لوحة القادة

بمناسبة إفطار اليوم ( ربنا يتقبل منا ومنكم الصيام والقيام وصالح الاعمال ) والعيد بكره بقى واللحمه وكده النهاردة الشيف اللبناني الشهير س س س ( سي السيد سكرسيان ) هايقدم لكم طبق شو كتير حلوووو .. وشو كتير مهضوم وبسيط إسمه " جلاش باللحمة المفرومة " .. ما بأدري المصريين بيعرفوا يعني إيه جلاش ولا لأ ؟!! عامة .. ده شكل الطبق بعد ما خلصتوا أي حد ريقه هايجري ويهجم عالتلاجة ويشق ريقه بحاجه ويقول نسيت ... أنا مش مسئول المهم ... نبدأ بالمقادير - لفة جلاش ( تقريباً بتبقى نص كيلو ) - نصف كيلو لحمة مفرومة - بيضتين - كوباية لبن كبيرة - ملح وفلفل - سمنة أو زبدة السر بقى بيبقى في تعصيج اللحمة ... ومش أي حد يعصج لحمة لا مؤخذة .... يعني بعون الله تعصيجة اللحمة هي سر الخلطة .... وهانقولكوا عليه نجيب بصلاية متوسطة ونفرمها كويس في الكبة ... ونجيب طمطماية ونقطعها صوغنن صوغنن ... وفص توم .. ملح وتوابل ( كل اللي موجود عندك في المطبخ وبقلب جامد ما تخافيش ).... وشوية ملح لمون صغننين وده بيعمل شغل عالي قوي قوي قوي وبيدي الاكل مزازه جميله ... وما ننساش سنة قرفه شوية ... ويا سلام لو ورقة نعناع ... واوووووووووووو ... ومعاهم نصف فلفلاية رومي ونقطعها صغنن صغنن ... ولو بتحبي الأكل مشطشط يبقى ممكن نصف قرن فلفل حراق ونحمر البصلة وفص الثوم بسيط لمدة دقيقتين تلاتة تبدل بس كده في معلقة سمنة وبعدين نضيف اللحمة والتوابل والطماطموكل الحركات ... كل ده لمدة 10 دقايق كده ... - نجيب بقى الصينية وندهنها سمنة .. ونضيف نصف الجلاش .. لكن بين كل ورقتين تلاتة .. نديها دهنة سمنه بالفرشاة بتاعت النقاش او بمعلقة مش عاوزين كلاكيع وتصعيب على ست البيت محدودة الدخل - ولحد نصف الجلاش نقف ... ونفرد اللحمة كويس ... ونعيد وضع باقي الجلاش وندهن وش الصينية بالسمنة مرة اخرة .. - نجيب البيضتين بقى ونضربهم ضرباً مبرحاً بدون رحمه بالشوكة ...مع فلفل أسود وملح بسيط ... ونحط عليهم كوباية اللبن أنا بصراحة بأسقي بنصهم الصينية ... وفي ناس تقول لأ .. أنا هاسقي الصينية وهي في نص سواها .. جربوا طرقتي وأدعوا لي في تريكة او سر هنا .. ستات كتير في مقتبل عمرهم بيعملوا غلطة لا تغتفر .. وهي إنهم مش بيقطعوا صينية الجلاش قبل ما يحطوها الفرن .. وبالتالي لو نسيت وعملت كده وجت تقطعها بعد ما تخرج من الفرن هاتتفتت منها وتتكسر وتبقى ليلة بيضا وممكن جوزها يبعتها بيت أبوها في اسرع توك توك وكل ده عشان الاخطاء البسيطة دي عشان كده لازم نقطع الصينية الاول زي ما احنا عاوزين ... مثلثات أو مربعات او حتى شبه منحرف ... وقولنا إيه ؟ إننا سقينا نص اللبن والبيض بها قبل ما ندخلها الفرن - ندخلها الفرن لمدة ربع ساعة .... ونطلعها ونسقيها بنص اللبن والبيض المتبقي وندخلها تاني الفرن 10 دقائق .... ولو عاوزه تعملي لها منظر حلو .. نشغل عليها الفرن من الشعلة اللي فوق لمدة دقيقتين تلاتة فقط عشان ما تتحرقش وتتطلعي بقى الصينية وتقطعي على نفس التقطيع السابق عشان الحتت تبقى سالكه .. وربنا يستر طريقك يا بنتي ويهدي سرك - تقدميها بقى جنب لحمة وفته ... جنب ملوخية ... اتصرفي بقى أنا مش هاحارب لوحدي وافكر في كل حاجه وبالهنا والشفا

لماذ لا ننظر للموضوع من وجهة نظر مختلفة رأيي أن أمرا عسكريا صدر بتوقف المجموعة في هذ المكان.. فكان التوقف سببا لآداء الصلاة .. و ليس العكس أن آداء الصلاة كان سبب التوقف رأيي هذا من واقع خدمتي العسكرية و حضوري لعدد من مشاريع الحرب و تدريبات عسكرية فمن الصورة أعتقد أن المكان هو داخل وحدة عسكرية أو نقطة توقف لكتيبة أو سرية أثناء تدريبات .. ويلاحظ وجود عربات عسكرية أخرى و من ضمنها سيارة تقف بعرض الطريق الطيارون لم يهبطوا خصيصا لأداء الصلاة و لكنهم صلوا وقت توقف المجموعة بالكامل أي في وقت راحتهم و الصلاة كانت بجوار معداتهم العسكرية ولا أعتقد أن الجميع اتفقوا لا سلكيا ( من في الجو و من على الأرض) على ( التوقف ) في هذا المكان تحديدا لأداء صلاة .. فما الذي يميزه عن باقي الصحراء ولو افترضنا أن الطيارين هبطوا مخصوص فلن يعجزوا و هم في الجو عن اختيار مكان مناسب للصلاة أفضل من الأسفلت و من التعرض مباشرة لحرارة الشمس وقت الظهيرة ( وقت الظهيرة على الأسفلت في السعودية .. حد يتخيل درجة الحرارة ممكن تكون كام ) ربما لا يعلم البعض صعوبة أداء الصلاة في الحياة العسكرية ولكن البعض يرى الصلاة على الأسفلت هي أحب إليه من تأخير الصلاة حتى الرجوع للوحدة آخر اليوم بعد أن تكون الشمس قد غربت ... فحرارة الأسفلت تتحملها نفسه راضية وهي أهون على صاحبها من أن تلومه نفسه على تقصيره في تضييع صلاة و تاخيرها عن وقتها .. و صدق الله العظيم .. {لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ} وقتها لا ينظر هذا الانسان لمن يلتقط له صورة أو من يحكم على تصرفه بالخطأ أم بالصواب .. فهو يعمل ما يعمله ابتغاء مرضات الله وهو وحده حسيبه . كل عام و أنتم بخير و تقبل الله منا و منكم صالح الأعمال

السلام عليكم و رحمة الله و بركاته ربما لا بد من خبرات شخصية و ذكريات طفولة كي تشمها لكنها حقا عندي أيضا.. أجمل روائح الكون

