لوحة القادة

أعتقد أن الهدف من إنشاء تلك المحاورات هو تبادل الحوار و الآراء بين أعضاء هذا المنتدى الكريم .. لاحظت إننا بنكون حلوين أوي مع بعض طول ما إحنا متفقين kis)- ونقعد نبعت لبعض ورد و كلام زى العسل :D ما اعرفش بصراحة إيه اللى بيحصل ده لما بنختلف ..يا نهاااار أبيض .. هجوم و صواريخ و مدافع وناقص نمسك في خناق بعض bsh:) وبعدين لما حد بيزعل بنقوله إوعى تزعل أنا مش بهاجمك إنت n2&( إنت زي الفل :yes: أنا بهاجم رأيك بس .. أصله بصراحة زى الزفت :tease: يعنى هو ماينفعش نختلف وكل واحد يقول رأيه بالراحة من غير ما يزعل التانى i*: يا جماعة إحنا كلنا إخوة و كل واحد ليه عقليته و آراءه و خبراته في الحياه .. ممكن والله نختلف ونتناقش من غير تجريح fty:: هي بس عايزة شوية صبر وتأنى في الرد .. مش لازم نرد واحنا غضبانين md2: ومش دايما اللى بيتقال ينفع يتصلح أو يتنسي بسهولة .. على العموم أنا قلت اللي عندي و اللى عنده كلمه طيبة يقولها .. وتصبحوا على خير yaw:

في اخر لقاء لمغتربي الكويت امس ساري ما خلناش في حالنا وخد الصورة ولعب فيها بطريقته لك يا يو ساري بس نشوف صورة فرحك

العبقرية في هذا الفيلم أنه لخص كثير من امراض المجتمع المصري وكل السلوكيات الموجودة فيه في مدة قدرها سبع دقائق وبفكرة بسيطة جدا هى فكرة الاوتوبيس الفيلم يظهر بجلاء أكبر سلبية موجودة فى مجتمعنا والمتمثلة في قصر النظر ( إحييني انهاردة وموتني بكرا ) وهذه النوعية أقصى مدى لنظهرها هو تحت أقدامها, فكما رأينا فى الفيديو ان كل همها هو أن تصل فى هذا اليوم للعمل , وتحولوا للهجوم على الشاب الذي وقف ضد الاستغلال واتهموه انه ( خربها !!) لمجرد انه اخرهم دقائق فى هذا اليوم فى سبيل أنه يقر نظام عادل سيستفيدوا منه لسنوات طويلة قادمة , ويوفروا اموالا تساوي أضعاف أضعاف ما خسروه جراء هذا التعطيل الذي حدث فى هذا اليوم !! ولو أنهم جميعا وقفوا وقفة رجل واحد مع الرافضين للاستغلال امام هذا السائق لربحوا وربحوا جميعا , ولكانوا أجبروه على أن يكمل الرحلة وبالتعريقة المقررة دون زيادة او نقصان , ولكن كما قلت لك المشكلة في النظر أسفل القدم

http://www.youtube.com/watch?v=uckSKHHUBXE&feature=related للمرةِ الألف / ولن آمل التكرار !!

فيلم رائع جدا .. رمزية جميلة جدا واداء متقن وطبيعي من الكل بلا استثناء .. وعجبني جدا .. التباع bv:- يا فصاحتكم يا مصاروة .. بسم الله ما شاء الله ---------------------------- انا بقى شايف نفسي في امين الشرطة :angrycop: نفسي ومن كل قلبي ومصلحتي ان المشكلة تتحل .. بس بعيد عن منطقتنا منطقتنا فيها اللي مكفيها مش تهرب طبعا بس مصلحة ركاب الاتوبيس ان مشاكلهم يحلوها بنفس منطقتهم ومش هيرضوا ولا يقبلوا يحلوا مشكلتهم .. بغير منطقتهم ومش هارضى ان منطقتنا .. تتدخل بمشكلة منطقتهم ولا هرضى ان منطقتهم .. تدخلنا بمشكلة منطقتهم بس ادعي من كل قلبي ربنا يخلص مشاكل منطقتنا .. ومنطقتهم .. :)

في فرق بين حالة مبارك وحالة المجلس العسكري ، اولها ان المجلس العسكري دلوقتي ماسك حكم البلد وتحت ايده كل الاسلحة ولو اصرينا علي محاسبته علي اي جرايم ممكن يوصل الامر زي حال ليبيا و سوريا ، فالمنطق يقول درأ المفاسد اولي من جلب المنافع الفرق التاني ان المجلس العسكري ما نعرفش عن جرايمه او تجاوزاته شئ اللهم اللا احتمالية فساد مالي ، لكن مش المسئول عن معاناة المصريين 30 سنة من سرقة وقتل وتعذيب وفقر وسرطان و...... الفرق التالت ان احنا في بداية الثورة كنا كلنا بنقول لمبارك ارحل ،وكان غالبيتنا مستعدين انه يمشي برة البلد ونسيبه زي بن علي بس نخلص منه ، لكن بعد ما عاند واتسبب بعنده في استشهاد 880 مصري والاف المصابين ما عدش يقدر حد يتسامح في حق الشهداء والمصابين دول

لحظة واحدة العرض مشروط .. الان .. و قبل مزيد من الخسائر و عرض مثله على مبارك لكنه لم يسمع

الراكبون ((الشعب)) كل واحد متشبث برأيه .. كل واحد بيدور على مصلحته .. ثقافة الاختلاف وعدم الاتفاق .. مفيش حل وسط مناسب .. يرضى جميع الاطراف ..وايضا ثقافة العند .. يعنى مثلا السواق كان ممكن يكبر دماغه عن الربع جنيه بتاع الشاب الثورجى .. لكن اكيد قال فى سره . مين الشاب ده اللى يمشى كلامه عليا .. ومن ناحيه تانيه بالنسبه للشاب الثورجى .. افرض كان فيه واحد محتاج يروح المستشفى من ضمن الناس اللى اتعطلت .. كان حيفيد بايه عِند الشاب الثورجى اللى قفل دماغه واصر على مبدأه فى محاربة الاستغلال .. متناسيا انه فعلا بيعطل ناس عن مصالحها .. وكده كده .. لا هو اقنعهم .. ولا هو مشى مصالحهم .. يبقى استفدنا ايه .. الشاب لاحقته اللعنات والسخط .. والناس اتعطلت حياتها انا شايف ان الشاب الثورجى .. وكمان السواق ((كطرفين اساسيين فى النزاع)) .. اتعاملوا بغباء سياسى مع الموقف .. والحل فى طرف تالت يفض النزاع .. ويوصل لحل .. وهو ده الرجل السياسى الذى يفتقده الاتوبوس

