لوحة القادة

ايه يا عم انت حيلك حيلك لا حد الله ما بيني و بينك يا دي الغرقة يادي الكسفة ايوة يا فندي بجد انا آسفة اللي ما يعرف يجهل قالوا طيب بس انا مالي و ماله سيبه يتعارك سيبه يقول اوعى تقول ده من الفلول احكي و فضفض يا استاذ يللا اهي فرجة كما التلفاز بدل الخنقة و زهق و ملل شغل سياسة جاب لنا علل مرحب بيك و هلا ومراحب بس اوعى و حرّص م المصايب حرّص و اوعى تآمن لصاحب اعقل يا بني الصاحب ساحب لا تقول اسلام و لا حتى زوهيري وقت الجد ما ينفع غيري اهديك وردة و كام انذار اوصلهم لك لباب الدار و لما غلاوتك عندي تزيد حيكون ليك وقف أكيد على ايدي ايقافك نهائي و ده طبعا أملي و رجائي يللا ابدأ خليك البادي و صلي على نبينا الهادي اوعى تزعل و لا تتأثر أنا مقصدش أنا بس بأهزر

رأيي أنه لم يكن هناك داعي أساسا لإثارة الموضوع و اشغال الناس بالسياسة في وقت تركو الدنيا خلفهم و جاءوا ملبين موحدين يرجون مغفرة الله .. أدعو الله ان يتقبل من الجميع و ان ييسر لنا حج بيته الحرام و أرى أيضا أن الموضوع لم يعد بحاجة لاستخدام اسم الجيش رغم أن الجيش نفسه برئ من أعمال المجلس العسكري و أعمال شرف و وثيقة السلمي الجيش المصري لن ينكسر بإذن الله و يستحيل أن نضع الجيش و الشرطة في كفة واحدة في ثورة 25 يناير . و بدلا من التهدئة مطلوب الوقوف صفا واحدا في وجه المجلس لتسليم الأمانة

كلام الشيخ ليس دقيقا الجيش شيئ والمجلس الأعلى للقوات المسلحة المتولي أمر إدارة البلاد شيئ آخر. نقد المجلس الأعلى للقوات المسلحة كحاكم للبلاد لم يقم بما كان متوقعا منه أو نقده لتسلطه أو نقده لتصحيح مساره أمر عادي ويجب أن يكون مقبولا ولاعلاقة له بالجيش كمؤسسة مسئولة عن تأمين البلاد وحدود البلاد. نقد المجلس الأعلى للقوات المسلحة لايعني الدعوة لكسر الجيش ومن المغالطات التي يقولها هو اننا كسرنا الشرطة ، وهذا القول هو قمة لي الحقائق ، الشعب لم يكسر الشرطة ، الشرطة هي من تحاول التآمر على الشعب وعلى الثورة وهم من تركوا مواقعهم ومن قاموا بقتل المتظاهرين وقتل زملائهم الذين وقفوا في صف الثورة ومثال لذلك اللواء البطران. أرى أنالشيخ الذي يؤدي الحج في ويتحدث من داخل استوديو متنقل قد جانبه الصواب وقام بخلط الأمور ببعضها ، وأرى أن مايقوله لايفرق عما قاله قبل الثورة من تحريم التظاهر وتحريم الخروج على الحاكم وان علينا إنتظار الفرج من السماء. مرة أخرى الجيش ليس المجلس العسكري ، والثورة والشعب لم يفكروا في كسر الشرطة أو كسر الجيش وأن مايراه الشيخ مجاف للحقيقة ويحاول ان يحمل تدهور أحوال البلد للثورة والشعب بشكل غير مباشر.

العضو الفاضل "الباز افندى" للتذكرة بأولى "قواعد المشاركة" عن فريق الاشراف أبو محمد

ما ورد على لسان الشيخ حسان في هذا الفيديو يمكننا أن نقبله بطريقة أو بأخرى إلأ جملة واحدة , وهي جملة ( عاوزين يكسروا الجيش زي ما كسروا الشرطة !!) الشيخ حسان هنا صور الشرطة أنها الضحية المسكينة المغلوب على أمرها والتي كانت تؤدي دورها على أكمل وجه ثم فجأة ظهر مجموعة متهورين ( المتظاهرين ) قاموا بكسرها بقسوة متعمدين ذلك ( فالشرطة لم تعتدي عليهم أبدا بل هم المعتدين الظالمين الذين ذهبوا إليها في عقر دارها ) , وطبعا في سياق هذا الكلام نسى الشيخ حسان أنه يتكلم عن متظاهرين عزل من السلاح في مواجهة شرطة مسلحة بأنواع مختلفة وحديثة من السلاح غريب أن يحول إنسان الجاني الي ضحية والضحية الى جاني , فما بالنا بعالم بدين وهو يقوم بذلك !! عموما الشيخ حسان عارض ثورة 25 يناير في بدايتها وكان يحرم خروج التظاهرات لأنه خروج على الحاكم وهو أفتى بذلك وقتها , ولكنه لم يفتينا أبدا طوال السنوات الماضية عن حكم الفساد وأكل أموال الناس بالباطل ؟ ولم يفتينا طوال السنوات الماضية عن قتل النفس التي حرم الله قتلها إلا بالحق ؟ ظل الشيخ حسات طوال السنوات الماضية صامتا أمام كل المظالم التي كان يتعرض لها الشعب المصري , ولم يتكلم إلأ عندما خرج الشعب ليعبر عن ألالامه ليقول له خروجك حرام ويجب عليك أن تتألم بصمت وتعاني دون أن تزعج أحد ! ويطلب منه أن ينتظر الفرج من السماء , وهو بذلك كمن لا يعلم قول سيدنا عمر بن الخطاب ( إن السماء لا تمطر ذهبا ولا فضة ) وأن على الإنسان التحرك لنيل رزقه أو حقوقه أو لتصحيح وضع خطأ , فديننا ليس دين (دروشة) نجلس فيه متكئين على الأرائك وننظر للسماء ننتظر منها الفرج , بل نتحرك ونأخذ بالأسباب ثم نولي شطرنا للسماء لنسأل الله أن يجعل التوفيق والنصر حليف تحركنا .

لسه ولسه .. يا عم الباز لسه حتغرق . فى الألغاز سابقك صيتك والبيت بيتك خدلك كرسى .. يكون هزاز مدققش يا سيدى .. داعادى يعنى صباحك .. فل.. ونادى ولا تتحير .. ولا تتغاظ م اللى حيجرى .. يا عم الباز

شاب أراد أن يخطب فنظم قصيدة واقعية ... ـ أيا عماه يشرفني أمد يدي لكي أحظى كريمتكمْ وأن تعطوننا وعداً أتينا الله داعينا فإن وافقت يا عماه دعنا نفصل المهرَ وخير البرِّ عاجله ونحن البرَّ راجينا فقال:- أيا ولدي لنا الشرف فنعم الأهل من رباك ونعم العلم في يمناك وإن العلم يغنينا وأما المهر يا ولدي فلا تسأل لأنا نشتري رجلاً وليس المال يعنينا ولكن هكذا العرف وإن العرف يا ولداه يحميكم ويحمينا فمليون مقدمها وأربعة مؤخرها وضع في البنك للتأمين عشرينا وبيت باسم ابنتنا وملبوس على البدن من الفستان للكفن و"مورانو" ـ وان صعبت فإن "البيجو" تكفينا وأما العرس يا ولدي ففي "الشيراتون" فشأن صغيرتي شأن سعادٍ بنت خالتها وهندٍ بنت عمتها وشيرينا فإن وافقت قلنا بارك الله وقال الكل آمينا فقلت له :ـ أيا عماه خللها وضعها فوق رف البيت زيتونا فلو بيديّ ربع المهر كنت اليوم قارونا أيا عماه أنا رجل بسيط في موارده ودخلي بضع ألاف وزادي مثل كل الناس أقول الحمد لله خالقنا وبارئنا وساترنا وكافينا أيا عماه أنا رجل أحب بكل إحساسي وقلبي ليس من ذهب ترى ان كان من ذهب أكان الحب يأتينا ترى هل يشعر الأنسان حين يكون خافقه من الألماس معجونا أيا عماه لماذا صارت الدنيا طريدَتنا وقد كانت بأيدينا لماذا نحن أصنام وكيف يحاور الأنسان حين يصير جبصينا خلقنا نحن من روح ومن طين نسينا روحنا حتى غدت في جسمنا طينا لماذا في مدينتنا يعيش المرء للعادات مسجونا وكيف يفكر الأنسان حين يكون مسجونا تطورنا وعدنا في تخلفنا لوقت كانت الأنثى تباع كأنها عقد فنخّاس ينادي هذه بكر وآخر هذه أحلى وثالث هذه اطول يعود التاجر الميسور منزله وفي يده اشترى امرأة وفروجاً وليمونا ||الفروج هو الدجاجة .. ـ لماذا صارت الأنثى تساوم في أنوثتها فتعطوها لمن ترضونه مالاً وقال الله من ترضونه دينا أيا عماه عفواً إن تماديت ولكني عزفت الآن عن طلبي فلو كان الزواج بعصرنا عقلا سأمضي العمر مجنونا صحيح قبل أن أنسى سؤال حز في نفسي سعاد بنت خالتها وهند بنت عمتها فماذا عنها شيرينا

