لوحة القادة

هوب .. ستوب .. وخمسه هدوء محسوبكم..واحــد مخنــوق مِـ للى بيحصل ..فى التحرير م الوطن اللى ..ملوهش كبير ياه..داالوضع حقيقى .. خطيـر بـدعى يا رب ..الخلق تفـوق محسوبكم .. واحــد مخنــوق بأمارة….فِـكـرِى المشلول محسوبكم..واحــد مغــلول لماوقفت ..مع الثـــوار قالواعليا ..بــطل مغوار ولماحاولت ..أَطَـفِّى النار إتهـمـــونى...بإنى فلـول محسوبكم..واحــد مغــلول كـر .. وفـر .. وحرب ضـروس محسوبكم .. واحــد مفـروس ليه الحق .. يضيع .. ويتوه ليه المصرى ..يعادى أخـوه إصحواياعالم..إصحواياهوه دامُخـطـط .وأكيد مـدروس محسوبكم..واحــد مفـروس لـت ..وعجن ..وهِيئ..ومِيئ محسوبكم..واحــد ح يطـأ إللى يهيــنك ..بالألفـاظ ويحـاورك..بكـلام ألغــاز وتقول له ..الحل يا أستاذ ياخُد بعضو ..قوااام..وِ يزُء محسوبكم..واحــد ح يـطأ هـم..وغـم..وحـزن كـمان محسوبكم..واحــد قرفان تقريبا..حيصيبنى جنون حتفرتكنى ..بجـد..ظنون خايف على..تمانين مليـون من فتنه ..بيزرعهاشيطان من فتنه ..بيزرعهاشيطان من فتنه ..بيزرعهاشيطان محسوبكم..واحــد قرفان محمود البصيلى

ليه الغل ؟و ليه الفرسة؟؟؟ ما خلاص وقعت أكبر كارثة افترقنا بجد خلاص معادش في ريحة الاخلاص كله بيخوّن كله يا خسارة..راحت لمتنا بلاش كله بقى محلل سياسي و أصرخ انا اه يا راسي الكل للي حصل ناسي و لافيش بيننا عاقل راسي كله بيخبط في كله نفسي أقول ..والا بلاش لمتنا كانت هي الوطن هي الحضن هي السكن و مادام الشك في قلوبنا سكن و الغش في دماغنا طحن كله بينفض لكله تعبت قلوبنا ما ارتحناش

دم الشهدا خلاص انداس بلا خوتة بلا قلبة راس كله انداس أموات ..أحياء و لا تزعل و لا تستاء و انقلبت كل المفاهيم و احترنا حيرة البلجيك مين خاين ؟ مين عميل؟ السؤال ده ليا و ليك مجلس سلفيين اخوان ليبراليين و بني علمان و الا حزب الكنبة كمان ياعيني ع الشعب الغلبان ضايع تايه قرفان تعبان ووسائل الاعلام دايرة بفجر وقوة عين و جبروت متعرفش يا اخي بتجيبه منين ما اللي يقول لمراته يا عورة يلعبوا بيها ماتشات كورة قالوا علينا مبنفهمش ديموقراطية مبنعرفش خليكوا يا شعب ويا الدين مفيش غير ابو سماعين لا ياعم دول متطرفين نكفل حق المواطنين بحرية و رأفة و لين علشان حق المسيحيين حكم العسكر ليكم أستر بيحمي بلادنا اوعى و قدّر اه يا شعب بينسى و يغدر وقت الحرب أبطالنا العسكر و وقت السلم عليهم نتكبر؟ ندي ودانا بس لمين؟ ادينا ساكتين صابرين ما احنا صبرنا سنين جات يعني على يومين يقدر في غمضة عين يحلها رب العالمين

نصيحه شخصيه كبر دماغك دماغي انا ......ايوه دماغك انت دي دوامه لو دخلت فيها مش هاتخلص منها ولو هاتحط الحاجات دي في دماغك عمرك ماهاتخلص احسن حاجه لقتل فكره هي تسفيها واللي جواك ده مجرد فكره ويجب قتلها الغريق بيتعلق بقشايه وانت ممكن تكون عندك مشاكل مضايقاك ومش لاقلها حل وماصدقت الراجل ده جالك وبعدين الناس دي بتقول حاجات عامه يعني هاتلاقيه فاجأه بيقولك انت امبارح حسيت انك عطشان اوي اوي فقمت شربت وطبعا داخل فيه شويه ايحاء انت كنت امبارح مضايق ومخنوق ومش طايق البيت كلها حاجات عامه ومادام هو دكر كده وعارف كل حاجه ممكن تسأله انا معايا كام في جيبي دلوقتي وبعدين مش معني انك سافرت العراق يبقي لازم جن عراقي يلبسك طب مانا سافرت فرنسا قبل كده وللاسف مفيش ولاجنيه فرنسيه رضيت تلبسني -ربنا يستر ومااسافرش الصومال - استاذ خالد انت عندك فراغ اغرق في الشغل وانسي الموضوع وقول لنفسك اذا كان بقاله عشر سنين والحياه زبادي بالخلاط اهيه يبقي سيبوه كمان 10 سنين وبعدين ابقي فكر فيه تاني هاتلاقي نفسك بتضحك علي الايام دي وبعدين هي العفاريت دي ماورهاش اكل عيش ولاشغلانه غير لبس البني ادمين؟؟؟؟

القاهرة: خضع الداعية السلفي المعروف الشيخ محمد حسان لعملية تركيب دعامة فى القلب بعد إصابته بأزمة قلبية نقل على اثرها الى المستشفى الأربعاء. ******************* أسأل الله العظيم رب العرش العظيم ان يشفيه شفاءا لا يغادر سقما وأن ُيذهب البأس وان يشفي مرضانا و مرضى المسلمين أجمعين اللهم آمين

