لوحة القادة

للأسف .. الظاهر إننا أخدنا مقلب كبير في عصام شرف ... وكنا كلنا بدون إستثناء مندفعين إندفاع ثوري في مشاعرنا واستبشرنا بشرة خير برجل نزيه ومحترم ... لكن للأسف ضعفه وأهتزاز شخصيته وأخذ القرار ثم إلغاءة وأتخاذ عكسه قضى على تلك النزاهة والإحترام لإن أنا جدتي الله يرحمها كانت محترمة ونزيهة برضوا .. فهل معنى كده كانت تنفع تكون رئيسة وزارة في حكومة ثورة ؟ ... وأتضح للجميع إنتفاء دوره في عملية إختيار الوزراء ... وكانت الفضيحة الكبرى في إختيار المحافظين العساكر بعد أن وعدنا إن إختيار المحافظين هاتكون مفاجأة للثورة .. وهي فعلاً طلعت مفاجأة بس سودا ومهببة .. وذلك بحدوث شبه إنقلاب عسكري وأستيلاء العسكر على 18 محافظة ... وبعد أن قضى فترة تقريباً 5 شهور من اول إبريل في رئاستة للوزارة ما زالت الأمور محلك سر .. ما كناش منتظرين طفرة في كل المجالات .. لكن على الاقل حسسنا إن في تغيير في المحليات ونظافة الدنيا في القضاء على البناء العشوائي يا راجل يا عم بل ريقنا بعقد مؤتمر إقتصادي وجيب الخبراء اللي بالكوم وموجودين عندنا متلقحين على القهاوي عشان تدونا أمل في بكرة وترسموا لنا خارطة طريق في نقل شعور للناس إن إنتخابات مجلس الشعب القادمة اللي فاضل عليها شهرين هاتبقى تاريخية - حد سمع حاجه عن الإنتخابات دي يا جماعة ؟ في القضاء على فوضى المرور والأمن في الشارع في عقد مؤتمر عن تطوير التعليم في مصر ... التعليم اللي جودته عندنا أقل من جميع الدول العربية وتقريباً قربنا نبقى زي موريتانيا كده ... بلاش ده كله أنا مُفتري وأحمله ما لا طاقة له به ... حد من الزملاء يختار موضوع ويكلمنا عنه في عصر عصام شرف ... بلاش كده يكلمنا هو عن إنجازاته خلال 5 شهور ايوه .. عارف عارف .. أصلها حكومة إنتقالية .. وحكومة تسيير أعمال ومش متوقع منها إنجازات لأ ايها السادة .. الحكومة اللي متوقع تقعد أكتر من سنتين ما تعتبرش حكومة إنتقالية لإن خلال الفترة الإنتقالية دي ولو كانت شهور حتى ممكن تعمل طفرات في مجالات كتيرة جداً ومنها مجال المحليات مثلاً ... وتعمل طفرات في مجالات كتيرة جداً جداً بدون تحميل الدولة مليم واحد .. بل بالعكس ده ممكن نفس الطفرات دي تجيب لك دخل وإيرادات ما تحلمش به أعتقد إن أصبح عندنا إمتداد لعصر موظفي الحكومة ... الوزير أو المسئول اللي بييجي الساعة 8 الصبح ويمشي 2 الضهر لا جديد لا أفكار مختلفة ومبتكرة .. سيبك بقى من زويل وفاروق الباز . ومصطفى السيد و و و و و و والناس اللي شوفناها في بدايات الثورة وكانت متحمسة للبناء والمساهمة في النهضة ... وهوووووووووووب إتردم عليها كالمعتاد .. لإننا مش فاضيين للكلام الفاضي ده .. إحنا ندور على أنبوبة غاز .. شكارة رز ... كيلة قمح .. كده يعني لا شعور على الإطلاق بإن هناك ثورة قامت لتحقيق ( عدالة ... حرية .. كرامة إجتماعية ) حتى ردة فعلة في قتل الجنود على الحدود كانت مخزية ومثيرة للإستغراب من كمية الضعف والوهن اللي في شخصيتة وإن لا حول له ولا قوة فهل هذا رئيس وزراء تم تعيينة وأختيارة من الميدان ؟ أه هو كان ميدان فعلاً .. بس شكله كان ميدان رمسيس العشوائي -------- بعد ده كله أيها السادة .. إليكم القشة التي ستقصم ظهر عصام بيه وستُرسلة جنب أخواته السابقين وتقعدة على قهوة المعاشات اللي لايقه عليه هو وكل وزراءة خلو بالكم ده بعد إيه ؟ بعد أن تم إتخاذ قرار من أسابيع إن خلاص .. أغسطس اللي خلص ده هو أخر وجود لرؤساء جامعات وعمداء متعينين من أمن الدولة والرئيس المخلوع وأفسدوا العملية التعليمية وقضوا على كل نشاط بالجامعة وباعوا الجامعات لدولة الفساد ولجمعية المستقبل بتاعت جمال بيه وفوق كل هذا ... قام البية الأيام الماضية من اسبوعين تقريباً بتوزيع إستبيان على كل الاستاف بتاع الجامعات لأخذ رأيهم في طريقة إختيار رؤساء وعمداء الجامعات والكليات وكانت النتيجة مذهلة ... أكثر من 80 % وافقوا على التعيين بالإنتخاب الحُر المباشر ومع هذا.. طلع لهم لسانه أو تلقى أوامر عُليا كالمعتاد .. وأجتمع برؤساء الفساد وطمنهم إنهم باقون في مناصبهم إلى أن يقضي الله أمراً كان مفعولاً ... ----------- عاوزين رأيي الشخصي وتفسيري المحدود لما يحدث ؟ الدراسة الجامعية في مصر هاتبدأ في منتصف شهر سبتمبر وهو نفس الشهر اللي المفروض مرشحي البرلمان يتقدموا بطلبات الترشح ... وتبدأ العملية الإنتخابية والدعاية حتى الإنتخابات في شهري نوفمبر وديسمبر والمجلس العسكري شايف الدنيا هاديه دلوقت ... لا عاد في ميدان تحرير .. ولا ميدان سفنكس حتى وقرار زي بتاع شرف بيه اللي نقله على لسان مجلس الاُنس ... كفيل بإنه يولع الجامعات باللي فيها ... لإن كده إحنا أتقرطسنا ... وكده بنرسخ مقولة إن مافيش ثورة قامت على الفساد اللي في جميع المجالات .. وإن كل شيء هايفضل على قديمة ... ونفس مبدأ المخلوع : الشعب عاوز يمين ... خلاص أنا رايح شمال .. ويخبطوا راسهم في الحيط والإضطرابات الجامعية لن تكون بسيطة ... فالشباب من حقه يتنفس الحرية .. ومن حقه يلاقي في جامعته قيادات محترمة مستقلة ليست مُعينة لتنفيذ أجندة النظام أو ل مسئول جامعي لازم يبقى مخبر يبلغ عن الناس وييجي الامن يلمهم بالليل ... وطبعاً لازم يبقى في لجنة السياسات وبالتالي وبإختصار .. طول ما في قلق .. هاتبقى في حجه للمجلس إنه يطول .. ومش بعيد يلغي أو يأجل إنتخابات مجلس الشعب إلى أجل غير مُسمى

لهذه الانبعاثة مكانة خاصة بقلبى تعرفها جيدا كما أظن .. هل تتذكر لمّا أرفقتها .. ولما قرأتها أنا وقتها .. أتعرف !! سالت دمعة من طرف العين وحيدة .. لم تتوقف لحظتها وكأنها تحفر فى أعماقى مجرى لإنبعاث آخر للروح .. ثم طاب الجرح ! أثر الطائر .. ستبقى بخير ..سنبقى بخير سنبقى بخير حتى انبعاث آخر بخير حتى يسرى فى الدم الحنين وتتسرب روائح الوطن بين شقوق الزمن سنبقى كما ترى .. فى فقاعة الأحلام الشفافة تحيطنا الأمنيات فلن تتوقف الأمنيات أبدا بيننا عن الولادة .. وحتى نزرع أشجار الليمون التى لم نغرسها بعد فى أرضنا وحقول من الفل التى مازلت أحلم بها .. معك كل الرضا لقلبك http://www.youtube.com/watch?v=vQ6HjnlkyYk

