لوحة القادة

بالتاكيد أن اهداف الناتو غير خالصة بنسبة مئة بالمئة ,فهم ليسوا ملائكة ونحن لا نعيش فى المدينة الفاضلة صحيح هم تدخلوا لحماية المدنين بعد أن استخدم القذافي ضدهم مضادات الطائرات والاسلحة الثقيلة ولكنهم أيضا وهم يساعدون الثوار فإن أعينهم متوجهة ناحية النفط الليبي وعقود الاعمار الضخمة التي ستعقدها ليبيا فى مرحلة ما بعد القذافي ,لذلك فهم ينظرون الى خلق موطأ قدم لشركاتهم فى ليبيا الجديدة لان النوايا لوكانت خالصة من الناتو بنسبة مئة بالمئة لكانوا قد تدخلوا فى سوريا أواليمن أيضا ولكن الفارق بين سوريا واليمن من جهة وليبيا من جهة اخرى تتمثل فى الذهب الأسود وهوالنفط عموما وفى كل الاحوال فإن الشكر واجب للناتو لوقفته مع ثوار ليبيا وهو ما كان له أكبر الأثر فى حقن دماء الاخوة الليبين مقارنة بالمجازر التي كانت ستحدث لو لم يتدخل الناتو لتوفير غطاء جوي على الأقل للثوار الليبين

رغم أن رحيل الفاضل هشام عبد الوهاب حدث مؤلم و يضع الغصة فى حلوقنا إلا أن الذكرى العطرة للراحلين تبقى ما سبق كان إستهلالا لابد منه فى الموضوع وجدنا عديدا ممن غابو عن محاورات المصريين منذ فترة و جدناهم معنا هنا يكفكفون دموع الفراق و أنا هنا أدعوهم للعودة و المشاركة بعد غياب فحقا كلنا شوقا لأقلامكم و أفكاركم الفاضل Crossfield الفاضل متسائل ... و قائمة طويلة من الرعيل الأول لمحاورات المصريين فى مناسبة العزاء عرفتم و كلنا نعرف أننا راحلون يوما ما فلماذا الإبتعاد دعونا نشارك و نشعر ببعضنا أدعوكم جميعا للمشاركة و لو بين الحين و الآخر.

استاذي الفاضل /محمود موضوع اطفال الشوارع من الموضوعات التي تؤرقني وتشغل بالي منذ زمن طويل وتحديدا منذ سنة 1993 حيث تعرفت بالصدفة على طفل مشرد كان اسمه "عرفة" وكان بيتسول باختصار قربت جدا منه لدرجة انه بقى عنده راحة نفسية ليا وبدأ يحكي لي عن حياته واسباب معيشته في الشارع وطبعا السبب كانت الام وادمانها للكحول وهي في الاساس تعمل خادمة في البيوت ومنذ اللحظة دي وانا بدأت انتبه ليهم وافكر فيهم ولكن للاسف لم يخطر في بالي كفرد أي حل لتلك المشكلة صباح الامس بعد ان ارسلت حضرتك لي هذا اللنك (للموضوع الحالي ) فتحت صفحة مجلس الوزراء على الفيس بوك وكتبت في قسم المناقشات اننا بحاجة لحلول سريعة للقنبلة الموقوتة المسماه اطفال الشوارع وبالصدفة حدث ما يفرح قلبي جدا كنت ماشي بالليل عند كايرو مول في الهرم وهناك في كثير من بائعات المناديل الورقية الي قاعدين ومع كل وحده عيلين او تلاته فلقيت شاب قاعد جنبهم على الارض وبيتكلم معاهم وشاب اخر لابس نفس ملابس الشاب الاول ودققت النظر شوية لقيت مكتوب على ملابسهم كلمة Face قربت من الشاب اللي واقف بعيد وفتحت معاه نقاش عن طبيعة عملهم وبدأ يشرح لي انهم جهة خيرية تابعة للدولة وتقع تحت ادارة وكيل وزارة التضامن الاجتماعي واهتماماتهم باطفال الشوارع وصنفهم لثلاث اتواع ابناء العاملين (ودول اللي اهلهم بيتاجروا في اي شيء مثل الفل والمناديل) .. اطفال الشوارع والمعرضون للخطر (يعني اطفال شوارع حديثي التشرد ) .. وقالي انهم مطعمين ضد الامراض المعدية وانهم فريق عمل ضخم منهم من يعمل تطوعا ومنهم الموظف ومتدربين كويس على التعامل مع هذه النوعيات ووراني علب حليب بيقدموها للاطفال وقالي في شوية انشطة بعملها مع الطفل قبل اعطاءه الحليب زي تدريبه على غسل اليدين وحثه على النظافة الشخصية وفرحت جدا لما عرفت انهم شغالين من سنة 2000 وكلمني عن مشروعات تم افتتاحها لاسر العاملين على ان يختار البائع المشروع اللي يريحه ويتم افتتاح كشك او محل صغير وبيفهموه انه دين عليه ولازم يسدد المصاريف من شغله لضمان الجدية وبعد ما يلتزم في السداد لمدة 3 شهور بيعفوه من الباقي وبتستمر المتابعه ليه وبيكون الشرط الاساسي انه يدخل عياله مدرسة ولو السن كبير شوية المركز بيتدخل وبيوفر لهم الفرصة وبالنسبة للمشردين بياخدوهم مراكز وبيعلموهم حرف او بيلحقوهم بالمدارس للي سنه مناسب طلبت منه وسائل للمشاركة والمساعدة فقال انهم بيستقبلوا تبرعات عينية في الدرجة الاولى ثم مالية ففكرت اني انشرها هنا بينا علشان نتبرع كلنا ونساهم في انقاذ اطفال الشوارع ومنع الكارثة المحتملة بوجودهم وتركهم وبيانات المركز هي : الموقع : http://www.facecharity.com/en/ مركز السلام لحماية وتأهيل الضحايا العنوان شارع القسم القديم - مساكن النيل - مدينة السلام تلفون 0229231700 0117076543 0166183841

كلام علاء الأسواني هو عين العقل , وتحية له من القلب على هذه المقالة القيمة جدا الغريب فى الامر أنه كلما طالب أى مصري حر وشريف باتخاذ اجراءات رادعة ضد اسرائيل , نجد البعض يرد عليه بقوله ( يا عم إحنا مش قد الحرب !!) , ولا أدري من قال لهم أن هناك منا من يريد الحرب ؟؟ وومن قال لهم أن الخيارات محصورة فى امرين فقط : إما أن تحارب العدو أو أن تكون بلا كرامة وتكون منبطح وذليل له ( يضربك العدو على خدك الأيسر فتعطيه خدك الايمن ؟؟ ) , أى عبث هذا ؟؟ ليس معنى المطالبة برد قوي على اسرائيل أن نحاربها , ولكن هناك الكثير من الردود التي ستؤلم اسرائيل أكثر من الحرب بكثير , ويأتي على رأسها وقف صفقة الغاز والكويز وصفقة تصدير الاسمنت وحديد التسليح ( وكل هذه المنتجات يتم تصديرها باسعار تقل عن التكلفة ) , وأيضا التقدم بطلب لتعديل بند انتشار الجيش المصري فى سيناء حتى نستطيع تأمينها لانها غير امنة ( كما يقولون هم ) , وأيضا توجيه رسالة لسفيرهم بانه شخص ( غير مرغوب فيه ) , وسحب السفير المصري من اسرائيل ,,,,,,, الخ هذه مقترحات لعقاب اسرائيل , وكل بند فيهم يكفي لتأديبها بقوة , دون حرب ولا هم يحزنون . اما نقطة الانتخابات : فنحن بالفعل فى حاجة لعقد الانتخابات فى أسرع وقت ممكن , ونقل السلطة لحكومة منتخبة مهما كان توجهها , المهم انها ستمثل الشعب المصري وستعمل على ارضاؤه , لاني والله المح فى الافق بدايات أحداث ما بعد ثورة 1952 , فها هي الاضرابات على الحدود نراها , والايام القادمة أخشى أن يتم تمديد حكم المجلس العسكري ( الى حين اشعار اخر ) تحت تبرير ضبط الحدود !!

