لوحة القادة

اللهم لك الحمد كما ينبغي لجلال وجهك ولعظيم سلطانك . اللهم صل على نبينا محمد و على آله و صحبه وسلم. اللهم يا قاضي الحاجات ويا مجيب الدعوات . يا من يجيب المضطر إذا دعاه. ويكشف السوء عمن ناداه. يا من لايعجزه شيء فى الأرض ولا في السماء . يا من أمره إذا أراد شيئا أن يقول له فيكون . اشفها شفاءا تاما لا يغادر سقما . اللهم أعدها إلى بيتها سالمة غانمة . اجعل دعائنا لها عندك مقبولا . برحمتك يا أرحم الراحمين. وصل اللهم على نبينا محمد و على آله و صحبه وسلم.

ربنا يقومك لأولادك بالسلامه يا رب ربنا يهون عليكي وعلي أسرتك ويتم شفاكي علي خير ويقويكي آمين .. آمين .. آمين

يا جماعة هوا أي نقد و خلاص ممادام العقل الجمعي علي تويتر و الفيس انتقد و هاجم يبقي ننتقد و نهاجم !!! الجدول الزمني منطقي و أختصر عن السابق شهرين بإجتماع مجلس الشعب يوم 25 يناير 2012 دلوقتي المشكلة الوحيدة انتخابات الرئاسة اللي مفترض تكون نوفمبر 2012 بحد أقصي ،، انتهي ،،،،، المنطقي الوحيد دلوقتي لتعجيل نقل السلطة انتخابات رئاسة اناء كتابة الدستور يعني في مارس مباشرة الإعتراض علي إزاي ننتخب رئيس بدو دستور يوضح صلاحياته خلاص بقه نضغط لإنتخاب الرئيس في مارس و نطيح بالمجلس العسكري تماما هل يتفق مرشحي الرئاسة علي أن يخوضوا إنتخابات و بعد كده يطلعوا رؤساء شرف من غير صلاحيات ؟؟ لو موافقين يبقي خير و بركة لو مش موافقين يبقي اتفاق شرف إن شكل الدولة نصف برلمانية و ننتخب علي الأساس ده ما كده كده عاملين اتفاق شرف علي الدستور و كله عك في عك عك في عك بقه نخلص في مارس و خلاص الكرة دلوقتي في ملعب مرشحي الرئاسة نقطة الدستور خلصت ، نقطة البرلمان خلصت ،،،، فاضل الشحوته بتوع الرئاسة

كلام في امستردام Flash back ******* لو معاك اطفال صغيرين زي حالاتي، حاول تقلل زمن السفر في رحلتك لاقصر وقت ممكن لو تقدر، حتى لو هتدفع اكتر. وعموما لو كان عندك الاختيار وقدامك وقت كفاية قبل السفر هتبقى الفرصة متاحة انك تفاضل بين العروض والاسعار والرحلات المختلفة وحاول تختار وقت ترانزيت قصير ده هيقلل اجمالي وقت الرحلة. احنا اختارنا نسافر على الخطوط الهولندية KLM وبالتالي كان الترانزيت في مطار Schiphol بامستردام وكان لمدة 3 ساعات فقط. اهتم عند عمل Check-in في مطار المغادرة انك تحصل على اتنين Boarding pass لكل فرد (للرحلة الأولى والرحلة التالية)، وبالتالي شنطك هتوصل لمطار الوصول في كندا، هتتحرك بحرية في مطار الترانزيت، ومش هتحتاج تضيع اي وقت في عمل Check-in مرة تانية. في معظم المطارات بيكون في ماكينات الخدمة الذاتية واللي منها تقدر تطبع ال Boarding pass بنفسك بمجرد انك تدخل طرف باسبورك او رقم ال e-ticket بتاعتك وده هيوفر عليك الوقت من الوقوف في صفوف الانتظار وربما يمكنك من اختيار اماكن المقاعد. نفس الشئ ممكن تعمله من على موقع شركة الطيران وانت في البيت وقبل السفر بمدة 24 ساعة تقريبا. كمان انك تختار الكراسي واللي افضلها في حالة ال economy class اللي بيكون قدام منها مخارج الهروب طبعا لان بتكون المساحة للرجلين اكبر. لو كان الترانزيت بتاعك في امستردام زي حالتنا قدام منك اكتر من حاجة ممكن تعملها، ممكن مثلا تروح تصلي في ال Meditation Centre ده لو كنت تتبع احد الديانات دي وممكن كمان تاخد الأولاد توديهم يلعبوا في ال Kids forest دي او ممكن تروح ال Museum ده او تاكل او تشرب في اماكن كتير موجوده طول ما انت ماشي في المطار او انك ترتاح في اي lounge على كرسي من دول وخلاص. وأهم حاجة قبل كل ده انك تكون عرفت رحلتك هتكون من أي gate وتكون متابع الشاشات عشان تعرف هي امتى هتفتح وتكون موجود عندها في وقت مناسب. كمان مهم عند الدخول لل gate ان لو معاك سوائل انها تكون فيSealed bagولو معاك laptop او tab تطلعه بره شنطته ولو معاك جاكت تحطه مع الحاجات دي كلها عشان هيتعمل له scan. لو معاك اطفال احتمال كبير انك تعفى من الدخول لبوابة ال Scan الدائرية دي وتمر مع اطفالك محملا بابتسامة. لكن ماتنساش تاخد لهم معاك على الرحلة خافض حرارة وحاجة للبرد للاطفال ومسكن وحاجة للمغص للكبار وده للطوارئ لا قدر الله. وطبعا هدوم زيادة للاطفال معاكم اثناء الرحلة مش هتخسر. ورحلة سعيدة ...

