لوحة القادة

تصريحات رائعة صدرت من الشيخ الحبيب محمد عبدالمقصود على مدار اليومين الماضيين يمثلان وجهة نظري وقناعتي الشخصية تجاه المرشحين في الانتخابات البرلمانية والرئاسية أيضا... وقال الشيخ أيضا :

طبعا شىء محزن جدا هذا الخبر , وهناك ثلاثة أطراف تتحمل المسئولية في ذلك , وهم العامل والمكتب والحكومة المصرية : أولا العامل : ملام لأنه قبل بمثل هذا العرض ولم يلجأ لمن هم خاضوا التجرية لكي يسألهم ويتعلم منهم بدلا من أن يخوض التجربة المريرة ثم يعلم بعدها أنه كان على خطأ عندما إعتقد أن أي وضع في الخارج سيكون أفضل من الوضع فى مصر , وإن كنت أرى أن العامل هو أقل الأطراف الثلاثة في حجم اللوم الملقى عليه , فالظروف الإقتصادية الصعبة والقاسية هي التي تجعله يقدم على ذلك ولو وجد البديل في مصر ما كان ليخوض التجربة , الاخ سي السيد كان رده على هذه النقطة بالتحديد : هناك شباب يا أخ سي السيد تتعب وتعبت كثيرا في مصر ولكن لم تجد المقابل ولم تستطيع حتى الحصول على وظيفة مناسبة , لذلك من الظلم أن نتهمهم بأنهم كسلاء مثلا . ثانيا المكتب : طبعا هذا الطرف لا يحتاج لكثير من الكلام , فوصفه بالنخاسة هو وصف كافي جدا لمن ينتهج نهج التجارة فى البشر من هذه المكاتب , وهذا الطرف ياتي فى المرتبة الثانية من حيث درجة اللوم الملقاه عليه بعد الحكومة التي تأتي فى المرتبة الأولى . ثالثا الحكومة : هذا هو الطرف الذي يتحمل اللوم الأكبر عن مثل هذه الأحداث : هذه المكاتب تعمل فى الأراضي المصرية وبالتأكيد السلطات المصرية وصل لها أكثر من شكاوي ضد هذه المكاتب , والسلطات على علم بممارستها القذرة , فلما السكوت عنها وتركها تتاجر فى المصرين من داخل الأراضي المصرية ؟؟؟ عدم إتخاذ الحكومة لإجراءات على الأرض لحماية العمالة المصرية , وترك هذه العمالة هائمة على وجهها دون أي سند من حكومتها , مما جعلها مطمع لكل إنسان دنىء وبلا اخلاق سواء من الجانب المصري ( شركات العمالة ) أو من جانب الدول المستقبلة لهذه العمالة , وكلنا نرى العامل المصري عندما يتعرض لمظالم فى الدولة التي يعمل بها لا يجد له نصيرا من دون الله , ويذهب للسفارة وللمستشار العمالي ولا يهتم به أحد , فيضطر المسكين أن يقبل بالأمر الواقع مما يشجع أصحاب النفوس الضعيفة فى هذه الدول للتمادي والتجرأ على العمالة المصرية دون خوف من أي رادع , ويحضرني هنا خبرا قرأته أن دولة إندونيسيا إتخذت قرارا بحظر تصدير الخادمات لأحد الدول الخليجية بسبب تعرض حقوقهم للإنتهاكات سواء الحقوق المادية او المعنوية , ودولة مثل تلك إذا رجعت عن قرارها فستجد عمالتها كل التقدير والإحترام ولن يجرؤ أحد على ظلمهم , كذلك قرات خبرا عن دولة الفلبين إتخذت قرارا بحظر سفر عمالتها إلا فى حالة وجود عقد عمل موثق ويحتوي على كل البنود التي تكفل حقوق عمالتها وتطلع الحكومة عليه للتتاكد من ذلك ثم بعد ذلك تعطي للعامل الموافقة على السفر مع إعلامه أنه فى حالة وجود أي خلاف لما هو مكتوب فى العقد فعليه اللجوء فورا لسفارة بلده فى الدولة المضيفة لكي تأخذ له الحق إستنادا على العقد الموثق والمعتمد من قبل الحكومة . حكومتنا بالإسلوب الذي تنتهجه والمتمثل في عدم الإهتمام بعمالتها وشكواهم وموافقتها على سفرهم دون التأكد من وجود عقد يضمن ادميتهم تعطي إنطباعا للدول المستقبلة للعمالة أن هؤلاء العمال ( هم وإنزاح من على قلبي ) فيصبحون بلا قيمة فى نظر هذه الدول , بل وتشعر هذه الدول أنها صاحبة الفضل مع أن الأمر هو علاقة تكاملية مبنية على الأجر مقابل العمل دون فضل ولا منة من طرفا على الأخر . ولك الله أيها العامل المصري .

أعجبني هذا الموضوع قد يكون منا من يفعل هذه العبادات بطريقة طبيعية لأنه تربى على ذلك .. كأن يتبسم في وجه من يقابله أو أنه تعلمها و أصبحت لديه عادة .. كتلاوة أذكار الصباح و المساء هذا الموضوع ليذكرنا بتجديد النية .. أن ننوي بهذه الأفعال الثواب من عند الله و يلفتنا إلى بعض العبادات السهلة التي قد نكون غفلنا عنها نقلته لكم مع بعض التعديلات

