لوحة القادة

معاكي يا استاذة وبقوة وان شاء الله ححط هنا درر في كيف تكسب زوجتك ان شاء الله واحتسب الثواب من الله اول حاجه اسمع لها خليها تتكلم كتير كتير كتير مجرد الانصات والتفاعل والاهتمام كسبت قلبها يتبع .. !

بمناسبة خطوبة زميلنا العزيز جدا حسام عبد الفتاح ربنا يتمم له بألف خير يارب حبيت نتناقش حوالين الحياة الزوجية بداية لا يوجد تعريف محدد للزواج الناجح دي كانت مداخلة لي في موضوع الزواج الناجح للفاضلة مغتربة http://www.egyptiant...ndpost&p=750338 المقدمة دي حبيت أرفقها بالموضوع عشان أقول لكل مقبل على الزواج أو بيفكر انتبه! لا تقع في أخطاء قاتلة قد تؤدي - لا قدر الله - للفشل على اعتبار أن نجاح أي علاقة يتطلب العمل على إنجاحها من الطرفين معا و ليس من طرف واحد فقط! هذا الموضوع للجميع للمقبلين على الزواج و للمتزوجين و أيضا لمن مروا بتجربة الطلاق الفئة الأولى سيضعون هنا توقعاتهم و الفئة الثانية سيضعون هنا تجاربهم و الفئة الثالثة سيضعون هنا تقييمهم لتجربة الزواج و تطلعاتهم لتكرار التجربة بتجنب أخطاء التجربة السابقة أعود و أكرر الإنفصال قد لا يعني الفشل نهائيا بل قد يكون نجاحا لتفادي الاستمرار في الفشل كما قد لا يعني الاستمرار في العلاقة نجاحا عى الاطلاق بل قد يكون فشلا في البحث عن النجاح منتظرة حضراتكم

السلام عليكم ورحمة الله وبركاته طبعا انا الدمعه هتفر من عينى وانا بقولكم الخبر ده بس يلا وكلنا لها لقد نمى الى علمنا انه قدتم بحمد الله وتوفيقه خطوبة اخونا العزيز الغالى المحترم البكر الودود حوسام عبد الفتاح حينما كان يقضى اجازته السنويه بمصر العزيزه الغاليه الحبيبه على قلوبنا جميعا ايوه شايفك ياليى بتشوح بايدك من الخلف ياعم وانا هعمله ايه ياما نصحته وقولته ياحوسام تنزل مصر اه تخطب لاء بس خلاص بقى ده قضاء ربنا هنعترض على قضاء ربنا يعنى ايه الكلام اليى انا بقوله ده اسكت انت احنا فى فرح بعدين نبقى نتكلم فى الموضوع ده المهم دلوقتى يا جدعان عاوزين كل واحد يدخل يهنىء الاخ حوسام ميدخلش بايده فاضيه انتوا عارفين الراجل عريس وخاطب والله يعينه على المصاريف ده بيكفى الاتصالات لوحدها دى عاوز شغل بعد العشا الفرقه الموسقيه جاهز bnd5:: bnd5:: bnd5:: bnd5:: bnd5:: تمام كده حوسام بالنسبه للرقاصه هنخليها ترقص قدام الناس ولا سكتم بكتم بعد الفرح ( عنبو فى المايك ) ينظر حوسام بكسوف شديد الى عنبو قائلا له اذهب الى الجحيم وخد الرقاصه معاك ( الجحيم ده اسم الشقه يعنى ) المهم انتوا معايا ولا انشغلتوا بالرقاصه انتوا كمان صحصحوا معايا الله يكرمكم علشان نركز مش عارف ليه حاسس انكم مش فاهمين طيب هعيد من تانى بس بالهندى شوف صديج هذا نفر حوسام صديق عنبو هو سفر مصر يشوف بابا ماما لكن مسكين بعد شوف ماما وبابا هما يمسك هو وهما كلام لازم فى خطوبه داهين ازر وايز انت مش ابنى ايمى تابتشان هو اليى ابنى احنا والكلام ده اظن كده وضحت الاخ ميكو رضى الله عنه بيرفع ايده يسأل عنبو قائلا انت يا عمنا عنبو ردا عليه ايو يا ابا سلمى يا الغالى ميكو سيبك ياعم من البؤين اليى بتقولهم علشان تحسسنى انى متزوج ومخلف يعنى اقولى انت هتروح الجحيم امتى :P اقصد هتخلص امتى علشان البوفيه يعنى والبنت سلمى خلاص حاسس انها هتاكل صوباعى عنبو لا تقلق يا ميكو يا حبيبى هنروح الجحيم مع بعض قصد البوفيه مع بعض نجد من يرفع صوته قائلاً الرقاصه اولاً ومن ثم البوفيه والا فلن نسكت وسوف نقوم بتصعيد الامور الى اقصى درجه وسوف نهدد باغلاقه الفندق على ما فيه ثم صعد فى احدى الطرابيزات وبدأ يخطب برجله على الترابيزه بحركه منتظمه قائلا ثوار نتحد لا نفترق ثوار نتحد لا نفترق والثوره قائمه ومستمره ينظر اليه عنبو قائلا يا سيدى تيمو احنا هنا حضرتك فى حفل خطوبة اخونا حوسام مش فى ميدان التحرير ينظر اليه تيمور بعيونه الخضيره خضار البرسيم قائلا مصر كلها ميدان التحرير مصر كلها ميدان التحرير انا الشهيد انا الشهيد عنبو يا دى النيله ياجماعه مين بس اليى دعاه حاضر يا تيمور سوف نبدأ بفقرة الراقصه الاول ومن ثم يجد صوت ميكو قد بدأ فى الارتفاع انها الليبراليه الكافره انها العلمانيه الم نتفق يا اخ عنبو على ان البوفيه اولاً عنبو طيب خلاص يا جماعه انا عندى فكره اليى عاوز الراقصه الاول يجي كده واليى عاوز البوفيه الاول يجى كده طبعا كلكم عارفين الناس هتروح على فين يتبع بس قولوا مبروك لاخونا العزيز الشاب المحترم جدا ابن الناس الكويسين حوسام الف مليون مبروك يا صديقى العزيز وربنا يتمم لك بخير تحياتى عنبو

الأعزاء الكرام .. أعضاء منتدى محاورات المصريين أهلا بكم ومرحبا .. مما لاشك فيه أن اللغة أداة التواصل الثقافى والحضارى بين البشر ولا ريب فى أن اللغة الإنجليزية من أكثر اللغات انتشارا فى العالم .. ومن هذا المنطلق أصبحت إجادتها بمهاراتها الأربعة تحدثا وكتابة واستماعا وقراءة ضرورة ثقافية لمواجهه تحديات العولمة والتثقيف بكافة أشكالها غير أنها بالطبع ضرورة عملية فى التوظيف والعمل .. فلا يمكن أن نفهم أو نتحاور مع الآخرين إلا من خلال لغة عالمية يجيدها الجميع .. وتأتى أهمية هذا الموضوع فى أننى سأبدأ معكم بشكل مبسط فى وضع الأسس والمبادى الصحيحة للكتابة بالإنجليزية بدءا من المفردة .. أى من الكلمة نفسها أولا حتى الجملة والقطعة وموضوع التعبير وهكذا ..والشرح سيكون مصحوبا بناحية عملية بسيطة مثل التمرينات التى سنتعاون فى حلها حتى نتأكد أننا بالفعل نتعلم ونستفيد ..وأضع يدى من ناحية أخرى على مواطن القصور ومن ثم نقويها ..وبعد أن نقطع الشوط المطلوب قى الكتابة ..نتجه للترجمة .. حتى نصل معا للترجمة باحتراف ان شاء الله .. أحب أن أنوه أن الموضوع لا يكتسب أهميته لأننا نطمح مثلا فى أن نكون بروفيسورات فى اللغة الإنجليزية ..فبالتأكيد ليس هذا هدفنا وإنما على الأقل الإلمام بمبادى بسيطة ومهمة توفر الحد الأدنى أو المعتدل أو حتى الأعلى ان أردتم والإختيار متروك لكم على حسب مقدرة كل منكم - لنفهم ما يقابلنا فى حياتنا باللغة الإنجليزية ونحسن التعامل معه وحتى نستطيع أيضا أن نساعد ابناءنا فى دراساتهم وخاصة الأمهات مع أطفالهن من صغار السن فى المراحل المبكرة من التعليم مع العلم أن الكتابة بالإنجليزية هى من أصعب المهارات التى يستصعبها الصغير والكبير على السواء ولذلك فنحن هنا سنحاول أن نتخطى هذه الصعوبات بشكل سهل وفعال جدا .. أتمنى أن يكون هذا العمل خطوة على الطريق ..وأنتظر دعمكم لأعرف مقدار ما سيحظى به الموضوع من اهتمام ..هذا لو كان هام .. تحياتى

موقف حصل مع مواطن مصرى كنت في مطعم و دخلت الحمام لقيت واحد في الحمام اللي جنبي بيقولى ازيك و سكت و بعدين لقيته بيقول يابني سامعني .... بقولك ازيك قلتله الحمد لله قالي ايه الاخبار قلتله كويس قالي انت بتعمل ايه قلتله هكون في الحمام بعمل ايه يعني قالي لوحدك ضحكت و قلتله اه لوحدي قالي طب انا جاي قلتله تيجي فين ياعم انت عبيط لقيته بيقول طب اقفل يا احمد دلوقتي عشان في الحمام اللي جنبي واحد حمار فاكرني بكلمه

