لوحة القادة

ليه ما هو الموضوع بسسيط ... والله باكلمك بجد إنت ممكن ليل نهار تقف قدام المرايا وتقعد تقول : انا ضافر من ضوافر رجل حُسني مبارك ... أنا ضافر من ضوافر بابا مبارك وكمان تطبع كروت وتغير إسمك يا محمد وتكتب عليها : إسم الطالب / ضافر من ضوافر صوابع رجل مبارك لوما تتخرج من الكلية إن شاء الله تطبع كروت تانية غير الاولانية وتكتب عليها المحامي بالنقض والاستئناف / ضافر من ضوافر حُسني مبارك صعبه دي ؟ أما من يدعي إن الشعب المصري غير مؤهل للديمقراطية .. فمش هانتكلم عليه كتير لأنه مرمي رمية الكلب الجربان في السجن كاحمد نظيف ... أما الاخر عُمر سليمان فهو منافق وخدام لسيده وباع شرفه بكلمتين أو بوعد بحتة أرض .. وأقصد هناك طرمخته على محاولة إغتيالة هو شخصياً ولما مبارك عرف مين اللي حاول يغتالة إتحايل عليه وقال له أستر على الواد وأمه وأنا عيني ليك ومش عيب إننا نعلمك يا محمد في سنك ده ... نعلمك إن دي كانت ثورة والتغير سيحدث قريباً بإذن الله ... ولا مكان للمطبلاتية ولاحسي الأحذية ... ونعلمك إن الديمقراطية يا ضافر .. قصدي يا محمد مش هي إستغلال السلطة وقرطست الناس والظالم من دول يفتكرهم ساذجين ويقلع الميري ويلبس المدني ويالا كده يبقى جاهز وتمام التمام والديمقراطية مش هي الصندوق بس يا حبيبي .. والا كان الصندوق هايقول " جمال مبارك هو حبيبنا ورئيسنا بـ 99 % " وكله بالصندوق وبالقانون ... عشان بعد كده ناس زي محمد الغنام يطلعوا يقولوا بعد كده ... نفسي اكون رمش من رموش جمال مبارك نصيحة أخيرة وأنا عارف إن الفترة اللي بتمر بها في سنك الصغير بتخليك مكابر ولا تستمع لأحد... نصيحة من أخوك الكبير يا محمد .... لا تكن ظفراً لأحد .. وكن محمد الغنام صاحب الشخصية المستقلة ... وكن محمد الغنام اللي لا يُقدس أحد ولا يصل به الهيام لأحد إلى إنه يتنمى يكون ضافر من ضوافره ... لأنك هاتتحاسب على الكلام ده ... لان مبارك أو غيره مش أنبياء أو منزهين عن الخطأ ... وإذا وصل بك درجة الهيام بهذا الشخص لدرجة الامنيات دي فإذا كان في الجنة فهو لن يفيدك بشيء واللي هايفيدك هو عملك فقط .. أما إذا كان في النار بإذن الله فبمنتهى البساطة أنت ستكون معه لأنك ضافر من ضوافره .. ومش معقول هايدخل جهنم من غير ضوافر ...

مبادرة مشكورة من حركة 6 ابريل ولكن أتمنى يا اخ أرك اذا شاء الله وفازت الحركة بالجائزة أن يوجه المبلغ بالكامل للصرف على حملة توعية ضخمة للشعب المصري استعداد للانتخابات القادمة سواء البرلمانية ( اذا أسعفكم الوقت ) أو الرئاسية وهي الأهم شعبنا المصري تعرض طوال السنوات الماضية للتجهيل السياسي , وخضع لتأثير اعلام موجه لسنوات طويلة لذلك أرى أن الشىء الاهم الان من بناء مدارس او مسشفيات ( لان كل ذلك سياتي لامحالة فى حالة اختيار الحاكم المناسب ) أن يتم عمل حملة موسعة تجوب مصر طولا وعرضا وشمالا وجنوبا لتوعية الشعب المصري على حقوقه وكيفية اختيار ممثليه فى البرلمان أو حاكمه , ويتم الاستعانة فى هذه الحملة بعدد كبير من الشباب جدا الجامعي المثقف واسع الاطلاع والادراك والمتميز بسعة الصدر وحسن الحوار والقدرة على الإقناع حملة تغطي جامعات مصر ومدارسها وهيئاتها الحكومية ومعاهدها وشركاتها ونقاباتها العمالية ومدنها وقراها ونجوعها نريدها حملة خالصة لوجه الله بدون الترويج لأي مرشح حتى لا تفقد مصداقيتها عند الشعب وهذه الحملة الضخمة ستحتاج اموال كبيرة لتغطية محاور العمل فيها , مثل طباعة البوسترات وعمل اعلانات فى الفضائيات واجور الشباب الذين سيعلمون في الحملة ومصروفات انتقالاتهم بين ربوع مصر ............ الخ

اللهم اجعلنا من المتقين .. للأسف خانك التوفيق يا سيدى الكريم في الكثير من الكلمات التى ظللتها باللون الأحمر التى لا تليق بنا و لا بحضرتك . بدأت كلامك بتجريدنا من مصريتنا لمجرد إعجابنا بوقار المرأة السعودية و احتشامها .. و لاأدري إن كان من حقنا نحن أيضا أن نفعل ذلك معك و أنت دائم التغزل في الغرب و أمريكا .. لاأظن أن من حقنا ذلك.. في الحقيقة لست أدري من الذى طعن في شرف المرأة المصرية في أي مداخلة .. وهل الحديث عن سلبيات بعض من نساء مصر تعد طعنا في شرفهن ؟!!!!! حرصنا جميعا على توضيح أن الكلام موجه لفئة معينة و ليس فيه تعميم .. و لكن تصر مع الأسف الشديد على تعميم قولنا .. وصفتنا بالخدام عندهن .. لا حول ولا قوة إلا بالله .. وبالتأكيد لسنا كذلك .. نحن نعمل و نأخذ أجرا نظير هذا العمل و الله هو صاحب الفضل علينا و ليس لأى أحد آخر .. أما حديثك عن البحلقة .. فالحمد لله لست من أهلها و إن كان هناك من يبحلق فذنبه يقع عليه لأنه عصى الله و لم يغض بصره و على تلك المرأة ايضا التى عصت ربها الذى أمرها بالحجاب .. وأخيرا يا أستاذى ربنا يسامحك .. وجزاك الله خيرا ...

يااخوانا دول ماسونيين ازاي يدوهم الجايزه انا بصراحه من بعد ما اتفرجت علي حلقات الاستاذ احمد اسبايدر وانا اقتنعت انهم بيعملوا حاجات فيها ماسونيات وكده يعني بصراحه انا ارشح الاستاذ توفيق عكاشه مكانهم

أشكر لك أختنا الكريمة ثناءك وبارك الله فيكي . في أحيان كثيرة عندما أتفحص وجهات النظر ، أجد أنه ليس ثمة خلاف حقيقي . ومع شئ من اعادة الصياغة نجد أن وجهات النظر تكاد تكون متطابقة . ذكرتي متفضلة : انا مع المدرسه التى لا ترى الاحتفاء لاخفاء المعاصى و الركون الى ذلك ، بدلا من محاربتها حتى و لو كانت سرا . فأقول : وهل نحن ضد هذه المدرسة ؟ وهل نحن ممن نركن إلى أن المعاصي مستترة فنحمد الله ونغض الطرف عنها ؟ ماذا عن مجهودات عقود طويلة من خطب ودروس المشايخ وحلقات ترقيق القلوب والتذكير بالله في المساجد والفضائيات والانترنت وغيرها من منابر الدعوة ؟ إن كل هذه الجهود ما هي إلا لتزكية نفوس المسلمين وتحذيرهم من سلك سبل الشيطان . وإلا فهل يوجد سبيل آخر لمجابهة معاصي السر والخلوات ؟ وما هو التقصير الذي حدث في مجابهة هذا النوع من المعاصي ؟ نحن من نفس المدرسة إذن . ذكرتي متفضلة : انا لا ادعو للجهر بالمعاصى و لا احث عليه . فأقول : ونحن كذلك لا ندعو لذلك ولا نحث عليه بل ونحذر منه حتى لا يعمنّا الله بسخظ من عنده . وما ذكرناه أن المعاصي الظاهرة منتشرة بكل أسف في بلادنا وكثير من بلاد المسلمين ، ومحدودة إلى حد كبير في السعودية . إذن فالسعودية تتميّز عن غيرها من البلاد في هذه الجزئية . ليس معنى ذلك أن السعوديات أفضل من المصريات . ليس في ذلك اهانة لأحد . الأمر هو مقارنة بين ضوابط شرعية مطبقة في السعودية مما يجعلها ترتقي درجة على غيرها من البلاد في هذا الجانب. لعلي تمكنت من توضيح وجهة نظري والزملاء .