مش هالوم هنا وزارة العمل إلا لما تستقر الأمور ويبقى في حكومة محترمة نكلمها - اللهي لا يوفقك يا عيشة دنيا ولا أخرة - لكن بأوجه كلامي لمكاتب النخاسة اللي بتخدع الناس وخصوصاً الشباب الصغير.. وبالأخص الشباب اللي من الأرياف والقرى اللي كتير منهم تجاربهم قليلة .. وكتير منهم همه السفر وبس ... وكتير منهم ما لفش ولا حتى أتمرمط في النت وعرف الدنيا فيها إيه ... ومجرد ما يقرا إعلان أو يسمع خبر إن المكتب الفلاني بيسفر فيجري وهو فرحان وبعدين يسافر إلى الخليج وتحديداً إلى السعودية لانها أكبر سوق عمل .. ثم يفوق على المصيبة السودا اللي منتظراه .. والسبب مكتب النخاسة اللي لا يقل عن أي شبكة دعارة بتكسب من وراء بيع الناس .. وكله اللي يهمه في الدنيا عمولته .. عمولته اللي بياخدها من خداع الناس ... عمولته الحرام مليون في المية واللي بإذن الله هاتبقى وقود له في نار جهنم ... لإن واعي وعارف الدنيا فيها إيه .. ومع ذلك يخدع نفسه ويقول : والله الموضوع عرض وطلب وإحنا مش بنضرب حد على إيده عشان يسافر - باكتب الكلام ده ويعلم ربنا بقى لي ييجي 4 أيام عندي صداع قاتل من ساعة ما عرفت الموضوع التالي : جالس مع أحد الأصدقاء من كام يوم فبيقول لي إني كنت باتعشى في أحد المطاعم ... ولقيت في الترابيزة اللي جنبي شباب مصريين قاعدين .. بس يبدو إنهم جداد في السعودية وماسكين قائمة الطعام ومحتارين فيها .. لإنه كان مطعم بيتزا ومعجنات شامية ... وكتير مننا ما يعرفش في مصر معاني الأكلات دي زي ( المناقيش .. وصفائح اللحم و عش البلبل ...... إلخ ) وهي مسميات خاصة ببلدهم لم يعرفها إلا اللي سافر كتير وأكل في مثل هذه المطاعم ... فبيقول لي إتعرفت عليهم وكانوا 5 شباب ... والكلام جاب بعضه وقالوا له إحنا لسه واصلين من اسبوع للعمل باحدى الشركات .. 4 مهندسين وواحد محاسب .. فتجرا وسألهم إننتوا جايين على مرتب كام ؟ تخيلوا يا مؤمنين حتى ياللي ما سافرتوش ولا عارفين المصاريف والحياة هنا إزاي ..... كلهم على بعض كده جايين على مرتب واحد فقط وهو 1000 ريال للراس !!!!!!!!!!!!!!!! يرضي ربنا ده ؟ طب يرض أي حد عنده عقل وقلب ؟ لما شباب زي دول ينضحك عليهم تحت أي حجة .. بحجة إن ظروف البلد دلوقت مش مستقرة ... وتعالى يا عم جرب ... وبكره احوالك تنصلح ومرتبك يزيك - هيزيد 50 ريال طبعاً وحاجه زي الفل - وإمعاناً في الخداع وأكل الحرام المكتب يقول لهم - ده على لسانهم --خلي بالك ده الشركة موفره لك كمان السكن والمواصلات يا عم .... يا سلام على الكرم يا ولاد - حتى لو إتكلمنا على الكواليتي بتاعت الناس دي .... وإن اللي يقبل بحاجة زي دي بالتأكيد إنسان لن يفيد المكان اللي هو فيه وهايفضل طول عمره كده سد خانه وخلاص .... طب نفسي أعرف إحساسه إيه لما ييجي الشركة ويلاقي عامل النظافة بياخد 1500 ريال .. ده لو لقيته .. أقسم بالله لسه أمبارح سامع برنامج في الراديو وأنا في العربية عن أزمة الخادمات في السعودية وإن مرتب الخدامة وصل في بعض الأحيان إلى 3000 ريال ... ده لو كنت محظوظ ولقيتها لأن إستقدام شغالة بقى درب من دروب الخيال .. وبالتالي كتير بيلجأوا للشغالات من السوق المحلي اللي بيشتغلوا بالساعة ... والساعة هنا زي ورقة البوسطة والأجرة 20 ريال في الساعة على الاقل ... يعني إحسبوها إنتوا بقى لو جت البيت واشتغلت 5 ساعات فقط في اليوم = 100 ريال * 30 = 3000 ريال .... حاجه أخر جمال غير أكلها وشربها والمواصلات اللي كل ده عليك يا حلو وأحساس الواحد إيه وهو لو مسك ورقة وقلم وقال أنا هاخد الـ 1000 ريال وأحوشها كلها ومش هاكل ولا أشرب وهاصوم لمدة سنتين وبرضوا ما يلاقيش نفسه جاب ثمن عمولة المكتب اللي دفعها ولا التذكرة اللي بالتأكيد بيتحملها ولا مصاريف إنهاء الورق بتاعه ... إلخ ؟ وإحساسه إيه لو رجع بالزمن كده شويه لورا وشاف نفسه وهو في الثانوية العامة وأهله عمالين يدفعوا في دروس خصوصية .. وهو بيسهر الليل عشان يدخل كلية قمة .. ويوم النتيجة الدنيا تبقى مش سايعاه لإنه بقى من الأوائل ودخل كلية القمة .. الهندسة يا باشمهندس ... وإتهبد 5 سنين .. والباشمهندس راح والباشمهندس جه ... وبعد ده كله يمرمط نفسه في بلاد الله لخلق الله وفي الأخر مرتبه ما يحصلش مرتب الزبال لا مؤخذه ؟ أه حد هايقول وهي بلدي قدرتني وأنا قولت لأ؟ لأ يا حبيبي ما هي الدنيا عاوزه تعب .... وهي يعني عشان حتى بلدك ما قدرتكش تقوم ترمي نفسك في النار ويبقى هو ده التقدير من وجهة نظرك ؟ - والله يا جماعة ما فيش بعدها بيوم أحد زملائي بيقول لي إن إبن أخوه أتصل به من مصر وعاوز ياخد رأيه في فرصة عمل جت له في السعودية وتحديداً في منطقة تبوك .. الولد لسه صغير ومعاه معهد مساحة ... يعني مجال المقاولات وكده ... والشركة السعودية عرضت عليه 1800 ريال مرتب شامل كل حاجه .. وهاتوفر السكن والمواصلات .... فعمه اللي هو صديقي قال له قليل جداً مقارنة بالتعب والمُر اللي هاتدوقه هنا لأن كل شغلك بيبقى في المواقع يا حلو وهاتتشوي لك ييجي 6 شهور بتوع الصيف وده مش شغل مكتبي عشان نقول ممكن ترتاح .... وسالة إنت شغال فين دلوقت وبتاخد كام ؟ قال له إنه شغال في شركة مقاولات وبينفذوا مشاريع في مدينتي ... وبياخد على صغر سنة 2000 ج شهرياً !!!!!!!!! شوفتوا الغلب اللي إحنا فيه ؟ يعني سايب 2000 ج وهو قاعد مع أهله في بلده وبيزيد وبيتعلم وبيكتسب خبرات كل يوم ... وبيجري بالمشوار ورا فرصة عبيطة بـ 2500 ج ومرمطة مالهاش حل وما تتوصفش إلا اللي أنكوى بنارها.... واللي مجرب شغل المواقع عارف يعني إيه الجحيم بعينه .. وبعد ده كله ييجي يتفحت سننين عشان بس يجيب المصاريف اللي صرفها عشان يسافر ... نفسي والله الواحد يعرف أسامي المكاتب اللي بتتاجر في أجساد الناس دي وبترميهم في التهلكة .. وبيبيع ولاد بلده لكفيل ولا لشخص . وبيعمل نفسه ناصح أمين ويفهمه ويفطمه إزاي يا عالم يا هو شركة تبقى هي اللي محتاجه الناس لكن الأية تتقلب وياخدوا منهم أضعاف مضاعفة تحت بند " ثمن الفيزا " يعني الشركة تبقى محتاجه مهندس وتخرج تأشيرة عمل بـ 2000 ريال رسوم ... وينزل مصر عشان يجيب بها شخص محتاجه للعمل .. يقوم يقابل مثل هؤلاء النخاسين ويقول له : خلينا نبيعها لك على 20000 ج يا معلم والكل يسترزق ... وحكيت لكم قبل ذلك على موقف شوفته بعيني ومسكت الورق بإيدي ... عميد من القوات المسلحة السعودية نازل يعمل إختبار ومقابلات شخصية مع عدد كبير من المهندسين والفنيين للعمل بوزارة الدفاع .. اللي هي جهة حكومية عُليا وبتحصل على تأشيرات العمل مجاناً من الدولة ... ومع ذلك يتفق مع المكتب عيني عينك وبمنتهى البجاحة على بيع التأشيرة لراغبي العمل بـ 15 الف جنية ... يعني أقل حاجه لو معاه 1000 تأشيرة يبقى 15 مليون جنية يقتسمها مع مكتب النخاسة حسب النسبة اللي يتفقوا عليها كل ده والمرتب - قولت لكم شوفت العقد بعيني وموقع من وزارة الدفاع - المرتبب 800 ريال شهرياً للفني ..... مع نص في العقد على تحمل الموظف لقيمة إستخراج الأقامة ... كمان ؟ شيء لا يصدقه العقل البشري أبداً ... أبقى صارف ما لا يقل عن 25 الف جنيه تأشيرة وإنهاء أوراق وثمن تذكرة و و و و و و وأجي عل مرتب 800 ريال .. منهم 200 تخصم إجباري كل شهر نتيجة الإشتراك في مطبخ السكن اللي قاعد فيه .. وكلت ما اكلتش مخصومه عليك .. يعني كده صفصفوا على 900 ج مصري .... وإحسب يا معلم هاتسترد مصاريفك فقط على كام سنة ... نفسي نعرف ونتأكد من المكاتب دي ونفضحهم فضيحة اللحمه في السوق ونحذر الناس منهم بأي شكل ... وحسبي الله ونعم الوكيل على كل ظالم

أنا بقى فكرت في حل مش موجود في الإجابات يربطوا نفسهم مع بعض وينطوا بالمظلة مع مع بعض يايموتوا سوا يايعيشوا سوا يمكن المظلة بتاعتهم تتعلق بشجرة أو بنخلة أو بعمود نور أو ربما تقدر قوات الإنقاذ تقدر تعمل لهم خيمة متحركة يقعوا فيها. لكن علشان أنا أقرر مين فيهم يعيش واسيب الباقيين يموتوا ، اختيار صعب وحتى الشخص اللي حايعيش منهم ماحدش عارف عمره ينتهي امتى ، ممكن الصدمة ( صدمة الفرحة أو صدمة الرعب ) تموته ، أو ممكن يموت في الجو ، أو يفضل حاسس بالذنب على انانيته وتسببه في موت من كان يعتقد انه احق منه ان يعيش.

ويكفيك ان .. ( ابتسامتكـ في وجه اخيكـ صدقه )

فى نفس الجو استمع إلى أروع ما لحن القصبجى لتغنى أم كلثوم رق الحبيب وواعدنى http://www.youtube.com/watch?v=72cwgKD7aLo رق الحبيب وواعدنى يوم وكان له مدة غايب عنى حرمت عينى الليل م النوم لاجل النهـار ما يطمنى صـعـب عـلـى أنـام أحسن أشوف فى المنام غـير اللى يتمنـاه قلبى سـهرت اسـتنـاه واسمع كلامى معاه واشوف خياله قاعد جنبى من كتر شوقى سـبقت عمرى وشفت بكره والوقت بدرى وإيه يفيد الزمـن مع اللى عاش فى الخيال واللى فى قلبه سكن أنعـم عليـه بالوصال طلع علىَّ النهار سهران فى نور الأمل وغـنـت الأطيـار لحـن الهوى والغـزل وفضلت افكر فى ميعادى واحسب لقربه ألف حساب وكان كلامى مـع اصحابى عـن المحـبـة والأحـبـاب من فرحتى بدى اتكلم واقول حبيبى مواعدنى لكن اخاف ليكون بينهم مظلوم فى حبه ويحسدنى هـجـرت كـل خليـل لىَّ وفضلت عايش مع روحى أحسن يبان شئ فى عينىَّ من كتر خوفى على روحى ولما قرَّب ميعاد حبـيبى ورحت اقابله هنيت فؤادى على نصيبى من قرب وصله ولقيتنى طايل م الدنيا كل اللى اهواه بس اللى كان فاضل لـىَّ اسـعد بلـقـاه لمـا خطـر ده عـلى فكرى حيَّر أمرى والـقـرب سـبب تعـذيـبى ولقيتنى خايف على عمـرى لـيروح منى من غير ما شوف حسن حبيبى

