لوحة القادة

السلام عليكم و رحمة الله و بركاته إنت جيت....شااااااااهقة يا رمضان:) حمدلله علي سلامتك يا كابتشن ريمو و الف سلامة عليكي من الهس هس...طب هش السلعوة:) بصي يا جميل واضح انك اخدتي الحج رحلة جسدية و نفسية منهكة جدا...و ده واضح من التوتر النفساوي اللي كنتي فيه علشان قلقانة علي ماما الحمدلله رب العالمين ربنا كتبلي الحج و اسرتي كانت خايفة عليا جدا لاني مناعتي ضعيفة و تعبي قريب...و تقريبا بابا و ماما تعبولي مقدما...بس الحمد لله ر بالعالمين ربنا كمله بعفوه و رحمته مش هتصدقي اني مشيت من عرفة للمزدلفة لمني....ايون الحمد لله اخدناها مشي مع ان كان فيه اصابة في الضهر من اثر حادث و مش هتصدقي برضه ان احنا بتناها في الشارع و لغاية دلوقتي لما اخويا و مراته بيحكولي انهم كانوا بايتين في خيم مكيفة بتنرفز عليهم اوي مش علشان انا كنت غاوية بهدلة علشان اللي فهمته عن الحج انه حالة زهد من كل الدنيا دي حالة تجرد من همك و قلقك و حيرتك و تفاصيل الصخب اللي مالين بيها حياتنا الحاج لما بيخفف ملابسه (الراجل طبعا) ده رمزية انك بتتجردي من كل قيد عمال يشدك للارض و عشان كده حبيناها تكون حاالة "هجرة" حقيقية و الحمد لله ربنا كتبها لينا او ليلة بقي رجعنا البيت في السعودية...(في جدة) انا فاكرة كويس دخلت اوضتي و اول مرة احس اني مستغرباها اينعم هي مبهدلة و مكركبة بشكل غير عادي...(ماتاخديش في بالك بقي) بس حسيت اني لا انتمي ليها و لا انتمي للبيت دوت و ان الدنيا اللي الواحد كان عمال يجري فيها يعني متستاهلشي كل ده يمكن الليلة دي فكرت في الموت و فكرت في القبر و يا تري حتي بعد الحج هكون مستعدة و لا لا بس تاني يوم كان عندي مدرسة الحقيقة فنمت و لما صحيت لقيت حقيقي انا كنت بفكر في الموت بس مش الموت اللي احنا عارفينه ده موت الخوف جواكي ده موت القلق جوه منك اللي بيصاحبنا منين ما نكون ده موت انك تتعلقي بحد او بحاجة و متتعلقيش برب العالمين حسيت ساعتها معني انك تتولدي من جديد تتولدي بس المرة دي حبلك هيكون متعلق بربنا مش ببني آدم روحت المدرسة و كأني بشوف اصحابي لاول مرة و كأني بشوف الديسك لاول مرة كلهم جم يباركولي و كدهوت بس انا حسيت اني عليا مسئولية اكبر انا عايزة اكون الكائن اللي ربنا يفاخر بيه بين ملايكته انا عايزة اكون العبد الرباني اللي هو متشعلق بربنا في كل خطوة بيعملها كنت ساعتها في تانية ثانوي و ابتديت اقول لاصحابي علي الفكرة دي و من ساعتها حاجات كتير اتغيرت جوه مني حقيقي في لحظة اتمنيت اموت...علشان يعني يبقي الواحد حج و مات بس طالما ربنا كتب لي الحياة يبقي ربنا لسه شايف فيا اني اكون خليفته في الارض و لازم بكرمه اعمرها علي مراده نصيحتي ليكي استريحي جسديا علي اد ما تقدري و داومي علي الصلاة بنفس الروح اللي كانت في الحج صلي في مكان مغلق علشان تركيزك ميتشتتشي و ابتدي حطي خطة بقي يا تري هتكوني عبد رباني ازاي؟؟؟ من خلال بنتك و بيتك و زوجك و اهلك و كل دايرة انتي بتقربي منها صدقيني يا ريمو عينيكي هتقري كل المعطيات بشكل تاني خالص بس افتكري دايما ان حبلك هيكون متعلق بربنا و ان الحج مش بيخلص برمي الجمرات...انتي في رحلة هجرة لغاية ما نوصل للبر التاني باذن الله حمدلله ع السلامة و ربنا يكتبهالنا تاني و يتقبلها مننا اولاني صباحك.......قرب من كل طاعة تيحي قلبك و روحك

الاخت الفاضله اعتقد اسلوب تلقيح الكلام اسلوب لاسف .......... وبيكون ضعيف الشخصه الا بيلقح الكلام لانه معندوش الشجاعه انه يوجهك مباشر انما في بعض الانتقادات بمس مش تكون تلقيح ممكن انتقد شخص في الانسان نفسه بس في المصلحه العامه مش امام احد يقول اعرف شخص بيعمل ويعمل ويكون الغرض النصحيه بس اهم شي تكون النصحيه بينهم الاثنين انما لو امام الموجدين بتكون للاسف تشفي في الشخص يقول رسول الله صلى الله عليه و سلم : "المؤمن مرآة أخيه" والمرآة لا تكشف العيوب لغير حاملها فلا تكشف الأدران لغير حاملها كذا المسلم لا يفضح أخاه ، بل يناصحه في السر ومما ينسب للإمام الشافعي قوله: تعمدني بنصحك في انفرادٍ --------- وجنبني النصيحة في الجماعـــة فإن النصح بين الناس نوع--------- من التوبيخ لا أرضى استماعه

