لوحة القادة

28 سنة غربة وترجع بعدها ياه انا لو مكانك مارجعش تاني لان الرجوع في الحالة دي مالوش لازمة بجد حال المغترب بيصعب عليا وانا حالي بيصعب عليه بس انا اتعودت على كده وهو شايف اني مضرر من كده لكن الحقيقة اني اتعودت وعندي امل كبير ان الحال يتصلح ويمكن اولادي يجنوا ثمرة هذا التغيير ويمكن ما عاصرهوش لكن عندي امل عندي امل لاني مش متخيل اني افضل طول حياتي اجمع في فلوس وما استمتعش بيها او ابني بيت ماسكنش فيه او شاليه ما صيفش فيه غير يومين طول السنة اذا كانت الفلوس وسيلة لتحقيق اشباع لي فانا احمد الله علي ما انا فيه باكل واشرب واتفسح واتمتع بالفلوس اللي وهبهالي ربنا واعيش واسافر وازور اهلي واجاملهم ويجمالوني اشارك في افراحهم واواسيهم في احزانهم بالكلام والعمل اشارك بايجابية مع كل اصدقائي ومعارفي وازور امي يوماتي واطمن علي اخواتي واشوفهم وقت ما اعوز مش متخيل اني في يوم من الايام يأتي عليا وانا خارج مصر تعبان ومافيش حد جنبي او بمر بازمة ولا اجد من يشاركني ازمتي الاحاسيس دي عندي لا تقدر بثمن وشعرت بها لما كنت في رحلة عمل في دولة مجاورة لم تستمر اكثر من شهرين وكنت بعيد عن امي وزوجتي واولادي كان اليوم يمر عليا سنة وقلت يا رب ما تكتبها عليا تاني اذا كنت بفكر كده فمش معنى ده اني بعارض اللي بيفكر عكس تفكيري لكن كل واحد ادرى بنفسه وظروفه من غيره مش هاتغرب ابدا ولا هافكر مجرد التفكير اني اتغرب ولا عايز عسل الغربة لاني بخاف من مرارتها ولما كنت بسمعت الاغنية دي http://www.youtube.com/watch?v=QUsUQljgsGc اعيط لان كان اخويا متغرب وكان اول واخر واحد فينا يتغرب لكنه رجع وماطولش الغياب اخويا كان مسافر في العراق مدرس في جامعة كركوك وقت حرب الخليج الاولى وانقطعت اخباره لمدة ستة اشهر وكنت بحلم اشوفه بيخبط علينا الباب ويعاكسني زي زمان ولما اتصل من نويبع ما صبرناش لغاية ما يجي رحنا له نويبع وكان حاله يصعب علي الكافر لان كل تحويلاته ماخدهاش الا من كان سنة وكل ممتلكاته سبها هناك ورجع بالهدمة اللي عليه لكن ربك بيعوض وهو دلوقتي مدير عام في شركة بترول ومافكرش يسافر بعد كده ابدا رغم العقود المغرية اللي كانت بتنهال عليه لكن جاتله عقدة من السفر الغربة كربة

متشكر لكم جميعاً ... والله يا جماعة أنا بأتكسف من الكلام ده ... وبامانة ربنا لما بأكتب أي حاجه أعبر بها عن قناعاتي أو أفكاري فإنني لا أتوقع لا تقييم ولا إشادة .. لإن الواحد أقل من ذلك .. وهناك من الزملاء معنا بالمنتدى من يكتبون ويعبرون بيكونوا أفضل مني ...

موضوع حساس ومكنش ينفع ماعلقش عليه: اولا فرق شاسع بين مصر والخليج طبعا الناس كلها اتلكمت عن الفرق ده ...ناس غلبت مستوى المعيشه والنضافه والحياه المرتاحه...وناس غلبت الحياه الاجتماعيه الصحيه السليمه وحب الوطن فوق كل شىء بالنسبه بقا لمصر بعد الثوره :انا شايف ان الحاجه الوحيده اللى اتحققت من اهداف الثوره اننا لاغينا-والحمد لله-التوقيت الصيفى على فكره مصر محتاجه اكتر من ثوره عشان تتغير ...بس بما انى رئيس جمهوريه المتفائلين انا عايز اوضح ان اللى خلا الناس اللى كنا فاكرينهم ماتوا وعفنوا من تلاتين سنه انتفضوا وشالوا الطاغيه ممكن جدا يعملوا ايه حاجه تانيه. اللى صعبان عليا بجد ان الناس مبقتش لاقيه الزعيم الملهم القائد اللى يلمهم حوليه...واضح ان مصر اتفرغت من النوابغ الفتره اللى فاتت...وكل اللى فضلوا اتلطوا ومبقش حد نافع خلاص.فى حين ان مصر طول عمرها بتطلع القاده العظام دول من ايام احمد عرابى لحد عبد الناصر باعتباره اخر قائد شعبى فى تقديرى ساعات اقعد افكر ...مصر دى عشان تتعدل محتاجه ايه؟وافضل الف الف ومعرفش ارد على نفسى... مطلوب زعيم يحمي الحقوق يعدل ما بين الناس تمام زي الفاروق و يكون حنين علي الفقير و علي الفاسد يفتري يهدم علي دماغه الشقوق و يعلقوا علي المشنقة او يرفعه علي رأس خازوق مطلوب زعيم ميقلش علي الخواف حكيم و يكون كمان سمعه سليم يسمع لنبضة قلبنا و يكون مكانه في وسطنا ميعش ابداً في القصور و البعض منا للاسف سكانين قبور يشرب و يأكل اكلنا و يعيش كواحد مننا يسمع لنا و يشور و يأخذ رأينا وقت الخطر نتلم حوليه كلنا و نضحي وياه بعمرنا مطلوب زعيم علي المسئولية يكون امين و يكون جرئ و يكون شجاع مش امعة و حتة بتاع

كان يا ماكان ياساده يا كرام بلد اسمها حلوان كان مدنسها معسكر احتلال من الانجليز يجي الصباح ! الا ويلقوا الف عسكر مقتولين متتتدبحين ! الانجليز شاوروا ع الجبل واستغربوا وسألوا : ايه اللي حصل ! قالوا سبع او ديابه كل ليله م ( البرمبه ) اسم الجبل يدبح ويقتل الانجليز حمله طلعت بالالوف فوق الجبل فتشت كل الكهوف ! نزلوا ماسكين الاسد سبع مصري من ولادها المخلصين !

لاشك ان رحمة الله وسعت كل شئ .. و لاشك أن العاصي اذا تاب بصدق تاب الله عليه فهذا وعد الله لنا.. ولكن هناك طائفة من العصاة على خطر عظيم .. أخبر عنهم رسول الله صلى الله عليه وسلم فقال { كل أمتي معافى إلا المجاهرين، وإن من الإجهار أن يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا وكذا، وقد بات يستره ربه، ويصبح يكشف ستر الله عنه } [متفق عليه]. من هم المجاهرون؟؟ هم طائفة يرتكبون المعصية فيسترهم الله بستره ثم يقومون بالافتخار بالمعصية أمام الاخرين .. بل و ربما دلوا غيرهم عليها .. فمثلا تجد فلانا يفخر أمام أصدقائه بممارسة الرذيلة و آخر يدل إخوانه على موقع اباحى أو كليب ساخن أو صور لفتيات عاريات و آخر يشرب الخمر في السر ثم يتفاخر بهذا أمام رفاقه فيكون شر صديق وآخر يدل غيره كيف يأكل أموال الناس بالباطل .و.و...الى آخره. ....فهذا العاصي ان تاب يجد نفسه في مأزق خطير .. ماذا عن الذين ضلوا بسببه ؟؟؟ من مفاسد المجاهرة بالمعاصي: 1- أنها استخفاف بأوامر الله عز وجل ونواهيه. 2- أنها تؤدي إلى اعتياد المعاصي وكأنها أمور عادية لا شيء فيها. 3- أنها بمثابة دعوة للغير إلى ارتكاب المعاصي وإشاعة الفساد . 4- أنها ربما أدت إلى استحلال المعصية فيصير الحرام حلالا. 5- أنها دليل على قسوة القلب واستحكام الغفلة من قلب المجاهر. وللحديث بقية

سياخك طولها كام فاكرين الاعلان ده ياتري الاسياخ دي هاتروح فين دلوقتي احنا اسفين ياسيخ http://www.youtube.com/watch?v=TyOF1ttLvic&NR=1

سبحان الله . انا لما نزلت مصر ديسمبر 2010 .. كنت اخدت قرار انى حستقر فيها خلاص .. بعد ما كنت مذبذب ومتردد .. بين الاستقرار ببلاد الفرنجه او الاستقرار بوطنى الحبيب مصر .. وضحيت بمميزات كتيره جدا اهمها وظيفتى .. ومكنش اصلا عندى اى تخطيط لحياتى فىى مصر .. كنت راجع وسايبها على الله واللى يحصل يحصل .. ورجعت مصر (وأنتخت) قيمة شهر .. وهوب قامت الثورة المجيده 25 يناير .. ويشاء القدر ان احضرها بمصر بكل تفاصيها .. المجيده ,, والمرعبه .. وشهر ورا شهر .. وانا بقضى أغلب وقتى فى البيت .. بين التلفزيون والنت .. بتابع الاخبار .. ماهو مفيش اى نشاط ليا ممكن اعمله.. ولا عندى صحاب ... ومحدش فاضى لحد ..كله بيحضن فى همه .. والحاله طبعا كانت اكثر تعقيدا .. طيب حبدأ حياتى ازاى فى مصر بعد سنين الغربه الطويله فى ظل الثوره اللى من طبيعتها عدم الاستقرار والتقلب .. فضلت صابر على امل .. والدنيا من حواليا بمصر بتزادد تعقيد .. وفى نفس الوقت الشركه اللى كنت بشتغل فيها بانجلترا دوروا عليا عن طريق زميلى فى العمل ..وكلمونى .. وابدوا استعدادهم التام لعودتى لعملى بنفس الكونتراكت.. والمميزات.. تقديرا لتاريخى معاهم ... ولانهم كانوا محتاجينى برده .. ورغم ذلك فضلت معاند ومتشبث بالامل انى ممكن ابدأحياتى بمصر واستغنى عن الغربه ((اللى معدتش غربه اوى صراحه)).. وفضلت مع الشركه فى مراسلات وتسويف ومماطله حوالى 3 شهور .. هما يقولولى ((عوووووود يا محموووووووووود )) .. ونا بتحجج باى شئ عشان افكر واقرر كويس .. وفى النهاية قررت الرجوع ثانية لبلاد الانكليز غير مأسوف عليا.. وحاليا وبصراحه انجلترا احلوت فى عنيا شويه .. عرفت قيمة العمل والاستقرار والنظام .. لكنى برده لسه بفكر فى الرجوع لمصر .. لكن المره دى ان شاء الله مش حرجع كده ((جهجهونى)) لكن حخطط .. واللى رايده ربنا يكون .. وأهى كلها ارض الله

اللقاء رائع جدا http://www.youtube.com/watch?v=6wMt9kMin8Y ادارات الحوار احسن من زوجها مية مرة والاسئلة كانت كويسة جدا موفق ياشيخ حازم ان شاء الله

ViralMind عايز أقولك أني كنت بكره البلد دي كره لا تتخيلة و لا تتصورة .. طبعاً كرهي للبلد أقصد بيه ( النظام نفسة ) مش مصر كأرض و وطن عشت و اتربيت و اتعلمت فيه .. كرهت فيها حاجات كتير الواسطة و الرشوه و قله فرص العمل و عدم تقدير الكفاءات و أعطي الحق لمن لا يستحق و المحسوبيات وووو .. الخ من السلبيات .. من كتر السلبيات دي للأسف إتعميت و مبقتش شايف أي حاجة إيجابية في البلد .. كرهتها أوي لذلك أول فرصة سفر جاتلي مفكرتش سافرت ع طول بالرغم من ان الناس حذروني أيامها ان فرصة السفر دي مش كويسة و هتخسر .. إلا أنه كرهي للبلد كان عامل دفع و مؤثر جداً علي قراري لتركها .. أقسم بالله العلي العظيم من أول يوم غربة برة مصر ، حسيت بقيمة التراب اللي كنت بمشي عليه حسيت بقيمه و طعم اللمّه وقت الفرح و وقت الحزن .. شوفت في البلد اللي مكنتش قبل كدة شايفة شفت كل الإيجابيات اللي كانت موجوده فيها .. و عارف المفاجأه ؟ إنها طلعت أكتر بكتييييييييير جداً من السلبيات اللي كنت شايفها قبل كدا .. كقيمة مش عدد .. و قت الثورة أنا كنت هنا بالإمارات بقيلي كدة سنة و نص منزلتش مصر .. لما كنت بتفرج ع التليفزيون و بتابع اللي بيحصل .. كنت أموت و أنزل أشارك .. كل اللي كانوا معايا أقسملك بالله العظيم بيبكوا نفسهم يشاركوا نفسهم يعملوا حاجة .. ظهر جوانا كلنا حالة غريبة عكس الكره اللي كان ظاهر لينا للبلد ، ظهر قد اية البلد دي جميلة قد اية اننا بنحبها فعلاً قد اية فينا انتماء لاننا مصريين .. موضوع رجوعي لمصر .. حالياً بحسبها بالعقل موضوع تفكيري اني استقر في مصر و لا لا .. العقل بيقول لأ العاطفة بتقول نعم .. قرار صعب بس الأرجح هحكم عقلي . الحالة الوحيدة اللي هفكر فعلاً فيها أني أنزل مصر .. لما أحس فعلاً ان البلد استقرت و ان الناس و أنا أولهم إتغيرنا من جوانا .. صدقني ساعتها هنزل و لو هشتغل ب 1000 جنيه هيكفوني و يفيضوا كمان لان ساعتها هكون راضي و مبسوط .. طولت عليكم ،، أرق تحيــــاتي ..

خبر عاجل : زواج حوالي 300 من شباب تونس من ليبيات من الذين نزحوا للأراضي التونسية خلال الثورة الليبية نحب نطمن اخواتنا السوريات ان احنا مستنينهم في مصر بلدهم الثاني وعقبال ما الثورة تقوم في لبنان والمغرب والاردن و بالأخص لبنان ! ♥♥ وربنا يحفظ السودان الشقيقة والصومال وموريتانيا ويبعد عنهم شر الثورات

الله محبـــــة كان عليها أن تتخذ القرار سريعا ! فإما أن تبقى حيث هى بانتظار المجهول .. وإما أن تقفز مع القافزين إلى حيث المجهول ...! لعبة سمجة أن تختار بين مرّين ! نظرت شاردة ..تفكر أى قرار ستتخذ..ربتت على كتف ابنها الذى تحمله وكأنها تشاوره فى الأمر,هنا حادثها أحد المارين و عرفت من البالطو الأزرق الذى يرتديه أنه أحد العاملين بالسكك الحديدية وأخبرها أن القطار لن يتحرك ! ** ** ** ظل الموقف كماهو أمام مبنى تلك المحافظة النائية من صعيد مصر. فالخطاب الطائفى يتصاعد ,وأعلام القطر الوهابى لازالت ترفرف ..والهتاف يتعالى "إسلامية ..إسلامية " "مش عاوزينه مسيحى ..مش عاوزينه مسيحى " تتفرس فى وجوه المحتشدين لترى شبابا و كهولا بل و أطفالا لم يتجاوز عمر أحدهم الرابعة عشر,كان الجمع غريباً .. البعض ممن فاته قطار الثورة ولم يكن له وجود فيها أراد أن يعوض ما فاته بالطبع شعر بالأهانة عندما كتب له على القطارات المتجهه للصعيد (لو عاوز تشوف نسوان روح قنا و أسوان ) فى إشارة إلى عدم مشاركة المحافظتين بأى صورة فى الثورة التى أشتعلت فى ربوع المحافظات المصرية. لم يكن الأمر بالنسبة لهؤلاء الشباب ذا بعد عقائدى أو دينى , لم يتعلق الأمر أيضا بالخلفية الشرطية التى جاء منها المحافظ الجديد ..فقط أرادوا أن يرفضوا و أن يملوا قراراً أيا ما كان هذا القرار..أرادوا الإعتصام وذلك المناخ الثورى الذى شاهدوه عبر شاشات التلفزة ! تخاطب أحدهم فيحاول أن يبرر ما يفعله فيقول لك جادا نازعا عن نفسه الرداء الطائفى "اشمعنى قنا اللى محافظها لازم يبقى مسيحى ؟؟" "بيفرضوا علينا الكوته ليه ؟؟" تجد أيضا أحد المتحمسين من التيّار الإسلامى والذى يقول لك فى بساطة "احنا المسلمين أغلبية من الشعب و الأغلبية دى مش عاوزة محافظ مسيحى يبقى قرارنا لازم يمشى عشان هى دى الديمقراطية " تلتفت يمينا أو يسارا لتحاول أن تجد عاقلا تحادثه فلا تجد ** ** ** -"لازم تيجى يا بيشوى دلوقتى ..القطر واقف بينا ومش عارفه أعمل إيه " -"حاضر ..متقلقيش أهم حاجة أنت عاملة إيه ؟ حد دايقك ؟ حاولى تنزلى مع مجموعة " -"لا نشكر ربنا ..محدش دايقنى ..أنا معايا واحدة وابنها على كتفها ..وواحدة تانية معاها طفلين صغيرين وهننزل دلوقتى أنت بس متتأخرش علينا" -" متقلقيش ...خدى بالك من نفسك ...يلا باى " ** ** ** كان حديث العامل بالقطار بمثابة التوجيه وقرار قاضى محكمة ! لن يتحرك القطار و عليها أن تنزل منه فى ذلك المكان النائى والمظلم قبل قنا ب 20 كم التفت يمينا و يسارا والخوف يتمكلها ..ضمت رضعيها وكأنها تطمأنه. سارع الرجال طبعا بالنزول ..ليس هناك ما تخشاه إن كنت رجلا ! لم يتبق بالعربة سوى تلك السيدة الريفية التى تمسك بطفليها ويبدو عليها فقر الحال .. قالت فى نفسها أثنتين أفضل من واحدة ! كانت شابة أخرى قد دلفت إلى العربة تتحدث فى الهاتف الخلوى وتخاطب زوجها بأن يسرع فى نجدتها ,فى صعيد مصر من لا ترتدى حجابا فهى على الأرجح مسيحية ..قد تخطىء هذه النظرية فى حالات قليلة ..لكن بمجرد أن ترى صليبا مدقوقا على اليد أو محمولا بسلسة عنق تمتلك اليقين ! زال شكها بمجرد أن سمعت الزوجة تقول "بسرعة يا بشوى أنا مستنياك " عاونتها السيدة الريفية فى حمل ابنها و هبطت معهما ,زال خوف الظلمة والمفاجأة و رهبة أن تهبط من القطار دون وجود رصيف فى منطقة نائية . خوف من نوع آخر تملكها !! فلقد أبصرت صليبيا فى يد السيدة الريفية أثناء معاونتها ..الأن هى مع سيدتين مسيحيتين ولا تملك وسيلة للإتصال بزوجها...فهاتفها الخلوى نفذت بطاريته , خصوصا أنها منتقبة وأن ما يحدث فى المدينة يخلق توترا وخوفا من الآخر الذى أضحى الآن فقط - آخرا ! " متخفيش يا أبله ..حلّاً يجى جوز الأبله بالعربية ونبقى فى قنا" وكأن السيدة البسيطة شعرت بخوفها فأرادت أن تطمئنها ** ** ** تعالت الهتافات مرة أخرى ..." أوعى تيجى يا مخائيل ..أوعى تيجى يا ميخائيل " "اسمعنا يا شرف ..اسمعنا يا مشير ..شعب قنا ..مش عاوز ميخائيل " "مش عاوزين مسيحى ..مش عاوزين مسيحى " ثم صعد المنصة شاب ملتحي وأمسك بالميكرفون .. . "بسم الله الرحمن الرحيم ..نوجل شيخنا محمد حسان ونقدره وننزله مكانته , اجتهد شيخنا فقال إن قطع الطريق السريع وتوقيف حركة القطارات غير جائز ..ولشيخنا اجتهاده لكنى فى مثل هذا الظرف الحرج أرى أن فعل ذلك واجب شرعى و علينا أن نملى إرادتنا بقطع الطريق السريع وتوقيف حركة القطارات ..هكذا فقط سيسمعون لنا صوتا الأمر الأن واجب على كل مسلم قادر يكترث لأمر دينه ويرفض الولاية لغير المسلمين كما أمرنا ديننا الحنيف " يُكبّر البعض ..والبعض الآخر يذهب بنفسه ليتعصم مع من يمنعون سير القطارات و يقطعون الطريق السريع راجيا الثواب من ربه !! يميل عليك أحد المتواجدين ويهمس فى أذنك "عارف اللى قام خطب دا ..ومش عاجبه كلام محمد حسان وبيسخن فى الناس ..دا مخبر فى أمن الدولة " ! ** ** ** عشر دقائق مرت كالدهر حتى جاءت السيارة فى المكان الذى كانت تصفه السيدة لزوجها عبر الهاتف الخلوى نزل من السيارة رجلان ..شاب فى الثلاثينات من عمره لم تحتج إلى فراسة لتعرف أنه (بيشوى ),أما الآخر فكان رجلا فى الخمسين من عمره وكان هو من يقود السيارة . لم تستطع أن تكتم خوفها أكثر من ذلك ..تشبثت بابنها و ضمته إلى صدرها و تراجعت بعض الخطوات للوراء , إن كان الشاب كما يبدو هو الزوج فمن هذا الآخر ؟؟ ولماذا جاء معه ؟؟ إن كانت هذه سيارة الزوج فلماذا يقودها الرجل الآخر ؟؟ ما هى خطتهم ؟ وماذا سيفعلون بها فى هذا المكان النائى ؟؟ -" أنا معايا فلوس و خدوا الدهب و سبيونى وابنى " هكذا قالت بصوت متحجرش أقرب للبكاء , اقترب منها الرجل الخمسينى بحذر -"اهدى يا بنتى ومتخافيش ..هنوصلك المكان اللى انتى عاوزاه" انهمرت دموعها أكثر و اكثر وانخرطت فى نوبة بكاء أقرب للهستيريا " أنا مليش دعوة باللى بيحصل دا ..مليش دعوة بالناس اللى عند المحافظة " هنا أدرك الشاب ما جال فى خاطرها .. -" يا فندم دا الأستاذ محمد جارى ..أنا لسه جايب العربية مليش أسبوع ولسة بتعلم السواقة والراجل مشكور وافق ييجى معايا عشان هوّا بيسوق ..هات بطاقتك يا أ.محمد " اخرج الرجل الخمسينى بطاقته وأعطاها لجاره والذى بدوره أعطاها لزوجته -" خدى يا إيرينى وريها البطاقة واديها الموبايل تكلم أى حد من أهلها" -"الله محبة يا أبله ..واحنا اهل وجيران ..اتفضلى يا أبله ..اتفضلى " هكذا قالت السيدة البسيطة وصعد الجميع إلى السيارة العائدة إلى مدينة قنا . تمت http://7ilba7assa.blogspot.com/2011/09/blog-post.html

الموضوع ده غير متعلق بالمحاكمة لذلك لم أكتبه كرد هناك ، وأيضا حتى لا يضيع وسط الأخبار المتلاحقة هنا قراءة لرتوش صغيرة ممكن تعدي علينا في زحمة الأحداث وخلينا نبدأ تهييس ------------------------ نبدأ بالشهادات اللي تم تغييرها ... ونتصور التالي لواء أوعقيد او عميد .... هل يمكن النيابة تجبره أو تملي عليه أقواله ... وبعد كده يقوم يغيرها أمام القاضي إيه هي الإحتمالات الموجودة الشهادة الأولى زور الشهادة التانية زور الشهادتين زور القراءة قادة من الشرطة يقومون بالشهاددة الزور في جميع الإحتمالات ... طبعا تم إستبعاد إحتمال أن الشهادتين الحق بسبب التعارض ... المهم قائد شرطة تحت أي ظرف يقوم بالشهادة الزور وإحنا هنا بنتكلم على 7 من 9 يعنى بنسبة حوالي 65% من رجال الشرطة الشهود لو أخدنا دي عينة لمجتمع قادة الشرطة ... حنعرف أد إيه حجم الفساد الموجود حاليا في قمة الهرم ... ثانيا قائد شرطة يقوم بتغيير أقواله ... هل هو كده قائد وهل هو شرطي ... لو افترضنا حسن النية تم إجباره عليا يبقى لا ده شرطي ولا عنده إيمان بعمل الشرطى ولا عنده إستعداد إنه يموت في سبيل الحق ... يبقى حيوقف قدام اباطرة الشر في مصر إزاي ... طبعا حنلاقيه موالس مع تجار المخدرات والرقيق وتجار الإنتخابات ... ثالثا طيب حيشتغل إزاى ويمسك قضايا مهمة ويمنع جرائم ... ما هو قلبه قلب خساية ، يبقى أكيد يعاونه ناس قلبها وحش وعندها إستعداد تموت في سبيل القضية ... زي البلطجية والحرامية وقطاع الطرق ... قضيتهم الفلوس والسطوة ---------------- الإستنتاج لم يتم تطهير الشرطة ومصر غير جاهزة للحصول على جهاز شرطة محترم بعد ..... وبمعنى حيفضل الالتراس يزفوهم ويغنولهم مش ناسيين التحرير ياولاد ال.. يعنى الإنهيار قريب قوى لأن الجهاز الفاسد كان عايش على عضلاته وبعد الثورة أتضح إنه كان زي التور عضلاته لوحدها مش كفاية علشان يعيش كبني آدم... وماعتقدش إن فيه حد بعد يناير عنده إستعداد إنه يعيش مع تور عقله في عضلاته رأيكم ايه وهل كده الشرطة دي نقدر نقابل بيها بكره اللى بنحلم بيه وللحديث بقية

و أنا أقول المحاورات منورة الليلة دي ليه اتاري الليلة دي ليلة عيد ميلاد زميلنا العزيز عمدة افندي الدمعة حتفر من عيني يا ولاد ( وش أي أم مصرية بتعز النكد زي عينيها) دموع ايه يا ست ده عيد ميلاد :blink: يووووه معلش يا ولاد دي دموع الفرح ان عمدة كبر و بقى عنده 25 سنة ( تأبيدة يعني :closedeyes:) أصله ابن بار http://www.youtube.com/watch?v=GbgW0IO6Xms

ماشاء الله مجهود زميلنا سى السيد لا يختلف عليه اثنين من اعضاء المنتدى وليه معجبين بيدخلوا يقرأوا كلامه مخصوص ....... (مليون خط تحت كلمة معجبين دى) احم احم :closedeyes: انا مش عايز مشاكل للراجل -------------------- وعشان الكلام الحلو ده والمجهود الرائع وتحليلاته المنطقية فى مختلف الاحداث المحيطة ووطنيته وحبه لبلاده وكلمة الحق مش صعبة عليه فى اى وقت وكل المواقف (من 2004 وانا بقرا مداخلاته) ولو فيه كلمة شكر مش بيتاخر عشان يقولها ويعرف الناس هو ليه يستحق الشكر وسعيه الدائم لمساعدة الاخرين وتلاقيه كدة مش بيبخل بالمعلومة ومش بيتاخر على حد وموجود معانا فى كل الاوقات -------------------- وعشان مجهوده ده فكرت اعمله اوتجراف هنا عالمنتدى كل حد عايز يقوله كلمة يدخل يقوله وميخليش فى نفسه حاجة ومفيش مانع لو كل واحد يطبق حتة بعشرين جنيه يحطها فى الصندوق اللى جنب الاوتجراف (محدش يسال الفلوس دى رايحة فين هنشترى بيها طبق فضة لاخونا سين سين ونكتبله عليه كلمة شكر) ونجاملكوا باذن الله فى الافراح حسام عبد الفتاح

السلام عليكم و رحمة الله و بركاته صحيح الليل لسة في أوله ... بس بيعدي بسرعة ربنا يتقبل

غريبه أوى إنهم ما عينوش واحد لواء :protest:

القضيه ليست اعتذار او يسحب كلامه القضيه انت امام انسان ان لم يثبت كلامه فهو انسان كذاب تمعن فى كلمة كذاب وسيبك من كلام السياسه لان لا افهم فيه انا افهم انه ان لم يثبت كلامه فهو كذاب يعنى لو شفته فى التليفزيون وهنا بنتى جنبى هاشاور عليه وقول لها ده عمه الكذاب وكمان لايستحق كلمة عمو اقولها الراجل ده كذاب

تعرف كلامك ده يوافق قناعة أكيدة عندي كل واحد بيجذب لنفسه ما يتوقعه سواء خير أو شر بدليل في البيت الواحد و أفراد الأسرة الواحدة و في نفس التوقيت تلاقي واحد فرحان و واحد زعلان و واحد زهقان و واحد حاسس بهدوء و سكينة مع انهم في نفس المكان و الظروف احساسنا و إدراكنا للأمور هو حل اللغز غيّر تفكيرك تتغير حياتك بإمكاني أن أصنع حياة كاملة بتفكيري و أحاسيسي

من مواقف الشيخ حازم صلاح أبو اسماعيل: المكان: ميدان التحرير الزمان: مساء الاثنين 7 فبراير 2011 أكد الشيخ حازم صلاح أبو إسماعيل الداعية الإسلامي البارز أهمية رفع سقف الثورة الشعبية، وعدم توقفها عن ميدان التحرير حتى لا يلتف النظام السابق عليها. وأشاد في كلمته في الميدان مساء الاثنين 7 فبراير 2011 بصمود المعتصمين في ميدان التحرير، وبإصرارهم على مطالبهم حتى تحقيقها بتنحي مبارك، مشددًا على أهمية التفكير في مواجهة مخطط عزل ميدان التحرير والمرابطين فيه وتسيير الأمور من حولهم. وطالب الجيش بعدم المساس بالمعتصمين، مؤكدًا أن المصريين ارتقوا شهداء عند ربهم عندما حاول جهاز الشرطة البائد خمد ثورتهم. كما أكّد أن الأمر يستحق المزيد من التضحية والفداء ولو وصل عدد الشهداء إلى مليون شهيد في سبيل الله لاسترداد الحرية والعزة والكرامة. الرابط: http://www.hazemsalah.com/pages/Articles/details.aspx?ID=249

طب وليه يا عزوز ؟ ما أنت لو كنت كملت دراستك كنت زمانك بقيت مُشرف .. أو حتى أمين شُرطة

بس هيه ههههههههههه عسل يا أزووزو :D

السلام عليكم ورحمة الله وبركاته أسئلتك كتييييييييييير يا أستاذ عمدة بس معلش ما النهاردة عيد ميلادك فأنت تؤمر بص ياسيدي نعم أنا من مؤيدي مقولة يفوز باللذات كل مغامر ويموت بالحسرات كل جبان لكن يمكن أحب أغير كلمة مغامر بكلمة شجاع مقدام.....يعني مغامرة بمعني الشجاعة والحماسة وليس التهور الفرق بين المغامرة والطيش إن المغامرة بتكون محسوبة يعني بتكون فكرت كتير في الأمر وعارف الايجابيات والسلبيات وعارف قدراتك والتحديات اللي هتواجهك وقررت إنك تخوض الأمر بالرغم من التحديات الظاهرة ليك....بعكس الطيش فأعتقد إنه مرادف لعدم التفكير إنك تأخد قرار بدون ما تحسب كل الحسابات وبدون ما تفكر تعريف المغامرة من وجهة نظري إنك تكون أمام موقف ما تحدياته أكبر من قدراتك نظريا لكن بالرغم من كده تقرر تؤمن بنفسك وتقرر تخوض التحدي مريت بمواقف مغامرة صغيرة لكن مش كبيرة مش لدرجة مغامرة بحياتي ومستقبلي والنتيجة كانت جيدة جدا وفي صالحي ومعلش أعفيني من الحكايات :closedeyes: وطبعا ممكن أغامر تاني بس زي ما قلت لك المغامرة بالنسبة لي لازم تكون بعد تفكير ووزن للأمور من ناحية الايجابيات والسلبيات ثم أهم حاجة بالنسبة لي أنا شخصيا الاستخارة وبعدها أحس براحة داخلية تجاه قرار المغامرة .....وبعدها أنط علي طول أنا عموما شخصية داخلية يعني محدش يقدر يؤثر علي قراري طالما أنا مقتنعة به لكن زي ما قلت لك قراري ده بيكون جه بعد تفكير طويل لكن ممكن أؤجله لو لقيته هيزعل مامتي ....مش لأنها بتأثر علي قراري لكن لأني ما أحبش أزعلها أعتقد إني جاوبت كل الأسئلة شكرا علي الموضوع الجميل والنقاش الممتع

والله الموضوع ده بيختلف حسب ظروف شخص والتانى وهنا معظم الى دخل بيهاجم الراجل وهو بس الحاجة الوحيدة الى غلط فيها انه قال هيقطع الباسبور المصرى ودى انا مش معاه فيها مع انى تفكيرى نفس تفكيره انى مش راجع مصر بردك نهائى ومبحسش بالاحاسيس الى كل الاخوة هنا بيتكلموا عنها يمكن علشان بردك انا مريت بظروف شخصية وجو عام فى مصر بالاضافة لجو الفساد يخلينى اقول كدة وانا متغرب برة مصر بقالى اكتر من 8 سنين اول مرة اشتقت فيهالمصر فى اول اجازة ويمكن علشان والدتى الله يرحمها كانت عايشة وقتها لكن من بعدها عمرى ماشتقت انزل لمصر ولو ليوم واحد ولما كنت باخد اجازة من شغلى فى الخليج مكانتش بتزيد عن 12 يوم وبدور هرجع امتى بسرعة من اول يوم ولما رحت كندا فى اللاندنج قلت خلاص مش هرجع مصر تانى لانى لاقيت المكان الى حسيت انه يناسب تفكيرى وشخصيتى وفترة اللاندنج البسيطة هناك قدرت اتلاحم مع اسر عربية ومصرية هناك وزرنا بعض وحسيت بجو الالفة والتواصل الى انتم بتتكلموا انه مش موجود غير فى مصر حتى بعد الثورة ماقامت ولحد دلوقتى مش حاسس بالاحساس الى يخلينى عايز ارجع تانى وخصوصا ان ابويا وامى توفاهم الله ده غير انى من القاهرة الى مفيهاش جو التراحم والتلاحم الى الاخوة بيتكلموا عنه هنا لان كل واحد دلوقتى بقى فى حاله فكل واحد ليه ظروفه غير التانى ومش لازم الهجوم على شخص لمجرد انه قال رائيه وهو حر فيه وقرار اخده وهيتحمل ايجابياته وسلبياته

استاذ شرف الدين / أنت فى رأيك أن المشكلة فى الشعب وترى أن الشعب غير ملتزم وتدلل على صدق كلامك بالالتزام الذي عليه المصرين المغتربين فى الخليج وللأسف أرى انك مرة اخرى تلوي اعناق الاحداث لتركب ( بالعافية ) على نظرتك للأمور فالدليل الذي استشهدت به هو دليل يمكن الاستشهاد به لصالح الشعب المصري ومندهش ان تستخدمه فى التدليل على وجهة نظرك أن الشعب غير ملتزم ! فالمصري الملتزم فى الخليج أو أوربا هو نفسه المصري الذي تتهمه بانه غير ملتزم , طيب ما الذى تغير ؟ الذي تغير أن هذا المواطن ذهب لدولة القانون فيها هو السيد والحاكم ويتم تطبيقه بين الجميع بشكل عادل دون تميز أو تفضيل وليس الشدة فى التعامل هى سبب التزام اهل هذه الدول كما قلت أنت , فدول الخليج واوربا لا يوجد فيها لا قانون طوارىء ولا شرطة تتعدى على الناس ولا شىء من هذا القبيل , في الوقت الذي فيه مصر منذ عشرات السنين يتم حكمها بقانون الطوارىء ( وبالشدة زى ما قلت ) فهل تم فرض القانون فى مصر ؟؟ بالتاكيد لا والجملة التي قلتها أنت فى تعليقك وبصرف النظر عن أني معترض عن كلمة الشدة , ولكن هى اكبر دليل ان العيب فيمن يطبقون القانون فى مصر وليس فى الشعب ( لانهم لو طبقوا القانون بشدة كانت الناس هتمشي مظبوط زى ما انت قلت ) تحية لك

قال طفل العاشرة لوالده " طلبوا مني في المدرسة أكتب موضوع عن السياسة وأنا أساسا مش عارف يعني إيه سياسة " رد الأب " أبسطها لك " تخيل ماما هي الحكومة لانها تدير المنزل وأنا رأس المال لاني أنا اللى بجيب المال اللى الحكومة بتصرف منه وأنت الشعب والشغالة هى الطبقة العاملة وأخوك البيبي هو المستقبل فهمت يعني ايه سياسة؟ رد الطفل مش قد كده أثناء الليل إستيقظ الطفل على بكاء أخيه الرضيع فوجده " عاملها على نفسه والرائحة لاتطاق " فذهب الى غرفة نوم الأب والأم فلم يجد والده ووجد أمه مستغرقة في النوم فلم يوقظها وقرر أن يبحث عن والده لانه اعتقد انه سيكون بالمطبخ أو بالحمام ، ولكنه وجد والده نايم مع الشغالة في حجرتها ، فرجع لغرفته ونام ، وفي الصباح قال لوالده أنا خلاص عرفت يعني إيه سياسة. رد الأب طيب إشرح لي بقي ايه هي السياسة رد الإبن ، السياسة هى أن الحكومة تبقى نايمة ، ورأس المال يستغل الطبقة العاملة ، والشعب مش لاقى حد يسمعه والمستقبل غرقان في المجاري

قولنا زمان الاخوان تبع مصلحتهم محدش صدقنا وقالوا بتحاربوا الاسلام بعد ما اول الاسبوع قالوا هنشارك النهاردة كان فيه خبرين مصدر قضائى يؤكد حفظ جميع التحقيقات فى قضايا الإخوان http://www.youm7.com/News.asp?NewsID=493072 الكتاتنى: لن نشارك فى مظاهرة إسقاط "الطوارئ" http://www.youm7.com/News.asp?NewsID=492970

بص يا عم انا مش حقولك مصر هى امى و مشربش من نيلها , لان مشاعرك دى ان مريت بيها فى فترة المراهقة , بس حبيت أقولك إن الحياه مش بس اكل وشرب جيدين و مواصلات مريحه و حكومة محترمة...الخ طبعا دى حاجات فى غاية الاهمية لا خلاف عليها و لكن فى حاجات تعرفها للما تتغرب ,أحاسيس متتحكيش ربما متكنش واخد بالك منها دلوقتى و بعدين خد بالك الحياه هناك مش جنة زى ما انت فاكر .. انا طبعا مرحتش كندا او دول غربية من قبل لكن قريت وسمعت , الشغل هناك يعنى شغل و اذا كنت متبحش اللمه فمؤكد إنك بتحب التراحم و الالفه و ستفتقدها هناك و لو كونت عيله ربنا يعينك و تربيهم على دينا و عادتنا . و نصيحة اخيرة ..خد بالك من قرفك وكرهك للحياه فى بلدنا و حبك و تعلقك بالعيش بالخارج ربما يؤثر ذلك فى المستقبل على دينك و اخلاقك و قيمك زى ما أثر على اخرين.

رجعنالكم بهتشاية صغيرة سريعة كده تخليكوا تفكروا شوية فاكرين الراجل اللى كان واقف ورا عمر سليمان ... ايوه صح يوم بيان التنحي . . إستعدوا للصدمة . الراجل ده كان قاعد ورا عمر سليمان وهو بيدلي باقواله في المحكمة ... الكلام ده حقيقى وحصل ومصدره د. حازم عبد العظيم اللى كان حيتعين وزير إتصالات وبعدين أعتذروله وهو على السلم طيب يا ترى هل هو لسه حارس لعمر سليمان ... وده معناه إن عمر سليمان لسه موظف رسمي وفي موقع مهم ... طيب سؤال تاني هو عمر سليمان وظيفته إيه دلوقتي ؟؟ بلاش دي هل صدر إي قرار بعزلة عن وظيفته كنائب لرئيس الجمهورية بعد تنحي مبارك على فكرة تفتكروا لما الراجل التاني بعد مبارك في الدولة، هو مدير المخابرات ، .... يطلع ميعرفش اللى بيحصل في البلد زي ما شهد فى المحكمة وده كلام آسفين يا ريس ولعلمكم هم كمان بعتوا ليه رسالة شكر على شهادته، تفتكروا مين حيعرف لو هو ميعرفش ولم يصل إلى علمه ولم يتم إبلاغه. على فكرة عمر سليمان غير كلامه اللى قاله في النيابة ... الظاهر مفيش راجل في محيط مبارك عنده كلمة واحدة مبتتغيرش وده بيدي مرونة مدهشة في الحركة اكثر من أي افعى

مش كنتم حبايب وسمنة علي عسل :blink: الجبهة السلفية: المجلس العسكري امتداد للنظام السابق

ربنا هب لنا من ازواجنا وذرياتنا قرة أعين واجعلنا للمتقين إماما آمين

من يريد ان يحيا بداخل مصر اهلآ وسهلآ ومن يريد ان يتركها الباب يفوت جمل مصر تحتاج الى ابناءها شيء واجب مصر ترفض الاحسان والتعالى من ابناءها شيء اكيد هنا من ضحى داخل البلاد ولم يتركها دة اكيد هنا من استغل اهلها وبرطع فى الفساد دة اكيد هنا من يتوق الى الخروج منها دة اكيد هنا من يلعن يوم ولد فيها دة الاكيد رزقنا الله نعمة التذوق والاحساس والأنتماء لكن هذة النعم مختلفة نسبتها عند الجميع مصر غنية بابنائها من يسهرون لحمياتها ويضحون من اجلها مصر اكبر من اختزلها فى موضوع مصر كبيرة جدآ واللي يعرف قيمتها من يعشقها والعشق درجات مصر كانت تعانى وتصرخ فلم يسمع انينها الا من احبها فمنهم من غضب وهجرها حبآ ومنهم من مات كمدآ ومنهم من صبر لقد نالت مصر منا الكثير من الالم فهل تحنو عليها ولا تضعوها فى ميزان مصلحتكم مصر اكبر منا انها مصر من لا يعرف قيمتها قلبة قاسى ومن يقتلها او يؤذيها فهو من لا قلب لة مصر تحتاج الى ابنائها الاحرار الذين يمنحوها ارواحهم ولا يبخلون عليها فى اي ميدان ان الرحلة قصيرة مهما طالت فأحذرو ان يفوتكم تضحية لمصر مصر الان تخطو الى الامام مصر تنفض غبار سنين عجاف فمن كان يريد الارتماء بحضنها سيجدها الحنونة وارض المحبة مصر فى حالة مخاض عسير يكسو وجهها الجميل الام مخاضها انظرو اليها بعد ان تفيق قيموها كما شأتم لكنها المعشوقة الحانية يقتلونها فلا تحرمهم من حبها انها الام الحنونة فكفى طعنات انها لا تستحق ان مصر ستشفى باذن الله وعندما تقوم من الام المخاض لن تكون الا مصر المتسامحة التى انعم الله عليها فكانت ارض سلام للجميع حاضنة للجميع من يكرهها ومن يموت حبآ فى ترابها

وقـــــــــف طــــــــــول الســـــــــــهرة يراقبـــــــــــــــها ، . . . . > > > > . . . . . . . . وهي تنتظر مبادرته .. وفجأة تقدّم منها وقال : هل سترقصين ؟؟؟؟ أجابت بخجل شديد :wub: : نعم فابتسم وقال :) : كويّس علشان آخد الكرسي بتاعـــــك :P رخم رخم ياعني هههههههههههـ

الحقيقة أنا مشتت جدا عين فى الجنة و عين فى النار , بحب جو مصر المشى فى الشوارع ولمه اهلى واصحابى و بالذات فى رمضان و الاعياد اللى طبعا مش لاقى ذرة منها هنا .. بس لو رجعت اشتغل بكام ؟!! انا عندى اسرة ... عموما لو ربنا وفقنى بشغلانة معقولة الدخل احتمال كبير اقفل هنا فى المملكة بالنسبة لحال مصر انا عاوز اكون متفائل الحقيقة بس مش عارف ازاى :sad:

عزيزى المواطن . . . . ... . . . . . . . . . لقد انتهت صلاحية النسخة التجريبة ( الديمو ) من لعبة الديموقراطية اذا اردت شراء النسخة الكاملة عليك القيام بثورة اخرى

لابد ان يكون ختام الموضوع فى التوبه .. هل للمجاهر من توبة ؟؟ .. سبحان الله .. ومن يحول بينه وبين التوبة ؟ قال تعالى: {وَتُوبُواْ إِلَى اللَّهِ جَمِيعاً أَيُّهَ الْمُؤْمِنُونَ لَعَلَّكُمْ تُفْلِحُونَ} [النور: 31] فقرن الفلاح بالتوبة إلى الله والإنابة إليه، وجعلها شعار المؤمنين، وقد وعد الله التائبين بقبول توبتهم والعفو عن سيئاتهم فضلاً منه ورحمة، والواجب على المؤمن كلما أذنب أن يُتبع الذنب بالتوبة النصوح، وحقيقتها ندم على ما فعل، وإقلاع عن الذنب، وعزم على ألا يعود، والله غفور رحيم. وعن أنس بن مالك قال: قال رسول الله صلى الله عليه وسلم: ((لله أفرحُ بتوبة عبده من أحدكم سقط على بعيره وقد أضله في أرض فلاة)) [متفق عليه]. وفي حديث عبد الله بن عمر عن النبي صلى الله عليه وسلم: ((إن الله عز وجل يقبل توبة العبد ما لم يُغرغر)) [رواه الترمذي]. واعلمْ أنه لا ييأس من روح الله إلا القوم الكافرون، وأن التوبة والاستغفار من مظاهر العبودية الحقة لله تعالى. وفي حديث مسلم عن أبي هريرة قال: قال رسول الله صلى الله عليه وسلم: ((والذي نفسي بيده لو لم تذنبوا لذهب الله تعالى بكم، ولجاء بقوم يذنبون فيستغفرون الله تعالى فيغفر لهم)). هذا باب الرجاء وبجانبه باب الخوف، ولا يأمن مكر الله إلا القوم الخاسرون. لا شك أن الله يقبل التوبة من جميع الذنوب؛ من المجاهرين وغيرهم، حتى الكفار، {قُلْ لِلَّذِينَ كَفَرُوا إِنْ يَنْتَهُوا يُغْفَرْ لَهُمْ مَا قَدْ سَلَفَ} [الأنفال: 38]، والنبي صلى الله عليه وسلم يقول: ((التوبة تجب ما قبلها))([1])، والله تعالى يقول: {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً} [الزمر: 53]؛ فالتوبة الصادقة تكفر الذنوب جميعًا؛ الشرك، والكفر، والنفاق، وكل المعاصي، من تاب تاب الله عليه. الرابط : http://www.el-awael.com/q/article/9639.html

مستنية القصة هه هه stnd::

في تعليقات هنا استفزتني جدا وكانت سبب دخولي للتعليق انا احب اقول للناس اللي بتقول (مصر مش حتتغير )ما تنسوش انه الفساد اللي اتزرع في مصر اتزرع من ايام الاستعمار يعني احنا الفساد فينا بأه له 100 سنة علي الاقل ولتغيير الفساد وتوابعه والعادات السيئة التي تجذرت في المجتمع محتاجين سنين طويلة علشان نشعر بتغيير حقيقي في الشعب وانا متأكده ان كل المغتربين اللي بره مصر او علي الاقل اغلبهم حيرجعوا مصر تاني لان احنا شعب مش من طبيعته الخروج والهجرة من بلدنا زي شعوب تانية احترفت ده من زمان زي اخوانا الشوام مثلا (السوريين واللبنانيين والفلسطينيين) اللي الهجرة من بلدهم في اتجاه اقصي بقاع الارض امر عادي عندهم احنا كمصريين زي السمك وهجرتنا من مصر كانت لظروف اضطرارية وان تغيرت هذه الظروف او ظهرت بوادر لتغيرها ستتوقف الهجرة من مصر وسيعود غالبية المغتربين بكل خبراتهم وكفائتهم من الخارج لبناء الوطن اتفائلوا خير وياريت يكون عندنا ثقة في النفس اكتر من كده انا متأكده انه مستقبل مصر القادم حيكون كويس إن شاء الله تعالي

شوف يا عطار... مصر كانت ولا زالت وستظل هكذا .... مش هتتغير صدقني ... يمكن بعض الناس يعتبرني متشائم أو بعضهم يعتبرني ضد الثورة .. لكن هي دي الحقيقة ... مصر لن تتغير لأن هي دي تركيبة شعبها. ( أنا مش عايز أقولك على أمثلة كتير جدا جدا عشان مطولش عليك ). في سلبيات كتير ... لكن في ايجابيات كمان ... الفارق بين السلبيات والإيجابيات ... هو إن الإيجابيات هي أشياء غير محسوسة .. لا تشعر بها إلا عند فقدها.. يعني أنا هقولك على حاجة ... العيد الصغير اللي فات ده كان أول عيد أقضيه في مصر من 9 سنين ........... فعلا رجعت افتكر معناها ايه كلمة عيد .. بعد ما كان العيد بالنسبة ليا هنا في المملكة يوم زيه زي أي يوم.. مصر اجتماعيات يا عطار ... اجتماعيات لا يمكن تلاقيها في أي بلد تانية وبالذات في الخليج. من ناحية الموارد المالية والدخل والحياة النظيفة ... لا يمكن مقارنة مصر مع أي دولة بالخليج .. أي مقارنة ... مصر تخسر.. لكن من ناحية الحياة كحياة .. كناس تكلمهم ويكلموك .. ناس تسأل عنهم ويسألوا عنك .. أصحاب تزورهم ويزوروك ... مصر تكسب من أول جولة ... وأنا زمان قريت كتاب لمؤلفة أجنبية عن حالة العاملين الأسيويين في المملكة .. كان فيه جملة معبرة جدا ... ( إنهم على قيد الحياة لكنهم لا يعيشون ). عشان كده يا عطار .. حط في دماغك .. أنك لازم تنسى الخليج لو عايز ترجع مصر .. وصدقني والله الحياة في مصر مش صعبة قوي زي ما ناس كتير متخيلة. يعني في عز البلاوي اللي في مصر بعد الثورة دي إلا إن الناس عايشة حياتها تالت ومتلت.. ومفيش أي مشكلة .. لكن كل ما هنالك إنهم اتعودوا على الحياة في مصر. والغربة في النهاية رحلة قصيرة مهما طالت.

هى المرأة من جديد !! شغل المجتمع الشاغل .. مادته الإنتاجية ..ووحدة أمومته ..المحطة الأخيرة والنهائية التى تتجه إليها كل الدوائر المتشابكة والمتعارضة للخلاص ..هى بالفعل المرأة ..محل المجتمع وسره .. نعم فى هذا الزمن المرأة هى ذلك وأكثر ..هى المجتمع .كله .وليس نصفه فقط ..أؤكد على أنه لو انصلح حال المرأة وأنصفها المجتمع من خلال المساواة فى حق تحقيق الذات والمشاركة الحقيقية فى بناءه بحيث لا يطغى المجتمع الذكورى الذى يتعمد أن تدور كل دوائره المجتمعية وكل قوانينه وأعرافه فى فلك الرجل ويهمل تماما نظرية الأدوار الإجتماعية ويحط من بعضها ويُعلىِ من البعض الاخر دون سند حقيقى أو منطقى لانصلح حاله كثيرا وتقدم كثيرا .. هذه ليست مغالاة أقصدها لأعلى بها من مكانة المرأة ..ولا أجد أيضا داعيا يجعلنى أنتقص منها..أحس أننى أتحدث بضمير الإنسان فقط ..فالمرأة ليست لغزا عجيبا كما يقول الكثير من الكتاب والمؤلفين ..ولا هي ينبوع الصفاء الخالد ومصدر الوحي والإلهام كما يتغنى الشعراء والأدباء ..ولا هى أجمل ما فى الكون ..وربما تكون كل ذلك ..فمع احترامى لكل هذه الآراء وبصرف النظر عن مدى اختلافنا أو اتفاقنا حولها ..أجد أن المرأة ببساطة انسان عادى جدا يتساوى فى انسانيته المجردة مع الرجل .. ما حدث منذ زمن قاسم أمين يجعلنى أقول له بجدارة أن " المرأة يا سيادة المستشار بمحكمة استئناف مصر الأهلية هى المجتمع كله اليوم .. وان كنت رأيت أنها نصف المجتمع ..فقد كنت رجلا معتدل الفكر ..تصف مكانة المرأة بعدالة اجتماعية وأفق مستنير يتوافق مع متطلبات وظروف مجتمعك وقتها ..ولو كنت موجودا بيننا اليوم لأجزمت بلا أدنى شك – وبمنتهى الأسى على غباوة المجتمع التقدمية - أن المرأة هى المجتمع كله امارة على مدى التدهور الذى وصل اليه..وأن المجتمع كله فى حاجة كبيرة وملحة للمرأة اليوم ..المرأة بمعنى الأنوثة ..بمعنى الأمومة ..بمعنى تصحيح المسار ..وبناء القيم والمبادىء والدور الحقيقى ..وأن حال المجتمع كله اليوم تقريبا لن ينصلح حاله إلا اذا انصلح حال المرأة ليس على الطريقة الشعاراتية ولكن على طريق القناعة والتنوير ..ولكن يبدو أنه بالفعل حلم مستحيل يكاد يكون هراء ..ولذلك فإننا سنظل كما نحن ..وسيبقى الوضع كما هو عليه وربما أسوأ بحكم دلالات التاريخ منذ زمنك وحتى اليوم ! " ايه يا أثر الطائر !! كتابك هذه المرة له أهميته الكبيرة جدا ويطرح مشكلة ثقافية أكبر عن فرضيات المجتمع نفسه وقناعاته الأزلية..عن تراثه وأصوليته وما ظل عالقا بهما منذ الأمد ربما بحكم التوريث الأعمى والتقليد والنقل ..بل انه مؤكد ..كالعادة ! ولذلك فهو موضوع مثير للشجن ..مثير للحزن بالفعل على مجتمع زبائنى ..عشائرى لا يريد ولا لديه حتى أى استعداد اجتهادى فى أن يتخلص بالفعل من ذيول خيبته .. إن قاسم أمين ..من وافقه ومن خالفه ..من أيده ومن ادعى عليه..من رماه بالباطل ومن سانده ..كان مجرد رجلا انسانا فقط لاغير ! فمعرفة أن المرأة كائن حى مثلها مثل الرجل ..يتساوا فى الآدمية ..بنى آدم له نفس الحقوق الإنسانية والواجبات.. أمر لا يحتاج فعلا سوى لإنسان ..انسان عادى..سوى ..منصف .. لديه من الحس الإنسانى العادل ما يستطيع به أن يقسط العدل وأن يوقظ الضمير وأن لا يغدر .. يفهم بالفعل شريعة الله كما أنزلها وكما يجب أن تكون على الأرض .. كل ما حصل أن قاسم أمين كان رجلا شجاعا لأنه أول من حاول أن يوقظ ضمير المجتمع المستبد بجرأة وجهارة ..ليس للمرأة فقط..ولكن من أجل نصوص الله العادلة نفسها تجاه المرأة ..حاول أن يصحح مفاهيم المجتمع المغلوطة وتفسيرها لشرائع الله بشكل يحقق مصلحة الطرف الذكورى المستبد على اعتبار أنه الكائن الفوقى المتحكم والمسيطر فى الكائن التحتى الأضعف ..المرأة ! تغيرت الدنيا وجرت مقاديرها وعوائدها ..مرت أزمنة منذ دعوة قاسم أمين ولم تتغير العقول ..بل ازداد الأمر سوءا ..وكأننا نرجع للوراء على عكس كل الدنيا ..وبرغم أن القوانين الحديثة تطورت بالفعل ..حتى وصلت المرأة لمراكز قضائية بداية من هيئة قضايا الدولة والنيابة الإدارية مرورا بمحاكم الأسرة ومحاكم الإستئناف وانتهاء بالمحكمة الدستورية العليا....إلا أن الأزمة تبدو أزمة ثقافية وراثية متأصلة فى المجتمع وعقوله لا أزمة قوانين وضعية أرضية ..فمهما أنصفت القوانين المرأة تظل عاجزة على أن تغير فى العقول ..وتبقى العقول على ما هى عليه ضاربة عرض الحائط بقوانين السماء والأرض ..فالقوانين وضعت ولكنها لا تفعل ولا تحترم لأن من وضعوها هم نفس العقول لنفس الأشخاص فى ذات المجتمع ..فما الفائدة !!..للأسف هذا ما يحدث على أرض الواقع ولابد أن نعترف به بلا مواربة ..المرأة انسان ناقص منتقص حقه منهوب ..ينظر له نظره دونية على أساس انه التابع الأضعف الناقص العقل والدين .. فصورة المرأة المثقفة الذكية القوية لا يستسيغها الرجل الشرقى ويسعى بكل طريقة أن يحجم دورها بكافة السبل.. وفى أحسن الظروف.. تحترم احترام محدود داخل اسرتها كزوجة تؤدى واجبات مفروضة بنظام اجتماعى ولابد أن تقابل بمقايضة معقولة تحقق الإستمرارية وترضيها لتقدم المزيد..ويظل الحق منقوص إلا من رحم ربى ...إلا العقلاء ..إلا الربانيون ..إلا الإنسان ! أما عن نظرية القوامة ..وما إلى ذلك من حجج معروفة ومبررات .. فليس الأمر كما يرون ويفهمون من القوامة .. فليس قوامة الرجل في الإسلام قوامة السطوة والإستبداد والقوة والإستعباد .. ولكنها قوامة التبعات .. الإلتزامات والمسئوليات .. قوامة مبينة على الشورى والتفاهم على أمور البيت والأسرة .. قوامة ليس منشؤها تفضيل عنصر الرجل على عنصر المرأة ..وإنما منشؤها ما هيأ الله في الرجل من ميزات فطرية تؤهله لدور القوامة ولا توجد في المرأة بينما هيأ في المرأة ميزات فطرية أخرى تؤهلها للقيام بما خلقت من أجله .. وهو الأمومة ورعاية البيت وشؤونه الداخلية.. وما أعظمها من أدوار وأهمها ! الرجل بكل تأكيد أقوم من المرأة في الجسم .. وأقدر على الكسب والدفاع عن بيته وعرضه لا شك في ذلك .. وهو أقدر منها على معالجة الأمور بنوع من العاطفة القوية أحيانا .. وحل معضلات الحياة بتحكيم العقل .. والتحكم بعواطفه لا شك في ذلك أيضاً .. والأمومة والبيت في حاجة إلى نوع آخر من الميزات الفطرية .. في حاجة إلى العاطفة الدافقة والحنان الدافئ ..والإحساس المرهف ..لتضفي على البيت روح الحنان والحب .. وتغمر أولادها بالعطف والشفقة...المرأة هى المسئول الأول عن السعادة الأسرية وادخال الفرح على أسرتها ..المرأة هى الإحتواء ..ودورها فى نظرى أهم من الرجل ..المرأة هى عامل الإستقرار الأول والأخير .. والرجل أيضاً أب الأولاد .. وإليه ينتسبون .. وهو المسئول عن نفقتهم ورعاية سائر شئونهم .. وهو صاحب المسكن .. عليه إيجاده وحمايته ونفقته..فرئاسة الرجل إذن إنما نشأت له في مقابل التبعات التي كلف بها وما وهبه الله من ميزات فطرية تجعله مستعداً للقوامة.. ثم إن القوامة التي جعلها الإسلام للرجل لا استبداد فيها .. ولا استعباد للمرأة ..بل هي مبينة على الشورى والتفاهم بين الشريكين..ولا يحدث الخلل إلا عندما يشعر طرف فيهم بالنقص والعيب .. أما عن المساواة ..فهى تتمثل فى نظرية الإسلام في المرأة على أنها إنسان قبل كل شيء .. والإنسان له حقوقه الإنسانية .. وأنها شقيقة الرجل ..خلقت من نفس عنصره الذي خلق منه ..فهو وهي سيان في الإنسانية .. (إنما النساء شقائق الرجال) ..هكذا يقول رسول الله صلى الله عليه وسلم .. ويقول الله تعالى: (ومن آياته أن خلق لكم من أنفسكم أزواجاً..) وإذا استشعر الزوج ذلك .. وامتثل ما أمره الله .. وأمره رسوله به .. لا شك أنه سينصف المرأة .. ومن شذ عن ذلك واستبد وتعالى وجار على المرأة ..فهو مستبد وفهمه مخالف وناقص .. على الجانب الآخر نجد ثمة نساء ينادين تقريبا بإلغاء الأنوثة والمساواة المطلقة مع الرجل بما يجشمنا المتاعب وبما لا يليق بطبيعتنا ..وأعتقد أن السبب يعود إلى أنها - المرأة التى تفعل - تحس في قرارة نفسها بشىء من ضيق الأنوثة مع تصور الرفعة في مكانة الرجل .. فتندفع وراء هذه الشعارات دون روية أو تمحيص لها ..تنشد إشباع رغبتها في أن تكون رجلاً لا أنثى .. فإذا أبت الطبيعة (طبيعتها) عليها ذلك فلا أقل من أن تكون رجلاً .. يقيم مضطراً في جسم أنثى .. وعليها أن تعمل على إرضاء هذا النزوع في نفسها بكل وسيلة ..وأن تحقق لهذا الكائن المتمرد في صدرها كل ما يرضيه من معانى ومواصفات الرجل الطبيعي.. أما عن الزواج يا أثر الطائر فقد حوله المجتمع إلى مجرد مظهر احتفالى لإعطاء المرأة للرجل وتمجيدها ظاهريا ولم يمنع ذلك المظهر من اعتبارها مخلوقا ناقصاً أدنى من الرجل والدليل أن الزواج والطلاق أصبح فى المجتمع موضة وترف وتغيير وتجديد !! .. وعلى الرغم من القفزة الكبيرة التي حققتها المرأة بالإنتقال من كونها جارية وامرأة مجردة للجنس – فى المرحلة الأوليه البدائية من التاريخ إلى زوجة وأم شرعية – بعد ظهور الإسلام – لم تتغير النظرة أبدا صدقنى ..يبقى الرجل كما هو ..المرأة بالنسبة له وعاء للمتعة والإنجاب ..وخادمة ناقصة عقل ودين ..والغريب أنه مهما علت فئة المثقفين – ليس كلهم بالتأكيد – تظل باقية هذه النظرة بل الأغرب أن صداها قد يرتفع جدا بين أكثر الناس ثقافة ...لم يدرك المجتمع فعلا بضمير صاحى وعدالة اجتماعية ..وحس انسانى راقى أن الزواج معناه كما قال الله تعالى فى كتابه الكريم " من آياته أن خلقنا لكم من أنفسكم ازواجا تسكنوا اليها وجعل بينكم مودة ورحمة " .. أعرف أننى أطلت كثيرا ..ولكن الموضوع بالفعل معقد ودسم وملىء بالأفكار والعناصر والمسببات والنواتج ..الموضوع كبير جدا يا أثر الطائر ..وبرغم ذلك حاولت أن أختصر قدر استطاعتى .. أشكر لك اتاحة هذه الفرصة للحوار فى مثل هكذا موضوع حيوى وضرورى ..وانتظر اضافاتك دائما مع خالص الود ..، :clappingrose:

يؤسفنى ان اقرا هنا قمة الانانية ان كنتم تهربون من مصر في ازمتها فلا تبحثوا عنها يوما لانها ستتغيرحتما وخاصة عندما يغادرها من لا يحترمها

سبعة الاف مبروك على الطفل رقم سبعه يا عبير ويارب يكون يوم ميلاده, يوم 7 في الشهراللي هايتولد فيه علشان يبقى كله سبعه في سبعه في سبعه.طالما انت بتحبي الرقم سبعه والحمد لله انك ماكنتيش بتحبي رقم 13 مثلا كان زمانا بنبارك لك على الطفل رقم 13 :P ;)

هذه الصفات تنطبق على المصريين الذين رايناهم أيام الثورة .. مصر لسة بخير يا جماعة

في الحقيقة هذا ما اعتقده انا أيضا يا أستاذ إبراهيم .. فالنية واضحة في التمسك بالسلطة ..لا شئ واضح في المستقبل .. تفعيل و امتداد لقانون الطوارئ حتى يونيو 2012 ..حجر على القنوات الفضائية ..تعتيم على مواعيد الانتخابات ..تصريحات من حين لاخر بعدم جاهزية مصر لتسليم السلطة للمدنيين بحجة عدم ا لاستقرار .. كلنا شفنا دبابات الجيش بجوار المتظاهرين حول السفارة الاسرائيلية , لم يتدخلوا الا بعد أن فضحنا في العالم كله عبر الفضائيات .. أكاد أجزم بهذا .. لذا يجب ان نستعد بالفعل لما هو أسوأ

يا عسكرى واقف بالفرس على جتتى لا انت البطل ولا فتوة حتتى لو جيت تقولي انا هاخد البلد هقول خدها ! ,, بس على جثتى وعجبي ! من رباعيات صلاح جاهين

أهلااااااااااااااااااااااااااااااا يا أستاذ أكرم أنت فين ياراجل؟؟؟ حضرتك مختفي فين؟ كنا مفتقديناك وبعدين ينفع كده بقي يعني بعد الغيبة ترجعلنا مفرهد وقاعد في نص الشارع كده روق ياراجل بكرة تتعدل وربنا يعينك يارب

الشيخ حازم لما نشر هذا الخبر قام بتكذيب الكثير من العبارات والجمل في هذا الحوار وقال ذلك الكلام في الحوار الذي دار في قناة الحكمة مع د\ وسام عبد الوارث

القاضي للمشير: قول والله العظيم أقول الحق المشير: والله العظيم مانا جي

نصيحة لاى حد عايز يستثمر فى الدهب و هو خارج مصر الافضل السبائك افضلها كتير عن الجنيهات لكذا سبب اولهم انها سهلة فى البيع مش هتلاقى فيها قلق من التجار هنا بالنسبة للجنيهات اللى مش سهل بيعها زى ما انتم وانا كنت متخيلة السبيكة بيكون مكتوب عليها عيارها وووزنها و دة بيكون ثقة ليك و للتاجر بعد السبيكة افضل الذهب العادى اللى اى ست بتلبسة بس لا يكون فية فصوص و يكون عيار 21 او 24 دة فى حالة الاستثمار طويل المدى يعنى سنتين تلاتة مش شهور لانة سهل فى البيع و بيتخطف فى ساعتها بالذات من محلات الدهب المستعمل اللى فاتحين جنب محلات الدهب لو بتشترى برة مصر يبقى لا سعودى لا اماراتى اى نوع تانى لا لو هتبيع فى مصر لو هتبيع خارج مصر يبقى تبيع من نفس المحل اللى اشتريت منة و يكون معاك فاتورة و تحتفظ بيها يلية الدهب المستعمل بس لازم من واحد ثقة قوىى و دة ميزتة مصنعيتة لا تتعدى 3 او 5 جنيهة لو من مصر للجرام الواحد لو القطعة حلوة قوى يبقى 7 جرام اخر حاجة الجنيهات لو المبلغ ضغير خاصة ان التجار هنا بيشكوا قوى فى الجنيهات و هتسمع اسطوانة من كل التجار اللى هنا ان الجنيهة الدهب انضرب من ساعة من وجية اباظة عملها هدية على عربيتة يعنى اللى يشترى عربية منة ياخد جنيهة هدية من ساعتها و التجار كلهم بيقولوا ان الجنيهات بتاعة وجية اباظة مضروبة ووزنها مش مضبوط و دهبها مخلوط علشان كدة لو بتبيع فى مصر بلاش الجنيهات المصرية محدش هيرضى ياخدها بسهولة يارب اكون فيدتك