لوحة القادة

http://www.youtube.com/watch?v=6wmhFDdZsxo&feature=related الفذافى رغم اعلان كفره الرسمى بدون خجل ومع ذالك كان له من المحللين له والمحرمون للخروج عليه ومن اعظم كبائره انه اراد ان يلغى حرفين من القرآن . كما قلنا مسبقا وبقيه القصه الاغرب من احد صفقاته انه كان يريد ان يشترى من مصر قبر استاذه جمال عبد الناصر ليضعه فى ليبيا وعلى حد قوله انه سيجعله مزارا سياحيا مساوى لفبر محمد كم عرض على مصر لشراء هذا القبر 500 مليون دولار ومع ذالك كان له من يفتون له ويجعلوه امير المؤمنين مش قلتلكوا العيال دى رجاله بحق وحقيق استلموها على الاحمر والتشطيب لوكس عليهم

دي مدونة إئتلاف الثورة مستمرة مجموعة أحزاب شبابية ما بين إسلامية و إشتراكية و ليبرالية + إئتلاف شباب الثورة http://thawramostamera.wordpress.com/ خش علي المدونة و دوس علي محافظتك و شوف نازلين فين طبعا هما مش قادرين يغطوا الجمهورية كلها

أعتقد أن التصويت عن طريق الإنترنت بالكيفية التي تم الإعلان عنها بشويها الكثير والكثير من المأخذ والعيوب التي تجعل الثقة الكاملة في نتيجة تصويت المعتربين مفقودة فطبقا للمعلن حتى الأن أن التصويت سيتم عن طريق وضع الرقم القومي للمصوت ثم يقوم السيستم بعمل بحث عن هذا الشخص هل هو مسجل أم لا في القوائم الإنتخابية من واقع رقمه القومي , فإذا كان مسجلا يتم فتح نافذة له يصوت من خلالها مما سبق نجد أنه لا توجد وسيلة للتأكد من شخص المصوت هل هو بالفعل الشخص صاحب الرقم القومي المدخل أم لا ؟ فواردا جدا وجود كثير من المصرين لديهم أرقاما قومية ولم يهتموا بالمشاركة في الإنتخابات وفي نفس الوقت مقيدين في القوايم الإنتخابية , وهنا يتم الفتح الباب لمن يمتلك قاعدة بيانات عن الأرقام القومية للمصرين في الخارج في إستخدام هذه الأرقام والتصويت بإسم من لم يشارك , أليس كذلك ؟ هذه الألية إذا لم تتضمن وسيلة للتأكد من شخص صاحب الرقم القومي أنه هو نفسه حامله , فهي ألية منقوصة ومغلوطة مائة بالمئة طيب ما هي السبل ( المتاحة الأن ) لتطبيقها لكي تعالج هذا الخلل الخطير أو تقلل لأدنى مستوى ممكن ؟ في رأي الشخصي : في ظل نظام الرقم القومي فالدولة تمتلك قاعدة بيانات كاملة عن كل مصري يحمل الرقم القومي مثل عدد الاولاد وأسماءهم وإسم الزوجة وإسم الأب وإسم الأم وإسم الإخوة وأعمار الأبناء والوالدين والزوجة والأخوة ووووووو إلخ يمكن إستخدام هذه القاعدة في سؤال الشخص المصوت إلكترونيا بمجرد وضعه للرقم القومي عن أي من المعلومات والبيانات التي سبق وضربت مثل لها , مثلا :إسم زوجتك ؟ , إسم أكبر أبناءك ؟ ما هي سنة ميلاد إبنك فلان ؟ وهكذا هذا إقتراح وبالتأكيد الأخوة المتخصصين في مجال البرمجيات يمكن أن يفيدونا بغير ذلك

بسم الله الرحمن الرحيم . قال رسول الله صلى الله عليه وسلّم (فوالله لأن يهدى بك رجل واحد خير لك من حمر النعم ) . حقيقة أنني أغبط هؤلاء الدعاة الذين كرّسوا اعمارهم وجهودهم للدعوة إلى دين الله . الداعية يوسف استس معروف باسلوبه الراقي والمميّز في الدعوة إلى الله ، وقد جعله الله سبباً في هداية الكثيرين إلى الاسلام . في هذا اللقاء الرائع يحاور الشيخ يوسف شاباً كان على غير الاسلام ، فإذا بالشاب في نهاية الحوار ينطق الشهادتين ويجهش بالبكاء . وقد شهد هذا اللقاء اسلام ثلاثة نساء أيضاً . كما يحكي الشيخ يوسف أيضاً ما حدث له في لقاء آخر بألمانيا ، عندما سأل الحضور : من في القاعة يوّد أن يصبح مسلماً ، فوقف جميع الحضور ، ونطق 1250 من الحضور الشهادة في نفس الوقت ! أترككم مع اللقاء وآمل أن ينال اعجابكم . http://www.youtube.com/watch?v=5J-9dn3_hpY

