لهذا وذاك هذا التجريد والتبسيط الشديد لا يناسب الحالة التي نعيشها بالمرة ياسيدي عندما كنا نقول مفيش فايده خرج علينا من رحم الظلام الدامس من يقول فيه فايدة وكانت 25 يناير الرائعة فلاي صح بعد أسابيع معدودة ان نعود بافكارنا الى هذا المربع الكلاسيكي القديم ياسيد الشعب نفسه اسقط حاجز الخوف الى الابد وبالتالي يجب ان نحترم رغبته دعه يعبر عن نفسه في كل ميادين مصر أصت لوقع اقدامه ومطالبه وانتظر ان الله مع الصابرين

هذا الخبر إن صح يا أختاه فسيكون أسوأ ما قرأت من أخبار هذا القرار اتخذ نتيجة للضغوط وأسلوب الابتزاز ولي الذراع.. وليس عن قناعة مطلقة من جانب القضاة. منذ فترة قرأت تصريحا للفيلد مارشال عبد العزيز الجندي وزير العدل قال فيه .. " أن تصوير المتهمين أثناء التحقيقات يعد تعديا على حقوقهم إذ أنهم ما زالوا قيد التحقيق ولم يصدر بشأنهم قرار إدانة بعد .. فهم غير مذنبين في نظر القانون .. وبالتالي لا يحق تصويرهم في هذه المواقف المشينة لهم بزي السجن الاحتياطي ". كان هذا كلام وزير العدل الذي نشرته صحيفة اليوم السابع منذ حوالي 5 أيام. فما الذي بدل الموقف الآن .. وسمح ليس فقط بتصوير المحاكمات .. بل بإذاعتها على الهواء مباشرة.؟ هذا الخبر معناه أن القضاء أيضا قد فتح باب التنازل وباب التنازل عندما يفتح مرة فإنه لا يغلق ثانية بسهولة.

يا فندم وأنا معاك اللي وضع الحركة ضد الجيش هي الحركة نفسها تابع تصريحات كوادرها و أنت تعرف الشعب المصري مش غبي البرادعي مصدر 6 إبريل عشان تشيل الليلة لوحدها وبيبعت اشارات من بعيد لبعيد ويجس النبض فاجر سياسة يخرب بيته tot:: . 6 إبريل هل ستصبح حصان طروادة صدقني انا لفترة قريبة كنت معاهم بس لما بينجرفوا عن الاتجاه لازم يسمعوا النقد ولا هما مبيغلطوش وكل كلامهم صح والشعب أهبل وبريالة دخلوا جامعات اجنبية ... ملايين غيرهم سبقوهم وعاشوا في قلب الحضارة الغربية سنين بيتكلموا انجلش لانجوش كويس ... قصادهم بيتكلم لغتين وتلاتة غير لغته الأصلية من أعرق العائلات ... في ناس بيرجع نسبها للرسول عليه الصلاة والسلام وأصحاب نفوذ قديم حاجة أخيرة . إيه نوع التصعيد اللي هتقبله بشرط أن يكون له صدي خارج جنبات غرفة اجتماعات حركة 6 إبريل وحزب المصريين الأحرار ؟

خدي انت بقى ال......... الحمراء دي

الحمد لله اني بانتزع الضحك بس وربنا يسعد قلبك كمان وكمان زرونا تجدوا ما يسركم :P بس ماتنسوش تجيبوا معاكم نقط خضراء آه مهو الضحك مش ببلاش :P

مش عارف يعنى كان لازم واحد يجيب سيرة السعوديه علشان نشوف استاذ مسافر زاده الرحيل هنا يبقى خلاص كل لما توحشنا واحد فينا يدخل يقول السع.........(مسافرزاده الرحيل ).....وديه على فكره احنا زيك بالضبط سمعنا بيها من فيلم اللمبى تحياتى عنبو