صورة قدم الطبيب بعدها استقالته

الكل دلوقتى بيطلب من الناس انها تبطل اعتصامات و تتفرغ بقى للانتاج و التنميه و الكل برضه بقى بيحمل الناس الى بتعمل اعتصامات مسئوليه تدهور الحاله الاقتصاديه و نقص الاحتياطى النقدى بدايه من اعلى مستوى رسمى وصولا للناس العاديه فى الشارع طيب ما نقرا الخبر دا و بعدين نتناقش يعنى بحق الله ازاى احنا نلوم على الناس الى بتعمل اعتصامات و هى بتشوف كدا بتشوف ان حكومتنا حكومه رد فعل و حكومه عشوائيه القرارات و مبتخرجش بالقرار الا بعد الضغط عليها بالاعتصامات يعنى الناس تطالب بحقوقها بشكل عادى يتنفضلها و لا الهوا تعمل اعتصام علشان حقوقها المشروعه الحكومه تستجيب و تنفذ لهم طلباتهم و بعد كدا ترجع تلوم عليهم انهم بيعملوا اعتصامات طيب ما انتوا يا حكومه الى عودوهم على كدا و عرفتوهم ان دى الطريقه الوحيده ادامهم علشان ياخدوا حقهم طيب نقول للناس اصبروا طيب نحط نفسنا مكانهم نصبر ازاى واحنا شايفين ان غيرنا بياخد حقه اسكت انا على حقى ليه ما اعمل زيه و اخد انا كمان حقى فكره الصبر دى ممكن لما الظلم يكون على الكل لكن لما نشوف ان الناس الى بتتحرك بتاخد حقها تالت و متلت و الناس الى متتحركش بيتفضلها يبقى مينفعش اسيب حقى لو مش علشانى يبقى علشان اولادى يبقى دلوقتى مين الى بيرسخ ثقافه الاعتصام بدل ما يعدلها المشكله ان كل المطالب الى قامت علشنها الاعتصامات مطالب مشروعه و عادله جدا يعنى لا الناس بتتلكك و لا مافوره فى طلباتها و لا بتطلب حاجه مش حقها يبقى ليه نخليهم يضطروا يعملوا كدا علشان ياخدوا حقهم الناس لو حست ان فيه وضوح فى الرؤيه و ان القرارات بتتاخد بشكل منظم مش عشوائى و بيسال اهل الاختصاص فيما يخص اختصاصهم لو حسوا ان فى اليات محدده لتنفيذ كل مطالبهم غير الاعتصامات اكيد مكنوش اعتصموا و لا عطلوا الانتاج و لا يوم واحد مينفعش نلومهم لوحدهم على شيىء الحكومه مشتركه معاهم فيه و مشتركه بالجزء الاكبر كمان مش لازم نترك الحكومه تخلينا نقلب على بعض بسبب اخطاءها هى زى ما كان بيحصل زمان زى ما فيه ضغط شعبى دلوقتى على كل من يقوم باعتصام لازم كمان يكون في ضغط مساوى فى الحجم على الحكومه لتقوم بمسئولياتها لكن كدا بصراحه يبقى حرام نلوم على الناس الى بتعتصم و نفضل نتخانق معاهم مش كدا و لا ايه

http://www.youtube.com/watch?v=wbGFqnOvHEo&feature=player_embedded عااااكش ولادنا راسم على حكم بلادنا لبّسنا العمة..ومالـ هوش ذمة ..وهايعيد اللى فااات كاتم انفاسنا بيذل ويحني ف روسنا 06 سنة ضنا .. حابس دمنا .. بطوارئ واعتقالات يابو بيريه وبيــادة ارحل بأة بزيـــادة مخك قِفـــل .. رصيدك صفـــر .. وبتصمم تِتـْمـادَى خدلك عبرة .. من اللى بيجرى .. ياهاتشربها سادة ساااااارق ثورتنــا ومخوننا .. مشتتنا ومأسفن فتنة.. وبتفتتنا .. بتاع تلات ورقات سلمنالك امانــــــــــة سقيناها من دمانـــــــا لا هانقبل بالمهانة .. والإهانة جه الوقت ترد الدين واسمعها منى حصري من كل شاب مصري لا هاتسرق مني نصري .. مني نصري فافهم يابو مخ تخين وكفاية اونطة .. و تشويش حركات ألاباندا .. وتهويش المجلس مش هو الجيش دة بتاع عجلة و استقرار استقرار الغلا والجـــوع والفوضى وحكم المخلوع الثورة ماتعرفش رجوع ثورتنا ثورة أحرار هي....... أحلامنا الجاية هي......... عدل وحرية هي....... أحلامنا الجاية هي......... عدل وحرية مدنيــــــة ديموقراطيـــة هي هي هي هي........ مصر هي عاشت ثورتنا طول ماحنا على وحدتنا مسلم ومسيحي .. حزبي أو ليبرالي أو إخوان دامت ثورتنا تحرق في أيادي الفتنة وان كان فيها موتنا.. هنرفع صوتنا .. نقولها في كل مكان امة واحدة .. شعب واحد همة واحدة .. قلب واحد كلمة واحدة .. رب واحد شعب واحد قلب واحد رب واحد يحميكي يا مصر

