لوحة القادة

طيب.. طيب يامغتربة .. طيب ياصاحبة الموضوع اللى بتحذر منه خصوصا للى عندهم الضغط. ياصاحبة الموضوع....لكى موضوع بيقول عبر عن احساسك عند رؤية الصورة . طيب ليه ميكونش الموضوع ده اسمه...( عبر عن احساسك لما تشوف اخبار زى دى )). لأنى فعلا فعلا شعرت بأحاسيس متباينة وغريبة جداااا طبعااا...اكثر ماجاء....كذب. واتعجب واستغرب ازاى ( حد ) وصل من العمر ارزله...ولسا بيكذب؟؟ خطر ف بالى شئ غريب جداااااا بجد يعنى انا نفسى معرفش ليه ...شطح بيا التفكير كدة.. افتكرت... لولا دا سلفا. الراجل ده فعلا فعلا اكتر رئيس خللانى مقدرش احكم عليه الا من خلال احساسى . الراجل ده ترك الحكم السنة اللى فاتت... وللآن...ناس كتير بتتمنى انه يرجع يرشح نفسه عام 2014. ترك الحكم....وفيه ناس كتيررر بتقول انه السبب ان الاقتصاد نسبته كانت لها اقل معدل ف فترة حكمه... قالوا حاجات كتيررر اتهموه بالفشل الذريع ف ادارة البلاد.. اللى (( اضطروه يمشى ..وبالانتخابات برضه ))....هما ف الحقيقة اللى ليهم مصالح بس والحقيقة؟؟؟ كل انسان له اخطاء وعيوب ....لكن؟؟ لولا دا سلفا.....رئيس...اقصد رئيس سابق. ف رأيى الشخصى ..هو مثل شريف..ومثل يحتذى به ف العالم كله.. رجل احب بلده وشعبه فعلا... انه رجل فكر فقط وعمل على رفعة شأن شعبه والطبقة الفقيرة المعدمة من شعبه.. ليه كان عليه سخط؟؟؟ لأن طبقة الاثرياء لم يزدادوا ثراء فى عهده....فحق عليه السخط. لولا دا سلفا.......غير البرازيل تغيير شامل وكامل . اللى شاف البرازيل قبل عهده...ممكن يعرف ويلمس الفرق الواضح.. حتى اللى مع (( العايمة..على رأى المثل المصرى ))..بيقولوا ..ان الرئيس اللى قبله فرناندو برضه عمل حاجات كويسة مش بس لولا دا سلفا.. انا بس سوف اضع لكم فيديو ...لولا داسلفا بيبكى ... لولا دا سلفا....رئيس...شعر بشعبه. http://www.3tv.cl/index.php?m=video&v=13051 اللى عندنا بقى ؟؟؟؟؟؟؟؟؟؟؟؟؟؟؟؟؟؟ لم يشعر ولالالالا يوما واحدااااااااا....بأى معاناة لأى مواطن واحد من شعبه.. لم يشعر يوماااااااااا واحدااااااااااا انه مجرد موظف فى مصلحة اسمها مؤسسات مصر... بيكذب؟؟؟ شئ طبيعى ...ماهو واخد على كدة بدليل انه كذب عليناااا كلنا طيلة فترة حكمه.. مش احنا كنا عايشين فى ازهى عصور ال....الحاجات الكويسة كلها؟؟ طيب والقصر...؟؟قصدى قصور شرم الشيخ التلاتة اللى جت له هدية من حسين سالم؟؟ طيب مش ابسط حاجة يعنى ...واحد اعطى له قصر هدية .. يروح يتعرف عليه وكدة يعنى وياخد له كيسين برتقال وجوافة ؟؟على قد ما قسم يعنى ؟؟ يبقى حايتعرف عليه حايتعرف عليه ....علشان يشكره يعنى . يعنى اكيد زوجته الفاضلة ..المصرية الأصيلة( غمضوا عينكم عن الجنسية الانجليزية ) ...قالت له .. ياندامة ....ودى تيجى يابو علاء؟؟؟مش واجب برضه نرد الزيارة ؟؟؟ وتاخد له ف ايدها بما انها بتفهم ف الاصول ...ورقة سيمون فيميه فيها اد ميتين جرام يعنى برضه على قد ما قسم ../اهو بين عذرك ولا تبين بخلك.. و... احساسى ؟؟؟ قصدى ..احاسيسى ؟؟؟؟؟ طيب مين حايعوضنى وحايعوضنا على اللى ضاع؟؟؟ اهالينا اللى راحوا ...والا عمرنا اللى قضيناه ف الغربة ...والا باقى اهالينا اللى لساااا لحد انهاردة مش عارفين بياكلوا ايه؟؟؟ يعنى تلوث ف الأطعمة والضمائر والمياه والأخلاق وكل شئ... وزى ما قلت قبل كدة ... الانتقام كان منه فيه ...اللى انتقم منهم بعد ربنا ... هما الولاد اللى اتربوا (( ف عزهم )) ..,وذاقوا مرارة العلقم .. ولسا... لسا حساب ربنا .. بصراحة ..بلاش حد يحقق معاه...بجد... سيبوه.. جد الجد يعنى .. سيبوه..مفيش فايدة ..حتى موته لن يفيد ولن يشفى اى غليل . واحد ضميره مش بيصحى ...ضميره ف(( كوما )).. خلاص. بس بلاش حد يسمعه ومفروض فريد الديب ده يتم نفيه ف...المريخ. بيقولوا ان العلماء اكتشفوا اننا لو (( استطعنا )) ارسال اى رسالة الى الكواكب المنتشرة ( واحد يعنى من بلايين الكواكب اللى موجودة ف الكون العظيم ) ويردوا علينا ... فهذا يستغرق سبعة وعشرين مليون سنة ضوئية .. اى والله.. ده هما اللى بيقولوا ... انا دلوقت برضه احساسى بيقوللى ....بيقوللى ايه؟؟؟ ممكن بتوع الكوكب ده يردوا ...وياعالم بقى مين اللى حايبقى موجود..يمكن ما يكونش بقى فيه كرة ارضية اصلا يعنى .. بس مش ممكن ..مش ممكن...رئيسنا السابق المحبوب ...حايغير رأيه... فينا.. احنا ف نظره شعب قليل الأصل...,ولم نكن نستحقه.. ودمتم.. رايحة بقى آخد لى حباية الضغط؟؟؟؟ :clappingrose: :clappingrose:

الأعزاء الكرام .. أعضاء منتدى محاورات المصريين أهلا بكم ومرحبا .. مما لاشك فيه أن اللغة أداة التواصل الثقافى والحضارى بين البشر ولا ريب فى أن اللغة الإنجليزية من أكثر اللغات انتشارا فى العالم .. ومن هذا المنطلق أصبحت إجادتها بمهاراتها الأربعة تحدثا وكتابة واستماعا وقراءة ضرورة ثقافية لمواجهه تحديات العولمة والتثقيف بكافة أشكالها غير أنها بالطبع ضرورة عملية فى التوظيف والعمل .. فلا يمكن أن نفهم أو نتحاور مع الآخرين إلا من خلال لغة عالمية يجيدها الجميع .. وتأتى أهمية هذا الموضوع فى أننى سأبدأ معكم بشكل مبسط فى وضع الأسس والمبادى الصحيحة للكتابة بالإنجليزية بدءا من المفردة .. أى من الكلمة نفسها أولا حتى الجملة والقطعة وموضوع التعبير وهكذا ..والشرح سيكون مصحوبا بناحية عملية بسيطة مثل التمرينات التى سنتعاون فى حلها حتى نتأكد أننا بالفعل نتعلم ونستفيد ..وأضع يدى من ناحية أخرى على مواطن القصور ومن ثم نقويها ..وبعد أن نقطع الشوط المطلوب قى الكتابة ..نتجه للترجمة .. حتى نصل معا للترجمة باحتراف ان شاء الله .. أحب أن أنوه أن الموضوع لا يكتسب أهميته لأننا نطمح مثلا فى أن نكون بروفيسورات فى اللغة الإنجليزية ..فبالتأكيد ليس هذا هدفنا وإنما على الأقل الإلمام بمبادى بسيطة ومهمة توفر الحد الأدنى أو المعتدل أو حتى الأعلى ان أردتم والإختيار متروك لكم على حسب مقدرة كل منكم - لنفهم ما يقابلنا فى حياتنا باللغة الإنجليزية ونحسن التعامل معه وحتى نستطيع أيضا أن نساعد ابناءنا فى دراساتهم وخاصة الأمهات مع أطفالهن من صغار السن فى المراحل المبكرة من التعليم مع العلم أن الكتابة بالإنجليزية هى من أصعب المهارات التى يستصعبها الصغير والكبير على السواء ولذلك فنحن هنا سنحاول أن نتخطى هذه الصعوبات بشكل سهل وفعال جدا .. أتمنى أن يكون هذا العمل خطوة على الطريق ..وأنتظر دعمكم لأعرف مقدار ما سيحظى به الموضوع من اهتمام ..هذا لو كان هام .. تحياتى

اوعى : - تتفاخر بعلاقاتك قبل الجواز لانك حتصغر في عينيها ,, تأكد انها بتحب الراجل المحترم - تثير غيرتها زيادة عن اللزوم لانها حترد الصاع صاعين - شوية حماشة بدون تجريح كل فتره بتكون مهمه جدا لانها انثى يعني على قدر ما من المازوخية - حتى لو مر عليكم سنين متجوزين وبقت زي اختك لازم تغير عليها حتى لو بتتظاهر بكده بس بدون ( تخوين ) لان غيرتك دي حتحسسها باهميتها عندك يعني مثلا : كنتي فين بتكلمي مين في الموبيل لابسه ليه كده - اعمل ده برزانه وعقل وشوف ملامح الفرحة وهي ترتسم على الوجوه - تاني بكرر بدون تخوين ,, - لازم تكون على يقين انها اختارتك لتكون شريك حياتها ليس لانك الاكثر قوة و وسامة و ذكاء ومنصبا و نسبا لا اختارتك زوجها لانك انت بكل حسناتك و عيوبك و نقاط قوتك ونقاط ضعفك لكن ده لا يمنع من التطوير المستمر يعني مش تاخد النصيحة دي وتضرب الدقن والكرش والفانلة الداخلية واتعشت على كده :happy: فاصل ونواصل ,,

بدأت حرب المقاطع ... علي الشيخ حجازي هو علشان مش موافق علي اللي بيحصل دلوقتي تبدأ الحرب عليه للاسف البعض لا يفهم معني الديمقراطية والسنه الكونية هي الاختلاف والضد ليس معناه الخيانة .... اختلف معاك معناها الخيانة(شئ عجيب) يبقي ما هو الاختلاف بيننا وبين نظام مبارك الذي كان يعتبر نفسه الحاكم بأمره اما بخصوص المقطع فهو لم يقل عفو مطلقا ولكن قال ان يتم محاكمة العسكريين امام القضاء العسكري وانا اراه شئ منطقي باعتبار ان القضاء العسكري نزيه شئ اخر : من الخطأ ان نستخدم السياسة التي استخدمناها مع المخلوع مع المجلس العسكري لسبب بسيط ان المجلس العسكري محدش كاسر عينه بحاجة

السلام عليكم ورحمة الله... ماهى دى مشكلة كبيرة يا استاذ طارق...وحنتحاسب على الناس دى أكتر من حسابنا على ساويرس..لانهم يعلمون.. يعنى لو حضرتك عرفت ان صاحب مكان ما ..مشروع او مطعم او بقالة او اى شىء...أقول عرفت عنه انه بيسب الدين بالمعنى الحقيقى للكلمة...وهو مسلم ويعلم ماله وماعليه...حتدعو لمقاطعته؟...ولا حتقول الله يهديه؟ انا بسأل بجد على فكرة... يعنى لو حضرتك ماشى وسمعت بائع او اى انسان بيسب الدين ..حتتركه وتمشى وتستغفر ربنا؟..ولا حتلاحقه لبيته وعمله وتطلب من الناس مقاطعته ورجمه بالحجارة؟ أما بخصوص النكت..يؤسفنى أن اقول لك أنهم مش قليلين ولا حاجة...وبيستسهلوا القاء النكات عن المشايخ بل وعن الصحابة من باب الضحك والدعابات...ولو كلمتهم بتسمع مالاتطيقه..ومن تجربتى الشخصية باعتبارى مشرفة ومسؤلة وسأحاسب أيضا...وبنظرة سريعة على موضوع يخص تبادل النكات حتعرف انا بأتكلم عن ايه...ولما كنا بنحذف النكات دى...كنا بنتحارب ويتم اتهامنا بالتحيز والتجبر....وللامانة برضه ماشفتش مسيحى كان بيلقى النكت دى.... على فكرة..فيه عرائس بلاستيك على غرار باربى كده بس محجبة..مش عارفة اسمها فلة ولا ايه...يعنى العروسة مرتيدة حجاب وملابس حشمة ..وأظن الغرض منها أن تتعلم الطفلة المسلمة ان الحجاب فرض والحشمة واجبة...هل ممكن نعتبرها استهزاء بالدين الاسلامى؟..لا أقارن بين رسومات ميكى ومينى اللى مارسمهاش ساويرس وبين العرائيس المحجبة...بس فعلا بأسأل للمعرفة ... ما اريد قوله...أن هناك سلبيات كتير جدا للاسف بيقع فيها المسلم قبل المسيحى عن جهل او عن عمد..الله اعلم بالضمائر...والأولى أن نحاول تصحيح مفاهيم هؤلاء حول احترام الدين بتاعهم...وأن لا ننجرف فى مناقشات استوفت حقها وأدت الغرض منها ...ولا ايه رأى حضرتك...قد أكون مخطئة ولكنها وجهة نظر على اى حال تستحق التفكير فيها .. تحياتى

السلام عليكم ورحمة الله... خدينى جنبك ياسلوى هانم.... أنا قاطعت السياسة خلالالاص للحفاظ على ماتبقى من صحة.. بس دى مش سياسة..وده كلام واحد مقبوض عليه وبيبرأ نفسه..مش كلام رئيس جمهورية مسئول عن كل شاردة وواردة فى البلد... ده كلام واحد البوكس لمه مع باقى المشبوهين وبيقول "والله ماعملت حاجة ياسعادة البيه الضابط ..أنا كنت فى حالى والبوكس أخدنى زززووولم"..مش كلام رئيس جمهورية سابق قعد يحكم البلاد 30 سنة ... بيقول نفس الجملة اللى كررتها حرمه المصون من قبل : " أنا ما اعرفش حاجة..ماحدش قالى حاجة"...ياحلوولى على رأى سيد السيد... هو ماكانش عنده تليفزيون أبيض وأسود حتى علشان يشوف الأخبار وكان منتظر اللى يجى يقوله؟ لآ ده طلع عنده تليفزيون لانه شاف الجمل ماشى فى التحرير ..فالناس سمتها موقعة الجمل تيمناً بوجود الجمل فى التحرير يعنى ....يعنى نقول ايه؟؟!!!.. وفلوس مكتبة اسكندرية..قالك أنا ماقلتش لحد علشان ماحدش ياخدها...حاجة تنرفز خالص أأوووف ...وكأن مدير مكتبة الإسكندرية كان حياخد الفلوس يشرب بها سجاير ويمشى فى السكة البطالة مثلا...وقالك كمان ماحدش قالى من القانونيين حاجة.... وقالك كمان ان اسرائيل كان من حقها البترول فإحنا عوضناها بالغاز الطبيعى لجل ما تنقهرش وتحرن...صحيح البترول كان متوفر ورخيص مش كده ؟؟ حتى عمرنا ماسمعنا عن أزمة بنزين ولا حاجة خالص.. وقالك مين حسين سالم ده؟؟...هو إشتغل ايه؟؟...ده عاطف عبيد هو السبب ياضنايا...والعادلى..والجيش كمان ...وأنا وإنت.. ولا سبيكة الدهب..قالك يمكن حد أخدها وقال ان أنا اللى أخدتها...ده باعهم كلهم..باع عصابته كلها ..منتظرين ايه منه؟..انه يرجع الفلوس؟..لوس؟؟..لوس ايه؟؟؟ فيس لوووس .. وكما قال الفاضل ابراهيم عبد العزيز...الكرة الان فى ملعب القضاء...والله المستعان... وعلى رأى خالتى بمبة..."بطلوا ده وإسمعوا ده" يامثبت العقل يارررب

