لوحة القادة

أنبثقت الفكرة من تعليق بنتنا جويرية اللوزعية الأتي وهنا أمسكت الأدارة بتلابيب الموضوع وقالت " عالبكره " لكن بما إننا في مرحلة سياسية ديمقراطية ... فلابد أن يتم دراسة الموضوع من كل الجوانب مع الأعضاء ... وبالفعل تم عقد مؤتمر موسع لطرح وجمع ولزق الأفكار : جويرية : بما إني صاحبة الفكرة .. فأنا عاوزه مترين قُماش زيادة أعملهم مًلس وطرحه صعيدي عشان لما أنزل البلد عندنا س س : هانبدأ من أولها ؟ يا ست جويرية خلاص الرؤوس إتساوت في المجتمع ... وإنتي صاحبة الفكرة .. ولا صاحبة صاحبتك .. هاتخدي زيك زي غيرك .. هما مترين ونص تعمليهم جلابيه تعمليهم اعلام لمصر وتنزلي بهم المظاهرات .. إنتي حُره الغريب : عندنا في الكويت أنواع هايلة من القماش ... وأنا مستعد أورد أجود وافخر أنواع القماش من محلات " غريبكو تيكستيل " وكله بسعر التكلوفه أبو محمد : يا أخ غريب الموضوع مش سبوبة .. إحنا لسه بندرس الموضوع .. وموضوع التوريد هايبقى أخر حاجه نفكر فيها .. ولازم يبقى هناك شفافية ومناقصة وفتح مظاريف على عينك يا تاجر .. عادل أبو زيد : فكره هايلة ... وموضوع تقدمي ... ده كان إستهلال لابد منه .. أنا فاكر في الخمسينات إنطرحت أفكار زي دي من الأتحاد الأشتراكي .. وكنا بنروح الجمعيات التعاونية نصرف كستور ودمور وبفته ودبلان وكافة أنواع القماش ... لدرجة إننا كنا بنعمل منها ملايات السرير . عبير الشرقاوي : ربنا يديك طولة العُمر يا بابا عادل ... بس عفواً حضرتك دلوقت ملايات السرير والمفارش بتتعمل من الساتان والحرير المزركش واللي عليه ترتر وشغل إبره ... تفتكروا هايفرقوا علينا حرير وساتان ؟ تيمور : وليه لأ ؟ أنا هاكلم محمد عادل وأنجي عادل و نصر محروس وكافة كوادر حركة 6 متر إبريل .. قصدي 6 إبريل .. إننا ندعو لمليونية من اللي خمسة بس بيحضروها ونسميها " مليونية البواقي والفُضل " ومش هانمشي من الميدان الا ومعانا الدبلان " .... ويا مُشير يا مُشير إنزل إنزل عالتحرير وهات معاك مترين حرير .... س س : إنت بتهيص يابني في اي حاجه والسلام ؟ مشير إيه اللي هايجيب لك حرير ... يا بني دول ما يعرفوش غير الكاكي وبس ... وأنا ما عنديش إستعداد ألبس ميري بصراحة بينك روز ( ريمو سابقاً ) : أنا موافقة على الفوكيرة دي ... وهاكلم أ عصام سلطان ... وكمان الهيئة العُليا لحزب الوسط .. إنهم يتبنوا فكرة توزيع القماش على عامة الشعب .. أنا فعلاً محتاجه حتتين قُماش أعملهم جونيله وبلوزه لمريم .... ربنا يخليها لي يارب محمد علي : والله عال ... الموضوع قلب جونيلات وبلوزات وناسيين الأغلبية الصامتة والناس اللي قالت نعم للكستور .. قصدي للدستور ... يا أخوان أنا بأقولها أهو .. القماش لازم يكون شرعي .. يعني مش شفاف للستات .. ومش مجرجر على الأرض للرجالة ... وما تنسوش كمان حتت قماش زيادة للرجالة عشان نعملها غُترة . محمد : طب ونسيت العُقال كمان ؟ والله عال ... يا سيد محمد علي إحنا لبسنا في مصر هو البنطال والقميص ... وعُمرنا ما هانبقى وهابيين ونلبس غترة وشماغ وحاجات من دي الساري : ومالها الغُترة يا أ محمد ؟ طب ليه التجريح ده ؟ س س : يا ساري لا تجريح ولا حاجه ... ترضى حد مصري ييجي يفرض عليكم هنا لبس البنطلون والقميص ؟ الساري : أه أرضى بصراحة س س : أفحمتني .. طب جاملني وقول لأ من ورا قلبك سمبا : على فكرة في برنامج على الايفون تدخل له القطن من ناحية ... يطلع لك قماش من الناحية التانية .. وبمية دولار بس أسد : أنا ضد أي حاجه فيها تقييد لحرية الإنسان ... يعني ليه الدول تفرض عليه نوعية وألوان معينين ؟ ده أسلوب شيوعي واشتراكي مقيت س س : فعلاً يا أسد ... كنت زمان بأشوف الصينيين وبتوع كوريا الشمالية كلهم لابسن زي بعض ... قال يعني هي ناقصة لخبطه ؟ أبو محمد : نقطة نظام ايها السادة المتحمسون ... عاوزين نناقش الموضوع متر متر .. ونشوف إحنا معترضين على إيه وموافقين على إيه عشان نرفع مقترحاتنا لحكومة أ عصام شرف فلانه : إسمحوا لي بكلمه من فضلكم ... أنا ضد الموضوع ده ... وعُمري ما اتصور نفسي وأنا واقفه في طابور طويل عريض عشان أخد حتتين قماش ليه ولاولادي .... فبدل البهدلة دي كلها ... ليه ما يكونش عند الحكومة خدمة الديليفري ؟ أو أوبشنز كتيره وكاتلوجات قماش نختار من بينها ؟ .. ليه كمان ما يتوسعوش ويفرقوا علينا قماش ستاير ... أو قماش أوبيسون للصالونات المدهبة وكدهوت ؟ س س وهو يجز على أسنانه : يا فلانه باشا ... بقى جويرية عمالة تقول لك حتة كستور مترين ونص يادوب يكفوا جلابية .. وإنتي عماله تقولي ستاير ويانسون و قطن للتنجيد ... أسكتي الله يرضى عليكي وخلي الشعب يستر نفسه الأول وبعدين نفكر في الحاجات التانية بتاعتك دي سلوى : ما تعملوش حسابي في الموضوع ده .. الـ Pano ده لإنه عندنا في أسبانيا حلو خالص .. وكمان العرض عرضين المحتار : لو سمحتوا يا جماعة .. أنا جايلي فرصة عمل في السعودية في شركة مقاولات .. بالنسبة بقى هناك . القماش بيبقى على الكفيل ولا على الموظف ؟ أرجو سرعة الرد جايلك يا كندا : دي ميزة الدول النضيفة .. إنت أول ما تعمل لاندنج يا معلم .. تلاقي بت كندية زي لهطة القشطة مستنياك في المطار وفي إيدها شنطة مليانه قماش كندي .. إيشي شيفون على فيسكوز على نوع هناك إسمه عضة الكلب .. تفصل وتهيص ويفيض منك كمان حسام وعنبو في بؤ واحد : طب بالنسبة لغير المتزوجين ؟ هايبقى في قماش جينز ديرتي ولا الموضوع ده للعوائل بس ؟ س س : لأ طبعاً للعوائل يابني .. إحنا ناس أصحاب عيال .. وبعدين إنتو أمركم سهل .. هو منطلون مقطع وتي شيرت ومشي حالك محمود البصيلي : قُماش ؟؟؟ بتتكلموا عن القماش ؟؟ الله يرحم أيام القماش المحلاوي اللي خربوه بالكويز والإتفاقيات الصهوينية ... حسبي الله ونعم الوكيل .. حسبي الله ونعم الوكيل بينك روز : على فكرة .. أنا كلمت أستاذ حماده سلطان .. قصدي عصام سلطان أمبارح وقولت له يلغي إتفاقية الكويز س س وهو ينظر لريمو شذراً ولسان حاله يقول : إحنا نخلص من 6 إبريل .. يطلع لنا عصام سلطان ؟ ريمو كرفت على حته أركتيكاوية يا رجالة لماضة مصرية قوي : يااااااه فكرتوني بأيام زمان وأنا صغيرة .. كانت مامه دايماً تقطع حته من ديل أي فساتن عندي وتعملهم لي شرايط للضفاير بتاعتي .. فكان الفستان لازم يبقى ماتشنج مع ضفايري .... وفكرتوني كمان باغاني الطفولة زي " لاعبيني والاعبك وأقطع ضفايرك " ................ صباحكم قصاقيص قماش ملونه كل قصقوصة بتحكي قصة صغنونه ... وش عيله صغيرة ماسكه مقص وعماله تقصقص في فساتين صاحبتها