للأسف مش المجلس اللي هايشرب .. لكن مصر كلها اللي هاتشرب ..... والكلام ده كان معروف وواضح للجميع من شهور .... لإن من البديهيات إن الثورة قامت للقضاء على الفساد ... فلما نلاقي مؤسسة زي الجامعات كلها بدون إستثناء .. مازالت على قديمة .. وكل القيادات الفاسدة التي أختارها جهاز أمن الدولة لإحكام سيطرتهم على شباب الجامعات وقتل الطموح لديهم مازالت على كراسيها ... وتحجج المجلس منذ شهور ماضية بغنه لا يستطيع أن يغير القايدات دي في نهاية العام الدراسي ... وإن شاء الله في العام الجديد كل شيء هايتصلح ..... وكالمعتاد ... قام مجلس الفلول بعمل عكس ما تمناه الناس وقال لمصر كلها " طظ فيكم " الناس دي قاعدة على قلبكم ... واللي مش عاجبه يشرب من البحر ... يبقى ماذا نتوقع مع بداية العام الدراسي اللي بدأ أمس ؟؟؟؟؟؟؟؟؟ وهل تعلمون إن في عناصر من أمن الدولة - انا شايف انها لسه ما أتغيرتش حتى لو غيروا الإسم للأمن الوطني أو الامن الغذائي - نزلت امبارح على سبيل المثال في مقر جامعة عين شمس .. ومن فوق المباني زي القناصة كده صوروا بالزووم ان كل القيادات الجامعية سواء طلاب أو أطقم تدريس التي تقود المظاهرات ضد الفساد ..... طبعاً كلنا عارفين ليه ولما تقوم تظاهرات من قبل الدارسة من أطقم التدريس تعترض على الظلم الفاحش والفًجر اللي موجود في الجامعات وتقول مش هانقبل بما كان مفروض علينا في عهد الظالم المجحوم مبارك ... تصوروا الفرق الرهيب بين مرتب أستاذ مساعد في هندسة عين شمس ... طلع عين اللي جابوه في الأبحاث والدراسات والدرجات العلمية و وو و و و لأكثر من 10 سنوات ... كل ده وبياخد الفين ملطوش أخر كل شهر .... في حين إن عميد الكلية بياخد ما لا يقل عن 70 الف ج ... بدل ولاء يا فندم .. عشان يكتب تقارير أمنية كويس في زملاءه وفي الطلبة أصحاب النشاط السياسي أو الديني أو اللي بيصلوا في جامع الكلية حتى .. والبيج بوص رئيس الجامعة ده بيعدي الربع مليون جنيه شهرياً ... ده بدل ولاء وسناء وهناء والعز كله مين متذكر طرد الطالبات المنقبات من سكن الجامعة العام الماضي ورميهم في الشارع لمجرد إنها منتقبة ده كان بيحدث حتى العام السابق؟ مين فاكر زوارالفجر اللي بييجيوا في سكن الجامعة يقبضوا على طلاب الأخوان .. لا لشيء سوا إنهم يقولون ربنا الله ... واللي ما بيقبضوش عليه بيرموه في الشارع ويروح يسكن في أي داهيه ؟ حسبنا الله ونعم الوكيل ومقابل ده كله .. بعيني دي .. كنت بأشوف الجامعة بتتردم لافتات تأييد للسيد الرئيس الأخ القائد المفدى مبارك كل شويه مدعومه من السيد العميد والسيد رئيس الجامعة .. اللي بعد التطور الطبيعي للحاجة الساقعة بقوا كلهم أعضاء في لجنة السياسات ... ومع هيبتهم ووقارهم .. كنت باشوف الواحد فيهم بيبقى هاين عليه يوطي يبوس على إيد جمال بيه ... وهو يمكن قد عياله .... وللاسف الاقي منهم أساتذتي اللي الواحد كان بيخاف يسلم عليهم ولهم في قلبة مهابه علمية وأحترام أثناء فترة الدراسة .. الاقيهم بقوا أعضاء في لجان تقييم بيع شركات القطاع العام .. وأشوفه بمنتهى الفجور يطلع يتكلم كلام على التليفزيون عكس اللي علموه لنا ويقول مثلاً : أيوه عُمر أفندي ما يسواش أكتر من 400 مليون بـال 80 فرع بتوعه بأصوله الثابته .. بمخازنه .. بأسطول سياراته .. إلخ ... أصل إحنا يا جماعة بنقيم شركة خسرانة ( عُمرها ما كانت خسرانه منذ أنشاءها ) .... ولما يتسأل .. بس يا دكتور الأرض الموجود عليها المشروع ده لوحدها تساوي أضعاف أضعاف المبلغ ده ؟ يرد ويقول دكتور المحترم ؟ لأ إحنا لم نُقيم الأرض لأننا مش بنبيع حتة ارض مباني إخص عليك ... إخص عليك ياللي بتبيع علمك وشرفك عشان عمولة أو عشان تترقى تاني يوم وتبقى عميد الكلية أو نائب رئيس الجامعة وتقف تلحس حذاء سيدك جمال مبارك وتقول له : أنا خدام الجزم يا سيدي .. أهم حاجه رضاك عني ... أما رفع شعار إن مافيش سياسة في الجامعة والجامعة عشان الدراسة والكانتين وبس .... فكانت طبعاً لا تنطبق على جميعة المستقبل - الأسود - فاكرينها ؟ اللي مبارك قدم بها إبنه للشعب من خلالها .. على أساس إنه شاب روش وقريب من شباب الجامعات .. وأهو مرمي في السجن إلى غير رجعه ... وكان لها مقرات داخل الجامعات المختلفة وإذا كان المجحوم أصبح ماضي كريه لنا جميعاً وكنا نعرف تصرفاته وسلوكه المُشين .. فما حجة المجلس العسكري اللي بيضحك علينا وبيقول إنه بيحمي الثورة ... ما حجته في الأبقاء على مثل تلك الوجوه الكريهة وفرضها علينا ؟ ولماذا يُصرون على دفع البلاد إلى حافة الهاوية في كل الأمور ؟ وإذا كان الأطباء في إضراب .. والمدرسين في إضراب .... وسائقي النقل في إضراب ... والجامعات في إضراب ..؟ إذن لمن يستمع المجلس العسكري وتابعه مجلس الوزراء ؟ ومتى يتحركون لوضع حلول لتلك المشكلات ؟... للمرة الالف ... تذكروا كلامي هذا وأرجو أن يُخيب الله ظني .... هناك فئة وحيدة مغلوب على أمرها لم تضر بمصر حتى الان .. ومستحملة غُلب من عشرات السنين ... وعاملة زي الشعب المصري صابره وساكته ... وعددهم بالملايين ... الفئة دي لو تحركت ونزلت الشارع في إضرابات أو إمتناع عن العمل أو أو او ... يبقى قول على البلد يالله السلامة وأستغفر الله العظيم سوف نذهب حيث اللاعودة ... واعني هنا فئة " الفلاحين " اللي شايلين الطين وساكتين .... ومع ذلك لا يجد إنسان محترم يتجاوب معهم ويحل لهم مشاكلهم قبل أن يسبق السيف العذل .....

معلش يابشمهندس اشرف كلامك صحيح بس ماعدا ان اقل ضلع للغرفه 3.60سم وليس 2.5 تانيا : كل الاجهزه لها متتطلبات اساسيه مش بتختلف من جهاز لاخر وهناك طلبات فرعيه تختص بكل جهاز على حده تقبل تحياتي

نكتة حلوة ياريت الرد علي كلام اهبل زي ده يكون ، اعلى ما في خيلكم اركبوه مش نكتة ولا حاجة الناس دى لازم يتحقق معاها ويتعرف مين اللى قال كلام زى ده ويتعمل معاها الواجب وما انفصال جنوب السودان ببعيد .

لكل من لا يرى سبيلا للتعامل مع المجرم إلا تعذيبه والتنكيل به دون أي نظر لامكانية اصلاحه , ودون النظر لظروف التنشئة التي من الممكن أن تكون السبب فيما وصل اليه انظروا ماذا فعلت مديرية امن السويس مع عدد 19 مسجل خطر توبة 19 مسجل خطر بالسويس وتسليمهم وظائف جديدة بالله عليكم قارنوا بين مجرم تم معاملته بهذه الطريقة وهى محاولة تقويمه وتوفير فرصة عمل شريفة له , وبين مجرم أخر تم التنكيل به وتعذيبه فى الحالة الأولى : من كل مثلا 10 مجرمين من الممكن ان تكتسب 5 مواطنين صالحين منهم تضيفهم للشرفاء فى المجتمع وفي نفس الوقت قللت عدد المجرمين فى المجتمع ففى الحالة الثانية : سيخرج الي المجتمع انسانا غير سويا بعد ان يقضي فترة عقوبته , إنسانا يملؤه الحقد والغل على مجتمع لم يرحمه من وجهة نظره .