السلام عليكم و رحمة الله و بركاته ايه ده....دهدي...(وش حد بيقرب وشه من شاشة اللاب توب انا ملقتش اسمي في الفصايل اللي فوق ديت انا لا مخطوبة و لا متجوزة و لا منفصلة...(اه يا قلبي ياااانا هو انا حسيت اني كده بعمل بوطاقة الرقم القومي) انا عاملة خانة جديدة في البوطاقة اسمها B+ Bachelor and live Positively يعني سينجلاوي و مستمخ بحياته كده....(او مش واقف علي محطة الانتظار لانه بقي بفضل الله سايق القطر لوحده) بعد هذه المقدمة الطللية في الوقاع و المأمول خلونا بقي نخش علي الشغل (وش اي ربة بيت مسكت المضرب و داخلة تتوجه ناحية السجادة) كنت زمااااااان بفتكر ان فيه حاجات الواحد يعملها كده علشان ينجح الزواج..(او حتي الارتباط) و الحاجات دي كانت مبينة بشكل كبير يا عن القراية....يا عن الافلام...(لحست عقلي معلشي)...يا عن ملاحظاتي الشخصية عن اللي حواليا و في كل مشروع ارتباط "الله يرحمهم جميعا و يبشبش الطوبة اللي تحت راس ذكرياتهم)...كنت اجيب كتالوج "الحاجات" دي و ابقي متأكدة مع نفسي ان باذن الله هنجح...مش علشان انا شخصية عنيدة في النجاح اوي...لا علشان بكون داخلة بنية صافية جدا....و الحمد لله الموضوعات كلها نجحت...(اينعم هي فشلت يعني متمتش...بس بالنسبة لي كان نجاح لانه جنبني فشل لاحق و ووجع روح مش منكن يتعوض) لو هتسمحيلي بتواضع جدا بلاش تخش علي اي ارتباط.....ب "كتالوج" حاجات للسعادة او للنجاح هي....هو....لازم يحطوا كتالوج خاص بيهم هم الجوز مش احنا دلوقتي قاعدين نقول الانتخابات اول و لا الدستور اولا لا ابسط يا عم ادي الانتخابات...خلصت يعني هو اختار هي و هي اندبست في هو يبقي دلوقتي نحط "الدستور" بتاعنا احنا الجوز و الدستور ده عمره ما هيجي غير لما نعرف نتحاور....و نتواصل و نعبر عن كل اللي في دماغنا بشكل لفظي دايما اللي قصادنا هو او هي بيتخيل ان احنا فاهمين ايه اللي في ام الدماغ بس محدش بيحاول "يتواصل" مع اللي قدامه عن ايه اللي متوقعه منه الجواز......شكل من اشكال التواصل بس لو انت مضطر عليه في كل حياتك....انت محتاجله جدا في مساحة "المودة و الرحمة" اللي ربنا جعلها "سكن"....يعني مش مجرد شقة....دي "سكن" يعني دفا وونس و تقبل و احتياج و رضا و تصالح و طرف آخر مستعد يقبلك بكل ما فيك و انت في اسوأ حالاتك...(ايون يعني و انت بتلعب في مناخيرك و فاكر انك مش واخد بالك او انتي لسه صاحية من النوم و العينين مليان سائل لطيف اوي كده لونه اصفر...) الدستور ده علشان تبنيه ابنيه زي اللي ربنا اصلا خلقك حطهولك فيه ايات كتير من القرآن بتتكلم عن علاقة الزوج و الزوجة بس انا بحب الآية دي أوي "و إن أمرأة خافت من بعلها نشوزا او إعراضا فلا جناح عليهما أن يصلحا بينهما صلحا و الصلح خير و أحضرت الأنفس الشح و أن تحسنوا و تتقوا فإن الله كان بما تعملون خبيرا" (سورة النساء: الآية 128) هو انا كل ما كنت اقرا الآية دي كنت اقول طب يا ربي ايه اللي دخل "الشح" و احنا في موقف "الصلح" بين الزوجين و لما تأملتها شوية لقيت ان "الشح" بيجي" لما كل واحد بتصعب عليه نفسه و مبياخدشي الخطوة الأولي ويبخل انه يكون "سباق للصلح" و دي بتحسم اي موقف خلاف بين الزوجين و بحب اوي اختصار ربنا المجمل في "الاحسان و التقوي" احسن إليها و احسني إليه...(الاحسان ان تعبد الله كأنك تراه....يعني في كل علاقتك بيها تتعامل انك شايف ربنا...مش شايفها هي و العكس ل هو طبعا" و التقوي...اتقي الله فيها....و اتقي الله فيه.....(التقوي برضه سلمة علي التدرج في عبادتك بربنا) طولت عليكم في "الدستور" اشمعني احنا يعني في مصر :closedeyes: الجواز...."دستور" بين طرفين "انتخبوا" بعض بترتيب "قدري" و اتفقوا ان يكون ليهم "سكن" قوامه "الاحسان و التقوي" و دي (لا مش وجهة نظر :) )ده أنا....في حياتي باذن الله صباحكم.....حياة....ربنا رسمها لينا بمنتهي الاتقان و كل اللي علينا ان احنا نعيشها علي مراده هو صباحكم...."سكن"

و اخيرا أقول لكل الزملاء المعارضين : 1- رئيس لجنة الفتوى بالازهر يفتى بمقاطعة ساويرس (يعنى مش السلفيين و طبعا حضراتكم بتحترمم لجنة الفتوى بالازهر ومش شافيين انه لهم اجندات خاصة او متشددين ) -ارجعوا للمداخلة رقم 53 الخاصة بالاستاذ طارق حسن- 2- المهندس عبد المنعم و اجه ساويرس مباشرة باتهامات و على قناة الجزيرة اورد اتهامات و فى مقال له اوردتة فى المداخلة رقم 11 لماذا لم يقوم ساويرس برفع دعوى قضائية ضدة و يريح نفسة ؟ و علشان ميجيش أ-جوناثان او اى زميل اخر يقول دى اتهامات باطلة و ساويرس اكبر من انه يرد اقولك كلام مظبوط لو كانت الاتهامات من شخصية مجهولة اما من مهندس عبد المنعم المتحدث باسم الدعوة السلفية اى اصبح شخصية عامة و اصبحت لاتهماته تبعات ممثلة فى المقاطعة فلا يوجد حجة لعدم رفع دعوى عليه. 3- ماذا فعلت التيارات الاسلامية ؟ انها دعوى بمقاطعة ساويرس هل نادوا بقتلة او اغتيالة ؟! نادوا بحقهم بالمقاطعة , يا ترى ده حيكون موقفكم لو كانت المقاطعة لان موبينيل تسرق دقائق او الشبكة سيئة ؟؟ و تحياتى لكم ....