http://www.youtube.com/watch?v=Ag838D2XMNs&feature=youtube_gdata_player

جيل مبارك كان بيمشي جنب الحيط.. لكن جيل الثورة بيمشي ع الحيط. صوتي يا أم مائير شباب مصر بيطير. الطمي يا أم شاليط .. شباب مصر بيمشى عالحيط. متحدث اسرائيلي: لا صحة لأشاعات رسم العلم المصري علي بوكسر نتياهو. الصهاينة بيستوردوا دلوقتي بامبرز من كل الأحجام لأنهم مش قادرين يسيطروا على الموقف.. اتبرع و لو بواحدة فرط حجم صغير. فريد الديب: الرئيس مبارك هو المتسلق الحقيقي للسفارة. مرتضى منصور: اللي تسلق السفارة ده محامي عندي في المكتب وتأثر بأفكاري السياسية وعندي السيديهات بتاعته. طلعت زكريا: أنا شفت متسلق السفارة بعد ما نزل والليلة خلصت في كباريه في شارع الهرم وبيعمل علاقات جنسية. سبيدار مان المصرى.... أم الأجنبي. يا منزّل علم الصهاينة ورافع راس بلادي ومفرح أم الشهيد وحتاخد تار ولادي. ياطالع العمارة ومبهدل السفارة وكابس الأعادي: تسلم الأيادي. عذراً نيوتن.. المصريون لا يعترفون بقانون الجاذبية. اللي يتاخد علمه من على سفارته ممكن يتاخد منه أي حاجة.. آآآآي حاجة. السفير الإسرائيلي: ضحينا بالعلم عشان السفارة تعيش. اقتراح انشاء سلاح جديد في الجيش اسمه سلاح العناكب فرقة اللواء أحمد الشحات. السفير الاسرائيلي اتصل بعصام شرف وقاله وهو منفعل: ينفع وقفة الشباب قدام العمارة وفيه حريم طالعة ونازلة؟ اسرائيل عندها طيارات بدون طيارين واحنا عندنا طيارين بدون طيارات. يعني ايه البت تقولي مش حاتجوزك إلا لو جبتلي علم اسرائيل من فوق مبني الأمم المتحدة؟؟!!! منك لله يإللي في بالي. طيب يعني رشيناكو بميه وضربنا قنابل دخان ورصاص مطاطي ورصاص حي وممتوش، كمان طلعتو 14 دول ونزلتو العلم!! مفيش حد قادر عليكو؟لا مفييش. المفروض يحطو صورة الراجل اللى شال العلم على الجنيه. الفول المصري بيعطيك جواانج. منقول على فكره الحركه دى محصلتش قبل كدا لاى دوله فى العالم يعنى خلاص اتعلم عليها للابد تسلم ايده

ياعني كل اللي صوّت بنعم .. يبقي منافق و لا إية ؟؟ نرجوا التوضيح .. روح طس وشك بشوية ميه يا عماد عشان تشوف الكلام كويس يا حبيبي لما تجبر شخص على حاجه وهو مش مقتنع بها .. يبقى أنت بتخلق فئة من المنافقين .. يعني قدامك محجبة ومية فل و 18 .. ومن وراك الله أعلم .. فهمت .؟

افكار صايمين بعد العمر ده كلة و بعد سنوات طويلة جدا اكتشفنا للأسف أن : حسني مش مبارك وبشار مش أسد وبن علي مش زين وعلي عبد الله مش صالح بس القذافي هو الوحيد اللى ما زال معمر

الفيديو الكامل للبطل أحمد الشحات، وهو يتسلق واجهة المبني الوقاع به السفارة الاسرائيلية ويقوم بانزال علم اسرائيل ورفع علم مصر انا بجد معنديش أي تعليق علي الفيديو ده .. غير اني نفسي اقابل البطل ده بنفسي واخده فحضني واشكره http://www.youtube.com/watch?v=s6JRpU240BQ&feature=player_embedded

لهم حق و الله ازاي يعني يتجرأ و يعمل العمله السودا بتاعته دي ؟ أهي اسرائيل حست بالإهانه أهيه و قالت ان ده تعدي سافر حتة قماشه نزلت من مكانها اتبعت لها وفد رسمي و اتقدم بيها بلاغ للنائب العام انما احنا ولادنا يومتوا و دمهم يسيح عالأرض و رصاص جنودهم يرشق في اجسام ولادنا عالحدود و أسلحتهم المحرمه دولياً تمطر الشظايا بتاعتها تقطع في لحمهم و نسكت و الحكومه بتاعتنا لا تبعت وفد و لا مفرد يطلب حاجه و نقول و النبي اتأسفوالنا و نطلع بعدها نقول أهم أعتذروا اهوه يقوموا طالعين قايلين طب و النيعمه ما إتأسفنا لحد ايه المهزأه دي ؟ دول فعلا بجد مش عاملين للدم حساب و لا وزن الله يخرب بيت كده الله يخرب بيت كده الله يخرب بيت كده بقى بجد