الافاضل الكرام العسكري لم يأتي الى الحكم برضى الشعب واستفتاء لينزل عن الكرسي باستفتاء العسكري جاء الى الكرسي عندما فوضه المخلوع الحرامي بنص بيان عمر سليمان ونحن - الشعب - وافقنا فقط ولم نعترض وافقنا لاننا فريق أحسن الظن بهم وفريق آخر أراد اعطائهم فرصة ليتطهروا وينحازوا لارادة شعبهم وفريق ثالث استعجل الاستقرار لا اكثر اليوم وبعد ما وضح لكل زي عينين وعقل سليم لم يصبه العطب أن هؤلاء غير أمناء على ثورتنا بمليون موقف ودليل من أول - نعتذر ورصيدنا لديكم يسمح .. وانتهاء بالقاء جثث ابناء مصر في الزبالة اليوم ايه المطلوب بالضبط من شعب مصر ياسادة يا أفاضل ياكرام يامن تنافحون عن مجموعة من القتلة هل وصل الامر ان الخيانة اصبحت مجرد مجهة نظر لله الامر من قبل ومن بعد فعلا اجيبوني هل مطلوب عقاب شعب مصر لانه واحد من الثلاثة السابق ذكرهم هل مطلوب ان ننخدغ سبعين مرة حتى نفيق يا أخي انا كنت مخدوع والحمد لله فقت قبل ضياع الوقت فهل حضرتك تجعلني مذنب بسبب ان عقلي اترد لي تاني وعرفت حقيقة الملعوب بعد ما كنت ساذج يا اكارم يا افاضل هذا المجلس تلاعب بالجميع وطبق نظام فرق تسد وعلى عينك ياتاجر مرات ومرات اليوم يطبق نفس النظام لعله ينجح في خلق انقسام بين الناس فيقول امشي باستفتاء نفس طريقة مبارك .. هاموت على ترابها .. طب موت ياعم وريحنا هل مطلوب من شعب مصر يقول : باقي على تنحي المشير خطابين و موقعة جمل ياجماعه احنا مصريين مش طلاينة ولا هنادوه احنا فاهمين الصادق من الكداب واسأل أي بياع شاي سريح أو فلاح ف غيطه هتعرف منه سياسة اكتر من عمرو حمزاوي ياجماعه أرجوكم قليل من احترام عقولكم او قليل من احترام عقولنا أو قليل من أي رحمة زرعها ربنا في قلوب الخلق عشان ترحم بيها الخلق لان شعب مصر فعلا لو انفجر المرة دي بالتأكيد سيقتل هؤلاء الخونة بالنعال أو يأيدي خالية حتى من الحجر

دم الشهدا مش هيروح كله متقيد مكتوب بس شوية صبر ياناس ربك شاهد موجود سيبوا فرصة للصناديق هتلاقوا رد الملايين على البلطجة و الفراعين كلمتنا هتوصل بالعقل كلها أيام معدودة والفتنة طريقها مسدود.

السلام عليكم ورحمة الله.. يا أستاذ شرف ، حضرتك دخلتنى النار وحجرت على رائى وترهبنى بأنى كمثل شاهد الزور بدعوى إنى أفتكس الأخبار ، الكلام لحضرتك ولاستاذ أسامة ، تكلموا كلمة حق ولا تكمموا الأفواه وترهبوا الأفكار...أستطيع أن أرد بوابل من الأسئلة من عينة تلك الأسئلة السفسطائية ، وندخل فى معمعة ايه دليلك.. تحدثت عما جرى فى الايام الماضية ، وكتبت وجهة نظرى فى ما يحدث ولست مطالبة بتقديم دليل مادى كشريط مسجل مثلا بأن المشير أصدر أوامره كما لا أحد هنا مطالب بتقديم الدليل على أن مبارك المخلوع قد أصدر أوامره...وإن لم أملك الدليل فلأصمت وأخرس حتى لا أثير الفتن الموجودة بالفعل... ولا أعلم ما دخل جريمة الزنى وشهودها بمقالنا هذا ، هل إتهمت المشير بشىء بطال لا سمح الله ؟!!:)..ياريت توضح حضرتك حضرتك بتطلب منى أمسك بوق وأقنع من فى التحرير وفى محافظات مصر على اتساع اراضيها أن يستفتوا على بقاء العسكر فى الحكم ؟..طيب ماتقوم حضرتك بهذا الدور طالما مقتنع بإجراء هذا الاستفتاء ، والذى أراه من وجهة نظرى ما هو إلا نوع من الالتفاف أيضا على إرادة الشعب وزيادة الفرقة واتساع فجوة الاختلاف ..بالاضافة لانى لا أحبذ لعبة "الاجابة تكون فقط بنعم أو لا"...يعنى نفهم الأول حنستفتى على ايه وحيستمروا على اي أساس ..مش بس نقول نعم أو لا زى اللى بيبصموا...نقول بس..يتقالنا مافيش بس قول نعم أو لا..طب أصل مافيش أصل قول نعم أو لا .... على أى حال حرية الرأى مكفولة ..وبأحترم أراء الجميع ده رد سريع الى أن أمتلك وقت كاف للرد المفصل.. تحياتى