دا اللي حصل في الحج في تفاصيل كتير كبرت دماغي منها المهم بس اللي عاوزة اوصله اننا اتبهدلنا بسبب الحملة فوق مشقة الحج اللي انا عارفه انها لازم تحصل و متقبلاها و فرحانة بيها لحسن استاذ طه بدر الله يكرمه يا رب افتكرني عايشة في افلام الابيض و اسود و فاكرة ان الملايكة هناك ماشية تاخد الناس بالحضن و اني هالاقي الست ليلى مراد واقة على عرفات تغنيلنا على فكرة انا ما بحبش ليلى مراد نوهائي ههههههههههههههههههههه و ادى اللي حصل الله يبارك في حضراتكم جميعا يا رب و عقبال كل اللي ما حجش يحج و اللي حج يحج تاني اما بالنسبة للاخوة و الاخوات الكرام اللي طلبوا مني احكي الرحلة من بدايتها لاخرها احب اقولكم بلااااااش عشان الاخوة اللي بينا بلااااااش بس عشان ما تزعلوش هاحكي بس افتكروا اني قولتلكم بلاااااش طبعا اهم ما في الموضوع اني الحمدلله اديت الفريضة اللي عليا و دي في حد ذاتها نعمة كبيرة جدا من الله هافضل اشكره عليها طول عمري الحمدلله على نعمه و كرمه معايا المشكلة كلها تتلخص في اننا اضطرينا نحجز في حملة بدون تصريح لان ماما كانت معايا و طبعا مش اي حملات بتقبل الزيارات و لاسباب تجديد الزيارة اتأخرنا في الحجز المهم حجزنا في حملة اسمها قافلة الصحابة لا انصح اطلاقا اي حد انه يحجز تبعها نهائيا ادينا قولت اهو عشان ابرئ ذمتي من الله كان المفروض هانروح يوم 7 هجري الصبح الساعة 9 مشينا من الرياض بعد صلاة المغرب كل دا تقصير من الحملة قالولنا الباصات اللي كانوا متفقين معاها خلعوا منهم و اتفقوا مع شركة تانية الشركة التانية بقى الله لا يوريكم ابدا يا رب شركة باصات سورية كان سواقينها في طريقهم للسعودية من سوريا و بالتالي التأخير دا كله انتظار وصول السواقيين السوريين اللي كان بقالهم يومين ما ناموش يا ريت تاخدوا بالكم من النقطة دي الحمدلله وصلت الباصات و طلعنا بعد صلاة المغرب طبعا كان في وصلة عياط متواصل مني و من ماما بسبب اللي مريم عملته و احنا ماشيين مش قادرة اوصفلكم قلبي كان هايتخلع مني اول مرة امشي و اسيبها عمرها ما نامت بعيد عني من يوم ما اتولدت وصلنا اول استراحة اسمها المزاحمية اظن و الباصات ركنت و قالت اسفين مش مكملين الشركة اتصلت قالت ما اتدفعتش الفلوس خالينا قاعدين بقى لحد ما الحملة تدفع للشركة ساعتين خناااااااااق بين الناس اللي معانا في الحملة و بين المشرف و السواق و طلبوا الشرطة و كانت ليلة طويلة المهم الراجل بتاع الحملة اللي في الرياض حل الموضوع مع الشركة و الباصات مشيت تاني وصلنا الميقات الصبح الساعه 7 و نص تقريبا على ما الناس احرمت و كده اتحرك الباص لمكة الساعه 10 و نص خلوا بالكم كده احنا بقينا يوم 8 يعني يوم التروية اتحركنا زي ما قولتلكم 10 و نص و كان عندن امل نلحق صلاة الجمعة في الحرم عارفين وصلنا مكة الساعة كام ؟؟؟؟؟؟؟؟؟ و الله ما هاتصدقوا وصلنا مكة الساعه 11 بالليل الطريق من الميقات لمكة مقفوووووووووووووول كنا بنمشي نص متر و نقف عليها تلت ساعه و هكذا لحد ما وصلنا عند التفتيش اللي عند مكة بقى فضلنا واقفين فيه لحد 1 بالليل طبعا ما لحقناش نعمل طواف القدوم و لقينا كتير من الحملات كده نفس النظام كله طلع على منى عشان يصلي الفجر و يطلع على عرفات كان السكن في حدود منى يا دوب روحنا رمينا الشنط و رمينا نفسنا على المراتب لحد بعد الفجر عشان نطلع عرفات وصلن عرفات حضراتكم الساعه 10 مع اننا متحركين م السكن 7 الصبح طبعا الفرق بين الفجر و الساعه 7 تأخر من الناس على ما اتجمعوا و كده المهم وصلنا عرفات الحمدلله من 10 لحد 11 و نص الجماعة بتوع الحملة تايهين مش عارفين المخيم فين اللي هانقعد فيه كان الاتفاق ان المخيم على اسوء تقدير لو مش مكيف هايكون فيه مراوح بس طبعا كانت خدعة كبيرة كنا زينا زي اللي شاريين خيام و قاعدين فيها منهم لنفسهم الحمدلله تم عرفات على خير و عدى اليوم بفضل الله و بدأنا نحس بالحج بقى لان الحج عرفة الناس في الحملة كانوا على اخرهم بجد و الاغلب كا بيمسك نفسه عشان م يخسرش حجه انا و ماما كنا قاعدين سااااااااااكتين تماماااااااااا بجد لو فتحنا بؤنا الحج هايروح فعلا يعني لان المرار كان لحد هنا طافح نزلنا من عرفات على مزدلفة و دي حضراتكم اخرة مرة نشوف فيها الباص لحد يوم 12 لما ركبناه عشان نطوف طواف الوداع نزلنا مزدلفة قعدنا في الشارع كده لا خيمة و لا اي شئ لحد الساعه 7 لما الناس فقدت الامل ان الباص يجي بدانا المشي عشان نروح نرمي الجمرة الكبرى وصلنا الجمرات 9 و نص اظن رمينا و اتوجهنا على السكن وصلنا الساعة 10 الحاجة الوحيدة اللي كانت صادقة في الحملة ا السكن قريب من الجمرات حوالي نص ساعه مشي روحنا بجد مقتولين عن نفسي كنت مخنوقة جداااااااااااا مش عشاني عشان ماما يا حبيبتي عندها خشونة في الركب و المشي بجد كتير جدا عليها بعد العشا كده نزلنا طلعنا الجمرات تاني عشان المبيت في منى الشيخ قال لازم تقضوا فيها 6 ساعات على الاقل في ايام التشريق و فعلا قعدنا لحد الساعه 3 بالليل الجو كان تلج اليوم دا اظن اغلب الحجاج و انا منهم اتلطشنا برد محترم لسا شغال معايا لحد النهاردة بس الحمدلله هاياخد وقته و يعدي كل الحجاج لازم يتظبطوا كده ربنا يتقبل بس و مش مهم اي شئ تاني بجد تاني يوم اللي هو يوم 11 روحنا انا و ماما مع نفسنا كده رمينا الجمرات بقى التلاتة الصغرى و الوسطى و وقفنا دعينا بعدهم و بعدين الكبرى و دي ما فيش دعاء بعدها خلصنا و اتوكلنا على الله روحنا على الحرم عشان طواف الافاضة و السعي الحمدلله في اليوم دا كان الحرم الزحام فيه معقو ل لان الناس اتقسموا اتنين في منهم بعد الرجمة الكبرى اتحللوا و نزلوا على الحرم و اظن يوم العيد شوفتو مكة كانت عاملة ازاي ف التليفزيون و جزء تاني و دول اغلب حملات الداخل اللي كانوا هايعجلوا و يمشوا يوم 12 كانوا هايعملوا طواف الافاضة مع الوداع في نفس الوقت و بالتالي يوم 11 كان الحرم الطواف فيه اهدى شوية رجعنا السكن يومها 4 الفجر مع اننا مخلصين طواف و سعى الساعه 12 بس المواصلات و الطرق زحمة بشكل غير عادي ابدا تاني يوم اللي هو 12 بقى بعد الرمي قالولنا الساعه 4 كده يالا على الباص على اول الشارع طلعنا على اول الشارع فضلنا منتظرين الباص حضراتكم لحد قرب صلاة العشا كده على الحمدلله ما شوفناه قعدنا فين؟؟؟؟ على الرصيف حضراتكم وصلنا الحرم و بدأنا الطواف الساعة 12 و نص بالليل و خلصنا 2 الا ربع كده كان دا اصعب يوم بجد زحااااااااام مش طبيعي و طبعا ما كانش ينفع نطوف من فوق عشان القطر هايوسع و ماما تعبانة و الله كان كل خوفي عليها انا مش مشكلة نهائي استحمل التعب ما فيش حاجه لكن هي كنت خايفة عليها جدا خلصنا الحمدلله طواف كانت مام خلصت مني خالص بجد يا حبيبتي و الحمدلله ناس معرفة في مكة انقذونا و اخدونا من مكة على جدة قعدنا فيها امبارح و الصبح انا ركبت طيارة للرياض و ماما ركبت طيارة لاسكندرية اول ما شوفت جوزي قولتله انا عاوزة احج ان شاء الله السنة الجاية بس مع حملة بتصريح بقى عشان تكون منظمة لاننا اتهلكنا بجد انا عارفه ان الحج مشقة و الحمدلله مبسوطين بيها و بنعمل المناسك و احنا فرحانين و هي فعلا متعبة لكن متقبلين و راضيين انما اللي حصل معانا ان كل مشقة للحج كان فوقها 3 اضعافها من سوء الحملة و تنظيمها بجد و بالتالي كان الحمل اكتر بكتير و كان اللي جي عليا انا و ماما الحمدلله خلي التطهير شامل عشان ترجع الصفحة بيضاء من الاول تاني بصوا رغم كل التعب دا و الله ان ربنا قدرني السنة الجاية هاطلع تاني بس نظامي بقى و تصريح و حملة محترمة اه احسن حاجه عملتها اني سيبت مريم و ما اخدتهاش معايا بجد يا جماعة الاطفال في الحج متعبين جدا لنفسهم و لاهاليهم كنت كل ما اشوف المنظر احمد ربنا الف مرة اني سيبت بنتي صحيح كانت كل يوم توجع قلبي في التليفون بس دا احسنلها كتير كانت هاتتمرمط فعلا من الحاجات اللي حصلت بقى الحملة اللي كنا فيها كلها بلا استثناء ناس مطلعين اهاليهم زيي كده ستات و رجالة كبار ف السن قوم و احنا منتظرين الباص في اليوم الاخير واحد يا حرام مامته تاهت و كانت ست عجوزة جدا و تعبانة يا حبيبتي و لا معاها موبايل و لا ورقة فيها عنوان و لا تليفون و هي ست من الستات يا عيني الفلاحين الغلابة اللي اخرها ابنها يمسكها و يقعدها هنا تقعد يقول يالا تقوم غلبانه جدا جه الباص و طبعا مشينا و سيبنا ابنها و جوزها بيدوروا عليها كلنا كلنا كنا زعلانين جدا و شايلين همها و ابنها كان عقله هايشت منه بجد المهم الحمدلله و احنا بنطوف ابنها اتصل بالمشرف و قاله انه الحمدلله و الشكر لله لقى مامته يااااااااااااه اد ايه كلنا فرحنا جدا بالخبر دا و قعدنا نحمد ربنا كتير حاجه تانية و احنا بنطوف فجأة لقيت ماما بتقول الموبايل وقع مني مش قادرة اقولكم بقى الرعب اللي ركبن قولت بس هاتوه مني زي الست اللي تاهت و بقيت ماسكة فيها لحد ما خلصنا طواف الحمدلله قعدت اتصل اتصل على الموبايل لحد ما الحمدلله حد رد و قالي انه هايسلمه لعسكري واقف عند الصفا و الحمدلله روحت جيبته العسكري ما بقاش مصدق نفسه بيقولي دا لسا واحد تركي جايبه حالا لقاه في ساحة الطواف من الحاجات الجميلة كمان التجمع الجميل للمسلمين من كل الدنيا و الجنسيات كان معانا في الحملة سوريين و توانسة و يمنين و اندونسين احساس رااااااااائع ان الواحد قاعد مع اخواته المسلمين من كل دول العالم و كلنا بنعمل نفس الحاجه سوا ربنا يوحد المسلمين يا رب و يردهم لدينهم ردا جميلا و يعزهم و يعز الاسلام انا رغاية اوي و مش هابطل لو فضلت اتكلم لو عاوزين تسألوني في حاجه اسألوا براحتكم الميكرفون معاكم بقى