ما عليك يادكتور ياسر ، في ناس بتظن ان اختفاءهم وراء شاشات الكمبيوتر واستخدام المعرفات ، هو جواز المرور لهم لاي تصرف يقومون به تماما مثل الذي يتصل باي برنامج علي الهواء ويشتم المذيعة او المذيعة او يسخر من احد الضيوف الذي يختلف معه في الرأي او يحاول تشويه صورته بأي طريقة في الصحف او المنتديات وهؤلاء. اسميهم " طرابيش" وغالبا ما يكونوا مأجورين يتم استخدامهم في اوقات معينة في القضايا المختلفة يبقى دلوقت عندنا مصطلح جديد ينضم للقائمة وهو " الطرابيش" وفي ناس تانية تجد دائما في كلامهم شيء مفيد واضافة جديدة سواء اتفق او اختلف مع الموضوع ودائما ما يترك انطباع طيب وانت منهم يا دكتور ، صراحة دون مجاملة تحياتي وتفديري لك،،،

شكرا لكل الاخوة الذين شاركوا برفع كراسة الشروط الخاصة بحجز اراضى الاسكان Eskan(1).pdf Eskan(1).pdf

أنا والله لا أعيب على البابا فهو شاطر، ولا أعيب على كهنته، فهم يعملون لصالح كنيستهم، ولا أعيب حتى على المتطرفين منهم الذين يملؤون الدنيا صياحًا ولا وتهديدًا ودعوات بالويل والثبور وعظائم الأمور.. إنما يحترق قلبي من المتأقبطين، والمستنصرين، الذين يحملون أسماء أحمد ومحمد وعمر، ولولا الحياء لذهبوا للكنيسة واعترفوا للبابا بذنوبهم وقالوا.. بالروح والدوم نفديك يا بابا! مرة ثانية أقولها: ... يا جناتلة، يا نخبة، يا بهوات: إذا لم تكن لكم حاجة بهذا الدين فاتركوه في أمان الشيطان، واكشفوا عن أقنعتكم وهوياتكم، وبلاش سياسة البين بين/ لا إلى هؤلاء ولا إلى هؤلاء/ وإمساك العصا من منتصفها، والموازنات والأجندات.. فما هي والله برجولة ولا مروءة ولا دين، ولا وطنية! وكفاكم إهانة لديننا وهويتنا وسبب عزتنا! . عبد السلام البسيوني

المدرب الأمريكي لفريق الهلال السعودي يشهر إسلامه المسلم/صحيفة الوطن | 20/11/1432 هـ مدرب اللياقة البدنية في فريق الهلال، الأميركي مارتن بيور أشهر مدرب اللياقة البدنية في فريق الهلال السعودي، الأمريكي مارتن بيور, إسلامه خلال زيارته للمكتب التعاوني للدعوة والإرشاد وتوعية الجاليات في الحمراء والكورنيش بمدينة جدة. وقال مديرالمكتب بدرالعليان "أعلن بيور ـ 25 عاماً ـ إسلامه بنطقه بالشهادتين، مبدياً تأثره وسعادته، ومؤكداً أنه تأثر بالمعاملة الطيبة لمنسوبي الهلال، وبالأجواء الروحانية التي شهدها في المملكة، وسماعه للقرآن، ورؤيته المصلين في صلواتهم". وغيّر بيور اسمه إلى محمد، وقال عقب إشهار إسلامه "اعتنقت الإسلام عن قناعة، وبخيار شخصي، وأعرف أن من حق كل إنسان أن يعتنق ما يشاء". وأضاف "كنت حريصاً قبل مغادرتي إلى الولايات المتحدة الأميركية على التعرف على الدين الإسلامي، وذلك بعد ما رأيت الكعبة المشرفة ومنظر الطواف من خلال إحدى القنوات". وتابع "عند وصولي جدة التقيت ببعض الدعاة في المكتب التعاوني بالحمراء، وكانوا يجيدون اللغة الإنجليزية، وقدموا لي كتباً تشرح فضل الإسلام كدين سماوي يجب ما قبله، مما زادني اقتناعاً به". ويعد إسلام بيور حلقة جديدة في سلسلة اعتناق المدربين واللاعبين الأجانب للإسلام. ففي أغسطس 2010 أعلن طبيب الهلال السابق، البلجيكي كارل ويليام إسلامه في مكتب الدعوة وتوعية الجاليات في حي البديعة في مدينة الرياض، واختار (فيصل) اسماً جديداً له. وفي العام ذاته أعلن لاعب فريق الرائد، المحترف الغاني إسماعيل آدو إسلامه في مقر النادي. كما أعلن مدرب حراس الرائد السابق، البرازيلي فابيو اعتناقه الإسلام في المكتب التعاوني للدعوة والإرشاد في حي الفايزية في بريدة.

صباح الفل صورة جديدة من صور الخداع البصري كل ما عليك إنك تبص للصورة وأنت بتهز رأسك شمال ويمين بسرعة وبقوة وأنت مركز علي الصورة هتشوف الصورة الحقيقية مين هيجرب؟

كلام في الجون .. ويعبر عن تأكيدنا على إن المجلس العسكري رجعنا سنين أخرى إلى الوراء .. وكنا ممكن خلال 9 شهور عملنا الكثير والكثير

إذا زرعت الصلاة، فستحصد النور إذا زرعت الأمانة فستحصد الثقة إذا زرعت الطيبة فستحصد الأصدقاء إذا زرعت التواضع فستحصد الاحترام إذا زرعت المثابرة فستحصد الرضا إذا زرعت التقدير فستحصد الاعتبار إذا زرعت الاجتهاد فستحصد النجاح إذا زرعت الإيمان فستحصد الطمأنينة إذا زرعت المحبة فستحصد السلام الداخلي لذا كن حذراً اليوم مما تزرع لتحصد غداً وعلى قدر عطائك في الحياة تأتيك ثمارها

الزوجة هي الزوجة أيا كانت شخصية الزوج :P

كاتب المقال لفت الأنظار لنقطة مهمة بالفعل وأرى أن ما يحدث الأن ما هو إلا إستنزاف لقدرات المرشحين الحالين للرئاسةوياتي على رأس ذلك القدرات المالية بالطبع وهو ما سيجعلهم غير قادرين على المواصلة خاصة أن سباق الإنتخابات الرئاسية الحقيقي لم يبدأ بعد , وسيبدأ بشكل حقيقي قبل موعد الإنتخابات بعام وهي الفترة التي ستحسم السباق وتحتاج لإمكانات ضخمة , ناهيك عن أن هناك من يراقب من بعيد كل ما يحدث ويقوم برصد الإيجابيات والسلبيات فى الحملات الترويجية للمرشحين الحالين لكي يستفيد منها ثم يبني على أساس ذلك حملته ليفوز هو في الأخير وبأقل مجهود . لذلك أتمنى ان يهدأ المرشحين تماما الفترة القادمة ويدخروا طاقتهم لوقت الحسم .

طب معلومة ببلاش تاني أيه يا دكتور - حسابك تقل قوي - ماذا لو قامت اللجنة التأسيسية للبرلمان بإختيار النظام الرئاسي البرلماني كنظام حكم لمصر .. ووافق الشعب على ذلك في الإسفتاء ؟ يعني الرئيس هايبقى راجل بركه يسلم على الناس ويحضر الأفراح والمياتم وبس ... أما البرلمان فهو من سيختار الحكومة بالكامل بما فيها رئيس الوزراء .. وإن كنت أتوقع أن ده إحتمال قوي لو القوى الإسلامية وخصوصاً الأخوان كان لهم الأغلبية وبالتالي السيطرة ستكتمل بإختيار هذا النوع من الحكم حتى يشكلوا هم الحكومة .... أنا عن نفسي بأحب النوع ده بدل ما تكون كل حاجه في إيد كبير الراحمية اللي هاييجي . عندئذ ... سيكون كل هؤلاء المرشحون عبارة عن ناس بركة ... ويبقى الفلوس اللي صرفوها وتعبهم راح على الفاضي لإن الرئيس في هذا النظام لا يحتاج إلى كل هذا المجهود .. فلا هو مطلوب منه برنامج ولا يحزنون .... وغالباً ما يتم إختياره زي الهند كده او إسرائيل ولبنان على سبيل المثال بيبقى شخص محترم او عالم او حد عاوزين يكرموه يبقى الأفضل في رأيي إن المرشحين يهدوا شوية حتى نهاية الإنتخابات البرلمانية والإستقرار على آلية انتخاب الرئيس و توضيح صلاحياته .. أعتقد أن بعض المرشحين مثل عمرو موسى يعى تلك اللعبة السياسية جيدا ..فنكاد لا نراه في أى أحداث و نادرا مما نسمع له تعليقا أو نشاهد له لقاءا .. وبعض المرشحين الآخرين مثل البرادعى و حازم صلاح و خصوصا الأخير .. نراه كثير التصريحات و اللقاءات و ينفق الكثير على حملته .. وبالرغم من استحسانى لأداءه وو عيه السياسي في الفترة الحالية إلا أنى أتخوف بالفعل من عدم قدرته على الصمود بنفس القوة ..

الف مليون مبروك للكويت .... ويارب الموضوع يكتمل على خير ... فعمق 20 متر او 65 متر مش حاجه خالث وبيفكرني بالطلمبات اللي بتدق في الأرياف عندنا وبتجيب مياه من على عمق منخفض جداً

نبذة عن النابغة العالم عصام حجي تخيلوا إن سنه 36 سنة فقط ؟؟؟؟

بسم الله الرحمن الرحيم (( إن الدين عند الله الإسلام )) (( فمن يرد الله أن يهديه يشرح صدره للإسلام )) (( إذا جاء نصر الله و الفتح و رأيت الناس يدخلون في دين الله أفواجا فسبح بحمد ربك و استغفره إنه كان توابا )).. هكذا هوالإسلام .. من عرفه حق المعرفه دخل قلبه فأناره .. و تلك هي هداية الله و مشيئته التى لايقف أمامها شيئ .. طوبى للمدرب الأمريكى الذي أراد الله به الخير فأخرجه من الظلمات إلى النور . . و أخرجه من سيئاته كيوم ولدته أمه .. فنحسبه الآن أفضل منا جميعا .. فنحن خرجنا إلى الدنيا مسلمين كآبائنا و أمهاتنا .. أما هو فقد اطلع و قارن و فكر فاقتنع أن الإسلام هو دين الله الحق .. فالحمد لله رب العالمين ...