اللي هناك على فكرة انا كنت حسأل نفس السؤال بالأمس . ومكانش سخرية او استهزاء بكل الموضوع. يظهر انى بقيت ( خالف تعرف ).....ولاحول ولاقوة الا بالله العلى العظيم. انا بقى مش شايفة انه تمسك بالدين ومراعاة لمواعيد الصلاة ان ناس تنزل مخصوص من طيارات علشان تقيم الصلاة ...على الأرض . ليه؟؟ هو ممنوع يصلوا وهم ف الفضاء ؟؟؟ وبعدين؟؟ مش النزول بالطيارة والصعود بها مرة اخرى يعتبر ...تبذير. وأن المبذرين كانوا اخوانا للشياطين؟؟؟ مش ده برضه يعتبر مال عام؟ يعنى يجب المحافظة عليه؟؟ بصراحة يعنى .........حركات ملهاش لازمة . فيه صورة هنا ف المحاورات أكيد اللى صورها .صورها بالصدفة ومش متحضرة زى دى . لعامل يجمع القمامة ..ويصلى بجانب الصندوق الذى يجمع به القمامة . دى عندى فيها خشوع اكثر ..( والله اعلم ) يعنى رغم رقة حاله لكنه ترك كل شئ وتوضأ وأقام الصلاة .....بجانب عمله . لم يؤثر وقت الصلاة على حساب عمله . طيب... انا بقى شفت بعينى ومحدش قاللى . شاب مغربى يتوضأ من حنفية عامة موجودة داخل حديقة صغيرة فى ميدان ف برشلونة هذا الشاب يعمل فى رستوران على الطريق ......وكنا فى رمضان. هو لم يؤدى الصلاة فى مكان عمله !!! وخرج لأن مسموح له بربع ساعة او عشرين دقيقة راحة فى الصباح .. خرج لصلاة الظهر .. وبالتأكيد يفعل نفس الشئ فى اوقات الصلاة التالية . ..أستعد لأداء الصلاة بجانب شجرة فى هدوء ..وفوجئت ان ثلاثة شبان اقتربوا واحدا تلو الآخر اتوضوا ايضا ..وصلوا جماعة ..,انصرفوا بنفس الهدوء ....وعادوا الى اعمالهم....بلا أى ضجيج. ولا صور ولا غيره. والناس كلها ف الحديقة بالأطفال وكل واحد ف حاله يعنى .. يهيألى لو ده منظر (( عجيب جدااا ويدل على وعلى وعلى وعلى ....شدة التدين او التصرف الغريب او..او..او ..)) كان اولى الأجانب يصوروهم.....!!!!!!...........صح؟؟ وبعدين؟؟ دول كلهم على بعضهم ميطلعوش عشر اشخاص .... طيب ماحنا بنشوف المصريين ف كوووووول مطارات العالم.....يجمعوا نفسهم ويصلوا جماعة ف اوقات الصلاة . محدش صورهم ليه؟؟ بصراحة يعنى .... محدش يزعل . واللى معه قرش محيره....يجيب حمام ويطيره. مع اطيب تمنيات المسلمين اللى بيصلوا ف مواعيد الصلاة بدون انتظار حد.يصورهم. :clappingrose: :clappingrose:

والله ياساده احنا هنتكلم كتير فى الموضوع وهنوصل لنتيجه واحده بعيدا عن الرغى الجامد مبارك وعصابته كانوا محتليين مصر نجيب من الدواسه يعنى مبارك واحد من مؤسسن الفساد فى الوطن العربى مش بس مصر . هو اساسه على الخريطه العربيه وبصفه خاصه الفساد الخليجى المستشرى الان بفظاعه . كل ده من ترتيب مبارك وعصابته الدوليه اكتشفنا بعد الثورة ان العالم دى مش مصريه اصلا ومعظمهم معاهم جنسيات يا اما امريكيه او اسرائيليه جبلنا شويه من الموالد على شويه من سوق العبور ومسكهم وزارات سياديه . واستعان بواحده جابها من سوق التلات ومسكها اخطر وزارة فى مصر ال هى القوى العامله . على قواد دولى وحبسجى قديم من ايام الثورة على وزير اعلام اكتشفنا انه معاه ثانويه عامه وبرده لمعوه وقالوا عليه دكتور . على ابو كمال وجمهويه الباجور ال افسد الحياه النيابيه فى مصر ودخل اولاد كبار تجار المخدرات سلك القضاء والنيابه يعنى من الدواسه كوكتيل قرف كده يعنى . من الاخر عصابه دوليه المافيا تعظملها الخلاصه الشعب انتفض ضد العصابه دى وعمل ثورة على النظام لكن للاسف سلمها لنفس النظام ال ثار عليه ايه المتوقع يعنى ده مخطط مش لسرقه مصر ده مخطط لاباده مصر واتهام الشعب ونغمه الثوار الحقيقيين والكوبارس وانهم هما السبب وحملات التخوين ال شغاله على مسميات عبيطه وعجله الانتاج والقرف ده ومش هيتركوا مصر الا لما يسلموها صومال جديده لاجبار الشعب المصرى على قبول اى وضع هما عاوزينه بس خلاص بعد ال حصل فى لييبيا مينفعشى نقول ارفع راسك فوق انته مصرى ليبيا عملت ثورة صح واستلمت البلد على الاحمر والتشطيب عليهم بقى . يشطبوها لوكس والامكانيات موجوده لكن سلميه والكلام ده . ده كلام عبيط ولا بياكل بشلن مع العصابه دى وهما نفسهم ال سوقوا السلميه دى ليهم عن طريق شويه لمامه من سته ابريل وجندوهم لحسابهم لتسويق السلميه ليهم ولفوا على الشعب من يامه تانيه واتهموهم بانهم عملاء لصربيا ومع ذالك تركوهم بدون عقاب ولا حتى فتحوا اى تحقيق واحد معاهم نتيجه اتهامهم ده عشان تلبيس العمم للشعب نركوهم يسوقوا السلميه ليهم وقبضوا على ناس منهم معارضين بالفعل وتركوا الباقى ال معاهم على نفس النغمه وال فهم اللعبه تركهم ونمازج كتير تركت الحركه دى وكل واحد يطلع فى التحرير يطالب بالعصيان المدنى او استخدام العنف يطلعوا سته ابريل . سلميه . سلميه سلميه لغايه ما رستوقوا النظام وادى النتيجه يا أما ثورة تنضيف كامله للنظام باى شكل وباى وسيله ياما محدش يتكلم عن الفساد ويتركوا مصر يعملوا فيها ال هما عاوزينه

كل عام وانتم جميعا بخير دي تعليقات ثورية طريفة بمناسبة العيد الليبراليين : السلخ اولا والاخوان يردون، الذبح اولاً والعلمانيين،يجب فصل اللية عن اللحمة العيسوى ، معندناش عيد اساساً عشان حد يقولنا فيه خرفان اندبحت ولا لأ المجلس العسكرى ، احنا اللى حمينا الفروة عصام شرف ، ايه ده،هو فيه عيد أحمد شفيق ، عاوز تسميها فروة،مش فروة طبعا،ومحدش يزايد على فروتى،انا دبحت واندبحت فى كذا عيد قبل كده :)) عمر سليمان ، المصريين غير مؤهلين للحمة الضانى المخلوع ، لم أكن انتوى ان ادبح ، وكنت اود ان ادبح بنى وطنى ، على ارضها ذبحت و على ارضها سلخت ، والسلام عليكم توفيق عكاشة لو قلتلى يا سى البرادعى خروف العيد فى سوق المواشى بيكلف تربيتة كام حنتخبك رئيس جامهورية ، طب بلاش ديه ، تقدر تمسك اللية بإيدك من غير ما تقرف حمد صوبايدر: و الله يا شعب انتو ما فاهمين حاجة ... الخرفان دى مارينو من اللى جاية من استراليا .. و انا حعمل صفحة اسمها خروف العيد عميل مارينو بالدليل مليونية الخرفان تتوافد على السلخانة يوم الاحد القادم ناجى ابو النجا ، تقدر تدبح ، اقدر،لانى بحب شويها وأخيراً ، حمادة هلال : خروق العيد الكبير اندبح فى العيد الكبير :)))