للاسف الكلام ده هيظهر مع الناس اللي في الاماكن ذات العصبيات و القبليات. و للاسف برضه هتلاقي قرايبهم و اتباعهم و المتشددين لهم ,دول عندهم شيزوفرنيا... يعني امبارح تلاقيهم بيلعنوا عدم النظام اللي في البلد و الفقر اللي بيجتاح البلد و قلة فرص العمل و الفساد اللي ظهر علي السطح و نفسهم البلد تتغير... بس لما تيجي عند قريبهم المرشح ,يبقي تولع البلد باللي فيها

وليه كلام فارغ مش المجلس السمكرى هو اللى مخليهم يعملو كده لو الثورة دى مشيت صح الناس دى كانت استخبت على رأى صديق لى بيقولى اكوام التراب والزبالة "اعزكم الله" بتترمى عالدائرى فى ايام معينة وعلى مسافات ثابته . مقاولات يعنى

أعتقد أن هذا الكلام ينحصر في نظاق الكلام الفارغ أما لو هم عندهم 15 مليون ... كنا حنجيب منين حبال للمشانق دي كلها ؟؟؟؟ bsh:)

يا رب تعدي على خير أسأل الله العظيم رب العرش العظيم أن يشفيكِ أسأل الله العظيم رب العرش العظيم أن يشفيكِ أسأل الله العظيم رب العرش العظيم أن يشفيكِ أسأل الله العظيم رب العرش العظيم أن يشفيكِ أسأل الله العظيم رب العرش العظيم أن يشفيكِ أسأل الله العظيم رب العرش العظيم أن يشفيكِ أسأل الله العظيم رب العرش العظيم أن يشفيكِ جزاكم الله خيرا على انك قلتلنا يا لونا و لو لكِ اتصال بها.. يا ريت تبلغيها دعواتنا و تمنيااتنا لها بالمعافاة و الخير كله

اللهم ازح عنها كل بلاء يارب ربنا معاكى ياذهبية وقلوبنا معاكى وان شاء الله خير ربنا يعفى عنك ويشفيك وتم العملية على خير

معلش يااستاذ محمد ماهى دى من ضمن نكبات عهد مبارك ومحدش يقول ذنب مبارك ايه دلوقت ماهو غار فى داهية لأ المهازل دى شغالة من زمان بس يمكن حظ دى انهم صوروها واتعرضت

كل سنة والاستاذ مهيب بخير وصحة وسلامة يارب .. الحقيقة يا مدام عبير اني معجب جدا بنشاطك الاجتماعي وتذكيرنا اول بأول بمناسبات زملائنا الغالية بالذات الغائبين منهم .. والذين نتمنى عودتهم السريعة وانا بالواقع عندي فكرة اتمنى ان يأخذها باقي الزملاء بعين الاعتبار حتى يكون لمثل هذه التوبيكات وقع اخر مختلف لماذا لا يتم التجديد فيها ؟؟ اعني لماذا بدل من ان يأتي كل شخص ويقول .. كل سنة وانت طيب يا استاذ فلان او يا استاذة فلانة و نقدم بعض الصور التي تعبر عن هدايا رمزية ثم يأتي المحتفى به ويشكرنا نفر نفر لماذا لا تكون مثل هذه التوبيكات .. بمذاق اخر .. مذاق يشعرنا مثلا .. ان اليوم .. هو يوم فلان مثلا .. لماذا لا نكتب عن ذكرياتنا المشتركة التي تجمعنا مع صاحب يوم الميلاد نتذكر تعليقات طريفة له .. نتذكر مواضيع مميزة للكاتب ونرفعها مثل هذه التوبيكات فرصة لتزول الشحناء بين الافراد وتعرف الاشخاص الجدد بمن هم هؤلاء الاشخاص .. وما قدموه خاصة الغائبين منهم -------------------------------------------------------------------- مهيب هذه آخر مواضيعه المهمة .. وكل مواضيعه مهمة المشروع الموحد .. مصر فى ضوء الفتن و غياب هيبة الدولة نحو مشروع قومي واحد فواتير وحلبسة وميكروباث بقلم دكتور أحمد خالد توفيق فى مسألة الأخبار و الاشاعات .. ماذا يحدث ؟ هو ايه اللى بيحصل فى مصر المجلس الأعلى و دوره في تحديد من سيحكم مصر نظرة شاملة على ما هو متوقع من المجلس الأعلى الفاضل مهيب .. من ذوي الاقلام الجادة .. و محب للجيتار .. اعجبتني عبارة دونها في اهتماماته وهوايته حيث يقول عن نفسه " القراءة (الكثير منها) و الرسم , الموسيقى و الشتاء اذا كانت الشتاء هواية " نعم .. الشتاء هواية ... اجد نفسي يا عزيزي مهيب اشاطرك هذه الهواية والا بماذا نصف صورتك الرمزية .. الا انها تحمل في ملامحها الكثير من الشتاء .. ؟؟ هذه اخر مداخلة كتبها الفاضل مهيب قبل غيابه الذي نأمل ان ينتهي وان يكون في خير وصحة وسلامة في موضوع للفاضل الاستاذ عادل ابو زيد حالتى و كثيرين ممن أعرفهم ... الحيرة الكاملة حيرة و تخبط عند القراءة أو المتابعة طبعا عند قراءة ردوده القيمة الثرية الغنية نعرف اي خسارة تعود علينا بغيابه يعجبني في كلامه انتقاءه للمفردة .. .. واناقته بالطرح .. نرى في كتاباته التأثر باسلوب الدكتور احمد خالد توفيق كثيرا ولا عجب فهو من متابعيه ونشر بعض كتاباته بالمنتدى هنا كما يعجبني فيه الالتزام باللغة العربية الفصحى .. وخلو كتاباته من الاخطاء الاملائية والنحوية واعتقد ان من يقوم بزيارة ملفه والاطلاع على مشاركاته المميزة لن يضيع الكثير من وقته رغم اختلافي مع بعض افكاره لكن لا انفي ابدا احترامي الشديد لشخصه استاذ مهيب .. كل عام وانت بخير .. و عمر مديد في طاعة الرحمن

امريكانى مغرور بيقول لسواق تاكسى صعيدى : فرجنى على مصر اللى بتقولوا عليها ام الدنيا الصعيدى عدى من قدام البرج الامريكانى قاله ايه ده..!! سواق التاكسى قالو ده البرج قاله.. بنيتوه في قد ايه ؟ قالة فى ست سنين قالو لييييه احنا بنينا تمثال الحريه فى اربعه بس الصعيدي اتغاظ ووداه عند القلعه قالو ايه دى قاله القلعه قاله بنيتوها فى قد ايه..! قالة سنتين بس..قالو ليه دا احنا بنينا البيت الابيض فى سنه واحد بس الصعيد اتغاظ ووداه عند الاهرمات الخواجه اتخض وقاله ياااااااه ايه ده رد الصعيدى قاله معرفش دا أنا كنت معدي من ربع ساعه ومكنتش موجودة :D

