لوحة القادة

لم أشأ ان اكتب هذا الموضوع في هذا الوقت ولكن يبدو انه لابد من ذلك وساطرح العوامل التي رأيتها من وجهة نظري. يسمعكم الناس ترددون إن "إستغلال الدين" في العملية السياسية والترويج لللانتخابات عملية لا أخلاقية كما أن العملية السياسية كي تكون عادلة فلا بد من ضمانة عدم وجود أحزاب على أساس ديني! فهل هذا ذنب التيارات والاحزاب الاسلامية ألا يدخل الدين في إصلاح التاجر الغشاش ألا يدخل الدين في التحفيز على العمل والانتاج والنظافة واتقان العمل ، ألا يدخل الدين في وضع مباديء القتال ومعاملة الاسير ومعاملة الآمنين في بيوتهم....فكيف أنحيه عن السياسة وكل ما ذكر سابقا متعلق بالسياسة سواء داخليا او خارجيا. مشكلتكم هي الإصرار على تقديم الطرح الذي يخالف عقائد الناس ورغباتهم وهويتهم الإسلامية والعربية ، فالديموقراطية التي أخترتها أنت وطلبت مني ان أستخدها تحتم علي وعليك أن يطرح كل منا فكره على الشعب وليختار الشعب ما يشاء ، دستور اولا انتخابات اولا رئيس اولا......فالشعب وحده هو الذي يحدد فمن فضلك لا تلمني على أني أطرح للشعب ما يريده! هل من الديموقراطية أن ترفض اسلوبي ووسائلي وتشوهها لأنها ليست أساليبك أنت! هل من الديموقراطية أن ترفض ما يريده الشعب لأنه ليس ما تريده أنت؟ أنتم من استخدمتم اسلوب تشويه الاخر بدلا من تطوير قدراتكم والتقرب من الشعب ، فأنتم من تعاليتم عليه وقلتم له نحن النخبة المثقفة التي تعرف وتفهم اكثر منك، ، فلو كرهك الناس واستحقروك فلاا تلم إلا نفسك ولا تلمني أنا ، فأنت من طرح للناس ما يخالف معتقدهم وطبيعتهم فانصرفوا عنك تلقائيا عندما تسخر لسانك وقلمك لتشويه كل من يشجع على الحجاب أو النقاب فلا ترجع وتبكي أننا حولنا المعركة السياسية لمعركة غير متكافئة فأنت من صنع هذا وأقحمت الدين لتشويه خصومك. حين تروج للناس إنه لا ما نع من زواج المسلمة من المسيحي ، فلو ظن الناس بك بريبة وشك فلا تندهش. حين تنشر فتاة صورتها العارية على مدونتها وتزعم أن هذا من الحرية هي وصديقها الملحد فلا تلوم السلفيين والإخوان! حين تكون كل أفلامك دائرة في نطاق الزنا والفاحشة فلا تلوم الناس أنها لا تحترمك! حين تشوه صباحا مساءا في اعلامك وأقلامك رموز مصر الإسلامية التي يحترمها العديد من طوائف الشعب و ترفض مشاركتها بدافعها الوطني في حل مشكلات الوطن مروجا أن هذا اقحام الدين في السياسة فلا تلوم الناس ! حين تسمي أحد أكبر المليونيات وتطلق عليها مليونية الجهل ومليونية قندهار لأن أغلب المشاركين فيها يرتدون الجلاليب فلا تحزن حين يولي الناخبون ظهورهم لك وهم الذين يمثل مرتدو الجلاليب فيهم 80 في المائة من الشعب في الدلتا والصعيد ، وقتها فلا تتهم إلا غبائك السياسي! حين تستنكر على السلفيين محاولة مشاركتهم في بناء وطنهم ومشاركتهم في صنع المستقبل السياسي للبلاد وتريد اسقاطهم من الحسابات وتعايرهم بأنهم كانوا في الكهوف ، فإنك أسقطت نفسك من نظر مشاهديك لأنه سيراك أناني لانك تريد بعد الثورة أن يظل هذا التيار الكبير معطل ومقموع وغير فعال وغير مشارك فيس صنع القرار، فكان الأفضل لك محاولة اصلاح عيوبهم التي تراها بموضوعية وحب ، بدلا من تشوييه واقصائه وبعد ذلك تلومه لو تشدد او تطرف. حين تتهم الإخوان المسلمين بالركوب على الثورة مرددا انهم كانوا يحرمون الخروج على الحاكم ، وانت لا تعلم فقه المصالح والفاسد ، وتنكر دورهم الرئيسي في انتشال الثورة من السقوط بعد يوم 28 يناير فلا تلوم الا نفسك عندما يراك الناس مثلك مثل اعلامنا المضلل. حين تقومون بترويج إشاعات قبل التحقق من صحتها عن قيام السلفيين بقطع الأذان والعمالة لأمن الدولة وحرق ثم تأتي بممثلي السلفيين للدفاع عن أنفسهم فأنت قدمت أقوى دعاية للسلفيين بين من لم يعرفوهم وهذه هي الخدمة الأجمل التي قمت بها أعزائي الليبراليين والعلمانيين في مجتمعنا المصري أنتم بطرحكم هذا حولتم العملية السياسية من منافسة إلا مخاصمة! فسامحونا ولا تلومنا ولكن لم نفسك ، ليس ذنبي أنك لا وجود لك في الشارع! ليس ذنبي يا سيدي أنني في الوقت الذي أني اخترت العمل في الشارع وشاركت في العمل الديني و الاجتماعي والنقابي والسياسي بقدر ما سمح لي ، اخترت أنت الجهاد على قنوات التوك شو! ، وكان تصدرك للعمل السياسي والاعلامي والصحافي والفني سببا في مساعدة النظام السابق على الفساد الذي وصلنا إليه...فلم نرى وزيرا او غفيرا أو محافظا منتمي للتيار الاسلامي بل كان دائما محاربا له ومحذرا منه ، ولم يكن المجال الفني والفضائي مملوءاً إلا بكم..فلماذا لا تريد لغيرك أن يأخذ فرصته ؟ فاعذرونا يا اصدقائنا ليس ذنبنا أن الشعب المصري عايش سيطرة اعلامكم وصحفاتكم التي كانت وماتزال تريد وضعنا في وضع الدفاع دائما ، ولا تلوم شعبنا الذي لا يقبل أنصاف الحلول فيما يتعلق بعقيدته أو هويته فبدلا من محاولاتك المستميتة لتشويه صورتي فلتحسن صورتك اولا و توافق الشعب فيما يريد ويرغب وتضع يدي في يدك لكي ننهض بمصر فعلا بدلا من تضييع الوقت في حروب من مخاوف وهمية.