عمال اتابع الموضوع من ساعة كده على الجزيرة مباشر وقرات كمان الخبر على التليفزيون المصري على كل المغتربين والمغتربات اللي معاهم رقم قومي من قبل تاريخ 27 سبتمبر - ماحدش يسالني ليه - إنهم يدخلوا على موقع اللجنة العليا للانتخابات ويسجلوا أسمايهم في الفترة من 10 نوفمبر إلى 17 نوفمبر عشان يقدروا يشاركوا في الإنتخابات البرلمانية الموضوع محتاج كلام كتير قوي قوي

ما هي مقومات الدولة العظمي سؤال كثيرا ما يتردد في ذهني هذه الأيام وخاصة بعد الثورة حيث تخيلت أو وهمت أننا علي أعتاب تدشين هذه الدولة المصرية العظيمة ولكن للأسف بمرور الوقت بدأت الأحلام تتبخر وبدأت أفيق علي واقع مغاير تماما وأصبحت أتصور أن ولادة دولة عظمي أو قل تحقيق نهضة كبيرة يتطلب توافر مقومات كثيرة أو تخطي عقبات كئود ليست بالهينة في حالة بلدنا مصر دعني أطرح الموضوع من منظوري الخاص أوقات كثيرة إحنا المصريين بنحاول نجد حلولا لمشكلاتنا اليومية في مصر ومشكلاتنا المزمنة كالمرور والتعليم والنظام والحكم وبدون أن يطلب منا أحد ذلك وفي الحقيقة لم أجد مثل هذا الشعور والانخراط في التفكير لصالح الوطن في الدول الأخرى التي عشت فيها ومنها الولايات المتحدة يمكن لان معظم الشعب مشغول في شغله فقط ولا يعنيه المنظومة العامة وان كان هذا جانب ايجابي وكافي في دول مؤسساتية ومنظومة واضحة المعالم ما أقصده أننا نختلف في شيئين واضحين أولا حب البلد والرغبة والعمل علي تطويره والاستعداد للتضحية الشخصية عند الكثيرين لرفعته ثانيا وهو الأهم إننا كلنا مقتنعون أننا نستحق مكانة أفضل بكثير مما نحن فيه نظرا لتاريخنا وحضارتنا وتعليمنا أعرف صديقا لي مصريا و يحمل الجنسية الكندية حاليا كان يتعلم الفرنسية علي يد مدرسة فرنسية قالت له عندكم كم من حملة الدكتوراه في مصر غير موجود بفرنسا ولكن عندما تنزل للشارع لا تجد أي أثر لهذه الشهادات.....وهذه مشكلة كبيرة لمفهوم التعليم وجدواه في مصر أحيانا بأتصور اننا كنادي الزمالك (مع الاعتذار للزملكاوية) نظل نتحدث كثيرا عن أجندات خارجية وتدخلات فضائية للحد من بطولات هذا الكيان والنتيجة علي أرض الواقع معروفة للجميع ولو بحثت عن كلام الزملكاوية تجده تقريبا مكررا في خلال 40 سنة مع اختلافات بسيطة ونتيجة واحدة علي أرض الواقع سؤالي هو هل فعلا نحن في طريقنا في يوم من الأيام للوصول ببلدنا إلي مكانة مرموقة في المستقبل القريب أم أننا سوف نظل نبكي علي اللبن المسكوب بدون أن تتاح لنا الفرصة لملء لبن جديد والسؤال الثاني إذا لم يقدر لنا النهوض بالبلاد في خلال العشرين سنة القادمة (لا قدر الله) يا تري لما نكتب تاريخ هذه الفترة ماذا سنذكر عن أسباب ضياع حلم الكثيرين..... هل هو التكالب علي السلطة وتغليب المصلحة الفردية والحزبية علي مصلحة البلد الفتنة الطائفية المصطنعة فعلا أجندات خارجية تحاول جاهدة منع هذه النهضة انتشار الجهل والتخلف في قطاعات كبيرة من الشعب تحول بينه وبين النهضة أمور أخري كالفساد المنتشر في كثير من مناحي الحياة في مصر مثل التعليم والإعلام والمحليات وضعف الوازع الديني عند شرائح كثيرة من المجتمع أرجو من الجميع المشاركة لعلنا نستطيع استطلاع مستقبل هذا البلد الجميل الذي شئنا أم أبينا نحبه بصدق

كل سنة وانتم طيبين يا اغلى ناس فى المحاورات ويارب تكون سنة سعيد على الجميع ومحدش ينسى اخوكم الصغير فى العيد الكبير بحتة لحمة

استفسار خفيف كده انا شايف موجود شخصيات كده متهيئلى اعرفها هنا فى المنتدى ولا ده تشابه اسماء ولا ايه الدنيا شايف زهيرى على مصريه يعنى مصريه على مسافر ذاده الخيال على مجموعه هايله ولا ده تشابه اسماء عموما برحب بالجميع واحلى من الشرف مفيش ياهاى ياهاى صباحكوا فل وورود بلدى على ابوه وكل سنه والجميع بخير وعيد سعيد عليكوا كنت عاوز احطلكوا شويه ورود كده بس المنتدى مش راضى يقبل لصق الصور مش عارف ليه

أصل القطة انت ماجبتهاش عندنا ، كنت جايب خيالها بس من موقع شاب كوووووووووول ، يظهر انهم اكلووووووووووووووها ، فخيالها اختفي من عندنا المرة الجاية ابقى حط القطة بتاعتك عندنا في الجاليري علشان ماتتوهش. لامؤاخذة يعني احنا مش بناخد قطط حد وبلاش تلقيح جتت :closedeyes:

و عليكم السلام و رحمة الله و بركاته يا رب يعيننا و يتقبل منا هو الكريم .. نرجوه ألا يصرفنا عن بابه و الا يردنا خائبين نصيحة لا زلت أذكرها أن اجلب الطاعة بالطاعة يعني ان حسن نهارنا.. يعيننا الله تعالى على مزيد من الطاعة و القيام ليلا اذا ندمنا صادقين على خطأ ,, يعينننا ان نقف نستغفر في الليل بين يديه "فَاذْكُرُونِي أَذْكُرْكُمْ "

http://www.youtube.com/watch?v=L7r_tRJzXTI&feature=related

ماتزعلش يا تامر هقولك نصيحه عند الكتابه في اي منتدى غير متخصص دينيا ما سيثير العجب و الإعجاب عند الاغلبيه في مثل هذه المنتديات هو تفوق المسلمين في امر دنيوي و ليس امر ديني زي حصول الفين مسلم على الدكتوراه مثلا او اختراع مسلم لدواء جديد و ما شابه و هكذا ستصل رسالتك اما امتلاء الحرم عن اخره مثلا فهو امر جيد و لكنه غير ملفت للنظر و الاعجاب تحياتي و احترامي