بسم الله الرحمن الرحيم أخي الفاضل / AhmedTouba تحية طيبة و بعد ... بالنسبة لتساؤلكم الكريم عن رأيينا في مكان الأراضي التي ستطرح في مدينة الشروق فأنا أرى من وجهة نظري أن أنها مسألة نسبية ترجع إلى رأي الشخص نفسه و هل هو مناسب له أم لا ؟ وهل هو ملائم لظروفه الإجتماعية و المالية أم لا ؟ فما يعجبني قد لا يعجبك و حتى تحكم على الأمور صح و بنسبة 100 % لا بد لك من زيارة الموقع بنفسك لمعرفة مدى قربه من الخدمات و نسبة الإشغال و مدى توافر المواصلات و غيرها من الأمور التي تحتاجها في حياتنا اليومية . و لكن نظراً لوجود العديد من الأخوة الأفاضل بالخارج فسيصعب عليهم تحقيق هذا الأمر الهام جداً لإتخاذ القرار السليم لذلك فقد قررت بإذن الله تعالى ( و قبل أن يتم طرح كراسات الشروط ) :- أن أقوم بزيارة المواقع المشار إليها و تصويرها بالفيديو هي و المناطق المحيطة بها و عرضها على اليوتيوب بالمنتدى حتى يكون متاح للجميع معاينة هذه المواقع بأنفسهم و كأنهم في بلدهم مصر . أرجوا من الله العلي الكريم أن يوفقني في هذا العمل لخدمة الأعضاء المقيمين بالخارج . و الله ولي التوفيق خالص تحياتي مهندس / أشرف محمد

أمر الله المؤمنين بالصبر عند الغضب ، والحلم عند الجهل ، والعفو عند الإساءة ، فإذا فعلوا ذلك عصمهم الله من الشيطان ، وخضع لهم عدوهم كأنه ولي حميم . نحن في امس الحاجة لهذه الاية ((وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ * وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ ))[فصلت:34-35]. ويقول ابن كثير: وقوله : ( ولا تستوي الحسنة ولا السيئة ) أي : فرق عظيم بين هذه وهذه ، ( ادفع بالتي هي أحسن ) أي : من أساء إليك فادفعه عنك بالإحسان إليه ، كما قال عمر [ رضي الله عنه ] ما عاقبت من عصى الله فيك بمثل أن تطيع الله فيه . وقوله : ( فإذا الذي بينك وبينه عداوة كأنه ولي حميم ) وهو الصديق ، أي : إذا أحسنت إلى من أساء إليك قادته تلك الحسنة إليه إلى مصافاتك ومحبتك ، والحنو عليك ، حتى يصير كأنه ولي لك حميم أي : قريب إليك من الشفقة عليك والإحسان إليك . ثم قال : ( وما يلقاها إلا الذين صبروا ) أي : وما يقبل هذه الوصية ويعمل بها إلا من صبر على ذلك ، فإنه يشق على النفوس ، ( وما يلقاها إلا ذو حظ عظيم ) أي : ذو نصيب وافر من السعادة في الدنيا والأخرى . ].

الأخ الكريم محمد لا يمكن إستخدام لفظ ربما هنا ... فهي بكل تأكيد مرفوضه و ذلك لأنها طريقه همجيه و أسلوب مريض و نهج متخلف و دليل على العجز و الضعف و عدم الكفاءه لمستخدمها هذه نقطه أما النقطه الثانيه فإن إنتقادنا لهذه الطريقه لا يمكن أن يكون موضع نقد في حد ذاته أو لوم .. لأن كل سليم فطره لا يمكن أن يرى هذا المنظر و لا ينتقده أما بالنسبه لإقتراح طريقه أخرى لأستخلاص المعلومات منهم أو لحثهم على الإعتراف فرغم أن هناك طرق عديده إلا أن الرد الطبيعي على ذلك هو : .. ((ده مش شغلنا يا فندم)) .. ده شغل الشرطه إللي لازم تنفذه بالأدب و إحترام الحقوق الآدميه قبل القانون ده مش شغلنا و لا واجبنا .. بل على العكس ده حقنا و ده اللي المفروض إن أفراد الشرطه يقبضوا رواتبهم لما ينفذوه و كما قلت .. بالأدب و إحترام حقوق الإنسان قبل ما يبقى بالقانون و مع إنه مش شغلنا لكن ببساطه ممكن نقول أنه كان ممكن يتعرض عليهم إعفاءهم من العقوبه لو شهدوا على المصدر .. كشاهد ملك مثلاً و أكيد البدائل المحترمه الأخرى كتيره ليس معنى أن أسلوب ملتوي و خاطئ أتى بثماره مره مع حضرتك في إستردادك لمسروقات تم سرقتها منك إنك تنفي إنه اسلوب ملتوي و خاطئ و لا معنى ذلك أن ترضى بهذا الأسلوب الذي لن أفترض أنك تخالفنا الرأي في أنه ملتوي و خاطئ لأياً كان من يكون و لا معنى ذلك أن تستنكر على غيرك نقده إن لم يقترحوا حلولاً سويه كبدائل و هم ليسوا مطالبون بذلك

للأسف في عقول مريضة والاف التعليقات قرات بعضها بتقول : أحسن ويتعمل فيهم أكتر من كده .. وتعمل إيه إنتي يا فندي لو طلع عليك واحد من دول ومعاه سلاح ؟؟ - منطق مريض مش كده ؟ فهل تساوي بين رد فعلي كشخص معتدى عليه من حقه يدافع عن نفسه بأي طريقة .. بل بالعكس ده ممكن الدفاع ده في بعض المواقف يعرضه للمساءلة القانونية .. وبين رد فعل رجل يُطبق القانون والعدالة ؟ وإذا كان المرضى دول عجبهم الوضع ده ... يبقى أقل شيء نفلعه هو إننا نجيب مبارك وكلابه ونكهربهم ونشتمهم شتيمه قذرة ونهريهم على قفاهم بل ونعدمهم لمجرد إنهم متهمين ... وده يبقى أقل واجب يتعمل مع السفاحين اللي زي دول اما من يدافع عن افعال هؤلاء .. فليتذكر إن من يغمس يده في الدماء بهذا المنظر الوحشي .. مستحيل يرجع بكره إنسان طبيعي ويتعامل معنا نحن المواطنين العاديين بادمية فالشرطة يا سادة جهاز لا نستطيع الأستغناء عنه .. ومصيرنا نتعامل معاهم ... فبالله عليك يا من تتعاطف مع الكلاب اللي ظهروا في الفيديو بيكهربوا الناس ويسبوهم بأفظع الشتائم دي .. إنتظر دورك غداً لتكون في موقف مثل هذا ..... وساعتها لا تلومن إلا نفسك لإنك ربيت كلب شرس وعليك أن تتحمل وقاحته في يوم من الايام

أما للرد على من يتحسر أنه لم يصل لمرتبة أحد أظافر الرئيس المخلوع : أنت بتأيد كاتب المقال و شايف إننا لا نعرف الديموقراطيه بدليل النقط الحمرا التي تحصل عليها من الجميع تقريباً أنا لن أتكلم معك عن الديموقراطيه .. و لكن سأتكلم عن مسألة النقاط الحمراء ... بصراحه شديده : تعليقك على أمنية أن تصبح أحد أظافر المخلوع و الله مش بس يستاهل نقطه حمرا .. ده لو في نقط سودا كنت هتبقى انت أحق واحد بيها عالكلمتين دول ألم ترى أظافر المخلوع في هذه الصوره قبل أن تقول ما قلت ؟ كيف تتأذى من من يقيمك بالسلب و أنت تقييم نفسك بأنك أقل من أظافر أحدهم .. مهما كان هذا الشخص ؟ قيم نفسك جيداً و أعد النظر بالرضا عن صورتك أولاً ... ثم إبحث في أسباب تقييم الآخرون لك بالسلب هو الحقيقه أنا كنت فاكره إن كل الأمهات بتتبع روتين واحد مع الأظافر .. و بالتالي كان يجب أن تكون المعلومه التي مفادها أن الأظافر شئ مهان موجوده عندك من الصِغر عن نفسي أنا بجمع أولادي كل كم يوم لأنهم صغار .. و أقص لهم ضوافرهم بالدور كده و أقول للي عليه الدور خذ ضوافرك و أرميها في الحمام و شد عليها السيفون و إغسل إيديك بالماء و الصابون علشان النظافه من الإيمان آه و الله العظيم السيناريو ده بيحصل بالظبط كده بالحرف .. مش علشان كلمتين بكتبهم في الرد ده .. لا هي دي الحقيقه بضوافرها .. قصدي يعني بحذافيرها إنتبه في المرات القادمه لما تتمناه لنفسك .. لأن أمنيتك دي بالذات لو إتحققت محدش عارف في كام (( قصافه )) هتجري وراك

هل جاء الوقت ليعترف التيار الاسلامي بأن رؤيته للأمور كانت خطأ وان الآخرين كانوا على صواب عندما صوتوا بـ لا هل حان الوقت ليعترف الاخوان بأنهم كانوا قصيري النظر عندما هرولوا خلف جزرة المجلس العسكري هل أعيش لأرى اليوم الذي تقف فيه الكنيسة المصرية موقف واضح ينحاز لمطالب المصريين العاديين مسلم ومسيحي هل طموحي يصل أن أرى وأسمع شيخ الأزهر ينادي بأعلى صوته على المجلس العسكري أن يتقي الله فينا ويحرر المصريين من ذكائه وافتكاساته هل كثير .. أن اتمنى .. ان يقف العلماني والليبرالي مع الاخواني والسلفي في خندق واحد عشان خاطر مصر

أستاذ ابو محمد ، مش عارفه أقول لحضرتك إيه بصراحه يعني هو الميكروجيب لا غبار عليه لإن أمهاتنا كانوا بيلبسوه يعني همه عشان أمهاتنا يبقوا معصومين من الخطأ ؟؟ وللا عشان ماكانش فيه تحرش علي أيامهم - يمكن عشان ظروف الشباب كانت أحسن من حيث وفرة فرص العمل الحكومي والخاص ووفرة الشقق السكنيه الإيجار فلم يكن الشاب يعاني مثلما يعاني الآن ليؤثث مسكن ويتزوج - يبقي طالما ماكنش فيه تحرش يبقي الميكروجيب حلال ؟؟!! سيدي الفاضل ، فترة الستينات والسبعينات كانت من أسوأ الفترات اللي مرت علي مصر من حيث الوعي الديني للناس وإلمامهم بأمور دينهم ، وده بشهادة جيل الآباء والأمهات بنفسهم وبعدين التزام المرأه المسلمه بالحجاب الشرعي ، ده لأنه أمر إلهي ، علينا فقط أن نقول سمعنا وأطعنا ، وكل من شارك بالمداخلات السابقه لم يعمم علي فكره ولم يكن الغرض هو تشويه صورة المرأه المصريه بل كان الغرض هو إظهار بعض من سلبيات ما بعد دعاوي تحرير المرأه التي تهدف الي تغريب المرأه المسلمه ونزع هويتها الاسلاميه عنها - وهي في الحقيقه صوره من صور محاربة الاسلام - ولعل حضرتك تذكر المقوله الشهيره لمستر جلادستون (( نريد أن نخلع عن المرأه المسلمه خمارها ونغطي به القرءان )) وهو ما نخشي تكراره مع المرأه السعوديه اللهم احفظ بلاد المسلمين ونساء المسلمين من كيد الكائدين .... آمين تحياتي لحضرتك

تصدق يا باشمهندس تامر انا مش حازعل ابدا بعد كده من السعوديين اللي بيقولوا يا مصريين يا بتوع هز الوسط اذا كان حضرتك مصري وبتقول كده ع المصريات يبقى حنلوم على الغير؟؟؟!!! بقى نساء مصر على الشواطئ و في الرحلات و في الملاهي الليلية؟؟ و حضرتك شفت بعينك؟؟؟ حضرتك بتروح الشواطئ دي؟ و بتطلع الرحلات دي؟ و بتروح الملاهي الليلية؟؟ الفساد موجود في كل حتة حتى في قلب الحرم في مكة والمدينة و ان مكنتش تعرف ابقى اسأل بتلوث شرف المرأة المصرية ؟؟ و لحساب مين ؟؟ هو ده الأمر بالمعروف و النهي عن المنكر؟؟؟ حسبي الله و نعم الوكيل

يقول رسول الله صلى الله عليه وسلم : من أتى هذا البيت فلم يرفث ولم يفسق ، رجع كما ولدته أمه وفي رواية : من حج فلم يرفث ولم يفسق الراوي: أبو هريرة المحدث: مسلم - المصدر: صحيح مسلم - الصفحة أو الرقم: 1350 خلاصة حكم المحدث: صحيح هذا مقطع مرئي من أربعة أجزاء يحوي شرحاً تفصيلياً لمناسك لحج . نسأل الله أن يكتبه لنا ولكم . http://www.youtube.com/watch?v=OsYEegmxDQQ

ليس موضوعا لنقل الكتاب الشهير تلبيس إبليس للإمام أبو الفرج بن الجوزى – رحمه الله – و لكننى رأيت علما غزيرا و فهما جميلا و تفسيرا ذكيا و قصدا طيبا فى هذا الكتاب , فأحببت أن أقبتس من مشكاته شيئا مع بعض الملاحظات البسيطة منى ربما تكون نفعا للبعض ..... و الله الموفق .............

اكثر من مرة قلت سواء فى المنتدى هنا أو في حواراتي مع اصدقائي أنني واحدا ممن يحترمون حركة 6 ابريل وشبابها وأقدر لها انها اولى الحركات فى مصر التي ألقت حجرة فى الماء الراكدة , وعلمت الشعب المصري انماط سلمية جديدة للتعبير عن معارضتهم لامر من الامور فى الدولة لذلك أنا سعيد بهذا الترشيح لحركة 6 ابريل وللناشطة اسراء عبد الفتاح وللناشط وائل غنيم , وهم يستحقون الجائزة ولا شك وان شاء الله الفرصة كبير لفوز مصر بهذه الجائزة هذا العام لان قائمة المرشحين الخمسة تحتل منها مصر مركزين ( اسراء وحركة 6 ابريل من جهة ووائل غنيم من جهة اخرى ) وإنجاز لهم ولمصر مجرد ترشيحهم حتى ولو لم يفوزوا بالجائزة تحياتنا لهؤلاء الشباب الرائعين

خلع المشير محمد حسين طنطاوي بدلته العسكرية ونزل إلى الشارع ببدلة مدنية، وتجول وسط الناس، قامت الدنيا ولا أظنها ستقعد قريبا، وبدأت التكهنات والحوارات والمناظرات التي لا تسمن ولا تغني من جوع وإليكم بعضا منها: المعارضون: يسقط يسقط حكم العسكر.. من بلوفر شفيق إلى بدلة طنطاوي.. الشعب المصري أول شعب يقوم بانقلاب عسكري.. من مبارك لطنطاوي يا قلبي لا تحزن. المؤيدون: نعم لطنطاوي رئيسا لمصر.. نعم لبطل حرب أكتوبر.. مصر محتاجاك يا طنطاوي.. نعم لصاحب الأجندة الوطنية. بين المعارضين والمؤيدين يقف المتفرجون أمثالي كالعادة وهم في حالة "قرف" و"هم" و"غم" مما يرونه ويسمعونه، وأقولها الآن صراحة ودون مواربة: أنا آسف يا نظيف.. سامحني يا سليمان. منذ سنوات قليلة قال الدكتور أحمد نظيف رئيس مجلس الوزراء الأسبق وسجين سجن طره حاليا إن الشعب المصري غير مستعد للديمقراطية، ونفس الجملة تقريبا قالها اللواء عمر سليمان مدير المخابرات العامة السابق بعد اندلاع الثورة وقبل تنحي أو خلع حسني مبارك. في الحالتين تعرض الرجلان إلى هجوم عنيف، وبغض النظر عن الرجلين وكونهما "نظام سابق أو بائد"، فقد ثبت بالدليل القاطع بعد 8 شهور على الثورة أن كلامهما "عين العقل والمنطق"، بأمارة مصطلحات بدلة طنطاوي وبلوفر شفيق أبو بونبوني وفلول عمرو موسى والثورة المضادة وأعداء الثورة، والإسلاميون هيودونا في داهية. قامت الثورة، على ما أعتقد وحسب علمي المتواضع، من أجل الحرية والديمقراطية. أول مبادئ الحرية والديمقراطية أن يكون الشعب هو مصدر السلطات، الشعب يختار من يمثله في البرلمان، والشعب يختار رئيسه ويكون قادرا على محاسبته، وبيننا وبينكم الصناديق، كما قالها يوما الشيخ محمد حسين يعقوب. من حق المشير طنطاوي والفريق شفيق وعمرو موسى والدكتور البرادعي والشيخ حازم أبو إسماعيل والدكتور العوا وغيرهم أن يرشحوا أنفسهم لمنصب الرئيس، وطالما أن الانتخابات حرة ونزيهة وديمقراطية فإن الشعب هو من يختار ويتحمل مسئولية اختياره، وعلى الجميع أن يعلن احترامه لهذا الاختيار، سواء كان ثوريا أو فلوليا أو إسلاميا أو عسكريا، أما أسلوب الإملاءات والشعارات الرنانة والوصاية على الشعب فهو أسلوب دكتاتوري جديد أراه لا يختلف كثيرا عن أسلوب مبارك ونظامه، وربما يكون أسوأ. أهلا بالديمقراطية إذا كان الشعب هو من سيحدد مصيره، وتسقط الديمقراطية إذا كانت النخبة هي التي ستحدد مستقبل مصر رغم أنف شعبها. اقرأ المقال الأصلي علي بوابة الوفد الاليكترونية الوفد - أنا آسف يا نظيف.. سامحني يا سليمان