شربات ورد .. وقعت اليد الثقيلة كالمطرقة على قفاها فى خبطة مؤلمة ..فصرخت بصوت عال و استدارت فى حدة..وهى تتأوة ..تحاول أن تتملص من تلك الأصابع التى قبضت على شعرها فى قسوة ..".. ماذا تفعلين هنا يا زبالة يا بنت الزباليين ؟ " .. ألقى ذلك الصوت الأجش الرعب فى قلبها وهى تحدق فى ذلك الوجه الغليظ الملامح ..الحاد التقاسيم الذى راح يسلط عيونه عليها..فتهدج صوتها وهى تقول.." أنا ..أنا ..أنا أبحث فقط عما آكله .." .. بكت باسترحام وهى تحمى وجهها بذراعيها .." أنا لم أفعل شيئاً " .. كان صندوق القمامة يبدو وكأنه قد أخرج كل أحشائه حتى بدا أشعثاً مثلها ..بالكاد يحمل زبالته المتكومة والتى تناثرت من حوله فى قذارة على الأرض..دائماً ما كانت تتربع على عرش الزبالة كجرذ ضخم .. واضحة بكامل نصفها العلوى للمارة الذاهبين لأعمالهم فى تلك الساعة المبكرة من الصباح .. تبصق عليها نظراتهم التى كانت تحمل من الشفقة قليلاً ومن الإشمئزاز كثيراً كثيراً .. وبرغم محاولتها المستميتة للتملص من يد هذا " الهرقل " ... إلا أنه كان محكماً القبض على شعرها.. ويده الأخرى تنهال على وجهها صفعاً..لم تؤثر فيه تلك الدموع الغزيرة التى طفرت من عينيها مصحوبة بصرخات متصاعدة ونهنهات عالية .. ولا حتى آثار الضرب القاسية التى تركت علاماتها الفورية على الوجه.. ولم يكترث ليده التى تلوثت ببقايا الأطعمة التى كانت عالقة بفمها ووجهها ويديها..كان الرجل يبدو كمن أصيب بلوثة انتقامية مفاجئة يعاقب فيها " شربات " وبشكل ماسوشى تماماً ..على غلطة مجتمع كامل ..!! انتهت وصلة الضرب المبرحة ..فقذفها خارج الزبالة حتى سقطت على الأسفلت كالطوبة التى سرعان ما استحالت إلى كرة مطاطية راحت تجرى بعيدًا وهى تعرج بقدمها اليمنى هاربة فى ذعر من أصداء الضربات والوعيد .. فى مدخل إحدى البنايات القديمة ..حطت " شربات " رحالها ....حيث تراصت مقتنياتها الثمينة التى كانت تجمعها من أكياس القمامة على مدار الأيام.. بقايا علبة بسكويت .. أجولة قديمة مكدسة بالخبز المقدد والمتعفن .. ملابس قديمة متكومة على الأرض .. كل شىء من حولها بدا مقفرا كئيباً.. كانت نهاية رحلتها كل يوم هنا.. فى هذه المقبرة المهجورة ..آمنة فى هذا الجحر الذى يجعل للحياة طعم فى نظرها ..لا أحد يعترض سبيلها .. لا أحد يثور بوجهها..لا سحنة عابسة تتحرش بها ..كانت على إستعداد لأن تقضى كل عمرها هنا حتى لو مر عليها الزمن بطيئاً بشكل مقزز ! قامت " شربات " بطقوسها المعتادة .. كبست الخبز الذى كانت تقوم بتجميعه من صناديق القمامة بكلتا يديها فى جوال إمتلأ إلى منتصفه..ثم جلست وهى تلهث من التعب مستندة إلى حائط البناية المبقع..كانت دائما ما تشرد بعيونها إلى خارج الجحر من هذا الموقع باتجاه الشارع ونور الصباح..إلى الفضاء الممتد أمامها ..حتى إذا ما استكانت أغمضت عينيها وهى تتصور أفواه أخواتها المتلهفين إلى عودتها ببعض الحلوى .. تلك التى اعتادت أن تحملها لهم من بين القمامة ..وحتى بقايا الأطعمة مثل اللحم والجبن .. كانت تلتقطها لهم من بين مخلفات الطعام.. و تمسحها بيدها تمهيداً للإلتهام على نظافة .. ! ابتسمت وهى تطأطأ رأسها.. تنظر فى جيوبها الضخمة التى امتلئت ببقايا الأطعمة والحلوى .. أخرجت كل ما بقى فيهم ..كانت تريد أن تطمئن على حصيلتها من بعد الرمية العنيفة التى ارتمتها على الأسفلت ..كانت ابتسامتها تتسع كلما مدت يدها وأخرجت شيئاً ..ابتسامة طغت على أثر الخدوش الدامية فوق ركبتها .. وعلى ذكرى العلقة الساخنة التى لم تبرد آثارها بعد على وجهها .. فى أقل من ثانية أعادت كل ما أخرجته إلى جيوبها مرة أخرى .. نهضت ..ورفعت إحدى أجولة الخبز فوق رأسها ..ووقفت عند مدخل الجحر تنظر يمنة ويسرة فى حذر ..وأخيراً تقدمت..وماهى إلا نصف الساعة حتى كانت هى وجوالها الثمين فى حوش منزلهم المتهالك فى العزبة الفقيرة على أطراف المدينة .. لم يلتفتا إليها..لا أمها ولا أبوها اللذان كانا جالسين على الأرض.. منهمكين فى خياطة أجولة مكدسة بالخبز بدوبارة بلاستيكية متسخة بين أيديهم .. و هناك على سور قصير ..رُصت أجولة أخرى ممتلئة ومحكمة الخياطة..كانا كلما انتهيا من خياطة واحد ..قامت الأم برصه بجانب إخوته فى طابور طويل .. تحلق حولهما أخواتها الصغار الذين سال لعابهم وهم يراقبون تقدمها ..شخصت بعيونها نحوهم ..وبِصمت ناتج ربما من الإعتياد أنزلت الجوال من فوق رأسها .. إتجهت نحو أخواتها تفرغ لهم جيوبها .. " يللا ..يللا ..أحضرى الخبز هنا حتى نكمل باقى الأجولة ..الزبائن على وشك الوصول للشراء " .. أشاحت " شربات " بوجهها عن أمها..وبلا إهتمام اتجهت إلى غرفة وحيدة فى نهاية الحوش.. غرفة واحدة كانوا يعيشون ويأكلون وينامون تحت سقفها الصغير..كانت تبدو وكأنها للتو قد تعرضت لحريق أودى بكيانها ..فأصاب جدرانها العالية بصدوع وهباب ..وأجهز على الكراكيب العتيقة التى احتفظت بصلابتها على مضض ! لم تنتبه لأى شىء ..ولا حتى لشقيقتها الرضيعة الملقاة بلا إكتراث على الأرض .. ترددت لوهلة وهى تنظر إليها..ثم أشاحت عنها بوجهها هى الأخرى..اتجهت لقناية المياة فى ركن الغرفة ..تغسلت وأزاحت أثر القاذورات من على وجهها ويديها وقدميها.. بدلت فى عجلة ملابسها بملابس أخرى كحلية كانت معلقة على مسمار..بدت وكأنها زى مدرسى ..نظيفة ..مهندمة ..من الواضح أنها كانت توليها معاملة خاصة .. ودون أن تلتفت مدت أصابعها لتلتقط فرشاة مكسورة اليد من فوق رف متهالك..وراحت تسرح شعرها أمام قطعة مرآه متآكلة .. توقفت " شربات " فجأة ..وهى تقترب بوجهها من المرآة ..وراحت تتحسسه فى رفق .. كانت آثار الضرب لاتزال ملتهبة على وجهها ..وإن إتخذت شكلا أكثر بروزاًً.. بقع حمراء متورمة بطول أصابع اليد تراصت على خدها بالكامل .. دارت عيونها فى ضيق فوق وجهها الخمرى المشوب بحمرة ربانية.. وإستغرقتها الحالة .. ففردت شعرها المتوسط الطول على كتفيها ..تتأمل منظرها بإحساس أنثوى مفاجىء ..وراحت تتحسسه ..كان أشعث من أثر الإهمال والقذارة ..يحيط وجهها الدائرى كالتاج الذى بهت بريقه مع الزمن .. كانت " شربات " طفلة لا تتعدى الثالثة عشرة من عمرها ..ولكنها كانت كمن تعدت عمرها ثلاثة أضعافا على الأقل .. نظرات عيونها وحدها كانت توحى بذلك .. دائما شاخصة ..متجمدة ..تخترق كل ما أمامها فى تحدى سافر ..لا تعرف أين تنظر بالتحديد ..ولم تكن تذرف دموعا يسيرة ..كانت تنظر فقط بعيونها الغريبة الثاقبة نظرات..مجرد نظرات كأنها دموع من نوع آخر .. أفاقت على سعال أختها الرضيعة تتأهب للبكاء..التفتت إليها ..ثم إنحنت نحو هدوم " الشغل " الملقاة على أرضية الغرفة العارية.. تفتش فى جيوبها.. وما لبثت أن أخرجت من الجيب قطعة من الحلوى المغلفة كانت تحتفظ بها خصيصاً لها .. مزقت الغلاف فى سرعة ثم انحنت من جديد لتثبتها بين أصابع الصغيرة ..وسرعان ما اختفت فى فمها .. نهضت سريعاً .. أسدلت فوق شعرها إيشارب أبيض..أحكمت وضعه جيداً حول آثار الضرب الواضحة على وجهها لتخفيها..ثم انحنت تجر حذاءً أسود يلمع من تحت منضدة قديمة ..استندت على الحائط لترتدى الجوارب البيضاء ثم الحذاء ..انتصبت واقفة من جديد لتلقى نظرة أخيرة على هيئتها فى المرآة ..ابتسمت ..إذ بدت ولا زميلتها فى المدرسة " صفاء " ..بنت الذوات ..هكذا حدثت نفسها .. وخرجت مسرعة .. فى مدرسة " الزهور " الإعدادية ..وعلى باب فصل ( 3 – 3 ) ..وقفت " شربات " ..تنتظر أن تأذن لها المعلمة بالدخول.. وتتمنى لو أن لا تأنبها على التأخير ..التفتت إليها المعلمة شذراً.. وأشاحت بوجهها عنها وهى تشير لها أن تدحل بعلامة مبهمة ..سادت الفصل حالة من الصمت المفاجىء ..والرهبة .. وكأن مقدم " شربات " هو الحدث الجلل الكافى لأن يقلب الحياة المدرسية فى الإتجاه العكسى.. تقدمت خجلى ..مرتبكة ..تتعثر فى خطواتها .. تنظر فى الأرض على إستحياء.. لا تجرؤ على رفع عينيها فى مواجهة عيون زميلاتها التى كانت تأكلها أكلاً فى هذه اللحظات .. جلست فى مكانها المعتاد ..وحيدة ..فى آخر الصف ..والهمسات من حولها تتعالى .." الزبّالة " .. ... ارتفعت اليد لتهوى على وجهها بلا رحمة..الأمر الذى جعل " شربات " تطلق صرخة ألم شديدة مصحوبة بغمغمة مبهمة وهى تتحسس مكان الصفعة بأصابعها .. راحت تنظر إلى مديرة مدرستها الثانوية بغيظ.. تستقبل ثرثرتها المستفزة بعيونها المتحدية وهى تصرخ فى وجهها .." كيف تجرؤين يا قذرة على سرقة معلمتك ..كيف واتتك الجرأة لتمدى يدك التى تستأهل قطعها على الحقيبة وتسرقين النقود ..ماذا أفعل معك الآن بعدما ضبطك متلبسة وأخرجت الفلوس من جيوبك الواسعة هذه ..لقد استنفذت معك كل الوسائل الممكنة لأجعل منك بنى آدم ولم يعد من سبيل أمامى سوى فصلك أو تحضرين ولى أمرك..أريد أن أرى لك ولى أمر ..وإلا فوالله لأفصلك فصل نهائى حتى أقى زميلاتك ومدرسيك شرورك..." حاولت " شربات" أن تتحدث فى محاولة يائسة للدفاع عن نفسها " أختى كانت مريضة وأنا ..".. قاطعتها المديرة بصوت هادر " اخرسى يا زبّالة ..ستعيشين زبّالة وستموتين زبًالة ..وحرامية ..ذيل الكلب عمره ما ينعدل ولو علقوا فيه قالب .." .. وخرجت " شربات " من المكتب .. مطرودة من الدنيا.. وقفت " شربات " بكامل هيئتها الأنيقة وجمالها الطبيعى على مسافة بعيدة نسبياً من عميد الكلية الذى جلس خلف مكتبه منهمكا فى الكتابة بعصبية..راحت تنظر له من جانب عينها حتى انتهى .. ناداها أن تقترب محدثاً إياها وقد نفذ صبره .." لا أريد أن أرى وجهك مرة أخرى فى الكلية ..إياك أن تطرقيها بقدميك النجستين..اذهبى إلى حال سبيلك بعيدًا عنا ..إلى الشقق التى تدخلينها ..فلا مكان هنا لأمثالك ..خارج هذا الحرم يوجد مستقبلك الحقيقى ..على السكك .." رمى الورقة فى وجهها وهو يصرخ " لا فائدة فيك ..برااا " حاولت " شربات " أن تسترحمه ليسمعها .. إلا أنه إستوقفها بإشارة صارمة من يده وهو يضغط ذر استدعاء رجل الأمن الذى دخل مسرعاً ..فأشار له بإشارة صامتة أن يطردها .. فجذبها الرجل فى عنف ..و ألقاها خارج الجامعة كلها .. وخرجت " شربات " من المكتب .. مطرودة من الدنيا .. أمام الحرم الجامعى ..وقفت " شربات " مهزومة العينين .. بدمع متجمد تنظر للرائحين والغاديين ..وجحافل السيارات أمامها.. تجرى على الطريق فى جنون ..وقفت برهة ترى ولا ترى مَن يشيرون إليها ..تسمع ولا تسمع شيئا مما يقولونه عنها .. خطت نحو الطريق .. تدق الأرض وكأنها تتوعد الدنيا كلها .. غير عابئة بنظرات الناس ولا همساتهم.. انتبهت لشحاذ فى الطريق كادت أن تدهسه..فمد يده لها طالباً حسنة .. لوهلة نظرت له فى جمود ..ثم أدارت عينها نحو جيوبها الواسعة ..تعبث فيها .. كانت دائماً تفضل الملابس بالجيوب الضخمة !! .. أخرجت جنيهاً أعطته إياه فما كان من الرجل إلا أن رفع وجهه للسماء يبتهل ..ويدعى لها بالستر فى الدنيا والآخرة .. ! وبكت .. بدت " شربات " وكأنها قد تحولت لقدمان تقطعان المسافات بلا هدف ..الطريق أمامها طويل وهى لا تلوى على شىء ..وصور شتى تطاردها ويكتظ بها إحساسها الخاوى ..وبريق لدموع تلمع فى عينيها ..سمعت هتاف عالياً من خلفها " العرقسوس ..الشربات ..السوبيا ..التمر ..اروى عطشك يا حران .. شربات ورد يا ورد .." ".. كانت عربة من تلك العربات التى تبيع المشروبات الشعبية المثلجة فى قيظ الصيف.. توقفت مرة أخرى وراحت تفتش فى جيوبها ..إستغرقت وقتاً حتى أخرجت بين أصابعها جنيهاً آخر " كوباية ورد ..." اختطف منها البائع الجنية وهو يناولها الشربات برغوتها الحمراء الكثيفة ورائحتها النقية مداعبا " الورد للورد يا أحمر الخدين .. ادفع مرة واشرب مرتين .." ..تجرعت الكوب على دفعتين .. وانصرفت .. استمرت قدماها فى المسير بلا هدى ..ومن خلال دموعها وشهقاتها التى أرخيت لها العنان ..تدفقت كلماتها ..مختنقة ..متقطعة .. " لما الشربات الدلوعة ..الشخلوعة تموت .. طعم التوت عمره ما هايفضل توت ! الليلة هاغنى وهارقص وهفوت على الدنيا أديها بالشلوت آه يا متلوعة ..مانتيش لاقية القوت .. زبالة .. يا زبّالة .. على واحد هلفوت .. وجنية واتين ولا حد يموت .. لما الشربات الدلوعة ..الشخلوعـــــة تمــــــــوت .."