ولا تستغربي مدام سلوى ومفيش اي داعي للاستغراب .. واسئلتك مش صعبة ولا حاجة :P وليه نروح للاميرة اميرة الطويل .. اللي هيا اساسا مش من العائلة الحاكمة .. ليه ما نروحش مباشرة للاميرة عادلة بنت العاهل السعودي الاميرة عادلة smk: زي ماحنا شايفين .. الاميرة عادلة نفسها مش ملتزمة بالنقاب والسؤال لو كنتي بتوجهيه لي انا شخصيا فاعتقد ان عمري ما قلت اني اعترف فقط بالنقاب .. النقاب من وجهة نظري حرية شخصية .. بكل بساطة واحترم طبعا كل منقبة وافتخر فيها .. زي ما حضرتك طبعا اكيد بتحترمي قرارهم وقناعاتهم ونعم ادافع عن حريتهم في ارتدائه .. ومش معنى كدا انك تصنفيني تلقائيا في خانة من لا يعترف الا بالنقاب لو كان سؤالك موجه للحكومة السعودية فاعتقد ان اي ساكن بجدة او الشرقية ممكن يقول لك كثرة اعداد من لا يلتزمون بالنقاب - مع التزامهم بالحجاب من السعوديات الامور دي تبقى حسب الاسرة .. والمجتمع السعودي زي اي مجتمع فيه كل التيارات وآل سعود هم كذلك جزء من الشعب يعني فيه من الاميرات اللي تلتزم بالنقاب الكامل وفيه اللي تلتزم بالحجاب وفيه اللي ما تلتزمش لا بحجاب ولا نقاب طيب .. حضرتك بتقولي : واطالب الجميع بارتداءه .. في بلد يعترف فقط بالنقاب .. ؟؟؟ ومين قال لحضرتك اننا نطالب الجميع بارتدائه ؟؟ ومين قال اننا لا نعترف الا بالنقاب فقط ..؟؟ دي للاسف من الصور النمطية المغلوطة كون ان الغالبية من نساء المجتمع هنا يرتدينه لقناعتهم الشخصية به فهذا لا يعني بأي حال من الاحوال اننا لا نعترف الا به .. لو أتيتي باجتهاد لاحد العلماء الشرعيين السعوديين يرى ان النقاب الشرعي هو الوحيد فقط المعترف به فأستطيع ان آتي لك ايضا بعشرات الفتاوي التي ترى شرعية كشف الوجه في الحجاب من علماء سعوديين وعلى رأسهم الدكتور سلمان العودة هناك يا استاذتي الفاضلة اجتهادات ... وهناك من يميل للتشدد ومن يميل للاعتدال ودي حاجة من ايام الخلافة الراشدة .. واختلاف الامة رحمة وزي ما قلتي في موضوع اخر في ردك على الاخ الترجمان .. استفتي قلبك ان اختلفت الامور عليك الاميرة تتعامل بقناعتها والشعب ايضا يتعامل بقناعته والرب عزوجل من يحاسب طيب .. يبقى ايه يبقى ان حضرتك عايزة تقولي ليه يسمحوا لانفسهم بكدا ويمنعوا الشعب .؟ هاقول لك ليه لانه ببساطة اسباب منع قيادة السيارات للمرأة هي اسباب اجتماعية مش حكومية المجتمع - في الوقت الراهن - هو اللي بيحارب حضرتك التوجهات دي هو حضرتك حاصرة السعوديين ليه في صورة كذا بنت منقبة وانتهينا .. ؟؟ وليه بما اني سعودي .. يبقى يا اما اجيب صور منقبات او ابقى ولا مؤاخذة منافق بامتياز المجتمع كبير .. وفيه كل الاطياف .. واللي ما تقتنعش بالحجاب وتلتزم فيه ظاهريا مراعاة لقوانين المملكة الخاصة موجودات وهما لهم رب يحاسبهم مش هابقى وصي عليهم و فيه فنانات سعوديات يظهروا بالتلفزيون الرسمي بدون حجاب وهم من عامة الشعب مش اميرات ولا يحزنون .. والتلفزيون الرسمي فيه مذيعات محجبات فقط ولا توجد مذيعة واحدة منقبة بالتلفزيون الرسمي السعودي بقنواته كلها .. وفيه مطربات سعوديات .. وصحفيات سعوديات يظهرن بالجرائد بصورهم من دون حجاب .. هناك كثير والمملكة لا تطارد هؤلاء كحكومة .. الحكومة تسن قوانين باحترام مشاعر وخصوصية المجتمع في الاماكن العامة لا اكثر .. واكرر في الاماكن العامة ولا تفتش عن النوايا او تفرض النقاب كرؤية احادية يعني باختصار الحجاب او قيادة السيارة المجتمع هو اللي ضد القرارات دي .. مش كل المجتمع طبعا .. لكن تيار غالب .. لاسباب متعددة تدخل من ضمنها الاعراف و التقاليد انا لست محجرا على الاراء و الحقيقة انصدمت من قراءة انك تعتقدي مثلا اني لا اعترف الا بالنقاب الصح اللي تسألي عنه يا استاذتي اننا نعرف ان السعوديين بشر كغيرهم ... ليسوا ملائكة وليسوا حتما شياطين .. مش عشان صفحة انفتحت وكتبت عن رؤية احادية يبقى نعممها على كل المجتمع المجتمع زي ما قلت في ردي السابق يغلي .. ودي ظاهرة صحية .. انه يتحاور داخليا .. وبالنهاية ما ينفع الناس يمكث بالارض والزبد يذهب جفاء و اللي يهمنا هو ما تفرضه علينا الحكومة ..من منطلق رؤيتها .. و هنا اقول وبكل ثقة ان المملكة لا تفرض النقاب على بناتها ابدا .. والا لكانت ساحة الحرم اولى ان لا نرى بها الا المنقبات فقط من السعوديات او غيرهم وهناك كثير من السعوديات ايضاومن غيرهم ومن فاضلات كثر بهذا المنتدى قرأت انهم يلتزمون بالنقاب بالسعودية ليس لانه مفروض بالقوة عليهم .. لكن من باب عدم لفت النظر لا اكثر

