لوحة القادة

معروف ان الفتح قبل التسليك وان التخزين قطعا مسئولية الدفاس وابو دقشوم ! و ,,,,,,,,, على قولة الساري ما تيجوا نشوف ! :happy: http://www.youtube.com/watch?v=wQtltOSbuIc&feature=share

هل تعلم إن ذاكرة الذبابه خمس ثواني فقط ؟ ... ... ... ... ... ... ... ... ... ... ... ... .... عشان كده كل ما تهشها ترجعلك تاني و احنا إللي كنا فاكرينها رخمه طلعت صاحبة مرض :sad:

من عجائب اللغة العربية || || || ... || || || دخل رجل على طبيب فقال له : ------------------ أمتع الله بك إني أكلت البارحة من لحوم هذه الجوازل ، فطسئت طسأة فأصابني وجع ما بين الوابلة إلى دأية العنق فلم يزل يربو وينمو حتى خالط الخلب والشراسيف .. فهل عندك دواء لي ؟ || || || || فقال الطبيب : نعم .. خذ خربقاً وشلفقاً وشربقاً فزهزقه وزشزقه واغسله واشربه || || || قال الرجل : لم أفهم ما قلت !! || || || قال الطبيب : يعني أنا اللي فهمت مرض اهلك :blink:

منقول ---------------------------------------- صراحة المعلومات مفيدة و مختصرة و سهلة لتعليم الأطفال ... ده على أساس إن الكبار يعني عارفين الحاجات دي من زمان

كل سنة وانتم طيبين يا اغلى ناس فى المحاورات ويارب تكون سنة سعيد على الجميع ومحدش ينسى اخوكم الصغير فى العيد الكبير بحتة لحمة

http://www.youtube.com/watch?v=RcaP1vMFbZs

اليك وحدك ياحبيب الروح / يامهجة القلب سكبت فى كفى حنانا فزدانت اصابعه جمالا واشعلت قلبى حنينا فزادت دروبه خفقانا ثم اشجيت مسامعى همسا فعشقت منك الحب الحانا يارفيق العمر تمهل مازالت لدينا ازمانا حين باتت عيونى بك ولك اوطانا وحين امسى لدروب القلب عيونا وآذانا ووماخلقت الا تكون لاحب الناس انسانا احببببببببببببببببببك

أكتر حاجة ممكن تقصم ظهرنا هي انهيار اقتصادنا .. و لأن الاستثمار مرهون بالحالة الأمنية .. فيبقى أهم حاجة لازم نوفرها ف بلدنا هي الأمن .. علشان زي ما كلنا عارفين "رأس المال جبان" .. و نظراً لأن معضلة إستعادة الأمن و الاستقرار في الشارع المصري دايماً بيواجهها اتهامات من قبل الثوار، أو ممن يدعون بأنهم من الثوار .. (و شتان بين الفئتين لكن كل منهم موجود على الساحة) و العامل المشترك بينهم هو الآتي: يدافعون عن حرية التظاهر السلمي و يتهمون من يحاول استعادة الأمن في الشارع المصري بأنه ضد الثورة .. أو أنه فلول .. أو أنه بيتعدى على حق المواطن في التظاهر .. و لما تيجي تناقشهم متعرفش تميز بين الفئتين (الثوار الحقيقيون و المدعون) لأن داه صعب لأن كلاهما يتكلم بكلام متشابه لكن مع الفرق في أن الثوار الحقيقيون بيكون في ضميرهم مصلحة البلد ضمان حق الشعب في التعبير عن رأيه، لكن الفئة الأخرى بتكون نيتها هي وقف محاولات عودة الأمن و الاستقرار للشارع المصري عن طريق ترهيب من يحاول ذلك (وزير الداخلية مثلاً) باتهامه بأنه ضد الثورة .. إذن الحل البسيط جداً .. جداً و هو: يتم تعيين وزير داخلية بمعرفة الثوار الحقيقيون و يكون هو من يعمل على إعادة الاستقرار و الأمن للشارع المصري .. و في هذه الحالة سيتم تفويت الفرصة على مدعوا الثورية .. أولائك الممثلون الذين يمثلون دور الثوار و يدعون حماية حق الشعب في التظاهر و حمايته من بطش وزير الداخلية .. حيث سيكون الوزير من الثوار و سيتم الاتفاق عليه من قبل جميع الفئات الثورية على الساحة و يتم وضع هدف واحد فقط أمامه و هو - عـــــــودة الأمن و الاستقرار لمصر و القضاء على حالة الانفلات الأمني لإنعاش اقتصاد البلاد و حمايتها من الانهيار - و لو عاوز مساعدة من الجيش (الأمن المركزي مثلاً) يكون داه من حقه و بدون نقاش. يا رب المعضلة الأمنية - الاقتصادية دي تتحل بقى لأنها طولت قوي و كأنها مطلوب إنها تظل موجودة .. لأسباب مجهولة .. يا ترى داه ممكن يتحقق .. وزير داخلية من الثوار .. محدش يقدر يتهمه بإنه من الفلول و يكون صارم في القضاء على البلطجة بقوة من الله ثم بقوة من عينوه من الثوار .. يا رب داه يحصل .. آمين