عمري ماقعلت الحزام لكن حصلت معايا حاجة غريبة كل مرة ادخل السعودية ياخدوني تحري لان اسمي شبيه باسم واحد تاني مطلوب عندهم لما رجعت مصر لقيت ضابط الجوازات بيبص لي من فوق لتحت ومش زوجتي وعيالي وبعدين قال لي استنى شويه .. وبعد دقيقتين ختم الجواز انا قلت اسأله . ليك قرايب ف السعودية .. وبعدين قلت بلاش لحسن ميفهمش النكته و ينكد عليا لكن افكس موقف حصل فعلا إني كنت مسافر بعد احداث سبتمبر لاول مرة في حياتي الى اتجه غربا الى كندا بمفردي زوجتي تولت ترتيب الشنطة و بعد السلامات والدموع والابتسامات وصلت المطار بمفردي لاني لا احب التوصيلات وافضل السلام ف البيت وكل واحد يعيط براحته رحت المطار ودخلت ع الجهاز لقيت الضابط بيقول لي مين رتب لك شنطتك دي قلت له انا قال لي ممكن نفتحها فتحت الشنطة فعلا بكل هدوء لقيت على وش الهدوم سكينة مطبخ كبيرة تخيلوا وشي جاب الوان الطيف ومبقتش عارف اضحك والا اعيط قلت له يا باشا انا مراتي هي اللي رتبت الشنطة وهتلاقوا بصماتها ع السكينة وتقدر تعتبرني طلقتها خلاص قعد يضحك وقال طبعا انت عارف انه مستحيل تطلع بيها ع الطياره قلت له بالنسبة لمراتي مستحيل اسمح لها تخرج من اوضتها بعد اللي عملته لكن لو تقصد السكينة .. تقدر تعتبرها سوفينير

أعزائي المحاوراتية أشكركم أولا على تفاعلكم الجميل..... لقد طرحت هذا الموضوع للنقاش ولتبادل الأفكار حيث أنه لطالما يراودني هذا الحلم الجميل....وهو عودة الدولة الإسلامية كلنا بالطبع نعلم أنه آخر دولة خلافة إسلامية كانت الدولة العثمانية وأنه بعد تفكيك هذه الدولة أو الخلافة تشظت إلى مجموعة من الدويلات الصغيرة التي قبعت تحت الإحتلال فترة من الزمن وكان هذا الإحتلال من قبل الدول التي ساهمت في اسقاط الخلافة (الدولة بلغتنا العصرية) العثمانية....وهي بريطانيا وفرنسا وإيطاليا واليهود....فكنا بمثابة الجائزة على مجهوداتهم في إسقاط الخلافة على مدار قرنين من الزمان رسمياً غادرنا الإحتلال بعد أن تأكد من أنه ترك في كل دويلة رجال له ضامنون لحقوقهم ومصالحهم في تلك المنطقة.... رسمياً كذلك حكمنا بأنظمة عسكرية/علمانية والمقصود هنا بعسكرية هو أن الجيش الحامي والضامن الوحيد لبقاء نظم الحكم....لذا فأنا أعتبر كل الأنظمة التي حكمت المنطقة كانت عسكرية بغض النظر عن الغلاف الرسمي الخادع أو أساليب انتقال الحكم فيها...سواء كانت ملكية أو جمهورية أو حتى جماهيرية... ففي النهاية هي أنظمة محمية أولا بأجهزة الأمن القمعية التي أنشئت في بدايات الإحتلال التي توارثت نفس الأسلوب في القمع والتعذيب والإعتقال...ثم في الحلقة التي بعدها قوة الجيش الذي كدست فيه الأسلحة لحماية النظام ورأسه....ثم الحلقة التي تليه وهي النظام الدولي ( الإحتلال غير المباشر )الذي يحمي وجود هذه الأنظمة فوجودها مرتبط باستمرار تحقق مصالحهم... في السابق كان الكثير يشكك في كثير مما سبق ويضعها تحت ما يسمى بنظرية المؤامرة أو غيرها من المسميات ولكن المدقق في أحداث الثورات العربية سيجد أنها كشفت الغطاء عن الكثير فيما يسمى حاليا بالنظام العالمي...فبدون الدخول في التفاصيل ففي بدايات كل ثورة يحاولون مساندة النظام القائم حتى إذا تأكدوا بأن ورقته قد احترقت سارعوا بركوب الموجة الشعوبية الجديدة في محاولة لتوجيه الأوضاع الجديدة لتصبح تحت سيطرتهم من جديد من خلال معونات سياسية موجهة إلى الفصيل الأقرب لهم ولتوجهاتهم كالحاصل في مصر وتونس أو بالتدخل المباشر كليبيا وتشكيل وفررز رجال المجلس الإنتقالي فيه أو في اليمن عن طريق دعم الرئيس اليمني عن طريق المبادرة اليمنية مع العمل بالتوازي مع القوى السياسية اليمنية على الأرض للوصول للبديل الأنسب وهكذا...... حالياً بعد هبوب رياح الحرية على المنطقة وعلى الشعوب العربية أتمنى من الله أن تكون هذه الحرية أثراً إيجابيا في الإنعتاق من المسلمات والأفكار التي تم الترويج لها إعلاميا على مدى أكثر من نصف قرن لا أقول على مستوى العالم العربي فقط بل على المستوى العالمي حيث تم تشويه كل ما هو إسلامي حتى وصم بالأرهاب كل من تمسك أو التزم بسنة الرسول صلى الله عليه وسلم سواء الشكلية أو القولية أو الفعلية في حين أن من إلتزم تقليد الغرب الحضاري بالتحضر والثقافة والوعي.... فعليا هذا ما يطلق عليه ثقافة المهزوم وهو شئ منطقي حدوثه....ولكن من غير المنطقي استمراره في ظل التغيرات التي تضرب في أركان الكرة الأرضية خاصة بداية النهاية للنموذج الثقافي والإقتصادي الغربي...فمن الناحية الثقافية في كثير من المواقف كشفت حقيقة الغلاف المزيف للحضارة الغربية التي تهتم بحقوق الإنسان الغربي فهم إن جرح أو أهين شخص منهم خاصة لو كان من شخص مسلم أقاموا الدنيا ولم يقعدوها أو لو أصيب أحد كلابهم بنوبة قلبية أقاموا له عملية جراحية دقيقة تبث على الهواء ويتابعها الملايين أما إذا استبيحت أوطاننا وقتل الملايين فمسألة فيها نظر وإذا استبد حكامنا أصبح تطبيق الديمقراطية عندنا مسألة غير ضرورية بل خطيرة ويجب تجنبها إذا أنتجت هذه الديمقراطية إختيارا شعبيا لأشخاص مرجعيتهم إسلامية ( تركيا أيام نجم الدين أربكان ،الجزائر أيام فوز جبهة الإنقاذ ،غزة أيام فوز حماس ) أما من الناحية الإقتصادية فالغرب مقبل على إفلاس حقيقي....وعلماؤهم الإقتصاديون كثير منهم نادى بتطبيق النظام الإقتصادي الإسلامي ( الفائدة = 0% ) ولكن نحن مازلنا مصرون على تطبيق النموذج الرأسمالي بحذافيره وبالتالي سنقع في نفس أخطائهم بحذافيرها (إفلاس الكثير من بنوكهم سيؤدي بالتبعية إلى ضياع الكثير من مقدرات الأمة المودعة في هذه البنوك كما أن إرتباط الكثير من عملات المنطقة بالدولار سيؤدي إلى موجات ضارة من التضخم وإنهيار قيمة العملات المحلية) في الحقيقة لقد جربنا في منطقتنا العربية حلولا وأنظمة كثيرة بدءا بالقومية العربية والإشتراكية والشيوعية والرأسمالية مرورا بأنظمة أخذت الغلاف الإسلامي....نعم الغلاف...بدون ذكر أسماء يوجد بلدان طبقت الشريعة الإسلامية في كثير من أمورها وليس في الأمر كله (وهي أفضل من غيرها) ولكن لا يستقيم الأمر كذلك فكانت التجربة تشوبها الكثير مما لا يعد نموذجا يحتذى به فالدولة التي تدعي أنها تطبق الشريعة فتطبقها على الضعيف وإذا سرق أو أجرم الشريف تختفي هذه الشريعة هو تطبيق منقوص وكذلك إذا تم لي عنق الكثير من الأحكام والنصوص لتوافق رأي الحكام فهذا شئ بعيد تمام البعد عن النموذج الذي يحتذى به إذا ما الحل.........!! الحل في رأيي أن نقيم دولة تقوم أولاً على العدل والحرية فهما أساس أي حكم ثم التكافل الإجتماعي وأن تكون القوانين منبعها من مما تعارف عليه الأغلبية على ألا يقوم بظلم أي أقلية أو يضطهدها أياً كان دينها حتى لو كانت ملحدة..... وبما أننا في دولة أغلبية السكان فيها من المسلمون فمن الطبيعي أن تكون التشريعات مصدرها هو ما توافق وأجمع وتعارف عليه أغلبية سكان هذا القطر وهو الإسلام...وإذا كان مصدرها غير ذلك فهو مناف لما يدعو له دعاة الديموقراطية... ثم هناك دائما شيئا يدعوني للإستغراب ففي الوقت الذي يعترف به غيرنا أنه أخذ الكثير منا وطبقه بنجاح عنده كما أخذنا الكثير منهم وفشل تطبيقه عندنا ومازلنا نحاول تطبيقه... نحن للأسف يوجد عندنا طبع غريب فعندما نقوم بشراء موبايل فإننا نقوم بتشغيله على الفور والبدأ بسؤال الأصدقاء والخبراء عن كيفية استعماله....في حين أن المصنع قام بطابعة كتيب به كل شئ عنه حتى كيفية إصلاح بعض الأعطاب البسيطة.... فكذلك نحن البشر صنعنا الخالق وأرسلنا إلى الأرض وأرسل إلينا الكتب وآخرها القرآن الكريم...فما نقوم به فعليا أننا نترك إرشادات الصانع لنهيم على وجوهنا لنبحث عن حلول في حين أن الحل بين أيدينا !!

