لوحة القادة

لا بقى دى مش صح.. هو يقصد الشرطة بدليل ان كل اللى حكاه ( حسب يعنى الحبكة الدرامية اللى تخيلها ) ..حصل ف وقت كان فيه راعى الأمن مغمض عينيه.. وراعى الأمن هنا المفروض يعنى يبقى الشرطة..(( الداخلية بحالها )) .. لأن الجيش او المجلس العسكرى مكانش له اى دخل ايام ماكان كل الفساد ده بيحصل ف الحياة المدنية .. الجيش مهمته واضحة ومحددة.. لاعلاقة للمجلس العسكرى بما حدث من فساد سابق. الاسقاط كله على بعضه مش غريب على ..علاء الاسوانى.. سبق لى وقلت رأيى فيه ف قصته شيكاغو وف عمارة يعقوبيان .. ف كل كتاباته يعنى .. هو يلجأ دائماااا الى نفس نقطة الضعف لدى اغلبية القراء او..هذا ما يتخيله وينجح فيه.. بقدرة قادر ( قال ان هذا يسمى مقال )... ويعنى ايه قتلوا ( الفتوة .؟؟. بيحاول يقلد نجيب محفوظ ف الحرافيش بس تقليد تايوانى يعنى ..والا يقلده ف الناجى ...وعبد الجبار وغيره......يقصد طبعااا الرئيس والشلة ) ...ثم .. بعد مقتله يتضح ان صاحب الشامة هو..الضابط..؟؟ فيه نقطة يعنى فلتت منه...(( مع الاعتذار لكل المدافعين عنه ))...معنى ان الضابط هو صاحب الشامة ...!!!! ان الفتوة ...اتقتل بالخطأ(( ياعينى ياحرام ولاحول ولاقوة الا بالله ..تم اتهامه ظلم ))... يعنى ده معناه انه بيناقض نفسه.. بيطلع المفترى برئ...ف الآخر يعنى ..دى بقى عليها مليون علامة استفهام.. يظهر كمان ان الثورة (( لمعت اكثر بعض من كانوا يصرخون ...لكن ابدااااا لم يذكروا اى اسماء صريحة )).. ماعلينا...ماهو الكل بيركب الموجة.. مقال بذئ....اسقاط فى غير موضعه.. اهانة لايستحقها المصريين.. يعنى ملقاش الا التشبيهات دى؟؟؟ ياخسارة ... كنا بنقول ثورة القرنفل ف البرتغال ف السبعينات... وثورة الياسمين ف تونس.. وثورتنا الجميلة جداااا ....ثورة الورد اللى فتح فى جناين مصر... ييجى يشوه كل ده؟؟ وتقولوا اسقاط؟؟؟ هو فعلا اسقاط....هو اسقاط واسفاف .. ولا عزاء لأى مواطن مصرى عااااااقل.. لاتقولوا سلفيين ولا ليبراليين ولا يساريين ... وشوفوا انتوا عملتوا ايه؟؟؟ يادوبك...تم قراءة ما اسميتموه.او ما اسماه البعض....(( فن)) وبدأ التراشق بين السطور .. كل واحد بيدافع عن وجهة نظره فيم كتبه الكاتب .. رغم انه لايستحق حتى ..مجرد رؤية سطوره التى تحمل الاهانة بدون قصد مقصود.. ولمجرد الفرقعة الاعلامية .. والصراحة يعنى .... :protest: :protest: :protest:

مفيش حد مستفيد من حالة الإنقسام بين فريق نعم وفريق لا مين اللي خلق نعم ولا غير المجلس يهاجم بتوع لا عشان مصلحة نعم ويهددهم بصباعه بعدها علي طول يلاعب بتوع لا بحكاية اعلان دستوري ومباديء فوق دستورية صد مصلحة فريق نعم وأهو قاعد شوية هنا وشوية هناك وأهي ماشية الشيطان جنبهم عيل http://ar.wikipedia.org/wiki/%D9%81%D8%B1%D9%82_%D8%AA%D8%B3%D8%AF فرق تسد هو مصطلح سياسي عسكري أقتصادي الأصل اللاتيني له"divide et impera". ويعني تفريق قوة الخصم الكبيرة إلى أقسام متفرقة لتصبح أقل قوة وهي غير متحدة مع بعضها البعض مما يسهل التعامل معها كذلك يتطرق المصطلح للقوى المتفرقة التي لم يسبق أن اتحدت والتي يراد منعها من الاتحاد وتشكيل قوة كبيرة يصعب التعامل معها

اطرح هذا الموضوع الذي يهم كل اسره لديها اطفال لا زالوا في سن الدراسة لان الكثير يعاني ولا يعرف مما يعاني فلديه طفل ذكي او خارق الذكاء ليس لديه اية مشاكل ظاهريه ولكنه مع ذلك .... لا يتعلم هو بروشور من ترجمتي ولا زال يوزع حتى الآن من سنين طويله ... اتمنى ان تتحقق الإستفادة منه ..... صـــعوبات التــعلم Learning Disabilities ما هى الصعوبات التعليمية : الصعوبات التعليمية LD هى اضطرابات عصبية في بنية الدماغ تتداخل مع مقدرة الشخص على تخزين ، إدخال أو إنتاج المعلومات وتخلق فجوه بين قدرة الشخص وادائه. وغالبا ما يتمتع الأشخاص الذين يعانون من صعوبات تعليمية من معدل ذكاء متوسط أو أعلى من المتوسط . ولا يكون السبب المباشر في ذلك وجود إعاقة جسديه ( بصرية أو سمعية أو حركية ) أو إعاقة عقلية ( التخلف العقلي ) أو اضطراب سلوكي أو ظروف أسرية أو اجتماعية ( الفقر ) أو بيئية، علماً بأن أي من هذه الحالات المستثناة قد تكون مصاحبة لصعوبات التعلم . يمكن أن تستمر الصعوبات التعليمية مدى الحياة وهى تؤثر على مجالات عديدة من حياة الفرد : المدرسة أو العمل ، الأنشطة الروتينية ، الحياة العائلية واحيانا الصداقات واللعب . وقد يلاحظ بشكل واضح لدى بعض الأشخاص وجود الإعاقات التعليمية بينما قد توجد اعاقه تعليمية واحده لدى بعض الأشخاص . وليس بالضرورة أن تكون كل المشاكل التعليمية إعاقات تعليمية لأن بعض الأطفال يكونون أبطأ من غيرهم في تطوير مهارات معينه .

لا أدرى لماذا لم يقترح الثائر الحقيقى ممدوح حمزة العفو عنه كما اقترح العفو عن المغربى وجرانة وهذا هو رأيه بالصوت والصورة (الدقيقة 2:40) http://www.youtube.com/watch?v=S2L5kiXax10&feature=player_embedded فى رأيى الخاص .. ومن معلوماتى الشخصية إن رشيد أشرف من الاتنين دول بكتير .. بكتير جدا

أُحِبُها ...رغم اندلاع الحزن .. فى جوف الكلام أُحِبُها ... رغم انكسار الحلم .. وأنــيــن الألام أُحِبُها ... أمواج بــحرٍ .. تحتوينى .. فى غرام أُحِبُها ...صوت الأذانِ.. مُداعباً ..سرب الحمام أُحِبُها .. وقت الصباحِ .. تستوى ..خلف الإمام أُحِبُها .. وقت الغروب.. ترتدى .. ثوب السلام أُحِبُها .. مصر التى .. عشقتها .. حتى الهيام المحب : محمود البصيلى

صلي عالرسول ومش عاوزين تفاصيل يابو عُمر ياللي دوست الفيلم وجاي تحكيه لنا الإدارة سي السيد

السلام عليكم الاخوه الكرام جزاكم الله خيرا اسقاط غير مستغرب من صاحب عماره يعقوبيان الاسوانى لم يرى غير شيخ المسجد و اليسارى العتيق طيب الشارع ده ما فيهوش ليبرالى متواطئ مع ابوشامه و كان يجالسه و يخدم عليه فى رص الشيشه و تجهيز لزوم القعده و ينوبه نفسين وراء ابو شامه ما فيهوش كنيسه القسيس فيها له علاقات خفيه مع ابوشامه و تبادل مصالح يقوم فيها ابوشامه برد اى مسيحيه تسلم الى القسيس قسرا و قهرا مقابل دعم القسيس لابوشامه و مساندته بل و حتى تجهيز ابوشامه الصغير ليصبح ابوشامه كبير بعد ذلك الاسوانى الليبرالى لم يرى و لن يرى هؤلاء و غيرهم و معروف طبعا السبب .

http://www.youtube.com/watch?v=Z_LYGowZMJk الشكر الجزيل لبوند المؤلف و لوائل المخرج

من أجمل كلمات الدعاء ...... اللهم يا فاتـــــــح الابــواب .. ومنزل الكتاب وجامــع الاحباب ارزقنا رزقا كالامطــــــــار حين تصب .. واجمعنا بكل من نحب ، وهون علينا كل صعب ، واجعل ايامنا عيدا ، ويومنا سعيدا وعمرنا مديدا ، واجعل لنا من كـل هم فرجا ، ومن كــل ضيق مخرجا .. آمين . اللهم يا عزيز يا جبار اجعل قِلوبنا تخشع من تقواك واجعل عيوننا تدمع من خشياك واجعلنا يا رب من أهل التقوى وأهل المغفرة وارزقنا الهدى والتقى والعفاف .. آمــــيــــن ..