مدام هند لماضة دريمي شكرا على محاولتكم رفع روحي المعنوية قبل رمضان و محاولة انقاذي من محاولة القفز من فوق برج المملكة ال 99 دور الله بارك لنا في شعبان و بلغنا رمضان موضوع التراويح دا الحمدلله مريم بتروح معايا المسجد من السنة اللي فاتت كانت بتوقف تصلي شوية و بعدين تقعد تمسك المصحف شوية كده يعني لسا صغننة السنة دي هي حفظت شوية سور و بقت تصلي معايا في البيت الصلوات العادية الحمدلله طبعا مش صلاة بالمعنى المفهوم لكن بتؤدي جنبي حركات الصلاة و بتقرأ في سرها السور اللي حفظاها ان شاء الله السنة دي في رمضان اجيبلها اسدال جديد و سجادة صلاة شكرا يا ريهام على الفكرة الجميلة الله يكرمك اما موضوع شنطة رمضان هنا في السعودية ما فيش لكن فعلا ببعت لماما هي تتصرف في مصر السنة دي بقى ماما هاتقضي رمضان هنا فا شكلي هاتجه لجمعية رسالة بما اني بقيت عضوة فيها و ربنا ييسر الامور بافكر اني اكفل يتيم السنة دي ابتداءا من اول رمضان ان شاء الله ادعولي ربنا ييسرلي الامر دا و طبعا هافهم مريم و احكي معاها في الموضوع دا و اسيبها هي تختار نجيب ايه للبنوتة اللي هانكفلها ان شاء الله عشان تحس مريم بقيمة اللي بنعمله و افهمها على اد ما اقدر حديث الرسول صلى الله عليه و سلم انا و كافل اليتيم في الجنة كهاتين اشترينا من اسبوع كده كتاب اسمه قصص القرآن للاطفال من جزئين و طلبت من ماما تجيبلي معاها و هي جاية كتاب قصص الحيوان في القرآن و بعدها اكتشفت ان يحيى الفخراني هايقدمه مسلسل في رمضان بادعي يكون مسلسل مفيد يربط الاطفال بالقرآن شوية و يديهم معلومة مفيدة زي كا كانت برامج الاطفال زمان بتفيدنا انا فاكرة برنامج ماما نجوى زهور من نور اللي كان كل يوم بيمسك خلق يحكي عنه حكاية و بعدين اغنية بجد و الله كنا بنستفيد حاليا بقى في تفاوض مع بابا مريم اننا نعمل فانوس خشب و ورق ملون و نحط فيه لمبة و نعلقه في مدخل البيت ايييييييييييه ربنا يسهل و ننفذه كل سنة و انتم طيبين و ربنا يعود عليكم الايام بالخير

د. برادعي رئيس الجمهورية ان شاء الله ارشح للداخلية المستشار هشام البسطويسي ! الرجل المناسب في المكان المناسب و في الوقت المناسب ايه رأيكم ,,