اهلا بك ...........مرة اخرى يبدوا انك لا تعرف كثيرا من تاريخك المصري فضلا عن التاريخ السعودي او العربي او الانساني عموما............. لو عدنا الى التاريخ المصري القريب (حتى اوائل الاربعينات) لوجدنا ان النساء كن يلبسن حجابا و نقابا ((اشد واكبر من الذي تلبسه المرأة السعودية الان)) و كان غالب الرجال ملتحين (و حتى العالم الغربي و الشرقي و نظرة لصور قاليليو و دارون و فرويد و ابراهام لنكولن تجد الجواب ان لم تملأ عينيك طريقة الشعب العودي في الحياه....... ولو رجعت لرسومات البرديات القديمة المصرية لوجدت ان لباس رجالهم اشبه بلباس اهل السعودية و اليمن و الهند في كثير من تفاصيلها مما يثبت تقارب الاصل البشري كلما رجعنا تاريخيا الى الوراء ....اما تربية الغنم فهي افضل تربية البقر عدا انها كانت مهنة ((جميع الانبياء عيهم صلوات الله و سلامه))...ثم من قال ان مصر القديمة لم تعرف رعى العنم ومن رعاة الغنم من حكم واسس اسرة مصرية قديمة....و ضلال البعض بعبادة (ايبس الكبش)...اما بناء الاهرامات وان كانت ولا تزال معجزة معمارية-بالنسبة لنا والى الابد الا انها ليست كذلك لمعاصريهم.....فلم تمنعهم من الوقوع تحت حكم الاخرين مئات والاف السنين ولم يكن بناة الاهرام بمستوى قوة(من نحت من الجبال بيوتا)...لكن لا كرامة لهم بعد كفرهم بالله.............اما مسك السواك(فحقيقة لا اعرف كيف لي ان ارد) فمنذ متى كانت النظافة مما يعاب عليه المرء و هل كان بناة الاهرام يغسلون اسنانهم بمعجون سقنال تو..!!!!!!!!!!!!!..................

يمكن ده على حد علمك فقط .... لاتخف على قدمى فكل كلمة عندى اعرف اين تذهب ولا اقول كلام لا افهمة عندما اقول هى منسوبة للمسيح فانا اعنى كل حرف اقوله فنحن مأمورون بان لانصدق اهل الكتاب ولا نكذبهم قال رسول الله صلى الله عليه وسلم : (لا تصدقوا أهل الكتاب ولا تكذبوهم ، وقولوا : آمنا بالله وما أنزل إلينا وما أنزل إليكم) صدق رسول الله اذن تكون كلمتى : (منسوبة للمسيح) هى الكلمة الصحيحة لأنها تعنى انه يحتمل ان المسيح قالها او لم يقلها تصديق حضرتك ان المسيح قالها هو المخالف للهدى النبوى بالمناسبة كيف عرفت اننى لم ادرس التوراه والانجيل ؟ هذا مااقوله من اول مشاركة لى اهل التوراه يحكموا بالتوراه اهل الانجيل يحكموا بالانجيل ولو يريدون الايمان بالعلمانية التى ممكن لاتتعارض مع دينهم فهم احرار اهل القرأن يحكموا بالقرأن وهذا مانريده وهو محور حديثنا اننا نريد الحكم بكتاب الله وسنة رسولة

كاريكاتير سخيف وتافه وفي قمة الحقارة .. لا يهمني ابو اسماعيل ولا اجندته ولا ما قاله او ما سيقوله .. وانا متحرر من كل هذه النظرات .. لكني ارى بوضوح سخرية لشعائر و حدود دينية يريد البعض ان نغض الطرف عنها وان ننظر الى الموضوع انه فقط سخرية مشروعة عن ابو اسماعيل بالطبع ابو اسماعيل ليس معصوما من النقد ولكن الاستهزاء بالحدود والاوامر الشرعية ومحاولة رسم هذه الفرائض وكأنها شعائر مستوردة من السعودية امر سخيف للغاية

الاستفتاء ... اتلغى قانون الغدر ... اتغير حكم رفع اسم المخلوع ... اتلغى قضية قطع الاتصالات .... اتلغت تسجيلات القتل العمد للثوار و المكالمات ... اتمسحت فوارغ طلقات الرصاص ... اختفت مستندات ثروة المخلوع .... اختفت اهالي الشهداء ... بيتصفوا قانون الطوارئ .... متلغاش الشعب ... بيسقف و يزغرط بفض الميادين المستندات اللي الشعب قدر يحصل عليها ... اتسلمت للمجلس و النائب العام علشان يكملوا حرقها و نشرها الميدان اللي حيلتنا ... احتلوه !! صوتنا ... بيكتموه حقوقنا ... على اللي كانت ضايعه ... تضاعفت الثوار .... محاكمات عسكريه الجيش ... نزل ضد شعبه الانتخابات ... مسؤولها نفس المسؤول بتاع 2005 و 2010

:: مصروفات الحصول علي الـ CMA :: س & ج سؤال : اية هيا المصروفات الازمة علشان أقدر أخد الـ CMA ؟ جواب : بص يا سيدي انته وهوه صلي ع النبي دلوقتي سمعنا كتير كلة يقولك الشهاده غالية وهتكلفك 1000525110 جنية وعملوا من الحيه قبه وحصل رعب للناس وللأسف الشديد الناس صدقت وصرفت نظر عن دراستها علشان مش هيقدروا عليها ماديا ً بصوا بقا وركزوا معايا دلوقتي قبل أي حاجة هقولك اية هيا المصاريف الثابته والإجبارية .. - 200 دولار تسجيل عضوية في المعهد وتاخد رقم ليك معهد المحاسبين الإداريين بأمريكا طبعا ً مش معهد شرح لا دا المعهد نفسه اللي بيصدرلك الشهادة .. تمام كدة - 190 دولار إشتراك سنوي .. بمعني اية هقولك دلوقتي انته واحد كفء ووعندك مقدره أنك تخلص البارتين في سنة كاملة يبقي كدة سيادتك مش مجبر أنك تدفع إشتراك تاني السنة الجاية خلاص طالما خلصت الشهاده في مدة السنة كدة فل طيب افترضنا عدك عليك أول سنة وملحقتش تمتحن حاجة او امتحنت بارت وبقيلك التاني .. بكدة فإنته مجبر أن تدفع إشتراك 190 دولار تاني للسنة الجديدة علشان تقدر تحجز امتحان لان لازم تكون أكتيف ميمبر فلازم تكون دفعت إشتراكك وهكذا .. - 350 دولار رسم دخول الإمتحان للبارت الواحد دا طبعا ً النظام الجديد ياعني عندك فية جزئين كل جزء ب 350 دولار يبقي الإجمالي 700 دولار ,, لقدر الله دخلت الإمتحان ورسبت فهتضطر تدفع 350 دولار تاني علشان تدخل تعيد الإمتحان يبقي كدة الإجمالي كام ياعمدة = 1090 دولار بما يعادل 5995 جنية مصري = 3996 ريال سعودي سؤال هل ينفع بعد ما أخلص الشهادة وأحصل عليها أدفع إشتراك تاني واكون عضو في المعهد IMA ؟ جواب : أيوه طبعا ً ينفع وأنا بنصح بكدة لية بقا أولا ً إسمك هيظهر سنويا ً بشكوف الأعضاء الفعالة ع موقع المعهد نفسة ودي حاجة مميزة ثانيا ً المعهد هيبعت ليك مجلة شهرية خاص بيه ثالثا ً هيبقي من حقكك تدخل ع موقع المعهد وتتطلع ع كل جديد يخص الشهادة وكل المتغيرات التي تطرأ علي نظامها من حيث تطويرها ويبقي من حقكك تنزل الكتاب مجانا ً يكفي فقط أن تكون عضو فعال بمعهد المحاسبيين الإداريين بأمريكا .. لكن طبعا ً لو مش عايز تشترك مفيش اي مشاكل مش هتأثر عليك ياعني سؤال : إمال اية يا عمدة سمعنا ناس بتقول أرقام فلكية اية الأرقام دي ؟ جواب : طبعا ً الرسوم اللي شرحتها ليكم دي رسوم ثابتة وإجبارية .. لكن الأرقام الفلكية اللي تقصدوها دي فدي بقا رسوم الشرح بمعني اية فية مراكز كتير دلوقتي أنتشرت لتدريس السي ام اية وكل مركز ليه مزاياه ولية عيوبة ودا هنتطرق ليه فيما بعد ,, كل مركز من دول ليه سعر المحدد ياعني كمثال الجامعة الأمريكية غير الغرفة التجارية غير أرادو غير اسكادا كل منهم ليه سعر مختلف .. فانت ان شاء الله تتابع معانا هنا في القسم ومش هتحتاج أبدا ً انك تدرس برة عندهم لاننا ان شاء الله تعالي هنتبع أسلوب سيلف استدي ياعني تذاكر لواحدك وهنقولك هتبدأ منين وإزاي وهنوفرلك كل الكتب ومحاضرات شرح كمان ومحاضرات صوتية وأي حاجة هتقف معاك هنقف جنبك ومش هنسيبك هنديك قواميس تجارية تساعدك .. من الأخر معانا بإذن الله متقلقش هنوفرلك كل دا مجانا ً وإبتغاء مرضاه الله نسألكم الدعاء بظهر الغيب .. تمنياتي للجميع بالتوفيق و النجاح ،، حقوق النشر محفوظة لمنتديات عرب ويب سوفت & منتدي محاورات المصريين ؛ للكاتب / Omda2006 - Emad Hamdy