كلام جميل يا أستاذ إسلام بس لا أظن إن حضرتك هتلاقي حد يرد عليك لأن الحقيقة التي لا يريد أن يسمعها أحد أنه لا يوجد في هذ المنتدى أي واحد منتمي لتنظيم الإخوان المسلمين أو لجماعة الإخوان المسلمين بالشكل الرسمي و لو وجد فسيكون الوحيد القادر على مناظرة حضرتك في الرد على هذه المطالب بعد الرجوع للجماعة . حتى أخونا العمدة ربنا يكرمه لو حضرت خدت بالك دا قاعد في ابو ظبي ( أو أم ظبي زي ما بيقول ) و لا اعتقد أن له أي دور قيادي في الجماعة أو حتى دور سياسي في الحزب غير أنه مقتنع أن الإخوان هم الأصلح و هذا رأيه الذي يعمل من أجله و يدافع عنه و هو شيء يزيد من احترامي له . طب و الناس اللي عمالة تدافع عن الإخوان المسلمين دول تبع مين لو حد تابع ردود الناس دي في جميع الموضوعات هتلاقيهم بيدافعوا عن الإخوان و عن السلفيين و عن الكنيسة و عن الجيش ... يعني ناس مالهمش في السياسة غير إنهم بيتكلموا باللي شافوه .. واللي شافوه من الإخوان كجيران أو زملاء عمل أو دراسة أو حتى في الشارع هو مجرد حسن الخلق و حسن المعاملة و ميدان التحرير و محافظات مصر تشهد بدور أفراد الإخوان داخل الميدان و في اللجان الشعبية وقت الثورة .. الإخوان مجرد أفراد من الشعب المصري الطيب الأصيل أما ألاعيب السياسة و تربيطات العسكر و مطالب المرشد حسن البنا وغير ذلك من التهم الموجهة للإخوان حتى و إن صحت .. فهي تهم ينفيها واقع المعاملة و بصراحة دي أكبر مشكلة إن فيه ناس بتحرث في البحر عاوزين يكرهوا الناس في الإخوان و في السلفيين وفي المسيحيين و مش هيقدروا لأن كل واحد عقله في راسه و مش محتاج تلقين . في رأيي المطلوب من أي تيار منافس للإخوان إنه يسيب الناس دي في حالها و يشوف هو عاوز إيه أو عاوز مين بديل عنهم و يعلن عن تأييده له و يحبب الناس و فيه و يقنعهم بيه و يعرفهم على إنجازاته أو خططه لمستقبل مصر بطريقة تاخد من أصوات الناس بطريقة إيجابية و تخلي الشعب يفكر و يفاضل باسلوب سياسي صحيح . عاوزين نشتغل سياسة تبني فكر الناس مش مبنية على نظام الكره و التنفير .. لأن للأسف الإسلوب ده جاب نتيجة عكسية في انتخابات 2005 لما النظام السابق كره الناس في الاخوان و مكانش واخد باله إن الناس كارهينه هو .. فبعض ( بقول بعض ) الناس انتخبت الإخوان ليس حبا في عمرو و لكن كرها في زيد أعتذر لأني خرجت عن موضوع المطالب و لكن أخشى أننا ننتظر ردا عليها من مكتب الإرشاد و ليس من أعضاء المنتدى

هنا مساحة حرة لكل المشاعر الحلوة في الحب هنا لا دموع لا ألم لا ندم و لا حتى عتاب هنا لهفة اشتياق حنين دفء حنان أمان هنا كل الحب ♥♥♥

﴿ ســورة الْعَصْرِ ﴾ قال عنها سيدنا : عمر (ر) لو ان القرآن لم ينزل بسواها / لكفت

مين ال قالك ان الشباب قليل الخبرة يا أستاذنا بالعكس انا شايف ان الشباب واعى جدا وعارف كل كبيرة وصغيرة فى البلد اما انا عن نفسى مش مقتنع بالمجلس ده من اساسه وياريت يلغوه من الاصل ده مجال لسرقه مصر تحت قبه البرلمان ولو تم المفروض انه يتم مش فى حكم العسكر دول لانهم هيزورا الانتخابات كده كده يعنى اى انتخابات فى ظل وجود العسكر باطله ومفقوده الشرعيه ده غير انهم هيستغلوا الانتخابات للاحتقان بين فئات الشعب بالشكل ال يخدم مصالحهم فى النهايه والشعب بالكامل يكره بعضه عشان الانتخابات دى ويحولوا البلد لمسخرة لم تشهدها مصر اذن الانتخابات دى ليها اهداف تانيه خالص عير المجلس الموقر والذى منه عارف ان عجبنى قوى اليوم تصريح للفنانه المحترمه تيسير فهمى كانت بتقول انا هخش المجال السياسى وانشأ حزب مش عارف عملته ولا لاء المهم بتطالب بطلب جميل قوى ان يتشال الحصانه من عضو محلس الشعب الحقيقه الطلب فوق الرائع . لان كل جرايم اعضاءالمجلس بتتم بدون محاسبه وبتجعله فوق القانون يتاجر بقى فى مخدرات يتاجر بقرنيات وكله يتاجر بالعملات المشبوهه والاراضى وسمسرة العقارات يتاجر بالشعب نفسه وال يعينه فى الشركات يدفع اد كده . كوكتيل قرف يعنى ولذالك بيدفعوا فى الصوت الواحد 200 جنيه ويقبلوا ايادى المصوتين اسبوع الانتخابات وبقيه الخمسه سنين الشعب ال يقبل رجليهم