السلام عليكم موضوع الجاسوسية هو موضوع معقد وتدخل فيه اعتبارات كثيرة سواء عند الحكم على الجواسيس او ترحيلهم او تبادلهم فى صفقات تتم فى صور وأشكال متعددة. في شهر يونيو من العام الماضي قامت السلطات الأمريكية بالقبض على عشرة أشخاص روس الجنسية بتهم التجسس لحساب روسيا. وفي خلال شهر أو أقل عقدت صفقة بين روسيا وأمريكا تم بموجبها إفراج السلطات الروسية عن أربعة مواطنين روس عملوا كجواسيس لصالح الولايات المتحدة داخل روسيا مقابل إبعاد الجواسيس الروس العشرة المعتقلين من الولايات المتحدة. المبعدين والمفرج عنهم كلهم روس وليس بينهم امريكي واحد. ياريت نثق فيما يقوم به المسئولون وان نتوقف عن التخوين والشك في كل ماتقوم به السلطات . السئولون هم مصريون في المقام الأول وليسوا عملاء يعملون لصالح دول أخرى

لتحميل كتاب تلبيس إبليس للإمام أبو الفرج بن الجوزى – رحمه الله – نسخة PDF محققة . إضغط هنا

يعنى انا عمال ااجل الاجابة انى الاقى حد مواليد شهر 8 زى بعضه ما بدهاش باخاف من ايه ؟؟؟ طبعا باخاف من اى حاجة وحشة لى ولاسرتى وللبلد عموما ......ولكن تجديد الايمان بالله دائما يزيل هذا الخوف

في الحقيقة يا استاذ محمد أنا بجد زعلان منك .. فأنا أرى أن لك مطلق الحرية في أن تحب مبارك كما تشاء فهذا شأنك ؟؟ ولكن أن تستهين بشعورنا بتلك الصورة.. لدرجة أن تجلب لنا أغنية بعنوان (( كدنا العوازل )) .. فبصراحة هذا سائني كثيرا .. وحتى إن كنت تعنى بها محامييى أهالى الشهداء فهذا ليس مبررا لأنهم يمثلوننا جميعا..

مافيش اتهامات في مداخلتك خالص ، انا مش قاصداكي خالص بموضوع الاتهامات ده ولا قاصدة عصام سلطان بالعكس ده انا باحترمه جدا هو وحزب الوسط ، انا بس قمت لقيت معظم الناس علي الفيسبوك نازلة شتايم في الاحزاب وكأنهم خونة، فأخر سطر ده كان تعليق علي رأيهم ، لكن مش قاصدة مداخلتك اطلاقا، ومعلش اذا فهمتي ده بالغلط من كلامي .

ههههههههههههههههههه .. طبعا مش صورة ابني يا ابلة نوران دي صورة عادية من النت .. احب صور الاطفال عموما بس فيها شبه كبير مني ايام كنت جونيور .. بعد سعودة الملامح طبعا :P --------------------------------------------------- تموووورة ... جبت صورة العريس دي منين ..؟؟؟ دا بيدور على عروسته الحلوة دي ربنا يخلي ويبارك .. صورة دانة بنت تمورة -------------------------------------------- قصدك زي فيلم .. احنا بتوع الاتوبيس :P فاكر دي ؟؟ http://www.youtube.com/watch?v=6Dq4ouwn0m4&feature=channel_video_title

إيه الجديد يا جماعة ؟!!!

بسم الله الرحمن الرحيم الأخوة الكرام / أعضاء المنتدى تحية طيبة وبعد ... بالنسبة لقطع الأراضي 209 م2 أبعاد قطعة الأرض 11 م ( واجهة ) × 19 م ( عمق ) = 209 م2 أبعاد المبنى 7.75 م × 13.50 م . مساحة الدور الأرضي 105 م2 تم تقسيمه إلى إستقبال يتسع لغرفتين + عدد 2 حمام + مطبخ + 3 حجرات نوم مغلقة . مساحة الدور الأول 120 م2 تم تقسيمه إلى إستقبال يتسع لثلاث حجرات + عدد 2 حمام + مطبخ + 3 حجرات نوم مغلقة . خالص تحياتي مهندس / أشرف محمد

http://www.youtube.com/watch?v=QC60kWig36c&feature=related

بسم الله الرحمن الرحيم أخي الفاضل / أبو جبيبة تحية طيبة وبعد ... أولاً : من ضمن شروط طرح الأراضي في الفترات القادمة إنك لن تستطيع التصرف في المبنى بالكامل أو أي جزء منه إلا بعد حصولك على شهادة صلاحية المبنى بالكامل للإشغال بخمس سنوات بمعنى أن لو حضرتك مثلاً إستلمت الأرض في يناير 2012 و إنتهيت من بناء المبنى بالكامل في يناير 2013 مثلاً دون أن تنتظر فترة السماح و المقدر لها بخمس سنوات من تاريخ إستلام الأرض و حصلت على الشهادة الإشغال معنى كدا إن حضرتك ممكنت تبيع المبنى بالكامل أو جزء منه في يناير 2018 أي بعد حصولك على الشهادة المذكورة بخمس سنوات . ثانياً بالنسبة لتكلفة البناء فهي بتختلف على حسب المكان و طبيعة الأرض هل هي صخرية أو رملية و نوعية التأسيس و التصميم الإنشائي . خالص تحياتي مهندس / أشرف محمد

23- هووهي هو...... تهمس لك عهودي زمناً تهمس لك ورودي.. أحبك أحبيني... أردتك نقشاً في صدري......... أردتك ملكة على عرشي أحبيني...... أحببت الفضيلة فيكِ احبيني...أحبيني توجتك على صدري توجتك على اشعاري أحبيني...أحبيني فالحياء منك يبكيني...أحبيني أريدك عهداً أريدك وعداً أريدك قيثاراً يعزف على قلبي...معزوفة الحياة اريدك كلمة تشجيني كلمة تنسيني هجرك بعد لقائك أحبيني..... جئتك أطلب الحب في زمن يعشقُ عذابَ الأبرياء جئتك أطلب الراحة علي اجدها بعد طول عناء أحبيني...أحبيني...أحبيني هي...... تعالَ أنتَ....... لتنسيني زمن الرهبنة العتيد تعال انت.......... لتهبني حباً أقيم له كل يوم عيد تعال لكي أحلم............ وأحلم معك بالحب الوليد ونحيا في عالم ليس فيه أسياد ولا عبيد فك قيودي وحررني........... ان استطعت فك قيود الكبرياء فك قيودي فأنا من نساءٍ عشقنَّ همس الحياء انا امرأة عشقها للفضيلة جعلها تقهر كُلَ بلاء