طبعاً موضوع ممتاز جداً يا عطار .. إخبط دي الملخص في الجملتين دول .. زمان : منافذ و سكك الصرف كانت محدودة جداً ياعني يدوب ياخد راتبة ياكل و يشرب و خلاص ، ياعني مكنش فيه رفاهيات كتيرة زي اللي موجودة دلوقتي .. دلوقتي : المنافذ دي كترت أوي و الشاب مننا ياخد راتبة يلاقي مليون سكة وطريق يصرف فيه و بقت حاجات إلزامية عليه .. الإعلانات المغرية اللي بقت موجودة بتغري الشاب للشراء و التسوق ، و و سائل الرفاهية كالموبايلات و الإتصالات و الكمبيوتر .. الخ من الحاجات اللي مكنتش موجودة زمان .. الموضوع مش غلاء الأسعار ، لان ببساطة ممكن أرد و أقول زمان الاسعار قليلة و الدخل قليل بما يتناسب مع الأسعار دي .. أما الأن مستوي الدخل يتناسب مع أسعار السلع و المنتجات .. القصة كلها دلوقتي لو معاك مليون درهم كمثال و عايز تصرفهم في يومين هتصرفهم فوري ، زمان كنت هتقعد تفكر هعمل اية بالفلوس دي و تستهلك وقت كبير للتفكير في إزاي اصرف المبلغ دا كله و فين و هجيب إية و إزاي .. الخ يارب فكرتي تكون وصلت معلش مش عارف أجمع جملة مفيدة لاني تعبان جداً النهاردة .. تحيــاتي ،،

للأسف يا أخى الكريم تحتوي مداخلتك على عبارات غير مقبولة و لن أستطيع التجاوب معك بهذا الأسلوب .

رغم ان انا مش منتميه فكريا للتيارات الاسلاميه بل على العكس اتبع التيار الفكرى الليبرالى الا اننى كنت فى وقت الاستفتاء ممن يرون نعم على التعديلات و هذا كان ما كنت لاصوت به لو كنت فى مصر حينها لكن لا اجد انه من المعيب ان اعترف بعد مرور كل هذه المده و بعد ان تبين اشياء كثيره و حدثت احداث كثيره اننى كنت مخطئه فى هذا الاختيار و فعلا ( لا ) كانت هى الاصح و الاصوب

ربنا يخليك يا هندسة كونك هاتيسأل و تحاول تعرف صحة الخبر ده كفاية عندي سواء كنت صح أو غلط ( أتمنى إني أكون غلطان) بس أنا لسة هيفضل عندي مشكلة مع الإعلام المصري ب صفة عامة و عدم موضوعيته و تحريه الدقة في أخبار كثيرة و مشكلة أكبر مع بعض المحللين اللي بياخد أخبار غير دقيقة أو خارج سياقها و يبدأوا يحلله تحليلات مبنية على إفتراض إن الأخبار صحيحة ١٠٠% و ينتج تحليل في الظاهر سليم لكن في الباطن مشوه مثال بسيط (فاكر الأخبار اللي كانت مالية البلد من مصادر موثوقة و مؤكدا و رفيعة إن حسني مبارك يحتضر لمدة شهر أو أكتر قبل المحكمة، و لو كنت سألت ٩٩% من الناس ما كانش عندو ذرة شك في صحة الأخبار )

وأوضح الدكتور عمرو بدوى، الرئيس التنفيذى للجهاز القومى لتنظيم الاتصالات، أن الجهاز قد ألزم جميع شركات المحمول بتطبيق فترة انتقالية كافية لن تقل عن أربعة أشهر، وتبدأ من يوم الخميس 6/10/2011 يتم فيها توصيل المكالمة للمشترك، سواء تم الاتصال به بالأسلوب الحالى (10 أرقام)، أو الأسلوب الجديد (11 رقما)، بمعنى أن الخط سيعمل خلال المرحلة الانتقالية بالرقمين الجديد والقديم معا، بحيث تصل إليه مكالماته، سواء تم الاتصال به بأى من الأسلوبين. أعلن الجهاز القومى لتنظيم الاتصالات اليوم عن تحديد يوم الخميس 6 أكتوبر 2011 كموعد لزيادة طول رقم المحمول الحالى من ١٠ أرقام إلى ١١ رقما، وذلك فى إطار خطة زيادة السعة الرقمية للمحمول، التى سبق الإعلان عنها بداية عام 2010، حيث ستتم زيادة طول أرقام المحمول، بإضافة رقم ثابت لكل شركة محمول، حيث ستتم إضافة الرقم (2) بعد الكود (01) لجميع الأرقام الحالية لشركة «موبينيل»، وستتم إضافة الرقم (صفر) بعد الكود (01) لجميع الأرقام الحالية لشركة «فودافون»، وستتم إضافة الرقم (1) بعد الكود (01) لجميع الأرقام الحالية لشركة «اتصالات»، ويظل باقى رقم المحمول الحالى ثابتا دون تغيير. وبخصوص المشتركين الذين قاموا باستخدام خاصية نقل الأرقام بين شركات المحمول، فتتغير أرقامهم وفقا لتغير الكود المعلن بالشركة، التى تم الانتقال منها كما هو موضح بالجداول.

‎في المرض سبعة خصال: معرفة لقدر الصحة, تنقية الجسم من الأدران, تمحيص للذنب, اختبار للقدرة على الصبر, تذكر لطف الله ورحمته, استدعاء للتوبة, حث على الصدقة.

ترشيحات جايزة نوبل بتكون في أول شهر فبراير و ( و السنة ديه كان فيه حوالي ٢٤٠ اسم و منظمة مختلفة) ثم يتم وضع قائمة مختصرة في نهاية فبراير أوائل مارس و تظل القائمة المختصر سرية حتى الاختيار النهائي من لجنة من الجهة المانحة . المنظمة اللي أعلن رئيسها إن إسراء عبد الفتاح و وائل غنيم مرشحين هي منظمة مستقلة ليس لها أي علاقة بي الجهة المانحة ل جايزة نوبل. يعني نشر هذا الخبر هو مجرد توقعات لا أظن أنها تقترب من الحقيقة. هدفي من هذه الملحوظة أنه في حالة عدم فوز أي من المرشحين المصريين (اللي أتمنى إنهم يفوزوا) إن ما حدش يبتدي يدخل نظرية المؤامرة و يبتدي يتكلم عن إن فيه ناس تدخلت ل عدم حصول وائل أو إسراء على الجايزة.

