لوحة القادة

تقصد يا سيد اسلام يؤمنون بفقه السلف (حسب فهمهم هم له ) وهذه هى المشكلة والتي تتمثل فى خلط الدين بالهوى فمثلا نقطة الجزية : صحيح أن الجزية من الاسلام , ولكن الاسلام فرض الجزية على غير المسلم نظير عدم قيامه بالخدمة العسكرية فى الجيش المسلم , ولعدم اجباره على الجهاد بدمه لعقيدة هو غير مقتنع ولا مؤمن بها , وبالتالي الجزية هى مثال حي لعظمة ورحمة هذا الدين , و وطالما ان المصري الغير مسلم يشارك الان فى الخدمة العسكرية فقد سقطت عنه الجزية وليست الجزية كما يفهمها البعض من السلفين ( طبقا لهواه ) انها يتم فرضها على غير المسلم نظير الموافقة والسماح له والتكرم عليه بالاقامة فى الوطن !!

ماهو ده مضمون التوبيك يا تيمور انك بتعمم السيئة وبتخص الحسنة يعنى واحد بدقن يطلع يقول اى كلام بايخ يبقى السلفيين كلهم ولاد تييت (مع ان ده رايه الشخصى ولا ينم عن الجماعة - انا اصلا معرفش مين الراجل اللى فى الفديو ولا يعبر عن راى الاخرين) واحد بدقن يطلع يقول كلمة كويسة ... (نقول اه اصله بيركب الموجة) واحد بيقول (مال ربنا بالسياسة) عادى دى حرية فى الراى والتعبير وايه المشكلة ناس عايزة تدخل الانتخابات وبتجهز نفسها (اوعى وشك دى الجماعة طلعت منظمة ومستعدة) بيساعدوا الفقرا من عشرات السنين (دول بيشتروا الفقرا بفلوسهم عشان ينجحوا فى الانتخابات) -------------- من الاخر يا تيمور معتش عارف ايه اللى يرضيك......لماذا تحجر على اهداف الاخرين طالما لا يشاركونك اهدافك؟؟

كل من ينظر للموضوع من زاويه ضيقه و يعتبر ما حدث تصرف حسن من المجلس العسكرى يجب ان يتذكر انه غدا قد يكون فى نفس الموقف قد يقول قائل اننى عف اللسان و لا اشتم و لا احرض فالحاله مختلفه و لكن يجب ان نذكرهم ان من ارتضاء التصرف ذاته و هو محاكمه ناشط سياسيى ايا كان توجهه امام محاكم عسكريه يعطى الضوء الاخضر لتوسيع رقعه استخدامه و غدا سيكون جميع من يدون او يعبر عن رايه فى الشان العام هو المتهم المحتمل التالى لا للمحاكمات العسكريه للامور السياسيه من ارتضى ان يحمل منصب مدنى بجانب وضعه الاصلى كعسكرى يجب الا يحاكم خصمه فى شقه المدنى امام قانونه العسكرى و الا سنكون حينها بموافقتنا نكرس لديكتاتوريه اشد و انكل من ديكتاتوريه مبارك و ساعتها بجد هنقول كلنا من كل قلبنا و لا يوم من ايامك يا مبارك

شِب .. وقِب .. ولِف .. ودور حاور .. ناور.. إظلم .. جور جادل .. واصل .. حلب التور يا سُفسطائى يا ستِقصائى بردو مفيش فايده .. يا حنجور