♥ أسعدُ الأحلام...هي الأحلامُ التي لا نستيقظُ منها إلا حين ننام... نذير الزعبي

خلاص يعني حكمنا انهم نزلوا مخصوص عشان يتصوروا ؟؟ يا مدام سلوى الله يخليكي .. دي طائرة عمودية .. يعني نزولها وطيرانها مش متكلفة التكاليف اللي حضرتك متصوراها ثانيامش عارف ما ركزتوش على الخبر ليه وبقيتم معلقين بس على الصورة ... الخبر بيقول ان الطائرات مخصصة للتدريبات والمهمات الخفيفة .. يعني تلاقيهم يطيروا يومياُ في مهمات تدريبية ويصلوا بنفس الوضعية يوميا و مفيش اشكالية .. يعني مش هما اللي بمهمات مستعجلة وضرورية .. دي مهمات روتينية تدريبية للجيش والدفاع المدني هما عشان اتصوروا وهم يصلوا باليوم دا تحديدا ويظهر اللي صورهم واحد معاهم سبقهم بقوا خلاص منافقين ؟؟؟؟ يعني بالقوة لازم نطلع غلط بالصورة دي .. ؟؟ دي مش مسابقة اين الخطأ في هذه الصورة الله يتقبل منهم يا رب .. ويجزاهم الف خير اعتقد انهم يعطوا صورة حسنة للمسلم من وجهة نظري

بسم الله الرحمن الرحيم الإخوة الكرام / أعضاء المنتدى تحية طيبة وبعد ... إعادة فتح باب قرعة أراضي الإسكان العائلي الأربعاء .. والحجز حتى 24 نوفمبر أعلنت وزارة الإسكان أن باب الحجز للقرعة العلنية الحالية لأراضي الإسكان العائلي، سيعاد فتحه بعد إجازة البنوك في فترة عيد الأضحى، وهي الإجازة التي تنتهي الثلاثاء، ليعاد فتح باب الحجز الأربعاء القادم، ويستمر تلقي الطلبات حتى 24 نوفمبر. وأشارت الوزارة إلى أن عدد الحاجزين وصل إلى 48 ألف مواطن، وتم بيع 141 ألف كراسة شروط حتى الآن . وقالت مصادر مسؤولة، في الوزارة إن القيمة الإجمالية التي سددها الحاجزون حتى الآن وصلت إلى 48 مليون جنيه، بينما وصلت 7 ملايين و50 ألف جنيه لخزينة البنك من حصيلة بيع كراسات الشروط، ولفتت المصادر إلى أن مدينة الشروق جاءت على رأس قائمة المدن التي شهدت إقبالاً شديداً من قبل المواطنين بسبب انخفاض سعر الأراضي المطروحة بها، والتي بلغت نحو 50 % فقط من سعر آخر قرعة تم طرحها منذ نحو عام ونصف العام. وأضافت المصادر أن مدينتي العاشر من رمضان و15 مايو جاءتا في المركز الثاني والثالث على التوالي بالنسبة لإقبال المواطنين، بينما جاءت مدينة أسوان الجديدة في آخر القائمة حيث لم يغط عدد الحاجزين عدد القطع المطروحة هناك. واعتبرت المصادر أن «المؤشر الغريب الذي يحتاج لدراسة كانت مدينة بدر، حيث جاء عدد الحاجزين أقل بكثير من القرعة الماضية، بالرغم من أن المدينة تطل على مشروع مدينتي، وأسعار الأراضي بها منخفضة بشكل كبير». وأوضحت أن معظم مدن الصعيد «لم تلق إقبالاً من المواطنين رغم مطالب العديد من المواطنين بطرح أراضي فيها باستثناء مدينة أسيوط الجديدة، والتي وصل عدد الحاجزين بها 8 أضعاف الأراضي المطروحة». خالص تحياتي مهندس / أشرف محمد

بسم الله الرحمن الرحيم الإخوة الكرام / أعضاء المنتدى كل عام و أنتم بخير أخوكم / مهندس أشرف محمد

التاريخ المشرف للأخوان المسلمون

تدور مناقشات وإختلافات كثيرة في مصر حول ترديد بعض مرشحي الرئاسة مثل الدكتور حازم صلاح رغبتهم في تطبيق مفهوم ( السياحة النظيفة ) والسياحة النظيفة هي منع ما يغضب الله في مجال السياحة من أمور مثل ( القمار والعري والخمر ) فالرافض لهذا المبدأ يرى أن تطبيق هذا المفهوم يؤدي الى كساد صناعة السياحة في مصر . المؤيدون لتطبيق مفهوم ( السياحة النظيفة ) وأنا منهم يرون أن السائح يأتي في الأساس لكي يتعرف على ثقافات مختلفة عنه ولكي يرى أثارنا ويستمتع بشواطىء مصر وجوها وهو لكي يقوم بهذه الامور لن يفرق معه أن يكون متعري أو في ملابسه المعتادة , ولن يفرق معه أن يلعب قمارا أو لا , ولن يفرق معه أن يشرب الخمر أو لا , بالإضافة الى أن هناك دولا طبقت مفهوم السياحة النظيفة وهى تجتذب الأن أضعاف ما تجتذبه مصر سنويا من السائحين , وفوق ذلك كله مفهوم السياحة النظيفة هو مرضاة لله سبحانه وتعالى . تعالوا لنرى الرد البليغ للدكتور طارق سويدان على المذيع عمرو أديب فيما يخص ( السياحة النظيفة ) : http://www.youtube.com/watch?v=QiHFmHI5Xpk هل أنت مؤيد لمفهوم السياحة النظيفة في مصر أم لا ؟

هل تذكرون الدكتور حازم عبد العظيم الذي كان مرشحا لوزارة الإتصالات في حكومة شرف , وتعرض هذا الترشيح وقتها لهجوم من البعض على إعتبار أن الدكتور حازم من فلول النظام وأنه كان مقربا من أحمد نظيف ؟ الرجل كتب اليوم مقالة من أروع ما يكون في الحقيقة , تحدث فيها عما يدور في نفوس الكثيرين ولكن الرجاء قراءتها لنهايتها دون أخذ إنطباع أولي , لان خاتمتها مختلفة تماما عن الإنطباع الأولي بعنوان : شكرا للمجلس العسكري مقالة ترسم الخطوات التي كان يجب أن تكون الثورة عليها منذ تنحي مبارك وحتى الان بخطوات فعلية ومنطقية وسلسة بدون تعقيد ولو تمت هذه الخطوات كما ( حلم ) بها الدكتور حازم لكنا الأن في وضع غير الوضع مقالة تؤكد أن الأمور كانت سهلة جدا وكان في المتناول أن تنتهي ثورة 25 يناير كما بدأت مبهرة للعالم أجمع , ولكن للأسف الشديد وبتعمد تم عرقلة مسارها