بسم الله الرحمن الرحيم الزملاء والزميلات الاعزاء ... ازيكم بعد اقل من عشر أيام هتبدأ رحلتي مع كندا وحبيت اشارككم الرحلة يوم بيوم ... يمكن اكتب كلمة في يوم من الايام تفيد حد كتير أفاضل هنا ليهم دين عليا ... كل واحد أخد جزء من وقته وكتب كلمه تنور طريق للي بعده يارب أقدر أوفي جزء من الدين ده أنا مش شاطر في السرد ... عشان كده الموضوع هيكون على هيئة تويتات لكن لو حد حب يستفسر عن أي حاجة يتفضل ... وأنا هقول اللي أعرفه (أو هعرفه) على طول نبدأ على بركة الله

http://www.youtube.com/watch?v=U3JxILVmOlc

معلش يا باشمهندس انا مش موافقه علي تحليل حضرتك ده وبالتالي مش موافقه علي الإشاره الرمزيه دي لو الاسلاميين بينادوا بتطبيق شرع الله ، يبقي ده مش معناه الرجوه للوراء إيماني ان الشريعه لو اتطبقت صح لا يمكن تكون سبب في التقهقر للخلف ، بل العكس هو الصحيح والأخطاء الفرديه لبعض الاسلاميين ، لا دخل للشريعه بها تحياتي بصي يا نوران اولا في النقد الفني كلمة ( موفق ) تعني نجاح المخرج او الممثل في توصيل فكرته وليس تقييم الفكره من اي منظور ديني او اخلاقي بمعنى لو الممثل ادى دور مدمن مخدرات زي احمد زكي مثثلا وانا جيت قلت انه كان موفق مش ينفع تقولي لا يا بشمهندس هو غير موفق عشان المخدرات حرام تاني حاجه بعد مواقف عصام سلطان والشيخ حازم و العوا وابو الفتوح القويه والحازمه لايمكن حد يقبل انه يضعهم في سلة واحده مع بتوع قندهار وهتافاتهم يا مشير انت الامير دول اللي يتقال عليهم انهم خارج اطار الزمن وخارج اطار الوعي الوطني والحس السياسي السليم ودول اللي انا اقصدهم والفيلم كان يقصدهم بامارة لما ساله الراكب رد بجواب تاني خالص وعينيه سارحه في اللا مكان اخيرا خليني اسالك انتي مع الشيخ حازم ولا مع بتوع يا مشير انت الامير ! منتظر ردك من زمان وانا خايفه ، من بداية الثوره لما جنود الجيش كانوا سايبين البلطجيه يسحلوا المتظاهرين لما سابوهم يدخلوا بالجمال والخيول من جنب دباباتهم وكل يوم بيعدي بيزود احساسي ان فيه حاجه غلط طبعا انا ضد سياسات المجلس العسكري تقريبا كلها وطبعا مش موافقه ان المشير يحلم حتي انه يبقي الأمير نفسي كل القوي السياسية تتحد ، عشان تبقي قويه بجد ونفسي المجلس يحدد مواعيد الإنتخابات ونخلص من المرحله الكابوس دي وكل واحد ينتخب بحريه سواء انتخابات مجالس أو انتخابات رئاسية وعن نفسي ، مرشحي الرئاسي هو حازم ابو اسماعيل ان شاء الله مش عشان ملتحي وكان بيقدم برامج دينيه علي الفضائيات ، لأ عشان مقتنعه بيه وببرنامجه وبسيرته وشايفاه قدها ان شاء الله تحياتي لحضرتك

23- هووهي هو...... تهمس لك عهودي زمناً تهمس لك ورودي.. أحبك أحبيني... أردتك نقشاً في صدري......... أردتك ملكة على عرشي أحبيني...... أحببت الفضيلة فيكِ احبيني...أحبيني توجتك على صدري توجتك على اشعاري أحبيني...أحبيني فالحياء منك يبكيني...أحبيني أريدك عهداً أريدك وعداً أريدك قيثاراً يعزف على قلبي...معزوفة الحياة اريدك كلمة تشجيني كلمة تنسيني هجرك بعد لقائك أحبيني..... جئتك أطلب الحب في زمن يعشقُ عذابَ الأبرياء جئتك أطلب الراحة علي اجدها بعد طول عناء أحبيني...أحبيني...أحبيني هي...... تعالَ أنتَ....... لتنسيني زمن الرهبنة العتيد تعال انت.......... لتهبني حباً أقيم له كل يوم عيد تعال لكي أحلم............ وأحلم معك بالحب الوليد ونحيا في عالم ليس فيه أسياد ولا عبيد فك قيودي وحررني........... ان استطعت فك قيود الكبرياء فك قيودي فأنا من نساءٍ عشقنَّ همس الحياء انا امرأة عشقها للفضيلة جعلها تقهر كُلَ بلاء

حصل معايا موقف شبيه بده بنتي ودنها تعبتها جدا فجأة الصبح وطبعا كل العيادات قافلة فاضطريت اوديها المستشفي العام ومن شباك التذاكر اداني الموظف هناك تذكرة الكشف ب 2 جنيه مع ان التذكرة كان مكتوب عليها بالعربية الفصحي جنيه واحد وانا طنشت لاني كنت قلقان علي البنت ومعنديش وقت للكلام بس بعدها قعدت افكر يعني المستشفي دي تقريبا بيتردد عليها 500 شخص يوميا لانها بتخدم المدينة والقري اللي حواليها يعني الموظف افندي ده بيدخله يومياتي من النصب 500 جنيه واتضايقت فعلا بعدها ان كنت سلبي كده

اللي عجبني في الخبر كله البوئين دول

محدش رد عليا خالص ؟؟ :angry: بس انا ممكن أخمن علي فكره يعني أستاذ الغريب هو الملتحي اللي في الصوره أما استاذ حسام فهو واحد من الخمسه اللي مش ملتحين ، صح stnd::