بسم الله الرحمن الرحيم أخي الفاضل / Hesham Zaki تحية طيبة وبعد ... أولاً بالنسبة لموضوع الرخصة فكما أشرت في مشاركتي السابقة بأن لدينا قسم متخصص في إصدار التراخيص و لكن المشكلة هو أن هذا االقسم يتبع الإدارة الموجودة في القاهرة و بالتالي فمن السهل إستخراج التراخيص التي تقع في نطاق القاهرة أو الجيزة مثل مدينة 6 أكتوبر و الشيخ زايد ، أما موضوع إستخراج التراخيص في محافظات بعيدة عن القاهرة مثل دمياط فسيكون أمر مكلف جداً ولا أنصحك به . ثانياً بالنسبة للبناء فلدى شركتى قطاع في المنصورة يخدمة مدينة المنصورة و دمياط و المناطق المحيطة بها , وهنا سيدخل الفرع معك كمقاول و هذا أمر مكلف جداً و لا أنصحك به أيضاً . الحل إذن : إن حضرتك تجيب مقاول من طرفك و تكلف الإدارة عندي بالإشراف على تنفيذ الأعمال كإشراف دوري أو إشراف دائم و هنا سيصبح الأمر أكثر يسراًإن شاء الله . خالص تحياتي مهندس / أشرف محمد

محدش رد عليا خالص ؟؟ :angry: بس انا ممكن أخمن علي فكره يعني أستاذ الغريب هو الملتحي اللي في الصوره أما استاذ حسام فهو واحد من الخمسه اللي مش ملتحين ، صح stnd::

كل الزملاء والزميلات هنا ازيكم كلكم ويارب تكونوا بخير جميعا اول حاجة عملناها في الاجراءات كانت ال SIN Cards رحنا Toronto Down Town - مبنى ال City Hall وقدمنا على كروت ال SIN للي هيروح ان شاء الله المكان سهل جدا ... من ال subway بتنزل محطة Queen بتلاقي نفسك في داخل Eaton Centre تطلع على شارع Queen وتتجه غربا هو تاني مبنى مباشرة بعد ال Old City Hall تدخل الدور الأرضي بتلاقي الكاونتر بتاع Service Canada الموظف بياخد منك اوراق COPR يدخل بياناتك ... يطبع لك ارقام ال SIN والكروت هتوصلك باذن الله بالبريد في خلال 10-15 يوم بعد كده رحنا عشان نفتح حساب في البنك بس للاسف ما كملناش الاجراءات لأن احتاجو رقم تليفوني في كندا وأنا لسه مكانش عندي تليفون قلت باذن الله ابقى ارجع تاني بعد ما اكون اشتريت خط تليفون في البنك هتكون محتاج كذلك معاك الباسبور واوراق ال COPR الحركة في المدينة بوسائل النقل العامة لطيفة جدا سهل أوي انك تفهم المدينة من خريطة ال TTC دي تقدر تطلبها من الموظف في أي محطة subway بسهولة تقدر كمان تجيب ال Directions للمكان اللي انت عاوز تروحه من على Google Earth وكده تبقى نازل وانت محدد هتمشي منين وتركب ايه كمان الناس في الغالب متعاونة جدا في الشارع (ده اللي انا شفته يعني) مجرد ما تفتح الخريطة تلاقي حد بيطوع انه يساعدك ويدلك دعواتكم بالتيسير ... تحياتي ...

The best and most beautiful things in the world cannot be seen or even touched. They must be felt with the heart Helen keller

سيدتى : لن اخفيكِ سِراً حين اقول : لكم اشتاق الى حديثِكِ الناعم الرقيق ولسيلِ كلامكِ انهارا من خمرٍ وعسل والذى يتسرب الى مسامعى عذبا وان هواكِ لازم كل فكره اُحاصِرُها او هاربه منى الى حدود المنطق ؟! فيا سيدة : شهد القمر بحُسنها ولفق لها البدرُ ألف تهمة ،، من خجله المزمن !! قربى الخُصله من خافقى ... ودعى اصابعنا تتشابك فى حُلكة ظلمه لن تتبدد إلا اذا اعتلينا عرش الليل ... حتى يدنو الفجرُ منتشيا من مُهجتينا وتوخر انواره الستائر المُسدله فوق جبهة نافذتكِ المتغطرسه / فتقرين حقيقة كون الوهم يعربد / فوق جدران ذاكرة اوقاتكِ المنهكه ... وان الصبح يدنو حينا / واحيانا يتأخر حان الوقت وان تتعرفى الى فلسفتى فى لعبة الشطرنج اللعينه ؟! وبأن الألوان الدافئه / افضل من المحايده وكون اللون الأحمر / هو المحبب لريشه الرسم وكيف للحصان ان يكش الملك / ويأكُل الطابيه !! ( وأُيقن بتلصُصها )

يسلم موضوعك يا دكتور ياسر الحقيقه والواقع بيقول ان الناس ((بعض الناس)) مش بيزعلوا بس .. لكن ممكن ياخدوا منك موقف اساسا .. ونظام بقى ((من ليس معى فهو ضدى)) ... لما بتختلف معاهم ..وممكن يتحول الامر معاهم لشخصنه .. ظاهره كانت ..او خفيه .. او يتطور الامر لاستعلاء وفوقيه .. انا عن نفسى .. اقسم بالله انى عمرى ما زعلت من حد اختلف معايا فى الراى .. او حتى هاجم وجهة نظرى او استهجنها ... انا ممكن بس اضايق لو حد تطاول فى رده على (شخصى ).. او قل أدبه .. لكن غير كده عندى رحابة صدر حقيقيه للاختلاف ولتقبل النقد .. ليه بقى .. لانى مقتنع اقتناع تام ان محدش عنده .. او يملك مفاتيح الحقيقه المطلقه.. مهما كان حجم معرفته واطلاعه وخبراته الحياتيه .. وبسحب قناعتى دى على نفسى اولا .. على فكره انا لم اعانى من هذا الموضوع كثيرا .. لكنها رؤية قد تكون خاطئه او مغاليه