الاستاذ الفاضل ابو محمد ، اللي فهمته من كيفية اختيار الجمعيية التأسيسية في الوثيقة مختلف عن كلام حضرتك ده ، لأن ال 80 عضو مش حيختارهم البرلمان دول حيترشحوا عن طريق نقاباتهم او جمعياتهم ،والمشكلة الاكبر ان النقابات والجمعيات دي لسة مسيطر عليها اتباع النظام السابق او الحزب الوطني يعني اغلبية اللي حيحطوا الدستور مش حيبقوا بالانتخاب لكن بالتعيين من رؤساء النقابات والجمعيات يا ريت لو كلامي فيه خطأ توضح لي اللي حضرتك فهمته . الأخت الفاضلة "أم سلمى" اللى انا فاهمه إن كل هيئة أو "مجتمع مدنى" سيرشح ضعف العدد المطلوب ، وأعضاء البرلمان سيختارون منهم .. يعنى مثلا النقابات المهنية (الأطباء المهندسين ، المعلمين ، الصيادلة ، الصحفيين ، المحامين ......) سيجتمعون "كتجمع واحد" ليختاروا ضعف العدد المطلوب من هذاالتجمع وهكذا .. وسيختار أعضاء البرلمان (المنتخبون دونا عن المعينين) العدد المطلوب شكرا لحضرتك علي التوضيح ، لكن الهيئات المذكورة دي كام هيئة منهم انتخبت انتخابات سليمة علشان نتطمن انهم مش موالين للنظام السابق ؟ حتي لو رشحوا ضعف العدد ما ممكن جدا يحطوا المرشحين كلهم حزب وطني ساعتها البرلمان حيختار منهم غصب عنه ، يعني كمثال رئاسة الوزرا لوحدها تحط 10 اشخاص ، طب الوزارة دي انتقالية ولم تأتي عن طريق انتخاب ، رؤساء الجامعات ليهم 15 واحد يختاروه رؤساء الجامعات الحاليين انتخبهم اساتذة الجامعة والمعيدين (والطلبة العاديين ما بيشاركوش في الانتخابات دي ) و للاسف كتير جدا منهم طلعوا نفس الوجوه القديمة المعينة من امن الدولة ، الجمعيات العمومية للقضاة ما يتهيأليش اتغيرت من بعد الثورة هل حديضمن انتخاباتها تمت بنزاهه واللا لا؟ دول لوحدهم حيحطوا 15 عضو ، يعني مثال الزند ده رئيس نادي القضاة وبيرأس الجمعية العمومية للقضاة ، بيتوصف دايما بالموالي للمخلوع و هو اللي متولي ازمة القضاء دلوقتي ده غير دفاعه عن النائب العام والمستشار عبد السلام جمعة اللي حواليهم شبهات كتير النقابات العمالية لحد دلوقتي ما عملوش انتخابات من بعد الثورة دول ليهم 5 اعضاء اما النقابات الاخري فحصل فيها انتخابات فعلا ، فدول اقرب ناس ان يكونوا ممثلين للشعب ، لكن مشكلتهم الوحيدة ان مش كل الناس فعلا شاركوا في انتخاباتهم ، يعني انا خريجة هندسة ما اظنش لو كنت في مصر كنت حاشارك في انتخابات النقابة لأن ما حدش عرفني مسبقا ان دول اللي حيحطوا لي الدستور، الكلام ده جه مفاجأة دلوقتي لو كنا عايزين تمثيل للفئات دول كان المفروض يترشحوا بانتخابات نزيهة ، انما يتفرضوا علينا من هيئات اغلبها ما حصلش فيهاانتخابات نزيهة بعد الثورة يبقي حيبقي معظم الهيئة التأسيسية فلول . الأخت الفاضلة "أم سلمى" تسمحيلى أهزر معاكى ؟ .. أعتقد حتسمحيلى :) إنتى كده ما سبتيش غير حل من اتنين : 1) نطرح العملية فى مناقصة عالمية أو 2) نجيب حكم أجنبى ولو الاتنين دول ما نفعوش .. نطرح مناقصة لتوريد شعب جديد إوعى تكونى زعلتى :sofa: الاستاذ الفاضل ابو محمد ، لا طبعا ما زعلتش من حضرتك بالعكس انا سعيدة بمداخلات حضرتك ، لكن طبعا انا ما قصدتش اني فاقدة الثقة في الشعب المصري بالعكس ، لكن انا فعلا ما عنديش ثقة في رؤساء الهيئات والجمعيات اللي المفروض حيرشحوا الاعضاء ، يعني الكل دايما بيتكلم عن اننا خلصنا من راس الفساد لكن الجسد لسة موجود والفساد لسة في كل الهيئات والاستاذ الفاضل اسد ليه تعبير بيقوله ان كله علي قديمه ، طب اثق ازاي في رؤساء هيئات ما وصلوش بانتخابات سليمة انهم يعينوا لي 80 واحد للدستور في حين ان مجلس الشعب اللي حينتخب بأذن الله بطريقة سليمة يعين 20 واحد بس اكيد في حلول تانية ، يعني مثلا اقتراح بسيط (غير طبعا موضوع المناقصات والحكام الاجانب :)) لو كل اللي احنا عايزينه ان يبقي في ممثلين للاطباء والمهندسين والعمال والقضاة وكل الفئات في الهيئة التأسيسية للدستور ، طب ما يختارهم اعضاء مجلس الشعب ، وممكن برضه بنفس النسب اللي في الوثيقة يعني 15 عضو من القضاء و15 من اعضاء هيئة التدريس و15 من المهندسين والاطباء وهكذا، لكن اعضاء البرلمان هما اللي يختاروهم ، لأن دول هما اللي فعلا منتخبين والشعب المصري وثق فيهم واداهم الحق ده ، وبعدين في شئ تاني هو مش المهندسين مثلا ليهم حق التصويت في مجلس الشعب ، وكذلك الاطباء والقضاة واعضاء هيئة التدريس والطلبة حتي والعمال والفلاحين ، طب ما ينتخبوا في البرلمان اللي يمثلهم ، يعني اكيد انا حالاقي سواء من القوائم او الفردي اللي يمثلني وانتخبه وبالتالي اعضاء مجلس الشعب حيبقوا بيمثلوا فعلا طوائف الشعب كله ، ومع ذلك الافضل برضه يبقي فيه ممثلين لكل الطوائف في الهيئة التأسيسية وبنفس النسب اللي في الوثيقة ولكن يترك اختيارهم زي ما قلت للبرلمان اللي احنا انتخبناه. كل سنة وانتى طيبة يا "أم سلمى" .. وربنا يخليلك سلمى ويبارك فيها أنا سعيد إنك تقبلتى هزارى بروح رياضية .. وأسعد للمناقشة الموضوعية بدلا من رفض كل شئ بغضب وثورة عارمة تحرمنا من نعمة التفكير شوفى يا ستى .. أخوة أفاضل ومنهم حضرتك اعترضوا - بحق - على المادتين التاسعة والعاشرة .. ولهم ملاحظات معتبرة على "معاير انتخاب" الجمعية التأسيسية .. وأعتقد إن هؤلاء الأفاضل عبارة عن عينة لعقلاء آخرين نجحوا فى توصيل الاعتراض والملاحظات إلى من "يعملون" على هذا الأمر المهم .. فقد قرأت اليوم على موقع الأهرام أن الاعتراض كان له صدى "منتج" فى رأيى أن هذه التعديلات ليست نهاية المطاف .. وفى رأيى أيضا أن من يرفضها جملة وتفصيلا هو كمن يحاول الهروب من العمل فى الضوء لأنه تعود على تواجده فى قبو مظلم وضعه فيه مناخ استبدادى .. وأنا أخشى الخارج من الظلام لأنه عندما يتعرض للضوء يغمض عينيه تلقائيا ويبدأ فى الخبط العشوائى الذى يمكن أن يجره ويجر من حوله إلى إصابات وجراح .. وأصدق مثال على هذا هو الدعوة إلى مليونية 18 نوفمبر تحت شعار "خالتى سلمية ماتت" إذا لم يتم سحب مسودة الوثيقة نسأل الله السلامة لمصر والمصريين

عندما يعترف المجلس السمكري ومعه القفف الوزراءة بإنه خربوها وقعدوا على تلها ؟ إوعى تقول لي يا عم أبو محمد إن الثورة السبب ... او الشعب السبب ومعليش خلينا ننقل المداخلات دي في مكانها الصحيح منعاً لتشتيت الموضوع للاسف حكومة الطراطير هى السبب فى السوء ده وهقولك ليه انا كنت موجود فى مصر فى شهر يونيو وحاليا موجود نفس كوم الزبالة اللى موجود فى شارع احمدحلمى كمثال وليس للحصر لسه موجود بشكله وعفانته ؟؟؟؟؟!!!!! فين المحليات ليه عصام شرف مينزل بنفسه يشوف مصيبة الزبالة اللى مبهدلة البلد وخنقاها - 4 شهور واكتر والمشكلة مش بتتحل طبعا سيطرة الباعة الجائلين على الشوارع الرئيسة وكمثال وليس للحصر عندى فى المنصورة شارع جيهان يادوب حارتين وشارع حيوى جدا به 6 مستشفيات وبوابة للجامعة وسكن للطالبات وستاد الجامعة ومتقاطع مع اهم الشوارع الرئيسية فى المنصورة الـ 6 مستشفيات هما الطوارئ والاورام ومستشفى جيهان ومركز غنيم والجهازالهضمى ومستشفى للاسنان وعيادات خارجية وكل نص ساعة بلاقى عربيات الاسعاف داخلة قوم الاقى شوية باعة جائلية فارشين قدام مستشفى الاورام وواخدين حارة من حارتين الطريق وبيبعوا برتقال ومش عارف ايه لسه بسال سواق التاكسى واقوله فين المرور يشلوا الناس دى قال يا بيه دول كانوا يتضربوا والاقى بتاع المرور واقف جنبهم بيتكلم فى الموبيل والشارع يضرب يقلب ولا فى دماغه يعنى عشان المحترم بتاع المرور مكبر الجمجمة كل شوية يموت واحد والناس اللى راكبة العربيات دى واللى وراها مصالح يجيلها الضغط او السكر شارع مهم زى ده فين مدير الامن والمحافظ ووكيل وزارة الصحة ورئيس الجامعة وعميد كلية الطب (كل دول طراطير وحسبى الله ونعم الوكيل فيهم) جميع السرفيسات بتحمل خطوط سير غير خطوطها اللى واخدة بيها تصاريح واللى مش عاجبه من بتوع المرور هياخد على دماغه ده غير انهم طامسين خط السير من عالعربية عشان محدش يعرف من الزباين العربية اتجاها فين ويحمل حسب المزاج والظروف التكاتك انتشرت فى المنصورة ومش بشوفها الا قدام المحافظة (ايوة هى المحافظة اللى الجيش عامل عليها كردون امنى) المنصورة المدينة الجميلة بقت مدينة قبيحة ------------------ من تانى واحد فى مدينة ميت غمر بيشتغل بلطجى عنده 25 سنة سارق عربيات كتيرة جدا منهم 2 همر ومعروف لاجهزة الامن هناك طيب مش بيتقبض عليه ليه يا ظباط اصله ممكن يضربنا ومعاه 5 صبيان معاهم سلاح والعمر مش بعزقة واحنا هنعمله ايه يعنى مش انتوا اللى عملتوا ثورة ------------------ تالت اللى بيقدر يعمل حاجة بيعملها وهى ماشية بلطجة صديق لى وانا كنا فى سوق العتبة وركنا فى مكان قريب رجعنا لاقينا العربية متحوطة بالباعة الجائلين والبضاعة بتاعتهم فارشينها عليها ومش عايزين يقوموا من عليها وبيعقبونا عشان راكنين العربية وعايزين يدفعونا غرامة كمان (دول مش المرور لاء دول الباعة) واللى تقدر عليه ياعم الحج اعمله -------------------------- الناس ماشية فى الشارع تكلم نفسها مش هذار بجد الزحام فى كل المدن بقى شديد جدا ومش لكترة عربيات ولكن لتسيب قطاع خطير ومهم اللى هو قطاع المرور مفيش عسكرى ولا حتى ظابط يعرف يقول لسواق بم الا وكان السواق يرزعه العلقة المعتبرة ------------------ دى امثلة بسيطة جدا من الهبل اللى بيحصل كل يوم للناس ولكن اللى داير فى الساقية طول النهار هتلاقوا عنده قصص وحكايات وروايات

العيد السنه ديه يوم الاحد تضامنا مع الاخوه الاقباط علشان احداث ماسبيروووو

أ / ابو محمد مش هتناقش كثير في نقطة ميزانية القوات المسلحة تقريبا إحنا متفقين في نقطة تشكيل لجنة كتابة الدستور طيب ما تونس عملت كده !!! و انتخبتها إنتخاب مباشر هما نواب البرلمان دوول مش إحنا اللي هننتخبهم يبقوا بيمثلونا و بيمثلوا كل المجتمع المدني خاصة مع نظام القوائم النسبية بخصوص الرئيس أعتقد رئيس مدني منتخب بصلاحيات الإعلان الدستوري أفضل بسنوات ضوئية من المجلس العسكري بنفس الصلاحيات و لا تنسي إنه هينتخب بعد إنتخاب البرلمان يعني صلاحيات التشريع و الرقابة خارج يده تماما

حبيبتى كم اشتقت إليكى..لعينيكى..لدفء يديكى رغم أننى......لم ألمسهما.......!!! ولكن حبى .. جعلنى... أشعر .... بـ ربتِهما الحانى فعُزِفَت (ألحانى)..وضاعت أحزانى..وبقيت أشجانى لتذكرنى بكى يا حبيبتى يا أجمل طيف...مر على حياتى يا سحرى..ومركز دورانى..يا ينبوع نورانى يسقينى الحب...شهدا...وعشقا... وأغانى حبيبتى تأكدت أنكى... سببا...لوجودى...وكيانى وأن هواكى..هو الأمل.. الباقى..من زمانى والرنين الغامض...الذى يأخذنى.. من أيامى إليكى..إليكى ...يا أصعب أحلامى...وألامى نعم ألامى.....!!!!!! فى البعد أنتى ألامى فى الرحيل أنتى ألامى فى الفراق أنتى ألامى حبيبتى متى تتحطم الحدود....متى تتساقط السدود متى تنفـــرط القيـــود........!!؟......لنعود لنعود..كما كنا ..أحباب تحوطنا .. ملائكة الحب.... حاملى الورود ونحقق ما بيننا..من أمال..وأحلام...ووعود ونسطر بحبنا...صفحات...فى (معجم الخلود) حبيبتى أه...أه...من تلك( اللوعة...العاتية)...التى تعترينى أه..أه..من(قانون الفراق)الذى حكم بحرمانى..وأنينى أه...أه..من جرح عميق عميق..يسكن قلبى..ويضنينى أه..أه...من جحد القلوب...التى لا تفهم شوقى..وحنينى وأه من تلــــك الأهه ... التى تكوينى.. وتشقينى ....وتميتنى.. ثم تحيينى أه....وأه.....وأه......وأه حبيبتى رغم "كيد" الحاسدين..رغم"قيد" الحاقدين رغم أحزان السنين..... سأظل اهواكى..أنا رغم أنف الظالمين...رغم رفض اللائمين حبيبتى ...كم اشتقت إليكى مُرسِلُهُ عصفورك ((طير الحب والسلام)) محمود