صح يا ابو عمر .. معاك .. موافقك .. احناعندنا عقول ممتازة .. و كلامك مظبوط هما فعلاً قالو عملية التسجيل تبدا من الخميس .. لكن زيارة الموقع http://www.elections2011.eg/ كان لازم يكون في الموقع أي تنويه عن داه و يكون فيه صفحة مساعدة .. أو شرح لما سيتم .. لكن مفيش الشئ التاني هو إنهم قالوا: سيتضمن آلية جديدة بان يتم التصويت عبر البريد الالكتروني وذلك لتلافي الصعوبات في طريقة التصويت العادية والتي يستحيل معها مشاركة المصريين بالخارج في الانتخابات وايضا لتلافي عدم وجود قاعدة بيانات في الاحوال المدنية او الجوازات او لدي اللجنة العليا بأعداد واماكن تواجد المصريين بالخارج والدوائر التي ينتمون اليها. و داه كلام غير منطقي .. إزاي حيستخدموا البريد الإلكتروني في التصويت لتلافي عدم وجود قاعدة بيانات .. المهم .. يا رب تكون خطوة أولى لتسجيل الناخبين بالخارج. و بإذن الله ربنا ييسر .. معلش أنا بس استرجعت البرنامج اللي شوفته للمستشار عبد المعز ابراهيم قبل كدا و اللي رسخ عندي شعور بأنه بيطمن و خلاص و ربطته مع التصريحات بتاعة النهاردا .. بس بإذن الله يتم كل شي كما ينبغي. أعتقد ان حكاية التصويت بالبريد الإلكتروني دي تعبر عن جهل من حرر الخبر ، لانه لايوجد شيئ اسمه التصويت بالبريد الإلكتروني. أما المعني المقصود فاعتقد هو التصويت الإلكتروني ، وفي رأيي ان هذا شيئ ممكن ومأمون وربما ضمانات عدم التزوير فيه تكون عالية ، كل تعاملاتي المالية تتم عبر الإنترنت ، بنوك ، رخصة قيادة ، رخصة سيارة ، رخصة البيزنيس ، حتى تحويل الأموال لمصر اقوم بإنهائه من على جهاز الكمبيوتر. الموضوع ممكن لو خلصت النوايا والا يكون هناك من ينتوون الحصول على قواعد بيانات الأرقام القومية ومن يسهل لهم هذا الأمر سواء بالرشوة او بحكم قضائي أو بجلسة عرب.

http://www.youtube.com/watch?v=jE_O1KnE8dQ جزاك الله عنا خيرا ونفعنا بعلمك

وكأن الاشواق...تنتقم منى..فرغم ليالى البعاد الطويله..ما زلت أراك!! فى أحلامى..فى ألامى..فى أوجاعى..فى ذكرياتى..أراك وما زلت اراك!! أراك...كلما تلفحنى الدنيا..بلهيب أحزانها..ونيران أشجانها..وبراكين تقلباتها. أراك...كلما أمر سريعا..-وعلي استحياء-..بالقرب من الاماكن التى جمعتنا. أراك...كلما..تجلدنى أغانى الغرام والهوى..وتدق طبول قلبى ..بلاهواده..أو رحمه. أراك...وأرى ..أخر نظرات عينيك..قبيل وداعنا المأساوى إنها ...نظرات..كانت تملؤها الحسره...واليأس..والاحباط.. بفعل طيشى...وحماقتى..ورعونتى..واستهتارى..بمشاعر الحب!!!! ومازلت أراك!!!!!! المدعو : محمود

يا ريت التصويت عن طريق الانترنت -بالضوابط و الاحتياطات الكافية- يكون متاح حتى للي داخل مصر هيقلل التزاحم و يدي فرصة لناس كثير تدلي بصوتها و أظن فاكرين ايام الاستفتاء مش كل الناس لحقت التصويت بسبب الزحمة

في البر .. في الجو .. في البحر ،، إبداع من الحرية و العدالة :)

غريبة يا أخ محمد أن فيه موضوعين مفتوحين و نشطين كمان بيناقشوا فكر الجماعة و نازلين تقطيع في جماعة الإخوان المسلمين و حضرتك تسيبهم و جاي تناقش و تفتح مواضيع فرعية هنا إذا انت مش مقتنع إن الحزب شيء و الجماعة شيء فدي رؤيتك لكن لا تفرضها عليا و تحاول أن تشتت الموضوع هنا .. أنا بناقش هنا دور الحزب في الوقت الحالي طبيعي مش هقول الحزب ناقش الميزانية بتاعت الدولة و لا عمل إستجواب لوزير الداخلية و لا هتطرق خالص لأمور سياسية لان احنا في مرحلة قبل الإنتخابات والحزب لسة منجحش .. و انا قولت لحضرتك لما ينجح مليون % هعرض لحضرتك هنا دا أول بأول .. لكن في الوضع الحالي بقول ان الحزب بينزل الشارع فعلاً و بيحتك بالمواطن المصري .. الحزب بيساعد الناس المحتاجة و بيشوف ناقصهم اية و يعرف مشاكلهم و بيساعد علي حلها .. ياعني مشاكل إجتماعية .. السياسية دا مش وقتها لان مفيش لسة مجلس شعب .. هل ينفع مثلاً أدخل علي موضوع حزب المصريين الأحرار و أقعد أغير مسارة و أجيب فيديوهات سودة لنجيب ساويرس و أحط فيديهات لليبراليين و العلمانين و أقول شوفتم أدي حقيقة الناس دي .. فالعكس أنا دخلت أمس للموضوع و قولت ( تمنياتي للحزب بالتوفيق و يحقق أهدافة لخدمة الوطن ) نفس اللفظ دا .. مشككتش فيه نهائي ،، مضيعتش وقتي أقعد أحفر وراه و أطلع فيه عيوب ، بل شغلت و قتي فعلاً بموضوعي وأظهر مميزات الحزب اللي أنتي إليه و أدعوا الناس للإنضمام لية و أعرفهم البرنامج بتاعنا و أهدافها و طرق تنفيذه و كل جديد يخص لحزب .. وفت وقتي أني اكون شخص إيجابي مش شخص سلبي أشغل بالي بالمنافس بتاعي و أحاول أشوه صورته علشان أقولهم دا كُخه و أنا اللي حلو .. خلينا الله يباركلك نناقش هنا الحزب بس الجماعة مفتوحلها أكتر من موضوع ، حضرتك ما زلت مقتنع انهم واحد يبقي حضرتك حر لكن لا تفرض عليا رؤيتك دي . انا هنا بناقش أهداف الحزب مش الجماعة ، برنامج الحزب مش الجماعة .... لو اتناقشنا في أمور تخص الجماعة مش هنخلص دول 84 سنة يا راجل يا طيب !! بخصوص الاعمال الخيرية المصريين عايزين اللي ينزل و يحس بيهم اللي ينزل و يعرف مشاكلهم مش اللي يطلع في التليفزيون و يتكلم و خلاص .. أنا مقتنع تماماً ان فيه فرق بين ناس تقول و تعمل و ناس تقول و لا تعمل .. حضرتك بصفتك الإشرافية تقدر تاخد القرار اللي أنته عايزة لا ألومك عليه أنته حر المنتدي بتاعكم و أنتم مشرفينه .. لكن بالنسبة ليا مش هرد و مش هناقش أي شيء يخص الجماعة في هذا الموضوع .. و الله يخليك لو انا دخلت دلوقتي حالا علي حزب المصريين الاحرار و جبتلك فيديوهات تدين الحزب و مؤسسية حضرتك تتوقع رد فعل صاحب الموضوع اية ؟؟ تتوقع هيسيبني في حالي .. أنا أسيبة يعمر و يشتغل في موضوعه و أنا أشتغلفي موضوعه و العضو أو الزائر يشوف الموضوعين و هوه الي يختار انا مش بفرض شيء علي حد أنا مجرد بعرض رؤية حزب مُعين .. لك التحية و التقدير ،،

