لوحة القادة

تعرفى يادريم .. موضوعك ده يعنى فعلا صدفة غريبة جدااااا لنا يومين ابنتى الكبرى وانا نتحدث عن هذا الموضوع ..والسبب؟؟ هى ذهبت كالعادة لقضاء اسبوعين فى احدى القرى القريبة . هى قرية بها عائلات محدودة ........كلهم بدون اى استثناء من اصحاب الملايين فعلا .......اقل واحد عنده ميتين وخمسين الف يورو سيولة غير منزله واراضيه. الشئ الغريب جداااا.....ان كلهم يزرعون اراضيهم بنفسهم . تقول لى ...ياماما نفسى تشوفى الملياردير اللى ماشى بالقميص برة البنطلون من ناحية والناحية التانية جوة البنطلون وكأنه مجرد اجير ......وف ايده شوية حاجات واخدها من الأرض والا شايل ف سبت شوية خضار ..حاجات عجيبة ....وزوجته بتعمل مربات ومخللات وكل ده من مزروعاتهم...اشجار عندهم ونخيل وكل شئ .. ابنتى رأيها ........دى ناس خلاص متعرفش تعيش عيشة الأغنياء او ( ينزهوا نفسهم ) ليه مش بيروحوا يسافروا ويشوفوا الدنيا؟؟ مغيروش العربية لهم عشرين سنة وتشوفيها تقولى جديدة .. وأرد عليها.......لكنهم مش بخلاء ........وبيوزعوا كتير من كل اللى عندهم...هما مش محتاجين ينزهوا نفسهم بطريقة تانية .مش محتاجين يسافروا او يتفرجوا على بلاد تانية .. هما حاسين بالقناعة .. شوفى يادريم... جميل ان يبقى عندك مليار( مش خمسة ؟؟؟) ....بس الأجمل انك تفكرى ان حد يشاركك الاستمتاع بالفلوس دى .. يعنى مش عايزة تانى اقول ..(( اخواننا....اللى عندهم ملايين جت لهم فجأة ...فلوس من تحت الأرض محدش تعب فيها ...هههه )) شوفى بيصرفوا فلوسهم ازاى ؟؟؟؟ ياعلى المغنيين ياعلى تملك كراسى دهب واعمدة فضة او سيارات فارهة تتحط ف جراجات مقفولة ..وتتفرجى على العجب. يعنى اللى عنده مليارات ...وعنده ضمير......لازم يساعد غيره ويعمل حاجة مفيدة للناس بالفلوس دى ...ومش شرط يحرم نفسه وف نفس لوقت يتصرف بسفه. احلى حاجة انى اكون عايشة بدون اى قلق .....واكون راضية عن نفسى لو معايا مليار ؟؟؟....مش خمسة ؟؟؟ اكييييد حاعيش بطريقة احسن حسب مفهومى انا ... حاعمل مستشفى مجانى او معهد تأهيل مهنى او اى شئ يرضينى واحس بيه انى اسعدت غيرى . طبعاااااااا.............اول شئ اكتب لولادى ربع مليار .. بس. مش جدعنة انى ادى لولادى فلوس كتير متعبوش فيها ... وده بقى موضوع كبير لوحده.....هههههههههههه المفروض نسيب لولادنا جزء بسيط وهم يعتمدوا على نفسهم ويكبروه بقى بطريقتهم.. الخلاصة يعنى ....... الأغنياء جدااا وعندهم اخلاق ..بتبقى عنيهم مليانة زى ما بيقولوا ..وبيعيشوا بكل بساطة وهدوء . لكن؟؟ الأغنياء جدااا ومش بيشبعوا وهما اساسا كانوا محرومين....مفيش منهم فايدة ...وبس تلاقيهم بيحاولوا يظهروا بمظاهر خادعة ...على طول يهمهم المظهر مش الجوهر . مساء الرضا ... :clappingrose: :clappingrose:

أنا قلبى كان ..عصفورطليق ســـارِح...كما الطــفل البرئ فــــــارِد جــناحُه عالمدى شـــارد وهايــم فـ الفضا وكان شقــى ..وبرغم دا فى الحب عمره ما كان جرئ وانا قلبى كان عصفور طليق …...... وكان بيهـرب ..م القـلـوب ويخاف أوى يعشق يدوب كان كل همُهُ..يطير يدور فوق الشجر..بين الزهور وكان يقول لى..حب إيــه إللى انت جَاى تقول عليه مليش أنا ..ياصاحبى فيه ماتسيبنى وحدى أطير أطير أناحـُــر ..ليه أصـبح أســير وانا قلبى كان عصفور طليق …....... وف ـيوم كده ..مش مُنتَظَر شاءالنصيب ..شاءالقدر فجـأه يلين ..قلبـى الحجر وقابلتها...!!!...زى القــمر مـــلاك...وِيِشـبــِه للبشر عيونــها دى..سكـة سفر وصــوتها دا ..نغــمات وتــر يادى النـهار!!!..يادى الخبر أقــوللكم ....بالمُختَــصَر حبيــت أنا ...بحـق وحقــيق وبعد قلبى ما كاااااان طليق صبح فـ بحر الشوق غـريق وانا قلبى كااااااااااااان عصفور طليق

و الله انا شايف إن الحكومة السعودية لو أنها عارفة ان مفيش حاجة تدينها و ان كلام 6 إبريل اتهامات باطلة ترفع قضية على محمد عادل او الحركة و تاخد تعويض محترم زى بتاع الاندبندنت , لانها بقت سايبة بعض الناس لما تلاقى لها منبر اعلامى تتهملك بعض الناس و تقولك معاهم ادلة و ادى وش الضيف ولا ادلة و لا يحزنون لازم ينضرب بايد من حديد على من يفترون الكذب و يدخلونا فى صدامات نحن فى غنى عنها , كفاية علينا تخاريف العنكبوت أحمد زبايدر بتاع فضح المخطط الماسونى الصهيونى و بالادلة برضه. يعنى يا أركتكت باشا لما يكون فى موضوع عن التيار الاسلامى ولو مجرد شبهه غلط نلاقى من حضرتك ألسنه حداد ده ساعات يكون الموضوع لا يمس الاخوان او السلفيين فى شىء و نلاقى سيادتك مدخلهم فى الموضوع و هات يا تريقه وسخرية مع شويه اتهامات لهم بالعمالة و قله العلم و لو واحد فيهم اخطأ بيطنشوا و لو حد تانى اخطا بيدبحوه ....الخ و الجميع يرى مشاركاتك , ليه بقى يا برنس فى الموضوع ده مشفناش اركتكت صاحب الكلام اللى زى المدفع و الهجوم الحاد ؟ ينفع ياباشا اطلع اقول اركتكت مخرب و عميل صهيونى مثلا و معى ادلة وبعديها بيوم اقول انا ترجعت عن كلامى و خلاص كفى الله المؤمنين القتال محدش يتكلم خلاص انا تراجعت ؟ مش معنى انك تنتمى اليهم انك متكونش منصف .مش كده ولا إييييييييييييه