نبذه تعريفيه عن الـزمالة الأمريكية للمحاسبين الإدارين Certified Management Accountant .. New System 2010 س & ج سؤال : ممكن أعرف أية معنى كلمة ( CMA ) جواب : المحاسب الإداري المعتمد CMA وهي من الشهادات الدولية المعترف بها عالميا في مجال المحاسبة وفئة المحاسبين والمعهد الذي يمنح هذه الشهادة هو INSTITUTE OF MANAGMENT ACCOUNTANT -IMA ومكانة في ولاية نيوجيرسي بأمريكا .. وهو الجهة الرائدة في العالم لتمكين المهنيين في المحاسبة الإدارية والتمويل من التميز في الأداء وتم تصميم برنامج منح هذه الشهادة ليلائم الحاجات المختلفة لأصحاب المؤهلات والخبرات في جميع المجالات مثل المهندسين و المحاسبين و المدراء والمدققين الداخليين و الخارجيين و مدراء المصانع والإنتاج والمدراء الماليين التنفيذيين وهذه صورة للشهاده سؤال : ما هي مميزات الحصول ع هذه الشهادة , وهل هتفيدني ولا لأ ؟ جواب : 1- حق العضوية في واحدة من أكبر الجمعيات المحاسبية العالمية الدولية وهي ( جمعية المحاسبين الإداريين الدولية) ICMA وللعلم لايشترط الحصول على الشهادة حتى تكون عضو في الجمعية ولكن للحصول على الشهادة ذاتها يجب ان تكون عضو بالجمعية 2- الأعتراف الدولي بشخصك كمحاسب اداري دولي يجوز لة العمل في أي دولة بالعالم 3- زيادة الطلب على خدماتك المهنية كمحاسب مؤهل من قبل الشركات والمؤسسات العالمية والمحلية الكبرى بغض النظر عن مجالها أو نشاطها وإعتلاء مناصب إدارية عليا 4- زيادة العائد المادى المتوقع الحصول علية في حالة حصولك على الشهادة (التميز بإرتفاع الرواتب) 5-تطوير قدراتك الشخصية والفنية كمحاسب من أعلى المحاسبين حرفية وتميزا عن أي محاسب عادي وزيادة المعرفة العلمية في مجالات متعددة كالإدارة والمحاسبة المالية ومحاسبة التكاليف والاقتصاد والتمويل وغيرها 6-يعد الحصول على الشهادة دى حافز ودافع لك للحصول على شهادات مهنية أخرى مما يجعلك في تطور مستمر 7- دخول عالم المتميزين مهنيا وزيادة إحترام نظرة صاحب العمل لك (الإعتماد المهني للخبرات السابقة) 8- الحصول على مجلة دورية متخصصة من الجمعية تفيدك في الإطلاع على أحدث المعايير والتطورات لتواكب الأحداث 9- أي واحد حاصل على CMA ممكن يدخل يمتحن الجزء (2) من CFM ويحصل عليها لأن أجزاء اللي سبق ونجح فيها مدة صلاحيتها مستمرة ولا تنتهي . 10- تقوية لغتك الإنجليزية سؤال : ممكن تعطيني فكرة عن تاريخ شهادة CMA جواب : عقد أول أمتحان لشهادة CMA في عام 1972 ميلادية ونظمتة جمعية في أمريكا هي ( الجمعية الوطنية للمحاسبين) وإختصارها NATIONAL ASSOCIATION OF ACCOUNTANTS -NAA ومرت الأمتحانات بالعديد من التغيرات سواء في الشكل أو طرق الأمتحان نفسة وكان أمتحان CMA الأصلي (5) أجزاء – بارت يتضمن مقالات ومشكلات وإختيار متعدد . وفي عام 1990 ميلادية تغيرت الأمتحانات لتصبح بوضعها الحالي وهي في صورة (4) أجزاء – بارت تتضمن أسئلة بإجابات حرة وإختيار متعدد ولكن تم إعفاء الحاصلين على CPA من الإمتحان في جزء (2) – بارت تو إذا رغبوا في التقدم لإمتحان CMA وفي عام 1990 ميلادية تطور الأمتحان من آخر وضع لة وحتى الآن إلى أن أصبح مبني على الكمبيوتر بنظام الأختيار المتعدد سؤال : ممكن تعطيني فكرة عن تاريخ معهد المحاسبين الإداريين المعتمدين الأمريكي IMA ؟ جواب : تأسس معهد المحاسبين الإداريين الأمريكي في عام 1919 ميلادية ويعد الآن أكبر معهد ومؤسسة علمية في الولايات المتحدة الأمريكية تهتم بمجالات الإدارة المالية ، المحاسبة الإدارية ، الإقتصاد ، أنظمة المعلومات ويقوم بعقد إختبارات للمتقدمين للحصول على شهادة المحاسب الإداري المعتمد والتي تعد إثباتا علميا لا يجعل مجالا للشك بأن حاملها يملك من المهارات المهنية والعلمية في مجال الاقتصاد والإدارة المالية وأنظمة المعلومات ما يكفي ليكون من صناع القرار الاقتصادي والإداري ليس على مستوى المنشآت والمؤسسات ولكن على مستوى الدول أيضا كما أن عدد أعضاء الجمعية يناهز 60000 عضوا حول العالم سؤال : ما هي الفئات الوظيفية المرشحة للحصول على هذه الشهادة ؟ جواب : تشمل الفئات المرشحة للحصول على هذه الشهادة المتخصصين في حقل المحاسبة الإدارية ومنهم المدراء الماليون الراغبون في الحصول على تأهيل مهني يوثق خبرتهم العملية وكسب المعرفة التي تمكنهم من أداء مهامهم الوظيفية بأسلوب ومنهج علمي متطور المالي والإداري كافة المتخصصين و العاملين في مجال المراجعة و التدقيق تأهيل مهني يمكنهم من تولي وظائف قيادية في المجال المحاسبي والمالي كافة العاملين في المجال المحاسبي الراغبون في الحصول على العاملون والمتخصصون في قطاع البنوك والإستثمار . سؤال : ما هو عدد أجزاء النظام الجديد ؟ وما الفرق بينه وبين النظام القديم ؟ جواب : أولا ً بالنسبة للأشخاص الذين ليس لديهم معرفة سابقة بالزمالة .. قديما ً وحتي شهر فبراير 2010 كان هناك نظام قديم لهذه الشهاده مكون من أربعة أجزاء .. ولكن النظام الجديد الذي يعمل به إبتداءً من مايو 2010 عبارة عن جزئين فقط سؤال : ما هي المواد المطلوب دراستها في النظام الجديد ؟ جواب : سبق أننا أتفقنا ان النظام القديم عبارة عن أربعة أجزاء . والنظام الجديد إعتمد المعهد ع إلغاء فصول في أجزاء النظام القديم وإضافة فصول آخري تتناسب مع الوضع الإقتصادي والمحاسبي العالمي , وقام المعهد بضم الأجزاء الأربعة في جزئين فقط مع مراعاه ما سبق ذكرة من إضافة فصول وإلغاء آخري .. يتكون النظام الجديد من الأتي : الجزء الأول : التخطيط المالي Control Financial Planning , and Performance التخطيط والميزانيات والتنبؤ بها 30% ادارة الاداء والمراقبة 25% التكاليف الادارية 25% الرقابة المراجعة الداخلية 15% الاخلاقيات المهنية 5% الجزء الثاني : اتخاذ القرارات المالية Financial Decision Making تحليل القوائم المالية 25% الشركات المالية 25% تحليل وادارة المخاطر 25% القرارات الاستثمارية 20% الاخلاقيات المهنية 5% ** ملحوظة الامتحانات لا تأتي فى ترتيب واحد و يجوز تقديم امتحان عن اخر .. يتبـــــــــــــع ,, حقوق النشر محفوظة لمنتديات عرب ويب سوفت & منتدي محاورات المصريين ؛ للكاتب / Omda2006 - Emad Hamdy

يعنى ايه دولة إسلامية؟!! * يعني تستنجد إمرأة واحدة بالخليفة المعتصم اللي يبعد عنها أكتر من 2000 كيلو فيبعتلها جيش جرار عشان يحفظ كرامتها وميقلش وهوا إيه اللي وداها هناك * يعني التتار يهددوا العالم كله بالخراب والتدمير وتيجي إنت تنتصر عليهم وتنقذ العالم بجد مش زي ما بيجي في الأفلام الأمريكاني * يعني تكون اقوى وأكبر قوة في العالم وتمشي في كل حتة وإنت مرفوع الراس * يعني الخليفة هارون الرشيد يقول للسحابة أمطري حيث شئتي فسيأتيني خراجك * يعني الناس كلها تبات شبعانة ومرتاحة والخليفة بتاعهم عمر ابن عبد العزيز يبات جعان وتعبان * يعنى الناس كلها ابناءهم يلبسوا جديد وبنت الخليفه عمر تبكى لان لبسها قديم والخليفه ليس معه مال لياتى لها بلبس جديد * يعني يجيي التتار يقولو لشيخ الإسلام إبن تيمية هنفرج عن المسلمين بس فيقلهم أهل ذمتنا قبل أهل ملتنا * يعني سيدنا علي قاضي المدينة أيام سيدنا عمر يقدم إستقالته لإن الناس مفيش بينها وبين بعض مشاكل ومش محتاجين قاضي * يعني تيجي إمرأة مسيحية لصلاح الدين تقولوا إن زوجها أسير وإن هوا اللي بيصرف عليها فيفرج عنو ويديهم فلوس توصلهم بلدهم * يعني بعد تحرير القدس صلاح الدين وقواد الجيش يتبرعوا بالفلوس اللي يفدو بيها أسرى الجيش اللي كان بيحاربهم لإنهم فقراء * يعني يعدي واحد من بيت المال أيام سيدنا عمر بن عبد العزيز ينادي في الشوارع إذا حد محتاج فلوس ياكل أو يشرب أو يلبس أو حتى يتجوز ومحدش يرد عليه لإن الناس كل إحتياجتها عندها * يعني تكون الدولة الأكثر تقدما في العالم والإختراعات كلها تطلع من عندك * يعني تكون اللغة العربية هيا اللغة الأولى وتكون الأندلس هيا مهد العلم على الأرض * يعني ييجي واحد قبطي يشتكي الوالي بتاعه لعمر إبن الخطاب فيحكم عمر إن القبطي يضرب الوالي ويقتص منه * يعنى يختصم واحد من اهل الذمه مع امير المؤمنين سيدنا علي على درع فيذهبوا للقضاء ويحكم القاضى للذمي بالدرع لان حجته وبينته اقوى من امير المؤمنين * يعني يفتح الرسول صلى الله عليه وسلم مكة ويجي الناس اللي فضلوا يحاربوه ويؤذوه طول عمرهم فيقلهم إذهبوا فأنتم الطلقاء * يعني محمد الفاتح يبقى شاب في ال 17 من عمره يحكم أقوى قوة في العالم ويفتح القسطنطينية وهو عنده 22 سنة * يعني أسامة بن زيد يخرج على رأس جيش فيه كبار الصحابة وهوا عنده 17 سنة بس * يعني تكتشف الدورة الدموية من مئات السنين ويجي بعدها واحد غربي ينسب الإكتشاف لنفسه * يعني تكون معظم أدوات الجراحة المستخدمة حاليا إخترعها طبيب مسلم * يعني الدولة الإسلامية تكون الأقوى والأكبر في العالم ويجي حد يقلك دلوقتى مش عاوزين نخلط الدين بالسياسة!!!

رغم أنني لست صعيدية و كل ما في ذاكرتي عن صعيد مصر هي رحلة الأقصر و أسوان و صحيح أن في عروقي دماء صعيدية من سوهاج تحديدا و التي اختلطت مع الدماء التركية لجدتي لأبي بيد أني كالكثيرين غيري نهمل الكنز الصعيدي و لا نهتم سوى بالقاهرة والاسكندرية و هذا من آثار العصر البائد صاحب الرؤية قصيرة النظر اليوم أثار شجوني حديث الشاعر القناوي أ. عزت الطيري عن قنا على قناة دريم مع المحاور حافظ ميرازي و الذي أرفقته في موضوع الشاعر في باب أدب و شعر و قراءات http://www.youtube.com/watch?v=LUQ3nImhi5U&feature=player_embedded و لكنني رأيته متخم بالمواجع عن إهمال قنا و ذكر مواجع تفطر القلب عن قنا المغضوب عليها حتى من النيل الذي يعوّج عند مداخل قنا و كأنه يشيح بوجهه عنها و ساءني استقلال الأقصر عنها لتكتمل ذبحتها و ساءني أن يستغرق الشاعر 9 ساعات ليصل إلى القاهرة ليتحدث في اللقاء عن قنا و كنوزها أريد أن نتحاور هنا عن هذه المحافظة العريقة عاصمة مصر الفرعونية انتظركم

اشكرك على رقي الحوار والحقيقة انا لا اقصد اهانة الشعب السعودي الذي عشت بينهم 30 عاما بل انا اقول بالحرف الواحد ثقافتهم بل ثقافة منطقة الخليج كلها مختلفة عن ثقافة الشعب المصري وهذا ليس عيب ابدا ولا مساس ابدا هنا بالسنة النبوية لان لا يوجد ما يثبت ان لبس الرسول كان جلباب قصير ولحية وقص الشنب وكلها اقوال ظنية لا تملك الحقيقة المطلقة ولكن هنا اذكر ان ثقافة الشعب السعودي نابت من بيئتهم وليس من الاسلام وهذا ليس عيب ابدا لان ثقافة الفرنسيين مثلا يأكلون الضفادع ويلبسون الملابس الفضفاضة والانجليز في ويلز يلبسون الجنولة الاسكوتلندية والمصريين يأكلون الفول والعدس ويلبسون العمة في الصعيد والطاقية في الارياف واهل الخليج يأكلون الغنم ويلبسون العقال والثوب الفضفاض وليس معنى ذلك ان المسلم في فرنسا كافر وفي مصر كافر وفقط الذي في الخليج مسلم ويجب ان نسمو بالاسلام عن هذه المظاهر التي ليس لها اي علاقة باصول الدين الاسلامي علما بان مهن كثيرة في مصر لا يرضى عنها اهل الحليج مثل الجزارة وايضا الحداده والحلاق ويعتبرون انها مهن العبيد وفي مصر فهي مهن محترمة انا اتكلم عن ثقافة اسلامية بعيدة عن المظاهر والاشكال المستفذه واعتبار ان من يلبس الجلباب القصير ويربي اللحية هو فقط المسلم والباقي كافر

عامل النظافة عندنا بيشتغل في قطاع حكومي بــ فترة الصباح فقط من الساعه 8 الى 2 ظهرا ب1200 ريال وبعد العصر بيشتغل معنا بالشركة براتب 1500 ريال وبيشتغل اعمال متفرقه ب1200 ريال وهو بنجلاديشي بينما بنشوف مصريين بيوافقوا على عقد ب1500 ريال ,,, ليه نعمل كدا ونوافق على عقود متهالكه لاتكفل العيش الكريم في ظل ارتفاع المعيشة بالسعودية حرام حرام بتوافقوا على كدا عقود احترمونا بقى

إهداء من ثوار سوريا إلي ثوار ليبيا .. http://www.youtube.com/watch?v=6aOtSFbzZp4&feature=related

تم القبض علي توك توك القذافي هههههههههههـ :lol: :D :lol: :D http://www.youtube.com/watch?feature=player_embedded&v=dxmjS4s1Nls فاكرين دي .. ههههههههههههـ http://www.youtube.com/watch?v=x5SkE8-Pgo0&feature=related

ربنا يوفقك يا استاد عماد ويرزقك الزوجه الصالحه والدريه الطيبه . . امين معلش ياجماعه ما عنديش حرف زال

حـظيت يا عـود الأراكِ بـثغرها أما خـفتُ يا عـود الأراك أراك لو كنت من أهـل القتال قتلتك ما فـاز منـي يا سِـواكُ سِـواكَ (تصوفات)

"حين تقترب من طاغور، يناسم نفسك شعورٌ انك في معبد ، فتتكلم بصوتٍ خفيضٍ، وإن أتيح لك، بعد هذا، أن تتملى قسمات وجهه الدقيقة الأبية، فإنك واجدٌ خلف موسيقا خطوطها وطمأنينتها ، الأحزان التي هيمن عليها ، والنظرات التي لم يداخلها الوهمً ، والذكاء الجريءَ الذي يواجه صراعَ الحياة في ثبات" ( الكاتب الفرنسي / رومان رولان ) بين رفيقات لي كثيرات ، كنت وحيدةً منصرفة إلى أعمال البيت اليومية الغامضة . لِمَ اخترتني ، فاخرجتني من الملاذ الرطب ، ملاذ حياتنا المشتركة ؟ إن الحب المكتوم لحبٌ مقدسٌ ، إنه يتلألأ كجوهرة ، في غيهب القلب الخفي ويبدو على نور النهار الفاضح ، قاتماً جديراً بالشفقة . آه لقد مزقت شغاف قلبي ، وجررت حبي إلى بهرة الساحة المنفسحة ، محطماً إلى الأبد ، ركنه الظليل ، حيث كان يواري عشه . وتظل النساء الأخريات كما هن دوماً . لم ينفذ إنسان إلى أعماق ذواتهن وإنهن ليجهلن أنفسهن سرهنّ . إنهنّ يبتسمن في رقة ، يبكين ويثرثرن ويعملن ، ويقصدن المعبد ويشعلن مصابيحهن ويجلبن الماء من النهر. كنت أرجو لحبي الخلاص من خجله وهو يرتعش وليس ثمة من يحميه ، بيد أنك جعلت تشيح وجهك عني . أجل إن الطريق تمتد لاحبةً أمامك، ولكنك قطعت سبيل عودتي وتركتني عريانةً أمام الناس ، تحدّق إليّ عيونهم ، ليلَ ، نهار . *** مهلاً . يا قلبي ، ليكن وقت الفراق عذباً . لا تدعه يصبح موتاً بل تتمة . ليحر الحب إلى ذكرى ، ولينقلب الألم إلى أغنيات . ليتناه الرفيف في السماء إلى إنطواء الأجنحة حول العش . لتكن آخر لمسةٍ من يديك رقيقة كزهرة الليل . توقفي أيتها النهاية الرائعة ، لحظة ، واذكري ، في صمت كلماتك الأخيرة . إنني أنحني لك وأرفع سراجي لأنير لك الطريق . *** تراه نداؤك الذي يوافي من جديد .؟ لقد أهلّ المساء ، وتشبث بي التعب كانه أذرع الحب الضارعة . أتنادينني ؟ لقد منحتك نهاري كله ، يا سيدتي القاسية ، أتريدين أن تنهبي مني ليلي أيضاً ؟ ومع هذا ، فإن لكل شيء نهاية، وإن عزلة الظلام هي ملك كل إنسان . ولكن ، أيجب على صوتك أن يمزقها ويلفحني ؟ أليس للمساء موسيقا نوم مهدهدة على بابك ؟ ألا تتسلق أجنحة النجوم الصامتة السماءَ فوق برجك الجبار ؟ ألا يتهاوى الزهر على تراب حديقتك في ميتة ناعمة ؟ ألا يتعين عليك أيتها القلقة أن تناديني ؟ دعي عيون الحب الحزينة تسهر وتذرف الدمعَ دون جدوى . دعي المصباح يشتعل في الدار الموحشة . دعي الزوارق ينقل الحراثين المكدودين إلى بيوتهم . إنني أهجر أحلامي وألبي نداءَك . *** - لِمَ انطفأ المصباح ؟ - لقد أحطته بمعطفي ، ليكون بمنجىً من الريح ، ولهذا فقد انطفأ المصباح . - لِمَ ذوت الزهرة ؟ - لقد شددتها إلى قلبي ، في شغف قلق ، ولهذا فقد ذوت الزهرة . - لِمَ نضب النهر ؟ - لقد وضعت سداً في مجراه لأفيد منه وحدي ، ولهذا فقد نضب النهر . - لمَ انقطع وتر المعزف ؟ - لقد حاولت أن أضرب عليه نغماً أعلى مما تطيقه قدرته ، ولهذا فقد انقطع وتر المعزف . *** أنا لا اظفر بالراحة . أنا ظامئ إلى الأشياء البعيدة المنال . إن روحي تهفو ، تواقةً ، إلى لمس طرف المدى المظلم . إيه أيها المجهول البعيد وراء الأفق ، يا للنداء الموجع المنساب من نايك . أنا أنسى ، أنسى دوماً أنني لا أملك جناحاً لأطير ، وأنني مقيد دوماً بهذا المكان . إنني متّقدُ الشوق ، يقظان ، أنا غريبٌ في أرضٍ عجيبة . إن زفراتك تتناهى إليّ ، لتهمس في أذني أملاً مستحيلاً . إن صوتك يعرفه قلبي كما لو كان قلبه . أيها المجهول البعيد ، يا للنداء الموجع المنساب من نايك ! أنا أنسى ، أنسى دوماً أنني لا أعرف الطريق وأنني لا أمتلك جواداً مجنحاً . أنا لا أظفر بالطمأنينة . أنا شارد ، أهيم في قلبي . في الضباب المشمس ، من الساعات الضجرة ، ما أبهى مرآك العظيم يتجلّى في زرقة السماء ! أيها المجهول البعيد ، يا للنداء الموجع المنساب من أيك ! إنني أنسى ، أنسى دوماً ، أن الأبواب كلّها موصدة في البيت الذي أفزع فيه إلى وحدتي .

رسالة الى بشار الأســــــد : واحد خلع والتانى أتخلع والتالت أتحرق والرابع أتزنق.. انت ناوى يتعمل فيك اييييييه

منذ ما يقرب من الثلاثين عام تقريبآ ونحن نعانى فى مصر من ظاهرة اطفال الشوارع ؟ هناك بعضآ من المواضيع قد تناولتهم وافرددت لهم مواضيع وكتابات وبعدمدة يتم نسيان الامر وكأنة لم يكن اليوم شاهدت بعضآ منهم ولكنى لم اشاهد اطفال بل رجال يسطون على بعض العربات فى اماكن لاداعى لذكر اسمائها حتى لا اثير بلبلة او خوف لقاطنيها والحمد للة ايضآ انها داخل كردون القاهرة الكبرى وليس على اطرافة واحمد اللة لانها انظار سنقوم على دوية فى الغد القريب لو سألنا انفسنا ان اخر مرة تم نشر او القاء الضوء على الظاهرة او الحالة منذ مايقرب من 3او 4 سنوات لو كان هناك شاب فى الثالثة عشر لأصبح فى ال17 من عمرة وان كان فى 20 اصبح الان ناضجآ ولة احتياجات وليس علية حقوق كونة ابن شارع فليس فى مصرنا حقوق للشارع من المواطن السوى ناهيك عن مواطن ابن شارع لنفترض ان حدثت اى قلاقل ودة ممكن للأزمات الاقتصادية ماهو دور اولاد الشوارع لو تم تجنيدهم للتخريب من اعداء للوطن فهل لهم نماذج او ملفات او ما يثبت اننا امام مشكلة لو نظرت لها ستجدها كالدمل المنتفخ لمجرد ان تلمسة ينفجر وتخرج منة جراثيم من الممكن ان تلوث بقع كبيرة فى الجسد هذة مجرد رؤيى شاهدتها بأم عينى على ضفاف النيل ولم يفعل جهاز الشرطة شيء حيالها فهل يفعل لها ان مستة او تعارضت مع مصالحة ؟ ولماذا تترك بدون حل او احتياطيات او خطط اليس فيها من سؤال يلفت النظر !! اليس من الممكن ان نشاهد ثورة للجهلة كما كانت بأنتفاضة او لنقل تحرك تخريبى كما حدث للامن المركزى مع الفارق فى التنظيم والتوجهات مجرد سؤال !!!!!

أنا متيقن الأن إن ما حدث كان نتيجة صفقة .. - عدم التصعيد الدبلوماسي من جانب مصر وسحب السفير وما إلى ذلك مع ترك فتحة للتنفيث الشعبي وأحمد الشحات والحركات دي . في مقابل - عدم التصعيد العسكري ضد غزة وفعلاً إسرائيل كانت ناوية على نية سودا ... واليوم تم الإتفاق على التهدئة وعدم القيام بعمل عسكري

مع إحترامي لوجهة النظر القائمه على الإكتفاء بالإعتذار و رغم المفروض النقاش انتهى بالبيان اللي نفى فيه باراك انهم اعتذروا لكن إستوقفني في كلام حضرتك كلمه واحده هو اللي حصل كان خلاف يا فندم ؟ اللي حصل كان دم كان أعمار 6 شباب مصريين انتهت في لحظه قرر فيها العدو انهاءها كان 6 عائلات اتحرموا من ولادها اللي هم بين الإبن و الزوج و الأب و الأخ كان انتهاك لسيادة الجيش على ارضه و مع ذلك لم نرقى في مطالبنا إلى الدعوه للحرب لكن بصراحه لم نستطع كبت الغضب في صدرونا للدرجه التي نقبل فيها اعتذار و نتخيل انه كافي لننسى الدم أكيد في منطقه وسط بين الحرب و قبول الاعتذار منطقه واسعه و خيارتها متعدده .. بس هنقول ايه بقى ؟ أنت تريد و أنا أريد .. و ما دمنا لسنا أصحاب قرار .. فــ الله يفعل ما يريد

مش لما يبقى في إعتذار الأول ؟ و بعدين مسألة قبول الإعتذار من رفضه لا علاقه لها بالوقت أو الظروف الحاليه دي مسألة مبدأ .. السؤال يبقى و هل يكفي الإعتذار ؟ و عارف حضرتك ليه مالوش علاقه بالوقت و لا يجب أن تؤثر عليه الظروف الحاليه ؟ لأن البدائل الأخرى لقبول الإعتذار ليست مختصره في إعلان الحرب فقط هناك بدائل أخرى كثيره قد تؤلم إسرائيل بشكل أكبر من الحرب منها تعديل اتفاقية كامب ديفيد التي تعتبر شوقه في حلق طرف و كنز استيراتيجي بالنسبه للآخر و منها سحب السفير المصري و طرد الإسرائيلي كخطوه تهديديه بقطع العلاقات الدبلوماسيه في حال لم يتم التحقيق و معاقبة المخطئين ولا هو ده حق لهم و حرام علينا ؟ مهو كمان مش معقول هننسى كان ايه اللي بيحصل عندنا لما يتقال في خطأ مصري و قتلى اسرائيليين و موضوع المجند اللي اتحاكم عسكري و بعدين اتقال عليه انه مصاب بالهلوسات و بعدين قالوا انه انتحر فجأه و كل ده كان لمراضاة اسرائيل لأنه دافع عن الحدود اللي كان بحميها و استخدم سلاحه ضد اليهود اللي ارادوا تجاوز خط الحدود و بعدين لاحظ حضرتك إني بقول سحب السفير و طرد الاسرائيلي كخطوه تهديديه.. تهديــــديــــه.. يعني ورقه ضاغطه نستخدمها للحصول على حقنا بأريحيه و هذه الأريحيه معناها إننا نستخدمها و إحنا مطمئنين .. لأن إسرائيل غير مستعده لخسارة مصر الآن خاصة في ظل مشاكلها مع تركيا كمان و هذه التفصيله إلى جانب الوضع الإقتصادي الحالي لإسرائيل يجب أن تلتفت لهما كظروف خاصه مؤثره بإسرائيل بنفس القدر الذي نلتفت به إلى ظروفنا الداخليه الحاليه كظروف خاصه مؤثره حتى لا يختل ميزان قياسنا للأمور بالشكل الذي يبخسنا حقنا هي دي وجهة نظري اللي بصراحه مش قادره اقتنع بغيرها مع احترامي لحضرتك و بعدين في الآخر كوووووووووووووول الكلام ده بعد التصريح الجديد انهرضه ولا له لزمه خلاص لأن تصريح انهرضه مفاده بإختصار : (( كلاكيت تاني مره .. خدعوك من قالوا إسرائيل هتعتذر و على من كانوا يرون أن الإعتذار كافي الآن أن يبحثوا على بديل آخر لكفايتهم و لا عزاء لأهالي الشهداء )) ياأخي الكريم دول فاضل لهم شويه و يرفعوا عالإعلام المصري قضية رد شرف بسبب إتهاماته المتكرره لهم بالإعتذار !!! آه و الله .. و يعملوها دول معندهمش أحمر .. ولا مسمعتش حضرتك عن الوفد اللي بعتوه يرفع قضيه على احمد الشحات عند النائب العام علشان جرح إحساسات العلم بتاعهم ؟؟

السلام عليكم أستاذ خالد أولا أنا حابب اشكر حضرتك جدا على اهتمامك لأنك بصراحه بتطمنى وبتتحسسنى ان الدنيا لسه فيها خير وبجد أنا عشمى فى ربنا وفيك كبير أوى وأنا والله بدعيلك على طول ربنا يجازيك خير ويديم عليك الصحه والعافيه

pardon mes amis je ne participe pas avec vous parce que je n ai rien a dire mais je vous regarde de loin Jesus Christ est avec nous tous Kerob

إسمحلى رد حضرتك غريب جدا أولا: البيان عنوانة رسالة الى شباب الاسكندرية (و اوعى تقول فتنة علشان وجهها للشباب بس مش المسنين و الكهول كمان ) يعنى مسلم مسيحى او اى ديانة ثانيا : النداء من مجموعة مشايخ فطبيعى اللى بيسمع ويحترم كلامهم المسلمين ثالثا : المتوقع من النظام الهجوم على الكنائس لنشر الفتنة و تفتيت جموع المتظاهرين و تشويه صورة الثورة عند العالم و بالطبع هذا لن يتحقق بالهجوم على المساجد رابعا : موضوع خطوط موبينيل للرد على من يقول مقاطعة موبينيل بعد تصريحات ساويرس لانه نصرانى فهو يرد على انه لا توجد نية مبيته لمقاطعتة لديانتة و لكنها لافعالة و اخيرا يا أستاذ أثر الطائر أرى أن هذه الوثيقة وثيقة و اقع نشأ فى زمن الثورة و عشناه بعدها

يعنى اية كوك زيرو يعني الاسرائيليين يعملوا مظاهرات عشان عندهم أزمة سكن و البلد مش بلدهم أصل

منقول ليه الحكومة المصرية لم تعترف بالمجلس الانتقالي الليبي مش لما تبقي تعترف بالثورة المصرية الأول !!

ودي بركة العشر الأواخر من رمضان

أهلا يافندم آسفة كنت عايزة أرد ع المداخلة بس انشغلت و جيت لما شفت دريم كان لازم ارحب بيها اوي نيجي بقى لاندهاش حضرتك من استخدامي لاسمي الحقيقي و ده طبعا رد فعل خاص بحضرتك و لك أسبابك و مش حأسأل ايه هي إلا إذا حضرتك حبيت تقول طبعا :) حضرتك لا تحب التواصل مع الناس أو بمعنى أصح تخاف من التواصل يمكن برضه خوف عميق من الرفض فالأحسن هو الابتعاد و عدم التداخل بعمق مع أحد و ممكن يكون أيضا الشعور بعدم الاحتياج لأحد أو الخوف من الاحتياج لأحد عن نفسي كان عندي الحاجتين دول و بشدة وبعنف يعني اللي يقرب من الجزئية دي عندي اوديه ورا الشمس و اكتشفت ان الاحتياج ده قوة و ليس ضعفا أن تعلن احتياجك منتهى الشجاعة لأننا كلنا محتاجين لبعض محدش بيعيش لوحده قد ايه باضحك على نفسي زمان و انا عايشة طول عمري اتجاهل من حولي دايما كانت لي الكلمة العليا أنا أعطي و لاأريد عطاء من أحد حتى مع والدي رحمهما الله لم أكن أعلن احتياجي لهما !!! حتى وصل الأمر أنني كنت لا أعلن احتياجي لخالقي استغفر الله العظيم الفضل يعود لصديقة غالية أرسل لي الله عز وجل عن طريقها كيف أحتاج و أفتقر إليه عز وجل و من بعدها تغيرت حياتي بالكامل و كان الجزء الباقي أن أتعلم أن أحتاج إلى خلقه و أن أكسر كبريائي و تجاهلي لهم كلمة أخيرة الحكمة من وجودنا هي التواصل "...( وَجَعَلْنَاكُمْ شُعُوبًا وَقَبَائِلَ لِتَعَارَفُوا )....."

هو ده نفس الكلام اللي قرأته لحضرتك قبل كده في حق الرجل ايضا لن أكمل الحوار لاتهامات حضرتك للجميع جزافا وبيقين غريب غير مبرر بالمناسبه ربنا ادري بحدوده ان كانت يمكن او لا يمكن تطبيقها مش حضرتك ولا حتي بعض العلماء (كل يؤخد منه ويرد الا رسول الله صلي الله عليه وسلم) وكيف طبقها الرسول الكريم في زمنه ولم يكن الطب بهدا القدر من التقدم الموجود الان؟؟ وما استشهدت به من قطع يد السارق او رجم الزاني , مش عشان ده الدين (بس) لأ عشان دول موجودين في رسم الكاريكاتير اشكرك

أعتذر عن تكملة الحوار حضرتك لا تعرف رأيي فيما قال شومان و تتكلم عما أبطن و حضرتك مصر ان النقد كان موضوعي رغم انه يصر على اختزال و تشويه مرشح محترم و تعمم و تجزم ان اعلب "المثقفين" غير مؤيدين للتيار الإسلامي نفس التنميط ان السذج و البسطاء هم من يميلون للتيار الإسلامي

لا حول ولا قوة إلا بالله الظاهر إن فيه ناس مش قادره تصدق إن فيه بشر بيبصوا لأبعد من مجرد كرسي بشر بيبصوا لآخره وبالنسبه لهم الدنيا هي مجرد طريق للآخره وهناك مفيش وسط : يا جنه يا نار أما بقي ليه واحد زي حازم صلاح رشح نفسه؟ ما كان مثلا كفايه عليه شوية برامج دينيه في الفضائيات ؟؟؟؟ أجاوب الشيخ رشح نفسه اولا لانه لديه بفضل الله جميع المقومات التي تؤهله للترشح وللقيام بمهام المنصب وثانيا عشان كان لازم واحد مؤمن بأن الاسلام بشرائعه وأحكامه هو ما يجب ان يطبق كما أراد الله لنا وهو ما سيأتي لنا بالخير وتنتهي به حقبه كلها كانت مفاسد وظلام كان لازم واحد مؤمن بكده يرشح نفسه وسط كل هؤلاء المرشحين المتشدقين بالقيم والمبادئ التي وضعها الغرب الاسلام ليس المسجد فقط الاسلام هو الحياه كلها بأحكامه وحدوده التي أمر بها من خلقنا وهي التي تطبق كما انزلت حتي قيام الساعه برجم الزاني وقطع يد السارق اتسخرون من حدود الله؟؟؟؟ حسبنا الله ونعم الوكيل

انت شايف يا زميل ان الاعلام متزن مع الجميع بمعنى متساوى المفروض اننا كمجتمع لا يخون بعضنا الاخر ولا يحكم بعضنا على ما يكن الاخر بصدرة ونواياة وألا ما هو مقياس العدل لدى النخبة ومن يتهمون الشعب بالجهل ويقطعون فى انفسهم ويتسارعون على شاشات التلفاز لنيل اكبر نسبة من الظهور اليس هذا يدل على التحيز واقصاء الاخر وتصيد الأخطاء ولو بالتلفيق التهم نطق الجميع استنكارآ بما حدث لقس فى تفتيش فندق وخلعة لملابسة وبعد ان فضحتهم اللقطات المصورة لا تسمع لهم رجزآ وكأنهم اموات اليس هذا ايضآ غلو وعدم عدل وتشدد واقصاء نحن نحتاج الى وقفة مع النفس ونترك الساحة للجماهير تختار من الصالح ما تشاء

الكريكاتير منتهى الزوق عن اصحابة من تابعى وتابعين العلمانية وهم احرار فى معتقدهم وافكارهم بس هناك سؤال اليس من الاحرى ان يدارو فضيحتهم امام المصريين بما فعلة كبيرهم او أحد كبرائهم فى طريق مصر اسكندرية بعدمنتصف ليلة من ليالي رمضان بأن تم ضبطة مع فنانة فى عربتة ليلآ ولم يختشى على دمة بعد الفضيحة فكتب عامود حب لها فى الشروق كى ينجيها من الفضيحة ناس ذوق ذوق وعلى رأى المثل تكلم ... لهيك واللي فيها تجيبة فيك اعتقد ان دة اكبر مثل ينطبق على المخادعين واصحاب المباديء العلمانية اللي عايزين يحكمونا وبيقولو ان الشعب لسة جاهل وأنضحك علية هههههههههههههههه انتو فاكرين الشعب كلة بسمة ولا أية الشعب دة بقى اللي كشفكم الشعب المصرى سيحكم عليكم من خلال الصناديق وعلى العلنى يا بشوات بس مش فى طريق مصر اسكندرية او الدائرى ستكون فضيحتكم مدوية أن شاء الله وكان من الاحرى ان يصور كريكاتير للدكتور عمرو حمزاوى وبسمة بالمايوة داخل عربة بس يكون اللي بيضبطهم واحد بدقن وجلابية هههههههه

http://www.youtube.com/watch?v=Ag838D2XMNs&feature=youtube_gdata_player

الحكومة المصرية: يوجد خطأ مطبعي ، نحن لم نطلب سحب السفير احنا طلبنا سحلب للسفير

افكار صايمين بعد العمر ده كلة و بعد سنوات طويلة جدا اكتشفنا للأسف أن : حسني مش مبارك وبشار مش أسد وبن علي مش زين وعلي عبد الله مش صالح بس القذافي هو الوحيد اللى ما زال معمر

عمرو مصطفى يتقدم بالتحية والتقدير الى شركة دايو لجهودها فى مكافحة الخمور بالسيارة ( نو بيرة ) هتلاعبنى بالألفاظ .... هلاااااااعبك... :lol: :D :lol: :D

اصنع سعادتك من أدواتك المتوفرة لديك مهما كانت صغيرة .. وإياك أن تربط سعادتك بتوفر أدوات إضافية قد توجد عند غيرك د سلمان العودة

أول مرة أحس إني غبي الواد ده خلى مخي يقف عن العمل وذكائي يخوني في اني اربط بين الحوار وبعضه بس نفسي أحل لغز الشيطان ده يمكن اكسب لتر بيبسي واعرف اعبر عن نفسي. عمرو.... روح اللهم اني صائم

مرة واحد بلديتنا كان مسافر فواحد قريبة نصحة يا خد معاة مش كتير علشان يوفر ,, وقالة ابقى سمى قبل الاكل علشان الشيطان ميكلش معاك بلديتنا اقعد ياكل فى المش بس كان دايما بينسى يسمى قبل الاكل بعد سنة طلعلة الشيطان وقالة............. .............. .................. ................ ................ ......... ابوس ايديك سمى صدرى اتحرق

LBC أو متلبسيش انتي حره web cam كيلو البطاطا النهاردة ؟؟؟ ...... as for في اليد خيراً من 10 علي الشجره wish اجرام طبعا عارفين الفليم ده us لها بتفرق فى حياتك وحده Post ايد مامتك انهارده the cat الفطر بنطلعها في عيد الفطر:D :D :D منقول من ع الفيس توك

انا عاوز اقولكم على سر يا جدعان انا طالع عين اهلى فى الشغل اليومين دووووووووووووووووول وقرفان قرفان قرفاااااان اخر حاجه حاسس انى بحرث فى بحر شغل كتير قووووى ومسؤليه كبيره قوى وفى نفس الوقت بتتعامل مع شوية مهندسين تييييييييييييييييييييييييييييييت ولا الهوا اهم حاجه عندهم المرتب ينزل فى حسابهم والمفروض الحاجه اليى تخلص فى ساعه يخلصوها فى شهر اه والله والانكى بقى اننا نبقى فى الاجتماع وتلاقى كل واحد يقولك يابشمهندس انا جاهز يعنى بتاع الميكانيكا يقولك البامبات تمام وبتاع الكهربا يقولك الكهربا واصله ومهندس المدنى يقولك الشبكه خلصناه اجى انزل اشتغل لا البمبات شغاله ولا نيله ولا فيه كهربا اساسا والشبكه لسه مخلصتش والمدير بتاعهم بيتصل بيا ويقولى ياعم انا عاوز اسلم المشروع وكأنه فجأه افتكر ان فيه زفت مشروع عاوز يتسلم امال انتوا كنتوا بتعملوا ايه بقالكم تلات سنين يانهار ؟؟؟ اخر حاجه بقى حصلت انهارده ان المهندس اليى بقالى شهرين بشرح له انا هعمل ايه وايه هى الحاجات اليى المفروض يجهزها علشان انزل اشتغل ومتفقين على كل حاجه ومحددين على المخطط النقط اليى هنشتغل فيها والاستشارى وافق عليها وقت التنفيذ بسأل عليه لقيته نزل اجازه مصر نعم !!!!!!!!!!!!!!! اجازه طيب والمشروع اليى هيتسلم ده اليى بقالنا سنه بنقول التسليم الشهر القادم والملك هينزل يتفتح المشروع ولا الهوا بعد ده كله انا نويت انفض وتولع بجاز وسخ بلا قرف وهنزل اجازه انا كمان اذا كان صاحب الشأن نزل اجازه انا هاجل اجازتى بلا وجع قلب وخليها تولع على الكل بقى

هــــــــــيه الله يجازيكوا خير بترجعونا لأيام الصبا والشباب والمغامرات الجميلة ، - قصة حبي أقصد قصة زواجي كان بها مفارقات عجيبة تدل أولاً واخيراً على أن اللي من نصيبك لابد يصيبك حتى لو كان مكتوبلك تتجوز من المريخ ، فزوجتي هي أخت احد أصدقائي بالعمل وشاهدتها لما كان بيفرجني على صور خطوبته اللي إتفركشت بعد كده المهم نويت لما انزل اجازة أروح البيت عندهم وماكلموش هو مباشرة أحسن أخسره لو ماوفقش ولا حاجة زائد إني كنت محرج جداً منه ، المهم قبل أجازتي بأسام قليلة لي صديق مصري متجوز سعودية وعائلتها ناس محترمين جداً جداً فقال لي أيه رأيك في عندهم حته صغيرة لسه ماتجوزتش ماتيجي تتعرف عليهم ، وفعلاً حصل واتعرفت على الناس واعجبوا بيه - هما يقدروا مايعجبوش ( وش محمود المليجي ) - ولكن جيت على اللحظات الأخيرة وتراجعت لأني كنت حاسس إني هاتدبس وأقعد هنا طول عمري فاعتذرت بطريقة ظريفة . - المهم نزلت أجازة واتقدمت لعائلة صديقي ورفضوني والحمد لله لأن زوجتي كانت لسه داخلة اولى جامعه وقالولي ممكن نقرأ فاتحة دلوقت لكن الجواز هايبقى بعد 3 سنين فقولت لهم ده انا اكون حمضت خاصة إني جاهز ، قالوا هو ده اللي عندنا يا إما تورينا عرض اكتافك وفعلاً حصل وطلع عرض أكتافي 63.5 سم. - المهم قبل ما أرجع السعودية بيومين أختي الصغيرة قالت لي فيه بنت زميلتها في الشغل محترمة ومن عيلة وحلوه وحركات ماتيجي تتعرف عليها روحت فعلاً قابلتهم في كازينو وشريبنا عصير مانجا والبنت اتهبلت لما شافتني ، وتاني يوم روحت شاريلهم جاتوه بالشيء الفلاني وزورتهم في البيت وقولت لهم انا مسافر بكره وهارجع بعد 6 شهور نخطب ونكتب الكتاب واخدها معايا السعودية وافقوا وفضلنا في الستة شهور نحب في بعض وحركات من دي وبعد مانزلت اتعرفت على بقية أخوتها ما شاء الله كانوا يجي 5 لأنها يتيمة الأم والأب ولقيتهم داخلين داخلة مش كويسة ومارتحتش للموضوع قولت لهم طريقكم أخضر خاصة إن بالتعامل المباشر اكتشف ان البنت شخصيتها ميح ، وزعلت جداً على الجاتوه اللي كنت بأشتريه كل يوم . - روحت واخد بعضي تاني وراجع السعودية واول أسبوع طلعت اعمل عمره واتصلت بصديقي اخو زوجتي الحالية وكان في فرع الشركة في جده وقولت له انا في مكه باعمل عمره تعالي لي الفندق وأول ما قابلته روحت واخده وش وقولت له بص بقى انا هأتجوز اختك يعني هاتجوزها تقولي دي لسه بتتعليم في الجامعة ولا بتتعلم تريكو حتى ماليش دعوه راح متصل بيهم في مصر ووافقوا على ان الخطوبة تبقى بعد سنة تانية والجواز يبقى في تالته وفعلاً الحمد لله تم المراد واكتشفت بعد كده انها كانت بتموت فيه في الخباثة وتتحسس اخباري من اخوها وعيطت وحالتها بقت حالة لما عرفت اني خطبت واحده تانية ، والحمد لله مافيش قهوة وقعت على رأسي لأن زوجتي ماكانتش بتعرف تعمل قهوة أيام الخطوبة لأنها كانت دودة مذاكرة وماكنتش فاضية للقهاوي والحاجات دي lol. - واليومين دول انا بأفكر آلف كتاب عن قصة زواجي وأسميه " زواج س س وأحداث القرن العشرين " وأربط قصة زواجي بأهم احداث القرن العشرين زي حرب قيتنام وموت دودي الفايد وديانا الفايد برضوا.

أيوة، هو ده اسلامهم، يتلخص في ثلاث حاجات: المظاهر ومنع الشذوذ والسب. مافيش حد منهم بتكلم الا لما يتكلم في حاجة من التلاتة ده اسلام خاص بيهم فقط لا وبيقول هايطبق القاون بالتدريج على 20 - 30 سنة عارف يعني ان اخرنا 30 سنة، هاينفذ فيهم برنامجه بان الشعب يتحجب ،النساء يلبسوا طرح والرجال يلبسواأشمغة ويمشي

الرجل مازال واقف في الشارع ولم يترشح بعد ولم يفتح باب الترشح الرئاسة من الأساس ومش مستحملين ولا عايزين حد يجيب سيرته ولا يعبر عن تصوره لما يمكن ان يحدثه هذا الرجل " عند التمكن " ، طيب لو حصل له التمكن حتعملوا ايه؟ حتكسروا الأقلام وتكمموا الأفواه؟ والا حتحطوا اللي مش عاجبه في المعتقلات؟ لو مش قد اللعبة السياسية خليكوا بعيد. وعلى فكرة يا استاذ / mustafagamiel ، انا بعرف ادوس على علامة السالب برضه ، لكن بافضل اني استخدم الكيبورد للرد على الرأي الآخر ، لكن لما الاقي اللي قدامي مابيعرفش غير الغز بالمطوة ، باديله غزة مطواة انا كمان علشان يفوق. انا باكلمك كعضو وليس مشرف ، يعني ماتلزقهاش في الإشراف. مش مسألة مستحملين ولا حد يجيب في سيرته يأستاذ محمد الموضوع سخرية وليس وجهة نظر وتخوفات لا اساس لها من الصحة فقط المراد منها التشويش وتخويف الناس منه وحركات لاتصدر من اناس محترمين صدعونا بالليبرالية وكلام كبير كده لم نرى منه شيئا في ارض الواقع الله :blush2: حضرتك كتبت الغرض من السخرية واللي كتبته مالوش علاقة بالاسلام هو الراجل ابو اسماعين ده المفروض نعتبره هو الاسلام واللي يسخر منه يبقى بيسخر من الاسلام ( ده بافتراض يعني ان الكاريكاتيور فيه سخرية)

يارجل يكفى تلاعب بالكلام انت من تكفر المسلمين وانت من تحمل فكر تكفيرى هو سيادتك بتاخد رد فعلي وتعتبره هو الفعل، على أساس يعني كلامك ده هيلغي واقعكم المحزن؟ أحمل فكر تكفيري لول، دلوقت تخليني من الجماعات التكفيرية الارهابية!!! ده يكفي الموضوع ده شوف كام مرة اتقال كلمة علمانيين وعليا أنا شخصياً، وكام مرة حد يقول بتسخر من حدود الله، وجميعها حكمها الكفر !!!!! مش عارف ازاي كل تياركم لا يرى الا بعين واحدة!!!! شوف التلفيين في كل كلامهم تكفيرهم سواء بالتصرييح أو بالتلميح وكأنهم