السلام عليكم و رحمة الله و بركاته مقالة دسمة جدا و كل ما انتقل من سطر إلي سطر أخر الاقي مليون تساؤل في عقلي شكرا لحضرتك علي النقل بس سؤال او خليني ااقول بفكر بصوت عالي هو مينفعشي يبقي فيه وطن نبنيه احنا....(انا و انت و اي حد بسيط مالوش انتماءات مسبقة مثلا) نبنيه علي المباديء اللي محدش راح يختلف عليها العدالة الحق الخير الجمال اصل الامريكان مخترعوش المباديء دي...دي جزء من فطرتنا الانسانية مينفعشي نبني الوطن ده....بمفهومنا المصري جدا....من غير ما نشير نطلق علي انفسنا القاب...انا ليبرالي...انا اسلامي...(مع اني شايفة ان كلنا مسلمين....حتي اللي بيختلف برضه في ديانته السماوية فهو مسلم) مينفعشي نبني وطن بنحلم بيه...من غير ما نشعر طول الوقت ان فيه سيناريو خفي بيخلينا نلف حوالين نفسنا في دواير مغلقة مينفعشي نبني الوطن ده...من غير ما نعضد دايما نظرية المؤامرة...مش بنفي وجودها....لكن بحلم ان احنا نبني وطن واحد يواجهها في الوش كده متكونشي النظرية دي هي الوسيلة دايما ان احنا ننشق و نتفرق و كل واحد فينا يدور علي ال "جزرة" بتاعته و يشوف مين اللي راح يدهاله لما الثورة قامت الكل داب في الميدان علشان كانت العين علي 3 حروف مصر و بس و مصر دي جلابية واسعة اوي شايلة جواها كل الطوائفو كل الاختلافات مش من دلوقتي من زمان اوي مينفعشي نخلي التوب الحلو ده...واسع و فضفاض زي ما هو...و نطرز ليه احلام يمكن مش راح نلحق نشوفها لكن فيه حتة مننا عايزينها تكبر في الوطن ده مينفعشي؟؟؟ مينفعشي نحلم بوطن زي ده؟؟؟ متقوليش اني برسم قصر في خيال للمدينة الفاضلة متقوليش انزل للواقع لان الواقع كان في ميدان التحرير يوم ما الناس نسيت و دابت في بعضها يوم ما الناس كان عندها "جزرة" واحدة.....هي مصر مينفعشي نخلي "الجزرة" دي هي مصر قولي ينفع انا مصدقة انه هينفع و هينفع اوي و مش راح يهمني اللي راح يوصل للجزرة دي....."عنوانه" ايه في قاموس التصنيفات لكن انا براهن علي وعي الناس البسيطة.....انها تعرف تميز....تقارن....و ترفض....و تقاوح يوم ما في حد يجي و يغير الحلم اللي في يوم حلمت بيه ده حلمي و دي وجهة نظري شكرا علي النقل مرة تانية صباحك استاذي.....وطن....و جزرة اسمها "مصر"

مابال الحسود أشد غما؟ لآنه أخذ نصيبه من أحزان الدنيا واضاف إليها حزنه لسعادة الناس!

ويكفي أن تحب قلبا واحدا فتكون قد أحببت كل قلوب الناس إذا أحبك مليون فأنا معهم.. وإذا أحبك واحد فهو أنا ..وإذا لم يحبك أحد فاعلم أنني مت..

أنا بصراحة يا جماعة صعب عليا جدا د/عصام شرف لأني حسيت أنه بين نارين هو فعليا غير مسئول عن شئ وغير قادر عن فعل شئ ومن يدير الأمور فعليا هو المجلس العسكري وبالتالي لا مكان ولا احتمالية لوجود قرارات ثورية .....ولا وجود للثورة من أساسه وبالرغم من كده فهو لا يقدر علي تقديم استقالته ونزول ميدان التحرير لأن ده هيكون إشارة البدء لأن البلد تولع رسميا فأي حد مننا لو حط نفسه مكانه .....قرار مش سهل أنه يتأخد إن الواحد يكون مسئول عن توليع البلد لكن أنا نفسي أقول له إن بياناته بتولع البلد برضه وإن الحقيقة أصبحت ظاهرة لكل الناس وربنا يستر

الله عليكي يابينك روز وعلي التوبيك الجميل ده أولا أنا بأعتذر أني مشفتش التوبيك قبل كده ويارب أكون لحقتك قبل ماترمي نفسك من البرج :happy: ذكرياتي عن رمضان زي ذكرياتكم كلكم وكل الكلام الجميل بتاع زينة الشارع وفانوس رمضان والجو الأسري والجيران والروح الجميلة اللي بتملي المكان بس في ذكري خاصة ليا مع رمضان وأنا صغيرة كنت بأحب أطفي نور البيت كله وأولع فانوس رمضان وأفتح الشبابيك وأقعد أتفرج علي النجوم في السماء كانت متعة ما بعدها متعة برضه حاجة كنت فاكرها من زمان وياريت لو تعودي مريم عليها وهي التراويح أنا فاكرة كويس كنت بألعب حوالين جدتي وهي بتصلي التراويح وكنت بأصلي معاها ركعتين وكل سنة نزود لغاية مابقيت أصلي معاها التراويح وحتي بالرغم من أن الواحد كان صغير لكن طول عمري التراويح عندي أهم من الفوازير وأي لعب تاني ربنا يكرمها جدتي ويجعله في ميزان حسناتها هي اللي عودتني علي كده