طب و بعد ما نعرف .. هل بالمنظر ده ممكن تكون في تهمه تستاهل إللي بيجرالهم أو تستحق إللي حصل لهم ؟ ************* سؤال : إيه فايدة القانون لما العقاب يبقى بالإيد و الرجل و الكهربا و اللسان و قلة الأدب ؟ و لما دول مهما كانوا عملوا يتعاملوا بالطريقه دي .. يبقى فين المنطق لما مبارك موجود في المركز الطبي العالمي و بيشلوه على كفوف الراحه هناك و يتقطع نفس الناس معاه كل جلسه في شيالته و حطته و جرجرة السرير إللي هو مستموت عليه لأنه مش جايله مزاج يصلب طوله و يقعد ؟ مش هينفع نرضى بتقرير و خبر بأن المجلس العسكري إستدعى دول أو وزير الداخليه سأل دولاهومت ... عاوزين نسمع أحكام و نشوف عقاب يردع أمثالهم من حثالة الشرطه و الجيش و ما دمنا متفقين إن في داخل الشرطه حثاله و ناس محترمين و في الجيش كذلك .. يبقى زي المحترم ما بنكرمه حي و نعمل له جنازه عسكريه و هو ميت فالحثاله بقى لازم يتعاقب حي و تتلعن سيرته و هو ميت دي بقت حاجه تقرف

أولاً : للرد على صاحب المقال الذي يعتذر لمن وصف الشعب المصري بأنه شعب لا يعرف ثقافة الديموقراطيه و بدري عليه لما يتكلم عنها يكفينا من كلامه هذا الجزء لنعرف أن الديموقراطيه موجوده في مصر منذ الأزل رغم أن النظام السابق كتم أنفاسها أعوام طويله .. و لو كان النظام البائد قد قبع على صدور أخرى لماتت فيها الديموقراطيه مبكراً و إلى غير رجعه.. لكن لأنها ثقافه مصريه و جزء من فطرة المصري فلقد عاشت و إستمرت و مازالت موجوده حتى اليوم فهناك من يمارس حقه في التأييد و يؤيد و هناك من يمارس حقه في المعارضه و يعارض و الكل له الحق في إبداء رأيه .. المشير طنطاوي الرجل العسكري حب يلبس مدني و ينزل يعمل شو في الشارع و عمل اللي هو عاوزه و لم يمنعه أحد .. و المعارضين معجبهمش الفكره و لا الإيحاء و عبروا عن عدم إعجابهم و عن رفضهم لفكرة رئيس عسكري مره أخرى وأيضاً لم يمنعهم أحد و المؤيدين عجبهم الموضوع و عبروا عن إعجابهم و تأييدهم و أيضاً لم يمنعهم أحد المشكله أيها الكاتب المحترم ليست في إنعدام الديموقراطيه .. لكنها تكمن في بعض من تؤذيهم هذه الديموقراطيه لأنهم لا يجدون أنفسهم في صفوف القادرين على إحداث الفعل و لا يجدون لأنفسهم مكاناً بين مؤيديه و لا حتى بين معارضيه .. فهم يكتفون بالجلوس في صفوف المتفرجين أمثالك كما قلت عن نفسك هؤلاء اللذين تسير الديموقراطيه في عكس إتجاه مصالحهم الخاصه فتصبح بالنسبه لهم نوراً يؤذي عيونهم كالخفافيش و يصيبهم كما وصفت أنت بالهم و الغم و النكد لذلك فأمثال هؤلاء يعجبهم أمثال نظيف و عمر سليمان و يجدون كلامهم رناناً عندما يتشدقون بأن الشعب المصري لا يعرف الديموقراطيه هذه حقيقه يشهد عليها كلام الكاتب نفسه .. لكن برغم أنه كلامه إلا أنه للأسف !!! يقوله و لا يعيه

طيب ياريت نشوف المرجلًة دي تظهر مع اللًي قتلوا زملائهم على الحدود الشهر اللي فات

ايوه يا عم في ناس لسه متعاطفة مع مبارك و اعوانة اولهم الراجل اللي عايز يغير اسمه لظافر حسني مبارك

طيب علشان الحوار ميجنحش للشخصنه خلينا فى العوام افضل يا ريت حضرتك تقوليلى احنا امرنا فين باتباع اجتهادات الاخرين دون تفكر و تدبر دا بجد استفسار انا مش بشخصن ، انا برد علي حضرتك حضرتك احنا أمرنا بسؤال اهل الذكر في القرءان الكريم ( فاسألوا اهل الذكر ان كنتم لا تعلمون ) وردت بموضعين في القرءان ، مره في سورة النحل 43 ، ومره في الأنبياء 7 وكان المقصود بيها ان يسأل المكذبون من المشركين في عهد النبي صلي الله عليه وسلم أهل الكتاب فيما ينكرون والمقصود بأهل الذكر أهل العلم واهل الكتاب كانوا أهل العلم هنا لكن قال الله تعالي ( انا نحن نزلنا الذكر وانا له لحافظون ) أيضا والذكر هنا القرءان فيكون أهل الذكر هم أهل القرءان أيضا وأهل العلم وأهل التخصص ، فالعبره بعموم اللفظ لا بخصوص السبب فأهل الذكر هم أهل العلم في كل مجال ومن لا يعلم مأمور بسؤالهم والأولي ان نسأل اهل العلم الشرعي كما نسأل اهل العلم الدنيوي ، حتي لا يتبع كل منا هواه الشخصي ونضيع مقاصد الشرع بوجود 85 مليون فهم مختلفين شكرا تحياتي

طيب علشان الحوار ميجنحش للشخصنه خلينا فى العوام افضل يا ريت حضرتك تقوليلى احنا امرنا فين باتباع اجتهادات الاخرين دون تفكر و تدبر دا بجد استفسار

اللي انا ملاحظه في اغلب الاغاني اللي نزلت بالتوبيك هنا انها اغاني من النوع الشبابي الراقص .. ربما باستثناء الاماكن و اغنية راضيناك بس انا احب اني انقلكم لمجاهل الاغنية الخليجية .. واسمعكم كنوز من الاغاني اللي ظلمها الاعلام من باب التجديد على اي حال :) هانقلكم لاغنية شعبية .. الفن الشعبي الخليجي او بمعنى آخر .. الفن البدوي ----------------------------- خبروه اني على وصله حييت يعني بالمصري علموه ان حياتي بوصاله :P للمطرب الشعبي الاول / خالد عبد الرحمن ------------------------------------- اغنية حزينة .. كلماتها رائعة .. ولحنها شجي انها الترنيمة البدوية الجميلة .. باختصار انها معاناة الفراق ... ولوعة الفراق .. وشجن الفراق .. هذا الاحساس الدامي الانساني المشترك دي كلماتها .. ولو اني اعرف ان اغلب المفردات مش مفهومة .. بس الاحساس عالي جدا بالاداء ويوصل لكل اللي عاني يوم من الايام من الفراق -------------------------------- خبروه اني على وصله حييت وان تفارقنا ترى موتي دنا لي حبيب يوم روح ما سليت يعلم الله تو ما ذقت العنا == عبرتي هليتها حزن وبكيت يا ردى عمر الحسوفه ما جنا ذقت من دنيا حبيبي وما ارتويت جنة الدنيا حبيبي و المنا == عشت باحلام الهوى ليل وبنيت كل آمالى تداركها الفنا في حياتي ماذكرت اني شقيت في هوانا ضحكت الدنيا لنا == لا حياة عقب محبوبي رأيت والممات ارحم ولا فرقى السنا هو سنا شمسي وغيره ما هقيت يفرح بوصلي ولو موته دنا http://www.youtube.com/watch?v=KFyEwF_8eds

دور 6 ابريل ووائل غنيم و من قبليهم البرادعى و كفايه محدش ينكره فى الثوره و حتى لو كان رهان الثوره على استجابه الشعب و الالتفاف حوالين الدعوه لكن برضه كسر حاجز الخوف ببث الفكره بشكل علنى و الدعوه ليها و التحضير و المجازفه بالنزول من اول دقيقه دون معرفه هل لاقت الدعوه استجابه و ستجرج معهم مجموعات تقوى موقف ام لا يجب الا يغفل لكن الى انا بفكر فيه هو الا يمكن اعتبار هذا الترشيح محاوله من القائمين على الجائزه للاستثمار شهره الثوره المصريه فى العالم اجمع بغض النظر الاسماء و الحركات المرشحه تستحق الترشيح ام لا لكن انا بتكلم فى نقطه تانيه و هى ان الموضوع فى شق استغلال لحاله الشهره و تعلق الانظار بالثوره المصريه بلاش نقول استغلال خلينا نقول استثمار و علشان كدا انا براهن ان فعلا شخصيه مصريه هى الى هتنولها هذا العام و اعتقد ان حظوظ وائل غنيم اوفر هذا اعتقادى و خلينا نشوف الاحداث ايه

يكمل لنا الامام ابو الفرج بن الجوزى رحمة الله تعالى التحذير من مكائد إبليس و شراكه الخادعة و إسلوب غوايته فيقول كل نفس بها اسباب الصلاح و اسباب الفساد , قد افلح من زكاها و قد خاب من دساها ثم تطرق الى نقطة فى غاية الاهمية ألا نرى ذلك فى حياتنا ؟ يأتى لبعض الناس النص الواضح و الفتوى الصريحة بتحريم عمل يعملة فتجده يقلب الامور ويلبسها حرام تدخين السجائر بدليل .... فيرد انا احسن من اللى بيدخن حشيش !!! حرام تضعى المساحيق و اللبس المكشوف امام الرجال الاجانب و الدليل .... و الفتوى .... تقولك الله جميل يحب الجمال , و انا اخلاقى تمام و احسن من كتير لابسين حجاب !!! ..........الخ يتبع..............

في تعليق على الجملة الشهيرة "الجيش حمى الثورة"

عندما يقول احد كلمة لوجه الله ، يتم اتهامه بأنه يلوث شرف المرأة المصرية ( إذا ما الفارق بين هذا وبين السلفي المتشدد الذي يكفر كل من يعارض رأيه) - لما الواحد يذكر بعض السلبيات الموجودة في المرأة المصرية..أصبح يتهم بأنه إتسعود.....لكن لما واحد زي خالد يوسف ...يعمل فيلم مليء بالقاذروات..ثم يتم استنكار المشاهد التي يحشرها في افلامه..نسمع من نفس الاشخاص الذين يعترضون الان..بأن هذه حرية رأي وهذا ابداع..وهذا فن يكشف الحقائق ..وانه لا داعي لدفن رؤسنا في الرمال...واللي مش عاجبه يغير المحطة...!!! نفس الاشخاص اللي كانوا بيؤيدوا هذه الافلام التي تعرض على الملايين في جميع الدول العربية التي تظهر المصريات والمصريين بأنهم..لقطاء.وحرامية..يعتبرونها ...حرية رأي وابداع فني..وانه لابد من كشف السلبيات....( لجميع الدول العربية) اما لما يتكلم الواحد هنا عن سلبية في نطاق اعضاء المحاورات..اصبح خائن لنساء وطنه واصبح متسعود واصبح يتهم المصريات الشريفات...أمثال..دينا..وايناس الدغيدي..واصبح يساوي بينهن وبين اي متبرجة... واصبح رأيه مرفوضا...رغم اننا كل يوم نقرأ عبارة ( لا تحجر على رأيي ولا تتهمني بالتكفير...اما لو تم اتهامك بانك تلوث شرف المصريات لمجرد انك تحذر من الوقوع في السلبيات او تذكر بعضها..فهذا حلال حلال...حلال..... ولا حول ولا قوة الا بالله.....

السلام عليكم ، وعذراً على تأخر الرد . أعيد اقتباس هذا الجزء من مشاركتي التي اعترضت عليها مشرفتنا : والحقيقة أني أتعجب بشدّة من ليّ أعناق الكلام وتحريف المعنى . أما عن تهمة تلويث شرف المرأة المصرية ، فلا أقول إلا حسبي الله ونعم الوكيل والله المستعان على ما تصفون ، وللمتابع أن يعود إلى المشاركة ويحكم بنفسه . تتساءلين حضرتك : و حضرتك شفت بعينك؟؟؟ حضرتك بتروح الشواطئ دي؟ و بتطلع الرحلات دي؟ و بتروح الملاهي الليلية؟؟ ولا أدري هل هذه الأمور تندرج تحت نطاق السرية الشديدة بحيث تحتاج إلى شاهد عيان ؟! وعموماً واذا كانت هذه هي علامة الاستفهام التي تؤرق حضرتك ، فأنا من مدينة الاسكندرية ودرست في كلية الهندسة لخمس سنوات ، وأعلم حال الكثير من الشباب والفتيات في الجامعات ، وسكنت لفترة طويلة في حي لوران ، وفي هذا الحي يوجد ملهى ليلى على الكورنيش مباشرة والاعلانات خارجه بها أسماء الراقصات ، أما شاطئ البحر فالاسكندرية كلها شاطئ . وأي طفل صغير يعيش من الاسكندرية يعرف ذلك . فما معنى تساؤلات حضرتك التي لا أفهم مبررها ؟ مرة أخرى : أنا أتحدث عن ضوابط شرعية وهدي ظاهر يميز المجتمع السعودي عن المجتمع المصري . إذا شئتم في مواصلة الحوار بموضوعية فأرحب بذلك . مع التحية .

إذا ... قُدر وان وهبت / قلباً فالأولى / والأروع ان لآ تغرس بهِ / شوكه ( حقوق الملكيه )

كانت زهره / وكنت طائر الأن وقد جفت / ورحل عنها زهو بهائها بى ان اذكر لها / اوقات منحتنى عبيرها ( ذكرى الأربعين )

لو فرضنا إن 40% من الشعب المصري مؤهل للديمقراطية و 60% غير مؤهلة لها (( ده طبعا من وجهة نظرنا )) أمامنا حل من اتنين إما أن نبدأ عشان ال 40% المؤهلين لها و عشان ناخد بيد ال 60 % اللي إحنا شايفينهم مش مؤهلين للديمقراطية و أما إن نضيع مستقبل و أمل ال 100% من الشعب سواء اللي يستحقوها أو الذين لا يستحقوها من وجهة نظرنا

ذاكره قويه >>> قلبٌ ينبُض ذكريات مريره ... إذاً ومن اتعسَ منى حظا وشقائى / ينوء بحملهِ اهل الأرض جميعا ( وكنت لأتوحشها >> فى لحظة ضيق ) ( صدق )

مع كامل احترامي لزميلتي و صديقتي الفاضلة لولا وهي طبعا على خلق رفيع لكن أحب أقول لحضرتك ان المحاوراتية كلهم لا ينقصهم الأدب في الاعتراض أو توجيه النصح ياريت تكون نظرة حضرتك لزملائك و زميلاتك أحسن من كده تحياتي و احترامي ان كان نظرة حضرتك كده بان جميع من اشترك في المحاورات ملائكة فارجوكم اوقفوا خاصية غلق المواضيع والانذار والوقف وهو انا قلت مثلا ان حد في المحاورات ناقص ادب لا سمح الله الجميع هنا اعرفه من سنين ويعرفوني من سنين رغم مشاركاتي المتواضعة ضعيعفة المضمون والصيغة والحمدلله ما حاولتش الاساءة لاي حد بطريقة مباشرة او غير مباشرة وما زلت مصر كعضو في المنتدي ان خسارتنا كبيرة برحيلها علي الاقل هي كانت كمشرفة ما بتاخدش المشاركات بالحساسية دي كلها

اكثر من مرة قلت سواء فى المنتدى هنا أو في حواراتي مع اصدقائي أنني واحدا ممن يحترمون حركة 6 ابريل وشبابها وأقدر لها انها اولى الحركات فى مصر التي ألقت حجرة فى الماء الراكدة , وعلمت الشعب المصري انماط سلمية جديدة للتعبير عن معارضتهم لامر من الامور فى الدولة لذلك أنا سعيد بهذا الترشيح لحركة 6 ابريل وللناشطة اسراء عبد الفتاح وللناشط وائل غنيم , وهم يستحقون الجائزة ولا شك وان شاء الله الفرصة كبير لفوز مصر بهذه الجائزة هذا العام لان قائمة المرشحين الخمسة تحتل منها مصر مركزين ( اسراء وحركة 6 ابريل من جهة ووائل غنيم من جهة اخرى ) وإنجاز لهم ولمصر مجرد ترشيحهم حتى ولو لم يفوزوا بالجائزة تحياتنا لهؤلاء الشباب الرائعين و أضم صوتي إلى صوتك يا أستاذ إبراهيم.. 6 إبريل هم أصحاب الشرارة الأولى في الثورة .. وقد تحرك الشعب بتحركهم .. وما حدث بعد ذلك من أخطاء لن يمحو أبدا ما فعلوه وهذا التكريم لهم هو وسام على صدر كل المصريين و أنا أولهم.