انا ملاحظ يا باز أفندي إن هدفك في الدنيا هو مهاجمهة التاير الإسلامي سواء إخوان أو سلفيين فقط ... طب ده ينفع ؟ وعمرك ما أتكلمت مثلاً عن إتجهاك السياسي أو إنت هدفك إيه ؟ ما تقوليش بقى إن إنت مبعوث العناية الألهية للهجوم عليهم وخلاص

مساء الرفق بمخلوقات الله. أعجبتنى هذه الصور وأردت ان تشاركونى احساسى . الذى ينظر يهيأله ان العملية تمت بطريقة وحشية ..لكن؟؟ سبحان الله . احيانا يضطر الانسان للتصرف ببعض الوحشية من أجل مستقبل اكثر سلاما.. قررت الWWF..انقاذ 19 وحيد قرن ونقلهم الى مكان يكونوا فيه اكثر أمانا بعيدا عن الصيادين لأنهم معرضين للانقراض . اليكم الصور ...ولنرى كيف تم نقلهم . 1- http://www.bbc.co.uk...noceronte.shtml

بسم الله الرحمن الرحيم . قال رسول الله صلى الله عليه وسلّم (فوالله لأن يهدى بك رجل واحد خير لك من حمر النعم ) . حقيقة أنني أغبط هؤلاء الدعاة الذين كرّسوا اعمارهم وجهودهم للدعوة إلى دين الله . الداعية يوسف استس معروف باسلوبه الراقي والمميّز في الدعوة إلى الله ، وقد جعله الله سبباً في هداية الكثيرين إلى الاسلام . في هذا اللقاء الرائع يحاور الشيخ يوسف شاباً كان على غير الاسلام ، فإذا بالشاب في نهاية الحوار ينطق الشهادتين ويجهش بالبكاء . وقد شهد هذا اللقاء اسلام ثلاثة نساء أيضاً . كما يحكي الشيخ يوسف أيضاً ما حدث له في لقاء آخر بألمانيا ، عندما سأل الحضور : من في القاعة يوّد أن يصبح مسلماً ، فوقف جميع الحضور ، ونطق 1250 من الحضور الشهادة في نفس الوقت ! أترككم مع اللقاء وآمل أن ينال اعجابكم . http://www.youtube.com/watch?v=5J-9dn3_hpY

كلام جميل يا أستاذ إسلام بس لا أظن إن حضرتك هتلاقي حد يرد عليك لأن الحقيقة التي لا يريد أن يسمعها أحد أنه لا يوجد في هذ المنتدى أي واحد منتمي لتنظيم الإخوان المسلمين أو لجماعة الإخوان المسلمين بالشكل الرسمي و لو وجد فسيكون الوحيد القادر على مناظرة حضرتك في الرد على هذه المطالب بعد الرجوع للجماعة . حتى أخونا العمدة ربنا يكرمه لو حضرت خدت بالك دا قاعد في ابو ظبي ( أو أم ظبي زي ما بيقول ) و لا اعتقد أن له أي دور قيادي في الجماعة أو حتى دور سياسي في الحزب غير أنه مقتنع أن الإخوان هم الأصلح و هذا رأيه الذي يعمل من أجله و يدافع عنه و هو شيء يزيد من احترامي له . طب و الناس اللي عمالة تدافع عن الإخوان المسلمين دول تبع مين لو حد تابع ردود الناس دي في جميع الموضوعات هتلاقيهم بيدافعوا عن الإخوان و عن السلفيين و عن الكنيسة و عن الجيش ... يعني ناس مالهمش في السياسة غير إنهم بيتكلموا باللي شافوه .. واللي شافوه من الإخوان كجيران أو زملاء عمل أو دراسة أو حتى في الشارع هو مجرد حسن الخلق و حسن المعاملة و ميدان التحرير و محافظات مصر تشهد بدور أفراد الإخوان داخل الميدان و في اللجان الشعبية وقت الثورة .. الإخوان مجرد أفراد من الشعب المصري الطيب الأصيل أما ألاعيب السياسة و تربيطات العسكر و مطالب المرشد حسن البنا وغير ذلك من التهم الموجهة للإخوان حتى و إن صحت .. فهي تهم ينفيها واقع المعاملة و بصراحة دي أكبر مشكلة إن فيه ناس بتحرث في البحر عاوزين يكرهوا الناس في الإخوان و في السلفيين وفي المسيحيين و مش هيقدروا لأن كل واحد عقله في راسه و مش محتاج تلقين . في رأيي المطلوب من أي تيار منافس للإخوان إنه يسيب الناس دي في حالها و يشوف هو عاوز إيه أو عاوز مين بديل عنهم و يعلن عن تأييده له و يحبب الناس و فيه و يقنعهم بيه و يعرفهم على إنجازاته أو خططه لمستقبل مصر بطريقة تاخد من أصوات الناس بطريقة إيجابية و تخلي الشعب يفكر و يفاضل باسلوب سياسي صحيح . عاوزين نشتغل سياسة تبني فكر الناس مش مبنية على نظام الكره و التنفير .. لأن للأسف الإسلوب ده جاب نتيجة عكسية في انتخابات 2005 لما النظام السابق كره الناس في الاخوان و مكانش واخد باله إن الناس كارهينه هو .. فبعض ( بقول بعض ) الناس انتخبت الإخوان ليس حبا في عمرو و لكن كرها في زيد أعتذر لأني خرجت عن موضوع المطالب و لكن أخشى أننا ننتظر ردا عليها من مكتب الإرشاد و ليس من أعضاء المنتدى

الله الله أعشق صوت فايزة أحمد و كل أغانيها ميرسي http://www.youtube.com/watch?v=L-0YzueYCSo&feature=related

http://www.youtube.com/watch?v=XTIU1F83y9s

عسكر مسك الحكم العسكر...انسى يسيبه تاني العسكر فكر مره يا مصري فكر...خدت ايه من حكم العسكر نيله و هم و خيبه تقيله... حزن و فقر و جهل و بال متعكر ياما ضحينا و ياما ...خدنا ايه غير كل تلاما كذب وعود كلها افلاما..و شهدا يموتوا بالف سلامه نيله و هم و خيبه تقيله... حزن و فقر و جهل و بال متعكر عسكر مسك الحكم العسكر...انسى يسيبه تاني العسكر فكر بس يا مصري فكر...خدت ايه من حكم العسكر نيله و هم و خيبه تقيله... حزن و فقر و جهل و بال متعكر مسك الكرسي بإيده و سنانه..و قاعد يطلع في لسانه فاكرمصر كمان علشانه...انسى يا عسكر انسى واوعى تفكر عسكر مسك الحكم العسكر...انسى يسيبه تاني العسكر فكر بس يا مصري فكر...خدت ايه من حكم العسكر اتنكر ايوه كمان اتنكر... مثل و اسجن و ذنوب كتر تقيله والله العيشه تقيله...لما تقوم الصبح تلاقي وش العسكر http://www.youtube.com/watch?v=xu6oUoukWK4

الفاضل / omda2006 سيل الكوبي وبيست اللي مليت به الموضوع ليس عمل أحزاب سياسية مانقلته لنا هو نشاط حمعيات خيرية واندية اجتماعية الحزب الساسي له وظائف أخرى تختص بشأن الدولة ككل وليس بتوزيع مواد استهلاكية او تنظيم دورات رياضية ومسابقات واللي انا شايفة أن الإخوان كجمعية خيرية بتخلط نفسها مع الحزب السياسي المنبثق منها وبتحاول افساد كل مناحي الحياة النقابية والإجتماعية والخيرية وخلطهم ببعض لنجد في النهاية ان لاشيئ منهم يستقيم ويؤدي العمل الذي أنشأ من أجله.

الاخ الباز افندى من خلال ردودك واضح ان حضرتك بتردد الكلام اللي بنسمعه كل يوم من برامج التوك شو الللي صدعت دماغنا واللي اسبتت انها كان مع وماازالت مع الرئيس المخلوع ! عزيز الباز افندى برجاء ان تقراء وتعرف اولا من هم الاخوان حضرتك بتقول كفروا الشعب يا اخي عيب عليك هتلقي تصريح واحد او خطبة او كلمة لواحد في الاخوان كفر حد ********************* حبيبي الباز افندى روح اقراء تاريخ وا\بيات الاخون وخالط الناس الاول وبعدين تعالا اتكلم ********************** سلام

سبحان الله توقعت مهاجمه شرسه بس لما جيت وبصيت ملئتشى حاجه طيب الحمد لله فضيله الشيخ محمد حسان انا صليت وراه تلت مرات والرابعه رفضت اصلى وراه بامانه يعنى اقسم بالله ده حصل كل ما يخرج من المسجد فى التلات مرات دى الاقى حاجه غريبه جدا بتحصل معاه من اتباعه وحاشيه السلف بيقبلوا يده بطريقه ابونا كده . ومش ده الغريب بس . ده الاغرب بقى انه بيعطى ايده للناس عشان تقبلها اقسم بالله شفت ده بعينى محدش قالى ومعرفشى ده معناه ايه الحقيقه بالنسبه له وبالنسبه لاتباعه مسئله التقديس دى للبشر بالشكل ده باعتباره بركه ولا دى لها معنى تانى طيب ما بركه ببركه بقى ونتبارك بالقبور بالمرة وسيدنا البدوى والدسوقى وما الى ذالك امال بيهدموا المساجد ليه !!!!

" وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ"

كل سنة و اسرة المحاورات الجميلة بخير .... كل سنة و احنا كلنا طيبين .. و احنا كلنا مصريين .. بضحكنا .. بزعلنا .. باتفاقنا و خناقاتنا ... مصريين قلبهم علي قلب بعضهم .. و مهما علا الهم و القلق .. التوتر و الخوف ... يفضل القلب النابض تحت ده كله قلب مصري عايش عالمودة و الفطرة الأصلية ليه السلام و الحب ... كل سنة و احنا كلنا طيبين ...

نجمة خضرا يا "تونسى" .. حفضل أقولك يا "تونسى" مش عارف أثنـِّى على مداخلتك إلا بمداخلة قديمة .. باهديها - لوجه الله - للى لقطوا الطـُعم اللى رماهولهم اللى "عايزين يجيبوا عاليها واطيها" زى ليبيا هذه مقولة يرددها بعض ممن هم على طرفى نقيض فى هذا التوبيك .. وهى مقولة لا أستسيغها بل يمكننى أن أقول إن من اخترعها ليرددها المرددون ، له غرض خبيث .. وخبيث جدا يمكننى أن أقبل مقولة إن المجلس الأعلى للقوات المسلحة ليس لديه الخبرة الكافية لإدارة أزمات سياسية واجتماعية .. ويمكننى أن أقبل وجهات النظر المخالفة لهذا .. يمكننى أن أقبل انتقاد المجلس بل ويمكننى أن أشارك فى الانتقاد ولكن محاولة فصل الرأس عن الجسد هى محاولة خبيثة لا شك فيها "عندى" .. فالمجلس الأعلى للقوات المسلحة بالنسبة للجيش هو بمثابة الرأس للجسد كفانا أجسادا بلا رؤوس .. فهى كثيرة من حولنا .. ابعدوا عن الجيش .. وسأظل أردد : "إبعدوا عن الجيش" .. وانتقدوا أداء مجلسه الأعلى كما تشاءون .. واعتبرونى من دراويشه .. والحمد لله .. فما زالت رأسى فوق جسدى اقسم لك بالله اخى الفاضل ابو محمد انى توقعت ردك وكذلك النقطه الخضرا دى منك بالذات .. عشان عارف انك حيوصلك المغزى من مداخلتى بدون لبس او تفكير .. الظاهر انى فيا شئ لله على عكس منا اعتقد ههههههههههههههههههه وارجع وألت وأعجن .. واعيد وازيد ما تقولنا يا سيادة الباز وتدلنا على أوسخ جاز أَخرِى .. وجبتو زهقت خلااااااااص شعب ...وجيش خرسيس ..حرافيش يعنى مفيش دم واحساس يبقى نولع فيها بجاز زى ما بيحرضنا الباز

الباز افندى صدق فى مقولة ان النظام السابق حول البلد كلها لعصابه تعمل لصالحه ((لكن يمكن سهى عنه ذكر الكنيسه كعنصر رئيسى من عناصر المنظومه الفاسده والاستاذ عادل مشكورا قام بالواجب)) كده بقى وعلى قول الباز افندى .. مفيش حد فيكى يابلد .. من ساسك لراسك .. نضيف .. كله كله فاسد فاسد .. جبت من الاخر يا باز .. يا عينى على الايجاز مش قولتلك يا باز .. نولعها بجاز .. فيه حل تانى يعنى يخلصنا من وباء الفساد اللى استشرى ونخر فى عظام الوطن؟؟ طب نعمل ايه فى الشعب والجيش ((مش المجلس العسكرى)) .. اللى اتعمل معاهم اللالى وفتن خارجيه وداخليه .. وبرده مش عايزين يجيبوا عاليها واطيها .. زى ما حصل فى ليبيا مثلا .. وقبل كده فى العراق .. ايه البنى ادمين دى .. عجايب والله .. اصل من الاخر مدام كل المنظومات فاسده .. يبقى الحل فى جرار .. ويحرت البلد دى حرت .. وبدل ما نرمم البيت ((المخوخ المهترئ)).. نلغمه بالمفرقعات .. ونهده على اللى فيه .. مش كده والا ايه يا باز افندى .. مش معايا برده.. والا عندك حل تانى ؟

و حضرتك الكنيسة كانت سايلنت مثلا و لا هو شغل نقاوة

رأيي إن العنوان غير مناسب، الراجل بيقول "لو انكسر الجيش كما كسروا الشرطة .. لن يامن واحد منا في مصر على نفسه في غرفة نومه" و لم يذكر لفظة المجلس العسكري إلا مرة واحدة و قال فيها : "فلننصح للمجلس العسكر بأدب و بحكمة فلا ينبغي أن نتهم الجميع، و لا ينبغي أن نحكم على الجميع بالخيانة" إذن فلم يمسح جوخ للمجلس العسكري ، و لم يطبل له كما ذكرت في تعليقك السابق. يا خسارة يا أرك .. دا انتا عارف إن عناوين المواضيع ما بتتغيرش هنا بسهولة .. تقوم مختار عنوان بالشكل داه .. ألف خسارة على المصداقية ..

مش كان قال قبل كده انه مالوش في السياسه الله يهديه جاي في احرج فترة في تاريخ مصر المعاصر وكل القوى السياسية بما فيها الاخوان المسلمين والشيخ حازم بيضغطوا وبيصعدوا ضد مجلس العسكر لالغاء مبادئ السلمي ويطلع من اطهر مكان ويطبل بالشكل دحسبي الله ونعم الوكيل فيك

لو سمحتيلي ارد العمل الخيري مش جديد علي اعضاء الحرية و العدالة او حزب النور امن الدولة كان واقف ليهم اي نشاط ما عدا العمل الخيري ، وان كان عليهم كان نفسهم برضو يوقفولهم الاعمال الخيرية ، بس اهو يقولك ينفعونا بدل ما نصرف علي الشعب خليهم يريحونا و يصرفوا على بعض انا شفت مرشحة للحرية و العدالة قالتلي انا بشتغل في العمل الخيري من 17 سنة ، هل واحدة زي دي بعد ما رشحت نفسها نقولها لا سيبي اعمال الخير عشان متبقاش رشوة

قصّةُ الأمس تأليف: الشاعر أحمد فتحي ألحان: رياض السنباطي غناء: أمّ كلثوم http://www.youtube.com/watch?v=eKVX_g2CgkM