مقالة للناشط وائل غنيم.. تستحق القراءة والمناقشة ١٢ نصيحة إعلامية لشباب الثورة لاحظت منذ فترة أن ثورتنا التي كان من أهم مميزاتها أنها ثورة بلا قائد، أصبحت في الوقت الحالي تواجه العديد من الصعوبات بسبب أن بعضا من المحسوبين عليها يتسببون بشكل أو بآخر أحيانا في انقاص رصيدها بسبب تصريحاتهم وآرائهم في وسائل الإعلام أو عبر الإنترنت بغض النظر عن حسن نواياهم. وقبل أن أبدأ ببعض النصائح أتمنى ألا يساء فهم هذه المقالة وليعلم قارئها أنني ترددت في كتابتها حتى لا أغضب أحد ولكن في ظل الأحداث الأخيرة وازدياد غضب الشارع من بعض التصرفات الفردية المحسوبة على الثورة أرى أن الأهم الآن هو أن نتحدث جميعا ونشارك بعضنا البعض في الوصول إلى حلول. وأتمنى أن أستمع إلى اقتراحاتكم أيضا وتقييمكم لهذه النقاط التي سأذكرها لنستفيد جميعا. (1) تعبير وسائل الإعلام ليس محصورا على التلفزيون والجرائد والمجلات، بل وصل الآن إلى تويتر وصفحات الفيسبوك بل وحتى اشتراكات الفيسبوك الشخصية خاصة وأن الكثير من النشطاء لديهم مئات أو آلاف الأصدقاء مما يسهم في انتشار تصريحاتهم بين الجميع. حاول أن يكون كلامك متناسقا بغض النظر عن الوسيلة التي تستخدمها لأن ما تكتبه على اشتراكك في تويتر لخمسة آلاف متابع قد يطبع في جريدة توزع 200 ألف نسخة أو يعرض على برنامج يشاهده مليون مشاهد. (2) قبل أن تتحدث عن الثورة وأهدافها ينبغي أن تدرك أنه ولطبيعة اختلاف البشر الناس منقسمون ولديهم آراء مسبقة: فهناك من هو مع الثورة قلبا وقالبا وهناك أيضا من هو ضد الثورة قلبا وقالبا وهناك من موقفه يتغير حسب ما تشهده الساحة من أحداث ولم يكونوا وعيا كاملا لتحديد الموقف سواء مع الثورة أو ضدها. حدد قبل الحديث مع الإعلام الهدف الذي تريد الوصول له والشريحة التي تتخاطب معها. أغلب من يتحدث الآن للإعلام مدافعا عن الثورة يتناسى أن أهم شريحة ينبغي الحديث معها هي الشريحة المحايدة ثم الشريحة التي تتخذ موقفا معاديا للثورة، وأغلب الحوارات للأسف هي حوارات موجّهة بشكل مباشر لكل من يؤيد الثورة فقط فأصبحنا لا نحدّث إلا أنفسنا وذلك أخطر ما يحدث حاليا لأن ذلك يفقد الثورة شعبيتها في الشارع. (3) لا تفترض أن الجميع قد مر بنفس التجارب التي عشتها أنت شخصيا وبالتالي سيتعاطفون معك. هناك ملايين المصريين الذين لم ينزلوا إلى ميدان التحرير طوال وقت الثورة وتعاطفهم مع الفكر الثوري هو تعاطف مؤقت مرتبط بفهمهم الشخصي لمصلحة الوطن. من عاصر واقعة استشهاد أحد شباب الثورة ستكون مشاعره تجاه قضية الشهداء أقوى بكثير ممن شاهد صور الشهداء على اليوتيوب حتى وإن كان متعاطفا مع الثورة. ومن لم يتم اعتقاله أو ضربه من قوات الأمن المركزي قبل ذلك في حياته يستحيل أن يحمل نفس درجات الغيظ والغضب تجاه وزارة الداخلية وهكذا. في حوارك الإعلامي خاطب الشارع من منطلقاته وليس من منطلقاتك أنت. (4) الصوت العالي كان شجاعة في عصر النظام السابق، وكان الكثير من المصريين وإن لم تعلو أصواتهم ينظرون بنظرة احترام وتقدير لأصحاب هذا الصوت المعارض المرتفع لأنهم أكثر منهم شجاعة. ولكن يجب أن ندرك أن الصوت العالي بعد 11 فبراير لا يصنّف على أنه شجاعة بل على العكس يراه الكثير تهورا وغرورا بل وقد يصل البعض لتخوين أصحاب هذا الصوت. وكلما ارتفع صوتك وتشنجت وتعصبت على وسائل الإعلام كلما ابتعد المشاهد عن تصديقك والاقتناع بما تقول. الثورة في حاجة الآن لأصحاب الأصوات المعتدلة القادرة على الاقناع والمشاركة والحوار. (5) حاول أن تفرق بين ما تقوله كشخص وسط 100 شخص يعرفونك بشكل شخصي ويعلمون نواياك ويدركون مرجعيتك وفكرك وبين ما تقوله لـ 1000 شخص كل علاقتهم بك هي صداقة في العالم الافتراضي على فيسبوك وتويتر وبين ما تقوله لملايين الأشخاص على شاشات التلفزيون لا يعرفون عنك شيئا سوى ما تقوله. الخروج للرأي العام بنفس الخطاب الذي تخاطب به أصدقاءك ليس من الحكمة في شيء. وصوتك إذا كان مسموعا من الملايين التي لا تعرفك ينبغي أن يكون أكثر انضباطا وحكمة. وإن كنت غير مستعد لاحترام الشارع أثناء مخاطبته فلا تتصدر لهذا المشهد واترك غيرك يقوم به. (6) السخرية من الأفكار والأشخاص التي تختلف معها تقسم الناس إلى أربعة أنواع: قسم غير مقتنع بهذه الأفكار وسيسعد ويستمتع بما تقول دون أن يضيف ذلك لرصيده أي وسيلة لإقناع من حوله. وقسم على الحياد وستعجبه سخريتك ولكنها لن تساهم في إقناعه، وقسم على الحياد سينزعج من أسلوبك الساخر ويتعاطف مع أصحاب الأفكار التي تسخر منها، وقسم أخير مؤمن بتلك الأفكار سيضعك في منزلة العدو الذي يجب عليه محاربته سواء بنفس الطريقة أو بطرق أخرى. حالة الاستقطاب والاستعداء الموجودة في الشارع الآن أقوى أسبابها هو معارك شخصية بين رموز مختلف التيارات تقوم أساسا على السخرية وسوء الظن. (7) احترم الكبير في خطابك سواء كان حاضرا معك أو غائبا عنك. فالمجتمع المصري هو مجتمع قائم على فكرة أن الجماعة أهم من الفرد وفي مثل هذه المجتمعات كلما كبر الشخص وجب احترامه. بالطبع لا يعني هذا احترام "اللص" كبير السن، ولكن في الفترة الأخيرة خرج الكثير من "شباب" الثورة عبر وسائل الإعلام يتحدثون بشكل غير لائق عن من هم أكبر منهم عمرا وساهم ذلك بشكل كبير في صناعة فجوة بين جيلنا ومن يكبرنا في السن. صورة الشاب الثائر يجب أن تحوي بين طيّاتها احتراما لمن هم أكبر منه سنا وإن اختلف معهم شكلا وموضوعا. (8) كثرة الظهور الإعلامي في وسائل الإعلام التقليدية ضار جدا بالصحة! فشهوة الظهور تغيّر من طبيعة الشخص ونحن بشر نتغير ونتأثر بالتجارب التي نمر بها، وكذلك تفتح الباب للآخرين للدخول في النوايا واتهامك بحب النجومية. خاصة إن كان هذا الظهور مرتبط بالتعليق على الأحداث أكثر من محاولة صنع الأحداث الإيجابية. (9) لا تنخدع بوجهة نظر من حولك من دائرة أصدقاءك والمقربين لك في آراءك ودعمهم وتأييدهم لما تقول. فعلى سبيل المثال وقع الكثير من شباب الثورة في أخطاء تتعلق بتصعيد اللهجة ضد خصومهم معتقدين بسبب من حولهم بأن هذا الصوت مرغوب فيه بينما كان من الواضح للجميع أن الشارع لا يتقبل لهجة التصعيد وعلى العكس يراها إضرارا بمصلحته. التصعيد لا يعد شجاعة في كل الأوقات وأحيانا التصعيد غير المحسوب يكون حماقة. (10) انتشرت في الفترة الأخيرة نبرات الاستهانة بالشارع أو من يسمّون بحزب الكنبة أو الأغلبية الصامتة، وعلينا أن ندرك جيدا أن سبب سقوط النظام السابق كان استهانة هذا النظام بالأغلبية الصامتة التي خرجت في مليونيات طوال الثورة بسبب قناعتها في أهمية أن تطالب بحقوقها. فالثورة بدون الأغلبية الصامتة لم تكن لتتعدى مظاهرة يحضرها على الأكثر 2000 ناشط كما كان يحدث قبل الثورة. هذه الأغلبية لن تتحرك على هوى النشطاء ولا بإشاراتهم بل ستتحرك إذا شعرت أن هناك ما يلزم التحرك. واستعداء هذه الفئة والتقليل من تأثيرها من أكبر مخاطر تصرفات بعض الثوار حاليا لأن خسارة الشارع يجعل من المستحيل أن تنجح في أي مطلب حتى لو كان منطقيا. (11) هناك احتياج حقيقي الآن لمراجعة الخطاب الإعلامي للثورة وكذلك إعادة ترتيب أولوياتها حتى نضمن أن الثورة تسير على الطريق الصحيح وتحقق ما يحلم به من خرج من بيته من يوم 25 يناير حتى يوم 11 فبراير. والقضايا الاجتماعية والاقتصادية من أهم قضايا الثورة لأننا في مجتمع يعيش 40% منه تحت خط الفقر، خاصة وأن هناك بعض الظواهر العرضية للثورة والتي أثرت سلبيا على قطاعات مثل السياحة والمقاولات وتسببت في خسارة الكثير من المصريين لوظائفهم أو باب رزقهم اليومي. البعد عن مثل هذه القضايا والتركيز على القضايا السياسية فقط (وهي الأهم بالتأكيد) يزيد من الفجوة بين الشارع والنشطاء. (12) لنتوقف جميعا عن التخوين والمزايدة على بعضنا البعض بحجة حماية الثورة. فجميعنا يبحث عن غد أفضل لمصر، وكلنا نبحث عن دولة حديثة ديموقراطية تحترم حقوق الإنسان وتعتز بهويتها وتاريخها ولها دور ريادي إقليميا وعالميا. في النهاية إذا كنت مقتنعا بهذه النصائح أو بعضها فلا تكتفي بذلك، بل ساعد على تقويم سلوك من حولك من الشباب الثائر بالنصح والإرشاد. وكل عام وأنتم بخير. By: Wael Ghonim - وائل غنيم

عائشة عبد الهادى .. المتورطة فى موقعةالجمل خرجت بكفالة 10 الاف جنيه انما اسماء محفوظ تتحاكم عسكرياً و تخرج بكفالة 20 الف جنيه اتفوو على ده نظام .

لما حصرت السؤال عن دور السلفين فى فترة قبل الثورة وفترة ما بعد الثورة فقط ؟؟ لما لم تسأل عن دورهم أثناء الثورة ؟ هل نسيت أنهم أثناء الثورة خرجوا علينا ليفتوا أن ثورة 25 يناير هى خروج عن الحاكم يأثم صاحبه شرعا , وبالتالي وطبقا لفتواهم يكون كل من مات فى الثورة ليس شهيدا وإنما هو فى النار !! ورأينا شيوخهم وهم يخرجون علينا فى الفضائيات , واستعانت بهم القنوات الرسمية لكي يثبطوا الناس ويثنوهم عن الخروج بدعوى الفتنة والخروج عن الحاكم , ولكن الله سلم أنا حزين جدا إن الكلام ده طلع منك يا استاذ ابراهيم فقد عهدتك عادلا فى اقوالك و لا تتبع اسلوب التعميم البشع الذى يتبعه العلمانيين , فى زملاء اخرين رددوا كلامك لكن لم اهتم بالرد عليهم لمعرفتى انهم غير حياديين و لا يهمهم الحقيقة فقط يهمهم الصاق التهم لتنفير الناس من الملتزمين اليك بعض الفيديوهات لبعض من مشاهير مشايخ السلفية و كلامهم او دورهم فى الثورة و انظر الى تواريخ الفيديوهات فقط لمن عنده حيادية . الرباط الخاص بي الرباط الخاص بي الرباط الخاص بي الرباط الخاص بي الرباط الخاص بي