المقارنة سلاح شيطاني يهدم اي بيت

تصدقوا بالله ؟ أن شخصياً ضد أذية أي حد أو ظلم حد بريء لكن في نفس الوقت التنقلات والعزل والكلام ده مش هو المطلوب ... الظاهر الناس دي مش فاهمانا أو حنا في وادي وهما في وادي ... كلنا فاكرين محمود وجدي اللي المفروض إنه كان إتعين وزير داخلية ثورة وكان مسرح بعض الظباط في القنوات الفضائية عشان يقنعونا إن مافيش ظابط ضرب طلقة على المتظاهرين .. وإن دول كللللللللللللهم مش شهداء لكنهم بلطجية هاجموا الأقسام فأضطر الضباط إنهم يدافعوا عن أنفسهم وقتلوهم على فكرة ده نفس تفكير العيسوي هل كتير علينا يا جماعة نحلم بجهاز شرطة محترم يحترم المواطن المصري ويُشعره بالأمان .. على الأقل عشان المواطن يتعاون معاه في حفظ الأمن وتمييز المجرم أو البلطجي عن المواطن الشريف ؟ كتير علينا ده ؟... كتير علينا إننا ما نشوفش بشوات وبكوات وناس فاكره نفسها ألهة وسب الدين والمله هو اللغة الرسمية عندها ؟ كتير علينا أن تتعامل مع ضابط وترى الإبتسامة على وجهة لإنه في الحقيقة في خدمتك أنت كمواطن ؟ كتير علينا المواطن البسيط يدخل قسم شرطة وهو مش مرعوب إن حد يتنطط عليه أو يضربه على قفاه بإعتبار إنه مالوش ضهر أو شخص ضعيف ما عندوش واسطة ؟ كتير علينا ما نلاقيش أي صعلوك مالوش لازمه يدخل معاك في جدل ويقول لك " إنت مش عارف أنا مين ؟ والله لأكلم فلان باشا قريبي وأخليه يوديك ورا الشمس ؟ كتير علينا ما نشوفش سيارات ماشية على الطرق من غير لوحات ومجرد بس البيه معلق البدلة الظباطي أو الكلبشات - شوفتها والله يا جماعة - داخل السيارة عشان يوصل لنا رسالة إن دي منطقة محرمة .. وسيارة الباشا يا عم أوعى كده ؟ كتير علينا إني ما شوفش واحدة ست مُهزءة ما بتعرفش تسوق وتخرج من شارع جانبي عشان تدمر سيارة إنسان بسيط مندوب مبيعات بياكل عليها عيش ودي مصدر رزقه وتتصل بجوزها فييجي ويفتش الولد الغلبان ويسرق حصيلة مبيعات اليوم بحجة إنه ممكن يوديه ورا الشمس لإن البيه ظابط .. ومرات الظابط ما تغلطش ... ومرات الظابط تمشي تبرطع في الشارع ؟ ملحوظة ده واحد صاحبي شغال مندوب مبيعات في شركة " سمن الهانم " والموقف ده حصل معاه وقعد يبكي على العربية اللي باظت وعلى الفلوس اللي إتسرقت وأتدبس فيها كتير علينا ما أشوفش جاري ... أه والله جاري ... مشغل جيش عساكر عنده ... وأسطول سيارات رسمية المفروض إنها لحفظ الأمن مشغلها لقرايبة ولاولادة ولحبايبة ؟ كتير علينا ما أسمعش عن كلمة " مراسلة " يعني عسكري غلبان بدون مؤهل دراسي البهوات بيختاروهم عشان يبقى خادم خاص له وساعات يخلي فترة تجنيدة تبقى في البيت عنده يمسح ويكنس ويقضي طلبات البيت .... والولد بعد 3 سنوات ذُل وهوان من الباشا وأولاده في النهاية يخلص فترة تجنيدة اللي هي اصلاً المفروض في الجيش لكن عشان ما بيعرفش يقرا ويكتب تقوم الداخلية واخداه ملحق عندها ... وبعد ده كله الباشا الكبير يقول له إنت بعد فترة جيشك هاتشتغل في معرض السيارات بتاعي . ولما الولد يعترض لإنه صنايعي أساساً وعاوز يشق طريقة بعد فترة الذل .. يقوم قايل له : طب وحياة أمك ما أنت واخد شهادة تأدية الخدمة العسكرية ؟ يعني مكتوب عليه يبقى عبد ذليل الباشا أشتراه كتير ده يا جماعة ؟ كتير علينا .. والله على ما أقول شهيد .. أرى رجل في الستينات من عُمره يُسحل ويُضرب من أكتر من عشرين ظابط داخل قسم الشرطة عشان تجرا وقال لشخص لابس مدني عادي هات الأُجرة وطلع الباشا اللوا أمين شرطة فسحبة على القسم ليعتقله ويعلمه الأدب ؟ كتير علينا إني ما اشوفش مناظر لشخصيات قذرة زي مجدي أبو قمر ا .. أو التاني الطحش بتاع بنها اللي أعتقل كل ركاب الميكروباص - ملحوظة بعد الثورة الكلام ده كله - لإن الغندورة اللي تتشك في قلبها بنته مش عاجبها منظر ركاب الميكروباص ويروح لهم بتشريفة ويضربهم كلهم في قلب بعض ويجرهم على القسم ؟ كتير علينا ما اشوفش ظابط بدبورة معفن يجرد محاسب من ملابسة تماماً ويسحله لإنه أعترض على غلق الطريق عشان حادث سيارة شرطة هما اللي غلطانين وصادمين سيارة شخص أخر من الخلف والراجل عاوز يروح شغله .. فيعتقله في القسم ويجردة من ملابسة ويخليه يوطي يبوس رجل العسكري سائق السيارة - ملحوظة ده الكلام ده من اسبوعين يا بهوات - ؟ هل بنطلب المستحيل يا جماعة ؟ ولا نمشيها لعبة كراسي موسيقية ونبدل زيد بعبيد والفكر والتخلف هو هو ؟ ونبقى عملنا بالصلاتو عالنبي أكبر حركة تنقلات في تاريخ الداخلية في الأسماء فقط ؟ ملحوظة .... كاتب هذه الكلمات لم يتعرض طوال حياته لأي كلمة حتى من ضابط شرطة أو غيره ... ومن غير واسطة ولا ضهر ... لكن مشكلتي إني عارف حقي .. واللي بيقول لي بِم بأديله في وشه بالحق مهما كان حتى ولو كان وزير داخلية .. والحمد لله في عز جبروت مبارك وكلابه البوليسية ... لكن كل النماذج دي رأيتها رأي العين أمامي ... وما يمسي أي مواطن مصري خصوصاً الغلابة فهو يمسني .

مش فاهمة بصراحة الاخوة اللي هنا و اللي على الفيس اللي متضايقين اوي من لغة البيان حضراتكم متضايقين ليه هو كان بيهددكم انتوا التهديد و الحزم في الكلام كان موجهة للناس اللي فاكرة البلد بقت سداح مداح و اللي له شوق في حاجه يعملها حد طق في دماغه يقفل طريق رئيسي ياخد شوية ناس و يروح يقفله و يقولك احنا ثوار او اهالي الشهداء كأن صفتهم دي تديهم الحق في انهم يفتكروا ان مصر دي لعبة حد يطق في دماغه يروح يوقف الملاحة في قناة السويس حد يطق في دماغه يروح يتهجم على سفارات الدول حد يطق في دماغه يقفل البورصات زي ما حصل في اسكندرية و اللي يروح يقفل رئاسة الوزراء و يعين من دماغه ايييييييييييييييه هي البلد دي سايبه كلنا مخنوقين من اللي بيحصل و البلطجة اللي شغالة على المصالح الحكومية و دا مش عصيان مدني اللي افهمه العصيان المدني يكون نابع من الناس اللي شغالين نفسهم مش ان حد يمنعهم عن اشغالهم و يقولهم احنا النهاردة محضريلنكم مفاجأة و عاملينلكم عصيان مدني يالا يا حليوة انت و هو روحوا بيتكم قفلنا الطابونة و هانفتحها اربع و خميس ايه دا هل دا معقول هل دا مسموح بيه في اي دولة حد يديني مثال عن اي دولة محترمة حد يروح يعطل و يقفل مصالح حكومية فيها و تسيبه و زعلانين ان الجيش طلع بيان شديد اللهجة لا و الله كان المفروض يفضل يطبطب و يدلع و يقول نهيب اللي يزعل من البيان دا الناس المخربة اللي مش على هواها تصرف الجيش لكن يعني ايه الناس المحترمة تتضايق و يتقال على الفيس ان اي تهديد لجزء من شعب مصر هو تهديد لشعب مصر بحاله دا مع احترامي كلام فارغ الجزء من شعب مصر دا غلطان و ما هماش ملايكة عشان نقهر نفسنا عليهم اوي دا رأيي بصراحة و منسجمة جدا من الخطاب عشان اللي فاكر مصر بقت طابونة يلم نفسه

يوم السبت 6 أكتوبر 1973 الساعة 2:05 ظهرا كنت قاعد على كرسي خارج الدشمة ، باكتب " الوصية " مين يأخذ ايه من المكافأة لو أستشهدت في الحرب وقتها شعرت برعشة قلق على الرغم من انه كان لدينا علم بأننا مقبلون على الحرب منذ 15/9 وقت بداية تحركنا للأمام ، ولكن القلق كان ان تكتب وصيتك وانت شاب فى العشرينيات. حينها فتح القائد ظرف الساعة 2:05 ليبلغنا أن الحرب قد بدأت بينما مر سرب طائرات حربية متجها إلى غرب القناة.