كل الزملاء والزميلات هنا ازيكم كلكم ويارب تكونوا بخير جميعا اول حاجة عملناها في الاجراءات كانت ال SIN Cards رحنا Toronto Down Town - مبنى ال City Hall وقدمنا على كروت ال SIN للي هيروح ان شاء الله المكان سهل جدا ... من ال subway بتنزل محطة Queen بتلاقي نفسك في داخل Eaton Centre تطلع على شارع Queen وتتجه غربا هو تاني مبنى مباشرة بعد ال Old City Hall تدخل الدور الأرضي بتلاقي الكاونتر بتاع Service Canada الموظف بياخد منك اوراق COPR يدخل بياناتك ... يطبع لك ارقام ال SIN والكروت هتوصلك باذن الله بالبريد في خلال 10-15 يوم بعد كده رحنا عشان نفتح حساب في البنك بس للاسف ما كملناش الاجراءات لأن احتاجو رقم تليفوني في كندا وأنا لسه مكانش عندي تليفون قلت باذن الله ابقى ارجع تاني بعد ما اكون اشتريت خط تليفون في البنك هتكون محتاج كذلك معاك الباسبور واوراق ال COPR الحركة في المدينة بوسائل النقل العامة لطيفة جدا سهل أوي انك تفهم المدينة من خريطة ال TTC دي تقدر تطلبها من الموظف في أي محطة subway بسهولة تقدر كمان تجيب ال Directions للمكان اللي انت عاوز تروحه من على Google Earth وكده تبقى نازل وانت محدد هتمشي منين وتركب ايه كمان الناس في الغالب متعاونة جدا في الشارع (ده اللي انا شفته يعني) مجرد ما تفتح الخريطة تلاقي حد بيطوع انه يساعدك ويدلك دعواتكم بالتيسير ... تحياتي ...

نموذج لرؤية الشيخ حازم وعمق نظرته في الأحداث الجارية . ميدان التحرير 23-9-2011 http://www.youtube.com/watch?v=4ytGwv6-SHo

على فكرة ... حزب الوسط رفض الدعوة للحوار ده بس مش عارفة بتنسيق مع اللي وافقوا أم لا عايزة أضيف بس اني مبسوطة ان ناس تتفاوض و ناس تقاطع وتهدد المهم منخونش بعض و الهدف يكون واحد

عايزة أضيف خمس نقط 1 - هو ما ينفعش اللي يختلف مع حد يقول له ، مثلا : مع احترامي لحضرتك انا مختلف معاك في رأيك في كذا وكذا .... بالراحه وبهدوء كده؟؟ 2 - أي حد عايز اللي قدامه يخاطبه كويس ، لازم هو كمان يكون اسلوبه كويس 3- غير الحده والعنف في الرد ، التهكم علي رأي الآخر ومحاولة الانتقاص من عقله مثلا بتضايق جدا برضو 4 - البادي أظلم طبعا 5- اللي بيجرح أو بيهين أو بيحتد علي زميله ، بصراحه بيسيء لنفسه الأول ، لإن الانسان الخلوق مهما اختلف مع حد في الرأي ، بيحافظ دايما علي اسلوبه المهذب في الحوار تحياتي

من أروع ما سمعت..للمنشد سعد الغامدي..كنت نزلتها في موضوع قبل كده..بس الموضوع بقي قديم و تاه ورا المواضيع الجديدة و في الحقيقة أنا أفضل الأناشيد التي ليس بها أي ايقاع..لأنها تظهر قوة صوت المنشد..وهي بصوته سعد الغامدي منفردا بدون أي ايقاع..أكثر من رائعة ممكن لأول مرة تشعر أن الكلمات صعبة..لكن بعد تكرار السماع ستجدها فعلا رائعة.. http://www.youtube.com/watch?v=6WLaAwx7a-I&feature=player_embedded كلمات الأنشودة

جزاك الله خير يا نوران علي الموضوع الجميل ده ، والاناشيد الجميلة دي انا برضه من هواة الاناشيد ، اسمحيلي اضيف نشيد انت الحبيب المصطفي لمشاري العفاسي اللهم صلي وسلم وبارك علي سيدنا محمد http://www.youtube.com/watch?v=0Lkpsntw8JM

ايام جهنم بدأت في كليات جامعة الاسكندرية شهد اليوم الاول من العام الدراسي الجديد 2011-2012 مظاهرات عارمة اجتاحت ارجاء جامعة الاسكندرية حيث انطلقت تلك المظاهرات من ثلاث كليات وهي : كلية الزراعة و كلية طب الاسنان و كلية الهندسة وتجاوز عدد المتظاهرين الف و خمسمائة متظاهر من اساتذه الجامعة و الطلاب و الموظفين و ردد المتظاهرون هتافات مندده لقيادات الجامعة منها سيب التكييف يار ئيس مش لاقيين رغيف العيش ،،، اغضب ثور قيادات الجامعة تغور ،،، كما وجهوا هتافاتهم للمجلس الأعلى للقوات المسلحة بقولهم مجلس أعلى يا مجلس أعلى ربك ربك هو الأعلى و ايضا هتفوا مجلس أعلى ساكت ليه قيادات الجامعة عطوهم ايه . وصرح د/سلامة الضرير استاذ كلية العلوم انهم منحوا قيادات الجامعة فرصة لاثبات حسن النية الا ان مجلس الجامعة اجتمع يوم 29-9-2011 وقرر اعضاءه انهم لن يتقدموا باستقالاتهم لوزير التعليم العالي و البحث العلمي د/معتز خورشيد كما أكد د/عمر السباخي رئيس لجنة الحريات بجامعة الاسكندرية ان اساتذة الجامعة الشرفاء يعلمون من هي د/هند حنفي حسيبة النظام البائد وانها ونظامها تتبع نفس اسلوب الرئيس المخلوع المستفز للمتظاهرين . كما اشار د/حمادة عبدالستار عضو اتحاد معيدين الجامعات المصرية انهم لن يتراجعوا حتى ترحل رئيس الجامعة و أعرب د/محمد حجازي كلية الزراعة انه ملتزم بمبادئ تلك الانتفاضة الجامعة وأضاف بقوله:مش هنمشي هي تمشي

http://www.youtube.com/watch?v=g4L7JzN56fw

خاتمة ............... تلبيس إبليس على ولاة الأمر و قد بين تلبيس إبليس عليهم فى عدة بنود و سأكتفى منها بتسعة :

بص يا أستاذى .. الرد بالمنطق و الحجة و الدليل أ قوى من أي شيء .. أمال هي فايدة الإ شراف و التقارير إيه .. ولو كل واحد هياخد حقه بإيده هنايبقى نغير اسمها معلش زى ما قلت للأستاذ جو ..وبعدين على فكرة ممكن الحكاية تبقى أمر نسبى .. في ناس بتبالغ بجد في تفسير كلامك و بتحمله أكبر من حجمه .. و كلامك لو بجد فيه تعدى على الدين أو كفر و العياذ بالله أو نعت للشعب المصري كله بما لايليق .. صدقني مش هيختلف عليه اتنين .. أنا هفكرك يا أستاذى بقصة جميلة .. جاء أبو الوليد وهو رأس من رؤوس الكفر يعرض على النبي صلى الله عليه وسلم المال والجاه و السلطان على أن يترك دعوته .. فيه أكتر من كدة يا أستاذ إبراهيم ؟؟ أهو كافر صريح بيعرض على النبي صلى الله عليه وسلم رشوة صريحة .. هل بقى النبي صلى الله عليه وسلم أخذته العزة وقاله امشي يا كافر يا مشرك .. لا والله .. أمال قال إيه ؟؟ قال .. أفرغت يا أبا الوليد ؟؟؟ إذا فاسمع منى .. فما زاد إلا أن قرأ آيات بينات من صدر سورة فصلت .. ثم قال هذا ما عندي يا أبا الوليد فانظر ماذا ترى .. فعاد أبو الوليد إلى قومه بوجه مختلف غير الذى ذهب به .. يا أستاذ إبراهيم .. لقد أمر الله نبيه موسى باللين مع فرعون الكافر الأكبر الذي قال (( أنا ربكم الأعلى )) فقال (( فقولا له قولا لينا )) معتقدش يا أستاذ إبراهيم أنه يوجد في المحاورات من هو أحسن من موسى عليه السلام أو من هو أسوأ من فرعون الكافر الأكبر. صدقنى يا أستاذ إبراهيم أنا مؤمن تماما بقول النبي صلى الله عليه وسلم (( ما جعل اللين في شئ إلا زانه وما نزع من شئ إلا شانه )) تحياتى لك دائما ..

شكرا على الموضوع الجميل يا أخ ياسر المشكلة يا اخ ياسر هي ثقافة مجتمع بالكامل ونحن جميعنا جزء من هذا المجتمع ونحمل امراضه إلا من رحم ربي وقليلا ما هم من ليس معي فهو ضدي , هذه هي المشكلة وغالبا الحوار يتحول لمشادات عندما يقوم احد المحاورين بالهجوم على شخص من امامه اعتقد أننا لو وجهنا انتقادنا للرأي نفسه مهما كان النقد فلن تكون هناك أي مشكلة , واعتقد ان أي شخص معتدل لن يغضب من انتقاد رأيه مهما كانت قوة النقد طالما أن النقد لم يمسه كشخص وانا فى رأي أن للحرية حدود بما فيها حرية الحوار , وليس هناك شيىء اسمه الحرية المطلقة احب أسأل سؤال : على سبيل المثال عندما يدخل احدا بمداخلة فيها تعدي على الدين أو فيها شىء كفري ( وهذا الحمد لله لا يحدث فى محاورات المصرين ولكني اتكلم بشكل عام ) , واحد المحاورين أخذته الغير على دين الله فرد ردا قويا وقاسيا على الطرف الاخر , فهل فى هذه الحالة نلومه ونقول له انت لا تؤمن بثقافة الاختلاف فى الرأي ؟ أيضا عندما يدخل احد بمداخلة يقوم فيها بنعت الشعب المصري كاملا بنعوت لا تليق , واحد المحاورين اخذته الحمية ورد عليه وكان رده قويا , فهل نلومه ونقول له هذه حرية شخصية ويجب عليك أن تتقبل الرأي الاخر ؟

حارد علي نفسي للافادة برنامج علي الفيس تحفة وسريع جدا ولا يحتاج لدونلوود ويساعد في حفظ الكبار والصغار مع اختيار اللغة وجهة التفسير وصوت الشيخ والاهم ..تحديد الايات http://www.facebook.com/coraan?sk=app_2661481200 ودمتم

عصام سلطان بيتكلم عن تجاوزات المجلس العسكري في قانون الانتخابات وقانون الغدر وتسليم السلطة http://www.youtube.com/watch?v=w-uigp0MABs&feature=player_embedded#!

الحديث الحادى والعشرون بعد المائتين ....................................... عن عبد لله بن عباس رضى الله عنهما قال : ( قدم رسول الله صلى الله عليه وسلم واصحابه الى مكة . فقال المشركون : انه يقدم عليكم قوم قد وهنتهم حمى يثرب فامرهم النبى صلى الله عليه وسلم ان يرملوا الاشواط الثلاثة وان يمشوا مابين الركنين ولم يمنعهم ان برملوا الاشواط كلها : الا الابقاء عليهم ) وهنتهم : اى اضعفته يثرب :من اسماء المد ينة فى الجاهلية ان يرملوا : الاسراع فى المشى مع تقارب الخطا الاشواط : الجرية الواحدة الى الغاية والمراد هنا الطوافحول الكعبة الابقاء عليهم ك الرفق بهم والشفقة عليهم مايؤخذ من الحديث ................. (1)ان النبى صلى الله عليه وسلم واصحابه رملوا الاشواط الثلاثة الاول ماعدا مابين الركنين فقد رخص لهم فى تركه ابقاء عليهم وذلك فى عمرة القضاء ويأتى استحبابه فى كل الثلاثة (2) استحباب الرمل فى كل طواف وقع بعد قدوم سواء اكان لنسك ام لا (3)اظهار القوة والجلد امام اعداء الدين اغاظة لهم وتوهينا لعزمهم (4)ان من الحكمة فى الرمل الان تذكر حال سلفنا الصالح فى كثير من مناسك الحج كالسعى ورمى الجمار والهدى وغيره (5)لو فات الرمل فى الثلاثة الاول فانه يقضيه لان المطلوب فى الاربعة الباقية المشى فلا يخلف هيئتهن فتكون سنة فات محلها

هو دة اللى بيحصل معايا برضه .. بصراحة مشكلة fty:: ايه رأيك ممكن نسميها برضه (( مشاجرات المصريين )) أهه الواحد يبقى مستعد وهو داخل هناوعامل حسابه mf_p:

بمناسبة الشائعة التى تقول أن مصر ستنضم لمجلس التعاون الخليجى قرأت هذه التعليقات: . . . الفلم الجديد لاحمد السقا "شورت وفانلة وعقال... إنتاج مصرى خليجى مشترك". "يعني حنبقى خلايجة؟ افرحي يامما ابنك بقى كفيل". احدث اغنية للمطرب الشعبى سعد الصغير "واركب الناقة ... واتنقنق" "أغنية أهلا با العيد تتغير...وتبقى يا هلا يا هلا بالعيد ". أما بعد أفعال المجلس العسكرى الثوار يجتمعوا "‎ترانا نسوي مليونية في دوار التحرير".