أنا فعلا كنت محتار و مش عارف انتخب مين بس تحليل حضرتك ده وصلني لنتيجة و خلاني اقتنع أن الإخوان هم أفضل الموجودين على الساحة لأنهم في اللحظة دي مشغولين بالانتخابات وبإعداد برامج تخدم الشعب في حين مازال غيرهم حتى الان ليس له برنامج سوى مهاجمة الإخوان أنا أختلف مع الإخوان في كثير من المواقف لكني احترم أنهم أكثر التيارات تنظيما و تحديدا للهدف و تخطيطا للوصول إليه .. التنفيذ بقى .. هيكون المعيار للحكم عليهم زيهم زي أي حزب و الشعب المصري أذكى مما نتصور لا يحتاج وصاية من أحد .. و لن يحب أو يكره بتوصية من مجهول ههههههههههههـ و مش أي مهاجمه يا باشا .. إتفضل شوف دي .. آل الإخوان هيوزعوا رز بسمتي و شاي ربيع .. قذارة و قله أدب و حياه ربنا .. و لسه مفكرين ان الإخوان بتضحك علي الناس بشاي و سكر و مستغلين جهلهم و عدم و عيهم السياسي ، ماخدوش بالهم هما من إكتساحهم في إنتخابات النقابات معلمين و صيادلة .. هل ضحكوا علي المعلمين و الصيادلة بشاي و سكر ، ولا مستغلين جهلهم و عدم و عيهم السياسي !!! ناس بتفكر و بتشغل و قتها في عمل برنامج يخدم الشعب فعلاً .. و ناس بتفكر إزاي تهدم و تشوه صوره المنافس .. تُري يا هل تُري من سيفوز .. سنترك الحكم للشعب و الصندوق الإنتخابي ،، و علي المنافسين أن يحترموا الديمقراطية أي كان إختيار الشعب .. لو الصندوق جاب علماني أنا واحد من الناس هحترم ذلك جداً ، بس ياريت لو الحرية و العدالة نجح إن شاء الله .. تحترموا الديمقراطية اللي انتم بتانادوا بيها ، نفسي أشوفكم بتقولوا حاجة و بتنفذوها .. و نتيجة الأنتخابات اللي جاية ان شاء الله عن نفسي أنا ، منتظر رد فعلكم من النتيجة لأنه هينعكس على شخصية كل واحد فيكم .. بالتوفيق للجميع ،، ولو ثبت مستقبلا يا عمدة انهم استغلوا فقر الناس ووزعوا شاي وسكر لكسب الاصوات هل ستتنازل عن ترشيحهم ام ستلتمس لهم الاعذار سأتنازل عن ترشيحهم طبعاً .. و بعدين يا أستاذه نور كان فيه تجربة قريبه جداً لهم في انتخابات نقابات المعلمين و الصيادلة .. و أكستحوا الانتخابات إكتساااااااااااااااح .. السؤال هنا هل استغلوا جهل الصيادلة و المعلمين و عدم و عيهم السياسي و تاجروا بالدين معاهم زي ما الناس بتقول هل قالوا لهم أنتم لو ما انتخبتوش الإخوان هتدخلوا النار زي برده ما الناس بتقول .. و لا ضحكوا عليهم بشوية زيت و سكر .. ياريت بس بعد ما يكتسحوا الإنتخابات القادمة إن شاء الله الناس اللي كانت ضدهم تحترم الديمقراطية و تحترم رأي الشعب .. و ميطلعوش بالحجج المعروفة ألا و هي :- الزيت و السكر جهل الناس المتاجرة بالدين الإنتخابات مزورة بتحالف مع العسكر أصل دي محسومة من البداية علشان كذا و كذا الحجج الواهية هذه معروفه مسبقاً ياريت بجد بجد تحترموا رأي الشعب و الديمقراطية .. و بالنسبة ليا لو الصندوق جاب علماني أنا هحترم دا بالطبع و هصفق ليه و هقول هارد لك للخسران .. المهم في الأخر مصلحة البلد اللي أنا و أنتي و غيرنا عايشين فيها .. أسعدني مرورك يا فندم ..

طبعا حاجه .. تجن .. وتفرس خنجر يعنى .. ف قلبى .. بيغرس كله بـ يرشى .. كله بـ يبرز علشان ينجح .. يوصل .. ينجز طب والحل يا عم الباز !!!!؟ يعنى نولع فيها بجاز !!!!؟

المهم ان يكون جهادا في سبيل الله والوطن اول ما قرأت العنوان تبادر لذهنى عكس ما كتبت تماما فالمجاهدين فعلا على الانترنت كما عهدتهم هم من التيار الديني ولكن لانه فكرهم الذي يدافعون عنه لم نكتب يوما موضوع كهذا ننتقدهم به الحوار مفتوح للجميع اخي الفاضل ولكن بشرط بلا اهانات

أهلا بيك يا سعادة الباز شكلك حتـــولعها بجاز ههههههههههههههههههه إياك تزعل .. أيوه بهزر شرفتنا .. وبجــد منور ياللا شاركنا ..أنقد ... فكر من غير ما تجَرَّح .. أو تسخر وبكده بيك .. المنتدى فاز اهلا بيك .. يا سعادة الباز

كنت فين قبل كدة ؟ صراحة سؤال صعب جدا و قاسي جدا .. لأنه في رأيي يوجه لي و لحضرتك و لكل من يقرأ هذا السؤال .. سؤال يوجه لعموم الشعب المصري ... كنت فين قبل 25 يناير ؟؟ الشيخ حازم ليس إلا مواطن مصري .. يخلص لله فيما يقوم به .. و لا نزكيه على الله وأتمنى أن يكون في كل حزب في مصر أو تيار سياسي أو مؤسسة أو جامعة .. مثل الشيخ حازم في قوة شخصيته و حجته و حرصه على مصلحة مصر قبل مصلحته الشخصية .

كل سنة و انتم طيبين كلكم... معلش يا مسيو ظهيرى بقى.. لغاية هنا و ستومب.. هو ايه الفعل الخادش للحياء اللى بيجرمه القانون الكندى؟ يعنى لو واحد باس واحدة و حضنها و عمل فيها البدع كلها اللى ممكن تشوفها كتير جدا فى الشارع او المواصلات.. هل ده شىء ممنوع؟ ممكن يكون فيه بعض الحظر على الدعارة اللى هى بفلوس.. انا هتكلم عن اللى شفته فى بلاد الفرنجة.. فيه هناك محلات خاصة بممارسة الدعارة.. و حتى فيه gay clubs و دعارة شواذ.. ممنوع مثلا ان البنت تطلع تقف برة باللبس اللى بتلبسه جوة المحل.. و شوية حاجات تانية كده.. لكن لو واحد بيبوس حبيبته و لا بيحضنها فى المترو او القطر.. محدش هيمنعه و محدش بيبص على حد اشاسا. ده غير اصلا ان كان فيه حكم محكمة فى كندا من كام سنة كده.. ان من حق الواحدة انها تمشى من غير هدوم من فوق.. زى الراجل بالظبط اللى ممكن يمشى بالشورت بس و من غير ما يلبس فانلة.. و دى كانت قضية كبيرة فى كندا و رفعتها بنت مش فاكر اسمها. طالما انك عايش فى الغرب.. فأكيد انك هتصطدم بانحرافاتهم.. شئت ام ابيت.. صحيح انك ممكن تسكن فى منطقة آمنة او بعيدة عن المناظر دى باكبر قدر من الامكان.. لكن برضه لازم هتشوف ده. يعنى برضه من الحاجات اللى شفتها فى اوروبا.. الفلايرز بتاعت المحلات الجنسية و الكلابز سواء الدعارة او الشواذ.. بتتوزع عينى عينك.. و تلاقيهم واقفين كذا واحد ورا بعض.. كل واحد بيحاول يعمل دعاية للمكان.. مش عارف ده موجود فى كندا ولا لا..

انقل ايه لولادي؟؟:blush2: يا عم و احنا مالنا؟؟ هو احنا بنشوفهم بيمارسوا الرزيله في الشارع لا سمح الله؟؟؟ :blink: احنا بنشوف اتنين رجاله داخلين و خارجين ...ايه الغلط في كده اللي يستدعي اني احاول اشرحه للعيال ؟ على فكره... القانون الكندي بيجرم اي افعال خادشه للحياء في العلن و من حقك تتصل بالبوليس و تبلغ و ييجوا يقبضوا عليهم متلبسين بالمناسبه صحيح حصولك على رخصة لكلاس 4 ...مش بيتطلب امتحان رود تست و نولدج تست تاني غير اللي عملتهم في كلاس 5 ؟ عندنا في بي سي مش من حقك تقدم على امتحان 4 الا لما تكون رخصتك ال 5 مضى عليها 3 سنوات...او تكون معاك ما يثبت من بلدك انك عندك حاجه مشابهه لل 4 و لفتره معينه مش فاكرها اورفوار