مش كنتوا بتقولوا الثائر الحق يتوقف فورا عن الثورة خلاص ! :happy: لا مالكمش حق والله المفروض يا جماعه تتفرغوا للبناء عشان عجلة التنمية فعلا كده حتتوقف وبعدين الناس تعبت خلاص كفايه كده اهدوا شوية ! والاهم من كل ده ,, الجيش ما يتقالوش (( حذار )) حد يقول للجيش المصري : حذار !!! لو سمحت يا طارق الجيش المصري خط احمر ولن نقبل ان يتم التحدث الى الجيش المصري بتلك الطريقة

اللهم أسألك نعيما لا ينفد وقرة عين لا تنقطع ولدة النظر الي وجهك الكريم ومرافقه نبينا محمد في الفردوس الاعلي بلا سابقة عداب ولا مناقشة حساب امين اللهم الهمنى رشدي واعدني من شر نفسي رب ارحم امي وابي كما ربياني صغيرا واطل عمرهما علي طاعتك رب اغفر وارحم وانت خير الراحمين امين

بسم الله الرحمن الرحيم الأخوة الكرام / أعضاء المنتدى تحية طيبة وبعد ... إستجابة لطلب أخي الفاضل / Abu Reem و الخاص بفصل موضوع المشاريع العقارية المعروضة الآن بالسوق عن موضوع نشرة أخبار العقارات ليتمكن قارؤنا الحبيب من متابعة المشاريع و معرفة الأسعار مباشرة بسهولة و يسر . أتشرف بتقديم هذا الموضوع و الذي يختص بهذا الأمر فقط على أن أقوم بتحديثة أول بأول إعتبارا من غداً بإذن الله . الأخوة الأفاضل أرجوا من الله أن ينال هذا الموضوع إعجابكم و أن يحقق الغرض منه . مع خالص تحياتي مهندس / أشرف محمد

السلام عليكم ورحمة الله وبركاته كل ما أسمع أغنية من ألبوم انسان لحمزة نمرة تعجبني جدا وأبقي عايزة كلكم تسمعوها الألبوم جديد ويحتوي علي أغاني جميلة جدا .... ياريت تسمعوا الأغاني ونتناقش فيها مع بعض. أول أغنية هي أغنية الألبوم بعنوان إنسان http://www.youtube.com/watch?v=tXEjqqmVGOc الأغنية التالية بعنوان التغريبة- تذكرتي رايح جاي http://www.youtube.com/watch?v=7GvndMNbdFY&feature=player_embedded

وبحلم بيكى ... يا بهيه اشوف ايامك ... الجايه فى شريان ... بالحياه يجرى ونيلك ... سلسبيل يسرى ويسقى الأرض ... بالميه سنابل قمح ... بتنور وعباد فى السما ... يدور على الشمس ... المخبيه وبحلم بيكى ... يا بهيه اشوفك ... زينه الوادى عروسه جميله ... يا بلادى تاجك ... مجد أجدادى وتوبك ... فجر حريه على كفوفك ... شجر حنه وريحه مسك ... م الجنه قلوبنا بيكى ... تتغنى يا أم الدنيا ... يا صبيه ============================== فاطمه حمزه

فلتت أدوات الرمزية من الأسوانى عندما أخرج لنا "كريم" فجأة من كم قميصه دون مقدمات .. ألم يكن من الأجدر به أن يقدم لظهور "كريم" ويلقى ولو بقعة ضوء بسيطة على موقف "كريم" ابن الحاج مصيلحى خلال العامين والنصف (الثلاثين شهرا) عندما كان أبو شامة يغتصب "أم كريم" ؟ ربما يريد أن يقول لنا إن الشرف ليس من القيم .. لأن القيم معروفة لنا أنها لا تتجزأ .. يعنى من لايرضى باغتصاب عروسته ويثور من أجلها ، من المؤكد أنه لا يرضى باغتصاب أمه .. بل إن ثورته من أجل اغتصاب أمه تكون أعتى .. وهى أحق وأولى من أن يعيش حياته (سنتين ونص) يحب فيهم ، ويخطب ، ويتجوز ، و "يسافر" يقضى شهر العسل كمان ، ولا يثور إلا لاغتصاب عروسته

- حتى لا ينقلب علي الشرعية مثل هذا الانقلاب والذي تحول الي ديكتاتورية مازلنا ندفع ثمنها حتي الان http://www.youtube.com/watch?v=Ue7bt-etaJA - حتي لا يأتي من يزور إرادتي ويفصل دستور علي مقاسه ومقاس ابنه http://www.youtube.com/watch?v=WVVoa445tWs من اجل ذلك ارى حتمية وجود مواد فوق دستوري

بحبها...لأنى معرفش محبهاش. ليه بنحب مصر؟؟ محدش يقدر يجاوب عن سؤال زى ده...ليه بتحب؟؟ ليه بنحب؟؟ لو فيه سبب..وراح السبب...حايضيع الحب . وعلشان كدة مفيش اسباب...مفيش اى اسباب للحب ....لهذا يستمر الحب مدى الحياة. هو حب وبس. عشق بلا حدود ..بلا قيود...رباط ابدى . يولد المصرى وحبله السرى جذر ثابت فى أرضها. يرحل بعيدا...وحبله السرى لامرئى وممتد عبر اى اثير. اكذب.؟؟..لا..لااكذب..لكنى كنت اتخيل الصورة وسأحاول تخيل صورة اخرى . المصرى لايولد كباقى خلق الله... المصرى ...ينبثق من اعماق الأرض ...كما الزرع ...كما البذرة رويتها من نبع صاف . لهذا يرتبط بها..لو خلعته من جذوره....يموت. بحبها... بحبها ومن غير ..ليه؟؟ مفيش ليه.. افرح بيها عفية واطبطب عليها حزينة. افتخر بيها واحزن لو اشوفها منكسرة . يااه.. مصر؟؟؟ فيه حد مش مصرى ...مبيحبش مصر؟؟؟ فما بالكم وانا...مصرية.

سؤال عميق وجميل جداً ايوة طبعاً الدعاء بيغير المقادير ربنا سبحانه وتعالي قادر علي كل شيء .......... ربنا هو اللي كتب لينا حياتنا وهو اللي قادر يغيرها ....... سبحانه وتعالي قادر علي كل شيء واكبر دليل علي دة قوله تعالى ( ادعوني استجب لكم ) وقوله ( وإذا سألك عبادي عني فإني قريب أجيب دعوة الداع إذا دعان ) وقوله( يَمْحُوا اللَّهُ مَا يَشَاءُ وَيُثْبِتُ) فلو كان الدعاء لايغير المقادير ..... لما امرنا سبحانه وتعالى به ؟؟ السؤال عجبني اوي هسيبه للي بعدي

اللهم ان لك الحمد كما ينبغي لجلال وجهك وعظيم سلطانك لك الحمد حتى ترضى ولك الحمد اذا رضيت ولك الحمد بعد الرضا اللهم آتنا في الدنيا حسنة وفي الآخرة حسنة وقنا عذاب النار اللهم اغفر ذلاتنا واسرافنا في امرنا وتولنا مع الابرار اللهم تقبل منا صالح اعمالنا واكتبنا مع عبادك الصالحين اللهم لاتدع لنا ذنباً الا غفرته ولا هماً الا فرجته ولا حاجة الا قضيتها يارب العالمين اللهم ارحم ضعفنا وقله حيلتنا اللهم انك سميع رحيم مجيب الدعاء وصلي اللهم علي الحبيب المصطفى وعلي آله وصحبه وسلم

اتمني الدعوة تكون للاسكندريه لسبب بسيط اني بحبها قوى :wub:

بجد يادريمي اغاني جميلة وصوت جميل ومعاني فعلا رائعة بقالي كتير ماسمعتش المعاني دي تسلمي ياقمر