إستكمالاً لما سبق .. . . وبعد كل ماعاناه هذا الشعب المقهور من آلام وقهر ،كا ن يتوقع وينتظر ويأمل أن تعوضوه عن كل ماعاناه من حكم العسكر من قبلكم وتسمحوا له أن يفرح بثورته وتشاركوه هذا الفرح بتحقيق أماله وأمانيه فى العيش بعزة وكرامة وحرية وعدالة إجتماعية ، فإذا بكم تحاولون إعادته إلى قمقمه ووأد فرحته بثورته ولم تدركوا أن الشعب المصرى قد كسر حاجز الخوف ، وأن هذا المارد فى داخله سيدمر كل من يقف فى طريق تحقيق آماله ورد مظالمه ، حتى لو أُستخدمت معه كل أساليب القهر والتعذيب والحرب الكيماوية التى أمدكم بها أعداء الأمة من صهاينة وأمريكان . فهل تتصور ياسيادة المشير أن شعب مصر بعد هذه الويلات وكل هذه الإحباطات وسلب فرحته بالثورة بعد طول آلام وأحزان يمكن أن يسامحكم حتى بعد اعتذاركم ؟!! وهل تتصور سيادتكم أن خطابكم الذى تضمن الكلام عن التجريح والتخوين والإساءة ، هل تتصور أن الشعب المصرى قد ظلمكم وهو يرى ابناءه يُقتلون ويصابون فى أعينهم ؟!! إن هناك الكثير من التساؤلات التى تلتقى جميعها فى نقطة واحدة : لماذا جعلتم كل هذه الشهور التسعة تمضى بهذا الشكل المأسوى دون تحقيق أهداف الثورة المعلنة ، التى أدعيتم أنكم حماة لها ؟!! ما الذى منعكم من وضع الحد الأدنى والحد الأعلى للأجور ؟!! الشعب يريد إجابة صريحة ، لأن الشائعات التى تسرى أنكم تحصلون على ملايين الجنيهات ولهذا جمدتم مذكرة وزير المالية السابق الخاصة بوضع حد أدنى وحد أعلى للأجور...ثم أطلقتم إعلامكم الذى لا يكف عن التضليل بالحديث عن الإعتصامات الفئوية ، وهم أناس لا يجدون متطلبات الحد الأدنى لحياتهم وأسرهم ، بينما ما يزال علية القوم وأنتم منهم يحصلون على أعلى الرواتب الشهرية . لماذا لم تتقوا الله فى هذا الشعب الفقير المقهور ؟!! الشىء الوحيد الذى كان يبشر بالخير وكان يمكن أن يحسب لكم ،هو تقديم المخلوع وعصابته إلى المحاكمة ، ولكن هذا أيضا لم يأت إلا بعد إذلال الشعب وبعد مليونياته المتتالية للدرجة التى تساءل فيها الناس ، هل ولائكم للمخلوع أكبر من ولائكم لمصر؟ لقد مللنا من أسلوب المراوغة والمماطلة والتسويف ، وننتظر تسليم السلطة لحكومة مدنية منتخبة تعبر عن إرادة هذه الأمة وتأتمر بأمرها ، ويكون فيها رئيس الجمهورية مجرد موظف فى خدمة الشعب ، وليس ديكتاتورا أو إلهاً يتجبر على الشعب . ونقول فى نهاية المطاف ما قاله رسولنا الكريم " ارحموا من فى الارض يرحمكم من فى السماء" حفظ الله مصر وشعبها ، والمجد للشهداء ولك الخلود يامصر

تواصلت مع أحد موظفي السفارة والذي يعمل بصندوق رعاية المصريين . وأفاد -والعهدة عليه- بأن السفارة تستلم الأوراق يومي الخميس والجمعة حتى التاسعة مساءً . وأفاد بأنه يمكن أن تسلّم مظاريف الترشيح عن نفسك وبالنيابة عن (خمسة) معارف لك أيضاً.

اخر نكته

http://www.youtube.com/watch?v=Fk_HJmPReLQ

عاجل جدا جدا : غدا ان شاء الله صلاة قضاء حاجة بعد صلاة الظهر من اى مكان اعتقد لامفر من اللجوء الى الله فى هذا التوقيت (لا منجي منه الا اليه ) 1-جوة مصر ولا برة مصر 2-جوة الميدان ولا براة 3-متفق ولا مختلف المهم اننا نوحد الدعاء ونقول يارب ارفع الكرب ووحد الصف واكشف الخائن فى وقت واحد ومن اى مكان بعد صلاة الظهر 24/11/2011 انشر,,,,,,,,,, وادعى ,,,وصلى ,,,,اكيد فى واحد فينا مخلص هيوصل.. منقول

غدا انتخابات نقابة المهندسين صعب انى ادعو الى انتخابات نقابتى الان و فى ظل ما نعيشه من اجواء لكن لو علمتوا المادة الاولى من قانون 66 لسنة 74 لعرفتوا ان نقابتى قتلت غدرا من اجل تلك المادة لانها تخص اقتصاد مصر اولا لو كانت مفعلة ما رأينا خصخصة ما رأينا افساد متعمد للصناعة الوطنية لذا اقول : اللى فاته 25 يناير عنده 25 نوفمبر فصلاح مصر بصلاح اقتصادها و صلاح اقتصادها بصلاح نقابتنا فاخرج من اجل بلدك و اختار نقابة و نقيب قوى ليقوى الاقتصاد و تقوى البلد تحياتى

تم التقاط مئات الصور لاحداث 18 نوفمبر منها ماهو طريف ومنها ماهو مؤلم ولنعتبر ذلك البوم لتجميع تلك الصور بدلا من تشتتها بين التوبيكات

بلا جنزوري بلا وجع قلب..أنا جبلكلوا الخلاصة

علي فكره نفوا الخبر علي التلفزيون الراجل اتمسخر من الشباب من عينه انه هايرجع الويندوز 95 وهايدي كل شاب الكازوزه بتاعه الجادون بيقولوا ان مرتضى منصور ماسك على الناس كلها سي دى الا الجنزورى ماسك عليه فلوبى ديسك

الجنزوري قرر تعيين طلعت باشا حرب وزيرا للمالية يا رجالة ... والكلام بيحدف على محمود سامي البارودي وزيرا للدفاع .. وعودة محمد محمود وزيرا للداخلية بس هو راجع تخليص حق عشان الشارع اللي اتبهدل بس !