شابوه كما ان الكثير من المشايخ اساءوا للسلفيه هناك الكثير احسنوا اليها كحازم ابو اسماعيل ومحمد عبد المقصود

أنا شايف إن أساس المشكلة فى الحكومة اللى رخصت المصرى جوه بلده فأصبح رخيصا خارجها مكتب الحاق العمالة مش هو الاساس صحيح ان فى مكاتب عاوزين الحرق بجاز بيكونوا عارفين ان الكفيل ده ظالم ومفترى وبرضه بيتعاملوا معاه لكن الاتفاق فى العادة بيكون بين الراغب فى السفر و الكفيل اللى بيوعده بوعود لما يجى يسافر يلاقيها اضغاث احلام , و انتوا عارفين ظروف البلد و المرتبات المتدنية فى مصر و المسؤليات اللى على ظهر الشاب لو عاوز يتجوز او بيساعد اهله يعنى الغريق بيتعلق بقشاية و دى النقطة اللى بيستغلها الكفيل كويس و يساعده فيها بعض اصحاب المكاتب اللى معندهمش دين بس ارجع و اقول لو المكتب كويس و ميعرفش حاجة عن الكفيل ده و واحد سافر بره و وقع مع كفيل ابن حرام المكتب هيعمله ايه ؟ طيب دلوقتى الواقع بيقول ان المسافر الى المملكة سيكون واقع تحت نظام شبيه بنظام الرق و هو نظام الكفالة ميعرفش تهرش فى دماغك الا بورقة من الكفيل يعنى هنا الحكومة حافظة حق الكفيل سواء كان سعودى او مستثمر اجنبى تالت و متلت وبزيادة كمان و دى مشكلة حتى لو هو انسان عادى و فى اديه السلطة دى ممكن تفرعنه , فى حين الموظف لما يتظلم يحاول ودى لو منفعش و راح مكتب العمل و بعد ما يشتكى يبعتوا لكفيله مره مجاش يبعتوا مرة تانية مجاش يبعتوا مرة تالته يبعت مندوب عنه يقولوا لا هات الكفيل و كلام وحديت و بعدين الكفيل يعترض يروحوا رافعين القضية للجنة اعلى و تبدا قصة اخرى و عند الحكم يطعن الكفيل و ترفع للجنة اعلى و كلام وحديت تقعد القصة بقى 3-4-5-7 سنين هوه وحظه و متعرفش ممكن يدوه ورقة يشتغل بيها ولا لأ و هو مش عارف ينزل مصر و هياكل منين و ممكن يستلف من طوب الارض و امه تموت بحسرتها و ممكن كفيله يسبقه و يبلغ عليه هروب قبل ما يشتكيه فى مكتب العمل الكلام ده كله سمعناه مش من وحى خيالى يبقى الحل فى حكومة قوية تعمل اتفاقيات او ضغوط على الحكومة السعودية لحفظ حقوق المصريين انا مش هكلمكم على دول اوروبا و امريكا دول بيكونوا أقوى من الكفيل انا اكلمكم على دول زى حالتنا بس عاملة اعتبار لابنائها زى الفلبين فى العادة محدش يقدر يأخر راتب فلبينى هنا فى السعودية الباشا ما يسافرش الا بعقد مظبوط ساعات عمل 8 س و اوفر تايم الساعة بساعة و نص و لو الرتاب اتاخر عن اسبوع بيوقف شغل و يكلم السفارة التى تتواصل مع كفيلة او مع صاحب مكتب السفريات اللى عارف كويس انه لو ارسلهم على كفيل مش كويس و اكل حقوقهم بيتبهدل فى الفلبين وبيقفلوا مكتبه و بيتغرم . و فى نهاية كلامى هديكوا مثال بسيط على ان اساس القضية مع الحكومة فى مؤسسة اسمها اكاديمية الجزيرة و كان فيها مدرسين مصريين كافلهم او مديرهم مصرى للاسف اكل حقوقهم و بهدلهم اشتكوا فى مكتب العمل القضية اخددت كام سنة ؟ 7 سنين و اتحلت ازاى راحو السفارة هناك الملحق العمالى او السفير كلم المدير المصرى و هدده بمنع الاستقدام من مصر نهائى يعنى يحطوا على البلاك ليست للشركات و وضعة على قائمة الانتظار للقبض عليه حين وصولة مصر .. تعرفوا المدير ده خلص حقوق المدرسين دول فى اد ايه ؟ 4 ايام فقط !!!

قصة حقيقةعايشتها لفتاة مصريه ماتت تشرق الشمس وتغيب وتذهب الطيور وتعود وتمر الأيام والسنون ويكبر الناس ويولد البعض والبعض الآخر يموت فى عالم يرفع شعارات الحقوق الانسانيه والمادية والاجتماعية وشعارات تزهو وتفتخر بالتقدم وإحصائيات وأرقام عندما تتطلع عليها يرتاح إليها ضميرك لكن الصقور لا ترى ما فى القبور ولا تسمع أهات فتاة ولا بكائها في عاصمة بلد ذات حضارة اكثر من 7 ألاف سنه وفى قلب عاصمتها وفى منطقة مقابر الدويقه حيث مقابر سادة القوم فى العهود السابقة تفصل بين عالمين مناطق عشوائية حيث المعاناة وعالم أخر لا يعرف ما يحس به الاخر. و نظام الايجار الجديد نار لا يقدرون على تحملها فاستسلموا للسكنى فى المدفن انه عبارة عن غرفتين صغيرتين متقابلتين وفناء واسع بدون سقف يحتوى فى اسفله على مقبرة للأموات . تلك الغرفتين لا تحميان من برد الشتاء ولا قسوة الصيف فاصيبت الأسرة لتعرضهم المستمر للبرد للحمرة فى الوجه وتحاملت فتاتنا على نفسها لعل الايام تأتى بالاحسن فهي الأخت الثالثه وتكبرها فتاتان احدهما 48 سنة والاخرى 46 سنه وكلاهما لم يسبق لهما الزواج وكلاهما عذراء مثل فتاتنا التى بلغت 44 سنه والى انتظرت لسنوات لعل رجل بأتى الى خطبتها فلم يأتى أحد ومن ذلك الرجل الذى يخطب فتاة تعيش مع الاموات ومن يراها فأصبحت فتاتنا تحت رحى عنوستها هى وأخواتها وبين رحى حياة مرة فى موطن لا تعيش فيه الكلاب ولا القطط ويحيط بالمكان سكون كسكون امواته مما اصاب فتاتنا بالحيرة خرت قواها وتاهت منها الحكمه وسكن الألم جسدها وتجمدت الدموع فى عيونها فرفضت الواقع فخاف اهلها منها وعليها فسجنوها فى احد غرفتى المقبرة حيه وظلت هكذا حتى ماتت ماتت جسدا وروحا لتدفن معها الامها وحسرتها . قامت الاسرة بخلع ملابسها وتغسيلها غسل الموتى ثم غطت جسدها بملبس ابيض غطى جسدها ثم انتظروا حتى الصباح . فى الصباح تجمع بعض الاصحاب والجيران والاهل ليحملوها الى مسجد على اطراف منطقة المقابر وفى الطريق البعض يحمل صندوق الجثمان واخوة بنات يبكين وام تحترق بكائا لا تعرف ان كانت هى سبب ابتلاء ابنتها ام المجتمع لقد ضاعت فرحتها برؤية الابنة كعروسه وفى الطريق دار حوار بين الام التى تمشى والأنين وألم الفراق داخل صدرها والدموع تنهمرمنها وبين البنت حيث ترقد فى ثوب الدفن داخل صندوق مغلق يحمله بعض الرجال . الام : ابنتى الحبيبه كنت اتمنى ان اراك فى ثوب العرس الابيض البنت : عشت هذا الحلم كثيرا ولم اجده لكن الان ارتديه وانا ميته فما فشلت فى ارتدائه وانا حيه ارتديه وانا مينه . الام : كنتى دوما انيسه وجليسه لنا سوف افتقدك حبيبتى البنت : اماه اننا عشنا سويا فى المدافن والان سوف ادفن فى المقبرة اى اننا لن نبتعد عن بعض انما فقط ستعيشون لفترة فوق الارض ثم نجتمع سويا تحت الارض ولا فاصل بيننا سوا سقف المدفن . الام : سافتقدك حبيبتى كل صباح البنت : اماه اننى سأوفر لاخوتى مكان بعد رحيل حيث كنت انام وساقى تلتف حول ساق اختى بل اننى ذاهبه الى قوم يفسحون المكان الى كل قادم ومكانى تحت الارض اوسع من فوق الارض الأم : لقد صبرت كثيرا على مشقات الحياة وكنت انتظر غدا افضل البنت : لقد انفطر عقد عمرى وانتهى شبابى حتى فى السكنى فى مكان أمن ان الكلاب لا تعيش فى المدافن الام : اسال الله ان يرحمك فى الاخرة ويدخلك جنتك البنت : لا اعرف انى ذاهبة الى جنه ام الى نار – الا ان يرحمنى الله – ان الحياة فى المدافن حرام فالصلاة فيها غير محببه واشياء اخرى كثيرة يحرمها الشرع فلا ادرى الى اين انا ذاهبة الى جنه ام الى نار. ثم ادخلوها المسجد ليصلوا عليها وما ان انتهوا من الصلاة حملوها على الاكتاف الى مدفن مجاور الى المدفن الذى كانت تسكن فيه . انها دورة حياة انسانه عاشت فى المدافن ثم صلوا عليها فى جامع على حدود المدافن كأنها ترسل رسالة عتاب والم الى العالم المحيط اين انت ؟ واين كنتم؟ ثم حملوها الى المدفن وحيث المثوى الاخير حتى يوم الاخرة . ايها العالم هذة الفتاة من معشر البشر كانت تبحث عن حق الحياة فى سكن امن يحفظ لها حياتها فى عالم لا ينفصه شىء من العقارات او السكن . ايها العالم البشرى انظروا الى معشر الحيوانات هل سمعتم عن حيوان يحتجز سكن او يتصارعوا على مكان انما يتصارعون على الاكل فإذا شبع الحيوان ترك ما زاد عنه الى اخيه وربما الى عشيرة غيره . ايها الانسان يا صاحب هذة الحضارة هل اضلك العلم وتنسى اخيك يعانى نفص المأوى يا من ترفع شعارات الانسانيه والرفاهيه والاخوة اين انت كم ملايين الناس الذين يسكنون الصفيح والذين لا يجدون سكن . هل انت فعلا انسان ؟