لا تتخيل ازاى انا نفسى اقول الجملة دى من زماااااااااان ومش عارف والله المستعان على هذه العصابة

يارب بس يامغتربة يطسوه حكم محترم يليق بيه اصل الاحكام اللى صدرت على الناس اللى هربانة برة البلد لكن اللى جوة برااااااااااااااااااااااءة واحسن تعليق موجود على الفيس تهرب برة ليه ويتحكم عليك لما جوة تقدر تاخد براءة

الزميلة الفاضلة أشكرك على الموضوع الرائع فحقاً ما ينقصنا هو المعرفة معرفة الذات ومعرفة الآخر والإدراك الواعي لما يقدم لنا, ويمكن بعد الإنتهاء من هذا الموضوع ان نطرح دينامكيات ثورات الشعوب حتى نتمكن من إدراك حقيقة ما يحدث على الأرض والإستفادة من دروس التاريخ وقد نصل حينها لفهم واحد ورؤية واحدة تجمع الفرقاء. أبدأ بنفسي واجيب على تساؤلك. إستراتيجيّة الإلهاء: في خلال الأعوام الثلاثين لحكم الرئيس السابق مبارك أُعتمدت هذه النظرية بشكل كبير وتوجه المجتمع نحو جهات غير نفع للشعوب فتم تهميش التعليم والعلماء والمبدعين فرأينا علماء مثال احمد زويل ومجدي يعقوب وعلماء دين مثال عمرو خالد والشيخ عمر عبد الكافي يتم إقصائهم على حساب تقريب الفنانين من ممثلين -حظي طلعت زكريا بقابلة الرئيس وكذلك منه شلبي وكان وفد مصر على ما لذكر المتوجه للقمة الإقتصادية برئاسة جمال مبارك يصطجب معه الراقصة دينا والممثلة روبي- ولنتذكر كيف تم إلهاء الشعب لدرجة وصلت لقطع الأوصال بين مصر والجزائر وكيف تم التلاعب به وذلك لحساب مشروع التوريث, ولا ننسى يوم مقتل السياح بالإقصر وبعده انشغل الرأي العام بقضية وفاء عامر وحنان ترك وتم إلهاء الشعب وغيره الكثير. إستراتيجيّة إبتكر المشاكل ... ثم قدّم الحلول : في مراحل ثورة 25 يناير الأخيرة تم تفعيل خطة نشر الفوضى ونشر الصراخ والتحذيرات في جميع وسائل الإعلام وتم إخراج المساجين وعمل دوريات من البلطجية ورجال الشرطة في ذي مدني يطوفون الشوارع على سيارات مسلحين ينشرون الفوضي وتم ظهور مصطلح اللجان الشعبية لأول مرة منذ أكثر من 30 عام وذلك لتفريغ ميدان التحرير وكانوا ينون تقديم الحل في حال نجح أنصار الحزب الوظني في إحتلال ميدان التحرير، والغريب أن المجلس العسكرى قام بإستخدام نفس النظرية عندما قدم مشكلة البيضة أم الدجاجة أولا واقصد بها الإنتخابات أم الدستور أولا ... وحاليا يقدم المجلس العسكري الحل من خلال أتفاقية