ما شاء الله ربنا يقويكى يامدام عبير هانسميكى سفن أم :)

عايزين هديه معتبره حاجه حلوه ومفتخره لماما عبير حبيبتنا كلكو تقدموا هدايا محدش يبخل يا إخواننا ملابس النونو ببرونات وكمان مغات كله هينفعنا وكلنا نحيي احلي المهمهات في كل المحاورات وكام دعوه حلويين يعين ماما يا رب آمين

لو معايا المبلغ ده حاديه لجماعة 6 إبريل وأبلغ عنهم واعيش زي ما انا على فيض الكريم

مش تحسوا معايا اننا بقينا ما بنصدق نتريق علي حد يعني هارينا الراجل اللي ورا عمر سليمان تريقة و هو راجل محترم دلوقتي عاملين هشتاج مخصوص للتريقة على اللوا مش عارفين نسيت اسمه المهم ايا كان يعني انا بجد حاسة بغلط في اللي احنا بنعمله دا و حتي لو كان يستاهل التريقة الا اننا بناخد ذنوب بقالي فترة باحاول اراجع نفسي في اللي باعمله انا كنت من اللي نشروا التريقة علي الراجل اللي ورا عمر سليمان و بجد زعلت من نفسي اوي و الحمد لله بحاول اقلل من الحكاية دي يعني شوفت الفيديو بتاع الاخ سبايدر اللي كنت اول مرة اعرف انه هو و الحمد لله ما اتريقتش عليه هو شخصيا ايه رأيكم ما تيجوا نشجع بعض اننا نمسك نفسنا عن التريقة عن الناس ما تيجوا نرجع فينا قيمة من القيم اللي شكلها هاتنقرض و هي عدم الغيبة و النميمة و ذكرك اخاك بما يكره ماهم فعلا في الاخر اخواتنا سواء في الاسلام او في الانسانية عن نفسي هابدأ و هاحاول كتير امسك نفسي و لو حد هنا لاقني خرجت عن النص يفكرني و له دعوة حلوة

إذا سار الرئيس القادم على نهج مبارك من حيث الولاء لامريكا فلن يرى هذا التحالف النور .. عايزين رئيس مخلص محترم يضع مصلحة البلد فوق كل اعتبار .. هذا التحالف ان حدث ان شاء الله سيصحح موازين القوى التي تميل الان بوضوح لصالح اليهود ..

سؤال علي الماشي هو الاخ المأمور كان واخد معاه 4 طبنجات ليه و هو بيتفقد الحالة الامنية يعني مش كفاية طبنجة واحدة ولا حتي اثنين يستخدمهم عند اللزوم أكيد طبعا ما كانش مخزنهم في البوكس علشان خايف الناس تهاجم القسم حاسس ان الخبر متفبرك زي عادة الشرطة علشان يحسسوا الناس بعدم الامان

السلام عليكم انا طبعاً لم أشهد أحداث المطار فلن اخوض فيها و أفتي بما اجهل .. و أربأ بإخواني أن يقولوا سمعنا و قرأنا في الصحف - الصفراء - و لكن الواضح جداً للعيان ان هناك من يريد ان يفتح على مصر جميع الأبواب .. الأمر لا يتعلق بالسعودية اطلاقاً و الا لقارنا السعودية بالكيان الصهيوني فكلاهما كما يريد ان يصور البعض خصماً لمصر .. طبعاً لا أقارن ولا أساوي بين أطهر البلاد و أنجسها (بني صهيون) .. إنما أقول أن الأمر لا يتعلق بمن الخصم و إنما بصاحب الخصومة و هي مصر .. مصر التي يسعى كل من حولها من أعداء داخليين و خارجيين أن ينال منها .. تارة بالتناوش مع العدو الصهيوني .. تارة بدفعها لفتنة طائفية و التي اختفت سبحان الله .. تارة لخصومة مع السعودية و نقلبهم ذات اليمين و ذات الشمال في القديم و الحديث من خلافات تحدث بين الإخوة بشكل طبيعي .. الهدف يا إخواننا هو النيل من موقف مصر و موقع مصر التي باتت قاب قوسين أو أدنى من استعادته .. لا يستطيع أحد أن يجزم بصاحب المصلحة في هذا النيل من مصر .. قد تكون اميركا .. قد يكون الكيان الصهيوني .. قد تكون قوة أخرى بالمنطقة أو قوة خائفة بالمنطقة .. أو .. أو .. أو ... و لكن الأكيد أن الملكية الفكرية و السبق التاريخي لشعب مصر .. أكرر .. لشعب مصر .. لا شك أن ما أوتي هذا الشعب أقوى من جميع هذه الائتلافات مجتمعة .. و حصنه أعلى من هذه القوة مؤتلفة و لو جمعوا لنا الجموع و حشدوا لنا الحشود ما استطاعوا زحزحة هذا الشعب الذي طالت غمته. تحياتي

مش عارفة احساسي ملخبط زي ما يكون ورايا خمسين حاجة بس رغم كده مرتاحة :blink: أحيانا بتبقى غرابة حياتنا هدية من ربنا مين قال لازم ابقى زي بقية الناس حلو اوي ان كل حاجة في حياتي غريبة اوي و دايما ملهاش تفسير لكن لا شيء يحدث عبثا حتى لو لم ندرك الحكمة من وراء ذلك على كل حال أحمدك يارب حمدا كثيرا طيبا مباركا فيه { و الله يعلم و أنتم لا تعلمون}

اعمل ايه أصلي بحب الرقم 7 جدا :blush2: وحاسة ان حياتي حيدخلها الحظ و السعد بهذا البامبينو السابع قولوا آمين طبعا انتو اول ناس تعرفوا قبل اخواتي ما انتوا اخواتي و أهلي مش حأوصيكوا في الدعوات بقى stnd::