http://www.youtube.com/watch?v=-oCCnxBos10&ob=av3e

أولا السلام عليكم جميعا زملائي الإعزاء موضوع العمالة والمتاجرة بيها وإنخفاض كفاءة العمالة الناتج عن إنخفاض مستوى التعليم وتدني طموح الشباب المتجه ناحية الخليج مع مصاعب العيش في مصر حالياً ومعاملة المغترب على إنه بقرة بتتحلب ومش مهم عايش إزاي ومعاملة القوى البشرية على إنها عالة وضعف دور السفارات والقنصليات كل دي عوامل بتأثر بالسلب على سوق العمالة المصرية وبتنقل القوة لطرف صاحب العمل يتحكم في العمالة زي ما هو عايز وطبعاً بيدعمه نظام الكفيل وجهل العمالة لحقوقها وعدم قدرتها على المطالبة بيها. نلخص المشكلة -------------- عمالة منخفضة الجودة أصحاب شركات تدعمهم أدوات للتحكم في العمالة ضغوط داخلية مختلفة على العمالة أصحاب شركات توظيف يبحثون عن الربح بأي شكل عمالة مغيبة لا تعرف حقوقها ولا تعرف كيفية المطالبة بها سفارات مصر بالخارج لا امل فيها بشكل كبير لصعوبة المشكلة وتعقدها وايضا لغياب الهدف الإستراتيجي للدولة الحلول من وجهة نظري تبدأ من إعتبار العمالة مورد أساسي ونتعامل معاها بالشكل ده من عمل تخطيط طويل الأجل لنوعية العمالة المطلوبة للأسواق الخارج خلال فترات طويلة من خلال إتفاقيات دولية بعد كده يتم تأهيل العدد ده من خلال نظام تعليم خاص موجه للسوق الخارجي من خلاله يبقى عندنا مخزون إستراتيجي من المهارات المطلوبة بكده نقدر نفرض شروطنا واللى يجب ان تتحول لإتفاقيات دولية ملزمة بكده نقدر نستخدم اهم مصدر طبيعي في مصر ... البشر غير كده الحلول الفردية وإستنهاض ضمير أصحاب شركات العمالة او تخويفهم بالقوانين مش حيحل المشكلة وخصوصاً مع زيادة عدد الشباب العاطل وإنخفاض جودتهم ... مش ممكن نلومهم على محاولة إنهم يعيشوا بحجة إنهم بوظوا سوق العمالة في الخليج يعنى من الآخر الحكومة لازم تهتم شوية بالعنصر البشري بشكل علمي وعلى رأي اللمبي يوفرلهم سندوتشات الحلاوة الطحينية ، ليوفرلهم الكله يشوموها تحت الكوبري

الله الله يا دكتور محمد الراجل ده احبه فى الله فهو فقيه مصر وعالم من علماء مصر فى مجال الزراعه

صباح الفل يا جوجو ربنا يسعدك يارب مداخلتك الاولانية فطست من الضحك على يفتح لها دماغها او يعمل لها عاهة مستديمة ههههههههههههه و بعدين مداخلتك التانية واقعية شوية ما هو ده اللي جايبنا ورا الخوف من الحصول على لقب مطلقة مع ان ده مش حرام يعني و ديننا حلله حكاية الولاد دي حكاية تعرفي ان احيانا الولاد بيتربوا احسن لو بعدوا عن الجو المشحون بين باباهم و مامتهم و بيحترموهم همة الاتنين و ارجع اقول لك كل بيت مقفول على اللي جواه و ما يعلمش اللي فيه غير اصحابه مفيش تعميم في الموضوع ده ابدا كل واحد أدرى بظروفه ويعمل اللي يريحه صدقيني المجتمع ما بيديش نياشين لحد ياما ناس حياتهم جحيم بس عشان خايفين من نظرة المجتمع مع ان الله أحق أن نخشاه احنا اتخلقنا للعبادة و كل ما الانسان حواليه مشاكل تؤرقه بيتلهي فيها عن العبادة و ممكن يهتز ايمانه برب العالمين ليه العيش في دوامة طول العمر وربنا مدينا حلول؟؟؟ لقب مطلقة اللي اتكلمتي عنه اهون بكتير من مرار العيش مع شخص مش متوافقة معاه والناس عمرها ما حتبطل كلام لا على اللي ما اتجوزتش ولا على اللي اتجوزت و لا على اللي خلفت و لا على اللي ما خلفتش واللي اتطلقت واللي اترملت ماينفعش نعيش لارضاء الناس اولتجنب كلامهم المهم نكون احنا راضيين عن اللي بنعمله و نبتغي بيه رضاء رب العالمين فارضاؤه سبحانه أسهل كتيرمن ارضاءعباده و أهم طبعا خدي دي

بارك الله في الشيخ محمد بن عبد المقصود وهو ده كلام العقل لأن المتوقع في الفترة القادمة ان يقوم الفلول بتغير جلدهم واطلاق لحاهم! لكن ان شاء الله حيلتهم لم تنطلى على احد

كلام جميل .. كلام معقول .. اللحيه لا تعكس أبدا كفاءة إنسان أو مسئول .. فالكفاءة هى تراكم خبرات ومعرفة على مدار سنوات .. و بالتأكيد لن نقيس الكفاءة بطول لحية صاحبها .. بل بما قدم و يقدم لوطنه .. يجب أن أستمع إليه مرات ومرات لأعرف كيف يفكر وما رأيه في المشكلات الموجودة في بلده و تصوره لكيفية حلها .. هل هو قريب من بنى وطنه و يعرف همومهم ومشاكلهم أم يسكن في برج عاجى و يكتفي بالمراسلات بالنت .. الكفاءة يجب أن تكون هي المعيار الأول في الإختيار ..و لذا فمن الجانب الآخر أيضا لا يجب أن نسقط مرشحا كفئا لأنه ملتحى فهذه سطحية و سخافة ..

يعنى هى تستنى لحد ميفتحلها دماغها عشان تطلب الطلاق !!!!! بصراحة يا استاذة جويرية انا مش متفق معاكى ان واحد او واحدة يعيشوا حياتهم فى بؤس عشان خاطر يربوا الولاد بالرغم انه هدف سامى وده لاسباب كتيرة هجيبلك ابسط سببين اول سبب انهم هيجوا بعد ما الاولاد يتربوا ويجبروا هينفجروا فى بعض وهيكرهوا بعض اكتر والحالات دى بنشوفها عالاقل هتلاقيهم عايشين فى وسط جو مشحون بالعداء ومش لازم يبقى ظاهرى قد يكون خفى للجميع ولكن ظاهر للطرفين السبب التانى انه ايام الرسول صلى الله عليه وسلم فيه حالة قرات عنها ان الزوجة طلبت الطلاق عشان مش بتحب زوجها بالرغم انه كان يعشقها - فالرسول حاول يصلح بنهم ولكن لم يجبرها على الحياة معه وفعلا طلقت منه اه الواحد مياخدش قرار الطلاق بين يوم وليلة ولا هو قرار فردى القرار ده بيجى عالاقل بالسنين ولازم يكون باتفاق الطرفين باستحالة استمرار الحياة بينهم ومهم جدا ان يكون كل طرف عنده اسبابه المقنعة للطرف الاخر على عدم الاستمرار يعنى مش فردة بمعنى مثلا لو الزوج عايز يسيب زوجته عشان مش بتهتم بنفسها - يبقى من الحق وحقوقها كزوجة انه يعرفها بمشكلته معاها عشان تصلح من نفسها ويعطوا فرص لبعض للاصلاح مثال تانى الزوجة مش عايزة الزوج عشان بخيل فتبدا فى ابداء اسبابها للانفصال بداية بالتلميح ولو مجبش نتيجة تعرفه وممكن تبدا تهدده بالانفصال ------------ اللى بيهمنى ان الطرفين يكون عندهم الرغبة فى الاستمرار ونجاح مشروعهم الزوجى والمحاولة على تلافى المشاكل ومعالجة الاخطاء ولو لم ينجحا فى معالجة المشكلات او تصحيح الاخطاء فسيكون قرارهم بالانفصال نابع من داخلهم هما الاتنين عن تراضى وسيكون هو القرار الصحيح تحياتى