قبل ما أكتب عن إنطباعاتي عن التحرير أحب أسجل وأؤكد مرة أخرى موقفي من تصرفات وردود أفعال جهاز الشرطة ... والتي تجلت في تصريحات الأخ العيسوي في رفضة تنفيذ قرار رئيس مجلس الوزراء بفصل الضباط المتهمين بقتل الثوار ... بالرغم إني ضد القرار ده وشايف إنه لازم يبقى صادر من المحكمة بناء على قرار إدانة ... وبالتالي عرفنا مين هما الفلول وليه مافيش أي حاجة إتغيرت في هذا الجهاز الفاسد ... وليه مش عاوزين يغيروا من نفسهم ويبقوا شرطة في خدمة الشعب مش في خدمة السُلطة أو خدمة أنفسهم ... سؤال هل حد فينا شعر خلال الـ 6 شهور إن الشرطة إتغيرت للأفضل ؟ لأ طبعاً هاحكي مثال واضح على عقيدة الشرطة وتفكيرهم وتربيتهم وشوفته بعيني خلال اليومين الماضيين ... في طريقي من مدينة العبور إلى القاهرة كنت إما أختار طريق مصر الإسماعيلية من مدخل العبور عشان أوصل الطريق الدائري .. والمسافة يمكن 3 كم .. كنت في العادة بأخدهم في حوالي ساعة أو ساعة وزيادة من الأزدحام لإن كل الدنيا بتبقى جايه من الأسماعيلية والعاشر من رمضان وبورسعيد أيضاً .. أو باختصر الطريق بالعرض من داخل العبور إلى أن أوصل إلى طريق بلبيس الصحراوي في التقاطع مع مصر إسماعيلية .. والطريق ده بيستغرق 10 دقائق بالظبط ... شوفتوا الفرق ؟ في مدخل طريق مصر الأسماعيلية من طريق بلبيس توجد لجنة ثابتة للشرطة . لإن ده الطريق اللي بيوصل من الشرقية إلى القاهرة - الصحرواي طبعاً - أو اللي رايح الشرقية من الطريق ده لازم يعدي على الكمين وده شيء جيداً جداً عشان لو عربية مسروقة أو حاجه يبقى ما تتسربش من هذا الطريق .. وكمان كان هناك لجنة حجر صحي بتمنع دخول الطيور الحية إلى القاهرة عشان أنفلونزا الطيور وما إلى ذلك .. وكنت حكيت لكم الموقف ده من سنتين لما كان عندي شغل في شقتي وجبت إتنين عمال أعرفهم جيداً متأكد منهم ومن سوكهم لإني مش هادخل بيتي مشبوهين مثلاً .. وجينا بعد الظهر وواحد منهم تلقى إتصال من زوجته إن إبنه تعبان جداً ودخل المستشفى . الولد كان مولود بقى له إسبوع ... فقلت له هاوصلك المستشفى وهاكون معاك وسوقت بسرعة عشان اوصل الراجل ده وجينا في الكمين لا سألني بطاقتك ولا رخصك .. وأمر الناس دول ينزلوا وقال لي إتفضل إنت دول هايفضلوا معانا !!!!!!!! رفضت واصريت إني أبقى معاهم واشوف هايعملوا إيه ... وأخدوا بطايقهم الشصخية .. وأتاري الناس الغلابة اللي زي دول بيمشوا ومعاهم أوراق كتير منها شهادة تأدية الخدمة العسكرية !!!!!!! وأمروهم إن وشهم يبقى في الحيط وأنا كل ده مستغرب وأنا جابوا لي كرسي وحاجه ساقعه ورفضت أقعد أو اشر ب حاجه لإن ده مش موقف ضيافة ... والبيه الظابط قدامه حاجه زي السنترال بيتصل بمديرة الامن عشان تكشف على الصحيفة الجنائية للناس دي ... فأبلغوه على الطرف الثاني مديرية الأمن طبعاً إن جهاز الكمبيوتر عطلان ومش هايقدروا يردوا عليهم دلوقت وقالوا لي إمشي إنت هما هايفضلوا معانا شويه فرفضت وثورت وأشتبكت مع الظابط المسئول وقولت له دي مشكلتكم إنتم إن الكمبيوتر عطلان ولا خربان وإن دي ناس محترمة وكل مشكلتهم إنهم عمال غلابة .. بالمناسبة واحد منهم معاه دبلوم تجارة ... فلما لقوني كده وافقوا وسابوهم أخدتهم معايا ومشيت ولقيت ناس كتير هناك محجوزين بنفس الطريقة المهم ... عديت كذا مرة خلال الأيام الماضية على نفس الكمين .. لقيت البهوات كلهم جايبين كراسي وقاعدين على جنب كل في فترة دوامه ... ورافعين الحواجز اللي كانت بتبقى محطوطة وهاتك لا موخذه يا مرقعه وضحك وتهريج وسايبين الدنيا وولا بيقولوا لحد كخ كده فهي دي شرطتنا ... وقدامك حل من إتنين : 1- إما أن تقبلني إنساناً مغروراً متكبراً يظن نفسه فوق البشر ويهينهم ويقهرهم ويتسلى عليهم والباشا راح والباشا جه . 2- أو يقعد بجلابيته عند أمه بلا عمل ولا أمن ولا بطيخ ويسيب الدنيا تضرب تقلب لحد ما يخلينا نركع ونتوسل إليه إنه يرجع تاني لشغله وأكل عيشه عشان نحس بالأمن وبالتالي يعمل فينا ما بدا له .. حبيت أسجل الملاحظة دي بس ملاحظة أخرى هامة كلنا طبعاً في طريقنا للمطار وأمام الصالات ما كانش حد يجرؤ إنه يفضل بعربيته دقيقة واحده عشان التكدس وسيولة الطريق للي رايح واللي جاي .. وده شيء جيد أمبارح أخويا بيوصلني العصر .. وإني ألمح خيال عسكري حتى يقول لنا إنتوا بتعملوا إيه .. ابداً والراجل ركن عربيته ودخل معايا الصالة ... ويمكن شرب شاي .... وكل سنة وإنتي طيبة يا شرطة مع العلم إن هاتلاقي عينهم قد كده في المرتب الشهري لإنه راجل بيتعب وقاعد عند الحاجه سنية والدته وما بيعملش حاجه لكن مرتبه شغال طبعاً --------- تصدقوا بالله هذا الموقف حدث تماماً معي على العكس ً .. واقف في إشارة عباس العقاد مع زاكر حسين والجو في مصر كان ولعه والعربية مكيفة والواحد مع ذلك مش طايق نفسه الضهر .. إلا والاقي واحد مندوب شرطة واقف في الأشارة وبيبتسم للي رايح واللي جاي فقربت منه وسلمت عليه وقولت له ربنا يعينك وأخبار الشغل والجو إيه ؟ الولد يحمد ربنا بطريقة غريبة وابتسامة لن أنساها وهو واقف تحت الشمس والعرق وبيموت ... فبدون رياء ولا مبالغة قولت له ممكن تقبل مني دول تجيب لك بهم قزازة ميه ساقعه في الجو النار ده ... فبنفس الأبتسامة رفض تماماً وقال لي " أنا حضرتك من الأشراف .. والأشراف ما بيقبلوش الصدقة .. وبعدين ده شغلي اللي باخد عليه مُرتب " لا تعليق

:waving: الغضب هو حالة من حالات الرياضة العنيفة..لكن الجميلة..والمريحة جدا.. كما أنه ينطبق عليه كل ما ينطبق على اللعبات الرياضية الذهنية والبدنية.. يعني هو له جانبه الفني.. وكمان: الشعري..والموسيقي.. وهذا الجانب هو الأبرز من بين سمات هذه الرياضة الخشنة أو "غير اللطيفة" هذا الجانب الموسيقى يتمثل في أنك تزيل من أمامك – بقرار أو بدون قرار – فجأة كل الموانع والكوابح و..تنطلق فإذا كان لديك قدرة جذرية على الملاحظة تستطيع بها أن تلاحظ نفسك وأنت.. في حالة الغضب "خارج ذاتك".. فستسمع بوضوح موسيقى الشلال الهادر العنيف المتدفق من داخلك إلى الخارج..سيمفونية هي أقرب إلى إيقاع العواصف والبراكين والشلالات وقصف الرعود وطبعا..سيمفونية "ضربات القدر" لبيتهوفن.. السمة الأخرى الأبرز لـ"رياضة الغضب" العنيفة هي لونها.. فاللون الوحيد الواجب توافره لئلا تصنف حالات غضبك ضمن "سوء التربية" أو "قلة الأدب" هو اللون الأبيض.. والغضب الأبيض هو الغضب الوحيد الذي ينتمي إلى جنس هذه الرياضة الجديدة دون سائر ألوان الغضب الأخرى وعلى رأسها بالطبع اللون الأسود.. والغضب الأبيض هو الغضب العادل..الموضوعي..الذي يرتكن إلى أسس وقواعد مكينة للنرفزة وحرق الدم موجودة في الواقع من حولنا بغزارة وكثافة لا نهائية في الحقيقة.. والغضب الأبيض – أيضا – هو الغضب الذي وإن كان موجها لشخص أو أشخاص معينين بالاسم والصفة والذات إلا أنه غضب معمم يتجاوز أسماء وصفات وذوات هؤلاء الأشخاص المعينين ويكتسب كل لوازم وأبعاد التعميم على الحالة الهباب التي يحياها الوطن أو المجتمع المصري.. والغضب الأبيض هو – كذلك – غضب نقي..صاف..غير مشوب بأي من لوازم العراك..ووجود واحدة من هذه اللوازم في غضبك معناه أن تتعرض للإيقاف من حكام رياضة الغضب الدوليين (غالبا ده بيتم بقلمين على وشك). ومن بين لوازم العراك الموصوف هنا والممنوعة طبقا لقواعد لعبة الغضب ..ومن أهمها..الألفاظ الرديئة والشتائم..والنبش في تواريخ وذمم الخصوم الخاصة والشخصية..وأهم من ذلك بالتأكيد الحركات الرديئة التي قد تشمل الوجه والأيدى والأصابع وبعض الأعضاء الجسدية الأخرى البعيدة عنها.. الغضب الأبيض هو رياضة الهياج العادل..المستقيم..الجمالي.. هو الخلع المستحق للعقل من سياق أصبح العقل لا يقبله.. وهو الخروج خراج الذات والتدفق من الجلد حيث أن البقاء فيهما لم يعد ممكنا.. وهو التعبير المناسب عن زنقة الذات أو زنقة المجتمع في ثوب لا يلائمه ويرفض خلعه بـ"غتاته" وبدون أسباب.. إذا كنتم قد فهمتم قواعد وأصول رياضة الغضب..وأقتنعتم بها..فهيا معي نستمتع قليلا بغضبنا الأبيض.. ملحوظتان هامتان : الأولى..هي أن الرياضة الوليدة لا تزال في بداية طريقها إلى الأولمبياد لتصبح رياضة دولية معترف بها..ومن ثم فهي ترحب بالمزيد من واضعي القواعد والأصول والأحكام..فمن لديه إضافة فالموضوع سوف يستقبلها بدون غضب.. الثانية..أن صاحب الموضوع وكل واضعي أحكام وأصول وقواعد اللعبة غير مسئولين عن أي أضرار تنجم من جراء ممارستها..ولا يوجد حجوزات أو أقسام مخصوصة بأي من المستشفيات الحكومية أو الخاصة باسم ممارسي رياضة "الغضب الأبيض".. هذا للتنويه..واللهم يسر وأعن..وأستر يا رب :waving:

جمعة يوليو .. ( بالعامية المصرية ) الشاعر : سمير حسن الهواري جمعة خير وسلام وأمان جسر لرمضان ولكل ضمير صاحي وإنسان بينور جوه الضلمه فانوس لعيون غلبان وبيغزل رمش عيونه ف توب يكسي العريان جمعة إنسان بتعشش جوه نفوس الناس بتصحي قلوب بجرس مقلوب وفلاح وأدان ويتيم بيلاقي ف حضن جيرانه حنان وترش الأرض السمره براح تطرح أفراح ويعم الخير ف الأرض البور والصحرا كمان أنا يوليو الثاير إبن يناير بغزل أحزان الحلوه ضفاير وبعدّي بحور لجل الشبابيك تسحب م الضلمه عيون النور سجل يازمان الإيد السمره ، قويه ، عفيه ف إيدها كمان تعزف ألحان وتقول أنا مصر القادره النادره أم الحواديت والقعده الحلوه تلم العيله ف حضن البيت أنا مش توابيت أنا نور وحضاره وأرضي كمان ام الكرامات د أنا أم الدنيا وشمس الدنيا ف عيني تبات سجل يازمان سجل يازمان . وللحديث بقية . سمير الهواري

لو أن نجاح الخطاب يقاس بوصول الرسالة المطلوبة منه لاعطيت اللواء الفنجرى العلامة الكاملة على وضوح خطابة الذى ألقاه اليوم . . الا ان نجاح الخطاب يعتمد على عوامل أخرى كثيرة استحق فيها العلامة الكاملة ايضا بكل جدارة واهمها لغة الجسد وتوقيت الخطاب الذى بخر ما يسمى بمليونية الثلاثاء وحكومة شباب الثورة اسمحولى اشرح المفردات التى استخدمها الفنجرى كى ندرك انه كان مسيطرا تماما على الخطاب ونقل لنا الاحساس بأن الجيش يسيطر على الامور تماما بينما لم يفلح مبارك او شفيق و شرف فى نقل ذلك لنا لانهم لم يأخذوا التدريب الكتفى على ذلك . . وزاد حماسى لشرح هذه المفردات بعد أن قرأت فتاوى 6 أبريل فى تفسيرها : 1- نبرة الصوت القوية تعكس ثقة بالنفس بعكس علو الصوت الذى يستخدمه المصريون فى كلامهم وهو يدل على فقدان الثقة بالنفس وبالاخرين واحساس بالضياع وبالتالى علو الصوت استغاثة من العقل الباطن 2-الضغط على الحروف وتباطؤ الكلمات فى بعض المواضع لتنبيه السامع واثارة ذهنه 3-ثبات النظر مع الارتجال وهو ما لا يضطره للنظر لاسفل والذى يعنى الاسف والندم او تشتت الذهن 4-الوقوف بثبات بوقفة عسكرية منضبطة مع ميله للامام اشارة واضحة للقيادة والسيطرة 5-وضع كفيه على المنصة وكفاه لاسفل فى اشارة واضحة ايضا على السيطرة 6- تعمد فى موضع الوعيد استخدام كل اشاراته . . وضع اليد اليمنى فى الوسط والاشارة بسبابة اليمنى. . ضم قبضة يده . . استخدام نبرة صوت تهديدية . 7 -عندما تكلم عن التنفيذ فرد كف يده اليمنى للامام فى اشارة واضحة للخط المستقيم وفى نفس الوقت خلا حديثه من اى توتر كما ادعى فقهاء 6 ابريل والذى احسسنا به جميعا فى خطاب شرف الاولأولم نشعر به فى اى خطاب لمبارك . . بينما كان شفيق ينقل لك توتره مباشرة كذلك خلا خطاب الفنجرى من اى علامة على الكذب او الخداع ولم يزل جسده بأى لمحة من ذلك وهذا دليل على ان كان صادق تماما فيما يقول . . بينما عمر سليمان بجلاله قدره والذى من المفترض انه يدرب ضباط المخابرات على قهر جهاز كشف الكذب واعتى المستجوبين سقط فى اختبار كريستين وظهرت على جسده علامات التوتر والكذب يمكنكم شراء كتاب فى هذا الموضوع وتعلمه بتفاصيل أكثر لانه ممتع حقا تحياتى

هايل يا عشتار اسمحي لي أشارك معاكم شوفوا يا جماعة الخير إليكم هذه القنبلة لكي تتقن المهارات اللغوية الأربعة في لغة أجنبية لابد أن تتقنها أولا في لغتك الأم فاللغة الأم هي الأساس الذي ترتكز عليه اللغة الأجنبية إذا كنت شخصا خجولا يتحاشى التحدث أمام الناس فهل من المعقول أن تتوقع أن تكون متحدثا لبقا بلغة أجنبية؟؟؟!!! أيضا من لا يجب القراءة بلغته و يقرأ صفحة واحدة في ساعة و قد لا يكملها هل من المحتمل ان يُقبل على القراءة بلغة أجنبية؟؟؟ مهارة الاستماع ليس لها علاقة بعائق اللغة الأجنبية فقد تسمع حوار بلغتك و لهجتك و تسقط منك كلمات لا تستوضحها و تسأل محدثك أن يعيدها مرة أخرى على مسامعك أما الكتابة فهي مهارة يمكن اكتسابها بسهولة و الخطوة الأولى لذلك هو التعود على التعامل مع الأفكار التي ترد إلى خواطرنا و كيف تنظمها و تصوغها باستخدام التراكيب اللغوية التي لا تكتسب إلا عن طريق القراءة و الاستماع اللغة سر من أسرار الخالق جل و علا وَعَلَّمَ آدَمَ الأَسْمَاء كُلَّهَا ثُمَّ عَرَضَهُمْ عَلَى الْمَلاَئِكَةِ فَقَالَ أَنبِئُونِي بِأَسْمَاء هَـؤُلاء إِن كُنتُمْ صَادِقِينَ{31}البقرة ما اللغات إلا أسماء متنوعة للأشياء معاكم بإذن الله و حاضرة لأي استفسار و بإذن الله أضع لحضراتكم تدريبات للمهارات الأربعة بعد إذن ميس عشتار طبعا :blush2:

http://www.youtube.com/watch?v=GFeNzJDPjN4&feature=related صلاه القيام جزاكم الله خيراً

لا انا حاطرقها لحضرتك...اولا واضح انك بتجيب فيديوهات من عناوينها تظهر عقلية اصحابها...توجهات ساويروس ضد الاسلام..حضرتك سمعت و فهمت الفيديو كويس و لا كوبي و بيست علطول؟؟ اما الفيديو التاني فما الدين اللي سبه..الدين المسيحي و لا الاسلامي و لا ايه ..و عشان مبقاش بدافع عن خطاء..الراجل اخطاء و هو يتحمل خطائه ..و بدل منقوم الناس عليه روح ارفع قضية سب و قذف...اما لو كانت الكلمة اتعبتك نفسيا كما لو انك مسمعتهاش قبل كدة..فانزل الشارع و اركب مواصلات و بعدين ابقي تعالى احكيلنا عن اخلاقيات الشارع المصري..لو بجد عمرك ما سمعت الحاجات دي فبلاش تنزل لان ممكن يجيلك صدمة عصبية...اما عن فيديو الاخ عمر عفيفي..يا ريت تقرا و تعرف الاول مين هو الاخ عمر عفيفي و بعدين تبقى تستشهد بكلامه..دي لغة حوراه نفسها لا تنم عن احترام ذاتي..بس هي مبقيتش خافية على الكل..اللي عايز يركب الموجة اليومين دول ...يعلي صوته و يعمل عنتر...بالمناسبة انا ممكن ارد علي فيديوهاتك بفيديوهات تانية...بس انا افضل الا انساق وراء تحريض الاخرين و ان اعمل بضم الالف عقلي...تحياتي لاصحاب العقول في المنتدي

عزيزتى دكتوره ام احمد انا لا الومك على نشر هذا الخبر فانا متأكد ان حضرتك نشرتى الخبر ده بسبب حبك لمصر و خوفك عليها لكن احب اطمئنك ان الخبر ده غير صحيح تماما و انا حزين ان جريده زى الوفد تنشر خبر زى ده من غير التأكد منه ليه المحرر متأكدش بنفسه ان فيه استفتاء الكترونى زى ده و على حد زعمه 2.9 مليون واحد وقعوه؟. انا عمرى ما سمعت ان فيه استفتاء الكترونى وقعه هذا العدد اصلا! منتهى عدم المهنيه و الاستغلال السيئ للحريه للأسف كتير من الجرايد تنشر اخبار عن ما يسمى "اقباط المهجر" تشعر عندما تقرأها ان فيه دوله قبطيه هتقوم بكره مين رمزى بولس ده اصلا و مين موريس صادق ده راخر من سنه كده بدأت اقرأ فى الصحف المصريه عن موريس صادق ده رغم إننى عمرى ما سمعت عنه فى الاوساط القبطيه عملت سيرش على جوجل طلعلى بلوج تعبان و كحيان باسمه الشخص ده مع نفسه خالص و حتى مبشتغلش من خلال مؤسسه او جمعيه حقيقيه ليها مؤيدين حتى دلوقتى حاولت الاقى الموقع بتاعه و ملقتهوش و الكلام عن دوله قبطيه كلام فارغ و ميدخلش عقل عيل صغير الاقباط موجودين فى كل مدينه و محافظه فى مصر. هيسيبوا بيوتهم و شغلهم و دراستهم و يروحوا فين؟ هيسيبوا كنايسهم و اديرتهم الاثريه اللى موجوده فى كل انحاء مصر لمين؟ و بعدين الاقباط ملهومش مناطق جغرافيه بيمثلوا اغلبيه فيها كلام فارغ مبيجيش من وراه غير الفتنه انا مش بلوم حضرتك على حبك لمصر لكن برجاء التعقل قليلا و عدم تصديق هذه الاخبار المغرضه بسبب الاندفاع العاطفى تقبلى فائق الاحترام

http://www.youtube.com/watch?v=7GvndMNbdFY

كل سنة وحضراتكم طيبين بكرة ان شاء الله الخميس 13 شعبان إن شاء الله الخميس والجمعة والسبت صيام الثلاث ايام القمرية لمن اراد كل سنة ومصر والامة العربية والاسلامية كلها بخير تقبل الله منا ومنكم صالح الأعمال

غدا الخميس بمشيئة الله هو أول الأيام البيض من شهر شعبان تذكرة لنفسي ولمن يرغب في صيام هذه الأيام المباركة (13، 14،15 ) وكل عام وأنتم بخير اللهم بلغنا رمضان وارزقنا عاملا صالحا متقبلا