للناس اللى ناوية على إستقرار, شوية نصايح لقيتها عندى و يمكن تنفعكوا: - لو ناوى على إستقرار: نهاية شهر يونيو لية؟ 1. اولا نهاية الشهر لأنو يوم من الشهر ولو آخره بيتحسبلك شهر سواء بمدة التلت اشهر بتوع الميدكال او لمدة شهر عشان اعانات الاطفال اللي بتبدا بعد شهر. .وبكده بعد شهرين بس بتاخدوا كروت الميدكال. 2. وكمان كندا كلها بتأجر وبتستاجرببداية السابع. 3. وكمان حتقدروا تبدوا فرنساوي بداية الكورس اللي بييجي بالشهر ال11 بنوفمبر بعد اربع اشهر من قدومكم .. وتكونو دخلتم بالايد سوسيال قبل شهر. 4. وكمان تخلصو التسع اشهر بتاع افرنساوي قبل بداية العام الدراسي الجديد اللي بيبدا بسبتمبر. - - طيران الاوليمبيك هو ارخص شركة وان واى ولكن الخدمة فيها عادية جدا ويوجد سماح للشنط بازيد من 23 كيلو بقليل ( كل شركات الطيران غير مصر للطيران 23 كيلو فقط واى زيادة ولو كيلو هاتدفع مبالغ كثيرة والمبالغ المدفوعة بتكون بمعدل تزايدى وليس معدل ثابت بمعنى سعر اول كيلو غير تانى كيلو وهكذا) - - جهز معاك الاوراق الاتية علشان تخلص اجراءات اللاندج بسرعة في المطار: COPR و ديه بيدوهالك مع الباسبور بعد ما يحطوا فيه الفيزا، B4 و b4A و العنوان اللي حيبعتولك عليه PR. - لما تمضي علي ورق الاندنج في المطار خلي امضتك سهله ومتمضيش فورمه - الكارت اللي بيتوزع في الطياره عند دخول كندا طبعا بلغات عديده منها العربيه http://www.cbsa-asfc.gc.ca/publications/forms-formulaires/ce311.pdf - الأوراق المطلوبة أثناء اللاندنج : - الباسبور و عليه الفيزا ( طبعا ) - الورقة المكربنة COPR = confirmation of permanent residence - صور 4.5X3.5 أحتياطى لزوم كارت البى ار ( أذا تم رفض الصور القديمة المرسلة) - Application of PR Card - http://www.cic.gc.ca/english/pdf/kits/forms/IMM5444E.pdf مش لازم تملاه من هنا بس هيهسل عليك الوقت فى المطار ( و انت مش ناقص انتظار بعد 8 ساعات طيران و لو فى ترانزيت ) - لستة البضائع http://www.cbsa.gc.ca/publications/forms-formulaires/b4-eng.pdf والملحق الخاص بها http://www.cbsa-asfc.gc.ca/publications/forms-formulaires/b4a.pdf - الليستة بمحتويات الشنط و الأمتعة المشحونة: يوجد فورمات لنوعين من الـ Listيواحدة للحاجات اللى انتى وخداها معاك فى السفر ..و الأخرى للأشياء اللى انتى ناوية تشحنيها بعد فترة ( نموذج B4) حتى لا تدفع جمارك...ويمكن تنزيل هذه الفورمة من على النت....بالنسبة للأجهزة الكهربائية يجب ان تذكريها بالتفصيل...وكمان لازم تكتبى قيمة تقديرية لسعر كل ما ستذكريه....وده واضح لما تقرى الفورمة..... لم يسألنا أحد عن الذهب و المجوهرات...لكن يجب ذكر التحف و الاشياء القيمة حتى لا تدفعى ليها ضريبة. http://www.cbsa.gc.ca/publications/forms-formulaires/b4-eng.pdf - و أخيرا, - خطواط الإستقرار من الألف إلى الياء: - كيف تحجز من شركة الطيران - تحديد ميعاد السفر - حجز فندق - ما يجب اخذة معنا من الاوراق و الشهادات - ما يجب اخذه من ملابس - ما يجب اخذه من عفش البيت - ما يجب اخذة من المتعلقات الشخصية - الوصول الى مطار المغادرة - ركوب الطائرة - داخل الطائرة - الترانزيت - الوصول الى مطار مونتريال - التقديم على كارت الاقامة الكند PR CARD - استلام الشنط - الذهاب الى الفندق - البحث عن سكن دائم - عفش البيت - استخراج SIN CARD - فتح حساب بنكى - طلب فيزا - الحصول على كارت التامين الصحى OHIP - التقديم على مدارس الاولاد - عمل ال VC على الطريقة الكندية - البحث عن مراكزخدمة المهاجرين الجدد - البحث عن عمل تطوعى - التفكير فى الدراسة - التعرف على اماكن المساجد - الشراء من السوبر ماركت - اماكن اللحم الحلال - الحصول على رخصة قيادة - امتحان الرخصة - شراء سيارة - الحصول على خط تليفون ارضى - الحصول على محمول - تركيب الانترنت فى البيت - شراء مستلزمات الكمبيوتر - شراء الملابس - شراء ادوات المطبخ - الاشتراك فى المكتبة - الاتصال بمصر و السعودية - الاشتراك فى المكتبة - الحصول على كورسات اللغة الانجليزية - التقديم على الاعانة الاجتماعية للاطفال - الحصول على خبرة كندية - البحث عن عمل بالتوفيق.

حلوة أوي دي يا جو تسلم ايدك و خليني اضيف عليها حتة صغيرة ده اسمه مفهوم التفويض و الاسلام يعني بتفوض كل امورك الصغيرة و الكبيرة لربنا...و بتسلم قلبك و جوارحك كلها في كل لحظة لربنا يسلم قلبك مساك قلب...مسلم كل اموره لربنا في كل احواله

بالرغم مما تحتويه مداخلة حضرتك على اهانة ضمنية لشخصى في الاجزاء المظللة بالاحمر و برغم رفضى لهذا الاسلوب في الحوار الا أننى لن أرد على حضرتك بمثله . أنا يا أستاذة عبير لست ممن يدفنون رؤوسهم في الرمال و يزينون الكلام لاخفاء حقيقة ما . حرصت على تأكيد أن كلامى ليس على عموم المرأة المصرية و بالرغم من ذلك أخذت كلامى على العموم و أظهرتينى في صورة عدو للمرأة المصرية و هذا أرفضه تماما و لا أقبله . يقول عمر بن الخطاب ( رضي الله عنه ) : رحم الله امرءا أهدى الى عيوبي . أنا أتكلم عن شريحة من نساء مصر فهمن مبدأ الحرية و التحرير بطريقة خاطئة و نسوا ان الاسلام هو من أول من قام بتحريرهن منذ 1400 سنه فحماهن من القتل قي المهد كما كان يحدث في الجاهلية . وحماهن من الرق و العبودية التى كانت شائعة قبل قدومه. أعطى الاسلام للمرأة حق العمل الجاد النافع المنضبط و أعلى رأيها و أظهر مكانتها و اذكري حضرتك حديث أم سلمة . ماذا فعل قاسم أمين و الغرب في المرأة ؟ حرروها من حجابها و التزامها .. اهتموا باظهار مفاتنها وو ظفوها في مالايليق برقتها و أنوثتها. نعم أنا لم أقضى في المملكة سوى عامين و ولكنى قضيت في مصر أكثر من ثلاثين عاما .. مصر بها الفاضلات و لكن أيضا بها العكس يا اختى الكريمة .. أذهبى حضرتك ألى كوبري الجامعة و انظري بنفسك .. بل ادخلى الى الجامعة نفسها وانظري الى الفتيات على السلالم أمام المدرجات كيف يجلسن وماذا يرتدين وكيف يتحدثن ؟؟ اذهبي حضرتك الى المتنزهات و الشواطئ لتعرفي ما أقصد .. لست أقصد الفاضلات مثلك يا أختى الكريمة بل أقصد أخريات . يعلم الله أنى خلال العامين السابقين لم أر منظرا واحدا يؤذي عينى في شارع من شوارع المملكة .. أما عن استشهاد حضرتك بكلام الشيخ الفاضل ابن باز فبالرغم من سعادتى لاستشهاد حضرتك بأقوال عالم جليل مثله و بالرغم من أنه بشر مثلنامما لايلزمنا برأيه كما تحرصين دائما على تذكيرنا بذلك ..الا أننى حزنت كثيرا لعدم نقل حضرتك لكلامه كاملا كما قاله.. ..فليس هذا من العدل والانصاف ... و اوضح ذلك الاستاذ أبو عمر فلا حاجة لتكراره .. أخيرا أنا لست حاكما و لا حاجة .. أنا مجرد ناصح .. وأعرف قدر نفسي جيدا ..