والساذج الحق هو من لا يهدأ أبدا ولا يترك لعقله مجالا للتفكيرالساذج الحق هو من يترك مصيرة ومصير ابناءة فى يد حفنة من الفاسدين ويهدآ ويترك حقة فى المطالبة بحقوقة التى نص عليها الدستور ومنها القيام بالتظاهر السلمى هلى نغضب لانها انتهت بدون اسلة دماء ام كنا نريد ان تنتهى الىكارثة كما ظن البعض ... لازلنا ننقسم وننقسم الى ان نصبح اشلاء من الافكار ويتحكم فى مصائرنا من هم دون الانسانية من الفاسدين والافاقين فليسقط كل من يريد ارجاعنا الى الوراء انتهى الاى الابد وبلا رجعة الخنوع لكل حاكم نصب نفسة وصيآ على المصريين ان لم نحصل على دولة تحترم فيها الأغلبية الاقلية وتلتزم الاقلية والاغلبية معآ بالقانون .. سنقاتل من اجل الحصول عليها ونهديها الى اولادنا واحفادنا

تحياتي لحضرتك سؤالي لحضرتك و ليه حضرتك محتاج أصلا لأسباب ؟؟ معلش هاقول مثال بعيد شوية عن السياسة طالب نجح في الثانوية و طلع الأول ع الجمهورية الطالب ده اختار يخش كلية طب نتوقع أنه يقول ... لماذ لم التحق بكلية التجارة ولا المفروض الطالب ده يقول لماذا التحقت بكلية الطب طب احتمالات ( لماذا لم ) ... دي كم احتمال .. دي ييجي 100 احتمال إيه الداعي لها أصلا ما هو حر و مجموعه يأهله لدخول أي كلية عاوزها نرجع نتكلم سياسة حضرتك عنوانك اللي اخترته لموضوعك بتقول لماذا لا أنتمي لحزب ديني طيب و هو حضرتك حد فرض عليك هذا الأمر حتى ترفضه ؟ أعتقد أن العكس هو الصحيح يعني حضرتك تقول لنا مثلا لماذا اخترت أن أكون ليبراليا أو علمانيا أو وفديا أو أي تيار أو حزب سياسي .. فيكون في عرض أسبابك و مدى إقتناعك بها أُثر ايجابي في الترويج أو الاعلان عن تيارك أو حزبك السياسي و توضيح برنامجه و أهدافه و بالتالي زيادة عدد المنتمين له . النقطة هي أنت الآن مواطن مصري لك كل الحقوق .. يعني كافة الاختيارات متاحة أمامك بدون أي فرض أو وصاية تحياتي لحضرتك

البديل الشرطه و الأمن تاني لقد تجاوزوا أقصى حدود الغباء .. نفس الأخطاء و نفس الأسلوب الهمجي الذي أودى برؤسهم الكبيره من قبل و وضعهم في مزابل التاريخ ينسحبوا و يختفوا لما تكون الأعداد غفيره و يقولوا لن نتواجد و على المتظاهرين حماية أنفسهم و حماية المنشآت و لما نقول ليه يقولوا حتى لا نتهم في الزحام بالإعتداء على المتظاهرين كما حدث من قبل و لما الأعداد تقل و يبقى من السهل التحكم فيهم ينزلوا و يعتدوا كده عيني عينك و في وضح النهار تكسير الكاميرات لن يخفي الحقيقه و مسح محتوياتها لن ينفي التهم عن مرتكبيها و التمادي في العناد و استخدام العنف و الأساليب الهمجيه لا يضعف من يطالب بحقه بل يزده إصراراً و تحدي و قوه لكن هنقول إيه ؟؟ ما إحنا قلنا خلاص .. فعلاً تجاوز غير مسبق لأقصى حدود الغباء

كبر دماغك يا عمدة..أنا عارف انها حاجة مستفزة..بس مش عاوزين نختصر بعض التيارات اللي كانت موجودة امبارح في كام واحد من عديمي المسئولية بعض الأخبار اللي نشرت امبارح من الأهرام و غيرها..كانت عاوزة توصل للناس ان الجمعة ديةالمسيطر عليها هم الاسلاميين..وانها فرد عضلات من ناحيتهم فقط..رغم أن حوالي 50 حزب سياسي أعلنوا المشاركة.. المهم..ان أغلب الأخبار كانت عملية توقيع بين الموجودين .. عشان كده ما أستبعدش ان دي تكون حركة مقصودة للتوقيع بين الموجودين..وإظهار أنه هناك من نزل لأغراض شخصية..وحتي وان حدث وكان بعض الموجودين نازل لأغراض شخصية أو تصفية حسابات..فيجب اننا ما نديهمش أكبر من حجمهم..و نتجاهلهم تماما عاوزين الفترة دي ننشر الأخبار و الأحداث اللي توحدنا..وأي خبر هيعمل مشاكل نتجاهله شوية

يا اخي الكريم ... المواطن البسيط مش هاياكل ويشرب شريعة الذكاء بيقول ... إذا كنت واثق من نفسك .. وكان لك الاغلبية ... وحكمت ... يبقى قدم شيء إيجابي ملموس للناس وبعدين إتكلم عن أطروحاتك .... وهي تركيا بعيدة ؟ هل كان أحد في العالم يحلم إن كبار قادة العسكر اللي كانوا بإشارة واحدة من صابعهم يسقطوا حكومة ويقيموا حكومة لأن حسب الدستور هم حماة الشرعية زي ما عساكرنا عاوزين يعملوا ... هل كان احد يتخيل إن يتم إعتقالهم منذ شهور قليلة وماحدش قدر يفتح بؤه ؟ ليه ؟ عشان الراجل اللي له خلفية إسلامية طبق الإسلام على الأرض أولاً وأهو تركيا كانت بلاد الفسق والانحلال والعلمانية كلها ويمكن مازالت لكن الحمد لله مصر ليست كذلك ... نحن مؤمنين ومسلمين بالفطرة وشعب في منتهى الطيابة والتدين لما تطلع بقى الجماعات دي وما عندهاش كلام غير عن تطبيق الشريعة وإسلامية إسلامية ورافعين المصاحف ليل نهار يبقى ده إستفزاز لكل الشعب المصري وحصر الإيمان عليهم هم يا أخي الكريم .. عندك أكثر من 30 مليون مصري تحت خط الفقر ... فلما ازور منطقة زي بطن البقرة او الكوم الأخضر او تل العقارب أو منشية ناصر والاف المناطق الاخرى .. وفيها ناس مسلمين وموحدين بالله .. لكن عايشين عيشة الكلاب لا مياه ولا صرف صحي ولا كهربا وإنتشار الجرائم عندهم بيتم بشكل سرطاني ... لما ازورهم هناك وأقعد أكلمهم عن تفعيل المادة الثانية وإننا عاوزينها إسلامية إسلامية .... هل هايسمعوني ؟ وهايقولوا عن نفسهم إيه مسلمين ولا جنس تلات ولا إيه بالظبط ؟ اما إذا كانت الحجة إننا إن شاء الله لو عملناها إسلامية إسلامية الناس دي هاتعيش عيشة كريمة ... يبقى كان غيرنا أشطر ... لأن الحزب الوطني أبو فكر جديد كان بيقول كده ليل نهارة ووعدهم 30 سنة إنهم هاياكلوا مربى بالقشطة وفي الاخر لقوا نفسهم ميتين مش عايشين ... الدين ما نزلش عشان يكون مجردد شعارات الدين ما نزلش عشان يبقى في المساجد بس الدين نزل عشان يرسخ مبدأ تكريم الله للبني أدم ------- الخلاصة : ليه الناس المسلمين قبل غير المسلمين خايفين من وصول الجماعات الإسلامية دي للحكم ؟ الإجابة ببساطة .... لانهم يريدون فرض أيديلوجياتهم قبل أن نرى أي تطبيق لفكرهم على الأرض .. يعني كلام كلام كلام قبل الأفعال طب ليه الناس ما خافوش من التجربة الإسلامية الماليزية والتركية ؟. لإنهم ناس فهموا الدين صح ولم يرفعوا أي شعارات ولم يضيعوا وقتهم في كلام بل بداوا بالعمل أولاً وأرتقوا ببلادهم في وقت قياسي ثم تكلموا عن أيديلوجيات عكس مين بقى ؟ عكس جماعات عبيطة لا تعرف كيف تغتسل من الجنابة شوفناهم في أفغانستان طالبان .. والصومال شباب المجاهدين وإيران منذ الثورة الإسلامية ... فالحكام ومنهم الملالي وأيات الله يستولوا على ثروات البلد .. والشعب عايش عيشة على خط الفقر بالرغم من ثروات البلد المتنوعة