يبقى السؤال بهذه الصيغه غلط يا تامر لأن لو سؤاله على الأوقات التي يعمل فيها و لديه من يعوض غيابه و لا يصلي يبقى برضه بيستهبل لأنه لازم يصلي من غير سؤال و لو سؤاله على الأوقات التي لا يوجد فيها من يحل محله و سيتعرض العمل للمخاطر يبقى ما ينفعش يصلي و برضه من غير سؤال فاهمني؟

كل سنة و انت طيب يا جو .. يا راجل يا سكر .. يا اللي بتفهم ف الاصول

كل سنة و حضرتك بخير يا بشمهندسة، و كل أفراد أسرتكم الكريمة، و أسرة المحاورات العظيمة .. أقولهم كل سنة و حضراتكم بخير و سعادة و سكر زيادة .. و بقول لجو كل سنة و انت طيب يا جو .. يا ذوق .. ياللي فتحت موضوع جديد للتهنئة بالعيد .. و دايماً متجمعين ف لمة حلوة و بإذن الله بحلاوة النصر بعد انتهاء كل ما يؤرقنا جميعاً .. متصافيين .. متآلفين مسلمين و مسيحيين، و طلب من الإدارة الكريمة .. لو أمكن ضم الموضوعين علشان ميحصلش تشتييت.

كل عام وانتم جميعا بخير دي تعليقات ثورية طريفة بمناسبة العيد الليبراليين : السلخ اولا والاخوان يردون، الذبح اولاً والعلمانيين،يجب فصل اللية عن اللحمة العيسوى ، معندناش عيد اساساً عشان حد يقولنا فيه خرفان اندبحت ولا لأ المجلس العسكرى ، احنا اللى حمينا الفروة عصام شرف ، ايه ده،هو فيه عيد أحمد شفيق ، عاوز تسميها فروة،مش فروة طبعا،ومحدش يزايد على فروتى،انا دبحت واندبحت فى كذا عيد قبل كده :)) عمر سليمان ، المصريين غير مؤهلين للحمة الضانى المخلوع ، لم أكن انتوى ان ادبح ، وكنت اود ان ادبح بنى وطنى ، على ارضها ذبحت و على ارضها سلخت ، والسلام عليكم توفيق عكاشة لو قلتلى يا سى البرادعى خروف العيد فى سوق المواشى بيكلف تربيتة كام حنتخبك رئيس جامهورية ، طب بلاش ديه ، تقدر تمسك اللية بإيدك من غير ما تقرف حمد صوبايدر: و الله يا شعب انتو ما فاهمين حاجة ... الخرفان دى مارينو من اللى جاية من استراليا .. و انا حعمل صفحة اسمها خروف العيد عميل مارينو بالدليل مليونية الخرفان تتوافد على السلخانة يوم الاحد القادم ناجى ابو النجا ، تقدر تدبح ، اقدر،لانى بحب شويها وأخيراً ، حمادة هلال : خروق العيد الكبير اندبح فى العيد الكبير :)))

كل سنة وانتم سعداء يا رب طارق ورضوى وعبير وطائر الليل اللى يارب ما يكون حزين ربنا يسعد حياتكم وتكون كلها اعياد