الاستاذ الفاضل ابو محمد دعني اعرض رأيي المتواضع في هذا الموضوع الي ان يجيب من هو افقه مني، بالنسبة لايه ( ما ننسخ من آية أو ننسها نأت بخير منها أو مثلها ألم تعلم أن الله على كل شيء قدير ) فهناك فرق بين لفظ ننسخ الذي يتطلب ناسخ ومنسوخ ، وبين لفظ ننسي الذي لا يتطلب ايه اخري غير التي انسيت وانظر الي تفسير ابن عباس للفرق بين الاثنين http://www.islamweb.net/newlibrary/display_book.php?flag=1&bk_no=51&ID=49#docu فكما تري انه عرف الانساء بالترك من غير اقامة شئ مقامه ،وهذا هو الذي حدث في ايه الرجم ، لان الانساء هنا للفظها ،اما حكمها فباقي فليس هناك معني لنسخها بايه اخري لان الحكم الاول لم ينسخ، ولذلك فهاتان الايتان اللتان ذكرتهما ينطبق امرهما اكثر مع الانساء وليس النسخ ، ولو قلت لي ولكن الله قال انه في الحالتين (النسخ والانساء ) يأتي بخير من الايه او مثلها ، فأقول انه لم يقل نأتي" بأيه" خير منها ، فيجوز تفسيرها في حالة الانساء بأنه يأتي بأمر خير من هذه الايه ، وهو الانساء نفسه الذي قد يكون لحكمة ، وليس بالضرورة الاتيان بايه خير منها كما في حالة النسخ ، والله اعلم حاضر يا أم سلمى سأرد على حضرتك مع أنى كنت قد آليت على نفسى ألا أشارك فى هذا الموضوع ، لولا أمران : 1) هو أنك وجهت إلىَّ الخطاب ومن الأدب أن أرد على من يخاطبنى 2) دخلت لأعاتب الفاضل "حنظلة" على الرابط الذى وضعه فى مداخلته .. فأول ما يطالعنا فى المقال هو اتهام من يخالفون الكاتب بإنكار السنة .. وكأن الفاضل "حنظلة" قد تحرج من هذا المنهج التكفيرى فأوكل الاتهام إلى غيره .. ثم قول الفاضل "حنظلة" أنه يورد المقال بدلا من الخوض فى الأمر "بعقولنا" .. والله يا أستاذ حنظلة لا أعرف شيئا أخوض به فى أمور دينى سوى "العقل" .. فأنا أحترم ذلك الشئ الذى كرَّمه الله فى كتابه العزيز ، وأهدر كرامته مشايخ من عينة من قال إن أمثالنا "عقولهم" لا تتجاوز مستوى أقدامهم .. ثم إنى قرأت المقال فلم أجد جديدا .. هى نفس الأقوال ، وثنى وفرد النصوص وليّها وتأويلها لإثبات إدعاء غير صحيح ادعاه الكاتب تحت عنوان "التفصيل" وبترقيم "أولا" يقول فيه إن الرجم ثابت بالقرآن .. وأطلب من الفاضل "حنظلة" أن يأتينى من النص استشهادا للكاتب بآية واحدة "ثابت" فيها الرجم ....................................................................... والآن ردا على مداخلتك الكريمة بخصوص النسخ والإنساء الواردان فى الآية الكريمة : "ما ننسخ من آية أو ننسها نأت بخير منها أو مثلها ......." فمع كل احترامى وتقديرى للتفسير إلا أنه هناك آية بالفعل - غير آية "الشيخ والشيخة" - مذكورة فى القرآن الكريم وهى الآية الثانية من سورة النور .. وقبل أن أقتبس الآية الثانية ، أود أن ألفت أنظار قوم "يعقلون" إلى الآية الأولى من نفس السورة .. السورة الوحيدة من سور القرآن الكريم التى تـُسْتـَهل بآية "تؤكد" إنها سورة "مفروضة" (مع أن كل سور القرآن مفروضة) وأن آياتها "بينات" أى لا تحتاج إلى بيان آخر .. وتنتهى الآية الأولى بقوله تعالى : "لَعَلَّكُمْ تَذَكَّرُونَ" .. وكلمة "تذكرون" تفيد كلا من "التذكر وعدم النسيان" كما تفيد "التفكير" .. يطلب الله منا أن "نتذكر" آيات تلك السورة .. وكأنها جاءت بهذه الألفاظ المؤكدة قطعية الدلالة لعلمه سبحانه وتعالى بالمزاعم التى ستنتشر بعد ذلك ومنها الزعم بأن كتابه "العزيز" الذى "تعهد بحفظه" فيه أيتان أكلهما داجن وضاعتا من كتابه المحفوظ بمشيئته وقدرته سبحانه وتعالى .. كتابنا المقدس يا سادة ليس أرشيفا لحفظ ما تنسخه كتب البشر ثم ، ومباشرة بعد الآية الأولى - خطيرة الدلالة - تأتى الآية الثانية بحد الزنا .. الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ ۖ وَلَا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ نحن هنا يا سيدتى أمام آيتين .. إحداهما قطعيةالدلالة والثبوت فى كتاب الله .. والأخرى غريبة فى دلالتها (لاحظى غرابة لفظ "الشيخة" بالنسبة للمرأة) وغير قطعية الثبوت لأنها فى حديث آحاد وإن صح .. ويقال لنا إن الله ورسوله أرادا عدم إثبات هذه الآية "لفظا" فى الكتاب ، مع بقاء حكمها .. أتدرين ما معنى هذا ؟ .. معناه أن من أثبت هذه الآية (ليقرأها المسلمون على مر العصور ولنقرأها - نحن المسلمين - بعد ألف وأربعمائة سنة) .. أقول إن من أثبت هذه الآية فى كتب البشر ، ومن يصدق أنها من كلام الله هو عاص لأمر الله ورسوله ونعوذ بالله أن نكون كذلك إختارى يا سيدتى بين الآيتين التى يقول المتقولون على الله ورسوله أنهما منسوختان .. 1)إحداهما (فى كتاب الله) منسوخة "حكما" ، وثابتة "لفظا" فى الكتاب الكريم 2) والثانية منسوخة "لفظا" أو "رسما" ، وثابتة حكما فى كتب البشر أما أنا فأقول إن الآية الثانية من السورة "المفروضة" فى كتاب الله العزيز ، سورة النور ، هى آية قطعية الثبوت وقطعية الدلالة ولاينسخها أى شئ ثابت "لفظا" ، أو "رسما" فى كتب من تأليف البشر وأتساءل لماذا حد الرجم هذا دونا عن كل الحدود الواضحة وضوح الشمس والمذكورة فى القرآن الكريم (وبعضها أقل شأنا من إزهاق الروح بالرجم) يفرضه الله بكل هذا الغموض (حاشاه سبحانه وتعالى) ؟ كلمة أخيرة إلى من تسبق أصابعهم إلى الكيبورد عقولهم .. أرجوكم فكروا وفرِّقوا بين منكر السنة ومنكر بعض "روايات" البشر المسيئة إلى السنة .. فأنا أربأ بكم أن تكونوا كمن قال فيهم سبحانه وتعالى فى كتابنا المجيد : وَإِذَا قِيلَ لَهُمْ تَعَالَوْا إِلَىٰ مَا أَنْزَلَ اللَّهُ وَإِلَى الرَّسُولِ قَالُوا حَسْبُنَا مَا وَجَدْنَا عَلَيْهِ آبَاءَنَا ۚ أَوَلَوْ كَانَ آبَاؤُهُمْ لَا يَعْلَمُونَ شَيْئًا وَلَا يَهْتَدُونَ بل أحسبكم ممن قال فيهم : يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ ۖ لَا يَضُرُّكُمْ مَنْ ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنْتُمْ تَعْمَلُونَ (المائدة : 104&105)