نزلت مصر و انا حامل في مريم و انا في الشهر السابع و كان المفروض اننا ناخد معانا تقرير طبي ان الحالة تسمح بركوب الطيارة المهم الدكتورة اللي كنت متابعة معاها سافرت مصر و ما عملتش انا التقرير دا و قولت عادي يعني و ربنا هايستر و اتوكلنا على الله طلعنا على المطار و احنا واقفين بنوزن الشنط الراجل اللي على الكاونتر شايفني واقفة بقى و بطني طبعا باينة قام سأل جوزي قاله هي المدام حامل جوزي بصلي كده كأنه بيشوفني يعني و بص للراجل تاني و قاله لأ و جالي قالي ادراي بقى بدل ما نتفضح و يقولوا تقرير و ما تقريرش حطيت شنطة ايدي على بطني و الحمدلله خلصنا و دخلت بقى على الجوازات و من بعدها التفتيش النسائي سبحان الله عديت من برة من غير ما ادخل و ما حدش قالي تعالي هنا للكشف زي ما بيحصل عادة و فعلا ربنا سترها و ما حدش عملنا حاجه بس بقيت مكسوفة اوي يعني ايه جوزي يقول للراجل مش حامل امال مالي يعني واكلة كرنب :blink:

تنتابني الغبطة الشديدة تجاه ليبيا وثورتها الأن بعد أن كانت احساسي تجاه ليبيا بالشفقة قبل ايام سابقة فعلى الرغم من حجم الدمار الشديد الذي حدث فى ليبيا وحجم القتلي ( الله يرحمهم ), والاعداد الكبيرة للاجئين ولكن ثوار ليبيا بدخولهم طرابلس أمس , وسيطرة المجلس الانتقالي على الحكم فى كل المدن الليبية تقريبا يكونوا بذلك قد قاموا بتطهير حقيقي وقوي ( وكنسوا كل القاذورات ) , ونستطيع القول أن ثورتهم قد نجحت نجاحا حقيقيا وتولت أمور الحكم فى البلاد , ولن يزعجهم ويعكر صفوهم ( لا فلول ولا أذناب نظام ) كما نرى فى مصر وتونس فما حدث فى مصر وتونس فى اعتقادي هو أنه تم الخضوع لرغبة الشعوب مبكرا وذلك بهدف الحفاظ على حد ادنى من النظام السابق والحيلولة دون انهياره بالكامل وحدوث تغير حقيقي ينتج عنه ان تتولى الثورة دفة الحكم فى البلاد ويوما عن يوم يزداد يقيني ان مصر يتم ادارتها بنفس طريقة ما قبل ثورة 25 يناير وترسخ اليقين عندي أكثر وأكثر عندما رأيت اسلوب ادارة الازمة الاخيرة مع اسرائيل , فلقد رأيت نفس طريقة مبارك التي تعتمد على امتصاص غضب الشعب دون اتخاذ قرارات حقيقية على الأرض مبروك لليبيا ثورتها المظفرة

الفيلم روعه بجد ,, من تصميم مكتب امريكي متعامل مع دار الهندسة الاستشاري الخاص بمشروع خادم الحرمين الملك عبد الله بن عبد العزيز لتوسعة المسجد الحرام والعناصر المرتبطة بها http://www.youtube.com/watch?v=4-AfunY7rME

تستخلص الشعوب حكمة السنين العديده،وتودعها مستودعات شتى، للحفاظ على ما اكتسبته من خبرات عبر تجاربها الطويله، والمريره غالبا. وما اظنه هو ان الغايه من ذلك ليست تحنيط هذه الخبرات وتعاطيها بوصفها مجموعة من المواعظ المعلبه،والأفكار التي انتهت صلاحيتها، ولم تعد صالحه للاستعمال الآدمي. وإنما الهدف من اختزان الخبره فيما اظن، هو الحفاظ على خبرة الشعوب، ونقلها للأجيال القادمه للإفاده منها والإضافه إليها في آن معا. والأمثال الشعبيه واحده من الطُرق العديده التي تلخص حكمه البشر عبر الأجيال المتعاقبه والتي يلجأون إليها فيما يمرون به من مواقف شبيهه بتجارب اسلافهم. وفي هذه المكاشفه، سأحاول ان اتناول بالتحليل بعض الأمثال الشعبية،بهدف إلقاء الضوء عليها والإفادة منها فيما نمر به من موقف حياتي، هو في ظني بالغ الحرج. الشر المطلق: "سُئل الغراب لماذا تخطف الصابونة ؟؟ لا انت سوف تأكلها ولا انت ستتنظف بها. قال: الأذيه طبعي !" وهو مثل يستخدم لتوصيف اولئك الأشخاص الذين يقترفون الشر، لا يبغون من ورائه شيئا سوى الشر ذاته؛ فهو إذن الشر من اجل الشر، أي الشر المطلق. وهو احط درجات الشر واشدها خسة. فإذا رأيت شخصا يجعل من إيذاء الآخرين، او محاولة إيذائهم، هدفاً شخصياً لا يحيد عنه، فقل له : ليه يا غراب ؟ حماقه ! To cut off your nose to spite your face وترجمته الحرفيه: ان يقطع الشخص انفه ليغيظ وجهه !! ويستخدم لتوصيف احمق يحاول إيذاء الآخرين فلا يؤذي سوى نفسه؛ حيث يفطن الآخرون غالباا لأغراضه غير الشريفه، فيمضون في طريقهم محققين اهدافهم، ولا يجني الأحمق عندئذ إلا إهدار طاقاته فيما لا يفيده، ولا يضر بالآخرين. فإذا رأيت من يُسخر إمكاناته، الهزيله غالباً، من اجل تعطيلك عن فروضك او واجباتك او طموحاتك مثلاً، فواصل كفاحك غير عابئ به ولا ملتفت إليه، ودعه يهدر طاقته بدلاً من استثمارها في تحسين وضعه، وقل في وصفه : He is cutting off his nose to spite his face معايره ! The pot calling the kettle black ومعناها حرفيا: "الحله تقول للبراد يا اسود!" وهو ما يقابل في ثقافتنا: "لا تعايرني ولا اعايرك" فالـ"براد" والـ"حلة" كلاهما يوضع على النار، وكلاهما يغطيه السخام! فإذا رأيت شخصين او جماعتين تعيشان في "حفره" حضارية واحده، ورغم ذلك تتعايران، فقل لهما: Each kettle black infect تعاون: cooperate "القفه ام ودنين يشيلوها اتنين." ويستخدم لحث الجماعه التي تعيش ازمه مشتركه على التعاون فيما بينها، لتجاوز هذه الأزمه. فثقل القفه في المثل هو الأزمه التي تعانيها الجماعة (الاتنين) . وحيث إن القفه لها (ودنين)، فيجب على (الاتنين)، وهما طرفا الأزمه ان يتعاونا في حملها. وليس ذلك بهدف التجريح، وإنما بهدف الحث على التعاون معاً لتجاوز ما قد يعوق تقدم مسيرتنا.

من المستندات التي تؤرخ للثورة المصرية في 25يناير وتضيف إلى جهود من يكتبون أحداثها وتاريخ فعالياتها صورة لمنشور تم توزيعه بمناطق محرم بك بمحافظة الإسكندرية الساحلية المصرية أثناء أحداث الثورة في الفترة ما بين 28يناير وحتى 11فبراير (فترة الانفلات الأمني). يضم المنشور أرقام هواتف (مشايخ) يمكن الاتصال بهم لمن يرغب في الاشتراك في اللجان الشعبية في حي محرم بك الشعبي السكندري (مع الإشارة إلى مسجد "سلفي" كمقر لإدارة الحماية الشعبية). الأرقام أيضا كانت للتواصل و الإبلاغ عن حالات النهب أو السرقة (والتي لم تحدث بفضل الله). هدف اللجان الشعبية كما يوضح المنشور أدناه هو حماية الديار والأموال وكذلك حماية الكنائس. الطريف أن ثلاثة من الشيوخ (أو المشايخ) كانت أرقام هواتفهم تابعة لشركة موبينيل التابعة لرجل الأعمال المسيحي نجيب ساويرس، وهو ما ينفي أية ادعاءات عن الشعب المصري بأنه يتصرف بدوافع عنصرية أو طائفية.

منقول اهداء لكل ابناء تلك المحافظه الجميله من حفكم ان تفتخروا بان هؤلاء الابطال من محافظتكم و بانكم من محافظه هؤلاء الابطال

الحمدلله على السلامة ...ربنا قدر ولطف ...والحديد يتعوض اما البني ادم لا ...كل ابتلاء من الله باجر ..فالصبر عند المصائب ..له اجر كبير ما بالك وانت صايم ...ربنا يعوضك خير ...

up عشان الحبايب

صحيح التعبير عن الحب بشكل دائم بيؤدي الى نتيجة عكسية أما الثرثرة، فهي في حد ذاتها نوع من انواع التعبير عن الحب وهذا لا يعني ان الانسان ( أي إانسان ) لا يحب أن يتم التعبير له عن الحب أو الاعجاب بالعكس تماماً، فالانسان يعشق ذلك، لانه بطبيعته يحتاج ذلك. ولكن سيحتاج ذلك فقط الى ان يتم الإكتفاء منه ويشعر أنه لم يعد يحتاج الى التعبير عن الحب من قبل الآخر. وللحفاظ على الحب من الطرف الآخر، يجب الإحتفاظ بالطرف الآخر في حاجة الى الشعور بالحب. وهذا يعني أنه يجب أن يرى شكل هذا الحب وبأجمل صورة يتوقعها، ولكن يجب أن يعطى له على هيئة جرعات لا يكون الفاصل بينها ما يمكن وصفه بأنه مناقض لتلك الهيئة من الحب.

الف حمدلله على سلامة حضرتك قدر و لطف و فداك اي حاجه تتعوض المهم انك ترجع لبيتك و عيلتك بالسلامة مش مهم العربية ربنا يعوضك و مش مهم الفلوس ربنا يرزقك الاهم رجوعك بيتك بالسلامة و الاهم انك الحمدلله بخير كل حاجه تانية بقى غير كده مالهاش اهمية و الله

الحمد لله على سلامة حضرتك فدا حضرتك العربية والفلوس يا فندم ليس كل ما يصيبنا يكون بذنوبنا و ليس كل ما يحدث لنا ابتلاء او اختبارا هناك أقدار طيبة و أخرى سيئة تدور حولنا و ربنا عز وجل هو وحده من يحمينا من سوء القضاء تفاءل فالمؤكد ان القدر كان أبشع كثيرا و لكن الله تعالى لطف بحضرتك تعوذ دوما من سوء القضاء و درك الشقاء فالدعاء يرد القدر و يغيّره يبدو ان حضرتك كنت راضي والدتك و كان معك بركة دعاها مرة أخرى الحمد لله على السلامة

شكرا لك يا عبير ..انا هنا كما ترين ..لا يمكننى أن ابتعد كثيرا كل عام وأنتى بخير

الريح ودمى وقمة الجبل !! كان هذا المشهد أقل ما يمكن أن تتمثله الواقعة أو الوقيعة .. الريح ودمانا وقمة الجبل ..!! فى نظرى ..وبرغم الأحداث الجسام .. والليال العضال التى هددتنا فيه الريح بالسقوط كانت الريح بنوايا طيبة !! وكنا نحن أكثر قوة من قمة الهاوية ودوامتها المجنونة.. لم تغدو الغواية كلها لحظتها سوى سباحة لم تكن موفقة مع حجم التيار فى وقتها فقط وليس طول الوقت ولا أى وقت يا أثر الطائر فمجرى الحب جارف .. لا يتوقف ولا ينضب أو يجف مجرى الحب لا يملك تغيير مساره الحب يكتمل يكتمل ..الحب يزيد وينهمر ولكن المعدل فقط قد يعلو ويفيض أو يهبط ويهدأ ولكنه متجدد على الدوام وحى هى تمارين .. فى نظرى لم تكن سوى تمارين للحب تسرى فى شرايين العشق دم دم متجدد ومتحرر .. دم هو خيانة لكل رتابة أو جاهزية ولكل ضجر أو ملل ومن ثم يعاود المجرى الامتلاء والفيض كل مرة أعلى من سابقتها كل مرة أقوى وأكثر وضوحا وصفاء دليلا على أن التمارين بالفعل لم تكن سوى تغيير من دموية الحب وانعاشة مفاجئة لجعله كريما بين أقرانه ومتفردا فلا خوف علينا وعليه ولا أثم وليحيا الحب فى كل المواقف ..

أهلا أهلا بعودتك يا عشتار الجميلة بربكِ لا تغيبي ثانية

نعم يا اخى تقريبا النظام السابق باركانة انتهى و لكن الخوف كل الخوف من استبدال ديكتاتور باحتلال اجنبى فطبعا ضربات الناتو لم تكن لوجه الله و لكن لاغراض مستقبلية غدا سنراها.... ربنا يستر .

دائما أحمد الله سبحانه وتعالى أن جعل بيته الحرام فى المملكة العربية السعودية فالاخوة فى السعودية ولله الحمد يعتنون ببيت الله الحرام عناية كاملة , ولا يبخلون فى الانفاق عليه ببذخ لكي يظهر فى أروع صورة وهو شىء لا نشكرهم عليه لانه واجب وخدمة بيت الله وضيوفه هو تكليف وليس منة ولا تشريف ولكنها كلمة حق يجب ان تقال

يحكى أن ملك أمر بتجويع 10 كلاب لكي يضع كل وزير يخطئ معها في السجن بعد مدة قام احد الوزراء باعطاء رأي خاطئ للملك , فامر برميه للكلاب فقال له الوزير انا خدمتك 10 سنوات وتعمل بي هكذاوطلب من الملك ان يمهله 10 ايام فوافق الملك على ذلك ذهب الوزير الي حارس الكلاب فقال له أريد ان أخدم الكلاب فقط لمدة 10 ايام فقال له الحارس وماذا تستفيد فقال له الوزير سوف اخبرك بالامرمستقبلا فقال له الحارس لك ذلك فقام الوزير بالاعتناء بالكلاب واطعامهم وتغسيلهم وتوفير لهم جميع سبل الراحه وبعد مرور 10 ايام جاء تنفيذ الحكم بالوزير وزج به في السجن مع الكلاب والملك ينظر اليه والحاشيه فاستغرب الملك مما رآه وهو ان الكلاب جائعة وتناظر تحت قدميه فقال له الملك ماذا فعلت للكلاب ؟؟ فقال له الوزير خدمت هذه الكلاب 10 ايام فلم تنسى الكلاب هذه الخدمه وانت خدمتك 10 سنوات فنسيت كل ذلك طأطأ الملك راسه وامر بالاعفاء عنه ================================== اهداء لــ نأكرين المعروف والذين يكرهونك من أول خطأ وينسون كل الذي فعلته من اجلهم

قد نضيق ذرعا بكل ما بين أيدينا و لا نعد نرغبه و لا نريد منه شيئا بكل ما يشمل من عطايا و مزايا مقابل رغبتنا في شيء واحد فقط و للعجب فقد يكون ذلك الشيء في كثير من الأحيان لا يستحق كل هذا العناء!!!! و قد يكون يستحق و بشدة لا أحد يمكنه تقييم ذلك سوى الشخص نفسه إنها النفس البشرية الغريبة جدا جدا جدا في تحديدها لأولوياتها من احتياجاتها

الله يسامحكم......قلبى وجعنى من كتر الضحك. مابين ريمو اللى واكلة كرمب وباينة كأنها حامل ( وهى حامل ف سبع شهور ) وبين ..حنظلة اللى قال للظابط .دى مراتى اللى عملت كدة والسكينة عليها بصماتها واعتبرنى خلاص طلقتها...!! مش ممكن بجدددد انا حصللى موقف مماثل لسا مفيش كام شهر ... سافرت مصر ف ظروف يعنى ...كام يوم فقط. ومحدش يسألنى..امانة عليكم ماحد يسألنى.. انا بسافر من سنة 76 ... ومش محتاجة لا اشيل حاجات كتير لارايح ولا جاى ...يعنى عيشتى مستتبة بدون شيل ونقلان .. محدش يسألنى ....ليييييييييييييه حطيت المقص الجديد اللى كنت شارياه ف مصر وعلشان مصر.....كنت عايزاه للسمك وف الآخر مفتحتهوش ومعملتش سمك. بس... المهم ....كان موجود برضه...على الوش ..ف شنطتى وانا راجعة هنا.. ههههههههههه كل ما افتكر ...... طبعااااااااااا.....ده حصل ف مطار اسكندرية .....برضه الظابط بص لى بكل احترام الصراحة ....احترام وتوجس.. وقاللى .. ممكن ياحاجة لو سمحتى تفتحى لنا الشنطة دى ؟؟؟ قلت له طبعاااااااا ده حقك...ليه هو فيه حاجة ؟؟؟ قاللى ..لالالالا..بس حضرتك افتحى لنا الشنطة ....وبدأ يلاغى زميله بالنظرات . وفتحت الشنطة ... وانا بقى اللى جت لى هستيريا الضحك...بس هستيريا يعنى هستيريا بجددددد. قلت له طبعااا حضرتك واثق انى مش متخلفة علشان اشيل مقص بيورو واحد...من هنا لهناك؟؟؟؟؟؟؟؟؟؟؟ واااااضحك.. ومش قادرة اسكت... الراجل بقى مش عارف يكتم الضحك وانا بقول له ...باين عليا بعمل دعاية لفتح الله... اصل الكيس كان فيه المقص .وانا بحضر حاجتى ف الشنطة ومستعجلة ف آخر وقت رحت جمعت كل الأكياس اللى لقيتها موجودة جنب الشنطة وحطيتها ف الشنطة .ماهو اصل انا بحب يعنى اضع كل حاجة لوحدها ف كيس ...داء وحش يعنى ..مش بحب احضر الشنطة كدة يعنى يبان اى شئ ...كل حاجة من ملابسى ف كيس وحاجاتى الشخصية وكله.. كل ما افتكر ..... فضلت اقول له وانا بقفل الشنطة ... .امانة عليك اوعى تظن اى ظن سئ ..يعنى كنت حاعمل ايه بمقص ف شنطة حاتتشحن؟؟؟ بقى يضحك... بس الصراحة يعنى كنت مكسوفة جداااااااااا.. ده انا ليا نوادر مع التفتيش ف المطار ... عايزة مجلدات يعنى . مساء الرضا... :clappingrose:

http://www.youtube.com/watch?v=Gj5jq0z0QWQ&feature=youtube_gdata_player

المقال ده بانقله عشان خاطر سين سين وعنبو .. وباقي الشراقوة المحترمين عشان مانساش حد

هي معجزه إني أشوف بلدي ماشيه في الطريق الصح ؟ معجزه إني أشوف كل حاجه فيها أو حتى أغلب ما فيها بيتطور ؟ معجزه إني بكل المميزات اللي في مصر و بكل المميزات اللي في المصريين أشوفها قربت توصل أو ماشيه في طريق يوصلها لمكانة تركيا مثلاً ؟ و حتى لو مطلوب معجزه .. هي الثوره اللي الشعب عملها دي أقل من المعجزه ؟ يبقى في حاجه غلط .. مادام عملت المعجزه و ماشوفتش إعجاز يبقى في حاجه غلط حاجه لازم أعرفها علشان اقدر اتعامل معاها و لااااازم اتعامل معاها علشان اوصل للهدف أو بقى في حل تاني و هو اني اتنازل عن الهدف ده و انساه و اريح دماغي يا أتعامل .. يا أتنازل أنا طبعاً عارفه إن فكرة التنازل عن الهدف دي مش وارده .. حتى لو حبينا نعملها مش هنقدر .. و لو قدرنا دم الأف شهيد شهداء الثوره هيمنعنا طيب يبقى فاضل خيار واحد .. نتعامل إزاي ؟ مطلوب نعمل إيه ؟نلحق الثوره قبل ما تضيع من إيدنا إزاي ؟

المآء وَ الهوآء أرخصَ الاشيآء على هذآ آلكوكبَ , و أغلاهآ ايضَاً فكروَا بَـــــ أنفسكمَ , و تلفتو حولكمَ .. ستكتشفونَ أن لديكمَ آلكثير من الأشياءَ الثمينَه التي تظنونَ أنهآ رخيصة ؛ و لكنهآ غآليه جداً ؛ مشكلتنآ أننآ لَا ننتبه - ولا نحتفي - بَـــــ الأشياء التي بين آيدينآ ! لأننآ مشغولونَ بَ الاشياء , التي بين أيدي الآخرين لــ محمد الرطيان

يجب ان نقر ونعترف أن إختيار الثوار للدكتور عصام شرف جانبه الصواب تماما دكتور عصام شرف الكل يشهد له بالنزاهة ونظافة اليد واللسان , ولكن هذا غير كافي لرئيس وزارء حكومة ثورية رئيس وزراء حكومة ثورية يجب أن يتميز بقوة الشخصية وبالقدرة على فرض مبادىء الثورة التي أتت به على كل مؤسسات الدولة وأسوا شىء ملحوظ منذ تولي الدكتور عصام شرف المسئولية هو التردد فى التصرف ,كما نلاحظ عليه إتخاذ القرار ثم الرجوع فيه بين يوم وليلة وهذا شىء سلبي جدا فى أى رئيس حكومة , ويجعل الناس تفقد الثقة فيه , وعندما يسود مناخ من عدم الثقة من الشعب تجاه رئيس الوزراء فذلك يعني عدم الاستقرار دكتور عصام شرف هو رجل أتى به الشعب المصري ,أى انه لا فضل لأحدا عليه , لذلك كان من المفترض ان يكون أقوي وأجرأ فى القرارات الاصلاحية وفى مواجهة فلول النظام مستمدا قوته من الشعب . قد يقول قائل : الرجل يحاول ولكن الأمور أكبر منه أو انه يتعرض لضغوط ؟ نقول له فى هذه الحالة كان المفترض ان يتقدم باستقالة فورية يوجهها للشعب المصري يقول فيها أن هناك معوقات تمنعه من تحقيق اهداف الشعب المصري وطموحاته التي كلفه بها , وانه احتراما لهذا الشعب فإنه يستقيل , وقتها الكل سيرفع الدكتور عصام شرف فوق الاعناق . والقشة التي قصمت ظهر البعير كانت احداث الحدود الاخيرة ورد فعل الحكومة تجاهها , فقد شعرنا أن مبارك مازال يدير مصر , فقد رأينا نفس الاسلوب في اللعب على عامل الوقت وأن الشعب سينسي , ونفس الاسلوب فى المهادنة مع الخارج بشكل عام واسرائيل بشكل خاص على حساب مصر وكرامتها وكرامة مواطنيها وذلك تحت مسمى ( الحكمة فى التصرف ) الله يتولانا برحمته

اعشق القاهره و اهوى التسكع فى دروبها ليلا القاهره اجمل ما تكون فى الليل.كعروس متزينه ليله الزفاف وانك لن يسعفك الوقت فى التمتع بالقاهره فالوقت ضيق و القاهره كبيره و جميله القاهره جميله و اجمل ما تكون فى الليل لها عبق خاص و اريج و سحر لا يقاوم وانا اسكن فى وسط العاصمه المعزيه بحيث انه لو كانت هناك دائره فسكنى بؤارتها سكنى فى حى المنيره الذى لا هو راقى و لا هو شعبي مختلط بين بين بينهما فى تناغم غريب و جميل يفصلنى عن حى جاردن ستى الراقى بفيلاته و قصوره المطله على النيل. شارع القصر العينى و تبعد البنايه التى اسكنها عن النيل 200 مترا و رغم هذا فأن بنايتى تطل مباشره عليه و لو من بعيد...؟ نتواعد انا و اصدقائى ليله الخميس من اخر كل شهر و نمضى الليل سويا فى السمر و التسكع فى احياء القاهره المختلفه .نتقابل فى جراج المول الكبير. يصف كل منا سيارته و نركب مع /عادل.في سيارته البيجو 505 هى الوحيده بصالونها الكبير القادره على استيعابنا نحن الخمسه افراد. نتشاور كيف سنمضى السهره و بماذا نبتدئ و بعد سيجال نتفق على ان نبدأها فى النيل.نركب فى مركب شراعى(فلوكه)يتهادى على صفحه النيل و بين ضفتيه.المياه تنساب كما شريان الحياه بالنسبه الى المصرين. و على صوت كوكب الشرق ام كلثوم.نروح نتسامر و نتضاحك و فى كل منا ماده جاذبه للاخر للسخريه منه و الضحك عليه. (منير)بدين جدا و نطلق عليه(رخا)من شده تراخى لحمه على جسده (عادل) طويل جدا و نطلق عليه(ابو ظريفه) (خالد)ذا كرش كبير و يحب الاكل بنهم و نطلق عليه(الاكيل) (سعيد)رفيع جدا و نطلق عليه بسكويته او (رفيع بيه) (بهاء) هو العازب الوحيد فى شلتنا و ندعوه(نون)لان امه كانت تدعوه كذلك تيمنا بالايه الكريمه(نون و القلم و ما يسطرون)خوفا عليه من الحسد. مازال الشراع مفرود و المركب تتهادى بين ضفتى النيل و ام كلثوم تغرد (انت فين و الحب فين) منير يشرب بنهم السيجاره و كأنه يأكلها و عندما فرغ منها القاها مباشره فى النيل بهاء..خللى سلوكك حضارى و حافظ على ميه النيل دى نعمه منير..يعنى هى جت عليا ووقفت عادل..هو كل حاجه بقت نظيفه و فاضل النيل بهاء..يا ابو جهل منك له الميه فى الخليج اغلى من البنزين (خالد)..علشان كده هما اغنياء بهاء..و الله ما انت فاهم حاجه انت و هو سعيد..و مين قال لك ان احنا بنفهم اصلا عادل..هو احنا لو بنفهم كنا صاحبناك اضحك و يضحكون و تنتهى رحلتنا النيليه. و نتشاور من جديد ماذا سوف نتعشى و اين سعيد..نتعشى سمك عند ابو حجر فى الجيزه منير..مشوى يعنى مشوى خالد..عند ابو رامى فى السيده عادل.. و انا موافق بهاء يعنى جت لحد عندى ووقفت موافق الان اصبحنا اربع ضد واحد يبق مشوى نخترق بالسياره حى جاردن ستى و عبره حى المنيره الى السيده و عند ابو رامى راح كلٌ منا يطلب اللحم المقدد على الفحم و الكفته و الفته الا انا فقد طلبت فراخ شوايه.. سعيد..فراخ اشمعنا انت الى فرخ ما تاكل زينا منير..اصله بيحافظ على صحته عادل..بيخاف من الكلوسترول خالد..و بيحافظ على صحته ليه ان شاء الله سعيد..علشان يتجوز منير..ودى مين دى الى ترضى بيه يا عم ده مغرور عادل.. حقا دى تبقى امها داعيه عليها سعيد..جبلك واحده صينى من السوبر ماركت خالد..ياعم دا مره راح يخطب واحده قالت له ما خدش العجوز انا منير..امال بيصرف فلوسه فين عادل.. على اللبس و القطه سعيد..مش شايف البدله من بيير كاردان. و القميص من كرستن ديوور.و الجزمه من لى فايز منير..طيب و القط منين بهاء..يا ابو جهل انت وهو طب ما انتوا متجوزين هربانين ليه فى ليله مفترجه زى دى. اضحك و يضحكون و تدور الدائره تراها على من هذه المره خالد..بعد ان فرغ من طعامه..الحقونى هموت الاكل واقف هنا هه مشيرا الى حنجرته و نشير عليه اشرب كولا .مش قادر بقلك الاكل لحد هنا مشيرا الى حنجرته مره اخرى و هنا تكون مدتنا الجديده للضحك و التهكم و السخريه . اضحك و يضحكون و اعرف ان الدائره ستدور على واحدا منهم عما قليل و سط الضحكات و السخريه بعضنا لبعض نكمل العشاء و ننتقل الى مكان اخر نمضى به بقيه السهره عادل..الى اين يا شباب. شباب مين الى اين يا عجوز انت و هو منير.. الى الحسين طبعا خالد..يبقى قهوه الفيشاوى سعيد..ريش فى وسط البلد احسن بهاء..الحسين انتم ما زهقتوش من وسط البلد الحسين نجتمع عليه.. يدير..عادل..مقود السياره متوجها بنا الى الحسين عبر احياء الخليفه و الدرب الاحمر حى الحسين من احياء القاهره الفاطميه يزهو بمساجده و بناياته التى تعود الى العصر العباسي نصل الى قهوه الفيشاوى و نكمل سمرنا و ضحكنا و نحن نتناول الشاى و السحلب و النرجيله (الشيشه) التفاح و يضحك كلانا على الاخر و يسخر منه الى ان يؤزن لصلاه الفجر فنصلى فى مسجد سيدنا (الحسين) ثم نعود الى المول الكبير و على وعد بلقاء يشعل كلٌ منا محرك سيارته يقود فى اتجاه مغاير على امل ان تسنح لنا الفرصه لتكرار تلك الامسيه الجميله فلا يعرف احد منا ماذا يخبئ غدا.او اين سيكون...؟؟ __________________

امثال ياه افتقدتها كثيرا بعد وفاة جدى لامى رحمه الله فقد كنت اتعلم منه الكثير مثل احذر عدوك مرة و احذر صديقك الف مرة .. فلربما انقلب الصديق عدوا ........ فكان اعلم بالمضرة تحياتى

يا اخى حرام عليك احنا فى شهر رمضان ايه كميه السباب والاهانه لشخص مش موجوده بالطريقه دى دى مش طريقه عرض موضوع ولا عرض مشكله ابدا حرام عليك بجد وحق الراجل اللى انت اهنته فى غيابه فى رقبتك ليوم الدين

لأنه لا منطقة وسطى في الحب فإما أن تحب و إما لا إما أن تثق و إما لا لا ألوان رمادية و لا إجابات مائعة مراوغة و حين يفضل الغربي الدفاع عن حريته لآخر نفس ولآخرلحظة قبل أن يتقيد بمحبوبته يتميز الرجل الشرقي بالشجاعة و الجسارة و الإقدام

إذا وجدت فتاة جميلة و عاقلة و ذكية و ملمة بأشغال البيت و ليست مادية، و متواضعة و مثقفة و حنونة و صبورة و تقبل تسكن مع أمك. . . . الرجاء إحضارها حالا الى المحمية الطبيعية للحفاظ على التراث النسوي لان هذه الفصيلة نادرة جدا و مهددة بالانقراض

رسالة الى بشار الأســــــد : واحد خلع والتانى أتخلع والتالت أتحرق والرابع أتزنق.. انت ناوى يتعمل فيك اييييييه

لا حول و لا قوه إلا بالله .. شكلي دخلت مكان غلط و لا اية .. :sofa: اللهم إجعل كلامنا خفيف عليهم ، سلامو عليكو bag):

وأنا بدوري أشكر زميلنا الفاضل أثر الطائر أن كان سببا لعودة حضرتك يا بنت يا مصرية و منتظرين منكِ انعاشة لباب الأدب يا غاليتي

هحكيلكم انا موقف صغير كدا على الماشى لكن لسه فى حكايات كتير فى مره من المرات و احنا مسافرين بيمرورا الشنط على جهاز الكشف و بعدين فجاه الظابط الى قاعد وشه اتغير و قال افتح الشنطه بسرعه احنا بصراحه اتكهربنا هو فى ايه هى الشنطه ملها فيها ايه المهم جوزى راح يفتح له الشنطه قاله لا مش انت الى تفتحها و خلى الراجل الى واقف على الجهاز هو الى يفتحها كل دا بعصبيه و لونه متغير خلى الدم جمد فى عروقنا المهم فتح الشنطه و انا الشنطه بتعب قوى فى توضيبها و قلب قلبها لانه عايز يوصل لحاجه محطوطه فى اخر الشنطه كل دا و احنا مش فاهمين فى ايه لغايه ما طلع علبه بلاستيك و فتحها الظابط و بعدين الاخ رجع عادى و طبيعى زى البشر مش متحول فى جوزى ساله فى ايه ليه دا كله العلبه احنا كنا حاطين فيها شرايط كاسيت واخدينها معانا لكن جوزى كان موقفها و مرصصها جنب بعضها علشان العلبه تاخد اكبر قدر من الشرايط فى الظابط لما شاف الصوره على الجهاز بانت له كانه شريط الطلقات دا عارفينه بتاع المدفع الرشاش فافتكر ان احنا حاطين فى الشنطه رصاص على اساس ان حتى الى عايز يهرب معاه رصاص هيحطه فى الشنطه بالشكل دا :closedeyes: يالله ربنا يسمحه نشف دمنا ساعتها على الفاضى المهم الموقف عدى على خير لكن اتحسرت على الشنطه الى معدش فيها حاجه واحده مرصوصه كله بقى عجينه :closedeyes: يالله اقابلكم فى موقف تانى

الولا عُمر .. كان مسافر مصر مع مامته وهو مقروض صغير ... من كام سنة كده وواخد الألعاب والحبشتكانات بتاعته معاه وجينا في مطار الرياض وفي الشنط الكبيرة اللي طالعه مع العفش وصاحبنا العسكور اللي بيفتش الشنط على جهاز الأشعة .. صمم أفتح شنطة كبيرة من دول فتحتها وراح مشاور على الطبنجة الـ 9 مللي بتاعت عُمر واللي بيغرقني بها مياه طول اليوم ... وراسه والف شوز المسدس ده ما يطلعش مع العفش يا عم ده مسدس ميه حتى بُص ... بخخخخ بخخخ .. وبخيت على وشه شويه يابا ده بلاستك يا عم ده طالع في العفش والله العظيم أبداً .. والواد يعيط ويتشال ويتهبد وخلاني أرجع بالطبنجة البيت .. وعُمر قضى أجازة زي النيلة لإنه ما بيفارقش سلاحه

توفير الحيـــــــــاه الكريمــــــــة .. 1- الوطن = الوطن المكان الذي تُحفظ فيه كرامتي و يكون فيه معاشي لُب و مضمون حلقة اليوم . 2- عجبتني أوي أوي أوي أوي الجملة دي :- سأل حكيم شخص عربي ما هي طموحاتك ؟؟ أجاب : يجد عملاً كويس ، يتزوج ، يخلف ، يملك بيت كويس قال له الحكيم أنا أسألك عن طموحاتك و ليس حقوقك !! ياعني بصراحة النموذج اللي شوفته اليوم فعلاً مُشجع ، شوفتم البيت في الأول كان عامل إزاي ؟؟ و بعد تطويرة بقا عامل إزاي ؟؟ شوفتوا الفرحه اللي إترسمت علي كل الموجودين في البيت ،، قال رسول الله صلى الله عليه وسلم : أحب الناس إلى الله أنفعهم للناس ، وأحب الأعمال إلى الله سرور تدخله على مسلم ، أو تكشف عنه كربة ، أو تقضي عنه دَيناً ، أو تطرد عنه جوعا ، ولئن أمشي مع أخ لي في حاجة أحبّ إلي من أن أعتكف في هذا المسجد شهراً - في مسجد المدينة - ومن كفّ غضبه ستر الله عورته ، ومن كظم غيظه ولو شاء أن يمضيه أمضاه ملأ الله قلبه رجاء يوم القيامة ، ومن مشى مع أخيه في حاجة حتى يثبتها له ثبّت الله قدمه يوم تزول الأقدام . صدق رسول الله صلي الله عليه و سلم . الناس دي حقها أنها تعيش حياه كريمة دي أبسط حقوقهم حقوق و ليس طموحات .. ياريت رجال الأعمال يساهموا في في تطوير الأحياء الفقيرة و العشوائيات الموجود بمصر ، الأمر لن يٌكلفك كثيراً مقارنه بأجرك و ثوابك عند الله .. كلنا يُحب الله ولكن أيّ مقارنة بين حب العبد لله وحب الله للعبد إنها خصوصية و مرتبة عاليه جعلها الله بعمل بسيط ولا يناله إلا من وفقه الله لذلك قال تعالى : (يختص برحمته من يشاء) .. كل الناس في كل بقاع العالم يؤيدون إدخال السرور في قلوب من حولهم ، ويعتبرونه عمل إيجابي رائع ،، لكن نحن كمسلمين لنا هدف إسلامي عالي فنحن لا ننتظر شكر الآخرين ، فنحن نقتدي بنبينا محمد صلى الله عليه وسلم حلقة فعلاً جميلة جداً .. شكرا دريم ع الإستمرار في إدراج حلقات البرنامج

اللي في دماغي هعملة برده ، البقـــــــاء للأقوي

من ناحية اول يوم تعمل ايه فمقدرش افيدك فيه لاني معرفش انت جاي على شغل على طول فاول يوم هتروح تلقي عليه نظره ولا جاي على فيزا فاول يوم تسلم على الناس قرايبك الي هنا وتوصيهم يدوروا معاك ولا جاي بر هتنام اول يوم لمده سنه ولا اثنين على ماترتاح ولا جاي جو ولا بحر .. الخلاصه حكايه اول يوم دي سيبها لاول يوم وخليها تمشي بظروفها .. بالنسبة لتجيب معاك ايه .. طبعا هتعمل حسابك انك مش نازل مصر باذن الله قبل سنتين في الغالب .. هتجيب معاك اكيد كل مايمكن ان يلزمك من مصر ومش هتقدر تجيبه خلال سنتين .. مبدئيا هات معاك على الاقل اكرمكم الله جوز جزم جديده .. الاحذية في مصر رائعه ورخيصة اوي مقارنة بهنا .. ده لو انت بتدور على الشياكه اما لو بتدور على اي حاجه عملية تمشي الحال كوتشي مثلا يبقى هات من هنا الحاجات الصيني مالية البلد .. يعني الكوتشيات ام عشرين تلاتين جنيه دي هنا ببلاش لكن الاحذية المحترمه اعتقد من مصر احسن .. هات معاك فوطتين .. .هنا ارخص لكن في مصر احسن مية مرة لا تقارن بهنا .. متكثرش قمصان خروج او تيشرتات هنا مالية البلد وارخص من مصر بس برضه هات معاك اثنين ثلاثه اكيد لزوم التغيير فيهم لغايه ماتعرف الاسواق والمحلات .. هات معاك ملابس داخليه جديده تكفيك سنتين لان بتاعت مصر احسن من هنا بكتير . برضه لازم يكون معاك بدلة على الاقل وكل ماكان شغلك في شركه او ماشابه هتحتاج بدل اكتر بس متكترش في البدايه لغايه ماتشوف الوضع هنا ايه .. هات جاكيت شتوي وبلوفر واحد على الاقل عشان تلبسه لما البرد يهجم فجأه على ماتلحق تشتري تاني .. لو عندك من الاول كذا واحد خلاص هاتهم لكن متشتريش جديد لان من هنا احسن واشيك .. بس برضه هتحتاج وقت على ماتعرف المحلات لان هنا في تفاوت رهيب في الاسعار والبضاعه غالبا وحده يعني نفس الصنف بنفس الماركه والموديل تلاقيه في محل مخفض بسعر وتلاقيه في محل تاني في حته راقية بسعر ثلاث او اربع اضعاف عادي جدا .. متجيبش بلاطي مثلا تقيلة اوي لان الشتا هنا مش زي بتاع مصر .. لو عندك اصلا واحد ومستخسره هاته بس غالبا مش هتحتاجه هنا .. برضه القمصان الصيفي الثقيلة متنفعش هنا لان حر هنا جهنم الحمرا يعني هات حاجه صيفي خفيفه وشتوي متوسطه وحاجه لما بين الفصول .. برضه تعمل حسابك لو ناوي تشتري في كل الاحوال يبقى متجيبش كتير او عندك كتير وملوش لزوم يبقى تجيب كل الي عندك وبرضه لو شغلتك في حته نائية مثلا مش محتاج لبس فراعي النقطه دي .. هات معاك مكواة للملابس برضه عشان تكوي هدومك .. هنا المغاسل ( المكوجية ) ماليين البلد وفي كل شارع وزاوية .. عاوز تغسل عندهم وتكوي ماشي عاوز تغسل وتكوي بنفسك ماشي شوف حسب اسلوب معيشتك وميزانيتك .. لو شغال في شركه ومش ناوي تبعت غسيلك برا متنساش تجيب معاك مكواه .. هات طبعا مستلزمات العناية الشخصية يعني فرشة الشعر , فرشة الاسنان , ادوات الحلاقة .. مقص اظافر.. الخ حط كل دول في شنطه صغيره او كيس لوحدهم وخليهم ضمن حاجتك .. هات سجاده صلاه .. هنا مالية الدنيا برضه بس على ماتشتري وحده هات معاك بتاعتك .. متجيبش معاك اكل هنا كل شيء .. ممكن تجيب معاك اكل يومين نواشف .. يعني مثلا بسكويت .. علبة جبن مثلثات .. كيس عيش .. علبة تونه ... الخ الحاجات البسيطه دي هات تموين يومين تلاته للطواريء على ماتعرف راسك من رجلك . . والهدف منها طبعا مش انك تاكل بقدر ماهو تفتكر مصر كل ماتبص لها وتعيط شويه .. هتجيب طبعا لبس تلبسه في البيت او السكن عباره عن ترنجين تلاته .. متشتريش جديد هنا احسن وارخص من مصر هات الي عندك على ماتجيب من هنا .. هات طبعا كل اوراقك اللازمه والغير لازمه .. وصورها كمان كل مستند صورتين تلاته او اربعه خمسه على حسب لو لسه هتدور على شغل .. كمان اعمل صور شخصية ليك اربعه في سته كتييييير وبخلفية بيضا .. هتحتاجها هنا كتير اوي فبدال ماتقعد تلف على الاستوديوهات هاتها معاك من مصر كمية افضل .. عندك لا قدر الله ادوية بتتناولها بانتظام متنساش تجيب معاك كمية تكفيك شهرين تلاته قدام لغايه ماتلاقي بديل او تتصرف لان مش كل الادوية موجوده هنا في لها بدائل احيانا واحيانا موجوده بس صناعه تانية وسعرها برضه احيانا بيكون فرق كبير جدا عن الي في مصر . هات معاك نوته فيها كل ارقام تليفونات الناس الي تهمك في مصر محدش عارف يمكن تحتاجها .. برضه هات اكيد ارقام الناس الي تعرفهم هنا واجب برضه تسلم عليهم من وقت للتاني . هات مصحف صغير تقرأ فيه . كل ماسبق مجرد امثله لما يمكن ان تحضره معاك ومالايلزم انك تتعب نفسك وتشيله .. فانت قرر وفقا للوضع الي انت جاي عليه والعيشه الي متعود تعيشها في مصر وهات مايلزمك ويكفيك لمده سنتين باذن الله واترك ماقد لا تحتاجه عشان ميكونش معاك وزن زايد يضايقك وانت راجع .. بالنسبة للجو حاليا في الرياض هو ربيعي بس مش زي ربيع مصر طبعا .. ربيعي هنا يعني زي ايام الصيف في مصر لما يبقى الجو حلو .. يعني مصيفين حاليا ولابسين نص كم في البيت بس بيقلب الجو ساعات بس اكيد مش بنلبس صوف خلاص وعن نفسي شلت اللبس الشتوي خلاص .. اعتقد الجو في مصر لسه بيميل للبروده .. هنا لسه مبنشغلش التكييف احيانا بس اليومين الجايين غالبا هنبدأ نعتمد عليه ..

الفاضلة مغتربة : على الفكرة الصورة رسم كاريكاتيري، والرسم الكاريكاتيري من أهم مواصفاته انه بيكون ساخر، يعني نقد لاذع ، والتقد اللاذع مش هايكون فيه ايجابيات، ده بيلقي الضوء على السلبيات فقط من وجهة نظر الرسام لطرحها للرأي العام للتفكير فيها ومناقشتها، لانها مش مقالة للنقد والتقييم.

الرجل مازال واقف في الشارع ولم يترشح بعد ولم يفتح باب الترشح الرئاسة من الأساس ومش مستحملين ولا عايزين حد يجيب سيرته ولا يعبر عن تصوره لما يمكن ان يحدثه هذا الرجل " عند التمكن " ، طيب لو حصل له التمكن حتعملوا ايه؟ حتكسروا الأقلام وتكمموا الأفواه؟ والا حتحطوا اللي مش عاجبه في المعتقلات؟ لو مش قد اللعبة السياسية خليكوا بعيد. وعلى فكرة يا استاذ / mustafagamiel ، انا بعرف ادوس على علامة السالب برضه ، لكن بافضل اني استخدم الكيبورد للرد على الرأي الآخر ، لكن لما الاقي اللي قدامي مابيعرفش غير الغز بالمطوة ، باديله غزة مطواة انا كمان علشان يفوق. انا باكلمك كعضو وليس مشرف ، يعني ماتلزقهاش في الإشراف. مش مسألة مستحملين ولا حد يجيب في سيرته يأستاذ محمد الموضوع سخرية وليس وجهة نظر وتخوفات لا اساس لها من الصحة فقط المراد منها التشويش وتخويف الناس منه وحركات لاتصدر من اناس محترمين صدعونا بالليبرالية وكلام كبير كده لم نرى منه شيئا في ارض الواقع الله :blush2: حضرتك كتبت الغرض من السخرية واللي كتبته مالوش علاقة بالاسلام هو الراجل ابو اسماعين ده المفروض نعتبره هو الاسلام واللي يسخر منه يبقى بيسخر من الاسلام ( ده بافتراض يعني ان الكاريكاتيور فيه سخرية) الاخ الكريم اتمنى ان تتكلم بأدب أكثر من هكذا وتحترم عقلية من هم امامك بصراحة اسلوبك مستفز ومنفر وغير موضوعي والله سيادتك انتو اللي نهجكم وأسلوبكم وكل حديث تياركم هو الذي يفتقر الى الأدب ودائما مستفز ومنفر، منفر حتى للمسلمين الملتزمين الغير تابعين لتياركم. وجدير ذكره أنه لا يمت بصلة للإسلام الصحيح، ولا يروق الا للمتعصبين دينياً الغير متفقهين في الدين. أتأمرون الناس بالبر وتنسون أنفسكم؟!!

أنا حزين جدا لتصرفات بعض العيال الصغار اللي عاوزين يسافروا دون عقود دون مواثيق تحفظ حقوقهم فمن يسافر على هذا الطريق يتحمل عواقب حماقته يعني اليوم اليوم الثلاثاء 23-9-1432 التقيت بواحد مصري واصل اليوم على فيزة مهندس تعرفوا ايه بيقولي بداية سألته عن مرتبه اللي تعاقد عليه رد علي باقي والله ماتفقت معاهم على حاقه هوه انا دلوقتي واصل طب يابهيمه انت لو حصل لك حاقه مين الجهة اللي بتوقف معك حتى القنصلية المصرية حيرموك بالزباله لانك ماتحملش وثيقة بينك وبين الشركة لو يعطوك ريال واحد بالشهر تسكت وماتتكلمش حرف واحد يابهيمه اصلا البهايم تعرف حقوقها واجباتها