هاكر مصري يخترق موقع نتنياهو ويضع العلم المصري http://www.netanyahu.org.il/

هذا المقطع بالتحديد من كلامك هو أكثر ما أغضبني و أثار حفيظتي ففي حين عدم إخفائك لإحترامك و تقديرك البالغين لمكانة إسرائيل الموقره و ما توصلت إليه بعد جهد حميد و ليس بعد تقافه رعويه لا تخفي أيضاً القدر الوفير من تحقير شأن المصريين اللذين لا تخجل رغم إنتمائك لهم من وصفهم بأنهم شعب لا يعرف النظام و شعب ينحدر إلى القرون الوسطى و لا يقارن بشعب منظم مثل اسرائيل و لا أمل له في الإنتصار بمواصفاته المعيبه هذه نسيت حضرتك إننا نفس هذا الشعب الساقط من نظرك هو من قام بثوره أذهلت العالم بأسره و فتحت أفواه الإسرائيليين أنفسهم يتساقط منها اللعاب ذهولاَ و إنبهاراً بتحضره و نظامه و قوته رغم سلميته و هذه الثوره ليست كل إنجازاته و لكنها آخرها لعلك تتذكر بسهوله عيب قوي قوي قوي لما يبقى العالم كله بيرفع لنا القبعه إجلالاً و إحتراما و نبقى إحنا شايفين روحنا كده الإقتباس الجاي ده هديه مني لحضرتك

اولا انا نفسى يجى اليوم اليى الاقى فيه الستات فى مصر كلهم محجبات بس الحجاب الشرعى مش الكلام الفارغ بتاع اليومين دول ولكن بالاقتناع وليس بالقانون لان الحجاب امر دينى من الله عزوجل والاسلام يعرض ولا يفرض الم يقل المولى عزوجل فى محكم اياته ولو شاء ربك لآمن من في الأرض كلهم جميعا أفأنت تكره الناس حتى يكونوا مؤمنين ( 99 ) ( ليس عليك هداهم ولكن الله يهدي من يشاء ) [ البقرة : 272 ] ( يضل من يشاء ويهدي من يشاء فلا تذهب نفسك عليهم حسرات ) [ فاطر : 8 ] اليس الله بغنى عن عبادتنا جميعا يبقى ليه نجبر الناس على عبادة الله الاولى ان نعرض الامر وعليهم الاختيار فكل انسان فى الاخر مسؤل عن نفسه ( فإنما عليك البلاغ وعلينا الحساب ) [ الرعد : 40 ] الامور اليى بين العبد وربه مينفعش تيجى وتفرض عن طريق القانون ولكنها تأتى بالاقناع لان الامور دى مرتبطه بالنيه والنيه لا يعلمها الا الله ممكن نعمل قانون خاص بالحشمه ويطبق على الستات والرجال لان الموضوع اصبح يهدد المجتمع ياما فيه ستات كتير فاكرين نفسهم محجبات وهم ورب الكعبه ابعد ما يكون عن الحجاب فما الفائده اذا تم تغطية الشعر وتجسيد وتجسيم باقى الجسم وياما فيه ستات منقبات وهما ابعد ما يكون عن النقاب فما الفائده من غطية الوجه وباقى الجسم مجسم تجسيم دقيق احنا حقا عندنا مشكله فى الاوليات يعنى ممكن تلاقى واحد يهتم قوى انه يلحتى وميهتمش ولا يحساب نفسه على الكذب ولا الغيبه والنميمه ولا......................الخ يعنى الزمن اليى بنعيش فيه من زمن زل وكسره وحسره على المسلمين فى جميع انحاء الكره الارضيه ونلاقى اليى شاغل بال المسلمين هو النقاب واللحيه والسواك !!! طيب ياعم فيه جهاد طيب فيه كلمة حق عند سلطان جائر طيب فيه الصدقات طيب فيه الاخلاص فى العمل طيب فيه انت عملت ايه للاسلام غير انك اعفيت لحيتك ؟ ولا انتى عملت ايه للاسلام غير انك اتحجبتى ولا اتنقبتى ؟ انا معرفش انا كده خرجت عن الموضوع ولا ؟ ولكن انا عندى سؤال ما هو الفائده التى سوف تعود على المسلمين من فرض الحجاب على النساء بالقانون ؟ وتقبلوا تحياتى عنبو

اللي طلعوا خالد سعيد مدمن بكرة يطلعوا الشحات حرامي شقق..عمر طاهر

- 1 - الفكره شهوايه كبيره..صغيره تأمر وتنهي تشدّني خارج دوايري الممكنه لـ أول ليل غبي و نمرود يقوم و يهب بـ النبوت يضرب بعرض الحيط بقيت الحيل و ياخد منحنى يهتك بكارة القمر و يزوم ضعيف...مهزوم و بين شروخ المرايه يتفّ.....على وشّهٌ!! - 2 - بنعومة التعبان مس (الستار) جنّي و أكمنّي ظنّي عبيط فكّ الحزام....... منّي أنحلّ زر القميص من عروه أوسع مـ الخلااا حلقه فراغ متفرغه..!! من كل شيء ممكن يكون إلا زيف المعرفه...!! باع ابن أدم جنته و التمن تفاح..!! - 3 - في عينيه من نعس الخطايه مـ ينجّس فضا............... مـ يشدّ الغطا..و ينام مٌنتشي! كلب السكّك....يسرق غطايه ليه ............يختشّي ؟ سلامات يا غُربة ليل ! ذنب أبن (دايره) ب ديل !! قواد و تاجر للهوا يصوم صباحي مُنجلّي يشوف غروب النور يقوم مسعور يذغد فـ ضهري قوم نفطر سوا..!! - 4 - يا غيمه جايّه من بعيد لو توصلّي لو كنتي رحمه ؟ و حياة جلال سيدنا النبي لا تّمطري .. !!! .

بصراحة بعد رؤية هذه الصورة احسست بالفرح لوجود رئيس دولة اسلامية رزقهم الله بمثل هذا الرجل واحساس بالحسرة ان الابواق الاعلامية لا تريد ان يظهر مثل هذا الرجل عندنا فى مصر كأن ال90 مليون مصرى لا يوجد فيهم رجال مثل رجب طيب اردوغان واحساس بالامل انى اشوف رئيس مصر زوجته محجبة مثل 90% من سيدات الشعب المصرى يا ترى انت ايه احساسك ؟ شوفوا الصورة

احنا عايزين من الافكار المفرحه دى عشرة او عشرين كل يوم بجد عايزين مصر ترجع تانى لمكانتها الى بتستحقها

تصدق انى كنت فاكر ان اول اسمه هتقوله هو انجى كده انا هابلغ فيك . طب النونو نسميها انجي نغير اسم البابا من احمد لحمدي ازاي؟؟؟؟؟؟ :closedeyes: احنا لازمن و حتمن نوصل لام يوسف الموضوع عدى كده خالص