شوف يا تيمور باشا ... من وجهة نظري ... خلاصة المطالب دي حاجتين 1- الاعتراض على تأجيل الانتخابات البرلمانية، والسبب طبعا مش حكاية الإرادة الشعبية والكلام الكبير ده لإن الإعلان الدستوري واضح وينص على "بدء الإجراءات" وليس "الانتهاء من الانتخابات" خلال ستة شهور ... الفكرة هي أن التيارات الإسلامية كانت تريد أن تكون الانتخابات بعد شهر رمضان مباشرة حتى تستغل إقبال الناس على المساجد خلال الشهر الكريم وسيطرتها على المنابر في الدعاية السياسية ... وبالتالي تعبئ أكبر عدد من الناحبين في صفها قبل الانتخابات مباشرة. ده طبعا بالإضافة الى لهفتها على الوصول لانتخابات تتصور أنها ستحقق فيها أغلبية كاسحة من أجل الوصول للسلطة والقضاء المبرم على فكرة الدولة المدنية. 2- الاعتراض على فكرة المبادئ الحاكمة للدستور ... وبرضه المشكلة ليست في فرض الوصاية على الشعب بمواد فوق دستورية كما يزعمون فالإسلاميين أنفسهم يعتبرون المادة الثانية فوق دستورية (أو ربما هي الدستور كله) ولأخي الأستاذ طارق حسن موضوع في المنتدى بهذا العنوان، بل أن هذا الاعتراض يكشف بوضوح أن لديهم نوايا لتشكيل الدستور القادم بما يتعارض مع المبادئ المقترحة وخصوصا تلك المتعلقة بالديموقراطية والمساواة بين المواطنين في الحقوق والواجبات ... وإلا فليفسر لي أحدهم لماذا هذا الرفض المطلق لمناقشة الفكرة من أساسها ... وإن كانت لديهم اعتراضات على المبادئ المقترحة فليعرضوا هم المبادئ التي يرونها أصلح ... ألا تعرض الأحزاب برامجها قبل الانتخابات ليختار الناس ممثليهم عن معرفة بخططهم ونواياهم؟ المهمة الأساسية للبرلمان القادم هي وضع دستور للبلاد فمن المنطقي أن يعرض كل حزب رؤيته لهذا الدستور حتى يستطيع الناس الاختيار بناء على حقائق وليس وفق شعارات ووعود مطاطة. أما مسألة الحكومة الانتقالية فهم رفضوا المشاركة فيها من الأساس بل هم غير معنيين بها ويقولون أن هناك حكومة منتخبة ستأتي خلال ثلاثة شهور (رغم أن الإعلان الدستوري لا يلزم المجلس العسكري بتشكيل حكومة من الأغلبية البرلمانية ... وبالتالي هذه الحكومة يمكن أن تستمر حتى نهاية 2012) ... والمطلب الثالث هو ذرّ للرماد في العيون لأن ذلك هو مطلب المعتصمين في التحرير منذ ثلاثة أسابيع، الذين سلخوهم بألسنة حداد. وبالعودة لمسألة الأغلبية والإرادة الشعبية ... هل تعلم أنه نظريا .. يستطيع أقل من 26% ممن سيدلون بأصواتهم في الانتخابات البرلمانية القادمة اختيار كل أعضاء اللجنة التي ستكتب الدستور القادم وبالتالي رسم مستقبل مصر للأعوام الخمسين القادمة ... هتسألني ازاي؟ لو استطاع حزب أو تكتل أحزاب معين أن يحصل على 51% من أصوات الناخبين في 51% من الدوائر (حتى لو لم يحصل على صوت واحد في الـ 49% المتبقية) فإنه سيشكل الأغلبية في البرلمان ... وبالتالي يستطيع منفردا اختيار جميع أعضاء لجنة تعديل الدستور دون مشاركة من غيره ... ورغم أن هذا السيناريو بحذافيره مستبعد التحقق لأسباب عديدة فإنه يثبت بجلاء أن قيام مجلس شعب منتخب باختيار لجنة لوضع الدستور ربما يؤدي الى أن تكون اللجنة غير ممثلة للتركيبة الفكرية والأيديولوجية للشعب فضلا عما في ذلك من عوار دستوري نتيجة انفراد إحدى السلطات الثلاثة في الدولة بوضع الدستور، طيب وايه الحل؟ المفروض أن الدستور هو وثيقة توافقية تمثل العقد الاجتماعي الذي يقوم عليه المجتمع ... وبالتالي ينبغي أن يكون متضمنا الحد الأدنى المتفق عليه بين جميع المواطنين بمختلف معتقداتهم ومشاربهم وتوجهاتهم الفكرية والسياسية، وهو بذلك يختلف عن الحكومة التي تأتي معبرة عن صوت الأغلبية ومنفذة لبرنامجها، وهذا الاختلاف في الطبيعة والوظيفة يستلزم إختلافا مماثلا في آليات الاختيار، وأنا هنا أقترح أن يكون الاختيار بين قوائم ممثلة لأطياف المجتمع المختلفة (إخوان - سلفيين - ليبراليين - يساريين - قوميين) بحيث تضم كل قائمة مئة عضو تتفق عليهم الأحزاب والحركات السياسية الممثلة لهذا الطيف السياسي ... ويختار كل مواطن إحدى هذه القوائم في استفتاء شامل يضع مصر كدائرة إنتخابية واحدة ... ويتم تشكيل اللجنة التي ستضع الدستور من هذه القوائم بالتناسب مع نسبة المواطنين الذين اختاروا كل قائمة ... فمثلا لو حصل القوميون على 10% من الأصوات فإن أول عشرة أسماء على قائمتهم تدخل لجنة وضع الدستور وهكذا ... وفي النهاية تعمل اللجنة على وضع دستور توافقي يوافق عليه على الأقل نصف عدد الأعضاء وعضو واحد على الأقل من كل تيار انضم الى اللجنة، بحيث يتم أخذ مخاوف وتحفظات جميع القوى السياسية في حدها الأدنى بعين الاعتبار وبحيث يخرج الدستور معبرا عن اتفاق الآراء وليس انتصارا لرأي على آخر. أعتقد أن آلية كهذه هي أكثر اتساقا مع المنطق وأفضل تمثيلا لثراء وتنوع المجتمع المصري ... ولا ايه رأيك؟

أنا شايف إشارته للمفكر اليساري ترمز للنخبة سواء يسارية أو ليبرالية و بعدين أنا سمعت علاء الأسواني في ندوة بيقول إنه إشتراكي طبيعي جدا إن الفنانين و الأدباء و الحالمين يكونوا إشتراكيين و ليس راسماليين أعتقد المفكر اليساري مجرد رمز للنخبة بما فيها نخبة اليسارين أو الليبراليين زي ما إمام المسجد ممكن نعتبره رمز للسلفيين و الأزهريين الحكوميين و الأخوان ،،،،،، آلخ أساسا معتقدشي فيه تضاد قوي ما بين الليبرالية و اليسار لأن مبادئهم واحدة لكن ممكن يكون فيه تضاد بين الإشتراكية و الرأسمالية

استاذي الفاضل ابو محمد .... الصعوبات التعليميه تعني طفلا حاد الذكاء لا يستطيع مضاهاة اقرانه ذوي الذكاء الطبيعي وكثير من العباقرة لديهم صعوبات تعلم .... ومن السهل تحولهم لأي جماعة دينيه او ذات اي اتجاه سياسي .... ومن أشهرهم ابو مصعب الزرقاوي قائد معسكرات التدريب في افغانستان فقد ترك المدرسة مبكرا وكان شديد الذكاء بحيث لم تستوعبه المدرسة العادية شكرا على مرورك الكريم ....

القصة إسقاط و اضح على حال البلد قبل و بعد الثورة برؤية علاء الأسوانى .. و لكن لفت نظرى شىء بسيط جدا لماذا بين موقف شيخ الجامع و الكاتب اليسارى فقط ؟ لماذا لم يكتب لنا عن فنان أو أديب ليبرالى متفتح يرى ان أبو شامة أرسى الأمن والأمان للشارع و ان بلطجته هى نوع من الحمايه للشارع من الدخلاء و اغتصاب الزوجات نوع من التواضع حيث يشارك أفراد الشارع البسطاء حياتهم اليومية !!!! ...أعتقد أن هذا النوع من الادباء و الفنانين كانوا موجودين بكثرة فى نفس الشارع يا د-علاء.

ده إتهام صريح من حضرتك للنساء ببطىء الفهم وسوء التصرف :P ;)

بحبها عشان بحب التاريخ...و مصر فيها تاريخ نقدر نقول بكل فخر و ثقة انه موجود في اي بلد تاني في العالم..انزل امشي في شوارع وسط البلد او في الزمالك ..تحس ان التاريخ مطبوع على الحيطان و بيحكيلك مصر كان شكلها ايه..مصر اللي الناس كانت بتهاجر ليها من كل دول العالم و بيجوا يشتغلوا فيها...انزل هليبوليس الصبح بدري و اتفرج على الناس يتاعت زمان..اسكندرية اللي متعرفش تشبهها و تقول دي اوروبا و لا حتة منها...يمكن الشوراع اتغيرت و الناس اتغيرت...لكن لسة النيل موجود و لسة الاهرامات موجودة..

سوري يا جماعة اتأخرت عليكم بس كان عندنا ضيوف امبارح اتفضلوا المقادير الطبقة الاولى 3/4 كوب سكر الطبقة التانية 2 كوب حليب نيدو المجفف كوب ماء كوب سكر 2 بيضة و فانيليا ليها طريقة تانية 4 بيضات و فانيليا 4 كوب حليب 1 1/2 كوب سكر انا جربت المقادير اللي في الاول بس انصحكم بالطريقة التانية الحليب العادي بيدي طعم احلى من النيدو الطبقة التالتة 3/4 كوب سكر 3/4 كوب زيت 3/4 كوب حليب 2 بيض و فانيليا 2 معلقة صغيرة بيكنج بودر 1 1/4 كوب دقيق معلقة صغيرة كاكاو غامق طريقة الطبقة الاولى يذاب السكر على نار هادئة حتى يصبح دهبي فاتح و بعدين نحطه في القالب اللي هانعمل فيه طريقة الطبقة التانية تضرب جميع المقادير بالمضرب الكهربائي او في الخلاط و تصب فوق الطبقة الاولى بمنتهى الحرص عشان ما يختلطش بالكراميل طريقة الطبقة التالتة يضرب البيض مع الفانيليا يضاف السكر و يضاف باقي المكونات السائلة و تضرب جيدا اخيرا يضاف الدقيق و البيكنج بودر المنخول مع الكاكاو و يضرب حتى يتجانس الخليط يضاف الخليط على الطبقة التانية بهدوء و لو اختلط ما تخافوش عادي هو في النار هايفصل لوحده تدخل فرن متوسط الحرارة على 180 درجة لمدة ساعة او ساعة و ربع حسب الفرن و يتم اختبارها لو طلعت السكينة نضيفة يبقى استوت تطلعيها من الفون و تسيبيها تبرد شوية و بعدها تقومي حطاها في الفريزر لمدة ساعتين تقريبا لما تيجي تقدميها ماشيها على النار شوية كده عشان تفك من الصينية و تقلبيها في طبق التقديم هاتطلع بنفس المنظر اللي فوق دا ان شاء الله و انصح باستخدام صينية مدورة بلاش المخرومة من النص دي عشان الكريم ما يوقعش من النص دي صورة لتوضيح الشكل مش انا اللي عاملاها و بالهنا و الشفا كان معاكم بينك روز من امام باتيسري ريمو البريمو

بنحب مصر ليه؟ سؤال في رأيي لن نجد له إجابة أبدا لأسباب كثيرة أولا لأن الحب ذات نفسه ليس فعل عقلاني يتطلب وجود أسباب ثانيا لأنها مصر.....ولأن هذا السؤال يشبه تماما بتحب أمك ليه؟ هل تستطيع أن تجد أسباب لحبك لأمك؟ بالنسبة لي بأحب مصر لأنها مصر بكل مافيها من جمال وكل ما فيها من وجع لأنها الأرض التي أقف عليها من حيث الانتماء بدون مصر ....لا أعرف من أنا .....هي أعطتني هويتي أحب مصر لأنها بيتي والحضن الذي يضمني ....قد يقسو أحيانا لكن يظل هو الحضن الوحيد المريح لي