اعتقد من الان فصاعدا لن يحدث طفرة فى اسعار العقارات بل ربما تقل فى بعض المناطق على العكس فزيادة اسعار العقارات كانت نتيجة سياسية بلطجة وسرقة من العصابة التى حكمتنا 30 عاما ولكنى اتوقع ان شاء الله مستقبلا زيادة فى الاراضى والعقارات المعروضة للبيع لاسباب منها فتح المدن الجديدة على مصراعيها ثانيا انتعاش الاقتصاد سيوجه اموال المصريين للاستثمار الحقيقى القائم على الانتاج وبالتالى سيقلل من الاقبال على العقارات التى كانت المنفذ الوحيد للاستثمار بعد تدمير الصناعة والزراعة الخير ان شاء الله قادم

الأمل .. شئ جميل .. والأجمل هو أن يتحقق لا أعتقد يا أستاذ عادل أن ذلك سيكون ممكنا فى هذه الفترة القصيرة .. ربما سيكون هذا متاحا فى الاستفتاء على الدستور وانتخابات الرئاسة .. هذا هو الأمل كتلة المصريين فى الخارج هى كتلة كبيرة وعظيمة ولها رؤية "عين الصقر" الذى ينظر إلى الصورة من بعيد فيرى ما لا يراه الغارق فى التفاصيل

يقول د / مصطفى محمود : لست اخاف من امرآه شريره لأن شرها يجعلني احتشد لها وكل اسلحتي اما الفاضله : فإنني اخافها وارتعد منها !! لأن فضيلتها تجعلني القي بكل اسلحتي واضع روحي بين كفيها بلا تحفظ !!

اقتربى مني... ادفنى أسرارك بين ضلوعي... قولي أو لا تقولي .. فأنفاسك تفصح عنك اقتربي.. تطالبيني بالاقتراب ... تطالبيني أن أقترب ... وأنتي تهربين بعيدا عني..! لما أقترب ولما لا تقتربي؟؟ اقتربى أكثر... فلم يعد قلبي يتحمل براكين مشاعره اقتربى أكثر... فلم أعد أتحمل نيران ضلوعي المشتعلة اقتربى... أكثر فلم أعد أحتمل برد الشتاء وعندك دفئي اقتربى أكثر... فلم تعد أيامي تحتمل هجرك اقتربى مني ... وأحتوي أيامي أو اتركيها اقتربى مني... وضمي نظراتي أو ارفضيها اقتربى مني... وأجمعي أهدابي أو بعثريها اقتربى مني... ونسقي زهور ربيعي أو أتثريها اقتربى مني... وزيني ضلوعي أو فرقيها اقتربي مني... وتمتعي بهمساتي أو أبعديها اقتربى مني فلم أعد أطق للبعد صبرا اقتربى و ارسمى ملامحي.. عيناي... سوداء أو خضراء أو زرقاء بلون سمائك الصافية اقتربى وخطي لي خطوط شعري صفراء.. بنيه أو سوداء بلون ليلك المقمر اقتربى ولوني بشرتي سمراء.. صفراء أو بيضاء بلون المرمر وبعطر العنبر اقتربى مني وكملي لي صورتي .. واعيدى حلم التمنى اقتربى لتكتحل برؤياك عينى.. اقتربى ... فانا منك وأنتي مني

لا تَقُلْ لِيَ " مَزاجيةَ " وأَنتّ تَعلَمَ أنْ سَببْ تَقلُباتِ مَزاجٍيّ . . هُوَ [ أنتّ ] . . :( ♥

http://www.youtube.com/watch?v=T5Xl0Qry-hA

عامل مشترك بين مين ومين؟ بين القذافي وساويرس؟ أم بين القذافي وجنوب السودان؟ أم بين ساويرس وجنوب السودان؟ أم بين الثورة الليبية وساويرس؟ أم بين الثورة الليبية والقذافي؟ أم بين الثورة الليبية وجنوب السودان؟ أم بين ساويرس والثورة الليبية والقذافي والجنوب السوداني؟ أم بين ساويرس والبشير والقذافي وجنوب السودان والثورة الليبية وأمريكا العلمانية والنحبة المصرية؟

معلش يا باز أفندي استفسار صغير بخصوص الجملة اللي بالاحمر فوق دي هو انت تقصد يعني أنهم بيقبلوا ايده بطريقة أبوكم في الكنيسة و لا تقصد ابونا يعني والدنا وياريت حضرتك تتكرم وتعرفنا التلات مرات اللي صليت فيهم كانوا امتى و في مساجد ايه عشان نتأكد من الواقعة دي و مش مشكلة المرة الرابعة لأنك كدة كدة مكنتش ناوي تصلي .