بسم الله الرحمن الرحيم أخي الفاضل / moamana تحية طيبة وبعد ... 1- المفروض أن الأراضي المقرر طرحها سواء بالقرعة أو بالمزاد طبقاً لتعليمات الوزير كاملة المرافق . 2- مازال بعض المسئولين عندنا لا ينظرون للأمر الواقع على حقيقته و كأنهم عايشين في كوكب آخر يعنى لو شقة مساحتها 150 م2 سيكون سعرها 450 ألف جنيه غير تشطيبها فمن أين سيأتي متوسطى الدخل بهذا المبلغ ؟ واضح إنهم عايشين في غيبوبة. 3- كلام مدير تطوير الأعمال بشركة مدينة نصر للإسكان و التعمير بيناقض نفسه . فمثلا هو بيقول من ضمن كلامه أن السوق العقاري عندنا بيتميز بوجود طلبات كثيرة و عروض قليلة و في نفس الوقت إعترف سيادته أن الشركة لم تستطع بيع أكثر من 250 وحدة سكنية من أول قيام الثورة و حتى الآن في مقابل أن الشركة كانت بتبيع أكثر من 250 شقة قبل الثورة ، فأين إذن الطلب الذي يتحدث عنه ؟ . ربنا يهدي خالص تحياتي مهندس / أشرف محمد

الأرجح أن الذي يسأل مثل هذا السؤال هو طبيب جراح (مثلاً) ويتعرّض لمثل هذا الموقف بشكل شبه يومي ، فلا أرى حرجاً في أن يتحرّى المسلم أمور دينه ، لكي يعلم الرخص الشرعيّة التي يمكنه الاتيان بها ، خاصة إذا كانت متعلقة بأمور أساسية كالصلاة ، ولا يتصوّر أن هذا الطبيب السائل يتصّل بالشيخ من داخل غرفة العمليّات ليستفتيه :) كل عام وأنتم بخير .

الكليب جامد جدا ومتعوب عليه حقيقى .. انا عاجبنى جدا الشاب ده اللى عامل الكليب وبيقدمه اللى اسمه شوقى .. شاب هاادئ ورزين ودمه خفيف ولوذعى .. وبيقنعك كده بمنطقيه وشياكه .. وحقيقى فاهم ولامم الصوره بكل ابعادها تقريبا .. انا تحليلى ده مش منطلق الكليب ده .. لا بل من بعد ما شوفت بعض كليباته على قناته فى اليوتيوب المسماه ((البلكونه)) فيه كليب اخر عجبنى اوى ,,,ويسمح لى تيمور بالقاء الضوء عليه .. خصوصا فى نهاية الكليب .. لما بيعترف بشجاعه وبيقر باخطاء الثوار .. وكذلك بينصف حزب الاغلبيه الساحقه ((حزب الكنبه)) .. وبيعترف ان هو اللى نجح الثوره .. وان المفروض حتى لو مش قادرين نجيبه فى صفنا (صف الثوار) يبقى على الاقل نحيده .. ولا نستعديه على الثوره (اى حزب الكنبه حزب الاغلبيه الساحقه)..وكمان عاجبنى جدا اسلوب نقده للمجلس العسكرى ((لسوعه من غير جعجعه )) أسيبكم مع الكليب التانى وشكرا يا تيمور باشا على الموضوع الجميل http://www.youtube.com/watch?v=7IV7uo-zFUQ

والله يا عبير اي عاقل من المفترض ادراكه لكلامك و اعتباره بديهيات دكتور فاتح بطن مريض في جراحه و مفيش من يعوض غيابه يبقى سؤاله على الصلاه في هذا الوقت يا عبط يا استعباط طيار في مهمه حربيه او ما شابه ذلك بمئات الأمثله اي تساؤل مشابه هو نوع من الاستهبال او قلة العقل امور شديدة البداهة بينما لو استطاع هذا الطبيب ترك الجراحه لزميله لأداء الصلاه بدون ان يؤثر ذلك على حياة و صحة المريض اهلا و سهلا اتركوا الفتاوى لأمور اكثر تعقيدا يا ذوي الالباب تحياتي

يخرب بيت شيطانك يا أرش ملعوبة ههههههههههههههههههههههه هموت على نفسى من الضحك ههههههههههههههههه والله فيديو صادق وكاشف للكلاب بتوع الرياضة بتوع افشنى قبضنى هههههههههه كل سنة وانت طيب يا أرش

مراحل نغمات موبايل البنت . . . . ... . . . . . أيام المراهقة : أجمل احساس في الكون قبل الخطوبة : حبيبي على نياته بعد الخطوبة : جوايا ليك بعد الجواز : اتقي ربنا فيا بعد أول خلفة: هي ناقصاك انت كمان بعد ٥ سنين جواز : غرامك مزيف ضميرك عدم . . . طبعا الراجل بعد الجواز يا عامل موبايله صامت يا اما حاطط نغمة يا مستبدة :closedeyes:

حسبى الله و نعم الوكيل فى المجلس العسكرى

الحمدلله ان ربنا ستر و كان فيه رد فعل سريع من المسئولين.. طبعا التحقيق ده امر بديهى و مفروغ منه. على الرغم من انه حادث مؤلم, الا انى بجد حاسس بالثورة ان فيه تحرك فورى حصل - على حسب اللى مكتوب فى الاخبار.. فين ايامك يا مبارك.. كان ممكن يفضلوا مرميين 3 ايام على ما حد يعبرهم!