نشاهد الن بعض من فصول مسريحة خناقة على مافيش معلهش انا شايفها كدة ناس تؤيد تيار بشدة وأخرى تهاجم بضراوة ههههههههههههههههههههههههههه المشكلة او مشكلتنا العمل .. نحن نعيش فى دولة سقط فيها قدر العمل والمقصود بالعمل ليس المهنة فقط بل العمل بالتفكير .. نحن نشاهد فصل ربما يكون هو منتصف المشهد المسرحى بدأ فى يناير واعتقد انى سينتهى فى القريب مشكلتنا لو صدقنا مع انفسنا هنا كمثقفين او مدعين لها هو تصلب الرآي اين عمل السادة اصحاب الفكر المضاد للفكر الاخر اسلاميين اين وجه الاستفادة فى الشارع من فكرهم المستوى ضعيف او لا يرقى الى اعطاءة متوسط بل هو زيغ الا من رحم ربى العلمانيين مستوى تعاليهم وصلت لحد وصف الشارع بالغباء وصنوف اخرى من التطاول لا اريد ان اضعها هنا كمصطلحات من المعيب وصف رجل الشارع البسيط بها رغم ان الشارع سيكون هو الحاسم للنتائج اين اذآ من 9شهور صدعو دمغنا انهم يفقدون الفرصة للتواصل مع الناس ؟؟ اي ناس !! ام هم نوعية من الناس يريدون ان يتحكمو فى غسل عقولهم التيار اليبرالى .. مشوة وبة ثقوب وقد تحكم بة نظام فاسد واستقطبة بل وجعلة مدية وسلاح لقتل التيار الدينى ومحاربتة بمساعدة التيار العلمانى ... اين ما قدمة لنا التيار اليبرالى واقصد هنا الشارع والتوعية والارشادات وتعاليم كيفية القضاء على الجهل والفقر والفساد النتيجة صفر اذآ الجميع فشل او بالاحرى نشاهد معارك كلامية فقط فى صحف او شاشات كل همها اظهار الاخر بانة لا يصلح عن نفسى انا واتكلم واخرج نفسى من بينكم لانى اتعامل مع البسطاء من الشعب اركب مواصلات من تاكسى وخلافة صحيح لمدة او محطةاو اتنين لكنى امشى بين الناس واقعد معاهم ما تتحدثون عنة هنا بعيد جدآ عن ما يدور بتفكيرهم الناس يا مثقفين كفرو بكل مثقف وكل رجل اعمال وكل من يقول انا ويتعالى الناس تريد من ينزل اليها ويكلمها بلغتة وليس من يعطيها دواء فاسد تارة باسم الدين واخرى باسم العلمانية او اليبرالية الناس محتاجة عمل يعنى بذل مجهود والتعرف عليهم ليس فقط من اجل مصلحة فالناس كفرت بالمصالح من يفكر ان المجتمع المصري لازال تتحكم فية علبة سمن او رغيف او كيلو لحمة يبقى غلطان اصحو بقى وفوقو الشعب المصرى هو من انجح مظاهرات شباب كانت محدد لها وقفات ومن ثم رجوع فنزل وترك وراءة اولاد ورضع ومصالح نزل وهدم وهزم الخوف فلماذا تحاولون زرع الخوف مرة اخرى بالمصريين انتهى الدرس ايها المثقفين ويامن تملكون ظنآ مفاتيح الحرية الزائفة او الدين الخالص الحرية ياسادة تبدآ من الشبع وعدم العوز وبعدها ستعرفون طعمها لانها بلا طعم للجوعان او الغير متعلم لا يمكن ان يستثيغ طعمها ولا يمكن ان يتعامل معها فى ظل حرمان من حقوق مكتسبة الحرية انتزعها الشعب فلا تجعلو من انفسكم اوصياء علية تارة باسم الدين واخرى باسم العلما نية وهروبآ منها الى الليبرالية الشعب المصرى كفر بكم فكفى وتعلمو من الامس عندما كان يتحكم فى هذا الشعب فاسد وكانت تدور فى فلكة كل التيارات ظنآ منها انها تكسب وعندما سقط الفساد تغيرت الجلود والالوان الشعب سيختار ما يريدة لانة تعلم فتأدبو معة حتى يتأدب معكم ولا تنصحوة بل انصحو انفسكم .. نحن امام مشهد قادم سيظهر حقائق كبرى كالقنابل فى وجوة من ظن يومآ انة يملك الحقيقة ان رجل الشارع البسيط يشاهد فصول المسرحية وهو يبتسم رغم ان المشاهد درامية وتراجيدي من اجل مصالح للبعض على حسابة ظنآ منهم انها لخدمتة ويقول فى نفسة من انتم اف لكم

شغل عالى جدا على موقع اللجنة العليا للانتخابات ... بروفيشونال بحق وحقيقى فى اول موقع مصرى تحديث كل ساعة لاعداد المصريين بالخارج اللى سجلوا بياناتهم بخريطة تقدر منها تعرف عدد اللى سجلوا فى دولتك وكل دولة فى العالم حاجة تفرح بجد السعووووووووووووووووووووووودية المركز الاول 58268 تم نقل مقرهم الانتخابى للخارج عايز اضحكم شوية لانى مبسوط دلوقتى : كان فى واحد رخم على الفيس بوك بيقول اعلى نسبة تصويت من امريكا واوروبا لانهم ناس متحضرين وعندهم ثقافة واللى فى السعودية متوسطى الثقافة والتعليم ... طبعا مسكته قطعته .. المهم انه قاعد فى ايسلندا ... دخلت اشوف عدد اللى سجلوا فى ايسلندا عارفين لقيتهم كام .... واحد نفر ... هههههههههههههههههههه ..... امريكا كلها على بعضها 7540 واحد بعتله رسالة قولتله شلونك يا سام ابقى تعالى صوت عندنا .. طبعا يستاهل على الكلام اللى قاله على جاليتنا اللى اثبتت انها القوة الضاربة على الفيسبوك . ادخل شوف الموقع وانشر بين اصحابك http://www.elections2011.eg/index.php/2011-11-09-20-01-43/2011-11-13-20-55-34 خبر حلو تانى : جارى التنسيق مع صندوق رعاية المصريين بالرياض لتحديد وطلب استرحات او مقرات لاجراء الانتخابات بترتيب مع السفارة بمجرد الاعلان الرسمى عن الاجراءات

أهلا أعزائي النهاردة جاية اتناقش مع حضراتكم في سلوك تلقيح الكلام يعني حد ميبقاش قادر يقول لك في وشك كده يا فلان انت كذا و كذا يقوم يلقح عليك بالكلام و يقول اصل في واحد صاحبنا كذا وكذا تختلف طبعا الدوافع التي تجعل الناس ينزعون لهذا السلوك فقد يكون الهدف نبيلا و هو لفت النظر بلا احراج للطرف الذي تود لفت نظره و قد يكون هدفا وضيعا نكاية في شخص أو محاولة للتشفي منه و في الوقت نفسه لا تستطيع معاتبته و إلا رد عليك ببساطة انه لا يقصدك أنت بل و قد يطالبك باعتذار عن اتهاماتك !!! :blink: ما رأي حضراتكم في هذا السلوك؟؟ منتظراكم ♥

لا أوافق علي أسلوب الشيخ حازم شومان ليست هذه الطريقه لتبيان الحلال والحرام

إسلوب بلطجة وعودة إلى شريعة الغاب لان لو حد شايف سلوك الاخ شومان غلط زي ما عمل على منبر المسجد في رمي الشرفاء بالباطل والخوض في اعراضهم وشرفهم .. ببساطة هايقوم يجيبة من شعره وينزل فيه ضرب وتستمر الغوغائية

أيوة بس دعوة علياء تتسق تماما مع مبادئ حقوق الإنسان تتسق تماما مع خط الحريات ، إن لم تكن الحرية مسؤولة ومقيدة تتسق تماما مع الليبرالية كما نظر لها أهلها البنت ليست عاهرة تريد الشهرة كما يقولون ، إنما لديها أفكار تعتقدها وتناضل عنها وتكره المتلونين الذين ينادون بالحرية في جانب وينكرونها في جانب آخر بس سيبك أنت ، أحلى تويت عجبني : "من الجماعة الإسلامية والسلفيين إلى المقشفة علياء ، نشكركم على حسن تعاونكم معنا" :lol: تحياتي... ازاي عايز تحسب واحدة ملحدة على مسلمين ومسيحيين مصريين لمجرد انهم ليسوا اخوان او سلفيين هل نعتبر ان نظرة التيار الديني لغيره او( الليبراليين كما تحبون تقسيمهم) كنظرته للملحدين!!! اتمنى ان تراجع هذا الفكر حتى لا تأثم به خلط الاوراق لكسب دعاية للتيار الديني لا تنطلى هنا