طبعاً هذا الكلام خطأ تماماً فهذا كلام شيخ الاسلام بن تيمية بالنص وبتعليق بن عثيمين وقال شيخ الإسلام ابن تيمية : إنَّ الإماء في عهد الرسول عليه الصَّلاة والسَّلام، وإن كُنَّ لا يحتجبن كالحرائر؛ لأن الفتنة بهنَّ أقلُّ، فَهُنَّ يُشبهنَ القواعدَ مـن النِّساء اللاتي لا يرجون نكاحاً، قـال تعالى فيهن:{ فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ } (النور: من الآية60)، يقول: وأما الإماء التركيَّات الحِسَان الوجوه، فهذا لا يمكن أبداً أن يَكُنَّ كالإماء في عهد الرسول عليه الصَّلاة والسَّلام، ويجب عليها أن تستر كلَّ بدنها عن النَّظر ، في باب النَّظر. وعلَّل ذلك بتعليل جيِّدٍ مقبولٍ، فقال: إن المقصود من الحجاب هو ستر ما يُخاف منه الفِتنة بخلاف الصَّلاة، ولهذا يجب على الإنسان أن يستتر في الصَّلاة، ولو كان خالياً في مكان لا يطَّلع عليه إلا الله. لكن في باب النَّظر إنما يجب التَّستر حيث ينظر الناس. قال: فالعِلَّة في هذا غير العِلَّة في ذاك، فالعِلَّة في النَّظر: خوف الفتنة، ولا فرق في هذا بين النِّساء الحرائر والنِّساء الإماء. وقوله صحيح بلا شكٍّ، وهو الذي يجب المصير إليه. نقل اى كلام بدون فهم هذا الكلام في باب الصلاه وليس له علاقة بباب النظر وعورتها امام الناس باقى الكلام مردودر عليه ايضاً ويمكن البحث عن الرد عليه في المواقع التى ترد على شبهات النصارى مثل حراس العقيدة وبن مريم اشكرك على ذوقك حتى لو كان باب الصلاة هل يغير هذا من الموضوع فاقتباسك للشيخ ابن تيمية معناه تماما ان الاماء كانوا كاشفات منذ عهد الرسول والفتوحات بدات من عهد الرسول والخلفاء الراشدين وليس من بعده وكانت الاماء بالتاكيد حسنوات لانهم من الفرس والروم عموما لست هنا الا لاقول كانت هناك نساء كاشفات منذ عهد الرسول ص ولم يكن هناك حجاب للجميع ولا عقاب لمن لم تتحجب وان كانت حسناء وكان الرجل مطالب بغض البصرعنهن هل عندك من الادلة ما ينفي هذا

ميرسي على ردودكم يا جماعة ارك عمدة مغتربة المعلم سين سين و نور العيون يا شاغل بالي و من ردود حضراتكم كانت ارك اللي كان جاي يشوف حاجة وتورط هنا حتى النخاع فكرتني بقصيدة نزار قباني اللي غنتها ماجدة الرومي أحبك جدا و أعرف أني تورطت جدا و أحرقت خلفي جميع المراكب و كدهوت و كانت اخفاء بسبب الخوف من الخصوم او الزملاء في بيئة تنافس غير طبيعي كما قال العمدة او لخصوصية البوح كما قالت غاليتي مغتربة أو عدم حب الظهور كالمعلم سين سين لأنه الحقيقة خدوم جدا بس كل الناس عارفين ان اسمه أحمد عزب و انه مقيم في الرياض و انه أساسا من الشرقية ( بلدياتي يعني smk:) و انه متزوج ويعول 3 من البنين رعاهم الله و بالامارة عبد الرحمن الصغير مبيرضاش ياخد اي دوا شرب و انه متخصص سندوتشات كبدة من كافيتيريا كلية تجارة جامعة عين شمس و... و الا بلاش تسييح بتسييح بقى :P بالنسبة لنور العين هانم كعب الغزال فطبعا باين عليكي انك هادية طبعا و محترمة ومؤدبة و بنت ناس امال ايه يعني و كتاباتك تؤكد كده ليه تخيلتي ان كتاباتك لا تدل على هدوءك انا شخصيا عرفت ناس من المحاورات و قابلتهم و دخلت بيوتهم كمان و ناس ع الفيس و ناس ع الماسنجر و ناس تيلفونات أمنيتي نعمل تجمع نتقابل فيه كلنا و من غير ما نتقابل حضراتكم فعلا عايشين معايا و جزء كبير من حياتي بالفعل مهما بعدت المسافات

إلى أحمد الشحات إبن مصر الغالى .. دا لمّا شاف العلم بنجمته الزرقا عالى قال ده مكانه غلط والصح أهو فى بالى وطلع بإيد ورا رجل وهوه ما يبالى ومصر تدعى : يارب حافظ على عيالى وصل لحد العلم ونكـّسه قبالى واللى شافوه هللوا ، وينادو يا غالى تسلم إيديك يابطل ، يا أعز أبطالى علم العدو نكـّسه ، ورفع علم غالى علم بلدنا الحبيبه ، مكانه فى العالى عمل اللى نفسنا فيه ، ويارب عقبالى بس يكون عندهم ... يارب عقبالى ! ====== له ولكم تحياتى : ص . أ : حفيد الفلاح الفصيح

بالنسبه لى الموضوع ليس له علاقه بالرغبه فى التخفى و لكنها الرغبه فى الاستمتاع بالاختيار لى اسم اختاره لى والدى و لكن عندما امنح الفرصه لاكون لى شخصيه موازيه على النت فمن الممتع ان اختار انا اطرها العامه فانتقى الاسم الذى اراه يعبر عن نفسى و انتقى كذلك الصوره الرمزيه و التوقيع فهما بطاقه تقديمى لاعضاء ذات الفضاء الافتراضى انا هنا لاعبر عن نفسى و قد اعبر عنها بالافصاح تاره و بالتلميح تارات فقليل من الغموض لا يضر و المباشره الشديده تفقد الاشياء جملياتها الغموض يحفز العقل على التفكير و لكن المباشره تفقده مهارات التواصل فوق مستوى المعرفه ليس لدى ما اخجل منه و لكن انا من اتحكم فيما ابوح و لمن ابوح به فهذا من اهم صور التواصل مع الذات

اسرائيل تنفي تقدمها باعتذار لمصر والخبر نقلا عن اليوم السابع : أى ان حتى الاعتذار تبين أنه سراب ولم يتم وتلاعبت اسرائيل بالألفاظ لا غير فقد وضحت انها قالت ( نأسف لسقوط ضحايا من الجانب المصري ) ولم تقل ( نتأسف لسقوط ضحايا فى مصر ) والفرق بين الجملتين كبير بالفعل أين حق الشهداء ؟؟

سلمي يا أوزوزو

الحمد لله على سلامته على فكرة الكلمة اللي قالوهاله دي اقتناع ناس كثيييييير في الداخلية و اجهزة تانية فاكرين ان الناس اللي خرجت دي كلها سهل يتضحك عليها او تطاطي تاني يمكن بيراهنوا اننا نزهق.. لكن باذن الله هيتم لنا على خير يا رب