لو قالت كده ....يبقى يحيا المجلس العسكري ... ويعيش المشير ... وأنا هانتخبة رئيساً لمصر نحن لم نعد نقبل أي تدخل في شئوننا أو أن يُملي علينا أي اوامر ... بالمناسبة حتى لو كانت في صالحنا من وجهة نظرنا .. فتغور المصلحة اللي تيجي من وشهم روح نام يا بو عمر احسن ، شكلك النهاردة مرهق ومش مركز معقولة .....يكون ده رد فعلك علي هذا الخبر الذي لم اراه الي الان لا علي موقع العربية ولا علي قناتها - طيب اسمع الحوار ده الووررر جود افتر نون مسز هيلاري جود افتر نون مستر طنطاوي - ازيك يا مسز هيلاري وازي مستر كيلنتون ... يارب يكون بطل بصبصة علي النسوان - مستر طنطاوي ..... انجز انا مش فاضية عندنا مشاكل اقتصادية متلتلة وانت كل يوم تتصل بينا وتسألنا عن مشاكلك انت والمجلس بتاعك - معلش يامدام اعمل ايه اديك شايفة احنا عندنا 85 مليون وكلهم ولاد تييت وبقوا بيفهموا في السياسة فجأة بعد ان كان كل تفكيرهم في طابور العيش وطابورالبنزين والطوابير امام السفارات للحصول على تأشيرة - انت ليه تكلم كتير يا خبيبي احنا قولنا لك من الاول استعمل القوة واستخدم الجيش انت مش شوف بشار يعمل ايه والقذافي يعمل ايه انت اللي خواف ومعندكش رأي - عنف ايه بس دول 85 مليون ونصهم صعايدة مابيعرفوش يتفاهموا انت نسيتي همه عملوا ايه في خط بارليف وفي انابيب النابلم بتاعتكم ، ونسيتي ان دول احفاد بناة الاهرام - انت هاتحكي لي تاريخ حياتك مش بقول لك انا مش فاضية عاوز ايه هات من الاخر - اعمل ايه في ورطة النهاردة دي... الثوار منحوني مهلة اسبوع اما التخلي عن الحكم ووضع جدول انتخابي محدد وسريع وتعديل قوانين الانتخاب اللي انت شورتي عليه بها الشهر اللي فات او المواجهة .... - شوف يا خبيبي ... الشعب المصري كله ممكن يتفق في حاله واحده بس حتى لو كانت على غير رغبته - ايه هيه الحقيني بها - الحل انك تقول له ان اسرائيل ليست لديها الرغبة في استمرار المجلس العسكري في الحكم لفقدانه السيطره علي الاوضاع في البلاد خاصة بعد تكرار انفجار انابيب الغاز وايضا موضوع السفارة هتلاقيهم علي طول يعترضوا علي رغبات اسرائيل ونازلين يهتفوا كالعاده بالروح بالدم نفديك يا طنطاوي - الله يفتح عليك يامدام فعلا المصريين بيعترضوا علي اي حاجة توافق عليها اسرائل عفارم عليكي ... ده انتي داهية بصحيح علي عكس جوزك .... قالها بالعربي - بتقول ايه خبيبي؟؟؟؟ - لا ابدا بقول بس لو قولنا ان اسرائيل معترضة هتبقى مكشوفة اوي - خلاص قول لهم ان مجلس الامن هيقرر تعيين مجلس دولب.... وانا واثقة ان تاني يوم الشعب المصري هيخرج رافعا يافطات ضد مجلس الامن وضد امريكا. وهينسى خالص موضوع الانتخابات ده لمدة طويله ومش بعيد تحصل فتنة بينهم ...بين المؤيدين والرافضين - خلاص خلاص يامسز هيلاري انت لتاته قوي فهمت خلاص ، يالا بقى انت مش بتقولي مشغوله اسيبك بقى واروح اسرب الخبر مع السلامة سيناريو وحوار ابو ريم