http://www.youtube.com/watch?v=ndbMy4EwxAY&feature=fvsr

http://www.youtube.com/watch?v=4FeuU74b4fw في مليونيات لم يشارك فيها الاخوان لأن بعض التيارات كانت عايزة تستغفل البسطاء ، يخرجوا الناس بحجة محاكمة قتلة الشهداء و عايزين فلوسنا من الحرامية و في نفس الوقت يرفعوا شعارات زي الدستور اولا و زي مجلس مدني ، كان لازم يبقي في اتفاق من الاول علي المطالب بالذمه ده كلام يخش عقل يعنى الاخوان لم تشارك فى المليونات عشان انهم متفقوش معاهم على المطالب طيب وايه ال منعهم يتفقوا والدستور اولا دى جريمه يعنى . ولا المجلس الرئاسى دى اكبر الجرائم امال ايه ال بيحصل فى ليبيا مش مجلس انتقالى برده ولا لازم يمسك البلد المجلس العسكرى . المجلس المدنى ولا العسكرى يعنى هما شايفين ان الشعب المصرى الصح له انه يتمسك بالالى والرشاشات ويندعم بالمدرعات وده افضل شىء له وان اسرائيل لازم يتحافظ عليها ويتبنى على سفارتها جدار لحمايه اسرائيل فى المنطقه . وبقيه الشعب يتحول اوراقه لمفتى الجمهوريه مفيش مشكله امال حاليا بيطلبوه ليه بتسليم البلد هما والسلفيين . هيسلم البلد لمين بقه ومبارك كان هيتحاكم ومحاكمه علنيه بالشكل ال شفناه كلنا ده من غير مليونيات الشباب . امال حجه ايه بقه . يعنى ده محصلشى يعنى هما نادوا بمحاكمه ومتحكموش !!!!!!!! طيب الشباب دول كانوا ليهم اهداف خبيثه ومداريين فى وفى زى ما بيقولوا يعنى الشباب ده مأجور على الثورة فين دورهم هما . ومن رآى منكم منكرا . هو مش ده منكر ولا بس دى بتتقال على المنابر بس يعنى على الواقع لاء ما ينزل يصحح ويرشد ويتابع الثورة بل ويقف ضدهم على اساس انه خايف ع الثورة مهو برده فى الحاله دى اتخلى عن الثورة لشويه متأمرين . اذن خان الثورة ف الحالتين يبقى عل الحسابات دى او دكهت فى جميع الحالات احنا بنتعامل مع خونه للثورة رسمى طيب وشاب الاخوان ال انفصلوا عنهم برده خونه ولا رفضوا شعارهم بتاع اطيعوا الله والرسول والمرتشى العام والجمع كلها بالشكل ده . مفيش جمعه واحده يحضروها تقدرى تقوليلى على جمعه ابو لهب ال نزلوها دى فى التحرير ويامشير يامشير انته الامير دى طلعنا بيها با أيه واى مكاسب حصلنا عليها من خلال الجمعه دى ال لموا من الصعيد الجوانى بمواصلات على حسابهم عشان يحشدوا اكبر قدر ممكن لعرض العضلات على المجلس والشعب ولا كانت ليها اهداف تانيه غير ده كانت ايه مطالبها ؟ واحنا كشعب مصرى استفدنا ايه منها ؟ جمع الشباب كان ليها مطالب واتخققت منها كتير جدا جمعه ابو لهب دى كانت مطالبها ايه !!!!!! لاء والبجاحه كمان انهم كانوا فرحانين بيها قوى وبالاعداد ال لموها بتلاتين جنيه النفر . ومن غير اى اهداف ايا كانت غير بس فرض العضلات على المجلس والقوى السياسيه الوحشه دى ارجوكم احترموا عقول الناس ولو مرة واحده

وانت طيب ياجو وانشاء الله تكون الظروف العيد اللى جاى احسن من دلوقتى

تدور مناقشات وإختلافات كثيرة في مصر حول ترديد بعض مرشحي الرئاسة مثل الدكتور حازم صلاح رغبتهم في تطبيق مفهوم ( السياحة النظيفة ) والسياحة النظيفة هي منع ما يغضب الله في مجال السياحة من أمور مثل ( القمار والعري والخمر ) فالرافض لهذا المبدأ يرى أن تطبيق هذا المفهوم يؤدي الى كساد صناعة السياحة في مصر . المؤيدون لتطبيق مفهوم ( السياحة النظيفة ) وأنا منهم يرون أن السائح يأتي في الأساس لكي يتعرف على ثقافات مختلفة عنه ولكي يرى أثارنا ويستمتع بشواطىء مصر وجوها وهو لكي يقوم بهذه الامور لن يفرق معه أن يكون متعري أو في ملابسه المعتادة , ولن يفرق معه أن يلعب قمارا أو لا , ولن يفرق معه أن يشرب الخمر أو لا , بالإضافة الى أن هناك دولا طبقت مفهوم السياحة النظيفة وهى تجتذب الأن أضعاف ما تجتذبه مصر سنويا من السائحين , وفوق ذلك كله مفهوم السياحة النظيفة هو مرضاة لله سبحانه وتعالى . تعالوا لنرى الرد البليغ للدكتور طارق سويدان على المذيع عمرو أديب فيما يخص ( السياحة النظيفة ) : http://www.youtube.com/watch?v=QiHFmHI5Xpk هل أنت مؤيد لمفهوم السياحة النظيفة في مصر أم لا ؟