غريبه !! أومال إيه إللي جرى للسادات في عقله في حرب 73 ؟ و ليه مفضلش فاكر الدرس و واعي و مذاكر و راضي بأي حاجه وكافي خيره شره و ساكت؟ ليه مستسلمش للهزيمه حسب رأي حضرتك ؟ إيه اللي جد عليه أيامها خلاه إنخدع بالمظاهر الكدابه و وقع في الفخ و دخل حرب تانيه ؟ و لا هو حقق النصر وقتها و حطم الأسطوره الكاذبه القائمه على فكرة الجيش الإسرائيلي الذي لا يقهر بالصدفه كده ؟؟؟ غريبه جداً وجهة نظر حضرتك .. حضرتك بتجمع في رأيك بين نقيضين العجب فيهم أن يجتمعوا حضرتك مقتنع ان لو قامت حرب بينم الطرفين فلن يكون لنا أمل بالنصر أبداً لأننا لسنا أكفاء للحرب و لأن الله لن ينصرنا ( ده من وجهة نظرك الخاصه طبعاً و التي لا أوافقك عليها شكلاً و لا مضموناً)وفي نفس الوقت بتقول هتبقى أسعد الناس لو الحرب دي بدأت و قامت بالفعل طيب لو حضرتك نفسك مقتنع بكلامك هل معقول تكون شايف ان الهزيمه ثمن معقول لمجرد أن نعرف نقاط قوتنا و نقاط ضعفنا ؟ و هل تعتقد حضرتك إن النبي الكريم عليه الصلاة و السلام لما تكلم عن الجهوزيه للحرب كان يقصد من يعرف انه داخل إلى حرب خاسره لن ينله منها إلا إزهاق الأرواح بلا طائل ؟ مش هم دول السببين اللي قلت انهم سبب سعادتك بالحرب !!! ثم يعني ايه الفارق الحضاري ؟ دي إسرائيل كلها لا تتعدى جماعه من البشر تاريخها لا يصل حتى لمئة عام ده على المستوى التاريخي .. أما المستوى الحالي فحضرتك بتتكلم عن المسلمين كلهم بمجموع عددهم و مجموع ما يمتلك كل بلد منهم مع الآخر؟ .. يعني بلاد الخليج بما فيها الامارات و السعوديه و الكويت و غيرهم و مصر و ابعد من ذلك مثل تركيا و .. و .. كل دول حضرتك شايف إن مجموع ما توصلوا إليه حضارياً أقل من إسرائيل ؟؟ مش شايف إن كده معول جلد الذات صعب قوي عند حضرتك ؟ رغم أني لا أعرف مصدرك في هذه البيانات و الأعداد و المقارنات إلا إنه حتى و إن صح فلا شك أن لديك معيار عجيب للقياس !! يعني حضرتك لم تلتفت للفارق العددي لصالح العرب و المسلمين و إنجذب إهتمامك فقط نحو الحاصلين على جائزة نوبل هم هيحاربوا بالجايزه يعني بدل الجنود و السلاح و لا إيه ؟ ثم من إمتى و الآداب و العلوم السياسيه مجالات لا تفيد في التقدم العلمي ؟ طب ما نلغيها بقى !! و بعدين يعني ايه حتى هذا لا فضل لمصر عليه لأن دراسته كانت بالخارج ؟ مهو لما درس في الخارج يا فندم درس بصفته مصري مسلم في وسط أقران ليسوا مسلمين و لا مصريين وإستحق هو من بينهم الجائزه عارف إستحقها هو ليه ؟ لأنه وثق بنفسه و وثق بتأييد الله له فكان أكثر منهم إجتهاداً و نال الحظ الأوفر من توفيق الله توفيق الله الذي لا يؤيد به إلا من أخلص النيه لله و هو ما لا تمتلكه و لن تمتلكه إسرائيل و للحديث بقيه

pink rose أو ليلى أو عفراء

الحكومة التى تعبر عن ما بداخلنا لابد تكون من اختيارنا يا أستاذ أحمد يا خويا مش بالتعيين ذهقنا بقى عايزين نختار وباسرع ما يمكن من يمثلنا امام تلك الخنازير ويكون منا لا بالتعيين ياريت نقف ونشحذ الهمم ونرمى الخلافات وراء الظهر ونعمل على بناء مؤسسات الدولة بالانتخاب ونبدآ العملية الديمقراطية وسوف تتحقق كل امالنا أمل تلو الاخر بالصبر لاننا فى اول طريق الحرية فلا تعتقد ان اختياراتنا ستكون صائبة 100 % لابد من الخبرة وهى لن تأتى بدون اخطاء او تصويب للخطأ فلابد من الاسراع للم شمل كل التيارات ونتوافق على ان مصر تحتاج الجميع فى ميدان التحرير والى تحرير كل شبر من ما نهب منها وما تنازل عنة الخائن حاكم مصر الفاسد مبارك

صدقونى الشرطة لن ترجع ثانيآ لانها انكسرت تمامآ والشعب بقى عندة ردة فعل عليها اذا رجعت الى سابق عهدها لكن ؟ هل نحن فى صراع على الفوضى ام نريد الاصلاح؟ اذآ فلنساعد جميعآ على الوصول بأسرع الطرق الى قيام دولة بمعنى اشمل انتخابات والتعجيل بها ومن ثم انتخاب رئيس ومن ثم مناقشة دور الشرطة واستخلاص العبر وجعل شكل مصر حضارى بان يتم التغيير فى او من خلال مجلس منتخب من الشعب ورئيس يعلم جيدآ ان الشعب بمجلسة وشعبة يقفون امامة حجر عثرة اذا حاول ان يحيد عن العدل والمساواة وعندها سنغير كل مؤسسة خاربة وفاسدة للمجتمع ياريت نهدى ونحاول بناء جسور الثقة بيننا بدلآ من التخوين .. مصر تحتاج لنا جميعآ فهل هنا من لا يحبها

يوجد فى مصر شباب محترم يعتلى اضخم نخلة وبدون حزام أمان فى اقل من دقيقة اما انة مدرب فدة مش عيب ولكن هل هذا يعد انتصار ؟؟ انة حالة من النشوى والاحساس بالنفس وكبرياءها اذآ يجب استثمار هذا الفعل من قبل الاعلام الفاسد الذى يهلل لكل ماهو خبيث ويقوم بدورة بشحن الشباب وتوجية البوصلة الى العمل الجاد وأن مافعلة هذا الشاب يجب ان نستثمرة جيدآ فى ان المستحيل هو سراب الكسول اما الحقيقة انة يوجد امثال وأشباة لهذا الشاب يريدون ان يحققو اكثر مما فعل لكن لدينا نخبة تتسارع على المصالح وشباب ثورة يريدون مكاسب سريعة ونسو او تجاهلو ان مصر يمكن شحن وشحذ همم اولادها وشبابها بهذة الفعلة ونتسلق سويآ جدار الحرية والعمل والانتاج والرقى كي تصل مصر وشعبها الى الرقى ان شاء الله فهل من مجيب ؟؟