اخى الفاضل بادئ ذي بدئ أحب ان اقول لك حللت اهلا ونزلت سهلا على منتدانا المحترم موقع المحاورات وهذه المقدمه لانها اول موضوع اقرأه لك ثانيا اخى الفاضل : أخطأت أخى الفاضل حينما اجمعت فانا اكره صفه التعميم فى اى شئ لان دائما لكل قاعده شواذ فاذا كان هناك ستات قليلين الذوق كما قلت فهناك الكثيرات منهم من يتمتعن بالذوق والاخلاق والاحترام فخطأ كبير ان نعمم واذا كان على حركه الاسانسير خليها فى ميزان حسناتك وكل سنه وانت طيب ورمضان كريم ده عمر اللى اسمه عمر وهو اصغر محاوراتى فى المحاورات بقي بيعرف يدوس ع الاسانسير ويقلي اتفضل يا ماما يعنى فى احترام اهه ربنا يحميه ويحمى كل اطفالنا يارب ويحميكى يامصر قولوا امين بوسي

الزمان: السبت 6-8 الساعة 1 ظهرا المكان: مكتب الشهر العقاري بالجيزة بشارع مراد الواقعة: كنت بالمكتب لعمل عقد بيع سيارة فوجدت زحام لنسوة يبدو انهم من المنطقة الشعبية بميدان الجيزة وبالاستفسار عرفت ان فيه سمسار بيعطي الواحدة منهم 50 جنيه مقابل انها تديه البطاقة وتمضي على توكيل عشان حزب وهما مش عارفين حزب ايه اخدت ورقة من التوكيلات اللى كانوا بيمضوهم عليها طلع حزب الوعي وله 3 مؤسسين اولهم شادي الغزالي حرب مدعي البراءة الثورة الان ممكن نعرف بيشتري ليه التوكيلات ؟ وهل اختلف كدة عن الحزب الوثني ؟ الفلوس اللى بتتصرف دي واكيد هاتوصل ملايين مصدرها ايه ؟ ومين بيمولها ولما يمول مش اكيد هايطلب المقابل ؟ هما دول اللى ممكن نأمنهم على الثورة ؟؟؟؟؟؟ هما دول اللى ممكن يقولوا انهم ثوار ؟ http://www.youtube.com/watch?v=5C-SefY8abU&feature=player_embedded

بصراحة مش هضحك عليك.. و لكنى افتقر للكثير من المثالية. لا طبعا مش لازم تبتسم ولا يخصنى :closedeyes: و لكن فى نفس الوقت ميبقاش رد الفعل عنيف.. هى دى الفكرة بس. ليست مثالية حضرتك تتصرف بذوق علشان ذوق و متربي بغض النظر عن اللي قدامك هو كمان ذوق و متربي و الا لا هي دي النقطة المهمة لازم تستمر في التعامل بأخلاقك مهما افتقر الآخرون لأخلاقيات التعامل الغني هو الغني بأخلاقياته و محروم حقا من يقابل الإحسان بالإساءة

السلام عليكم ورحمة الله وكل عام وانتم بخير أحب اسجل هنا ملحوظة على الشعب المصري حديث العهد بالسياسة والديموقراطية والملحوظة هي ان لعبة السياسة هي زي اي رياضة فيها غالب ومغلوب وممكن يطلع تعادل لكن الاكيد فيها ان اللي بيكسب مش بيكسب على طول وان اللي بيخسر ما بيخسرش على طول بمعنى انك ممكن تكسب جولة لكن مش اكيد حتكسب كل الجولات ولا ان كل الامور حتمشي على هواك فبلاش اسلوب التشفي اللي بنشوفه من كل الاطراف لان في النهاية حتلاقي اللي حيتشفى فيك

يا ترى عندنا في مصر كام شحتو؟...وكام مريد وطالب ومعتنق لفكر شحتو؟ اعتقد انهم عدد مش قليل..أو على الاقل كافي لترويع مجموعات من الآمنين وقتل عدد آخر من الأبرياء وهل اذا ما قام أو دعا للقيام بعمليات إجرامية سنطلب له المعاملة الآدمية؟؟ أم سنجد أنفسنا مضطرين للمطالبة بسحله وربما قتله داخل المعتقلات هو ومن يتبعه؟؟ اتمنى ان يتذكر هؤلاء فضل ثورة 25 يناير عليهم..فلولاها لما كانوا ليخرجوا من جحورهم حتى الان

عزيزي الغريب بيه تحياتي انت خارج مصر واستاذ احمد خارج مصر وبالتالي فالصورة لديكما تحتاج لضبط الارسال ويمكن الاستقبال كمان نحن نعيش داخل مصر نذهب للتحرير بجنيه في اي ميكروباص وبالتالي اطلاعنا على الاحداث هو اكثر سخونه والرؤية اوضح مما لديكما يا اخي الكريم ليس المهم من دحرج الحجر المهم انه يتم التلاعب بالجميع وهذا حد ادنى من الاتفاق اتمنى ان اراه في مناقشات المنتدى تحياتي

معلش يا استاذ حسام دا مش واحد دا كل الى بيطلع يتحدث منهم تقريبا على نفس الفكر المنتدى مليان فيديوهات من نفس العينه و لكل فيديو بشكل منفصل بيتقال نفس الكلام الى طالع دا لا يمثل الا نفسه طيب لما نحطهم كلهم جنب بعض هنلاقى ان مفيش منهم واحد طلع قال حاجه متوازنه حتى انا كلامى مش على السلفين العاديين انا بتكلم على الرموز و النخبه و من يستمع له منهم و يسترشد برايهم يعنى انا بتكلم دلوقتى عن من يتبعوا و ليس من يتبعهم كل كلامهم بهذا الشكل طيب اليوتيوب عند حضرتك ممكن تجبلى تسجيل واحد لاى شيخ او متحدث منهم مش هقول قال كلام حلو و لكن على الاقل كلام متوازن على الفكر الليبرالى او مثلا عن الدوله المدنيه اى واحد فيهم لم يستخدم كارت الترهيب اثناء حديثه دا على مستوى القاده اما الاشخاص العاديون فانا معك ان منهم بالطبع اناس قمه فى الاحترام و لكن اغلب من تعاملت انا شخصيا معهم فكريا و انا هنا اتكلم عن تجربتى ارى انهم دائما يتبعوا اسلوب خشن فى عرض وجهه النظر و ايضا اساليب الاقصاء و القاه الاتهامات و استخدام العبارات المنفره و ارهاب الاخرين باهار الايات القرانيه و هم المسموح لهم ان يقسموا الناس و يحكموا على نواياهم و يغلظوا لهم القول و لكن غير مسموح بالعكس و كيف لا و الحق فى جانبهم ( من وجهه نظرهم ) فهم فقط الاطهار فكريا و كل من يختلف مع فكرهم لا هذا بخلاف التفنن فى التبرير لاى فكر شاذ او تصرف خاطىء يصدر ايضا من اى شخص محسوب على التيار السلفى لا تجد من يقول انا ارفض هذا او انا اعترض على هذا فقط تبريرات مهما كان الفكر او التصرف به عوار

ماهو يا تيمور مينفعش نعدم الشعب كله عشان مكنش ليهم دور سياسى قبل الثورة (انا يا عمى عمرى مشاركت فى مظاهرة لا قبل الثورة ولا بعدهافهل هتحجر على فكرى وهل هتتهمنى بالسكوت عن الظلم وانى ملييش اى لازمة فى الحياة) كل كلامك عقاب للناس اللى متكلموش فى السياسة قبل الثورة طب ما عندك عمرو حمزاوى كان قبل الثورة بست ايام بيقول من الصعوبة ان مصر تقوم فيها ثورة زى تونس وبيستبعد تماما ذلك ودخل فى شوية تحليلات غريبة لا اساس لها من الصحة.......(فين هو من انتقادك طالما انت معلق الفلكة للناس وبتحاسبهم بالمزاج) وهل كل من كان له موقف سياسى قبل الثورة يصلح لان يقود البلاد؟؟؟؟؟ (يبقوا الاخوان ومن وجهة نظرك احق بها عشان هما اكتر ناس عملوا احتجاجات .... بالرغم من انك بتحونهم دلوقتى) ياريت يا تيمور ميبقاش فيه كيل بمكيالين لما شخص (سلفى ) يغلط نقول فولان بدون كلمة سلفى دى غلط عشان منظلمش كام مليون سلفى فى مصر ولما شخص (ليبرالى) يقول هو ربنا ماله ومال السياسة نقول فولان غلط بدون كلمة ليبرالى عشان مش كل الليبرالين كدة -------------------------------------------- من حق يا تيمور الشيخ وجدى غنيم راح المعتقل اكتر من 8 مرات وده من ايام السادات واتطرد من مصر وكام دولة عربية تانيين - الراجل بيعتقل من سنة 80 يعنى من ساعة ال (.......) كان بيقول عالسكر اوكر دى بقى طريقة الحوار تعجبك واجى اقولك وجدى عنيم اكتر واحد اعتقلوه فهو اللى يدير شئون البلاد ولا ايه والتانيين اللى بداوا سياسة سنة 2008 اقولهم ملكوش فيها لانكوا متبهدلتوش زى الشيخ وجدى غنيم؟