السلام عليكم. تعودنا من السادة المشرفين على الشفافية و الوضوح مع أعضاء المنتدى . و هذا دفعنى لطرح بعض الإستفسارات من باب العلم بالشيئ . وأرجو أن يتسع صدرهم للإجابة عليها . أولا : لاحظنا أن خاصية التقييم تحجب عن بعض الأعضاء لإساءة الإستخدام و هذا حق أصيل للإدارة. و لكن ما مدة حجب هذه الخاصية عن العضو المعاقب ؟ ومتى تعود إليه ؟ فقد راسلت أحد المشرفين الأفاضل لأسأله هل هذه العقوبة أبدية فنفى ذلك و لكن لم يحدد لى مدتها. فقد لاحظت أن بعض الزملاء قد حرموا من هذه الخاصية مثل الأستاذ محمود مصطفى و الأستاذ محمد الغنام وذلك منذ شهور ولم ترفع عنهم حتى الآن . فأرجو التوضيح من باب العلم بالشيئ. ثانيا : كانت الأخت الفاضلة أم سلمى قد فتحت موضوعاتضع فيه اقتراحات بخصوص عقوبة الإيقاف النهائى لمن حصل على خمسة إنذارات . وقد شارك في هذا الموضوع عدد كبير من الأعضاء وقد وعد المشرفون بدراسة الأمر. فهل لنا أن نعرف ما توصلتم إليه في هذا الشأن ؟ نرجو الإفادة أيضا من باب العلم بالشيئ . و أخيرا أتوجه بالشكر إلى إدارة المنتدى على الجهد الواضح في الحفاظ على الصورة الجميلة لمنتدى محاورات المصريين.

تحليل أكثر من رائع يا أم سلمى .. جزاك الله خيرا . وجعل ما كتبتيه في ميزان حسناتك يوم القيامة .

الاخت Cutey الهجرة خيار لمن ليس راضيا ولا راغبا في الوضعية التي يعيشها في بلده الاصلي فأرض الله واسعة وتحركوا ترزقوا والانسان يعيش مرة واحدة والحياة التعسة خيار سيء جدا، فما عليك الا مراجعة نفسك ومعرفة استعدادك للهجرة وتقديم الاوراق المطلوبة لذلك الي هجرة كيبيك او الفدرال او استراليا حسب الشروط المطلوبة وبعد ذلك انتظري وتركي الامر لله. وفي حالة اختيار الهجرة انصحك بكندا فهي بلد جميل غاية الجمال وفيه الانسان حر بمعني الكلمة في حدود عدم الاضرار بحرية الغير. بالتوفيق ان شاء الله

الاستاذ الفاضل ابو محمد ، بداية اعتذر ان كانت مداخلتي السابقة كانت سبب في اضطرارك للرد علي عكس رغبتك ولذلك فأنا اعفيك من الرد علي هذه المداخلة ان لم ترغب، لكن في الحقيقة مشاركتك السابقة كانت فعلا قيمة وتدعو للتفكير ،و بمعني اخر الجزء الخاص بالرد علي مداخلتي فقط فيه ما لا يقل عن 5 افكار مختلفة او ممكن نسميها 5 معضلات ، ممكن اسردهم مع تغيير الترتيب 1-غرابة حديث "ايتان اكلهما داجن" 2- غرابة لفظ "الشيخ والشيخ اذا زنيا ...."واثباتها برغم ارادة الله عدم اثبات لفظها 3-فضل ايات سورة النور وانها بينات ( لا تحتاج لبيان اخر )ويجب التفكر فيها ، 4- اي الايتين نسخت الاخري ايه الرجم ام ايه سورة النور؟ 5-لماذا الغموض في حد الرجم او بمعني اخر لماذا يحذف لفظ الرجم من القران ؟ طبعا اذا نظرنا الي هذه المعضلات جميعها وحاولنا ايجاد حل لها فالحل الاسهل هو عدم الاخذ بحد الرجم اساسا وبالتالي جميع الاحاديث المتصلة بهذا الشأن ، و لكن هناك حل اخر اصعب ولكنه اصح ، و هو ايجاد حل لهذه المعضلات ايضا وفي نفس الوقت نأخذ بأكبر قدر ممكن من السنة ,وخاصة الصحيحة ، وللعلم في الرياضة هناك مسائل اسمها optimization problems معناها ان تحاول الوصول لحل لمجموعة معادلات لمتغيرات وفي نفس الوقت ان تختار المتغيرات بحيث تحقق اعلي قيمة ممكنة ، فبنفس الكيفية نريد حل لهذه المسائل الخمسة لا يتنافي مع القران و في نفس الوقت يتماشي مع اكبر قدر من السنة . 1-فلنبدأ بحديث الاياتان اللتان اكلهما داجن ، تفضل الزميل الفاضل الدكتور ياسر ببيان انه حديث موضوع ، اذن لك كل الحق الا تأخذ به (خلصنا من اول معضلة :)) 2- ايه "الشيخ والشيخا.. " هل مؤكد ان هذه الاية هي ايه الرجم المقصودة في حديث عمربن الخطاب ، سأخذ هنا من كلام العلماء هذا كلام الشيخ صالح بن العثيمين بخصوص الاية وقد فصل الشيخ حمد بن إبراهيم العثمان اسناد حديث عمر بن الخطاب في الرجم و فهمت منه ان الجزء الخاص بهذه الايه لم يثبت في الحديث لا في صحيح البخاري ولا مسلم http://www.burhanukum.com/article1546.html واذا كانت هذه الاية غير مؤكد انها ايه الرجم كما تري فهذا يتفق مع ارادة الله نسيان و زوال اللفظ الحقيقي لأية الرجم ، فلا تعارض اذن حتي الان بين السنة الصحيحة (بخاري ومسلم علي الاقل) وبين ما قلته 3-النقطة الثالثة الخاصة بسورة النور ، لا شك ان السورة مفروضة وان كان لفظ ايات بينات في معظم التفاسير يعني ايات "واضحات" ، فهذا لا ينفي وجود ايات اخري مثلا لتوضيحها او تخصيصها بمعني مثلا قوله تعالى في سورة النور "وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ" جاء بعده تخصيص او استثناء للتائبين بقبول الشهادة "إِلاَّ الَّذِينَ تَابُوا مِن بَعْدِ ذَلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ " فهؤلاء تقبل شهادتهم بعكس حكم الاية الاولي، فالاولي الحكم العام والثانية حكم خاص ، وايضا قوله في سورة النور" يَا أَيُّهَا الَّذِينَ آمَنُوا لا تَدْخُلُوا بُيُوتًا غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَّكُمْ لَعَلَّكُمْ تَذَكَّرُونَ " ثم استسني الله حالة بقوله "لَّيْسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ وَاللَّهُ يَعْلَمُ مَا تُبْدُونَ وَمَا تَكْتُمُونَ" فبالتالي ليس هناك مانع ان يكون اية النور الخاصة بالجلد ايضا اية عامة ، واية الرجم كانت تخصيص لفئة معينة و استثناء لهم وهم المحصنين ، وان قلت لي ان اية التخصيص يجب ان تكون هي الاخري في سورة النور كما في المثالين المذكورين ، فأقول لك وما يدريك ان اية الرجم لم تنزل فعلا في سورة النور ؟ ومع ذلك فهناك رأي اخر ممكن الاخذ به (وليس الاشهر ) وهو ان ايه الرجم لم تستثني حكم الجلد للمحصن ، ولكنها زادت للمحصن الرجم ، بمعني ان الزانية المحصنة تجلد اولا ، ثم بعد ذلك ترجم فبهذا تكون اية الجلد لا هي نسخت ولا حتي حدث لها استثناء باية الرجم ،ويؤيد ذلك حديث مسلم هذا خُذُوا عَنِّي خُذُوا عَنِّي فَقَدْ جَعَلَ اللَّه لَهُنَّ سَبِيلًا , الْبِكْر بِالْبِكْرِ جَلْد مِائَة وَنَفْي سَنَة وَالثَّيِّب بِالثَّيِّبِ جَلْد مِائَة وَالرَّجْم 4-اما المسألة الرابعة اي الايتين نسخت الاخري ، فقد وضحته في الجزء السابق ان ايه الرجم لم تنسخ ايه النور ولكن اما زادت عليه او استثنت حكم المحصن ويمكنك الاقتناع بما شئت فكلاهما من السنة والامر الاخر الذي يدل علي عدم نسخ ايهما للاخري ان الحديث السابق لمسلم يظهر منه ان الحكمين قد نزلا في نفس الوقت (او وقت متقارب)لأن الرسول يخبر بالحكمين معا وقد نسخا الحكم السابق للزانية بالحبس في البيت ، 5-يتبقي فقط اخر مسألة وهي الغموض في اية الرجم او بمعني اخر لماذا حذف لفظها ، طبعا هذه اصعب مسألة لأن علم الحكمة من هذا الامر عند الله ، ككثير من الامور مثل الحكمة من الحروف في اول بعض السور مثل" الم " في سورة البقرة ، وموضوع النسخ عامة اعطي العلماء له عدة اسباب منها التخفيف او التشديد او الابتلاء( مثل تغيير القبلة ) وطبعا قد يكون غير ذلك ، وانا مثلا اعتقد ان حذف اللفظ للتخفيف وقد وضحته في مداخلة سابقة ولكن العلم القطعي لله يتبقي هنا ان نسأل اي الامرين اقرب للتصديق ان الله حذف لفظ اية الرجم من القران والانساء مثبت بالقران ام ان جميع الاحاديث (حتي ما هو في بخاي ومسلم ) عن وجود اية الرجم او عن رجم الرسول صلي الله عليه وسلم واصحابه من بعده قد وردوا بطريق الخطأ وتقبل خالص تحياتي

