لوحة القادة

بناءا على شهادات ناس ليس لهم مصلحة مع طرف على حساب طرف آخر ، فالمطلوب هو الأخذ بشدة عن السئولين عن تحريك تلك الجماهير للتظاهر واستخدام العنف. لايوجد مبرر للمتظاهرين لإستخدام العنف ضد قوات الأمن حتى لو إستخدمت قوات الأمن العنف ضدهم. يوجد مظاهرات في أكثر من مدينة أمريكية وأكبرها في وولستريت ، ولايوجد مايسمى عنف من قبل المتظاهرين على الرغم من قيام قوات الأمن باستخدام العنف للقبض على من يقوم بتعطيل الطرق أو التعدي على الآخرين. ماحدث في ماسبيرو من قبل المتظاهرين ليس له أي مبرر من الأساس ، مشكلة أسوان يحلها أهل أسوان عن طريق القانون والقضاء ولو مسيحيو القاهرة أرادوا المساعدة فليساعدوهم بتشكيل لجنة قانونية ترفع الأمر للقضاء. ماحدث بالأمس لايمكن بحال اعتباره حالة تظاهر ، بل بلطجة ، هناك من الروؤس المسيحية من يجب محاسبتهم ومؤاخذتهم على هذا الحشد.

الانبا هيدرا اسقف اسوان 1- المبنى اصلاً مخالف 2- لم يعتدى احد من المسلمين على المبنى 3- لم يصب مسيحى واحد بأى اذى http://www.youtube.com/watch?v=A5Di8j8wC44 تم اضافتة للموضوع لكشف التزيف الاعلامي والحكايات الخرافية التى يذيعها بعض الاعلاميين عن هدم كنائس واحداث لاتعدوا ان تكون محض خيال

بدون مواراة .. ولا مجاملات .. ولا تحامل على طرف دون طرف آخر الظاهر أن هناك متطرفون مسلمون ومسيحيون ... يشعلون الفتنة أشخاص متطرفون قاموا بهدم كنيسة او كنائس ... لا يوجد لهم أي حق في فعل هذا مهما كان ومتطرفون مسيحيون .. يحاولون استغلال الموقف للصراخ بمطالبهم ... وتسخين المناخ لدرجة كبيرة ومستفزة .. حكومة غريبة جداً ... تأخذ مواقف سلبية بدون مبرر .. غياب للشفافية .. غياب للعدل ... غياب للواقعية .. غياب للحق في مصر حقيقة أخرى .. هناك من اعتدى على الجيش أمام ماسبيرو .. رد الجيش كان عنيفاً ... فهي ليست قوات شرطة وأمن مركزي .. يمكن أن يتم هزيمتهم .. ثم ينزل الجيش لتستقيم الأوضاع ويحفظ الأمن إذا تم الإعتداء على الجيش فلا يوجد أي خطوط بعد ذلك .... حتى ولو كان رد الفعل غير مساو للفعل .. إلا أن ما حدث كان سيحدث في أي حالة يتم فيها الإعتداء على الجيش ... وممتلكاته .. وهيبته أي كلام تاني ممكن يقال .. هو في إطار من عدم المصارحة وعدم كشف الحقائق .. ومجاملات مش حتحل ولا حتربط ... كما رأينا شخص سلفي يحرض على الإعتداء على الكنائس في امبابة .. وتم الإبلاغ عنه .. وتم اعتقاله ... شاهدنا ورأينا وسمعنا .. قساوسة وشباب ورجال مسيحيون يهتفون هتافات عدائية أيضاً ,,, ويحرضون .. ويعتدون على المسلمين .. ورأيناهم يعتدون على رجال الجيش .... هناك خطأ حدث من مواطنين مصريين .. قاموا بالإعتداء على الجيش ... بغض النظر عن ديانتهم ... هذه حقيقة ... وقد أقرت بذلك الكنيسة بالأمس ... وأسموه أن عناصر أخرى دخلت وسطهم ... وأثارت الشغب هل كان هناك شغب مساء 9 أكتوبر تجاه الجيش نعم .. كان هناك شغب ورد الجيش على هذا الشغب .. بما لديه من أسلحة ... وأسلحة الجيش .. فتاكة كما نعلم .. ليس لديهم رصاص مطاطي .. ولا خراطيم مياه كل ما لديهم هو أسلحة فتاكة ومدرعات ومدافع قاتلة السؤال الذي لا يجد إجابة .. أين كانت الشرطة في موعد وموقع المظاهرات المعد لها سلفاً .. والمعلن عنها أين كانوا وكانوا قد رصدوا المسيرة من شبرا إلى التليفزيون .. ورصدوا سخونة الموقف .. واشتعاله خصوصاً بعد حدوث عدة إشتباكات على الطريق .... في رأيي .. لم يخطئ الجيش بردة فعله القوية جداً .. جداً ... والقاتلة ... تجاه الإعتداء عليه ولكن أرى أن جميع الأطراف الأخرى قد أخطأت أخطاء جسيمة لا تغتفر .. إن هناك فئات من المصريين .. يزايدون .. ويتاجرون بالثورة .. وبحلم المصريين في التغيير والنهضة .. لأجل أن يحققوا مكاسب لهم .. أو لطوائفهم .. أتحدث هنا عن المصريين .. سواء كانوا مسلمين أو مسيحيين .. سواء كانوا أحزاب سياسية قديمة أو جديدة .. او حتى جماعات سياسية أو جمعيات أهلية .. أو حتى محامون يبحثون عن شهرة .. الكل يبحث عن موطأ قدم .. في اليغمة المصرية ... الثورة المصرية

وأنا كمان آسف ياأخواني مسيحيي مصر وعزائي لأهالي كل الضحايا فهم كلهم مصريين مش آسف لأني غلطت في حق أي واحد منكم ، لانكم إخواتي وأحبائي أنا آسف أن أنضحك عليكم أنضحك عليكم مرتين مرة من النظام اللي مش قادر يأخذ قرار بترك تراخيص بناء دور العبادة للإدارت الهندسية والفنية فقط ومش قادر يضرب بأيد من حديد على ايادي اللي بيتعرضوا لبناء كنيسة ومرة أنكم أنضحك عليكم من بعض القساوسة ورجال الكنيسة المتطرفين اللي عيشوكوا منفصلين عن مصر وصوروا لكم أنكم طائفة داخل مصر وهم اللي حايشوفوا مصالحكوا ، ضحكوا عليكوا لما فهموكوا أن مشكلة الماريناب محتاجة مظاهرات واعتصامات مسيحيي مصر في كل أرجاء المعمورة. أنا آسف وحزين لوقوع قتلي من المسيحيين أو من الجيش ، وحزين لكل جريح من المسيحيين أو من الجيش ، وحزين أن ناس من المسيحيين ولعوا في سيارات الجيش وكسروا ممتلكات مواطنين مايعرفوهمش. زعلان عليكم انكم إنضحك عليكم من متطرفي الكنيسة اللي عايزين يعلوا على أكتافكم وعلى جثث الغلابة منكم. لو كان متطرفوكم يريدون فعلا أن يساووا بينكم وبين إخوتكم في الوطن كانوا اتصرفوا بشكل مختلف ، أمامهم المحاكم والقضاء وامامهم المحكمة الدستورية ، ولو كل دول لم ينصفوهم امامهم المحكمة الدولية ، لكن يحطوكوا في مواجهة مع الجيش والشرطة ويحرضوكوا على إستخدام العنف ضدهم ، فده له اسم واحد ، هو انهم متآمرون عليكم وعلى مصر. مش عايز مسيحي واحد يزعل من كلامي ، أنا كنت ومازلت أنتقد بل وأهاجم السلفيين والمتطرفين من المسلمين الذين يدعون إلى الفرقة ، والآن جاء الدور على متطرفيكم أن يتم انتقادهم. مصر بتاعتنا كلنا ، وعيب ان نصنف المصريين إلى فئات تبع عقيدتهم ، عيب قوي لم كل واحد يسأل التاني انت ايه ويقصد الديانة. نفسي اللي يتسأل منكم انت ايه يرد ويقول انا مصري ، مش قبطي ، وبدلا من أن يقوم القسيس أو الراهب بترديد ارفع رأسك فوق انت قبطي ، كان المفروض يكون أكثر تعقلا ويقول انت مصري. ياريت ماتسمحوش للمتطرفين يخلوكوا عنصريين ، كونوا مصريين فقط ، ولما تحصل مشكلة في اسيوط سيبوا اهل اسيوط يحلوها ، ولما تحصل مسكلة في اطفيح سيبوا أهل أطفيح يحلوها ، لو فقراء ساعدوهم بالمحامين ، لكن ماتطلعوش تتظاهروا علشانهم لانهم مصريين زيكوا بالضبط واطلبوا من اخوانكم المسلمين يساعدوكوا على مساعدتهم بالقانون برضه وليس بالتقوقع داخل الكنيسة أو في الإحتماء بعباءة البابا. دي نصحية من أخ ليكم له أصحاب كثير مسيحيين وله جيران مسيحيين وعارف هو بيتكلم على ايه لاننا بنتناقش بصراحة وبدون لف ودوران.