لا أدري ما هي نهاية خوف كل طرف من الأخر وشيطنة كل طرف للأخر بعض الليبرالين لا يرون في كل التيارات الدينية إلا انهم أناس أتو لكي يقطعوا الأيدي والأرجل ! وبعض المنتمين للتيارات الدينية لا يرون في كل الليبرالين إلا أنهم اناس أتوا لكي يدخلوا الفساد والإنحلال والشذوذ لكل بيت في مصر وأعتقد أنه لا الاولى صحيحة ولا الثانية صحيحة ( وهنا نستثني المتطرفين من كل طرف وهم قلة ) , والوجهتين تم بناءهم على أساس نظرية الخوف من الاخر دون أي محاولة للتقارب وبذل المحاولات للفهم الصحيح للأخر ونظرية الخوف من الاخر تم زرعها بإمتياز طوال السنوات الماضية لكي يهترىء نسيج المجتمع المصري , والذي ما إن إجتمع وتوحد رأينا معجزة ثورة 25 يناير التي أسقطت واحدا من أكثر الأنظمة دكتاتورية , لذلك يتم التعويل على تعميق نظرية الخوف من الأخر لكي لا يتوحد ويجتمع هذا النسيج على كلمة واحدة وللأسف حتى بعد ثورة 25 يناير إستمرت هذه النظرية , وإلتقم كثير من المنتمين للطرفين هذا الطعم , فأصبحوا يخافون من بعضهم , ويسيئون الظن في بعضهم , مما أدى لحدوث الإنقسام حتى وصل الأمر بالدكتور ممدوح حمزة ولأول مرة منذ بداية الثورة أن يقول عن يوم 18 نوفمبر ( لنا مليونياتنا ولهم مليونياتهم ! ) أيها السادة فليتعامل كل طرف مع الأخر بمنطق ( لا أنت موسى ولا أنا فرعون ) وهناك من الأساسيات والثوابت الاسلامية والوطنية بين الطرفين ما تخلق أرضا مشتركة يمكننا الإنطلاق منها , فمجتمع كل طرف فيه يتوجس خيفة من الأخر ويخونه ويسيىء الظن فيه لا يمكنك ان تستبشر له خيرا أو تقدما في المستقبل .

كلام جميل ياأستاذ ابو ريم . تسلم إيدك بجد . التيارات الليبرالية و العلمانية تعلم ثقل التيار الإسلامي في الشارع المصرى و لذلك كرسوا كل جهودهم لتشويهه بالفعل. فلا ترى مرشحا من هذا التيار إلا و يزايدون على كلامه . فتجد مثلا مرشحا كحازم أبو اسماعيل . يقدم برنامجا متكاملا في كل المجالات فيتجاهلون كل هذا و يسألونه ماذا ستفعل مع حجاب المرأة ؟! و كيف ستتعامل مع الأقباط ؟! واسئلة هم يتوقعون إجاباتها مسبقا ولكن ربما تفلت منه كلمة ما فينسجون حولها قصصا و همية وهم يظنون الشعب المصري ساذجا و لن يفهم ما يدور حوله . فهم يحاولون صنع شعبية لهم عن طريق احتقار الآخر وو صفه بالتأسلم و لبس عباءة الدين بينما هم اصحاب الفكر المستنير الذي يقدم العقل عن النقل . ولو شغلوا انفسهم بالعمل لربما تحسنت صورتهم و لكن للأسف كلام فقط ..

طبعا موجود والشباب من كل الإتجاهات شغال عليها على الرابط ستجد قائمةبفلول كل محافظة http://www.emsekflol.com/ واقول لسيادة المستشار ....جتها نيلة اللى عاوزه خلف .. فعلا انتم خير ابناء لمبارك واللى بيحصل دا كله ...الشعب هو السبب فيه لو كان خلص القصة دى من الاول ماكنش الحكاية بقت ماسخة ومالهاش لون كده ....

http://www.youtube.com/watch?v=7g89AiS8yDU&feature=player_detailpage الشيخ كان يقصد الجيش وليس المجلس العسكري الحاكم في خطبته ، ولا يري مانعا في انتقاد أداء المجلس علي الإطلاق الشيخ يطالب المجلس العسكري بعدم تأخير الإنتخابات وسرعة تسليم السلطة ويطالب بعودة الجيش لمكانه الطبيعي ليحمي حدود البلاد ويرفض أن يحكم البلاد رئيسا من العسكر ويري أن ما يصلح حال البلد ليس السوط والكرباج ( يقصد حكم العسكر ) وإنما إقامة الحق والعدل كما أعلن رفضه لوثيقة السلمي

مساء الخيرات . هيا بنا نتحدث فى موضوع مختلف بعض الشئ عن مواضيعنا المعتادة .. اليوم سوف نتحدث عن معرض اقيم فى متحف العلوم بلندن للصناعات الضرورية التى نستخدمها فى حياتنا يوميا ...ولا نتذكر ولا نعلم من اخترعها ولا حتى نعطيها اى اهمية . مثلا.....مشابك الغسيل. اخترعت عام 1903 بواسطة الاميركى ........ Albert J. Parkhouse. http://www.bbc.co.uk...iencia_en.shtml لنا عودة ان شاء الله .. :clappingrose:

دكتور ياسر من حقك بالطبع أن تتفق أو لاتتفق مع فكر ورؤية الدكتور البرادعي تماما كما انه من حق أي إنسان آخر أن يتفق أويختلف مع أي شخصية سياسية أو دينية ، وعموم دعني أنا أفسر لك مالم تقبله من حديث الدكتور البرادعي، الدكتور البرادعي قال " يعني لما تقول التيارات الدينية عاوزين نطبق شرع الله , طيب هو احنا مكنش عندنا شرع الله ؟ هو إحنا كنا كفرة؟ " وهذا بالنص قلته أنا وغيري الكثيرين في معرض إستنكارنا للتصنيف الذي إبتدعه من سموا أنفسهم بالإسلاميين. أنا مثلا في نظرك ونظر الكثيرين تعتبروني ليبرالي وعلماني ولكن أنا أعتبر نفسي مصري الجنسية ، مسلم الديانة ، لاأنتمي لا للسلفيين ولا الإخوان المسلمين ولا الجهاديين ولا أي جماعة تتكلم بإسم الدين ببساطة لأنني أتكلم بإسم الإسلام. لما الاقي تنظيم إسمه الإخوان المسلمين ، من حقي أن أتسائل ، وهل أنا من الإخوان الغير مسلمين والعياذ بالله؟ طيب انا مسلم وأؤدي فروضي وأعتلي المنبر أحيانا وأخطب في الناس منذ كنت في العشرينيات من عمري وبعد كده القي شوية بشر بيصنفوني حاجة ليست بعيب ولا حرام اسمها ليبرالي وعلماني لأنني لست منضما أليهم كالإخوان والسلفيين والجهاديين والتكفيريين؟ تبا لهم. خلاص إذا كان مفهومكم هو أن من لاينتمي إلي جماعتكم ، جماعة التشدد والتنظع في الدين يصنف على أنه ليبرالي ، فأنا ليبرالي يؤمن بالإسلام دينا وبالليبرالية والعلمانية مذهبا سياسيا ولكنني لاأقبل أن يقول متنطع في الدين منكم أن الليبرالية أو العلمانية أو الديمقراطية كفرا وتشبه أكل لحم الخنزير ، وإن أصررتم على ذلك فأنتم الكافرون فقد نلتموها بإتهاكم للمسلمين بالكفر. تخيل كده يادكتور ياسر لما تجد كام طبيب في المستشفى الذي تعمل به أسموا أنفسم مثلا " الأطباء الحقيقيين " ، ماذا سيكون شعورك؟ بتلقائية شديدة ستتسائل" وهل انا طبيب مزيف؟ " " وهل زوجتي طبيبة مزيفة " ، وربما تذهب لشنطة أوراقك لتتأكد أنك حصلت على بكالوريوس الطب والجراحة ثم تجري للبحث عن شهادة الماجستير ، وبعدها ربما بعد أن تطمأن أنك فعلا طبيبا ستقول لنفسك ، الجماعة دول عقلهم ضارب . للأسف يادكتور ياسر من قسم الناس ومن فرقهم هم من إعتقدوا بصلاح إسلامهم وفساد إسلام من هم ليسوا داخل جماعتهم ، ومعظمهم حمل إسلامه من شرق مصر وليس من الأزهر الشريف بسماحته في تقبل الآخر عدا قلة قليلة تعد على الأصابع.

اغلب ( اللي الفاضل ابو ريم ما رضيش يقولها و هاقولها انا) المصريين لا يحبون الليبرالية و لا العلمانية ببساطة لانهم كانوا من قبل الثورة بزمان بيشوفوا نموذج تونس العلماني اللي كان بيمنع الحجاب اللي كان بيمنع تعدد الزوجات اللي كان لاغي التوريث حسب الشريعة الاسلامية و لما جت الثورة و ظهرت الناس دي في الفضائيات عندنا اغلب الشعب اتأكد انهم عاوزينا نخرج من تحت عباءة الاسلام مثال بسيط اوي لما يطلع عمرو حمزاوي يقول بالنص كده( عشان اكون متسق مع نفسي فا انا اوافق على الزواج المدني يقوم عمرو اديب يقوله يعني المسلمة تتجوز مسيحي يقوله تاني عشان اكون متسق مع نفسي فا ايوة لازم يكون القانون دا موجود و اللي مش عاوز يستخدمه هو حر) صلاة النبي احسن ازاي عاوزين تشريع لقانون مخالف للشرع الاسلامي مثال تاني لما يطلع كل يومين واحد شكل يقول الشعب دا جاهل الشعب دا ما يستحقش التضحيات و يسمى اغلب الناس حزب الكنبة لما يتم اتهام الناس الغلبانة اللي مش لاقية رغيف العيش بانهم خونة للثورة و لمصر لانهم بيبيعوا صوتهم بإزازة زيت و كيس سكر لو حد من اللي بيطلع في التليفزيون دول عاش عيشة الناس دي ليوم واحد مش بعيد يبيع عياله لكن للاسف الكلام من البرج العاجي حلو و جميل اوي عن نفسي لا باتفرج على شيوخ سلفيين و لا فضائيات اسلامية وعندي نفس الاحساس تجاه الفكر العلماني و الليبرالي انا عاوزة ناس مننا زينا نحسهم حالهم قريب لحالنا عشان كده اخترت حزب الوسط لاحساسي انهم قريبين للشعب و ان شاء الله في انتخابات الرئاسة هارشح دكتور العوا لنفس السبب لا هما متعاليين على الناس و لا هما متشددين عليهم خير الامور الوسط تحياتي لموضوعك يا ابو ريم و سلامي لريم

قناة الحكمة مسيرة حاشدة من مسجد اسد بن فرات من الدقي بقيادة الاستاذ حازم ابو اسماعيل متجهة الى ميدان التحرير . http://www.youtube.com/watch?v=cUn1W_8XuD8

أعتقد أن الأهم من ذلك أن يعلن المجلس العسكري عن نواياه هذه المبادرة لا تنجح إذا لم يدخل المجلس العسكري كطرف ثالث مهم فيها أعتقد أنها مبادرة قديمة أطلقها الأستاذ عصام سلطان حينما طالب المجلس العسكري أن يعلن عن مخاوفه من المدنيين مثل التتبع والمسائلة لأعضاءه في حالة تسلم السلطة منه إذا أعلن المجلس العسكري عن نواياه ، فأعتقد أننا قطعنا ثلاثة أرباع الطريق وهل مزق الأمة أصلا إلا المجلس العسكري تحياتي..

مساء الخيرات. شكرا لتواجدك هنا اختى الفاضلة فولانة . توجد مخترعات كثيرة نتعامل معها أو بها يوميا ولا نعطيها اى اهمية .... اقصد نتعامل معها على انها مجرد شئ موجود ( شئ ضئيل لم يتعب اى شخص ف ايجاده او تكوينه ) ...وان شاء الله سوف نتحدث اليوم عن ( الفرجونا ) والاسم كما هو واضح اسبانى وهو يقصد هنا ( العصا التى يوجد فى نهايتها جزء من القماش وتستخدم لمسح البلاط ...وايضا الجردل الموجود والمعصرة . ولا يخلو بيت من هذا الشئ البسيط ولا احد يتساءل ( من اخترعه) . أظن ( لا اتيقن من ذلك...ان الاسم اصله عربى ويقصد به الفرجون ) والله اعلم. ولهذا الاختراع ( قصة شخصية معى ).. فى عام 76 ...كنت فى بداية اغترابى ...( اول سنة غربة ) .وأنا لى أخ ( كما يقولون ) لديه حاسة خاصة بالنسبة للتصنيع و للتجارة والعمل ...ف يوم ..اقترحت عليه اننا نعمل كشركاء مصنع لتصنيع الفرجونا فى مصر... وطبعااا.....(( ضحكوا عليا هو وزوجى ))...و..قالوا ( عايزانا نصنع ممسحة ؟؟)......آدى شورة الحريم .!!!!! هذا لايمنع أن اخى .زار المصنع فى ساراجوزا ( فى اسبانيا ) .( على اساس دراسة ويشوف ايه ده أو يحصل اتفاق ويتم التصنيع معا ) .وعاد قائلا....اتاريه موال ومكنتش عارف وعموما ..مش وقته. ومرت السنين ..........و....كل ما يفتكروا يضحكوا (( بحسرة طبعا وغيظ )) .. اتارى سلوى كان عندها حق . بس حاتقولى ايه؟؟؟ للأسف مهما حصل .....رجال مصر لاتعطى أهمية لنصيحة المصريات ..حتى لو تظاهروا بالعكس .. :closedeyes: وهيا بنا نتحدث عن الفرجونا..

وحشية إيه يا أبو عمر ؟ الراجل بيقول كنا بنطبطب عليهم .. آه و الله العظيم بيقول مده زمنيه طويله كنا بنطبطب عليهم و مارضوش يمشوا فإضطرينا نقبض عليهم لأن دول ناس جايين الميدان مخصوص علشان يعملوا مشاكل مع الشرطه الناس المحترمه و أهالي الشهداء اللي بجد جم بإحترامهم إمبارح و مشوا بإحترامهم .. لكن اللي قعدوا دول مش أسر شهداء دول أسر بلطجيه قام المحرضين ضربوا الشرطه و إتصاب منهم 7 أو 8 و ضبطنا النفس لأقصى حد لكن دول شوية بلطجيه و مأجورين يبقى فين الوحشيه بقى ؟ المذيع بيسأله بيقول له طب إيه تعليق حضرتك و إنت بتقول كانوا 200 شخص و لكن الواضح حالياً إنهم وصلوا لأربعة آلاف ؟ قال له لا مش كل دول متظاهرين ده أكترهم ناس جايين متجمهرين علشان يتفرجوا لا هم مع الثوار و لا مع الشرطه و لا مع البلطجيه حسبنا الله و نعم الوكيل

كلمة الشيخ حازم صلاح أبو إسماعيل في ميدان التحرير مظاهرة يوم 18 11 2011 http://www.youtube.com/watch?v=odWKA5Bv9l0

تصدق يا أستاذ أبو ريم اني مبسوطة جدا جدا جدا اننا بقى عندنا مرشحين و تنافس وبنقول لبعض حنشوف مين حيكسب أنا من يوم ما اتولدت و لا شفت في حياتي غير رئيس واحد و انتخابات مزورة و زي دلوقتي السنة اللي فاتت تخيلنا مجرد تخيل ان البلد ممكن يبقى لها رئيس مختلف و ايه اللي ممكن يعمله في البلد بغض النظر عن أي شيء ربنا يتم لنا حلمنا على خير و ننتخب بجد

http://www.youtube.com/watch?v=WdJiYyggquA&feature=player_embedded#! الرجل قال كلام في منتهى التعقل و الهدوء و لم يتهم أحد بأي شيء برجاء مشاهدة الفيديو و التعليق عليه و ليس على المداخلة التي تعلق عليه من منتدى آخر تحياتي و احترامي

نجرب الأحزاب الإسلامية مرة واحدة في حياتنا .. و نديهم الفرصة .. مش زمان كانوا بيقولوا الأمل في التغيير .. عايزين نغير بقا و نجرب .. و التجربة خير برهان .. نعطيهم فرصة واحدة بس ، أن أثبتوا كفاءه سندعمهم فترة آخري و إن فشلوا خلاص بس أسمها جربنا .. ما إحنا مجربين الأحزاب التانية بقالنا كتير ، عملوا إية ؟؟ افادوا البلد بإية ؟؟ بالعكس مصر قعده ترجع لورا بسرعة الصاروخ ، و في المقابل دول نامية بتتقدم دي وجهة نظري .. أغير و أجرب و بعد كدة أحكم شكـــــــــــــــراً عماد - حرية و عدالة

ده كان زمان و جبر :happy: الترتيب دلوقتي ( من وجهة نظري طبعا ) اجراء التشريعية في موعدها والغاء فكرة الوثيقة تماما او اعتماد وثيقة الازهر والتي اتفق عليها اغلب القوى السياسية الفاعلة ثم البدء في تحضير انتخاب رئيس الجمهورية وتسلم السلطه من العسكر في موعد غايته ابريل 2012 بعد كده نعيش حياتنا مع الدستور على نضافة وبروقان بدون تسلط او وصاية من العسكر علينا ,, تحيتي ,,

اخي الفاضل عصام ، احترم ايجابيتك وتفكيرك الايجابي ، وهذا لا يمنع مناقشتك في بعض الامور وسارد على بعض مما جاء في مداخلتك

طيب مش هي حيثية السماح لفلول الحزب الوطني بالترشح هو أحقيتهم في الترشح لأنهم مواطنون مصريون، والممارسة الفعلية للديمقراطية تستوجب عدم منعهم، ونترك للشعب مهمة استبعادهم عبر صناديق الانتخاب، وفوق ذلك إرساء لمبدأ المساواة والعدالة؟ طيب ماهي الممارسة الفعلية للديمقراطية ومبدأ المساواة والعدالة بيستوجبوا إن اللجنة العليا للانتخابات تكون محايدة وتقف على مسافة واحدة من كل المرشحين. مش ييجي رئيسها يقول للشعب المصري: "ماتنتخبوش دول"! يعني حتى لو هي في الحقيقة ولا ممارسة فعلية للديمقراطية ولا مساواة ولا عدالة، مادمت من الأول تظاهرت إنها كده، خليك بقى كده زي ما إنت، مش تيجي في النص تبهدل الدنيا بالشكل ده. يا إما انت بتنفذ حكم قضائي إنت مش فاهم حيثياته أصلاً. يعني لو كنت من الأول شايف إنهم مفروض يستبعدوا، كنت استبعدهم. ولو شايف إنه من حقهم الترشح، والمحكمة حكمت بكده، يبقى تكون محايد طالما هم بقى زيهم زي أي مرشح. وبعدين ليه تكون واصي على الشعب؟ افرض جدلاً لأي سبب من الأسباب إن الشعب حابب يا سيدي الفلول دول وعايزهم تاني؟! انت مالك؟ مفيش ذرة مهنية.

أنا أيضا لا أصدق هذا الخبر فالطبيب الرائد و فقا لهذه القصة العجيبة اختار و سيلة ساذجة و مفضوحة لقتل مبارك و يسهل جدا كشفها. و لو أراد حقا قتل مبارك فوظيفته كطبيب تتيح له بالتأكيد حقن مبارك بدواء يتسبب فى و فاته دون جلبة و لن يشك أحد في وفاته بعدها . هذه نقطة النقطة الثانية . أتفق مع الأخوة ان مثل هذه الأخبار تصب بالتأكيد في مصلحة مبارك لإظهاره في صورة الضحية و إظهارنا في صورة القتلة الذين لم يراعوا ضعف و كبر سنه .

كلمة حق وجزيت خيرا . . الضيق سببه تلاشى مصداقية قادة هذه المليونية المسمومة واى انسان سيدعو لمليونية ومطالب اخرى هياكل مصداقيته بنفسه . . ان الاوان لاظهار قدرات التفاوض . . الناس دى مش هاتعرف تحل مشاكل بلدنا مع البلاد الاخرى بالمليونيات . . وبعدين يجوا شوية ويمشوا زى ما قلت كدق الماء فى الهون والساذج الحق هو من لا يهدأ أبدا ولا يترك لعقله مجالا للتفكير الزميل الفاضل عصام ابو الفتح بالنسبة لموضوع التفاوض ده طب ما الاخوان شبعوا معاهم تفاوض وما فيش فايدة ، ان ما كانش حيبقي في تهديد بشئ مش حيستجيبوا، هما حطوا لنفسهم مادتين في الوثيقة ومش ناويين يغيروهم، ده بالاضافة لحسبة اللجنة التاسيسية اللي ما تمتش بصلة للاستفتاء وتخلي اغلبية اللجنة بالتعيين ، وكمان قرروا يفضلوا طول مدة الدستور وممكن يقعدوا براحتهم طالما احنا سكتنا ، مع ان الاستفتاء اللي عملناه ما كانش فيه انهم يقعدوا فترة وضع الدستور، ده حتي مع المليونية مش راضيين لا يحددوا جدول زمني ، ولا يقرروا ان الوثيقة استرشادية ، ولا حتي يقولوا حنأجل الوثيقة وجدول تسليم السلطة لبعد الانتخابات ، وكل ما يطلع تصريح بتحقيق اي مطلب من الاتنين يرجعوا ينفوه تاني ، اذن دول ما ينفعش معاهم اللا تصعيد اكتر من كدة ، وهما اللي مصرين يوصلوا الناس للمرحلة دي .

لأول مره اتفق معاك في كل كلمه رغم اختلافنا في نهاية السيناريوهات التي نتمناها كل من ينادي بالسكينه اما مخدوع او فاسد ربنا يحسن الختام

و حضرتك ليه تنتمى لحزب اساسا هو كل ما تروح حته و لا فى المنتدى الاعضاء بيقلولك انتمى لحزب ؟ مش مطالب ان كل المصريين ينتموا لحزب بس مطالبين اننا نختار المرشح الافضل أما إذا كانت القصة زى ما قال الاخ مصطفى فيكون كلامك وضع تانى

بص بقى انا هديك وردة حمرا على الكلام الجميل دة علشان التقييم اتوقف :clappingrose: فى ناس كانت بتحب التقييم بالاخضر بس خلاص خلص هنعمل اية الوردة برضو تسد ولا اية رآي حضرتك اهم اتنين شكراً لك أخي الفاضل على لفتتك الكريمة و ورودك الرقيقة .. دي عندي أحسن من التقييم .. . . . . . . . . . . . . . . . . . . . . . . . بس لو حبيت تقييم .. مش ممكن امنعك .. أبداً .. :happy:

نفسى تتأجل كل القضايا الى ان نتحصن ببرلمان محترم أن شاء الله وبعدها يتم تعديل القوانين المشبوهة والمفصلة من اجل عدم محاكمة الفاسدين ورجال الاعمال اصحاب الزمم الخربة وكل من اغتنى وافسد الحياة السياسية فى عصر الفاسد مبارك يارب حقق لى هذة الامنية لانى حاسس ان كثير من مشاكلنا تتركز فى تعجيل محاكمة الفاسدين يكفى تهمة واحدة فقط صحيحة تؤدى بالفاسد الى ساحة اطلاق النار على الخائنين والسفاحين او على طبلية الشنق ان شاء الله

العنوان دة او المقولة دى بيستخدمها مرشحى الانتخابات بحزب المصريين الاحرار بمنطقة شبرا يعنى حضرتك جايبها من هناك ودة نوع من محاربة الأحزاب ذات المرجعية الدينية كذبآ كما يحب البعض الاشارة اليهم انتهى عصر الكذب الفاسد مبارك لية مش نقول الحقائق بدون تجميل او الصاقها بنا يتم السماح للأحزاب بالتكوين عندما توافق على انها لا ينتمى الى الدين كمنهج لكنها حزب سياسى بمعنى لو رجل دين او جماعة حبت تنشيء حزب بيكون على اساس انة ليس حزبآ دينيآ ودة ما تم اما ان نتخذ من المواعظ للشعراوى رحمة الله سلاح لمحاربة تيار بعينة فدة اسمة خروج عن الصف وتحايل بمعنى كيف امنع ان يكون مرشح صاحب ميول اسلامية ان لا يكون فى دعايتة شيء يشير الى الاسلام واستخدم كلمات لشيخ وامام مسلم لتخويف الناس من المرشح الاسلامى انا أسف هذا نوع من الأبتزاز والتحايل هذة وجهة نظرى اما غير ذلك فانى لا الوم ان يستخدم اى مرشح طريقة ما للدعاية لنفسة مادامت لا تخرج عن المتفق علية تمنياتى للجميع بالنجاح

اخوانا اللي اختاروا الأرقام الزوجية ييجوا ع اليمين و اللي اختارو الأرقام الفردية ييجوا ع اليمين برده و نساع بعضينا الليلة شكلها طويل مدام هند نامت أصلا

مرة كسبت في مسابقة حفظ قرأن والله العظيم استحرمت و خجلت اني احط الفلوس دي في جيبي او اصرفها لحاجة شخصية انا مش عارف الناس دي بيجيلها نفس ازاي تكسب بالبشاعة دي من الكلام في الدين وبعد كده يكلمك على الزهد والرضا بالقليل والصبر ممكن حضرتك تجيب لى دليل فى الكتاب او السنة ان حرام الشيخ او الداعية ياخد مقابل وقته و مجهوده؟ وليس مقابل العلم طبعا. و هل هناك حدود لهذا المقابل؟ يعنى ميكونش اكتر من كذا؟ مستنى الدليل. :)

السلام عليكم و رحمة الله و بركاته طب تعتبرني اختك و كدهوت و ينفع تديني المكرفون...(الحقيقة طول عمري انا اللي بحكي لاخواتي الاولاد و هما بقي ينصحوني فارجوك ارجوك اعطني هذا الدواء....قصدي ارجوك يعني اديني فرصتي اني افكر لغيري شوية) امبارح كنا بنتفرج علي فيلم حلو كتير و بعدين جه مشهد بيقولك المفروض انك بتاخد التعارف ده مستويات يعني في الاول بنتكلم في حاجات عمومية و بعدين حسينا فيه قبول و الباب مفتوح نطلع المستوي اللي بعديه و نتكلم علي حاجة عامة اه علشان يبقي فيه حوار بس كمان حتة شخصية...الباب لسه مفتوح يبقي نرفع المستوي و نخش في حاجات شخصية بس برضه بالمتغطي...كل ده لو الباب مفتوح بحس كتير ان احنا لما بنلاقي حد نقرب منه بنرتبك و بعدين بدل ما ناخدها واحدة واحدة نيجي نخبط ع الباب اوي و ممكن نكسره او يقفل علي صباعنا و متنكرشي ان بنقعد فترة كبيرة اوي نصلح في معنوياتنا و صباعنا اللي دوحس من قفلت الباب اكتر من اننا نقرب تاني و نفكر ازاي نطرح "بضاعتنا" و شخصيتنا الحلوة لحد ارتحتله بقول لحضرتك كده لاني بنت...(ايون ايه الجديد يعني:)...قصدي يعني لاني مريت باحساس انك ابقي مركزة في دراسة او مذاكرة و مش في بالي خالص و بعيدن الاقي زميلي اللي انا اصلا بشوفه زي عيلاء اللي كنا بنعلب مسدسات مية و احنا صغيرين الاقيه بيقولي انا عايز اتقدملك ساعتها تقييم مبيكونشي للشخص خالص بيكون اني مش عارفة اتصرف و ملبوخة في المذاكرة فببقي عاملة زي اللي لابس في وشه فردة شبشب خشب و الحاجة التانية اني اتربيت ان اول ما البنت ولد يقرب منها و يقولها يا جمسل يا مقطقط...لا مش دي لما يقولها يا حلوة يا شايلة البلاص....يووووه مش ده لما يقرب منها و يتقدم لها و ده طبعا بعد ما ياخد حبوب الشجاعة شريطين سفوف....اتربيت اني لازم ابص في الارض و اتكسف و بعدين اسيبه و امشي انا اتربيت علي ده علامة من علامات يعني الخجل و الحياء و كدهوت مع اني في الموقف الحقيقي لقيت اني بعمل تصرفات مفتكسة جدا غير كده...(اخر حد لقيت عنيا احولت و بعدين جريت و سبته..مع اني كائن لمض يعني...بس ده كان هول المفاجعة و كدهوت) خلاصة الرغي دوت لو حضرتك لساك معجب بيها و انا حاسة انك معجب بيها طب ليه بعد الكورس ما يخلص ليه متحاولشي تكلمها تاني اول مرة انك بتطمن عليها تاني مرة قولها ان فيه كورس تاني هايل يعني قال يعني دورت علي حاجة مناسبة لاهتمامتها تالت مرة اتصرف بقي.....يعني اكيد هتلاقي خرم يجي منه سرسوب هوا من الباب دوت و دي اهم سمة من سمات الكائنات الديناصورية المنقرضة علي فكرة.....تتوغل و تنتشر و تقتل:) و طبعا صلي استخارة اوي ربنا يعسد حضرتك و جرب وصفة ال "مستويات" ديت و ابقي تعالي احدفني بحاجة...قصدي و ابقي هاتلي معاك الحلاوة و انت جاي باذن الله بخبر حلو مساك.....فرح يستحق نتعب ليه شوية

السلام عليكم و رحمة الله و بركاته مش عارفة ليه وقفت مبحلقة مبربشة قدام جملة حضرتك اللي عملتها بالنيون الاحمر هو حضرتك بتتكلم عن بني آدم يبقي رخيص و بيعيش يعني و كدهوتو لا علي طقم صواني اركوبال من اللي بيتحط في الفرن و نعمل فيهم مسقعة و مكرونة بيشاميل و كدهوت إذا كان ده "اختيارك" حقيقي و مقتنع بيه ففعلا مقردشي اناقشك بوتاتا هي الدنيا ايه غير وجهات نظر فوق بعضيها بس افتكر اني في مرة جمعتني قعدة مع بعض الرجال الانجليز و بعدين لقتهم بيتبنوا نفس اختيارك...بس مش بنفس التبرير بوتاتا الرجل الغربي اصبح يفضل النموذج الشرق اسيوي جدا و تقدر تشوف كابلز كتير الراجل ملامح اوربية و السيدة ملامح اسيوية و علاقات زواج رسمي مش تيكلم تيكلم و السبب اللي عرفته ان السيدة الشرق اسيوية علي حد تعبيرهم قادرة انها تشعر الرجل انه رجل و انها ضعيفة جدا كأنثي وقالولي انه بيحبوا اوي انها مطيعة جدا جدا جدا....(سبحان الله دولم الرجالة طلعوا زي بعض و ماركة مسجلة حول العالم) يبدو ان الرجل الغربي لا ينجذب للمرأة الغربية التي اصبحت تناطحه راس براس و من حقها في اي لحظة ترفع سماعة التليفون و تبلغ عنه الشرطة بتهمة التعدي عليها و القانون دايما في صفها حبيت اقول لحضرتك وجهة نظر بس من ارض تانية خالص و ارجع اقول....دي اختيارات وبرضه وجهة نظر بس بعد اذن حضرتك بلاش تقول ان فيه بني آدم رخيص بحس انها بتوجع اوي و بحس ان احنا بنشتري جارية و كل واحد فينا واقف بصرة دنانير تحياتي

اشك ان الخبر ده يكون صح... و الفجر ده جرنان اصفر :D الفلول و الحزب الوطنى مبيحاربش علشان مبارك ولا يفرق معاهم بربع جنيه, و لكن هما واخدين مبارك ذريعة علشان يكملوا فى مصالحهم. للاسف ناس كتير على كل المستويات مصلحتها ان الفساد و الرشوة و الواسطة يفضلوا موجودين.. ناس حتى عاديين جدا, يعنى موظفين و اصحاب اعمال صغيرة.

هدلي بدلوي في الموضوع دا .. بما أني مُغترب أنا كمان .. و جربت أمشي في موضوع الخطوبة في الغربة ياعني إنسانه تكون مع أهلها هنا في الإمارات .. و مريت بثلاث تجارب مختلفين و فشلوا فشل كبير .. من البداية الأولي كانت فلسطينية و التانية كانت سورية و التالتة مصرية .. والتلاتة ترشيح من زوجة مديري في الشركة و الأتنين الأولانيين إترفض الموضوع من الأساس علشان أني مسيري مهما تطول الأيام أرجع بلدي مصر و أستقر فيها .. و أهلهم كانوا رافضين أنها تعيش في بلد غير بلدها .. شوفت برده موضوع مصرية .. و فشلت برده ، لية بقا أغلبهم ماديين جداً .. و عايشين طول عمرهم مع أهلهم هنا في الغربة و أخدوا علي مستوي معيشي مُعين .. و أنا لسة شاب في البداية الحمد لله رب العالمين الحال كويس و ميسور .. لكن مش هقدر أحقق لها برده كل أمانيها و لا هقدر أعيشها في نفس المستوي اللي هيا عايشة فيه مع أهلها .. لأنها إتعودت علي نمط حياه مُعين ، إتعودت أن كل اللي تطلبة أهلها ينفذوه .. متعبتش ياعني و لا عانت ،، و برده حتى لو هيا موافقة أهلها مش هيوفقوا .. و كمان ممكن في أي وقت تحت أي ظروف أنزل مصر .. و طبعاً مش هقولها خليكي بقا مع أهلك و أنا هنزل مصر !! لازم طبعاً تنزل معايا .. هل أهلها هيوفقوا .. أهلها اللي مستقرين و عايشين طول عمرهم هنا يوافقوا ان بنتهم تبعد عنه في بلد تانية غير البلد اللي قضت طول حياتها فيها و بعيد عن عينيهم .. ياعني أفتكر سألوني و هتسكنها فين .. قولت إستديو صغير علي قدنا لحد ما ربنا يرزقنا بالذرية الصالحة و بعدها أشوف شقه مثلاً .. يقولي بنتي تقعد في إستديو !! ياعم ما إيجاره في السنة أقل شيء أقل شيء 35 ألف درهم .. و معني كدة أني عملت إنجااااااااز لحد ما وضعي يتظبط ياعمو ، لقيته أحرجني بصراحة .. و حكالي علي العيشة و المستوي اللي بنته عايشاه .. الخ بصيت لنفسي كدة و قولت إنســـــــــــــــى و مشيت .. بس إستفدت خدت الجرأه أني ممكن أتكلم في موضوع جواز و الكلام دا .. أما لو واحده مش عايشة مع أهلها و بتشتغل هنا ، هو كويس لأنها بتعاني نفس اللي أنته بتعانية من موضوع العزوبية دا فتتلموا أنتوا الأتنين في بيت واحد و هيا شغالة و أنت شغال و هتبقي راضية لانها كانت عايشة نفس عيشتك بالظبط .. بس بالنسبة ليا رافضة لأسباب شخصية .. لذلك قررت لما أنزل مصر والدتي هيا اللي تختار واحدة من بلدي عارفه أصلها و فصلها و سألين عليها كتير .. و ليا شروط محددة 1- .... 2- ..... 3- .... شروط عامة بقول لوالدتي يا حاجة علشان منضيعش وقت دي شروطي .. و هيا تدور و تقولي لقيت فلانه بنت فلان و لقيت علانه بنت علان .. و دوري أني أشوف هيا تتناسب فكرياً بقا معايا و لا لا ، الشروط اللي طلبتها موجوده فيها و لا لا دماغها و تفكيرها و طموحتها .. و أسلوبها في الكلام .. و هما كام سؤال هسأله ليها و إجابتها و طريقه الإجابة نفسها هتحسم الأمر مبدئياً بالنسبة ليا .. و الموضوع يبقي واقف علي أني أصلي إستخارة و الموضوع خلص .. طبعا التواصل بعد كدة هيكون علي النت .. في الفترة دي تركز تسألها في كذا حاجة تشوف رد فعلها هتتصرف إزاي ياعني تكون أسئلة موضوعيه تستنتج منها البنت دي إية بالظبط .. تشاركها في مشاكلك مثلاً في الغربة و تاخد رأيها و تشوف هتحل المشكلة دي إزاي .. و بعد كدا كمّل حب و أغاني و كلام رومانسي ياعم براحتك ، بس خلي دايماً هدف المكالمة اللي قولتك عليه .. و متستعجلش أوعى .. بالنسبالي الأجازة الجاية ان شاء الله الصيف دا هنزل أشوف .. لقيت لقيت ملقتيش أأجل .. الجواز حياه تانية خالص الجواز وضع تاني خالص و مسؤليات الجواز مش مجرد واحدة تطبخلك و تغسلك و تكويلك .. بس . الجواز ياعني إنسانة تشاركك حلمك ، إنسانة طموحة شايفة بكرة أحلي و أجمل ، الجواز ياعني جسدين و روح واحدة .. الجواز مسؤلية .. الجواز ياعني تلاقي إنسانة تسمعك و تسمعها تحكيلك و تحكيلها .. الجواز ياعني الصبر .. الجواز ياعني إنسانه تبص للي أقل منها و تقول الحمد لله و تعرف إنها عايشة في نعمة .. الجواز إنسانة تفضفض معاها و تقولها اللي مضايقك و هي كذلك .. تبقوا إيد واحدة في كل حاجة ، في أي قرار .. تخططوا أنتوا الأتنين لبكرة .. ترسموا حياتكم بإيديكم .. لولادكم إن شاء الله ، الجواز مش مجرد أتنين مع بعض أكل و شرب و نوم و بس الجواز أكبر من كدة بكتيييير جداً .. إياك تستعجل أنا بحذرك أهو .. اللي حكيته ليك دا علشان أوصلك نقطتين :- 1- موضوع الجواز من الغربة مش بحبة و دا نابع من 3 تجارب مختلفة و فشلوا .. جنسية غير جنسيتي و ذكرت ليك السبب و من جنسيتي و ذكرت برده ليك السبب 2- الإستعجال بلاش .. يبقي الحل من بلدك عايشة نفس عيشتك و متربية في نفس البيئة اللي أنته أتربيت فيها .. و ربنا إن شاء الله يرزقك بالزوجة الصالحة و متنساش تدعينا علشان نيجي نفرح فيك ;)

المغتربين بالإمارات دا رقمي .. 00971501640109 موجود لحد الساعة 2 بتوقيت الإمارات 12 بتوقيت مصر .. سارع بالتسجيل .. باقي ساعات محدودة .. كن إيجابـــــــــــــــــــــــي ..

ثانى اختراع .. كرتونة البيض . http://www.bbc.co.uk...iencia_en.shtml دى برضه اخترعها الاميركى ... Martin L. Keyes بعد ما اكتشف ان ممكن بنشارة الخشب يعمل (( مجسم لأى شئ )) ... زى ما بيقولوا عندنا ..(( اسطمبة )).. وبالتالى عمل الاشكال دى لحفظ البيض. و.. لنا عودة ان شاء الله ... :clappingrose:

على فكرة أنا قرأت البرنامج الانتخابي لكثير من الإسلاميين، ولاقيت إن عندهم تصور شامل لكل مشاكل البلد (ابتداء من تحديد حد أدنى للأجور- الاكفتاء الذاتي من الزراعة- العدالة الاجتماعية- التأمين الصحي- نشر الأمن -.......إلخ)، وعندهم حلول منطقية وجميلة جداً لك المشاكل.. طبعاً أنا لا أنكر إن في بعض الأشخاص محسوبين على الإسلاميين لكنهم في الحقيقة بيسيئوا ليهم، ولا يمثلوا رأي الأغلبية... المهم أنا كنت داخل بس عشان أقول: إن الفرق الوحيد بين الإسلاميين وغيرهم في السياسة، هو إن الإسلاميين بينظروا إلى الدنيا والآخرة معاً، أما غيرهم فلا ينظروا إلا إلى الدنيا فقط.. هايوضح مقصدي أكثر الآية الكريمة: {... فَمِنَ النَّاسِ مَنْ يَقُولُ رَبَّنَا آتِنَا فِي الدُّنْيَا وَمَا لَهُ فِي الْآخِرَةِ مِنْ خَلَاقٍ (200) وَمِنْهُمْ مَنْ يَقُولُ رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ (201)} سورة البقرة

نعم مسافر الحكام هم سبب معاناة الشعوب نعم ان تختار الشعوب من تراهم مناسبين لحكمها هذا في حد ذاته انجاز نعم الديمقراطية هي الحل لانها تعبر عن راي الغالبية بالطبع لكل قطر عربي ظروفه لكن النهضة العربية ستبدأ في وقت متقارب ولا يقارن هذا بالفرنسي وعدم ارتباط نهضته بالأمم الاخري لان الفرنسي وحده يشكل امه خاصة لا ترتبط بالأمم الاخري التي تتكلم لغات اخري مختلفة والامة العربية امة بحد ذاتها كالامة الفرنسية او الالمانية او الانجليزية ونهضتها ستكون في وقت متقارب عندنا في الاردن الشعب يغلي وينتظر سقوط النظام السوري لتبدأ الثورة بالأردن

و بيكسبوا كام في الشهر لما يعملوا كده ؟

السلام عليكم و رحمة الله و بركاته مين طفي النور :blink: انا داخلة المحاورات و قولت بس يا بنت يا لمضمض هي دي الحتة الطرية بقي اللي هتعدل المزاج قوووووووم ايه الاقي فيديو رجم أم و ابنتها انا اتنصب عليا ارفض فكركم جولة عن أراء النقاب سؤال ...مع احترامي لكل اساتذتي و موضوعاتهم اللي هي قطعا غاية في الاهمية بس عندي سؤال هو احنا بطلنا نحكي عن نفسنا ليه و توهنا وسط التوهة ليه و كأن حياتنا كانت ماشية عدل اوي يعني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حتي الحتة اللي الواحد عايز يتنفس فيها شوية انا حاسة اني تايهة و ان حد طفي عليا النور خد بايدي يا شيخ حسب النبي...(وش فؤاد المهندس في المرسحية)

تصيد الأخطاء ليس من حسن الخلق لا عليك نقع جميعا في أخطاء املائية و لغوية و نحوية عادي يعني لا أحد يعرف كل شيء { و فوق كل ذي علم عليم }

كان فيه 18 يوم سجلهم التاريخ بفخر وإحترمهم العالم .... كان المصريين فيه فقط مجرد .... مصريين بشر إيدهم في إيد بعض مسيحي بيحمي مسلم ومسلم بيحمي مسيحي وبنت في وسط رجاله وعيال كانوا بيشموا وبيضربوا بانجو وقفوا يحموا الرجاله والستات والبنات والأولاد ... ال 18 يوم دول كان ممكن يبقوا 18 سنة لو لقوا قائد يوجه التوهج ده في إتجاه الأمام كان تالقوة دي ممكن تنقل جبل المقطم ممكن تعمل بدل السد العالي ألف سد عالي ... بس للأسف كان القرار أن بدل ما القوة تتوحد نقسمها لحزم وكل حزمة تضاد التانيه في القوة وتشتغل عكسها وبالتالي نوصل لتوازن تتشتت فيه كل القوى. ده حالنا كان مؤامرة أم كان فشل ... ده وضعنا قوتنا كمصريين وقف العالم باحترام لحضارة اختفت لمئات السنين وظهرت في 18 يوم كان فيه اللى عايز يشتتها ، قسم البلد الأول جزئين انتخابات ودستور ، وبعد كده جزء النعم قسمه لجزئين سلفيين وإخوان وجزء اللا قسمه لأقسام كتيره المهم كله يقف قدام كله وبشرط ما سكونش فيه منهم منتصر ... نجح المخطط بشكل اكثر من رائع على الأرض مش بسبب عبقرية التخطيط فقط ... لأ كمان بسبب عبقرية الغباء وعدم ثباتنا النتيجة اللى اكتشفناه ان في خلال 18 يوم كان ممكن نكون ومش مستحيل ابداً اننا نحاول ناخد فرصة تانية من القدر 18 يوم تانيه الجسم اللى مات من سنيين اتضح إنه لسه فيه الروح وقدر يقوم ويمشي ويكافح مش ممكن نقبل خدعة إنه مات تاني الثورة مش ممكن تموت اللى اتغير مش المكان اللى اتغير جوه ناس كتير جدا حيظهر مع الوقت لأنه زى البذرة اللى إنغرست في 18 يوم وحتثمر إن شاء الله طالما فيه روح في الجيل اللى حضر الثورة