فوق دستورية يزمع تقديمها للفرقاء تضمن أن الإنتخابات أولا على أن يكون هناك محددات للدستور القادم وذلك بعد الإنتخابات. إستراتيجيّة التدرّج: وتتجلى في أقبح صورها في طريقة تقديم جمال مبارك خلال السنوات الأخيرة وتدرجة في المناصب وإشراكة في العمل الشعبي تمهيدا لتوريثه الرئاسة استراتيجيّة المؤجّــَـل: رائعة تلك الإسترانيجية التي يستعملها المجلس العسكري الآن في طريقة للعفو عن مبارك مبارك مصاب بحاله عصبيه ويتشبث بالسرير - الرئيس مصاب بإرتجاف في البطين الأيمن - الرئيس لا يقوى على المشي وحده - الرئيس مصاب بالسرطان - رئة الرئيس لا تعمل بكفاءة - اصابة مبارك بالذعر بسبب المظاهرات أمام المستشفى - قلب الرئيس توقف عن العمل لمدة دقيقتين ...... وغير بعيد أرى خبر موت مبارك اكلينيكيا منشور والسبب هو انتم أيها الشعب الحاقد المتناسي لرموز الوطن والمتجاهل لكل تضحيات الرجل خلىل 62 عاما من العطاء. استراتيجيّة مخاطبة الشعب كمجموعة أطفال صغار: غير بعيد ماتش الأهلى والزمالك السابق وغير بعيد أول ضربة جوية فتحت باب الحرية وكذلك أنا أو الفوضى والأمن الذي نعمت مصر به طوال فترة حكم مبارك وكذلك العلاوة السنوية والتي يعقبها زيادة الأسعار بشكل يأكل معه ما ادخرت الأسر ولا ننسى النداء الشهير كل عام في عيد العمال .... المنحة يا ريس .... إستثارة العاطفة بدل الفكر: نعيش الآن في مرحلة دغدغة المشاعر الدينية والعاطفية والمتمثلة في أنا آسف يا ريس ... الريس كبر حرام عليكم ... إرحموا عزيز قوم ذل .... الراجل قرب يموت ... أنا لو إبني شهيد أعفو عن مبارك لو الأمر بيدي .... الرجل مريض .... أين النخوة المصرية والرجولة .... كيف نهين رمز الدولة ..... من قال نعم فهو في الجنة .... المسلمات المختطفات والمسيحيات المختطفات ... الثورة غير مشروعة دينيا ... الإعتصامات مخالفة للشريعة ... العالمانية الكافرة والسلفيون المتشددون والإخوان المنافقون والإجندات الإجنبية وال 40 مليون دولار ل 6 إبريل .... كنتاكي التحرير ... العلاقات الجنسية والمخدرات والبلطجية .... تعطيل مصالح الفقراء ... ولا ننسى عهد مبارك البائس ومعركة الجزائر الكروية والشردحة ولامعاير بالمساعدة وسب شهداء ثورة الجزائر. كفاية كده واترك غيرى ليكمل وأشكرك مرة أخرى على الطرح الإكثر من رائع .... لعل قومي يعلمون