بسم الله الرحمن الرحيم أخي الفاضل / emsadeck تحية طيبة وبعد ... هي فعلاً الشقق مساحة 70 م2 مقسمة إلى 3 حجرات و صالة و لكن مساحات الغرف فيها ضيقة جداً وقد تكرر هذا في النماذج المعمارية الخاصة بقطع الأراضي التي سيتم طرحها في الفترات القادمة . عموماً سأقوم غداً بإذن الله بتحليل المعماري الخاص بقطع الأراضي ذات المساحة 272 م2 و المساحة الأخرى ( 209 م2 ) حتى تكون متاحة للجميع . خالص تحياتي مهندس / أشرف محمد

امممممم....DIDO lIFE FOR RENT و حضرتك كمان طبيب لا كده مش معقول اصل كده نسخة بالكربون من حد اعرفه اوي ليه الدكاترة....بيحبوا الاغنية ديت؟؟؟ و بعديها مباشرة بيقدموا هجرة لكندا؟؟؟ انتو بتاخدوا ايه في طب بالظبط....(وش حد حاسس ان الدنيا صغيرة اوي اوي....لسه كنا بنسمع الاغنية دي في مصر قدام القصر العيني) طب اكيد بقي هتعرف الراجل اللي بيعمل اجدعها نوسكافيه هناك و بيديك معاه مرشميلو علي شكل كرومبو؟؟؟ حقا انه عالم صغنتت :blink:

أشكرك يا باشمهندس و ربنا يكتبلك القرب من الحرم آمين مكة نعمة حقيقية رغم أي شيء و مهما كانت المصاعب فيها بصراحة أعشقها و أعشق أهلها و لا أشعر فيها بأي غربة

.......: يا هل ترى السر إيه ؟ .. واتقابلوا ليه !!!!!؟ ........: عشان يدوبوا .. ويعشقوا ........:وف بحر شوقهم ..يغرقوا .........:وبجــد .. لـــمــا يصدقوا ........................ ......................... ....................... ....................... ............................ ........................ يتفرقوا !!!!!!!!!!!!!!!!!!!!!!!!!!!!!!!!! والسر إيه ... واتقابلوا ليه !!!!؟ ده سؤال صعيب ملقتش اجابة عليه تقوللي ليه؟ و السر ايه؟ لو كانوا عرفوا ايه الجواب كان يبقى ليه يعني العذاب؟ هو حد فينا بيختار حبيبه؟ حد يقدر ياخد غير نصيبه؟ حبوا بعض عشقوا دابوا غرقوا في الحب و عذابه كان فراقهم مش بايديهم حظ فرضته الايام عليهم كان لازم غصب عنهم يبعدوا و ازاي يقولوا لا و ازاي يتمردوا وحلمهم ...القدر قدام عنيهم بدده قال يعني كان ينفع و همة اتبغددوا

القلوب المرهفه _______ _______ هو فين راح الوفا ... ليه من الدنيا اختفى هو دا حظِك بقى .... ياقلوب ....يا مرهفه ***** ***** تحكى ......مين يسمع إليكى !!!؟ تشكى .......مين يهتم بيكى !!!؟ تبكى ......مين يبكى عليكى!!!؟ تلقى فـــيــن.... بس الدفا!!!؟ بعد ما راح الوفا... بعد ما راح الوفا يا قلوب .... يا مرهفه ***** ***** يا قلوب مليانه خير .... مؤمنه .. وكُلِك ضمير فى زمن واعر مرير ....الأمان .... فيه إتنفى بعد ما ضاع الوفا ... بعد ما ضاع الوفا يا قلوب..... يا مرهفه ***** ***** يا قلوب زادها المحبه ... طيبه ... وتملى شابه إنما... لياليها صعبه ... وحلمها .. لحظة صفا بعد ما ضاع الوفا ... بعد ما ضاع الوفا يا قلوب.... يا مرهفه ***** ***** يا قلوب بتراعى غيرها .... حتى لو بيقيدوا نارها ما السماح أصلهُ شعارها ... مهما يإلمها الجفا بعد ما ضاع الوفا ... بعد ما ضاع الوفا يا قلوب ..... يا مرهفه ***** ***** يا قلوب عاشقه الحقيقه ... يا قلوب صادقه بريئه تشبه النجمه الرقيقه ... نورها عمره ما ينطفى حتى لو راح الوفا .... حتى لو راح الوفا يا قلوب ... يا مرهفه عنهم.. محمود البصيلى 2005

استاذة رضوى.. فيه احتمال يكون هو السبب.. ان الحد ده موجود عندك فى الايميل ليست.. و انتى عملتى كونيكت لايميلك الياهو او الهوتميل.. فبيتم اضافته بشكل اوتوماتيك لما بييجى يسجل بعدين. بالنسبة للفيسبوك.. التغيير الوحيد اللى لاحظته.. هو ان فيه subscribe button.. يعنى الواحد يشوف الوال بتاع اى حد حتى لو مش صديق.. بس انتا تقدر تمنع الزرار ده لو عايز. يعنى هما اخدوا حتة من تويتر و لطعوها فى الفيسبوك. كل حاجة موجودة زى ما هى.. ادخلوا عالبروفيل.. هتلاقوا الtabs على ايدكم الشمين.. قصدى الشمال.. و تختاروا منها.

أختي الكريمة ذهبية .. أهدى إليك هذا المقطع .. أسال الله تعالى أن يمن عليك بالشفاء . آمين http://www.youtube.com/watch?v=JOdQLHeIROo&feature=player_detailpage