السلام عليكم ورحمة الله وبركاته أنا بأفتح الموضوع ده هنا ليس لمناقشة رأيك في ما يحدث في التحرير لكن هناك دماء تراق وأرواح تزهق وواجب علي كل فرد منا المساعدة بما يستطيع هنا هتلاقي إزاي تساعد في حدود إمكانياتك المصدر:الرباط الخاص بي

على قلبي وضعت يدا ونحوك قد مددت يدا سرى ليلي لغير هدى ولا ادري لأي مدى وطنى لهواك لظى فوا كبدا إذا اضحيت وإن امسيت وا كبدا

فكر اجاش مشاعر انامل انطقت اقلام لصاحب المساحه / ومشاركيه كامل احترامى ولكننى متفائل وكلى أمل متفائل والقلب يملأه الأمل ... متفائل ان الأيام لها دول متفائل رغم الصعاب وبطشها ... ان الإله له صروف الى اجل فلربما شيء نراه يسوؤنا ... وغدا يكون لنا به كل الأمل متفائل ان المضائق والمحن ... تأتي الى الإنسان لغفران الزلل متفائل ان الحياة جميله ... إذا نظرت الى حكايها الأول متفائل وانا على اليقين ... ان الضياء سيعانق الفجر والليل أفل متفائل والروح يدفعها العجل ... وتسري بها الآمال يدفعها العمل متفائل بتوافقنا وقوة الإيمان ... نمضي إلى العلياء وكلى أمل

ويعلم اله انى أبادلك احتراما بإحترام ويشرفنى دائما قراءة ردودك وبأعتذر ان كنت تماديت فى الرد بانفعال...والاختلاف فى الرأى لا يفسد للود قضية

اهم من الاسم يكون واضح من الاول و معلن اية المهام المكلف بيها بشكل واضح عشان ميطلعش ناس تقولك ان من اهداف الثورة العدالة الاجتماعية و الحكومة محققتهاش زى ما سمعنا اليومين اللى فاتوا وكمان ملقياش اخبار - زى حكومة شرف - ان الحكومة سايبة البلد تولع و بتدرس مشاريع طويلة المدى زى ممر التمية

بصراحة شديدة لو تم تعيين اى حد واكرر اى حد واكرر اى حد كان له صلة او منصب فى حكومات مبارك او كلابه يبقى ضيعنا حق الشهيد ولنا فى عصام شرف مثل ارفض تماما تماما الجنزورى ولا الكفراوى ولا غيره دول كلهم نفس المدرسة والتفكير ليه البلد خلصت من وجوه المعارضة ؟ يجيبو اى حد من الىى كان معضوب عليهم وممنوعين من تولى مناصب الجنزورى = شفيق =عصام شرف = احمد عز وغيرهم كلهم ممن ساعد وثبت النظام السابق الفروق بينهم ان منهم من ظهر وفساده والاخر كان ذكى متدارى

في الموضوع الخاص بالإستفتاء الذي إقترحه المجلس العسكري والخاص بالسيد / أبو محمد قلت فيه أن الإستفتاء لكي يكون معبرا يجب أن يتم بالشكل العلمي الصحيح , وتوقعت أن المجلس العسكري لو أجراه سيجريه بشكل معين يضمن ان تكون نتيجته ( نعم لبقاء المجلس العسكري ) , وها نحن نرى الصحف تنتهج نفس النهج الذي توقعته عندما طرحت هذا الإستفتاء للقراء هنا الصحف وبطريقة أتمنى أن تكون عفوية وليس بتعمد وضحت تبعات التصويت بنعم ( حيث قالت سيبقى المجلس العسكري حتى يونيو 2012 ) , وعندما طرحت الخيار الثاني وهو التصويت ( بلا ) سكتت على ذلك ولم توضح تبعاته العدل والإستفتاء العلمي الحيادي يستدعي أن توضح تبعات الخيارين وليس خيارا واحدا دون الأخر , فتأتي عند الخيار الثاني وهو التصويت ( بلا ) يجب أن يكون متبوعا تبعاته , فيكون بهذه الصيغة : لا أوافق على أستمرار المجلس العسكري ومع تسليم السلطة لحكومة منتخبة أو مجلس رئاسي أو أو إلخ , ولو حدث الإستفتاء بهذا الشكل فأعتقد أن النتيجة محسومة بالخيار الثاني عندما تجري الإستفتاء بهذه الصورة كما حدث في الصحف التي وضحت فيها تبعات التصويت بنعم ( نعم أوافق على بقاء المجلس لحين تسلميه السلطة ) وعند الخيار الثاني إكتفيت بكلمة ( لا أوافق ) طبيعي جدا أن المواطن سيختار الخيار الاول بدلا من إختيار الخيار الثاني المجهول العواقب بالنسبة له لأن الإنسان عدو ما جهل , والشعب المصري بطبعه عاشق للإستقرار في ظل هذه الظروف لذلك لن يغامر بشىء مجهول . تحية لك اخي عمدة

من هنا هدور لك على الباقين و لو لقيت حاجه هحطهالك على طول

اتفضل www.4shared.com/file/fayBMX0p/baghdadi_diaries_drbahaa.html اعمل له كوبى و بيست فى شريط العناوين