الحلقة الثانية اول لما جالنا ميعاد النترفيو الول طبعا المدام كانت فى المستوى التانى و انا كنت فى بيتنا طبعا ربنا لما بيكون رايد حاجة لحد لو الدنيا كلها وقفت فى وشه انسى ( فيحاربونك ولا يقدرون عليك لأنى معك لأنقذك) المهم قلنا نأجل اذاى المدام حامل روحنا لدكتورة و ترتيب ربنا تطلع دكتورة امينة قالت انا مقدرشى اكتب فى التقرير اى حاجة انا مش شايفاها قدامى كشفت و وجدت بالفعل عندها مشكلة كبيرة فى الحمل و لازم تاخد اجازة من الشغل و تنام على ظهرها(اجهاض منذر) الحمدلله جبنا الشهادة وبعتناها بس المشكلة طبعا المدام شغلها فى حتة بعيدة جدا و طبعا انتو عارفين لا يوجد اجازات فى الجيش حتى لو ايه المهم فى ظل هذه الظروف كنا فى سباق مع الزمن انا قدمت استقالتى من الشغل علشان اتفرغ لرعايتها و للكورسات وتخعيز اى اوراق والمدام تروح الشغل وتطلع على الكورس و ترجع تذاكر كل يوم فى ظل هذهالظروف الصحية طبعا موقف جميل جدا بقيت انا ست البيت بس كلو يهون علشان خاطر ارض الموعد طبعا لو كنا مشينا مستوى مستوى مكناش هانوصل للسابع المكتوب فى الابلكيشن لكن ربنا طبعا موجود و بعتلنا مدرسين فى السنتر نططونا ليفيلان وبدانا نعد للانترفيو كلمنا مدام نادية كانت مسافرة ودهطبعا ترتيب ربنا علشان نكلم مداد شرين ونتابع معاها

اول حاجة ملخص الملف للى مش عارف المقدم الرئيسسى الزوجة كميائية الخبرة سنتين فى مستشفى خاص بدون تأمينات و سنة فى معمل فى الجيش مكلفة بدون تأمينات مستوالفرنساوى متوسط واخدين شهادات من السنتر حتى السابع ولكن السمع ضايع الزوج (انا) بيطرى من اكتر من 5 سنين مندوب دعاية فى 4 شركات خبرة 5 سنين سنتين فقط بتأمينات فى المل خالص الفرنساوى اكتر من ضايع نجحت حتى الخامس بالبركة (سمع دمار كتابة خراب كلام ضياع ) التحضير مع مدام شرين حوالى 9 مرات تم التاجيل اول مرة بسبب عدم الأستعداد بعت الملف يوم 1-11-2010 لم يصلنا فيل بمبر ولا اي بريد فقط يوم 7\5\2011 ميعاد النترفيو الأول يوم 23\5

لولا الرجولة مانعة البكا بس الواحد غصب عنه ما انا لو مصرختش ممكن اموت ما انا لو مقلتش هاينطق السكوت

اممممم ... ألاحظُ دائماً بأنكِ لا تحملينَ معكِ حقيبة يد كبقية النساء في حالة خروجهن وطلوعهن والتى يحملنها ويمتشقن حال غضبن وذهبن !!

منقول: كتب والي خراسان إلى الخليفة عمر بن عبد العزيز يستأذنه في أن يرخص له في استعمال بعض القوة والعنف مع أهلها قائلا في رسالته: أن أهلها لا يصلحهم إلا السيف والسوط فرد عليه عمر قائلا..كذبت.. بل يصلحهم العدل والحق، فابسط ذلك فيهم، واعلم أن الله لا يصلح عمل المفسدين

يا عسكرى واقف بالفرس على جتتى لا انت البطل ولا فتوة حتتى لو جيت تقولي انا هاخد البلد هقول خدها ! ,, بس على جثتى وعجبي ! من رباعيات صلاح جاهين

خطوة ممتازة ... ارجو ان تنضم جميع طوائف الشعب و جميع التيارات لدعم تلك المطالب .. يجب ان ننسى خلافاتنا و نتوحد كايام الثورة العظيمة

أنا شخصيا حسافر كل بلاد العالم يعنى مش حسيب بلد مش بس للفسحة وان كانت سبب بس كمان لخدمة البشرية يعنى ممكن اكون في الصومال او جنوب افريقيا او اي بلد تحتاج مساعدة مش عارفة ليه بيجذبني الاجانب اللى بيقدروا يقدموا خدمات من هذا النوع في هذه البلاد احساس جميل انك تقدر تعمل شيئ له معنى انك تقرب منهم وتجعلهم يثقوا بك وكمان للاستجمام والفسحة ورؤية معالم وثقافات البلاد المختلفة بس فين الفانوس السحري ميرسي دريمي على حلم للحظة

استكمالا للمسيرة و الخط العريض الذى وضعه العمدة

الست اللي بتقول إن جوزها مش متعاون معاها في الأعمال المنزلية تعاليلي هنا عينك فى عيني . . . . . . . . . . مش انتي بتطبخي وهو بياكل؟ مش انتي بتغسلي وهو بيلبس؟ مش انتي بتكوي وهو بيكرمش؟ مش انتي بتنضفي وهو بيوسخ؟ مش انتي بتروقي وهو بيبهدل؟ ستات ذي القطط تاكل وتنسى

يا افندم عادي زي ما بنقول إن الشريعة الإسلامية المصدر الأساسي للتشريع

انا خايف اقول كلمة الحق تقولوا اركيتكت بيمسح جوخ بقى والخنقه دي وانتوا عارفين اني مش كده المهم المقيمين هنا وانا يمكن اكتر واحد معكوك في شوية اداريات في الدوله ومشاكل مع عشرين جهة حكوميه بسبب لخبطه ماحدش له ذنب فيها المهم عمري ماحسيت بحتة انت مصري يبقى نعاملك وحش خالص بالعكس كل اموظفين السعوديين اللي اتعاملت معاهم اللي في ايده حاجه يقدر يعملها بيعملها او يوجهك للجهة المختصه و انا لولا بتخنق من نظرة المصريين للمصري اللي بيمدح في اهل البلد اللي بيشتغل فيها يقعدوا يقولوا بيجاملهم بقى والكلام ده كنت زودت في الكلام وقلت كلام جميل انا مش عارف ايه اللي حصل في مطار جده لاني دلوقتي في الرياض من منتصف رمضان وحتى لو كنت هناك كنت حعرف ازاي المهم دي شهادة حق انطلبت مني وكان لازم اقولها بغض انظر اذا كانت حتزعل مني ناس بس مالهاش حل مش حينفع اغير ذمتي عشان اجامل وحاولت اسكت انطلب مني اتكلم تحياتي للجميع

يا بنت يا عبير مش قلتي في موضوع قاتون الجذب ان كل حاجة كانت بتحصل معاك انت اللي جذبتيها لنفسك وقلتي حتى عدد ولادي ...الله لا يسيئك افتكري جذبتي كام الا كده قلقتيني . وبردو على جنب . . . فاكره علقة الموت مانا كنت قاعده زهقانه ياشيخه ماكنتي تقولي ...

مرة واحد فرنسي........قال لواحد مصري تعالا ع بلادنا اوريـك التكنولوجيا اخده واداله فاس و قاله احفر قعد المصري يحفر لغايه ما لقى سلك قال الفرنسي شايف من اول ما انخلقنا وعندنا Internet !! المصري ضحك وقاله طيب تعال على بلادنا اوريك التكنولوجيا بعد ما رجعو قاله أحفر هنا الفرنسي حفر 3 ايام ما لقاش حاجه جاله المصري وقاله احنا من اول ما إنخلقنا وعندنا WIRELESS !!!

لسه يا عطر انتي بتكبري في ودن البيبي هههههههههههههههه ميرسي يا حبيبتي و ربنا يبارك فيكي و افكركم ايه ما انا معاكوا كل يوم مش حتلحقوا تنسوا هههههههههههههه ده احنا حاهريكوا مواضيع في باب الأسرة و الطفل حتى مواضيع الاغاني حاجيبلكوا اغاني اطفال اما مواضيع الشعر و الادب فبرضه حتبقى عن الاطفال هههههههههههه تخيلي بقى مناجاة بين بيبي و حبيبته يصف لها ألم الفراق و يعيّط و تفتكره بيعيط عشانها اتاريه عاوز يغيّر البامبرز :blink: و حنفتتح باب جديد نسميه محاورات البيبيهات المصريين :closedeyes:

بسم الله ماشاء الله بورك فى الموهوب وشكرت الواهب ورزقت بره وبلغ اشده مبروك يا استاذة عبير وربنا يبارك فيه او فيها ويجعله او يجعلها قرة عينك وزوج حضرتك فرحت كتير اوى بالمفاجاة دى المال والبنون زينة الحياة الدنيا وماشاء الله ربنا رزقك بالبنون اسال الله العظيم ان يرزقك المال الحلال ماشاء الله عندك 3 بنات وانا نفسى يبقى عندى 3 بنات بردوا :) لما تربيهم كويس بقى يكونوا سبب فى دخولك الجنة باذن الله ربنا يقويكى ويحفظك ويتم فرحتك على خير كدة باذن الله بقيلك حصانين و3 عساكر وتشفولكوا بلد صغيرة على ادكوا تحتلوها :closedeyes:

ميرسي يا باشمهندس كلك ذوق ودايما سباق بالخير

تفكيري فيك هذه الليلة لم يكن تفكيرا فيك بفكري أنا وحدي، من داخل نفسي العالم الواسع كان يفكر معي فيك كان يفكر باستغراق نوم الحقول العظيم، النجوم، البحر الصامت، العشب الذي لا يرى، ولا يحس إلا من عطره الجاف كل شيئ، كان يفكر فيك ياللهدوء الذي تجلى فى الانسجام بين الاحجار، النجوم، الماء الساكن، الغابة المرتعشة، كل الجمادات، وروحي، تهبها لك جميعا كل شيء استجاب وانقاد لندائي ليكون تحت تصرفك ارتفع الهدف، في قوة الحب الظلال والأضواء اتحدت كي تتلاقى في ضوء حبك كذلك اتحد الصمت الهائل على الأرض وأصوات السحب الناعمة في السماء في تسبيحة باسمك أنشدت نفسي في وجداني تواؤم العالم والوجود الزمن والرغبة هدنة بعيدة الاحتمال دخلت في نفسي كما تدخل السعادة عندما تأتي متأنية، قبلة فقبلة كدت أكف عن حبك، كي أزداد حبا لك في شيء أكبر مني، وأستودع عهدي في حبك لليل الهائل، وأهيم في الزمان، محملا برسالة، رسول حب تحول إلى نجوم، سكون، عالم ناجيا من رعب الجثة التي تبقى عندما ننسى بيدرو ساليناس 1935

يا لها من أغنية يا أستاذ محمود يا لها من زقرقة حرة متطلقة من قلب عصفور من عصافير الشعر الأصيلة لم يأسف العصفور على حريته لأنه بادلها غير آسف بالغرق ربما لأن المبادلة تمت دون إرادة منه، تمت بإغواء الحب وسطوته أو سطواته التي لا ترد وربما لأن "الغرق" هو أكثر تحررا في الحقيقة من الطيران ربما كان الغرق هو الطيران بمعناه الحقيقي لأنه طيران لا يعتمد على قوة مادية كالأجنحة "فــــــارِد جــناحُه عالمدى شـــارد وهايــم فـ الفضا" إنما طيران الغرق يعتمد على قدرة الغرق على أن يجعل العصفور متخففا في طيرانه من كامل جسده حتى أجنحته ذاتها يجعله قادرا على الطيران بكامل روحه وفي سماوات أكثر انفتاحا وسعة وتطلقا من انفتاح وسعة وتطلق سماءنا الدنيا هكذا كان العصفور أيضا.."شقى" لكنه - برغم شقاوته : "فى الحب عمره ما كان جرئ" لأن طيران الحب في حاجة إلى جرأة أكثر إقداما بكثير من جرأة التحليق في الفضاء أو على ارتفاعات مدوخة جرأة الحب تجعل العصفور قادرا على الاستهانة بأخطار الحب التي هي بالتأكيد أكثر وعورة من أخطار السقوط من ارتفاعات خيالية بعيدا عن الأرض ما أشبه العاشق في عشقه بالعصفور وما أشبه الشاعر في شعره به .. أستاذ محمود البصيلي أفضل الشعر ما كان يشبه عربة ذهبية مربوطة إلى حصاني الخفة والعمق والخفة في أغنيتك - أيها العصفور المغني - تصنعها البساطة والإيقاع الموسيقي الراقص المرقص وكأنه إيقاع عصفور في طيران مفرود الجناحين والعمق يصنعه الأفق الإنساني المنفتح - في رقة عصفور - على رؤى ومفاهيم عميقة للحب والحرية شكرا أستاذنا لمتعة الشعر الفائقة التي جعلت قلوبنا وأصابعنا تتلمسها هنا

دليل ع ذكاء المصريين) سأل طفل مصري اينشتاين فقال: . ... ... . . . . . الهــواء الذي يخرج من فمــك هــل هو حــار أم بــارد ... قـــال أينشتــاين .. بـــارد .. قــال له .. إذن لــماذا تنفخ في يديك في الشتــأء لتدفئتهــا .. فأجــاب أينشتــاين .. اها .. إذن الهــواء حــار .. فقال له : إذا لمـاذا تنفخ في كوب الشاي لتبريده .. فأنــزل رأسه أينشتايـــن و قال : ولااا....فكك مني

يأسك وصبرك بين ايديك وانت حر تيأس ما تيأس الحياة راح تمر أنا دقت من دة ومن دة وعجبي لقيت الصبر مر وبرضه اليأس مر لـــِ صلاح جاهين —

منطقي طبعا ان تدافع عن بلدك ومنطقي ايضا ان ادافع عن اهلى ولكن الأكثر منطقية ان ندافع كلينا عن الحق لذلك اسمحلى بلد بحجم السعودية ماديا بلد شرفها الله بخدمة الحرمين الم تجد أماكن تسعي هؤلاء المعتمرين الغلابة ام نتركهم الاف مكدسة في صالات غير مكيفة او لا يؤثر بها التكييف كما تتوقع اليست هذه خدمة لزوار البيت تسؤلون عنها يوم القيامة والاهانات التى سمعنا عنها من المعتمرين وقرأناها بالصحف لما لمن في حالهم !!!! أما ان كنت تشكك بما يقوله المعتمرون برغم الاجماع عليه فهذا امر اخر وبنفس المنطق لن اصدق المسؤليين السعوديين الذين ينكرونها أظن ان من يخطئ لا يضيره الاعتذار وهذه خلق الاسلام التى نعرفها وهذا هو ما سيألف القلوب

اهو احنا كده يامصريين نهاجم وخلاص ده مدرسة جديدة المدرسة السمبوكسية بينادي علي الست ام سيد الغسالة اللي لما هدومها وماشية وهو معندهوش رصيد يكلمها بيه

يلا زي بعضه الله يخرب بيت اللي يزعلك يا شيخ بلاغه بلاغه بصحيح يعني بس شكله مسمعش عن خدمة كلمني شكراً كانت مصر دفعت له حق المكالمه و بلاها فضايح ((تعاطفك وحده مش كفايه .. إتبرع و لو بـِـ كرت شحن بعشره )) هي بقت كده خلاص ؟ ما هم كانوا لازم ينسوا يا عم الحج دول لو افتكروا اسمايهم بعد ما يسمعوك يبقى كتر ألف خيرهم نفسي أعرف الأشكال دي كانت مدفونه فين قبل الثوره

مش عارفة يابينكي بصراحةأنا مقدرتش أضحك مع الفيديو لأن الراجل شكله غلبان قوي ومطحون والناس الكبار عموما بيبقي خلقها ضيق وبيتكلموا بنفس طريقته بس متقوليش عليا نكدية أنا تألمت من الفيديو وكنت هأعيط لأن رجل في سنه وظروفه المفروض المجتمع هو اللي يشيله مش يعاني بالطريقة دي يوووووووووووووووه كده هندخل أوضة المكتب هنا كمان سامحيني بس يمكن الفيديو أنا حسيت الراجل غلبان فمعندوش إمكانية مادية لغير كده لكن أنا فاهمة قصدك أنا كان جدي الله يرحمه بالرغم من حالته المادية الميسورة لكن كان يصر علي ركوب الأتوبيس ويصر علي الشراء من المجمعات الاستهلاكية واستخدام حقوقه كاملة كمواطن الدولة بتقدمها له يمكن عشان جيلهم اتربي علي كده واتربي علي الايمان بمسئولية الدولة عن كل شئ وبالتالي استخدام وسائل المواصلات العامة ده حقه فهو لازم يستخدم حقه ده ويمكن لأن حالة المواصلات زمان كانت أحسن من دلوقتي فبالتالي هم اتعودوا عليها فمكانوش بيحسوا بالتغيير السئ التدريجي اللي بيحصل يعني تعالي دلوقتي للجيل الجديد من الأطفال اقنعيه إنه يركب أتوبيس باختياره لأطبعا لو متوافر وسيلة مواصلات أفضل عمره ما هيركب الأتوبيس والله أنا بأحلم باليوم اللي تكون فيه الأتوبيسات آدمية وتحافظ علي كرامة الانسان

سحب كلامه؟ ليه؟ هى سايبة؟ المفروض يترفع عليه دعوى.. زى بالظبط الدعوى اللى رفعتها 6 ابريل ضد المجلس.. و عملوا هليلة ان المجلس بيقول على 6 ابريل انها بتتعمد التخريب... ولا هى خيار و فاقوس؟ المبادىء لا تتجزأ و يجب ان يحاسب المخطىء او ان يعتذر اعتذار واضح و صريح. و عموما 6 ابريل كل كلامهم فشنك... و بيطلعوا يطلعوا و ينزلوا على مفيش (مشيها مفيش المرة دى :closedeyes: )

تعليق حازم صلاح أبو إسماعيل علي الوضع بعد أحداث السفارة http://www.youtube.com/watch?v=-KKcKEFO3mw&feature=player_embedded

الاخت الفاضلة رجعنا الى التحطيم لأنه تسرب الينا جميعا شعور ان البلد مش بلدنا من جديد شعور ان احنا بيتلعب بينا شعور ان المشير والمجلس العسكري مش أمين على ثورتنا شعور ان الداخلية شايله الثورة تحت ضرسها وتتحين الفرص لتأديب الشعب الخرسيس الذي ثار يوم عيدها شعور انهم يدوا المجرمين فرصة يفرموا الورق ويحرقوا الادلة بينما يتم سحل المتظاهرين بقسوة شعور بالمهانة بعد كشف العذرية على بنات الثورة ثم يخرجوا عليناب التهديد و الوعيد لما نغضب شعور لايجعلك تحطمين بل يجعلك تقدمين على ماهو أفظع من ذلك والله الموفق

إبحثي عن المستفيد وأنتي تجدي الاجابة 1- المقدمات : - إعتداء الشرطة الغاشم على اهالي الشهداء أمام اكاديمية الشرطة وأعتقال حوالي 26 شخص وأحالتهم للمحاكمة العسكرية .... وقمة المسخرة إن ما فيش ولا واحد من اللي أعتقلوا من أبناء مبارك بتوع اسفين يا ريس لأن الشرطة وبالصور والفيديوهات بتحتضنهم وتؤمن لهم الحماية هناك . - الإعتداء بدون سبب على جماهير الأهلي في مباراته مع فريق درجة ثالثة .. ولأول مرة في تاريخ الكرة المصرية نجد تلك الاعداد من جنود الامن المركزي .... حتى في عز أحداث الشغب في مباريات سابقة بعد الثورة لم نجد 4 صفوف من جنود الامن المركزي في المدرجات ... دول كانوا اكتر من الجماهير ..... - صدور بيان مُسبق من المجلس العسكري بيقول فيه أنه نما إلى علمه إن في بعض المتربصين سيحاولوا مهاجمة اهداف حيوية وخصوصاً العسكرية يوم جمعة تصحيح المسار ... قول وكتاب الله ؟ وعشان كده كثفوا وجود الامن عند وزارة الداخلية وما كانش في خيال عسكري حوالين أو امام الوزارة للمرة الاولى في تاريخها منذ إنشأها وعشان كده سحبوا السيارات المدرعة من أمام مدخل عمارة السفارة الإسرائيلية ... طريقكم أخضر إن شاء الله وعشان كده من قبلها ومن أسبوعين وماحدش خد باله إنهم سحبوا عساكر الحراسة اللي من الشرطة العسكرية والشرطة العادية من أمام جميع المستشفيات .. وفي ثانية تم الهجوم على مستشفى القصر العيني وتم غلق قسم الطواريء اللي الدكاترة فيه إتعوروا من هجوم البلطجية المتزامن مع غياب الأمن ... وتم غلق قسم الطواريء للمرة الثالثة أو الرابعة في مستشفى المطرية التعليمي .. وقس على ذلك عدة مستشفيات اخرى على مستوى الجمهورية ... لدرجة إن وزير الصحة صرح إن هايتم إقتطاع جزء من ميزانية وزارة الصحة عشان نتعاقد مع شركات أمن تحرس المستشفيات ... وعندنا ملايين الجنود في مختلف القطاعات قاعدين منم غير لا شغلة ولا مشغله ... يكفي الالاف اللي في الحرس الجمهوري وكنا بنشوفهم ملقحين ليل نهار عشان الريس هايمر بعد شهر من المنطقة دي .. عرفتوا مين السبب في اللي حصل ده كله ؟

تعليق أكثر من رائع من Dr.issamo said على مدونة نوارة نجم ---------------------- من المسؤول الادارة نعم انها الادارة المرتعشة المتباطئة العنيدة ولن أقول المتواطئة لا يوجد من هؤلاء المصريين من مول من الخارج او تلقى تعليمات او ينفذ اجندات المسألة كلها أن المجلس العسكري و الداخلية أخرجوا الناس عن شعورهم واستفزوهم بتباطؤهم وتخاذلهم وارتعاشهم وعنادهم يجب أن يفيق المجلس العسكري ويفهم أن المصريين تغيروا يقول صلاح جاهين في أحد رباعياته : إقلع غماك يا تور وارفض تلف / إكسر تروس الساقية و اشتم وتف / قال : بس خطوة كمان .. وخطوة كمان / يا اوصل نهاية السكة يا البير تجف كنا مغمضي العيون ندور في طريق الساقية الذي وضعه النظام السابق والآن قلعنا الغمامة من على الشعب المصري الذي عندما أبصر فجأة " بعد أن كان قد نسي أن لديه عينان" بهره النور و كاد يعميه وتهيج الثور و شتم وتف و انطلقت كل الأرجل في أكثر من اتجاه فهو لم يرى بعد الطريق الصحيح لكنه حتما سيدرك الطريق ويهدأ ويسير بخطوات واثقة ولن ينقاد مرة أخرى فقد حطم تروس الساقية وقلع غماه واكتشف أن لديه عيونا ترى وعقلا يدرك

قال الامام ابن القيم : العارف لا يأمر الناس بترك الدنيا , فإنهم لا يقدرون على تركها ولكن يأمرهم بترك الذنوب مع إقامتهم على دنياهم , فترك الدنيا فضيله وترك الذنوب فريضه ... والعارف يدعو الناس الى الله من دنياهم , فتسهل عليهم الاجابه والزاهد يدعوهم إلى الله بترك الدنيا , فتشق عليهم الإستجابه . ؟!

ماتقلقيش يا ايمى انا حصلت معايا نفس الحكايه وبعد يومين دخلت الرقم اللى بيبتدى بEP وظهرت الحاله تانى وحصلت لناس تانيه برده دخلى الرقم التانى وانشاء الله تظهر بس ماتقلقيش هى حصلت لناس كتير والف الف مبروك لجوجو وربنا مع الجميع ويطمن قلوب الناس كلها

شرفت موضوعي يا Starsideus مشاركتك عميقة بجد ، ولو بدأت أرد على الأفكار اللي فيها ، هتملا كتاب. ويمكن عشان كده ردي على مشاركتك أجلته عشان ألاقي بال رايق وأعرف أقعد له قعدة مزاج. أولاً بالنسبة للمشترك بيننا يا عزيزي ، فهتلاقي جنة أحلامك هنا في كندا ، يمكن مش هتكون زي أمريكا الفاجرة في كل حاجة دي ، بس هتلاقي صرفة تجيب كل اللي انتا عاوزه من أمريكا ، حتى لو دماغك لسعت زيي كده ، لما كنت بافكر جدياً أقدم على فيزة أمريكا عشان أعبر الحدود وأروح أشتري التليفزيون اللي باحلم بيه! بس هنا هتلاقي اللي مش هتلاقيه في أمريكا ؛ حكومة عاقلة ومتسامحة لأقصى حد ، لدرجة الغباء في أحيان كتير. هتلاقي ناس Laidback جداً ، وده مش هتلاقيه بسهولة بره البلد دي. هتلاقي نقاء وجمال الطبيعة وصفاء وبعد عن التلوث. هتلاقي مجتمع متعدد الثقافات بجد. أنا لما باقول إني باحب البلد دي ، لا بابالغ ولا بامثل... البلد دي تتحب بكل ما فيها ومن فيها. طبعاً احنا مش في الجنة ولا المدينة الفاضلة وفيه سيئات وسلبيات كتير ، بس هنا بقى هيرجع التقييم لعينيك وشخصيتك انتا ، هل انتا من الناس الكئيبة اللي دايماً شايفة الحياة وحشة ، والدنيا بتلطّش فينا؟ ولاّ انتا زي حالاتي ، دايماً شايف إن الحياة فيها جانب جميل ، وأي فترة من حياتك ليها جمالها وطعمها الخاص بيها واللي هتفتكره بابتسامه في يوم من الأيام؟ أنا يمكن بطبعي ما باندمش على أي حاجة عملتها أو حصلت لي ، ولو كنت حتى عملت أخطاء أثرت عليا ، هنا باحب أنصح غيري عشان ما يلبسهاش ، أنا ممكن أفيد غيري ومش هيضرني حاجة. وفعلاً المنتدى هنا خلاني أعيش أحاسيس جميلة فعلاً ، وارتبطت بناس من أنضف الشخصيات اللي عرفتها في حياتي. في نفس الوقت لقيت نماذج ما تشرفش وجابتلي اكتئاب في أوقات كتير! بالمناسبة... موضوع الصور أنا فوجئت بيه بعد كلامك ، ولقيت إن موقع الاستضافة ما غيّرش أي حاجة... سوفتوير المنتدى هوّه اللي غير مع نفسه كده الكود بتاع كل الصور ، ومحتاج بقى أدخل أعدّل الكود بتاع كل صورة ، وأقعد أفكر هيه أنهي صورة في أنهي مشاركة! بصراحة حاجة تضايق ، ولا عندي طولة بال ولا حماسة أعمل الليلة دي كلها! مصر بالنسبالي تعتبر صفحة في الماضي بتاعي ، أو تقدر تقول كده زي ماما ، أدين ليها بالكتير بطبيعة الحال ، ومش هارد لها جمايلها عليّا... دايماً الأم بتعطي ، وما بتاخدش مقابل. المقابل بيروح للأبناء! ويمكن المقولة الجميلة دي كان قالها الزميل سكوربيون هنا في فريق الإشراف لما في حوار مع والده اعترف له بأفضاله عليه ، وهنا أبوه قال له إنه مش منتظر منه غير إنه يرد الأفضال دي لأبنائه ، ودي سنة الحياة وطبيعتها. ناس كتير شايفاني متشائم ، بس استقراء الواقع المصري وسير مجرياته بتقول كتير لأحد أبناء المجتمع ده واللي عاش في مختلف مواقع العمل فيه. أنا لا أتوسم أو أنتظر الكتير من مصر ما بعد الثورة ، أعترف لك إني زي كتير منا هنا استفتحت خير بعد تنحي مبارك ، وعلى قد الضغط والسكر والعصبية اللي كنت فيها يوم 10 فبراير وانا باسمع خطابه وهوه للمرة المش عارف كام بيقول إنه هيراعي طلبات أبنائه من الشعب ودم الشهداء مش هيضيع هدر وهاسمع لكم يا ولاد ، وجمبي زمايلي الكنادوة في الإسعاف ، ومشغل السي إن إن ع التليفزيون ، وماسك في إيدي الآيفون باتابع بث قناة الجزيرة المباشر عشان أسمع الكلمات بلفظها من البيه. طبعاً أنا شايط وعمّال باشتم عربي وانجليزي ، والواد إد بيسألني هوه بيقول إيه الراجل؟ ولما وصلت البت شيلا عشان تبدّلني سألتني مالك؟ ولما قلتلها على خطاب البيه ، شاورتلي ع التليفزيون ، وسألتني هوه مبارك ده مش شايف المنظر اللي في التحرير ده؟! وانا ماشي باكلّم ديبو وباقول له 10 دقايق رفعوا الضغط والسكر وحرق بيهم ابن الـ *** دم أكتر من 80 مليون ، يعني أنا بيني وبينه بتاع 10 تلاف كيلو ويحرقلي دمي؟ دا إيه الجبروت ده يا عم الحاج؟! هوّه الراجل الـ *** ده ما بيفهمش عربي؟ الناس من تاني أو تالت يوم ما بيقولوش غير كلمة واحدة "مش عايزينك" ، وهوّه مرة يقول هاغير الحكومة ، ومرة هاعين نائب ، وآخر المتمة بعد ما كل الناس حتى المذيعين بتوع السي إن إن ، وحتى موقع جريدة الدستور بيقول خطاب التنحّي بعد قليل... يقوم يقول لنا... خلاص يا ولاد مش هاعيد ترشيح نفسي! والغريب إن على قد حرقة الدم اللي فاتت دي ، في 10 ثواني تاني يوم في خطاب عمر سليمان... الـ 80 مليون كلهم كانوا بيرقصوا من الفرحة! تعرف صحيح... لاري مدير الشركة بتاعتي بيحكيلي إن بعد خطاب التنحي قال لمراته وبنته بكره تشوفوا الميدان ده بيلمع وزي الفل. مراته استغربت وما علّقتش. تاني يوم شافوا التصوير على السي إن إن والشباب بينضفوا الميدان وبيدهنوا الرصيف وأسوار الكباري. لما مراته استغربت وسألته إنتا عرفت منين امبارح إن ده هيحصل النهارده؟ قال لها: "عشان هيّه خلاص بقت بلدهم دلوقتي"! تخيل؟! بس تنحي مبارك من الحكم كشف عورات البلد ، وده اللي كنت متوقعه بصراحة... كنت دايماً باعترض على كلمة الناس اللي يقولولك مصر وحشة بس المصريين كويسين ، وأنا كنت باعترض على ده ، وباقول إن مشكلة مصر في أهلها. أيوه إحنا وحشين وأنا أول الوحشين. إحنا اتربينا على مبادئ غلط بكل صراحة. فيه أخطاء كتيرة أوي في تربيتنا وتعليمنا وثقافتنا. أولوياتنا في الحياة غلط ، ونظرتنا للحياة غلط ، وأساسيات تقييمنا للناس غلط ، ومعايير النجاح في الحياة غلط ، وكله مترتب على كله... غلط × غلط! يمكن أنا اتربيت على حاجات غلط وألوم عليها أهلي ، بس أنا دلوقتي وفي كندا سيد قراري ، وأقدر أعيد بناء شخصيتي بما يتوافق مع قناعاتي وتفكيري الحر. بس بداخل مصر ، المنظومة متكاملة من الفساد ، إزاي تبدأ إصلاحها؟ منين تبدأ وهيه كلها حلقات مفرغة متشابكة؟ والأهم من ده ، فين النية للتغيير؟ ومين اللي هيغيّر؟ وإيه الشكل المطلوب نوصل له عشان نبدأ التخطيط له؟ هل الدولة الدينية؟ الدولة المدنية كخة؟ دا أنا يا محترم مع إني ثورجي على التقاليد من زمان ، ساعات باكتشف فيا فسفوسة مترسبة من عقد الثقافة بتاعتنا من وقت للتاني! هاديلك مثال مباشر وعنيف هيوضح لك المعنى بتاعي... إيه رأيك لما تبقى عارف إن جارك رجل شاذ جنسياً ، والراجل مش مكسوف من ده ، وبيصرّح بيه لو اتسأل ، لكن في نفس الوقت راجل ما شفتش منه حاجة تزعلك ، وبيعاملك وأسرتك بكل احترام ، وقايم بمسؤولياته تجاه العمارة أو المنطقة كما يجب؟ هل إنتا كـ Starsideus المثقف المتعلم المتفتح هتتقبل ده ، وتقول حرية شخصية ، طالما لا تتعدي حريتي الشخصية ، ومش هاشوف منه منظر يضايقني؟ قس على رد فعلك انتا بقى ردود أفعال تانية في الريف والصعيد ومجتمعات متدينة أو متشددة أو مقفولة ولا تقبل بالاختلاف في كل حاجة. نظرة المتدينين للبنت اللي لابسة بنطلون أو مش لابسة حجاب ، نظرة المسلمين للمسيحيين إنهم كفار وما يصحش إنهم يمسكوا الحكم والحمد لله إن المسلمين أغلبية في البلد ، نظرة واحد ملتحي لزميله اللي عامل وشم بالألوان على دراعه ولابس حلق أو مطوّل شعره ، نظرة والدتك لخطيبتك لما تعرف إنها كانت ماشية مع واحد أيام الجامعة ، نظرتك انتا نفسك لواحدة أعجبت بيها ورايح تتقدم لها بس تعرف إنها كان مكتوب كتابها قبل كده ، نظرتك لزميلتك لما تلاقيها بتشرب سجاير أو لابسة جيبة قصيرة شوية ، نظرتك لزميلك في الشغل في نفس القسم بتاعك بعد ما تعرف إنه من الفلاحين أو خريج معهد أو دبلوم فني وما دخلش جامعة زيك ، تعاملك مع أحد السياح الأمريكان في مصر لما تعرف إنه يهودي الديانة ، نظرة الناس في الشارع لراجل أو ست في سننا وشكله مسلم ، وداخل مطعم ياكل في نهار رمضان ، موقف السلفيين من وجود قاضية في المحكمة ، نظرة دكتورة لواحد خريج آداب جاي يتقدم لها ، نظرة المقيمين في مصر للمصريين المقيمين في الخارج ... والأمثلة كتير يا عزيزي. شوية الأمثلة اللي قلتها فوق دي المفروض إنها لا تؤثر عليك ولا على البلد أو على انتظام الحياة واستقرار المجتمع ، لكن بعقلية الفلاحات اللي قاعدين ع المصطبة قدام الدار ، يبصوا ع الرايح واللي جاي ، ويجيبوا في سيرة دي وسيرة ده... صعب أوي إنك تلغي الثقافة السائدة من نقد الناس لبعضهم ، أو تدخلهم في الحياة الخاصة والشخصية لغيرهم ، حتى لو كانت لا تتعرض لهم ولحياتهم ولمصالحهم بشكل من الأشكال! الثقافة دي بتؤثر في حياتنا كمصريين بدايةً من اختياري للبسي وتسريحة شعري وألوان هدومي ، ودراستي واختياري لزوجتي ، وطريقة تربيتي لأطفالي ، وبرنامجي الانتخابي كذلك لو مرشح نفسي للرئاسة أو للبرلمان. لما تلاقي إن مش مهم إنتا ملتزم في شغلك وحريص على المصلحة العامة ، قد ما الأهم شكلك ولبسك وحجاب مراتك ولبس بنتك والمصحف في عربيتك والآيات القرآنية في مكتبك وجوّه بيتك! منظومة متكاملة يا عزيزي الدوق خلاصتها إن المظهر أهم ويكسب كتير عن الجوهر. وبعد ما كانت مصر دي بتاعتهم مش بتاعتنا ، وصلت إنها بقت مش بتاعة حد! الصورة مش سوداية أوي كما قد يوحي كلامي ، واللي حصل يُعتبَر نقلة لقدام ، بس نقلة بسيطة بكل أسف ، وما تنتظرش منها الكتير لأننا ما ينفعش نطلع لقدام في حين إننا مربوطين بجذور ترجع في إتجاهيها لـ 7 تلاف و1400 سنة. الجذر القديم بنتمنظر بيه عشان ما حيلتناش غيره ، أو يمكن على رأي المثل اللي بيقول القرعة تتباهى بشعر بنت اختها. والجذر الأحدث اللي كتير شايفين إننا لن تقوم لنا قائمة بغير العودة شكلاً وموضوعاً للماضي ، بدون اعتبار إن تشكيلة الماضي كانت طبيعة حياة يحكمها الزمن والبيئة. نهايته... الوضع في مصر مسيره يستقر بعد فترة من الزمن ، وتتحسن الأحوال تحسن طفيف عن ما قبل ، بدون أحلام العصافير إننا بين يوم وليلة هنبقى صورة تانية من كندا التي رأيتها. تحياتي ليك ولخواطرك اللي قلبت علينا المواجع ، وشكراً على تواجدك هنا ، وعلى أمل بلقائك في القريب إن شاء الله في كندا... زوجتي الجميلة :wub:

الكارثة فعلا (وبعيدا عن دعوات الشيخ حاتم الباطلة) أن هذه العقول الجامدة المنغلقة التي تتبنى فكرا متشددا لن تفيق أبدا من ضلالها وغيها لقد قضت هذه العقلية التكفيرية الظلامية على الحضارة الإسلامية في عز قوتها وسطوعها أضعفتها وخنقت حيويتها وألغت عقلها واجتهادها ومكنت لانطفاء العقل والروح الإسلامي وكانت هي الأرضية الممهدة للأمراض التي فتكت بالحواضر الإسلامية كافة : الاستبداد والجهل والنزاع والفرقة والاقتتال الطائفي هذه العقلية تعتبر أن ما تفهمه من الإسلام هو الإسلام وأن ما يعيه ويجتهد به عقلها البشري القاصر هو غاية العقل المطلق اللامحدود إنها تعتبر نفسها بجهل وحمق (مالكة الحقيقة المطلقة) وصاحبة التوكيل الإلهي على الأرض ترفض الآخر وتكفر كل اختلاف وتسفه كل عقل لا يرى ما تراه لقد أوشكت أن أتقيأ وأنا أقرأ هذا البيان فبمثل هذه العقول تضيع الأمم وتسقط الحضارات

هادا في سيستم خراب واهد شهر صديج أه والله .. السمسم بتاع مكتب اعمل واقع ومافيش نقل هههههههههههههههههههههههههه هأو أو أو مادام مقفوله يبقي نتكلم عن الترحيل تحبه بري ولا جوي سعادتك ولا نص سوي