السلام عليكم و رحمة الله و بركاته أي كلام أوقات كتير مبينفعشي يتقال و مبينفعشي يتكتب حقيقي نفسي احضنك...و اقولك دعاء الرسول صلي الله عليه وسلم اللهم إني لا أسألك رد القضاء و لكني أسألك اللطف فيه و انتي بتقوليه فوضي قلبك و كل جوارحك في كلمة اللطف حسيها اوي ادعي بيها في كل وقتك و انتي صاحية و انتي بتصلي و انتي لوحدك و انتي ماشية في الشارع انتي خايفة ده طبيعي جدا و قلقانة برضه ده طبيعي جدا بس انتي مش لوحدك يا ذهبية مش هقولك احنا معاكي و اهلك و اصحابك لا كل دول مش هيجوا حاجة جنب لطف رب العالمين ...مش هيجيوا حاجة جنب رحمة رب الناس عايزاكي تاخدي الموضوع ده انه سلمة ربنا بيرقيكي بيها ايوة يا ذهبية علشان سبحانه اصفاكي...انتي بالذات اوقات كتير هيجي في عقلك مليون سؤال طب ليه انا طب هو انا عملت حاجة وحشة طب انت زعلان مني يا رب ده برضه طبيعي بس صدقيني هتحسي براحة اكتر لما تحسي ان ربنا رحيم اوي....فوق ما اي عقل حد فينا يتخيل الموقف صعب و انتي مخضوضة و في قلبك مليون سؤال ارميهم كلهم عند ربنا صلي كتير اوي و ادعيه من قلبك اوي كلمي ربنا يا ذهبية و انتي لوحدك..قوليله انتي خايفة...انتي ضعيفة...انتي مش عارفة الموضوع هيروح علي فين قوليله انتي عايزة ايه بالظبط احكي احكي ادعي اتشعلقي في حباله اوي صدقيني مش هيردك ابدا و زي ما قولتي الموضوع جالك و لا ع البال و لا ع الخاطر صدقيني ربنا برحمته و لطفه و كرمه هيقومك منه من غير ما تشيلي اي هم صدقيني صدقي قلب مر بنفس التجربة من 3 سنين بالظبط في اقرب الناس ليه 3 سنين و انا مش شايفة حاجة قدامي غير وساوس و قلق و دكاترة و الحاجة الوحيدة اللي بتخليني اكون علي قيد الحياة هي اني اتكلم مع ربنا ضدقيني لا كلام الدكاترة....فاشوش...مش علشان هو غلط...لا علشان هو بيديكي الحقيقة المجردة....هو مالوش دعوة بقي انتي ست مؤمنة و لا لا...هو بيديكي اللي يقدر عليه ساعتها قالي....خلاص معانا كذا و ال "كذا بتاعته دي طلعت اكبر غلط طبي في التاريخ انا مش هعيشك علي حلم يا ذهبية و لا انا هقولك كلام طبطبة انا بقولك تجربة حقيقية من شحم و لحم و بني آدمين...و معجزة اتحققت و هتتحقق باذن الله معاكي خلي قلبك مع ربنا اوي و متاكدة انك راح تيجي و تقولي كان عندك حق يا ريهام مش علشان انا فعلا متأكدة....و لا علشان انا عارفاكي آد ايه قلبك مهما قولتي انه ضعيف...بس لا فيه حتة فيه منورة بتبان وقت الشدة و دي انا متأكدة منها اوي بس علشان أنا ثقتي برب العالمين فوق ما تتخيلي مش هيخذلك يا ذهبية مش هيخذلك حبيه بقلبك و كلميه بقلبك و اتشعلقي بالرجاء بقلبك دي درجة محبة دي درجة ارتقاء و راح ترجعي منها مولود جديد...صدقيني هتطمن عليكي باذن الله و يا رب يكون رقمك القديم زي ما هو في امان الله مؤقت علشان انتي هتيجي تاني و تحكيلنا...الولادة الجديدة لروحك...باذن الله ربنا يعافيكي و يعفو عنك و يمهد ليكي كل سبب للشفاء و الصبر....و يكون باذن الله الصبر اللي ربنا قال عليه في كتابه.."صبرا جميلا" مستنياكي

اسال الله العظيم رب العرش العظيم ان يشفيكى اسال الله العظيم رب العرش العظيم ان يشفيكى اسال الله العظيم رب العرش العظيم ان يشفيكى اسال الله العظيم رب العرش العظيم ان يشفيكى اسال الله العظيم رب العرش العظيم ان يشفيكى اسال الله العظيم رب العرش العظيم ان يشفيكى اسال الله العظيم رب العرش العظيم ان يشفيكى اخت ذهبية حزنت كثير لسماع كلامك ولكن لا تحزنى فالله معك ودعواتنا الى الله ان يشفيكى وانت عارفة ان ربنا وحده هو القادر على رفع الكرب ورحمته وسعت كل شئ ربنا يشفيكى ويصبرك ويقومك بالسلامة ويبعد عنك اى شر او مكروه ويحفظك لولادك يارب تتمتعي بصحتك اعمار طويلة وازمنة مديدة وترجعى لولادك وبيتك فى اكمل صحة وراحة بال العلم تقدم والطب تطور وهذه الامراض بقت من السهولة عالطب انه يعالجها بفضل ربنا ولا تقيسى على حالات فى زمن مضى فلكل حالة اسلوبها فى التعامل وظروفها فى العلاج وباذن الله الوقت الحالى ايسر فيما سبق واسهل باذن الله واعلمى ان كل اخوانك واخواتك هنا فى المحاورات معاكى ولو تحتاجى اى شئ محدش هيتاخر عليكى تمنايتى لكى بالشفاء وفى انتظار انك تطمنينا عليكى فى اقرب وقت باذن الله

لأول مره منذ انضمامي للمنتدى ينتابني هذا الشعور باليأس وأقول " مافيش فايد " ليه يا جماعة؟ احنا بنطلب المستحيل ؟!!!! هل لما نقول : ايها الزملاء الافاضل الجدد مرحباً بكم وانتم علي عيننا وراسنا حتى لو عملت زي ناس كتير ورميت موضوع وسألت سؤال ثم عرفت الاجابة ومشيت بدون عودة .. فنحمد الله انك وجدت المساعدة والاجاب الشافية الوافية لدينا ... فلما نقول لك لو سمحت من فضلك قبل ان تسأل سؤال .. خد من وقتك دقائق واقرأ لك موضوعين تلاتة في باب المغتربين او استخدم خاصية البحث الموجود بأعلى شاشة المنتدى على اليسار واكتب مثلاً " تغيير المهن " او " الاستقدام " وهاتلاقي سيل من الموضوعات والمعلومات المفيدة لكن لا حياة لمن تنادي .... ومازال السؤال يتردد : هو احنا ليه بيصنفونا على اننا عالم ثالث ومش متقدمين وناس ما عندهاش اي منهج علمي لا في التفكير ولا في حل المشكلات ؟ سؤال غريب مش كده يا جماعة والله الواحد نفسه انسدت واعتقد ده شعور الناس اصحاب الخبرة الموجودين هنا وهم كُثر ... فحرام تكون لسه كاتب في موضوع ومضيع وقتك عشان تساعد حد في موضوع ما .. ومافيش دقايق الا وينضم الينا زميل جديد ليسأل نفس السؤال بنفس الصيغة .. بل إن حالته تتطابق تماماً مع الحال اللي تناولها الموضوع الليل وُضع من دقائق ... فمرة اخرى ورجاء اخير : اذا كنت عايز حد يساعدك ..فساعد نفسك اولاً .. واتعب شويه في البحث عن المعلومة .. واذا لم تجدها .. فنسأل الله ان يُعيننا على مساعدتك على قدر ما نستطيع .