اتسائل من كام يوم ما هو الهدف من الهجوم على وزارة الداخلية ومدريات الامن فى كل محافظات مصر كل شيء ممكن يصدق او يتم تحليلة والخروج بنتائج او تحليلات منطقية هل من المنطق ان ندمر وزارة الداخلية لمجرد اننا فى ثورة ضد الأمن (الشرطة ) لو حدث ان انهارت الشرطة وانتهت كم هو الثمن الذى سيكلف المصريين باعادة بناء هياكل ومبانى ومعدات الشرطة فى كل محافظات مصر ... هل هذة المحاولات للهدم تعطى مؤشر على ان ما يحدث لة ابعاد اخرى غير ما نشاهدة من احتجاجات بالتحرير السنا ف حاجة ماسة الى التزام الهدوء برهة او ساعة لكى نرتب مطالبنا السنا فى حاجة الى مراجعة اين نقف الان ولما وصلنا الى تلك النتائج ومكاسبنا مما حدث ويحدث اسئلة تحتاج الى اجوبة ومصارحة .. هل الانتخابات او الفشل بها او توقعة لشريحة معينة هى من اتت بتلك المشاحنات وصنعت ما نحن فية من مأزق يجعلنا على شفا الانهيار كدولة لا أجد اجابات عندى فهل اطمح فى مساعدتى حتى يستريح عقلى

يعنى افعال الامريكان فى العالم دى مش افعال ناس ملبوسين؟ ههههههههفيه طبعا.. و يتخبطهم الشيطان من المس..ممكن تلاقى واحد بيرمى نفسه من غير سبب.. او ينط قدام العربيات.. او يضرب نفسه.. او يتصرف تصرفات غير عقلانية..مش كل حاجة بتحصل برة احنا بنعرفها هنا..و بما ان الشىء بالشىء يذكر..بتضايق لما حد يقول: عمرك شفت حد صومالى ساب بلده و شتمها زى ما انتوا يا مصريين بتعملوا؟ايوة.. بيشتموا بلادهم و يسبوها و يلعنوا اللى جابها كمان.. حتى الامريكان نفسهم.. بيسيبوا بلادهم يروحوا بلاد تانية.. لا بيحصل و كتير كمان و فى برامج كتير اجنبيه مختصه بتسليط الضوء على الناس الى حصلهم الظواهر دىلكن هما مش بيسموها جن و تلبيس لان الديانه المسيحيه مفيهاش ذكر للجن بخلاف الديانه الاسلاميهفبيسموها هجوم من ارواح شريرهاو استحواذ من قبل روح شريرهاو بيتوقوا عند فكره انها ظواهر ميتافيزيقيه مجهوله التفسير ماشي مش هنختلف بس إيه فايدة الجن داخل الإنسان لو مش هيعرف الشخص إنه فيه جن ؟ يعني الجن لما بيلبس شخص إيه الهدف لو مش هيتخبطه ويعمل أمور مش طبيعية من خلاله ؟ دخول الجن لجسم الانسان بتختلف اسبابه لكن بالنسبه لسؤالك حوالين ايه فايدته لو الانسان مش هيعرف ان جواه جن اجابته هى بمعرفه الجن دا دخل جسم الانسان ليه ممكن يدخله بناء على سحر معمول للشخص دا و فى الحاله دى بيدخل جسمه علشان ياذيه سواء بامراض غير معروفه السبب او حتى مجرد الضيق و الكابه ووقف الحال او مثلا علشان يحببه او يكره فى شخص معين لو هو سحر محبه او سحر تفريق علشان كدا مش شرط ان الانسان يعرف انه متلبسه جن هو بس بيلاقى حاجات بتحصله لكن مش بيربطها بالفكره دى او مبيكونش عارف ان دا سببه فى كمان تلبس بسبب عشق هذا الجنى للشخص و دا برضه مبيظرهش اى علامات على وجوده لكن بتلاقى مثلا البنت مش بتتخطب او كل ما تتخطب تتفركش او الناس بعد ما يتكلموا عليها يعتذروا بدون سبب او ان جوزها بقى مش طايقها فجاه او ان الخناقات بينها و بين جوزها تكتر فجاه و العكس طبعا للرجل او بيدخل للانتقام منه لان الانسان دا اذاه من غير ما يقصد او حتى يعرف و ممكن كمان لان الانسان دا فضولى زياده عن اللزوم فبيجرب فى امور الروحانيات كتير من غير ما يكون متمكن و بالتالى بيوقع نفسه فى المشكله دى من غير ما يحس الخلاصه ان الجنى الى بيتلبس جسم الانسان بيكون علشان ينفذ مهمه محدده و علشان كدا بيكون حريص جدا ان الانسان دا ميحسش بوجوده علشان ميحاولش يصرفه و بالتالى يكمل ما اتى من اجله بسهوله وبدون معوقات و حتى لو ظهرت علامات ممكن ناس كتير متربطهاش بالموضوع دا فمتعرفش ان كل دا سببه جان

لا على ايه ...خلينا ساكتين مش طالبة يا باشا جو حزين خلينا صابرين وكمان ساكتين علّي لنا التلفزيون شويتين يمكن نسمع خبرين حلوين ما احنا خلاص قاعدين للنت و التلفاز مقطوعين يجيبونا شمال يجيبونا يمين على كام اعلان و غنوتين و اهو حالنا حال الملايين خلينا وراهم لحد الدار ماشين قال يعني كان قدامنا اختيارين؟!

دى اصوات الخونه من الاخوان على التيارات الدنيئه على كوتيل سلفى على ولاد مبارك على اتباع النظام ودول لايمثلوا صفر فى الميه من الشعب المصرى لان الثورة قائمه من اجلهم ومسانده الخونه ليهم من الديارات المشبوهه والدنيئه لاتفيدهم بشىء بل تفيد البرلمان والكراسى ال بيسعوا اليها على حساب جثث الشعب المصرى والوفد ده اصلا من بقايا النظام ومن والاهم من الاصل وخليكوا كده حاربوا التحرير وان شاء الله ينتصر فى النهايه على كوتيل القرف ده بعون الله لا بعون الخونه والتابعين ليهم طول ما مصر فيها ناس بتفكر زيك كدة يبقي عليه العوض و منه العوض فيكي يا مصر .. اتكلم عن الاخوان ملكشى دعوة بمصر أتكلم عن مصر براحتي .. أنا مصري غصب عنك شئت أم أبيت .. علي الاقل مهما كان إختلافي مع ثوار التحرير لم اقل أنهم خونة أو مأجورين . إحترم نفسك و لا تلمح و تتهمني بالخيانه ! مهو باين انك مصرى حد يقدر يقول غير كده دنته وطنى ياعم ومعاك كمان الاخوان وبقيه الشله مصرى مصرى يعنى دا نموذج لفكر يدعى انة يخرج من اجل الديمقراطية و الحرية و يرفض الديكتاتورية من يختلف معاة خائن من يختلف معاة ليس مصرى مستنين نسمع زى الثورة الفرنسية المقصلة المقصلة

اختصاصي تسويق مكتوب في الشهادة معدله تجاره

المصريين اللي في جدة لقيت الخبر ده منشور علي صفحة الجالية المصرية

دى اصوات الخونه من الاخوان على التيارات الدنيئه على كوتيل سلفى على ولاد مبارك على اتباع النظام ودول لايمثلوا صفر فى الميه من الشعب المصرى لان الثورة قائمه من اجلهم ومسانده الخونه ليهم من الديارات المشبوهه والدنيئه لاتفيدهم بشىء بل تفيد البرلمان والكراسى ال بيسعوا اليها على حساب جثث الشعب المصرى والوفد ده اصلا من بقايا النظام ومن والاهم من الاصل وخليكوا كده حاربوا التحرير وان شاء الله ينتصر فى النهايه على كوتيل القرف ده بعون الله لا بعون الخونه والتابعين ليهم طول ما مصر فيها ناس بتفكر زيك كدة يبقي عليه العوض و منه العوض فيكي يا مصر .. اتكلم عن الاخوان ملكشى دعوة بمصر

يسلــم إحســاسِك .. يا عبــير محسوبِـــك .. قتلو .. التفـــكير ماشيين عكس..وخِلف خلاف ولا مـِتفـقـين .. على أهــداف أيامِـــك .. يا بـــلدنا..عِجــاف لكن .. ربنا .. بردُه كــــبـيـر محسوبِـــــك .. قتلو التفكيـــر

الأهرام شكلها كده مش هتبطل شغل الصحافة التعبيرية ده..

اولا حق الشهداء والمصابين قبل أي حاجه ... محاسبة وحاكمة المسئول لازم تتم بعد كده المفاوضات على كل ما ذكرته ، وأهمهم أن يكون فيه آلية للثورة تراقب أداء الجميع ، وبكده نبقى أحيينا الثورة مرة تانيه ويبقى لها ناب تعض بيه ، والدرس المره دى مش سهل على الجميع وعرفوا ان الشعب اليوم غير قبل 25 يناير ... وما فيش حد عاقل حيقدر يغامر مرة تانيه بأرواح المصريين ، وحادثة ماسبيرو مش حتتكرر أن شاء الله يبقى نبنى فريق تفاوض قوي ، مع رجوعنا لميدان التحرير وتنظيم الإعتصام السلمي كورقة ضغط ... وتحرك للمستقبل غير كده يبقى بندور في حلقة مغلقة ملهاش اول من آخر والعاقل اللى يسيب لعدوه مهرب علشان وقت الهزيمة يهرب منه وما يستموتش في القتال أهم حاجة نثبت أنياب الثورة وربنا كبير ... ولنا الفخر ان رجال محمد محمود ابطالنا معانا يوم ما حنحتاجهم حنلقيهم موجودين رجالة اقوى من الأسلحة ووحوش يحموا الثورة

محافظات المرحلة الثانية · الجيزة · بني سويف · المنوفية · الشرقية · الإسماعيلية · السويس · البحيرة · سوهاج · أسوان

لأ يا أيمن الدائرة المغلقة يجب ان تكون لها حلول ... ايوه عايزين اعتذار ومحاكمة سريعة ، ضمان حق الثورة في مراقبة الإداء ، ضمان حقوق المصابين والشهداء ، وقف المحاكمات العسكرية للمدنيين ، الإنتخابات في موعدها ، تنفيذ الخطة الموضوعة في خطاب المشير بكده نبقى بنتحرك للإمام ومتنساش ان الجميع مخطئون ولكن بدرجات متفاوتة

لا اله الا الله يا عم باز ملاحظ حاجة وتفبلها من اخ قد يكون سنا اكبر منك - تحب الاخوان تكرههم دى حرية شخصية لكن لا تكون على طول الخط ضدهم فهم مصريون نختلف معهم او نتفق ولكن نحترمهم ولا نشكك فى وطنيتهم - اختار توقيتات كلامك يعنى احنا فى مصيبة وندعو للتجمع حول رجل واحد وراى واحد وحضرتك واللى زيك بيبثوا الفرقة بين الشعب الواحد - كلامك بيشككنى بصراحة انك نزلت ميدان التحرير اصلا لانك لو نزلت هاتعرف ان الاخوان والسلفيين موجودين وهم اللى شايلين كثير فى لميدان سيبك من كلام زعماءهم لان دول رجالة سياسة وتصريحات سياسية - على فكرة وعن تجارب وتاريخ لو الاخوان مش عايزين ينزلوا فعلا والمرشد قال ماتنزلوش ولا شاب هاينزل ومافيهاش هزار ( فعلا الاخوان اكبر واكثر فصيل منظم ومطيع للتعليمات فى مصر ) شئنا ام ابينا - ارجو عدم التحدث ابدا عن النوايا التى لا يعلمها الا الله فيه اثباتات قولها طلب اخير شوف التاريخ وايه اللى حصل فى 1954 المؤمن كيس فطن ولا يلدغ المؤمن من جحر مرتين