وقد حدد الدليل الإحصائي التشخيصي للاضطرابات العقلية ، الطبعة الرابعة ، مقياس وسمات تشخيص الصعوبات التعليمية حيث يمكن تقسيمها لثلاث فئات :  الإضطرابات النمائية واضطرابات اللغة  اضطرابات المهارات التحصيلية  اضطرابات أخرى تتضمن كل ما سبق وتعد أعراض الإعاقات التعليمية مجموعه متنوعة من السمات التي تؤثر على نمو وتطور الأفراد ، وقد تكون أي من هذه السمات نتيجة لظروف أخرى، وقد يتعرض كل فرد لسمات مختلفة . وقد يحمل البعض الكثير منهم وعدد آخر القليل منهم . وهناك ضرورة لتشخيص من الإختصاصي للتأكد من وجود صعوبات تعليمية ( LD ) أو إضطراب نقص الإنتباه ( ADD ). وقد تؤثر الصعوبة التعليمية على مقدرة الشخص على القراءة ، الكتابة أو العمليات الحسابية ويواجه صعوبة في اكتساب المهارات الاجتماعية وتأثيرها في مجال أو اكثر من مجالات النمو ، وقد تظهر على الأفراد صعوبات ملحوظة في أنواع معينه من المهام ، وينظر للصعوبات التعليمية في بعض الأحيان ( كإعاقة مخفيه ) وغالبا لا يمكن التعرف عليها بسهوله وهى تصيب الأطفال والبالغين ويتراوح اثر الإعاقة من متوسط إلى شديد وغالبا ما تظهر في اكثر من فرد من العائلة . ولا تعد الصعوبة التعليمية كالإعاقات التالية : التخلف العقلي ، التوحد ، الصمم ، العمى ، الإضطرابات السلوكية ولا تحدث نتيجة لسوء الوضع الإقتصادي أو العوامل البيئية أو الإختلافات الثقافية ، وفي بعض الأحيان يصاحب الصعوبات التعليمية نقص الإنتباه وفرط النشاط ، ولا يمكن معالجة الصعوبات التعليمية أو إزالتها ولكن يمكن أن يتعلم الأفراد كيفية التغلب على الضعف . أنواع الصعوبات التعليمية : عسر القراءة Dyslexia : وهى الأكثر شيوعا وتستخدم بشكل أساسي لوصف الصعوبة في استخدام اللغة وفهمها واثرها على القراءة والكتابة وتهجئة الكلمات. الأعراض الشائعة لعسر القراءة :  وجود صعوبة في التعبير عن اللغة اللفظية  استيعاب ضعيف للقراءة  تهجئة ضعيفة  الصعوبة في القراءة ، وتحديد الكلمات الفردية  وجود صعوبة في سماع التوجيهات أو اتباعها( لا يسمع الكلمات جيدا )  وجود صعوبة في التعبير عن الأفكار بصيغة مكتوبة  عكس الحروف  وجود صعوبة في الكتابة  وجود صعوبة في مادة الرياضيات : استخدام رموز الرياضيات وعمل تسلسل للخطوات لحل العمليات الحسابية عسر الكتابة Desgraphia: وهى الصعوبة في إخراج كتابة يسهل قراءتها خلال فترة محددة وتظهر المشاكل في الأنماط الحركية الحقيقية المستخدمة في الكتابة ومن سماتها أيضا الصعوبة في تهجئة الكلمات المركبة . العسر في الحساب Dyscalculia: وترتبط بالصعوبة في مهارات الرياضيات ويمكن أن تؤثر على العمليات الحسابية : ذاكرة حقائق الرياضيات ومفاهيم الوقت والنقود والمفاهيم الموسيقية . العسر في الحركة Dyspraxia : وهى الصعوبة في التنسيق الحركي وتؤثر على مقدرة الفرد على تنسيق حركات الجسم الملائمة. التمييز السمعي Auditory Discrimination : وهو المكون الرئيسي للإستخدام الفعال للغة وذو أهميه في فك شفرة القراءة و يتضمن مقدرة الشخص على إدراك الإختلافات بين أصوات الكلام وكيفية عمل تسلسل لهذه الأصوات لتصبح كلمات ذات معنى. الإدراك البصري Visual Perception : وهو ذو أهميه لعمليات القراءة والكتابة لأنه موجه لمقدرة الشخص على ملاحظة تفاصيل مهمة وعمل تسلسل للأصوات في كلمات ذات معنى . نقص الانتباه وفرط النشاط ( Attention Deficit Hyperactivity Disorder ) : ويمكن أن يصاحب الإعاقات التعليمية وتتضمن سماته : نشاط زائد ملحوظ ، تشتت الإنتباه ، الإندفاع والذي يمكن بدوره أن يتدخل في مقدرة الفرد على الإستفادة من التوجيه والتعليم .

بصراحة مكنتش عارف اني بحبها قوي الا لما اتغربت طول ما اني فيها كنت مضايق م الزبالة والزحمة والبطالة والحكومة وكل شيئ ولما كنت اشتكي كنت اجابه برد لا يتغير مفكرتش تسافر انت قاعد هنا ليه جرب تسافر الفلوس هناك كتير وسافرت وودعت مصر من ع العبارة واكتشفت اني احبها حتى النخاع احبها بزبالتها ببطالتها بزحمتها بكل شيئ بحبها لانها مصر لاني ساعة ما بسمع الكلمة دي قلبي ينتفض بحبك يا مصر

5 - وثيقة التحالف الديمقراطى تتضمن الوثيقة المبادئ فوق الدستورية، التى أعدها التحالف الديمقراطى من أجل مصر 38 نصا تحدد القيم الأساسية للمجتمع والنظام السياسى والحريات العامة والمجال الاقتصادى والمجال الاجتماعى والسلطة القضائية والسياسة الخارجية. وقالت الوثيقة فى مجال النظام السياسى والحريات العامة، إن مصر جمهورية برلمانية ديمقراطية فى دولة مدنية أساسها المواطنة وسيادة القانون والعدالة الاجتماعية كما نصت على أن الدستور الجديد يحدد سلطات رئيس الجمهورية بما يجعله حكما بين السلطات فلا تكون له رئاسة على أى منها. وأشارت الوثيقة إلى أن تداول السلطة أساس النظام السياسى ويتم عبر الاقتراع العام الحر النزيه تحت الإشراف القضائى التام، كما نصت على حرية تشكيل الأحزاب السياسية بالإخطار فى إطار الدستور والقانون وأن تكون السلطة القضائية وحدها هى المرجع لتقرير ما هو مخالف للدستور والقانون والنظام العام والآداب والمقومات الأساسية للمجتمع أو ما يعتبر خروجا على الالتزام بالعمل السلمى. وأكدت الوثيقة على حرية تشكيل تكوين النقابات والجمعيات المدنية والأهلية وتوفير سبل دعمها وعدم تدخل الجهات الإدارية أو الأمنية فى شئونها ونصت على أن الحق فى التنظيم والتظاهر والاعتصام وغيرها من أشكال الاحتجاج السلمى مكفول مع مراعاة سلامة المجتمع وعدم الإخلال بالأمن العام. وأشارت الوثيقة إلى احترام الحقوق والحريات السياسية والدينية والاقتصادية والاجتماعية والثقافية للمواطنين، بالإضافة إلى تمثيل الشعب فى مجلس نيابى منتخب فى انتخابات دورية حرة ونزيهة وشفافة تحت إشراف قضائى كامل كما نصت على تجريم حجب المعلومات أو قطع الاتصالات الهاتفية وشبكة الإنترنت، واعتبار أن حق الطلاب فى النشاط السياسى من الحقوق العامة التى لا يجوز تعطيلها بما فى ذلك الحق فى تشكيل الاتحادات الطلابية. وفى شئون القضاء أكدت الوثيقة على استقلال القضاء بجميع درجاته وتوفير المقومات اللازمة لإبعاد القضاة عن أية مظنة أو مطمع أو تهديد أو استثناء، وأوضحت أن مجلس القضاء الأعلى هو المختص بكافة أمور القضاة. ونصت الوثيقة على منع محاكمة المدنيين أمام المحاكم العسكرية والفصل التام بين سلطات الاتهام والتحقيق والإحالة وضمان استقلال النيابة العامة وتعيين رؤساء المحاكم العليا إما بالأقدمية أو بالانتخاب من بينهم وتبعية التفتيش القضائى لمجلس القضاء الأعلى وليس لوزير العدل، وأكدت على أن استقلالية الطب الشرعى وتبعيته لمجلس القضاء الأعلى. و أوضحت الوثيقة، أن المجال الاقتصادى يقوم على الحرية والعدالة الاجتماعية وأكدت على التزام الدولة بالمحافظة على الأصول الاقتصادية وتبنى سياسة اقتصادية واجتماعية لمحاربة الفقر وتطبيقها تحت رقابة شعبية والحد من الفوارق بين فئات المجتمع وضمان ربط الحد الأدنى للأجور بالأسعار وتشجيع رؤوس الأموال المصرية فى الداخل وأموال المصريين العاملين فى الخارج ورؤوس الأموال العربية على الاستثمار فى مصر. وتنص الوثيقة فى مجال القيم الأساسية للمجتمع على التأكيد على حرية العقيدة والعبادة ودعم الوحدة الوطنية وتأكيد مبدأ المساواة بين جميع المواطنين على اختلاف أديانهم فى دولة مدنية واعتبار أن القيم والمبادئ الخلقية والسلوكية أسس بناء الإنسان كما تشير إلى أن المواطنة أساس المجتمع يؤكدها الالتزام بعدم التفرقة أو التمييز بين المواطنين بسبب الدين أو العرق أو الجنس. ونصت الوثيقة على التمسك بثوابت الأمة المتوافق عليها وهويتها وقيمها المتمثلة فى أركان الإيمان وفقا للأديان السماوية وأن الدولة مسئولة عن أمن الوطن والمواطنين والقوات المسلحة حامية لأمن واستقلال وسيادة الوطن. وأكدت الوثيقة على أن التعليم والتنمية البشرية والبحث العلمى أساس نهضة المجتمع وشددت على التزام أجهزة الإعلام باحترام القيم والأخلاق والآداب العامة وتكون السلطة القضائية وحدها هى المرجع فى هذا الالتزام. الى هنا انتهت الوثائق و بالطبع جميعها منقوله من موقع اخر