السلام عليكم و رحمة الله و بركاته ياااااااااااااااااه اخيرا وصلت التوبيك....(مين بقي راح يدفع حساب التاكسي اللي اخدته لف في المواضيع بتاعت سموك) عجبني التوبيك بتاعك اوي يا بينكي مش علشان حسيت فيه ب "الروح" الرمضانية الخاصة اللي بنحب نعملها لنفسنا كل ما رمضان يقرب لا علشان لقيتك مصرة فيه انك تكسري عتمة الغربة و تصنعي بريق بفانوس رمضاني مميز بصي بقي يا ستي انا عجبتني فكرة انك تعملي انتي و الكونتيسة مريم الفانوس بس كمان خينا نفكر في شوية حاجات كده انا عملتها مع "عوكل و نوفل" ولاد اخويا و فيه اللي هسترجعها من ارشيف الزمان...(كح كح...كح...وش حد يبنفض الغبار راح شفطه كله) 1- حلو ان احنا نستعد لرمضان بالفانوس بس كمان ابتدي ازرعي فيها "روح" رمضان نفسه...خليها تفتح دولاب هدومها..(انا عارفة الكونتيسة مريم كويس)....و صندوق اللعب بتاعتها و اكسسوارتها....علميها ان فيه هدوم حلوة و فيه هدوم هتبق يعلي ناس تانية احلي انتي ممكن تقوليلها ده بشكل مباشر و ممكن تعملي انتي نفسك ده قدامها الهدوم اللي راح تطلع و متاكدة ان دولايبنا فيها حاجات كتير ممكن تسعد ناس تانية حوالينا....حاجة من اتنين يا تطلعي بيهم علي الهلال الاحمر اللي موجود في البلد اللي انتي عايشة فيه...يا اما انتي و مريم تنزلوا تشتروا شنطة كبيرة او متوسطة و تسموها "شنطة الهدايا" و زي ما بنجيب لاهالينا هدايا...فيه "هدايا" من نوع تاني ممكن نجيبها لناس تانيين منعرفهمشي بس اكيد راح ينبسطوا بيها. 2- شنطة رمضان....حقيقي في مصر بيبقي ليها طعم تاني....بس مش هي عبادة اصلا يبقي العبادة في اي مكان راح توصل لربنا باذن الله...انتي ممكن تخليها تحوش من مصروفها...بس تبقي فاهمة ان التحويشة دي بتاعت "شنطة رمضان" و هي اللي لازم تختار معاكي الاسر اللي راح نبعت ليهم الشنطة...ممكن تكلموهم بالتليفون هينبسطوا اوي...او لما تنزلوا مصر تروحي انتي و هي و تزوروهم فعلا. 3- لو فيه اطفال تاني في سنها في السكن بتاعك او في المدرسة ليه ميتجمعوش مع بعض و يجيبوا كتيبات صغيرة كده فيها ادعية و هما بنفسهم اللي يوزعوها علي باقي سكان العمارة 4- اشتريلها مصلية جديدة صغنتتة و اسدال صلاة جديد...هتفرح بيهم اوي و هيشجعها انها تنتظم في الصلاة...او حتي تصلي اول ركعتين في التراويح معاكي في البيت. 5- معرفشي ايه ظروف المسلسل الجديد "قصص الحيوان في القرآن" بس لغاية ما نشوف ايه المسلسل و محتواه اشتريلها قصص الانبياء او نزليها من ع النت اللي هي كانتب الصلصال...[يحبوها جدا و الاهم...انك دايما تتكلمي معاها و تخليها هي تحكي القصة بدماغها هيو تشوفي فهمت منها ايه 6- مش انتي شاطرة في المطبخ....خليها تبقي المساعدة بتاعتك و اتفقوا كل يوم جمعة راح تعملوا هدية "اكل او تورتة " يعني نصالح بيها حد كنا زعلانين منه.....او عايزين نتقرب منه اكتر....علميها ان قبل ما نعمل اي حاجة ننوي....و نصحي الصبح نجدد النية...و في كل وقت نحكي مع ربنا و نقوله علي النية دي مش عارفة هيتنفع الحاجات دي و لا ايه زي ما قولتلك انا جربت البعض منها و البعض الاخر من الذاكرة و يا ريت تقوليلي انتي رايك فيهم ايه صباحك....مساكي......"قرة أعين" نفسنا انهم يكبروا علي طاعة و يحسوا "روح" رمضان

كل سنة وانت طيبة يابوسى والهدية دى بقى مخصوص عشان عمورى ربنا يبارك لك فيه ويفرحك بيه

كل سنة وانتي طيبة بوسي أنا كنت هاقول زي لماضة إن بوسي كنت بحس كاني قاعدة معاها في البيت عايشة معاها كل لحظة . الواحد نسي بيته واهله وبقى ملخوم في بيت بوسي وعمر. غير موضوع نون النسوة ....وحشني جدا جدا جدا يا ريت ترجعلنا بسرعة. وكفاية عنصرية ضد اللي معندهمش فيسبوك