تصدق يا تيمور كان ممكن مع قليل من العدل منك و احترام الآخر تستقطبه تماماً .. استخدامك لالفاظ زي (قندهاري) (متأسلم) و غيرها خلاني خلاص كاره النقاش معاك .. شفت .. تخيل .. كرهتني في النقاش معاك لأنك لا تحترم الآخر .. مش بس كدة .. لأنك كمان شايف ان انت بس اللي صح و وجهة نظرك و تنفيذك بس هو اللي صح و ان الاخر ما كانش بيعمل حاجة .. مع انك ما تعرفش .. أول مرة افهم يعني ايه اللي ميعرفش يقول عدس .. انا قفلت نقاشاتي معاك خلاص يا تيمور بعد ما تهربت من اجابة سؤالي بالعدل و الانصاف زي ما طالبتك و قعدت تلف و تدور و تقولي النشطاء كانوا بيعملوا و بيسووا مع إننا ما شفناش النشاطء قبل 2008 كأن مصر كانت مفيش قبل 2008 و خلاصة القول إن الوقت أغلى من إنه يضيع في مهاترات من نوع (إنتوا اللي بتتعاونوا مع اليهود) و أي إهانة منك للسلفية فالله حسيبنا فيها.

طيب مين قالك انهم (الستات والبنات دول) مبيشتكوش من الشباب والرجال نفس الشكوى؟؟؟ من الاخر دى حاجة بتخص المجتمع كله ولا ينبغى تخصيصها فى جنس معين لاننا نعيش داخل شبكة اجتماعية واحدة نؤثر ونتاثر مستوى الاخلاق والذوق انحدر كثيرا فى مجتمعنا ولا يمكن تاكيده على العموم ولكن نسبة الانحدار كثيرة وعلى معظم المستويات والاعلام هو مراية المجتمع وخير دليل على ذلك ولو تابعت الاعلام كويس وقارنته بخمس سنوات مضت فقط (مش هقول عشرين سنة) هتلاقى اختلاف كبير فى الاخلاق والذوقيات ------------------------ برنس يا تيمور وهضيف جملة كمان اللى بيحترم بيحترم نفسه وتقديرا لذاتى اعلنت احترامى:)

اه نسيت أقولك .. مش انت يا ريس اللي تقول ينفعوا ولا ما ينفعوش .. دي الشارع اللي يقولها .. و قبل الشارع و أنا و انت و الكل كليلة .. الله اللي بيختار ولا نسيت دي؟ (قل اللهم مالك الملك تؤتي الملك من تشاء و تنزع الملك عن من تشاء) ؟؟؟

عيب يا تيمور .. بجد عيب أوي اللي بتقوله و بتعمله ده .. حتى اظهر احترام الكبير يا أخي ترضى حد يقول لوالدك الكلمتين اللي فوق دول؟؟ و انت ايه عرفك ايه اللي كان بيحصل للسلفيين ولا لشيوخ السلفيين .. انت فاكر انك انت كدة مجاهد؟؟ ولا فاكر ان انت بس اللي مجاهد .. اصل انت يا تيمور باشا ما اتسحبتش على وشك لأمن الدولة زمان في نصاص الليالي فمش هتعرف مشايخ السلفية حصلهم ايه ... ولا نمت ليلة في زنزانة بعيد عن زوجتك و اولادك .. اقصر يا تيمور الله يهديك بدل ما حد يشوف كلامك يتمنالك تشوف انت أمين الشرطة و ساعتها باة يا حلو ....... غسلت سنانك بسيجنال تو النهاردة ؟؟