3 - وثيقة البسطاويسى تتضمن وثيقة المستشار هشام البسطويسى، نائب رئيس محكمة النقض، المرشح المحتمل لرئاسة الجمهورية، ورؤيته للمبادئ فوق الدستورية التى يقترح أن تتضمنها وثيقة إعلان الدستور. جاءت المذكرة فى ورقتين: الأولى بعنوان «القوات المسلحة ومجلس الدفاع الوطنى» وتتحدث عن إنشاء الجيش وميزانيته والقضاء العسكرى وهذا نصها: مادة:“الدولة وحدها هى التى تنشئ القوات المسلحة، وهى ملك للشعب، ومهمتها حماية البلاد وسلامة أراضيها وأمنها، وضمان عدم الانقلاب على المبادئ فوق الدستورية الواردة فى وثيقة إعلان الدستور الدائم، ولا يجوز لأى هيئة أو جماعة إنشاء تشكيلات عسكرية أو شبه عسكرية”. مادة:"يقوم على جميع شئون القوات المسلحة - تعييناً وتأهيلاً وتدريباً وتسليحاً وترقية ورواتب ومعاشات تقاعدية - مجلس أعلى برئاسة قائدها العام وعضوية قادة الأسلحة، ويختص وحده دون غيره بوضع لائحة عمله واتخاذ قراراته، ويبين القانون شروط الخدمة والترقية والتقاعد فى القوات المسلحة، بعد موافقة مجلسها الأعلى". مادة:"ينشأ مجلس يسمى مجلس الدفاع الوطنى برئاسة رئيس الجمهورية، وعضوية القائد العام للقوات المسلحة، ورئيس هيئة الأركان، ورئيس إدارة المخابرات الحربية، ومدير هيئة المخابرات المركزية، ومن يرى المجلس بإجماع آراء أعضائه ضمه لحضور بعض أو كل جلساته من الوزراء أو أعضاء البرلمان للاستماع إليهم دون أن يكون لأى منهم صوت معدود، ويختص هذا المجلس دون غيره بالنظر فى الميزانية السنوية للقوات المسلحة ومناقشة بنودها واحتياجاتها، كما يختص بالنظر فى الشئون الخاصة بوسائل تأمين البلاد وسلامة أراضيها، ويبين القانون اختصاصاته الأخرى". مادة:"الميزانية السنوية للقوات المسلحة تدرج رقماً واحداً فى ميزانية الدولة، وينظم القانون طريقة إعدادها ومراقبة التصرف فيها ويحظر مناقشتها فى علانية، أو نشر بياناتها، جملة أو تفصيلاً، لمدة لا تقل عن ثلاثين عاماً وذلك استثناء من أى قانون آخر". مادة:تشترط موافقة المجلس الأعلى للقوات المسلحة قبل صدور أى تشريع أو تعديل يتصل بشأن من شئون القوات المسلحة". مادة:"يختص القضاء العسكرى دون غيره بالفصل فى الجرائم العسكرية، والجريمة العسكرية هى كل جريمة نظامية تقع من العسكريين أو المدنيين الملحقين بأى إدارة عسكرية بسبب أو أثناء خدمتهم فى القوات المسلحة، وهى كذلك كل فعل معاقب عليه بعقوبة جزائية أو تأديبية أو بتدبير احترازى، يقع من شخص يتقلد رتبة عسكرية فى القوات المسلحة على أشخاص أو أموال أو مكاتبات أو مهمات أو أدوات تابعة للقوات المسلحة بسبب أو أثناء خدمته فى القوات المسلحة". مادة:"ينظم القانون القضاء العسكرى فى حدود المبادئ الواردة فى الدستور وبعد موافقة المجلس الأعلى للقوات المسلحة". مادة:"رئيس الجمهورية هو الرئيس الأعلى للقوات المسلحة ويختص وحده بتوجيه القوات المسلحة أو أحد تشكيلاتها بأداء مهامها خارج حدود الوطن أو فى الدفاع عن حدوده ضد أى عدوان خارجى يهدد وحدة أو سلامة أراضيه بعد موافقة كل من المجلس الأعلى للقوات المسلحة ومجلس الدفاع الوطنى والبرلمان". والورقة الثانية تحدد ١٠ مبادئ فوق دستورية تدور حول حقوق الإنسان، والأحزاب والأقليات والمواطنة وهى كالتالى: ◄ ضمان التطبيق الأمين لمبادئ الإعلان العالمى لحقوق الإنسان وإعلانات استقلال القضاة والمحاماة وجميع المواثيق والمعاهدات الدولية. ◄ احترام المعاهدات والاتفاقيات التى وقعت عليها الدولة المصرية مع السعى - بالطرق السلمية وعبر التفاوض - إلى تعديل المجحف منها بحقوق الشعب المصرى أو الشعوب العربية أو الأفريقية. ◄ ضمان كرامة المواطن المصرى، سواء داخل مصر أو خارجها. ◄ كفالة حرية تكوين الأحزاب وفقاً للقانون، وفى ضوء مبادئ الدستور. ◄ تحقيق العدالة الاجتماعية بين المواطنين بما يكفل توزيعاً عادلاً للدخول والثروة فى إطار قواعد الاقتصاد الحر وبالتوافق مع النظام العالمى الجديد. ◄ الأولوية القصوى لتطوير التعليم واستقلال الجامعات وحرية البحث العلمى. ◄ الالتزام بمقتضيات الأمن القومى العربى وبالخطط التنموية للمنطقة العربية وللقارة الأفريقية. ◄ التأكيد على أن ضمان حقوق الأقليات، سواء كانت دينية أو عرقية، بما يكفل لهم المواطنة الكاملة والمشاركة الفاعلة والجادة فى حاضر ومستقبل الوطن انطلاقاً من القاعدة الأصيلة «الدين لله والوطن للجميع» - لا يتعارض مع اعتبار مبادئ الشريعة الإسلامية مصدراً رئيسياً للتشريع. ◄ الانضمام إلى كل جهد دولى يستهدف ضمان السلم والأمن العالمى والإسهام فى حل المشكلات الدولية بالطرق السلمية والإقرار بحقوق الشعوب كافة فى الحرية والكرامة والعدالة الاجتماعية. ◄ ضمان أن تبقى القوات المسلحة المصرية حارساً أميناً وقادراً على حماية الحدود والأراضى المصرية وعلى حماية دستورها ومبادئه الأساسية من الانقلاب عليه، وأن يكفل لها قدر مناسب من الاستقلال فى إدارة كل شؤونها، إعداداً وتجهيزاً وتدريباً، وضمان عدم عودة التشكيلات العسكرية للشرطة المدنية إلا بالقدر الذى يلزم لمكافحة الجريمة وضبط الأمن العام. 4 - وثيقة الأزهر أعلن الدكتور أحمد الطيب شيخ الأزهر صباح اليوم بيان الأزهر، ونخبة من المثقفين حول مستقبل مصر فيما سميت إعلاميا باسم "وثيقة الأزهر"، مؤكداً أن الوثيقة ناقشها نخبة من المثقفين المصريين من مختلف الطوائف والمدارس الفكرية دارسين لمقتضيات اللحظات الفارقة فى تاريخ مصر بعد ثورة الخامس والعشرين يناير. وأوضح الطيب أن الوثيقة التزمت فى بلورة مستقبل مصر بالتزام المنهج الوسطى السديد للأزهر، وتوافق واضعوها على ضرورة تأسيس مسيرة الوطن على مبادئ كلية وقواعد شاملة تناقشها قوى المجتمع المصر. وأضاف "الطيب" أن الجميع يعترف بدور الأزهر القيادى فى بلورة الفكر الإسلامى الوسطى السديد، وإن المجتمعين يؤكدون أهميته واعتباره المنارة الهادية التى يُستضاء بها، ويحتكم إليها فى تحديد علاقة الدولة بالدين وبيان أسس السياسة الشرعية الصحيحة التى ينبغى انتهاجها؛ ارتكازاً على خبرته المتراكمة، التى تتمثل فى البعد الفقهى فى إحياء علوم الدين وتجديدها، طبقاً لمذهب أهل السنة والجماعة الذى يجمع بين العقل والنقل ويكشف عن قواعد التأويل المراعية للنصوص الشرعية، والبعد التاريخى لدور الأزهر المجيد فى قيادة الحركة الوطنية نحو الحرية والاستقلال، وإحياء مختلف العلوم الطبيعية والآداب والفنون بتنوعاتها الخصبة، والبعد العملى فى قيادة حركة المجتمع وتشكيل قادة الرأى فى الحياة المصرية. وأعلن "الطيب أن المجتمعين اتفقوا على المبادئ التالية لتحديد طبيعة المرجعية الإسلامية النيرة، التى تتمثل أساساً فى عدد من القضايا الكلية، المستخلصة من النصوص الشرعية القطعية الثبوت والدلالة، بوصفها المعبرة عن الفهم الصحيح للدين". أولاً: دعم تأسيس الدولة الوطنية الدستورية الديمقراطية الحديثة، التى تعتمد على دستور ترتضيه الأمة، يفصل بين سلطات الدولة ومؤسساتها القانونية الحاكمة، ويحدد إطار الحكم، ويضمن الحقوق والواجبات لكل أفرادها على قدم المساواة، بحيث تكون سلطة التشريع فيها لنواب الشعب؛ بما يتوافق مع المفهوم الإسلامى الصحيح، حيث لم يعرف الإسلام لا فى تشريعاته ولا حضارته ولا تاريخه ما يعرف فى الثقافات الأخرى بالدولة الدينية الكهنوتية التى تسلطت على الناس، وعانت منها البشرية فى بعض مراحل التاريخ، بل ترك للناس إدارة مجتمعاتهم واختيار الآليات والمؤسسات المحققة لمصالحهم، شريطة أن تكون المبادئ الكلية للشريعة الإسلامية هى المصدر الأساس للتشريع، وبما يضمن لأتباع الديانات السماوية الأخرى الاحتكام إلى شرائعهم الدينية فى قضايا الأحوال الشخصية. ثانياً: اعتماد النظام الديمقراطى، القائم على الانتخاب الحر المباشر، لأنه الصيغةَ العصرية لتحقيق مبادئ الشورى الإسلامية، بما يضمنه من تعددية ومن تداول سلمى للسلطة، ومن تحديد للاختصاصات ومراقبة للأداء ومحاسبة للمسئولين أمام ممثلى الشعب، وتوخى منافع الناس ومصالحهم العامة فى جميع التشريعات والقرارات، وإدارة شئون الدولة بالقانون - والقانون وحده وملاحقة الفساد وتحقيق الشفافية التامة وحرية الحصول على المعلومات وتداولها. ثالثاً: الالتزام بمنظومة الحريات الأساسية فى الفكر والرأى، مع الاحترام الكامل لحقوق الإنسان والمرأة والطفل، والتأكيد على مبدأ التعددية واحترام الأديان السماوية، واعتبار المواطنة مناط المسئولية فى المجتمع. رابعاً: الاحترام التام لآداب الاختلاف وأخلاقيات الحوار، وضرورة اجتناب التكفير والتخوين واستغلال الدين واستخدامه لبعث الفرقة والتنابذ والعداء بين المواطنين، مع اعتبار الحث على الفتنة الطائفية والدعوات العنصرية جريمة فى حق الوطن، ووجوب اعتماد الحوار المتكافئ والاحترام المتبادل والتعويل عليهما فى التعامل بين فئات الشعب المختلفة، دون أية تفرقة فى الحقوق والواجبات بين جميع المواطنين. خامساً: تأكيد الالتزام بالمواثيق والقرارات الدولية، والتمسك بالمنجزات الحضارية فى العلاقات الإنسانية، المتوافقة مع التقاليد السمحة للثقافة الإسلامية والعربية، والمتسقة مع الخبرة الحضارية الطويلة للشعب المصرى فى عصوره المختلفة، وما قدمه من نماذج فائقة فى التعايش السلمى ونشدان الخير للإنسانية كلها. سادساً: الحرص التام على صيانة كرامة الأمة المصرية والحفاظ على عزتها الوطنية، وتأكيد الحماية التامة والاحترام الكامل لدور العبادة لأتباع الديانات السماوية الثلاث، وضمان الممارسة الحرة لجميع الشعائر الدينية دون أية مُعوِّقات، واحترام جميع مظاهر العبادة بمختلف أشكالها، دون تسفيهٍ لثقافة الشعب أو تشويهٍ لتقاليده الأصيلة، وكذلك الحرص التام على صيانة حرية التعبير والإبداع الفنى والأدبى فى إطار منظومة قيمنا الحضارية الثابتة. سابعاً: اعتبار التعليم والبحث العلمى ودخول عصر المعرفة قاطرة التقدم الحضارى فى مصر، وتكريس كل الجهود لتدارك ما فاتنا فى هذه المجالات، وحشد طاقة المجتمع كلّه لمحو الأمية، واستثمار الثروة البشرية وتحقيق المشروعات المستقبلية الكبرى. ثامناً: إعمال فقه الأولويات فى تحقيق التنمية والعدالة الاجتماعية، ومواجهة الاستبداد ومكافحة الفساد والقضاء على البطالة، وبما يفجر طاقات المجتمع وإبداعاته فى الجوانب الاقتصادية والبرامج الاجتماعية والثقافية والإعلامية على أن يأتى ذلك على رأس الأوليات التى يتبناها شعبنا فى نهضته الراهنة، مع اعتبار الرعاية الصحية الحقيقية والجادة واجب الدولة تجاه كل المواطنين جميعاً. تاسعاً: بناء علاقات مصر بأشقائها العرب ومحيطها الإسلامى ودائرتها الأفريقية والعالمية، ومناصرة الحق الفلسطينى، والحفاظ على استقلال الإرادة المصرية، واسترجاع الدور القيادى التاريخى على أساس التعاون على الخير المشترك وتحقيق مصلحة الشعوب فى إطار من الندية والاستقلال التام، ومتابعة المشاركة فى الجهد الإنسانى النبيل لتقدم البشرية، والحفاظ على البيئة وتحقيق السلام العادل بين الأمم. عاشراً: تأييدُ مشروع استقلال مؤسسة الأزهر، وعودة “هيئة كبار العلماء” واختصاصها بترشيح واختيار شيخ الأزهر، والعمل على تجديد مناهج التعليم الأزهرى؛ ليسترد دوره الفكرى الأصيل، وتأثيره العالمى فى مختلف الأنحاء. حادى عشر: اعتبار الأزهر الشريف هو الجهة المختصة التى يُرجع إليها فى شئون الإسلام وعلومه وتراثه واجتهاداته الفقهية والفكرية الحديثة، مع عدم مصادرة حق الجميع فى إبداء الرأى متى تحققت فيه الشروط العلمية اللازمة، وبشرط الالتزام بآداب الحوار، واحترام ما توافق عليه علماء الأمة. وأهاب شيخ الأزهر وعلماء الأزهر والمثقفون المشاركون فى إعداد هذا البيان بكل الأحزاب والاتجاهات السياسية المصرية أن تلتزم بالعمل على تقدم مصر سياسياً واقتصادياً واجتماعياً فى إطار المحددات الأساسية التى وردت فى هذا البيـــان - يتبع -

