لوحة القادة

يااستاذ عصام . بداية حضرتك تعلم جيدا اد ايه انا بحترمك واحترم آراءك . لكن؟؟ المرة دى كلامك مش منطقى نهائيا يعنى ... كلامك ده ميصحش يعنى.... يعنى ايه (( دول شوية اغبياء ومش جاهزين للديمقراطية !!!!!!! مين اللى مش جاهز للديمقراطية ؟؟؟ وايه دخل فريد الديب ومبارك ف اللى بيحصل دلوقت ؟؟؟ مبارك مذنب ف الف حاجة والمذنب لابد ياخد جزاؤه ودى ملهاش دعوة بأى شئ آخر ....وفريد الديب مهما (( تذئب )) مش حايقدر ياخد لرئيسه البراءة . وياسيدى الفاضل. ربنا سبحانه وتعالى اكبر من كل دول . وبصراحة مش وقته اللى بتقوله والا اللى بتعمله ده والبلد مولعة يعنى مولعة يعنى مولعة فعلا . حرام.. حرام يعنى الناس اللى استشهدت قبل كدة واللى دلوقت ضاعوا برضه يروح دمهم هدر . حرام. حضرتك بتقول .....آمنت بالثورة ....وكفرت بالمصريين . وياريت يكون كلامك محدد وتقول كفرت (( ببعض المصريين )). فيه مصريين كتيرررررر قوى قوى شرفاء ....وبلاش تحكم على الكل من خلال حفنة اشرار سواء كانوا هنا.او.هنا. يارب احفظ بلدنا . مفروض كلنا دلوقت نبقى ايد واحدة ومش وقت القاء اللوم على حد . ربنا يستر .

اللقطة دى اخدتها صباح اليوم بالموبايل لحظة شروق الشمس من اجمل مارأت عينى سبحان الله

لا حول ولا قوة إلا بالله إنت في التحرير دلوقت يا أ محمود ؟ طب وأخرتها إيه ؟ هي قوات الشرطة والجيش في الميدان بس وهمها الصينية بس ؟ يعني فين الشرطة في المناطق دي ؟ ولا أنهارت هي كمان ومعاها الجيش ؟ انا والكثيرين بنقدم بعض الاشياء للثوار وبنلف فى اماكن قريبة من التحرير للتجميع وبشاهد الاحداث لكنى خارج الميدان انا بعمل امداد لوجيستى لبعض الاخوة معانا وللعلم العربة بتاعة واحد صديقى مسيحى ودة صديق عمرى واحنا مش عاجبنا اللي بيحصل من امبارح علشان كدة بنقدم على هذة الخطوة لسننا الكبير وبنقدم دة علشان لينا قرايب جوة الميدان والمهندس ياسر اخوة كان الصبح بالميدان وربنا يسترها نفسى اعرف اخبارة نحن نتحرك فى دائرة كبيرة من السيدة وعابدين الى الدرب الاحمر والدراسة والعباسية والظاهر وباب الشعرية والناس بصراحة بتساعد

**************** يُمكنك التعبير عن وجهة نظرك بدون تجريح في الأخرين يا عصام الإدارة سي السيد

اللهم إني أستودع الله الذي لا تضيع ودائعه بلدي اللهم احفظ بلادنا من كل شر اللهم رد كيد الكائدين في نحورهم آمين آمين

يا رب يا رب يا رب أنت المستعان و إليك المشتكى رد كيد الكائدين في نحورهم احفظ بلادنا أنر بصائرنا يا رب يا رب يا رب

عايزها تخرب عشان يفضل في الحكم بحجة حماية الثورة ولإعتلاء الكرسي بشكل رسمي بعد ييأس الناس من كل حاجه سياسة وإقتصاد وكله ..... اللي خلف ما ماتش يا مدام ذهبية واللي عمال يحوط مبارك وكلابه وفضل كذا شهر مخزنه في شرم الشيخ هو وجميع عصابتة بدون محاكمات .... هو هو نفسه اللي إضطر يعمل لهم محاكمات صورية وثبتنا ونيمنا بكام لقطة متصورة وهما في القفص ... والأن بعد مرور 10 شهور .. هل عندك أدنى شك في نواياهم وإننا ممكن نشطط بفكرنا ونقول إنه بيمهد الطريق لعودتهم بنفس شلتهم مرة أخرى إلى الحكم ؟ لكن كل دي مجرد اوهام بالنسبة لنا ... فالشعب المصري سيسحلهم جميعاً ويسحقهم كالحشرات

التليفزيون المصـــري

قتلى بالعبيط وسرقه وبلطجيه فى كل مكان وضرب وسحل متطاهرين سلميين منتهى ضبط النفس الحقيقه . ومش عوزينى اقول ياحلولى . لاء هقول ياحلولى وياحلولو كمان العالم دى عبيطه . مش ممكن العالم دى تحكمنا وهى بالعبط ده والجيش ال نازل سحل وقتل فى البشر ده الجيش ده بتعنا ولا بتاع اسرائيل ؟ العالم دى مصريين اصلا ولا مأجورين على مصر ولا عصابه مبارك والاربعين حرامى لاء وكان الشعب طالع مليونيه عشان اتقتل منهم ناس على الحدود . هأو . لاء وكمان هدلهم سورالسفارة الاسرائيليه عشان ال اتقتلوا من الجيش على الحدود . هأو لاء وكمان الجيش والشعب ايد واحده . هأو برده لاء والحزن المغلى بنلاقى ناس تقول الا الجيش السلميه دى عبيطه صدقونى لو ظابط قتل واتقتل ساعتها ممش هيعملوها تانى وهيحترموا نفسيهم لكن بيقتلوا وبدون محاسب وكبيرهم مظاهرة وتنفض يبقى ليهم حق يخلصوا على الباقى لاء وناقص يطلع لينا بيان من النائب العام يقول تأجيل محاكمه قتل الثوار لحين الانتهاء من قتل كل الثوار هأو أو

اليأس كفر .. وان كنت كفرت ... فانا قلت انى آمنت بالثورة وكفرت بالمصريين ...و يقينى ان يجعل الله من اصلابهم خيراً منهم .. ولطالما طالبت بالصبر على صفحات الحملة مع استمرارها ونلنا مرادنا فى النهاية ... لم اخون احداً ولم افترض افتراضات خاطئة يعني كفرت بنفسك؟ مش حضرت مصري؟1 في كتير اوي بيحبوا البلد خايفين عليها ومستعدين يضحوا بأرواحهم عشانها اوعى تصدق السحابة السودا اللي بيحاولوا يحطوها فوق دماغنا مش ممكن يكون 85 مليون خونة ؟؟؟ مش ممكن الفساد بس اللي بيظهر السطح و تحته كتير من الناس الطاهرة النظيفة الفساد بس اللي ريحته بتزكم الأنوف وبتغطي على الروائح الزكية المتعددة حواليه الفساد دلوقت بيفرفر وعامل زوبعة كبيرة و بيقاوم لآخر نفس تمام زي رئيس العصابة لما خلاص يبقى عارف انها نهايته و مع ذلك يحاول يعمل اي حاجة حتى و هو بيطلع في الروح الفساد بالونة كبيييييييييييييرة بس دبوس صغير يفرقعها ومش حنلاقي الدبوس طول ما احنا فاردين القش و عمالين نفتش فيه كل واحد بطريقته الاتحاد هو الحل واكيد حيحصل أكيد ربنا مش ممكن حيخذلنا مش ممكن يخذل مصر

