لوحة القادة

إتفقنا إن المسلم القوي لو كان في وسط كل الموبقات حيفضل ملتزم بديته .. جميل جدًا.. طيب و المسلم الضعيف ؟؟؟؟؟ نسيبه نرميه وسط التهلكة؟ يعني لو إبن أي حد أو بنته لا قدر الله ضعفاء في دينهم..و الدولة أتاحت لهم إنهم يعملوا اللي عايزينه يشربوا خمور أو يمارسوا دعارة أو شذوذ لا سمح الله خلاص .. يبقى ذنبهم على جنبهم؟ و أهلهم ما عرفوش يربوهم و خلاص؟ اللي حيحصل بعد كدة إن الأشخاص اللي غلطت دي لضعف في دينها ممكن تجر إبني و إبنك معاها أي إنسان ضعيف بيفكر مرة قبل ما يعمل ما حرمه عليه دينه ..و لما يكون الدين محرمه و السلطة كمان مانعاه حيفكر مرتين يبقى أنا كدة منعت الأذى عن أخويا و إبني و بنتي أما عن غير المسلمين فإن كانت الخمر مباحة عندهم .. فيمكن سن قانون للسماح لهم بتناولها في أماكن غير عامة أما عن جزئية إن القانون لا يمنع حدوث المفاسد فده طبيعي جدَا .. و حتى أيام الرسول عليه أفضل الصلاة و السلام .. حدثت جريمة الزنا و القوانين لم توضع لمنع الجريمة و لكن للحد منها دي الأرض و ما كانش عليها غير ست أشخاص حصلت فيها جريمة قتل ..قتل قابيل أخوه هابيل

اللي بيحصل ده رد فعل للى حصل في محاكمة مبارك ... الشرطة تركت انصار مبارك يهينوا اهالي الشهداء ويضربوهم واتقبض على ناس كتير وبيتحقق معاهم. الألتراس رد الإهانة وأهان الشرطة في ماتش اليوم .... الشرطة ردت على الإهانة بشكل مباشر وعنيف ... الألتراس قاموا بتحجيم الشرطة بس في الشارع خارج الإستاد. ده اللي بيحصل تبادل الإهانات .... لأن الثورة من الواضح انها بيتم إمتصاصها وتنويمها بالتدريج ... وأدي النتيجة حيودا البلد في ستين داهية بدل ما يتم توجيه التوهج الشبابي الثورى لدفع البلد للأمام ... ومش حنخلص والمصيبة ليتحول المشهد ده لجزء من ثقافة الشارع وثقافة الدولة. يا أعضاء المجلس العسكرى الموقرين ..... هذا ما ينتظر مصر نتيجة اللف والدوران .... الطريق المستيقم دائما قصير وبيوصل للهدف لو كان الهدف ده هو مصلحة البلد

إوعوا تفتكروا إني متشائم .. أو هاسلم إن الثورة إتسرقت .. أبداً .. لأني واثق من نصر الله لأن ربنا قال ( يا أيها الذين آمنوا إن تنصروا الله ينصركم ويثبت أقدامكم ) وكمان ( إن الله لا يغير ما بقومٍ ، حتي يغيروا ما بأنفسهم ) وعشان كل الشعب المصري مسلم ومسيحي أتبع الأيتين دول ووثق في نصر ربنا الاله الواحد الأحد .. وغيرنا ملابس الذل والنوم والخضوع .... ولبسنا الملابس المصرية الأصيلة الموحدة ... اللي عاوزه بكره أحلى .... جاء نصر الله ووعده في الحال وفي 18 يوم لكن لما أتفرقنا ورجعنا للطبيعة البشرية الطماعة .. والكل بقى يدور على السبوبة اللي ممكن يطلع منها من الثورة .. كرسي برلمان .. منصب رئاسي ... أغلبية وسطوة وصوت عالي في الشارع ... إلخ رجعنا أنتكسنا تاني ... ورجعت ريمه لعادتها القديمة .. وبقينا كلنا نشوف الفساد دلوقت رجع يهاجم زي مرض السرطان وأكثر ضراوةً .. بقينا نقول يا عم وأنا مالي . وبقينا نشوف الناس بتحط إيدها في جيبونا عشان تسرقنا ... بس المرة دي بتسرق حلمنا وثورتنا ومستقبلنا ... ونقول ... أصبر يا عم بكره تحلو لما مجلس الشعب ييجي .( إبقى قابلني ) ولما بقينا نخون بعضنا البعض ... بل ونكفر بعضنا البعض .. بل ويدعي بعضنا على بعض في المساجد وعلى المنابر وعلى الفضائيات ..... كل ده كانت نتيجتة إن ناس كتير كفرت بالثورة وناس كتير بدل ما تلعن الفُرقة والتشرذم والخلافات الهايفة .... بقت تلعن الثورة وتلزق فيها كل الخطايا بتاعتنا الي بنرتكبها ... على اساس يعني إننا زي الفل وإننا عملنا اللي علينا وإن الثورة المفروض كانت تكمل نفسها .. على اساس إنها غسالة بالكهربا بنحط لها المسحوق ونشغل الكهربا تغسل وتشطف وتنشر الغسيل وتكويه بعد ما ينشف ... وفوق كل ذك ... سلمنا دقوننا لناس إحنا عارفين إن مكانهم مش كرسي الحكم .. وإنهم لا يؤمنون بالديمقراطية ... بل كل تربيتهم بيبقى على إطاعة الأوامر العُليا وقول " تمام يا فندم " ولو إتكلمت يقوم حاطط صابعه في عينك على طول .... وسلمنا دقننا لواحد متسهوك طلع يعيط في الميدان ويقول حاسبوني لو ما حققتش أهداف الثورة وأخد فرصته وزيادة وطلع اضعف من خالتي أم مجدي اللي بتبيع جرجير على ناصية الشارع .. وما قدرش في 5 شهور بالتمام والكمال إنه يحقق أهداف نفسه حتى ... ولما بعد 100 يوم خرج الناس يوم 8/7 يدوروا على ثورتهم بجنون ... ثبتونا تاني بوعود بتغيير وزاري ثوري وحاجه ما حصلتش وخبراء مالهمش حل .. والمفاجأة كانت على لسان عصام شرف لما قال اوعدكم كمان بحركة محافظين ما حصلتش .. إبسط يا عم ...وقول عاشت الثورة ... وطلعت فعلاًً ما حصلتش ولا في عز ايام الفرعون مبارك .. وترسخت أقدام العسكر بتعيين 18 لواء شرطة وجيش كمحافظين .... ورجعنا لورا سنين طويلة ... والبلد تسير من سيء إلى اسوء ... وأتحدى حد يشاور على اي محافظة ويقول لي : إنت كذاب أن حسيت فعلاً بتغيير ثوري مع سيادة المحافظ اللواء الوزير فلان الفلاني إلى أن وصلنا .. هاتكلم في نقطة واحده فقط إقتصادية مأساوية .. إلى أن وصلنا إلى تصريحات من السادة الخبراء الماليين في وزارة المالية الأسبوع الماضي بيقولوا : هانضطر نستلف 87 مليار جنية من المدخرات العائلية في البنوك .. يعني الوادائع والقرشين اللي حيلة الناس بحححححححححححح يا نهار إسود !!!!!!!!!!!!!!!!!!!!!!! وأتحدى إن كان حد خلال 7 شهور منذ سقوط الصنم . سمع من حد خطة تنمية قصيرة أو متوسطة أو طويلة الأجل أو بأي طول حتى أتحدى إن كان في مؤتمر إقتصادي إتعمل عشان يعشم الناس ببكره أجمل أو يقول هانزود الموارد إزاي أتحدى إنك تعمل إستطلاع وتشوف أراء الناس في أحوالهم بعد الثورة وإن كان حس بـ 1 % تغيير أنا مش بأطلب 100 % تغيير أنا عاوز أشوف ولو شارع حتى نضف بعد الثورة ..عن منطقة عشوائية تمت معالجتها .. عن وزارة حصل فيها تغيير للأفضل تخيلوا قمة المسخرة إن يبقى عندنا جدار عازل زي بتاع إسرائيل .. بس ده على كوبري الجامعة لحماية السفارة الإسرائيلية ... هههههههههههه والقوات المسلحة هي الي تبنيه تخيلوا إن أعضاء المجلس العسكري .. عبد الرحمن شاهين .. وعنان .. والرويني .. وابو أصبع الفنجري ... وعتمان ... و و و و و كانوا قارفين اللي جابونا ليل نهاء تصريحات وبيانات عسكرية وصوابع بتندب في عنينا وكلام حلو عن الكرامة العسكرية .. وعن جيش مصر الحلو اللي بيحمي الثورة وبيعيد كرامة البلد .. بلاب بلاب بلاب بلاب ماحدش فيهم طلع ولو حتى في تسجيل وهو قاعد على قهوة بلدي قال حاجه عن قتل جنودنا على الحدود ... طب منظر .. أعمل أي حاجه .. قول بؤين حمضانين وإنكم متضايقين وكدهوت وثبت البشر . يا عم أنا موافق إنك تضحك علينا .. حتى دي ما عملوهاش !!!!!!!!!!!!! وكانت النتيجة أيها السادة .. إن الشرطة عشان يرجعوا رجالة من تاني .. بعد ما لبسوا طُرح سودا من بتاعت الحريم - مع إحترامي للحريم طبعاً فهما عنينا وأرواحنا وقلوبنا ( كلمتين حب حلوين أهم عشان ما حدش يزعل ) ... لما حبوا يعملوا رجالة .. عملوا رجالة على أهالي الشهداء في محاكمات مبارك وسحلوهم ..... و شوفت بعيني منظر زي بتاع العباسية ... بلطجية إحنا اسفين يا بابا مبارك مرميين في حضنهم وبيحدفوا الناس بالطوب وهما واقفين في صف الشرطة ... وطبعاً كانوا مميزين لأنهم لابسين تي شيرتات عليها شعارات التأييد لمبارك تصدقوا بالله أنا حاسس بإيه ؟ حاسس إن بكره أو بعده هايتقال لأهل كل واحد فقد إبنهأو عزيز عنده في الثورة ... أو أصيب حد عنده بعاهة مستديمة ... حاسس إن هايتقال له : إنت مش خدت قرين تعويض .... عاوز إيه تاني ؟ أصلها أتقالت لأهالي شهداء العبارة اللي غرقت ايام المجحوم مبارك ... وكانت النتيجة هي إن المجلس بقى يعمل أي حاجه هو عاوزها منفرداً وطظ في الشعب كله ... وكان أخرها قانون الإنتخابات وتقسيم الدوائر الخزعبلي اللي ماحدش فاهمه ولا هما فاهمينه .... وأتحدى مرة أخرى إن كان فرق عما كان أحمد عز بيعمله من تقسيم الدواير على مزاجه ولأغراض خاصة لديه ... بالمناسبة ... متوقع كده برضوا في قوانين إنتخاب رئيس الجمهورية .. وبأقولها لكم وافتكروا الكلام ده كويس ... عشان تقولوا الراجل ده دماغه لاسعه اتحدى العالم كله لو سمح المجلس العسكري بوصول أي مرشح رئاسي إسلامي لكرسي الحكم ...... مستحيل ومن رابع المستحيلات مع إن من أبسط قواعد الديمقراطية إن لو الإنتخابات تمت في ظل شفافية ونزاهة وأحترام إننا نتقبل أي واحد يوصل بهذه الطريقة ولكنا نبقى وراه لو بنحب بلدنا ولو عندنا نظام سياسي محترم وأنا شخصياً هأعطي صوتي أي مرشح مهما كان يُقنعني ببرنامجه الإنتخابي .... وسأكون خلف اي مرشح يفوز وما أكونش مرشحه أو أكون حتى بأقبله طالما فاز بالعدل والنزاهة فالمجلس العسكري أيها السادة عشان ما نضحكش على نفسنا منذ أن وصل إلى كرسي الحكم .. مش هايسيبه ولو بالطبل البلدي .. ولو سابه ظاهريا .. فمش هايسيب حقه في السبوبة . ولن يرضى بالرجوع إلى وزارة الدفاع مرة أخرى كمحكوم ومرؤوس .... وهايعمل المستحيل عشان يضمن حقوقة وسبوبته في الدستور الجديد .... وحقه في إختيار مرشح يرضى عنه هو -------- الخلاصة واسف إن طولت عليكم عشان ده ما يحصلش أيها السادة ... وعشان ما تتكررش ملهاة الأستفتاء على الدستور اللي عملوه لازم كلنا نرجع المصريين بتوع أيام 25 يناير لحد 11/2 لازم كلنا نرجع بدون إنتماءات لازم كلنا نتخطى إختلافاتنا .. لوما تحقق الثورة أهدافها وتترستق الأمور يبى كل واحد يدور على مكاسب ... أما تقسيم الميراث على حياة عين الأب أو الأم .. فهي أمور لا تُعقل ... وأساساً مافيش ميراث يتفرق .. لأن بلدنا مش تِركة أو سبوبة أو نهيبة أو يصح إننا نتعامل معاها على المثل القذر اللي بيقول " إن خرب بيت أبوك .. خد لك منه قالب " عشان كده كلنا لازم نعلي صوتنا ونقول للي فوق وفاكرين نفسهم حكام بحق وحقيق ... حقنا فين .. ثورتنا فين .... مستقبلنا فين .... ؟

في الحقبقة .. لا زلت مصرا على ان هدفى من هذا الموضوع هو التقريب بين الفريقين .. وانا لم انصب فخاخا لاحد فالكل أدلى برأيه بحرية ودون ضغط. و لا اخفي سرا أنى لم أكن أعرف الكثير عن الليبرالية فكان كل ما اعرفه عنها أنها تدعوا الى الحرية و احترام حقوق الاخرين . ولكن في الحقيقة .. انزعجت كثيرا حين أخبرنى أحد الافاضل أن الليبرالية تبيح لكل أحد أن يفعل ما يشاء أيا كان ما سيفعل حلالا أم حراما مادام هذا لن يؤذى غيره. فهذا الفكر الغريب يناهض بوضوح تام ما أمرنا الله تعالى به من الامر بالمعروف و النهى عن المنكر . إن الليبرالية بهذا المفهوم الذى سمعته و قرأت عنه تنظر الى المجتمع نظرة سطحية من الخارج .. فتراه نظيفا فى مظهره .. فاسدا فى أصله وجوهره فكر غريب دخيل لا يكترث بالفرد إن شرب الخمر في بيته و اصيب بابشع الامراض وفسد خلقه و فسد دينه مادام سيخرج الى الشارع غير مخمور . صدق من قال ان تحريم المحرمات لم يمنع الاتيان بها بل و اضيف الى هذا إن قطع يد السارق لم يمنع السرقة و رجم الزاني لم يمنع الزنا تلك يا أفاضل حقيقة .. فهذه هي البشرية الضعيفة التى فيها الخير و الشر معا فأتت الشرائع السماوية لتقوم هذا الشر لا ان تشجعه ليكون في الخفاء فقط .. وما جعلت التوبة الا لتفتح لهذا الضعيف الذي ضعف أمام بشريته ليعود الى صراط الله المستقيم. أنا لن أكف عن نصح من يقوم بالشر و يضر نفسه فقط فهذا أمر الله لى .. سأنصحه بالمعروف و بالحكمه انه على خطر عظيم .. ان المجتمع النظيف الذى ننشده يا اخوانى .. مجتمع نظيف في جوهره نظيف فى مظهره.. و اجدد دعوتي الى اخى الليبرالى ..أنت تدعوا الى الحرية ..فامنحها إذن لاخيك المخالف .. و أنت يا أخى المسمى بالاسلامى .. إن رأيت غيرك على خطأ فانصحه باللين و بالكلمة الطيبة.. و اترك حسابه إلى الله سبحانه أولا وإلى أولى الامر ثانيا.. تلك هى الارضية التى يمكن أن نلتقي عليها.

بصراحة لا أدري لما كل هذا الجدل فى موضوع الخمر فوجود حكم شرعي يحرم أو ينهي عن أمر من الامور ليس معنى ذلك ان هذا الأمر لن يقوم به أحد كذلك القوانين الوضعية التي تجرم أمر من الامور ليس معناها ان هذا الامر لن يقوم به احد فلو أنه لا يوجد إنسان يخطيء فلم يكن لوجود الاحكام الشرعية أو القوانين الوضعية داعي أصلا ! لانها وجدت لكي تعاقب من يخرج عن السياق الاخوة الذين يتسألون : هل تحريم الخمر أدي الى منع تداوله !! ويجيبون بلا ( وكلامهم صحيح ) وبناء عليه يرون ان وضع قوانين مناهضة للخمر لا داعي له ! أقول لهم : طيب السرقة هى جريمة قانونا وشرعا ولكن مع ذلك هناك من يسرقون , هل نقوم بالغاء قوانين تجريم السرقة ؟

أفهم من كلام حضرتك ان بنفس المنطق ده نبيح الدعاره ونرخصها زي ما كانت بتنادي إيناس الدغيدي , لان من وجهة نظرها , طالما الزنا كده كده موجود وفيه ناس بتمارسه في الخفاء يبقي نعترف بالامر الواقع ونرضخ لرغباتهم , حتي لو متعارضه مع تعاليم ديننا , واهو بالمره الفايده تعم وبنات الهوي يبقي ليهم فحص طبي دوري تحت اشراف وزارة الصحه ,دي طبعا رؤية ايناس الدغيدي يعني عشان الحرام كده كده بيحصل وفيه مسلمين غير ملتزمين عايزينه يبقي ما نحطش راسنا في التراب ونبيح الحرام ده منطق مغلوط ومش معني ان السعوديه فيها خمر في السوق السودا يبقي نفتحها علي البحري احنا نعمل الصح واللي يتحايل لونفد يبقي نفد , ولو اتمسك يتعاقب بالقانون اللي مرجعيته الشريعه الاسلاميه اما جزئية غير المسلمين , فزي ما قالوا في فرنسا, علي الجميع احترام علمانية الدوله و قوانينها وممنوع النقاب في الشارع كمان علي المواطنين المصريين جميعا احترام قوانين الدوله وعلي فكره , معلوماتي المتواضعه , إن الخمر غير مباح في المسيحيه

تابعت الموضوع ، وتوقعت ما وصل إليه .. وذلك من عنوانه "قبل التعديل" من يقرأ هذا الموضوع بعقل محايد يستطيع أن يتخذه مثالا ليشرح لأبنائه ولمن يحبهم الفرق بين "التحاور" و "التخندق" يا أستاذ ياسر هناك فرق بين أن يكتب الأستاذ محمد أن : ((الليبرالية مثلا لاتمنع انتاج او بيع الخمور )) وبين أن يكتب ((الليبرالية مثلا تأمر بانتاج و بيع الخمور )) ولو كان هذا الفرق واضحا لك .. فلا أظن أنك كنت ستكتب : تفتكر هسمع كلام مين ؟؟ الله و رسوله ؟؟ أم الليبرالية .. المسلم القوى سيبقى مسلما قويا ولن يشرب الخمر ولو عاش فى أعتى الدول ليبرالية والمسلم الضعيف سيظل مسلما ضعيفا وربما يدمن الخمر ولو عاش فى أعتى الدول تطبيقا لحد شرب الخمر وأكثرها صرامة فى منع انتاجه أو بيعه المسلم القوى لن يزنى ولو عاش فى أكثر الدول الليبرالية تفسخا وانحلالا والمسلم الضعيف سيمارس الزنا بل واللواط ولو عاش فى أكثر الدول تطبيقا لحدود الزنا واللواط ربما - بينك وبين نفسك - تصدق نصف ما أقوله .. فاسأل إخوانك المسلمين الأقوياء المغتربين فى دول أوروبا وأمريكا وأرجو ألا يسبب كلامى انزعاجا لأى أحد .. استاذ ابو محمد فهمت كلام حضرتك وفهمت كلام استاذ محمد , ده غير تعريف الليبراليه وانا بعد فهمي أرفض الليبراليه بمبادئها لانها لا تكترث للفرد ان أضر نفسه , طالما لا يضر الآخرين وهو ما يتعارض مع مبادئ ديني الذي يكترث للفرد في كل الاحوال فإن كان واحد مؤمن بالليبراليه لا يكترث لشرب آخر للخمر طالما لا يضره بسكره فأنا لا أوافقه علي عدم الاكتراث هذا لان كلنا كمسلمين أُمرنا بالأمر بالمعروف والنهي عن المنكر وهنا , هذا فرض عين علي كل مسلم وليس فرض كفايه والايات والاحاديث كثيره في هذا الشأن , أما كون الليبراليه تبيح أو لا تمنع (ولن أقول تأمر) مثلا إنتاج وتداول الخمر فهذا أيضا لا يمكن أن أقبله كمسلمه لأن الخمر ثابت عندي بالدليل القاطع وبالنص القرءاني والاحاديث الصحيحه انها حراااام وكمسلمه احاول أمنع ده بقدر استطاعتي , واللي انا هعمله ان شاء الله اني انتخب مرشح رئاسى سيمنع انتاج وتداول الخمور في بلدي , طبعا مع اقتناعي بيه وببرنامجه ( لان فيه ناس بتتصيد ما في الكلام لمجرد الجدال) يعني لو فيه مرشحين اتنين كويسين , واحد فيهم هيمنع الخمر وواحد لأ , هرشح اللي هيمنع اما بالنسبه لميزات الليبراليه , فأنا مش محتاجالها لأن كما أوضح في مداخله سابقه أستاذ ابراهيم عبد العزيز , كل الميزات دي موجوده فعلا في الاسلام وبينادي بيها وتفوق عليها وسبقها زمنيا كمان لأن الاسلام مش صلاه وصوم وجامع بس , ده منهاج حياه لتستقيم به الحياه كلها يبقي ليه أرضي باختراع بشر مهما كانوا لعقلهم وعلمهم حدود , واسيب مبادئ ديني اللي الخالق جل جلاله ارتضاها ليا لتستقيم بها حياتي كلها وهو الذي لا حدود لعلمه ولا لقدرته, سبحانه إذا كان أستاذ محمد عايش في امريكا وهو من الاقليات المسلمه في دوله علمانيه غير مسلمه , فهو بالتأكيد لا يملك من الأمر شئ في ما تسنه وتطبقه هذه الدوله لكن احنا عندنا الوضع مختلف الكل متفق علي المرجعيه الاسلاميه للدوله , بس مش مجرد كلام بس زي العهد البائد , والمرجعيه دي تمنع الخمر وانا عايزه تطبيق الشريعه الاسلاميه , لان من غيرها مش هينصلح الحال ابدا وده مؤكد بالنسبه ليا والشريعه الاسلاميه تمنع الخمر يبقي ما اختلفناش يبقي الليبراليه ما تنفعش طبعا , الخمر ده كان مثال وحاجات تانيه كتير زي كده بالقياس تحياتي للجميع

لو طلعوا براءة؟؟؟؟ سوف اطالب الشعب المصرى كله بارتداء زى موحد اسود..حزنا على العدالة التى قتلوها ...والضمير اللى راح ف الوبا. واطالب بالغاء كلية الحقوق ..مؤقتا. وان يتم دخولها فقط لمن يحمل شهادة حسن سير وسلوك وضمير صاحى . سوف اطالب بانتخابات شريفة ....للقضاة والمستشارين ..وتعادالمحاكمة . نمنحهم فرصة اخرى لم يمنحوها ابدااا لأى مذنب ...برئ. (( فمابلكم وهم ليسوا ابرياء ؟؟؟)) لو طلعوا براءة ؟؟؟ حامى الحرامى برئ؟؟؟ والحرامى برئ؟؟؟,القاتل برئ؟؟؟والسفاح برئ؟؟؟والقواد برئ؟؟؟ اذن.... من الظالم؟؟؟ من المفترى ؟؟؟ من الفاسد؟؟؟ من الخائن؟؟؟ هل انقلبت الموازين؟؟؟ كله بالمستندات؟؟؟اللى اتحرقت؟؟؟ اللى اتسرقت؟؟؟ ودمنا؟؟؟وايامنا؟؟,وحياتنا؟؟؟؟ طيب واللى جاى ؟؟ جوعونا..وقلنا ماشى . مرضونا...وقلنا ماشى ... حرقونا..وقلنا ماشى ... حايعطشونا....وغصب عنا بنقول ماشى .. سرقونا ووزعوا خيرنا .وقلنا ماشى . طفشونا.....ورضينا وقلنا ماشى . حقنا؟؟؟....ضاع خلاص. لكن؟؟؟ حق عيالنا ...لالالالالالالالا. حق عيالنا مش حايضيع... حق عيالنا حتى مش من حقنا نقول..ماشى . حق عيالنا هما اللى اخدوه بالقوة وبالتضحية وبالصريخ.. ماتوا...مات منهم كتيررررر ....علشان الباقى يعيش. ولو طلعوا براءة ؟؟ لو طلعوهم براءة ؟؟؟ براءة من ايه والا ايه والا ايه؟؟؟ حانصرخ وحانقول لهم ...انتبهوا انتم فى حضرة الشعب المصرى العظيم. ووقتها؟؟؟ لابد نحاكم ..من حاكم وظلم. لاأتخيل ان يكون الجميع بهذا ..(( الضلال والظلم )). ربما كانوا (( يهددونهم ..بالانتقام؟؟))... كأنى اراهم خطفوا ابناء المستشارين ويطلبون فدية ؟؟ وهل مجموعة ابناء ........تساوى مجموع الشعب كله؟؟ لاحول ولاقوة الا بالله . لا اريد ان اتخيل ان الوضع اصبح بهذا السوء .. رغم ان الامور مثيرة للشك.. لك الله يامصر.. لك الله ياشعب مصر..

هل ترضيها يا ريم لواحده بنت كافره لا تؤمن بالله ورسوله وجايه في جيش حتى بتعتدي علينا ؟ وتلاقي زبالة المجتمع طلعوا من البالوعات ويقولوا في تعليقاتهم : وهما كانوا أصلاً بيعملوا إيه في التحرير ؟ يا أخي اللهي أمك أو أختك أو زوجتك تكون في نفس الموقف عشان تقول صح كانوا بيعملوا إيه في التحرير وتتبسط والنخوة ما تعرفش طريقها لك وبعد ده كله يطلع بيان عسكري يقول : إحنا أسفين .. رصيدنا عندكم يكفي .. على أساس إننا شغالين في شركة فودافون هل ده حصل في عهد التتار يا أم مريم ؟ هل لو واحده متهمة في أنقلاب عسكري .. ترضي يحصل لها كده ؟ ولا ده إفترا وكذب على مجلس الظلم اللي لم يستطع أن يُكذب تلك الإدعاءات

اين الحكومة التي ادعت انها حكومة الثورة من الد اعدائها المتأسفين يا ريس وابناء مبارك الغير الشرعيين من جريدة البديل آسف ياريس” يهددون: “سنعطى للمتظاهرين درسا ثمنه حياتهم يوم 9 سبتمبر” قال عدد من مسئولي صفحة “أنا آسف يا ريس” -والذين يطلقون على أنفسهم “أبناء مبارك” – إنهم قررو حشد أعداد كبيرة للتظاهر فى ميدان التحرير الجمعة القادمة للرد على مليونية ” تصحيح المسار ” التى دعت لها قوى سياسية وأحزاب و حركات كثيرة, متوعدين المتظاهرين بدرس قاس . جاء ذلك في تصريحات أدلى بها مسئولون بالصفحة لعدد من الصحفيين خلال التحقيق في وقائع الإعتداء على 4 صحفيين أثناء مؤتمر المحامين الكويتيين المدافعين عن الرئيس المخلوع حسني مبارك. وقال حسن حسن عبد الحميد أحد أعضاء الصفحة والمسؤول الإعلامى بها إنهم لن يسمحوا للبلطيجة الموجودين بميدان التحرير- فى اشارة الى الثوار- بأن يقوموا بالإعتداء والتحرش برجال الجيش كما فعلوا مع رجال الشرطة فى ثورة 25 خساير “على حد تعبيره”, متوعدا المتظاهرين برد قوى قائلا: ” احنا هندلهم درس تمنه عمرهم , و يوم 9 سبتمبر قريب مش بعيد و هنشوف بقى ” . و فى رسالة تهديد اخرى ناشد عبد الحميد متحدثا الى احد ضباط الشرطة ألا يترك السلاح من يده من اجل الدفاع عن وطنه من البلطجية و المخربين الذين قامو باسقاط دولة بدلا من نظام, وقال له ” ياريت بلاش تنزل السلاح فى اى وقت و تفضل دائما رافع سلاحك فى وش اللى عايزين يقتلو ابنى وابنك ويدمروا البلد, و انا بكلمك بلسان جميع ابناء مبارك اننا معاك و انكم كنتم صح لما قتلوتو الخونة بتوع التحرير ولاد …. ” . يذكر ان اعضاء صفحة انا اسف يا ريس و ابناء مبارك أعلنوا في وقت سابق عن تنظيم مليونية بميدان التحرير يوم الجمعة 9 سبتمبر لإعلان تأييدهم للمحاكمات العسكرية للمدنين بدعوى أنهم بلطجية, مؤكدين أنهم سيظلوا دائما مؤيدين للمجلس العسكرى فى وجه قلة مندسة بين أبناء الشعب المصرى لتدمير الوطن و القضاء على كافة مؤسساته مثل ما حدث مع الداخلية و التحرش برجال الشرطة ( حسب وصفهم

النجاح الوصول للهدف تحقيق الأمنيات كلها مسميات لمفهوم واحد لكل منا مفردات لحياته و لكل منا أولويات بين تلك المفردات و لكل من رغبات قد ترقى لتصبح أهاف معيار التقييم ذاتي 100% فالشعور بالنجاح ينبع من الداخل فعند الرضا عما آلت إليه الأمور خارجيا نستشعر احساسا داخليا بالفرح و السعادة و القوة وهذا ما نطلق عليه نجاحا التقييم الخارجي لا يؤخذ به نهائيا أن يراك الآخرون ناجحا ليس له أي قيمة إن كنت لا تشعر أنت بذلك دعوة لترتيب الذات و ترتيب مفردات حياتنا و أولوياتنا و أهدافنا لنرى أين نحن على سلّم النجاح؟ منتظراكم

السلام عليكم و رحمة الله و بركاته طبعا انا جاية و تلاقي البنت اصلا هتتجوز :closedeyes: حمد لله علي سلامة البونبوناية و مامتها و يا رب تكون الذرية الصالحة و يعينها انها تنبتها نباتا صالحا سؤال بقي محيرني اخر سبع حاجات....(لا مش هسال هو فين البوفيه....انا لسه واكلة جناج بطة اخر تومام) سؤالي بقي هو ليه انا حاسة ان اسم ريهام قرب ينقرض....و هنضم بقي لفصيلة نازلي و جلبهار و كدهوت محدش عاوز يسمي ريهام ليه....ها مع اني اليفة جدا...(نيهااااااااااااااو) لا و بعدين كلي مميزات.....يعني منكن اقعد احكي من هنا لبكرة...و بكده توفروا الكهربا و النت و خلافه ع العموم انا سخصيا من قلبي مسامحة و سلميلي علي "ياسمينة" و مامتها احنا نعملها عضوية هنا في المحاورات....ركن نون النسوة مساكي....بريحة الياسمين و حمد لله ع السلامة و لو انها متاخرة

كنت هارد على مداخلتك التاليه يا ريم . لكن بالصدفة قرات دلوقت مقالة رائعة لعلاء الأسواني ... إقرأيها كويس بغض النظر عن مين اللي كاتبها

السلام عليكم و رحمة الله و بركاته استاذي الفاضل متفقة مع حضرتك مليون المية في بداية الثورة تخيلت ان المشكلة كانت في "اداء" المجلس العسكري المتخبط و كنت زي ناس تانية كتير متخيلة انه معلشي يا جماعة اعذروه الناس جاية من الجيش و معندهاش اي خلفية بادارة بلد لكن تكرار الاخطاء و المواقف بتنفي عنه "حداثة" العهد بالادارة و متفقة جدا مع تفسير حضرتك و ابسط حاجة اني بحس انه بيحايلنا و ده منطق "دكتاتوري" بيفترض في اللي قدامه انه من السذاجة و الطفولية انه يصدق لو بتتكلموا عن المحاكمات العسكرية السؤال من ساعة ما قامت الثورة و الناس عمالة ترصد في انتهاكات بشعة للمجلس العسكري يعني من شهر يناير احنا دلوقتي شهر سبتمبر و القرار طلع امبارح بتحويل المدنيين لمحاكمة مدنية القرار عقبال ما دخل الفرن و اتلت و اتعجن طلع بعديها 8 شهور كاملة و اهم حاجة طلع طبعا قبل يوم الجمعة اللي هو 9 سبتمبر عشان نبقي نرجع نلف في نفس الدايرة هو انتو هتطلعوا يوم الجمعة ليه مش انتو طلبته...و اهو اتحقق منطق مستفز و الية اكثر استفزاز و معتقدشي ان حد بقي من السذاجة انه يصدق تاني دي وجهة نظري الشخصية تحياتي

المعادلة بسيطة اما ان يعدم 10 - 20 واحد من اتباع مبارك وشوية ضباط واما ثورة ثانية لا تبقى ولاتذر والداخلية بسذاجتها تتلاعب بالادلة مع انهم هما اللى هيحاسبوا على المشاريب لو لاقدر لم يتم اعدام مبارك واتباعة

أول شىء مرحبا بك استاذ عبد المطلب ثاني شىء : إذا قرأت كلامي بدقة ستجد اني قلته للاستاذ شرف الدين اطرح كلامك على اعضاء هذا المنتدى أو أى منتدى اخر يختاره هو بنفسه وقلت أيضا أنت : على عيننا ورأسنا إحساسه الشخصي ومعرفته بمحيطه ولكن هذا لا يعني أن إحساس المرء او المحيطين به يعبرون عن رأي غالبية الشعب المصري مع احترامي لك ! تحية لك أخي

أبشر يا أخ محمد ونقلا عن موقع قناة العربية تركيا لا تعرف (الطبطبة ) عندما يتعلق الامر بدماء مواطنيها

عارفه اللوا عادل المرسي رئيس هيئة القضاء العسكري مطلع بيان يقول إيه أمبارح ؟ - بيقول إحنا صرفنا لحد دلوقت اكتر من مليون جنية عشان ننتدب محاميين لأي واحد مدني بيتقدم لمحاكمة عسكرية ... - وإن القضاء العسكري بيتعامل بمنتهى العدل والشفافية مثله مثل القضاء العادي كلام جميل ... صح ؟ طب لما هو كده ... يبقى اللي أشترك في مظاهرة أو شال مطوة بيتحكم عليه في يوم او يومين ويتهبد الحته بخمسة تمام التمام في لمح البصر لكن اللي قتل شعبه واللي سرقونا وبهدلونا واصابونا بكافة امراض الدنيا .. بيتقدموا لقضاء عادي ويتشد لهم الاف المحاميين عشان يطلعوا ثغرات في القوانين وبيتم تادية التحية العسكرية لهم وبياكلوا من فنادق خمس نجوم 3 وجبات يومياً وعايشين في بورتو طره وصحتهم كلهم بدون مبالغة جت على السجن ... وربنا يدينا كلنا طولة العمر لو شوفنا حد بيتحكم عليه إن شاء الله بعد عُمر طويل ؟؟؟ ريم نفسها قالت كلنا كنا فرحانين في اول الثورة وهما بيمسكوا البلطجية وبعلنوا عن ده في التليفزيون ... كلام جميل برضوا لكن بعد 8 شهور ماذا حدث ؟ هل البلطجة انتهت ؟ وهل الأمن تمام ومتستتب وأخذ الحق باليد مت بقاش موجود ؟ وهل عاجبنا أداء الشرطة حتى الأن ؟ وهلي يرضي ربنا إن المجلس العسكري يبقى هو الحاكم وهو القاضي وهو الجلاد وهو كل السلطات في نفس الوقت ؟ وهل يرضي ربنا إن الراجل رئيس هيئة القضاء العسكري يطلع يقول أمبارح إن المحاكم العسكرية هي جزء من قانون الطواريء وسيتم إلغاءها عندما يتم إلغاء قانون الطواريء يا نهار إسود !!!!!!!!!!! أومال كانت الثورة ليه والشهداء ليه والتضحيات ليه ؟

امنح قلبك قبل أن تفكر بأخذ قلب من تحب بالمقابل فالعطاء هو روح الحب و قلبه النابض امنح حبيبك الاهتمام بحرارة و حميمية حتى و إن كانت ردات فعله بطيئة و هادئة فالحب الهادر ربما أغرقك ثم تهدأ فورته و الحب المشتعل ربما أحرقك ثم تنطفئ جذوته ♥ ♥ ♥ و لكن الحب المستمر الممتد باتزان حتى آخر العمر هو حقا ما نسعى إليه

: (أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آَمَنُوا مَعَهُ مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ) .

هذا هو كلام العقلاء يا أستاذ أحمد العقلاء الذين لا تتلبس بهم روح الانتقام ويعتقدون أن الحق معهم هم فقط لا يفارقهم غمضة عين جميع دساتير وقوانين العالم تقول أن الشك يفسر لصالح المتهم وأصل هذا قاعدة شرعية أصيلة في فقهنا الإسلامي تقول " لأن يخطيء الحاكم في العفو خير له من أن يخطيء في العقوبة ". والعدل يقضي بأن براءة عشرة مذنبين خير من إدانة بريء واحد. وقد قلنا مسبقا في موضوع شبيه بهذا .. أن مبارك مدان أمام التاريخ في نواح كثيرة ... وله أمام التاريخ إيجابيات ونواح كثيرة جيدة أيضا. ولكن هذا أمام التاريخ ... وأمام التاريخ فقط ... والتاريخ فقط هو الذي يحكم ... أما القضايا المتهم فيها الرئيس السابق حاليا أمام القضاء فهي قضايا جنائية ... الحكم فيها للقانون. والقانون فقط. ومشكلة الذين لا يرضون بحكم القانون أنهم يخلطون ما بين قضايا التاريخ وقضايا القانون. والغريب أن دعاة المحكمة الثورية لا يرضون بالمحكمة المدنية ... ولنا هنا سؤال جد وجيه.. القانون المدني هو نفسه القانون العسكري .. الفارق هو أن القضايا العسكرية لا استئناف فيها ولا نقض لحكمها. فلماذا نطالب بمحاكمات ثورية إلا إذا كنا نثق أن القانون الذي تعمل به المحكمة المدنية وهو نفس القانون الذي تعمل به المحكمة العسكرية أيضا لن يحقق ما نبتغيه من هذه المحاكمة وهو الانتقام وليس العدل. نحن لا نطالب بمحاكمة وإنما نطالب بتخطي القوانين وإصدار أحكام فورية بناء على طلب جماهير ميدان التحرير ... وللعلم ميدان التحرير فقط لأنني وبعد إقامة شهرين في مصر وجدت بالفعل أن قطاعا عريضا جدا في الشعب المصري لا يوافق على كل ما أدت إليه هذه الثورة على كافة المستويات. والغريب أن من يطالبون بتخطي القوانين يقولون أنهم يريدون هذا من أجل العدل. مع أن أول خطوة في تجاوز العدل هي المطالبة بتجاوز القانون. وبعد أن كانت أكبر مساويء نظام مبارك هي عدم احترام أحكام القضاء وعدم تنفيذها أصبحت الثورة أيضا تسير على نفس الخطى وتتبع خطى النظام السابق شبرا بشبر حتى لو دخلت لجحر ازدراء القضاء وعدم احترام أحكامه.. بل ونشر الشائعات ضد رجاله أيضا.. وهذا حتى ما لم يفعله النظام السابق.. لتثبت صحة المقولة التي سمعتها من معارض عراقي قديما ( كل شعب يستحق حكومته ). عزيزي عبد المطلب نعم هناك قطاع عريض جدا في الشعب المصري مقتنع أن هناك أيد أجنبية عبثت في ميدان التحرير .. وهذه هي الحقيقة التي لا يريد البعض أن يقتنع بها أبدا. ما زلنا في انتظار الكشف عن هوية القناصة. ما زلنا في انتظار شهادة اللواء منصور العيسوي وزير الداخلية الحالي حول تصريحه بأنه لا توجد بنادق قنص بالليزر في وزارة الداخلية. ما زلنا في انتظار فتح تحقيق بخصوص السيارة الدبلوماسية التي قتلت المتظاهرين في شارع القصر العيني. ما زلنا في انتظار ( السي في ) الخاص بمن ألبسناهم لباس الشهداء ولففناهم بأعلام مصر واعتبرناهم أبطالا ورموزا دون حتى أن نتروى لنعرف ما هو وجه بطولتهم ؟ أو نعرف ما هي الظروف التي أحاطت بمقتلهم حتى نعلم ما إذا كانوا يستحقون لقب الشهيد حقا أم لا ؟ قطاع عريض جدا في الشعب المصري أيضا مقتنع أن هناك هجوما منظما قد حدث ضد أقسام الشرطة وأن الضباط اضطروا لإطلاق النيران دفاعا عن أنفسهم وعن مراكزهم الشرطية وأن أغلب من قتلوا خلال الثورة قتلوا بسبب هذا. هل تعلم ما هي القناعة التي تتزايد يوما بعد يوم أيضا لدى الشعب المصري.؟ القناعة التي تتزايد أيضا هي أن مصر لابد لها من حكم عسكري شديد وشديد جدا حتى يستطيع أن يسيطر على شعبها. أول أمس كنت أتحدث مع رجل كبير في السن يعمل خطيبا بالمسجد .. ويعمل بالمأذونية أيضا .. وقال لي بالنص حول مواصفات الرجل المناسب لحكم مصر .. ( ده مش لازم يكون شديد وبس . ده لازم يكون سافل ). والتعبير طبعا لا يقصد به السفالة .. وإنما يقصد به الشدة العالية جدا. القناعة التي تتزايد أيضا يوما بعد يوم لدى الشعب المصري هي أن النظام قد تغير بالفعل ولكنه تغير للأسوأ.. وأن الشباب الذين ركبوا موجة الثورة هؤلاء لا يعرفون شيئا عن حتى ما يطالبون به. كان أحد الأشخاص يحدثني .. وهو يعمل عميدا لكلية في أحدى الجامعات .. ( وهو شخص أثق به ثقة تامة لأنه ليس عميلا لأمن الدولة كما هو اعتقاد الثوار عن كل من يشغل منصبا في النظام السابق ). المهم أنه حدثني قائلا أنه حدثت مظاهرات في الجامعة التي يعمل بها للمطالبة بإقالة رئيس الجامعة .. وأنه اقترب من أحد المتظاهرين وقال له .. ( انت عايز ايه ) فرد عليه ( عايزين نشيل رئيس الجامعة ) .. قال له ( إنت تعرفه يابني ) .. قال له ( لأ لكن احنا شيلنا رئيس الجمهورية مش هنعرف نشيل رئيس الجامعة ). فانظر للأمر الذي أصبح يتخذ مقياسا للحكم على الأمور ؟ وفي نظري .. الأسوأ لم يأت بعد .. وهذا كله بسبب أننا لا نتعلم من دروس التاريخ.

للأسف .. لو هما دول المطلبين بتوع بكره بس كده .. يبقى أحنا رجعنا لأسلوب الشحاته قصدي إننا نشحت حريتنا من الحاكم لأان الموضوع أكبر من عدم محاكمة المدنيين أمام محاكم عسكرية ... لإن ببساطة السيد اللواء رئيس القضاء العسكري أمبارح اللواء المرسي قال خلاص .. مش هانحول مدنيين لمحاكمات عسكرية ... وكمان حولوا دلوقت المدنيين المسجونين في السجن الحربي لسجون عادية مدنية .. أستقلال القضاء .. ماشي .. المستشار أحمد مكي شغال دلوقت على قانون السلطة القضائية وسيُعلن خلال أيايم قليلة .. إيه كده خلاص يبقى لاورة حققت أهدافها ؟؟؟؟؟؟؟؟؟؟؟؟ لأ والف لأ لأن ما يحدث هو مماطلة وكسب وقت وسرقة علنية للثورة من أصحابها .. أصحابها اللي هما كل أبناء مصر الشرفاء اللي خرجوب يقولوا لأ للظلم ونعم للحرية فما كان إلا وقد قفز على الثورة مجموعة عساكر وعاوزين يرجعونا لعصر 1952 .... لازم كل اللي في مصر لو بيحبوا الثورة وخايفين عليها .. لازم ينزلوا يوم الجمعة بغض النظر عن إنتماءتهم لاحول ولاقوة الا بالله كنت اتمنى ان يتم التنسيق بشكل كامل بين جميع القوى السياسية لكن للاسف الشديد لم يتم ذلك طلعت في دماغ واحد اننا نزل يوم 9/9 طيب فين المطالب ومين اللي نازل كنت اتمنى نراهل مليونية بمعنى الكلمة وبعد ذلك لارجوع الكل يظل في مكانه في التحرير حتى نعرف فين راسنا وفين رجلينا لكن للاسف العشوائية وقلة التنظيم ضيعت الكثير الوم على من دعا لهذه المليونية دون اي قاعدة اساسية يتم التحرك عليها والوم على الاخوان موقفهم من هذه المليونية لقد استطاع المجلس العسكري الخائن ان يفرغ الثورة من مضمونها ومازال نزيف الثورة مستمر

للأسف .. لو هما دول المطلبين بتوع بكره بس كده .. يبقى أحنا رجعنا لأسلوب الشحاته قصدي إننا نشحت حريتنا من الحاكم لأان الموضوع أكبر من عدم محاكمة المدنيين أمام محاكم عسكرية ... لإن ببساطة السيد اللواء رئيس القضاء العسكري أمبارح اللواء المرسي قال خلاص .. مش هانحول مدنيين لمحاكمات عسكرية ... وكمان حولوا دلوقت المدنيين المسجونين في السجن الحربي لسجون عادية مدنية .. أستقلال القضاء .. ماشي .. المستشار أحمد مكي شغال دلوقت على قانون السلطة القضائية وسيُعلن خلال أيايم قليلة .. إيه كده خلاص يبقى لاورة حققت أهدافها ؟؟؟؟؟؟؟؟؟؟؟؟ لأ والف لأ لأن ما يحدث هو مماطلة وكسب وقت وسرقة علنية للثورة من أصحابها .. أصحابها اللي هما كل أبناء مصر الشرفاء اللي خرجوب يقولوا لأ للظلم ونعم للحرية فما كان إلا وقد قفز على الثورة مجموعة عساكر وعاوزين يرجعونا لعصر 1952 .... لازم كل اللي في مصر لو بيحبوا الثورة وخايفين عليها .. لازم ينزلوا يوم الجمعة بغض النظر عن إنتماءتهم

بسم الله الرحمن الرحيم (وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ) (آل عمران:104)

ما يحدث ممن يسمون أنفسهم أبناء مبارك شىء عجيب بالفعل واعتقد أنه اول مرة فى التاريخ تنجح ثورة ويقوم المعارضون لها بالظهور العلني بلا خشية وياليت الامر يقتصر على الظهور العلني فقط , ولكنهم يقوموا حتى بالأعتداء على الثوار وعلى امهات الشهداء !! فعلا إبداع مصري جديد !

ياريت ييجوا ,,

نحن لا نختار أبدا من نحبهم فقط نصطدم بهم في هذه الحياة تتلاقى العيون وينطلق الشرر الكثيرون يتجاهلون تلك الشرارة ويذهب كل ٌ في طريقه وقليل جدا من يظل أسيرا لتلك الشرارة ما بقي له من العمر

لو كل الرجال أصبحوا رجلا واحدا وكل الاشجار أصبحت شجرةً واحده وكل البحيرات اصحبت بحيرة واحدة وكل الفئوس اصبحت فاسا واحدة ... وجاء هذا الرجل الواحد وامسك بالفأس الواحدة وضرب الشجرة الواحدة ضربة واحدة فوقعت الشجرة الواحدة فى البحيرة الواحدة اكيييييييييد هتحصل طرطشة كبيييييرة اوى

قالت له : ابدأ بتقييم الناس اولا عندها سألها ... وكيف يتسنى لى توفير الوقت ( لحبهم ) ؟!

مصر مش هتتعدل غير لما نبطل نقول الحاجات دى: ثلاث تيام عملنا الشوقة ساراميك الأنتاريه عملت شعري إستشوار شندوشتات إيد اللنضة شهقة الملوخية ورُعبنا من الشباشب المقلوبة وعلى فكرة لسه فيه حاجات تانية بس نخلص من ''دولم'' الأول :P

و أحب أضيف لحضرتك كمان نقطه أخرى مهمه جداً لو القاضي عادل لازم هياخد بحاجه إسمها روح القانون و يعتبرها وقت اللزوم فوق القانون نفسه يعني لما يكون شايف قدامه جريمه واضحه و واثق منها على المستوى الشخصي بشكل كافي إنه يغمر قناعته هو نفسه الشخصيه بأن المتهم مُـدان بهذه الجريمه .. فسوف يكون لروح القانون هنا مع القاضي العادل دور كبير يجعل المتهم عاجز عن إستخدام ثغرات القانون للإفلات من العداله ده لما يكون القاضي عادل و المحاكمه نزيهه و العدل فيها هوأساس الحكم

ما هو مفرد نحن نرعى ؟ :D

لا تقارن نفسك وأي شخص في العالم فأنت وإن فعلت ذلك ... لاشك فى كونك تهين نفسك بالفعل !!

كَانُوا قَلِيلاً مِّنَ اللَّيْلِ مَا يَهْجَعُونَ [17] وَبِالْأَسْحَارِ هُمْ يَسْتَغْفِرُونَ [18] الذاريات

وهل يمكننا فعلها الآن ؟ لايمكن فقد الثقة ......... مهما تعثرنا بأحجار عثرة في طريقنا لا يمكن فقد الأمل ....... مهما سلكنا من طرق خاطئة ولا يمكن فقد الفرحة ....... مهما ساء اختيارنا كان او كانت له ؟؟؟؟؟ ليست تلك قضيتنا الآن بل دعونا نفكر قليللاً بشيء بل نعمة ...... وهبنا الله اياها رزق ....... الحب رزق ........ ونعمة ومن لايستطيع تقديره فهو اما ناقم ........... أو غافل ........ أو ................ ولا يمكن لقلوبنا أن تكون وحيدة ........... كيف تعاني الوحدة ؟؟؟؟ وهي تحيا بنعيم حب الخالق وعبادته ؟؟؟ هذا هو اختياري ..... لن أكون وحيدة ابداً ....... أما عن الحب البشرى .......... فقد ايقنت انه نعمة ورزق من الرحمن ولن يؤنس قلبي الا من يستحقه .......... أما من هم دون ذلك ......... فلا

يا بخت من كان اسمه بيطلع في الجرايد و التليفزيون في حين ان في ناس تانية بتعمل نفس الشئ من سكااااااااااااات مش اسماء محفوظ بس يا استاذ احمد اللي بتعمل كده مجموعة من شباب اسكندرية شغالين في مشروعات بالاتفاق مع المحافظ الجديد دكتور الفولي منهم حوار الزبالة كمان في مشروع لمراقبة الافران و توصيل العيش للبيوت عشان ما يكونش في تكدس خصوصا ايام المدارس مهتمين بالتشجير كمان اسماء محفوظ راحت غتت على الباشا رئيس الحي و معاها حق في كلامها بس و بعدين ايه اتغير و لا حاجه الشباب اللي باقولك عليهم شغالين اجتماعات مع المسؤولين و الحمدلله في شغل بيحصل امبارح مثلا تم ازالة الباعة الجائلين في شارع المعهد الديني في العصافرة و الدور جي على المنشية و محطة مصر الحمدلله شباب كتير محترم و بدأ يظهر ايجابيته بشكل عملي

الخلاصة ان في بداية الاعلان عن محاكمة مبارك الثوار استبشروا خير ودولوقتي اتأكدوا ان كل ده مجرد تمثيلة مبروك للمتأسفين يا ريس أبناء مبارك الواحد لازم يشجع اللعبة الحلوة

السلام عليكم و رحمة الله و بركاته سلم النجاح اممم طب ليه سلم و يعني ايه نجاح مش اسئلة فلسفية اطلاقا بس لوقت طويل بنحصر نفسنا في مصطلحات و بعد "عمر" بنكتشف ان أفكارنا نفسها ابتدت تتبرمج بناء علي المصطلحات دي رافضة في "السلم" انه بيفترض ان الصعود...نجاح.....و الهبوط عكسه رافضة في فكرة السلم....انه بيفترض ان في نهاية السلم هتلاقي اللي ممكن تكون حلمت بيه طول ما رجلك كانت بتدب علي كل سلمة و كل درجة من درجات السلم بقول رافضة ليه....لأني بقيت اكثر اقتناعا أن الحياة...."رحلة تعلم" سواء طلعت فوق و لا نزلت تحت في البدروم لو مقدرتش تتعلم في كل خطوة يبقي اتأكد ان فيه حاجة غلط سؤال تاني يعني ايه نجاح يعني احنا في الكلية السنة اللي فاتت كان اللي "ناجح" لازم يكون جايب فوق الخمسين السنة دي....قالوا لا لازم يبقي جايب فوق "60" و بكده حسب "معايير" الكلية اللي كان "ناجح" السنة اللي فاتت...هيعتبر "ساقط" السنة دي علشان كده كلمة النجاح نفسها ممكن تبقي بمعايير مختلفة امتي اقول ان الشخص ده ناجح يا تري لما يبقي عنده وظيفة مثلا كويسة....طب يعني ايه اصلا "كويسة" طب ما هي الرقاصة شايفة ان شغلانتها كويسة يا تري لما يبقي متجوز مثلا...طب يعني هو الجواز في حد ذاته هدف....و لا هو "سلمة" في الرحلة راح تودينا لحاجة تانية يا تري الشخص الناجح لما يبقي عنده فلوس...او مكانة اجتماعية....او عدد معين من الاصحاب او العلاقات الاجتماعية كل دي معايير لكن اللي بيغظني ان ناس تانية هي اللي حاطة المعايير دي و بتفرضها علي ناس هتيجي بعديهم و علشان كده من وجهة نظري الشخصية جدا انا حاطة معايير....نجاحي.....لنفسي ببساطة النجاح مش سلم لاني مش بتعامل مع حياتي بمنطق نقطة البداية و نقطة النهاية اللي اصلا مش موجودة غير في حالة لما اجيب ورقة وقلم و ارسم خط مستقيم علي صفحة بيضا لكني بشوف ان الحياة "دايرة" ممكن تعتبر اي نقطة عليها هي نقطة للبدء....و اي شخص فينا هو "مركز" الدايرة دي يبقي انا اللي بحدد اتجاهاتي و معاييري للنجاح النجاح بالنسبة ليا هو قدرتي اني اتعلم من كل خبرة مريت بيها.....حقيقي في وقت ما بكون معنديش لا القدرة و الا الحكمة و لا الصبر اني ابص لنفسي من بعيد و اقول طب يا تري انا اتعلمت ايه...بس بشوف ان اكبر عامل بيفرق في حياة الناس هو عامل الوقت فيه حد رسم دايرته.....و اتصالح مع الزمن و فيه حد رسم دايرته برضه و عايزة يسابق الزمن و كل واحد منهم راسم دايرة و يمكن دوايرنا تتقاطع مع بعضها النجاح بالنسبة ليا....اني يبقي لسه عندي مساحات اني احلم و اصدق حلمي و اغامر علشان احققه اوقات كتير اسوأ حاجة بتحصلنا في حياتنا ان احنا نبطل نحلم...نبطل نصدق...ان فيه معجزة جوه كل واحد فينا لما نبطل نسمع الصوت المشاغب اللي جوانا اللي بيخلينا نحلم بره حدود المألوف و بره حدود الدايرة اللي رسمها لينا المجتمع و الناس و توقعاتهم النجاح بالنسة ليا.....هي زي عملية الولادة.....حقيقي انا مخضتهاش شخصيا....بس حضرتها مع بنات العيلة و كنت بشوف اد ايه البنت بتفضل متابعة حالة "الامل" اللي بتكبر جواها....و اد ايه الفرحة بتلمع في عينها كل ما تحس ان "ملامح" الامل دوت ابتدي يتحرك جواها...و لما بتيجي اللحظة.....بتبقي مخاض بيبقي فيها وجع بيبقي فيها ألم بيبقي فيها صراع ان الحلم يكمل و يعلن اول صرخة ليه في الدنيا و يقول للناس كلها انا جيت أهوت و صراع تاني يمكن يموت الحلم و يكون مثواه عالم الجنة....بس بيفضل جوانا أثر ليه النجاح.....ولادة "حلم" في دايرة حياتي....بكون مركزها أنا و معاييري و قناعاتي و جنوني و اتجاهاتي في الحياة أوقات.....يمكن دايرتي تتقاطع مع دواير ناس تانية لكن هيظل النجاح بالنسبة لي.....دايرة خاصة جدا.....حالة رضا.....تسمحي اني "اولد" حلم.....وقت اما اعوز صباحك.....دواير نجاح....متنتهيش

أ / ياسر بارك الله فيك أنت بما اقتبسته من تعريف تكون قد وضعتنا على الطريق المطلوب الان الكل يمكنه ان يتكلم ويعلق على ما ورد تعريف لليبرالية بدون حرج تعالى لنناقش بعض ما ورد فى التعريف الذي قمت بوضعه مشكورا : بالفعل هذه مميزات تحسب لليبرالية وهذه المميزات لا يوجد فيها ما يجعل الليبرالية مرفوضة اسلاميا هذه المميزات هى نفس ما يدعو اليه الاسلام , بل ان الإسلام هو من علمها للبشرية الميزة الاولى : هناك الكثير من الامور التي تمس حياتنا اليومية لم ينزل الله فيها حكما وسكت عنها لما ؟؟ سكت عنها برحمته حتى يتركها للناس يتشاورون فيها وضعوا فيها النظام الذي يلائم معيشتهم , قال رسولنا الكريم : (( إن الله تعالى فرض فرائض فلا تضيعوها وحد حدودا فلا تعتدوها ,وحرم أشياء فلا تنتهكوها, وسكت عن أشياء رحمة بكم غير نسيان فلا تبحثوا عنها )) مثلا هل ألزم الإسلام المسلمين بنظام حكم معين ؟؟ الاسلام وضع فقط أسس لنظام الحكم بأن يكون قائما على حكم الله وعلى الشورى ( الديموقراطية ) بين الناس ثم بعد ذلك ترك تفاصيل نظام الحكم مفتوحة للمناقشة والاضافة والحذف على مصرعيها وذلك للوصول للانسب لكل عصر , فلم يلزم الاسلام بتسمية الحاكم خليفة مثلا أو أمير أو ولي عهد أو رئيس أو ولي أمر او ملك ............... الخ الميزة الثانية : الإسلام تفوق على الليبرالية فى هذه النقطة , لدرجة انه جعل من الحاكم خادما لشعبه وليس مخدوما الميزة الثالثة : تظهر جلية فى الايتين الكريمتين ( وقل الحق من ربكم فمن شاء فليؤمن ومن شاء فليكفر ) ( فذكر إنما انت مذكر لست عليهم بمسيطر ) إذن بالنسبة للمميزات التي ورد ذكرها يتبين انه لا يوجد تناقض مع تعاليم الدين .

قاعد ومستنى

قال العجوز الحكيم : - أخطر شيء يا صاحبي هو تبسيط المسائل و تلخيص الحياة في نقطة و السعادة في مطلب .. يقول الواحد منا لنفسه .. لو أني كسبت هذه الورقة اليانصيب لانتهت جميع المشاكل .. لو أني تزوجت هذه المرأة لأصبحت أسعد إنسان .. لو أني هاجرت إلى أمريكا لحققت كل أحلامي .. لو أني تخلصت من هذا المرض المزمن الذي ينغص حياتي لصنعت من نفسي رجلاً عظيماً .. لو .. لو .. لو .. و دائماً تتبسط المسألة في نقطة واحدة و قديماً تصور فرويد تبسيطاً شديداً للنفس الإنسانية فقام بتفسير حوافزها و عقدها و انحرافاتها بالحافز الجنسي و أخطأ فرويد .. و كان سبب الخطأ أن الحياة لا تقبل التبسيط و أنها نسيج معقد متداخل من عدة عوامل .. و إذا حاولت أن تبسطها فإنك تمزقها في نفس الوقت .. و لا شك أن كل الكائنات الحية هي في النهاية و بتبسيط شديد " ماء و تراب " .. و لكن هل هي هكذا ؟؟ .. أبداً إن التبسيط قتل للحقيقة .. و هذا ما يقع فيه كل إنسان منا حينما يتصور أن كل حياته تبدأ و تنتهي عند الحصول على هذه المرأة ,, إذا فقدها ضاعت حياته و إذا فاز بها فاز بنعيم الدنيا و الآخرة .. و نتيجة هذه الرؤية التوحيدية المركزة تتوتر أعصابه فلا يعرف طعماً لأكل أو نوم أو راحة و يسقط عليلاً مثل مجنون ليلى .. و قد يبتلع أنبوبة أسبرين ليتخلص من عذابه .. و لو أن مجنون ليلى حصل على محبوبته ليلى و تزوجها و تحقق له ما كان يحلم به لأفاق من جنونه تماماً و لعاد له عقله من أول لكمة في الفراش من ليلاه العزيزة و هي تقول له .. ابنك عنده اسهال .. و بنتك تقيء طول الليل .. و أنا طهقت .. روح شوف أمك تشيل عني العلل دي .. أنا قرفت منك و من ولادك .. قطعاً كانت جميع الرؤى الشعرية و الأطياف الملائكية ستتبخر من دماغه و يلعن اليوم الذي نظم فيه قصيدة أو كتب موالاً .. و لربما قام و هو يبرطم و يسب و جلس على باب الخيمة و أنشد قصيدة يلعن فيها القمر و الشجر و حياة مثل حياة البقر .. و لكن الله لم يبلغه مراده لأنه أراد أن يكون للوهم ملوك يفتنون الناس كما أراد أن يكون للحقيقة ملوك يوقظون الناس .. ليجري امتحان النفوس في عدالة بين شد و جذب الفريقين ... لـِ د. مصطفـى محمـــود من كتاب : المسيخ الدجال

نورت المنتدى يا دكتور تهامي بجد, قبل ماكتب اي حاجة احب اقولك اني بقالي في القهوة هنا حوالي شهرين محدش عبرني بأي حاجة, مفيش لاتية ولا فرابية او اسبرسو معتبر من تهامي هورتون؟ المهم انا من زمان ونا عندي احساس بعدم الانتماء, مش للبلد انما لاولاد البلد, بمعنى انا عارف اني مصري و منتمي لكن مش قادر اني احس اني جزء من النسيج المصري, كان احساسي اني في وادي و الشعب كلة في وادي تاني, يمكن لمل الثورة قامت و الناس بطلت تبقى سلبية شفت و اتعرفت على ناس كتير بنفس عقليتي و دي كانت احد حسنات الثورة, انا بتألم لما بشوف ولاد بلدي جهلة مش بيقروا عايشين في المقابر مش لاقيين حتى مية نضيفة يشربوها و حتى المتعلمين من ابناء الطبقة الوسطى و فوق الوسطى اغلبهم ماشي في الحباة مش عارف هو هنا لية, مش بيقرا في اي حاجة خارج تخصصة دا لو قرا تخصصة اصلا, النفاق و الرياء هو الصفة السائدة, مقدرتش اكون جزء من السيرك دة, مش عشان انا ملاك او ابن زوات خالص, انا اول الغلطانين و باعترف اني كنت سلبي بدرجة بشعة لحد فترة قريبة قبل الثورة و كان التغيير نتيجة موقف اتعرضتلة زلزلني و غير موقفي في الحياة 180 درجة, انا من ابناء الطبقة الوسطى و والدي موظف عادي في الجمارك لو حب يعمل زي اغلب موظفي الحكومة و تحديدا الجمارك كان زماني بروح الشغل بال BMW Z3 الجديدة و بروح بعد الشغل في القصر بتاعي, اصقائي عموما يعرفوا عني اني مثقف و بحب القراءة و يمكن دة اللي حمى عقلي من عملية الغسيل اللي بتحصل لكل الاطفال و بتحولهم لما سيكون فيما بعد ما يسمى بالمواطن المصري المعاصر. انا لحد ما دخلت الجامعة كان مصدر معلوماتي و ثقافتي هو مكتبة والدي اللي ابتداها اصلا جدي, و اللغة اتعلمتها من الافلام و الحمد لله جايب 8 من 9 في ال IELTS و دخلت تجارة انجليزي غصب بالرغم من اني كنت عاوز ادخل كلية علوم قسم فلك و بالرغم من ان مجموعي يجيب علوم لكن مكتب التنسيق كان لة رأي تاني و قعدت خمس سنين بدرس محاسبة و في الاخر اتخرجت و حاليا بشتغل في ال Marketing بتاع شركة telecommunications كبيرة هنا و free lance web developer في وقت فراغي, يعني من الاخر كل الوقت بتاع المدارس و الجامعة كان wasted time اشتريت بية كام شهادة عشان في الاخر اشتغل حاجة تانية خالص مالهاش علاقة بالشهادة دة, بلد شهادات صحيح. بس لحد دلوقتي لسة بجيب كتب في علوم الفلك و الفيزياء و حلم حياتي ان لما اجي كندا ان شاء الله ادخل جامعة تاني و اتخصص في الفيزياء الفلكية و اخد بكالوريوس جديد و ماجيستير و دكتوراة. لحد ما كان عندي 16 سنة كان عندي عجلة و كنت بروح بيها كل حتة كنوع من الرياضة وانا اصلاا اكتر حاجة بكرهها في حياتي هي السواقة في مصر عموما لان دي مش سواقة دي سويقة او خناقة او بلطجة, دة مرة انا و اهلي كنا على الطريق السريع و بابا ماشي شمال زي ما القانون بيقول و المفروض قانونا النقل يمشي يمين فا كان ورانا نقل عمال يضرب الفلاش عشان نعدية و بابا راسة و الف سيف ان لا يمكن و ان هو صح و كانت المفاجأة ان النقل داس بنزين و هيدوسنا فراح بابا موسعلة في اخر لحظة و وهو ماشي من جنبنا راح مطلع ايده من الشباك و حدف طوبة كسرت الازاز الامامي كلة دة واحنا ماشيين على 120 كيلو بس ربنا ستر و محدش جرالة حاجة.و من سنتين كدة كنت في زيارة لالمانيا و جبت من هناك عجلة من اللي بتتطبق و تتشال في شنطة بس تحفة, و اول يوم اجربها في منطقتي لما رجعت لقيت اهلي و جيراني نازلين تريقة علية و اللي يقولي يابني مش كنت تجيبلك عربية احسن مش عيب واحد في سنك يركب عجلة, و كل ما اناقش حد يقولي المفروض العجلة دي اخرها معاك 15 16 سنة, انا سمي و موتي كلمة المفروض دى اللي بقت لبانة في بق الناس, كل اما تكلم اي حد بالعقل و المنطق و ميعرفش يرد يقولك المفروض, مين اللي فرضة؟؟؟؟؟؟ كلمة المفروض دي خدها بقى عندك في كل حاجة, المفروض ان يكون معاك شهادة جامعية حتى لو مش في المجال اللي انتا عايزة, المفروض لما تدخل مصلحة حكومية تشوف الموظفين و تديهم شاي, المفروض انك تبادر بسحق جارك قبل ما هو يسحقك, المفروض ما تتكلمش في السياسة, المفروض تحترم رئيسك حتى لو حرامي عشان سنة كبير, المفروض لو شفت حد بيسرق متتكلمش عشان ما تتأذيش, المفروضات كتييييييرة بس مين اللي فرضها؟؟؟؟ اما بالنسبة ل لماضة المصرية و بقيت البنات ف الله يكون في عونكم, انتم عايشين في مجتمع جاهلي ذكوري قبلي رجعي و عزائي الوحيد في كلمة سمعتها في فيلم ايام السادات لما جيهان السادات كانت بتقولة ان الست في مصر مالهاش حقوق فقالها ولا الراجل! اما الدين اللي هو علاقة شديدة الخصوصية بين العبد و ربة فأصبح مصدر للفشخرة و المنظرة و الرياء و تم اختزال الدين في مجموعة من الشعاثر الكهنوتية و القشور, لما افتح التليفيزيون الاقي واحد بيسأل شيخ عن جواز لعب بلعبة fifa و هل هي حرام ولا حلال, هل الاخ اللي بيسأل حج و قام الليل و حفظ القرأن كامل و امتنع عن الكذب و الغيبة و النميمة و اخرج زكاتة و درس علم ينفع بية امتة و صنع كل الفضائل و تجنب كل الشرور و خلاص مافاضلش غير لعبة fifa هي دي اللي شاكك فيها ان كانت حرام ولا حلال؟؟؟؟ اللي يغيظ اكتر ان بدل الشيخ ما يرد علية رد مفحم و بقولة بلاش تفاهة انة ابتدي يقولة حلال بشرط عدم لعبها في اوقات العمل و حرام لو هتضيع الوقت!!! خلاص احنا فكينا كل الغاز الكون و مش ناقص غير ال fifa!!! بيفكرني بموقف كنت قريتة عن شيخ ازهري اسمة الشيخ المراغي, في ثلاثينيات القرن العشرين احد تلامذتة بيسألة هو دخول الحمام بالرجل اليمين ولا الشمال؟ فالشيخ اتنرفز علية و غضب و قالة الاوروبيين و الامريكان بيطيروا في السما بيطييييييروا وانت لسة بتسأل ادخل الحمام بالرجل اليمين ولا الشمال؟؟؟؟ ارحمني يارب و خرجني منها سليم العقل. في ميدان التحرير اهل مصر اللي هللوا للثورة هما برضة اللي اتهموا المتظاهرين و المعتصمين بالشذوذ لمجرد ان بعضهم مطول شعرة, و اتهمو وائل غنيم بانة ماسوني عشان لابس تيشيرت علية بادج اسد وعشان لابس حظاظه في ايدة. مصر هي البلد الوحيد اللي المحجبة فية محترمة و ان كانت فتاة ليل و الغير محجبة تعامل معاملة الغواني حتى ولو كانت اكثر البنات حياء, انا مش ضد الحجاب, انا بس بسجل موقف ضد النفاق. مصر هي البلد الوحيد اللي لو فتحت هارد ديسك اي مراهق هتلاقي محاضرات عمرو خالد و افلام بورنو جنبا الى جنب. طبعا بعد كل دة اعتقد هتفهموني لو قلت اني مش لاقي نفسي في مصر. طبعا الدنيا مش ضلمة اوي كدة, في حاجات كتير ايجابية ابتدت تظهر مؤخرا زي رجل الاعمال اللي اتبرع ب ربع مليار جنية لمدينة زويل العلمية, الثورة خرجت افضل ما في المصريين و اسوأ ما فيهم, شفت في ميدان التحرير اخواتنا المسيحيين و هما بيحمونا وقت الصلاة و وقفت مع اخواتي المسلمين نحمي المسيحيين وقت القداس, شفت الشباب عاملين حلقة واسعة حوالين البنات عشان محدش يتحرش بيهم و شفت شيخ ازهري و قس بيحضنوا بعض بحب حقيقي مش الاحضان المصطنعة اياها بتاعت مؤتمرات الوحدة الوطنية المشبوهة اللي كانت برعاية الحزن الوطني المحظور, وقفت مع جيراني طول الليل كل يوم لمدة شهر كامل احمي بيوتهم و يحمو بيتي, الخلافات كلها اتبخرت, شفت شباب صغير بيشيل الزبالة بأيدة و بيدهن الرصيف بعد ما كان سهران على القهاوي لوش الفجر, تضامن و تكاتف مالوش حل, الله, صورة جميلة صح؟ بس كمان شفت واحد عمل حادثة على الصحراوي و بيستنجد بحد يساعدة فجالو واحد سرق موبايلة و سابة ينزف, و شفت البلطجية بيدبحوا واحد وسط الشارع في عز الضهر, و شفت ناس مسكت حرامي و اقامو علية الحد و زيادة فقطعوا ايدية و رجلية و نسيوا ان تطبيق الحدود مرهون بطاقة الناس على الاحتمال و بحد الكفاية. الدنيا كانت ضلمة كحل, دلوقتي بقت لونها عامل زي لون السما وقت الفجر فية لمسة خفيفة من اللون الازرق الفاتح, لسة فية امل, امل بسيط وليد و ضعيف بس بيكبر, slowly but surly, انا بقى قررت اخوض المعركة بشكل تاني و في ميدان تاني و البداية هتكون تحقيق الذات في كندا ان شاء الله, ما تنسانيش في دعواتك يا دكتور :) اخيرا بما انك من محبي ال steak يا دكتور تهامي جربت ال beef jerky؟ انا اكتشفتها في امريكا و جبت معايا مخزون و انا راجع مصر.

يظن الكثيرون أن هناك اختلاف بين المرأة الشرقية و المرأة الغربية و تظن الكثيرات أن هناك اختلافا بين الرجل الشرقي والرجل الغربي و بحكم اختلاطي بهم جميعا لا فرق يذكر اللهم إلا لون البشرة و الشعر و العيون الرجل رجل و المرأة امرأة في أي مجتمع و مع اختلاف الأعراف و التقاليد يكمن الفرق فقط في اظهار و اخفاء ما يكمن في النفوس على حسب الوقت و الحالة و الظروف لكن يظل للشرق سحر الكتمان و يظل للغرب حرية البوح