كل عام ومريم طيبة وعقبال 200 سنة يا رب

حاجة غريبة هو ايه دخله بالاكاديمية ؟ عموما سافترض ان الخبر صحيح من وجهه نظرى مينفعش مش علشان الغناء او الموسيقى امر خلافى لا لان فى الموقف ده فى اساليب انكار باسلوب افضل مثل ملصقات او مطويات قول فيها فكرتك ووتوزع مثلا بره باب الاكاديمية لكن بالاسلوب ده (لو كان حصل فعلا) بيكون اثرة السلبى اكثر من حيث التنفير

ذكرتوني بأول حجة ليا هنا كان معايا ابني سنتين و شوية و بنتي 6 شهور و كنت شايلاها في الكانجارو مشينا من عرفة لمزدلفة و كان مشي ممتع جدا جدا جدا و المبيت هناك برضه عجبني اوي في الاول كنت مكسوفة ازاي حانام قدام الناس دي كلها هههههههههههههههههه بس كنت حاسة بونس رهيييييييييييييب البيات في منى و الله ما حتصدقوا اني في عمري كله ما حسيت بهنا في النوم قد النوم على الأرض في منى ياااااااااااه احساس جميل بشكل راحة و طمأنينة كبيرة يمكن محستش بالتعب بتاع الناس اللي بيجوا من بعيد لأني مقيمة بمكة بس احنا بنحج لوحدنا مش مع حملات و لا خدمات من أي نوع ابني كان مضايقه نور عامود الكهرباء و بقى يقول اطفوا النور عايز أنام هههههههههههه بنتي بقى كانت بيبي و متشالة طول الوقت الطواف كان متعة و طبعا طفنا في الدور التاني عشان الولاد خدنا حوالي 8 ساعات طواف و سعي طبعا ملناش لا طواف قدوم و لا طواف وداع أصعب حاجة كانت رمي الجمرات كانت مرعبة و كانوا حا يدوسوني فعلا ده من 9 سنين قبل جسر الجمرات اقول لكم حاجة تضحك فضلت محافظة على الشبشب طول المناسك و حتى في رمي الجمرات و بعد اما خلصت كل حاجة و فرحانة اني حافظت عليه بعد السعي ملقتوش هههههههههههه و اشتريت شبشب بلاستيك روحت بيه ههههههههههه المهم ان في الحج ده كان عندي ضيوف و كنت بأروح أطبخ لهم و أرجع أبات في منى تاني كنا بنمشي من منى للبيت شارع صدقي أيام ما كنا ساكنين في العزيزية ايييييييييييييه دنيا الحجة التانية كان معايا ولادي الخمسة طبعا يوم عرفة كان بهدلة جامدة جدا للولاد عشان الحمامات طبعا و كان فيه اخوات في الله كده كل واحدة ماسكة لها واحد هههههههههههه بس قررت بعديها لما الولاد يكبروا يبقوا همة يروحوا يحجوا بقى :) ههههههههههههههههههه صباحكم سعيد رزقكم الله جميعا الحج مرات و مرات آمين

سل تعطه اسألي الله من فضله سبحانه ان يطمئن قلبك وجوارحك وألم جسدك فعلا .. الحج مشقه لا شك المرة الاولى فيها استغراب و انكار من الداخل لقلة الراحة وسبل الراحة للحجيج مهما كانت درجة الحملة او تنظيمها تبقى المشقة عنوانا للرحلة لانها ببساطه خروج الانسان من منطقة الامان التي ألفها الى هول تجمع كل هؤلاء ممن لا نعرف لغتهم او حدودهم في مكان واحد وزمن واحد لفعل كل المناسك في وقتها الصحيح مع الخوف الشديد الداخلي ان تفسد الحجة لاي سبب خارج عن الارادة كل ما سبق يشكل ضغطا عصبيا رهيبا واضيف اليه ما اتعبك كأم نفسيا وهو ليس بالهين ابدا وكأبنه ... ولان الوالدة متعها الله بالعافية حجت من قبل فكانت اكثر اطمئنانا لا تقلقي طبيعي جدا ما انت فيه اللهم تقبل من الجميع وألف مبروك

الوثيقة تم تعديلها بالفعل الى صيغة قد ترضى معظم الجميع ولكن لابد ان يتم الاستفتاء عليها لتصبح جزء من الدستور القادم لم تعجبنى كلمة مصر موحدة . . امتى اتوحدت ده من ايام مينا وهى كده . . كلمة مش مريحة والرئيس هو القائد للاعلى للقوات المسلحة . . برضو . . وهو اللى بيعلن الحرب . . اعتقد ان الاوان ان ده يحصل بموافقة مجلس الشعب http://www.youm7.com/News.asp?NewsID=533327&SecID=12

آجلا أو عاجلا ، كل الملكيات إلى زوال اتحدث عن الملكيات التي تحكم أو تتدخل في الحكم ربما لو سارت الأمور في الأردن بنقل كل السلطات لمجلس الوزراء المنبثق عن الأغلبية في مجلس النواب ، فربما تظل الملكية في الأردن كديكور أو شيئ من التراث ، أم لو ظل النظام الملكي الأردني يصر على ان يكون له الحق في التدخل السياسي في شئون الوزارة والمجالس التشريعية ، فنهايته لامحالة قادمة يوما ما.

من ديوان (حبيبتى) حبيبتى.ان يسألوك عنى يوما،فلا تفكرى كثيرا قولى لهم بكل كبرياء "يحبنى..يحبنى كثيرا.." ****** صغيرتى. ان عاتبوك يوما كيف قصصت شعرك الحريرا وكيف حطمت اءناء طيب من بعدما ربتيه شهورا وكان مثل الصيف فى بلادى يوزع الظلال والعبيرا قولى لهم:,,أنا قصصت شعرى لأن من احبه..يحبه قصيرا..,, أأميرتى.اءذا معا رقصنا على الشموع لحننا الأثيرا وحول البيان فى ثوان ***** وجودنا أشعه ونورا وظنك الجميع فى ذراعى فراشه تهم أن تطيرا فواصلى رقصك فى هدوء وأتخذى من أضلعى سريرا وتمتمى بكل كبرياء "يحبنى..يحبنى كثيرا.." حبيبتى.اءن أخبروك أنى لا أملك العبيد والقصورا وليس فى يدى عقد ماس به أحيط جيدك الصغيرا قولى لهم بكل عنفوان ياحبى الأول والأخيرا قولى لهم:كفانى بأنه يحبنى كثيرا... ***** حبيبتى..يا ألف ياحبيبتى حبى لعنيك أنا كبيرا وسوف يبقى دائما كبيرا...