للاسف انا مش كده خالص خالص ما علينا من شخصية نقية لانها وسعت منهم حبتين لكن قابل للتكيف ده غلط انا مبقدرش اتكيف علي اي وضع بسهولة خجول ماشي لكن انا معنديش اصدقاء علشان اكون صريح معاهم :)) عمري ما كنت قاسي في حكمي علي اي حد وانا دايما اللي بحاول ارضي كل الاطراف حوالية وفي النهاية محدش بيرضي قلبتي علي المواجع :) إلى كل اللي مش موافقين على نتيجتهم في الاختبار .. بحثت في النت فوجدت ترتيب مختلف للارقام من 1 إلى 9 أيضاً وجدت الجمل لا تحتوي على علامة الكسرة بأخر حروف الكلمة و التي تعني مخاطبة الأنثى .. و الذي يبدو لي ان مدام هند جابت النتيجة من منتدى نسائي .. و أن من قامت بتشكيل حروف الكلمات لتخاطب بها الأنثى أيضاً غيرت في ترتيب الشخصيات .. ربما لتعاكس بعض زميلاتها في المنتدى النسائي الآخر بحيث تصبغ على كل منهن ما تود هي أن تنعتهم به من صفات (مش بتكلم عن مدام هند .. لأ بتكلم عن صاحبة الموضوع في المنتدى النسائي الآخر) .. و دلوقتي مع الترتيب الجديد الذي وجدته على النت.. ربما يوافق طبيعة شخصيات كل المعترضين : 1- أنت شخص جذاب , قوي , ذو شخصيه قياديه.. انت مليء بالطاقه و العاطفه ,, وهذه العاطفه لها جانب مظلم في بعض الاحيان..! انت لاتفشل ابدا في جذب الانتباه.. سريـــع البديهه ... وسريع ايضا في فقدان اعصابك...! 2- أنت شخص حالم .. مسالم .. وطفولي.. كما انك متفائل .. تهتم كثيرا بالآخرين وتحاول دائما ان ترى الجانب الايجابي فيهم.. انت تنزع لان تكون مبتسما دائما و تحاول جعل الاخرين مبتسمين ايضا.. انت خجول .. وذكي .. وتعمل بجد .. انت ايضا شخص مسلي عالرغم ان الاكثريه لا يرون الجانب المرح فيك..!! 3- انت شخص سعيد .. مندفع .. وواثق من نفسه ,, تريد من الجميع المعرفه بمدى نجاحك.. انت منطقي .. وترى الحياه كلعبة استراتيجيه .. انت تحب الوحدة قليلا.. كما تحب الاعتماد على نفسك.. تحافظ دائما على برودة اعصابك.. لقد ولدت لتكون قائدا ولك نجاح باهر في حقل الاعمال.. 4- انت شخص نقي .. طاهر .. وقابل للتكيف في جميع الاوضاع.. انت تميل للاندماج في محيطك.. تبدو خجولاً لمن لا يعرفك.. لكنك تعبر عن جميع ارائك وصريح للغايه مع اصدقائك.. انت تؤمن بأنك تعيش حياة عفيفة وطاهره.. وتميل الى الحكم على الاخرين بقسوة احيانا.. ونتيجة لذلك يتوق الاخرون الى رضاك عنهم..!! 5- انت شخص طيب ومحظوظ.. مثل الطبيعه الام .. تحب ان تساعد الكل.. انت جيد في كتم الاسرار وتميل الى ان تكون كتوما عموما.. تبحث عن التناغم في كل الامور وتحب الاصلاح بين الجميع.. يستمتع الناس بصحبتك كثيرا لانك لا تحاول اظهار شخصية غير شخصيتك وتتصرف دائما على طبيعتك وتحاول اشعار الاخرين بالراحه..!! 6- انت شخص محترم ومتدين وحكيـــم.. غير راض عن نفسك دائما وتحاول الوصول بها للأحسن.. تبحث دائما عن المعرفه وغالبا ما توجد بين الكتب..!! تغلب الى ان تكون فيلسوفا يبحث دائما عن معنى الحياة.. تحلم بالتصالح مع نفسك والسلام الدائم لك ولأصدقائك وللعالم.. عموووما انت صديق جيــد..! 7- انت شخص أنيــق وذكي لكنك تميل للإنعزال.. عقلك يعتبر سلاحك الذي يستطيع حل اي لغز أو مشكله.. انت ايضا تبرع في التشكيك في مشادات ومعتقدات الاخرين وتكتشف الكذب بسهوله.. بالنسبة لك الراحه والهدوء يأتون في الدرجة الاولى.. انت تفضل ان تخفي مشاعرك وتظهر الجانب القوي فيك..!! 8- أنت شخص يعتمد عليه .. محبوب .. ولك حضور مميز.. عميق الشخصيه ميال الى تقلب المزاج.. في الحقيقه مشاعرك تؤثر على كل ماتفعله.. انت شخص يتبع قلبه لا عقله,, انت فريد من نوعك .. مبتكر .. ومعبر.. انت لاتمانع في اظهار طباعك ومعتقداتك الغريبه بين فتره واخرى .. ولحسن حظك... معظم الناس يرون غرابتك جذابه كثيراً.. 9- انت شخص مرح .. يحب الخروج .. ومتواضع لدرجه كبيره,, بالإضافه الى انك شخص منطلق كثيرا .. وذو روح مرحه وعفويه.. انت شخص متهور ومندفع وكل يوم جديد هو مغامرة بالنسبة لك.. وعلى الرغم من انك تفكر احيانا قبل الاندفاع في اي شيء.. مع ذلك انت تدهش الناس وتخيفهم احيانا بتصرفاتك..!!

فئران السفينه دائماً مختبئون لا يخرجون الا عندما تهدأ العاصفة ليلعقوا الدماء التي اوريقت على الارض ولا يشفع لمن قتل انه كان يجاهد ليصل به الى بر الأمان وان فقد روحه وانتم مارحتش تستشهد ليه يازعيم للأسف الشهداء ربنا عز وجل هو اللى بيختارهم ويبقى شرالبشر

انا مش بنتقد الاخوان انا عيزاهم ينزلوا لان انا مش ساذجة و عارفة انهم قوة ضغط على الحكومة و بمجرد ما هيقولوا نازلين الدنيا هتولع و المجلس هيخاف و يبطل ضرب و يبدا يتفاهملانهم قوة لا يستهان بها و لو فيه حد بيحب شباب مصر ده اللى مفروض يحصل انا هستفيد ايه لو مكنش قوة الاخوان تحمينى انا و اخواتى و عايزين يدخلوا بها المجلس فقط

اليوم تولد الثورة من جديد ، عندما اجد شبابا يضحي بكلا عينيه وعجوز في الخمسين تقول لن اترك الميدان الا مقتولة ، أقولها لمن يؤمن بالحق اليوم لن تموت ثورة المصريين هناك من باع دمه وعمره من اجل تراب هذه البلد اليوم يثبت الشعب حقه في بلده ولو ضحى بكل عمره ، اليوم بذرة الثورة الاولى تنبت بعد جفاف 9 اشهر الشعب لن يموت وليسقط الظلم والجبن

انا سهرانة بقالى يومين محدش كان عايز يهاجم وزارة الداخلية او اى حاجة الحركة ديه ظهرت من الامن و بعدين المتظاهرين اتبنوا الفكرة ساعات بسيطة و عادوا للعقل تانى محدش يصدق القنوات المصرية شوفوا المهازل اللى على بقية القنوات من الامن

بالعكس ياريس الرياض دي عز الطلب لانك لو وثقت من غرفه الرياض يبقي كده توماتيكي توماتيكي يامعلم علي النت يايقبلوا يايرفضوا يايقولك تعالي الرياض بصوره اقامتك انت والولاد وده احسن لان جده معقدين عن الرياض انا لسه زميلي قبل الحج جاب حماته عشان تحج من الرياض وكل اللي طلبوه صوره الاقامه

بيان عاجل من | الإخـــــــــــوان المسلمـــــــــــون شارك الإخوان المسلمون عديدًا من القوى والتيارات المختلفة في مليونية الجمعة "جمعة حماية الديمقراطية"، وتمت- بفضل الله تعالى- سلميةً حضاريةً راقيةً لم تقع فيها حادثة واحدة، وأثبتت الاعتراض على وثيقة الدكتور السلمي، ودعت إلى سرعة تسليم السلطة في منتصف 2012م، وفي المساء انصرف الناس في هدوء وسلام، إلا بضع عشرات اعتصموا في حديقة وسط ميدان التحرير، وفي الظهر هاجمتهم قوات الأمن المركزي وفضت اعتصامهم بالعنف والقوة المفرطة، ولم يقف الأمر عند هذا الحد، بل تم فض اعتصام آخر قائم منذ نحو أسبوع لضحايا ثورة 25 يناير؛ حيث اعتصموا من أجل تلبية مطالبهم في علاج ودواء أو وظائف مناسبة أو تعويضات عادلة، وهؤلاء يستحقون منا كل تقديرٍ وتبجيلٍ وإكرام ورد للجميل، إلا أن الداخلية كافأتهم بالضرب والعنف والطرد، الأمور التي أثارت حفيظة الشباب الذي يرفض ونرفض معه أن يتم التعامل مع المصريين بهذا الأسلوب الوحشي، فتنادى الشباب على وسائل التواصل الاجتماعي للنزول إلى الميدان وصار المعتصمون الذين كان بضع عشرات صاروا بالآلاف، واشتعل الصدام بينهم وبين الشرطة بسبب السياسة الخاطئة. وموقف الإخوان المسلمين من الاعتصامات أنها حق دستوري للمعتصمين طالما كانت سلمية لا تُعطِّل المرور ولا مؤسسات الدولة ولا الإنتاج، ولا تعتدي على الممتلكات الخاصة والعامة، ومن ثَمَّ يكون الاعتداء عليهم جريمةً، لا سيما إذا وصلت إلى حدِّ القتل وفقء العيون والإصابات الجسدية، كما حدث بالأمس والتي وصلت إلى المئات. ولقد حاولت مجموعةٌ من رموز الإخوان التوسط بالأمس من أجل التهدئة ونزع فتيل الفتنة إلا أن الاعتداءات التي ارتكبتها الشرطة كانت أكبر من المحاولة، ومن ثَمَّ لا تزال الأزمة مشتعلة حتى الآن؛ ولذلك فنحن نتوجه بخطاباتنا التالية إلى: الشعب المصري العظيم: أن يتيقظ لمحاولات إجهاض الثورة وإعادة إنتاج النظام البائد مرةً أخرى في صورة جديدة؛ ولذلك ندعوه إلى التمسك بإجراء الانتخابات البرلمانية في مواعيدها، وليعلم الجميع أن شعبنا الواعي ونحن معه لن نسمح بإلغاء أو تأجيل الانتخابات مهما كان الثمن؛ لأن ذلك يُعدُّ انقلابًا على الثورة والحرية والديمقراطية وإعادة للاستبداد والفساد والاستعباد الذي ضحَّى الشعب بدماء أبنائه وأرواحهم من أجل التخلص منه. المجلس الأعلى للقوات المسلحة: لقد استأمنك الشعب على السلطة وإدارة البلاد فترةً مؤقتةً لمدة ستة أشهر طالت إلى نهاية العام، وليس لدينا استعداد لمدها أكثر من منتصف 2012م (إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا) (النساء)، كما نطالبكم بالوفاء بوعودكم الكثيرة في الموضوعات المختلفة التي ألزمتم بها أنفسكم (يَا أَيُّهَا الَّذِينَ آمَنُوا أَوْفُوا بِالْعُقُودِ) (المائدة). ونطالبكم بالخروج عن صمتكم، والحديث إلى الناس بما تنوونه بشأن تسليم السلطة فذلك كفيل بطمأنة الناس، كما ندعوكم لكفِّ أيدي الشرطة عن العدوان على الشعب، تلك الشرطة التي اعتزلت دورها ومهمتها مدة طويلة، ثم خرجت على المعتصمين بجحافل الأمن المركزي تبطش وتقتل وتصيب، ومحاكمة كل من أمر بهذا العدوان. الشباب المصري النبيل: لقد أثبتَّ وعيك وشجاعتك واستعدادك للتضحية من أجل وطنك، لكن ينبغي أن تحول بين القلة وبين الاعتداء على مؤسسات الدولة، فهي مؤسساتنا جميعًا وليست مؤسسات الحكام، كما ينبغي أن تُغلب الحكمة في التعامل مع الأحداث، ولا تترك للفلول والفاسدين أن ينجحوا في استفزازك من أجل تعطيل المسيرة والديمقراطية. السياسيين والمثقفين: طالما ناديتم بالحرية والديمقراطية التي هي حكم الشعب، وقد آن الأوان لكي يقول الشعب كلمته ويعلن اختياره وإرادته فهل ستحترمون هذه الإرادة أم تنقلبون عليها؟!!، فمصداقيتكم الآن على المحك ونرجو أن تنجحوا في الاختبار. الإعلاميين: إن الله تعالى قد منحكم سلطةً خطيرةً لينظر كيف تعملون، فعليكم الالتزام بالصدق والأمانة والشفافية والحيدة والتجرد.. (مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ) (ق)، "وهل يُكبُّ الناس في النار على وجوههم إلا حصائد ألسنتهم". وقى الله مصر من كل سوء، وأوصل سفينتها إلى برِّ الأمان. الإخوان المسلمون القاهرة في : الساعة الخامسة مساء بتاريخ 24 من ذي الحجة 1432هـ الموافق 20 من نوفمبر 2011م

وَإِذْ يَمْكُرُ بِكَ الَّذِينَ كَفَرُواْ لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ. صدق الله العظيم.

المستشفى الميداني في احد المساجد بالميدان يقول أن امامهم 5 جثث لقتلة سقطوا بطلقات الخرطوش منذ قليل عارفين إيه السبب من غير مواربة ؟ لأن اللي قتلوا المتظاهرين في يناير لسه بيبرطعوا وأترقوا أو مسجونين وبيتأدى لهم التحية العسكرية ... يبقى عاوزين إيه بقى من الباقي ؟ وكلب كذاب هو مساعد الوزير طالع إمبارح يقول لم ولن يحدث أن يتم تسليح قوات الأمن بالخرطوش أو الرصاص المطاطي وعادي كله بيعدي من غير حساب مش ممكن يعني

في قعدة صفا من شوية كده بيني و بين مريم و قاعدين بنتكلم عن المدرسة و نظام ها يا حبيبتي احكيلي عملتي ايه النهاردة لقيتها بتقولي النهاردة شوفت عادل صاحبي ( اصلهم في المدرسة من اول السنة دي و عملوا فصل قوات بين البنات و الاولاد) المهم قعدنا نرغي شوية على اصحابها و لقتها بتقولي بس عارفه يا مامي انا اكتر واحد بحبه في اصحابي هو زين باقولها اشمعنى قالتلي و بكل حماس كده و اقتناع شديد عارفه يا مامي انا باحبه ليه لانه عارفه الراجل .... الراجل اللي بيخاف على صاحبته هو زين كده انا بامسك الضحك في نفسي و باسألها ازاي يعني يا مريم راجل و بخاف على صاحبته قالتلي لانه كان السنة اللي فاتت لما يلاقيني زعلانة او باعيط بيجي يقعد جنبي و يقولي مالك و كنت باحكيله اللي مضايقني قولتلها فعلا هو كده ولد محترم و بيخاف على اصحابه قالتلي بس عمري ما قولتله اني بحبه قولتلها مش لازم تقوليله يا مريم لانه احساس طبيعي ان الاصحاب يحبوا بعض مش محتاجين يقولوا لبعض يعني مش انتي بتحبي فرح و كرستين اصحابك و هما اكيد بيحبوكي و بالتالي مش لازم تقولوا لبعض لانه شئ طبيعي و عادي اصلا احلى ما في الموضوع جملة انه راجل و بيخاف على صاحبته عسل بنتي اوي الاطفال دول بجد فيهم براءة غير عادية يا ريتني ارجع صغيرة تاني. يا ريت

اتمنى فعلا ذلك ممدوح حمزه دا أكبر خروف علي رآي تيمور .. عايز يحسن صورته قدام الثوار من جديد بعدما أخزلهم برفضة المشاركة في مليونية المطلب الواحد .. و موافقته علي وثيقة السلمي .. و دا أكبر واحد عامل فتنه في مصر بسبب تصريحاته الشاذه .. شوفي قال إية ( المشاركة في مليونية الجمعة المقبلة قلة أدب ) .. و دا الرابط دا كفاية التعليقات اللي علي الخبر .. هو حر في رأيه يا عمدة على الاقل مدعاش لاعتصام ورجع في كلامه ويعنى انت شايف الاعتصام جاب نتايج حلوة !!!!! ماهو كله من التهييج اللى عملته القوى الدينية لا الوثيقة اتسحبت ولا البلد شكلها حتعمل انتخابات بلاش تلميح للشيخ حازم . لو سمحت مفيش أي حركة او تيار أو حزب أو بنأدم دعي للإعتصام نهائياً و راجعي الفيديو الخاص بالشيخ حازم و إسمعيه كويس أرجوكي بلاش نردد كلام مش متأكدين منه الراجل قال أنه يحترم رأي أي حد هيعتصم و أن دا من حقهم ، و قال بذكركم ان معادنا هنا كل يوم جمعه و نزل إمبارح بالليل مع المُعتصمين الخروف دا بقا عمل إية و هوه أصلاً السبب في كل اللي بيحصل و تصريحاته الشاذه اللي متطلعش إلا من شاذ زيه ممدوح حمزة البلد كها قرفانه منه و من اللي خلفوه و برده هتعملي زي التليفزيون المصري و تقولي القوي الدينيه بس اللي كانت بتتظاهر إمال بقيت الأحزاب و حركة 6 إبريل و الناس دي كانت فين منزلوش الميدان ياعني .. مليونية الجمعة شارك فيها كل القوي السياسية و الأاحزاب و التيارات ماعدا قله قليلة .. و معروفين لما نُحكم و نتكلم منقولش تيار إسلامي بس نقول الكل مش البعض و نتأكد من المصادر و نقرا و نسمع كويس

ده كفاية انه أعلن أكتر من مرة انه شارك بنفسه في وضع وثيقة السلمي..وانها المخرج الوحيد لمصر من اللي هي فيه أشعر بالغثيان عندما أرى صورته أو أقرأ أي تصريح له .. صدقت يا تيمور في وصفك و الله العظيم حسبي الله و نعم الوكيل فيك و في كل اللي يضر البلد ممدوح حمزة لايقل فى فسادة عن محمد ابراهيم سليمان وجهين لعملة واحدة ودا كان سبب العداوة واى حد يعرف واحد شغال عندة او شغال فى مشروع اشرف علية يمكن يسهولة التاكد من ذلك بس مش مهم اى حرامى او مرتشى او فاسد يطلع يقول كلمة السر ثورة يبقى الجميع يجرى وراة و يسقفلة

لم أشأ ان اكتب هذا الموضوع في هذا الوقت ولكن يبدو انه لابد من ذلك وساطرح العوامل التي رأيتها من وجهة نظري. يسمعكم الناس ترددون إن "إستغلال الدين" في العملية السياسية والترويج لللانتخابات عملية لا أخلاقية كما أن العملية السياسية كي تكون عادلة فلا بد من ضمانة عدم وجود أحزاب على أساس ديني! فهل هذا ذنب التيارات والاحزاب الاسلامية ألا يدخل الدين في إصلاح التاجر الغشاش ألا يدخل الدين في التحفيز على العمل والانتاج والنظافة واتقان العمل ، ألا يدخل الدين في وضع مباديء القتال ومعاملة الاسير ومعاملة الآمنين في بيوتهم....فكيف أنحيه عن السياسة وكل ما ذكر سابقا متعلق بالسياسة سواء داخليا او خارجيا. مشكلتكم هي الإصرار على تقديم الطرح الذي يخالف عقائد الناس ورغباتهم وهويتهم الإسلامية والعربية ، فالديموقراطية التي أخترتها أنت وطلبت مني ان أستخدها تحتم علي وعليك أن يطرح كل منا فكره على الشعب وليختار الشعب ما يشاء ، دستور اولا انتخابات اولا رئيس اولا......فالشعب وحده هو الذي يحدد فمن فضلك لا تلمني على أني أطرح للشعب ما يريده! هل من الديموقراطية أن ترفض اسلوبي ووسائلي وتشوهها لأنها ليست أساليبك أنت! هل من الديموقراطية أن ترفض ما يريده الشعب لأنه ليس ما تريده أنت؟ أنتم من استخدمتم اسلوب تشويه الاخر بدلا من تطوير قدراتكم والتقرب من الشعب ، فأنتم من تعاليتم عليه وقلتم له نحن النخبة المثقفة التي تعرف وتفهم اكثر منك، ، فلو كرهك الناس واستحقروك فلاا تلم إلا نفسك ولا تلمني أنا ، فأنت من طرح للناس ما يخالف معتقدهم وطبيعتهم فانصرفوا عنك تلقائيا عندما تسخر لسانك وقلمك لتشويه كل من يشجع على الحجاب أو النقاب فلا ترجع وتبكي أننا حولنا المعركة السياسية لمعركة غير متكافئة فأنت من صنع هذا وأقحمت الدين لتشويه خصومك. حين تروج للناس إنه لا ما نع من زواج المسلمة من المسيحي ، فلو ظن الناس بك بريبة وشك فلا تندهش. حين تنشر فتاة صورتها العارية على مدونتها وتزعم أن هذا من الحرية هي وصديقها الملحد فلا تلوم السلفيين والإخوان! حين تكون كل أفلامك دائرة في نطاق الزنا والفاحشة فلا تلوم الناس أنها لا تحترمك! حين تشوه صباحا مساءا في اعلامك وأقلامك رموز مصر الإسلامية التي يحترمها العديد من طوائف الشعب و ترفض مشاركتها بدافعها الوطني في حل مشكلات الوطن مروجا أن هذا اقحام الدين في السياسة فلا تلوم الناس ! حين تسمي أحد أكبر المليونيات وتطلق عليها مليونية الجهل ومليونية قندهار لأن أغلب المشاركين فيها يرتدون الجلاليب فلا تحزن حين يولي الناخبون ظهورهم لك وهم الذين يمثل مرتدو الجلاليب فيهم 80 في المائة من الشعب في الدلتا والصعيد ، وقتها فلا تتهم إلا غبائك السياسي! حين تستنكر على السلفيين محاولة مشاركتهم في بناء وطنهم ومشاركتهم في صنع المستقبل السياسي للبلاد وتريد اسقاطهم من الحسابات وتعايرهم بأنهم كانوا في الكهوف ، فإنك أسقطت نفسك من نظر مشاهديك لأنه سيراك أناني لانك تريد بعد الثورة أن يظل هذا التيار الكبير معطل ومقموع وغير فعال وغير مشارك فيس صنع القرار، فكان الأفضل لك محاولة اصلاح عيوبهم التي تراها بموضوعية وحب ، بدلا من تشوييه واقصائه وبعد ذلك تلومه لو تشدد او تطرف. حين تتهم الإخوان المسلمين بالركوب على الثورة مرددا انهم كانوا يحرمون الخروج على الحاكم ، وانت لا تعلم فقه المصالح والفاسد ، وتنكر دورهم الرئيسي في انتشال الثورة من السقوط بعد يوم 28 يناير فلا تلوم الا نفسك عندما يراك الناس مثلك مثل اعلامنا المضلل. حين تقومون بترويج إشاعات قبل التحقق من صحتها عن قيام السلفيين بقطع الأذان والعمالة لأمن الدولة وحرق ثم تأتي بممثلي السلفيين للدفاع عن أنفسهم فأنت قدمت أقوى دعاية للسلفيين بين من لم يعرفوهم وهذه هي الخدمة الأجمل التي قمت بها أعزائي الليبراليين والعلمانيين في مجتمعنا المصري أنتم بطرحكم هذا حولتم العملية السياسية من منافسة إلا مخاصمة! فسامحونا ولا تلومنا ولكن لم نفسك ، ليس ذنبي أنك لا وجود لك في الشارع! ليس ذنبي يا سيدي أنني في الوقت الذي أني اخترت العمل في الشارع وشاركت في العمل الديني و الاجتماعي والنقابي والسياسي بقدر ما سمح لي ، اخترت أنت الجهاد على قنوات التوك شو! ، وكان تصدرك للعمل السياسي والاعلامي والصحافي والفني سببا في مساعدة النظام السابق على الفساد الذي وصلنا إليه...فلم نرى وزيرا او غفيرا أو محافظا منتمي للتيار الاسلامي بل كان دائما محاربا له ومحذرا منه ، ولم يكن المجال الفني والفضائي مملوءاً إلا بكم..فلماذا لا تريد لغيرك أن يأخذ فرصته ؟ فاعذرونا يا اصدقائنا ليس ذنبنا أن الشعب المصري عايش سيطرة اعلامكم وصحفاتكم التي كانت وماتزال تريد وضعنا في وضع الدفاع دائما ، ولا تلوم شعبنا الذي لا يقبل أنصاف الحلول فيما يتعلق بعقيدته أو هويته فبدلا من محاولاتك المستميتة لتشويه صورتي فلتحسن صورتك اولا و توافق الشعب فيما يريد ويرغب وتضع يدي في يدك لكي ننهض بمصر فعلا بدلا من تضييع الوقت في حروب من مخاوف وهمية.

اهلا النهارده كنت في جده ركبت الطياره من الكفر الساعه 2 بالليل ووصلت 3 الفجر صليت الفجر واتلقحت علي رصيف الخارجيه للساعه 8 صباحا وبعد مادخلت عشان اقدم زياره لحماتي -مهنه اختصاصي تسويق- الراجل قالي برضه لازم تراجع الاستقدام يهديك يرضيك انا جاي من بعيد مفيش فايده بالرغم من ان اللي كان ورايه كان نفس المهنه وخد منه الورق بس كان بيعمل زياره لابنه الظاهر فعلا بيرخموا في الام والحماه بس المهم اخذت تاكسي وطيران علي مكتب الاستقدام في الاربعين وطبعا كل الشكر لصاحب الموضوع اللي خلاني اعمل حسابي واطبع نموذج الزياره بتاع الاستقدام من النت واوثقه احتياطي قبل مااروح المهم دخلت علي الموظف بتاع الليفل الاول اللي بيراجع الورق راح قايلي لازم خطاب التعريف يكون موجه لمكتب الاستقدام وانا كنت موجهه للخارجيه المهم قعدت اقوله والنبي ياعم معلش انشالله امك تحج انا جاي من بعيد -طب هات الكوره وهانلعب بعيد والنبي ياعم احسن لو رجعت من غير الكوره ابويا هايقطعني .....ارهاصات الطفولهclwn: - المهم مشي موضوع خطاب التعريف . قالي بس لازم تملي الطلب وتختمه روحت مديهوله وقلتله خوووووود-زي العفريت اللي في الاعلان اللي تحت ده- شهاده التخرج موثقه -صوره- خووووووووود صوره باسبور حماتك - خووووووووود خطاب من المستشفي ان زوجتك تعبانه-خوووووووووووود صوره اقامتك واقامت الزوجه -خوووووووووود صوره شهاده ميلاد الزوجه ....اخ مش معايا طب ينفع القسيمه وفيها اسم الام قاللي ماشي فقولتله خووووووووووووود http://www.youtube.com/watch?v=xh4jqJorVCg المهم اداني رقم وطلعت لليفل التاني وروحت للموظف اللي في الصاله ده يااما يطبعلك الاذن او الوحش ياكلك المهم قعد يسألني انت ازاي علوم والمهنه اختصاصي تسويق قولتله اني بشتغل في تسويق اجهزه المختبرات وسالني عن مبررات الزياره -اهم حاجه تكون مقنع في اجاباتك - الحمدلله رجعت الخارجيه بسرعه واخد الاوراق وقاللي راجع النت بعد اربع ايام المعجزه اني خلصت القصه دي في ساعتين الاربع يعني الساعه10 الاربع كنت طالع علي المطار

حرق البلد و منع التحول السلمى للديمقراطية من قبل المجلس العسكري .. للاسف لا اية فايدة الاعتصام دلوقتى او هدفة الثورة بقت عاملة زى واحد بيجرى و ناس بتجرى وراة محدش عارف هما رايحين فين و لا هما بيجرةا لية ما أنا قولت لحضرتك يا فندم ، مفيش حزب او حركة و احدة يوم الجمعه قالت أن فيه إعتصام نهائي .. و كل الناس روّحت بيوتها و الإخوان أيضاً كلهم روحوا بيوتهم .. اللي كان موجود أهالي الشهداء و المصابين ناس لا حول لهم و لا قوه .. اللي ظهر في الميدان مستحيل يكونوا ثوار أبداً اللي بيحرقوا و يكسروا دول و أكيد حضرتك شوفت أمس العساكر بزي مدني و أعمال تخريب اللي كانوا بيعملوها .. الوضع خطير جداً جداً و المجلس العسكري مش عايز يعمل إنتخابات و لا هيسلم سلطه بالشكل دا .. أهو بيقولوا هتكون علي نهاية 2012 ( إذا إستقرت الأوضاع ) هأو طيب ما انتة من مصلحتك ان الأوضاع مش تستقر علشان تقعد أطول فترة ممكنه في السلطة تسرق تنهب براحتك لعبة قذره من المجلس العسكري ..

أهلا أخت عبير القوانين المنظمة للقطاع المصرفي في مصر أو غيرها من الدول تلزم البنوك ( بإختلافها ) بإيداع أرصدتها ومخصصاتها وإحيتاطياتها في البنك المركزي وذلك لأن الدولة ضامنة للودائع , وبالتالي عندما يقوم البنك الإسلامي بإيداع الحصة الخاصة به في البنك المركزي بجانب البنوك الأخرى فهذا ليس معناه إن الأموال الحلال إختلطت بالحرام !! البنك الإسلامي أودع مبلغ مليون جنيها مثلا من معاملاته الإسلامية عندما يطلب امواله من البنك المركزي سيجد نفس المبلغ وهو مليون جنيها دون زيادة ولا نقصان , اما لو حضرتك تقصدي بإختلاط الاموال الحلال مع الحرام أن يقوم البنك الإسلامي بتسجيل وقيد ( سيريل ) أوراقه النقدية قبل ذهابها الى البنك المركزي حتى يأخذ نفس هذه الأوراق عندما يطلب أمواله فهذا كلاما أخر عندما أعمل في مؤسسة فأنا أحصل على راتبي , أي أجر مقابل عمل وبالتالي لا دخل لي إذا كانت الشركة تتعامل مع بنوك ربوية أو لا أنا أؤدي عملا شريفا وحلالا وأحصل على أجري مقابله ليست كلها ضحك على الذقون يا أخت عبير صحيح هناك البعض منها يأخذ الإسم فقط , لكن بالطبع هناك المتصف بالإسلام إسما ومعاملات وحضرتك تستطيعين العودة لدراسات عن البنوك عن الإسلامية وستجدي أن الفارق جوهري وكبير بينها وبين غيرها وأن الامر لا يقتصر فقط على سعر الفائدة وحتى ولو فرضنا أن جميعها يأخذ إسم الإسلام فقط لكنه صورة طبق الأصل من البنوك الغير إسلامية فأنا كمسلم في هذه الحالة قمت بواجبي أمام الله وأشهدت الله أنني أودعت أموالي في بنك أعلن أنه سيتعامل بها طبقا للشريعة الاسلامية وفي هذه الحالة لو خالف البنك ذلك يتحمل مسئولوه الذنب أمام الله ولست أنا . تحياتي لكي

مساء الخيرات . هيا بنا نتحدث فى موضوع مختلف بعض الشئ عن مواضيعنا المعتادة .. اليوم سوف نتحدث عن معرض اقيم فى متحف العلوم بلندن للصناعات الضرورية التى نستخدمها فى حياتنا يوميا ...ولا نتذكر ولا نعلم من اخترعها ولا حتى نعطيها اى اهمية . مثلا.....مشابك الغسيل. اخترعت عام 1903 بواسطة الاميركى ........ Albert J. Parkhouse. http://www.bbc.co.uk...iencia_en.shtml لنا عودة ان شاء الله .. :clappingrose:

ازيك يادكتور ياسر بما انك ترى ان البنوك العاملة تعتبر بنوكا ربوية ، هل من الممكن أن تعطيني تصورك لكيفية عمل البنك حتى لايصبح بنك ربوي ويصير بنك إسلامي ، أم ترى أن يتم غلق البنوك بالضبة والمفتاح؟ وارجوك الا تأخذ سؤالي على أي محمل غير الجدية ، ولاتقل لي انك غير متخصص وان الدولة يجب ان تجد حلا. ارجو ان تضع لنا تصورا لادارة الأموال داخل الدولة سواء ابقينا على البنوك او الغيناها بشرط ان تتوافق مع فهمك للربا والصالح العام. وايضا ليتك توضح لي مفهومك عن الربا الذي نهى الله آكليه بألا يأكلوا الربا أضعافا مضاعفة. السلام عليكم ورحمة الله وبركاته أستاذ محمد أسلوب عمل البنوك الإسلامية يا أخي محمد لن نخترعه نحن , فهو أسلوب معروف ومطبق بالفعل في فروع المعاملات الإسلامية في معظم البنوك في الدول الإسلامية ,وهناك أيضا بنوك إسلامية خالصة كثيرة ومنتشرة الان ما أريد قوله أن ما ورد من أسئلة في مداخلتك المقتبسة أعلاه يليق على إبتكار جديد مثلا لم تتضح معالمه وليس على نظام معروف وله كتبه ومتخصصوه ممن شرحوه بالتفصيل الوافي وأقصد نظام البنوك الإسلامية البنوك الإسلامية نتائجها تتحدث عنها , ويكفي أن نسبة نموها في السنوات الاخيرة تفوق البنوك الربوية , ويكفي أن البنوك الإسلامية هي الوحيدة التي صمدت في الازمة العالمية الماضية وهذا بشهادة خبراء الإقتصاد الغربيين أنفسهم وماليزيا مثلا وضعت خطة توسعية في نظام البنوك الإسلامية بحيث تقوم بإحلال تدريجي للبنوك الاسلامية مكان البنوك الربوية بحيث تصل بعد سنوات معدودة ومقدرة في الخطة لأن تكون عاصمة البنوك الاسلامية في العالم أجمع الفرق بين البنوك الإسلامية والبنوك الربوية نستطيع أن نلخصه في وصفين فقط : البنوك الغير اسلامية تعتمد على ( الربا ) , والبنوك الإسلامية تعتمد على ( المرابحة ) والفرق ضخم بين الربا والمرابحة وطبعا لا أريد التوسع في هذه الجزئية حتى لا أخرج عن الموضوع كثيرا تحية لك أخي الفاضل

مصور المصري اليوم الامن ضربه في عينه برصاص ولسة الداخلية بتكدب وتقول ما ضربناش رصاص، حسبنا الله ونعم الوكيل فيهم http://www.youtube.com/watch?v=_yeBZGXcLWM&feature=youtu.be

والله العظيم ان كرهت نفسي وكرهت البلد وكرهت الدنيا من اللي احنا فيه ايه اللي وداهم لمبني الحي وينهبوه وبعد كده يقولك اصل دول مش ثوار دول بلطجية وعايزين الحرق وايه اللي وداهم لمبنى مديرية الامن في اسكندرية مع العلم ان المظاهرات في ميدان القائد ابراهيم في ناحية ومبنى مديرية الامن في ناحية تانية خالص ويقولك شوف الشرطة بتموت في المتظاهرين من كام يوم فضلت مش عارف اروح بيتي لان كان فيه مشاجرة بين تجار الحشيش استمرت اكثر من ثلاث ساعات سقط من خلالها جرحى وقتلى واتلفت ممتلكات الناس واحرقت والمجلس العسكري مش عارف يلمها والحكومة خيال مأتة والشرطة ودن من طين وودن من عجين ولما بتتدخل بتتدخل بغشم وبموت في الناس واللي ما يعرفش يقول عدس رايحة في ستين داهية وعليكي العوض يا مصر وقال انتخابات وتربيطات اتلهوا على عنيكم بلا خيبة دي خيبة الامل راكبة جمل

واضح ان حضرتك كنت معزول فعلا احنا فى ثورة من حق اى حد يحرق اى قسم من حق اى حد يحرق اى عربية شرطة او جيش من حق اى حد يعتصم و يقفل اى ميناء من حق اى حد يقفل اى شارع من حق اى حد بعتصم و يقفل اى ميدان حتى لو كان اكبر ميادين مصر و غير كدة تبقى فلول و حزب كنبة و ابن ستين فى سبعين خلاص بقى الاعلى صوتا و الاكثر تشنجا هو الوطنى المخلص باقى المتعصبين الكرويين زى الالتراس هما الطليعة اما مصر رايحية على فين فوضى و حرب اهلية تستمر عدة سنوات ثم حكم عسكر ( النموذج الفرنسى )

عقبال القبض على جمال مبارك و ابوه

وبما ان المود اليوم مبهج وبعد ان قرأت كام مداخله لطيفه / لزميله فاضله سوف اقص على حضراتكم موقف / فكاهى للغايه لى قريب يعمل بمهنة النجاره ، لكن حين تراه لن تتوقع سوى انه من اثرياء الحرب او من كبار البكوات وعالية القوم اشقر ، شعره بين صفره مختلطه ببياض متناغم لا يرتدى سوى البدل ومن اشهر المركات ، شغله الشاغل كم هائل من الكرفتات والأحذيه وفى الحقيقه وبأمانه / هو شيك انيق بالفعل ذات مره كنت فى رحله سياحيه الى بلد عربى شقيق ، ولما كان هو يعمل بذات البلد فمن الطبيعى وان ازاوره ... وعند زيارتى له فى مسكنه / استقبلنى إستقبال حافل وبعد تقديم واجب الضيافه ، اخذنى من يدى الى حقيبه ضخمه وقال لى فى استعطاف ؟ ( انا وقعت من السما وانت استلقتنى ) ثم فتح الحقيبه ؟ فأذا بها كم هائل من الكرفتات !! سألته ماهذا : واجابنى مائة 100 جرافته اشتريتهم بكل فلوسى وانا الأن على حافة الإفلاس واريد منك مبلغ سلف الله / ارده لك حال عودتى مصر !! - مافيش مشاكل يا كيمو : لكن ليه 100 كرافت / وفى الحقيقه توقعت ان يقول هم بسعر لقطه وسوف استغلهم فى تجاره رابحه / واحقق من ورائهم مكسب ما لكن الرد كان مفاجئه ؟ علشان الجرفته اللى البسها الصبح ما البسهاش بالليل لمدة خمسون يوم متتاليه !! وعند هذا الحد سوف اتوقف / وعلى حضراتكم اجهاد قريحتكم فى تحليل هذه الشخصيه ؟؟ وهذا الموقف الذى ليس هو الأشد غرابه ، بين مواقف كثيره اشد غرابه / لصاحبنا !!

الكل يدعي يا جماعة إن ربنا يحفظ مصر من كل من يريد بها شراً وكل من يعمل لمصلحتة الخاصة حتى لو على حسابنا جميعاً وعلى حساب خراب البلد

هي دي سخرية القدر كان من الأول طيب سبهم ليه وهو اللى اخترع الاعتصام وحشد الحشود سبهم قلة ليقضي عليهم الامن كان بس عايز يستعرض قوته امام المجلس العسكري وأمامهم كان فاكرهم حيبايعوه على الخلافة كلها مصالح شخصية عموما هو فقد الاهلية من ثوار ميدان التحرير ووصفوه بالجبان (العيل) وهذا أقل كمان مما يستحقه السلام عليكم أخت نور العيون لا أدري يا أخت نور العيون لما صببتي كامل المسئولية على الاستاذ حازم ابو اسماعيل بدلا من التعليق على أفعال قوات الأمن التي تكرر نفس اسلوب ما قبل الثورة ؟ حازم ابو اسماعيل لم يدعو للإعتصام يا أخت نور العيون , وخطبة أمس الجمعة في المتظاهرين موجودة ومسجلة على اليوتيوب وهو يطلب من المتظاهرين المغادرة مع الإتفاق معهم بالعودة جمعة وراء جمعة كمرابطة لحراسة المطالب ومتابعة تنفيذها اما موضوع وصفه ( بالجبان والعيل ) فهذا كلام كان يمكن قوله لو أنه دعى الشباب للإعتصام ثم غادر الميدان , لكن الرجل في تسجيل واضح وصريح دعى الجميع للمغادرة ولكنه في نفس الوقت قال أنه يحترم من يختار الإعتصام فلعل في قراراه البركة , وفوق ذلك كله الأن نرى في الاخبار أن حازم ابو اسماعيل يتوجه في هذه اللحظة من مسجد أسد بن الفرات الي ميدان التحرير لنصرة المتظاهرين ( الذين لم يدعوهم أصلا للإعتصام ) فما هو المطلوب منه أن يفعله ؟

من فتره كده لما سألت يا ترى المحاكمه المدنيه و لا الحكم الثوري كان أفضل .. كان في أصوات كثيره بتقول العقل و العدل و المحاكمه المدنيه و كانت وجهة نظري بصراحه إن حق العداله عندما يمنح لمن حرم شعب كامل من العداله يبقى منحه ظالمه و هبة من لا يملك لمن لا يستحق انهرضه بقى ما شاء الله الكل بيغبط و بيحسد كمان ليبيبا و بجد أنا شايفه ان المحاكمه العادله خساره في أمثال ابن القذافي المقبوض عليه اليوم اللهم إلا لو كان لإستاخراج أي معلومات مهمه منه .. ثم إقامة حد الله الذي يستحقه عليه عارفه إن في كتير هنا هيخالفوني الرأي و يمطكن يعتبروها قسوه و ظلم .. لكن لو كنا كلنا شايفين الصوره كامله بدون إغفال اللون الأحمر ... اللون اللي صبغ الصوره كلها بدون خطوط رسم و لا ألوان تانيه .. اللون اللي خرج من أجساد الشهداء و غطى خرايط الأوطان العربيه التي طالها الربيع العربي كنا هنبقى كلنا متبنيين نفس الرأي

استاذي الفاضل ابو محمد في الحقيقة النقاش معك ليس امرا سهلا فأنت بالتأكيد تفوقني علما وخبرة ، ولكن دعني اوضح لك ان هدفي ليس الاختلاف بقدر ما هو الوصول الي اتفاق او امور مشتركة ، فأبدأ انا مثلا بالاتفاق معك في ان امر عدم الاخذ بحدالرجم هو الحل الاصعب فعلا وليس الاسهل كما قلت سابقا ،فهل تتفق معي انت في محاولة الوصول الي حل اخر قد يكون افضل منه ودعني اوضح لك قصدي اكيد تتفق معي علي اننا كمسلمين يجب ان نؤمن بكتاب الله وسنة رسوله صلي الله عليه وسلم ، طبعا كتاب الله لا خلاف عليه ، اما السنة فالمشكلة انها ليست جميعا بنفس الدرجة من الصحة فبعض كتب الحديث اصح من بعض وقد اجمع العلماء ان اصحها بخاري ثم مسلم فبالتالي عندما نبحث في اي امر من امور الدين كامر الرجم مثلا ، فلا شك ان الافضل ان نأخذ بكتاب الله ثم بسنة الرسول كاملة ، اما اذا وجدت مسائل او مشاكل كالتي اوردتها بحيث مثلا يحدث تعارض بين القران و السنة، الا تتفق معي انه عند البحث عن حل لهذه المشاكل فسيكون الحل الافضل هو الحل الذي لا يتعارض مع هذه المشاكل وفي نفس الوقت يأخذ أكبر قدر ممكن من السنة ، ولأعطي مثالا بقيم عددية تتناسب مع الكم المأخوذ به من السنة مع وضع افضلية احاديث بخاري ومسلم في الاعتبار فلنفرض اننا وجدنا حلا للمشكلات لا يتعارض مع احاديث بخاري الخاصة بالرجم فستكون قيمته مثلا 5 نقاط من 10 واذا وجدنا حلا لا يتعارض مع احاديث بخاري ومسلم معا فستكون قيمته العددية 9 نقاط من 10 ( 5 لبخاري و4 لمسلم ) واذا وجدنا حلا لا يتعارض مع كل احاديث الرجم فسيكون قيمته 10 نقاط من 10 (9 لبخاري ومسلم ، ونقطة واحدة لباقي الاحاديث الاخري) فبالتالي الحل بترك حدالرجم ستكون قيمته العددية من حيث الاخذ بالاحاديث المتعلقة بالرجم" صفر" لأنه لا يأخذ بأي منها ، فهل تتفق معي علي محاولة البحث عن حل اخر بقيمة عددية اكبر من الصفر ،وسيكون اكيد حلا افضل لأن ما لا يدرك كله لا يترك كله، دعني اعيد محاولة الوصول لحل في نفس الخمس مسائل مع اضافة الافكار الجديدة التي طرحتهافي مداخلتك السابقة 1- غرابة حديث اكلهما داجن تفضلت في المداخلة السابقة ببيان وجود حديث اخر لنفس الموضوع خلاصته صحيح ، وها انا اتفق معك ان لا تأخذ بهذا الحديث ايضا طالما تجد به تعارض مع حفظ الله للقران ، فهل تتفق معي علي انتهاء الخلاف في هذه النقطة بما لا يتعارض حتي الان مع موضوع الرجم ، وهذا الحل له قيمة عددية 9 نقاط من 10 لأننا تركنا حديث ليس في بخاري او مسلم 2-اية الشيخ والشيخة طبعا انا لم اقصد ان هناك ثلاث ايات ، ولكني قصدت ان هناك اية رجم ، ولكن ليست بالضرورة لها هذا اللفظ "الشيخ والشيخا" خاصة ان العبرة في الرجم ليست بالشيخوخة ولكن بالاحصان وبالتالي فأنا اتفق معك ان لا تأخذ بهذا الجزء من الاحاديث التي تحتوي لفظ "الشيخ والشيخة " باعتباره لفظ اية الرجم ،وهذا يتفق مع ارادة الله لنسيان اللفظ الاصلي لأية الرجم فهل تتفق معي اننا انهينا الخلاف حول هذه النقطة بما لا يتعارض مع وجود اية للرجم قد نسي لفظها الحقيقي ، وهنا يكون هذا الحل ايضا قيمته العددية 9 نقاط من 10 لأننا ايضا تركنا حديث ليس في بخاري ومسلم ،فحديث عمر بن الخطاب رضي الله عنه الموجود في بخاري ومسلم لا يتضمن لفظ "الشيخ والشيخة" 3-فضل ايات سورة النور وانها بينات وموضوع الاستثناء والنسخ في مداخلتك السابقة قلت ان التخصيص يختلف عن الاستثناء و انا اتفق معك في هذا ولكن علي الاقل يشتركوا في ان حكم الاية المستثناة او المخصصة يكون مختلف عن حكم الاية العامة ، و المهم عندي ان ايات سورة النور حدث فيها الاستثناء أوالتخصيص ، فبالتالي يمكن اعتبار اية الجلد في سورة النور ايضا اية عامة واية الرجم كانت استثناء للمحصن هنا انت سألتني ما الحكمة من التخصيص باية غير موجودة في كتاب الله ، لو تقصد الحكمة من انساء اللفظ فسنناقشها في النقطة رقم 5، اما لو تقصد انه لا يجوز تخصيص حكم بأية غير موجودة ، فردي انها كانت موجودة في كتاب الله وقت نزولها ، اما بعد انسائها فنأخذ بتخصيص الحكم من السنة ، فعندنا مثلا حد السرقة في القران حد عام، والسنة هي التي خصصت "عدم اقامة الحد" علي فئة معينة وهي التي سرقت ما قيمته اقل من النصاب ،فاذن لا مشكلة في اعتبار ان وجود احاديث الرجم كافي لتخصيص حكم الجلد العام في القران بعد انساء اية الرجم ، فهل تتفق معي علي عدم وجود تعارض الي الان في اعتبار ان اية الرجم كانت موجودة و مستثناة من اية الجلد ؟ هنا اقول ايضا ان العلماء في اللغة متفقين علي ان الاستثناء او التخصيص ليس نسخا للحكم الاصلي لأن الاية الاولي تظل صحيحة في غير من هو مستثني وهم غير المحصنين في اية الجلد، فبالتالي لا يعتبر الاستثناء نسخا 4- اختلاف روايات الرجم ما بين الرجم فقط او زيادة الجلد عليه اذا لم تري ان ايه الرجم كانت استثناء للجلد فهناك حل اخر وهو زيادة حد الرجم علي الجلد وهو بالتأكيد ليس نسخاايضا وقد اضفت مسألة جديدة في المداخلة السابقة وهي اختلاف روايات الرجم ، ما بين الرجم وحده او زيادة الجلد عليه فبالتالي امامناالان 3 حلول الاول الاخذ بأحاديث الرجم فقط الثاني الاخذ باحاديث الجمع بين العقوبتين فقط الثالث التوفيق بين الامرين معا واعتبار صحة جميع الاحاديث والعلماء فصلوا في هذا الامر بعدة طرق اراها مقبولة وبغض النظر عن التفاصيل ، الا تتفق معي ان العامل المشترك في ال 3 حلول هو عدم التعارض مع موضوع حد الرجم ، فبالتالي ايا كان ما نأخذ من الحلول فلا تعارض في هذه النقطة مع حد الرجم نفسه ، الفرق الوحيد هو القيمة العددية للحل فلو اخذنا بالحل الاول مثلا وهو ان الرجم كان استثناء وتركنا مثلا حديث مسلم الذي يجمع بين الجلد والرجم ( سنطرح مثلا 1 من ال نقاط الخاصة بمسلم) فتكون قيمةالحل 8 من 10 اما الحل الثالث مثلا الذي يجمع بين كل الاحاديث فستظل قيمته عند 9 نقاط 5-الحكمة من انساء اية الرجم كان ردك علي ان الحكمة في الانساء يعلمها الله "ان هذا الموضوع ينطبق فقط اذا اعلينا الاحاديث علي كتاب الله " واريد ان افرق في هذا الامر ما بين الانساء وكيفية الانساء والحكمة من الانساء فبالنسبة للانساء نفسه ، الا توافقني ان اعتقادك بان هناك اية مثل الرجم انسيت لا يخالف كتاب الله لأن الانساء مثبت بالقران. اما الكيفية وهي انساء اللفظ دون الحكم ،الا توافقني ايضا ان هذا الاعتقاد لا يخالف كتاب الله ، فلم يفصل القران في كيفية الانساء وهل هو لللفظ والحكم معا او لأحدهما فقط ، وبالتالي اعتقادك بهذا لن يخالف القران و في ذات الوقت يطابق الاحاديث. اماالحكمة من انساء اللفظ وبقاء الحكم فكما قلت مسبقا ان الحكمة في امور كثيرة لا يعلمها الا الله ، لكن هل عدم معرفة الحكمة في اي امر كافية لعدم الاقتناع بالحديث ، فمثلا حديث علي بن ابي طالب رضي الله عنه هذا "لو كان الدين بالرأي لكان أسفل الخف أولى بالمسح من أعلاه وقد رأيت رسول الله صلى الله عليه وسلم، يمسح على ظاهر خفيه" يظهر منه انه وبرغم علمه وفضله لم يكن يفهم الحكمة من مسح ظاهر الخف وبرأيه ان الاولي كان مسح الباطن ، لكن مجرد عدم فهم الحكمة ليس معناه عدم الاخذ بالحديث خاصة اذا لم يكن هناك تعارض اخر ،وقد وضحت انه لا تعارض في موضوع الانساء مع القران علي الاطلاق . وتقبل خالص تحياتي

طب و القصيرين يا عمو يروحوا فين :P ...(وش عيل تايه) انا بقول انت تخش برجالتك يا فرج و تخلص الليلة...(وش سنبل:) البنت اللمضة دي تبع مين يا اخوانا و طالما الناس كلها نامت نحب نقول إن الأرقام الفائزة معنا هي 1 و 3 و 7 طبعا محدش اختار 1 و 7 خلاص يبقى رقم 3 هو الكسبان ألف مبروك لي مع إن كان نفسي في رقم 2 بس اتحجز لناس داخلين بدورين في الجمعية مفيش حد صاحي غيرك يا لماضة يعني لو حد فشر علي لمدام هند يبقى أكيد تيمور

هدلي بدلوي في الموضوع دا .. بما أني مُغترب أنا كمان .. و جربت أمشي في موضوع الخطوبة في الغربة ياعني إنسانه تكون مع أهلها هنا في الإمارات .. و مريت بثلاث تجارب مختلفين و فشلوا فشل كبير .. من البداية الأولي كانت فلسطينية و التانية كانت سورية و التالتة مصرية .. والتلاتة ترشيح من زوجة مديري في الشركة و الأتنين الأولانيين إترفض الموضوع من الأساس علشان أني مسيري مهما تطول الأيام أرجع بلدي مصر و أستقر فيها .. و أهلهم كانوا رافضين أنها تعيش في بلد غير بلدها .. شوفت برده موضوع مصرية .. و فشلت برده ، لية بقا أغلبهم ماديين جداً .. و عايشين طول عمرهم مع أهلهم هنا في الغربة و أخدوا علي مستوي معيشي مُعين .. و أنا لسة شاب في البداية الحمد لله رب العالمين الحال كويس و ميسور .. لكن مش هقدر أحقق لها برده كل أمانيها و لا هقدر أعيشها في نفس المستوي اللي هيا عايشة فيه مع أهلها .. لأنها إتعودت علي نمط حياه مُعين ، إتعودت أن كل اللي تطلبة أهلها ينفذوه .. متعبتش ياعني و لا عانت ،، و برده حتى لو هيا موافقة أهلها مش هيوفقوا .. و كمان ممكن في أي وقت تحت أي ظروف أنزل مصر .. و طبعاً مش هقولها خليكي بقا مع أهلك و أنا هنزل مصر !! لازم طبعاً تنزل معايا .. هل أهلها هيوفقوا .. أهلها اللي مستقرين و عايشين طول عمرهم هنا يوافقوا ان بنتهم تبعد عنه في بلد تانية غير البلد اللي قضت طول حياتها فيها و بعيد عن عينيهم .. ياعني أفتكر سألوني و هتسكنها فين .. قولت إستديو صغير علي قدنا لحد ما ربنا يرزقنا بالذرية الصالحة و بعدها أشوف شقه مثلاً .. يقولي بنتي تقعد في إستديو !! ياعم ما إيجاره في السنة أقل شيء أقل شيء 35 ألف درهم .. و معني كدة أني عملت إنجااااااااز لحد ما وضعي يتظبط ياعمو ، لقيته أحرجني بصراحة .. و حكالي علي العيشة و المستوي اللي بنته عايشاه .. الخ بصيت لنفسي كدة و قولت إنســـــــــــــــى و مشيت .. بس إستفدت خدت الجرأه أني ممكن أتكلم في موضوع جواز و الكلام دا .. أما لو واحده مش عايشة مع أهلها و بتشتغل هنا ، هو كويس لأنها بتعاني نفس اللي أنته بتعانية من موضوع العزوبية دا فتتلموا أنتوا الأتنين في بيت واحد و هيا شغالة و أنت شغال و هتبقي راضية لانها كانت عايشة نفس عيشتك بالظبط .. بس بالنسبة ليا رافضة لأسباب شخصية .. لذلك قررت لما أنزل مصر والدتي هيا اللي تختار واحدة من بلدي عارفه أصلها و فصلها و سألين عليها كتير .. و ليا شروط محددة 1- .... 2- ..... 3- .... شروط عامة بقول لوالدتي يا حاجة علشان منضيعش وقت دي شروطي .. و هيا تدور و تقولي لقيت فلانه بنت فلان و لقيت علانه بنت علان .. و دوري أني أشوف هيا تتناسب فكرياً بقا معايا و لا لا ، الشروط اللي طلبتها موجوده فيها و لا لا دماغها و تفكيرها و طموحتها .. و أسلوبها في الكلام .. و هما كام سؤال هسأله ليها و إجابتها و طريقه الإجابة نفسها هتحسم الأمر مبدئياً بالنسبة ليا .. و الموضوع يبقي واقف علي أني أصلي إستخارة و الموضوع خلص .. طبعا التواصل بعد كدة هيكون علي النت .. في الفترة دي تركز تسألها في كذا حاجة تشوف رد فعلها هتتصرف إزاي ياعني تكون أسئلة موضوعيه تستنتج منها البنت دي إية بالظبط .. تشاركها في مشاكلك مثلاً في الغربة و تاخد رأيها و تشوف هتحل المشكلة دي إزاي .. و بعد كدا كمّل حب و أغاني و كلام رومانسي ياعم براحتك ، بس خلي دايماً هدف المكالمة اللي قولتك عليه .. و متستعجلش أوعى .. بالنسبالي الأجازة الجاية ان شاء الله الصيف دا هنزل أشوف .. لقيت لقيت ملقتيش أأجل .. الجواز حياه تانية خالص الجواز وضع تاني خالص و مسؤليات الجواز مش مجرد واحدة تطبخلك و تغسلك و تكويلك .. بس . الجواز ياعني إنسانة تشاركك حلمك ، إنسانة طموحة شايفة بكرة أحلي و أجمل ، الجواز ياعني جسدين و روح واحدة .. الجواز مسؤلية .. الجواز ياعني تلاقي إنسانة تسمعك و تسمعها تحكيلك و تحكيلها .. الجواز ياعني الصبر .. الجواز ياعني إنسانه تبص للي أقل منها و تقول الحمد لله و تعرف إنها عايشة في نعمة .. الجواز إنسانة تفضفض معاها و تقولها اللي مضايقك و هي كذلك .. تبقوا إيد واحدة في كل حاجة ، في أي قرار .. تخططوا أنتوا الأتنين لبكرة .. ترسموا حياتكم بإيديكم .. لولادكم إن شاء الله ، الجواز مش مجرد أتنين مع بعض أكل و شرب و نوم و بس الجواز أكبر من كدة بكتيييير جداً .. إياك تستعجل أنا بحذرك أهو .. اللي حكيته ليك دا علشان أوصلك نقطتين :- 1- موضوع الجواز من الغربة مش بحبة و دا نابع من 3 تجارب مختلفة و فشلوا .. جنسية غير جنسيتي و ذكرت ليك السبب و من جنسيتي و ذكرت برده ليك السبب 2- الإستعجال بلاش .. يبقي الحل من بلدك عايشة نفس عيشتك و متربية في نفس البيئة اللي أنته أتربيت فيها .. و ربنا إن شاء الله يرزقك بالزوجة الصالحة و متنساش تدعينا علشان نيجي نفرح فيك ;)

الفاضلة نوران جزاكي الله كل خير على هذا الموضوع و جعله في ميزان حسناتك درس كبير يعطيه لنا الشيخ في منهج الاسلام في اختلاف الرأي و كما يطبقه السلفيون ممن فردت لهم الصفحات حتى طالت أعراضهم كلمات قليلة كافية قالها الشيخ ... كلمات مؤثرة جدا تهز كل ذي قلب حين يقول و عند الله تجتمع الخصوم و انا لا أكافئ من عصى الله في بأكثر من أطيع الله فيه اتمنى من الإدارة لو وضعت رد الشيخ هذا في نفس الموضوع الذي أغلق و الذي سجل الاتهام لتوثيق الرد مع الاتهام لاستكمال الموضوع في مكانه للتاريخ و لمن ياتي بعدنا ليقرأه . اللهم اغفر لنا ما شاركنا فيه من مناقشات تجاوز فيها حدود أدب الاختلاف فطال الشيخ بسببها ما لا نرضاه لأنفسنا . سبحانك اللهم و بحمدك نشهد أن لا إله إلا انت نستغفرك و نتوب إليك .

السلام عليكم و رحمة الله و بركاته صباحك نور من الجنة يا ريمو و ع فكرة انا بتكلم بجد برضه انا ممكن اعملها و جدي كمان (وش جوني في الكابير جوي) اينعم انا مقدرشي اخش السعودية غير علي عمرة او حج و دمتم بس علشان خاطر مريم و ام مريم و شوشو و اعتدال (مين دولم يا امي) و اينعم اختك راكبة الحلزونة من شهر ابريل اللي فات و كل ما اقول هتروق و تحلي تغفلج عليا...رب لك الحمد علي كل حال...فمافيش ايتوها خطة راكبة خالص معايا و بناء علي ما سبق في عريضة الادعاء اقدر اقولك يمكن مش راح اكون موجودة لكن من جوه قلبي اوي بدعي لمريم ان عمرها كله يكون تورتة سعادة بدعيلها ان حياتها تكون اسهل من حياتنا و افضل بدعيلها انها تفضل تتدلع مع ماما و بابا و تاخد منهم حب يكفيها العمر بحاله بدعيلها تكون البنوتة اللي تفاخري بيها دايما ان هي دي هدية ربنا ليكي اللي بتعيشي علشانها عمرك بحاله ربنا يسعدك بيها و يسعدنا بوجودكم معانا في تفاصيل الفرح بوسيهالي بوسة بحجم القلب اللي بيدعيلها و احضنيها آد بحر اسكندرية صباحك ريمو.....ذرية صالحة تقر بيها عنينا

تتر مسلسل تركى جميل معرفش مين ابن الحلال الى اختارله الاسم العربى تحت اسم حريم السلطان رغم ان اسمه الحقيقى القرن العظيم المسلسل رائع جدا و بيتكلم عن اهم السلاطين العثمانين سليمان القانونى دا التتر http://www.youtube.com/watch?v=DZaH61Tju5o و دى احد الموسيقات التصويريه داخل المسلسل http://www.youtube.com/watch?v=pD0vOI1Y2UU

مش كل عين شايفة يبقى فيها ضي ولا كل قلب عايش يبقى لسه حي

أعطني الناي و غني و انسى داءً و دواء إنما الناسُ سطورٌ كُتبت لكن بماء ( جبران خليل جبران)

يجب أ لا ندخر وسعاً في تقديم المساعدة .. و في تقوية من حولنا .. فقوة أحدنا هي .. قوة لنا جميعاً .. و لنتذكر دائماً .. أن ضعف أحد حلقات السلسلة .. هو ضعف للسلسلة بالكامل .. إذن .. فلا يطعن أحدنا في الآخر .. و لا يؤاخذ بعضنا بعضاً بما نعلم أنه غير مقصود .. فنحن بشر .. و قد يخون أحدنا التعبير .. لنتحد معاً .. لا نختلف .. حتى لا تنكسر السلسلة .. و ننكسر جميعنا ..

أحبك ... وأقفل القوس لا أستطيع أن أحبك أكثر . . لقد كتبت بالخط الكوفي على أسوار لاحمام وأباريق النحاس الدمشقي وقناديل السيدة زينب وجوامع الآستانه وقباب غرناطه وعلى الصفحة الأولى من الانشاد . وأقفلت القوس . . . أنت عادة كتابية لا شفاء منها . عادة احتلال ، وتملك ، واستيطان . عادة فتح ، وفتك ، وبربرية . أنت عادة مشرشة في لحم كلماتي . فاما أن تسافري أنت . . واما أن أسافر أنا . . واما أن تسافر الكتابه . . جمالك . . يحرض ذاكرتي الثقافية . ويكهرب لغتي . . وأصابعي . . وجسد الورقة البيضاء . جمالك . . يشعل البروق في أثاث غرفتي وشراشف سريري . . ويربط أسلاك الرجوله بيني وبين نون النسوه . . وتاءات التأنيث . . فكيف أتحاشاك يا امرأه . . . حتى القبح اذا اقترب منك يصبح جميلا . . . أنت اللغة التي يتغير عدد أحرفها ، كل يوم . وتتغير جذورها . . ومشتقاتها . . وطريقة اعرابها . . كل يوم . . . أنت الكتابة السريه التي لا يعرفها الا الراسخون في العشق . . أنت الكلام الذي يغير في كل لحظة كلامه . . . كل نهار ، أتعلمك عن ظهر قلب . أتعلم خرائط أنوثتك . . عن ظهر قلب . . . كل صباح أدرسك كما أدرس تفاصيل الوردة.. ورقة.. ورقة.. تويجا.. تويجا.. وأذاكرك كما أذاكر كونشيرتو البيانو لموزارت أو قصيدة غزل من العصر العباسي... أيتها المرأة المعجونة بأنوثتها كفطيرة العسل. والمعجونة بدم قصائدي ودم شهواتي. يا امرأة الدهشة المستمرة يا التي بداياتها تلغي نهاياتها وأولها يلغي آخرها.. وشفتها السفلى.. تأكل شفتها العليا.. أيتها المرأة التي تتركني معلقا بين الهاوية و الهاوية.. أيتها المرأة – المأزق أيتها المرأة – الدراما أيتها المرأة – الجنون أخاف أن أحبك.. نزار القباني

إن كفاره الغيبه أن تستغفر لمن اغتبته تقول ، اللهم اغفر لنا و له دعاء الأخ لأخيه بظهر الغيب دعوه المسلم لأخيه لأخيه بظهر الغيب مستجابه عند رأسه ملك موكل ، كلما دعا لأخيه بخير ، قال الملك الموكل به ، آمين و لك بمثل

دعاء النظر في المرآه الحمد لله الذى سوى خلقى فعدله و كرم صوره وجهى فأحسنها و جعلنى من المسلمين..اللهم أنت حسنت خلقى، فحسن خُلقى ، و حرم وجهى على النار

السلام عليكم ورحمة الله وبركاته ايه الجمال دة ........ بجد توبيك يشرح القلب ماشاء الله الامام ابن القيم كان بيقول :- " كن مع الله في دعائك كالطفل ....... يُلح في طلبه ...........فإن حرم مايرجوه ..... أخذ في البكاء والتوسل حتى يأخذه " ودة بقي مع حسن الظن بربنا سبحانه وتعالى عجبتني اوي اوي اوي فقولت أشارك بيها معاكم