في 11 يولية 1882 حدثت مشاجرة بين مواطن مصري ومواطن مالطي بالاسكندرية وكان على اثرها حدوث مشاجرة بين الاجانب والمصريين ادت الى مذبحة للاجانب على يد المصريين وترتب على ذلك نزوح عدد كبير من الاجانب بركوب الاسطول البريطاني الذي كان محاصرا للاسكندرية في هذا الوقت ثم قيام الاسطول البريطاني بدك حصون الاسكندرية وكانت حجتهم هي حماية الاقليات وممتلكاتهم وكان لعدم صمود دفاعات المدينة بقيادة احمد عرابي اكبر الاثر في التعجيل بالهزيمة واحتلال مصر الذي دام سبعين عاما وكان عرابي يراهن على ان الانجليز لا يمكن لهم ان تطأ ارجلهم مدينة الاسكندرية ولا قبل لهم بالحرب البرية وكان ايضا يظن ان جيشه لديه المقدرة على دحر ثلاثة جيوش مثل الجيش ابريطاني ارى ان التاريخ يعيد نفسه ولا نتعلم منه نفس الكلام ونفس التصريحات على لسان كلينتون ونفس الغطرسة والتعالي والتفاخر بقوتنا التي لا تقهر افيقوا وتعلموا من الماضي وخذوا الموعظة والتذكرة وحلوا مشاكلكم قبل ان يحدث معنا مثل ما حدث ابان عرابي وساعتها لن ينفع الندم واقول للمسيحيين هل تكرار نفس السيناريو هو الذي سيرضيكم وساعتها ستغمض عيونكم وتبنوا كنائسكم وتنعموا بالامن والامان واقول للمسلمين هل ترون ان هدم كنيسة حتى ولو كانت بغير ترخيص هو الذي سينصر دينكم وعلى من؟ على اخوانكم وبني وطنكم كنت قد قررت ان لا اشارك في هذا الموضوع او اي موضوعات تثير الفتنة الطائفية لكنني لم اتمالك نفسي اكثر من هذا

هناك ضحايا من الجنود أيضا تم الإعتداء عليهم من قبل المتظاهرين http://www.youtube.com/watch?v=tSW43ScK3mw&feature=player_detailpage لماذا هاجم المتظاهرون جنود الجيش وقاموا بإلقاء الحجارة علي رؤوسهم ؟؟ لماذا اعتدوا عليهم بالعصي والصلبان ؟؟ لماذا أحرقوا سيارات جيش وسيارات خاصة ؟؟ لماذا لم يقاوم جنود الجيش المعتدي عليهم ويردوا علي المتظاهرين ؟؟ هناك ضحايا من الجيش أيضا وهم أيضا مصريين أنا آسفة يا جنود الجيش عزائي لأهالي المتوفين من المتظاهرين ومن جنود الجيش لا حول ولا قوة إلا بالله

هااااااا ايه رايكم انفع اشتغل المفتش كرومبو مش كدا smk: smk:

الحمد الله فى السراء والضراء الحمد الله على نعمتة و فضلةى علينا فى خيرة و شرة يجزع الانسان كثيرا عندما يمسة ضراا او شراا لا يعرف انها نعمة كبيرة لتقف مع نفسك قبل ان تاخذك الدنيا عن حقيقة وجودك فيها و هى عبادة الله تلهينا حياتنا و طموحنا و احلامنا و اطفلنا و اسرتنا و ننسى فى خضم ما نحن فية ان الله هو ملاذنا وهو من نرجع الية سوف نقف امامة بلا سند و لا عيلة و لا مال و جاة و لا سلطان و لا ذرية: تذكرت الاية الكريمة بسم الله الرحمن الرحيم ‏(يَوْمَ لا يَنفَعُ مَالٌ وَلا بَنُونَ إِلا مَنْ أَتَى اللَّهَ بِقَلْبٍ سَلِيمٍ لحظتين لن انساهم ما حييت وقت ان استدعيت لعمل اشعة الرنين وطلبت ان ادخل وحدى دون زوجى وقت دخولى غرفة العمليات وحدى و تركت كل اهلى و زوجى و اولادى خلفى ومشيت الى غرفة العمليات وحدى وقتها فقط تذكرت لحظة حساب الانسان وهو يقف امام الله وحيدااااا مهما بلغ سلطانك و مالك و ذريتك و نسبك سوف تقف امام الله وحدك بعملك ولن ينفعك احد لم يتبقى معى الا ما حفظت من ايات الله ارددها وانا فزعة عما سوف الاقية وانا ارى الدكاترة والممرضات تروح و تيجى امامى و نور العمليات ينير باشعتة القوية و الحقنة تالمنى من شدة قوتها غبت عن الوعى اكثر من اربع ساعات حسب ما قالوا بعدها فقت من البنج لاسمع اصوات اهلى حولى و زوجى و الدكتور يجيب لهم على اسئلة كثيرة اسمعهم لكن لا اعرف ان ارد عليهم اسمع ما يحدث لكنى لا استطيع ان احرك راسى او اتكلم واحسست انى عائدة من عالم اخر لا اعرفة و ظللت فترة طويلة الى ان افقت ووعيت ما حولى اول سؤال ورد على لسانى نتيجة العينة اية ردوا قالوا الحمد الله حميد حاولت ان اقوم لم اعرف شوفت الدنيا مشقلبة و تدور حولى ارى الصور اتين ودايخة عرفت انة من تاثير البنج خاصة انى ظللت فترة طويلة تتجاوز الاربع ساعات ظللت اول يوم فى المستشفى و تانى يوم خرجت الى منزلى لن اخوض فى الالم بعد العملية لكن كل ما احب ان اقولة ان الحمد الله الان احسن الم محتمل اعرف انة سوف ياخدوقتة تحت اشراف الدكتور الذى سوف اتابع معة لفترة طويلة لان حسب ما طلع فى التقرير ان حميد لكنة نشط ومحتاج متباعة قريبة اشكر كل من سال عنى اخص بالذكر هند على لونا و داموا و ام زياد ريهام نور العين خايفة انسى حد اشكركم كلكم ادعوكم و انا قبلكم ان لا تنسينا الدنيا عن الاخرة و ان نتصدق عن صحتنا و اموالناواولادنا ونعم الله التى بين ايدنا لا نعرف قيمتها الا ان نمتحن فيها

بقلم محمد أمين ١٠/ ١٠/ ٢٠١١ رهان «البرادعى».... ورهان الأحزاب لم يكفر الدكتور محمد البرادعى حين انتقد أداء الأحزاب، ولم يكفر حين رأى أنهم يتصرفون بطريقة صغيرة، لا تليق بأحزاب ثورة.. ولم يكفر حين قال إن الأحزاب فقدت مصداقيتها.. فقد انبرت هذه الأحزاب لترد على «البرادعى» بقولها: فقدت مصداقيتك، ولا تمتلك صك ثقة الشعب (!).. السؤال: هل الأحزاب التى يعنيها «البرادعى» تمثل الشعب، حتى تتحدث باسمه؟! المثير للانتباه أن «البرادعى» منذ بدأ تحركاته السياسية للتغيير، لم يعتمد على الأحزاب القائمة، ومع ذلك نجحت تحركاته واندلعت الثورة.. فقد كان «البرادعى» يراهن على الشباب، ونجح رهانه.. وتجنب الأحزاب وكان عنده بعد نظر.. والسبب بسيط فمازالت هذه الأحزاب تتحرك بحسابات.. أما الشباب فقد كانوا يتحركون وفى حساباتهم الوطن فقط، فقامت الثورة! الفارق كبير بين حسابات الأحزاب وحسابات الشباب.. وكان البرادعى مع الشباب بلا حسابات.. لم يضع فى اعتباره أى مكاسب.. كان فقط يلعب على تغيير الوطن، وإن كانت الخسائر تنتظره.. ورفض الانضمام لأى حزب.. وقال إنه سيرشح نفسه للرئاسة.. ضحكت الأحزاب وقالوا مجنون.. ولم ينضم إلى حزب ولم يناور.. ومازال يتصرف بالنقاء نفسه.. لا يهمه منصب بقدر ما يهمه التغيير! كنت أندهش من طريقة الرجل.. كيف يرشح نفسه للرئاسة ويخاصم الأحزاب ويتهمها؟.. ظللت أراقب خطابه فربما يتغير.. لم يفعل، وكان موقفه ثابتاً.. إنها أحزاب بلا مصداقية، وإنها أحزاب كرتونية.. فمتى تلعب سياسة يا عم يا برادعى؟.. متى تنافقهم لتكسب أصواتهم؟.. متى تغير الخطاب السياسى لتغريهم بأن يكونوا «أتباعك»؟.. هم يريدون أن يكونوا أتباعاً لأى أحد (!).. لكنه أبى تغيير الخطاب! وارتضى «البرادعى» أن يتحمل الهجوم الضارى.. واختار أن يدخل معهم فى معركة.. لا يطمئن إليهم، ويشكك فى مصداقيتهم، ويعرف أنهم يتبعون من يركب.. سألت نفسى: فكيف يخوض انتخابات الرئاسة، وهو يخسر أصوات الأحزاب؟.. ودون أن أسأله قلت: هذه الأحزاب لا تمثل الشعب.. فقد كانت تمثل نفسها فقط، وسقطت مصر.. الشعب الحقيقى خارج الأحزاب، وهو ما يراهن عليه «البرادعى»! ولو راهن «البرادعى» على الأحزاب، ما حدث تغيير.. ولو راهن على قياداتها، ما قامت الثورة.. فقد كانوا يضحكون ويسخرون منه فى مجالسهم المسائية مع جمال مبارك وشلته.. ولو راهن عليهم ما تجرأ أحدهم على ضمه فى هيئته العليا.. ولو راهن عليهم، لكان جمال مبارك اليوم رئيساً للجمهورية.. لكنه راهن على الشباب، الذين خاضوا المعركة بصدور عارية، وأسقطوا نظام مبارك! فلا أستغرب أن موقف «البرادعى» من الأحزاب لم يتغير.. لأنه يعرفهم، ولأنه يعرف أنهم يبحثون عمن ينافقونه.. كما يعرف أنهم جاهزون للتوقيع على بياض لمن يشترى.. وهنا عرفت الإجابة لتجنبهم والابتعاد عنهم، مع أنه يخوض انتخابات الرئاسة.. فهم بلا وزن فى الشارع.. ولا وزن لهم فى انتخابات الرئاسة.. فالوزن الحقيقى للشعب الذى قام بالثورة! لا «البرادعى» فى حاجة إلى شهادة الأحزاب.. ولا هو يسعى إلى سلطة ولا مقعد الرئاسة.. وكثيراً ما قال إنه مستعد لخدمة مصر فقط، ولو كان على حساب المنصب الرئاسى الرفيع.. وربما كان هذا الزهد هو السبب فى عدم اللعب على أحبال النظام البائد، ولا أحبال المجلس العسكرى، ولا أحبال الأحزاب.. فهى أصنام لا تضر ولا تنفع.. كانوا نفعوا نفسهم.. على حزب وداد قلبى يا بوى

سؤال وجية جدا جدا جدا يا سلام عليك الناس مهمومة وحزينة ومتقطعة وانت بتدور على الستات فى المظاهرة لا يا حبيبى روح المستشفى وانت تشوف الستات والبنات جرالها اية ولو شفت البنت اللى العسكرى ضربها بضهر البندقية فى ظهرها كسرلها 5 فقرات روح بنفسك المستشفى بدل ما انت حاطط رجل على رجل وبتتريق على خلق اللة

السبب هو التطرف وعدم تطبيق القانون

ما حدث في رايي هو محاولة أخرى من محاولات "الثورة المضادة" لوقف مسار الديمقراطية في مصر ، ويشترك فيها من لهم مصالح من الكنيسة لا ننسى أن الكنيسة المصرية كانت تراهن على مشروع التوريث علنا ، وتأييد جمال مبارك وريثا للسلطة بشكل واضح وحاسم وصريح ، وكان كلام البابا شنودة نفسه واضحا وقاطعا، وللأمانة حاول بعض الأقباط مراجعة البابا على هذا الكلام ولكنه أصر على كلامه وقال قولته الشهيرة "هاتولي راجل آخر في مصر غير جمال يصلح لرئاسة الدولة ، نحن نثق في جمال" ، وبالتالي عندما أسقطت ثورة يناير مشروع التوريث فقد أسقطت معه رهان الكنيسة المصرية السياسي - لذلك نرى كنا نرى كل فترة احداث غريبة عن حرق كنيسة هنا أو هناك في مسألة لم يعهدها المصريون من قبل إلا نادرا وهنا لابد ان نرتاب فيمن وراء هذه الأحداث والاحتمالات كلها تظل واردة - ومع خيبة الامل هذه ومع الاعلان اخيرا عن بداية الانتخابات البرلمانية يبدو ان هذا أغضب بعض رجال الكنيسة ، وبالتالي ساهموا في تحريض البسطاء من المسيحين في استغلال واضح لهم...ورأينا هذا وسمعنها..والمواطن العادي معذور عندما يجد كنيسة تحرق فلا يمكن للجميع ان يفكر في ان هذه الاحداث وراءها ما وراءها..ولكنها كانت غلطة كبيرة...لأن هذه اول مرة نرى فيها مظاهرة تخرج وتحتك بالجيش وحتى لو كانت سلمية في البداية فكان يجب..الحذر او حماية هذه التظاهرة من الفلول والمستفيدين الذين انتهزوا وجود الفتيل..فأشعلوا الموقف وبعدها سنبدأ نسمع نغمة...اكيدة ان البلد الان غير جاهزة للانتخابات...

فى الحقيقية أنا لم أستطع فهم المقصود منها بدقة ياليت من فهم المقصود منها من الاخوة الزملاء يتفضل مشكورا بالتوضيح لي يقصد الشاعر عبد الرحمن أن الكثير ممن يتهمون اليوم بالتمويل والعمالة والأجندات هم اكثر حبا لمصر وهم سوف يتركوا الوطن للآخر في سبيل أن يحيا الوطن ولا يتمزق كانوا إسلاميين ليبراليين عالمنيين .. المهم لا تمزق الوطن ولا يموت في ولا يتفرق دمه بين المتجازبين. ويقصد أن الكثير ممن قدموا أرواحهم اليوم هم من سعلقون على المشانق غدا بتهمة إشعال الموقف لأغراض الإستيلاء على السلطة أو أخذ نصيب من الكعكة ، وبتهم أخرى ولكنهم هم سيكونوا أول من تقطع رقابهم

السلام عليكم ورحمة الله وبركاته اخواني واخواتي .. اهل الكنانة .. تحية اليكم اكتب موضوعي هذا وانا خارج للتو من معمعة خانقة بأحد المنتديات السعودية التي اكتب بها .. منتدياتنا التي يسيطر فيها موضوع الساعة .. احداث منطقة العوامية لدينا والوضع المؤلم هناك من سقوط ضحايا مواجهات بين مجموعة شيعية رفعت السلاح للاسف ومجموعة من رجال الامن سقط فيها عدد من الضحايا من الطرفين الصراخ يعلو هنا وهناك .. والمتعصبين من الفريقين موجودين .. حاولت تهدئة الجو .. فقال لي احد الطائفيين : لم تكف يوما عن ضرب الامثلة في التعايش المثالي بمصر بين المسيحين والمسلمين .. والذي تطالبنا دوما بأن نتعلم منه فعن اي تعايش تتحدث .. واي سلام هذا ..؟؟ الم ترى ماسبيرو ... ؟؟ الم ترى الدهس والذبح .. ؟؟ اعداء الثورة ايضاهناك .. قالوا لي اهذه الثورة المصرية التي ظللت تباركها وتطبل لها ؟؟ انظر ماذا يفعلون وماذا يقولون هل هذه الثورة التي لم تكف انت وفريقك عن تمجيدها .. ؟؟ قلت لهم بهدوء نعم .. ما حصل في ماسبيرو حدث جلل بحق ولكن الرغبة الحقيقية في التعايش السلمي بين الطرفين ... اكبر واهم من كل ما يحدث وسوف يحدث لا تقلقوا من الانقسامات .. لطالما مرت بمصر محن اكبر وصمدت وهذه القضية ستنتهي ايضا ان عاجلا واجلا و مقابل كل مشكلة بين مسلم ومسيحي هناك الف مثال ناصع البياض على التعايش .. فهم جيران .. و زملاء .. و اصدقاء .. وشركاء مقابل كل متشنج و طائفي من الفريقين هناك عشرات من دعاة التسامح و تفعيل المشاركة مقابل كل عقبة تقف امام الثورة .. هناك الف درس يتم استخلاصه .. وحكمة يتم تعلمها متفائل رغم كل ما يحدث .. و يوما بعد يوم لن يزيد الوضع احتقان .. بل سيتم تعلم المزيد من الدروس و سيعرف المصريين من هم المحرضين على ثورتهم ومن هم اعدائهم الحقيقيين ولكل درس ثمن ... والثمن باهظ للاسف في هذه النقطة هذا ما قلته لهم هناك .. وسرني ان اجد الكثير قد اتفقوا معي بشأن ما حصل في ماسبيرو .. وان اجد بعض المنصفين قد قالوا ان المصريين بالذات قد قدموا امثلة ناصعة البياض في التعايش السلمي على مدى سنوات وان ما حدث .. رغم قسوته .. لن يخدش الصورة الجميلة .. للتعايش وللثورة .. ولن يشوه معنى المواطنة المصرية عزائنا لاهالي الضحايا من الطرفين .. من المسيحين ومن الجنود ولن تخيبوا ثقتنا في سرعة التئام الجرح بإذن الله .. وفي مواصلة تحقيق اهداف الثورة واوعوا تقولوا .. الثورة ماتت تذكروا دائما الحكمة الشهيرة .. الضربة التي لا تقتلني .. فهي ستزيدني قوة فلا تسمحوا للضربة في ماسبيرو ان تقتل ثورتكم .. او تقتل التعايش السلمي الجميل بينكم .. بل اجعلوها تزيدكم قوة .. ورغبة في انهاء وحل كل مشكلات التطرف و الطائفية اجعلوها تنبأكم عن مكان الخلل بالضبط في المعالجة لمثل هذه الملفات .. سدوا كل منافذ الشحن الطائفي واضربوا بيد من حديد على من يثبت عليه التحريض من الطرفين ستتمكنون من تجاوز هذه المشكلة .. ومن تجاوز اشكاليات اخرى كثر .. طالما ابتعدتم عن التشنج التشنج في الطرح .. والاستعجال احيانا في قطف الثمر .. قد يدمر الكثير من الجهود لا اخشى على مصر لا من انقسامات ولا تدخلات .. وكلي ثقة انكم قدها وقدود فأرجوكم ما تكسفونيش او بالسعودي تكفون لا تفشلوني وتقبلوا تحياتي