تحية الإسلام / السلام يسكنها روحكِ ... حمد الله على السلامه / حج مبرور وذنب مغفور ربنا وتقبل صالح الاعمال وخالصها لوجهك الكريم ادرك وان حضرتكِ : حججتى الحج السياحى وهذ لأنك رجعتى بدرى جدا من الحج . لى تجربتان فى الحج / وسوف اقصهم بأختصار وخلاصتهم الأولى سننة 1428 وكانت حج سياحى 5 star افخم الفنادق بمكه والمدينه خيمات 4 افراد مكيفه التجمع الأوربى عربات مكيفه ومجهزه للمبيت فى مزدلفه وكذا عرفه وسيلة انتقال بين مسجد نمره وجبل الرحمه المهم بأنى عدت الى الديار واحسست بأنى كنت فى رحله ترفيهيه وكأنى لم احج ؟! المره الثانيه كانت سنة 1430 وفيها صممت وان اقيم جميع المناسك سعيا على قدمى / وبالفعل انتقلت من عرفه الى مزدلفه وبت كما الجميع فى الشارع ثم انتقلت الى منى سعيا على قدماى واقمت بها لثلاثة ايام للرجم ثم الى المسجد الحرام للطواف والسعى وإكمال المناسك / وكل هذا تم سعيا على قدمى غمرتنى السكينه واحسست ان المولى تعالى تقبل منى مناسك تقربى إليه وإلتماسى لمغفرته وعفوه ولرحمته ، بعدها عدت الى الديار وظللت اتردد على اطباء العظام لشهران متتاليان / نتجه للمجود والمشى المضنى والارهاق الجسدى وانا الذى لو اراد دخول الحمام يشعل محرك سيارته بعدها احسست بنفس مشاعرك وكدت ان اعتزل الدنيا خوفا من الوقوع فى خطأ او زلة لسان ولا ارفع بصرى عن قدمى لغضه حتى انى كثيرا ما اصتدمت بأخر او حتى حائط او باب مغلق واشياء من هذا القبيل غير انه كانت تأتينى رؤيا ارى بها الصحابه وحتى انى فى احداها رأيت البيت المعمور استمر الموضوع معى لفتره / لكنه مع مرور الوقت زال شيئا فشيئا ورويدا رويد عدت الى طبيعتى بل الى سالف عهدى وزينت لى نفسى ولا اقول الشيطان الدنيا معتمدا على ان الحج يجب ما قبله وانى سوف اتوب بحجه يغفر بها الله ؟! بالنسبه لتساؤلات حضرتكِ : ارى ان مداخلة الفاضله : مدام سلوى هى ما اطمئن إليه قلبى واقرب ما تكون الى حقيقة مشاعرك وعقبال العوده

اكتر شىء يضايق . ان الواحد يقول الليله الزرقه او السوده وخصوصا النساء مع انهم من اوائل من استخدموا هذه الكلمات . وعلى طول فى بقهم لما حد ينكد عليهم بس لو حد قال الليله الزرقه . على طول يستنفروا من كده وكأنها جريمه لاتغتفر مع ان كلها الوان بتاعه ربنا وربنا مش بيخلق شىء وحش وبالذات فى الالوان لانها ابداع للخالق بالعكس بقى . ايه رآيكم ان احب الالوان الى كتير من الناس هو اللون الازرق ومش بس كده والاسود كمان بيقولوا عليه ملك الالوان فبيقى ازاى تستنفروا من الالوان دى . انا ساعات بحس ان احسن الالوان عند الله الازرق بدليل انه عامل بيه السماء ومختار اللون ده لها . يبقى لون خصصه الله عز وجل للسماء واحنا بنستنفر منه !!!. ده اسمه ايه ده . ومش بس كده كمان ده لون كمان للبحار ال بسببها الحياه قائمه . نجيب من البدرون . اللون الازرق ده من الطف الالوان على الاطلاق ولا يصح التنفير منه متلقا . او التنفير من اى لون عموما لان الالوان ربنا ال خلقها وليها معذة خاصه عند كتير من الناس . وانا عن نفسى بموت فى اللون الازرق يعنى من الدواسه . ليليتكوا زرقه بالصلاة على النبى . حلوة يعنى نخش بقى على النصبايه . اسمع انته وهى وهو وقد بنشر من قنصر . عشان محدش يقع فى الوقعه ال انا وقعت فيها وكتير جدا من ال بيقع مش بينبه حد بيخدها على جنب ويسكت . فى السكتون يعنى نشوف الاستعراضات والكلمات الرنانه والشعارات الفلصوا ال تجيب الضحيه لغايه عندهم لسنا الوحيدون ولاكننا المتميزون حمله القضاء على غلاء الاسعار نقدم لكم احلى الهدايا . فقط اتصل وستجدنا امام بيتك قرب واتفرج على اكبر معرض واكبر كزيون بتعمله شركه الهبل فى الجبل على اعلى المستويات وعملائنا فى كل مكان فقط اتصل وستجدنا حيثما كنت دى المقدمه قبل ما اكمل هقول على موقف . انا جبت بالظبط تلت حلل تيفال وصنيه فقط ما يقرب من 900 جنيه . طبعا تيفال زهران لقيت اعلان فى التلفاز بيعلن عن طقم تيفال اصلى مكون من 12 قطعه وعليه كمان تلت هدايا . طقم سكاكين وبتاعه كده من ال بيخرطوا عليها دى . وطقم معالق خشب من النوع الجيد . وده كله ب 299 جنيه . + مصاريف الشحن 40 جنيه . يعنى كله كده على بعضه ب 339 جنيه . قلت اتصل اجرب . ايه المشكله يعنى . نجرب قوم ايه . لقيت بنت على التليفون هى ال ردت وعرضت كمان مفارش سرير وبطاطين وما الى ذالك اخترت انا الطقم التيفال الاصلى ده قالت خلاص يومين اتنين فقط وهيكون مندوبنا عندك . وبالفعل ده حصل وجه المندوب ومعاه الطقم . كنت مستعجل اديته فلوسه ومشى . بقلب بقى فى الطقم بليل . لقيته عباره عن صاج خفيف جدا ومطلى بالتيفال . يعنى سهل جدا لو وقع على الارض يطبق والغطى الازاز بتاعه استحاله يركب عليه تانى . يعنى من الاخر نصبايه وبالطبع طبعا كل العروضات ال بتعرض على التليفاز ب اسعار وقعه دى . نصبايه ولو فى حد له تجربه شبيهه لده ياريت يقول عليها . لان فى معظم الاسر حاليا بتجهز بناتها من العروض دى لضيق اليد وقد سمسر من كوع

طيب فى اقتراح حلو ممكن اعرضه على الادارة عشان عدم تشتيت الموضوع وعدم ايضا انحرافه عن هدفه ان يتم التعديل فى جمله ال اتفهمت ان ده تجرء على الله مع ان المفترض انها متتفهمشى كده خالص نهائى يعنى عموما نخليها مثلا انا بحس ان احسن الالوان عند الله الازرق اعتقد هو ده المقصود من الجمله ومفيش اعتقاد تانى من اى نوع ممكن حد يقبله لا على الله ولا على البشر ذاته انه يعمله او يكون هذا مقصده اطلاقا لا انا ولا غيرى فلذا اطلب التعديل من اجل عدم اللبس فى الجمله ذاتها او عدم فهمها باى صور ايا ان كانت وشكرا مقدما للادارة

اولا حمد الله على السلامة وواضح ان الحج عمل عمايله يعنى كتبتى المداخلة الاولى وبعدها بدقائق خناقة علشان ما حدش رد بالراحة يا حاجة طبعا انا ها اقولك ما تحرج منه الباقون انت مصدومة وحاسة ان الحج مش مفروض يكون كده كنت متصورها رحلة مع الملائكة لقيتهيها حاجة ثانية خالص اكتشفتى ان الروحانية اللى بتشوفيها فى الافلام مش موجودة وما فيش اغانى ليلى مراد وام كلثوم تبدا عند دخولك الحرام والشكوى من الحملة والزحمة والتعب والحاجات الانسا نية جعانه مشغولة بماما تعبانة صدقينى هذا ما يحدث للغالبية خاصة فى اول مرة الحج مشقة وهو الجهاد للنساء وليس مفروض ان الجهاد يكون مريح كل الحجاج ناموا مثلك فى مزدلفة لانها ببساطة لا يوجد بها مبانى الا الحمامات والمسجد يعنى كله كده المشكلة اختى العزيزة اننا نتصور شىء والواقع لا يمكن تصوره الا لمن كتب الله له الحج انا شخصيا لم اشعر بكوابيس بعد الحج لانى اخذت اسبوع كامل لا اصحو من النوم الا للصلاة ولا كوابيس الدنيا كانت ها تعمل حاجة حج مقبول ان شاء الله وتاكدى من القبول والمغفرة كما امرنا الرسول صلى الله عليه وسلم فهناك حديث بمعنى ان من نزل من عرفات وظن ان لم يفغر له فقد اذنب احمدى الله على كرمه ان كتب لك الحج وادعى بالقبول رغم التقصير وربنا يكتب لك الحج مرات ومرات تحياتى

مشاركه هايله فى صلب الموضوع ْْ عاوزين مشاركات من النوع ده لو سمحتم

احب ادلي بدلوي في موضوع النصب ده العنوان(موقعة الثلاجة) الاحداث....... مره من 4 سنوات تقريبا لقيت اعلان في الجرنال عن ثلاجه مياه بسعر خرافي ولا في الاحلام ,ايامها كنت باشوفها معروضه بمبلغ فوق الالف جنيه ولقيت الاعلان ده نازا ب 550 بس وبيقولوا ان ده عرض الشتاء (علشان كد سعرها رخيض) المهم ماكدبتش خبر ,واتصلت بيهم وطلبت واحده وتاني يوم ,وصلت البضاعه والمندوب وصل الثلاجه وشغلها لنا علشان نجربها المفاجاْه بقى ايه؟ الثلاجهمش بتسقع الميه بتسخنها بس (طبعا احنا عارفين ان ثلاجات الميه بيكون فيها عدد 2 صنبور مياه (حنفيه ) واحده بارده والتانيه سخنه لقينا السخنه شغاله والساقعه كانت بعافيه شويه المندوب رد وقال لنا علشان بس دورة التبريد بتاخد لها ساعتين ومش معقول هاقعد معاكوا ساعتين احنا صدقنا وسيبناه يمشي واستنى في الثلاجه تطلع قماش؟قصدي ميه ساقعه .وهيه حالفه 60 يمين ماتطلع ميه ساقعه طول الليل مانمتش رايحه جايه اصب ميه واشربها واقول لنفسي (الميه سقعت شويه) المهم تاني يوم استوعبت ان الميه مش بتسقع .واتصلنا بالشركه اللي عامله الاعلان .فقالوا لنا هانبعت لكم واحده تانيه وبعد كده قعدوا يمطوحوا فينا عرفنا احنا بقى انها نصبايه بس اسكت؟؟؟ لا طبعا لازمن ولابد اخد حقي قعدت افكر وافكر لحد ماوصلت لحل هايل اتفقت مع والدي انه يتصل بيهم من رقم تاني غير اللي انا اتصلت بيه ويطلب منهم طلبات بفلوس اكتر من ثمن الثلاجه ويديهم نفس العنوان بتاعي بس مع تغيير بسيط يعني بدل بجوار صيدليه كذا ,يبق بجوار مدرسة كذا (والبيت فعلا بجوار المدرسه والصيدليه وقد كان جه المندوب وطلع بالطلبات ,وساعتها كانت عباره عن شنيور وطقم حلل تركي وحاجات تانيه كتير بعد ماوصل المندوب (وكان طبعا مندوب تاني غير اللي جاب الثلاجه)وده كان من حظنا لانه مايعرفش قصة الثلاجه ودخل بحسن نيه وبابا وجوزي كانوا موجودين وقالوا له يا ابن الحلال انت تسيب البضاعه من غير ولا مليم وتروح لعيالك علشان القصه كذا كذا واحنا هاناخد الحاجات دي بدل الثلاجه الخربانه وهاتسيب التلاجه كمان علشان الشركه تتاْدب والمفاجاْه كانت .المندوب باع الشركه واللي فيها واخد حق توصيل الحاجات بس(20 جنيه) وقال لنا انا مبقوق اصلا منهم ورحنا احنا متصلين بالشركه وقلنا لهم (فلوسنا ترجع لنا لحد البيت,او انتوا كده تبقوا خسرانين كمان 750 جنيه تمن الحاجات اللي احنا اخدناها ومش هاندفع تمنها) النتيجه بتاعت موقعة الثلاجه كانت جه مندوب تاني ومعاه الفلوس بتاعتا واخد الثلاجه والبضاعه النص كم بتاعتهم وتوته توته فرغت الحدوته

شوفى ياريمو . اوقات كتير بتكون الكوابيس دى انعكاس للحالة النفسية .(( والله اعلم )) . يعنى فعلا حاتكون حالة مؤقتة ( ان شاء الله ) وحاتزول بعد أيام قليلة . وعندى ليكى سؤال وجوابه يابنتى ... ليه خايفة تتصرفى اى تصرف ويطلع غلط؟؟او خايفة تتكلمى اى كلمة وتأذى بيها حد مثلا . دى مش حقولك تعتبر وسوسة .......لالالالا. دى زى ما قلت لك قبل كدة تعتبر خوف . فيه خوف صحى ....وفيه خوف مرضى . ده لحد دلوقت خوف صحى بس لو زاد اكتر من كدة حايكون مرضى ولهذا حاولى تتحكمى فيه . طاعة الله فى كل شئ حاتخليكى تحسى بالأمان . ولازم تعرفى ان الانسان اللى ماشى ف دنيته صح مش بيؤذى اى مخلوق آخر . وانتى ياريمو مفيش ف حياتك الا كل خير . انتى انسانة ملتزمة وبتحبى اسرتك وحياتك وبتؤدى فروض الله سبحانه وتعالى . حاتخافى ليه؟؟ بالعكس .طقوس الوضوء والصلاة بتديكى ثقة ف النفس وسكينة وهدوء .. استهدى بالله ولما ترتاحى من السفر كل ده حايروح لحاله.. مساء الخيرات ياحاجة وعقبال المرة الجايا نحج بقى كلنا جماعة ان شاء الله .. :clappingrose: :clappingrose:

مش كل عين شايفة يبقى فيها ضي ولا كل قلب عايش يبقى لسه حي

مشيت وأنا مش شايف قدامي ... وحاسس ان أنا فاشل وساقط قواعد ... والدنيا كلها من حواليا اسودت... والمستقبل بقى غامض كده وملامحة مش باينة بوضوح وفجأة صوت العقل ناداني ... قمت لبيت قال لي مش فاكر زمان لما كنت بتكره مواد مدني؟ وكنت هتشيل خرسانة؟ قلت له آه ... وانت ايش عرفك؟ قال لي مش انت لحقت نفسك وذاكرت Steel ونجحت في الاتنين؟ قلت له آه ... وانت ايش عرفك؟ قال لي روح ذاكر يا لمبي ... وماتبيعش ساندويتش الكبده بأكتر من 75 قرش روحت وأنا مقرر أنا من بكرة هكون انسان تاني ... من بكرة هكون "واحد تاني" من بكره هاخد العيال ونروح نتفسح ... بلا وجع قلب تاني يوم كان السبت اخدت الفاموليا وطلعنا على Lakefront Promenade Park وسيبتهم يلعبوا مع البط وقعدت انا مكان الاستاذة دي اذاكر واشوف مستقبلي... واليوم اللي بعده كمان اللي هو الأحد ... أخدتهم وطلعنا على ال Toronto Zoo وده مكان يتكتب فيه مجلدات عشان توصف روعته ... وسيبت عمر يلعب مع اصدقاءة وقعدت أنا اعمل مراجعة ليلة الامتحان ... خلص اليوم ... وروحنا ... كنت حليت امتحانات المحافظات كلها ... شربت اللبن ... ونمت بدري علشان ابقى مركز بكره في الامتحان يتبع

من الأناشيد المؤثرة للغاية http://www.youtube.com/watch?v=640BBFHaFY8&feature=related

اعتقد اننا نسينا سليمان خاطر الذى فتح النار على مجموعة من السياح الاسرائيليين المدنيين ، وكالعادة تبارينا نجد له عذرا، وفى المقابل نعلق المشانق للحكومة لتقاعسها فى الهجوم المضاد لتأديب اسرائيل ومن وراء اسرائيل،! رحم الله شهدائنا واسكنهم فسيح جناته.

انا شايف انك تخليها 6 ابريل بدل 20 ابريل وتبقى مناسبة سعيدة لحركة 6 ابريل ... وطالما الحركة واللى وراها مبيفهموش فى الجداول الزمنية وكله عندهم صابون .. ولما اتحديت ممثلهم هنا وهو سعادتك معرفتش ترد او تجيبلى درافت الجدول اللى انتوا عايزينه ينتهى فى ابريل .. فعادى خلوها6 ابريل .. وبلوى الدراع هايتححق مطلبكم اكيد تصحيح لخطأ املائي يثير التباس في المعني