أستاذ شرف الدين إسمح لي بالرد عليك و إن كان كلامك موجه للأخ سي السيد و ده بعد إذنه طبعاً تكلمت و كأن الوضع لا يحتمل بدائل أخرى .. كأن دولابك فاضي .. و هذا لا ينطبق على الوضع الذي نتكلم عنه بالفعل ثوبك مهترئ و كثير الرقع و الثقوب و الجسد تحته يشكو من إنعدام الستر .. و لكن البدائل موجوده فما الذي يجعلك شديد التمسك بهذا الثوب؟ الحلول موجوده و تم طرحها جنباً إلى جنب مع المطالبه بإقصاء العناصر الفاسده من الجهاز حتى إنه في خطوات تمت بالفعل قبل الإقصاء الذي تم اليوم بالفعل عندما تم تخريج دفعه جديده من كلية الشرطه مبكراً حتى يتم الإستعانه بها في مواجهة الإنفلات الأمني و البدائل الأخرى كثيره و يمكنك زيارة هذا الرابط إن لم تكن قد سمعت بها من قبل كوادر بديله للشرطه الحاليه يعني الحمد لله مصر ولاده و الدولاب عمران ... تتمسك حضرتك بالثوب المهترئ الذي يشي بأكثر مما يستر ليه بقى ؟؟ عذراً أخي الفاضل .. مسألة الصبر على جار السو دي قرر شعب مصر بأكمله أن ينتهي منها .. قرر ذلك عندما عرف قيمة ترابطه و قدر نفسه و قوة تأثيره عندما يتحد و يتفق على المطالبه بحقه الصبر على جار السو مع العلم بأنه جار سو ما هو إلا ضعف و وهن لا يليق بمصر بعد الثوره .. رغم أنني كنت أعتقد أن هذا واضحاً جلياً للجميع لكن بقراءة كلامك الذي إقتبسته أنا بالأعلى يتضح لي أنه لا بد لي من ذكره هنا مره أخرى ربما للتذكره فالذكرى تنفع المؤمنين من العبث أن نتلاعب بالكلمات و نخلط المصطلحات بحيث يصبح التطهير و إصلاح الأوضاع و تطبيق العقاب و الثواب ((ثأراً ليس من شيم العقلاء )) !!! ألا توافقني في هذا ؟ من كلامك سأرد عليك .. فلقد قلت : هذه هي طبيعة القضاء المصري منذ قديم الزمن .. لم تقل : هذا هو حال القضاء منذ قديم الزمن .. ربما لذلك كان هذا سبباً من ضمن أسباب قيام الثوره في مصر بالتحديد لماذا تستكثر علينا أن نأمل بقضاء أفضل في مصر بعد الثوره مما كان عليه قبلها ؟؟ هل لا يحق لنا الإعتراض إلا إن كان الوضع يسوء بعد الثوره ؟ ألا يحق لنا المطالبه بإصلاح الوضع خاصة بعد الثوره ؟ لا أعرف لما لا أشعر بأي تقدير لتلك الثوره في عموم حديثك !!! و ما وجه أعتراضك على إتخاذ الخطوتين معاَ؟ هل يعجبك أن يتم التحقيق مع المتهم ثم يخرج من مكان التحقيق و يعود لعمله الذي يمنحه من الصلاحيات و السلطات التي لا يستحقها ما يمكنه من التلاعب بالأدله و شراء شهود لمناصرته و تهديد الشهود اللذين يشهدون ضده ؟ و ما أقوله الآن ليس درباً من دروب الخيال بل أمر واقع حدث و أن تمت الشكوى منه بالفعل لكن المشكله أن من يعارض إقصاء المتهمين لا يسمع و لا يرى هذه الأحداث و لا أعرف لهذا تبريراً مع إحترامي لوجهة نظر حضرتك في هذا الأمر لكن إسمح لي .. ذكرتني بمن أباح قبول الديه و تقفيل القضيه لو أن إبنك شهيداً في حرب و عاد إليك جثماناً هامداً مكللاَ بالنصر لكان معك الحق فيما ذهبت إليه .. لأنه شهيد متوج بالنصر و ثأره في نصره و لو أن إبنك شهيداً لكنه عاد إليك جثماناً هامداً و قدر الله ان لا ترتفع راية النصر بيديه لما هدأ لك بالاً و لا غمض لك جفناً إلا بالثأر و بحرب أخرى تحرز النصر حتى و لو لم يكن لك و لا لإبنك فيها ناقة و لا جمل هكذا هو الحال لو كانت حرباً .. فما بالك لو كان إبنك هذا خرج ليستعيد حقه في الحياة الكريمه .. خرج بلا رصاص و لا سلاح و عاد إليك و رصاص الغدر ثاقباً غائراً في جسده بلا ذنب و لا جريره؟ الا يستحق منك ان تبحث له عن حقه ؟ الا يستحق منك أن تنتقم من من غدره ؟ الا يستحق منك أن تقتص ممن أنهى حياته؟ إن كان هذا رأيك حقاً فعلى الأقل لا حق لك أن تستكثر على من تغلب عليهم الفطره السليمه أن يطالبون باتلقصاص الذي قال الله سبحانه و تعالى عنه : بسم الله الرحمن الرحيم {{ يَا أَيُّهَا الَّذِينَ آمَنُواْ كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالأُنثَى بِالأُنثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاء إِلَيْهِ بِإِحْسَانٍ ذَلِكَ تَخْفِيفٌ مِّن رَّبِّكُمْ وَرَحْمَةٌ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ (178)}} صدق الله العظيم

هل في ارقام لحركة التنقلات لسنوات سابقه علشان نعرف بالظبط ايه حجم التغير اللي حصل لان دة بيحصل كل سنه ومعروف ان البوليس بيطلع معاش بدري

أهم شيء مطلوب المرحلة القادمة أن يُكلف جهاز الامن الوطني بمراقبة هؤلاء مراقبة جيدة ... حاشا لله أن نتهمهم بأشياء لم يفعلوها في المستقبل لكن زي ما كان كل مواطن مصري شريف ولا متهم ول لسه في بطن أمه له ملف عندهم أرجو إنهم يشوفوا شغلهم ويراقبوا الناس دي اللي ممكن تنتقم من الشعب كله اللي عراهم وخلاهم يلبسوا الجلابية بدري بدري ... بالتأكيد سيكون لبعض منهم ردور أفعال مجنونة ...

السلام عليكم و رحمة الله و بركاته أداء المجلس العسكري في فترة المرحلة الانتقالية بنتناوله عرضا في كثير من المداخلات التوبيك هنا ببساطة شديدة و ارجو انه يخلو من "النعرات" و من التحديات التوبيك ببساطة بحاول ان الاقي اجابة للتساؤلات التالية: 1- هل من حقنا نقيم اداء المجلس العسكري و بنتكلم هنا عن "ادارة" و طريقة صنع القرار و مش بنتكلم عن جيش محدش هيخش يزايد و لا اصلا هيجي جنبه. 2- انا محطتش بنود الاستفتاء لان ببساطة عايزين نتفق كلنا مع بعض ايه هي معايير تقييم الاداء و لما نتفق عليها نحطها و نعمل عليها تصويت. 3- بفكر ان بعد ما نوصل للمرحلة دي اكيد هنخرج بمجموعة من التوصيات او الاقتراحات و ان كانت علي الانترنت فممكن نتواصل بيها علي صفحة القوات المسلحة علي الفيس بوك احنا مش هنعارض و خلاص و لا هنؤيد و خلاص احنا ببساطة بنحط معايير واضحة و بنقيم عليها اداء و تبقي في الاخر دي اجتهادات مننا شخصية لكن بنحاول منها ان احنا نفهم معطيات الوضع الحالي اعتبروها جزء من التوعية السياسية اللي ممكن نعملها علي الانترنت و تقبلوا وافر التحية

الاخت العزيزة لماضة مصرية تحية طيبة الحقيقة إن الدافع لكتابتي هذه المداخلة هو فقط ذوقك واسلوبك الذي يأسر من تخاطبيه وبالتالي أجدني ملزم بالرد بالتفصيل ردأ لجميل قولك ياعزيزتي تعالي نذهب سوياً لأول الحدوته شباب يقف وقفة احتجاجية سليمة .. يقمع .. ينادي يا أهلينا انضموا لينا شعب عظيم يستجيب لثورة مكبوته بداخله وقد آن الأوان لخروج المارد من القمقم شرطة تستخدم أقصى درجات العنف تخبط في قرارات وزير داخلية دموي مخبول ومريض ورئيس مشلول وقيادة سياسية فاسدة متخبطة ثم خطاب واتين لايمتصوا غضب الناس ثم تعديل وزاري معقول ثم خطاب الثلاثاء وهاموت على ارض مصر والشعب طبعا عاطفي بدأ يلين ثم اربعاء دامي بموقعة الخيول ثم مسلسل سقوط ذريع وسريع لنظام مات من زمان وينتظر قرار دفنه. الجيش..مشكور..يتدخل وينتشر ويحمي الثورة يرفض ان يطلق النار او المشير يشخط في جمال او غير ذلك من رويات لايوجد دليل مادي ملموس لنفيها او اثباتها سنضعها جانبا لانها لاتفيد حيث اننا – الناس العادية والشعب والثوار- في غاية الامتنان للجيش المصري العظيم الذي يحمي ثورة شعب عظيم ث م و آه من ثم نأتي للتدقيق في ملامح وتفاصيل الصورة لتعرفي ياسيدتي من أين اتت الانطباعات السلبية عندي وعند كثيرين من المجلس العسكري ويجب أن نفرق بين جيش عظيم ومجلس رئاسي عسكري يحمل مهام رئيس الدول طواعية أولا: المجلس يطيل من عمر حكومة شفيق التي منطقيا سقطت بسقوط رئيس مخلوع بإرادة شعبية.. ثم دعينا نسأل ..أين محاكمة شفيق حتى يومنا هذا عن تقاعسة عن نجدت آلاف من أبناء شعب مصر في حالة إبادة على شاشات التلفزة في بث حي .. وأين محاكمة السيد وجدي وزير الداخلية المتواطيء الذي أؤكد لك كأحد سكان محافظة القليوبية انه فسادة يزيد أو يقارب فساد العادلي نفسه.. لماذا يربت المجلس العسكري الذي يحكم مصر على أكتاف هؤلاء حتى يومنا هذا. ثانيا: أيام حكومة شفيق حاول المجلس تقليص الثورة بتقليص مساحة الميدان وتحركت الدبابت بالفعل فما كان من الناس إلا أنهم ناموا على جنزير الدبابة لمنعها من الحركة .. تصرف مريب من مجلس رئاسي يفترض الشعب فيه حسن النيه وانه يحمي ثورته ثالثا: يتم إقالة حكومة شفيق والمجيء بعصام بسبب ضغط الشارع وتمسكه بثورته ..أين حسن النية في المجلس وأين الرؤية الواضحة التي نستشفها من هكذا أفعال.. الايام سوف تثبت انه لايوجد رؤية واضح ومنهج واضحة المعالم لدى هذا المجلس سوى انه يرى ثورتنا مجرد حركة اصلاح مطلوب لها ان تنتهي الى : لاتلقي زبالة في الشارع .. لاتعاكس البنات .. خليك حلو عشان احبك .. انه باختصار امتداد لشفيق بنبوني .. ولكن دعينا نتابع المزيد

الف الف الف مبرووووووووووووووووووك يا حساام بس ايه اللي انت عملته في نفسك ده بكره تعرف ان الحرية مش ببلاش :closedeyes:

السلام عليكم و رحمة الله و بركاته بشكر كل اساتذتي اللي شاركوا في الموضوع و لي عودة علي التعقيب علي مداخلاتهم كلا علي حدة بؤكد للمرة التانية ان الغرض من التوبيك مش اني اقول ان المجلس العسكري حلو و لا وحش (مع احترامي لكلا الاختيارين) لكن بنحاول نقيم اداء في ضوء معايير محددة و اصلا معترفة دوليا لتقييم الأداء اسمحولي اني احط المعايير دي و برضه حضراتكم ممكن تضيفوا و تعدلوا عليها في ضوء خبراتكم و رؤيتكم اود الفت النظر ان المعايير دي باللغة الانجليزية و الافضل قراءتها بالانجليزية و انا هدرج الموقع للاستفادة و ممكن بكل بساطة تخشوا علي جوجل و تكتبوا الكلمة دي Quality Management و بفكركم اني ابتيدت ب”أداء إدارة” المجلس العسكري و هيتبعه "اداء حكومة" دكتور شرف لان امبارح اللوا الفنجري قالها في نص الخطاب المؤسسة العسكرية هي مؤسسة ادارية و الحكومة هي جهة تنفيذية يبقي نمسك الراس من فوق المعايير كالتالي: 1- Focus on your customer التركيز علي الفئة المستهدفة- التركيز علي المستفيد 2- provide leadership (القيادة: توحيد الاهداف و خلق مناخ يشجع الأفراد علي تحقيق الاهداف) 3- Involve your people (المشاركة مع الاطراف المعنية) 4- Use a Process approach تبني مدخل العمليات: تحديد الاهداف بشكل واضح- تحديد النتائج المرجوة- تحديد الآليات للوصول للأهداف). 5- Take system approach تبني مدخل إرساء النظام: النظام هنا مش مقصود بيه حالة امنية مقصود بيه هو إرساء قواعد عمل و قانون يمكن لمن يخلفك ان يسير عليه). 6- Encourage continual improvment التحسن المستمر: عن طريق تقييم للاداء علي فترات من 3 الي 6 شهور- القدرة علي اتخاذ خطوات استباقية احترازية) 7- Get the facts before you decide بناء القرارات علي حقائق: جمع البيانات و توظيفها و البناء عليها) 8- Work with your suppliers (تحديد مكتسبات قصيرة المدى و اخري علي المدي البعيد- مشاركة المعلومات و الخطط> الترجمة بتصرف و المصدر: http://www.praxiom.com/principles.htm ----------------------------------------- لو حضراتكم نتفقين علي المعايير دي...(مش اختراعي دي معايير الادارة ذات جودة و اللي ممكن نطبقها علي أي إدارة ابتداء من إدارة أسرة و نهاية بإدارة مؤسسة حتي لو كانت عسكرية) يبقي هنحط المعايير دي و نعمل استفتاء عليها بس عندي اقتراحين: 1- الاستفتاء يككون محدد بوقت علشان نقدر نطلع منه بنتيجة. 2- الاستفتاء ميكونشي ايوة و لا لا يكون مقياس متدرج من 5 مثلا او 10 (معرفشي ده ينفع و لا ايه) و مستنية اسمع اقتراحاتكم و معلشي ان المداخلة تبدو اكاديمية شوية بس علشان منبقاش قاعدين نقول ده حلو و ده وحش من غير ما يكون عندنا طريقة منظمة في التفكير و دي وجهة نظري تحياتي

فعلا حضرتك محلل رائع استاذ سي سيد كلنا غير راضين لكن مع كده لسه في ناس ضد الثوار!!! لو اي حد خد باله من القنوات المصرية سيلاحظ انها تنتقد الثوار فقط عندما تعلو الاصوات ضد الثوار فقط وتكون معهم لما يكون هنااك تجمع على رأيهم في العاشرة مساءا امس استطاعت مكالمة تليفونية من لواء جيش ان تربك منى االشاذلي عندما انتقدها وقال كيف تقول هي وضيوفها ان العسكريين لا يفهموا بالسياسة وهم يدرسونها على أعلى مستوى بكلياتهم!!! الظاهر انهم مش عايزين حروب ودفاع عن الوطن والظاهر لعبة السياسة دخلت فعلا مزاجهم بجد وربنا يستر

على صفحة دكتور عصام شرف مكتوب السؤال الاتي هاااا يا جماعة تحبوا مين يبقى وزير ايه؟؟؟؟؟ عن نفسي اتمنى دكتور عمرو خالد وزيرا للشباب دكتور ابراهيم الفقي وزيرا للتنمية البشرية وائل غنيم وزير الاتصالات

كل ده واكتر وفيه ناس لسه بتقول الشباب بتعمل ايه في ميدان التحرير والسويس كل ده وفيه ناس بتتهم الشباب بالتخوين والعمالة والبلطجة وبيقولوا بيتاجروا بدم الشهداء وكانهم هياخدوا فلوس ويحطوها في جيبهم للاسف حكومة الثورة لحد اللحظة لا تمثل الثورة

بنى وطنى احم احم من الاخر كدا فى احداث كتير حصلت فى العشرين سنه الاخيره يا ترى كل واحد فينا كان بيعمل ايه ساعتها نسال عن حدث و بعد ما نجاوب كلنا عليه هننتقل للتانى موافقين يالله اول حدث سعيد امممم قصدى عصيب محاوله اغتيال الرئيس مبارك فى اديس ابابا فاكرينها دى الى قاعدوا يعيدوا علينا فيها اغنيه اخترناه كنوع من التعذيب لاننا لسه على قيد الحياه بعد المحاوله الفاسله يا ترى كنت فين و بتعمل ايه لما سمعت اول مره عن الحادثه دى؟

اخويا الغالي عنبوووووووو مش عارف اقولك ايه عالمفاجاة الجميلة دى ربنا يفرحك ويبسطك ويحققلك كل امانيك اللى بتحلم بيها (اللهم آمين) --------------- بس عشان انا محبش انك ومكاوى تختلفوا عالبوفيه والراقصة....... فالفرح باذن الله إسلامى (بشكل غير تقليدى) وبكدة مش هيبقى ليه لزوم الراقصة وهنقتصر عالبوفيه فقط - المهم متتاخروش عشان انا عايزكوا كلكوا تبقوا معايا عشان الفرحة تكمل :)

اللي لحد دلوقت مش قادر أفهمه حتى في عهد مبارك هو أنتوا بتغيروا وزير وتجيبوا وزير بناء على إيه ؟ 1- دمه مش خفيف على قلب رئيس الحكومة ؟ 2- فاشل ... طب لما هو فاشل إختاروته على أنهي أساس ؟ 3- لم ينفذ برنامج الحكومة .. اللي هو إيه لا مؤخذه ؟ أيوه يعني لما وزير بيتعين بيقول أنا هاعمل كذا وكذا وكذا وبعد فترة بيفشل ؟ طب ده في ناس مع عصام شرف ما كملتش شهر زي وزير الخارجية .. يبقى لحق يفشل إمتى ؟ وهل أي وزير بيبقى عنده خطة مستقبلية بيقدمها لرئيس الحكومة وبيتحاسب عليها ؟ ولا هو مجرد واحد بينفذ خطة من ناس أعلى منه ولا هو في إيده قرار وبيعمل اللي شايفه صح ؟

مذبحة سريبرينيتسا:

شعر الزوج بان زوجته أصبحت ضعيفة السمع.. وخوفا عليها ذهب للطبيب لاستشارته فأجابه الطبيب: كل مشكلة و لديها حل لكن لكي نفهم الوضع أكثر ممكن تعمل تجربة ...ابعد عن زوجتك 40 متر و كلمها بنبرة صوت عادية جدا لو لم ترد قرب 30 متر و كلمها لو لم ترد قرب 20 متر و كلمها لو لم ترد قرب 10 متر و كلمها وبالفعل.. عاد الزوج للمنزل ووجد زوجته بالمطبخ فابتعد عنها بمسافة 40 متر وقال بنبرة صوت عادية ماذا صنعت لنا اليوم على العشاء ؟ ولم ترد فتقدم الزوج 30 متر و قال للمرة الثانية ماذا صنعت لنا اليوم على العشاء ؟ ولم ترد فتقدم الزوج 20 متر و قال للمرة الثالثة ماذا صنعت لنا اليوم على العشاء ؟ ولم ترد فتقدم الزوج 10 متر و قال للمرة الرابعة ماذا صنعت لنا اليوم على العشاء ؟ ولم ترد فتقدم الزوج بالقرب من زوجته تماما و قال للمرة الخامسة: ماذا صنعت لنا اليوم على العشاء ؟ هنا قالت الزوجة بغضب للمرة الخامسة أقول لك أني صنعت أرزاً ولحماً!! ليس بالضرورة أن يكون العيب في الآخرين

ردى على بيان اليوم ( فنجرى بق ) مع الاعتذار للساده الزملاء والفاضل صاحب الموضوع

اولا يعني ايه بدل السكن عند الاستقدام ؟ وقبل السكن هاتنام في الشارع؟ الاجازه 30 يوم وليه الاستقدام بعد 3 شهور من حقك تستقدم بعد الاقامه والتذكره الاولانيه وانت جاي عليهم مصاريفك 2000 ريال اكل وشرب 500-700 انتقالات غير المدارس واشمعني 5 ويبقو7 بعد 6شهور انت خبرتك تستحق السبعه من الاول بصراحه انا شخصيا مش مستريح

دمها سكر ,, ربنا يحمي المضربين عن الطعام ربنا يحميهم دعواتكم عمر الهزار مايبقى فى الكلام ده ولعب الفوتوشوب ده لان الرسالة دى مطلعتش من المجلس العسكرى لانها مش موجودة على صفحتههم على الفيس بوك فيا ريت بلاش الهزار البلد مش ناقصة

ست سـتات عملوا حادثة كل واحدة اتصلت بزوجها وردوا عليهم:- اللبناني: بعيد الشر عنيك حبيبة ألبي ...أنا هلأ جايي عالطريء الفلسطيني: سلامة كلبك يا روح كلبي أنا جاي ركد عالطريك الكويتي: شنو امطلعج الظهر طلعت روحج تغطي زين عن الرياييل لين اوصل السوري: حادث شو ؟ لك تئبري ألبي يا عمري سلامتك الأردني: حادثة !!! صارلك شئ حبيبتي؟ المصري: بتقولي معاكي خمس ستات؟ ثواني واكون عندك

الغالية / ريهام اشكرك على اتفاقك معي يا اختاه ... لو أننا نريد ترسيخ دولة القانون وليس قانون الغابة ... فيجب أن نضع في اعتبارنا قاعدة هامة جدا تنص عليها كل دساتير الدنيا. هذه القاعدة تقول " لا يوجد قانون يطبق بأثر رجعي " بما معناه أن رجال العهد السابق يجب أن يحاكموا وفقا لقانون العهد السابق .. مهما كان هذا القانون حتى لو أن هذا القانون كان صادما لنا أو به ثغرات تؤدي إلى إفلات المجرم من العقاب .. مهما كان هذا القانون فإنه يجب علينا احترامه .. هذا إن كنا نريد أن نؤسس دولة تحترم القانون .. فعلينا أن نكون نحن أول من يحترم القانون. قد تقولين يا أختاه .. ولكن الاحتكام لهذه القوانين قد يفضي إلى براءة جميع مسؤولي النظام السابق لأنهم وبتعبير قالته العزيزة بينك سابقا ( مستفين ورقهم كويس ) ... فأقول لك ... لا مشكلة وكما قال شيخ الأزهر الراجل محمد طنطاوي ( حقهم ) .. فنحن يا أختاه علينا أن نسأل أنفسنا ... هل نريد السجن لهؤلاء المسؤولين .. أم نريد محاكمتهم ؟ إجابة هذا السؤال الصريحة الواضحة التي يجب أن تكون داخل كل واحد فينا .. هي التي ستنهي كل هذا الخلاف. لو أننا نريد سجنهم بغض النظر عن مسوغات هذا السجن .. فقلت سابقا على المعتصمين في التحرير رفع لافتة بالأحكام المطلوبة ... ومطالبة الحكومة بتنفيذها ... أما لو أننا نريد محاكمتهم فيجب أن نضع نصب أعيننا .. النقاط الآتية 1- أن ننسى تماما أنهم كانوا من رجال العهد السابق .. وأنهم الآن متهمون فقط لا غير .. لهم كل الأحقية في الدفاع عن أنفسهم بكل الأساليب المشروعة. 2- أن نقبل تماما بأي أحكام يصدرها القضاء بشأنهم .. مهما كانت هذه الأحكام خاطئة في نظرنا فإنه يجب أن نقبلها .. لأن من يريد دولة القانون .. يجب أن يكون هو أول من يقبل نتائج القانون. 3- يجب أن نؤمن تماما أن العدالة المطلقة لا تتحقق أبدا في الدنيا .. فالعدالة الحقة أمام الواحد الديان .. ولو أنهم أخذوا أحكاما بالبراءة نتيجة ثغرات قانونية أو نتيجة لعدم اكتمال الإجراءات .. فعلينا ألا نعترض أيضا .. لأن هذا هو القانون. وأما بخصوص مسألة التحريات .. فإنا أحب دائما المثل الأميركي ( take it or leave it ) .. واحدة من اثنتين .. إما أننا نثق برجال النيابة ورجال القضاء .. بمعنى أدق نثق في المنظومة القضائية وعليه فإننا نقبل بنتائجها .. ونصدق ما يقوله رجالها بدون الحاجة للتأكد عن طريق التصوير أو البث المباشر أو غيره. وإما أننا لا نثق بهم .. وفي هذه الحال علينا بالأساس ألا نطالب بإحالة القضايا إليهم .. لأنهم غير محل ثقة .. وإذا كانوا غير محل ثقة في الأول .. فسيكونون غير محل ثقة في الآخر .. وعليه فإن أحكامهم ستكون عرضة للشكوك والظنون. تحياتي