يا سيدى الفاضل ربنا يزيدك من نعيمه و يديك كمان وكمان و متحتاجش لا أعانه ولا غيره و تدى الكنديين تبرعات كمان بس ده مش معناه ان اللى بيفكر فى الاعانه ده انسان مش كويس او يثير الاشمئزاز او التريقة او مبوظ شكل مصر بره بس ممكن الانسان المثير للاشمئزاز ده يكون عنده ظروف خاصة حضرتك متعرفهاش أو يكون معتمد على الإعانه كخطه بديلة لحد ماربنا يوفقه فى شغلانه .... الناس اللى هنا كلها ناس محترمة و محدش رايح يخطط ازاى ياخد اكبر قدر من المعونة و هو نايم فى بيتهم و لعلم حضرتك ان اللى بيشتغل اى شغلانه مهما كانت بيكون دخلها احسن من المعونه لكن كل واحد عنده ظروف و ياريت حضرتك متحكمش على حد او تتريق على حد ...فى هنا ناس محترمة جدا باعت اللى وراها و اللى قدامها عشان تهرب من المرار الطافح اللى هى عايشاه هنا وطبيعى يعتمد بقدر كبير على معونه تساعده لحد ما يقف على حيله هناك و يكون فى علم حضرتك ان كندا مش بتديك معونه كده لله فى لله بالعكس ده هما اخدو منك قصادها دم قلبك فى مصاريف الهجره و خلوك تصرف تحويشة عمرك فى ال 3 شهور الاولانيين (متقنعنيش انهم بياخدو 3 شهور يعنى عشان يلحقو يعملولك اوراقك ده الرقم القومى عندنا بيخلص فى اسبوع ) كل الوقت ده عشان الدولارات اللى انت جاى بيها تتصرف كلها جوه الاقتصاد الكندى شوف لما الاف المهاجرين يصرفو الاف الدولارات لمدة 3 شهور و احسب اد ايه فلوس داخله الاقتصاد الكندى و فى النهايه بتضطر تقبل بالاشغال اللى الكنديين نفسهم مبيرضوش يشتغلوها و بيجيبو انضف عقول واحسن ناس من العالم عشان يعملو الحاجات دى عشان للأسف البكالوريوس اللى طفحت فيه الدم و الخبره اللى شوفت المرار عشان تاخدها للاسف لا تصلح للعمل فى كندا وانك محتاج كمان الخبرة الكنديه (والا ما تفسيرك لشرط القبول فى اى عمل غير الاعمال الكاجوال هو الخبرة الكنديه ؟ ) يبقى حضرتك وانا معاك تاخدلك كام شهر كده تخدم فيهم و تشتغل الشغلانات اللى هما مبيرضوش يشتغلوها لحد لما ربنا ينفخ فى صورتك و تخلص معادلتك او كورساتك او دراستك و تبدأ تشوفلك شغلانه محترمة يكون عدى عليك 6 شهور او سنه او اكتر ساعتها يكون جه مهاجرين جداد واستلمو منك راية الكفاح لخدمة اهل كندا المحروسين اللى مش بيوسخو ايديهم ولا هدومهم بالشغل اللى بيعملو المهاجرين الجدد من امثالنا طبعا حضرتك مش هتعمل زينا و هتصرف من الفلوس اللى معاك و تصرف فلوسك عليهم يا إما هتنزل تشتغل معانا لحد متخلص دراستك او معادلتك ايا كانت و ابقى قول ساعتها بقى بناقص من المعونه ربنا يباركلنا فى الشغل الكاجوال اللى يهد الحيل اللى هيخليك ترجع اخر النهار مش قادر تفتح كتاب ولا تقرا ورقه واحده سيدى الفاضل المعونه دى اقل حاجه تقدمهالك كندا تقديرا لك انك سيبت بلدك وانت انسان مثقف و متعلم و رحت عندهم و قبلت بشروطهم المجحفه من اول تعليم الفرنساوى و التلطيم على مكاتب الموظفين عشان تخلص اوراقك مرورا ببهدلة السفارة و شهور الانتظار و المكالمات اللى محدش بيعبرك بكلمة ولا معلومة و تنطيط موظفين السفارة عليك وانت بتسأل او تستفسر عن حاجه و نهاية بأن للأسف كل تعليمك و خبرتك اللى اخدتهم غير معترف بيهم و انك لازم تدرس من جديد او تشوف الذل فى امتحانات و معادلات اقل ما توصف بيه انها فعلا صعبة و مرهقة و تشتغلك كام شغلانه كاجوال عشان تاخد بيهم الخبرة الكندية اتمنى من الله الا اراك وانت تطلب الاعانه التى اعلن صراحة انى سأطلبها من أول يوم استطيع الحصول عليها حتى يستقر بى الحال واقدر اقف على رجليا عشان ده اقل حاجه تقدمه لينا كندا على التضحيات اللى عملناها و لسه هنعملها و لو حضرتك مكنتش ضحيت بحاجه فأنا مثلى مثل الكثيرين هنا ضحيت بالكثير و لسه هضحى عشان مستقبل عيالى اللى مش عاوزهم يشوفو اللى انا شوفتو هنا فى مصر . أسف جدا على الإطاله واعتذر لأنى عارف انى كلامى مش هيعجب البعض بس دى للأسف الحقيقة اللى انا شايفها. و برضو هاخد الإعانه هه!!!!!!!! :closedeyes: :P

تروى هذه القصه عن احد اشراف مكه القدماء كان حاضر البديهه ومولعا بالالغاز ودائما ما يمتحن من حوله ويضع جوائز لمن يصلون الى الحلول كان الشريف في احد ايام الشتاء البارده سائرا ومعه مجموعه من تجار البلد فصادف في طريقه ((سقا )) تناثر الماء على ملابسه فاشفق عليه وساله بطريقه غامضه (( ثلاثه وثلاثه وثلاثه الا يكفين عن ثلاثه ؟ )) وكان السقا لماحا فأجاب (( لا ..... ادين دينا وأوفي دينا وارمي في البحر )) فقال الشريف لا تبع برخيص فاجاب السقا لا توصي حريص فلما ذهب السقا قال الشريف لم حوله ما ذا فهمتم ؟ فأجابوه لا شيء فقال الشريف هذا السقا البائس يفهم وانتم في رغد العيش ولا تفهمون شيئا واعطاهم مهله ليجدوا الجواب وتوعدهم بالعقاب ان لم يجدوا الحل . فتفرقوا يبحثون عن السقا ليعطيهم الحل والشريف يعرف بانهم سيلجأون إلى السقا لذلك اوصاه الا يبيع رخيصا لانه يريد منفعته . وفعلا كان من يصل إلى السقا يشتري الحل منه بثمن مجز مشترطا عليه الا يخبر رفاقه . وهكذا كان الشريف سببا في مساعدة السقا الفقير من اموال التجار اما تفسير الكلام الغامض بين الشريف والسقا فإن سؤال الشريف (( ثلاثه وثلاثه وثلاثه الا تكفي عن ثلاثه )) يعني ما تقبضه من مال في ثلاثه اشهر الربيع وثلاثه اشهر الصيف وثلاثه اشهر الخريف الا تكفي عن ثلاثه اشهر الشتاء فترتاح ؟ وكان جواب السقا ادين دينا أي ادين ابنائي بما اقوم به من اجلهم لعلهم إذا كبروا يؤدون الدين أي يصرفوا علي واوفي دين أي ان عندي والدي كبير السن ارعاه واقوم بخدمته واصرف عليه جزاء بما قام به من اجلي وارمي في البحر ويقصد الزوجه وشبهها بالبحر ان طابت العشره تثني عليه وتذكر جميله واذا تغيرت العشره انكرت ما مضى وقالت لم ارى خيرا منك قط وعند قول الشريف لا تبع برخيص يخبره انهم سيأتون اليه لسؤاله عن المعنى ويأمره باستغلالهم في ما ينفعه منقول

كلاكيت .. تانى الحكومة والمجلس يديران فترة انتقالية .. يتم بعدها تسليم الدولة إلى مجلس منتخب ، ورئيس منتخب يديرها زى ما الشعب عاوز .. مش مهمتهم إصلاح ما أفسده مبارك ومن سبقوه فى تلك الفترة المفروض الشعب ده يكون عاوز الفترة الانتقالية تكون أقصر ما يمكن .. لكن اللى بيحصل .. إننا بنلاقى ناس بتقول احنا مش مستعدين ولازم الفترة تطول شوية لغاية ما نستعد زى الناس اللى كانت لابدة فى الدرة ومستعدة .. وبعدين نلاقى نفس الناس يدعون لمليونيات علشان الإسراع فى الانتخابات (خلاص استعديتم يعنى ؟!!!) .. وفى الواقع بيعملوا كل الحركات اللى بتطول الفترة الانتقالية ويتهموا المجلس إنه هو اللى متواطئ ومتباطئ .. يعملوا كل عملة والتانية ويتهموا البلطجية والفلول والدقون ياعم يا بتاع الشماعات .. شوفلنا واحدة متينة تشيل بلاوى كتيرة

و الآن دعونا ننتقل إلى مظاهر الإضطهاد التي تعرض لها الأقباط قبل قدوم الإسلام إلى مصر .. وكيف تغير الحال بعد الفتح الإسلامي بشهادة الأقباط أنفسهم. فى عام 313 ميلادى تحولت الدولة الرومانية التى كانت تحكم مصر الى المسيحية بعد أن أصدر الامبراطور الرومانى قسطنطين (اعلان ميلانو)الذى ينص على ان المسيحية هى الديانة الرسمية فى البلاد. الا أنه بعد ذلك حدث تحول فكرى وعقائدى فى الكنيسة بروما واصبحت الكنيسة الكاثوليكية. الا أن الكنيسة الارثوذكسية فى مصر أصرت على تمسكها بعقائدها التى كانت عليها ورفضت معتقدات الكنيسة الكاثوليكية. فاضطهد الرومان المسيحيين المصريين بسبب رفضهم الولاء للكنيسة الكاثوليكية بروما. وظلت كعقيدة هاربة ومطاردة حتى جاء الإسلام. وهذا كله يؤكد أنه لم تكن هناك دولة مسيحية مصرية ولم يحكم مصر قبطي مصري عبر تاريخها الطويل وإنما كان الذين يحكمونها هم الرومان المستعمرون ،وكان القانون الذي يطبق هو القانون الروماني .. وهكذا فإن الدولة الإسلامية التي أقامها عمرو بن العاص لم تحل محل دولة نصرانية وإنما حلت محل قانون جوستنيان الروماني الذي قتل من القبط في ليلة واحدة في الإسكندرية مائتي ألف... كيف تغير الحال بعد قدوم الإسلام ؟؟ للحديث بقية.. ولمزيد من التفاصيل راجع الروابط : http://www.d1g.com/qna/show/3434754 http://www.shareah.com/index.php?/records/view/action/view/id/1528/

كالعادة حسن شحاتة عملها وفرح المصريين كلهم :happy:

http://www.youtube.com/watch?v=qhFIspmcrQE

الفاضل / Rock ماتراه هي طلقات فشنك لايخرج منها سوى الفرقعة وشوية الضوء اللى انت شوفتهم لانها غير معبئة سوى بشوية بارود ، بدليل انك ماشوفتش واحد وقع على الأرض ، العنف لايقابله رجل الأمن بالورود ، بل بعنف أشد ، ولو أنني لاأرى أي مبرر لاستخدام المركبات في تفريق المتظاهرين ، تفريق المتظاهرين بالمركبات تعتبر جريمة يحاسب عليها كل من أعطى الأوامر باستخدامها بهذا الشكل. والمتظاهرين مخطأون عندما لايمتثلون لأوامر قوات الأمن وأظنط رأيت مظاهرات في أماكن أخرى من العالم لايحدث فيها قطع طرق ويلتزم فيها المتظاهرون بتعليمات الأمن ، ومن يخرج عن ذلك يتم طرحه أرضا والقبض عليه وسحبه من وسط المتظاهرين الذين لايتدخل أحدهم للدفاع عنه. ماحدث يهمنا كمصريين وياريت نشوف الأحداث بعيون مصرية علشان الحكم يكون صحيح وومنصف وغير متحيز. يجب أن نعترف أن المتظاهرين الذين ذهبوا للموقعة هم إناس بسطاء غرر بهم من قساوسة ورهبان متطرفون ، ولايفرقون في تطرفهم عن بعض متطرفي السلفيين الذين هاجموا الكاتدرائية وتظاهروا أمامها من قبل وقمنا نحن هنا في المنتدي باستنكار مافعلوه. قليل من الإنصاف والحيادية سوف يساعد في كشف أسباب المشكلة ويساعد على حلها. الموضوع ليس فيه مسيحيين ومسلمين ، فالجيش يضم المسلمين والمسيحيين وكلهم مصريين وليسوا مرتزقة من دول خارجية.

بسم الله الرحمن الرحيم الإخوة الكرام / أعضاء المنتدى تحية طيبة وبعد ... بهذا تكون جولتنا في مدينة بدر قد إنتهت أما فيما يخص الفيديوهات الخاصة بمدينة الشروق فسوف أقوم بإنزالها يوم الجمعة القادم بإذن الله . خالص تحياتي مهندس / أشرف محمد

لا مش مسئول لما يكون عمل فردى من عسكرى فقد اعصابه او حصله خلل فى عقله اوحصل ليه اى حاجه تخليه يطلع بالمدرعة بالسرعة العالية اللى شوفناه بيها يبقى وزير الدفاع مالوش علاقة بالموضوع لأن فى الاول والاخر اللى حصل ده عبارة عن عمل فردى و إلا كان من باب اولى الباب شنودة يتخلى عن منصبه هو كمان لما الشباب المسيحى ولع فى عربيات ومدرعات الجيش واعتدى على العساكر والظباط

فى الحقيقية أنا لم أستطع فهم المقصود منها بدقة ياليت من فهم المقصود منها من الاخوة الزملاء يتفضل مشكورا بالتوضيح لي هذا اخى الكريم استلهمه من قصة قديمة عن امراة سرقت طفل صغير او وجدته على ما اتذكر وو جدته امه الحقيقة لكن السارقة رفضت ارجاعه لها فاحتكما الى قاضى المدينة فحكم بقطع الطفل نصفين لكل امراه نصف فواقت المراه السارقة و تنازلت الام الحقيقة عن حقها و قالت هو ابن المراه الاخرى فهنا حكم القاضى بالطفل للام الحقيقية على اعتبار انه مستحيل توافق ام على قطع ابنها نصفين او ايذائه و الرابط من هذه القصة كما اوضحه الزملاء من قبلى

طيب مفيش اختيارات ;) ;)

الأخ الفاضل / أبو ريم تحليلك لما حدث علمي وبطريقة منطقية تغطي كل الأسباب أحييك عليه يا خوان : نحن فى مصر كلما حدثت احداث فتنة طائفية لا نقوم بدراسة اسبابها بشكل محترف ومهني يعطينا الأبعاد الحقيقية لما حدث ومن ثم نستطيع أن نجد الحلول التي تحول دون تكرار هذا الأمر البعض كل ما يهمه أن يقوم بالباس الطرف الأخر ثوب الخطأ من راسه حتى أخمص قدميه وان يبرء الطرف الذي ينتمي اليه دون أن ينظر للمشكلة من كافة زواياها , لانه لا يهمه مصلحة البلد فى المقام الاول بقدر ما يهمه نصر فئة على أخرى حتى ولو بالباطل وهذا كان الاسلوب المتبع فى مصر فى علاج الاحداث الطائفية لذا ظلت مصر رهينة هذه الأحداث , وكل مرة تتكرر ولكن تتصاعد بشكل تتدريجي وتظهر كما لو كانت كرة ثلج السؤال هو : لماذا كل المشكلات فى مصر عند حلها يتم اللجوء للحل الأمني كخيار اول ووحيد ؟؟ يحضر فى ذهني ما حدث فى بريطانيا منذ أشهر من أعمال سلب ونهب وتدمير وحرق والتي صنفت انها الاكبر والاخطر منذ قرون فى المملكة البريطانية انظروا كيف حلت حكومة بريطانيا الأمر : اول شىء لم نسمع نهائيا أي مسئول بريطاني يتحدث عن ( أيادي خارجية ومدسوسين ومأجورين ) , بل رأيناهم يواجهو أنفسهم بصراحة بأن هناك مشكلة فى المجتمع تحتاج لحل . ثاني شىء على الرغم من كل ما حدث من احداث رهيبة واستمرارها لمدة 15 يوم تقريبا لم يسقط قتيلا بريطانيا باستثناء قتيلا واحدا وبالخطأ , ولم نرى خروجا واحدا عن النص فى تعامل الشرطة البريطانية مع الموقف , فلم نرى دهسا ولا رصاصا حيا ولا شىء من هذا القبيل . ومنذ اول يوم فى الازمة رأينا رئيس الوزراء البريطاني يضطلع بمسئولياته كاملة ويخرج ليؤكد ان بريطانيا دولة قانون وستطبقه بلا ( مواءمات ) , ورأيناه يظهر بشكل يومي تقريبا فى وسائل الاعلام ليخطاب المواطنين البريطانين ويخبرهم بمجريات الامور اول بأول حتى يطمئنهم ولا يفتح الباب للشائعات والتي تزيد من المشكلة , ورأينا الشرطة البريطانية تعتقل كل من شارك فى هذه الأعمال ولم يكن اعتقالا عشوائيا بل اعتقالات تمت بناء على صور التقطت للمخربين من الكاميرات الامنية فى الشوارع مما ادى الى الهدوء التدريجي للوضع شيئا فشيئا بعد عزل المخربين عن الشباب الذي خرج ينادي بمطالب حقيقية , بعكس عندنا فى مصر فعندما تحدث مثل هذه الامور تجد اعتقالات عشوايئة يروح ضحيتها الأبرياء ممن لا ناقة لهم ولا جمل وتجد المخربين الحقيقين فى حرية , فتجدهم يقومون بتكرار نفس الاحداث مرة اخرى عندما تهدا الامور . هل انتهى الامر عند هذا الحد فى بريطانيا ؟ لا والله بدأت الحكومة البريطانية بدراسة المشكلة بواسطة علماء اجتماع وعلماء علم النفس , لان المسئولين رأو أن ما حدث لا يمكن بأي حال من الاحوال حصره فى مجموعة مخربين ونغلق الجرح هكذا على ما به من جرثومات فينفتح مرة اخرى فى المستقبل , وصارحوا أنفسهم أن هناك شريحة من الشباب البريطاني تعاني من مشكلات سواء اجتماعية او نفسية دفعتها للممارسة مثل هذه الاحداث , وبالتالي فإنه يستوجب حل هذه المشكلات ليكون الحل جذري كلنا رأينا رئيس لوزراء البريطاني وهو يعرض بأسى لقطة لأحد الشباب البريطاني ممن شاركوا فى هذه الاحداث وهو يسرق أشياء من حقيبة أحد المصابين المطروحين أرضا , ورأينا رئيس الوزراء يتساءل بأسى , كيف سمحنا أن يصل الانحدار والدنو فى اخلاق بعض شباب بريطانيا لدرجة سرقة جريح مطروح أرضا ؟؟؟؟ بالتأكيد هناك أسبابا أوصلت لهذه الصورة وهذا دورنا كحكومة ان نعمل على تحليل هذه الأسباب ما أريد قوله يا أبو ريم : سنسير على أهواء البعض ونقول أن سبب ما حدث اول امس ( ينحصر ) في أن بعض الاقباط ممن شاركوا فى الكارثة هم شياطين وقتلة ومخربين وووووووووو الخ ونغلق الملف على ذلك ؟؟ طيب وما التالي بعد ذلك ؟؟؟ هل انتهت المشكلة وستأمن مصر من شر تكرار هذه الاحداث ؟؟؟