السلام عليكم و رحمة الله و بركاته طنط ام محمد اهلا و سهلا بحضتك معانا ارمي حمولك هنا هوت...و سيبك من البحر الهائج ده بتاع الجواز كلام حضرتك حقيقي جدا و للاسف بيوجع جدا في نفس الوقت و بسمع نفس الشكوي تقريبا من المحيطين بيا لدرجة واحدة صاحبتي جوزها استشاري موارد بشرية لما جالها عقد للشغل بتقوله بصلي علي العقد و قولي اتصرف فيه ازاي قالها اقريه لوحدك و خدي قرارك مع نفسك في حين ان احنا هنا في غربة و لو اي حد او حداية طلبوا منه نفس الطلب...بتقولي انه ممكن يوصل بيه الحال انه يروح بنفسه يسال "للغريب" في مكتب العمل و العمال الموضوع ده اسمه ببساطة dealing with the wife as taken for granted يعني دايما بيجي علي الزوجة اللي المفروض انها اقرب اناس ليه كانها امر مسلم بيه يعني هي دايما موجودة و هي دايما بتستحمل و هي دايما الحلقة الاضعف المشكلة الحقيقية ان الست نفسها تدريجيا بتلاقي انها بطلت تحس حتي بمشاعر الضيق اةو الغضب من التصرفات دي و يوم ما تنفجر بتكون بتنفجر لسبب تاني خالص مع انها في الحقيقة عمالة تخزن جواها مقدرشي اقول ان عندي حل للموضوع ده...(معنديش تجربة حياتية تقدر توازي تجربة حضرتك) لكن اللي اقدر اقوله اني ك "لماضة" قبل الجواز مقبلشي علي نفسي اني اتاخد كامر مسلم بيه و بعد الجواز هفضل باذن الله زي ما انا فيه مربع لازم يكون ليا لو هو مقدرشي يملاه انا اقدر املاه لنفسي و ان كنت ساعتها هسال نفسي اومال انا اصلا اتجوزت ليه...طالما انا اقدر احس الرضا و السعادة مع حالي من غير شريك و ع العموم دي وجهة نظر و لكي مني كل التحية و مستنين خبراتك حضرتك صباح حضرتك.....تجارب.....انسانية جدا

السلام عليكم و رحمة الله و بركاته ببساطة هو زعلان منك علشان مشترتيش خاطره هو لا هي فكرة حكم قراقوش و لا انه عايز يتسلط و يتجبر لان اللي بيبقي عنيد اوي كده بيبقي حنين اوي بس بيوصل بيه من درجة عنده انه يبين العكس انتي شفتي ان الموضوع حقك بس يمكن يكون هو شاف الموضوع بشكل مختلف انك مثلا بتبديه علي الشقة اللي هي لا راحت و لا جت اخواتنا الاولاد اتربوا علي كده اتربوا بشكل انهم مينفعشي تعملي معاهم تفاوض و لا تفاهم بسهولة غير ب "الحيلة " و طولة البال اتحطيت في نفس موقفك من فترة سنتين لاسباب مختلفة و اللي وجعني ان اخويا اللي اتخاصمنا هو يعتبر انتيمي...يعني انا لو امشي من غيره في الدنيا اتكعبل و اقع علي وشي و نفس العند فضل لمدة سنتين بحالهم بس انا كنت غلطانة لاني مكنتش بعمل محاولات بجد او في وقتها مكنتش طويلة التيلة اوي و كنت متمسكة بموقفي جدا اللي "لين" الموضوع شوية هو وجود ماما ...مش هي اللي ربته بقي تستحمل خلفتها:) بس اللي بحسه ان في لحظة ما انتي كمان لازم تكوني "ماما" لاخواتك سامحي ابتدي استقبلي و لا كان فيه حاجة عدي فوتي خليكي مصرة ان احنا نتراضي نتصالح الاول نتكلم خدي منه و مترديش خليه يطلع غضبه و ضيقه خليه يفش خلقه من الغربة ووجعها...فيكي عدي فوتي و صدقيني طول ما انتي ناوية انك "تعبدي" ربنا...حتي في اخواتك ربنا عمره ما هيضيمك ابدا و هيفتح ليكي سبب و را سبب انك تلاقي الطريقة و كل القلق و التدابير اللي انتي عايشة فيها هتلاقي ان ربنا ليه تدابير تانية الطف و ارحم و اكرم اخلصي النية و توكلي علي الله و اتعاملي معاه انه "ابنك" الرابع مش اخوكي هتلاقي الامور اتغيرت كتير و يا ريت تبقي تيجي تطمنينا و قلبي بيقولي قريب صباحك.......أخويا و انا و علاقة "دم" مالهاش بديل