قد يموت البشر ولكن الأوطان لاتموت حتما يموت الطغاة ولكن الأوطان لاتموت قد تمرض الأوطان وقد تشيخ وتهرم قد تفتقد البهجة قد تفتقد البسمة ولكنها أبدا لاتموت سيذهب الطغاة سيذهب اللصوص وقد تذهب أجيال وتروح ويوما سيأتي الله بأجيال تعيد البناء تعيد البهجة ترسم البسمة على وجوه البشر ووقتها سيأتي العيد فيبتهج الكبار ويلعب الصغار ويغنوا معا أنشودة العيد

أستاذ "أبو ريم" معلش .. إحنا مش فى السلمى .. إحنا فى الوثيقة .. عايزين نناقش : "إيه اللى مرفوض فيها" .. هذه هى الموضوعية التى ننشدها .. يا ريت يا أستاذ "أبو ريم" تقول لنا رأيك فى الوثيقة .. وطبعا من حقك ترفضها بالكامل .. وترفض مناقشة الإيجابى والسلبى فيها بدون إبداء الأسباب إلا سبب واحد وهو أن "فصيل معين" من الشعب يريد أو "يأمل" فى أن ينفرد بوضع الدستور أو على الأقل تكون له اليد العليا فى وضعه مرة أخرى 1) مواصفات أعضاء البرلمان ليست هى مواصفات واضعى الدستور ولذلك لا يمكن أن يكونوا جميعا من أعضاء البرلمان (وهذا ما تحققه الوثيقة) 2) معايير اختيار الجمعية التأسيسية فى الوثيقة لا تعارض أبدا بينها وبين التعديلات الدستورية التى وافق عليها "الشعب" بأغلبية كبيرة 3) المعايير ليست إلتفافا على ما وافق عليه الشعب ولكنها ضمان لكى تضم "جميع" طوائف الشعب .. وذلك سيكون باختيار ممثلى الشعب ، أى أعضاء البرلمان (مهما كانت أغلبيته حتى ولو كانت لذلك الفصيل الذى يرقص رقصة الحرب حول تلك المعايير ويهدد بمليونية 18 نوفمبر تحت شعار "خالتى سلمية ماتت") .. فهذا البرلمان بتلك الأغلبية هو من سيختار أعضاء الجمعية التأسيسية ..يبقى السؤال إيه هو الاعتراض على معايير الاختيار ؟ أم نريد ألا يكون هناك أى معايير ؟ الله يرحمنا جميعا .. فالرحمة تجوز على الأموات "ومنهم خالتى سلمية إذا كانت فعلا ماتت" وكذلك تجوز على الأحياء .. وفى مثل ظروفنا فإن الدعاء بالرحمة للأحياء مطلوب أكثر

موضوع ماسبيرو ايضا اثر وسيؤثر الفترة القادمة على الاستثمارات الخارجية ، فاخطر شيء يواجه هذه الاستثمارات هو الخوف من الفتن الطائفية - ايضا اي وزير مسئول الان كيف له ان يعمل بجدية ويضع خطط طويلة وهو يعرف انه قد يغادر الوزراة بعد فترة - كل هذا النزيف سيقل عندما ننتهي بسرعة من تشكيل برلمان ومن انتخابات الرئاسة ، - لكن الان صراحة لا اجد في الحكوة الحالية او المجلس العسكري من يعمل لانقاذ مصر ...كل التركيز الان على انقاذ المخلوع وانقاذ كبار رجال الداخلية...وكبار فلول الوطني حتى لا يطالهم آذيتهم

طبعا محتاج فتوي حتي لو كانت أمور بديهية الدين مش محتاج فذلكة شخصية ولا تفكير لان الدين بالاتباع و الا كان في امور اولي ان احنا ما نتبعش اللي الرسول قاله و نعمل اللي جاي في دماغنا مثال المسح علي أعلي الخف في الوضوء مش أسفله مع ان اللي بيلامس الارض هو اسفل القدم عقل الانسان لا يصلح في الدين علي رأي الشيخ عمر عبد الكافي الزيادة في الدين كالنقصان فيه بالظبط بالعكس الدين كله بالعقل لان العقل بيقول اني امسح اعلي الخف لاني لو مسحته من تحت هايلم تراب وهايتوسخ ويوسخ مكان الصلاه:closedeyes: ماشي يا عم... و جهة نظر برضه مع ان شايفها غلط بس ما علينا ليه بنصلي الظهر اربع ركعات مش ركعتين مع ان الدنيا في الظهر بتبقي حر و الواحد بيبقي عايز يريح لو حاولت تلاقي اجابة بالعقل علي كل حاجة صدقني هتتعب كتير الواحد في الدين لازم يتبع ما جاء به الرسول و اذا لم يجد اجابة لازم يروح للعلماء مش كل واحد يعمل من نفسه شيخ و يفتي علي هواه مؤكد أن الاجتراء على الفتوى من المهلكات و طبيعي ان احنا نتبع الدين طبعا مش حنألف دين على هوانا احنا بنتكلم بشكل فردي يعني مش معقول في حياتي اليومية قبل ما اعمل اي حاجة اسأل شيخ! هي دي البديهيات المقصودة و ده في حياة كل واحد مش بشكل عام لأن اللي يناسب حياتي ممكن ما يناسبش حضرتك و اللي يناسب حضرتك ممكن ما يناسبش واحد تاني و هكذا... و بعدين الرسول عليه أفضل الصلاة و السلام قال: " استفت قلبك و لو أفتوك "

لازم يا مدام عبير تاخدي كورس في المصطلحات الاركتكتية ... لما يقول الباشمهندس جز رقاب يعني يقصد تفنيش .. او طرد .. والحق بصراحة مش على ارك اللي كانت كلماته زي البلسم ، الحق على اوزو .. هو من يوم ما مشى مع اوزاوز بحر الدماء بقت مصطلحاته خنشورية كدا ما علينا .. بخصوص مشاركة الفاضل ادفايزور .. استطيع ان اقول ان الافكار - ان كانت تدعو الى الكراهية - فالحل في مناقشتها وتعرية الفكر الذي يثير الكراهية .. اياُ كان مصدره لأن الشخص اللي بيفكر التفكير دا .. ممكن نضمن اننا نلغي مشاركاته بس هنكون عاملين زي اللي بيكنس ويخلي التراب تحت الكنب مش هنقدر نضمن ان الشخص دا .. ممكن ينشر كلامه وافكاره الخاطئة او المثيرة للكراهية في مكان اخر مكان ما نقدرش نعمل فيه اقنور .. او ديليت يبقى الحل ايه من وجهة نظري ..؟ نناقش افكاره .. نكرهها آه بس نخليه يقولها .. ويقوم الاخوة الذين يفوقونه تجربة وحكمة في نقد مشاركاته وتبيين عوارها .. و نثق بوعي القاريء والمنتدى ولله الحمد غالبية اعضائه وما يفوقون 95 من افراده يتمتعون بوعي مستنير قادر على الرد وعلى تبيين الخطأ دعوا القاريء يقرأ لكل الاطراف .. ومن ثم يبني قناعاته وفكره واصحاب الاقلام الواعية ليسوا بقلة هاهنا .. هم قادرون بإذن الله على تفنيد المشاركة وهكذا يتم علاج افكار العضو دون الحاجة الى البتر ومن جديد نتمنى ان يحظى قرار الاخت ام سلمى والتماساتنا جميعا باعادة النظر من جانبكم ولكل جزيل الشكر