على قدر سعادتي بمنظر شباب مصر الوحوش المرابطون أما سفارة الخنازير .. وهو مشهد ذكرني بكل تفاصيل الـ 18 يوم الخالدة في تاريخ مصر على قدر حُزني إن وبالرغم من مرور 7 شهور على الثورة إلا إن ليس لدينا حكومة تستطيع تسخير طاقات هؤلاء الوحوش فيما ينفع البلد ويحقق أهداف ثورتها ... هو هو نفس الاداء الروتيني ... بل ساعات بأحس إن لو واحد كان نايم الفترة دي كلها وصحي فجأة وقرأ الجرايد وقرأ تصريحات السادة المسئولين .. فلن يشعر بأن هناك ثورة قامت لخلع ديكتاتور وإسقاط نظامه ..

وعشان كده إحنا أخترناه وبنقول دلوقت : إحنا أسفين يا بابا مبارك على يدي ... فعلاً كنا بنموت الالاف ونأسر المئات منهم .. لكن إسرائيل كانت بتبلعها وتسكت .. دي ممارسات كانت بتحصل من زمان بأمارة سليمان خاطر اللي ضميره أنبه ووأنتحروه .. قصدي إنتحر وامارة تانية ... أخر مرة إتقتل 3 جنود مرة واحده وتوقعنا مبارك يشرب بيريل ويسترجل ويعمل منظر ... بعدها بعدة ايام أستقبل إيهود أولمرت وفضل يضحك ويكركر معاه وكأنهم كانوا بيشربوا بانجو وعاملين دماغ ... وطباً كالعادة الصحفيين المصريين كانوا لابسين طُرح وماحدش جت له الجرأة إنه يسألة : إنت بتضحك وعندك ميتم ياللي ما عندكش دم ؟ تخيلوا اللي سألة هو صحفي أجنبي : أنا لسه فاكر الواقعة دي كويس .. وقال له : مستر قُله ... ألم تناقش موضوع الجنود المصريين القتلى على الحدود مع مستر أولمرت ؟ فقال وهو بيضحك : ما خلاص الراجل إعتذر إنتوا هاتقرفونا .. الراجل إعتذر وخلاص .. نشنقه يعني ؟

طيب حنعمل إيه مع الغير مسلمين كانوا زوار أو مواطنين ... لازم تشريع أو قانون يجبرهم على إحترام النطاق البصري الخاص بينا وقانون يخلينا نختار ملابسهم المسيحييات طول عمرهم محجبات زي المسلمات لغاية جيلين او تلاتة فاتوا ، وهما نفسهم المسيحيين مش بيعجبهم موجة االلبس الحالي اللي بعيد عن الحشمة ، وده كلام سمعته من اكتر من واحدة مسيحيية بتنتقد لبس فلانة او علانة افتكر ان ملكة بريطانيا اما زارت السعودية كانت لابسة فستان ازرق طويل ، يعني الواحد يحترم تقاليد المكان اللي راحوا فيه

طيب حنعمل إيه مع الغير مسلمين كانوا زوار أو مواطنين ... لازم تشريع أو قانون يجبرهم على إحترام النطاق البصري الخاص بينا وقانون يخلينا نختار ملابسهم هو انتوا ليه حاسين ان غير المسلمين دينهم بيأمرهم انهم يخلعوا اى دين بالتأكيد يأمر بالحشمة ولايوجد شئ عندهم يأمر عدم لبس الحجاب بل العكس النصارى يصورون السيدة مريم محجبة والراهبات محجبات وفي حاله اقرار قانون سيكون على الجميع فشريعة غير المسلمين تتطبق في احوالهم الشخصية فقط

عبد الناصر كان فاكر كده برضوا في 67 ! نفسى نتعلم من تاريخنا عشان مش نكرر نفس الاخطاء مش مسأله عين ولا حاجب يااستاذه زهره الجبل لو كانت كده كانت تبقى بسيطة :) وانا اول واحد لو قامت حرب هكون سعيد جداً لسببين 1- الحرب افضل وسيلة لأنها تعرفنا نقاط قوتنا لتعزيزها ونقاط ضعفنا لاصلاحها 2- لأن رسول الله صلى الله عليه وسلم قال (من مات ولم يغز ولم يحدث نفسه بغزو مات على شعبة من النفاق) فأى مسلم يجب ان يكون جاهز للحرب وللاسف هذا ماتطبقة اسرائيل ونحن نسينا امجادنا واصبحت الدنيا اكبر همنا نعود للموضوع وجهه نظرى ببساطة تتلخص ان الفارق الحضارى بين المسلمين واسرائيل هو فارق هائل حالياً ويجب ان ننتقل من مرحلة الانكار الى وعى الازمة وان نعرف ان الامه مريضة وتحتاج لعلاج اما الافكار الحنجورية من نوع يجب ان يعرفوا وسنفعل وسنقاتل وسنسحب السفير ده كلام للاستهلاك المحلى ولايضر ولاينفع وسبق ان جربناه تعالى ننظر لمصر ولاسرائيل بموضوعية بعيداً عن العواطف على الجانب العلمى 6 مليون اسرائيلي منهم 9 علماء حاصلين على جائزة نوبل 300 مليون عربى منهم 90 مليون مصرى لايوجد الا عالم 1 فقط حاصل على جائزة نوبل في العلوم والباقي جوائز في الاداب والسياسة واشياء التى لاتفيد في التقدم العلمي وحتى هذا العالم لافضل لمصر فيما حققه فكل ابحاثة جرت في خارج البلاد عدد براءات الاختراع في اسرائيل في عام واحد تفوق كل براءات اختراع التى حصل عليها العرب في كل تاريخهم ! اسرائيل تنتج من الابحاث العلمية 5 الاف ضعف ماينتجة العرب مجتمعين بما فيهم المصريين وهذا كلام احمد زويل فهل تتخيلون حجم المأساه ؟ الخلاصة ان لم نهزمهم على مقاعد الجامعات فلا امل في اي شئ ثانياً على الجانب الاقتصادي كيف اقارن بين اقتصاد اسرائيلي حديث متقدم جداً ويعتمد على المعرفة وبين اقتصاد رعوي يعتمد على جنى ثمار اجدادنا سواء سياحة او قناة السويس او بترول هبه من الله ... انظر للقاهره وتل ابيب هذه مدينة من القرون الوسطى وهذه مدينة تضاهي اي مدينة اوروبية ممكن تنظري لمحطات المترو ولا اقول الاتوبيس وتنظرى للشعب المصرى هل هذا شعب يعرف شئ اسمه نظام ؟ هل شعب مثل هذا يستطيع الانتصار على شعب منظم مثل اليهود؟ لايمكن هذه قوانيين الله في الكون وان لم نتغير فسيظلوا يهزمونا وستظل دمائنا ليس لها ثمن ثالثاً على الجانب العسكري لايوجد مقارنة بين دولة نووية ودولة غير نووية المسأله ليست مسأله كمية فالفرق بين السلاح التقليدي والسلاح النووي هو كالفرق بين السيف و الطائرة فمهما كدست من سيوف لافائده لها اما الطائره كذلك اسرائيل تصنع دبباتها وهي الثانية في العالم في الاسلحة الذكية ماذا لدينا نحن غير سلاح امريكي درجه ثالثه وافقت اسرائيل مسبقاً على ان نمتلكة هل تعتقدين ان الله سينصرنا ونحن نستورد سلاحنا من عدونا ؟! الحل فى كلمة واحدة في القرأن ... وأعدوا