طبعا محتاج فتوي حتي لو كانت أمور بديهية الدين مش محتاج فذلكة شخصية ولا تفكير لان الدين بالاتباع و الا كان في امور اولي ان احنا ما نتبعش اللي الرسول قاله و نعمل اللي جاي في دماغنا مثال المسح علي أعلي الخف في الوضوء مش أسفله مع ان اللي بيلامس الارض هو اسفل القدم عقل الانسان لا يصلح في الدين علي رأي الشيخ عمر عبد الكافي الزيادة في الدين كالنقصان فيه بالظبط بالعكس الدين كله بالعقل لان العقل بيقول اني امسح اعلي الخف لاني لو مسحته من تحت هايلم تراب وهايتوسخ ويوسخ مكان الصلاه:closedeyes: ماشي يا عم... و جهة نظر برضه مع ان شايفها غلط بس ما علينا ليه بنصلي الظهر اربع ركعات مش ركعتين مع ان الدنيا في الظهر بتبقي حر و الواحد بيبقي عايز يريح لو حاولت تلاقي اجابة بالعقل علي كل حاجة صدقني هتتعب كتير الواحد في الدين لازم يتبع ما جاء به الرسول و اذا لم يجد اجابة لازم يروح للعلماء مش كل واحد يعمل من نفسه شيخ و يفتي علي هواه هدفي ليس ابدا التشكيك لان كل شئ اخدناه عن رسول الله الصادق الامين لا يمكن ان يكون فيه خطأ و لكن هدفي ان اوضح ان المراد من العبادة لا يمكن ان تصل اليه بعقلك القاصر فلا تتعب نفسك بالتفكير لانك لن تصل الي شئ قل أمنت بالله ثم استقم

طبعا محتاج فتوي حتي لو كانت أمور بديهية الدين مش محتاج فذلكة شخصية ولا تفكير لان الدين بالاتباع و الا كان في امور اولي ان احنا ما نتبعش اللي الرسول قاله و نعمل اللي جاي في دماغنا مثال المسح علي أعلي الخف في الوضوء مش أسفله مع ان اللي بيلامس الارض هو اسفل القدم عقل الانسان لا يصلح في الدين علي رأي الشيخ عمر عبد الكافي الزيادة في الدين كالنقصان فيه بالظبط بالعكس الدين كله بالعقل لان العقل بيقول اني امسح اعلي الخف لاني لو مسحته من تحت هايلم تراب وهايتوسخ ويوسخ مكان الصلاه:closedeyes:

يعنى الاراضى بتاعة القرعة هتنزل فيها مياة و كهربا و لا لا و لا ترفيقها د=يه معناها انهم يقسموها و يخططوها و يدخلوا المرافق على مهلهم ارجو التوضيح و لطيف اوى المهندس اللى بيقول ان سعر المتر للاسكان المتوسط من 2000 الى 3000 و ده سعر معقول يعنى الشاب المتوسط خريج الهندسة و بيقبض مرتب 2000 جنيه يقدر يحوش فى كام سنة عشان يجيب شقة اسكان متوسط كلام مستفز جدا جدا و شكرا جدا جدا يا بشمهندش اشرف فعلا على المجهود الرائع و الجبار اللى بتعمله عشان المنتدى ربنا يجعله فعلا فى ميزان حسناتك

أعِدُكَ أن أذيـقَكَ مُــرّ الإهمـَـآل „ حَتـى تَـعـلَــمَ كَـم كـآن اهــتمــآمي جَـمـيلآ