ما سبق كان نص مشاركتي فى باب فريق التنسيق و الإشراف فى موضوع يناقش مسألة إلغاء الوقف النهائي لأحد الأعضاء و أكرر تسائلي هنا للجميع هنا أليس من حقنا حماية هذا الصرح الذي بنيناه معا و بقى صامدا إحدى عشر سنة ألا ترون معي أن آخر العلاج الكى لكم أن تتصوروا أن مداخلة الأدفايزر - ومداخلاته فى العادة قليلة جدا فى باب الإشراف - كانت فى مجال مناقشة "مسودة" مداخلة إدارية فيه دول كتير لغت عقوبة الاعدام من قوانينها الايقاف النهائي لعضو فعال بسبب تعبيره عن آرائه حتى وان بدت للبعض متطرفه هو بمثابة وضع الرقاب تحت المقصلة اقترح وضع المداخلات تحت المراقبة لمدد طويله عوضا عن جز الرقاب تحيتي للادارة الموقرة

عشان تعرف اننا شعب فقري بصحيح ماكنت تتمناها تبقى كندي من البدايه وتريح نفسك :wub:

مرحبآ بك بيننا وكل سنة وانت طيب خش برجلك اليمين وصلى ع النبى (ص) وقول يارب

حزب الحريه والعداله التعريف اول من خان الثورة المصريه واول المستفيدين بها ومش عاوز اى حد على الساحه غيره واى حدد ينافس اصبح كافر وفيه العبر تركوا الناس تموت فى الميدان وراحوا عملوا لقاء سرى مع سياده النائب السابق للقضاء على الثورة والمقابل البرلمان بعد اجتماعهم السرى مع سليمان زرعوا شرف فى التحرير وآوهموا الناس انه مطلب شعبى حسب ما خطط ليهم ولمعوه على الاخر ونزل شرف التحرير وترك فى البيت على الرف لجنه السياسات . والاخوان وانصارهم هييييييييييييييه ولبسوا العمه للشعب ومن ساعتها ملهمشى دعوة بالتحرير تانى وكل جمعه يطلعوا فيها القطط الفاطسه ويحاربوها على المنابر نزلوا بس جمعتين فقط من ساعه ما قامت الثورة الى الان واحده للاسقاط الجمل والتانيه جمعه ابو لهب فى التحرير ال قالوا فيها يامشير يامشير ولادك اهم فى التحرير . ويامشير يامشير انته الامير واشتغلوا على نغمه اللبرالى والعلمانى وكل ماتطلع جمعه رغم اى مكاسب للجمعه دى يبقوا لا على حامى ولا على بارد خدوا المكاسب واتحولوا من غمضه عين وضحهاها من المحظورة الى المحظوظه وده ال يهمهم البرلمان البرلمان طيب ماهما كانوا فى البرلمان المرة ال فاتت ولا عملوا اى شىء نهائى والتبريرات ربنا ما يحرمهم منها . موجوده كلها . على كل شكل وعلى كل لون يابطسطه . يتبع

http://www.youtube.com/watch?v=4FeuU74b4fw في مليونيات لم يشارك فيها الاخوان لأن بعض التيارات كانت عايزة تستغفل البسطاء ، يخرجوا الناس بحجة محاكمة قتلة الشهداء و عايزين فلوسنا من الحرامية و في نفس الوقت يرفعوا شعارات زي الدستور اولا و زي مجلس مدني ، كان لازم يبقي في اتفاق من الاول علي المطالب بالذمه ده كلام يخش عقل يعنى الاخوان لم تشارك فى المليونات عشان انهم متفقوش معاهم على المطالب طيب وايه ال منعهم يتفقوا والدستور اولا دى جريمه يعنى . ولا المجلس الرئاسى دى اكبر الجرائم امال ايه ال بيحصل فى ليبيا مش مجلس انتقالى برده ولا لازم يمسك البلد المجلس العسكرى . المجلس المدنى ولا العسكرى يعنى هما شايفين ان الشعب المصرى الصح له انه يتمسك بالالى والرشاشات ويندعم بالمدرعات وده افضل شىء له وان اسرائيل لازم يتحافظ عليها ويتبنى على سفارتها جدار لحمايه اسرائيل فى المنطقه . وبقيه الشعب يتحول اوراقه لمفتى الجمهوريه مفيش مشكله امال حاليا بيطلبوه ليه بتسليم البلد هما والسلفيين . هيسلم البلد لمين بقه ومبارك كان هيتحاكم ومحاكمه علنيه بالشكل ال شفناه كلنا ده من غير مليونيات الشباب . امال حجه ايه بقه . يعنى ده محصلشى يعنى هما نادوا بمحاكمه ومتحكموش !!!!!!!! طيب الشباب دول كانوا ليهم اهداف خبيثه ومداريين فى وفى زى ما بيقولوا يعنى الشباب ده مأجور على الثورة فين دورهم هما . ومن رآى منكم منكرا . هو مش ده منكر ولا بس دى بتتقال على المنابر بس يعنى على الواقع لاء ما ينزل يصحح ويرشد ويتابع الثورة بل ويقف ضدهم على اساس انه خايف ع الثورة مهو برده فى الحاله دى اتخلى عن الثورة لشويه متأمرين . اذن خان الثورة ف الحالتين يبقى عل الحسابات دى او دكهت فى جميع الحالات احنا بنتعامل مع خونه للثورة رسمى طيب وشاب الاخوان ال انفصلوا عنهم برده خونه ولا رفضوا شعارهم بتاع اطيعوا الله والرسول والمرتشى العام والجمع كلها بالشكل ده . مفيش جمعه واحده يحضروها تقدرى تقوليلى على جمعه ابو لهب ال نزلوها دى فى التحرير ويامشير يامشير انته الامير دى طلعنا بيها با أيه واى مكاسب حصلنا عليها من خلال الجمعه دى ال لموا من الصعيد الجوانى بمواصلات على حسابهم عشان يحشدوا اكبر قدر ممكن لعرض العضلات على المجلس والشعب ولا كانت ليها اهداف تانيه غير ده كانت ايه مطالبها ؟ واحنا كشعب مصرى استفدنا ايه منها ؟ جمع الشباب كان ليها مطالب واتخققت منها كتير جدا جمعه ابو لهب دى كانت مطالبها ايه !!!!!! لاء والبجاحه كمان انهم كانوا فرحانين بيها قوى وبالاعداد ال لموها بتلاتين جنيه النفر . ومن غير اى اهداف ايا كانت غير بس فرض العضلات على المجلس والقوى السياسيه الوحشه دى ارجوكم احترموا عقول الناس ولو مرة واحده