حاجة طريفة قرأتها على الفيس و نقلتها لكم هنا تسمين العجول في شرح تفكير الفلول الفِــل كائن أولي يتغذى على برامج القناة الأولى وقد يلجأ في فترات المجاعة إلى الترمم بالتهام الجرائد الحكومية. يعيش في قطعان محدودة العدد في محميات غير طبيعية بميدان مصطفى محمود وميدان روكسي وداخل مبنى الإذاعة والتلفزيون. يتكاثر بالتبرعم ويحن لأيام الذل الغابرة ويعشق الضرب على القفا. ينتمي حيوان الفل إلى فصيلة الفلوليات التابعة لشعبة مفصليات الأرجل. ويعتقد بعض علماء الارتقاء والتطور أن الفل هو نتاج تطور لأحد العنكبيات التي كانت تعيش قديماً في صحراء شرم الشيخ أثناء العصر الشرمشيخي الوسيط. يتجمع كائن الفل في مستعمرات قليلة العدد لا يمكن رؤيتها عادة بالعين المجردة، إلا أن علماء التلفزيون المصري نجحوا في اختراع تقنيات لتكبير هذه المستعمرات وإظهارها بشكل أكبر من حجمها الحقيقي. توجد على السطح البطني لحيوان الفل فجوات هضمية تنقبض وتنبسط وفقاً لحجم تمويل أعضاء الحزب المنحل. كما يتميز السطح الخارجي للفل بوجود أرجل كاذبة يستخدمها حيوان الفل في التسلل أحياناً إلى ميدان التحرير للممارسة بعض الوظائف الفسيولوجية الدنيئة. نتيجة لعملية تهجين حدثت بين حيوان الفل وحيوان البلطجي في فترة تاريخية سابقة نتجت سلالات أكثر ميلاً للعنف تحمل السنج والمطاوي، وبعض فصائلها نبتت له نسور ودبابير على الأكتاف تختلف باختلاف الأقدميات. تنقسم فصائل حيوان الفل إلى: فل استكهولمي وفل انتفاعي. والفل الاستكهولمي هو الأكثر انتشاراً بصفة عامة. ويقود كل قطيع من قطعان الفلول فل سمين يتميز بكرش هائل من الأمام ومؤخرة ثقيلة من الخلف ويكون غالباً من سلالة الفلول التي كانت تعيش قديماً في محميات تحت قبة البرلمان وتتغذى على أموال الدولة، وهي سلالة كانت تتميز بوجود أذرع طويلة مرفوعة دائماً إلى أعلى في وضع كان يسميه علماء الحيوان في تلك الفترة بوضع الموافقة الأوتوماتيكي. يصدر كائن الفل الاستكهولمي أصواتاً قام أحد العلماء بتحليلها باستخدام الموجة القصيرة فتبين له أنه يقول "إحنا آسفين.. إحنا آسفين.. إحنا آسفين"، ولذلك يسمى صوت حيوان الفل بالسفسفة، وفي قول آخر "الفسفسة". وفي تجربة أخرى مثيرة قام أحد العلماء بالحصول على فل من النوع الاستكهولمي من إحدى محمياته الطبيعية، وبعد أن قام بحبسه وتجويعه لفترة طويلة فوجئ به يلحس جزمته بحماس غريب وهو يصدر فسفسة متقطعة مشروخة النبرات. الغريب أن الفل مهما فعل أثناء تجمع قطعانه في شارع جامعة الدول فهو لا يحال إلى النيابة العسكرية مطلقاً، وهذا مما يثير الشكوك عند العلماء حول وجود علاقة مؤاكلة أو تبادل منفعة بينه وبين حيوان الفيل أبو زلومة الذي يقوم بحمايته. أما الفل الانتفاعي فهو نوع من أنواع حيوان الفل كان يعيش على ما يجود به حيوان البقرة الضاحكة (المنقرض حديثاً) من فتات مقابل قيامه بأعمال البلطجة ضد أعدائها الطبيعيين. ونظراً لانقراض حيوان البقرة الضاحكة في فبراير الماضي وما ترتب عليه من انعدام دور حيوان الفل الانتفاعي فقد تحول دوره إلى السعي لإعادة البقر الضاحك إلى الوجود حتى يعود له مصدر رزقه المنقطع. بعض سلالات حيوان الفل تجيد التحول للتواؤم مع التغيرات المناخية، حيث يخرج حيوان الفل من جلده ويكتسب جلداً مختلفاً عند الضرورة، ولكنه يظل وفياً لسلالته الأصلية مهما قام بتغيير جلده. أما أنثى الفل فهي تجيد عدة مهارات فسيولوجية نادرة، من بينها مهارات الردح الحلزونية والشرشحة الأفقية المنبعجة. ومن الأمور العجيبة التي اكتشفها العلماء في أنثى الفل أنها تلد، ولكنها أيضاً تمتلك قدرة على أن تبيض عند اللزوم. ويزعم بعض العلماء أن ذكر الفل أيضاً يمتلك القدرة على وضع البيض في حالة انشغال أنثى الفل بالقيام بوظائف فسيولوجية أخرى.

أكثر أغنية أنا شخصيا بأحبها أغنية هأنسي أغنية مبهجة جدا جدا لأي شخص حزين لازم يسمعها http://www.youtube.com/watch?v=0Qjbqoxugvw&feature=share أغنية لها وقع خاص ومعزة خاصة لكل المصريين بعنوان "في الميدان-ارفع راسك فوق " http://www.youtube.com/watch?v=RfEf3d5T33g&feature=player_embedded

السلام عليكم و رحمة الله و بركاته أولا لازم أسجل إحترامي لزوج حضرتك ثانيا انا شايف الحل مش عند حضرتك الحل عند أخو حضرتك اللي معاكي في المنصورة .. هومين الأكبر فيهم ربنا يحفظهم اللي في المنصورة و لا اللي مسافر ؟ اسمحيلي حضرتك أقول حاجة .. و اعذريني بيت العيلة .. كان بيت العيلة بأصحابه يعني واضح إن الوالدة ربنا يرحمها و يجعلها في الجنة و جميع موتانا و حضرتك بتقولي البيت فاضي يعني أصلا مش هتروحي تقعدي هناك .. و الشقة مجرد استثمار لأواد حضرتك ربنا يبارك ليكي فيهم و تفرحي بيهم يبقى المفروض عمل خطة سريعة التحضير مع استحضار قدوم الشهر الكريم .. اللهم بلغنا رمضان خطة مسبقة : س و ج ... ترتبيها مع أخو حضرتك في وجود زوجك الهدف : علاج سبب المشكلة الأصلي ... اللي الي زعل أخوكي ... الشقة .. يبقى تتسعر و سعرها يكون جاهز .. سعر السوق الأسئلة للأخ ... إيه اللي يرضيك .. الشقة و رضا اختك و لا القطيعة لمجرد القطيعة .. الأصل غلاب يا مدام ذهبية .. وهو لو غلط و قعد اربع سنين ميكلمش حضرتك أصله الطيب هيكون زي حضرتك .. دانتي عايزي تراضيه و تعتذري له و تديله الشقة ببلاش بس مسنية حد يقولك توكلي على الله .. سيبك من موضوع حاجة للولاد و بيت العيلة و الكلام الكبير .. حضرتك قلبك مش مطاوعك على القطيعة .. تراضي على قطعة في الدنيا بقطعة في الجنة .. و اذكري .. ربح البيع يا أبا الدرداء .. تاجري مع ربنا و مش هتندمي كلمة السر عند أخو حضرتك .. المفروض ترتبوا كل حاجة ... بهدف إرضاء هذا الأخ ... و صدقيني لو هو شاف هذا الحرص من جانبك .. فلن يخذلك الله و سيلين قلبه الذي هو بين يدي الرحمن يقلبه كيف يشاء .. دعواتنا ليكي بكل التوفيق نصيحة غير قابلة للتفيذ خارج المنصورة واحد يقعد اربع سينين ميكلمش اخته ده أكيد دماغه ناشفة الدماغ دي بقى محتاجة حاجة تنسيه نفسه مؤقتا لغاية ما يخلص قعدته معاكم حضرتك تجيبيله عدد شقتين فول لا غير من مطعم البغل اللي عند الجامعة و تزودي الزيت الحار .. دول أكيد هيخلوه يهنج منكم و ممكن يمضي لكم ع البيت كله .. بس الجرعة شقتين بس مراعاة للغربة لو متأثرش .. قولي لي حضرتك و أنا هاجيب إدرة الفول كلها من المحلة .. ربنا يصلح حالكم و يراضيكم في هذه الأيام المفترجة

مقال قرأته في أحد المنتديات و أحببت مشاركة حضراتكم به فأسلوبه سلس جدا أثار انتباهي أنني أعيش نفس الحالة بعد الثورة لا شك أنه بقيام الثورات تكون الثورة شاملة و تقوم بداخلنا ثورات قوية على أحوالنا و على مكنونات صدورنا هي الثورة إذن ما أعيشه!