ههههه أنتا عرفت إزاي يا باشا إني رجعت أونلاين المهم يعني الميدان النهاردة مكنشي مليان يمكن أقل مليونية عددا شوفتها منصة حزب الوسط كانت عاملة شغل جامد و كانوا منظمين بكاسكتات و فانلات و بينظفوا مكانهم و عصام سلطان مولع الدنيا بس معجبنيش كلامه عشان برده مصمم أخواتنا الليبراليين و العلمانين بيقنعوا المجلس يكمل و كده يعني الشيخ حازم كلامه أظرف و جزء لحزب العدل و حاجة اسمها الإئتلاف الإسلامي و منصة الشيخ حازم ابو اسماعيل بس مكنتش اتخيل إن أنصاره قليلين كده و كذا حزب و ائتلاف مش فاكرهم و طبعا شباب 6 أبريل باللوجو بتاعهم و فكرة جديدة بتاعت الأعلام العالية زي بتاعت الألتراس هتظهر في الصور و كمان حزب كده مش فاكر اسمه ايه مستخدم نفس الفكرة رغم الأعداد مش مهولة بس الحماس عالي جدا بيقولوا بيفكرهم بأجواء 25 يناير الأولي لما كتبت المشاركة الأولي كنت قاعد علي زهرة البستان قمت عشان الحق مسيرة ماسبيرو لما قريت عليها علي تويتر و طبعا طنشت مسيرة العباسية عشان ظروف السن متسمحشي بالكر و الفر و المشي للعباسية أساسا لحقتها علي الكورنيش و وقفت قدام ماسبيرو طبعا ماسبيرو قدامه سلك شائك بس مكنشي فيه مدرعات و لا قوات كثيفة غالبا فوجئوا جامد صور أمام ماسبيرو و الضباط زي ما أنتم شايفين كده كانوا واقفين مبيردوش و لا بيعملوا حاجة و الهتافات ، الشعب يريد تطهير الإعلام ، أهم أهم أهم الكدابين أهم ، يسقط حكم العسكر ، عسكر يحمي ميحكمشي ، البس بدلة البس بوكسر يسقط يسقط حكم العسكر ،،، آلخ و رفعولهم الجزم و آلخ و كانوا معجبين أووي بهتاف حنروح و نقول لمين ضباطنا ******* و ساعة كده و قرروا يرجعوا للميدان عشان بدأت بوادر إحتكاك أو حسوا إن فيه حد بيتحرش و كان فيه عيال عبيطة كده مصممة تشتم الضباط كان موجود في المسيرة نوارة نجم ، الصراحة أنا كنت بأتهمها إنها بتمثل أنها هبلة زي ما شعبان عبد الرحيم بيمثل إنه عبيط بس تقريبا هيا فعلا هبلة نوارة نجم دخول المسيرة الميدان مرة آخري رجعنا الميدان لقينا الشيخ حازم أبو اسماعيل عامل حركة جامدة جدا جه متأخر و الميدان كله اتلم عليه و اشعل الحماس في الجماهير و قال كلام كتير المهم فيه إنه ضد اللي راحوا العباسية و إنه لا ينوي الإعتصام اليوم و كلام تاني كتير ممكن تعرفه من المواقع عشان نسيت و الناس كانت متجاوبة جدا معاه و اشعل حماسها رغم إن معظم المتظاهرين مكنوش سلفيين و شباب 6 ابريل زي ما باين في الصورة كانوا محتشدين بأعلامهم قدامه بس مرة واحدة أختفوا ، رغم إنه كان بيثني عليهم في خطابه شعب التكنولوجيا ، بيصور الشيخ حازم بالموبايل و الآي فون و الآي باد و كل الوسائل هههههههه من الطرائف في خطاب الشيخ حازم ، الناس كانت بتقاطعه بهتاف ( يسقط حكم العسكر ) قالهم معلهشي يا جماعة قولوا (( إن شاء الله )) و في الآخر قال ما معناه إنه بيتكلم بصفته مواطن و مش عايز أي مكسب شخصي و مشي أنا دلوقتي بكتب من علي زهرة البستان يمكن أرجع ابص بصه و مشي لحد ما مشيت مكنشي فيه غير خيمة الإعتصام دي حاجة اسمها إتحاد المستقلين من أجل مصر ، شكلهم عمال أو حاجة زي كده و كانوا خايفين أووي بيقولوا الجيش هيطحنا و الشيخ حازم قال في خطبته إنه مش هيعتصم بس مش هينتظر للجمعة القادمة و آسف علي ردائة الصور موبايل تعبان و الدنيا ليل

اذا احسست بالغــرور .. انظــر تحت قدميك وتذكر انك من التــراب الذي تمشي عليه وستعود اليه

من أقوال ابن القيم رحمه الله : إضاعة الوقت أشد من الموت؛ لأن إضاعة الوقت تقطعك عن الله، والدار الآخرة، والموت يقطعك عن الدنيا وأهلها.

http://www.youtube.com/watch?v=98kwX2FNXuI&feature=player_detailpage

http://www.youtube.com/watch?v=0Wi8YgHYOhU&feature=player_detailpage

يذكر لنا الإمام أمثلة من تلبيس إبليس على المتعبدين و قد أتيت ببعضها لشيوعها فى عصرنا الحالى... كثيرا من الناس يحسب ان النية بالتلفظ و ربما يبالغ فيها و كثيرا ما نرى ذلك فى المسجد (نويت أصلى العصر أربع ركعات فريضة لله ................!!!!!!) و النية محلها القلب من المشاكل الكبيرة التى تصيب الكثير و أنا أصبت بشىء منها لفترة و هى الوسوسة فى الوضوء و الوسوسة فى صحة الصلاة و يذهب هذه الوساوس بعد عون الله العمل بالقاعدة الفقهية التى تقول اليقين لا يزول بالشك اه كثيرا ما ارقوا النائمين و اتعبوا المسنين و هذا بفعل بدع لم نؤمر بها .. الخوف المبالغ من الرياء ربما يصيب صاحبة بالبلاء فيترك كثيرا من السنن و العبادات خوفا من دخول العجب الى نفسه او خوفا من ان يذكره الناس بالطاعة فيدخل فى قلبة الرياء ... فيترك العمل .. و هذا نراه ايضا عند بعض قراء القران بالذات قراء السرادقات حيث يتكلفون فى القراءة ما يخالف قواعد التجويد ناهيك عن أدب قراءة القران و تدبر معانية و خروج الأمر من مجال العبرة و التدبر إلى التفكه و الطرب .......... سبحان الله ... تعتبر هذا من فعل الشيطان يا إمام ؟ ماذا ستقول لو رأيت من يسهرون للأفلام و المسرحيات و التنزة و اللعب ثم لا يحلو لهم النوم إلا قبيل الفجر بالحظات !!!!

بسْمِ اللَّـهِ الرَّحْمَـٰنِ الرَّحِيمِ أَلَمْ نَشْرَحْ لَكَ صَدْرَكَ ﴿1﴾ وَوَضَعْنَا عَنكَ وِزْرَكَ ﴿2﴾ الَّذِي أَنقَضَ ظَهْرَكَ ﴿3﴾ وَرَفَعْنَا لَكَ ذِكْرَكَ ﴿4﴾ فَإِنَّ مَعَ الْعُسْرِ يُسْرًا ﴿5﴾ إِنَّ مَعَ الْعُسْرِ يُسْرًا ﴿6﴾ فَإِذَا فَرَغْتَ فَانصَبْ ﴿7﴾ وَإِلَىٰ رَبِّكَ فَارْغَب ﴿8 أرجوكم أن نخلص الدعاء الليلة بظهر الغيب لكل مكروب .. لكل مهموم .. لكل مظلوم و لا ننسى بلادنا من دعائنا

ليتنا جئنا للدنيا و معنا كتيب التعليمات,لعلنا نستطيع مواجهة تقلبات الحياه و تقلبات الناس :closedeyes:

هذا / وقيس الذى ... يفضل لعب دور / البطوله فى مسرحيه هزلية الفصول حتما سيثكُل الحب قلبه و / يبكي ... على خشبةٍ ما / حرقة ليلاه ولا جدال فى هذا ؟! ( قيس سابق )

أعذرني إن قطعت عليك خلوتك فخواطرك الليلة رغم أنها تقطر ألما إلا إنها شديدة العذوبة و أستشعر فيها رقة لا نهائية

أولًا : أعتبر هذه الجملة (يذكرني برد محمد هنيدى على الظابط فى الفيلم: (أنا إبن عمى عنده بطاقة)) تفضح مابداخل صدر هذا الكاتب . ثانيًا : مصر كانت محكومة سياسيًا من عصابة أكثر من 50 سنة فلو حازم صلاح كان تقلد أي منصب سياسي أعتقد كان هذا الكاتب إستخدمها ضده فأنا أول سبب لترشيحي لحازم هو عدم تلوث يديه بمنصب سياسي ! وبعدين يعني أصحاب الخبرة عملولنا إيه ؟ شربونا من الوحل ! ثالثًا : حازم صلاح أبو إسماعيل رد على مسألة إجبار الناس وقال في مامعنى كلامة ( التطبيق يجي لما يتقبل الناس عشان يكون فيه طهر داخلي ) رابعًا : حازم صلاح أبو إسماعيل صرح بمجرد مايتولى الحكم (إن شاء الله) هيسحب كل تراخيص البارات وقال في مامعنى كلامة مش متذكر النص (مفيش إسلامي هيسمح بالخمر !) أنا سامعه ولك فاليوتيوب أن تبحث حتى تعلم كذب الكاتب وإفتراءه خامسًا : مع إني أعتبر بن لادن إرهابيًا ولكن نحن نحتاج لقائد يرهب أمريكا بدل محنا عاملين زي القطط والأرانب واليهود دايسين على روسنا بأوسخ جزمة (خلو عندكم كرامة شوية) أما أمريكا بتقتل فينا وشغالين دبح وسفك فالمسلمين وبتستحقرنا وبتعاملنا كعبيد رعاع ولما يجي حد يقف فوشها يبقى فيه كل الأوصاف دي سلامتك وسلامة كرامتك ! سادسًا : يعني إيه أردوغان عجبينيه مرشحين معينين ؟ فين الكرامة بس! بحس إلا كاتب المقال واحد راضع الذل ! سابعًا : حكاية الأصنام دي نغمة قديمية وإترد عليها وبعدين إيه الزل إلا إنتوا فيه إلي عايز يضغط على مصر بفلوسه يغور فستين دهيه هوا وفلوسه ! وإلي عاجبني فحازم صلاح إنه عايز يطلع مصر من تحت إيد الأجانب وميخلهمش يتحكموا فينا ويمشونا على هواهم بالسياح ! الرجل عنده كرامة ! اللهم لك الحمد والشكر والله العظيم إني كنت بتمنى أسمع نقد حد على حازم صلاح عشان أكون عارف سلبياته وإيجابياته وأسمع للجميع عشان أدي صوتي لشخص مستحق والآن إطمئن قلبي و سكن و سوف أرشحه بكل حواسي ! أهذا كل مالديكم ؟ لعلمك أنا ليبرالي وأخالف حازم في بعض الأمور ولكن هو أفضل من تقدم في نظري !

مساء الخير : حضرتك رجل محترم جداً لأنك فتكرت تفتح موضوع في المحاورات رغم انك عرف تقريبن محدش يرد و يتبع و ما أكتفتش انك تفتح في منتدى تاني و خلاص و افتقرت إن في نص ابتدت المشوار هنا بالكتابة و النصيحة أنا بشكر حضرتك بنيابة عن أي حد ضايع من وقتو دقيقة عشان يجي يكتب أو يرد على إستفسار ولو اني ما ليش الحق أتكلم بلسان أي حد تاني شكراً مرة تانية و اسفة لو الكلام شكلو غريب أصلي بكتب برنامج yamli

أما بقي النقشبندي فأحلي نشيد له يارب ان عظمت ذنوبي كثرةً فلقد علمت أن عفوك أعظم إن كان لايرجوك الا محسنٌ فمن الذي يدعو ويرجو الآثم ادوك ربي كما أمرت تضرعاً فلئن رددت يدي فمن ذا يرحم ُ يـــــــــــــــــــــــــــــــــــــــــــــــــــــــــــــــــــارب http://www.youtube.com/watch?v=VWjX8JIL-Rk

والله أمبارح راجع البيت حاسس أني شايل هموم الدنيا كلها فوق راسي بسبب كمية الأخبار الكاذبة بخصوص الوضع الاقتصادي اللي كانت منشورة على مدار اليوم وبعدين قولت في نفسي ، ليه هو أحنا في بلد مفهاش رجالة ؟؟ البلد تسقط مننا كدة وأحنا منعملش حاجة ، وقولت والله لو بلغ الأمر زروته الواحد يتخلى عن راتبه بالكامل للبلد وبعدين تذكرت أحد الكتاب الكويتيين ، كتب مقال بيقول أنه كان ساكن بجوار مقر السفارة المصرية بالكويت وكان شاهد على مساعدات المصريين التي قدموها للسفارة المصرية بالكويت حينما كانت هناك دعوة لإنقاذ الاقتصاد المصري في نهاية الثمانيانيات -على ما أذكر- ، يقول كنت أري عمال المعمار (الصعايدة) وهم عائدون من عمل يومي شاق بتجهون للسفارة ويتبرعون بمبلغ دينار أو دينارين من إجمالي خمسة أو سبعة دنانير يتقاضاها يومية ، ولكن كل هذه التبرعات التي بلغت حد المليار أكلتها الحكومة الفاسدة أنذاك.. لا تخافوا على البلد ما دام هناك مصري فيه روح .. تحياتي

ماشاء الله عجبنى اوى الموضوع ده ان المنتدى اعضائه بيحبوا بعض كده ومتابعين بعض ربنا يطمنا على الجميع