ماشى .. حضرتك ياسيد تيمور بتقول ان المجلس ده ما ينفعش ..(( حافظين مش فاهمين )).. و... حضرتك وضعت لنا هنا مداخلة (( لأحد الكوادر ))...معرفش يعنى كوادر ايه وكوادر مين ..واحنا مالنا ف المحاورات بالكوادر دول يعنى ؟؟ والكادر ده بقى بيقول .....اكيد النهاردة او بكرة بالكتير فيه مجزرة حاتحصل.. طيب... تصدق وتآمن بالله....قول لا اله الا الله.. انا معروف عنى انى فعلا عندى طولة بال وصبورة بس بصراحة..!!! بصراحة يعنى ...!! انت (( مش ممكن )) ....دى ( تانى مرة فقط اللى اعطى لأى حد تقدير سالب ) اعطيتك تقدير سالب ..ف مداخلة واحدة..بس بصراحة لك اكثر من مداخلة مستفزة هنا. انت بتشعلل الدنيا... انت عايز تولع الدنيا... بتنادى بايه بالظبط؟؟؟ يعنى المجلس (( حافظ ومش فاهم ؟؟ )) ...وبعدين تتريق وتقول (( الراجل اللى ورا عمر سليمان هو نفسه اللى ورا الفنجرى )) هى دى حرية رأى ؟؟؟ هو ده الحوار ؟؟؟ حوار مثمر ؟؟؟؟؟ حرااااام بجد. وبعدين تقول دول بيعاملونا زى الاسرائيليين.. عايز ايه؟؟ عايزها تولع اكتر من كدة ابه؟؟ برضه..أنا بمسك نفسى ومش بكتب مثلا تعليق.. لك مداخلة بتسخر فيها من عضو...بيقول ان بتوع السادس من ابريل فاكرين نفسهم صفوة .. وحضرتك بترد وتقول خلاص يعنى بقى خللوا البسطاء يحكموا ..و...بلابلابلابلابلابلابلا... طيب.... انا بنفسى شفت فيديو ...(( كله منظرة يعنى منظرة ...وشوية عيال ( لأن ملهمش اى اسم تانى )..)) بيستعبطوا وصدقوا فعلا ان هم اللى عملوا كل الثورة دى .. لالالالالا ياتيمور بك. نقطة نظام ...نقطة نظام...نقطة نظام... وشوية ميه ساقعة تفوق العيال دى.. المجموعة اللى كانت هى السبب ف اشعال شرارة الثورة مجموعة رائعة فعلا وولاد ضحوا علشان الباقى يعيش و نقطة الدم منهم تطهر جيل كامل سابق مقدرش يعمل حاجة .. ولاد...من كل مصر...من كل حتة فيكى يامصر.. ما تجيش حضرتك وتختزل كل حاجة ف ...شوية قاعدين على ترابيزة وفاكرين نفسهم هما اللى عملوا كل حاجة .. وبلاش .. بلاش يعنى بلاش ... بلاش نفتح دفاااااتر كتيرررررررونتكلم بقى عن ....حاجات كتيررررر بتحصل من وراء الكواليس. ايوة .. ايوة ياباشا... مش وقته... لكن؟؟ اقسم برب العزة ...عندما تستقر الأمور . اقسم بالله العلى العظيم سوف آتى لكم هنا بكل ما يثبت ....أنه رغم اعتراض الكثيرين على المشير طنطاوى ..وانا ايضا لى عليه تحفظات . وانا ايضا هنا ...فى مداخلة قديمة لى هنا...تنبأت ان يكون الرئيس القادم هو السيد سامى عنان..بعد استقالته من الجيش .(( لو اضطرت الامور الى اللجوء لذلك..!!!!!!!)) واشياء كثيرة جدااااا اقول لكم.. خيرا فعل المجلس العسكرى .. خيرا فعل ... مصر فوق الجميع.. مصر فوق الجميع ويجب النظر للأمور بطريقة ....حكيمة وعاقلة . اعمل معروف ياتيمور بك....بالله عليك ياأخى.. أرحمنا شوية وارحم الناس . خلاص بقى كفاية . ثق ف ربنا الأول ...ثم...ثق ف جيش بلدك.

عزيزى ممكن توضحلى انت كنت كاتب مستوى كام فى الابليكشن ؟ وانت وصلت للمستوى الكام ؟ برضوه انت كاتب المستوى الكام للمدام ؟ وانت متوقع مقابلتك تكون امتى ؟

اعداد وثيقة مبادئ حاكمة لاختيار اعضاء اللجنة التاسيسية للدستور هل ده معناه ان الدستور قبل الانتخبات ام انها ستكون وثيقة لمن يتم اختياره من النواب بعد التشريعية لعضوية اللجنه ! يا خبر بفلوس ,,

توبيك جميل ياامل حياتى صورنا كتيرة اوى ولا محل المصوراتى لكن دى بعض صور اخدناها بالموبايل الصيف ده بمطروح شاطئ عجيبة عبودى على هضبة عجيبة شاطئ الابيض الابيض فى الغروب

طريق طويل و في آخره دراعين مفتوحين ليك بحجم الكون بحاله حياتك....كده لكل حد فينا....طريق...بنجري فيه...بنتكعبل....بس عينينا ديما علي الايدين اللي دايما مستنيانا في آخره و بتعوضنا عن تعب الطريق بحاله

مشاركة كتبتها من زمان ، وقريتها بالصدفة... واقدر دلوقتي أعلّق عليها والشركة نفسها هيه الشركة الأولى على مستوى العالم في الحفر البحري عن البترول ، والسيستم بتاعها محترم بشكل فوق الوصف... ولا أنسى طبعاً كورس جوهانسبيرج اللي المفروض بيتعمل كل سنتين! الناس اللي معايا ف الشغل ؛ وبالأخص المديرين (الأمريكان) شايلينّي على كفوف الراحة... محدّش بيطلب منّي أي حاجة... وعادي جداً إن الدكتور نايم... لدرجت إني لما باحضر الميتنج الصباحي (6 إلا ربع) ، مرة ألاقي مدير البريمة يسأل الناس (سمعت إن المجاري طفحت ف الدور الأول و وصلت لبتاع نص متر) ودول يقولوله لأ خالص ، إحنا لسّه جايين م الحمامات والحالة زي الفل ، وده يقوللهم (أمّال إيه اللي قوّم الدكتور من السرير؟) ومرة سألهم (فيه حريق ف الدور الأول؟) ، طبعاً لأ وإلاّ كنا سمعنا إنذار الحريق بيجلجل ف البريمة كلها ، وده (بس الدكتور خرج من أوضته وحضر الاجتماع معانا!)... والكل يضحك! ولمّا الإدارة قررت تنقلني بريمة تانية ؛ تدخّل مدير البريمة ده ، وسألني (إنتا عاوز تمشي؟) أولتله لأ طبعاً ؛ بس ده قرار الإدارة! وده يقوللي (الإدارة دي بتشتغل عندنا ؛ وظيفتهم يعملولنا اللي احنا عاوزينه عشان نشتغل!) ، وكلّم المشرف على البريمة في الأوفيس ، وقال له (إحنا عاوزين الدكتور ده ، ومش هنستغنى عنه) يعني م الآخر... أكل ومرعى وقلّة صنعة ومديري السابق في شركتي في مصر (وحبيبي جداً على المستوى الشخصي :lol: ) ، حالياً مسك مدير الإدارة الطبية الإقليمي في شركة إيطالية للحفر عن البترول في قطاع نيجيريا (وبشهادته اللي بيعترفوا بيها... مش زي العالم الرزلة بتاعت كندا!) ، وناوي ياخدني هناك في أول فرصة... بس لسّه واصل هناك ما بقالوش أسبوع ؛ مستني بس الأمور تترستأ! عارفين يا جماعة لما مجال الإنترناشيونال يكون مفتوح أدّام الواحد؟ ومن شركة لشركة ، ومع كل نقلة بتضيف لرصيدك ، وبتتكلم على أرض صلبة ، وكل الكلام عن شركات يكفي تذكر إسمها ليعطيك تميّز عن غيرك لو بتقدّم لشركة جديدة. أنا بارغي كتير كده ليه؟! يمكن طبع بأه! المهم... كل ده هاسيبه ، واروح ارمي نفسي ف المجهول ، وعارف إني هاتزنق مادّياً هناك ، ومش هالاقي الوضع اللي أنا فيه ده في الشغل (ع الأقل في الكام سنة اللي ف الأول)... وشهادتي ومؤهلي ودراستي ولا ليهم لازمة ، وسنوات خبرتي ولا ليها لازمة... ونبدأ من الصفر تاني! وطبعاً لو رُحت هناك ؛ القرار ده One way ؛ يعني مش من السهل إني أرجع تاني على شغلتي هنا! والاقي أحمد الديب بيقوللي خلّيك عندك على أد ما تقدر... وبيحسدني كمان ع الوضع وطبيعة الشغل اللي أنا فيه! :) ومن الناحية التانية أنا مزنوق بحكايت سنتين من الـ 5 سنين ولاّ تلاتة من الخمسة! الخلاصة إني مُجبَر أتواجد في كندا بصفة دائمة عن قريب! هل هييجي اليوم اللي أفتكر الوضع اللي أنا فيه حالياً ، واقول (كنت في نعمة وسبتها عشان خاطر عيون الست كندا هانم)؟ هل هييجي اليوم واندم؟ :o يمكن دي مشكلتي ومشكلة ناس زيي كتير ؛ زي د. الشامي و Phoenician وإيهاب سالم... ما زلنا بنرقص ع الحبل حتى اللحظات الأخيرة ؛ لغايت ما نكون مُجبَرين نستقر هناك! إيهاب خلّص الفترة الاختياريّة دي خلاص ، ومُجبَر يستقر هناك... مش عارف... دي بعض الخواطر اللي بتيجي على بالي من وأت للتاني... حبّيت أشاركها معاكو. قولولي يا أهل كندا... إيه رأيكو؟ دلوقتي وبعد قرابة السنة من حرق مراكبي وإلقائي بنفسي في أحضان كندا أقدر أقول... يا ريتني كنت أخدت الخطوة دي من بدري ، كان زماني ع الأقل باستعد للتقديم للجنسية عن قريب ولا أي ذرة ندم على الخطوة دي ، بالعكس باتمنى باقي أصحابي وأقاربي يعملوها ، ويوفروا عمرهم وصحتهم المهدورة في مصر والميدل إيست والفلوس اللي كنت باعملها في السعودية وفاكرها غاية المنى ، ودخل خرافي أعيش بيه ملك في مصر أو حتى في زياراتي لكندا ، أقدر أجيب أكتر منها في كندا ، يمكن بمجهود أقل من السعودية في معظم الأحوال بس تزيد عليه راحة البال والاستمتاع بالبلد اللي حتى الآن لم ينتهي شهر العسل بيننا وما تقولش إيه إدتنا كندا :blush2: :egyflag: