لوحة القادة

مشهد 1 الكاميرا تُركز زوووم إن على صورة لكرت دعوة لحفل زفاف " يتشرف المعلم شداد العبسي واخوه المعلم شديد العبسي بدعوة سيادتكم لحضور حفل زفاف نجل الاول الشاب عنتر – جندي في القوات المسلحة النجدية – على كريمة الثاني الأنسة عبله الموظفه بهيئة الصرف الصحي بمنطقة ينبع والجبيل وذلك يوم الثلاثاء الموافق السادس من أيلول الساعة العاشرة بقاعة إحتفالات أبو جهل بحي المنفوحة ... وهنا تصحو عبله على زُغد من أمها وهي تصيح : قومي يا منيلة ورانا النهاردة شغل كتير عبله : يوووووووووووووووه ياما .. صحتيني من حلم جميل ... خير اللهم اجعله خير حلمت إننا خلاص طبعنا دعاوي فرحي أنا وعنتر وإتخيلتني وانا عند كوافير " الدهماء " وعلى وشك إننا نروح أستديو " الأغبر للمناسبات السعيدة " عشان نتصور صور الفرح وخلاص كانت عقدتي هاتنفك .... فكيهة : فكوا عضامك يا بعيده .... قومي يا بت أحلبي النوق وأجمعي البلح بلا دلع بنات فاضي . وتذهب عبله وتنهمك في العمل الشاق طوال اليوم ... وبعد العصر ( تُرسل رسالة زاجل – إس إم إس من بتوع زمان ) لعنتر تطلبه فيها باللقاء لأمر عاجل بعد العشاء في كوفي شوب " الديك المجروح " وياتي عنتر مهرولاً : قشطة يا عبله .... خير ؟ وكتاب الله قلبي إنطرب لما قريت رسالتك ... مع إن أمي هي اللي إصطادت الحمامة والولية ما صدقت وجابت رقبتها عشان تعملها لنا بالفريك ... لكن انا لمحت إن في رجلها ورقه وقريتها وعرفت إنها منك وجيت على جناح السرعة عبله : يادي الخسارة يا ربي ... ابويا لو عرف إنكم دبحتوا الحمامة هايسود عيشة اللي جابوكم ... المهم .... عنتر .. إنت لازم تحط حد لعلاقتنا دي .. إحنا بقى لنا 13 سنة مخطوبين .. وأنا خلاص سني كبر وما بقتش صغيرة عنتر : كبرتي ؟ فشررررررر؟ بقى 43 سنة كبيرة ؟ يا بنتي ده اللي من دورك لسه بيدرسوا في الكتاتيب الجاهلية عبلة : ما تاكلش بعقلي عصيدة ... إنت لازم تتصرف وتيجي تقابل عمك شديد عشان تحدد ميعاد الفرح عنتر : وأنا أعمل إيه يا عبله ؟ السوق اليومين دول نايم والناس بطلت تحارب بعضها وكإنهم بقوا ملايكه ... حتى داحس والغبراء خلاص بقوا نسايب وسمنة على عسل ... والبسوس .. البسوس يا ستي بقوا ولا البسبوسة مع بعض .. وإنتي عارفه إن دول الحربين اللي عملت منهم سبوبة حلوه وجبت لك بيهم الشبكة زمان عبله : ماليش دعوة .. اهو روح حارب في أي حته .. أو دور لك على عقد عمل في الخليج عنتر : إخص عليكي ... بقى عنتر فارس فرسان بني عبس يروح يشتغل مرتزقة ؟ او أروح أشتغل فرد أمن في الخليج بـ 1500 ريال ؟ عنتر اللي رمضاء مكه أشتكت من شقاوته .... عنتر اللي الرمح والسيف والقراطيس والقلمو ... عنتر اللي الأعداء بيموتوا في جلدهم لما يسمعوا سيرته .... إنتي ما سمعتنيش وأنا بأقول إن الأفاعي وإن لانت ملامسها عند التقلب في أنيابها الــعطبُ فَتًى يَخُوضُ غِمَارَ الحرْبِ مُبْتَسِماً وَيَنْثَنِي وَسِنَانُ الـرُّمْحِ مُخْتَضِبُ إنْ سلَّ صارمهُ سالتَ مضاربهُ وأَشْرَقَ الجَوُّ وانْشَقَّتْ لَهُ الحُجُـبُ والخَيْلُ تَشْهَدُ لي أَنِّي أُكَفْكِفُهَا والطّعن مثلُ شرارِ النَّار يلتهبُ إذا التقيتُ الأعادي يومَ معركة تَركْتُ جَمْعَهُمُ المَغْرُور يُنْتَهَبُ عبله : يا عم بطل فنجرة بوء بقى ... إنت مش فالح الا في الكلام .. شوف كل الشباب اللي من سنك دلوقت بقوا إيه .. اللهم صلي عالنبي اللي معاه ميكروباظ واللي عنده توك توك واللي فاتح سايبر وإنت عمال تضرب في شعر وزجل ولا فيش في جيبك نص جيني عنتره : عيب يا هبله .. أنا لو كنت قولت يا فلوس كنت زماني من الاعيان دلوقت وما تنسيش إني يخبرك من شـهد الوقيعة أنني أغشى الوغى وأعف عند المغنم عبله : اهو ده اللي إنتي فالح فيه .. يعني لو كنت لميت لك شوية مغنمي من دول كنا زماننا متجوزين دلوقت ومخلفين لنا عيلين تلاته . عنتره : مش انا يا عبله ... مش أنا ده أنا ولو قطعوا رقبتي عمري ولقد أبيت على الطوى وأظلّه حتى أنال به كريم المأكلِ والله العظيم يا عبله انا باعمل كل جهدي لكن اديكي شايفه الإيد قصيرة والعين بصيرة ... بس إن شاء الله تُفرج ... انا جالي أوفر من دار نشر عشان ينشروا أول دواويني ... وكمان في واحد مغنواتي إسمه شعبولا إبن الأكوع هايشتري مني قصيدة هايغنيها في ألبومه اللي جاي .. إسمعي كده مطلعها بيقول إيه هَلْ غَادَرَ الشُّعَرَاءُ منْ مُتَـرَدَّمِ أم هَلْ عَرَفْتَ الدَّارَ بعدَ تَوَهُّـمِ يَا دَارَ عَبْلـةَ بِالجَواءِ تَكَلَّمِـي وَعِمِّي صَبَاحاً دَارَ عبْلةَ واسلَمِي فَوَقَّفْـتُ فيها نَاقَتي وكَأنَّهَـا فَـدَنٌ لأَقْضي حَاجَةَ المُتَلَـوِّمِ وتَحُـلُّ عَبلَةُ بِالجَوَاءِ وأَهْلُنَـا بالحَـزنِ فَالصَّمَـانِ فَالمُتَثَلَّـمِ حُيِّيْتَ مِنْ طَلَلٍ تَقادَمَ عَهْـدُهُ أَقْـوى وأَقْفَـرَ بَعدَ أُمِّ الهَيْثَـمِ وإيييييييييييييييييييييييييييييه عبله : إيه القرف ده ؟ يا عم الكلام ده ما ياكلش معايا انا أهم حاجه عندي ليه تيجي تقابل أبويا وتخلص معاه .. وترحمني بقى من زن عمارة الزيادي اللي عاوز يشيل بكره قبل بعده وكل شويه يكلم أبويا عنتر : يشيل ؟؟؟؟؟؟؟!!!! إيه الألفاظ البيئة دي ؟ إنتي محسسناي إني بأحب شوال بطاطس ... وبعدين هو الواد اللزج ده لسه بيتنطط حواليكي ؟ وكتاب الله لو قرب منك لأشقه نصين عبله : طب يا عم الفكهاني ... خد أبوينتمينت من عمك وروح خلص معاه وأقطع عرق وسيح دمه ... وهنا أُسقط في يد عنتر ولم يجد بداً إلا في أن يذهب إلى عمه ذات مساء لتحديد موعد للزفاف شديد : أهلاً سي زفت ... إنت جيت ؟ عنتر : ليه الوش البلاستيك ده يا كبير العبابسة ؟ يا عم لاقيني ولا تغديني شديد : إنت ما بتستحيش يالا ؟ 13 سنة وإنت بتتغدا وتتعشى عندنا لحد ما بطرخت وبقيت عامل زي العجل الجاموسي عنتر : ما أنا جاي لحضرتك عشان كده يا عمي وعاوز أتفق إن شاء الله على ميعاد للفرح وعاوز أسمع طلبات سعادتك قبل كتب الكتاب وتعلية الجواب والدخلة الهباب وهنا تدخل مدام فيكهة زوجة عم عنتر حاملة كؤوس النبيذ والمزة لزوم القعدة شديد : شوف يا عنتر ... أينعم عبله بنت عمك .. لكن مش معنى كده إنك تكلفت الجوازه ... أنا راجل لي مركزي ومكانتي وسط الكفار وفرح بنتي لازم معشر قريش يحكوا ويتحاكوا عليه ويتعمل لها فرح سبع ليالي بلياليهم وكل البشر ياكلوا ويسكروا ويتبسطوا يُتبع

كم هي رائعه هذه المساحة هنا يا عبير كأنها كأس ماء بارد في نهار صيف حار كأنها بلسم ناعم يخترق ذحام اليوم يسترحم خشونته لتلين إن كان لي حق المشاركه فإسمحي لي بهذه الأبيات القصيره التي إستدعتها كلماتك من خزائن ذاكرتي ************** أحببت فيك أن أحببتك دون أدري أحببت أشواقي إليك ..شرود فكري و أمنت قربك فوضعت بين يديك عمري و أذنت للهوى فيك إمتلاك أمري فتركت حبك بالفلب بين النبض يسري قد كنتُ أسخر من اللواتي عَـشـِقـــنَ غيــــري و أقول دوماً ما بالهوى أمراً لــِيـــُغـــري و أرى خليَّ القلب مثلي قد نـــــال نصري ما كـــان للهــوى قبـــلك لحنــاً بوتــــري ما خـَـطـَ لكلام الهيام بالحــق ِ حبــري لكن كمـــا أن الأيـــــام بالعــمــر تجري قد جـــاءَ يومـــاً يـــُقــَال فيه أن جــاء دوري ليــنـــال منـــي العشق فيكَ و يـــصيب قدري و يفوح عطر الحب مني ليفوق عطري و أجد حبك في غفلةٍ ... قد ملأ صدري و قلبي سكيراً متعربداً ... والحب خمري و الآن... أين خليَّ القلب أخبره سري؟ أين الذي سَخـِرتُ معه من حب غيري؟ أخبره ها أن الهوى قد سكن قصري إن سخر مني سأقول أن الكَرَم َعـُذري و ما لبخيلٍ مثــله تحويل نــــظـــــري تحياتي

السلام عليكم ورحمة الله... أخد حاجة واحدة بس معايا؟ دى بسيطة خالص.. أخد "بعضى"....وأجرى :)

الرآى / بالرآى وإنما يجابه الفكر / بالفكر وكلنا يحمل عقل لا للحجر / لا للمصادره وإلا عدنا .. الى عقود من دامسة التخلف خاصه / والقضيه دافقه الى سطح المجتمع بالفعل واطمح الى اسلوب حوارى يرقى من مكانتكم وحسن الظن هذا وكلى ثقه / فى حياديتكم ونزاهتكم وترفعكم إن كان لى الحق وكامل / احترامى

تعرفي يا مغتربة موضوعك ده فكرني بزلزال 1992 وقتها كنت في الكلية و وقت ما حصل الساعة 3:10 عصرا كنت نايمة بلبسي قيلولة قصيرة عشان كان عندي كورس الساعة 5 لقيت السرير بيتهز و كنت فاكرة ماما بتصحيني ههههههههههههه لما الهز زاد قلت و انا نايمة ايه يا ماما بقى و فتحت عيني ملقتش حد في الاوضة و سمعت ماما بتناديني من الصالة برة اصلها كانت عمالة تنادي و انا نايمة تعالي يا عبير اتغدي و بعدها تعالى اشربي شاي و انا كنت عايزة اغفل شوية عشان اقدر اكمل اليوم المهم ماما جت الاوضة و خدتني بالراحة اوي و قعدتني في الصالة و بابا كان قاعد في ثبات غريب و لاقيتها واقفة مميلة عليا و انا على الكرسي و بتنطق الشهادة بهدوء قال كانت عايزة تحميني بجسمها لو البيت وقع طبعا عينيا دمعت دلوقت و انا بافتكر الله يرحمها و يحسن إليها المهم اللي باحكيه ده مش عارفة كان ايه ؟ كان استسلام؟؟؟ ناس كتير كانوا وقتها بيجروا على السلالم و ناس نطت من الشبابيك احنا ليه ما خرجناش ؟؟ باتكلم على والدي و والدتي لأني وقتها كنت نص نايمة و مش مدركة ايه اللي بيحصل تعرفي تاني يوم لما قالوا في توابع جا لي تفكير غريب ان لو البيت وقع يقع عليا و لا اني اسيب اوضتي و كتبي و اشيائي الخاصة يمكن دي كانت بداية تفكيري ايه اهمية اي حاجة في الدنيا؟؟؟ و ازاي اتخلص من ارتباطي بالأشياء و حياتي استمرت بعدها سلسلة دروس قاسية تقريبا جردتني من كل أشيائي اللي متعلقة بيها حتي بابا و ماما و بجد مفيش أهم من الأشخاص اللي بنحبهم سلامتهم بالدنيا و ما فيها و كل حاجة و أي حاجة بعد كده تتعوض

بسم الله الرحمن الرحيم أخي الفاضل / emsadeck تحية طيبة وبعد ... للأسف الشديد لا يوجد أي إتجاه لإلغاء هذا الشرط حتى هذه اللحظة . خالص تحياتي مهندس / أشرف محمد

هنا مساحة حرة لكل المشاعر الحلوة في الحب هنا لا دموع لا ألم لا ندم و لا حتى عتاب هنا لهفة اشتياق حنين دفء حنان أمان هنا كل الحب ♥♥♥

زهرتي الجميلةُ البرية اهلا بكلماتك العطرة الندية و نور معانيها الحلوة البهية انثري هنا عبير أحرفك الثرية و امتعينا بأنغام ألحانك الشجية

ممكن سؤال لو سمحتوا هو مش الشعب المصرى قام بثورة برده ولا انا كنت بحلم مين بيمثل الثورة دى الان ومين ال اعطاه الحق يمثل الثورة كمجلس عسكرى العسكر موجودين فى مصر على اى اساس قانونى او دسنورى وفين محامين مصر وقضائها مفيش حد ليه بيطلع او يتقدم ببلاغ رسمى فيهم بانهم من غير شرعيه فى البلاد وتسقط شرعيتهم قانونا وحسب الدستور ال هما انفسهم وضعوه الشعب لم يعطى ليهم اى استفتاء على ادارة البلاد واذا اصر على ده خلاص يعمل استفتاء شعبى على وجوده من عدمه اصلا وساعتها يمسك البلد ويقرر ال يقرره لو اخد الشرعيه باستفتاء رسمى من الشعب لكن مع الاسف المجلس متواجد بلطجه فى البلاد ولا دستور ولا قوانين تعطيه الخق فى التواصل فى البلاد بهذا الشكل لو افترضنا جدلا ان الشعب اعطاه الحق فى ادراة البلاد واثبت فشله فى ادارتها يبقى الصح انه يتخلى عن البلاد طالما فشل فى ادارتها يبقى السؤال القائم الان للعسكر واتباعهم على النت الان على اى اساس قانونى ودستورى العسكر متواجد فى البلاد ؟؟؟؟؟؟؟؟؟؟؟؟؟؟؟؟؟؟؟؟

غاليتي عبير أشكرك لكرم الإطراء و سأعتبر ردك السابق إذناً بمتابعة المشاركه فإسمحي لي بإضافة هذه المشاركه المستدعاه أيضاً من صفحاتي القديمه ***************************** إن خلت الأرض من الدورِ.... بيتي في عينك يأويني لو كل الدنيا لي دارٌ ... عيناك احب عناويني والخوف سيقتله أمني... مادام ذراعك يحويني والبرد وإن غطى الدنيا... الدفء بصدرك يحميني إن يئست نفسي أو ضاقت... فرضاك حبيبي يُرضيني فالبسمة منك إذا طلًت ... عن شمس الدنيا تكفيني وكنوز الكون إذا اجتمعت لا شيئاً منها يعنيني فغرامك أثمن جوهرةً ... كنزٌ ما يفتأ يغنيني قلبي قد كان صغيراً بالحبِّ ...وحبك أكمل تكويني أرسل نبضاتك في صدري ... وعلى صدرك نام جبيني واتحد النبض بقلبينا ...في لحن ٍ عذب ٍ يُشجيني فجرى عشقك في اوردتي... وامتلأت منه شرايني صورتك حبيبي في قلبي... وحنيني إليك يناديني كل الأشواق تحاصرني... دارت بيساري ويميني قد بحت إليك بأشواقي... وبلوعة قلبي وحنيني فلغيرك لن تشرق شمسي ...لاأحداً غيرك يُـنجيني * * أحبــــك

ألف سلامة يا معلم عليك و على الدهان ده و ادعيلي

دي حاجة تفرحني جداً ياحبيبتي انك تكوني زيي ...... او انا اكون زيك بس بجد برافو عليكي لأنك لخصتي كل المعاني في جملتين مختصرتين ( مابحبش القيود ........ بس بحترم المكان اللي انا فيه ) والاتنين مش مضاد ....... بالعكس دة دول بيكملوا معنى بعض وهو دة الجنون العاقل ...... قيده الوحيد هو الايمان والاحترام .......... وده مش قيد من الاساس بالعكس ........ دة قاعدة واساس

تعرفي يا رضوى انتي فيكي مني كتير بتفكريني بنفسي لما كنت في سنك اللي قلتي ده بساطة مش جنون أيام الكلية اتمردت شوية ع البرستيج بس كان اضطرار انا كنت تجارة عين شمس يعني عادي نقعد على البنش و عادي على سلالم المدرج و عادي ع الأرض كمان كنا بنقعد ع الرصيف في شارع الضباب عادي اصحابي كانوا زي الرز منين ما امشي اتكعبل فيهم مكنتش بالاحق اقف مع مين و الا مين و كنت مهرجة كبيرة جدا بس كنت باحافظ اوي ان انا بنوتة يعني برغم كان كل صحابي ولاد عمري ما كنت مسترجلة و برضه مكنتش باعيش في الدور و الحركات بتاعة البنات و كده كنت بنت بميت راجل و كل صاحباتي كده على فكرة و هن قليلات و حتى في الشغل كنت كده في الحفلات و الفن ديز Fun Days كنت بانبسط و اوي دلوقتي باعيش مع ولادي و كانهم اخواتي و بننبسط و بنلعب و نتجنن و نتطنط و حتى طالباتي و اللي مابيزيدوش عن 18 سنة بابقى صاحبتهم اوي و بانبسط اوي و انا معاهم انا زيك مبحبش القيود بس باحترم المكان اللي انا فيه الجنان العاقل بنحتاجه جدا لكسر الروتين

حلو نوع التهور اللي اضفتيه ده بس انا مش باسميه تهور انا بأسميه حب المغامرة و الاكتشاف تعرفي نفسي اعمل كده بس من زمان و انا صغيرة و انا عايشة في دور أميرة بتتحرك بحساب حتى و أنا طفلة كنت عاملة زي العرايس بألبس فساتين و شعري فيونكات أطفال السبعينات ههههههههههههه ما عمريش اتنطت و لا لعبت في التراب حتى في البسين كنت جبانة جدا عارفة الحركة اللي تقعدي على كتف واحدة و تتشقلبي في المية ؟؟ كانت بتعجبني اوي بس عمري ما عملتها تعرفي لما باشوف رياضات الهواء و الهبوط بالبراشوت و الحاجات دي بيبقى نفسي اعملها اصلي باخاف على برستيجي اوي هههههههههه لما حكيتي عن البحيرة المتجمدة دي تخيلت نفسي معاكم يا خبر لو كنت انا اللي وقعت في المياه المتجمدة دي :blink: تعرفي الكتاب بتاع المليونيرات اللي كنت كتبت موضوع عنه بيقول عبارة حلوة اوي بيقول عشان تنضج ضع نفسك في منطقة غير مريحة يعني اعمل حاجة مش مريحة بالنسبة لك هو نوع من التدريب طبعا يعني ببساطة لو متعودة تمشي كيلو عادي خليهم اتنين لو متعودة تشيلي وزن 10 كيلو خليهم 15 و هكذا تصوري اني اكتشفت اني طول عمري بيحصل لي كده اقداري تضعني في مواقف غيرمريحة بالمرة و قد ما ابقى مخنوقة في البداية قد ما احس ان خبراتي زادت اوي و بقيت انضج بس أكيد حا يجي وقت اتجنن فيه كده

بسم الله الرحمن الرحيم الإخوة الكرام / أعضاء المنتدى تحية طيبة وبعد ... 3 إجراءات مطلوبة لإنعاش السوق العقاري أكد إبراهيم المسيري - مدير تطوير الأعمال بشركة مدينة نصر للإسكان و التعمير أن السوق العقاري يتمتع بمميزات عديدة تسمح بجذب مزيد من الإستثمارات فيه إلا أن الظروف الصعبة التي تعيشها البلاد خاصة بعد كثرة الحديث عن فساد رجال الأعمال في ملف الأراضي أثرت بشكل مباشر على إمكانية التوسع في ذلك مشيراً إلى أن هناك ثلاثة إجراءات لابد من تفعيلها لإعادة السوق إلى سابق عهده . بدأ الحوار بالسؤال حول رؤيته للسوق العقاري المصري و هل هو جاذب للشركات في الفترة الحالية ؟ . أجاب أن السوق العقاري في مصر يتمتع كبيرة تسمح بمزيد من الإستثمارات فيه إلا أن حالة الشراء تواجه هدوءاً ملحوظاً في الفترة الأخيرة و ذلك للظروف الصعبة التي تعيشها البلاد ، و بالرغم من ذلك فمناخ الإستثمار العقاري في مصر جيد للطلب المرتفع جداً على العقار و سط عروض قليلة من الوحدات بمختلف مساحتها فضلاً عن أن الأسعار معقولة فيتراوح سعر المتر في الإسكان المتوسط من 2000 إلى 3000 جنيه للمتر و أرى أن المشكلة الحالية هي البناء بالمخالفة على الأراضي الزراعية و التعلية بأدوار إضافية على المباني القائمة بالفعل دون أي قانون يحكم هذه الظواهر . س : ما رؤيتك لإنعاش السوق العقاري من جديد ؟ . ج : هناك ثلاث إجراءات رئيسية لابد من تفعيلها في أسرع وقت لإعادة السوق لسابق عهده مرة أخرى : أولاً على الدولة أن تقوم بتوفير الأراضي المرفقة بالكامل حيث أن عدم إكتمال المرافق يعد أهم مشكلة تواجه أي مستثمر فعلى سبيل المثال أكبر مشكلة تواجه المشروع القومي القائم حالياً هي عدم توصيل المرافق بشكل كامل للمشروع و التي تسببت في تأخير تنفيذ المشروع في مواعيده المحددة . ثانياً محدود الدخل يحتاج إلى رعاية بشكل أكبر من جانب الدولة خاصة الذين لا يتعدى دخلهم الشهري 1000 جنيه فلابد أن تقوم الدولة بإنشاء صندوق لتمويل إنشاء وحدات خاصة بهم ثالثاً تسهيل إجراءات إستخراج التراخيص . س : ما رأيك في الأراضي التي ستطرحها الوزارة في الفترة المقبلة ؟ . ج : أرى أنه لا داعي لأن تطرح الدولة الأراضي خاصة إذا كانت تطرحها بشروط فمن وجهة نظري أصبحت هناك ضرورة ملحة لتولى القطاع الخاص مسألة ترفيق الأراضي بالكامل ثم بيعها ، و ذلك كما حدث مع المطور الصناعي . س : هل لديكم نية للتقدم لمزايدات الأراضي المقبلة ؟ . ج : أرى أن الدخول في أي مزايدات مسألة مستبعدة في الوقت الحالي حيث أن الشركة تمتلك محفظة أراضي تقدر بعشرة ملايين م2 . س : ماذا عن مشروعات الشركة الحالية ؟ . ج : تعمل الشركة حالياً في مشروعات للإسكان المتوسط و المنخفض ، فبالنسبة للإسكان المتوسط فما زلنا نعمل بشكل جيد و يحقق نسبة مبيعات مرضية بالنسبة لنا خاصة في تلك الفترة الحرجة التي يمر بها القطاع بأكمله ، حيث تتراوح المساحات التي تشهد إقبالاً ما بين 120 و 150 م2 و تصل أسعارها إلى 350 ألف جنيه للوحدة ، و عن الإسكان المنخفض و الخاص بالمشروع القومي فقد شهد تغيراً ملحوظاً خاصة بعد الثورة حيث كانت الشركة تحقق مبيعات تصل إلى 250 شقة شهرياً قبل الثورة و صلت الآن بيع 200 شقة فقط منذ إندلاع الثورة و حتى الآن . س : ما أنظمة السداد التي تقدمها الشركة للعملاء ؟ . ج : تقدم الشركة حزمة متنوعة من التسهيلات لعملائها تتناسب مع قدرات معظم العملاء و تصل إلى تقسيط على 15 سنة ، هذا بالإضافة إلى إتاحة نظام الكاش لمن يريده من العملاء و حينها نقوم بعمل خصم فوري ، و أريد أن أوضح أن الشركة لديها مخزون كبير من الوحدات ، و تحقق معدلات بيع مناسبة لتلك الفترة التي يشهدها السوق . خالص تحياتي مهندس / أشرف محمد

سؤال جميل 60 ثانية !!!!!!!!! هاخد موبايلي واي فلوس قدامي علشان اعرف اتصل بحد ينجدني او اوصل لمكان آمن

( إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ ) وأُيقن بأن الفاضله : المعنيه من انقى واطهر القلوب / وبها من السماحه ما يكفى للصفح والعفو عند المقدره ( يسعنا الله بفضله والمغفره ) رجاءان مجتمعان / وجليل احترام

رجاء لا تستهينوا بهذا الصرح - محاورات المصريين - الذي نشارك فيه ما سبق كان إستهلالا لابد منه محاورات المصريين يتم قرائتها 28000 مرة فى اليوم الواحد ..... نحن جزء مهم من الإعلام الصادق الأمين نحن جزء مهم من هذا الوطن و ما نكتبه هنا له صداه على مستوى الوطن كله

تصدق اخى العزيز انا كنت زى صاحبك ده ويمكن مكنتش بحلم اكون انسان عادى ,, بل اقل من العادى كمان .. كان عندى طموحات ادبيه وصحفيه اى نعم .. لكنى مسعتش او اجتهدت فى تحقيقها .. خطتى لحياتى بعد التخرج كانت انى اكون اخصائى اعلام فى اى مدرسه .. واقبض اخر الشهر كرجل بيروقراطى مرتبى الحكومى..على قرشين بيطلعولى من محل خاص .. واسكن فى بيت العيله .. واتجوز زميلتى فى الكليه اللى حتتوظف زيى برده .. ودمتم .. ولا كان عندى اى طموحات ماديه او عينيه .. اللهم كما اسلفت هى طموحات ادبيه صحفيه .. واساسا مكنتش متخيل انى مش حسيب محافظتى .. لا .. مكنتش متخيل اصلا انى حسييب الشارع اللى اتولدت فيه .. لانى كنت مثل السمك الذى لا يستطيع العيش خارج الماء ((طبعا ده كان زماااااااااااااان)) فما بالك انى سبت مصر برمتها وهاجرت الى بلاد الانكليز .. الاقدار كانت لها تدابير اخرى .. وتفاصيل كثيره .. ولا انا اتعينت فى مدرسه .. ولاانا اتجوزت زميلتى .. والمحل بعته .. وبيت العيله هجرته .. وانتهى بى الحال الى حيث انا الان .. الى حيث احمد الله كثيرا فى كل وقت وفى كل حين على فشل خطتى التى كنت واضعها لنفسى ابان التخرج طب تخيل كمان انى خطتى فى انجلترا انى كنت اشتغل اى شئ و احوش 50 الف جنيه وبعدين ارجع مصر هههههههههههههههههههههه .. يعنى سنتين تلاته ودمتم .. ولكن كانت للاقدار كلمة اخرى معى .. وتفاصيل لا يتسع المقام لسردها بعترف انى مكنتش مخطط لحياتى صح فى مواضع كثيره .. لكن رغم ذلك الاقدار الرحيمه اعطتنى فوق ما اتمناه .. ويتمناه كثير من الناس .. ويمكن كلمة السر فى كده تلك الجمله ((لئن شكرتم لأزيدنكم)) شرط ان يكون الشكر بإخلاص ورضا وتسليم كامل عذرا للاخت الفاضله مغتربه لو كنت خرجت عن مسار الموضوع الاصلى .. اصل كلام فيراميند خلانى اتامل فى حالى ومألى ..وغرابة وعجب الدنيا .. وحكمة الاقدار

اخي إبراهيم هذا هو الأمل الذي أحدثك عنه

ليبيا تحديديا كل سكانها مسلمون على المذهب المالكي لذا فالطبيعي ان يذهب ذهنهم الى الشريعة الاسلامية خاصة و هم لا يملكون نظام سياسيا اساسا ثانيا الحجاب ليس غطاء الرأس فقط لكن غطاء الرأس جزء من الحجاب (وهو فرض ) و تغطية الجسد مهم ايضا ، من تغطي شعرها و لا تغطي جسدها ليست محجبة لذا انا اعتبر معظم بنات مصر غير محجبات فالسؤال عن اسلوب الحكم على الفتاة من خلال شكلها هو غير وارد بالنسبة لي لان كما رأينا في الصورة السابقة هناك من تغطي شعرها و ليست محجبة و كما اني اتمنى ان فهم معنى كلمة تدين و ان الدين المعاملة و ان النبي صلى الله عليه و سلم قال "إنما بعثت لإتمم مكارم الاخلاق" و نفهم معنى كلمة حدود التي اذا راجعنا القرآن الكريم سنجد انها اكثر من قطع يد السارق الى تنظيم المعاملات بين البشر و هذة مقالة مفيدة بعنوان شعب "كان" متدينًا بطبعه و بالنسبة لموضوع تعدد الزوجات فهو موضوع مقبول جدا في كثير من المجتمعات كما ان الزوجة الغربية (احيانا) لا تجد غضاضة في خيانة زوجها لها!!! و لكن المجتمع المصري يرفض التعدد لان اسباب التعدد و القدرة عليه غير موجودة في المجتمع هنا و لو راجعنا موضوع المهور لوجدنا مصر الدولة العربية الوحيدة التي تساعد المرأة فيها في النفقات يهذا الشكل المرعب الذي يساوي مدى انفاق الرجل او يفوق في بعض الحالات و قطعا ليس من العدل ابدا ان تصرف على زوجتك الثانية بينما الاولى تصرف عليك !!! و في النهاية لا يتحقق التعدد الا بموافقة امرأة عليه و هى الزوجة الثانية لذا الموضوع اكثر عمقا من ان اعقب عليه خلال تعليقي هنا و شكرا

انا فكرت فى الموضوع ده على فكره .. ومش حريقه بس ,, لا كمان مستعد كمان انى حعمل ايه لو حصل زلزال او حتى تسونامى ههههههههههههههههه وبما ان الانسان ما هو الا مجموعة اوراق .. فأهم شئ عندى حاليا فى بيتى فى انجلترا هو الباسبور .. وكذلك محفظتى اللى فيها كروت الفيزا ورخصة السواقه وكارنيه الشغل وكارت شحن الموبيل وبطاقتى القوميه اللى بدخل بيها مصر .. وفيه كمان شنطه صغيره فيها اوراق متنوعه خاصه بحياتى بانجلترا زى عقد البيت وعقود الفواتير المختلفه وشهادة الجنسيه .. الخ الخ .. حكون حريص على الباسبور والمحفظه وشنطة المستندات ..لانى بكره جدا موضوع التقديم لاى اوراق .. بسبب الروتين .. تانى شئ مهم حكون حريص انى اخده معايا وسهل وفى متناول يدى هو هارد ديسك محمول صغير الحجم كبير المساحه 500 جيجا .. فيه ملفات متنوعه مخزنها ومجمعها على مدار 8 سنين تقريبا .. افلام وصور وكتب واعمال ادبيه خاصه بيا منها المنشور على النت ومنها الغير منشور .. بصراحه جزء كبير من ذكرياتى .. ممكن تجيلى حاله نفسيه ((واأنقهر )) لو فقدته غير كده يولع البيت .هههههههههههه. مش حبكى على شئ تانى لان التامين حيغطى اى خساير ماديه تحدث

الف الف مبروك لمصر وللوطن العربي ولو إني مكسوف بصراحة .... الافتتاح شيء هزيل وأقسم بالله العظيم لو إفتتاح مطعم فول وطعميه بيبقى في ناس اكتر !!!!!!!!!!.... رئيس الوزراء ومعاه ييجي 5 وزراء وأحمد زويل بس ... والحضور كلهم يمكن حوالي 21 شخص بجد وكأنهم جايين يعزوا صرصار والباقي حراس وامن والناس اللي لابسين نظارات سودا ... وولا واحد من المجلس العسكري .. ولا واحد أنا شخصياً لا أعول كثيراً على الحكومة ... ولكن اعول على هذا الشخص العبقري أحمد زويل وإصرارة في تقديم شيء لهذا البلد الجميل .. يكفي ان نعلم إن مجلس إدارة الجامعة يضم 6 من العلماء العالميين الحاصلين على جوائز نوبل في مختلف المجالات

أخي العزيز أسد كل سنة وأنت طيب الأول ، ثانيا المشكلة إن الإنجازات الوهمية دي للمجلس العسكري جزء من خطة تفريغ طاقة الثورة عند رجل الشارع بدء من يوم عيد الفلاح والعروض الجوية وتوزيع الهدايا والحلويات في ميدان التحرير على الناس وفيديو المشير في وسط البلد واهو العلم والإحتفالات في كل المحافظات وفي النص إتفاقية شاليط (بس دي كانت حركة معلم) وعروض عسكرية لعبور القناة وإتفاقية الجاسوس وإشادة إسرائيل بتنامي دور مصر الإقليمي واللحمة اللى ب 28 جنيه والمحاكمات الوهمية ..... وغيره كتير المجلس بيدغدغ مشاعر البسطاء علشان يكسبهم ، وفي النص بيشهر بالنشطاء وبيقبض عليهم واحد واحد وبيحاكمهم وبيبعد الإعلاميين النشطاء واللى لهم كريزما وانت شوفت بنفسك هم اختاروا إبراهيم عيسى بالإسم علشان يقابلوه وفين في دريم مع منى المستأنسه وده كان حركة في الجون أظهرت المعارضة بشكل ضعيف جداً وعلشان إكمال الهدف منعوا حلقة فودة مع د علاء الأسواني للتعليق للحفاظ على الصورة السلبية للمعارضة (لأ ده نجيب ساويرس صرح بأنه حان الوقت للتدخل في سياسة أون تي في لأنها أضرت بعلاقته بأصدقاءه) .... كده يوم ليلة المولد الكبير يكون الشارع في صفهم وعلى أقل تقدير تم تحييده والإعلام سلاحهم ورجالتهم والنشطاء تم تخوينهم واللى قاوم اتقبض عليه واتحاكم ... هو ده اللى مفروض نخاف منه وللأسف مش عارف هم ناويين على إيه وخايف من الإنتخابات الجايه

اضافة الى كلام المهندس رؤوف ...تعالوا نقرأ المقالة دى على جريدة البديل هو مش فيه فى مصر وزير اعلام .... اه -- افتكرت وزير الإعلام اللى مهتمه قفل القنوات والتضييق على الصحفيين الوحشين اللى بيحاولوا يقلقوا نوم المجلس العسكرى ... حد قرأ كتاب تحتمس 400 بشرطة لأحمد بهجت ....؟؟؟ دكتور محمد فطيم يكتب عن: لعبة قتل أقمار نايل سات وبيع مصر فضائيا

الفاضلة مغتربة لولا اللي باعتبرها بنتي اللي ماخلفتهاش لم أقصد مطلقا ان أقول ان أي منا ضيف على المحاورات ، فالمحاورات قائمة بأقلامنا وأفكارنا ومداخلاتنا. ربما خانني التعبير ، ولكنني لم أقصد مطلقا ماوصل لذهنكم ، كتبتها فقط ردا على تشبيه المحاورات بصاحب عمل وعمال يعملون لديه ، ومرة أخرى أقول انه لافضل لعضو على الآخر وأنا لا أتحدث نيابة عن الأستاذ عادل ، ولكن يمكنني أن أؤكد أن الأستاذ عادل لم يفكر بهذه الطريقة مطلقا ، ولو كانت التشبيه لم يكن موفقا ، فأنا أقدم إعتذاري لك من شعر بالضيق من ذلك التشبيه. سبحان الله لم أفهم كلمة ضيوف بالمعنى السيء فبحسب مفهومي الذي تربيت عليه أن الضيف يُعامل معاملة أفضل كثيرا من أصحاب الدار و يبتهج به صاحب الدار و يحتفي به و يكرمه أكثر بكثير مما يفعل مع أهل بيته دائما ما أرى منزلة الضيف أعلى منزلة من أهل الدار و في ثقافتنا المصرية فكل شيء جميل للضيوف أجمل غرفة في البيت الصالون للضيوف و ايضا الاستقبال أو الانتريه أو الريسيبشن كلها أسماء لأول مكان يجلس فيه الضيوف قبل أن ندخلهم الصالون و تبدأ طقوس الضيافة أطقم الصيني بتتشال في النيش عشان الضيوف أحلى كوبايات و كاسات للضيوف كل الحاجات الحلوة و الجاتوهات و التورتات بتيجي للضيوف أسعد أوقاتنا في البيت منذ أن كنت طفلة كانت لما يبقى عندنا ضيوف الضيف ده حاجة كبيرة جدا و مكانته رفيعة جدا و اكرامه واجب دينا و عُرفا ده في ثقافتنا المصرية و العربية بينما مفهوم الضيف انه غريب و له حدود لا يجب أن يتعداها هو مفهوم لا أعرفه و لا أفهمه و أراه من الدناءة أن يُشعر أحد ضيوفه بذلك هذا مفهومي للتعبير منذ أن قرأته لحضرتك و ما زادني اعتذار حضرتك لمن وصلهم المعنى بصورة سيئة إلا تقديرا و احتراما لشخص حضرتك الكريم الاشكاليه ليست فى الفهم السيىء او الفهم الجيد للمعنى المتوارى خلف لفظ ضيوف تحديدا و بغض النظر عن مكانه الضيف و طريقه معاملته فى ثقافتنا الاشكاليه الاساسيه انها توصيف خاطىء للعلاقه كل من خط حرف واحد هنا فى المحاورات فهو شريك اساسى فيها و ليس ضيف عليها و جزء من نجاحها او فشلها لا قدر الله ينسب اليه فى الاخير لانه كان جزء من صياغته و هذا لا علاقه له بضروره احترام القواعد لان الانسان حتى فى املاكه الخاصه هناك قواعد يتعامل وفقها

ماكنتش عارف انه عيد ميلاد المشير ... أنا كنت فاكر ان التوقيت متزامن مع تاريخ العددوان الثلاثي على مصر في 1956 ... ده اللي كنت قرأت عنه أو متوافق مع تاريخ افتتاح برج القاهرة .. أو وضع حجر أساسه .. مش متأكد بالضبط لكن على كل حال في تلك المناسبة أحب أشكرك انك عرفتنا تاريخ عيد ميلاد المشير ... وعلى كل الأحوال .... الموضوع لا يثير أي نوع من الغضب ... ومفيش فيه حاجة مثيرة للرأي العام ... ولا أي حاجة مستفزة ... عادي .. حاجة كده شكل العروض الجوية اللي عملوها يوم 6 أكتوبر ... بيتهيألي ان دي مش الحاجة اللي لازم نقف عندها ... ونشهر سيوفنا خلينا نوفر طاقتنا للحاجات المهمة وأنا رأيي مش مهم اننا نركز على المشير أككتر من اللازم ... أنا مش شايف انه حيرشح نفسه ممكن ييجي واحد تاني من طرف المجلس العسكري ... لكن مش حيكون المشير .... ياسلام لو نفكر شوية ... ونركز مجهودنا اللي عمالين نطيره في حاجات ملهاش أي فايده ... ونفكر في الاتجاه الصحيح ... علشان نعرف نعدي من الحرب الشعواء ضد الثورة المضادة .. اللي كل يوم بتكسب أرض .. بسببنا وبسبب أفعالنا .. وبسبب انهم عندهم أدوات حققت الغرض منها باستخدامها أما أدواتنا .... فلازالت فشنك

انا شايف ان الشرط ده بيحقق العدل لما يبقى واحد من الأرياف او الصعيد وعنده بيت وارض فى بلده ومصمم يشترى ارض فى القاهرة وواحد تانى من القاهرة معندوش غير شقة مين الأحق بشراء الأرض اللى فى منطقة سكنه او عمله ليه اكون من القاهرة واشترى ارض فى برج العرب ما بتوع اسكندرية اقرب واولى منى وليه اكون من الصعيد او الفلاحين وعايش هناك وعندى بيتى وارضى وعزوتى وبرضه لازم اشارك سكان القاهرة فى الاراضى بتاعتهم واغلب اللى بيشترى فى ارض فى منطقة بعيدة عنه فبيشتريها بغرض الأستثمار وانا شايف ان اراضى الأسكان العائلى لازم تكون الأولوية للناس اللى هيسكنوا فيها فعلا وهيستقر مع عيلته يا باشا مش مختلف معاك إن الأولوية تكون للناس اللي هاتسكن فيها فعلا وهايستقر مع عيلته وموافق بالتلاتة على وضع كل الضوابط اللي تمنع بيهعا والمتاجرة بيها عشان تحقق الهدف منها وهو توفير المسكن الملائم للطبقة المتوسطة، لكن ياسيدي الفاضل من حق أي مواطن انه ينتقل ويعيش في المكان اللي يختاره في مصر ويبقى الأفضل اني أوفر له السكن الحضاري المناسب بدل مانزود العشوائيات،،، وعلى فكرة فيه ناس كتير لغاية النهاردة بترفض تسيب القاهرة وتروح تعيش في المدن الجديدة فمافيش حد حايسيب بلده أو محافظته عشان يجي ياخد حتة أرض في أكتوبر ولا الشروق الفكرة كلها اني اسيب كل واحد يختار الأنسب له ولظروفه بدون تعقيد بدل مايتحول الموضوع لضرب ورق لاستيفاء الشروط وخلاص وأكيد حضرتك عارف ان ده هايحصل .. ومع هذا خليني مع حضرتك ونقول كل واحد يروح المكان اللي أقرب له، تعال بقى نشوف أهالي مدينة شبرا الخيمة اللي انا منها أقرب مكان ليهم أيه؟ العبور ثم القاهرة الجديدة وأكتوبر ثم الشروق وبدر، العبقري بقى اللي عمل التوزيع الجغرافي شايف انه بما أن محافظة القليوبية واللي تتبعها شبرا الخيمة تقع بجوار المنوفية والشرقية يبقى أهل القليوبية ليهم حق في العاشر والسادات ونسي تماماً أن القليوبية تقع أيضا بجوار القاهرة والجيزة وإن سكان جنوب القليوبية أقرب تماما لمدن القاهرة والجيزة،،، الفكرة اللي عايز أقولها ان الأقرب والأبعد مش بناء على تقسيم أعمى للمحافظات لكن بناء على مسافات فعلية من مكانك في المحافظة وظروف سكنك وشغلك وأهلك كمان يعني على سبيل المثال برضه وأعذرني إني طولت، انا بشتغل في التجمع وساكن في شبرا الخيمة وأخويا بيشتغل في أكتوبر قررت اني مش هاقدم في القرعة دي وهاستنى أكتوبر عشان إن شاء الله لو لينا نصيب نبني أنا واخويا مع بعض، فهمتني حضرتك؟ أيه رأي حضرتك بقى في الكلام ده؟؟

أ و تعلم أنني حتى أحب غضبك؟ فعندما تغضب تشبه طفلا صغيرا يبكي لكي تأخذه أمه في أحضانها فيسكت على الفور و يهدأ غضبه أحب غضبك حتى أراضيك و أظل أبحث عن أي شيء يزيل هذا الغضب تروقني نظرتك عندما ترضى في كل حالاتك ♥أحبــــ ♥ــــــك♥

هى شركه جديدة او بمعنى اصح كانت مؤسسه وبقت شركة السنادى انا اسمع ان ابها جوها تحفه بس هتبقى بعيده عن باقى المدن هو حضرتك مديكال ريب ؟

جزاكم الله خيرا الواحد فعلا بيبقى محتاج تذكرة من وقت للتانى ربنا يكرمكم

من عجائب اللغة العربية || || || ... || || || دخل رجل على طبيب فقال له : ------------------ أمتع الله بك إني أكلت البارحة من لحوم هذه الجوازل ، فطسئت طسأة فأصابني وجع ما بين الوابلة إلى دأية العنق فلم يزل يربو وينمو حتى خالط الخلب والشراسيف .. فهل عندك دواء لي ؟ || || || || فقال الطبيب : نعم .. خذ خربقاً وشلفقاً وشربقاً فزهزقه وزشزقه واغسله واشربه || || || قال الرجل : لم أفهم ما قلت !! || || || قال الطبيب : يعني أنا اللي فهمت مرض اهلك :blink:

اللى عاوز يحرق مصر اللى وثقنا فيه وسلمناه رقبتنا و ال ايه الجيش والشعب ايد واحدة فيديو حمدي قنديل ثورة شعبية وخلاص كتب عليكم القتال يمكن تعرفوا مين اللى عاوز يحرق مصر من الفديو ده http://www.youtube.com/watch?v=9oowuzJSV2o أو من المقالة دى لعلاء الأسوانى http://www.almasryalyoum.com/node/510797

الف شكر يا رؤوف والموضوع حيتصعد والله وحوافيكم بكل جديد هنا ان شاء الله والشكر موصول لاختنا همسات مصرية صاحبة التوبيك

انا شايف ان الشرط ده بيحقق العدل لما يبقى واحد من الأرياف او الصعيد وعنده بيت وارض فى بلده ومصمم يشترى ارض فى القاهرة وواحد تانى من القاهرة معندوش غير شقة مين الأحق بشراء الأرض اللى فى منطقة سكنه او عمله ليه اكون من القاهرة واشترى ارض فى برج العرب ما بتوع اسكندرية اقرب واولى منى وليه اكون من الصعيد او الفلاحين وعايش هناك وعندى بيتى وارضى وعزوتى وبرضه لازم اشارك سكان القاهرة فى الاراضى بتاعتهم واغلب اللى بيشترى فى ارض فى منطقة بعيدة عنه فبيشتريها بغرض الأستثمار وانا شايف ان اراضى الأسكان العائلى لازم تكون الأولوية للناس اللى هيسكنوا فيها فعلا وهيستقر مع عيلته

بالنسبة لاقتراحات الفاضلة أم سلمى فأشكرها على اهتمامها و أحب في هذا الصدد أننا دوما كفريق إشرافي نسعى دوما لبناء علاقة متينة مع الأعضاء و دائما ما نجتمع لمناقشة كل ما من شأنه أن يرتقي بهذا المكان و رواده من أعضاء و زوار اقتراح حضرتك يافندم محل دراسة جزيل الشكر على الاهتمام

الفاضلة أم سلمى إقتراحك له وجاهته وأنا أقدره وتستحقين عليه الشكر والثناء أتحدث هنا بصفتي مجرد عضو وليس كمشرف أو ممثلا لفريق الإشراف أو الإدارة ، ولكن الإقتراحات القيمة يجب أن تنال ماتستحقه من تفكير ودراسة. إضافة لما سبق فكل الإقتراحات التي تلت مداخلة الفاضلة أم سلمى لها قيمتها ويجب أن توضع في الإعتبار عند دراسة الموضوع. وكعضو أدعو فريق الإشراف والإدارة لدراسة إقتراح الفاضلة أم سلمى ------------ الفاضلة مغتربة لولا اللي باعتبرها بنتي اللي ماخلفتهاش لم أقصد مطلقا ان أقول ان أي منا ضيف على المحاورات ، فالمحاورات قائمة بأقلامنا وأفكارنا ومداخلاتنا. ربما خانني التعبير ، ولكنني لم أقصد مطلقا ماوصل لذهنكم ، كتبتها فقط ردا على تشبيه المحاورات بصاحب عمل وعمال يعملون لديه ، ومرة أخرى أقول انه لافضل لعضو على الآخر وأنا لا أتحدث نيابة عن الأستاذ عادل ، ولكن يمكنني أن أؤكد أن الأستاذ عادل لم يفكر بهذه الطريقة مطلقا ، ولو كانت التشبيه لم يكن موفقا ، فأنا أقدم إعتذاري لك من شعر بالضيق من ذلك التشبيه.

أول شىء نثمن ونحي أعضاء فريق الإشراف على عملهم التطوعي والذي يبذلون فيه من المجهود المحمود للإرتقاء بالمنتدى وتوفير البيئة الصالحة للتحاور السليم بين الأعضاء فى المنتدى ما نشكره عليهم ثانيا : أضم صوتي لصوت الأخت أم سلمى لي رأي : يجب يكون الهدف من العقاب هو التقويم لا الإقصاء والخلع العقاب ليس هدفا في حد ذاته ولكن الهدف هو إصلاح الخطأ في الشخص المعاقب ليعود بعد العقوبة وقد وعى الدرس وعاد أكثر إلتزاما بقوانين المكان من فترة ما قبل العقوبة وقتها ستكسب شخصا من الممكن أن يتفوق فى إلتزامه على أعضاء لم يتعرضوا لعقوبة من قبل أتمنى العفو عن من صدر ضدهم قرار إيقاف طبقا للألية التي طرحها الأخوة قبلي , وبذلك يكسب المنتدى أعضاء قدامي وجدد في نفس الوقت بروح جديدة وإلتزاما أكثر وهذا هو المطلوب .

يعلم الله أنه يحز في أنفسنا كفريق إشراف أن نوقف عضوية أحد الزملاء . لكن هذا يتم طبقاً للنظام المُطبق والذي يوافق عليه كل عضو حينما يشترك .. لكن في نفس الوقت هذا النظام ليس قرآناً لا يمكن تحريفه أو تعديله ... وبالتالي يظل هناك متسعاً ومجالاً لتعديله وتطبيق روح النظام او ما اتفق عليه السادة المشرفون والأهم من ذلك ... بالله عليكم هل نحن كإدارة أو كاعضاء ومشاركون ... هل يُمكن ان نتخيل المنتدى بدون اعضاء ومشاركون ؟ وهل نحن أسسنا هذا البيت الكبير لكي يظل فيه أعضاء الإدارة الذين يُعدون على اصابع اليد فقط ؟ بالطبع لا ... ---------- وأخيراً .. نشكر اختنا ام سلمى على هذا الموضوع .. ونشكر جميع المشاركين ونوعدكم بإننا بإذن الله سنفعل دوماً كل ما يقدرنا عليه الله للأرتقاء بهذا المكان

أشكرك يا بشمهندس أشرف علي هذه المتابعة الرائعة وياريت لو حضرتك سمعت أي حاجة عن آراضي قرعات ماقبل الثورة اللي كان حاجز فيها الاسرائيلين والاعداء واللي ماحدش جاب سيرتها خالص في كل الاخبار القادمة من وزارة الاسكان ياريت لو سمعت عنها حاجة تبلغهالنا لأننا علي وشك الانفجار من شدة الاستفزاز يعني آراضي قرعة 2007 بالتوسعات الشمالية في 6 اكتوبر لم تسلم إلي الآن ولم يحدد موعد لتسليمها ومع ذلك آراضي التوسعات الشمالية في نفس المدينة ونفس المنطقة وتابعة لنفس الجهاز واللي لسه هاتطرح في شهر يناير حدد شهر مارس لتسليمها بصراحة مش لاقي حاجة أقولها غير ربنا ينتقم من وزير الاسكان ورئيس هيئة المجتمعات العمرانيه ونائبه وحسبنا الله ونعم الوكيل فيهم بجد نفسي أسفخه قلم محترم علشان أفوقه

طيب بتعمل بلوك و لا ايجنور ده فى عالم النت طيب فى الطبيعة بتعمل ايه؟ أنى رايى لو قابلت حد من دول فى الطبيعة على طول ارزعه بوكس ماركة تايسون و رقعله صداغه بقلمين ظباطى طبعا هيتنرفز و يولع على طول تقوله بس الاسلام يحض على التسامح و الرحمة اذا كنت عاوزنا نسامح اللى عذب ونهب وسرق وقتل شعبه لاكثر من 42 سنة مش هتسامحنى فى حاجة بسيطة زى دى ؟!! :happy: :closedeyes:

المجلس العسكري بقى عامل زي العاهره اللي قلعت برقع الحياء خلاص كله منك يا شعب الفلول الله يخرب بيتك

أ / عادل ،، بيتم حاليا تجاهيز مقار انتخابية للحزب في أرض الجولف ، و في مدينة نصر أول عباس العقاد بالإضافة للمرج و عين شمس و المطرية للتخديم علي قائمة شرق القاهرة للحزب و مرشحه الفردي في دائرة مدينة نصر و القاهرة الجديدة و الشروق ،، د/ مصطفي النجار أول ما تتبتدي اللقاءات في المراكز دي هأبلغ حضرتك المفروض فيه اجتماع يوم الإثنين بس لا أعتقد هيناسب حضرتك لأنه إجتماع المتطوعين للحملة و أكيد المرشحين و د/ مصطفي النجار هيهتموا بحضرتك شخصيا لأنك تمتلك كتلة تصويتة كبيرة في مدينة نصر :) و ده موضوع مبدئي عن الحزب http://www.egyptiantalks.org/invb/index.php?showtopic=128266 و طبعا بما إن الحزب لا يشغل نفسه بالأيدلوجيا فإهتمامه الأول القضايا الحياتيه للإنسان و ده هتحسه في برنامج الحزب لدائرة شرق القاهرة (( مش معني كده إنه معندوش برامج للدستور و شكل الدولة و الإتجاهات العامة ) بس كل دائرة نازل فيها برده عنده برامج ليها

جزاك الله خيرا يا دكتور أحب أضيف إضافة بسيطة عن أبي الدرداء رضي الله عنه قال: أتى النبي صلى الله عليه وسلم رجل يشكو قسوة قلبه فقال صلى الله عليه وسلم ( أتحب أن يلين قلبك وتدرك حاجتك ؟ ارحم اليتيم وامسح رأسه وأطعمه من طعامك يلن قلبك وتدرك حاجتك )

قال احد الصالحين "يا عجب الناس يبكون على من مات جسده ولا يبكون على من مات قلبه وهو عند الله اشد"

وماذا لو برأ القضاء جمال مبارك و رشح نفسه للرئاسة ! هل سنقبل بهذا بدعوى أنه مصري و الفيصل هو صندوق الإنتخابات ؟! أرى أنه لا يجب أن نسمح بترشيح رموز النظام البائد حتى لو عدنا للتحرير مجددا ..

طب ما يمكن عيال يائسة .. أو عيال جعانة .. أو عيال زهقانة من البلد واللى فيها .. أو يمكن عيال بتحلم تتعامل زى البنى آدمين لما تروح المرور أو السجل المدنى .. أو يمكن عيال ما تقدرش تشترى العيش ابو ربع جنيه .. ولا حتى ابو شلن .. أو يمكن عيال مريضة وخايفة تروح مستشفى .. لا يسرقوا عينيهم بعد ما يموتوا .. بالمناسبة .. لو حد يعرف عجلة فاضية .. أو مكان ف مركب من اللى بيغرقوا عند إيطاليا .. يبلغنى

أهذا انت ام هو قلبك أم أنا من تغار من لمساتها لك.. وتكابر و تأبىبالحب لك.. سأنتظرك مالكي... لتلامس يداي المرتجفتان ربما تمتد ... وتصافح من تعشق ..

==================================================================== هنا تسلل صباحك ليشهد قلبي بين تراتيل وجدك الزاكي فتجتاح الفؤاد وحشة غريبه واضيع بين وريقات الشجر يلفحني الهواء بالخصوبه ليهدر صوت الشوق داخلي ليهمس صوت الشعر بالحنين ليهفو قلبي في اناملي وتهل على روحي اطياف عشقك فأغدو طيفا قلما نبضا قبسا أغدو كلمة تنبض حبك تتمنى ان تجمعها كفاك : :

أهواك.. اصبحت امرأة تعيش.... في شوق انتظارك... يسعدها حضورك.. ويبكيها غيابك... في كل وقت... كيف انسي قلبك ... وكيف اعيش بدونك.... اشتقت لك...