كن كالشمس تعط ولا تسال المقابل مش لازم تبتسم لك عشان تكون جنتل معاها

السلام عليكم و رحمة الله و بركاته امممممم...(وشي و انا بفكر عميك يعني) عارفة يا ريم السنة اللي فاتت كنت قاعدة نفس القعدة ديت..(متكومة علي الارض و علي رجلي اللاب توب و النور حواليا مطفي بس عايشة في عالم تاني جوه المحاورات) و كنت بقلب في التوبيكات و لقيت توبيك لاستاذي مهيب بتحب ايه و بتكره ايه ساعتها استاذنا قال متفتكروش انه سؤال سهل ساعتها ضحكت في سري و قولت يا سلام سلم ازاي بقي يعني تبقي مش عارف انت بتحب ايه و بتكره ايه يعني بس عارفة ايه احلي حاجة انا حبيتها في التوبيك بتاع استاذ مهيب او المساحة الدافية القريبة من القلب هنا عارفة ايه ان كل حد فينا قادر لسه يعيد اكتشاف نفسه و يبص جوه مراية روحه و يصالحها و كأنه بيطبطب عليها و بيقولها انا لسه قادر احب ان لسه جوايا طاقة نور....وسط كل الصخب و الاقنعة اللي حوايلنا بس لسه جوانا شعاع قادر ينور و يملانا دفا بالحاجات اللي بنحبها في اللحظة دي دلوقتي حالا هسيب نفسي اوي و اكتب كل الحاجات اللي تيجي في قلبي...مش هقول عقلي...علشان انا مدياه اجازة شوية هكتب و يمكن تكون حاجات بتتكرر من التوبيك اللي فات و يمكن تكون مراية روحي قادرة لسه انها تحب دلوقتي حالا بحب ربنا اوي يا ريم بحبه مع اني مش شايفاه....بس متاكدة جدا من وجوده...لما الناس بتقول ربنا خالق الكون بحب ابص للكون ده ان حاجة جميلة اوي....ذرة بتسبح في براح واسع اوي لاله عظيم اوي بحب اني اصلي لوحدي في مكان ضلمة حقيقي بيكون ضلمة بس بحس اني ببقي شايفة الكعبة يمكن علشان نفسي اكون هناك...و يمكن عايزة اكلم ربنا لوحدنا بحب لما افتح المصحف و انا زعلانة او متضايقة او حاسة الدنيا ضاقت عليا اوي و بعدين اقرا شوية و اقف عند آية موقفتش عندها قبل كده خالص و احس فعلا انها بتكلمني انا و بتديني الحل و اكتشف انه كان ابسط مما اتخيل و اسهل من كل السعي و التدابير اللي عمالة اجيبها من فوق لتحت و من شمال ليمين بحب اني ارجع بيتي و الاقي حاجات كتير زي ما هي....حقيقي انا كائن فوضوضي و بمل بشرعة جدا بس بحب حالة انك تكتشفي ان العربية مركونة في نفس المكان اديلها سنة و ان الماسورة اللي ماما اشتكت منها السنة اللي فاتت برضه بتشتكي منها السنة دي و ان البواب حكايته هي نفسها و ان السؤال المعتاد هناكل ايه بكرة لسه بيتسال يمكن حالة من الالفة....ان كل حاجة سبتها زي ما هي....يعني الزمن وقف مثلا و استناني لغاية ما ارجع بحب العب عربيات كهربا جدا و بحب اسوقها بايد واحدة و اخبط اللي قدامي و متسالنيش ليه...بيقولولي قلبي جامد و جريء بس مش عارفة يمكن...يجوز بحب القط بتاعنا جدا جدا...و بحب اتفرج عليه لما يستحمي لانه بيبقي زي البيبي اوي و بيخاف و بيكش بحب القط برضه لما بآجي اصلي الاقيه جه و نام عند رجلي او علي حافة المصلية بحب الحيوانات لاني بحس انها كائنات تعرف ربنا عننا....متضحكيش عليا....بس لما بقرا قرآن او بصلي بحسه فاهم و متسالنيش ازاي بحب الحمام اللي كان بيزورني في بيتي في الامارات و بحبه لما كنت بتاخر في الصحيان و يخبط علي الشباك....كنت بحس انه مش بس عايز الاكل بتاعه كان بيصحيني لاني فعلا كنت بتاخر اوي في النوم و يمكن بقفل علي نفسي فرصة اكتشاف عالم بحاله مختلف هتستغربي اني بحب "نقطة ضعفي"لاني بحس ساعتها اني انسان مش ملاك انا بني ادم ممكن اغلطو ليا هفوات بس ربنا بيكرمني بعدها بلحظة قوة عمري ما كنت اتخيلها هتستغربي لو قولتلك انا بحب "مرض" معين ربنا يعافينا منه جميعا بس غير حياتي بشك مكنتش متوقعاه يمكن وقتها بقيت لربنا ااقرب او بحاول يمكن علاقتي بالكون بحاله و بالناس و بنفسي و بقلبي و كل الدنيا بقيت مختلفة...بقت ابسط...بقت اكثر انسانية يمكن بحب السمك جدا و بحب السي فود و خصوصا لو مطبوخ بالطريقة الصينية بحب السفر و بقيت اخاف من حبي ليه لانه عامل زي الحصان مش قادرة اروضه بحب البدايات المبشرة....و بحب الصوت اللي جوايا اللي بيقولي يا تري الارتباط ده راح يكمل و لا لا....!! بحب البارفان الرجالي...حقيقي مش بحطه بس بحب اشمه جدا و خصوصا لو نوع اصلي بحب الدلع...و الانتخة و اوقات كتير بحب الكسل و النوم و بحس ان كل مشاكلي بلاقي ليها حل لو نمت كويس بحب الفجر جدا و بحب النسمة اللي بتيجي معاه بحس انها بتشيل كل وجع اليوم و بتطمني ان اليوم اللي بيتولد اكيد احسن زي ما الليلي راح اكيد راح يجي نهار بضي احسن بحب "امل" مش يعني التفاؤل و كدهوت لا دي صاحبتي اللي اتقابلنا في دهاليز الحياة و زي ما تقولي كده انا كنت الجرأة و التجارب العبيطة و كانت و لا زالت العقل المفكر الراسي الواعي و كدهوت بحب اقرا لدكتور مصطفي محمود....مش مجرد افكار.....دي حالة نورانية كده تاخدك فوق كل جدران ممكن تسجني نفسك فيها...تفوقك من كل مشاكلك تخليكي قادرة ترجعي تفهمي معطيات الدنيا بشكل اعمق بحب حضن بابا....علشان دافي و علشان هو بابا يعني بحب ريهام بكل غباءها و جنونها و قوتها و ضعفها و غضبها و قلبها و عقلها و فشتها و كلوتها و طريقة اني انكش شعري قال يعني بفكر اوقات كتير بقسي عليها....بس بحاول احبني مش علشاني بس علشان انا بحاول اعبد ربنا في الروح اللي منحني اياها بحاول يمكن اجتهد...و يمكن اصيب و يمكن اخطيء بحب توبيك الحياة صورة....بحسه قريب مني اوي بحب الفضة جدا و بحب الاكسسورات اللي فيها روح هتقوليلي ازاي...يعني الللي معمولة هاند ميد او الالي ليها قصة او بتعكس ثقافة بلد او قصة معينة بحب الحواديت فوق ما تتخيلي...و تقريبا ماما هي السبب في الموضوع ده مش هقولك نا بحب ماما انا بعبدها...مع ان السفر خلاني اكون كائن مستقل اكتر و قراراتي في معظم الاوقات بتكون صادمة ليها لانها متوقعة مني اني اكون اليفة و مستانسة و بسمع الكلام يعني...بس بحبها جدافوق ما كلمة بحب تكفي بحب استاذي يحي الاحمدي و اوقات كتير بتخيل اني قابلته و كلمته و هو فضل يضحك ضحكته الوقورة اوي و يافتكر كلامه ليا لما قالي في يوم....انتي جريئة و قويةو ده عاجبني فيكي...(مع كان لسه طاردني من المدرج) الله يرحمه بحب الجنة يا ريم....بحبها اوي و اوقات كتير اقعد احلم بيها و اقول يااااااااه هي الجنة 3 حروف طب يا تري هناك هيبقي فيه ايه طب يا تري انا هلحق اخشها...طب يا تري ممكن اكون من اللي ربنا بينظر ليهم مثلا....يااااااااااااه بحب ربنا.....و حاسة ان اكبر نعمة ادهاني اني لسه قادرة احس....و قادرة احب طولت عليكي و كتبت كل اللي جه و مر علي قلبي مساكي....تفاصيل "حب" تشبه ملامحنا احنا صباحك....حب رباني يخليكي تحبي الكون بحاله و تشتاقي لجنة ربنا في الناحية التانية من الحياة

"إذا رأيت الرجل يدافع عن الحق فيشتم ويسب ويغضب فاعلم أنه معلول النية لأن الحق لا يحتاج إلى هذا، يكفي الحق أن تصدح به، حتى يستجاب له" الإمام مالك

أعشق هذا الصوت الملائكي و أعشق اختياراتها لأجمل و أرق المعاني التي تشدو بها أحببت أن أفرد لها موضوعا ألتقي فيه و عشاق صوتها الذهبي تعالوا معا نعيش الحلم معها نبذة عن الفنانة ماجدة الرومي من ويكبيديا ماجدة الرومي مطربة لبنانية والدها الموسيقار حليم الرومي ووالدتها لبنانية, ولدت في 13 ديسمبر 1957م في كفر شيما. تعد ماجدة الرومي من أشهر الفنانات العرب ونجمة في عالم الموسيقى والغناء العربي. ولدت في بيت فني فهي ابنة الموسيقار الشهير في العالم العربي حليم الرومي والذي كان وراء بروز "اسطورة الغناء" السيدة فيروز. تأثرت ماجدة الرومي منذ الطفولة بكبار الموسقيين العرب أمثال محمد عبد الوهاب والسيدة أم كلثوم وعبد الحليم حافظ واسمهان، وقد لاحظ رايموند صدفي ابن عم ماجدة "أنها تملك صوتا استثنائيا يمكن أن يحدث ثورة إن هي احترفت الغناء". لكن العقبة الوحيدة كانت تكمن في حليم الرومي الذي رفض في البدء هذه الفكرة وبعد الموافقة اتجهت نحو برنامج استديو الفن البرنامج الأكثر شهرة في لبنان وذلك بمساعدة ابن عمها، حيث أذهلت لجنة التحكيم بأدائها المتميز لأغنية المطربة ليلى مراد "أنا قلبي دليلي" فمنحتها المركز الأول وبكل تفوق.حليم الرومي لم يستطع أن يقول لا أمام التفوق الملحوظ الذي حققتة ماجدة فأعطاها مباركته وتمنى لها التوفيق بل ولحن لها بعضاً من أغانيها فيما بعد.قدمت في سنة 1975 أغنيتها الأولى " عم بحلمك يا حلم يا لبنان ". لفتت نظر المخرج المصري يوسف شاهين فقدمها رغم صغر سنها في فيلمها الوحيد حتى الآن (عودة الابن الضال) الذي حقق آنذاك نجاحاُ ملحوظاً. حاصلة على شهادة البكالوريس في الأدب العربي من الجامعة اللبنانية. ماجدة الرومي أم لإبنتين هما "هلا ونور دفوني". غنت ماجدة للعديد من الشعراء والملحنين وأمام العديد من الملوك والرؤساء، وفي أغلب المهرجانات الكبرى في العالم العربي. وأطلق عليها عدة ألقاب منها "ملاك الطرب العربي" و"مطربة المثقفين" للدلالة على تميز صوتها ورقي فنها. ألبوماتها خدني حبيبي 1977 عم يسألوني عليك الناس خدني حبيبي كل شي عم يخلص مطرحك بقلبي نبع المحبة أنشودة الأمهات وداع أنشودة الأمهات (موسيقا) من زمان 1982 الحلم اللي جاي عطر من زمان نوستالجيا شعبك واقف بالريح شبابيك الأمان يتبع....