أستاذ محمد .. شكرا على مداخلتك .. أتفق معك أن الإسلام ليس طرفا في المشكلة .. وهذا هو هدفي الرئيسي في الموضوع .. ولكن البعض من المسلمين أساء إلى الإسلام وهن يظن أنه يدافع عنه .. ربما لفرط حماسه أو ربما لجهله بالفعل في تعاليم دينه .. فوجبت التذكرة له و إعلامه كيف هى سماحة الإسلام و إحسانه إلى من يعيشون تحت مظلته من غير المسلمين.. هناك أيضا من الأقباط العوام من لايعلمون الكثير عن الإسلام و سماحته فيرون بعض مظاهر التطرف من بعض المسلمين و يظنون خطئا أن هذه المظاهر من تعاليم الشريعة الإسلامية و ربما ساعدهم في ذلك أيضا بعض المتطرفين المسيحيين الذين ذكرتهم حضرتك في مداخلتك فيبدو لهم الإسلام ((كفزاعة)) .. وهذا ليس صحيحا بالطبع ..لذا فلاضرر أبدا أن نبين الحق من الباطل .. ((وذكر فإن الذكرى تنفع المؤمنين ))

الانبا هيدرا اسقف اسوان 1- المبنى اصلاً مخالف 2- لم يعتدى احد من المسلمين على المبنى 3- لم يصب مسيحى واحد بأى اذى http://www.youtube.com/watch?v=A5Di8j8wC44 هنا السؤال الاشخاص مثل ابراهيم عيسى وعلاء الاسواني ممن يخرجون بروايات خرافية للاحداث ويدعون ان المسلمين قتلوا وحرقوا الكنيسة هؤلاء يعملون لحساب من ؟ وما هو هدفهم من تأجيج الفتنة ؟

دكتور ياسر الإسلام ليس طرفا في المشكلة ، فأرجوك لاتدخل الإسلام طرفا في المعادلة لأن الإسلام أعلى من ذلك بكثير. أضلاع المشكلة في رأيي هي: 1- الجهال والمتطرفون من المسلمين 2- المتطرفون من المسيحيين 3- القائمون على القانون الذين يتغاضون عن الضرب بشدة على أيدي المخالفين في هذه القضايا.

معلومة لا بأس بيها لو انت مأمن على العربية بتاعتك ممكن تأخد خطاب من شركة التأمين [انك ما عملتش اى تعويض لمده 5 سنين و لما تيجى تدفع التأمين فى كندا و انت معاك الشهادة دى بيقلل ليك قيمة التأمين السنوى اللى بتدفعه هناك مصدر المعلومة دى كتاب جو الخاص بالمبتعث السعودى و بسؤال شركة التأمين بتاعتى قالو لى هو انت عايز تسافر برة مصر علشان تعمل الشهادة دى ؟ يعنى معلومة مؤكدة

و بالتالي اللي بيحرق الكنايس في مصر إما مسلمين متطرفين او العصابه الحاكمه سواء مباركيه او طنطاويه و في الحالتين لا يوجد مظلوم الا المسيحي

أخى الكريم أى واحد غير مسلم و يكون منصف يعيش فى مصر و يتعايش مع اهلها يعرف مدى سماحة الناس فى مصر و طيبتهم مع حبهم للدين , و لا ارى داعى لان احكى عن هذه المظاهر التى نعرفها و نراها , الجهل و التشدد موجود عند كل طائفة و اتباع كل دين لانه مرتبط بعقل البشر و طبائعهم و انفعالاتهم , و الانظمة الديكتاتورية التى عشناها فى مصر لا تفرق و لا تحابى بين مسلم و اخر فهى مع مصالحها الشخصية فقط و جميعنا نعرف ذلك , لذا انا عن نفسى لا اعذر اى واحد من النصارى عاش و تربى فى مصر و يعتقد ان مسلمى مصر اجمالا يضطهضون النصارى أو يعتقد ان اللاسلام دين عنف و ظلم و لكن من الممكن ان اجد عذر لمن يعيش بالخارج او غير مصرى ان يتأثر بالاعلام و الدعايات المغرضه , الحل للخروج من هذا الاحتقان و الازمة التى نعيش فيها بعد عون الله و توفيقه فى حكومة كفؤ حازمة قوية قادمة من الشعب تطبق العدل على الجميع . تحياتى لك ...

فيديو اخر من قناة المانية يوضح اعتداء المتظاهرين على كل شئ طالتة ايديهم ومتظاهر يرفع حجر ويهوى به على رأس الجندي http://www.youtube.com/watch?v=6BGS2HBzr4g&feature=player_embedded

إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ إِنَّ اللَّهَ كَانَ سَمِيعًا بَصِيرًا النساء 58

http://www.youtube.com/watch?v=6BGS2HBzr4g انا فى قمة الحزن على كل نقطة دم مصرى سالت فى مذبحه ماسبيرو سوا كان من المحتجين او من الجيش والشرطه ولكن حزنى الاكبر على الناس الغلابه واللى مش فاهمين حاجه اللى دايما بيكونو حطب مؤامرة الفتنه الطائفيه سوا كانو مسيحين او مسلمين وحزين على الناس اللى طلعت اعتذرت باسم المسلمين وقاعدين يقولو احنا اسفين يا اقباط وكأن اللى حصل دى كانت حرب بين المسيحين والمسلمين وكأن الناس اللى كانو هناك قاعدين مولعين الشموع وماسكين الورد باديهم والجيش نزل عليهم بالدبابات ومحدش سال منين جت الاسلحه الاليه اللى كانت معاهم وصواعق الكهرباء اللى كانت معاهم بس فعلا اكبر كارثه سبها مبارك للشعب هى الجهل

هو حضرتك ما بتتفرجش غير على التليفزيون الرسمى من فتح النار على مين مساء الخير احتراماتى وعزائى لكل من راح ضحية للجهل والتجاوزات ... مكمن اقولك معلهش وحقق عليا بس انا بقى غير الناس اللي بتضحك عليكو لأنى عايش ومتعايش مع المسيحيين اسكن فى شارع رمسيس والمسشتشفى القبطى يبعد عنى كيلو متر واحد واصابنى ما أصابكم لكن ان تتهمنى بانى شاهدت التليفزيون الوطنى دى مش هقبلها عارف لية لانى كنت بالاحداث .. المسيحيين ليس جميعهم ملائكة والمسلمون ايضآ ههههههههههه ممكن نكون عقلاء وتقولى العساكر اللى شفناها على الشاشات فى تليفزيون الدولة دول كانو خفافيش ولا كلاب زى ما تحب ؟؟ تقدر تقولى كلام البابا شنودة اليوم عن وجود ناس داخل صفوف المسيحيين احدثو الاعتداء معناة اية بص ومجد سيدك انا متعايش طول عمرى مع مسيحيين وزرت اديرة ممكن حضرتك ما يكنش عندك خبر عنها بس انا مستغرب لية مش مصدقين ان هناك من لة مصالح لجعلكم ضحية وهما مش غرباء عنكم مصالح وبيتخذو منكم اداة صدقنى انا متألم لما حدث لكم لاننا فى النهاية اخوة وشركاء بس ياريت تشوف الموضوع بنظرة اخرى هل يمكن ان نقول ان سلفيين دخلو بصفوف المتظاهرين واحدثو اعتداء على الجيش اوعى وشك ... لية قبل يومين قامت المسيرات الى ماسبيرو وهتفاتها تسب الأخوان والسلفيين ؟؟ اليس لاحداث نوع من الجدل عندما يقوم الاعتداء بعد يومين ؟؟ لماذا لم نشاهد من اتحدو معكم طيلة ايام المسيرات وظهرت بيانات لهم تستنكر الاعتداء على الجيش وجنودة هل انت تريد ان تعتدى على عساكر الجيش كما تعتدى على الشرطة والجيش هيقول استحمل ؟؟ مشكلتنا يا عزيزى اننا لم نشاهد صورة واحدة بالاعلام الحر الذى تأخذ منة دلالاتك اى صورة او كاميرا تعرفنا ما هى كنيسة اسوان التى فى المريناب كى نشاهد الهدم عارف لية لانها مدبرة والمراد منها احداث مشكلة عزيزى هل شاهدت فى قنوات مصر الخاصة اى شيء يشير الى عساكر وجنود الجيش مصابون او قتلى انت عارف لية لانهم لهم اهداف ان يشحنوكم على قواتكم المسلحة صدقنى الجيش المصرى بتاعكم زى ما هو بتاعنا اخيرآ البقاء للة وانا جد اسف لما حدث لكن كلمة اخيرة انت عارف لية الجيش ما طلعش صور جنودة الموتى وجرحاة لانة بكدة يبقى انكسر معنويآ ودة هيخلى بعض المتعصبين لة من المسليمن ضدكم عرف لية الجيش مش بيظهر موتاة الجميع خاسر يا عزيزى بس نقول اية ناس بتدفع حساب لمشاريب ناس تانية ويارتهم هايدوقو طعم ما تبقى فى قاع فوارغ المشاريب ... تحياتى

تحية وتقدير لأخينا المحترم سارى مشكلة مصر يا عزيزى اننا كلنا بنحبها بس مش عارفين نعبر ليها كويس عن قوة هذا الحب وهناك طبعآ ناس بتحب نفسها فتعبر عن نفسها اللأنانية بما شاهدناة من دموية وطعنات فى صدرها ... عارف ياسارى رغم اننا بنحبها وجامد قوى بس برضو قليل عليها واحنا غلطانين ان احنا بنتفرج على حبيبتنا وهي بتتألم

ان شاء الله مش هيحصل يا استاذ سارى بدايه ميرسى قوى على كامك الجميل النابع من قلب حاسه انه بيحب مصر حقيقى ادنا بالضبط بس بما انك حدثتنا الحديث الجميل دا باللهجه السعودى فاحنا برضه هنرد لك الهديه باننا نتكلم معاك باللهجه المصرى فى البدايه لو متخيل انك تسمع كلام من عينه لا لا مفيش حاجه و سحابه صيف و هتعدى و احنا زى الفل و سابقين الكل فانت ممكن تسمعه لكن مش هى دى الحقيقه الحقيقه ان فعلا مصر فى وضع خطر مش لازم ننكره و الايام الى جايه هتكون اصعب بمراحل من الى عدا اصل احنا مقمنا بالثوره علشان مصر كانت محتاجه عمليه لوز لا مصر كان عندها سرطان بقاله 30 سنه بيستشرى فى كل حته فى جتتها و انت عارف اد ايه المعركه مع السرطان بتكون شرسه و مرهقه و بينتج عنها الالام كتير و بستنزف موارد ماليه و جهد لا حصر له كل دا عارفينه لكن ايه البديل نستسلم لغايه ما تموت استحاله هنقاوم بكل الى نقدر عليه و احنا عارفين ان المعركه مش سهله و هتحتاج وقت طويل قوى على بال ما تطهر كل خليه فيها من المرض اللعين دا الى زرع نفسه جواها غصب جايز اثناء مراحل العلاج يحصل انتكاسات و جايز كمان المرض يكسب بعض الاشواط لكن استحاله نياس استحاله الحلم الجميل الى حلمناه لبلدنا يضيع مننا انا بتكلم دلوقتى بلسان كل الشرفاء فى مصر مهما وصلت ضبابيه الرؤيه بينا الحد الى يخلينا منشوفش نفسنا حتى لكن ثقتنا فى القدرره على ان احنا نعدى ببلدنا مرحله الخطر عمرها ما هتهتز باذن الله انا واثقه ان مصر قادره تقوم من كل الكبوات دى حتى لو كانت متلاحقه كدا لكن ان شاء الله النهايه ستكون زى ما حلمنا لها قبل الثوره كميه الياس و الاحباط الى كان المصريين وصلوا ليه كانت تخليك تقول خلاص مفيش امل انهم يعملوا حاجه لكن فجاه عملوا مش عازه يبان كلامى انه شعارات لكن بجد دا الى انا لمساه حتى التاريخ بيقول لنا كدا مصر اكبر بكتير من كل محنه عدت عليها قبل كدا و هى فاكره انها هتقصمها نصين فلقت ان تثيرها فى الاخر عليها مكنش اكبر من عطسه مزعجه عطستها مصر طردت فيها الميكروبات و ارتاحت الى بيراهنوا على سقوط مصر يبقى واهميين لان مصر طول عمرها حتى فى عز محنتها قادره انها تنفض عن نفسها التراب و تقوم من جديد الفتره صعبه و يمكن تاخد سنه و يمكن تاخد اكتر لكن الشيىء المؤكد ان النور هو الى فى انتظارنا فى نهايه النفق باذن الله تحياتى لحضرتك و لغيرتك على مصر و اهلها و باذن الله مش هتغرب شمس مصر ابدا http://www.youtube.com/watch?v=itTFqKX8uBk

هنا هتلاقى ارقام المصلحة: http://www.cso.gov.eg/index.aspx?lid=26 و لو موصلتيش لحاجة معاهم فى التليفون, ممكن اروح لهم الاسبوع الجى ان شاء الله اسأل.

اندساس عناصر راغبة في احداث مشاكل بين الشعب (و لن أقول الأخوة المسيحيين لأني مقتنعة أن ما حدث ليس له علاقة باختلاف الدين و لكن باستغلال فرصة و نقطة ضعف موجودة)و الجيش شيء أنا مقتنعة به جدا لأنه حدث من قبل أمام أعين زوجي . فقبل رمضان مباشرة في أسيوط نظم الأخوان المسلمون مسيرة احتفالية برمضان يمشي بها الرجال و الأطفال يطوفون الشوارع مع أناشيد رمضانية و توزيع بعض الهدايا على المارة و أصحاب المحلات (شيء لم يقدروا أن يقوموا به من قبل طبعا) و لكن من قاموا بتنظيم المسيرة كانوا يقظين فقاموا بإحاطة المسيرة من الجانبين بأناس لتأمينها و لقد كان عندهم حق ففجأة رأى زوجي شخص غريب المنظر (قال لي شكله بيقول أنا بلطجي) اندس وسط المسيرة و بدأ يحاول تحطيم السيارات المركونة بجانبهم فقاموا بسرعة بإمساكه قبل حدوث ما لا تحمد عقباه سألني زوجي لماذا يفعل شخص ذلك؟ قلت له واحد بلطجي يبقى أكيد مأجور تخيلوا بقى ما كان يمكن أن يحصل لو كسر ممتلكات لأخوة مسيحيين فماذا كانت وسائل الاعلام لتقول و تحكي أعداء مصر الآن أكثر بكثير من زمن حكم مبارك: اسرائيل طبعا اول القائمة و معها أمريكا و لا ننسى الدول العربية التي تتمنى للثورة الفشل أو على الأقل جعلها تظهر بصورة سيئة و مرعبة لشعوبها حتى لا تفكر في تقليدنا و من الداخل فلول النظام السابق سواء من هو تحت المحاكمة أو لم يحاكم بعد (يعني حيقفوا يتفرجوا علينا لحد ما نقف على رجلينا؟) صحيح ما يحدث الآن هو شيء في غاية القبح و لقد مرت علي لحظات قلت في نفسي : هل الثورة حدثت للشعب الغلط؟ يعني هل نحن فعلا لا ينفع معنا حرية و لا ديمقراطية و نستحق ان يحكمنا الطغاة؟ و لكني رجعت و قلت في نفسي من نحن لنعترض على مشيئة الله و الأعمال بالنيات مصر ستظل بإذن الله كنانة الله في أرضه و بها خير جند الأرض و قادر يحميها و يحفظها بإذنه و لقد سبق و مرت بها محن شديدة و لكنها و لا تزال القاهرة

ياعم ما تلم ايدك شوية و بدل ضمير "هم" اللي انت بتستخدمه ده، ياريت نتعلم اللباقة و نستخدم ضمير "بعضهم" عشان بس نبقي راعينا ربنا في شهادتنا قدام الناس!! يا والدي انا من أقباط المهجر، و لا أدعو لتقسيم مصر، و لا أتحالف مع أي كيان، و لست متطرفا و لا تحركني أحقاد، و لا أتلقي مساعدات... ياريت بس تفتكرني و انت بتشهد قدام الناس، و لو باستخدام كلمة "بعضهم" عشان خاطري يا عم أقلية ايه اللي تتحكم و اكترية ايه اللي تتحكم، هو حد فيهم بيربط التاني بحبل و يطلب منه يعمل نوم العازب!! يا عم انا لا عايز احكم و لا أتحكم، أنا عايز قوانين قابلة للتغيير يضعها أهلي ايا كانت دياناتهم او انتماءاتهم السياسية، تحقق العدل في الحقوق و الواجبات... هو ده يبقي بامشي كلامي عليك او انت بتفرض كلامك علي؟ هو اية بالظبط الحكم اللي الاقلية القبطية بتحكمهولك يا عزيزي؟ انهم عايزين تصريح ببناء دار عباده؟ انهم بقوا بيعلنوها امامك رفضهم للشريعة الاسلامية الغير معرفة الغير متفق علي معناها كدستور للبلاد بدلا من دستور وضعي يضعه الخبراء؟ ياسيدي لو مش عايزهم يبنوا كنايس خلاص، بلاش... نطلع الربع مليون قبطي اللي في مصر يصلوا في الشوارع و الطرقات... ويبقي الشارع يوم الجمعة مقفول من 9-12 عشان القداس ، و من 12-2 عشان صلاة الجمعة... و نبقي اخوات و حبايب و الباب اللي يجي منه الريح... أصل الاقباط هيصلوا هيصلوا، يصلوا جوا قبة و هما مبسوطين وبيحلفوا بحياة البلد، أو يصلوا في الشارع و هما قرفانين... هتفرق ايه مع الناس أنا حقيقي عاجز عن الفهم؟؟ حكم الاقلية ان نسبة طلاب الشرطة و الجيش من المسيحيين لم تتعدي اتنين في المية من يجي خمسين سنه؟ حكم الاقلية ان لغاية كام سنة فاتوا ما كانش فيه ولا محافظ ولا رئيس جامعة مسيحي... هوا المطالبة بالحاجات دي تبقي محاولة فرض سيطرة أو لوبي و الكلام الكبير ده؟ لو لأ، امال ايه اللي مضايق حضرتك... قلة ادب واحد بيدعي الرهبنة، يا سيدي عيل و غلط... ما هو برضه فيه رهبان قدراتهم العقلية و التعليمية علي أدهم، كلمني انا هنا و سيبك منهم؟ ما تسيبك من موضوع هو اللي قال الأول و هما اللي ضربوا الأول و شغل العيال ده بقي، و تيجي نتكلم بجد في ايه اللي مضايق الناس و مخليها مشحونه من بعض، يمكن يطلع كلام فارغ و نلاقيله حلول؟ مع حبي و احترامي

{ وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالإِنسِ لَهُمْ قُلُوبٌ لا يَفْقَهُونَ بِهَا وَلَهُمْ أَعْيُنٌ لا يُبْصِرُونَ بِهَا وَلَهُمْ آذَانٌ لا يَسْمَعُونَ بِهَا أُوْلَئِكَ كَالأَنْعَامِ بَلْ هُمْ أَضَلُّ أُوْلَئِكَ هُمُ الْغَافِلُونَ } ( الشراذم لا تسطر تاريخ )

السلام عليكم الفاضل س س . يا اخى انا مستغرب جدا من هذا الهجوم الشديد على عصام شرف رغم معرفتك الشديده و كل الناس عن وضع و امكانيات الرجل المتواضعه و المصيبه الكبيره انه فى ظل كل تلك الاحداث يتم تناسى و الطرمخه على اسباب ما حدث و تلك الاسباب التى ستظل موجوده و ستتكرر و خصوصا عندما نقترب من الانتخابات . من يومين يا س س يا مؤمن طلع واحد قليل الادب مشلوح مسحوب من لسان اهله فى الاعلام الفضائى و اصدر تهديد ووعيد شديد بما حدث بالفعل امس التهديد معلوم و منشور يا عم احمد و لا انت ما شفتهوش و ما سمعتهوش و لا النت كانت فاصله عندك ما حدث امس مرتب و سابق التجهيز هناك ناس رايحه المظاهره و معاها سلاح واخد بالك يا احمد يا حقانى ...سلاح .. بنفس الطريقه حدث هذا من قبل فى موضوع العمرانيه التى تم التزوير الفاضح فيها و تحول مبنى الخدمات بغمضه عين و قفز فوق كل شئ بدء من القانون وصولا للاعراف و الادب الى كنيسه و طزين فى القانون و كل حاجه اخرى و تم قطع الطريق الدائرى و حرق الاطارات و السيارات بالضبط مثل الامس مع اختلاف اخر جوهرى ان الامس كان هناك هدف جديد و خطير الا و هو الاشتباك مع الجيش و قد حدث و فى ثوانى ارتفعت المناحه و اقباط المهجر الان بيلطموا على الاضطهاد و هم كذابون هم و من يدعمهم فى الخارج و الداخل امس و للتأكيد على كلامى كان هناك اتصال مع واحد اسمه فلوباتير على الجزيره واخد بالك يا احمد ..الجزيره ..مش التليفزيون المعتوه.. و سأله المذيع لماذا لا تتركوا الفرصه حتى وصول حكومه منتخبه حره باختيار الشعب لتسيير الامور و اعاده الانضباط و تحقيق الحق و العدل للجميع كان رد الرجل واضحا برفض الانتخابات اساسا و هذا هو المحك فى كل ما يحدث الان لا مشكله المريناب و لا غيرها ثم سأله عن تهديدات الرجل للمحافظ و المشير رد عليه رد غريب ان القس مشلوح ..اى انه مفصول من الكنيسه تعجبت من هذا الاستعماء للجميع فالقس المشلوح كان سائرا فى المظاهره بلبس الكهنوت و يسير بجوار قساوسه اخرون لم يعترضوا على كلامه بل سكوتهم على هذه التهديدات الخطيره و البذيئه تأييد له . مصر تساق الان الى اخر محطه تدمير لمنع الانتخابات بأى شكل و لو حدثت حرب اهليه و يتم الدفع الان بالضغط على الجيش ليعلن الاحكام العرفيه و يعلن ايضا استمراره فى الحكم الى اجل غير مسمى فقط كل هذا لمنع وصول الاسلاميين الى الحكم ..هذه هى الخلاصه و لكن .....بعيد عن اشنابهم جميييييييييييييييييييييييييييعا .

*** شيخ بيقول للمصلين الستات نعمة من ربنا المفروض كل واحد يروح بيته يبوس ايد مراته واحد قاله طب انا يا مولانا مش متجوز قاله انت تبوس ايدك وش وضهر

مره طالب جامعه راح الامتحان شفوى فلدكتور ساله انت بتيجى الجامعه ازاى قله بلاتوبيس قله حلو اوى ولو الجو حر هتعمل ايه قله هفتح الشباك قله طب احسبلى كمية الهوه الى هتدخل من الشباك لو الاتوبيس ماشى بسرعة 60 معرفش وسقط وهوه خارج قابل وحده زميلته وقلها على السوال ودخلت فا الدكتور بيسالها انتى بتيجى الجامعه ازاى قلتله بالعربيه قلها ولو العربيه بازط قلتله بابا بيوصلنى قلها لو بابا مشغول قلتله بكلم صحبتى توصلنى قلها ولو صحبتك مش هتروح هتعملى ايه قلتله هاخد تاكسى قلها مفيش تاكسى راضى يقف هتعملى ايه قلتله هركب الاتوبيس وامري لله قلها حلو اوى لو الجو حر هتعملى ايه قلتله هقلع الجاكيت قلها لو حر اكتر قلتله هقلع البلوزه قلها لو حر اوى اوى قلتله هقلع الجيبه قلها لو نار جهنم حوليكى وجمبك شباك هتعملى ايه قلتله انا ممكن اقلع ملط بس مفتحش الشباك

يا جماعة الموضوع واضح ، اللي مش مصدق ان في دسائس وفلول هي اللي بتعمل كدة يبقي غلطان، لما الاقباط يقولوا الجيش هو اللي ضرب والجيش يقولوا الاقباط ضربونا، يبقي في حد في النص ضرب الجيش علي انه من الاقباط ،وضرب الاقباط علي انه من الجيش علشان يعملوا فتنة في البلد ، لما الحزب الوطني يقولوا حنقطع الطريق وننفصل بالجنوب لو صدر قانون العزل يبقي الناس دول بيخططوا ويتأمروا وعارفين هما بيعملوا ايه ، ده احنا حتي ما بنتعلمش من التاريخ حد عارف ايه اللي حصل في موقعة الجمل بين سيدنا علي رضي الله عنه من ناحية والسيدة عائشة وطلحة والزبيررضي الله عنهم من ناحية تانية ، لما اصطلح الجيشين وقرروا يرجعوا قبل اي حرب ، قتلة عثمان رضي الله عنه خافوا يكونوا اصطلحوا علي ان علي يقتلهم ، فقرروا يبعثوا ناس في معسكر علي بالليل يقتلوا ناس منهم ،ويبعتوا ناس في معسكر عائشة يقتلوا ناس منهم، وطبعا كل معسكرافتكر ان المعسكر التاني هو اللي غدر بيه وكانت موقعة الجمل المؤلمة ، انا متأكدة ان ده اللي حصل امبارح لأن كل واحد فاكر ان التاني اللي ضربه وفي شهود للروايتين ، وفي اكتر من جريدة النهاردة شهود عيان بتقول ان اللي ضرب الجيش مجموعة مسلحة دخيلة علي المتظاهرين وان الجيش كان ما معاهوش رصاص حي خالص ،وان كان في بلطجية ،وكان في ناس لابسة جاكيت جيش وبنطلون جينز والجيش كان بيجري وراهم وغالبا دول اللي ضربوا الاقباط علشان يفتكروا ان الجيش هو اللي ضربهم، ربنا ينتقم منهم ويرد كيدهم عليهم ،ويرحم القتلي ويصبر اهاليهم وانا لله وانا اليه راجعون

ده ردى عليكى يا جويرية ولو عاوزة شهداء ميسحيين اجيب لك تانى على فكرة انا مسلمة وإسمى فاطمة