وهو يا عمدة لما نناقش الفكر الذى قام الحزب على أساسه يبقى بنشتت الموضوع ؟ أنا مختلف معاك فى الحكاية دى الموضوع مفتوح يا أبو محمد عن أهداف و برنامج و رؤية حزب الحرية و العدالة فقط .. حضرتك إفتح موضوع يخص الإخوان و هتلاقي من الحبايي ألف يشاركوا معاك .. راجع حضرتك كام مشاركة ورا هتلاقيني نوهت علي كدا إضافة إلي مشاركة الفاضل عادل ابو عمر .. الموضوعات الفرعية مش هنخلص منها و تاريخ الإخوان كبير هنطلع من حاجة نخش في حاجة تانية و هكذا و مش هنخلص اللي مقتنع مقتنع الموضوع منهي .. انما ذنب إية الموضوع دا يدفن بسبب موضوعات فرعية من الممكن تجميعها كلها في موضوع واحد و أقترح نسمية ( تعالوا نقطع في فروه الإخوان :) ) صدقني هتلاقي ناس كتير أوي معاك أنا عارف .. و نخلي الموضوع دا مركز فقط عن حزب الحرية و العدالة ،، فكر الجماعة موضوع مستقل تحيــاتي ،،

الوسائل الميسرة لقيام الليل قد ذكرها الغزالي في كتابه (إحياء علوم الدين) وقسمها إلى قسمين: ظاهرة وباطنة: أما الوسائل الظاهرة فحصرها في أربعة أمور: الأمر الأول: أن لا يكثر الأكل، فيكثر الشرب، فيغلبه النوم ويثقل عليه القيام. الأمر الثاني: أن لا يتعب نفسه بالنهار في الأعمال التي تعيا بها الجوارح وتضعف الأعصاب. الأمر الثالث: أن لا يرتكب الأوزار بالنهار، فإن ذلك مما يقسي القلب. الأمر الرابع: أن لا يترك القيلولة بالنهار، ليستعين بها على قيام الليل. ويمكن أن نضيف إليها: الأمر الخامس: عدم السهر والسمر بعد العشاء، إلا لحاجة. وأما الميسرات الباطنة فتتمثل فيما يلي: أولاً: سلامة القلب عن الحقد على المسلمين، وعن البدع، وعن فضول هموم الدنيا. ثانياً: خوف يلزم القلب مع قصر الأمل. الثالث: أن يعرف فضل قيام الليل، بسماع الآيات والأخبار والآثار. الرابع: الحب لله، وقوة الإيمان بأنه بقيامه يناجي ربه، وهو مطلع عليه. والله أعلم. منقوووووووووول

الباز افندى صدق فى مقولة ان النظام السابق حول البلد كلها لعصابه تعمل لصالحه ((لكن يمكن سهى عنه ذكر الكنيسه كعنصر رئيسى من عناصر المنظومه الفاسده والاستاذ عادل مشكورا قام بالواجب)) كده بقى وعلى قول الباز افندى .. مفيش حد فيكى يابلد .. من ساسك لراسك .. نضيف .. كله كله فاسد فاسد .. جبت من الاخر يا باز .. يا عينى على الايجاز مش قولتلك يا باز .. نولعها بجاز .. فيه حل تانى يعنى يخلصنا من وباء الفساد اللى استشرى ونخر فى عظام الوطن؟؟ طب نعمل ايه فى الشعب والجيش ((مش المجلس العسكرى)) .. اللى اتعمل معاهم اللالى وفتن خارجيه وداخليه .. وبرده مش عايزين يجيبوا عاليها واطيها .. زى ما حصل فى ليبيا مثلا .. وقبل كده فى العراق .. ايه البنى ادمين دى .. عجايب والله .. اصل من الاخر مدام كل المنظومات فاسده .. يبقى الحل فى جرار .. ويحرت البلد دى حرت .. وبدل ما نرمم البيت ((المخوخ المهترئ)).. نلغمه بالمفرقعات .. ونهده على اللى فيه .. مش كده والا ايه يا باز افندى .. مش معايا برده.. والا عندك حل تانى ؟

رأيي أنه لم يكن هناك داعي أساسا لإثارة الموضوع و اشغال الناس بالسياسة في وقت تركو الدنيا خلفهم و جاءوا ملبين موحدين يرجون مغفرة الله .. أدعو الله ان يتقبل من الجميع و ان ييسر لنا حج بيته الحرام و أرى أيضا أن الموضوع لم يعد بحاجة لاستخدام اسم الجيش رغم أن الجيش نفسه برئ من أعمال المجلس العسكري و أعمال شرف و وثيقة السلمي الجيش المصري لن ينكسر بإذن الله و يستحيل أن نضع الجيش و الشرطة في كفة واحدة في ثورة 25 يناير . و بدلا من التهدئة مطلوب الوقوف صفا واحدا في وجه المجلس لتسليم الأمانة

كلام الشيخ ليس دقيقا الجيش شيئ والمجلس الأعلى للقوات المسلحة المتولي أمر إدارة البلاد شيئ آخر. نقد المجلس الأعلى للقوات المسلحة كحاكم للبلاد لم يقم بما كان متوقعا منه أو نقده لتسلطه أو نقده لتصحيح مساره أمر عادي ويجب أن يكون مقبولا ولاعلاقة له بالجيش كمؤسسة مسئولة عن تأمين البلاد وحدود البلاد. نقد المجلس الأعلى للقوات المسلحة لايعني الدعوة لكسر الجيش ومن المغالطات التي يقولها هو اننا كسرنا الشرطة ، وهذا القول هو قمة لي الحقائق ، الشعب لم يكسر الشرطة ، الشرطة هي من تحاول التآمر على الشعب وعلى الثورة وهم من تركوا مواقعهم ومن قاموا بقتل المتظاهرين وقتل زملائهم الذين وقفوا في صف الثورة ومثال لذلك اللواء البطران. أرى أنالشيخ الذي يؤدي الحج في ويتحدث من داخل استوديو متنقل قد جانبه الصواب وقام بخلط الأمور ببعضها ، وأرى أن مايقوله لايفرق عما قاله قبل الثورة من تحريم التظاهر وتحريم الخروج على الحاكم وان علينا إنتظار الفرج من السماء. مرة أخرى الجيش ليس المجلس العسكري ، والثورة والشعب لم يفكروا في كسر الشرطة أو كسر الجيش وأن مايراه الشيخ مجاف للحقيقة ويحاول ان يحمل تدهور أحوال البلد للثورة والشعب بشكل غير مباشر.