السلام عليكم و رحمة الله و بركاته سؤالي لحضرتك هل انت متخوف من فكرة "تحرير" المرأة بشكل عام و لا متخوف من "خصوصية" المرأة و المجتمع السعودي بشكل خاص؟؟ الحقيقة انا مندهشة من فكرة الخلط الدائم بين "تحرير" المراة و بين سلوكيات خاطئة بتنتشر في المجتمعات سواء المتحررة او الغير متحررة و اقترن عادة بما يسمي ب "السفور" و اتخذت اي دعوة لتحرير المراة و كانها دعوة لتدنيس قدسية المراة و خصوصا في مجتمعاتنا الي بتعتبر المرأة "ملكية" و ليس بالمعني الحرفي و انما جزء من كيانك كرجل..جزء من كيانك كمجتمع بتحرص عليه اشد الحرص شخصيا أري ان فكرة "تحرير" ليست وقفا علي امرأة او رجل....هي في الأصل فكرة تحرير البني آدم من كل ما يعيق نموه الانساني و تطوره الفكري و تفاعله مع معطيات مجتمعه بشكل يستغل فيه كافة قدراته و ملكاته و الاهم وظيفته اللي ربنا خلقه علشانها و هي اعمار الانسان لهذا الكون لا اتخيل انسان يكون قادر علي اعمار الكون و اداء وظيفته ك "خليفة" الله في الارض دون ان يكون انسان "حر" و الحرية هنا قطعا ليس مجرد ملابس هتعبر عن مدي التزام الشخص من عدمه شخصيا أري ان المشكلة في جدلية المصطلح الذي اصبح يستتبع معه الكثير من الافكار المغلوطة عن المراة الحرة او المتحررة او تحرير المرأة...(ببساطة دايما يا هيجي في ذهن حضرتك يا واحدة شابة متمردة علي مجتمعها زي لبني عبد العزيز في فيلم انا حرة ...يا صورة امراة عجوز شمطاء فاتها قطر الجواز و قاعدة تنادي بقضايا بدعوي ان لها رسالة في الحياة)....كلاهما نموذج اعلامي هش تم صناعته باحتراف علي مدي عقود لتسطيح فكرة ذات اهمية بس للاسف اترسخ جوانا بقينا نستديعه بطريقة ميكانيكية منين ما طرح المصطلح هل مجتمعاتنا قادرة انها تعامل الرجل و المراة بنفس الحقوق و الواجبات هل مجتمعاتنا كبيرة او صغيرة (يعني علي نطاق الاسرة ) قادة علي تمكين كل فرد فيها بغض النظر عن نوعه البيولوجي...و التميكن هنا بمعين ان يكون لديك مواطن يصنع قراره بنفسه و يقود حياته بنفسه؟ هل نحن قادرون علي اتاحة فرص في العمل و المشاركة السياسية و الدراسة لكلاهما دون ان نصطدم بحواجز غير مرئية صنعتها المجتمعات و اعرافها و ايدتها الحكومات لانها قائمة بشكل كبير علي عرف المجتمع و ثقافة القبيلةو الواحدة شخصيا انا اتربيت في السعودية و أري ان كثير من النماذج النسائية يمكنني ان اطلق عليهم نموذج امراة "حرة" بالمعني الايجابي يعني قادرة علي اتخاذ قرار بالدراسة و قرار بالعمل و الاهم قرار بمن تتزوج..و ايضا احتكت بنماذج اخري معنجهاش الحق انها تختار تتجوز مين لكنها بترضخ لعرف القبيلة و نفس الحكاية في مصر...هنناك نماذج من كلا الجانبين بالنسبة للقرار او المرسوم الملكي اللي اصدرته السعودية بصراحة يعني انا مهللتش ليه...و لا انبسطت لاني بشوفه جاء متأخرا كثيرا و خصوصا في ظل تطور سريع مش بس للمجتمع السعودي اللي ليه خصوصية شديدة...لكن في ظل تحديات كتير بتتحط فيها المراة بشكل عام و المراة في المجتمع ده بشكل خاص و شخصيا انا ضد ان اي حكومة تدي مواطنيها حقهم بالقطارة....و الانكي من ذلك انها توهمهم ان ما هو "حق اصيل" انما تمنحه لهم حكومتهم ك "هبة" او منحة منها لا الوم القيادة في المجتمع السعودي و انما المجتمعات العربية بشكل عام هي مجتمعات غير قائمة علي منهج "حقوق مواطنيها" و لا هي قائمة علي فكرة..."المساواة أصلا في هذه الحقوق بغض النظر عن دينك او نوعك او خلفيتك السياسية او المجتمعية بالنسبة لتخوف حضرتك من خصوصية المراة في المجتمع السعودي اسمحلي اقولك طب ليه بتربط انطلاق المراة في العمل او مشاركتها السياسية...بتخليها عن حجابها؟؟؟؟ الا اذا كان الحجاب دوت مجرد "شكل اجتماعي" بحث و ليش قناعة دينية في الحالة دي هقولها اقلعيه....انا يهمني ان يكون ايمان الفرد بمباديء دينه و نصوصه من دافع منداخله مش مفروض عليه من براه و في نفس الوقت فيه نماذج كتير من سيدات سعوديات سيدات اعمال ناجحات جدا و يدرن تجارة بالملايين من خلال مكاتبهن بالسعودية...و بتمسكهن بالحجاب لست متخوفة علي المواطن العربي...سواء سعودي او مصري او منين ما يكون عارف ليه استاذي لان المواطن العربي اصبح في ربيع عربي....فيه بذور "وعي" بتتشكل جواه مش بس الثورات لا ده ابتدي يفكر...و يحلل و يقارن....و يطالب ب "حقوق" و ليست هبات او عطايا و ده اللي بيخلق ارادة شعب..... و الارادة....بتصنع اختيار و الاختيار بيقود للحرية بمعناها الحقيقي و ليس المختزل فيما تقدمه الوسائط الاعلامية و تقبلي مروري

علمني رسول الله صلي الله عليه وسلم أنه لا يدخل الجنه من كان في قلبه مثقال ذرة من كبر بل يدخلها أقوام أفئدتهم كأفئدة الطير اللهم اجعلنا منهم ... آمين

بصراحة يا استاذ ابو هنا تعليقك دة هو انسب توضيح لدافع كل واحد نازل النهاردة يقول نعم..ليه؟ لان الكنيسة بتقول للميسحيين لا..طب لا ليه ..لانها شايفة زي كل المثقفين و الاحرار و رؤساء الاحزاب و القوي الوطنية ان التعديلات دي تخدم فئة عن فئة اخري..فطبيعي تقول لا ..احنا مش عايزين دولة دينية..طبعا انت سميتها طائفية زي ما موقع الاخوان قال ان كل اللي حيصوتوا بلا هم مدلسين و حاصلين على تمويل اميريكي..حضرتك شايف ان لا لتعديل الدستور هو ترسيخ الطائفيةطب و دعوة السلفين و الاخوان تبقي ايه؟ وطنية!!على الاقل الكنيسة لم تتهم اللي حيصوتوا بنعم بانهم عملاء..و بعدين زي ما قلتك انت جبتها صح ..الكنيسة ترفض لان التعديلات غير كونها لا تليق بمطالب الثورة الا انها كمان لا ترتقي لمطالب العدالة و المساوة..رفض عن فكريعني..انما اللي في الجامع حيروح يقول نعم ليه..عشان الشيخ قال كدة في الخطبة يوم الجمعة..طب و الدستور و التعديلات..ّّ الاجابة!!؟؟ اقراء حضرتك المقال دة للصحفي وائل قنديل في جريدة الشروق عدد امسأخطر خطبة جمعة اليوم

الاخ الفاضل احمد..اولا المسيحيين مش عاملين زي الطفل الصغير اللي خايف..يا ريت تكون ناضج في تشبيهاتك ..ثانيا المسحيين المصريين خرجوا في المظاهرات اللي يمكن من تعليق حضرتك اقدر افهم انك منزلتهاش ..لان المسلمين قبل المسحيين في ميدان التحرير طالبوا بدولة مدنية حديثة و رفضوا رفع اي شعار ديني او طائفي ...ثانيا زي ما من حقك تقول نعم من حقي اقول لا لاسباااااااااااب كتيييييير..و ممكن ارصها لحضرتك و ابسطها ان الدستور اللي رايح تستفتي على تعديله هو دستور معطل فاقد الشريعة بحكم شرعية الثورة..يعني انا بستفتي على باطل..ثانيا الاخ صاحب الموضوع اتفضل بكرة في محافظة المنوفية مدينة شبين الكوم و احضر لقاء الشيخ محمد حسان بدعوة من الدعوة السلفية بالجامع العباسي.. جاي يقول للناس نعم للتعديلات ..متفتحله موضوع بالمرة ...اشمعني كل ما واحد مسيحي يتكلم تشغلوا المكبرات علطول و هاتك يا حقن...كفايكم بقى النغمة الخايبة دي و فوقوا من الغيبوبة ...كل القوي الوطنية ترفض التعديل ...حزب الوفد..حزب الجبهة الديمقراطي..الجمعية الوطنية للتغير..حزب التجمع..الحزب الناصري..شباب 6 ابريل..ائتلاف شباب الثورة..و جاي تقولي ابونا!!إبراهيم عيسى يكتب: لا لبدلة أنور وجدى!