السلام عليكم هدانا الله و إياك يا زهرورتى :) لا اخفيك سرا ان حاله من الضحك الشديد اصابتنى و انا اقرأ مداخلتك إزدادت و انا اشاهد العلامات الخضراء الممنوحه لك على وصله السخريه و التجاوز و التى على ما يبدو تشفى غليل البعض و يعتبرها حلا بديلا عن الحجه المفقوده و الموضوعيه الضائعه . .فقط اريد الرد على الاتى من كلامك يا زهيرى كلام مرسل عار تماما من الدقه و فيه خلط كبير و اتهام عشوائى ..للمره العشروميه اقولها لك علها تكون واضحه هذه المره المسلم لا يكره الاخر المخالف فى الدين يا زهيرى لشخصه ..بل لكفره بالله عز و جل و لا يمنعه هذا من إحترامه و التواصل و التعايش معه كما أمر الله عز و جل و جاء فى القرأن يا زهيرى كلام مرسل خاطئ تماما يدحضه مئات بل الاف المداخلات لى و لغيرى ممن تعتبرهم ..فصيلنا .. المهووس عن نفسي العبره عندى بالدليل سواء كنت اتناقش فى شأن يمس دينى او حتى شأن دنيوى و الموضوعيه هى الإطار الذى اتحرك فيه و كنت اتمنى منك و انت المثقف الليبرالى العلمانى الغير متسلق و غير شنوداتى و :P غير متعفن ان تتبع المنهج العلمى فى حوارك بمعنى ان تأتى بشئ محدد او اتهام كما تزعم و ترد عليه بشكل منطقى موضوعى و بالدليل كما افعل انا فى الموضوع المذكور هنا مثلا بالرد على طريقه ...لا يا ابا عمر المعلومه هذه خاطئه علشان 1 2 3 و تكون مدعومه بالدليل القابل بعدها للتحقق من صحته سواء كان خبر من جريده او تسجيل فيديو ... اما الرد على طريقه الفوحلوقى و المتعفن و المتسلق و الهوس ليس إلا ضجيج لا ينم إلا عن خوااااااااااااااء .

مش كل حاجة نسمعها نصدقها مش كل الكلام اللي الناس بتقوله بيكون صح فيه ناس كتير بتكذب مين اللي قال ان الشباب دول كلامهم صحيح أو هم فعلاً مهندسين ده لو كانوا فعلاً جايين من الكهف بعد غيبوبة استمرت 50 سنة ... ماكانش الكلام ده حيكون منطقي أعتقد أن راتب المهندس لم يكن يوماً 1000 ريال .. حتى أيام الريال الخشب بتاع زمان صحيح مكاتب النخاسة بيعملوا حاجات مجرمة ... لكن مش للدرجة دي ... أنا شخصياً مش مصدق

http://www.youtube.com/watch?v=IzacaJOvl5w&feature=player_detailpage

امممممممممممم اية يا أستاذ دة غزل دة بقى ولا اية ههههههههههههههههههههههههههههه والدمــــوع .. ليســت قــــــــطــــــــــرات بــــــل هي صرخات ســقــطت فقــــــــــــــط لكونــــها لم تجـــد من يقــــــــــدر معنــى الكلــــــمات ؟!

شكرا للأفاضل الأعزاء فردا فردا على مشاركاتهم القيمة في هذا الموضوع الخفيف الذى كان الهدف منه تنبيه بعض ممن أحترمهم هنا في المنتدى كم هو جميل أن نحترم بعضنا بغض النظر عن اختلاف توجهاتنا وآرائنا ..وقد أردت أن يكون ذلك بأسلوب خفيف لا يجرح أحدا و أرجو أن أكون قد وفقت لهذا .... خفة الظل شيئ جميل و هي موهبة من عند الله .. وكم تكون جميلة حين يستخدمها فرد ما فيرسم على وجوهنا جميعا البسمة في وقت واحد و أعتقد أن هذا أفضل بكثير من أن يجعلنا جميعا نضحك من فرد واحد منا أو نجعل من مجموعة منا تريقة المنتدى فيضحك البعض ويثير حفيظة البعض الآخر .... على العموم أترككم مع الطرابيش و الطراطير .. أأأ أقصد أترككم فى حفظ الله .. وتصبحوا على خير :

وتنتابنى رغبه عارمه فى ان اغيب عن الوعى لشهرين / ..!!.. / او ثلاثه اكثر / اقل المهم بأنها موجوده / وبشده

الشياطين الحمر _______________ سُئل الشيخ الشعراوى فى احد البرامج " اى الاندية تشجع " فرد رحمه الله انا غير متابع لكرة القدم ... ولكننى اسمع عن فريق اسمه الشياطين الحمر والعياذ بالله .

لأ يا عم أبو محمد ... ممكن مصطلح طرطور ده نطلقه على كل من لغى عقله وبقى شيء أشبه بالإمعه وأرتضى أن يُقاد لا أن يقود .. فده ممكن نقول عليه بالفُم المليان "طرطور " ... --------- أستاذ س س في فرق كبير بين الانسان اللي لغي عقله وبقي إمعه وكذلك الانسان اللي بيأله بشر سواء عالم دين أو مرشح رئاسي أو ... ودول اوصفوهم براحتكم بكل المسميات اللطيفة اللي ذكرت فوق وبين ناس بتطالب بنقد موضوعي للمرشح أو الشيخ أو .... اللي بيأيدوه وبتطالب ان النقد يكون بأسلوب ميزعلش ونحرص فيه علي احترام بعض وعلي آداب الحوار مهما اختلفت وجهات نظرنا فأنا مثلا مش ممكن أوصف أستاذ محمد مشرفنا بإنه درويش البرادعي لمجرد انه بيأيد د. البرادعي وبيدافع عن كثير مما نسب له ولا يقبل الهجوم عليه والنقد الغير موضوعي يا رب أكون وضحت وجهة نظري تحياتي للجميع

هههههههها انا كنت داخل انام لقيت الاغنية الحلوه دي انت جبتها منين ..... ماشية مع الموضوع وخاصة الموسيقى كده يبقى عندنا طرارطير ، ودراويش ، ومجاذيب مع موسيقي كلاسيكية وضعها لنا الاستاذ محمد مش ناقص غير اننا نطلع على اي مولد ونلبس هلاهيل ونقعد نفقر مع الدراويش تصبحوا على خير جميعا معلش يابو السيد حاولت ادي لك نقطة خضراء علشان صورة الطرطور الحلو بس مش عارف بقالي كام يوم مش عارف استخدم التقييم الظاهر كده عمنا أبو محمد ألغاها من عندي يبقى لك عندي واحده خضرا

من العبادات السهلة أحيانًا و الصعبة غالبًا الصبر و قد قيل أن الإيمان نصفان : صبر و شكر الصبر على الطاعة الصبر عن المعاصي الصبر على أذى الناس الصبر على تربية الأولاد الصبر على مصاعب العمل و الحياة الصبر حتى على ارتفاع درجة الحرارة .. أو على شدة البرودة الصبر الصعب مثل الصبر على الابتلاءات و الاختبارات المؤلمة من مرض و فقدان للأموال و الأحباب و غيره و المهم هو أن يكون هذا الصبر ابتغاءًا لوجه الله سبحانه و تعالى و ليس سعيًا وراء مكسب دنيوي أو ما إلى ذلك (إنما يوفى الصابرون أجرهم بغير حساب)

طيب وليه نجيب كلام أصله غير معروف .. ونظل نخمن ونخمن .. ما رأيكم فى تعبير المجاذيب على الأقل فاللفظ عربى مفهوم ، ومشتق من الجذر اللغوى "جذب" أى شد الشئ نحوه ، وربما يستمر الجذب حتى يلتصق المجذوب بالجاذب بحيث يصعب التفريق بينهما.. نعرف مجاذيب السيدة .. ونعرف مجاذيب الحسين .. وهكذا .. فلماذا لا نقول مجاذيب المجلس العسكرى ومجاذيب البرادعى ومجاذيب عبد الناصر ومجاذيب الشيخ صلاح ومجاذيب الشيخ حسان ومجاذيب الشيخ الحوينى ؟ ولكن خدوا بالكم .. لا ينبغى أن نخلط هذه الصفة "صفة المجاذيب" بصفة أخرى سُمِّى على اسمها حى من أحياء القاهرة ، وهى صفة "المجاورين" .. والمجاورين فى الأصل هم طلبة العلم الذين كانوا يأتون من قرى ومدن وبلاد مختلفة لتلقى العلم فى الأزهر .. ولغويا "جاور" معناها قـَرُبَ فى السكن .. والمجاورة هى المساكنة أو الملاصقة فى السكن .. فكان طلاب العلم يجاورون الأزهر الشريف .. وهناك "مجاورين" للحرمين الشريفين يعرفهم الحجازيون أنا قلت ندخل "نثرى" الموضوع شوية بدلا من الانجرار إلى جماهير الألتراس الاسماعيلاوى .. وبالمرة - بما أننا فى موضوعات خفيفة - نهدى النفوس :)

السلام عليكم اخى الحبيب س س حقك 100% ان ترى ما قلت و حقى ايضا ارى التحيز الشديد منك فى مواضيع كثيره تخص المسيحيين منها موضوع ماسبيرو و هذا الدفاع المستميت عن سبب الاحداث و هم المسيحيين و رجال دينهم و الذى رأه الجميع ووثقه العالم كله و الهجوم الاشد على رجال الجيش و تحميلهم تبعه الموضوع كله و لا انسي تحاملك الاشد على السلفيين و كم من موضوع بنى على خبر كاذب قمت انت بفتحه و النقل دون التثبت ثم يتبين بعد ذلك كذب المصدر ...هذا ما رأيته يا احمد . بالله عليك انت مصدق الكلام ده يعنى انت مقتنع ان لجنه بيت العيله بتاعه شيخ الازهر هى اللى رفضت و ان الموضوع تم رغم انف الكنيسه مثلا . يا راجل قول كلام غير ده طبعا انا مصدقك إن لان المواقع و البرامج دى كلها تابعه للاعلام الليبرالى العلمانى المدفوع له بدايه من اليوم السابع و المصرى اليوم و اون تى فى و دريم و المحور ..ووو الى اخر القائمه المشبوهه و معروفه للجميع بالمناسبه كلهم بلعوا السنتهم بعد ان فوجئوا بهذا القرار الذى انا متأكد تماما و منذ زمن انه بسبب رفض الكنيسه الاورثوزوكسيه تحديدا له لانها من وجه نظرها اكثر المتضررين منه حيث انه سيجعل للدوله ..فى احد بنوده .. سلطه رقابه على الكنيسه مرفوضه بشكل اساسى من الكنيسه كل من هلل و اقام المنادب على عدم صدور قانون بناء دور العباده الموحد و تأخر صدوره و اعتقدوا انه الحل للاضطهاد و الاحتقان الذى يدعيه البعض اختفوا تماما من الصوره و لحسوا كل مواقفهم . اما لو انك مقتنع انه لا دخل للبابا شنوده بذلك و انه مغلوب على امره فدى تبقى مصيبه كبيره بجد انك لا تعرف قدر الرجل و قوته و تأثيره على الاحداث اما لو انك تدعى ذلك مجامله له او لاتباعه فدى حريتك الشخصيه لا استطيع الخوض فيها و لك كل التقدير و الاحترام

أخي العزيز جدآ اسد أختي العزيزة مدام عبير و انتم طيبين و بصحة و سعادة و راحة بال علي فكرة يا مدام عبير .. انا زهقت من الطورطات و الجاتوهات .. نفسي و مني عيني في ده ...

الصورة دي مخلياها في الفيفورتس عندي لاني اول ما شوفتها...لقيت ان الولد اللي المفروض الناس تططبطب عليه...هو اللي لسه قادر يطبطب علي غيره...اللي ممكن يكون مش محتاج طبطبة طفل "غير مكتمل" الحياة....حالة اكتمال راقية جدا من فضل الله حين تكون قادر علي العطاء..... لمن يبدو انه في غير حاجة لهذا العطاء

صراحة مش عارفة اقولك ايه بالضبط ياعبير اقولك انك اشجع منى انك اعترفت باخطائك او انك اعتذرت اقولك اننا معظمنا الصورة اللى بتحكيها لكن زى ماما سلوى ماقالت مينفعش نحمل نفسنا فوق طاقتها ونشيل الذنب وحدنا معظم الرجال يتناسون ان زوجاتهم تمر بفترات طبيعية دون ارداتها تكون فيها اضعف مايمكن تحتاج منه يد حانية تربت وتطبطب عليها وتتحمل عصبيتها وجنوحها ومزاجها السئ فى تلك الفترة بل يزيدون عنادا ولايتذكرون الا انفسهم ومطالبهم المادية والمعنوية دون بذل اى مجهود لاحتواء شريكة الحياة وكثيرا مايتدخل الشيطان لينفث فى صغائرنا ليضخمها بابراز تضحياتك وخدماتك و...و..... فى حين يضئل من افعال الطرف الاخر من حب واهتمام وعشرة حلوة وربما ايضا تضحياته مثلك فتظهر شروخ جلية فى جدار العلاقة ولكنها فى الحقيقة شروخ وهمية صورها لنا خيالنا ودعمها الشيطان فلانرى الا حلا واحد نظن فيه الخلاص الا وهو الانفصال او ترك بيوتنا لكن حين تقشع الغيوم نجد ان هذا الحل ماهو الا انه الموت بعينه لاننا نريد الانفصال عن ارواحنا التى سكنتا فلم نكن الا روح واحدة بل جسد واحد ايضا وسنظل حتى الممات نشعر باوجاعه والامه اذا مرض ولو بعد عنا الاف الاميال مريت بنفس تجربتك من حوالى 11 سنة وقت وفاة ابى رحمه الله وقتها اسودت الدنيا فى عينى لم يكن لى رغبة فى الحياة اردت ان الحق به وارتاح لم يعد لى رغبة لزوجى او حتى اولادى ولكنى لزمت الصمت لاانكر انه احتوانى فى تلك الفترة لكن بطريقته التى لم تصلنى سوى انه لم يحترم حزنى وضعفى فى تلك الفترة فما كان غير انى ازددت نفورا وبعادا لم احاول ان اصلح من نفسى فى الوقت الذى حاول هو فيه الكثير قابلت مشاعره بفتور وتبلد وكان الدنيا وقفت عند احزانى وحدى ورغم حبى وشدة عشقى له الا ان افكارى المسمومة سيطرت على تصرفاتى تجاهه وزدت كراهية لنفسى كلما زاد حبه وغيرته على التى باتت تزيد يوما عن يوما لدرجة اصحابى يحسدونى على حبه وغيرته فى حين اشكو انا الاختناق من تلك الغيرة وقررت مثلك الانفصال ولكنى اكتشفت ايضا مثلك انى حامل بطفل لاذنب له ولاخوته سوى انهم ابنائنا كثيرا مالسعادة تسكن بيوتنا وتقف على ابوابها لكن غبواتنا وقصر نظرنا يبدد اى احساس بيها لكن من نعم ربنا علينا انه بيرسل لنا اشارات فى اوقاتنا العصيبة كولادة طفل او مرض احدهم وقتها تتوه وتذوب اى خلافات بل يزيد الترابط والحب وينجلى العشق القديم ليحتوى كل الخلافات ويعيد لحياتنا من تانى البريق لم اشعر بمدى حبى وارتباطى به الا حين فارقنى لاداء فريضة الحج وقتها شعرت بانسحاب روحى منى باشكرك جدا ياعبير انك قدرت تخرجى منى حمل كنت دفنته ويخرج على السطح من وقت لاخر يكدر حياتى هنا اعتذر لزوجى عن اى تقصير فى حقه او ضيق سببت له او عنه انشغالى بالاولاد عنه فهو نعم الزوج والصاحب والصديق

ياعبير الغالية . ربنا يهديكم لبعض يابنتى . جميل جدا انك تحاسبى نفسك والأجمل انك حتى بينك وبين نفسك تعترفى انك كنتى مقصرة بعض الشئ . لكن؟؟ مش معنى كدة بقى انك تيجى على نفسك بشكل مبالغ فيه .. بلاش ياعبير تحسى بالذنب.. بلاش تحسى ان لو كان فيه اخطاء ف الحياة الزوجية ف ده اكيد بسببك.. غلط ياعبير.. غلط يابنتى ... يمكن قبل كدة قلتها مرة زمان.....مفيش خناقة الا ولها طرفان... مفيش خناقة حاتحصل.لو واحد من الاتنين دول مش عاوز يتخانق . كلامك جميل جداا لكن تنقصه بعض التوضيحات التى من الممكن ان تنير لك طريق طويل ان شاء الله. اكبر غلط ممكن يحصل بين الزوجين لما واحد فيهم يحس انه ضحية .. يحس انه هو بس اللى بيدى ..والتانى بياخد بس. ده بينطبق على المشاعر والماديات وكل شئ . لو حد حس انه ضحية ......مش حاتبقى مشاعره خالصة للى معاه.اقصد لشريك حياته. طيب... طيب... انتى اتصرفتى دلوقت تصرف رائع وجميل وقلتى انا وانا وانا وانا .. طيب هو كان واقف متكتف بيتفرج عليكى ؟؟؟ الم يناقشك مرة ؟؟؟ الم يعاتبك؟؟؟ الم ينهرك؟؟؟ حتى بالكلام؟؟؟ اذن... ممكن نقول .بين كل فترة والتانية كانت بتحصل (( مطبات الحياة )) وشئ طبيعى ومفهوم ان لو رجل البيت ساءت ظروف عمله او ظروفه المادية ده بيؤثر على حياته كلها .. لكنه لا يكون دافع لأى معاملة غير مرغوب فيها . طيب... لابد نعترف ان الخطأ كان من الناحيتين .......كدة اوضح واسهل واضمن لتنظيف كل الجروح .. كدة احسن....صدقينى يابنتى . بلاش تبكى وتقولى ....سامحنى انا غلطت ((( وانتى بس قصرتى بعض الشئ )))...بلاش بالطريقة دى تحسسيه انه لم يغلط ابداااااا ده حتى رد على كلامك ف موضوع سوسو رانى ...بتاع سحب الفلوس على المكشوف . يعنى ؟؟ لو حاتسكتى مرة واتنين ....اللى امامك او اللى معاكى..حايتمادى .على اساس دى مبتزعلش . ماشى ؟؟ الزواج..........مودة وسكن.. لن ايأس وسأظل اقولها لآخر يوم من عمرى .. الزواج.....مودة....وسكن. الزواج ...مودة .....وسكن. مفيش ضحية ...وجزار. مفيش ضحية ...وعشماوى واقف مستنى .. عاشروهم بالمعروف او فارقوهم باحسان. انا سعيدة جدااااا فعلا فعلا بكل كلامك ......وصدقينى سوف اكون اسعد لو ناقشتيه بهدوء وبينتى له (( شوية اسباب صغننة هى اللى جعلتك تبعدى عنه )) وكله بالهدوء والذوق والحب والحنان. وربنا يوفق وربنا ما يحرمكم من بعض ولا يحرم اولادكم منكم .. :clappingrose: :clappingrose:

باختصار لو عايزه تغيرى المخرجات يبقى لازم الاول تغيرى المدخلات غير كدا هنفضل ندور فى دايره مفرغه بمعنى ايه بمعنى ان مثلا الشريك دا ايه الموقف الى بيخليه يسحب على المكشوف نقول مثلا انه لما بيتعصب مبيعرفش بيقول ايه و بيلبخ جامد طيب يا ترى ايه الى بيعصبه للمرحله دى مثلا ان الشريك الى قدامه بيتاعمل معاه بهدوء شديد و برود ( اه فى ناس بتتعصب جامد من كدا ) يبقى ايه الحل الحل ان الشخ الهادى قوى دا ما دام عرف ان دا مش طريقه صح للتعامل مع الشريك يبقى لازم يغيرها غير كدا هيفضلوا يدورا فى نفس الحلقه المفرغه هو يبقى هادى جدا التانى يتعصب من كدا يلبخ فى الكلام الطرف الاول يزعل شويه و التانى يراضيه الاول يبين انه اتراضى لكن لسه من جواه زعلان و بالتالى رصيد التانى نقص جواه و هلم جرى مثال تانى مثلا الزوج بيمد ايده على الزوجه لو الزوجه عايزه تغير دا تعكس المقدمات الى كانت بتعملها فبتخلى الزوج يمد ايده عليها بمعنى مثلا انها لو كانت حسسته بضعفها فاتجرا عليها و مد ايده يبقى تبطل تعمل كدا المره الجايه لازم تقف قدامه قويه و لا تتهز لكن لو كان السبب مثلا انه اتعصب من مناطحتها ليه خلاص يبقى المره الجايه تكون هاديه و سلسله فى المناقشه و لو شافته شد هى ترخى الامثله كتيره لكن كلها بدور حولين نفس المعنى لو هو عمل خطا مثلا و سامحته و كرره يبقى لازم تعمل واقفه جامده عليه المره الى بعديها المهم ان كل طرف يعرف الشريك الى معاه ايه مدخله و ايه طريقه التعامل المثلى معاه و ساعتها جزء كبير من المشاكل هيتحل المفروض محدش يستنى على الطرف التانى لغايه ما رصيده ينكشف و يكون بيسحب على المكشوف لان دا فى اعتبارى سلبيه المفروض من اول ما يسحب او نقطه نشوف على طول الخلل كان فين و نصلحه و بالتالى ساعتها عمر الحساب ما هيقل اساسا فما بالك انه ينكشف

[color="#4B0082"]قد اتفق معك ان كان حدود المقال فقط ما اورده من امثله لكن ارى ان المقال يتحدث عن مبدا شديد الاهميه و الخطوره ايضا قد تبدو الامثله التى سيقت فى المقال ليست من القوه الكافيه فما هى المشكله فى حرق بعض صور او ضياع بعض الذكريات الجميله لكن تبدوا المشكله جليه من حيث ركيزتها نفسها و هى المبدا اتذكر اننى قرات عن فتاه فى السنه الدراسيه الاخيره من دراستها فى كليه الهندسه افتتها احدى الواعظات بان عليها ان تترك جامعتها لانها مختلطه و الا تذهب للامتحانات لانها مختلطه حتى لو كلفها ذلك مستقبلها العلمى و المهنى فالمراه اساسا لم تخلق لتلقى العلوم و العمل بها بل للمكوث فى البيت و تربيه الاولاد هكذا بكل بساطه افتتها و بشكل حاسم ان تترك علومها و مستقبلها لتقبع فى البيت ومن ترك شيىء لله عوضه الله عنه لا اعلم يقينا ما الذى اختارته الفتاه و لكن اتصورها اتبعت فتوى الواعظه لانها من اهل قال الله و قال الرسول و تركت دراستها و علمها و قبعت فى بيتها اعواما طوال ترزح تحت ندمها على ما فاتها و ما فرطت فيه سابقا من اختلاط حتى ان لم تكن هى نفسها قد اختلطت باحد بدعوى العلم لتفاجا بعدها بعده سنوات بنفس الواعظه تتراجع عن تلك الفتوى و تقول انها راجعت نفسها و منهجها فوجدت انه لا حرج من الخروج للدراسه حتى فى الاماكن المختلطه مع توخى الضوابط الشرعيه بان تجنب الفتاه نفسها بنفسها هذا الاختلاط ان امكن من الذى سيعيد لهذه الفتاه حياتها و زهره سنوات عمرها و مستقبلها الذى تدمر كلنا يعلم ان شروط قبول التوبه من العبد تتمحور حول الندم و الاقلاع و الى غير ذلك من شروط التوبه المعروفه ما دامت متعلقه بحق الله عند عبده اما اذا كانت متعلقه بحق احد العباد فيضاف شرط اخر هام و هو رد هذا الحق لاصحابه او على الاقل الحصول على سماحهم فيه و الا لن تقبل دون اقتصاص يوم القيامه فما بال هؤلاء القوم من ربما اقول الاستخفاف بحيث ان يصدر فتوى فى فتره من فترات حياته يترتب عليها تغيرات كثيره لحياه قله او كثره من الناس على حسب قوه تاثيره ووصوله و حقوقهم ثم بكل بساطه يعدل عنها بعد فتره من الزمن و الحجه الجاهزه دائما هى تغير فى الفكر ليس بالضروره ان تضررى من الفتوى ياتى من اقتناعى انا بها و عملى بها و بالتالى فانا الوحيده الملامه لتسليم عقلى لغيرى بل من الممكن جدا ان ياتى تضررى من اقتناع غيرى بها و همتهم فى تطبيقها بشكل يؤذينى او يؤثر على حياتى و مستقبلى و حقوقى بالسلب اين مسئوليه الفتوى اين امانتها اين استشعار اهميتها فى تحديد مسار وربما حياه اشخاص باكملها هل بهذه البساطه تؤدى الحقوق الى اصحابها ويعوض كل من تضرر من فتوى بشكل او باخر من اصدروا فتاوى بتكفير المجتمع و استحلال دمه ثم كتبوا بعد ذلك مراجعات فى فتره سجنهم و الله اعلم هل بسبب تغير حقيقى لفكرهم ام ضمن صفقه للافراج عنهم من يعوض الابرياء الذين قضوا بسبب فتاويهم تلك هل بهذه البساطه نقبل منهم تغير فتاوييهم ارواح تزحق و حقوق تضيع و حياه اناس تنقلب راسا على عقب بسبب فتوى ثم تسحب هكذا بكل بساطه هذا هو ما اتحدث عنه و هذا هو البعد الحقيقى فى نظرى لخطوره الموقف فى الفتوى لا تكفى ابدا النوايا الطيبه سواء للمستفتى و الاهم المفتى فالطريق للجحيم مفروش دوما بالنوايا الطيبه كما تقول الحكمه ففى حديث جابر بن عبدالله أن النبي صلى الله عليه وسلم أرسل سريةً فأصيب أحد أفرادها بجراح في بدنه بعد معركة قامت بين المسلمين والمشركين فلما أصبح به الصباح وقام ليصليَ صلاة الفجر إذا به يرى نفسه قد إحتلم ويجب عليه الغسل ولكنه بسبب ماأصابه من جراحات كثيرة في بدنه رأى أنه لابد من أن يسأل أهل العلم لعلهم يجدون له رخصة في ألا يغتسل خشية أن يصيبه ضرر أو هلاك، فسأل من حوله فقالوا له لابد لك من الإغتسال فما كان من هذا الجريح المصاب في سبيل الله إلا أن ائتمر بأمر من أفتاه بأنه لابد له من الإغتسال فاغتسل فكان عاقبة أمره أن مات !!.. ذلك لأنكم تعلمون أن من كان في بدنه جراحات وأصابه الماء البارد وهم في العراء ليس بالدار في البيت وليس هناك وسائل بتسخين الماء فصب الماء على بدنه فكان فيه موته، فلما وصل خبره الى رسول صلى الله عليه وسلم هاله الأمر!!.. وغضب غضباً شديداً على أولئك الذين أفتوه بأنه لا بد له من الغسل فدعا على أولئك الذين أفتوا بغير علم قائلاً (قتلوه قاتلهم الله..قتلوه قاتلهم الله، ألا سألوا حين جهلوا فإنما شفاء العي السؤال) و ما زال الموضوع مفتوح للتناقش :roseop: