لوحة القادة

كلام غير عادل بالمرة لو الوضع متكافئ بالطريقة اللى بيوحي بيه اطرح كنا شفنا 33 جثة لضباط وجنود و2000 مصاب من العساكر غير الأسرى من الشرطة الكلام غير منطقى وغير واقعي وغير عقلاني شرطة عقيدتها فاسده معها جيوش من البلطجية مسجلين خطر بيستخدموهم في اعمال مواجهة المدنيين العزل ... امام شباب بسيط اكبر همه انه يجيب نبلة يحدف بيها بلي على الشرطة للدفاع عن نفسه امام هجمات جميع الأسلحة ومنها المحرم دوليا ، شباب اكبر همه ازاي يعالج اثار الغاز ، او ازاي يحمي عينيه من تنمر وتنشين واستهداف افراد مرضى من الشرطة ، شابا اكبر همه ازاى يدافع عن الميدان بصدور عارية وفقط سلاحهم الايمان بالله وان الحرية ثمنها حياتهم ، شباب فقير لكن عنده كرامه اكتشف مؤخرا انها موجودة في يوم 25 يناير ، ومعندوشس استعداد تنتزع منه ولو على جثته ... دول الرجال الشرفاء ودول الفقراء الأحرار وأخيرا اقولها العدل أساس الملك ... الأطروحة ظالمة بكل ما تحمله الكلمة من معان على فكرة عقيد الشرطة اللى اتقبض عليه وقالوا ان الشباب موتوه ... الشباب سربوه علشان محدش يفتك بيه بالرغم من وجود اسلحه معه ووجود اربع طلقات من طبنجته تم استخدامها ... علشان نعرف مين المريض ومين الشريف ومين الوضيع

بصراحة انا مش قادر اشوف اى تطابق بين موقف مبارك و موقف المجلس العسكرى.. ده موضوع و ده موضوع تانى خالص... و ايه هو سبب الخوف من الاستفتاء؟ هل لان النتيجة هتتزور؟ ام ان المفروض اننا نقبل برأى اصحاب الاعلى صوتا و خلاص؟ ولا لإننا مختلفين فى الرأى نبقى ولاد كلب فلول و اصواتنا ماتتحسبش؟ طيب ممكن حضرتك طالما عندك رؤية واضحة كده, ورينا اللى احنا مش شايفينه؟ يعنى المجلس هيمشى دلوقتى حالا.. هيحصل ايه؟ بجد عايز افهم؟ ايه الخطوات اللى بعد كده اللى هتوصلنا لوضع مستقر و تداول سلطة لا لبس فيه؟

خبراء خبراء خبراء خبراء خبراء خبراء خبراء خبراء ربنا يتوب علينا منكم و من خبراتكم اللي ناوي يخط التاريخ بايديه يتفضل يحصلنا... قسما بالله ما قادر اتحرك من الهباب اللي بيحدفونا بيه و نازل اكمل يا نعيش رجاله يا نسيبها لولادنا يعيشول فيها رجاله ملعون ابو المرجفيييييييين

والله انت راجل عسل تفتكر الاجابة اية؟ :protest: :protest: :protest: :protest: :protest:

كفاية بأه كدب وخداع بيانات ايه اللي اسفرت عن نتائج ايجابية وانتم تركتم الميدان ومش فاضين الا للانتخابات والمقاعد والدنيا الفانية يساوي ايه مقعد ولا مقاعد امام دم شهيد مصري ولا عين واحد اتفقعت ده مرارتنا اتفقعت منكم خلاص ومن كذبكم اكبشوا مقاعد على اد ما تقدروا ووالله ستدور عليكم الدوائر مثل ما دارت على الحزب الوطني طالما لا تفكرون الا في مصالحكم يا اسلام كلامك ده برده ينفع يقال على المنافقين اللي كل مصلحتهم اشعال البلد وجعلها تعيش في حالة فوضى دائمة ولا يريدون الالتزام بما ارتضاه الشعب من اجراء انتخابات برلمانية ورئاسية ،، الذين فاجأهم ما جرى في تونس من سيطرة الاحزاب الدينية على البرلمان فصمموا على تنفيذ ورقتهم الاخيرة باستخدام نفوذ المال لدفع شباب صغير السن متحمس لاشعال الوضع في الميدان مستغلين رجال العادلي الذين اشعلوا الفتيل يوم السبت وحجة حقوق الشهداء والمصابين لا تنطلي علي عيل صغير. يطالبون الان بحقوق الشهداء وكأنهم اخذوا حقوق شهداء ينلير علشان يجي المجلس ياتي لهم بحقوق شهداء نوفمبر - وانت قلتها حكومة انقاذ وطني ..... هذا هو الهدف والمصلحة يعني لاشهداء ولاغيره يعني الناس اللي طوال عمرها مختلفة هيعرفوا يتفقوا على حكومة انقاذ وياترى حكومة الانقاذ دي هينتخبها الشعب ولا هيتعمل عليها استفتاء. ولا هيشكلها الناس اللي بتصرخ ليل ونهار ويقولوا مش عاوزين انتخابات

أنا مع أى حل (((((واقعى))))) و(((((ومحدد))))))) و ((((((((واضح)))))))) و((((((متاح))))))) للخروج من تلك الاشكاليه والازمة المستمره بخصوص الثوار والمجلس العسكرى طبعا موضوع الاستفتاء ده ممكن يكون حل فعلا للاشكاليه دى .. انا مع الاستفتاء بشكل مبدئى .. واعتقد انه سيصب فى مصلحة بقاء المجلس العسكرى وستكون نتيجته محسومه له ..ولكن أخشى ما أخشاه أخشى أن نكون بهذا قد شاركنا فى الحكم بالاعدام على الثوار .. وان نكون ذريعة لذبحهم ونحرهم .. بل وإبادتهم .. لو فكروا بعد ذلك فى اى حشد او مليونيه بميدان التحرير .. ضد اى ممارسه قد تكون خاطئه من المجلس ((ذو الشرعية الشعبية وقتها)) .. وكلى يقين .. ان اى نتيجه للاستفتاء لن تثنى الثوار عن ثورتهم .. ورغم تحفظاتى الكثيره على بعض تصرفات الثوار .. الا اننى لن أقبل أبدا ان اشارك بتصفيتهم .. استنادا ل ((صك)) الاستفتاء .. انا مع بقاء المجلس حتى انتهاء الستة شهور .. ولكن من يضمن لى الا يكون هذا الاستفتاء ذريعه لمذابح اكبر بل اباده جماعيه .. لو قام االثوار ((وسيقومون حتما)) بمظاهرات واعتصامات بميدان التحرير .. الموقف صعب جدا ومعقد اخى الفاضل ابو محمد .. عمال اقلبه بعقلى وقلبى وضميرى .. ومش لاقى له حل وسط .. على الهامش هناك فتيل قد تم اشعاله .. منذ نجاح الثورة فى اقصاء مبارك .. فتيل يشعله البعض((بسوء او حسن نيه)) .. ثم تطفئه العناية الالهيه .. وهناك جملة كنت اخشى ان اقولها .. ولكنها منحشره فى رأسى .. سأقولها وأمرى على الله .. وليهاجمنى المهاجمون .. وليتهمنى المتهمون(( فيبدو ان ميدان التحرير.. قد تحول الى ((ميدان للفتنه)) .. واصبح أشبه.. بشوكة ..فى حلق الوطن )))

مش عارف ليه مش مصدقه أو ممكن هو مرتبك زيادة لأن موقفه أكيد مش سهل . في أول جملة عن تشكيل اللجنة كلامه بالنص ( الاقتراح بيقول ...) طب و ليه مش يقول مثلا أنا باقترح أو انا رأيي ... كأنه حافظ الكلام .. وكمان أنا مستغرب من ( أحد الشخصيات الاقتصادية الكبيرة في مصر ) حاسس إنها متفصلة على ساويرس لأن مش لاقي وصف ليها غيره . وليه الثقة كبيرة في أن الحل هو وضع الدستور أولا ثم رئيس جمهورية ثم برلمان ... و ان الانتخابات القادمة باطلة قبل أن تبدأ . شخصيا أنا ضد انشقاق أي ضابط او جندي عن الجيش المصري و انسب شيء هو الامتناع عن تنفيذ الأوامر أرفض الانشقاق كتصرف لأنه هيفتح ثغرة في المؤسسة العسكرية و كل تيار سيكون قادرا على استقطاب منشقين للتحدث باسمه .

لأ معلهش احنا ناس اتربينا ان لو جالك الطوفان شيل ابنك وابن وبنت جارك فوق كتافك وضحي بنفسك .. لأنهم هم اللى حيشلو ا البلد من بعدك وقضاء الله نافذ

المسألة فعلا خطيرة .. يمكن فعلا أو الأرجح أنكم يمكن ألا تتمكنوا من التصويت يوم 28 نوفمبر - بعد ستة أيام من الآن - و كله بالقانون. ما سبق كان إستهلالا لابد منه إسألوا أنفسكم ماذا ستفعلون بعد ستة أيام الأرجح أنكم ستستيقظون و تتناولون إفطاركم و تشربون الشاى و بعدها - بعدها بين ربع ساعة و ست ساعات حسب إهتمامك بالإنتخابات - ستنزل إلى الشارع قاصدا الذهاب إلى مقر لجنتك الإنتخابية تماما كما ذهبت يوم الإنتخابات فى سنة 2010 أو ما قبلها أو إلى المقر الذي أدليت فيه بصوتك فى إستفتاء 19 مارس. هذا السيناريو هو الذي سيطبقه 90 % من الناخبين أو المواطنين. المعلومة الخفية الخافية على الجميع هى تغير اللجان الإنتخابية لقد تغيرت اللجان الإنتخابية معظم اللجان الإنتخابية تغيرت و هذا التغير يمكن أن يكون أحد ألاعيب النظام القديم ....... فى إنتخابات 2010 ذهبت إلى قسم الشرطة أسأل على مقر اللجنة الإنتخابية التى سأصوت أمامها و على ما أذكر عرفت أى فى إحدى اللجان الإنتخابية فى مبنى الجامعة العمالية فى شارع النصر بمدينة نصر و ذهبت و أدليت بصوتي ، و فى إستفتاء 19 مارس الماضي ذهبت للإدلاء بصوتي أنا و زوجتي و والدة زوجتي (91 سنة) فى مدرسة ثانوية صناعية للآثار بقرب بيتي. و الآن عن لي أن أعرف اللجنة الإنتخابية التى سأدلي بصوتي أمامها و كانت المفاجأة أننا نحن الثلاثة كل منا فى لجنة إنتخابية مختلفة و بعيدة عن الأخرى. بالنسبة لي عرفت و سأتمكن إنشاء الله من التصويت فى الإنتخابات. قمت بالبحث عن اللجنة الإنتخابية ل إحدى عشر فردا من المحيطين - أقاربي و السائق و البواب - فوجدت أن مقار اللجان الإنتخابية لهم جميعا مختلفة عن اللجنة التي يعرفونها !!!! هناك أكثر من تفسير لهذا الوضع التفسير البسيط و الذي ربما يمثل رأى اللجنة العليا للإنتخابات هو أن الكثيرين كان موطنهم الإنتخابي حسب جهة العمل (موظفي و عمال مصنع سك النقود فى العباسية و هم عدة آلاف مسجلون إنتخابيا فى لجنة الظاهر ) و الآن أصبح الموطن الإنتخابي هو مقر الإقامة حسب ما هو مسجل في بطاقة الرقم القومي ......... تفسير مقبول لتغير اللجنة الإنتخابية فى هذه الحالة. رجاء من الجميع البحث و التأكد من مكان لجنتك الإنتخابية قبل يوم الإنتخاب .

السلام عليكم ورحمة الله وبركاته أنا بأفتح الموضوع ده هنا ليس لمناقشة رأيك في ما يحدث في التحرير لكن هناك دماء تراق وأرواح تزهق وواجب علي كل فرد منا المساعدة بما يستطيع هنا هتلاقي إزاي تساعد في حدود إمكانياتك المصدر:الرباط الخاص بي

طيب ماهو دة المطلوب

تحياتي لحضرتك احتمال وارد و ممكن يفسر لغز عدم قدرة المجلس على وقف العنف من جانب الشرطة في هذه النقطة لكن هذا الاحتمال يتصادم بشدة مع العلاقة المحرمة التي فضحتها الكاميرات بين الجيش و الشرطة في إهانة الشعب المصري و قتل و سحل أبنائه ووصلت الأمور لانتهاك حرمة الموتى و إلقائهم في القمامة بيد من جيش و يد من شرطة كل الاحتمالات واردة لكن أنا نفسي فعلا أن يبتعد الثوار فورا عن هذه النقطة لأن الميدان واسع ويحتاج هذا المجهود الجبارالذي يستنزف في مواجهة قوة عسكرية مدربة .

كفاية بأه كدب وخداع بيانات ايه اللي اسفرت عن نتائج ايجابية وانتم تركتم الميدان ومش فاضين الا للانتخابات والمقاعد والدنيا الفانية يساوي ايه مقعد ولا مقاعد امام دم شهيد مصري ولا عين واحد اتفقعت ده مرارتنا اتفقعت منكم خلاص ومن كذبكم اكبشوا مقاعد على اد ما تقدروا ووالله ستدور عليكم الدوائر مثل ما دارت على الحزب الوطني طالما لا تفكرون الا في مصالحكم يا اسلام كلامك ده برده ينفع يقال على المنافقين اللي كل مصلحتهم اشعال البلد وجعلها تعيش في حالة فوضى دائمة ولا يريدون الالتزام بما ارتضاه الشعب من اجراء انتخابات برلمانية ورئاسية ،، الذين فاجأهم ما جرى في تونس من سيطرة الاحزاب الدينية على البرلمان فصمموا على تنفيذ ورقتهم الاخيرة باستخدام نفوذ المال لدفع شباب صغير السن متحمس لاشعال الوضع في الميدان مستغلين رجال العادلي الذين اشعلوا الفتيل يوم السبت وحجة حقوق الشهداء والمصابين لا تنطلي علي عيل صغير. يطالبون الان بحقوق الشهداء وكأنهم اخذوا حقوق شهداء ينلير علشان يجي المجلس ياتي لهم بحقوق شهداء نوفمبر - وانت قلتها حكومة انقاذ وطني ..... هذا هو الهدف والمصلحة يعني لاشهداء ولاغيره يعني الناس اللي طوال عمرها مختلفة هيعرفوا يتفقوا على حكومة انقاذ وياترى حكومة الانقاذ دي هينتخبها الشعب ولا هيتعمل عليها استفتاء. ولا هيشكلها الناس اللي بتصرخ ليل ونهار ويقولوا مش عاوزين انتخابات انتخابات ايه بس يا ابو ريم ماتصلي كده على النبي انا رأيي في الانتخابات قلته قبل كده هنا http://www.egyptiantalks.org/invb/index.php?showtopic=127731&st=0&p=790128&fromsearch=1entry790128 انا بس كنت بتكلم على الذين ينسبون فضلا لهم وهم ليسوا اهل هذا الفضل بتعظيم اهدافهم ومصالحهم على كل شيء بما فيها دماء الشهداء وترك الميدان لانهم مش فاضين له ووراهم اللي اهم من الميدان اما شباب الثورة فهم المخلصون بحق ويحبون مصر اكثر منهم ولا يهتمون بمقاعد مجلس الشعب مثلهم قبل مجلس الشعب لابد من تصفية الفلول وتحقيق الامن والامان وتنفيذ اهداف الثورة كيف بالله عليك تكلمني عن الانتخابات وكل هذه المصائب موجودة لكن الاخوان لا يرون كل هذا وبريق المقاعد مزغلل عينيهم اوي لدرجة انهم مش شايفين حاجة غيره اللي معترض مع الإخوان هيفضل طول عمره مُعترض حتى لو الإخوان عملوا إية و اللي متفق معاهم و فاهمهم هيفضل متفق معاهم برده حتى لو عملوا إية . تأجيل الإنتخابات أو غيره مش هيفرق لو كنا بنبص لمصلحتنا بجد كان زمانا أول ناس نزلت الميدان و كان ساعتها الكل هيشيد بموقف الإخوان في الميدان و الكل هيصقف و رجالة يا إخوان و عاش يا وحوش و هتلاقي كلمات الغزل و المدح فيهم من هنا للصبح و مع ذلك فضّل الإخوان المصلحة العامة عن مصلحتهم الخاصة فضلوا انهم يتشمتموا و يتسبوا و يتلعنوا زي ما حضرتك بتقول دلوقتي عن مصلحتهم الخاصة و أديك شايف الثوار دلوقتي و اللي بيحصل لهم و اللي لسة جاي في الطريق و اللي ناوي عليه العسكر .. و عرفني بقا هتوصلوا باللي بتعملوه دا لفين .. أخشي أن يتم فرض الأحكام العرفية بسببكم .. لو الإخوان كانت نزلت وشوفنا اللي بنشوفه دلوقتي حالاً كان بردة انته هتيجي تقولي الإخوان اللي خربوا البلد الإخوان سبب موت الثوار في التحرير الإخوان مش ناويين علي خير و لا عايزينها تيجي ع بر و الإخوان ...... الخ فنزلوا هتقولوا خراب ، قعدوا هتقولوا متخازلين و متواطئين الفيصل اللي هنشوفة الأيام الجاية يا ريس باللي بتعملوه في التحرير دلوقتي هتكسبوا عداء الجيش كمان + عداء الشرطة + خازوق الفلول اللي حطهولنا المجلس العسكري بقانون العزل و قابل بقا و شوف مين هيحميك حكومة إنقاذ ثوره .. !!!! و أوعي تفكر ان لو الجيش سلّم دلوقتي هيسيبك في حالك هيقرفك زي ما بتقرفك الشرطة بلطجة حرق نهب سرقة و مش هتخليك برده تعمل إنتخابات إنسي و لا دلوقتي ولا بعدين و ورينا بقا حكومة إنقاذ الثورة هتعمل اية يا سيدي الفاضل عايزين تهدئة و نبص لمصلحة البلد مش عايزين نبدأ من الأول الوضع كل يوم بيزداد سوء و العسكر مش سهل يتنازل زي مبارك و لو تنازل مش هيسيبك و لا دلوقتي ولا بعدين و هيتأمروا عليك أنته حُر اللهم بلغت اللهم فأشهد

السلام عليكم أخت همسات عندما قرأت هذه الجملة شعرت كما لو كانت الأمور تسير على خير ما يرام منذ تنحي الرئيس السابق وكل شىء يسير حسب خطة ومواقيت محددة دون أي إنحراف وبعد كل هذه الإنجازات يخرج بعض المتظاهرين لإفتعال المشكلات ! يا أخت همسات كيف نلقي باللوم على المتظاهرين وكلنا نرى الإنحراف في مسار الثورة ؟؟ يا أخت همسات هل هناك من يخرج ليفقد روحه ويفقد عينه دون دافع قوي بالنسبة له ؟؟ طيب سؤالا : البعض منا الأن يلقي باللوم على مليونية 18 نوفمبر , طيب الشعب ظل ما يقارب عشرة أشهر ولم يخرج بمثل هذه التظاهرات والإحتجاجات ليعطي الفرصة للمجلس العسكري فماذا حدث ؟؟؟ عشرة أشهر كاملة ولم يتم إنجاز أي شىء , لا دستور تم صياغته أو حتى تشكيل لجنته على الأقل , ولا أصبح عندنا مجلس شعب ولا مجلس شورى ولا رئيس منتخب ولا حتى مجلس رئاسي إنتقالي ولا تم إستعادة الأموال المنهوبة , ولا تم القصاص من قتلة المصرين خلال ثورة 25 يناير الأولى , ولا تم إصدار أحكام على رموز الفساد في النظام السابق ولا تم تطهير وإعادة هيكلة وزارات نالت قدر كبير من سخط المصرين مثل الإعلام والداخلية ولا تم إقرار قانون العزل السياسي إلا قبل الإنتخابات بأيام فأصبح غير ذا قيمة , ولا تم إستعادة الأمن في الشارع المصري , والبلطجية يسرحون ويمرحون وكما لو أن الجيش بتعداده الضخم والداخلية بتعدادها الضخم غير قادرين عليهم لم يتم شيئا واحدا من كل ما سبق ولم يتم ولا هدف واحد من أهداف الثورة فعلى ماذا تلومين على المتظاهرين يا أخت همسات بالله عليكي ؟؟ اللوم على من أضاع عشرة أشهر من عمر مصر الثورة بلا تحقيق ولا إنجاز واحدا , في الوقت الذي نجد فيه أن الإدارة الإنتقالية لتونس وخلال نفس الفترة وهي 10 أشهر تمتلك الأن مجلس تأسيسي إختار رئيس البلاد وشكل الحكومة الثورية الجديدة وسيبدأ في صياغة الدستور وتم عزل فلول النظام القديم , وقاموا بإعادة هيكلة الداخلية حتى وصلت الهيكلة لملابس الشرطة التي بدلوها تماما بأزياء جديدة حتى يشعر المواطن بالفرق , وتم إصدار أحكام على زين العابدين بثلاثون عاما وغيره من أركان نظامه , وبفضل الله تعالى تسير الأمور عندهم على خير ما يرام وتقترب الأن بشدة من الإستقرار والإنتقال النموذجي للديموقراطية قولي لي يا أخت همسات بأي منطق نلوم على متظاهري التحرير ونصب جام غضبنا عليهم ؟؟؟

بصراحة توقفت كثيرا امام وفاة طلعت السادات انسان كان في اقصى مراحل الاثارة والتفكير في الانتخابات وفي عز تفكيره في المستقبل وفي طموحاته وتحقيق اهدافه وفي عز انشغاله بمستقبله ومستقبل اهل قريته او اهل دائرته واشنغاله بمستقبل اولاده واحفاده وبل ومستقبل مصر كلها فجأة يجد نفسه في القبر..وياترى الان ماذا يرى وفيم يفكر انتهى التفكير في الحياة والطموح والخطط وانتهى التفكير في الغد وفي ماذا افعل..وفي ماذا سيفعل ابنائي الان امامي أعمالي وحسابي ويوم القيامة ساقف امام الله ويسألني عم فعلت لديني وماذا قدمت للناس..خيرا ام شرا...ليس امامي الا جنة او نار اقرأو معي هذا المقال...لكي نعتبر جميعا ارجو ان تقرأوه جميعا...ففيه عبرة لنا جميعا

طيب انا ايه دورى فى الحوار ده يا تيمور مش قايلك انا عايز الرئاسة :closedeyes: ربنا يوفقك يا تيمور اقتراحات جيدة بس يا ترى سهل تنفيذها على الواقع

اقتراح من 7 نقاط لسرعة نقل السلطة لسلطة مدنية منتخبة 1. وقف العنف من جانب الشرطة والتحقيق الفوري مع المتسببين في احداث القتل واصابة المتظاهرين نوع الغاز المستخدم و محاكمتهم والاعتذار العلني من المشير وليس التأسف فقط عن احداث التحرير وضحاياها. 2. اعلان فتح باب الترشيح لانتخابات الرئاسة بموجب الاعلان الدستوري الحالى 1 ديسمبر 2011 2. اجراء انتخابات الرئاسة يوم 25 يناير 2012 متزامنا مع احتفالات ثورتنا المجيدة. (مع منح حق تصويت المصريين في الخارج كاملا) 3. الاعلان عن نتائج انتخابات الرئاسة واول رئيس مدني لمصر يوم 11 فبراير وهو نفس يوم خلع و سقوط مبارك و نقل السلطة التنفيذية بصلاحيات الاعلان الدستوري القائمة وبالتالي يكون هذا اليوم هو يوم احتفال نقل السلطة و رجوع الجيش الى ثكناته. . 4.اجراء انتخابات مجلس الشعب في موعدها والانتهاء منها يوم 13 يناير كما هو مقرر. ونقل السطة التشريعية لمجلس الشعب الجديد بموجب الاعلان الدستوري. 5. حكومة انقاذ وطني بصلاحيات كاملة في خلال اسبوع من تاريخ الموافقة على هذا البيان . 6. انهاء فورى للمحاكمات العسكرية للمدنيين و الافراج فورا عن النشطاء السياسيين . 7. ترك مصير مجلس الشورى لمجلس الشعب الجديد و الرئيس المنتخب وهناك شبه اجماع على رفضه و توفير ملايين الجنيهات التي سيتم صرفها على هذا المجلس الشكلي وتوجيهها لعلاج مصابي الثورة وأهالي الشهداء. هذ السيناريو يحقق : 1. اسرع وسيلة متاحة و شرعية لنقل السلطة لسلطة مدنية تشريعية و تنفيذية منتخبة 2. تتفادي اي اشكاليات تنفيذية عن مجلس رئاسي مدني لا توجد له آلية محددة او آليات اخرى لنقل السلطة الى فرد او افراد يصعب الاتفاق عليهم. 3. مجرد الاعلان عن فتح باب الترشيح لانتخابات الرئاسة في اول ديسمبر و انتخابات رئاسة 25 يناير و تولى اول رئيس مدني منتخب في 11 فبراير قد يهديء كثيرا الميدان الذي يطالب بسقوط فوري للعسكر و لكن ليس لدينا الاجابة (لمن نسلم السلطة) 4. لن يعادي هذا الاقتراح التيارات الاسلامية و يمنع اي شق في الصف لاهمية انتخابات البرلمان بالنسبة لهم. و اي اقتراح لتعطيل الانتخابات او تأجيلها تداعياته ستكون خطيرة و قد يؤدي الى صراع و تناحر بين التيارات المختلفة وسيؤدي الى تأخر تسليم السلطة و العسكر هو المستفيد الاول من هذا الصراع. 5. الاجراءات المقترحة شرعية تماما و لا تتعارض مع الاعلان الدستوري الا في جزئية مجلس الشورى ويمكن عمل تعديل بسيط في الاعلان الدستوري 6. رغم ان الدستور اولا هو مطلب الكثير لانه الاصح بالتأكيد لكن اي محاولات من هذا النوع ستثير المشاكل و ستطيل حكم العسكر و اعطاؤه فرصة لقتل الثورة و اجهاضها تماما. نحن في ظروف استثنائية . الدستور اولا في ظل هذه الظروف معناها الاجهاز على الثورة تماما. 7. لو اتفق الكثير ولو تخيلنا شبه اجماع عليه سيضع المجلس العسكري في مأزق شديد لكشف نواياه الحقيقية. https://www.facebook.com/notes/hazem-abdelazim/%D8%A7%D9%82%D8%AA%D8%B1%D8%A7%D8%AD-%D9%85%D9%86-7-%D9%86%D9%82%D8%A7%D8%B7-%D9%84%D8%B3%D8%B1%D8%B9%D8%A9-%D9%86%D9%82%D9%84-%D8%A7%D9%84%D8%B3%D9%84%D8%B7%D8%A9-%D9%84%D8%B3%D9%84%D8%B7%D8%A9-%D9%85%D8%AF%D9%86%D9%8A%D8%A9-%D9%85%D9%86%D8%AA%D8%AE%D8%A8%D8%A9/310875595590175

دي أرقام دكاترة (رمد) مستعدين يعالجوا حالات مجانية د/عمرو البكري أستاذ الرمد في القصر العيني 01222453030 د/حازم ياسين 01223271717

حيث أجتمعت اللجنة أمس الاول ووافقت بالاجماع علي المرسوم بقانون رقم130 لسنة2011 والخاص بتمكين المصريين في الخارج من الادلاء باصواتهم في العملية الانتخابية. وقال المستشار يسري عبد الكريم رئيس المكتب الفني للجنة العليا للانتخابات أنه بعد الاطلاع علي حكم محكمة القضاء الاداري في الدعوي رقم6581 لسنة66 ق اصدرت اللجنة6 مواد اولها أن لكل مصري مقيم في الخارج يحمل بطاقة رقم قومي أو جواز سفر ساري الصلاحية وسبق له استخراج بطاقة رقم قومي الحق في ممارسة حقه في الاقتراع في الانتخابات العامة وإبداء الرأي في الاستفتاء وفقا للقواعد المقررة بالقانون والضوابط الواردة بهذا القرار, ثانيا يحق لكل مصري مقيم بالخارج ومقيد بقاعدة بيانات الناخبين يرغب في ممارسة حق الاقتراع إبداء رغبته في ذلك بطلب يقدم لدي قنصلية جمهورية مصر العربية في الدولة المقيم بها سواء باليد أو البريد الالكتروني ويدون بالطلب تاريخ تقديمه ومحل اقامته بالدول وموطنه الانتخابي وهو محل إقامته الثابت بمصر والمدون في بطاقة الرقم القومي, اما المادة الثالثة فتقول بأن تنشأ في كل بعثة دبلوماسية أو قنصلية سجل لقيد االطلبات يثبت به تاريخ تقديمه, وتعد كل بعثة او قنصلية كشفا يعرض في مكان ظاهر مثبتا به المسجلين بها والموطن الانتخابي لكل منهم, كما تنشأ مقار انتخابية في دوائر اختصاص البعثات الدبلوماسية والقنصلية وتعيين مقارها, علي أن تنشأ بهذه المقار عددا من اللجان الفرعية لا يزيد عدد الناخبين بكل لجنة فرعية عن الف ناخب, وكذلك تشكل لجنة عامة بمقر كل بعثة دبلوماسيةاو قنصلية من عدد أعضاء السلك الدبلوماسي أو القنصلي ويعين أمين لكل لجنة من العاملين بوزارة الخارجية, علي ان تشكل لجان فرعية من رئيس وأخر احتياطي من اعضاء السلك الدبلوماسي والقنصلي وامين سر وعضوين من العاملين بوزارة الخارجية أو العاملين المدنيين بالدولة ويجوز أن يرأس عضو السلك الدبلوماسي أو القنصلي أكثر من لجنة فرعية بما لا يزيد عن ثلاث لجان علي أن يضمها جميعا ودون فواصل مقر واحد يتيح لرئيسه الاشراف الفعلي عليها جميعا وأكد المستشار عبد الكريم أن المادة الرابعة في هذا القرار أكدت علي أن تجري عمليتي الاقتراع والفرز وفقا لما تنص عليه القوانين ارقام73 لسنة1956 بتنظيم مباشرة الحقوق السياسية وتعديلاته38 لسنة1972 في شان مجلس الشعب وتعديلاته والقانون رقم120 لسنة1980 في شأن مجلس الشوري وتعديلاته ويجوز استثناء التصويت البريدي بالشكل الذي قررته اللجنة في تعليماتها اللاحقة., واشارت المادة الخامسة الي انه علي وزي الخارجية إخطار اللجنة العليا للانتخابات بتشكيل اللجان العامة ووالفرعية لاصدار القرارت المطلوبة,والمادة الاخيرة اكدت علي نشر هذا القرار في جريدة الوقائع المصرية وفي جريدتين واسعتي الانتشار, ويعمل به من تاريخ نشره وعلي وزارتي الخارجية والداخلية العمل علي تنفيذه. تعليمات اللجنة العليا للناخبين بالخارج وقد وضعت اللجنة العليا8 نقاط في تعليماتها للمصريين المقيمين بالخارج لاستخدامهم التصويت البريدي, حيث أشارت التعليمات أن التصويت البريدي هو أحد وسائل الادلاء بالصوت الاستثنائية التي تستخدمها الدول وقد تم اعتماد هذا الاسلوب في مصر لأول مرة لتمكين المواطنين المصريين في الخارج من الادلاء بصوتهم حرصا من اللجنة القضائية العليا للانتخابات علي مشاركة ابناء الوطن المقيمين اينما كانوا في تقرير مستقبل بلدهم, وقالت اللجنة في تعليماتها للناخب: 1_ لديك اوراق الاقتراع التي تتيح لك التصويت في الدائرة الانتخابية وفق محل سكنك المدون في بطاقة الرقم القومي 2- لديك إقرار التصويت بالخارج المدون في آخره اسمك ورقمك القومي 3_ قم بقراءة الاقرار وكتابة كود التسجيل الذي حصلت عليه, وذلك في الخانة المخصصة ثم قم بالتوقيع علي الاقرار. 4_ قم بارفاق صورة من إقامتك في الدولة التي تقيم فيها او صورة رخصة قيادة سارية أو بطاقة طالب سارية. 5_ قم باختيار مرشحيك سواء في بطاقة الفردي او القائمة وذلك في اوراق الاقتراع, وبسرية ودون أن تطلع احد علي اختيارك. 6_ ضع اوراق الاقتراع بعد التصويت في مظروف ليس عليه أي علامة مميزة أو كتابة من أي نوع واغلقه باحكام وأكتب عليه اسم دائرة الفردي ودائرة القائمة فقط. 7_ ضع المظروف الذي يحتوي علي أوراق الاقتراع وإقرار التوقيع الموقع في مظروف آخر واغلقه, وقم بارساله بريديا إلي مقر البعثة المصرية علي العنوان الموضح علي الموقع حسب الدولة التي تقيم فيها. 8_ في حالة ما اذا كان عنوان سكنك قريبا من مقر البعثة يمكنك تسليمه باليد. وطمأنت اللجنة الناخبين بالخارج بانها وضعت ضوابط صارمة لضمان سرية اختياراتهم ووصول اصواتهم كما قرروها في عملية الاقتراع, ولكنها شددت علي ضرورة التزامهم بالقواعد والاجراءات التي طلبتها في تعليماتها. وطالبت اللجنة الناخبين باجراء خطوة تحضيرية يقومون فيها بتجهيز مظروفين الاول بدون علامات مميزة وسيكون هذا مظروف الاقتراع, ومظروف اكبر قادر علي احتواء مظروف الاقتراع وورقة بمقاسa4, وصورة من اقامتهم في الدولة التي يقيموا بها أو صورة رخصة قيادة سارية أو بطاقةطالب سارية. والخطوة الثانية, هي خطوة الطباعة واشارت فيها اللجنة علي الناخب بادخال الرقم القومي وكود التسجيل( وهو الكود الذي حصل عليه الناخب في نهاية عملية التسجيل) وأن يقوم بطباعة تعليمات التصويت البريدي, واوراق الاقتراع لدائرة الفردي التي له الحق في التصويت لمرشحيها وفق عنوان بطاقة الرقم القومي, واوراق الاقتراع لدائرة القائمة التي له الحق في التصويت لمرشحيها وفق عنوان بطاقة الرقم القومي, واقرار التصويت البريدي. ثم يقوم الناخب بتنفيذ خطوة التصويت بسرية كاملة ودون ان يطلع أحدا علي اختياره, ثم يقوم باختيار مرشحي الفردي( لا يشترط أن يكون احدهما فئات والاخر عمال/ فلاحين, ولكن يمكن اختيار اي اثنين) ولاتقم بترشيحاكثر او اقل من اثنين من المرشحين وإلا يصبح الصوت باطلا, ثم يقوم الناخب باختيار قائمة واحدة من القوائم, وليس اكثر والا يصبح الصوت باطلا, والا يستخدم الناخب قلم رصاص وأن يضع علامة واضحة في المكان المخصص فقط, ويقوم بوضع ورقتي الاقتراع( الفردي والقائمة) داخل مظروف الاقتراع من الخارج. ثم نأتي الي خطوة الاقرار بأن يكتب كود التسجيل علي ورقة اقرار التصويت البريدي في المكان المخصص, ثم التوقيع في المكان المخصص, وعدم استخدام القلم الرصاص, ثم يقوم الناخب بارفاق احدي صور اثبات اقامتك بالخارج بالاقرار, وأخيرا خطوة الارسال لمقر البعثة المصرية, بأن يضع الناخب مظروف الاقتراع داخل المظروف الكبير,ويضع بجانبها ورقة اقرار التصويت البريدي وصورة اثبات الاقامة بالخارج في نفس المظروف, واغلاقه باحكام وكتابة عنوان مقر البعثة في الدولة التي يقيم بها عليه ثم ارساله للسفارة بحيث يصل قبل موعد التصويت بالقاهرة بثلاثة ايام, أو تسليمه يدا بيد للسفارة اذا المصدر الاهرام

أنا شايف إن اللاعب على الأرض في مصر على مستوى التكتيكات وآليات تنفيذ الأهداف هو المخابرات العامة والمخابرات الحربية وأمن الدولة والأمن القومي. اللاعب الذي يضع الأهداف هو في رأيي المجلس العسكري ومن ورائه نظام مبارك والخليج وأمريكا/إسرائيل.

السلام عليكم ورحمة الله وبركاته اليك عمل الاتي صورة جواز سفرك وصورة جواز سفر الام وعقد الزواج مصدق لان الام غير مصريه وصور الاقامتين وشهادة الميلاد السعوديه مصدقه من الخارجيه السعوديه والسفاره المصريه وارسلها لي قريب لك في مصر من الدرجه الاولي علشان يراجع الاحول في العباسيه ويستخرج شهادة ميلاده وبعد كدا تقديم شهادة الميلاد المصريه و صوره الجوازات والاقامات لستخراج جواز سفر للطفل

ايوا بس ده تبرير لاخطاء وقع فيها بعض الثوار المتحمسين وللاسف جرو ورائهم كثير من العقلاء ونتج عن ذلك الكثير من الضحايا لا شك ان التظاهر السلمي حق للجميع وقد اشتركت في مظاهرات سلمية عند القائد ابراهيم وحتى امام المنطقة الشمالية كانت سلمية اما وانهم تحركوا للنيل من الشرطة في عقر دارهم وهذه الشرطة التي طالبنا كثيرا بحلها واعادة بنائها من جديد لا تعرف الا طريقة وحيدة لقمع المتظاهرين وهي استخدام العنف والقوى المفرطة في التعامل مع المتظاهرين نتج عن ذلك حدوث مهازل وقتلى وجرحى وهذه شهادة نقولها الان وهي ان جميع التظاهرات السلمية في الاسكندرية لم تتواجد بها الشرطة اما وقد تحولت من السلمية الى العنف والعنف المضاد فيجب ايضا ان نلوم الثوار المتحمسين وان لهم ضلع في هذا التصعيد

من على موقع الجالية المصرية في السعودية على الفيسبوك الرباط الخاص بي

لا .. لا أوافق على إجراء استفتاء لأنه لو جرى استفتاء ستكون النتيجة الحتمية .. هي مكوث المجلس العسكري في السلطة و ليس تسليمها بعد فترة انتقالية لو حدث هذا الاستفتاء ستكون نتيجته في صالح بقاء المجلس العسكري في السلطة.. و الذين سيصوتون لبقاء المجلس هم فريقان الأول: الكثير من المصريين .. يرى أن الثوار زودوها و مش معقول كل حاجة مش عاجباهم ينطوا على ميدان التحرير و بالرغم من إن عددهم كبير .. لكن في اعتقادي أنهم مخطئون في هذا التفكير و أنه - هذا التفكير - نابع من اعتيادنا جميعًا على الخضوع للسلطة الذي تم إجبارنا عليه بطريقة ممنهجة لعقود طويلة الثاني: مجموعة أخرى من المصريين أرى أنها محقة إلى حد كبير .. تخشى من الفوضى لأن المجلس الرئاسي المقترح .. لم يجد - حتى الآن - توافقًا من كل الأطياف السياسية .. و هو ما يعني أنه حتى و لو حدث الاتفاق على مجلس رئاسي أو حكومة إنقاذ وطني .. فلا نضمن ألا يحدث خلاف عليها أو معها بعد ذلك و هو ما يعني حالة من الفوضى لا يعلم بها إلا الله .. فلن يكون هناك جيش يضبط الأمن .. كما أنه لا توجد شرطة بالفعل و لو حدث هذا الاستفتاء و جاءت نتيجته لصالح بقاء المجلس .. فلا يضمن أي شخص أن يسلم المجلس السلطة ليس تخوينًا للمجلس أكاد أثق في أن أعضاؤه يريدون مصلحة هذا البلد .. و لكن من وجهة نظرهم هم فهم يظنون أن ما يفعلوه لحماية البلد من الفوضى و أنهم لو تركوا البلد ( لشوية عيال ) سوف تحل به الفوضى و الخراب .. و أيضًا بعد ذلك هم يريدون حماية أنفسهم إذا كانوا قد أصابوا شيئًا ليس من حقهم (العلم عند الله) نقطة أخيرة .. بالرغم من رفضي لبعض مواقف ثوار الميدان لكني أثق في حدسهم جدًا ..

وجهـة نظر الفنان " حمـزة نمرة " نقلاً من حسابه في تويتر .. شوفوا يا جدعان.. اللي بيثق في رأيي .. انا بقول فيه حاجة غلط جداً ولازم نفكر ونقّيم المشهد..أما اللي اتخنق مني فيعتبرني فلول الثورة الأولى بقى 1- طيب مبدئياً كده الميدان دلوقتي لو حتى من غير غاز ولا أمن مركزي ولا مطاطي مش أمان لأن مفيش لجان شعبية..لو دخلت بآر بي جي محدش كان هيكلمني 2- واحنا تمام ومبسوطين برجوع الميدان..بس هو الحقيقة مخترق بالكامل والدليل الظابط ده..يا ترى مستخبي ف وسطينا مين تاني 3- واحنا كلنا همّنا على دم الشهدا واحنا على حق.مع ذلك مش بنعمل أي مجهود لوقف الدم وفيه تربسة دماغ.كأن فيه حاجة مهنجة اللي بنبات فيه بنصبح فيه 4- أو بنعمل وفيه حد بيخرب اللي بنعمله ماحنا ميدان مخترق أصلاً..ومحتمل -مجرد احتمال- يكون الأمن بيحاول ما يشتبكش بس نفس الحد ده بيخرب الدنيا 5- والإعلام الفلولي بالكامل مع الميدان المرة دي! ده إذاعة الشباب والرياضة النهاردة كانت تقريباً الجزيرة مباشر مصر 6- وكل الناس الكُّمل اللي بثق في آرائهم ومعروفين بالتفاؤل والهدوء والروقان مرعوبين! لدرجة أستاذ كبير بكى وهو بيفسر لي اللي بيحصل 7- احنا داخلين على ضربة تانية..الضربة الأولى الشرطة اتقمصت..المرة دي الجيش هيتقمص? وأخيرا وعارف ده مش بيعجب ناس كتير وهو الحديث عن الاقتصاد 8- كنت قاعد مع أخويا وهو شغله في البورصة وفسّر لي شوية حاجات في الوضع الاقتصادي المصري(بجد مش عجلة انتاج وهجايص) مش عايز أرعب حد. 9- عموماً أنا هفضل مع لا للعسكر..ومع برلمان ودستور ورئيس وح مدنية في أسرع وقت ومحاكمةالسفاحين وأخذ حق الشهدا..بس بمهارةالصقر مش بغشومية الدب .

اخي الفاضل بالنسبه احسن مصانع للطوب هو مصنعي سيجل او التعاون لوكس سعر الالف من 315 الي 325 يتم محاسبه البنا على الطوب المبنى فعلا ويكون الحساب بالالف طوبه ويكون سعر الالف من 130ج للارضي والبدروم ويزيد 10ج عن كل دور طبعا هذا السعر يشمل التشوين ويكون الاعتاب بالاتفاق من 5ج الى 10ج والارج كذلك بالاتفاق من 25ج الى 30ج حسب عرضه يختلف كميه الطوب من نموذج الى اخر - مقاس الشبابيك وكميه الابواب ومقاسها ........الخ وفي اي حال لن يقل عن 10000طوبه للدور هناك ملاحظات عامه في حاله البناء يجب في البدايه عمل مدماج -صف طوب - واحد في الدور - بمعنى اخر رسم الشقه على ارضيه الخرسانه - وهذه العمليه تسمى الاد للبنى لكي يقوم بالبناء عليه لابد من عمل طرف رباط بين الحوائط المتعامده على بعضها عدم بناء الحوائط - النصف طوبه - مره واحده انما تكون على مرحلتين على الاقل تشحيط الحوائط باسافين خشب لضمان تثبيتها لابد للبنى ان يقوم بشد خيطان - جمع خيط - لضمان ان تكون الحوائط باستقامه واحده نصيحه ان البنا النظيف يوفر بعد كده في المحاره يراعى ان توريد الطوب يكون بنفس المقاسات ويفضل ان تكون من مصنع واحد للدور الواحد على الاقل لضمان عدم التفاوت في الابعاد تقبل تحياتي الأخ ابو يوسف المحترم بصراحه عاجز عن شكرك لسرعة الرد والاهتمام واريد من سعادتكم ارقام مصانع الطوب التي ذكرتها وما هي افضل المقاسات للطوب ( الطول والعرض والأرتفاع ) وأفضل الأنواع ومعرفة نوعية الطوبه الجيده من النوع الطفلي وكيفية الوصول لبنا كويس ونظيف وكيف اعرف انه بنا نظيف وشغله ممتاز كما ارجو من سعادتكم طريقة معرفة محاسبة البنا اذا كان بالتمتير فهل يتم قياس الحوائط التي تم بنائها ومحاسبته عليها ام يوجد طريقه اخرى وما هي وشاكر لكم مجهوداتكم وربنا يجازيك كل خير ولو طلبت مساعدتك في هذا الموضوع اذاي هتكون طريقة الحساب وشكراَ اخي الفاضل بالنسبه للطوب لايتم التعامل مباشره بالمصنع انما عن طريق مورديين وسوف ارسل اليك جميع الارقام على الخاص اللي حضرتك طلبتها بالنسبه لمقاسات الطوب افضل 6*12*24 ويليه 6*12*23 وهذا متوفر في السوق وقد ذكرت احسن الانواع في المشاركه السابقه بالنسبه للبنا سوف ارسل لك رقم بنا كويس شغله نظيف تقبل تحياتي

صوتت اني ضد الخطاب لعدة اسباب 1- حكومة الانقاذ الوطني مش متحدد مين حينتخبها ، ومرشحين الرئاسة اللي اجتمعوا مع عنان في منهم بيقول ده اختصاص المجلس العسكري، يبقي اذن مش حتفرق عن حكومة عصام شرف 2- المشير ما حددش ان الحكومة حتبقي ليها كل الصلاحيات ، فقط حيبقي ليها الصلاحيات الكافية ، ده برضه حيرجعنا لحكومة عصام شرف ، 3- قالوا حيحموا اللي في الميدان وحيوقفوا اطلاق النار ، وطبعا ما اتنفذش الكلام ده ومن امبارح والضرب زاد وكمان غازات مسمومة بتطلق علي المتظاهرين 4- قبل الخطاب ما كنتش متوقعة تنازلات من المجلس ، لكن بعد ما شفت الخطاب واضح انهم عايزين يساوموا علشان يخرجوا بأكبر قدر من المكاسب ،فأعتقد لو صبرنا شوية حيبدأوا في تنازلات اكبر زي ما مبارك عمل 5-صحيح ان الاستفتاء اللي فات كان بيدي سلطة للمجلس يدير البلاد لحد انتخابات الرئاسة ومخالفته لازم تبقي باستفتاء تاني ، لكن الكلام ده كان قبل ما يتسببوا في موت الناس دول كلهم ، لأن دلوقتي الصح انهم كانوا يتقدموا للمحاكمة وحد يدير البلد مكانهم لحد ما القضاء يحدد هما شاركوا في القتل ده واللا لأ

تعليق علي خطاب المشير وموضوع الاستفتاء: مبارك بيضرب نفسه ميت جزمة ويقول كانت تايهة عني فين حكاية الاستفتاء دي

الفاضل هناك اخطاء فى المجلس و الحكومة ولكن الكل يهاجم و ينقد و يخون بدون التحدث عن بديل حقيقى وعلى الارض شباب متحمس هو وقود المعركة و مصر ان يدفع البلاد الى الهاوية بالاضافة الى مجموعة من الاراجوزات فى الاعلام كل كلامهم لدغدغة مشاعر الشباب و ايكش تولع البلد

اية دا ازاى لابد من طرد هولاء الفلول من هنا اى حد يسال مين المستفيد و بعدين اية حد يدعو الى التوقف للتفكير اية حد يتسال عن جدوى المعركة الحالية او البديل اى حد يقول راى مخالف مكانة برة مش بس هنا برة البلد كلها فلول صحيح ثورة ثورة الى الامام

http://bit.ly/uEqeIq تعليق حازم صلاح ابو اسماعيل على المشير وبيانه

انتو هتتخانقو مع بعض علشان واحد من الفلول عامل موضوع هو قاصد يوقع بية بينكم انة ظفر من اظافر مبارك كان المحترم سين سين كان قال عن هذة الحالات من بتوع اسفين ياريس انهم ثبت قطعيآ وبالكشف عليهم لدى دكاترة امراض النساء انهم ....... ولا بلاش لسة معاد الماء الساخن والمغات جايين الان وبعد الاحداث هؤلاء شلة اسفين ياريس بيطالبو بالبراءة لسيدهم لان سيدهم مأمرش ان يطلق النار على المتظاهرين وهيلبسوها للمشير هههههههههههههههههههههه هما مش قالو انهم ظفر من اظافر ابوهم المكنى بمبارك الموضوع فى الاخر هيقلب لكدة انا قولت اقطع الخيط الجراحى بتاع العملية زي سين سين ما قال عليهم يبدو ان الولادة ليهم هتكون قيصرية ببنج بدون وجع ويتوجع بقى المشير والمجلس ناس ذوق ذوق

لأ ما تنفعش .. لأن بعد الثورة (قصدى الموجة الأولى) حصلت حاجات كتير غيرت من الأوضاع على الأرض .. أبسطها الاستجابة من 18 مليون مصرى لطلبه استفتاء الشعب فى مارس ياترى تصويتك كان إيه وليه يا أستاذ Radws ؟ لا أنا مش قابل الفكرة اصلا لعدم جديتها اولا وثانيا لانها عصا موسى التى سيفرق بها المجلس العسكري ما تبقى من تجمع لم يكن يتوقعه ويشرذم الموجة الثانية للثورة .... هل نسيت الاستفتاء الاول وبعد ذلك مسحه المجلس واعلن اعلان دستوري لم يستفت الشعب عليه أنا لن ابلع الطعم هذه المرة اعتذر لك

استاذ ابو محمد المجلس العسكرى لم يلقى بقفازه المجلس العسكرى تصرف بالضبط كمن رمى عليه قنبله غاز مسيل للدموع فتلقفها قبل ان تنفجر فى وجهه بلحظات و اعاد رميها مسرعا على الثوار الذين رموها عليه هذا باختصار تحليل ما حدث

هو كدا قال خطاب فاضل ليه فى ذمتنا خطابين كمان مش عارفه استفتاء ايه الى بيتكلموا عليه الى مش شايف فى الحركه دى مجرد مناوره لتقسيم الناس حوالين الموضوع اتمنى انه يعيد النظر ليه تانى للاسف هما ماشين على نهج مبارك بالكربون مبارك قال برضه انه هيمشى بعد 6 اشهر و برضه ناس كتير طلعت تصرخ فينا تقول لنا يا وحشين دا هيقعد 6 شهور بس و عايز يدفن فى مصر يا قاسيين ما تسيبوا الراجل فى حاله و دلوقتى استطيع ان اؤكد ان 90 % من الى هيدافعوا عن المجلس العسكرى دلوقتى هما هماهم الى كانوا مصدقين ان مبارك هيسيب السلطه بعد 6 اشهر استفتاء ايه الى بيتكلموا عليه و هما مجوش باستفتاء اساسا و يتعمل امتى قبل انتخابات مجلس الشعب و الشورى و لا بعدها و مين الى يشرف عليه يا ناس فوقوا الحدايه مش بتحدف كتاكيت

الاستفتاء بيفكرنى باللى متجوزين عرفى ومصممه متطلقش غير على ايد مأزون ... منقول لستقتاء علي حاجة مش شرعية اساسا الشرعية دلوقتي للثورة في كل ميادين الوطن

أنا مع الخطاب و الفيصل بالنسبة ليا إختيار الحكومة القادمة أو المجلس المدني بصلاحيات مطلقة أيهما اقرب و أكيييد طبعا توقيف الضرب و لا نترك التحرير حتي يتحققا طبعا الإستفتاء ده هبل * الجبل إستفتاء ايه ؟؟ علي 6 شهور و لو حصل إستفتاء و قولنا لأ لحكم العسكر لأن مفيش عاقل يقول نعم آشطه هنعمل آيه بعدها بقه ؟؟

الخطاب كما كان متوقع.. الاستفتاء مقصود بيه انه يرحل فورا او ينتظر حتى منتصف العام القادم.. بديهى انه مش مقصود بيه انه يفضل فى الحكم على طول. انا مع الخطاب ببساطة لانى مش شايف حاجة واحدة المجلس عملها تدل على سوء نيته فى عدم تسليم السلطة.. ممكن يكون فيه سوء نية او تصرف فى اى حاجة تانية.. زى مثلا انهم يكون ليهم سلطة على الميزانية اللى بتدخلهم فيضمنوا انها متقلش او عدم التفتيش ورا مرتباتهم و اساطيل العربيات و البلاوى التانية.. لكن تسليم السلطة, مفيهاش اى نية سيئة والله اعلم.

لم أرى في الخطاب إلا نفس نوعية خطابات الرئيس السابق خطاب منمق بكلمات براقة ( حافظنا وفعلنا وقمنا وشعب مصر العظيم وثورته المجيده والديموقراطية الحرة وووو إلخ ) ولكن على أرض الواقع تجد الصورة مختلفة والتصرفات مختلفة ونفس أسلوب خطابات الرئيس السابق في إستخدام بعض الكلمات التي لها أكثر من محمل ومعنى لإتاحة حرية حركة فعندما تكلم المشير عن تشكيل حكومة جديدة لم يقل أنه سيكون لها صلاحيات كاملة أو مطلقة لإدارة البلاد ولكنه قال (سيكون لها الصلاحيات الكفيلة بإدارة المرحلة الإنتقالية ) وطبعا كلمة الصلاحيات الكفيلة بإدارة المرحلة الإنتقالية سيحددها المجلس العسكري وكلمة فضفاضة تحتمل أي شىء أيضا الكلام أن هناك هجوم على القوات المسلحة مما يؤثر بالسلب عليها , فلم يحدث أبدا أن هاجم أحد القوات المسلحة , وكل من يهاجم ينتقد المجلس العسكري بشكل محدد كحاكم للبلاد وبالطبع لم يتم الكلام عن معاقبة من قتل 33 مصريا خلال الأيام الماضية وسيتفرق دمهم بين القبائل كما حدث مع سلفهم ال 880 في الثورة الأولى المشكلة كما قال أخي شاوشنك أن المجلس العسكري لا يوجد عنده إرادة ثورية وكل خطوة يقوم بها لا تحدث إلا بعد مليونيات وسقوط قتلى وتعطل البورصة وسقوط جرحى ثم بعد ذلك يخرج لينفذ المطلب وهذه هي أساس المشكلة لكل ما سبق أنا غير مؤيد للخطاب تحياتي أخي الموعود

مقدرش أحكم على الخطاب بمعزل عن الـ 9 شهور الماضية. يعني فيه دلوقتي رصيد كبير من عدم الثقة، وكل الثقة في إن المجلس العسكري هو نفسه نظام مبارك المخلوع. يضاف إلى ذلك إن مفيش أفعال على الأرض، ده حتى لسه الضرب شغال في شارع محمد محمود. الخطاب وعود مفيش ليها أي ضمانات. المجلس العسكري كذابين مخادعين ومش مصدق أي واحد منهم. الناس بتطالب في التحرير برحيل المشير، يبقى يرحل. ليه متبتين في السلطة؟ ويعني ايه ممكن يتركوا السلطة لو اتعمل استفتاء ووافق الشعب؟ وهو الشعب أصلا كان جابكوا واللا اختاركوا؟ ده اللي اختاركوا للسلطة هو المخلوع! يبقى المخلوع يجيبك بسبب الثورة، ولما الثورة تقول تمشي تقول عايز استفتاء؟! ولو عندك ذرة كرامة، لما يطلع مئات الآلاف من الشعب يطالبوا برحيلك، وبعضهم بيطالب بإعدامك، ترحل من نفسك مش تقول استفتاء. مربط الفرس هو عدم إحساسي بوجود إرادة ثورية أو نية للإصلاح والنهضة عند المجلس العسكري. وبيتأكد ده يوم بعد يوم طوال الـ 9 شهور الماضية. وتأكد أكثر وأكثر في خطاب المشير. المشير وكل أعضاء المجلس ولاد نضيفة (على رأي م. تيمور) ومش هيسيبوا السلطة إلا لو حصل انقلاب في الجيش، أو بعد ما يدكوا مصر وشعبها زي ما بيحصل في سوريا. أنا أرفض الخطاب

مصر قدمها حل من اتنين البدايه من الصفر التكمله على الخطاء حتى منتصف 2012 وكلاهما مر

اسمحولي اشارك بتصويري الجديد و خلوني أكون دقيق أكتر تعالوا نعمل و نتعلم .. اذكر نوع كامرتك و بعض مواصفاتها أو احنا لو حبينا نشوف مواصفاتها من على موقعها و ما تتعبش نفسك و ممكن كل واحد يعلق على الصور من حيث الاضاءة الزووم الفريمز و هكذا ... نوع الكام: فوجي فيلم S 3300 semi professional اسيبكم بأة مع الصور مع العلم إني تحت المبتدئ بشوية عشان محدش يتريق :) أحد مساجد جدة على البحر طائر النورس الللذيذ طائر النورس الحبوب بأة القطة المشمشية حلوة و مستخبية في انتظار تعليقاتكم و ملاحظاتكم

اللقطة دى اخدتها صباح اليوم بالموبايل لحظة شروق الشمس من اجمل مارأت عينى سبحان الله

اشك ان الخبر ده يكون صح... و الفجر ده جرنان اصفر :D الفلول و الحزب الوطنى مبيحاربش علشان مبارك ولا يفرق معاهم بربع جنيه, و لكن هما واخدين مبارك ذريعة علشان يكملوا فى مصالحهم. للاسف ناس كتير على كل المستويات مصلحتها ان الفساد و الرشوة و الواسطة يفضلوا موجودين.. ناس حتى عاديين جدا, يعنى موظفين و اصحاب اعمال صغيرة.

جزاك الله خيرا أستاذ تامر علي الفيديو واضح من الفيديو الجديد تراجع كبير في موقف دكتور محمود الرضواني وكان يحاول تبرير ما صدر منه في الفيديو القديم وقال إن الفيديو الأول تم تصويره من عدة أشهر وظهوره الآن هو محاولة للإيقاع بين المشايخ وذكر أيضا تقديره للشيخ محمد حسان !!!

عملية التسجيل في منتهى السهولة ولم تستغرق دقيقتين أنا شغال دلوقت داتا إنتري لأي حد مكسل او يتحجج إنه هايتوه ومش هايعرف يسجل