لوحة القادة

أنا قلبى كان ..عصفورطليق ســـارِح...كما الطــفل البرئ فــــــارِد جــناحُه عالمدى شـــارد وهايــم فـ الفضا وكان شقــى ..وبرغم دا فى الحب عمره ما كان جرئ وانا قلبى كان عصفور طليق …...... وكان بيهـرب ..م القـلـوب ويخاف أوى يعشق يدوب كان كل همُهُ..يطير يدور فوق الشجر..بين الزهور وكان يقول لى..حب إيــه إللى انت جَاى تقول عليه مليش أنا ..ياصاحبى فيه ماتسيبنى وحدى أطير أطير أناحـُــر ..ليه أصـبح أســير وانا قلبى كان عصفور طليق …....... وف ـيوم كده ..مش مُنتَظَر شاءالنصيب ..شاءالقدر فجـأه يلين ..قلبـى الحجر وقابلتها...!!!...زى القــمر مـــلاك...وِيِشـبــِه للبشر عيونــها دى..سكـة سفر وصــوتها دا ..نغــمات وتــر يادى النـهار!!!..يادى الخبر أقــوللكم ....بالمُختَــصَر حبيــت أنا ...بحـق وحقــيق وبعد قلبى ما كاااااان طليق صبح فـ بحر الشوق غـريق وانا قلبى كااااااااااااان عصفور طليق

تكادُ اكثرُ الأشياء تفاهه ان تدفع اكثرَ الناس حكمه الى حافة الجنون !! ( طائر طارَ عقلهُ )

اما المجلس بتاعنا ده طلع لعيب بشكل؟؟؟ فهم الشعب انه معاه ضد مبارك ... وفهم مبارك انه معاه ضد الثورة.. وفهم الإخوان انه معاهم ضد الفلول و الأحزاب.. وفهم السلفيين انه معاهم ضد الكفار.. وفهم الثوار انه مع مدنية الدولة و المبادئ الفوق دستورية ضد الإسلاميين.. وفهم الفلول انه معاهم ضد التغيير؟؟ وفهم بتوع التغيير انه معاهم ضد الفلول..! و سابهم يطحنوا بعض احلي طحن.. وبعد ما قعدهم كلهم علي حجره رماهم كلهم في الزبالة و خلا الناس تتحايل عليه انه يمسك الحكم و يعلن الطوارئ لإنهم فقدوا الثقة في كل دول !! ملعوووووبه يا مجلس بس على مين ,, ياللي فوق السبعين !

إتخنقت من التناحه .. والبجاحه .. والملل إتخنقت من السخافه .. والهيافه .. والهطل إتخنقت من السفاله .. والنداله .. والهــبل ضيقه ضيقه.. خنقه خنقه.. والعمل..إيه العمل!!!!!!!!!؟

سحب كلامه؟ ليه؟ هى سايبة؟ المفروض يترفع عليه دعوى.. زى بالظبط الدعوى اللى رفعتها 6 ابريل ضد المجلس.. و عملوا هليلة ان المجلس بيقول على 6 ابريل انها بتتعمد التخريب... ولا هى خيار و فاقوس؟ المبادىء لا تتجزأ و يجب ان يحاسب المخطىء او ان يعتذر اعتذار واضح و صريح. و عموما 6 ابريل كل كلامهم فشنك... و بيطلعوا يطلعوا و ينزلوا على مفيش (مشيها مفيش المرة دى :closedeyes: )

تعليق حازم صلاح أبو إسماعيل علي الوضع بعد أحداث السفارة http://www.youtube.com/watch?v=-KKcKEFO3mw&feature=player_embedded

السلام للجميع انا دلوقتى فى سيبر فى اسكندرية و حبيت ابلغ الأخبار يمكن اى حد يستفيد بداية الميشن كانت يوم الاحد المستشار اسمه كارل شاب بسكسوكة و نظارة امبارح نجح كل اللى دخلوا و النهاردة لغاية دلوقتى نجح زوجين محاسبة و واحد اعطاله تأجيل 90 يوم حتى يحسن مستواه فى الفرنساوى ملخص اسئلته: عن كل الأوراق و تواريخ الميلاد و المعادلة و هاتعمل ايه هناك و السكن هناك يا ريت ياجماعة اللى لسة معملشى عروض عمل او لسه ما ظبتشى المعادلة يعملها ماحوظة لكنته صعبة شوية و هو جد جدا لا يسأل اى اسئلة خارج الورق يعنى ذى الفالور او القوانين ومعاه مترجمة من كلام الناس متعاونة الكلام ده كله من كلام الناس اللى خرجت صلولىىىىىىىىىىىىىىىىىىى كتيييييييييييييييررر انا اعصابى دمار و سايب مراتى بتذاكر فى الفندق علشان منقلهاش توترى لى سؤال لو حد يعرف اجابته هو دكتور البيطرى ممكن يشتغل ايه مؤقت هناك اثناء تحضير المعادلة يا ريت لو حد عارف يبعتلى بس قبل الساعة 8:25 غدا علشان انا مش عارف الأجابة اسيبكوا علشان اروح السنتر اشوف الأخبار و هاجيلكو بالليل صلولىىىىىىىىىىىىىىىىىىى

الشعب اللي قام بالثورة لن يسمح ان تسرق منه وسيتوحد بكل اطيافه وايدلوجياته كما كان في 25 يناير و كما كتب التاريخ ان مينا وحد القطرين سيكتب ان طنطاوي وحد السلفيين والليبراليين

في 1952 كان هناك إنقلاب عسكري في مصر ... قاده مجموعة من ضباط الجيش المصري متمردون على الأوضاع في البلاد .. تحول هذا الإنقلاب العسكري إلى ثورة بعدها بفترة .. بعد أن صدرت قوانين ثورية تغير من هيكل المجتمع المصري ... ثم قام العسكر على إدارة شئون البلاد باعتبار أن فهمهم للأمور أنهم أفضل من سيدير شئون البلاد ... في عام 2011 قامت في مصر ثورة شعبية ... قادها كل الشعب المصري أو أغلبه ... وكان الجميع غاضبون ومتمردون من أوضاع البلاد ... والفساد المستشري فيها .. ولما لم يكن هناك قيادة واضحة لتلك الثورة .. وكانت مطالب الثوار بسيطة ومبدئية .. في تحقيق الحرية والعدالة الإجتماعية .. قام العسكر (في صيغة المجلس العسكري) بإدارة شئون البلاد .. ولما كان العسكر المصريون يظنون ويعتقدون أنهم خير من يدير شئون البلاد .. وأنهم الأجد والأحق بذلك .. وحيث أنه لم تكن هناك رؤى واضحة لدى القوى السياسية في مصر .. حيث تم تجريف العقول المصرية على مدار عقود من حكم مستبد .. ولما كان الوعي السياسي والإجتماعي بين طبقات الشعب المصري متدني لدرجة كبيرة نتيجة لعمليات تجريف وتسطيح وتهجين المصريين خلال العقود المظلفة السابقة .. فقد قرر العسكر تحول الوضع إلى إنقلاب عسكري .. والسيطرة على حكم البلاد في مصر ... هم كانوا يظنون أنهم الأقدر على حكم مصر .. والأكفأ لذلك .. أرى أن هذا ما سيقرأه أبناؤنا وأحفادنا في ما قد يكتب لاحقاً لتأريخ عقود مرة مرت على مصر http://www.youtube.com/watch?v=SAiy_rFNB-Y&feature=share

في انتظار الوثائق الدامغة اللي يتكلم عنها الاستاذ محمد عادل المتحدث الرسمي باسم حركة 6 ابريل مش ناقص غير تبقى السعودية اللي كتبت النشيد بتاع الالتراس الاهلاوي :P http://www.youtube.com/watch?v=hCmCuTFlZRs&feature=player_embedded عدوا يومين يا محمد ..

بدون شك..الثورة اللي حصلت في مصر دي حاجة كنا مستنيينها و متوقعينها من فترة طويلة..لما وصل اليه حكم مبارك من الظلم و الاستبداد و سرقة خيرات البلاد و جعل بعض المصريين للأسف الشديد كالعبيد الذين يعملون ليل نهار ليحصلوا قوت يومهم فقط.. وبعد أن وفقنا الله تعالي لثورة لم يشهد العالم مثلها .. و استطعنا أن نسقط رأس الفساد .. ومات و أصيب الكثيرين..هل كنا نقوم بالثورة لكي يحدث ما يحدث الآن..؟ الأستاذ أسد قال في مداخلة في موضوع آخر..أن هذه الثورة تحولت بعد ذلك لإنقلاب عسكري..فهل كان كل مجهود الثورة من أجل أن يحدث انقلاب عسكري..؟ وطبعا معني انقلاب عسكري أن يقوم العسكر بالانقلاب علي رئيسهم..و يأخذوا مكانه..يعني في النهاية الموضوع راجع تاني لحكم العسكر..فهل هذا ما قامت الثورة لأجله؟ تغيير وجوه فقط؟ أنا دائما كنت ضد من يسب في المجلس العسكري ليل نهار..و كنت أؤيد دعاوي الهدوء و الانتظار و الدعم لهم حتي ننهض بالبلاد..لكن بصراحة..ما يحدث هذه الأيام..جعل الكل..علي اختلاف انتمائاتهم و أطيافهم ينتقدون أداء المجلس الهزيل..و يكشفون مخططاته في عودة الحكم العسكري مرة أخري للبلاد..وللأسف لم نري منهم ما يشفع لهم..بل أن كل شيء مازال كما هو..ان لم يكن انحدر للأسوأ.. أما آن لجميع الأطياف السياسية أن تتحد مرة أخري..و ينبذوا الخلافات بينهم..؟ أقسم بالله..أني أتمني أن أري البرادعي و حازم أبو اسماعيل و العوا و أيمن نور..و كل ممثل عن تيار معين جالسين علي مائدة واحدة..يتفاضون بهدوء..ويتفقون علي خطة محددة مشتركة..هدفها مصلحة مصر..و أقسم أنه لو حدث ذلك..لارتعدت فرائص المجلس العسكري..و عرف أن حالة الفرقة و العزلة التي يريدنا أن نستمر فيها لن تستمر بإذن الله.. أما آن الأوان أن نطبق مقولة قالها الشيخ محمد رشيد رضا..و هو كان يقصد بها الفرق و المذاهب الدينية..أما أنا فأريدها بين التيارات السياسية.. نتعاون فيما اتفقنا عليه..و يعذر بعضنا بعضا فيما اختلفنا فيه أتمني أن أري اتحادا مرة أخري..فوالله لن ينصلح حال البلد الا بالوحدة مرة أخري..و لن ينتصر تيار سياسي معين وحده أبدا..

متهيألى 6 سنة كام :P على فكرة انا لا استحى من ذكر سنى لانى بحب استمتع بكل مرحلة عمرية انا فيها و ممن يؤمنون بان العمر يقاس باللحظات الجميلة و ان الشباب هو احساس نابع من الداخل و ليس من شهادة الميلاد 14 - 6 - 1963 تحياتى

الان حازم صلاح أبو أسماعيل مع لميس الحديدي على الهواء في قناة CBC الراجل ده باحترمه وبأحترم أفكارة لدرجة كبيرة لإنه هاديء ومتزن لكن برضوا لما تتضح الرؤية من بابا نويل العسكري ويتمكن ساعتها أبو إسماعيل من وضع برنامج يخاطب العقل ... ساعتها سأضع في قالب متكامل شخصيتة + برنامجه وأقارن بين ذلك كله وبين المرشحين الاخرين

و هل قطعت اجهزة التكييف (اختياريا) فقط عن المعتمرين دون (موظفي المطار القابعين في الصاله)؟؟؟؟؟؟ اليس من المحتمل ان الحرارة الناتجة عن(تكدس المئات) في مساحة ضيقة ...اكبر من برودة اي (تكييف مركزي)؟؟؟؟؟؟ وما اﻻهانات التي تعرض لها المعتمرين(تحديدا) و بالتفصيل؟؟؟؟؟؟

بجد عيب جدا اللي حصل لسفارة السعودية و الاتهامات الفشنك اللي كل شوية تتقال فعلا المفروض تترفع قضية على اللي يقول كلام خطير بالشكل دا و يطلع كداب هو يولع الدنيا و بعدين يطلع عيل و عيب قوي ان الدنيا تقوم عشان سفارة اسرائيل و سفارة السعودية و لا حتى نسمع كلمة في ايه هو خلاص الناس نسيو من اخواتهم و من اعدائهم !!! زي سحب سفير مصر من الجزاير عشان جنان المشجعين و زي اللي بيفضل امريكا عن بعض ابناء بلده وربنا يستر و شكرا

الي كل الزملاء اللي بيكتبوا هنا نفسي مرة افهم مين بيكتب فين و ليه؟ يعني حضراتكم بتبقوا عارفين الرسائل لمين ؟ طب مش يمكن فاهمين غلط؟ طب ليه بتكتبوا هنا وما بتستعملوش الرسائل الخاصة أضمن وأحسن:) و الا انتو قاصدين المعنى يبقى مبهم و محدش ماسك عليكم حاجة؟؟؟!!! :blink: يعني هو م الآخر يعني ................................... صح؟ أنا بس جاية أهدي النفوس يعني مش أكتر و النبي ما نتو قايمين انا عارفة السكة و خارجة من نفسي رسالة باوجهها لهم و يعرفون أنفسهم :P اشمعنى انا يعني هههههههههههه

مش بقلكم ان اسلوب 6 ابريل هو شعللها شعللها ولما يتزنقوا يقلك اصل عادل سحب كلامه ده علي اساس انه كان بيلعب في الحارة مع شوية عيال و غلط فالناس تقول معلش اصله لسه صغير و بيتعلم نصرفها منين سحب كلامة دي

الحمد لله على السلامه يا سكوربيون وفقك الله ورعاك وسدد على طريق الخير خطاك وأكرمك .. لا يسعنى هنا الا ان اشكر كل القائمين على هذا الحفل والحكومه والامن وجموع الشعب الغفيره التى ساعدت على نجاح هذه الاحتفاليه المباركه الميمونه ويحضرنى بهذه المناسبه القول المأثور للمهلهل ابن ابى شواعه حين ذكر له احدهم ان العطفيال ابن المجولى قد قال ان المهلهل لن يعود فد عليه بقصيده عصماء قال فيها .. لا هارجع........ حروفك مقدرش اشوفها يا صاحبى وادخل اشكرك انك خليت الالوان الحلوه ترجع لعنيا تانى بعد ما بقت الدنيا ابيض واسود وختاما اهدى اليك هذه الاغنيه احتفالا بعودتك...... http://www.youtube.com/watch?v=tOYfTD-XFgY

اتخنقت من الناس اليى تقعد تجمل فى نفسها قدامك علشان توصل لغرض ما واول لما تاخد الغرض ده ويجى وقت الجد تلاقى حاجه تاني خالص . اتخنقت من الناس الى ممكن تستحل حاجه مش بتعتها وتقبلها على نفسها عادى جداً يااااااااااااااااه الواحد مخنوق من حاجات كتير قوووووووى بس فى عز الخنقه دى بصه واحد للسماء وتقول يارب تحس ان كل الحاجات اليى انت مخنوق منها ولا تسوى اى شىء وفى الاخر مافيش حاجه بتضيع اليى بياخد حاجه فى الدنيا مش بتعته ميعادنا يوم القيامه هناخدها منه يعنى

انا بقى مخنوق من حاجه غريبه قوى انا مخنوق من ضميرى اليى بيصور لى انى مفترى وظالم الناس واذا فجأه اكتشف انى كنت اهبل والناس كلها ضاحكه عليا وانا اليى لسه بيقول يا ضمير . ضميرك يقعد يعذبك علشان جيت على واحد فى الكلام مره فى قعدة هزار يعنى وتكتشف اليى انت ضميرك بعذبك علشانه مبهدلك كلام من ورا ضهرك وبايعك الف مليون مره .

بأمانة إنت فعلا أنسان امين جدا على إخواتك ....ربنا يديلك ويباركك بس مش على حسب أمانتك أنت ...لأ ...على حسب أمانته هو عليك ..التى طبعالا تقارن بأمانة البشر لبعض ..ربنا معاك

لا يؤخذ بكلام 6 ابريل فطريقتهم هي شعللها شعللها و في الاخر بينزلوا علي مفيش

الله يسلمك يا سوسو وكل اللي في المحاورات وحشوني بجد خدي د بقى ______________________________________________ مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف ______________________________

وزير العدل: دوله خليجيه صغيره دفعت مئات الملايين لأحداث بلبله في مصر ومن كام يوم تقرير لوزراة العدل قطر أرسلت أموال طائله كمساعدات لجماعه انصار السنه المحمديه ! اتفضلوا يا اسلاميين اهي قربت منكم انتم كمان المقصله ستطال رقاب الجميع

تصدق أول مرة يا ريس أحس إنك شايف صح .. عرفت باة يا تيمور بيك فين الإن .. الحمد لله و إن شاء الله يتحقق ما قلت.

الشيخ حازم لما نشر هذا الخبر قام بتكذيب الكثير من العبارات والجمل في هذا الحوار وقال ذلك الكلام في الحوار الذي دار في قناة الحكمة مع د\ وسام عبد الوارث

الجيش في اي دولة من دول العالم المتحضر مؤسسه من مؤسسات الدوله قائده الاعلى رئيس مدني منتخب ,, وهذا الرئيس المدني بموجب السلطه المخوله له من الشعب يحق له تعيين وعزل والتحقيق مع جميع الرتب في الجيش من اعلاها الى ادناها وزي ماقال الشيخ حازم على الشعب ان يستعد

دخل مستقل إزاي يعني ... فعلا من سنين عساكر المشاة بيستخدموها تزرع أراضي تفتكر من الخيار اللى بيزرعوه ده الدخل اللى بيصرف على الجيش كله، ده حتى مصانع الإنتاج الحربي وقف حالها من زمان ولا تفتكر من حفلات الأفراح اللى بتتعمل في نوادي الجيش وقاعات الجيش. الجيش إحنا قوامه شباب مصر وابناءها ولو صنفناه على أنه دوله داخل الدولة يبقى عليه العوض في الإنتماء ويمكن يخرج من ينادي يالإنقلاب عليه ... الجيش بتاعنا يدار بعقلية المشاة والمدفعية ودي عقلية صحراوية منغلقة متعالية ... والصراع الحالى على فكر وفلسفة إدارة الدولة. الجيش عايز يسيطر ويؤمر والناس ترضى بالموجود وتحترم الأوامر ... ناسيين إن اللى مات دمهم لسه منشفش واللى ماتوا علشانه لسه ما تحققش واللى عايشين مش حينسوهم. من الحق الجيش الحفاظ على خصوصيته للحفاظ على قدرته على الدفاع عن أرض الوطن ... بس لو كان الدفاع عن أرض الوطن يعني قتل أبناء الوطن يبقى العقيدة عقيدة فاسدة ولازم تتقوم ... والحل هو أن المجلس العسكري يقتنع إن الشعب اللى قام بالملايين مش ممكن ينسى طعم الحرية وإن ممارسات التكميم فاشلة كما أثبتت الأيام في ليبيا وسوريا واليمن ... وابناء الجيش نفسهم ممكن ينقلبوا عليه لو تحول مدفع دبابته لصدور المصريين العزل.

رسائل المجلس العسكري : الرسالة الاولي : جمعة 29\7 الشهيرة بجمعة قندهار المرسل إليه : الأقباط ... نص الرسالة : يإما إحنا .. يإما الدقون .. والله الموفق والمستعان __________ الرسالة الثانية : المباديء الفوق دستورية المرسل إليه : الإخوان والسلفيين والقوي الدينية نص الرسالة : انا هنا .. واوعوا تفتكروا في يوم انكم تحكموا .. والله الموفق والمستعان __________ الرسالة الثالثة : أحداث الحدود مع إسرائيل المرسل إليه : الثوار والقوي السياسية نص الرسالة : البلد دي عاوزة عسكري اللي يحكمها .. والله الموفق والمستعان _________ الرسالة الرابعة : إقتحام السفارة الإسرائيلية المرسل إليه : أمريكا والعالم الغربي نص الرسالة : يإما احنا .. يإما تهديد مصالحكم في مصر .. والله الموفق والمستعان ________ الرسالة الخامسة : إغلاق قناة الجزيرة مباشر مصر المرسل إليه : الإعلام وقنوات التوك شو نص الرسالة : اتلموا بدل ما اعكنن علي اللي جابكو .. والله الموفق والمستعان ________ الرسالة السادسة : البلطجة وإنعدام الأمن في الشارع المصري المرسل إليه : الشعب المصري العظيم نص الرسالة : لو مشينا .. مش هتشوفوا لا عسكري شرطة ولا جيش وابقوا قضوها لجان شعبية .. والله الموفق والمستعان

الشيخ حازم شومان هو كمان دخل في المواجهه هو كمان و بيخاطب العسكري http://www.youtube.com/watch?v=QBg_6o2vi2w

Le Dieu des cieux nous donnera le succès. Nous, ses serviteurs, nous nous lèverons et nous bâtirons إله السماء يعطينا النجاح ونحن عبيده نقوم ونبني Ah! Seigneur, que ton oreille soit attentive à la prière de ton serviteur, et à la prière de tes serviteurs qui veulent craindre ton nom! Donne aujourd'hui du succès à ton serviteur, et fais-lui trouver grâce devant cet homme ياسيد لتكن اذنك مصغية إلي صلاة عبدك وصلاة عبيدك الذين يريدون مخافة اسمك واعط النجاح اليوم لعبدك أمام هذا الرجل Monsieur Hani

تعليقا على مهاجمة مقر الجزيره ليه بنخاف من الاعلام / ليه مانعترفش انه سلطه شعبيه وليس لأحد رقابه عليها غير الشعب والمخلصين من ابناءه ليه مايكنش هناك حوار مجتمعى / وتوافق على ما تجتمع عليه الامه بجميع اطيافها وفئاتها وتراه مناسبا ... فيها ايه لما نشتغل 6 ايام ونعبر عن رآينا يوم اسبوعيا بطريقه سلميه حضاريه كباقى شعوب العالم الاول المتحضر ليه المجلس بيفعل الطوارئ قبل ما يفرض الامن على الشارع ويشعر المواطن بالامان والطمأنينه / وهو قادر ان يسير دوريات من الشرطه العسكريه / مادامت الداخليه قد تخلت عن دورها فى حفظ الامن عقابا للمواطن على ثورته على بلطجتها عليه ايام المخلوع ... ليه ماعيناش خريجى الحقوق فى الشرطه وضخ دماء جديده مخلصه اليها ... ايه اللى عملته وزارة شرف / غير تصريحات ووعود لم ينفذ منها شئ حتى اللحظه الراهنه ... ليه التقاعس فى تنفيذ مطالب الثوره المشروعه انسانيا حتى الان ... ليه مايتغيرش قانون الانتخابات المشبوه / ولمصلحة من ؟؟ وليه ليه ليه / كتير كتير كتير

الملخصات مانفعش هنا الفيديو لازم تسمعه للآخر وبعدين تعمل الملخص بنفسك هو التعليم باظ من شوية :closedeyes:

الموضوع مش كده خالص يابو محمد الموضوع يتعلق بالحريات الموضوع يتعلق بقرارات تعيدنا 100 سنة للوراء مرة أخرى الموضوع يتعلق بفكر جامد متخلف عاوز يوقف حركة الزمن ويمنع ويبطش ويعتقل يا راجل ما هو بشار الكلب مانع التغطيات الاعلامية وكذلك ابو زنجا المجنون ... فهل منع ذلك النقل الفوري للأحداث ؟ أنت الان منعت إصدار تراخيص قنوات جديدة شوف الذكاء ... ليه مافيش إختراع إسمه عرب سات ولا هوت بيرد ولا جن أزرق ؟ يا راجل بتتكلموا في إيه ؟ الموضوع بالظبط زي قانون الطواريء ... طب ما هو مبارك طبقة لمدة 30 سنة ... فهل إنت منعت حوادث الارهاب او تجارة المخدارات أو أو أو أو وإنتو يا حلوين يا مجلسيين ... إستخدمتوا المحاكم العسكرية لمحاكمة البلطجة ... فهل توقفت البلطجة ؟ بالعكس دي زادت ..... لانك لم تطبق القانون لتمنع الجريمة قبل حدوثها وأكتفيت فقط بالقبض على البلطجية إذا أمكن بعد ما يكونوا عملوا المصيبة إذن الخلاصة هي إن أي دولة محترمة تحتاج إلى تطبيق القوانين .. وليس إصدار المزيد من القوانين

ااااااااااااااااااه ياااااااااااااااني اتخنقت من ناس مايعرفوش يعني ايه أمااااااااااااااااااااااااااانة .......... أمانة يانااااااااااس ......... أماااااااااانة يابشر ............ أمانة ياهووووو يعني أنا لما اقول لشخص ما أنا هسيب الحاجات دي عندك علي سبيل الأمانة ........ تبقي تعامل معاملة الامانة مهما حصل لحد لما ااجي واخدها منه لكن كونه بقي يتصرف بيها وكأنها بتاعته ......... من منطلق انه عارف مصلحتي ........... تبقي كارثة ........ مصيبة ........ ايه دة منهم لله اللي كانو السبب ......... ربنا هياخدلي حقي منهم ودة بقي يعلمني اييييييييييييييييييييييه ؟؟؟؟؟؟؟؟؟ ان مش اي حد اقدر استأمنه علي اي حاجة ......... ممكن استأمن صحبتي علي مليون جنيه ومش هينقصوا مليم ......... وممكن استأمن حد تاني علي شوية صفيح ومش هاخدهم تاني يلا مش مشكلة ....... واديني بعيش واتعلم

أؤيد هذا الاقتراح علشان متبقاش كلية اللي مش لاقي كلية و متبقاش معتمدة على الواسطة فقط و ميبقاش اللي داخلها داخل علشان يغطي نقط الضعف اللي عنده من نقص المجموع و خلاافه و يقعد يطلع عقده على الناس، و علشان تبقى كلية قمة و التنافس فيها بحسن معاملة الجمهور من عقول واعية لأبنائها و يكون التفاضل بينهم في الترقيات و العلاوات بمقياس مدى حسن التعامل مع الشعب و تأدية كافة حقوقه و حفظها و احترامها، و بكده تتحسن العلاقة اللي اتدمرت بين الشعب و الشرطة و .. طبعاً تغيير نوعية ضابط الشرطة ابو 50% بآخر من ابو 90% داه لوحده كفيـــــــــــــــــــــــــــــــــــل بإحداث ليس طفرة في العلاقة بين الشعب و الشرطة بل ايضاً ربما إحداث سكتــــــــــــــــــــــــــــــــــــــــة قلبية لمن أراد تدمير هذه العلاقة لقيادة البلد لما هي فيه الأن من فوضى، أتمنى من كل قلبي تطبيق هذا و رفع المجموع المطلوب للالتحاق بكلة الشرطة إلى 90% أو أكثر .. و الله فيه ناس محترمة كانت تحب تدخل كلية الشرطة من منطلق وطني و كانت مجتهدة و مجموعها كبير و قدراتها العلمية عالية (يعني دخلوا كليات قمة و نجحوا بعد ذلك) و عاوزة تخش عن حب لكن تم استبعادهم لاسباب غير منطقية و تم قبول اشخاص من أصحاب ال 50% لكنهم على هوى النظام. فكرة أكثر من رائعة .. و هتحل المعادلة الصعبة بين الشعب و الشرطة بدون اي مجهود .. فقط دخلوا الناس المحترمين دول كلية الشرطة و ارفعوا لهم مرتباتهم باعتبارها كلية قمة .. و اعطوهم حقهم مقابل الخطر اللي بيتعرضوله في ضبط الأمن و هما مش حيقصروا مع الشعب لأن دول ناس معندهمش عقدة من نقص المجموع أو أي عقدة نقص أخرى. يا رب داه يحصل .. و نشوف شعب مصر و شرطة مصر أيد واحدة .. آمين.

بقترح دخول الكليات العسكريه والشرطه السنه الجايه يكون اعلى من 90% ادينا شوفنا ال 50% مجموع عمل في البلد ايه

السلام للجميع تنياتى للجميع بالتوفيق شكرا مسيو جوناثان على كلامك الجميل ادعوانا يا جماعة اما مسافر من بكرة على اسكندرية عاروح اشمشم يمكن اعرف اى حاجة واوعدكم اول لما اطلع من الأنترفيو هادور على اقرب سيبر و ابلغكم و يارب ابلغكم بالغالية ادعولى يا جماعة و اوعدكو ليكو الحلاوة بس للهايدعيلى فقط ربنا يوفق الجميع

مالك يا طائر يا حبيبي ؟؟ :P عساك طيب و بخير إن شاء الله ;)

وانا اتخنقت من الناس اللي بتقول كلام هي مش اده من الناس اللي فاكرة نفسها هي وبس اللي صح من الناس الخاينة ....... من الناس المنافقة اتخنقت من ناس بيظهروا ادامنا بصورة ......... وهما في الواقع صورتهم مختلفة خااااااااالص اتخنقت من الناس الي بتوعد وتخلف وعدها يوووووووووووه اتخنقت بقي وخلاص المهم اني اكتشفت حاجات فيا ماكنتش اعرف اني اقدر اعملها ........ اتعرفت علي نفسي أكتر المهم اني بقيت مبسوطة اكتر ..... واتعملت اكتر اه وكمان اتخنقت من الارهاق ياناس .............. خلاص مابقيتش قادرة .......... فيه حد في الدنيا يشتغل 11 ساعة في اليوم ؟؟؟ ........ مش كتير .........؟؟؟ صحتي بالدنيا اتخنقت من الناس اللي بتتحشر في اللي مايخصهاش

انا واعوذ بالله من كلمة انا متفائل ودايما مهما داقت الدنيا واتقفلت في وشي بكون موقن ان فيه اله كريم رحيم يرى ويقدر وحاطط امام عيني - لو علمتم الغيب لاخترتم الواقع - ان الله مع الصابرين تخيل لو متدايق وصبرت ربنا نفسه يكون معاك

انا اتخنقت من اللي نفسهم يتجوزوا النهاردة قبل بكرة ويضحكوا على نفسهم ويقولوا تحيا العزوبية :P الكلام طبعا مش ليك خالص يا عمدة ;)

الى كل فتاة تعاني من كثرة طلبات الصداقة علي الفايسبوك .. . . . . . . . . . . . . . . . حطي صورتك الحقيقية وارتاحي من القصه دى

محمد عادل سحب كلامه يا ساري من يومين