لوحة القادة

كل عام و أنتم بخير . النهاردة 7 محرم . هل تعلمون أن المحرم هو أحد الأشهر الحرم و أن به مناسبة عظيمة؟ على العموم نقلت لكم هذا الموضوع الطيب لأذكر نفسي و إياكم بصيام يوم 10 محرم ( يوم عاشوراء) ........................................................................... في هذا الشهر يوم حصل فيه حدث عظيم، ونصر مبين، ظهر فيه الحق على الباطل، حيث أنجى الله فيه موسى عليه الصلاة والسلام وقومه وأغرق فرعون وقومه، فهو يوم له فضيلة عظيمة وحرمة قديمة، هذا اليوم العاشر من شهر الله المحرم وهو ما يسمى بيوم عاشوراء. فضل يوم عاشوراء وصيامه وردت أحاديث كثيرة عن فضل يوم عاشوراء والصوم فيه وهي ثابتة عن رسول الله نذكر منها على سبيل المثال ما يلي: في الصحيحين عن ابن عباس أنه سئل عن يوم عاشوراء فقال: ( ما رأيت رسول الله يوماً يتحرى فضله على الأيام إلا هذا اليوم - يعني يوم عاشوراء - وهذا الشهر يعني رمضان ). وكما أسلفنا من قبل أن يوم عاشوراء له فضيلة عظيمة وحرمة قديمة، وكان موسى عليه الصلاة والسلام يصومه لفضله، وليس هذا فحسب بل كان أهل الكتاب يصومونه، وكذلك قريش في الجاهلية كانت تصومه. كان يصوم يوم عاشوراء بمكة ولا يأمر الناس بالصوم، فلما قدم المدينة ورأى صيام أهل الكتاب له وتعظيمهم له، وكان يحب موافقتهم فيما لم يؤمر به، صامه وأمر الناس بصيامه، وأكد الأمر بصيامه والحث عليه، حتى كانوا يصوّمونه أطفالهم. وفي الصحيحين عن ابن عباس قال: ( قدم رسول الله المدينة فوجد اليهود صياماً يوم عاشوراء، فقال لهم رسول الله : { ما هذا اليوم الذي تصومونه } قالوا: ( هذا يوم عظيم أنجى الله فيه موسى وقومه، وأغرق فرعون وقومه، فصامه موسى شكراً لله فنحن نصومه )، فقال : { فنحن أحق وأولى بموسى منكم } فصامه رسول الله وأمر بصيامه ). وفي الصحيحين أيضاً عن الربيع بنت معوذ قالت: ( أرسل رسول الله غداة عاشوراء إلى قرى الأنصار التي حول المدينة: { من كان أصبح منكم صائماً فليتم صومه، ومن كان أصبح منكم مفطراً فليتم بقية يومه }. فكنا بعد ذلك نصوم ونصوّم صبياننا الصغار منهم، ونذهب إلى المسجد فنجعل لهم اللعبة من العهن، فإذا بكى أحدهم على الطعام أعطيناه إياها حتى يكون عند الإفطار ). وفي رواية: ( فإذا سألونا الطعام أعطيناهم اللعبة نلهيهم حتي يتموا صمومهم ). فلما فرض صيام شهر رمضان ترك النبي أمر الصحابة بصيام يوم عاشوراء وتأكيده فيه، لما في الصحيحين من حديث ابن عمر قال: ( صام النبي عاشوراء وأمر بصيامه فلما فرض رمضان ترك ذلك - أي ترك أمرهم بذلك وبقي على الاستحباب ). وفي الصحيحين أيضاً عن معاوية قال: سمعت رسول الله يقول: { هذا يوم عاشوراء ولم يكتب الله عليكم صيامه وأنا صائم، فمن شاء فليصم ومن شاء فليفطر }. وهذا دليل على نسخ الوجوب وبقاء الاستحباب. من فضائل شهر الله المحرم أن صيام يوم عاشوراء فيه يكفر ذنوب السنة التي قبله، فقد روى مسلم في صحيحه عن أبي قتادة أن رجلاً سأل النبي عن صيام يوم عاشوراء فقال: { أحتسب على الله أن يكفر السنة التي قبله }. عزم النبي في آخر عمره على أن لا يصومه مفرداً بل يضم إليه يوماً آخر مخالفةً لأهل الكتاب في صومه، ففي صحيح مسلم عن ابن عباس رضي الله عنهما قال: ( حين صام رسول الله عاشوراء وأمر بصيامه، قالوا: يا رسول الله إنه يوم تعظمه اليهود والنصارى )، فقال : { فإذا كان العام المقبل إن شاء الله صمنا التاسع } [أي مع العاشر مخالفةً لأهل الكتاب] قال: ( فلم يأت العام المقبل حتى توفى رسول الله ). قالى ابن القيم رحمه الله تعالى في زاد المعاد [2/76]: ( مراتب الصوم ثلاثة: أكملها أن يصام قبله يوم وبعده يوم، ويلي ذلك أن يصام التاسع والعاشر، وعليه أكثر الأحاديث، ويلي ذلك إفراد العاشر وحده بالصوم ). والأحوط أن يصام التاسع والعاشر والحادي عشر حتى يدرك صيام يوم عاشوراء.