المرحله الانتقاميه ال بيديرها العسكر فى سنه اولى البلد هتتسلم صومال اخرى ويبقى امام الشعب خيار واحد فقط هو انه يقبل باى وضع هما عاوزينه وساعتها الخسارة هتطول الكل مؤيد ومعارض . البلطجيه تخصصوا فقط الشعب وسرقته واغتصابه وسرقه سياراته عمرنا ما سمعنا عن فل من الفلول اتعرض للسرقه ولا حد من العسكر اتسرق منه عربيته ولا حد من البلطجيه اعترض حد منهم رغم ان البلطجى والحرامى بيدور على الفلوس . والفلوس موجوده عند دول مش عند موظف غالبان بيتثبت فى الطريق وبيتاخد منه 170 جنيه مرتبه ا و حد شغال فى شركه خاصه بتتاخد عربيته وفلوسه ويشيل المسروق الليله مش الشركه ضحكوا عليكوا وقالولكوا الله الموفق باعو قناه السويس والله الموفق سلطوا البلطجيه على الشعب والله الموفق سجنوا واعتقلوا النشطاء وتركوا الفلول والفاسدين والله الموفق دعموا الشعب بالمدرعات والله الموفق سجنوا عشرات الالاف من الشعب واتهموهم بالبلطجيه وتقسيم البلاد والله الموفق شكلوا محاكم صوريه للبشوات وفلول النظام وفلوس مصر اتهربت والله الموفق تفننوا فى الفتن الطائفيه واعلامهم بيقودها رسمى بدون خجل والله الموفق انتهاك اعراض البنات والنساء والكشف عن العذريات والله الموفق زياده اسعار متعمده دون اى رقابه تمونيه عى الاسواق وال عاوز يبيع يبيع بمذاجه والشعب ينتقم من بعضه والله الموفق وخلق فوضى فى البلاد واختلاق المظاهرات الفئويه وتعطيل مصالح الناس عشان يتظاهروا ويقفلوا طرق والشعب يكره بعضه والله الموفق قفل قنوات والاعتداء على الحريات والله الموفق ضيعوا حق الشهداء والقصاص من القتله واعطوا القتله اوسمه وتم ترقيتهم والله الموفق الله لا يوفقهم ان شاء الله

لازم يتم محاكمتهم على كل كبيرة وصغيرة والله الموفق مفيش حاجه بتمر فى مصر مرور الكرام والله الموفق المحاكمات بتوع الفلول وقتله الثوار وعلى راسهم رموزالنظام كلها هتعاد والله الموفق فلوس مصر المسروقه وال اتهربت بمساعده العسكر على طيران مصر هترجع وهتحاكموا عليها والله الموفق وكتب عليكم القتال وهو كره لكم والله الموفق

اعتقد ان المادة التى تتحدث عن ميزانية الجيش دى محطوطة علشان يتم التفاوض بشأنها بمعنى شيل وانا اشيل كل ما يهم الجماعة بتوع الدستور اولآ تعطيل الانتخابات وما يحدث من هرتلة وخلافة من مواد فوق وتحت دستورية شيء مضحك وأي ضحك الم يجتمعو الاحزاب مع المجلس واتفقو على انتخابات وعدم طلب مواد تحمى الدستور او تكون مرشد للدستور انها نوع من بالونات الاختبار لقياس مدى وصل استعداد الناس للأنتخابات وهناك من يريد ان تكون مصر تدور فى محلك سر لا أنتخابات ولا دستور

مش كنا بنضحك على اللي بيقولوا " مصر مش تونس ... وبعدين ليبيا مش مصر ولا تونس .. وبعدين سوريا مش ليبيا ولا مصر ولا تونس " أنا دلوقت باقولها وانا واثق من كلامي .... مصر ما هياش ليبيا ولا سوريا مصر جيشها عُمره ما يضرب شعبها بالمدافع ولا الطائرات جيش مصر مش هو المجلس العسكري اللي بيظبط لنفسه مباديء على مقاسه المجلس العسكري مش هو الجيش مصر مش هي المشير ولا عنان ولا المطبلاتية الجهلة اللي معاهم