وشر الناس في الإسلام من يحرم على خلق الله أن يفكروا ويتدبروا بعد أن أمرهم الله بالتفكير والتدبر، وأنبأهم بعاقبة الذين لا يفكرون ولا يتدبرون، ومثله شرا من يحرم الاجتهاد على الناس جميعا، لأنه قضى على خلق الله إلى آخر الزمان بالحرمان من نعمة العقل والعلم والصلاح عباس محمود العقاد كتاب "التفكير فريضة إسلامية"

أيوه يا ابو رامي بتتسقى شربات بس خلي بالك .. النوع ده من القاطيف بيبقى ني مش مقلي في الزيت زي ما بنعمل في القطايف المحشية .. يعني بنجيب القاطيفاية - يا نهار .. هو مفرد قطايف قطايفايه ؟ - وبعدين نقفلها لحد المنتصف لحد ما يبقى شكلها عامل زي القرطاس كده .. وبعدين نحشيها قشطة ... وبعدين نجيب مكسرات مطحونة ويُستحسن يكون فزدق مطحون .... ونرش على وشها ... وبعدين ما نضعها في الصينية جنب بعد نسقيها شربات ... بس الشربات بتاعها بيكون تقيل عشان ما تعجنش من الشربات الخفيف إحنا بوظنا الموضوع بتاع عبير وبقى طبق اليوم .... عاجبك كده يا أبو رامي ؟ القطايف بعد ما يبقى قرظاس يدخل الفرن في صينية مدهونة سمنة ويستوي خفيف بعدين تتحشي بالقشطة وترش بالشربات والف هنا

- اللهم بارك لنا في العشر الاواخر -اللهم بلغنا ليلة القدر وارزقنا قيامها واكرمنا بأجرها -اللهم انك عفو تحب العفو فاعف عنا آمين

استادي الفاضل محمد البدعه تكون في امر مستحدث من امور الدين والعبادات فبالتالي النظارات لا تكون في حكم البدعه :)

واضح ان فيه اختلاف كبير بين فهمي وبين فهم حضرتك لنصوص كثيره فى هدا الشأن ليست فقط في القرآن وانما ايضا في السنه وهنا ليس المجال لطرحها ورضي الله عن سيدنا عمر بن الخطاب الدي كان يقوم الاعوجاج في الرعيه بدرته ارجو ان لا تكون المناقشات خرجت عن مسار الموضوع الاساسي اسعدتني ايضا مناقشة حضرتك شكرا لك

العملية اللي تمت في اسرائيل بتفكرني بالعملية اللي نفذها البطل ايمن حسن الذي قتل 21 ضابطاً وجنديا اسرائيليا وجرح 20 اخرين هي شبيهه بالعملية الاخيرة بس عملية البطل ايمن حسن نفذها وخطط لها بمفرده واستطاع الفرار من اليهود الملاعين البطل مازال علي قيد الحياة ويعمل سباك (ده تكريم النظام السابق له ) فهل نستطيع نحن ان نعيد له مجده هو والقائمة الطويلة من المصريين الشرفاء هذا اختبار لمصر الجديدة في تكريم مثل هؤلاء الشرفاء اذا كان سليمان خاطر في دار الحق فان عائلته مازلت موجوده ونستطيع ان نكرم عائلته http://www.youtube.com/watch?v=7DbcIwt3kEE&feature=player_embedded

منطق غريب..شائع وخطر في عصور قوتنا أخذوا أفضل ما عندنا..العلم والفلسفة وأخلاقيات العلم والفلسفة في عصور قوتهم نأخذ أسوأ ما عنده..الفاشية الدينية الرجعية..وأخلاقيات الفاشية الدينية الرجعية عفوا نوران لحدة الكلمات لكن آن الأوان لنفارق ضعفنا ونعتمد على قوتنا نفكر بمنطق الأقوياء الناهضين المنطلقين لا منطق الضعفاء المضطهدين المتقوقعين هو ده رأيي الشخصي اللي شايفه انه مش كارثه بل بالعكس هو ممكن يقلل كوارث بتحصل فعلا دلوقتي وطبعا حضرتك حر في رأيك برضو شكرا ما فائدة وضع الحجاب على رأس بلاعقل!! الذي سيحصن الناس ضد الكوارث فعلا هو عقولهم وقلوبهم، وسلاحهم في معركة الحياة هو جوهرهم لا مظهرهم، أخلاقياتهم مش هدومهم، المظهر لا يعكس الجوهر وليس دليلا عليه غالبا يا نوران..هذه حقيقة ومظهر امرأة منقبة يمكن أن يشعل خيال الفاسدين بأكثر بكثير من مشهد لامرأة عارية..هذه أيضا حقيقة شكرا لسعة صدرك واتساع قلبك ولحسن استقبال النقد.. طبعا كلنا أحرار بحكم القانون..ولنا مطلق الحرية في إتخاذ ما نشاء من أفكار هدفي هو المناقشة من منطق محبة وليس من منطلق عداء لفكرتك تحية ود وتقدير سيدي ان الحجاب غطاء للرأس وليس غطاء للعقل و ان امرأه حجبت جمالها عن اعين الرجال الاغراب واختصت بهدا الجمال زوجها فقط فهو بالتأكيد دلاله علي سلامة العقل وليس العكس كما ان المظهر الخارجي هو مكمل للجوهر الداخلي ولا ينفصل المظهر عن الجوهر بل هو مصدق عليه ولو لم يكن في الحجاب خيرا لما فرضه الله علينا فرضا صريحا في القرآن اما جزئية ان المنتقبه قد تثير خيال الفاسدين أكثر من امرأه عاريه فأنا اختلف مع حضرتك فيها تماما شكرا