السلام عليكم و رحمة الله و بركاته مستغربة جدا جدا البنت اللي بتتربي علي الحرية و التدين و الانطلاق و الجرأة و انها تصنع قراراها بنفسها و تتحمله و لما تكبر البنوتة و تاخد اهم قرار في حياتها صوتها مبيتسمعشي ليه؟؟ علشان اقرب الناس فاهمين عنها و عارفين عنها و خايفين عليها و عايشين الحياة بدلا منها مستغربة ان لما بنربي بناتنا بنربيهم علي الخوف تخاف من اللي هيسرق منها الغوايش في الشارع تخاف انها تخرج لوحدها تخاف انها تمشي في شارع ضلمة بنربي بناتنا انها تعيش في الظل و كل ما هي في الظل كل ما كانت فرصة تالقها في حياة رجل "ضل" برضه اقوي في الجامعة بلاش تشاركي في الاسر...دي بتاعت حب و كلام فاضي في الحياة بلاش تسافري تشتغلي.....الناس هيستوطي حيطتك في الجواز....يا بنتي عيشي و خلاص خلفي عيلين و بعدين ابقي انسيه مستغربة من القتل المتعمد لروح البنت اللي تقدر تسافر و تقدر تعافر و تقدر تقرر مش محتاجة زعيق مش محتاجة حد يعيش الحياة بدل منها مش محتاجة خوف محتاجة بس كتف واحد يكون في كتفها يسندها مش اكتر يطبطب عليها مش اكتر يسيبها تجرب و تحاول من غير ما يجلدها....مش اكتر يوم ما تقع مبتقعشي علشان هي بنت بتقع علشان هي الحياة كده و يوم ما بتقوم مش هتحتاج تثبت للعالم بحاله شفتو بقي اصلي بنت و عملت اللي معملهوش الولد مستغربة جدا و حزينة و مش عارفة اغير في اللي حواليا و حاسة اني برجع عشرين سنة لورا

من الآخر و أنا وضحت ذلك في موضوعي الفرق بين السلفيين و الإخوان .. أن السلفيين دول بكل اشكالهم الله يباركلهم كدة و يصلح حالهم واحد واحد ، ملهومش دعوه بالسياسة خالص .. و لا يتكلموا فيها من أصله ، الشيخ في الجامع يطلع يقول خطبة دينية و بس ، ولا يقول حسني مبارك كان و لا مكانش و لا ينتقد أفراد السياسة و لاغيرة .. المنبر لإلقاء الخطب الدينية الدعوية فقط ، ليس لطرح وجهات النظر السياسية و التأثير علي الأشخاص .. أعطي العيش لخبازة ( الإخوان ) فاهمين عنكم بكتيييييييييير و حكماء في تصريحاتهم و تصرفاتهم و لو بيتاخد عليهم بعض الأخطاء بتكون قليلة .. و بيطلع المرشد بتاعهم بيرد ، إنم السلفيين حالياً من غير قائد فكل واحد يجيب فيديو لشيخ و يقعد ينتقد و يقطع في ريشة و مفيش حد هيطلع يدافع و لا يقول هوه كان يقصد اية بكلامة أو أو أو .. أرجوكم و نصيحه من أخوكم الصغير السلفيين يخليهم في الدعوه لله فقط ، سياسية لأ لأ لأ ... لأنها لعبة خسرانه بالنسبة ليكم لعدم وجود خبرة سابقة و كفاءة .. المشاركة في الإنتخابات هما يشوفوا مين الأصلح و يدعموه إنما تطلع في جامع تهيّج الناس من هنا و من هنا البلد كدة هتبقي فوضي أكتر ما هي فوضي .. و المواضيع في المنتدي هتكتر و المشادات بين الأعضاء هتكتر دا بيهاجم و دا بيدافع ، وفي الأخر مطلعناش بأي نتيجة سوري شكلي طولت عليكم ،، لكن لزم التنويه ..

رفقاً بالقوارير هكذا أوصى رسولنا الكريم الرجال يعنى حضراتكم عايزين ربنا يفضلكم عننا درجة بحالها كده من غير اي ضريبة تدفعوها بكل صراحة انا ارى ان الواجب ان يعامل الرجل المرأة باحترام ويرفق بها وان لم تبادله هذا هو ديننا وهو الاتيكيت كما يعرفه الغرب عرفناه نحن قبلهم بكثير وبكل اسف الكثير من رجالنا يظنه رضوخ لا تستحقه او يطلب له مقابل ربما هو خجلها فقط او خوفها ان تبتسم فتأخذ فكرة خاطئة عنها

اذا لم تخونني الذاكرة هذه الفتاة أيام الثورة اجري معها هناء سمري وسيد علي في برنامجهما حوار وقد اعجبا جدا برأيها برغم كما تعلمون تواطئهما في هذا الوقت مع النظام كانت فعلا تتكلم بوعي كامل يجعل من يستمع لها يعجب بهذا الشباب الصاعد الواعد وكل المتصلين بالبرنامج أثنوا عليها حتى ان من المتصلات أم قالت لها بالحرف الواحد كيف رباك والديك لتكونى هكذا أتذكر ايضا ان المذيع سيد قال لها بغباء اعلامي مستفزلا يحسد عليه لقد جاء لك على الهاتف الى الان 6 عرسان !!!! المهم ان هذه المناضلة سعت يوما لتحريرنا ونجحت ومازالت تسعي لتحريرنا من القيود الباقية وان أخطأت بقول فهل يكون جزاءها منا كلمة "أحسن" قليلا من الرحمة

ممكن حد يجبلنا رأى لجنة الفتوى بالازهر بخصوص موضوع الجزية وعلى من تستحق ؟ بدل ما احنا بنخبط فى بعض كده

يا جماعه والله ما قصدى انى اعيب فى المنتدى ولا اى حاجه والله وربنا يعلم قصدى خير والله ولا اقصد اى اهانه من اى نوع لاى فرد فى المنتدى واتمنى تقبلوا اعتذارى

ليه تعب الاعصاب دا بقى يعني انا كنت مأجلة حوار الملوخية دا لبعد رمضان بس يالا بقى هانعمل ايه انا باموووووووووووووووووت في الملوخية بالارانب بس يكون الرز اللي معاها بشعرية مش اورديحي كده :closedeyes:

انا رافض تماما محاكمة اي مدني عسكريا وشخصيا ما بحبش اسماء محفوظ من اول يوتيوب شفته لها انسانة محبة للظهور ومحاولة تصدر المشهد ومع اني مع نقد المجلس العسكري وسياساته لكن رافض جدا تطاولها عليه

هههههههههه انت بتضحك علينا ياتيمور الوثيقة دي وثيقة البرادعي ومنشورة منذ شهور وليست وثيقة الجيش http://www.dostor.org/politics/egypt/11/june/14/45110

كن صديقي الأمنية التي لايعرفها الرجل الشرقي أو العربي على وجه التحديد -ولا أعفي نفسي حتى من ذلك- حتى لو كانت تلك الصداقة لاتتعدى رفع سماعة التليفون للإطمئنان على الأحوال والصحة والأسرة والأولاد http://www.youtube.com/watch?v=Gi8pKxjwhwo كم جميل لو بقينا اصدقاء ان كل امراه تحتاج الى كفي صديق كم جميل كن صديقي ...كن صديقي صديقي كن صديقي هواياتي صغيره .. واهتماماتي صغيره وطموحي ان امشي .. ساعات معك تحت المطر عندما يسكنني الحزن .. ويبكيني الوتر فلماذا تهتم بشكلي .. ولا تدرك عقلي ولا تدرك عقلي كن صديقي .. كن صديقي انا محتاجه جدا لميناء سلام انا محتاجه جدا لميناء سلام وانا متعبه من قصص العشق واخبار الغرام فتكلم .. تكلم.. تكلم.. تكلم لماذا تنسى حين تلقاني نصف الكلام ولماذا تهتم بشكلي .. ولا تدرك عقلي كن صديقي ليس في الامر انتقاص للرجوله ليس في الامر انتقاص للرجوله غير ان الشرقي لا لا يرضى لا يرضى بدور .. غير ادوار ادوار البطوله...!!!