العيد السنه ديه يوم الاحد تضامنا مع الاخوه الاقباط علشان احداث ماسبيروووو

ناشط سياسي علي تويتر ممكن أعرف وقفة عرفات تضامنا مع مين ؟؟

اشتقت اليك ربي لا تحرمنا لذة الوقوف بين يديك

شرفت موضوعي يا Starsideus مشاركتك عميقة بجد ، ولو بدأت أرد على الأفكار اللي فيها ، هتملا كتاب. ويمكن عشان كده ردي على مشاركتك أجلته عشان ألاقي بال رايق وأعرف أقعد له قعدة مزاج. أولاً بالنسبة للمشترك بيننا يا عزيزي ، فهتلاقي جنة أحلامك هنا في كندا ، يمكن مش هتكون زي أمريكا الفاجرة في كل حاجة دي ، بس هتلاقي صرفة تجيب كل اللي انتا عاوزه من أمريكا ، حتى لو دماغك لسعت زيي كده ، لما كنت بافكر جدياً أقدم على فيزة أمريكا عشان أعبر الحدود وأروح أشتري التليفزيون اللي باحلم بيه! بس هنا هتلاقي اللي مش هتلاقيه في أمريكا ؛ حكومة عاقلة ومتسامحة لأقصى حد ، لدرجة الغباء في أحيان كتير. هتلاقي ناس Laidback جداً ، وده مش هتلاقيه بسهولة بره البلد دي. هتلاقي نقاء وجمال الطبيعة وصفاء وبعد عن التلوث. هتلاقي مجتمع متعدد الثقافات بجد. أنا لما باقول إني باحب البلد دي ، لا بابالغ ولا بامثل... البلد دي تتحب بكل ما فيها ومن فيها. طبعاً احنا مش في الجنة ولا المدينة الفاضلة وفيه سيئات وسلبيات كتير ، بس هنا بقى هيرجع التقييم لعينيك وشخصيتك انتا ، هل انتا من الناس الكئيبة اللي دايماً شايفة الحياة وحشة ، والدنيا بتلطّش فينا؟ ولاّ انتا زي حالاتي ، دايماً شايف إن الحياة فيها جانب جميل ، وأي فترة من حياتك ليها جمالها وطعمها الخاص بيها واللي هتفتكره بابتسامه في يوم من الأيام؟ أنا يمكن بطبعي ما باندمش على أي حاجة عملتها أو حصلت لي ، ولو كنت حتى عملت أخطاء أثرت عليا ، هنا باحب أنصح غيري عشان ما يلبسهاش ، أنا ممكن أفيد غيري ومش هيضرني حاجة. وفعلاً المنتدى هنا خلاني أعيش أحاسيس جميلة فعلاً ، وارتبطت بناس من أنضف الشخصيات اللي عرفتها في حياتي. في نفس الوقت لقيت نماذج ما تشرفش وجابتلي اكتئاب في أوقات كتير! بالمناسبة... موضوع الصور أنا فوجئت بيه بعد كلامك ، ولقيت إن موقع الاستضافة ما غيّرش أي حاجة... سوفتوير المنتدى هوّه اللي غير مع نفسه كده الكود بتاع كل الصور ، ومحتاج بقى أدخل أعدّل الكود بتاع كل صورة ، وأقعد أفكر هيه أنهي صورة في أنهي مشاركة! بصراحة حاجة تضايق ، ولا عندي طولة بال ولا حماسة أعمل الليلة دي كلها! مصر بالنسبالي تعتبر صفحة في الماضي بتاعي ، أو تقدر تقول كده زي ماما ، أدين ليها بالكتير بطبيعة الحال ، ومش هارد لها جمايلها عليّا... دايماً الأم بتعطي ، وما بتاخدش مقابل. المقابل بيروح للأبناء! ويمكن المقولة الجميلة دي كان قالها الزميل سكوربيون هنا في فريق الإشراف لما في حوار مع والده اعترف له بأفضاله عليه ، وهنا أبوه قال له إنه مش منتظر منه غير إنه يرد الأفضال دي لأبنائه ، ودي سنة الحياة وطبيعتها. ناس كتير شايفاني متشائم ، بس استقراء الواقع المصري وسير مجرياته بتقول كتير لأحد أبناء المجتمع ده واللي عاش في مختلف مواقع العمل فيه. أنا لا أتوسم أو أنتظر الكتير من مصر ما بعد الثورة ، أعترف لك إني زي كتير منا هنا استفتحت خير بعد تنحي مبارك ، وعلى قد الضغط والسكر والعصبية اللي كنت فيها يوم 10 فبراير وانا باسمع خطابه وهوه للمرة المش عارف كام بيقول إنه هيراعي طلبات أبنائه من الشعب ودم الشهداء مش هيضيع هدر وهاسمع لكم يا ولاد ، وجمبي زمايلي الكنادوة في الإسعاف ، ومشغل السي إن إن ع التليفزيون ، وماسك في إيدي الآيفون باتابع بث قناة الجزيرة المباشر عشان أسمع الكلمات بلفظها من البيه. طبعاً أنا شايط وعمّال باشتم عربي وانجليزي ، والواد إد بيسألني هوه بيقول إيه الراجل؟ ولما وصلت البت شيلا عشان تبدّلني سألتني مالك؟ ولما قلتلها على خطاب البيه ، شاورتلي ع التليفزيون ، وسألتني هوه مبارك ده مش شايف المنظر اللي في التحرير ده؟! وانا ماشي باكلّم ديبو وباقول له 10 دقايق رفعوا الضغط والسكر وحرق بيهم ابن الـ *** دم أكتر من 80 مليون ، يعني أنا بيني وبينه بتاع 10 تلاف كيلو ويحرقلي دمي؟ دا إيه الجبروت ده يا عم الحاج؟! هوّه الراجل الـ *** ده ما بيفهمش عربي؟ الناس من تاني أو تالت يوم ما بيقولوش غير كلمة واحدة "مش عايزينك" ، وهوّه مرة يقول هاغير الحكومة ، ومرة هاعين نائب ، وآخر المتمة بعد ما كل الناس حتى المذيعين بتوع السي إن إن ، وحتى موقع جريدة الدستور بيقول خطاب التنحّي بعد قليل... يقوم يقول لنا... خلاص يا ولاد مش هاعيد ترشيح نفسي! والغريب إن على قد حرقة الدم اللي فاتت دي ، في 10 ثواني تاني يوم في خطاب عمر سليمان... الـ 80 مليون كلهم كانوا بيرقصوا من الفرحة! تعرف صحيح... لاري مدير الشركة بتاعتي بيحكيلي إن بعد خطاب التنحي قال لمراته وبنته بكره تشوفوا الميدان ده بيلمع وزي الفل. مراته استغربت وما علّقتش. تاني يوم شافوا التصوير على السي إن إن والشباب بينضفوا الميدان وبيدهنوا الرصيف وأسوار الكباري. لما مراته استغربت وسألته إنتا عرفت منين امبارح إن ده هيحصل النهارده؟ قال لها: "عشان هيّه خلاص بقت بلدهم دلوقتي"! تخيل؟! بس تنحي مبارك من الحكم كشف عورات البلد ، وده اللي كنت متوقعه بصراحة... كنت دايماً باعترض على كلمة الناس اللي يقولولك مصر وحشة بس المصريين كويسين ، وأنا كنت باعترض على ده ، وباقول إن مشكلة مصر في أهلها. أيوه إحنا وحشين وأنا أول الوحشين. إحنا اتربينا على مبادئ غلط بكل صراحة. فيه أخطاء كتيرة أوي في تربيتنا وتعليمنا وثقافتنا. أولوياتنا في الحياة غلط ، ونظرتنا للحياة غلط ، وأساسيات تقييمنا للناس غلط ، ومعايير النجاح في الحياة غلط ، وكله مترتب على كله... غلط × غلط! يمكن أنا اتربيت على حاجات غلط وألوم عليها أهلي ، بس أنا دلوقتي وفي كندا سيد قراري ، وأقدر أعيد بناء شخصيتي بما يتوافق مع قناعاتي وتفكيري الحر. بس بداخل مصر ، المنظومة متكاملة من الفساد ، إزاي تبدأ إصلاحها؟ منين تبدأ وهيه كلها حلقات مفرغة متشابكة؟ والأهم من ده ، فين النية للتغيير؟ ومين اللي هيغيّر؟ وإيه الشكل المطلوب نوصل له عشان نبدأ التخطيط له؟ هل الدولة الدينية؟ الدولة المدنية كخة؟ دا أنا يا محترم مع إني ثورجي على التقاليد من زمان ، ساعات باكتشف فيا فسفوسة مترسبة من عقد الثقافة بتاعتنا من وقت للتاني! هاديلك مثال مباشر وعنيف هيوضح لك المعنى بتاعي... إيه رأيك لما تبقى عارف إن جارك رجل شاذ جنسياً ، والراجل مش مكسوف من ده ، وبيصرّح بيه لو اتسأل ، لكن في نفس الوقت راجل ما شفتش منه حاجة تزعلك ، وبيعاملك وأسرتك بكل احترام ، وقايم بمسؤولياته تجاه العمارة أو المنطقة كما يجب؟ هل إنتا كـ Starsideus المثقف المتعلم المتفتح هتتقبل ده ، وتقول حرية شخصية ، طالما لا تتعدي حريتي الشخصية ، ومش هاشوف منه منظر يضايقني؟ قس على رد فعلك انتا بقى ردود أفعال تانية في الريف والصعيد ومجتمعات متدينة أو متشددة أو مقفولة ولا تقبل بالاختلاف في كل حاجة. نظرة المتدينين للبنت اللي لابسة بنطلون أو مش لابسة حجاب ، نظرة المسلمين للمسيحيين إنهم كفار وما يصحش إنهم يمسكوا الحكم والحمد لله إن المسلمين أغلبية في البلد ، نظرة واحد ملتحي لزميله اللي عامل وشم بالألوان على دراعه ولابس حلق أو مطوّل شعره ، نظرة والدتك لخطيبتك لما تعرف إنها كانت ماشية مع واحد أيام الجامعة ، نظرتك انتا نفسك لواحدة أعجبت بيها ورايح تتقدم لها بس تعرف إنها كان مكتوب كتابها قبل كده ، نظرتك لزميلتك لما تلاقيها بتشرب سجاير أو لابسة جيبة قصيرة شوية ، نظرتك لزميلك في الشغل في نفس القسم بتاعك بعد ما تعرف إنه من الفلاحين أو خريج معهد أو دبلوم فني وما دخلش جامعة زيك ، تعاملك مع أحد السياح الأمريكان في مصر لما تعرف إنه يهودي الديانة ، نظرة الناس في الشارع لراجل أو ست في سننا وشكله مسلم ، وداخل مطعم ياكل في نهار رمضان ، موقف السلفيين من وجود قاضية في المحكمة ، نظرة دكتورة لواحد خريج آداب جاي يتقدم لها ، نظرة المقيمين في مصر للمصريين المقيمين في الخارج ... والأمثلة كتير يا عزيزي. شوية الأمثلة اللي قلتها فوق دي المفروض إنها لا تؤثر عليك ولا على البلد أو على انتظام الحياة واستقرار المجتمع ، لكن بعقلية الفلاحات اللي قاعدين ع المصطبة قدام الدار ، يبصوا ع الرايح واللي جاي ، ويجيبوا في سيرة دي وسيرة ده... صعب أوي إنك تلغي الثقافة السائدة من نقد الناس لبعضهم ، أو تدخلهم في الحياة الخاصة والشخصية لغيرهم ، حتى لو كانت لا تتعرض لهم ولحياتهم ولمصالحهم بشكل من الأشكال! الثقافة دي بتؤثر في حياتنا كمصريين بدايةً من اختياري للبسي وتسريحة شعري وألوان هدومي ، ودراستي واختياري لزوجتي ، وطريقة تربيتي لأطفالي ، وبرنامجي الانتخابي كذلك لو مرشح نفسي للرئاسة أو للبرلمان. لما تلاقي إن مش مهم إنتا ملتزم في شغلك وحريص على المصلحة العامة ، قد ما الأهم شكلك ولبسك وحجاب مراتك ولبس بنتك والمصحف في عربيتك والآيات القرآنية في مكتبك وجوّه بيتك! منظومة متكاملة يا عزيزي الدوق خلاصتها إن المظهر أهم ويكسب كتير عن الجوهر. وبعد ما كانت مصر دي بتاعتهم مش بتاعتنا ، وصلت إنها بقت مش بتاعة حد! الصورة مش سوداية أوي كما قد يوحي كلامي ، واللي حصل يُعتبَر نقلة لقدام ، بس نقلة بسيطة بكل أسف ، وما تنتظرش منها الكتير لأننا ما ينفعش نطلع لقدام في حين إننا مربوطين بجذور ترجع في إتجاهيها لـ 7 تلاف و1400 سنة. الجذر القديم بنتمنظر بيه عشان ما حيلتناش غيره ، أو يمكن على رأي المثل اللي بيقول القرعة تتباهى بشعر بنت اختها. والجذر الأحدث اللي كتير شايفين إننا لن تقوم لنا قائمة بغير العودة شكلاً وموضوعاً للماضي ، بدون اعتبار إن تشكيلة الماضي كانت طبيعة حياة يحكمها الزمن والبيئة. نهايته... الوضع في مصر مسيره يستقر بعد فترة من الزمن ، وتتحسن الأحوال تحسن طفيف عن ما قبل ، بدون أحلام العصافير إننا بين يوم وليلة هنبقى صورة تانية من كندا التي رأيتها. تحياتي ليك ولخواطرك اللي قلبت علينا المواجع ، وشكراً على تواجدك هنا ، وعلى أمل بلقائك في القريب إن شاء الله في كندا... زوجتي الجميلة :wub:

بسم الله الرحمن الرحيم الحمد لله رب العالمين و الصلاة و السلام على أشرف المرسلين سيدنا محمد و على آله و صحبه و سلم .. اخوتي و أخواتي القراء الكرام .. سلام الله عليكم و رحمته و بركاته ،، الدرس الأول: دلف رجلٌ إلى حوض الاستحمام في الوقت الذي غادرته زوجته. رن جرس الباب فسارعت الزوجة لتغطية جسدها بمنشفة وهبوط السلالم. كان الطارق هو جارهم الذي ما أن رأى الزوجة حتى قال: سأمنحكِ 800 دولار لو نزعتِ عنكِ هذه المنشفة! فكرت الزوجة للحظة، ثم خلعت المنشفة. تأملها الجار قليلاً ثم نقدها 800 دولار. بعد ذهابه، صعدت الزوجة إلى الطابق الأعلى فبادرها زوجها بالسؤال: من كان الطارق؟ أجابت: إنه جارنا بوب. فقال: هل ذكر لكِ شيئًا عن الـ800 دولار التي استدانها مني؟ مغزى القصة: حرصك على تزويد شركائك بأرقام الإيرادات والمدفوعات قد يقيك مغبة (الانكشاف) أمام المنافسين! الدرس الثاني: عرض قسٌ على راهبة أن يصطحبها بسيارته من الدير الذي يقطنان فيه إلى الكنيسة. وما أن انطلقت المركبة بهما حتى وضع القس يده على ساق الراهبة التي بادرته: - يا أبونا! هل تتذكر المزمور 129؟ أعاد القس يده إلى عجلة القيادة.ولكنه سرعانما وضعها على ساق الراهبة مجددًا. - يا أبونا! أُذكِّرك بالمزمور 129! - المعذرة .. المعذرة.لن أعيدها ثانيةً.كم هي خطّاءةٌ هذه النفس البشرية. وصلا إلى الكنيسة.رمقت الراهبة القس بنظرة مؤنبة وأطلقت تنهيدةً آسفةً ثم نزلت. دلف القس إلى الكنيسة وفتح الكتاب المقدس فوجد في المزمور 129: 'واصل السعي.حقق ما تصبو إليه.ابلغ منتهاه.ستنال المجد'. مغزى القصة:إن عدم إحاطتك بتفاصيل عملك من شأنه أن يُفوّت عليك فرصًا ذهبية. الدرس الثالث: حانت ساعة الغداء في المتجر فذهب البائع والمحاسب والمدير لتناول الطعام. في طريقهم إلى المطعم مروا ببائع خردوات على الرصيف فاشتروا منه مصباحًا عتيقًا. أثناء تقليبهم للسلعة،تصاعد الدخان من الفوهة ليتشكل ماردٌ هتف بهم بصوتٍ كالرعد: - لكلٍ منكم أمنيةٌ واحدة.ولكم مني تحقيقها لكم. سارع البائع للهتيف: - أنا أولاً! أريد أن أجد نفسي أقود زروقًا سريعًا في جزر البهاما والهواء يداعب وجهي. أومأ المارد بيده فتلاشى البائع في غمضة عين..عندها، تقافز المحاسب صارخًا: - أنا بعده أرجوك! أريد أن أجد نفسي تحت أنامل مدلكةٍ سمراء في جزيرة هاواي. لوّح المارد بذراعه فاختفى المحاسب من المكان.وهنا حان دور مديرهم الذي قال ببرود: - أريد أن أجد نفسي في المتجر بين البائع والمحاسب بعد انقضاء استراحة الغداء. مغزى القصة:اجعل مديرك أول المتكلمين حتى تعرف اتجاه الحديث. الدرس الرابع: رأى أرنبٌ صغير نسرًا مسترخٍ في كسل على غصن شجرةٍ باسقة. قال الأرنب للنسر: - هل أستطيع أن أفعل مثلك وأجلس باسترخاء دون عمل؟ - بالطبع يا عزيزي الأرنب. استلقى الأرنب على الأرض وأغمض عينيه في خمول ناسيًا الدنيا وما فيها. مر ثعلبٌ في المكان.وما أن شاهد الأرنب متمددًا حتى قفز عليه والتهمه. مغزى القصة: لا يمكنك الجلوس دون عمل ما لم تكن من (الناس اللي فوق)! الدرس الخامس: كانت البطة تتحدث مع الثور فقالت له: - ليتني أستطيع بلوغ أعلى هذه الصخرة. - ولم لا؟ (أجاب الثور) يمكنني أن أضع لكِ بعض الروث حتى تساعدك على الصعود. وهكذا كان. في اليوم الأول،سكب الثور روثه بجوار الصخرة فتمكنت البطة من بلوغ ثلثها. وفي اليوم الثاني،حثا الثور روثه في نفس المكان فاستطاعت البطة الوصول لثلثي الصخرة. وفي اليوم الثالث كانت كومة الروث قد حاذت قمة الصخرة. سارعت البطة للصعود،وما أن وضعت قدمها على قمة الصخرة حتى شاهدها صيادٌ فأرداها. مغزى القصة: يمكن للقذارة أن تصعد بك إلى الأعلى.ولكنها لن تبقيك طويلاً هناك. الدرس السادس: هبت رياح ثلجية على بلبلٍ صغير أثناء طيرانه فهوى إلى الأرض متجمدًا. رآه حمارٌ عطوف فأهال عليه شيئًا من التراب ليدفئه. شعر العصفور بالدفء فطفق يغرّد في استمتاع. جذب الصوت ذئبًا فبال على التراب ليطرّيه حتى يتمكن من الظفر بالبلبل. وبعد أن استحال التراب وحلاً،انتشل الذئب البلبل وأكله. مغزى القصة: 1.. ليس كل من يهيل التراب عليك عدواً. 2. ليس كل من ينتشلك من الوحل صديقاً. 3. حينما تكون غارقًا في الوحل،فمن الأفضل أن تبقي فمك مغلقاً. وأخيراً :- الدعاء للمؤمنين بظهر الغيب . منقوووووووووووول