(26) أبي الحبيب أتمنى أن أفيق من الكابوس و أعود طفلتك المدللة أفتقدك جدا يا أبي أحتاجك بشدة أريد أن أرتمي بين ذراعيك و أخبرك ... لا لن أخبرك عن أي شيء فقط أريد أن أدفن وجهي في صدرك تلفني ذراعيك و تضمني بقوة كما كنت تفعل معي و أنا صغيرة و تسميه " حضن حديدي " مع محاولاتي المستميتة للإفلات الآن لن أفلت نفسي يا أبي لن أفلت نفسي الآن أكثر لحظة في حياتي تمنيت فيها العودة بالزمن للوراء

بمناسبة خطوبة زميلنا العزيز جدا حسام عبد الفتاح ربنا يتمم له بألف خير يارب حبيت نتناقش حوالين الحياة الزوجية بداية لا يوجد تعريف محدد للزواج الناجح دي كانت مداخلة لي في موضوع الزواج الناجح للفاضلة مغتربة http://www.egyptiant...ndpost&p=750338 المقدمة دي حبيت أرفقها بالموضوع عشان أقول لكل مقبل على الزواج أو بيفكر انتبه! لا تقع في أخطاء قاتلة قد تؤدي - لا قدر الله - للفشل على اعتبار أن نجاح أي علاقة يتطلب العمل على إنجاحها من الطرفين معا و ليس من طرف واحد فقط! هذا الموضوع للجميع للمقبلين على الزواج و للمتزوجين و أيضا لمن مروا بتجربة الطلاق الفئة الأولى سيضعون هنا توقعاتهم و الفئة الثانية سيضعون هنا تجاربهم و الفئة الثالثة سيضعون هنا تقييمهم لتجربة الزواج و تطلعاتهم لتكرار التجربة بتجنب أخطاء التجربة السابقة أعود و أكرر الإنفصال قد لا يعني الفشل نهائيا بل قد يكون نجاحا لتفادي الاستمرار في الفشل كما قد لا يعني الاستمرار في العلاقة نجاحا عى الاطلاق بل قد يكون فشلا في البحث عن النجاح منتظرة حضراتكم

[ img] http://maybegetmarried.files.wordpress.com/2010/10/58f0dba6fff539a4fb17f5f2476f031662df6dcf.jpeg هما كده الرجاله .. .. .. .. ........ .. .. • يتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت .. !! • يتجوز واحده ست بيت .. يقولها خليكي انتي بس في الطبيخ بتاعك ياختى.. !! • اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه • قعدتيله في البيت .. هيجي من بره يقولك .. انا طول النهار طالع عيني .. وانتي قاعده هنا في التكييف .. هتحسي بيا ازاااااااي يعنى حضرتك ؟؟!! • اهتميتي بيه وأخدتي بالك منه .. يقول دي خانقاني ومش عارف اخد راحتي منها .. !! • سبتيه علي راحته .. يقول مبقتش بتهتم بيا وهاملاني وهو انا متجوز عشان محدش يعبرني ؟؟ !! • اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار ..!! • تقلتي وكبرتي دماغك .. يقولك ده أنا متجوز واحد صحبي ..!! • يفضل كل أما يشوفك يقولك انتي مش ملاحظه انك تخنتي أوي • وهو أصلا قميصه مبيتقفلش من الكرش اللي عنده • لبستي لبس عادي في البيت .. يبص للستات اللي لابسين سواريهات في بيوتهم " في التلفزيون طبعا " ويقولك شايفه الستات عامله ايه لأجوازها بلا هم ..!! • قلتي خلاص هرضيه ولبستيله سواريه .. يقولك ايه اللي انتي عاملاه ده هي بعزقة فلوس وخلاص ..؟؟!! • يجي يحكي عن زميلته اللي متألقه أخر حاجه وبتلبس علي سنجة عشرة ف الشغل..!! • تلبسي كده وتيجي خارجه .. يقولك ايه ده انتى هتخرجى كده لا معنديش ستات تخرج كده بره البيت يا هانم..!! • يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا ؟؟!! • تروحي تصبغي شعرك وتغيري قصته .. ولا بياخد باله أصلا ..!! • يحطك في مقارنه مع كل الممثلات والمطربات .. ويقولك شايفه الستات عامله ازاي ؟؟!! .. . • ويزعل أوي ويتحمق لو بالصدفه جبتي سيرة مهند ..!!. يلا هنقول ايه ربنا علي الظالم

لا تعليق وافق على إعفاء المتورطين في نهب المال العام من القوات المسلحة (إذا ثبت) بحجة انتماءهم للجيش! طيب يا مولانا رجع للدولة فلوسها وعفا الله عما سلف تبقى مقبولة. الداعية الإسلامي الشيخ الدكتور صفوت حجازي يخون مصر، مش كده وللا أنا غلطان؟ http://www.youtube.com/watch?v=exr5DyfkoV8

تحيه للمرأه التي فاقت شجاعتها و وطنيتها الكثير من الرجال...مادام بثينه كامل

لا لا اوعى الجميل يزعل ابدا بصى يا ستى الاول نزلى الصور من الكاميرا على الاب عندك تمام تمام بعدين تفتحى اى موقع تحميل صور على النت عندك مثلا موقع اسمه عرب شير اكتبى فى جوجل عرب شير و هتلاقى هتلاقى مستطيل مكتوب جمبه browse دوسى على بروز هفتح لك الصور الى فى فايل الصةر فى جهازك لو الصوره محفوظه فيه اختاريها لو الصوره محفوظه فى مكان تانى اختارى من فوق المكان التانى و بعدين اختارى الصوره و دوسى اوكيه الموقع بعد كدا هيحمل الصوره و بعد ما يحملها هيحط ليكى الرابط بتاعها اختارى الرابط المكتوب عليه الرابط المباشر انسخيه و بعدين حطيه فى كود الصوره زى ما بنعمل مع اى صورة و بس على كدا و اى استفسار انا فى الخدمه

ليتك احتفظت بها لنفسك بدلا ان تضيع دماءهم هدرا ولو على الألسنة

مقال جيد استاذ عبد المطلب ... لكنه للأسف يدور في جهة والثوار في جهة ... والإعلام المصري لن يحاول مطلقا أن يطرح ولو ربع هذه التساؤلات ... الإعلام المصري يريدها نارا لا تنطفيء عزيزي عبد المطلب ... من أجل ازدياد البرامج واللقاءات والتليفونات والإعلانات التي تضخ الملايين سنويا في جيوب المذيعين والمذيعات المتلبسين بالثورية والعدالة الاجتماعية.

الآن أبدأ معكم أولى الدروس لنتعلم كيف نكتب باللغة الإنجليزية وببساطة ..ولكن فى البداية أحب أن أقسم المهارات الأربع فى اللغة الإنجليزية لقسمين رئيسيين .. 1- الـمدخلات input 2- الـمخرجات output في اللغة نعتبر مهارتى القراءة والاستماع هم الـinput اما الكتابة والتحدث فهم الـ output فلا أحد يستطيع أن يتحدث مثلا وهو لا يعرف أن يقرأ المكتوب أو يفهم ما يسمعه بمعنى أنه ليس لديه المخزون لتكوين حصيلة أو نتاج ..ولذلك سأبدأ معكم فى مهارة الكتابة وهى أحد مهارتى المخرجات بشكل بسيط جدا خطوة خطوة من أول الكلمة نفسها أى المفردة انتهاءا ان شاء الله بكتابة الفقرات والتقارير والجداول والإستمارات والإستبيانات وكل أشكال الكتابة وملأ البيانات .. I hope you will make the best

هي دوما السلبيات الخمسة القاتلة عيش في الماضي (انفصال عن الحاضر) لوم نقد مقارنة أنانية تقتلنا قبل أن تقتل الطرف الآخر و تكمن الأنانية في أعتى حالاتها في رفضنا لتغيير أنفسنا و السعى لتغيير الآخرين!!! وفي سعينا لفرض التغيير على الآخرين دائما ما نتحصن أثناء ذلك بقلعة الماضي الحصينة نحتمي بها و نُلقي سهام اللوم النقد المقارنة على الآخرين منتهى الأنانية!!!!

موضوع جميل وهادف مصرية وياريت فعلا يأتي بغرضه من وجهة نظري أكبر خطأ يقع فيه الزوج هو اعتبار ما تقوم به زوجته من متطلباته هو وأولادهما واجب لا تحتاج الثناء عليه فمثلا لو فرضنا أنها قامت بعمل غداء جميل لا يقول لها سلمت يداك ولكن على العكس هو جاهز تماما ليقول ماله الأكل النهاردة ملحه كتير!!! وأكثر ما يضايقها ان ينتبه الى خطأها وعيب بها ولا ينتبه الى ما تقوم به من أمور صحيحة وشاقة او ميزة تتميز بها الثناء هو كلمات قليلة تعطيها دافع كبير جدا لتأدية واجباتها بل وأكثر فلما يبخل الزوج بها بجد مش عارفة ليه هذه الشكوى مكررة دوما؟؟

لو نظرنا لآيات القرآن اللي بتتكلم عن الجواز هانلاقي فيها الخير و زيادة و من آياته ان خلقكم لكم من انفسكم ازواجا لتسكنوا اليها و جعل بينكم مودة و رحمة بصوا لكلمة من انفسكم يعني هو مني و انا منه سكن الكلمة دي لوحدها عاوزة تتبروز كده و تتحط في مكان عالي السكن هو المأوى هو اللي الواحد ما بيرتاحش غير فيه اللي مهما لفيت دايما بيكون اشتياقك ليه لفيت هنا مش يتنطط من واحدة لواحدة و في الاخر يرجع لبيته لا اللي اقصده طول اليوم برة و تعبان اول ما بتفكر في الراحة بتفكر في بيتك كده الزوجة لازم تكون لجوزها البيت اللي يضمه و يحميه و يحوط عليه و يشتاق له مودة و رحمة اسس اي علاقة زوجية ناجحة كمان الاية الكريمة [هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ] لو بصينا لكلمة لباس الهدوم يعني اقرب حاجه للواحد هدومة هدومه هي اللي بتستره هدومة هي اللي بتحافظ عليه لو اخدنا المبادئ دي و عملنا بيها هانكون علاقة زوجية اساسها ناجح دا كان الاساس باقي البنيان بقى لسان حلو احترام تفاهم استماع مشاركة تكافؤ طبيخ كويس هههههههههههههه مهمة اوي الاخيرة دي

التسامح في دم الشهداء هو شرع ورد في كتاب الله

بصوا بقى كل واحد يدخل هنا لازم يقر و يعترف كم حاجه من دول كان بيعملهم و هو صغير متخافوش مش هنقول لحد سركم فى بيرررررررررررررررررررررررررررر :P :P :P 1- تغنى قدام المروحه وهي شغاله علشان الهوا و هو بيغير فى صوتك 2-القلم الجاف طفح فى جيبك ايام الابتدائى 3-تشخبط علي الحيط قال يعنى بترسم احلى من بيكاسو 4- للبناويت تلوني ضوافرك بالألوان الفلوماستر 5- ترج ازازة البيبسي وبعديها تفتحها عشان تبهدل الدنيا 6-شميت ريحة الاستيكة ولقتها عاملة زى الفراولهروحت اكلها 7-تمضى الشهادة لنفسك 8-تقفل باب التلاجة ببطء علشان تشوف مين اللى بيطفى نور التلاجة 9- تستلم جوابات ولى الامر بنفسك و تلحق تخبيها قبل ما بباكيشوفها 10- كنت فاكر ان السحاب هو قطن و متعلق فى السما 11- قعدت مره تفكر كام جردل ملح رموه فى البحر علشان يبقى مالح قوى كدا 12- قعدت تبص على الخروم الى فى التلفيزيون من ورا علشان تشوف الممثليين الى قاعدين جواه 13 - تقف قدام المرايا و تفضل تغنى 14- تبرم اوراق صغيره زى ما تكون سجاير و تحطها فى علبه شريط الكاسيت قال يعنى معاك علبه سجاير و تطلع منها بقى السجاير و تشرب و تعيش 15- اتصدمت لما سمعت فى برنامج ان اسماعيل يس مات و بعديها بيوم تلاقى فيلم جاى ليه فى التلفزيون 16- عملت تقسيمات على المكتب بتاعك بالقلم قال يعنى صوابع بيانو و قعدت تعزف عليها 17- كنت فاكر ان احنا لما بننام كل الحاجات الى فى البيت بتصحى و تعيش بقى حياتها 18-و انت بتدرس امل و عمر كنت فاكرهم معاك فى المدرسه و تقعد كل يوم تدور عليهم فى الطابور 19- البنوتات كانت فاكره انها حضرت فرح ماما و بابا و مسكت الشمعه كمان فيه 20-منت عايز تعرف مين الى بيعمل صوت الصفاره لما بترفع سماعه التليفون 21- طلعت فوق الدولابو نطيت على السرير 22- ربطت ملايه سرير فى ضرف البلكونه الاتنين و عملتها مرجيحه 23- نزلت على درابزين السلم بدل السلالم 24- طلعت على الزوحليقه بالعكس 25- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه 26- تحط قصص ميكى فى درج التخته و تفقراها و الاستاذ بيشرح قدام قال يعنى باصص فى الكتاب 27- للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردى دكتوره 28- ضربت بمبه جوه الفصل و المدرس بيشرح ووشه للسبوره كفايه دول الاول و بعدين نكمل بس زى ما قلنا كله لازم يقول :happy: مجمع و منقول و من اضافاتى :happy:

لما شخصيه عامه زى زغلول النجار يوصف الكتاب المقدس بانه كتاب مكدس فى وسيله اعلاميه حكوميه حتى ان كنا نؤمن ان هذا الكتاب محرف فلا يصح برضه ناذيهم بهذا الشكل فى وسيله حكوميه ما هما مش بيؤمنوا بان القران من الله ترضى حضرتك ان اى انسات مسيحى يطلع يقول لفظ على القران فى اى تلفيزيون او وسيله اعلاميه حكوميه بالنسبه لموضوع غرف البال توك هو دا الى مخلينى متاكده ان موضوع سويرس مسيس لانه هناك اهانات افظع و اشد و اجل مليون مره و طعن و سب مباشر يقوم به اشخاص من امثالهم الحقير زكريا بطرس دون ان نرى تلك الهمه المفاجئه فى الشجب و دون ان نرى حملات التقليب و الشحن و دون ان يتقدم احد برفع قضايا عليه و على قناته و على فكره الاجراءات التى من الممكن ان تتخذ ضده و ضد من يطعن فى الاسلام و يشتم الرسول و يطعن فى نسبه و شرفه كثيره جدا لكن لم يتحمس احد مثل التحمس الذى رايناه مع سويرس ايهما اشد و انكل صور سويرس العبيطه ام القاذورات التى يلقيها زكريا بطرس و شاكلته من فمه يوميا على قنواته و على غرف البال توك اترك الاجابه احضرتك

سبحانك يا ربي في ثواني قلبتوا على الراجل بقى نبيل العربي تبع القذافي دلوقتي لمجرد انه قال اللي يسحب الشرعية من رئيسه هو الشعب مش حد من برة اقولكم بقى عمتي سورية و بتقولي ان مر فيش حاجه بتحصل في حلب نهائي و كل الليلة على الاطراف ناحية تركيا و انهم بيحبوا بشار فعلا و انه عمل اصلاحات كتير من بعد ابوه و كتير من السوريين كده علي نفس رأيها من ناس كتير اعرفهم و دكتور العوا لما اتسأل عن سوريا قال اللي بيحصل هناك فتنة لان ناس من الشعب السوري المحترم مع بشار الاسد و ناس من الشعب السوري المحترم ضد بشار الاسد و بالتالي ما نقدرش نحكم على الوضع في سوريا زي مصر و لو كان تصريح دكتور نبيل العربي صحيح يبقى فعلا اللي بيحصل في سوريا مفتعل

هذا الكلام ورد عبر وسائل اعلام النظام السوري الرسمية ووارد جدا ان يكون التصريح غير صحيح او تم اقتتطاع جزء فقط من الكلام بطريقة ( لا تقربوا الصلاة ) وتحريف الكلام كما اعتدنا من الاعلام الرسمي للنظام السوري فيما يخص تغطيته لثورة الاشقاء فى سوريا ولو فرضنا صحة هذا التصريح فنقول أنه تصريح عجيب من الدكتور نبيل العربي ونحن لا نقبله والحاكم الذى يوجه سلاح الجيش لصدور ابناء الوطن من المتظاهرين السلمين لدرجة أن يصل عدد القتلى الى 1800 قتيل حتى الان ناهيك عن المصابين بالالاف , فبلا شك سقطت شرعيته واخر شىء كنا نتوقعه ان يصدر مثل هذا الكلام من رجل كنا نستبشر فيه الخير ولا أدري ما سر التحولات التي تحدث فى شخصية كل من يدخل هذه الجامعة العرجاء !!

مش عارفه افسرها ان القناصه لا ينتموا للداخليه يعنى مثلا الشهداء الى سقطوا برصاصات مباشره فى القلب هما الى ضربوا نفسهم بالنار و لا الفوارغ الى لقيتها لجنه تقصى الحقائق فوق مبنى وزاره الداخليه و الجامعه الامريكيه دى السما مطرتها و الفيديوهات و شهادات الشهود و تقارير الطب الشرعى ازاى مثلا ناس تقدر تدخل مبنى وزاره الداخليه و تطلع على السطح و تضرب الناس و هما مش ن ضباطه علشان يحصل كدا لازم يكونوا حاجه من اتنين اما مخابرات او حرس جمهورى اكيد فى اكتر من وسيله لمعرفه هويه القناصه دول و تقديمهم للمحاكمه يطلعوا بقى داخليه خارجيه حرس جمهورى حرس حدود حتى المهم ان الى عمل كدا يتحاسب حساب عسير لكن رمى الكرات على بعض دا لغايه الحق ما يضيع مش صح و مش لازم يتسمح بيه اساسا هذه ليست المرة الأولى التى يعلن فيها العيسوى عن عدم مسؤولية الداخلية عن عمليات القنص .. سبق أن أعلن هذا فى أبريل الماضى على هذا الرابط أرجو مشاهدة هذا الفيديو .. فقد يلقى بعض الضوء على تكامل عمليات القنص مع أدوار أخرى تقوم بها عناصر "وطنية" بعلم أو بدون بعلم http://www.youtube.com/watch?v=nlAZw8ptNxU

ملخص بيان المجلس العسكري : - - استمرار دعم المجلس العسكري لعصام شرف - المجلس العسكري لن يلتف على الشرعيه او ينقلب على السلطه - تحذير شديد اللهجه لمن ينحرف عن النهج السلمي للتظاهر - اصدار وثيقه جديده تتضمن مبادئ حاكمه لوضع دستور جديد - التحذير من الاشاعات المغرضه - محسن فنجري: القوات المسلحة لن تسمح بالقفز علي السلطة

إهداء لمن لا يعرف اللواء : محسن الفنجري http://www.facebook.com/video/video.php?v=227798937259971&oid=225459577493890&comments

ردا على الفاضلة "لماضة مصرية جدا" الموضوع يا سيدتى لم يكن عن الرأى فى البيان .. الموضوع كان عن "لغة الجسد" التى استخدمها اللواء محسن الفنجرى .. الرأى فى مضمون البيان ستجدينه فى هذا الموضوع لغة الجسد أضافت إلى المضمون ، ولم تنتقص منه .. هذا رأيى .. وبعد سنوات من الآن .. عندما يبدأ المؤرخون عملهم .. سيبقى نص البيان ، وسينسى الناس لغة الجسد .. وسيذكر المؤرخون أن هناك من ساءه هذا البيان ، وسيحكم قراء التاريخ .. بعقولهم

المقارنة سلاح شيطاني يهدم اي بيت

لو تسمحوا لي في التوبيك ده اكتب مداخلات كتيره العدد قليلة الكلمات حكون ممنون جدا بدلا من مداخلة واحده كثيرة السطور تاني حاجه ما تحطش في بالك ان هناك امرأة ما افضل مما عندك فالنساء ( واخص المصريات ) في النهاية نفس الانثى اقنع بما عندك يبارك الله لك وغض البصر تستشعر لذة الطاعة ولذة الحلال ,,

معاكي يا استاذة وبقوة وان شاء الله ححط هنا درر في كيف تكسب زوجتك ان شاء الله واحتسب الثواب من الله اول حاجه اسمع لها خليها تتكلم كتير كتير كتير مجرد الانصات والتفاعل والاهتمام كسبت قلبها يتبع .. !

عزيزتى دكتوره ام احمد انا لا الومك على نشر هذا الخبر فانا متأكد ان حضرتك نشرتى الخبر ده بسبب حبك لمصر و خوفك عليها لكن احب اطمئنك ان الخبر ده غير صحيح تماما و انا حزين ان جريده زى الوفد تنشر خبر زى ده من غير التأكد منه ليه المحرر متأكدش بنفسه ان فيه استفتاء الكترونى زى ده و على حد زعمه 2.9 مليون واحد وقعوه؟. انا عمرى ما سمعت ان فيه استفتاء الكترونى وقعه هذا العدد اصلا! منتهى عدم المهنيه و الاستغلال السيئ للحريه للأسف كتير من الجرايد تنشر اخبار عن ما يسمى "اقباط المهجر" تشعر عندما تقرأها ان فيه دوله قبطيه هتقوم بكره مين رمزى بولس ده اصلا و مين موريس صادق ده راخر من سنه كده بدأت اقرأ فى الصحف المصريه عن موريس صادق ده رغم إننى عمرى ما سمعت عنه فى الاوساط القبطيه عملت سيرش على جوجل طلعلى بلوج تعبان و كحيان باسمه الشخص ده مع نفسه خالص و حتى مبشتغلش من خلال مؤسسه او جمعيه حقيقيه ليها مؤيدين حتى دلوقتى حاولت الاقى الموقع بتاعه و ملقتهوش و الكلام عن دوله قبطيه كلام فارغ و ميدخلش عقل عيل صغير الاقباط موجودين فى كل مدينه و محافظه فى مصر. هيسيبوا بيوتهم و شغلهم و دراستهم و يروحوا فين؟ هيسيبوا كنايسهم و اديرتهم الاثريه اللى موجوده فى كل انحاء مصر لمين؟ و بعدين الاقباط ملهومش مناطق جغرافيه بيمثلوا اغلبيه فيها كلام فارغ مبيجيش من وراه غير الفتنه انا مش بلوم حضرتك على حبك لمصر لكن برجاء التعقل قليلا و عدم تصديق هذه الاخبار المغرضه بسبب الاندفاع العاطفى تقبلى فائق الاحترام

طيب اسمحولى اقول انا برضه راى و اجرى على الله باختصار شديد ما يحدث مع سويرس من حملات شرسه لمقاطعته ما هو الا حرب سيايه شرسه عليه و قوى معينه تريد ان تبرز مدى قدرتها و قوة تاثيرها فى الشارع المصرى استعراضا امام القوى الاخرى لتخويفها اولا الرسوم التى وضعها سويرس لم يقم هو برسمها و كانت منتشره قبلها بفتره طويله على النت و لم ينتفض احد لذلك ثانيا مع احترامى للاراء المخالفه فانا لا ارى فيها استهزاء بالدين كما يحلو للبعض ان يصورها قد تكون رسمت وقت ظهورها احتجاجا على فتوى ميكى موس الشهيره و قد يكون اعادته وضعها مره اخرى فى صفحته دعابه سمجه لم يحسن التصرف فيها لكن المؤكد انها لا يمكن تشبيهها بالرسوم المسيئه للرسول صلى الله عليه و سلم كما قيل عنوه فلا هى تمثل شخص الرسول و هو يحمل سكين او يحمل على راسه قنبله و لا حتى اظهرتهم بمظهر الارهابيين ثالثا ان الرجل اعتذر اكثر من مره و لكن هيهات فلان الدين ليس هو سبب الحراك الحقيقى عند من يحركون اللعبه من وراء الستار فهم لا يريدون للموضوع ان يطفىء بل يريدون شعللته اكثر من ذى قبل لاسباب سياسيه بحته كما سبق ان قلت رابعا سبق لاحمد رجب و مصطفى حسين ان قاموا برسم المنتقبات و الملتحين بشكل ربما اكثر سخريه و نقدوهم بشكل اعنف من ذلك و لكن رد الفعل لم يكن يوازى 1% من رده الفعل تلك و بالطبع ايضا لنفس السبب السابق ذكره خامسا المشكله التى تواجهنا نحن المسلمين اننا للاسف فى امور كثيره نكيل بمكيالين و لا تراعى الحياد و ابسط دليل على قولى هذا ان مسلمين كثر اهانوا بمعنى الكلمه و بفعل التعمد الواضح للاهانه رمز مقدس لدى المسيحين هو البابا شنوده و ذلك بضرب صورته فى المظاهرات بالحذاء و سبه بسباب علنى و رغم ذلك لم نجد المسيحين يقومون بحمله شعواء لمقاطعه كل من هو مسلم رغم شده الاهانه و تعمدها و عدم اعتذار احد ممن قاموا بتلك الفعله حتى الان لشركائهم فى الوطن الذين اذوهم بتلك الفعله حتى الان اهو حلال زلال لنا و على غيرنا كبيره من الكبائر لما نرضى لانفسنا ما ننكره على غيرنا بالله كفى تبريرلانفسنا سيدنا عمر عندما راى شحاذ يهودى خصص له راتب من بيت المال و قال فيما معناه اننا اكلنا شبابك و لم نؤدى لك حق شيبتك سويرس اخطا لا جدال لانه دخل منطقه ليست له و لكن هل هو الوحيد الذى اخطا و تجاوز ام من الناحيه الاخرى هناك ايضا تجاوزات و الى متى سيستمر هذا العقاب الابدى الذى يوما بعد يوم يتضح منه انه لا يهدف نصره دين بقدر ما هو يهدف الى تركيع شخص للقضاء عليه اقتصاديا و سياسيا درسنا سابقا ان لكل فعل رد فعل مساو له فى المقدار لكن اتضح فى الحياه الفعليه ان هناك ردود افعال تتجاوز كل الخطوط الحمراء لتصل الى لد الخصومه تطبيقا لمثل العجل لما بيوقع سكاكينه بتكتر انا لا ادافع عن سويرس و لكن ادافع عن دينى الذى علمنى الا نخمض الناس حقوقهم حتى و ان كانوا كفره و ليسوا من اهل الكتاب و ان حتى فى الحرب مع الاعداء فى قواعد و محرمات يجب الا ننتهكها و ليس مع شركاء الوطن ان كان لسويرس فساد اقتصادى فليتقدم من يملك المستندات الى النيابه و يفتح تحقيق و اذا ثبت تورطه فلياخذ اقصى عقوبه ممكنه اما المعاقبه بالاماته فليست خصال من ينظر للاخر على انه شريكه فى وطنه بل شيمه من يتحفز للاخر ليقضى على وجوده تماما ان امكن

(27) صباح جديد مشرق بالأمل و معطّر بالورود يبدو أنني كنت أحتاج بشدة إلى النوم لقد نمت طويلا نمت بحمد الله راضية قريرة العين أعرف يا ربي أنك الوحيد القادر على إسعادي لا تتركني أنت الواحد الأحد الذي يستحيل أن يخذل عبدا التجأ ببابه أحتاجك يارب أحتاجك بشدة ابقيني معك و اجعلني دوما من زمرة عبادك الصالحين

مش فاهمة بصراحة الاخوة اللي هنا و اللي على الفيس اللي متضايقين اوي من لغة البيان حضراتكم متضايقين ليه هو كان بيهددكم انتوا التهديد و الحزم في الكلام كان موجهة للناس اللي فاكرة البلد بقت سداح مداح و اللي له شوق في حاجه يعملها حد طق في دماغه يقفل طريق رئيسي ياخد شوية ناس و يروح يقفله و يقولك احنا ثوار او اهالي الشهداء كأن صفتهم دي تديهم الحق في انهم يفتكروا ان مصر دي لعبة حد يطق في دماغه يروح يوقف الملاحة في قناة السويس حد يطق في دماغه يروح يتهجم على سفارات الدول حد يطق في دماغه يقفل البورصات زي ما حصل في اسكندرية و اللي يروح يقفل رئاسة الوزراء و يعين من دماغه ايييييييييييييييه هي البلد دي سايبه كلنا مخنوقين من اللي بيحصل و البلطجة اللي شغالة على المصالح الحكومية و دا مش عصيان مدني اللي افهمه العصيان المدني يكون نابع من الناس اللي شغالين نفسهم مش ان حد يمنعهم عن اشغالهم و يقولهم احنا النهاردة محضريلنكم مفاجأة و عاملينلكم عصيان مدني يالا يا حليوة انت و هو روحوا بيتكم قفلنا الطابونة و هانفتحها اربع و خميس ايه دا هل دا معقول هل دا مسموح بيه في اي دولة حد يديني مثال عن اي دولة محترمة حد يروح يعطل و يقفل مصالح حكومية فيها و تسيبه و زعلانين ان الجيش طلع بيان شديد اللهجة لا و الله كان المفروض يفضل يطبطب و يدلع و يقول نهيب اللي يزعل من البيان دا الناس المخربة اللي مش على هواها تصرف الجيش لكن يعني ايه الناس المحترمة تتضايق و يتقال على الفيس ان اي تهديد لجزء من شعب مصر هو تهديد لشعب مصر بحاله دا مع احترامي كلام فارغ الجزء من شعب مصر دا غلطان و ما هماش ملايكة عشان نقهر نفسنا عليهم اوي دا رأيي بصراحة و منسجمة جدا من الخطاب عشان اللي فاكر مصر بقت طابونة يلم نفسه

يعيش الفاضل : أبو محمد وتسقط فوضى كوندليزا أحسن ما قرأت من فترة وأفضل تحليل بارك الله فيك يا أبا محمد وفي صوت العقل ولابد من القوة اللازمة لأن الموضوع زاد عن حده دا بيختار مجلس رئاسي من خمسة ودي بتختار مجلس رئاسي من سبعة والشعب قاعد يتفرج على المعيلة والمكلمة وسلم لي على دم الشهداء

لا أظن أنكم اقتربتم من الهدف الأساسي من وراء كل ذلك فما تظنه أنت أنه اقتراب أنا أظنه ابتعاد وما تظنه تمام أظنه نقصان

(24) هل في الحب عرض و طلب يا للعجب !!! ملل كلل تعب نصب هذا حالي ياسيدي سئمت تكاليف الحياة و من يعش طالبا للحب مجنون تعِس سوق و بضاعة رقة و وداعة تُسحق تُمحق بكل بشاعة بلا أدنى ندم من يكسب في اللعبة؟ في دنيا العدم هيا أقبل حبٌ للبيع دنيا العروض خذ قلبا معه قلبين من ورق - و كلام البيع؟ - سأجعلهم ثلاثة قلوب من ورق من يستبق؟ وجديد المعرض خذ لا تُعرض قلبا آليا يوافق حالاتك و مزاجك يصلك يهجر يٌقبل يدبر ضغطة زر هذا كل ُ ما في الأمر مزادٌ نُصِب لأعلى سعر

توبيك جميل ياامل حياتى صورنا كتيرة اوى ولا محل المصوراتى لكن دى بعض صور اخدناها بالموبايل الصيف ده بمطروح شاطئ عجيبة عبودى على هضبة عجيبة شاطئ الابيض الابيض فى الغروب

(23) وردة حمراء ترقد في بقعة ضوء تنظر لي ترقبني بحنان تخبرني ترجوني ألا أحزن اقتربت مني مسحت دمعي ربتت في صمتٍ على كتفي لا تندهشي لستِ وحدكِ أشعرُ ألمكِ كوني بخيرٍ لا تبتأسي و نظرتُ لطلتها الحمراء في ألقٍ ترنو ببهاء تتهادى بصمتٍ في خُيلاء يرجوها العاشق و المحزون و الثائر وجدا و الهائم عشقا يهدوها حبا بجنون يقولون... أنا المفتون لا أحد يعرف لا أحد يفهم قالت بألم... لوني الأحمر عطري المزهر جراحاتُ خنجرٍ خائنٍ مسموم و سمائي غيومٌ تقطر دمّاً تعصر قلباً كان في يومٍ مكلوم يا وردتي الحمراء قد جئتِ لقلبٍ مكسور عشق النور عاش لدهرٍ بين الحور فتعالي لسمائي زيدي في بهائي سأهديكِ نوري و ضيائي أحتاج لرفقتكِ لأملأ بالحب حياتي

http://www.youtube.com/watch?v=ylWol4sGC5Y يعطي الصباح لأطفاله عهودا من هيام يلفهم بغيم أبيض ونبوءات عذبة وأوشحة من العزاء .. يمر الصباح متلفعا بعباءة فجر على أطرافها تتلألأ نجمة صبح وحيدة يحمل بأصابعه الدافئة قلوبهم الرقيقة غارقة من هول الألم في خدر كالبراءة ينفض ما علق بها من غبار السهر وأشجان البعاد يزيل ما انغرس فيها من أشراك الوحدة وأشواك المنافي ثم.. يعيدها في صدورهم بعد أن يطبع بين عيونهم بهجة كالقرب .. على مخدات أطفاله دائما يترك الصباح رسائله التي تقول: أطفالي.. لا تهبوا ذواتكم لغير من يستحق أزيحوا عن وجودكم زحف رمال التعاسة أغرقوا أنفسكم بسعاداتي البيضاء مهما بدت لكم صغيرة.. حلقوا بأجنحة عريضة في أفاق أفراحي فغدا..أفراحكم تكبر تستحق عيونكم الأصدق لأنكم أحببتم وكنتم - كذلك - الأصدق يقول الصباح: أطفالي.. لا تفسحوا في قلوبكم أمكنة للردى وأعشقوا اعشقوا اعشقوا تنمحي من أرواحكم مرارات الغدر وضراوات القتل

(17) حالة نادرة من التكاتف بين عقلي و قلبي و روحي و جسدي و نفسي و ضميري هم لا يتفقون نهائيا و لكنهم اتفقوا علي قاموا بثورة !!! و اعتصام بمطالب ... أحسبها مطالب فئوية!! كلهم يشتكون ظلمي لهم... و كلما اهتممت بأحد منهم غار الآخرون... احترت ... ماذا أفعل؟ و للعجب فهم ستة نفس عدد أطفالي هل كتب عليّ دور الأم إلى مالا نهاية؟؟؟ مع أنني أعد نفسي أنانية جدا و أهتم بذاتي كثيرا !!! لماذا يلتصقون بي جميعا؟؟؟ هل صرت مسؤولة عن البشر؟؟؟ أين ذلك الحنان الذي يرونه بي؟؟ و لماذا لا أراه أنا؟؟ أريد أن أبكي أمي ... الكل يرتمي بين ذراعي و لا أجدها لأرتمي بين ذراعيها... اشتقت لطفولتي حيث لا مسؤوليات و مساءلات أريد أن أغلق النور و أبكي حتى أنام ربما زارتني أمي في منامي ربما تأخذني الشمس في أحضانها في الصباح و تغسل أشعتها قلقي و اضطرابي و يغمرني نورها و ضياؤها بالدفء و الأمان

1,2,3,13,23,24 لفت نظرى ان معظمنا كان بيشخبط على الحيط . . ده علشان فراعنه! . . ولا قلة ورق!

مش عارفه ليه مش ظاهرين مع ان عندى ظاهرين طيب هحطهم تانى و قوليلى لو برضه مظهروش

اهلا بعودتك يا سوسو ربنا يوفقك في حياتك ممكن سؤال سريع لو سمحتي كم المصروف الشهري لعائلة مكونة من اب وام و3 اطفال كلهم تحت 6 سنوات يعني لو حيعيشوا في ميسسيساجا في شقه غرفتين نوم ومعاهم عربية انا اتوقع 3500 دولار معقول خبرتك بعد سنتين في كندا لا تقدر بثمن شكرا لك

(5) كنت أصاب بالحنق عندما كان ابني يقول: " ماعملتش حاجة! " مع أنني رأيته بأم عيني يفعل !!! أو "ما أخدتش حاجة!" مع أني أعطيته بيدي!!! أو عندما يصرخ في وجهي و هو غاضب " مبحبكيش" و بالخبرة أدركت... الأطفال لا يتصرفون مثلنا بناء على تراكمات خبرات الماضي فهم يعيشون اللحظة يعني لما يقول ما عملتش حاجة فهو يقصد أنه لم يفعل ما يستحق عليه العقاب أو قد يقصد أنه لم يفعل ذلك متعمدا و لما يقول ماخدتش فهو يعني أنه لم يكتفي يعني لم آخذ ما يكفيني أو لازلت أريد المزيد و لما يقول مبحبكيش فهو يقصد شعوره في تلك اللحظة بالتحديد و ليس عن معرفة دقيقة لمشاعره و ربطها بأحاسيس معقدة و خبرات مؤلمة مر بها أوصلته لتلك النتيجة و الجميل فيهم انهم بينسوا بسرعة صاروخية المثير في الأمر أن من الناس من يأخذ الأمور بهذه البساطة و لا يفلسف مشاعره و لا يحمّل المعاني أكثر مما تحتمل و ينسى بسهولة إذا أردت أن تكون سعيدا عش بقلب طفل!