الفاضل Be Smiley أهلا وسهلا بك فى "محاورات المصريين" كنا نود ترك مداخلتك وهى السادسة لك فى "محاورات المصريين" .. ففيها بعض من الفكر ، ولكن - فى نفس الوقت - فيها الكثير من الشخصنة .. نرجو قراءة قواعد المشاركة - التى وافقت حضرتك عليها - مرة أخرى أبو محمد عن فريق الاشراف والتنسيق

بحب اسكندرية اووووووووووووووي

رائع .. عندما أصاب بالزهايمر .. وأقرأ هذا المقال سأعتقد أنى كاتبه بعد الشر عن حضرتك يا عمو من الزهايمر و ربنا يديك الصحة المقال فعلا رااااااائع و تحس ان اللي كاتبه انسان متزن و عاقل و فاهم و محترم وائل غنيم على صغر سنه الا انه كبير بكلامه و دا و الله رأيي فيه من اول يوم طلع في التليفزيون مع منى الشاذلي في العاشرة مساءا في الحلقة الشهيرة اللي عيط فيها و الحلقة التانية اللي كان معاها فيها كمان الشاب الرائع جهاد النابلسي الاتنين دول تحديدا وائل و جهاد اختفوا او نقول ابتعدوا عن الاضواء و سابوها للي شغالين ينسبوا الفضل في الثورة لنفسهم ما عملهاش وائل غنيم اللي صفحته كلنا خالد سعيد هي بالفعل مفجر الشرارة الحقيقية للثورة ساب دا كله و شغال في اتجاهات تانية خالص و جهاد بالرغم انه عنده عين راحت الا انه ما قعدش يندب حظه و لا طلع على الفضائيات و قعد يقول المصابين و الشهداء و مش عارفه ايه لكن الولد في عز الاحداث و عينه مصابة كان ماشي يلف على المستشفيات يديهم قائمة باسماء المصابين عشان يتعالجوا هما دول الجنود الحقيقين لثورة يناير و اللي باقدرهم واحترمهم انما بتوع التليفزيون شكرااااااااااا مالهمش مكان عندي ابدا طالما استمروا في اسلوبهم المتعالي و المغرور و الشووي لابعد الحدود

وحنرجع زمن الجواري وندلع بقي ضحتني بجد والله ولازم اشكرك انا فعلا من الناس اللي بتحلم بعودة زمن الجواري بس فعلا باخاف ان حلمي يتحقق الاقي نفسي لا العب دور الامير في الرواية :blush2: ما علينا :closedeyes: ................. الافاضل قبل ان يتحول الموضوع الى سجال بين يمين ويسار ويتوه الهدف الاصلي منه أر أننا جميعا معنيون بالاجابة عن هل فعلا هذا الفكر منتشر في بلادنا طولا وعرضا وحجمه اد ايه من صوت الشارع المصري ثم لايمكن ان نظن ان الحل في تهوين الامر ايضا فنقول انه تتبع الاعلام لافكار شاذه وينتهي الكلام خاصة ان هناك من يظن ان في الامر تربص ثم تأتي مرحلة البكاء على الدولة المدنية الى آخر القصة يا جماعة الخير ارجوكم الموضوع يجب ان يأخذ حقه من الاهتمام فعلا لان الشيخ محمود عامر هو ايضا مسؤل في جماعة انصار السنة وليس خلف السجون لسنوات بل حر طليق رابط اخبار عنه وبالامس اعتبر مبارك امير المؤمنين والبرادعي مهدور الدم واليوم يعتبر الثوار خوارج والداعين لمحاكمة المخلوع منافقين كده خبط لزق فهل نحن اصبحنا ملطشة للمجاهيل هي البلد ناقصه كام بهلول يا ناس سؤال رفيع على جنب هوه لندن ليه بتفتح بيبانها ع البحري لهاني السباعي ومن على شاكلته نكاية في مصر ولا بتوع حقوق الانسان و لا بتوع مسرح الغرفة

تم حذف المداخلات التي ترتبت على اسلوب تيمور الغير مقبول للحديث عن أي قوى سياسية أخرى ..

بعد اذنك يا أم زيد...دي من الصور اللي معقداني

كنت داخله اسال لان التوبيك فى بدايته ادانى انطباع انها اقرت خلاص رغم ان اخر حاجه وصلت ليا امبارح انهم لسه فى مرحله المشاوره عليها و انهم طلبوا وثيقه الازهر لبحث ضم بنود منها لكن المداخله الاخيره وضحت الرؤيه ليا هى لسا فى مرحله التشاور و لسه البنود دى مش نهائيه انا كدا فهمت صح ؟ عموما هى البنود الوارده فيها بالشكل دا جميله جدا و متوازنه جدا و مش عارفه ايه ممكن يكون وجهه الاعتراض عليها ( اقصد البنود ذاتها ) اما بالنسبه لمن يعترض لفكره انها تعتبر التفاف على الاراده الشعبيه الى 77% منها قالت فى الاستفتاء نعم فانا برضه مش فاهمه طيب ما هو منذ الاعلان الدستورى كام قانون طلعه المجلس العسكرى منفردا دون حتى مشوره و لقوانين لا تخص التى تم الاستفتاء عليها لا فى قوانين فى شتى النواحى و اخرها قانون انتخاب مجلسى الشعب و الشورى المجلس العسكرى بيتصرف طبقا لانه ملك السلطتين التنفيذيه و التشريعيه و الى ملكه السلطه التشريعيه هو الاستفتاء يعنى ان الاغلبيه قالت نعم فى الاستفتاء معناها انها اعطت له كارت اخضر لاجراء لاى تعديلات دستوريه يراها لانها وافقت على ان يتولى السلطه التشريعيه حتى يسلم الحكم و هذا يعنى ان اى قانون او تعديل يقوم به المجلس العسكرى فهو متوافق مع الاراده الشعبيه ( التى صوتت الاغلبيه فيها بنعم فى الاستفتاء ) و ليس متصادم معها و مادام المشروع مازال فى طور المناقشه و لم يصبح امر واقع بعد فانا افضل ان انتظر حتى نرى باقى الخطوات و لكن من الان اسجل اعتراضى الشديد اذا تم اقرار الوثيقه دون استفتاء فانا و ان كنت مع المبادىء الحاكمه الا ان هذا ايضا فى حاله ان يتم اسفتاء عليها و الشعب هو من يقرر لكن الفرض دون الرجوع للشعب اراها ستكون سقطه كبيره للمجلس العسكرى و ان تمت فسترسخ فكره انفراد المجلس العسكرى باتخاذ قرارات و سن قوانين جوهريه دون الرجوع للاراده الشعبيه يبقى احنا عملنا ثوره ليه علشان نغير الاسامى و يبقى الفكر كما هو ؟

تاني بتفتري على خلق الله بقولك (كلهم) أمال يا حبيبي لما ما كانش ليهم حس كانوا أكتر ناس في السجون و المعتقلات ليه؟ جاوبلي بس السؤال ده بحيادية و إنصاف و مع إجابتك يا تجهزلي عضويتي في 6 ابريل يا تسكت و تبطل شتم و تصيد للسلفيين

هبدأ بالسلالم المستحيلة مهما صعدت عليها .. لن ترتفع اكثر مما بدأت مستحيييييييييييل.. مش كده؟

جيت من حوالى 3 اسابيع والدنيا زى الفل ولفيت اكتر من 5 محافظات و فعلا المرة دى بالذات مكنتش عايز ارجع وحسيت ان مصر تم تحريرها و زعلت اوى لما رحت ميدان التحرير واتصورت هناك زى السياح ,,, كان نفسى ابقى موجود ايام الثورة واعيشها لحظة بلحظة :sad:

كلنا ملاحظين الأسلحة الموجهه وبقوه على الإسلاميين بشكل عام والسلفيين بشكل خاص منتديات , صحف , إعلام , إلخ بيوصفوا الإسلاميين زي مايكونوا كائنات متوحشه ومفترسه وخطر على البشرية ! منغلقين جدًا وكل شيء محرم والمفروض نعيش عشان هنموت كمان شوية فنعيش ميتين ! أنا مش هتكلم عن السلفيين كلهم لإني معرفش سلفيين كتير ولكن عندي مثال راقي ومثقف وعبقري عن السلفيين والإخوان مع بعض حازم صلاح أبو إسماعيل نفسي حد يقولي أي شيء معيب يخص الراجل ! إسمعوا وركزوا في كلامة لا مصطلحات سياسية عميقة ولا فزلكة ولف ودوران ولا شعارات كلام بسيط يوصل ببساطة سياسة التصدير http://www.youtube.com/watch?v=p-dJGmiC93k الخدمات الإجتماعية http://www.youtube.com/watch?v=pYVk5CyZp0s الترجمة واللغات rxCvCF7hjRg الإحتراف p1PXYMjPVUc&feature العنوسة والزواج Xjvmtb4XR-g التأثير الإعلامي xX7qzL4NSYU إدارة الدولة 5iakV-o48Gc&feature شفافية المعلومات ZCUliRAWsnE&feature الطرق والمواصلات l8naovLLgQY&feature التعليم w1tvF2xoxbU&feature الخبرات الأجنبية 4xIRkNh8uaI&feature بيوت الثقافة ouOFbJYNvLs&feature عارف إن إلي عايز يعلق ويطلع عيوب هيعرف يطلع بس ده رد على إلي شايف السلفي بلا فكر ومش فدماغة غير المرأة والحجاب وقطع اليد و (الودن ) لكن إتضح إن إلي شغلاه الأمور دي هما الليبراليين مش السلفيين عشان كده بيتكلموا في السيرة دي كتير الشيخ حازم لما كان في لقاء مع عمرو أديب سأله عن أبو الهول وعن المايوه وعن الشواطئ وعن اللحية الليبراليين والعلمانيين في حقيقة الأمر هم إلي بتشغلهم الأمور دي مش السلفيين

رصد | جانب من الحضور فى المؤتمر الجماهيري للاستاذ حازم صلاح ابو اسماعيل ببلقاس| تصوير اياد صلاح #RNN حازم صلاح ابو اسماعيل : -الدول التى حافظت على مستوى العلاقات مع الغرب تقبل ان تأكل الفتات من تحت احذية هذة الدول -يجب ان يشعر الشباب انهم اصحاب البلد ويشاركوا فى الحياة السياسية -لايوجد احد معه ختم الحصانة حتى ولو كان اسلاميا -ليست الفكرة ان نعطى الشباب لكن الفكرة هى ان نشرك هذا الشباب فى بناء الدولة

أحب البشر على اختلاف ألوانهم و ثقافاتهم أحب كل ما له علاقة باللغات و المفردات و الخواطر و الصياغة الأدبية أحب التواصل مع الناس خصوصا من استشعر فيهم الصفاء والنقاء أزعم أن حاستي السادسة قوية جدا وكثيرا ما أعتمد عليها فلست ماهرة في الحذر من الآخرين استطعت مؤخرا أن أتصالح مع نفسي و أحبها كما هي ....نعمة من الخالق عز وجل.... أحبها لأحافظ عليها و أرعاها و لا أستجيب لأهوائها حتى لا تدمرها وتدمرني معها أحب الجمال بكل صوره و أشكاله أحب الألوان... و أيضا الأبيض و الأسود و تداخلاتهما معا أصبحت أحب جدا اني امرأة و لا أشعر بالعار أحب طبيعتي التي خلقني الله تعالى عليها كثيرا و لكني أيضا أحب مستحضرات التجميل و العناية و العطور و المشغولات الفضية و الأناقة و أحب الحقائب و الحافظات و الفولار ... بالمعقول ... فلست أسيرة مرآتي أحب البحار والأنهار و السماء و الأشجار و الزهور و الطيور و صغار الحيوانات أحب الأماكن التي أتوحد معها و أشعر فيها بالألفة أزعم أني استشعر الأماكن جيدا أحب البيوت الأنيقة و البسيطة في نفس الوقت ... مرتبة ونظيفة ... يعجبني جدا الطراز الياباني أحب الطعام اللذيذ و المصنوع بعناية ... أحب أن أطهوه بنفسي و احضره بطريقتي و إضافاتي و بهاراتي و أعشابي المفضلة أحب الأكواب بأنواعها و أشكالها و الوانها ... أحب أواني الطبخ و أدواته أحب الأدوات المكتبية و أوراق تغليف الهدايا و أكياس و علب الهدايا و الكراسات و الأقلام ... أحب ورق الطباعة الأبيض و أحب الكتابة بالأزرق مع الأحمر للتحديد و الأخضر للفصل بين اللونين أحب الكتب و اقتنائها و تقليب صفحاتها ... مهما كان إغراء الكتب الالكترونية لا تزال متعتي في كتاب حقيقي تحتضنه يداي أحب هاتفي المحمول و لاب توبي و الام بي ثري الخاص بي و الجالاكسي تاب بقى كل حياتي بأحب الطعم الحقيقي لكل حاجة بدون إضافة الملح و السكر بأضيف السكر للحلويات طبعا زي الكيك و البسبوسة والكنافة والمهلبية و الرز بلبن و التشيز كيك و بأضيف الملح في الحوادق عند الضرورة كالمخللات بس دول بالنسبة لي حاجات ثانوية و مش أساسية يعني الشاي والقهوة والعصير الطبيعي و الزبادي أحبهم بدون سكر و البيض و البطاطس و اللحوم و الفراخ والسمك أحبهم بدون ملح ( أضيف ليمون و توابل و زيت زيتون أحيانا ) أحب اظهار الجمال الطبيعي للأشياء فبقدر ما تعتبر الإضافات تجميلا أحيانا فقد تصبح تشويها في أحيان أخرى

فرعون غرق.......كليوباترا انتحرت.........قطز اتقتل.......بيبرس اتقتل......المماليك اتدبحوا شجرة الدر اتشبشبلها........العثمانيين قتلوا بعض........الخديوى اسماعيل اتنفى واتحبس فاروق اتنفى.......نجيب اتذل........جمال اتسمم.........السادات اتقتل..........مبارك اتحبس \\\\\\\\حد ليه شوق يحكم مصر///////

كل شيء فاني و قابل للنفاد دوام الحال من المحال لذلك لابد دوما من تجديد الطلب لشحن رصيد جديد اسأل الله تعالى لك برصيد متجدد من السعادة آمين لا حتما هناك اشياء غير قابلة للنفاد والا كان مصير حياتنا العدم فالشمس مازالت تجدد اشراقها كل يوم وان كان احيانا يعتريها بعض الغيوم كذلك الحب الصادق دائما ماينير حياتنا على الدوام وحتى ان شابه احيانا بعض الفتور وذلك هو الرضا والامل الذى تمنحه لنا الحياة فى ان رصيدك مازال عامرا وغير قابل للنفاذ

أضخـم الأبـواب مفـاتيحها صغيـرة ، فـلا تعجـزك ضخـامة "الأمــنيـات" ، فربمـا ، دعـوة واحـدة تــرفعهــا إلـى الله ، تجلـب لـك '' المستحيـل '' فقــط قــل يــا رب

هذه هي رسالتي الأخيرة ولن يكون بعدها رسائل هذه هي آخر غيمة رمادية تمطر عليك ولن تعرفي بعدها المطر هذا آخر العشق في كأسي وبعده لن يكون هناك عشق ولا حب هذه آخر رسائل الجنون وآخر رسائل الطفولة ولن تعرف بعدي ،،، نقاء الطفولة ،،، وطرافة الجنون لقد عشقتك كطفل هارب من المدرسة يختبئ بين جنبات النخيل ويخبئ القصائد كنت معك طفل الهلوسة والتشريد والتناقضات كنت طفل الشعر والكتابة الحالمة أما أنت فكنتِ إمرأة مغرورة تنتظر قدرها في خطوط العشاق البدائيين ورسائل الغزل الكاذية وخطوط فناجيل القهوه وأوهام دجل العرافات ما أتعسك يا سيدتي فلن تكونى في دفتر يومياتي بعد اليوم ولن تكوني في ورق الرسائل الزرقاء وبكاء الشموع وحقيبة ساعي البريد لن تكوني في الصُحف المكتوبة ولا الأوراق المحفوظة لن تكوني في وجع الحروف ولا في معاناة القصائد فلقد نفيتكِ خارج حدائق قلبي وأصبحت ذكرى بالية ولا أريد منك بعد الآن رسائل رد ( رساله الى امرآه مغروره / نزار )