السلام عليكم وكل عام وأنتم جميعا بألف خير ليه يا جماعة احنا دايما بنحب نصعب الأمور على نفسنا؟ حاجة جميلة جدا اننا نوصل لمرحلة الاحساس بقيمة اصواتنا لكن انا شايف ان تصويت المصريين في الخارج في انتخابات برلمانية متعددة المرشحين واللجان والقوائم في تجربة لأول مرة هتكون صعبة جدا ولا أعتقد انها لو تمت هتكون نتائجها ايجابية بل ستفتح بابا من التشكيك بعد انتهاء الانتخابات ليه نعمل زي اللي عايز يتعلم لغات نظرا لقيمتها العالية فبدأ يتعلم انجليزي وفرنساوي والماني وايطالي في نفس الوقت علشان يبقى بيعرف اجادة كل اللغات وطبعا النتيجة فشل ذريع في الكل لكن لو بدأ واحدة واحدة أعتقد النتيجة هتكون أفضل فليبدأ تصويت المصريين بالخارج في انتخابات الرئاسة واهي هتكون اسهل واسرع لا دوائر انتخاية ولا آي حاجة الفرد هيختار مرشحه اللي أكيد هيكون مختاره باقتناع وليس عشوائيا لمجرد المشاركة كما سيحدث في الانتخابات البرلمانية وأعتقد ان الصعوبات اللي تم الاعلان عنها واللي تحدث عنها الأخوة الأعضاء بالمنتدى ستجعل التصويت في الانتخابات البرلمانية القادمة في غاية الصعوبة وربنا يكتب الخير لبلدنا في الأيام القادمة اللي أنا شخصيا قلقان جدا منها أكتر من أيام الثورة

حزب الحريه والعداله التعريف اول من خان الثورة المصريه واول المستفيدين بها ومش عاوز اى حد على الساحه غيره واى حدد ينافس اصبح كافر وفيه العبر تركوا الناس تموت فى الميدان وراحوا عملوا لقاء سرى مع سياده النائب السابق للقضاء على الثورة والمقابل البرلمان بعد اجتماعهم السرى مع سليمان زرعوا شرف فى التحرير وآوهموا الناس انه مطلب شعبى حسب ما خطط ليهم ولمعوه على الاخر ونزل شرف التحرير وترك فى البيت على الرف لجنه السياسات . والاخوان وانصارهم هييييييييييييييه ولبسوا العمه للشعب ومن ساعتها ملهمشى دعوة بالتحرير تانى وكل جمعه يطلعوا فيها القطط الفاطسه ويحاربوها على المنابر نزلوا بس جمعتين فقط من ساعه ما قامت الثورة الى الان واحده للاسقاط الجمل والتانيه جمعه ابو لهب فى التحرير ال قالوا فيها يامشير يامشير ولادك اهم فى التحرير . ويامشير يامشير انته الامير واشتغلوا على نغمه اللبرالى والعلمانى وكل ماتطلع جمعه رغم اى مكاسب للجمعه دى يبقوا لا على حامى ولا على بارد خدوا المكاسب واتحولوا من غمضه عين وضحهاها من المحظورة الى المحظوظه وده ال يهمهم البرلمان البرلمان طيب ماهما كانوا فى البرلمان المرة ال فاتت ولا عملوا اى شىء نهائى والتبريرات ربنا ما يحرمهم منها . موجوده كلها . على كل شكل وعلى كل لون يابطسطه . يتبع

والله ياساده احنا هنتكلم كتير فى الموضوع وهنوصل لنتيجه واحده بعيدا عن الرغى الجامد مبارك وعصابته كانوا محتليين مصر نجيب من الدواسه يعنى مبارك واحد من مؤسسن الفساد فى الوطن العربى مش بس مصر . هو اساسه على الخريطه العربيه وبصفه خاصه الفساد الخليجى المستشرى الان بفظاعه . كل ده من ترتيب مبارك وعصابته الدوليه اكتشفنا بعد الثورة ان العالم دى مش مصريه اصلا ومعظمهم معاهم جنسيات يا اما امريكيه او اسرائيليه جبلنا شويه من الموالد على شويه من سوق العبور ومسكهم وزارات سياديه . واستعان بواحده جابها من سوق التلات ومسكها اخطر وزارة فى مصر ال هى القوى العامله . على قواد دولى وحبسجى قديم من ايام الثورة على وزير اعلام اكتشفنا انه معاه ثانويه عامه وبرده لمعوه وقالوا عليه دكتور . على ابو كمال وجمهويه الباجور ال افسد الحياه النيابيه فى مصر ودخل اولاد كبار تجار المخدرات سلك القضاء والنيابه يعنى من الدواسه كوكتيل قرف كده يعنى . من الاخر عصابه دوليه المافيا تعظملها الخلاصه الشعب انتفض ضد العصابه دى وعمل ثورة على النظام لكن للاسف سلمها لنفس النظام ال ثار عليه ايه المتوقع يعنى ده مخطط مش لسرقه مصر ده مخطط لاباده مصر واتهام الشعب ونغمه الثوار الحقيقيين والكوبارس وانهم هما السبب وحملات التخوين ال شغاله على مسميات عبيطه وعجله الانتاج والقرف ده ومش هيتركوا مصر الا لما يسلموها صومال جديده لاجبار الشعب المصرى على قبول اى وضع هما عاوزينه بس خلاص بعد ال حصل فى لييبيا مينفعشى نقول ارفع راسك فوق انته مصرى ليبيا عملت ثورة صح واستلمت البلد على الاحمر والتشطيب عليهم بقى . يشطبوها لوكس والامكانيات موجوده لكن سلميه والكلام ده . ده كلام عبيط ولا بياكل بشلن مع العصابه دى وهما نفسهم ال سوقوا السلميه دى ليهم عن طريق شويه لمامه من سته ابريل وجندوهم لحسابهم لتسويق السلميه ليهم ولفوا على الشعب من يامه تانيه واتهموهم بانهم عملاء لصربيا ومع ذالك تركوهم بدون عقاب ولا حتى فتحوا اى تحقيق واحد معاهم نتيجه اتهامهم ده عشان تلبيس العمم للشعب نركوهم يسوقوا السلميه ليهم وقبضوا على ناس منهم معارضين بالفعل وتركوا الباقى ال معاهم على نفس النغمه وال فهم اللعبه تركهم ونمازج كتير تركت الحركه دى وكل واحد يطلع فى التحرير يطالب بالعصيان المدنى او استخدام العنف يطلعوا سته ابريل . سلميه . سلميه سلميه لغايه ما رستوقوا النظام وادى النتيجه يا أما ثورة تنضيف كامله للنظام باى شكل وباى وسيله ياما محدش يتكلم عن الفساد ويتركوا مصر يعملوا فيها ال هما عاوزينه

لماذا نلوم الفراشات حين تقترب من النور وتحترق ؟ لماذا نتهمها بالحماقة ؟ ربما نحن الحمقى ، أما هي فقد أدركت أن الحياة في الظلام لا تستحق أن تُكابَد!

القضية تنحصر في الاختيار بين المرجعية العلمية والمرجعية الدينية المرجعية العلمية هي أن نبحث لمشاكلنا وكل أحوالنا عن حلول في العلم ونتائجه المحددة والتي لاتقبل التأويل وتقبل الاجتهاد العلمي الواسع المرجعية الدينية هي أن نبحث لمشاكلنا وكل أحوالنا حلول فيما كان فرضا على السلف حسب ظروف الزمن الذي كانوا يعيشون فيه وكل نتائجه تقبل التأويل في المرجعية العلمية يكون للعلم والعلماء كل في تخصصه الموثق الكلمة الأولى وفي المرجعية الدينية يكون للمشايخ الكلمة الأولى والأخيرة في كل شيء وأي شيء دون تخصص في المرجعية العلمية يبحثون عن الأسباب التي تجعل الإنسان يسرق ويحلوها ومن يسرق يعزل عن المجتمع ويتم إصلاحه وفي المرجعية الدينية يقطعون يد السارق ويحولوه إلى عاجز و إذا سرق مرتين فيفقد كلتا يديه ويحتاج من يسقيه ويشربه في بلاد العلم وبالعلم يخترعون أطرافا صناعية للذين فقدوها وفي بلادنا نفقد الناس أطرافهم ونتركهم يتسولون أماالأحزاب التي لها مرجعية دينية في الغرب تختلف في أن الناس هناك لديهم بطانة ثقافية علمية كبيرة أما الناس عندنا كل معلوماتهم على ضآلتها من الدين فقط وليس متوفر لديهم قدرة نقدية لما يسمعوه بل كلما كان الشيخ متشددا كلما كانت له مصداقية عندهم الاختلاف الثاني هو أن ديننا الإسلامي تابع كل الأحداث من أول بداية الدعوة حتى وفاة الرسول الحروب والغزوات والأمور السياسية وقوانين تنظيم الحياة في المجتمع والعلاقات .... فإعادة كوبي بيست لكل هذا فوق أنه مستحيل لأن التاريخ لايعيد نفسه فتطبيقه بحذافيره يخرجنا من التاريخ ومن الحاضر ومن المستقبل أما الأحزاب ذات المرجعية المسيحية في الغرب تنادي بما ينادي به العلمانيون عندنا وهو تطبيق ( مقاصد ) الشريعة وهي لا اختلاف عليها لأنها الحق والعدل والتسامح والحرية والعدالة

السلام عليكمورحمه الله وبركاته القاضى والجلاد الى ا.شريف والى ضحى ليه الحكم على الناس من غير ما نعرفهم؟؟؟؟؟؟؟؟؟ انتى قولتى ان عمرك ما شفتى البرنامج!!اما تشوفيه ...وبعدين احكمى عليه!!! ده برنامج رائع صدقينى...بيوريك الناس المهمشين...المواطنين اللى ما لهمش ابسط حقوق المواطنه الا وهى السكن بيكشف عن العشوائيات وسكانها ويسافر لقرى بعيده انتم ما سمعتوش عنها لافيها مجارى ولامياه صالحه للشرب......الخ وبيتكلم بجراءه ويوجه كلامه ل رئيس الوزراء ....للمحافظين وبيطالبهم بالاستقاله والرحيل لانهم مش شايفين شغلهم صح. وفيه استجابات فوريه وكآن المسئولين المقصرين بيبقوا مستنيين البرنامج علشان يعرفوا"على رآى عادل امام""انا اسمى مكتوب؟؟؟"...........وفورا بيتم تصحيح الاوضاع بالاضافه الى انه بيعين ناس تستحق فى شركات حكوميه وغير حكوميه وبييجى اسمائهم ع الهوا فيه ناس اتعينوا فى قطاع البترول مثلا وناس فى شركه السلاب وهكذا بالاضافه الى انه بيوزع شهريا شقق على من يستحق فى 6 اكتوبر مقدمها مهندس مصرى صاحب كمبوند "معمار المرشدى..... وبالنسبه ان اخره "ليثى" فربنا قال فى كتابه العزيز"ولا تزروا وازرة وزر آخرى"...ان الله غفور رحيم ليه ناخد حد بذنب آخر ؟؟؟وف الاخر ليه ننصب نفسنا قاضى وجلاد ليه ...ليه دايما ما بنعرفشى نفرح لبعض ؟؟متوجسين خيفه من بعض؟؟ افرحواااااااااااا تفائلواااااااااا تفائلوا بالخير تجدوه

بعد سقوط مبارك رأينا فضيلته يجوب البلدان والمحافظات بسيارته الفارهه مع الرغم انه من بئيه وسطيه ان لم يكن من الواقعين من الدور الرابع اصلا ماعلينا وحث الناس على التظاهر بالمطالبه ب وب وب جمعه ابو لهب فى التحرير كانت تحت ادارته وحشدوا الحشود حتى من صعيد مصر للوصول الى ميدان التحرير للتظاهر فى جمعه ابو لهب التى لم نسفيد منها بشىء ورفعوا فيها اعلام المملكه ونكست اعلام مصر للعلم كان النفر بتلاتين جنيه فيها . جمعه استعراض العضلات على المجلس السمكرى وايضا على كل القوى السياسيه ممستغلين عدم تنظيمهم يتبع

سبحان الله توقعت مهاجمه شرسه بس لما جيت وبصيت ملئتشى حاجه طيب الحمد لله فضيله الشيخ محمد حسان انا صليت وراه تلت مرات والرابعه رفضت اصلى وراه بامانه يعنى اقسم بالله ده حصل كل ما يخرج من المسجد فى التلات مرات دى الاقى حاجه غريبه جدا بتحصل معاه من اتباعه وحاشيه السلف بيقبلوا يده بطريقه ابونا كده . ومش ده الغريب بس . ده الاغرب بقى انه بيعطى ايده للناس عشان تقبلها اقسم بالله شفت ده بعينى محدش قالى ومعرفشى ده معناه ايه الحقيقه بالنسبه له وبالنسبه لاتباعه مسئله التقديس دى للبشر بالشكل ده باعتباره بركه ولا دى لها معنى تانى طيب ما بركه ببركه بقى ونتبارك بالقبور بالمرة وسيدنا البدوى والدسوقى وما الى ذالك امال بيهدموا المساجد ليه !!!!

عندى سؤال ياسيد أراك لو جوبت عليه تاخد اتنين جنى . بلغه اسكندرانى يعنى جا ئنا سؤال من ابن لنا يقول فيه ما الفرق بين فضيله الامام محمد حسان وفضيله الامام محمد حسين طنطاوى ونرد على ابننا هذا وبالله التوفيق ونقول له اتفضل جاوب

معلش يا باز أفندي استفسار صغير بخصوص الجملة اللي بالاحمر فوق دي هو انت تقصد يعني أنهم بيقبلوا ايده بطريقة أبوكم في الكنيسة و لا تقصد ابونا يعني والدنا وياريت حضرتك تتكرم وتعرفنا التلات مرات اللي صليت فيهم كانوا امتى و في مساجد ايه عشان نتأكد من الواقعة دي و مش مشكلة المرة الرابعة لأنك كدة كدة مكنتش ناوي تصلي . سا الخير يا باز أفندي حضرتك رديت على كل المدخلات ما عدا دي كل ده بتفتكر مع أنك صاحب الرواية و أقسمت بالله إنك شفت بعينك محدش قالك أنا منتظر إجابتك و طالما إتاخرت هزود كمان سؤال ياريت حضرتك تقولي .. الشيخ حسان اللي إنت شوفته بعينك تلات مرات وصليت وراه تلات مرات ... بيقرا بسورة إيه في الركعة الأولى من الصلاة هههههههه مش بقولك انتوا عالم ظريفه فضيلته متلئح فى كل المحافظات وبيلفها زى النحله من شرقها لغربها يعنى مش غريبه قوى يعنى ان اى حد يصلى وراه وبالطبع ده مجهود مدفوع الاجر من اولياء نعمته ال طلعوله الميكرفون مخصوص فوق جبل عرفات ووجه ندائه من فوق جبل عرفات عبر الميكروفون ووسائل الاعلام ال راحت مخصوص عشان يوجه النداء لحمايه اسياده من العسكر واولياء نعمته فضيلته من فلول النظام وكان ضد الثورة ومازال بيحاربها لانهم منظومه واحده ولو غرقت هتغرق بيهم كلهم وسيدهاته هتطلع على الملاءوقضاياه ال طرمخوا عليها هتفتح وابنه هينجر على العنبوكه بتهمه اغتصاب فتاه الشرقيه وقتلها فكان لازم يستميت بالدفاع عن تراب المجلس العسكرى ويجيبها فى الجيش . ده باعتبار ان المجلس العسكرى هو الجيش يعنى لاء من الطرافه كمان كان بيقراء سوره ايه . لاء والسواك ال شايله فى جيبه كام طوله اد ايه وهل كان حاطط الشال وهو بيصلى ولا لاء . عموما ببجد بقى حاجه شخصيه بقى انا حر فيها انا ندمان قوى قوى ان صليت وراء واحد زى ده . يعن حاجه متشرفنيش يعنى عشان اتباهى بيها دى حاجه الحاجه التانيه بقى عشان نكون موضوعيين زى ما بتقول وغيرك بيقول انا اقسمت بالله ان انا شفت ده بعينى محدش قالى تعرف تتعامل بنفس المنطق وتقسم بالله ان ده مش بيحصل من فضيلته بعد الصلاة منتظر قسمك