كل سنة وحضرتك طيبة يا مدام بوسي ويارب يسعد أيامكم كلها ولا أنسى أن حضرتك أول من استقبلني في هذه المحاورات في توبيك مغتربي الكويت و كنت نعم العون ربنا يجازيكي كل خير طمنينا على حضرتك و ياريت ما تطوليش الغيبة عن المحاروات .. كل التحية و الاحترام

أقترح محاولة البحث عن أي خيار آخر .

الف بعد الشر عنك ياريمو حبيبتى تصدقى بقى رمضان كان احلى الف مرة من رمضان الايام دى يمكن عشان المناطق اللى سكنا فيها غير اللى اتربينا فيها ولا عشان الناس هى اختلفت عن زمان واحنا صغيرين كنا بنعمل الزينة من ورق سوليفان معين من مطبوعات شعار شركة باتا بالوان زاهية ومختلفة كنت تلاقى الشارع كله بيبرق ويلمع من ضوء الشمس غير صوته الجميل لما الهوا كان يحركه ودى اقرب صورة لشكل الورق وكان شريط لمبات بطول الشارع عشان لعب الكورة من بعد صلاة التراويح لحد الفجر على حسب عدد الفرق من المناطق التانية وقتها مكنش فى لافضائية ولازفت وكانت حياتنا حلوة القناة الاولى والتانية وبس كنا ساعة الفطار لازم نفطر على مسلسلات الشرق الاوسط زى الصبر فى الملاحات وغيرها واحنا لسة بنشيل الاكل تلاقى عيال الشارع جايين يخبطوا ويغنوا حلو ياحلو وامى تديهم اى حاجة مرة فلوس او بلح او فاكهة حسب اللى موجود والعيال فرحانة ومبسوطة كان فى حاجة حلوة بتحصل قبل آذان المغرب كنت تلاقى الناس واقفة فى البلكونات مستنية تسمع صوت الادان من الجوامع والعيال فى الشارع تفرقع البمب ودقايق و متلاقيش ولا نفر كله راح يفطر كان قدمنا بيت كله مسحيين كان اولادهم بيلعبوا معانا فى الشارع ويطلعوا وقت مانطلع يقولوا واحنا كمان رايحين ناكل مكنوش بيتغدوا كان وقت غداهم مع فطارنا وحتى فى العيد كانوا بيعيدوا ويخرجوا معانا لاعمر حد منعهم من اهاليهم ولاحد منعنا نلعب وناكل معاهم وافتكر مرة واحدة صحبتى مسيحية قالت لى انا باحب رمضان اوى وباستناه زيكم فى حاجات حلوة كتير كانت الدنيا بتبقى هايصة وفى بهجة كده غير دلوقت خالص مش عرفة ايه اللى حصل مش بنحس بيه زى زمان المسحراتى بقى اللى كان بيعدى فى الشارع يصحى الناس رغم الناس مكنتش بتنام وينادى بالاسامى واكتر حاجة كنت باحبها سيد مكاوى http://www.youtube.com/watch?v=R_BWH-GNN3c

الفكرة بالتأكيد جديدة - على الأقل فى محاورات المصريين - و أتصورها أقرب ما تكون إلى مشاركة جماعية فى دور التنسيق و الإشراف أو أقرب إلى مجتمعات أثينا القديمة أو الديموقراطية المباشرة. و جدوى الفكرة سنراه عندما يشارك عدد كبير من الأعضاء فى إستخدام ال Reputation و يتحول ذلك إلى عادة عند عدد كبير من الأعضاء. لا أتفق مع الفكرة القائلة بأنها قد تؤدى لتوتر بين الأعضاء على العكس قد تدفع لمزيد من التواصل بين الأعضاء ربما للإستفسار أو توضيح وجهات المظر.