لاإله الا الله عدد ماكان وعدد ماسيكون وعدد الحركات والسكون استغفر الله العظيم عدد خلقه ورضى نفسه وزنه عرشه ومداد كلماته يقول أحدهم ركبنا أنا و خالي سيارتنا وأخذنا طريق العودة بعد أن صلينا الجمعة في مكة وبعد قليل ظهر لنا مسجد مهجور كنا قد مررنا به سابقا أثناء قدومنا إلى مكة و كل من يمر بالخط السريع يستطيع أن يراه ، مررت بجانب المسجد وأمعنت النظر فيه .... و لفت انتباهي شئ ما سيارة فورد زرقاء اللون تقف بجانبه . مرت ثواني وأنا أفكر ما الذي أوقف هذه السيارة هنا ؟ ثم اتخذت قراري سريعا...خففت السرعة ودخلت على الخط الترابي ناحية المسجد وسط ذهول خالي وهو يسألني : ما الأمر ؟ ماذا حدث ؟ أوقفنا السيارة في الأسفل ودخلنا المسجد وإذا بصوت عالي يرتل القرآن باكيا ويقرأ من سورة الرحمن فخطر لي أن ننتظر في الخارج وأن نستمع لهذه القراءة لكن الفضول قد بلغ بي مبلغه لأرى ماذا يحدث داخل هذا المسجد المهدوم ثلثه والذي حتى الطير لا تمر به دخلنا المسجد وإذا بشاب وضع سجادة صلاة على الأرض وفي يده مصحف صغير يقرأ فيه ولم يكن هناك أحدا غيره ....... وأؤكد لم يكن هناك أحدا غيره قلت السلام عليكم ورحمة الله وبركاته فنظر إلينا وكأننا افزعناه ومستغربا حضورنا . ثم قال وعليكم السلام ورحمة الله وبركاته سألته صليت العصر؟ قال لا قلت لقد دخل وقت صلاة العصر ونريد أن نصلي ولما هممت بإقامة الصلاة وجدت الشاب ينظر ناحية القبلة و يبتسم لمن ولماذا ؟ لا أدري وفجأة سمعت الشاب يقول جملة أفقدتني صوابي تماما قال بالحرف الواحد أبشر .. وصلاة جماعه أيضا نظر إلي خالي متعجبا ... فتجاهلت ذلك ثم كبرت للصلاة و عقلي مشغول بهذه الجملة أبشر ..... وصلاة جماعه أيضا من يكلم وليس معنا أحد ؟ المسجد كان فارغا مهجورا . هل هو مجنون ؟ بعد الصلاة ... أدرت وجهي لهم ونظرت للشاب وكان مازال مستغرقا في التسبيح ثم سألته كيف حالك يا أخي ؟ فقال بخير ولله الحمد قلت له سامحك الله ... شغلتني عن الصلاة ؟ سألني لماذا ؟ قلت وأنا أقيم الصلاة سمعتك تقول أبشر .. وصلاة جماعه أيضا ضحك ورد قائلا وماذا في ذلك ؟ قلت لا شىء ولكن مع من كنت تتكلم ؟ ابتسم ثم نظر للأرض وسكت لحظات وكأنه يفكر ..... هل يخبرني أم لا ؟ تابعت قائلا ما أعتقد أنك بمجنون ...شكلك هادئ جدا ... وصليت معانا وما شاء الله نظر لي ... ثم قال كنت أكلم المسجد كلماته نزلت علي كالقنبلة . جعلتني أفكر فعلا .. هل هذا الشخص مجنون ! قلت له نعم ؟ كنت تكلم المسجد ؟ وهل رد عليك المسجد ؟ تبسم ثم قال ألم أقل لك إنك ستتهمني بالجنون ؟ وهل الحجارة تتكلم ؟ هذه مجرد حجارة تبسمت وقلت كلامك صحيح وطالما أنها لا ترد ولا تتكلم ... لم تكلمها ؟ نظر إلى الأرض فترة وكأنه مازال يفكر ... ثم قال دون أن يرفع عينيه أنا إنسان أحب المساجد كلما عثرت على مسجد قديم أو مهدم أو مهجور أفكر فيه أفكر عندما كان الناس يصلون فيه وأقول لنفسي يا الله كم هذا المسجد مشتاق لأن يصلي فيه أحد ؟ كم يحن لذكر الله ..أحس به ... أحس إنه مشتاق للتسبيح والتهليل يتمنى لو آية واحدة تهز جدرانه وأحس إن المسجد يشعر أنه غريب بين المساجد .. يتمنى ركعة .. سجدة ولو عابر سبيل يقول الله أكبر ...فأقول لنفسي والله لأطفئن شوقك .. والله لأعيدن لك بعض أيامك ..أدخل فيه ... وأصلي ركعتين لله ثم اقرأ فيه جزأ كاملا من القرآن الكريم لا تقل إن هذه فعل غريب .. لكني والله ..أحب المساجد دمعت عيناي ....نظرت في الأرض مثله لكي لا يلحظ دموعي ...من كلامه . من إحساسه.... من أسلوبه .. من فعله العجيب ..من رجل تعلق قلبه بالمساجد...ولم أدري ما أقول له واكتفيت بكلمة جزاك الله كل خير، سلمت عليه وقلت له لا تنساني من صالح دعائك ثم كانت المفاجاة المذهلة وأنا أهم بالخروج من المسجد قال وعينه مازالت في الأرض أتدري بماذا أدعوا دائما وأنا أغادر هذه المساجد المهجورة بعد أن أصلي فيها ؟ نظرت إليه مذهولا..... إلا أنه تابع قائلا اللهم يا رب . اللهم إن كنت تعلم أني آنست وحشة هذا المسجد بذكرك العظيم وقرآنك الكريم لوجهك يا رحيم . فآنس وحشة أبي في قبره وأنت أرحم الراحمين حينها شعرت بالقشعريرة تجتاح حسدي وبكيت وبكيت كطفل صغير أخي الحبيب أختي الغالية أي فتى هذا ؟ وأي بر بالوالدين هذا ؟ كيف رباه أبواه ؟ وأي تربية ؟ وعلى أي شئ نربي نحن أبناءنا ؟ كم من المقصرين بيننا مع والديهم سواء كانوا أحياء او أمواتا ؟ نسأل الله حسن العمل وحسن الخاتمة . اللهم آمين لطفا إن أعجبك محتوى الرسالة أعد إرسالها لمن تعرف ليعم الخير والفائدة الدال على الخير كفاعله ويكون ذلك في ميزان حسناتك إن شاء الله تعالى لا تنسونا من دعائكم جزاكم الله خيرا هل سأل أحدنا نفسه يوما ..ماذا بعد الموت؟ نعم ماذا بعد الموت؟ حفرة ضيقة.. ظلمة دامسة..غربة موحشة... سؤال وعقاب...وعذاب ..وإما! جنه..أو نار

حجم العيون لا يتغير منذ الولادة لكن حجمي الأنف والإذن لايتوقفان عن النمو. ترمش النساء تقريبا ضعف الرجل. من الغريب والمدهش بان الصراصير بعد احتكاكها بالإنسان تسيرعلى مخابئها من أجل تنظيف جسدها !!! الإنسان هو المخلوق الوحيد الذي ينام على ظهره. أول مالك لشركة مالبورو للسجائر مات مصاباً بسرطان الرئة الخطوط الجوية الأمريكية وفرت مبلغ أربعين ألف دولار في عام 1987م عندما ألغت زيتونة واحدة من كل صحن سلطة يقدم لركاب الدرجةالأولى!! معظم الغبار الموجود داخل المنازل تكون نتيجة بقاياالجلد الميت الذي يسقط من سكانها ما بين 25إلى 33% من سكان العالم يعطسون عندما يتعرضون فجأة للضوء كمية الدم الموجودةفي جسم الرجل تفوق تلك الموجودة في جسم المرأة . ولا علاقة لذلك بالقدرة على الإحساس كوكب الزهرة هو الكوكب الوحيد الذي يدور مع حركة عقارب الساعة صوت البطة لا يسمع له صدى، ولم يكتشف سب بذلك التفاح - وليس الكافيين - هو المنبه الأقوى، لمساعدةالإنسان على الاستيقاظ في الصباح لا يمكن طي أي ورقة من النصف أكثر من سبع مرات حبات اللؤلؤ تذوب في الخل جميع الدبب القطبية تستخدم اليد اليسرى

مقولة خبيثة لأن معناها أن الفضيلة بالنسبة للرجل هامة وتفصل بينه وبين كونه حيوانا.. أما للمرأة فهى مجرد "كمالة" :happy:

الاخوان وحزب العداله والحريه ياصلاة النبى احسن اتحالفوا مع عبد الناصر واول ناس خانته وحبوا يخلعوه من الحكم وكانت النتيجه انه اعدم كل رموزهم وعلى راسهم سيد قطب رغم توسل الامراء والسلاطين لعبد الناصر بعدم عدم سيد قطب وضرب عرض الحائط عبد الناصر بكل النداءات حتى بندائات الملك فيصل من ال عملوه فيه ونفس الشىء ال عملوه مع عبد النصر عملوه مع السادات وفتح ليهم المعتقلات على مصراعيها بعد ما هو نفسه هدم اللمان بايده فتحها تانى من عماليهم والجرى وراء مصالحهم فقط ويعدموا الدنيا كلها فى العراق خانوا الحركه الاسلاميه ذاتها واتعاملوا مع الامريكان المحتلين اصلا للبلاد على حساب الشعب العراقى فى الجزائر نفس الشىء خانوا الحركه الاسلاميه واتعاملوا مع بوتفليقه على حساب الشعب الجزائرى فى ماليزيا وقفوا ضد محاضر محمد وخانوه ووقفوه ضده مع التيار العلمانى فى سوريا بالتحديد فى حماه خانوا الحركه الاسلاميه واعطهوا كبش فداء للاسد فى مصر قلنا مسبقا عملوا ايه حزب الخونه والعداله والحريه قضيتهم مش مصر دول بيدوروا على الخلافه وفتح مصر لسوق الجوارى والمتعه والمتاجرة بالنساء ولا تناقش ولا تجادل يا أخى واقول قولى هذا واستغفر الله العظيم لى ولكم واقم الصلاة

ماشى الحال ماهو ال مربى خير من ال اشترى ههههههه فى التسخين ملكشى زى وربنا يعنى لو دخلوا زهيرى مسابقه لتهدئه النفوس هيخدها الاول بجدارة ماشى الحال نسخن معاك يلالالالا شوف الاتنين لايختلفوا عن بعض الا فى الاسماء وكل له طريقه الاخوان الى السلطه والتدليس والمؤامرات واتهام الدنيا بما لديهم وتغير المبادىء فى ثانيه تلاقيهم غيروا كل شىء عددهم كام فى مصر لا يتعدوا المليون . والسلفيين ايضا نفس الشى لايتعدوا المليون . نطرحهم بقه من ال 85 يطلع كام ... السلفيين اختلفوا عن الاخوان فى اهدافهم بعض الشىء صحيح استخدموا نغمه التخوين والكفر لباقى ال 85 مليون واصبحوا هما بس ال مسلمين والباقى دول كفره السلفيين تخصصوا محاربه الاسلام وتشويهه وافراغه من محتواه والمطلوب ان الغرب يخاف منه باعتباره دين ارهابى وده ال عوزين يوصلوه للعالم . لاء ومش بس كده التناقض المقصود منهم فى الاراء بين التحريم والتحليل لنفس الشىء المقصود منه ان الاسلام مذدوج فى الاراء . يعنى بيسعوا دائما للخراب فى الاسلام تحت ستار الاسلام وكلاهما الاسلام برىء منهم كلاهما بدعه مبتدعه فلا يوجد فى الاسلام تيارات من هذا النوع من زمن الزمن فكل بدعه ضلاله وكل ضلاله فى النار حد يقولى التيارات دى ظهرت امته فى الاسلام !!!!!! الاسلام من اسمح وارقى ديانات الكون ولن يفلحوا فى تشويه او وقف انتشاره لان الله هو المتكفل به والحافظ له فمحاربتهم لله ورسوله لم تجدى لهم بشىء ولا تحقق احلامهم واحلام من استأجروهم على الاسلام وتقريبا هما فاهمين بعض كويس جدا وكلاهما يكفر الاخر