انت تأمر يا معلم اركتكت... اسمع الكلام يا أخ طارق.....طالما اركتكت قالك مفيش ثورة والمجلس العسكري خط احمر يبقى ..نقول سمعا وطاعا ..ولا نجادل. bngn:: . .ونسيب لهم الميدان...هم ادرى بمصلحتنا... - وبرده علشان تعمل اللي عليك يا أركتيكت ، ايه رأيك تنزل التحرير الجمعة الجاية وتقف في وسط الميدان...وتقول لهم الكلام ده..ينوبك ثواب..... بس انا كان رأيي نسميها جمعة ( الشرعية ) بدلا من جمعة ( الشريعة)..ايه رأيك حج طارق...

[quote name='لماضة مصرية جدا' timestamp='1310637581' post='759739'] هو ليه الناس بتكرمش وشها اوي كده لما تبقي زعلانة هلي علشان تخوف اللي قدامها مثلا...(مش فاهمة انا طب انا لما بشوف حد كده بضحك من منظر الحواجب اللي دخلت علي العينين و المناخير اللي انضمت للبوق) و لا علشان الغضب بيبن لينا "وش تاني" منعرفوش عن نفسنا...وش كان مستخبي محدش شافه قبل كده و لا علشان كرمشة الوش معناها ان كمان مشاعرنا اتركمشت جوانا و مبقتشي صافية زي الاول...فمحتاجة "كي" بس للاسف احنا اللي بنتحرق؟؟ ليه الناس بتكرمش وشها ساعة الغضب بصي يا ستي هو كل حاجة مهما قعدنا نفسر ونحلل فيها في الاخر كلو كلو بردو بيفضل اسمه خلقة ربنا (متخديش في بالك أنا بعمل تنويه لحسن يحصل ضرب نار ولا حاجة ) التساؤل عن تعبيرات الوجه عامة بدأت من داروين وانتشرت في مجالات كتير زي السيكولوجي والبيولوجي ودراسات كتير سواء عن نظرية التطور أو علوم الاجتماع الخ الخ الخ. معظم التعبيرات بتبان على وشنا عشان ده أكتر مكان واضح لكل اللي حوالينا. يعني غرضها الاساسي كان للتواصل (socializing). بس التكشير بالذات للتعبير عن كذا حاجة مش الغضب بس: اللي حصل بقى إن عشان قعدنا كتير نستعمل الاتنين مع بعض ارتبط في المخ إن لما أي واحدة تحصل لازم التانية معاها بغض النظر عن مفروض مين اللي بتسبب مين. بقى لما نزعل نكشر ولما نكشر نزعل . أو بمعني اصح ...لما مبنكشرش مش بنزعل : http://www.scienceda...00129151808.htm بس يا ستي زي يعني زي ماقلتلك خلقة ربنا مش فاضل غير اشمعنى التكشيرة اخترناها تبقى مخصوص للزعل فده على حد علمي لسة محدش يعرفو بغض النظر عن كل ده بقى. اقترحتوا واخترعتوا كل اساليب القتال وجبتوا من اساليب الرياضات التانيه كلها وسبتو اهم واصعب واحدة...الإستفزاز

وحياتك و لو اتجوزت هبه نور نفسها يا برنس هما شهرين وحتبقى اختك وبنت حتتك وكفاءة :happy: الرك ع الاصل والعشرة الطيبة الجاذبيه اليى انا اقصدها يا تيمو ليست فى الجمال الجاذبيه فى الشخصيه عارف زى واحد صاحبك انت بتحب تقعد معاه وتتكلم معاه بدون ما تشعر بالملل مع ان ممكن صاحبك ميكنش جميل وممكن ميكنش غنى وممكن ميكنش متعلم اساسا بس فيه جاذبيه بينكم وبين بعض نفس النظام بالنسبه للزوجه بعد الزواج بصير جمال المرأه شىء عادى بالنسبه للرجل او بمعنى اصح بيعتاد عليه وعلى رأى واحد خبره بيقول الجمال بصير للناس اليى بره مش ليك ولكن اليى ليك الشخصيه اليى هتعيش معها انا لا اقصد الجمال يا تيمو انا اقصد جاذبية الشخصيه نفسها وطبعا الشكل له عامل ولكنه مش هو الاساس خالص وعلى فكره كل واحد فينا بيتكلم عن شخصه لان كل واحد فينا له مدار بيدور فيه ممكن نتلاقى فى حزء معين ولكن اكيد هنختلف فى الباقى وهى دى طبيعة البشر الاختلاف يعنى فيه واحد الكلام اليى انا بقوله ده لا يعطيه اهتمام وهو بيبص للزواج على اساس ان واحده بتيجى تعيش معاه وتخدمه وتلبى احتياجته وخلاص وطالما لقى كده يبقى خلاص هو كده حقق اليى هو عاوزه وسعيد اهم حاجه عاوز اقولها لكل شاب وكل فتاه اياك وحذارى تقدم على خطوبه ولا زواج الا لما تبقى واثق مليون بالميه ان هى دى الانسانه اليى انت بتدور عليها والا هتندم ندم كبير قووووووى ما فائدة الحياه اذا كانت بلا روح لان اعيش عازب مدى الحياه خير لى ان اتزوج با مرأه لا اشعر معاه باى عاطفه حاول تشوف الصوره كامله مش تبص للصوره من زاويه واحده بس وتحكم عليها فيه ناس بنشوفهم قدامنا ونظن انهم سعداء ويمكن نحسدهم على النعمه اليى هما فيها ولكن ما ان اقتربنا منهم حتى نجد ما يعصف بهذه الفكره من الاساس ويمكن نشفق عليهم كمان لا تقدم على اى خطوة الزواج الا بعد التأكد من انك لقيت الانسان\ه اليى انت بتدور عليها عنبو

كل الكلام الحلو ده عشاني :wub: تسلميلي يا امل حياتي شهادة اعتز بيها منك غاليتي هي محاولات بكاميرا مش قد كده طبعا التصوير فن وله اصوله ولا أعرف عنها الكثير بس الطبيعة سبحان الله هي من تساعدك

اوعى : - تتفاخر بعلاقاتك قبل الجواز لانك حتصغر في عينيها ,, تأكد انها بتحب الراجل المحترم - تثير غيرتها زيادة عن اللزوم لانها حترد الصاع صاعين - شوية حماشة بدون تجريح كل فتره بتكون مهمه جدا لانها انثى يعني على قدر ما من المازوخية - حتى لو مر عليكم سنين متجوزين وبقت زي اختك لازم تغير عليها حتى لو بتتظاهر بكده بس بدون ( تخوين ) لان غيرتك دي حتحسسها باهميتها عندك يعني مثلا : كنتي فين بتكلمي مين في الموبيل لابسه ليه كده - اعمل ده برزانه وعقل وشوف ملامح الفرحة وهي ترتسم على الوجوه - تاني بكرر بدون تخوين ,, - لازم تكون على يقين انها اختارتك لتكون شريك حياتها ليس لانك الاكثر قوة و وسامة و ذكاء ومنصبا و نسبا لا اختارتك زوجها لانك انت بكل حسناتك و عيوبك و نقاط قوتك ونقاط ضعفك لكن ده لا يمنع من التطوير المستمر يعني مش تاخد النصيحة دي وتضرب الدقن والكرش والفانلة الداخلية واتعشت على كده :happy: فاصل ونواصل ,,

مازلتُ فى وحدتى ،، اسامرُها

معلش ده كلام مكرر كتبته في مداخلة في موضوع تاني بس لأن رأيي مختلف شوية هو إني عن نفسي لم أشعر أبدا بأني أحب مصر ... و الحمد لله الكورة ماليش فيها فكانت مشاعري تقريبا ثابتة مش بتتحرك مع انتصارات المنتخب . يمكن بحب المكان اللي اتولدت فيه و اتربيت فيه و الحي بتاعي و جيراني و مدرستي لأني عاشرتهم سنين و ذكرياتي معاهم ما تتنسيش .. لكن مصر أنا مشفتش من مصر حاجة غير إني مصري الجنسية ... خدمت في الجيش و مكنتش شايف له أي تأثير على مشاعري تجاه مصر . حتى لما كنت باسافر برة مصر في شغل و أرجع أحس بصدمة أول مادخل المطار موقف مصر من حرب غزة موقف مشين .. رغم إنه موقف قيادة سياسية فاشلة لكن للأسف كانت هذه هي الصورة عند اخواننا من العرب و المسلمين و لا نملك إلا العجز الثورة قلبت كل المفاهيم عندنا احنا كمصريين قبل كل العالم واللي راح ميدان التحرير عاش احساس عمره ما ينساه .. سمعت أغنية طول عمرنا كنا بنسمعها بس كنا بنتريق عليها زي بقية الأغاني الوطنية .. أغنية شادية يا حبيبتي يا مصر .. مكنتش أتخيل إن الواحد ممكن جسمه يقشعر و هو بيسمع الأغنية دي احنا فعلا كنا محرومين من إننا نحب مصر ... و مصر أكتر مننا كانت كمان محرومة من حب ولادها .. الحب اللي يبنيها أنا عرفت أد إيه إن مصر دي غالية و إن حبها متأصل جوانا بس كان فيه ناس عاوزين يكرهونا فيها ... لكن... و يمكرون و يمكر الله و الله خير الماكرين

مساء الخير يا مصر من شوية مريم كانت عمالة تغني بلادي بلادي بلادي لكي حبي و فؤادي لوحدها كده بتدندن عارفه يا مصر مش انا اللي حفظتهولها انا فؤجئت بيها حافظاه عرفت اننا بنتولد بنحبك