طبيبتان مسلمتان تؤديان الصلاة فى الكنيسة المجاورة للميدان

يا بيه هو حضرتك معانا في مصر ومتابع الأخبار ؟ ده مش تهكم والله مجلس شعب إيه ورئيس إيه إذا كان المجلس رمى على مصر كلها قنبلة إسمها الإعلان الدستوري ... وخلى فيها مجلس الشعب والشورى حارة والميت هايبقى كلب وهايختار منهم 20 واحد فقط و80 هايختارهم هو ... يا بيه ده السلمي طالع بيقول الوثيقة هايتوافق عليها هايتوافق عليها ... وخد دي من الأخر .. والمجلس العسكري هايعمل بها إعلان دستوري ... هل تتخيل ذلك ؟ يا بيه مجلس الشعب إزاي والمجلس بيحارب عشان يخلي فلول الحزب الوطني تنزل الإنتخابات بكل طريقة ؟ يا بيه عشان ما نظلمش الراجل عصام شرف في كل حاجه ... مشروع العزل السياسي متقدم للمجلس بقى له أكثر من 3 شهور ومع ذلك قطعه ورماه في الزبالة .. عارف ليه ؟ سمعت واحد منهم بيقول لك المجلس العسكري بيشعر بالحرج بيشعر بالحرج لإنه كان مُصر على إبقاء رؤساء الجامعات اللي كلهم حزب وطني محرج لإن في وزرا عندك حالياً هم أعضاء بالحزب الوطني محرج لأن كل القيادات الحكومية حزب وطني محرج لان رجله ممكن تيجي في الموضوع كمان يا بيهه شاور لي في التاريخ كله واتحدى ... اتحدى إن جبت لي حكم ديكتاتوري على مر التاريخ أشرف على إنتخابات او عمل إنتخابات يشرف عليها وأفرزت جو ديمقراطي .. مستحيل من رابع المستحيلات اللي متخيل إن في وجود طنطاوي وعنان والعصابة إن مثلاً تُجرى إنتخابات رئاسية وأنزل أنا كمواطن مصري أنتخب الشيخ حازم صلاح أبو إسماعيل وده حقه كمرشح ... ويفوز بأغلبية ويبقى رئيس تؤدى له التحية العسكرية من مث هؤلاء الأوباش ... يبقى واهم وعايش في مية البطيخ ... إذن الجيش وظيفتة حماية مصر داخلياً وخارجياً ... الجيش مش وظيفتة لا يدير مرحلة إنتقالية ولا يشرف على إنتخابات طب مين ينفع ؟ للمرة المليون بص لتونس وليبيا ... لا ظابط نط على كرسي ولا سرح بالناس وقال لهم هاحمي الثورة والله 5 ايام بس وهارجع مكاني ... وفي الأخر يقول لك مش هارجع الا اما الناس يقولوا لي في إستفتاء رسمي الفاضل س س تحياتى لا اعتقد فى صلاحية الجيش او العسكر - و هو راى منذ سنوات - لادارة الحياة المدنية نحن نتعامل مع الوقائع الحالية و كيف الخروج الامن ممما يجرى يعنى ما ينفعش تقولى النهاردة الجيش مكانش ينفع يمسك من عشر شهور و احنا على بعد 3 ايام من الانتخابات ما يجرى الان هو عملية جر البلد للفوضى سوالى لحضرتك - اختلف مع المجلس العسكرى ( بتاع مبارك الخائن العميل ابن التيت و التيت ) و انا بجوارى مجلس شعب منتخب اايا كان مكوناتة ( اخوان - سلفيين - هنود -....) ولا اختلف و اطالب يرحيلة بدون هذا المجلس؟ اما حكاية الحزب الوطنى و الفلول فاولا المرجع للشعب اللى عايز ينتخب فلول ينتخبهم و اللى عايز ينتخب هنود ينتخبهم و بعدين هو رفعت السعيد بتاع حزب التجمع مش فلول ؟ مش هنوقف البلد عشان حزب وطنى ملوش وجود اساسا دا حزب الريس - عاش الملك مات الملك و بعدين حضرتك مصمم تتكلم فى المشكلة مش فى الحل و اطمن انا موجود فى مصر عشان كدة باقولك الكلام دة

اتفقنا او اختلفنا الوضع أصبح معقدا فجميع الخيارات أو الحلول المطروحة أمامنا حاليا تمثل خسائر للبعض لأنها تتعارض مع المصالح السياسية و الحل لطرف هو مشكلة للآخر فهل سنستمر في دائرة مفرغة و الخاسر الأكبر هو نحن .. في رأيي يجب التحرك نحو إجراء الانتخابات في الجدول المحدد رغم ما يحتويه الوضع في التحرير وفي المشهد العام من مخاطر غير ذلك يمثل مخاطرة أكبر من الجميع وأزمة أو فتنة نسأل الله ان يرحمنا و يعافينا منها . و أضم صوتي لصوت دريم و أصوات ملايين المصريين في الابتهال إلى الله بالدعاء

كلمة محورية تكشف ان جميع الاحداث التى تلت الاستفتاء كانت مخططة من أبالسة لاسقاط المجلس العسكرى وأن الله كلما اطفئ ناراً للحرب أوقدوها بسبب آخر . وهم يفعلون المستحيل لتعطيل الانتخابات وهم السبب الأول لاطالة الفترة الانتقالية . وهذه النية المبيتة المعلنة لاسقاط المجلس وبالتالى تعطيل الانتخابات وتنصيب مجلس رئاسى ملته غير معروفة وهويته مبهمه لهى دليل اخر انه لا خير نجنيه من وراء هذه الحركة المشبوهة لكن انا واثق فى الله اولاً واخيراً اللهم افضح الظالمين على رؤوس الأشهاد الله يفتح عليك يا بشمهندس أعتقد أن الجمعة القادمة ستشهد محاولة جديدة وربما أخيرة لتأجيل الإنتخابات ، وبما أنها الأخيرة أستشعر أنها ستكون الأسوء لهذا على التيارات الإسلامية المشاركة في الجمعة (لأنها التيارات الحريصة أشد الحرص على الإنتخابات)ضرورة الإنتباه إلى حمياتها من أصحاب النفوس الضعيفة تحياتي... كم انحنى احترامآ لهذة العقول وأتشرف بانى اقرأ من نبع افكارهم واتعلم منهم اسمحو لى باضافة كلمة موقف الاخوان يدل على بعد نظر ما حدث من حرب كانو هم المقصودين بان يكونو الوقود ..

بما انك لك موقف معلوم من الجماعة بس غلاسة بغلاسة انا لست ممن ينتمى للجماعة انتمى فقط للجماعة بتوعى فى البيت هههههههههههههههههههههههههههههه هتودينى فين صحابنا اللي وضعونى بالسلفية هيزعلو بص بقى يا كبير .. ماحدث هو عملية مدبرة من قوى العلمانية بمصر بمساعدة الشرطة والدجيش مع بعض باريحية امريكية وهذا سيتضح يا عزيزى عنما تخرج اول بالون اختبارى من الصندوق بتاع المجلس وبص تانى بس لفوق ... لا يوجد فى السياسة عواطف ستنسحب كل الأحزاب من التحالف مع الاخوان وسبدأ الغد ومن ثم الكرامة وهكذا الخ ألخ نبص بقى تانى على الارض ... هناك من يظن ان الشارع المصرى بعد احداث الميدان والمجازر وبمنتهى الاريحية ايضآ خسر الاخوان السباق ودة ما يتم التاعمل معة داخل الأخوان ككل جماعة وحزب وشباب يا عزيزى ليس لدينا نخب بل لدينا لصوص تابعين لمبارك ليس لدينا أحزاب بل لدينا زيول لمبارك يا عزيزى ليس لدينا قضاء مستقل بل لدينا من تخرج من فساد مبارك يا عزيزى ماتملكة مصر فقط هو حزب الكنبة الذى يشاهد التمثيليات التى تحدث وسيرفض مؤامرات الجميع على مصيرة كما فعلها سابقآ يبدوى ان هناك من يتوهم ان المصريين اغبياء او يحتاجون الى بافتة اثناء الأكل والكلام والتعامل المصريين ليسو رضع او اطفال .. مبارك علم الشعب وخاصة حزب الكنبة التدبير والمصلحة بدون قصد عندما تركهم فريسة للأغنياء والفاسدين فتعلمو كيف يختصرون الزمن والبحث عن المصلحة باقل مجهود معلهش كمالة بشلن هههههههههههههههههههه كلما نظرت او ذهبت الى الميدان ضحكت لكن بألم عارف لية كل دة كان معد سلفآ للأخوان كانت هتبقى مجزرة يا كبير بس نقول اية تبقى فى بؤك وتقسم لغيرك خلى التيار العلمانى يشرب على فكرة لية حزب المصريين الاحرار وكل الاحزاب العلمانية كانو اول الاحداث يصفون من بالميدان بالخونة ؟؟؟؟؟؟؟؟

كنت اعرف طريقى جيدا لهذا تهت !!

يا استاذ احمد المسألة مش محتاجة شكاير رمل نعملها بين الطرفين الداخلية لو عاوزه تعمل حواجز ولو عاوزه تمنع اي نملة تدخل من اي شارع كانت عملت لكنه فيلم مؤسف تريد تنفيذه الي اخر مشهد وللاسف هناك خونة يساعدونها على ذلك والغرض من هذا كله معروف ، وستعرفه بعد ايام قلائل عندما سيظهر الحل السحري الذي سيجعل الامور تهدأ

مجلس رئاسي مدني مؤقت مكون من المرشحين السبعه لرئاسة الجمهورية بالاضافة الى عضو من المجلس العسكري و رئيس المحكمة الدستورية العليا يبقى المجموع 9 اعضاء اتخاذ القرارات بالاغلبية

شكراً على سكوتك عن الحق واعتقد ان كده انت مش حترد تاني ... إعتزالا للفتنة وتطبيقاً لقوله تعالى "لم تقولون ما لا تفعلون ... كبر مقتاً عند الله ان تقولوا مالا تفعلون" فبعد انتهاء الفتنة ان شاء الله ...نبقى نفتح موضوع ديني يخص الفتنة الحالية وقدسية دم الإنسان التى هي اقدس عند الله من الكعبة ، وكمان نفتح موضوع عن حرمة القتال في الأشهر الحرم ، وكمان نفتح موضوع عن حق المسلم على المسلم ، وكمان نفتح موضوع عن "الذين قال لهم الناس إن الناس قد جمعوا لكم فاخشوهم" ، وكمان نفتح موضوع عن غزوة احد والمنافقين المنسحبين ، وكمان نفتح موضوع عن خروج السيدة عائشة مقاتلة طلباً للقصاص من القتلة ، وكمان نفتح موضوع عن حديث أنصر أخاك ظالما أو مظلوما وكمان نفتح موضوع عن "فكانما قتل الناس جميعا" ، وكمان نفتح موضوع عن عمر بن عبد العزيز ... حديث حصنها بالعدل سعدت بردودك وسأفتقدها وأنتظرك بعد انتهاء الفتنة ورجوعك بالسلامة

متشكرين يا عمدة وشكرآ للأخ طارق هو دة الانسان الأيجابى جزاكم الله خيرآ المفروض بقى كل الاهتمام ينصب على توعية الناس مش نقعد نخبط ف الحلل وهات ياردح وصريخ ودة فلول ودة علمانى ودة شيخ ودة سلفى المهم ازاى نكون ايجابيين فى اى مكان نجتمع بة ونفيد اللي حوالينا مهما كانت ايديولوجيتة هكذا يكون الانسان السوى