بصراحه انا يفرق معايا ((الحشمه)) اكتر من الحجاب .. انا شايف الحشمه مفهوم اوسع من مفهوم الحجاب ..يفيد ايه الحجاب مع لبس يبرز المفاتن .. ومع تزين ومكياج وخلافه .. مع اختلاط زائد عن حده .. بس صعب يتم وضع قانون بفرض الحشمه .. لان ممكن يكون فيه لغط واختلاف حول المعيار اللى حنقيس به الحشمه .. بصراحه .. سواء حشمه او حجاب .. صعب يتم وضع قانون كتابى لهم .. خصوصا فى مجتمع مثل المجتمع المصرى .. المختلط الاجناس والثقافات والديانات على فكره انا كنت بفكر بصوت عالى فى الموضوع .. وشاركتكم فى تفكيرى

للاسف مش هاقدر اتفاعل مع هذه السخافة لانه لم تصدر مني ما يستحق ان تنعت تفكيري بالطفولي ولم اسيء اليك ولم اتعرض لشخصك لذلك لا يشرفني اكمال الحوار معك بقيت كلمة واحدة اقولها للجميع وهي ان القرأنيون لهم مواقعهم ولهم اماكن تواجدهم ويمكن للجميع التوجه اليهم وصب لعناته عليهم هناك وليس هنا فنحن نستمع لكل الافكار ونتحاور مع الجميع و لا نصب لعناتنا عليهم لانهم لن يستطيعو الرد علينا في حالة عدم تواجدهم هنا عموما ارى ان القرأنيون يعلنون عن فحوى افكارهم ولا يخافون من اعلان ذلك بخلاف المتأسلمين الذين يبطنون ما لا يظهرون ويقولون ما لا يفعلون وكل هذا من اجل الوصول الي الحكم وعندما يتحقق مرادهم سيتغير ما اعلنوا عنه فهم يطبقون التقية ببراعة إنى صائم إنى صائم

نتمنى حقيقي تكون نيته اجراء الانتخبات في اقرب وقت لان كل الدلائل بتقول انه حيبلط في الخط ما فيش حاجه بتيجي بس بالتمني يا باشمهندس الحل ان كل القوى السياسية تتوحد لضمان تحقيق الطلب دا في رأيي دا اهم مطلب من مطالب الثورة تسليم البلاد لسلطة مدنية منتخبة لكن للاسف تفرغ الاغلب للمحاكمات و البث المباشر و نسيوا اهم مطالب الثورة الديموقراطية و حكم مدني

بالهداوة يا عمدة مش كدة أعصابك ! طيب ما تهاجر أنت أحسن ! و الله يا باشا أنا عاجبني حال البلد كدا أهاجر او لا دا شيء لا يخص سعادتك .. أنا قولت اللي إتقال في الفيديو أن القمص قال أنه بيفكر انه يهاجر لأي دولة أوربية .. صباحك سعيد و أنا هادي و بارد جداً :closedeyes: متقلقش

كووووولهم على بعضهم .......كذابين. كووووووووولهم .....عصابة واحدة خلاص انتهت. أفضل شئ عدم الاستماع لكل هذه الخزعبلات...(( خسارة تضييع الوقت )) بسسسسسسسسسس. خلاص..

مَنْ امتلأ بروح الإله شعر بالحضرةالإلهية فيه، غير أنه يكتم هذا السر الجليل في نفسه كما يكتم العاشق عن الناس أسرارعشقه (مكس مولر)

الدعاء مخ العبادة كما قال رسول الله صلى الله عليه وسلم ربنا أتنا فى الدنيا حسنة وفى الاخرة حسنة وقنا عذاب النار اللهم ادخلنا فى رحمتك اللهم نقنا من خطايانا كما ينقى الثوب الأبيض من الدنس اللهم إغسلنا من خطايانا بالماء والثلج والبرد اللهم عاملنا بما أنت اهل له ولا تعاملنا بما نحن اهل له , فانت اهل التقوى والمغفرة اللهم إسترنا بسترك , وإجعل تحت الستر ما يرضيك ربنا دعوناك كما أمرتنا , فإستجب لنا كما وعدتنا

الناس دي مش مريحه نفسها و اخدين حقهم تالت و متلت في البلد و برده مش عاجبهم .. المهم أنهم كدبوا الكدبة و صدقوها ، مضطهدين مضطهدين .. و كلام فارغ .. هيا رسالة عايزين يوصلوها لأمريكا أن حتي رجال الدين المسيحي مضطهدين في مصر و بيتعاملوا معاملة سيئة .. علشان يدخلولنا أمريكا بحجة حماية الأقليات .. مخططات فاشلة و ماسخة و بصراحة قله أدب .. أنا بجد إتخنقت مش عارف نعملهم إية طيب ، ناقص نديهم الرضعـّـه بإيدينا يمكن يتهدوا شوية و يلتزموا الصمت بقا .. بدل ما كل يوم يطلعلنا واحد يعمل فتنه في وقت إحنا محتاجين فيه نكون إيد واحدة .. لما الكبير بتاعهم يعمل كدة منعيبش ع الباقي .. يارب إديني الصبر ،،

منطق غريب..شائع وخطر في عصور قوتنا أخذوا أفضل ما عندنا..العلم والفلسفة وأخلاقيات العلم والفلسفة في عصور قوتهم نأخذ أسوأ ما عنده..الفاشية الدينية الرجعية..وأخلاقيات الفاشية الدينية الرجعية عفوا نوران لحدة الكلمات لكن آن الأوان لنفارق ضعفنا ونعتمد على قوتنا نفكر بمنطق الأقوياء الناهضين المنطلقين لا منطق الضعفاء المضطهدين المتقوقعين

نور حبيبتي أول لما يمسك الحكم حيلغي الديموقراطية و تبقى بيعة مدى الحياة ربنا يدينا ويديك طولة العمر آمين

نور حبيبتي أول لما يمسك الحكم حيلغي الديموقراطية و تبقى بيعة مدى الحياة ربنا يدينا ويديك طولة العمر آمين حتى هذ لن يكون باستطاعته فعله يا عبير وثيقة الازهر والتى وافقت عليها كل القوي السياسية بما فيهم السلفيين جعلت الحكم الديمقراطي اساسا للحكم وهذا طبعا بعدما قضينا 6 اشهر نتعارك واكتشف من يعارض الدولة المدنية ان الجيش سيكون له الراي الاخير بالسيطرة على الحكم فيكونوا هم اول المضروريين اماا بالنسبة لدولة المؤسسات التى ذكرتها ام زيد فتعريفها هو استقلال سلطة الدولة عن فكروشخص الحاكم وهنا لا يجوز ان يفرض الرئيس فكرة على الشعب الا بالرجوع الى المؤسسة المختصة بذلك وهي الازهر كما ذكرت سابقا للتصحيح فقط هي وثيقة شيخ الازهر عضو لجنة السياسات بالحزب الوطني وليست وثيقة الازهر لأن الازهر سبق ان قال رأيه في هذا الموضوع ووضع دستور اسلامي مجازاً سميت وثيقة الازهر لكن فعلاً الازهر لاناقة له فيها ولاجمل بل هى رأى شيخ الازهر منفرداً ومع ذلك هي ليست سيئة جداً لنرفضها واغلبها مبادئ عامة بديهية