صباح الخير يا رضوي ازيك عاملة ايه تصوري انا كنت ناسية موضوع الغردقة و انها بلد سياحية ، انا مرحتش رحلات بحرية و لا قرية سياحية من ايام ماكنت في المدرسة ، اللي فكرني بالموضوع ده اما دخلت الفيس بوك و لقيت الناس كتير بتتكلم عن السياحة في الغردقة، قلت لنفسي ايه ده انا عايشة فين بيقولوا اهل البلد مبيتفسحوش فيها ، بالنسبة ليا الغردقة مش قري سياحية و سياحة و بس الغردقة بالنسبة ليا بيوت الصيادين و بيت جدي القديم و اهلي اللي مقدرش استغني عنهم حتي لو زعلوني ،و مدفن ابويا و جدودي ، مش عايزة اسيب الغردقة عشان اقدر ازور اهلي في اي وقت اللي عايشين و اللي ماتوا بقول كتر خير المغتربين اللي عايشين في دولة تانية اما انا مش اقدر ابعد عن الغردقة ايام

http://www.youtube.com/watch?v=kmfEPo7jp0M

الفساد السياسي ---------------------------- سأل طفل والده : ما معنى الفساد السياسي ؟؟ فأجابه : لن أخبرك يا بني لأنه صعب عل...يك في هذا السن ، لكن دعني أقرب لك الموضوع .... أنا اصرف على البيت لذلك فلنطلق علي اسم الرأسمالية... وأمك تنظم شؤون البيت لذلك سنطلق عليها اسم الحكومة... و انت تحت تصرفها لذلك فسنطلق عليك اسم الشعب .... و أخوك الصغير هو أملنا فسنطلق عليه اسم المستقبل ... أما الخادمة التي عندنا فهي تعيش من ورائنا فسنطلق عليها اسم القوى الكادحة فاذهب الآن يا بني وفكر عساك تصل الى نتيجة ..... و في الليل لم يستطع الطفل أن ينام فنهض من نومه قلقا ولما سمع صوت أخيه الصغير يبكي قام وذهب اليه فوجده بلل حفاضته ووسخ نفسه فذهب ليخبر أمه فوجدها غارقة في نوم عميق ولم تستيقظ ، وتعجب جدا أن والده ليس نائما بجوارها!! وهو يبحث عن أبيه سمع همسات وضحك في غرفة الخادمة فنظر من ثقب الباب فوجد أبوه مع الخادمة !!! و في اليوم التالي قال الولد لأبيه : لقد عرفت يا أبي معنى الفساد السياسي .. فقال الوالد : ما شاء الله عليك ... فماذا عرفت عنه ؟؟؟ فقال الولد : عندما تلهو الرأسمالية بالقوى الكادحة وتكون الحكومة نائمة في سبات عميق فيصبح الشعب قلقا تائها مهملاً تماماً ويصبح المستقبل غارقا في القذارة هكذا يكون الفساد السياسي ...

من وجهة نظري لا يوجد ما يسمى بإستثمار لشخص يعمل بالخارج المسمى الصحيح هو الحفاظ على القيمة الشرائية للتحويشة + الانتظام في التحويش عشان كده شراء عقارات بالتقسيط أفضل شيء و المفضل في أماكن لسه تعتبر رخيصة بسبب عدم اكتمال العمار بها مسألة أخذ أرض و بنائها فتعتمد على قدرة الشخص المالية و من يعينه على البناء (يعني يحسبها الأول) و فكرة المشاركة مع آخرين كويسة فقط لو شركاء مضمونين مش أغراب بالنسبة لي الاستثمار لن يبدأ قبل عودتي نهائي لمصر ان شاء الله و في بالي حاجتين مشروع يناسب خبراتي لأني لا أحبذ فكرة تقسيم المشاركة لنقود و مجهود ، الواحد لو مش فاهم في المشروع اللي بيصرف عليه فدي مجازفة كبيرة و حرام فلوس الغربة (باستثناء الدخول في اكتتاب شركة و شراء أسهم و انتظار الأرباح السنوية) الفلوس في البنوك مش مريحة لسببين (طبعا بخلاف موضوع الفوائد لو بنوك مش اسلامية) أولا: القيمة الشرائية ستضيع ثانيا: سهل صرفها بس طبعا مشاريع الاستثمار لن أفكر بها الا ان شاء الله بعد استقرار الحالة السياسية و الأمنية بمصر (مش مسألة قلة وطنية و لكن تعقل فماذا ستستفيد البلد من مشروع يتعثر من أوله) و أدعو الله بقرب تحسن الأحوال

حيرت قلبي معــــــاك أم كلثوم أحمد رامي رياض السنباطي http://www.youtube.com/watch?v=UvZV3OFNtEc

يعنى الخلاصة نشترى شقة للاستمار ولا لا هل السعر فى زيادة ولا نقصان يعنى لما تنتهى سنة 2011 و تهل علينا السنة الجديدة مش هنتفاجا باسعار جديدة زى كل سنة جديدة وسؤال تانى لية يا محاوراتية كلامكم كلة فى الشقق و الاراضى للاستثمار محدش فيكم جرىءءءء و بيتكلم عن مشاريع انمائية او صناعية زى فكرة مشروع انتم بالفلوس و شريك لكم بالمجهود مفيش اى مشروع صناعى او تجارى او حتى زراعى هو المشاريع دى بتخسر ولا اية كلكم مش بتجيبوا سيرتها لية سؤال محيرنىىىى

http://www.youtube.com/watch?v=QTZjrg29icY

فعلا مصر داخلة على ثورة جياع الكلام مظبوط فعلا احنا بقالنا 9 شهور بنسحب من الاحتياطى النقدى .... اعتصامات + بلطجة + عدم شعور المواطن بالامن + غلاء اسعار = المواطن الغلبان المعادلة بسيطة اوى بس المواطن هوا الخسران انا نفسى ارجع بلدى الى سايبها بقالى 3 سنين بس لما اجى اشوف الاسباب الى ممكن تخلينى ارجع ملاقيش غير ابنى الى نفسى اشوفة غير كدة مش لاقى :: يعنى مفيش شغل الوضع الاقتصادى يرثى لة عدم الشعور بالامن غلاء الاسعار مع عدم الرقابة على السلع الغذائية الغش والرشوة والمحسوبية ( الكـــــــــــــــوسة) كل واحد بيدور على نفسة فقط ومن بعدة الطوفان دى حاجات بسيطة من الى بيحسها المواطن المصرى البسيط طيب هنعمل اية هنفضل طول عمرنا متغربين وسايبين بلدنا موضوع صعب والمناقشة فية اصعب

بسم الله الرحمن الرحيم أخي الفاضل / ramy basha تحية طيبة وبعد ... بالطبع في حالة توافر أي معلومات عن هذا الموضوع سأقوم فوراً بنشره في المنتدى . ومعلهش ياأخي الفاضل عليك بالصبر قليلاً و لعله يكون هذا التأخير فيه خير لحضرتك بإذن الله . خالص تحياتي مهندس / أشرف محمد

اسمحلى اقولك ان رايك جانبه الصواب كتير لان اراضى القرعة لو تسلمتها اليوم حتاخد سنة بين تراخيص و حفر و بناء بعد كده يجى دور ادخال الكهرباء فلازم تعرف ان ارقى مناطق العمارات فى الشروق التى تسلمت اراضيها فى 2007 يتم ادخال الكهرباء لها الان اى لن تستطيع استخراج شهادة صلاحية المبنى الا بعد الكهرباء التى يعلم الله متى تدخل لاراضى القرعة فى ناس حتقول الاراضى تسلم مرفقة حقول نعم لكن الترفيق فى نظر وزارة الاسكان تقسيم الاراضى ووضع خريطتها و اسئلوا منطقة التمر حنة فيلات ارقى مناطق القاهرة الجديدة كانوا بيشتروا ماء للبناء بعد عمل شهادة الصلاحية لا يجوز بيع الشقق الا بعد مرور 5 سنوات و بعدين لا يجوز مقارنة مناطق العائلى التابعة لتلك القرعات حتى بمناطق العائلى الاخرى فما بالك بمناطق العمارات ثم الفيلات يعنى القرش اللى حيتحط فى اراضى القعة مش حيجيب عائد قبل 7 سنوات على الاقل و و قتها ناتج عدد الشقق من اراضى القرعات حيكون كبير اراضى القرعات مناسبة فقط عندما يشترك فيها اثنين فى القطعة و بغرض السكن لانه ممكن بتمن شقة فى منطقة راقية يحصل على شقتين فى منطقة متوسطة تحياتى

أسمحلي بس يا أستاذ أيمن اوضح كام نقطة الحمبولي بلطجي قاطع طريق وخط الصعيد .... عمل عملية سطو مسلح الشرطة اللى بتحمينا وبتطبق القانون .................... خطفت إبنه علشان تساومه ..... يعني بلطجي رسمي الحمبولي عرف إن الموضوع كله بلطجة في بلطجة ............. هوب خطف منطاد سياحي الشرطة إتورطت ....................... إضطرت تسيب إبن الحمبولي والنتيجة ........... الحمبولى حر طليق يحلق بالمنطاد الآن ليشاهد آثار الفراعنة بس مش عارف ينزل العجل لأن البدال معلق ---------------------- لمحبي الطهو تقدم لكم هذ الوجبة ... صينية الوكسة بالنيلة كوباية بلطجة بس تكون دسمة وسلاح يكون بالكوم أربع معلقة شرطة مبتعرفش عدد واحد ولد صغير ملوش ذنب حبة قانون مترمط معانا وياريت نعجنه قبل الإضافة عملية خطف طفل وعملية خطف منطاد نقلب المقادير لحد ما تغلي وبعدين بالهنا والشفا رجاءً لا تجرب الوصفة بأعلى لأنها ذات مخاطر مرتفعة

منذ ان قامت الثورة سنة 1952 ..استطاع النظام العسكري أولآ ثم لحقه النظام البوليسي الذى حكمنا بداية بعبد الناصر مرورآ بالسادات الي ان وصلنا الي مبارك ان يتم داخلنا ترسيخ فكرة ان المؤسسة العسكرية هي مؤسسة لا يجوز نقدها او حتي الأشارة الي تواجد فساد بداخلها.. فهو من المحرمات في الصحافة... لدرجة اقتنعنا عندها بان الجيش مؤسسة مقدسة و عليه ظل كل ما يتعلق بالجيش بمثابة صندوق أسود بدون اي تفاصيل وليس من المستطاع الحصول على أي معلومات عنه... بل أصبح محاولة ذلك جرم قانوني يصل الي درجة تهمة التجسس ... فبيانات مثل عدد العمال والموظفين المدنيين الذين يعملون لدي شركات المؤسسة العسكرية ورواتبهم ... معلومات مثل ملكية الجيش للأراضي وميزانيته لا توجد في أي سجلات عامة متاحة. علي أي حال الجيش المصري هو جيش تقليدي ينقسم إلي قادة محترفين وضباط من ناحية ومجندين من ناحية أخرى... ويختلف وضع الضباط في الجيش كثيرا عن نحو نصف مليون من المجندين يتقاضون أجورا زهيدة ويعمل الكثيرمنهم بالسخرة في شركات الجيش المسماه زورا وبهتانا بمشروعات الخدمة الوطنية. المؤسسة العسكرية في مصر تمتلك العديد من الأصول الاقتصادية و تدير امبراطورية اقتصادية مترامية الاطراف تنتج مجموعة واسعة من السلع العسكرية والمدنية والخدمات وتصنع كل شيء من المياه المعدنية (صافي)... وزيت الزيتون... والأنابيب ... والكابلات الكهربائية... والكيماويات ...والأسمنت ...والانشاءات ... والفنادق... والصناعات البترولية... بالأضافة الي المساحات الشاسعة من الأراضي المملوكة لها في دلتا النيل أو الوادي الجديد وفي البحر الأحمر. علي هذه الأرضية فأن المجلس الأعلى للقوات المسلحة الحاكم يمكن وصفه إلي حد كبير بمجلس إدارة لمجموعة من الشركات الكبرى كلها قانونآ معفية من الضرائب ... والمشير محمد طنطاوي الحاكم العسكري هو الرئيس التنفيذي للمجموعة هذه الشركات ... كما يمكن أن نطلق علي سامي عنان العضو المنتدب هذه الشركة. والشركات المملوكة للجيش تدار من قبل جنرالات ولواءات جيش متقاعدين لكن الجيش لا يسيطر فقط علي المجال الاقتصادي بل يسيطر أيضا علي الجزء الأكبر من المناصب العليا في الخدمة المدنية... فواحد وعشرين من حكام محافظات مصر البالغ عددها 29 محافظة هم أعضاء سابقين في الجيش واﻷمن ... وكذلك رؤساء المؤسسات مثل هيئة قناة السويس والعديد من الوزارات الحكومية وشركات القطاع العام.. وكذلك يمكن رؤية ضباط الجيش المتقاعدين في جميع أنحاء مستويات الإدارة الوسطى من شركات القطاع الخاص الكبرى. لكل ذلك فأن المجلس العسكري لديه مصلحة هائلة وراسخة في الحفاظ علي البنية الاساسية للنظام القديم... ومن الطبيعي أنه سيقاتل من أجل حماية تلك المصالح ... فالثورة ستحد من قدرتهم علي الأستمرار في هذا الوضع المميز للغاية ..هم يدركون أن ساعة الحساب ستطالهم و عندها فأن الثروات التي يتحكموا فيها في ظل النظام القديم ستكون مهددة وذلك في حال تحقيق أي حرية حقيقية أو إصلاحات اجتماعية جذرية.