يوم الانتخابات كنت في غاية الفرحة و السعادة لاني حاسة انها ان شاء الله هاتكون اول خطوة في اننا نكون بلد متحضرة بس للاسف تقريبا الفرحة دايما مش بتدوم بعد ما خلصوا يومين الانتخابات و بدأ الشغل بقى على النت حاجه مش قادرة اصدقها بجد هي دي الناس اللي كانت واقفة في الطوابير سوا لا تعرف مين فيهم سلفي و لا ليبرالي و لا اخوان و لا علماني و لا الناس العادية اللي مالهاش توجه هي دي الناس اللي كانت واقفة غنى فقير متوسط الحال اتقلب المشهد الجميل اللي شوفناه لحرب خايبة كل واحد ماشي يشتم و يتكلم على التاني مالكم ما انتوا كنتوا كويسين خير حصلكم ايه ما انتوش طايقين بعض ليه؟ كل او اغلب اصحابي على الفيس شغالين على نغمة واحدة صب كل اللعنات على التيار الاسلامي انا خايفة يطلع التيار الاسلامي هو السبب في حرب فيتنام و احنا ما نعرفش ارجوكم ارجوكم ارجعوا لعقلكم و لموا بعض حابوا على بعض لاننا في الاول و الاخر مالناش غير بعض احلى تعليق قريته على الفيس هانقله ليكم هنا يا ريت لو حد لقى نفسه من ضمن المذكورين يراجع نفسه قبل فوات الاوان

انا مصرية مسلمة يعنى غصبا عنكم تيار اسلامى تفكيرى ليبرالى متعاطفة جدا مع حقوق الاقباط و متعايشة مع السلف انا لا اخوان و لا سلف و لا ليبراليه علمانية انا مصرية\ و نفسى الكل يبطل يهاجم اساسا محدش ينجح بالتشويه لان ده بيقى نجاح فاشل فترته قصيرة الناس مصيرها تقوم و تفهم انك شوهت الحقيقة و نصبت عليها عشان تنجح بيتحب مصر كفا ية لوم و تقريع و هيا الى العمل الاخوان انتم مش عمليين يلا الى البرلمان الليبراليين يلا فيه دستور و ادمغة فاضية لازم تتملى و تتعلم تناقش و تحاور الاقباط محدش يتنازل عن حقه السلف ................... احنا مش السعودية عايزين نبقى احسن منها ممكن

Http://www.youtube.com/watch?v=cEE_4KPcMsQ

يا اسلام اتوقع والله اعلم ان اول صدامين هايكونوا بسبب اللجنة اللى هاتكتب الدستور وصلاحيات مجلس الشعب فى الدستور ايضا الاخوان مش ناس خونة يا اسلام وبيلعبوا لمصلحتهم بس زى ما نا كثير بتفتى وتقول الاخوان لو همهم الكراسى زى ما الناس بتقول كانوا نزلوا تحت جناح حسنى مبارك من زمان زى باقى الاحزاب وحدوا عدد المقاعد اللى عايزيتها لو بس بصيت للتاريخ بنظرة موضوعية متجردة من اى افكار سابقة هتلاقى ان اكثر السياسيين المووجودين حكمة وذكاء هم الاخوان وعارفين يلاعبوا المجلس العسكرى حلو جدا وكانوا عارفين يلاعبوا مبارك بامتياز عارفين امتى يهجموا وامتى يمتصوا الغضي ولا يقعوا فى فخهم واجب اى مصرى وطنى الان التخلى عن افكاره ودعم مرشحين الشعب اللى اختارهم الشعب لان دول السبيل الوحيد للحرية الكاملة والتخلص من حكم العسكر اللى كلنا بنتمناه سواء ليبرالى او اسلامى او اى تيار اخر الا الفلول طبعا

مصر ليست ميدان تحرير او عباسية مصر اكبر من كدة بس لما مصر تنادى شرفاءها انجدونى يبقى الشرفاء لازم ينزلو زى ما نزلو مع الشباب وعملو ثورة اتحفت العالم ... الفارق كبير جدآ بين من يبنى ومن يريد الهدم لمجرد انة فاشل

لي ملاحظات فيها خلط كبير وخاصة ان اغلب الاعضاء من المثقفين عليهم الحرص في طرح مفهومهم خاصة ان المنتدى من اكثر المنتديات انتشارا وكل كلمة تقررأها بالالاف العلمانية ليس عقيدة ابدا بل هي طريقة فكر علمي ظهر في العصر الحديث بعد اعتراض الكنيسة على بعض المفاهيم العلمية مثل دوران الارض وكرويتها وهي ما يتعارض مع الانجيل واصبح من يصرون على هذه المفاهيم الانجيلية بالاصوليين المسيحيين وهم من حكمو فعلا اوربا اثناء العصور الوسطى بل اعدمو وكفرو كل من خرج بتفسير علمي يخالف مفهوم الكنيسة وظهر الفكر االعلماني الذي يفصل بين الدين والعلم اللبيرالية هي حرية الفكر مع تنوعه وعدم اقصاء الاخر كما يحدث هنا في المنتدى للجميع طرح افكارهم حتى لو اختلفو جميعا مع بعض وعلشان كدا الكتلة المصرية تضم من جميع الوان الطيف ايضا ولا تدعو لحكر لفكر على فكر حتى لو كان من الدين الاسلامي او المسيحي ودا فكر صحيح نادى به الدين الاسلامي نفسه يقول سبحانه وتعالى (إدع إلى سبيل ربك بالحكمة والموعظة الحسنة وجادلهم بالتي هي أحسن) (فذكر انما انت مذكر وليست عليهم بمسيطر)

لا تهمنى المؤشرات والتهليلات مازالت امامنا مرحلتين وان كانت هناك قوي سياسية انتهكت نظام الانتخاب في المرحلة الاولى وان كان هناك من القوي من تعلق بالديمقراطية ليكون اول من ينتهكها معاليا بصوته فور فوزه بمقعده فهناك القوة الوحيدة التى لم يكن لها أية انتهاكات انها القوة المستحقة للفوز بهذه الانتخابات انهم مفجروا ثورة 25 يناير انهم تحالف الثورة مستمرة وبرغم انهم لا يملكون أية وسائل مادية للدعاية لمرشحيهم وبرغم اننا حاولنا من قبل تنبيه الشعب المصري الى اهمية المجلس الرئاسي لتستعد كل القوى لخوض الانتخابات وبرغم انهم انشغلوا كثيرا عن الانتخابات وبعضهم تنحى عنها او اوقف دعايته تضامنا مع التحرير دعونا نقدم لهم قليلا من عرفاننا بجميلهم هنا سأحاول قدر المستطاع جمع أكبر معلومات عنهم في هذا الموضوع ولا يهم حصولهم على الاغلبية المهم ان يمثلوا داخل هذا المجلس ولو بعدد بسيط كل دعواتي لهم بالتوفيق

فى موضوع سابق قلت تعليقا على ردود الأفعال على نتيجة استفتاء مارس : نعم .. أنا أرفض منطق كل من يصف الشعب المصرى بالسذاجة والعبط .. فصاحب هذا المنطق إما أن يكون غريبا عن الشعب المصرى أو أنه مصرى لا يرى من الغربال .. إن هذا الشعب طيب القلب .. ذكى بالفطرة .. متحضر بالفطرة .. متدين بالفطرة .. هو شعب ذو مخزون حضارى عجيب .. حتى من كان منه أميا لا يقرأ ولا يكتب .. شعب يلجأ فيه الأبن الحاصل على أعلى الشهادات العلمية لأبيه "الأمى" للمشورة إذا قابلته إحدى مشاكل الحياة .. وترتمى فيه الإبنة "الدكتورة" فى أحضان أمها "الأمية" لتستمد منها القوة والحكمة لمواجهة مشاكلها مع زوجها أو أبنائها أو زملائها فى العمل شعب يعيش أحد عشر شهرا بلا قوات أمن .. فيحدث فيه عدد من الجرائم لا تتجاوز نسبتها جرائم أكثر الشعوب الغربية رقيا ورخاء .. رأينا بأعيننا الأمريكان (بيقلـِّبوا) جثث ضحايا إعصار كاترينا ليأخذوا ما فى جيوبهم من نقود وما فى أجسادهم من حُلى .. شعب يظل صامتا حتى يحسبه المراقبون جثة هامدة .. ثم يفاجئهم بانتفاضة المارد .. المارد الذى حتى وإن كان يفرد ذراعية تثاؤبا بعد نعاس .. فإنها "فردة ذراع" لا يتحمل أعداؤه أوالشامتون فيه صدمتها وقلت فى نفس الموضوع : قلت هذا نظرا لما رأيته فى العيون من شوق لممارسة الحق فى الاختيار .. ذلك الحق الذى ظل مغتصبا لأكثر من ستة عقود .. لم تكن هناك غرامة - فى ذلك الوقت - لمن يتخلف عن التصويت فى الاستفتاء ، كما يحاول البعض أن يصور أسباب الإقبال غير المتوقع على الانتخابات البرلمانية الصامتون هم من وصفهم البعض بحزب الكنبة .. مضافا إليهم حزب لم يتجشم المغرورون عبء النظر إليه أو حتى الشعور بأنه موجود .. إنه حزب الجالسين أرضا على "الشلتة" لأنهم لا يملكون حتى الكنبة فى المرحلة الأولى من الانتخابات البرلمانية الحالية تنافس المتنافسون .. وظهر جليا - من النتائج – أن هناك من استطاع أن يصل إلى الحزبين وخصوصا حزب "الشلتة" المتشوق إلى من يكلمه فضلا عمن يحس بوجوده ، ففاز هذا الفريق من المتنافسين بنصيب الأسد من المقاعد .. وظهر أن هناك من لا يشعر أصلا بحزب "الشلتة" وركز جزءا من مجهوده الدعائى فى السخرية من حزب الكنبة الذى تحمل السخرية فى صمت .. فلم يشعر هذا الفريق من المتنافسين إلا "بفردة ذراع" المارد التى صدمته .. وليته يفيق سريعا من الصدمة حتى يلتفت إليه من لم يلتف هو إليهم ألم أقل لكم : الصامتون قادمون ؟ أرجو الآن * أن يدرك من فازأنه قد فاز بفضل الصامتين فلا يأخذه غرور خصومه وألا يقع فى خطيئة الحديث من عل وبمنطق من استحوذ على السلطة .. وليحذر "فردة الذراع" * أن يدرك من غرهم صمت الصامتين خطأهم .. وأن يوجهوا خطابهم – بلغة مفهومة – إليهم ، وليتأكدوا أن هذا المارد وبرغم قوته وجبروته هو شعب طيب القلب .. ذكى بالفطرة .. متحضر بالفطرة .. متدين بالفطرة

بخصوص ما تناقلته بعض المواقع الالكترونية وتناقله بعض الزملاء الفضلاء هنا عن المنافسة الانتخابية بين الدكتور محمد يسري والدكتور مصطفى النجار ، وما دار فيها من بعض التصرفات غير المسئولة ، أنقل لكم بيان الدكتور محمد يسري بخصوص ذلك . بيان الدكتور محمد يسري حول الحملة المثارة ضده لاتهامه بالتحريض الطائفي كذباً Date: 2011-12-01 21:28:15 الحمد لله والصلاة والسلام على رسول الله، أما بعد، فقد تلقيت ببالغ الأسف الأخبار التي انتشرت بين الناس عن استخدام بعض الشباب – الذي لا يعي عاقبة ما يفعله – من تشهير بالدكتور مصطفى النجار، في سلوك ينحدر بمستوى التنافس الشريف بين متنافسين على خدمة الوطن، وإني أبرأ إلى الله من الخوض في عرض أخي الدكتور مصطفى بغير دليل أو بسوء ظن، والدكتور مصطفى النجاركان قبل أن يلتحق بحملة دعم الدكتور البرادعي ومشاركته في تأسيس حزب العدل عضوا بجماعة الإخوان المسلمين المباركة، فلا ينبغي الطعن في دينه، وبقدر ما آلمني ذلك فقد آلمني أن يظن الدكتور مصطفى أني وراء ذلك أو أرتضيه. كما وأني أثق أن الدكتور النجار لا يرضى عن ارسال رسائل محمول في الجولة الماضية تدعي أني قد انسحبت من الانتخابات لصالحه، أو ما يروجه بعض الشباب من ادعاء أن المهندس خيرت الشاطر قد سحب دعمه لي، وغير ذلك من الأكاذيب، كما أدعوه لتنقية صفحته من السباب والشتائم الموجهة إليّ من داعمي حملته، في الوقت الذي لا أسمح فيه بأن يُساء إليه في صفحتي. د.محمد يسري إبراهيم الخميس 1 ديسمبر 2011

http://www.youtube.com/watch?v=-gmMoLY_nh8 اخرمولي عنيه و في دهيه اللي راحوا علموه يفهم مين العيسوي و سلاحه اللي شوفته قبل ما يروحوا عينيا كلب هايج يطلقوه ازاي عليا انت عيسوي انت عيسوي اللي انتهى نظري بسلاحه انت انت انت عيسوي

Facebook Event: https://www.facebook...32907353484915/

كلها طخ طخ في الهواء يا أستاذ عادل الأخوة الفتيتة قصدي الصوفية من زمان بيقولوا إن في مصر اكثر من 30 مليون صوفي .. لدرجة والله العظيم شكيت في نفسي أكون صوفي أنا كمان وطبعاً كان معروف إنه كلام في الهواء ... ودي ناس اخرهم الموالد والحمص والحلاوه .. ومالهمش أي تواجد على الارض في وسط الشعب المصري

انا ضد الاحكام المسبقه و تعميمها خصوصا لما يكون التواصل بين الطرفين ضعيف او شبه معدوم وبقول دايما لو حصل خير يبقى كذا ولو حصل شر يبقى كذا وده ردي في كل المداخلات تقريبا ,, الشطاره انك تفتح قنوات اتصال مع مخالفيك وبعد كده تقرر ان كنت حتحبه او حترفضه ,,

الموضوع رغم إنه فكاهي أكثر من كونه موضوع جاد بس للاسف فيه شئ من الحقيقة تسمعوا عن عائلة (( قسطور )) بتاعت الأتوبيسات ؟؟ دي سفرت كل أولادها أمريكا هنروح بعيد ليه ،، إيران بعد الثورة الإسلامية خسرت خيرة عقولها و هاجروا عشان كده حزب زي حزب الوسط لما وجه له إنتقاد ليه بتضموا المسيحي و المتبرجة رغم إنكم بتقولوا إنكم حزب ذو مرجعية إسلامية كان الرد ، إن الوطن في وضع لا يسمح له بفقدان أي جزء من مجهود أبنائه

طبعا انا باهزر مع الناس اللي كانت بتعترض على الانتخابات وتتهم من يريدونها ويتهموا المرشحين لها انهم اصحاب مصالح وبعدين بقدرة قادر بقت الانتخابات حلوة وعمل وطني ولازم نشجع الشباب وكان المرشحين من الاحزاب الفائزة ليس بهم شباب على العموم بعد الثورة كان في ناس سميناهم المتحولون وايضا هناك متحولون كثر ظهروا وسيظهروا بعد الانتخابات ماهى الحكاية مش شباب وخلاص, أنا باتكلم عن شباب الثورة, اللى فجروا الثورة وكان منهم الشهداء والمصابين والمختطفين واللى بيتحاكموا أمام المحاكم العسكرية, من كل التيارت السياسية, المهم الأفكار والرؤية والهدف. اللى عندهم أفكار وأحلام بمصر جديدة متقدمة علمياً ونظفية وصحيحة جسدياً وبتحترم كل أبناءها وتحافظ على كرامتهم. وبعدين ياسيدى اللى كان معترض على الانتخابات مش شايفها هى الحل لكل المشاكل برضه, زى ما قلت لك دى معركة فرضت عليهم, كتر خيرهم إنهم قادرين يصمدوا فى المواجهات المفتوحة من كل الجهات دى. وبرضه هم أهون من اللى كان شايف الديمقراطية كفر قبل الثورة ودلوقتى مرشح فى الانتخابات وعلى أبواب المجلس, وبالديمقراطية اللى هى كفر.

السلام عليكم و رحمة الله و بركاته علمتني الدنيا هناك دائما في صفحات كتاب العمر صفحة لا تزال بيضاء متستعجلشي تملاها متستغربشي هي فضلت فاضية ليه خليها زي ما هي يا فضلت بيضا....علشان تفكرنا كل شوية ان ممكن جدا نبتدي من اول و جديد...و تكون الصفحة البيضا هي بداية كتاب "عمر جديد" او لقت ابجدية خاصة بيها...بس ساعتها ابجديتها هتكون استوت علي نار هادية....و برضه هتبقي بداية ل "عمر جديد" في حياتك خلي دايما فيه صفحة بيضا و نقطة و من اول العمر

السلام عليكم و رحمة الله و بركاته سؤال لو حضرتك شايف ان دي نظرية مغلوطة.."ارادة الشعوب و حقوقها" و شايف ان كل اللي بيحصل ده كلام ابن عم حديت طب ليه متخلناش نفكر معاك في نظرية حقيقية صحيحة و لا نفضل ماشيين كده و خلاص اكيد ليها ثغرة اكيد ليها مخرج يعني؟؟؟ اذا كانت هي معكرة مصالح خارجية من الدرجة الاولي...ازاي نقلب الترابيزة عليهم تحياتي

http://www.youtube.com/watch?v=LB1yLclJk14

السلام عليكم و رحمة الله و بركاته طب قبل ما اعمل زوم ان علي موضوع الفنانين و فلاشات الاضواء و الشهرة و كده اسمحولي افتكر حوار دار بيني و بين صديقتي الحوار ده كان في اول جمعة كانت في التحرير و تقريبا تفضل "بعض" المواطنين انهم رفعوا اعلام السعودية انا فاكرة اليوم دوت كويس لان صاحبتي رجعت من الميدان و هي بتقولي يا ريهام انا ابتديت اخاف و احس ان البلد دي مبقتش بتاعتي تاني صاحبتي مش فنانة علي فكرة...هي طبيبة و بتكافح زي اي حد فينا بيكافح في الدنيا دي علشان عنده مباديء شايف انه مش مضطر يساوم عليها افتكرت موقف صاحبتي دوت و انتو بتحكوا عن الفنانين طبعا ان مش هقدر اصنف فن رديء و فن جميل و امنح الاولاني كارت احمر و اطرده من الملعب و لا هدي للتاني صك الغفران اللي انا اقدر اتفهمه ان الرؤية ضبابية في ظل اكتساح التيار الاسلامي حقيقي هما عمالين يقولوا كلام زي الفل بس لغاية دلوقتي مافيش لسه ممارسة حقيقية علي ارض الواقع يبقي طبيعي ان الواحد يبعر عن تخوفه قرار الهجرة من وطنك....انا شخصيا بشوف انه قرار شخصي مش راح يخرج عن دايرة الاهمية للشخص نفسه و اسرته مش اي حد تاني يعني وجودي في المكان مش راح يزدني حتة و لا يزود المكان حتة و العكس بس القرار ده بياخده البني ادم لما بيحس ان مبقاش ليه جدر هنا...مبقاش ليه حاجة يحبها او تربطه بالمكان بتضيع ملامحه منه هنا...فبيحاول يلاقي نفسه في مكان تاني قرار شخصي....لكل بني آدم يمكن ياخده....و يندم عليه و يمكن ياخده و يرجع يدور علي ملامحه في الوطن الام كلها قرارات شخصية اري ان كل بني ىدم حر يفعل ما يجعله سعيدا و يبقي الوطن....مساحة دفء في القلب لا ترتبط كثيرا بجغرافيا المكان و دي وجهة نظر

السلام عليكم و رحمة الله و بركاته الحقيقة يا استاذتي نور العين متفقة مع حضرتك في "لم تنتهي الانتخابات بعد" و هو الشطر الاول من عنوان حضرتك و الحقيقة يمكن ده الدرس الاهم اللي اتعلمناه من قراءة المشهد للمرحلة الاولي من الانتخابات انا في مدينتي باذن الله هكون مرحلة تالتة يعني في اول يناير باذن الله و اتفقت مع مجموعة من اصدقائي ان احنا "نذاكر" المرشحين الموجودين انا تقريبا كده محددة اختياراتي فردي و قائمة بس برضه فيه كتير من المحيطين بيا لسه الموضوع كله مش واضح في ذهنهم خليني افكر معاكي بصوت عالي في التالي: 1- و احنا بنتكلم مع الناس في اي حملة توعوية لازم نحاول نفتح عنيهم علي الصورة من فوق او زي ما بيقولوا في الانجليزي falcon- eye picture يعني مش بس يقفوا عند مشهد الانتخابات و لا مين كسب و لا مين اكتسح المفروض هنا ان احنا بنركز علي الالية اللي بتدار بيها الانتخابات و الاهم الية المحاسبة بعد الانتخابات و الية المتابعة بعد كده. 2- لازم نركز علي الاهداف الحقيقية اللي قامت علشانها الثورة...يعني لازم نفضل متبتين في الحلم الكبير اللي كل حد فينا في يوم حس انه مش مستحيل و ساعتها خلينا نفكر نفسنا وقتها محدش صنف نفسه انا ليبرالي و لا اخواني و لا اي حاجة تانية...ساعتها اتجمعنا و عينينا كانت علي هدف اكبر احنا مصريين....لازم نكون مستعدين ان احنا نفكر نفسنا كل سوية بالهدف دوت....علشان الفترة اللي جاية اكيد هتشتهد انقسامات اكتر من اللي مرينا بيه قبل كده....و زي ما كان الميدان بيوحدنا...روح الميدان لازم تفضل صاحية بس يا رب من غير اي دم مصري....و بنحلم و لسه هنكمل الحلم انه الروح التحريرية تفضل لغاية منحقق الهدف...حرية ...عدالة...كرامة. 3- لو وقفنا عند مرحلة الانتخابات فحسب انا بحس ان ده استنزاف للطاقة و للروح اللي بتصحي فينا قدرتنا علي البناء....محتاجين نشمر و نحط خريطة قصاد مننا....عايزين بقي كل الطاقة اللي بنهدرها في الحوار و التحليليات و التخوفات و الارهاصات نوجهها لطاقة نبني بيها البلد دي بنضافة....حتي لو مسك السلطة اللي هيمسكها.....صدقيني مش هيفدنا اي حاجة غير تنامي الشعور بالاحباط ان احنا ننتقدهم او نشكك في نزاهة الاصوات اللي حصلوا عليها...(ع فكرة انا نفسي وقعت في الفخ دوت و لا انفي عن نفسي المسئولية) لكن في نفس الوقت....لسه جوايا طاقة تفاؤل كبيرة اوي....عارفة ليه علشان الناس الجميلة اوي الي نزلت ووقفت بالساعات في المطر و البرد و اتهمها كل الناس انها منتهي الفوضي ضربت لكل الكلام ده عرض الحيط و كانوا مثال رائع للنظام و الايجابية ...الناس دي تستحق اللي يحقق اهدافها بجد...و الناس دي بقت مفنجلة عينيها و بالاوي كمان....و الناس دي خلاص كسرت قيد الخوف....يمكن فاضلها شوية علشان تتحرر من عبودية الفقر و الحاجة و لقمة العيش...بس خلاص الناس دي مبقاش حد يقدر يكسر عينيها بحاجة.....درونا دلوقتي ان احنا نحافظ علي "عيون" الشعب دوت مفتحة.....مفنجلة...واعية....علي كل حاجة بتحصل مش بس مشهد الانتخابات....اللي بعدها و ده الاهم اللي هتفرزه الانتخابات...يمكن افراد...يمكن اراء نتفق معاها او نختلف لكن ما يعنيني هو الية المتابعة و قراءة الصوةر ككل....يا تري اللي حلمنا بيه راح يتحقق و لا لا ليكي كل التحية و التقدير و ع فكرة من قبل ما اقرا الموضوع انا مختارة تحالف الثورة لازالت مستمرة...قناعتي الشخصية اللي مقدرشي افرضها علي اي حد لكن هدافع عنها جدا اما بالنسبة للفردي....انا محتااااسة بس بنحاول زي ما قولتلك نجمع معلومات و نذاكرها في محيط عائلتي و اصدقائي تحياتي نور..."العين" و دايما محتاجين...."عين" واعية لقراءة المشهد:)

هو المجلس سازج بالشكل ده ان يسلم للاخوان وهو عارف تاريخهم كويس دول غدروا بالدنيا كلها والمثال قدامه واضح وباعوا الثورة والشهداء قدام عينه . يعنى ال يبيع الميدان يبيع البرلمان نفسه ايه المشكله الطبيعى ان يكون واخد كافه الضمانات له كافيه جدا ليكونوا تحت البيادات ليهم وان تكون ليه الغلبه والاخوان ضمنين الشارع ليهم وممكن يستغلوا فوران الشارع وشعاراتهم الرنانه مفيش اكتر منها ال يحركوا بيها الشارع بس هنا بقه يقف العسكر ويطلع كل المستندات عليهم ويعملهم فضيحه بجلالجل فى الشارع ويحرقهم فيه و لو مش متأكد من نفسه مكنشى اعطاهم فى قلب الاسكندريه والقاهرة هذه الاصوات . انتوا مصدقين ان الانتخابات دى نزيهه ههههههه نزيهه ماتت ياعم وبعدين المجلس فى حاجه ماسه حاليا للتيارات دى عشان كتابه الدستور والذى منه لازم يكتبوا دستور يكونوا دوله فوق الدوله ولا محاسب ليهم وده الاتفاق ومفيش غيره بعد كده بقى الانقسامات هتحصل لامحاله من جانب العسكر عليهم ولا اى حد منهم هيقدر يعملهم اى شىء لانهم اصبحوا دوله حاكمه على الدوله نفسها والباقى دول كلهم مجرد اراجوزات

اختلف معاك يا تيمور والايام هاتثبت الفرق الوحيد بين الثوار وكبار جماعة الاخوان ان الثوار متسرعين شوية ومش بيسايسوا واخدينها عافية جزب الحرية والعدالة بيسايس صح وبيلعبوا على نار هادية وبيعملوا الخطوة بعد تفكير وحسابات انت لو فاكر ايام الثورة كان الاقتراح بيطلع يتنفز على طول زى ياللا نطلع على محلس الوزراء لاء نروح مجلس الشعب يا صديقى التروى والتفكير ثم التروى والتفكير عارف ايه اللى حصل بعد تسرع الثوار وركوب دماغهم ؟ شوف حزب الثورة مستمرة وباقى الاحزاب اللى تمثلهم خدوا كام صوت من شعب مصر ؟ ازاى اسماء محفوظ تخسر ؟ لحد الان انا نفسى مش مصدق ازاى جورج اسحق يخسر ؟ المجلس لعبها صح وضخك عليكم بالسياسة مش بالعافية والقرارات الفورية انسى مجتمع الانترنت وتعال معايا الشارع واسال على سمعة 6 ابريل او شباب الثورة وانت هاتعرف عرف ده نتيجة ايه ؟ نتيجة التسرع والتهور وعدم الخبرة السياسية وعدم تفويت الافخاخ اللى وقعكوا فيها المجلس شخصيا اعترف وابصم بالعشرة ان كل شباب 6 ابريل من اكثر الناس وطنية وحب لمصر بس للاسف بسبب عدم سماع الاخر والتهور بيظهر عكس كده زى الام اللى بتقتل ابنها من غير قصد يا تيمور واتقل كلامى لقيادات حركة 6 ابريل اللى اعتز وافخر انهم مصريين زيى امزلوا الشارع تعاونوا مع حد قوى واقنعوه برايكم مش تفرضوه بلا\ش موضوع النحبة وقلةة الوعى دى ماتمشوش عكس التيار اعرفوا قوة خصمكم وقوتكم علشان تعرفوا تلاعبوه صح التعلم من الماضى ومن الاكثر خبرة مش عيب صدقنى الصورة اللى عندك من الاخوان هى نفس الصورة اللى عند الشعب عنكم وللاسف اللى نقل ليكم وليهم الصورة دى هو عدوكم المشترك تحياتى لك

المجلس مش هيكون طرف فى اللعبة القادمة اللى هى الدستور المجلس هيقعد يتفرج على اللى هيزقهم فى الملعب يلعبوا قصاد بعض عشان يساند هو فصيل و يحكم لصالحه المجلس عمل زى اللعبة بتاعة السادات زاقق الاسلاميين على الليبرالين و فى وضع الدستور الدنيا هتولع و هيزق الليبراليين على الاسلاميين و كده يبقى عندك مجلس شعب اسلامى و قوانين مدنية و ده الاقرب الى نفس الشعب المصرى لانى معتقدش فعلا الشعب المصرى هيرضى حد يجيبله هيئه امر بالمعروف فى مصر اللعبة الكبيرة و الخطيرة مش الدستور لانه فى الاول و الاخر ديه قوانين عقبال ما الناس تفهمها و تعرفها ابقى قابلنى اللعبة الكبرى هى انتخابات الرئاسة ديه بقى اللى هتبقى فيلم كبير المجلس مش هيرضى بحد يحاسبه و اعتقد انه هيميل لحد من طرفه او عمرو موسى المعونات الخارجية الاسلامية هتصب فى صالح التيار الاسلامى فقطر و السعودية لن ترضى ابدا بحاكم ليبرالى ديموقراطى يقوى مركز مصر تانى فى المنطقة عايزين حكم اسلامى اقرب لطريقتهم عشان لا تحدث قلاقل فى بلادهم على الاقل ده بعيدا عن مصر المنهوبة منهم و من رجال اعمالهم التيار الاسلامى لن يتنازل عن مرشح ضعيف يتحكم فيه و ذلك سبب ابتعاده عن ابو الفتوح و ان كان ممكن يرجع يسانده فى اى لحظة لو احس ان مصلحته معاه الليلة بقى اللى هيحددها هى لو الغرب القى باموال فى مصر هو الاخر يناصر بها الليبراليين حتى تعدل الكفة لان بكل بساطة لو هذا لم يحدث و حدث ان كسب التيار الاسلامى الانتخاات الرئاسية ابشروا ان مصر ستكون سودان اخرى بعد بضعة سنين لان اللعبة ستكون بين التيار الاسلامى و اليهود الذين يسعون جاهدين لتقسيم مصر و تبقى جاتلهم على طبق من دهب

http://www.youtube.com/watch?v=rASZ-1pzGKY

0لو أطعمنا أنفسنا هذا ما خرجت السمكة قصة رائعة ذات معان رائقة وردت عن أحد الزاهدين " أحمد بن مسكين " وكان من التابعين ، قال : في البلدة رجل يُدعى أبا نصر الصياد ، يعيش مع زوجته وابنه في فقر شديد - مشى في الطريق ذات يوم مهموما مغموما ً، يسأل الله تعالى الفرج والرزق الحلال فزوجته وابنه يتضوران جوعاً . مر على شيخه أحمد بن مسكين' يقول له أنا متعب يا سيدي .. وقرأ التابعي في وجه تلميذه ما يعانيه ، فقال له اتبعني إلى البحر فانطلقا إليه، وقال له الشيخ – راغباً في لجوء مريده إلى الله تعالى : " صلّ ركعتين على نية التيسير" واسأل الله تعالى الرزق الحلال الطيب ...فصلى ، ثم قال له : "سم الله " ، - فكل شيئ بأمر الله .. فقالها . .. ثم رمى الشبكة ، فخرجت بسمكة عظيمة . ... قال له "بعها واشتر بثمنها طعاماً لأهلك ". فانطلق إلى السوق يبيعها ، واشترى فطيرتين إحداهما باللحم والأخرى بالحلوى وقرر أن يعود إلى الشيخ فيقدم إحداهما له اعترافاً بصنيعه . .. رد الشيخ الفطيرة قائلاً : هي لك ولعيالك ، ثم أردف : " لو أطعمنا أنفسنا هذا ما خرجت السمكة " وفي الطريق إلى بيته قابل امرأة تبكي من الجوع ومعها طفلها، فنظرا إلى الفطيرتين في يده وقال في نفسه هذه المرأة وابنها مثل زوجتي وابني يتضوران جوعاً فماذا افعل ؟ ونظر إلى عيني المرأة فلم يحتمل رؤية الدموع فيهما، فقدمهما لها قائلاً: الفطيرتان لكما .. ظهر الفرح والسرور على محياها ، وسعد ابنها سعادة رقصت لها أسارير وجهه.. وعاد أبو نصر يفكر بولده وزوجته . ما إن سار حتى سمع رجلاً ينادي من يدل على أبي نصر الصياد؟ فدله الناس على الرجل.. فقال له إن أباك كان قد أقرضني مالاً منذ عشرين سنة ثم مات ، خذ يا بني هذه الثلاثين ألف درهم فهو مال أبيك . يقول أبو نصر الصياد وتحولت غنياً بإذن الله تعالى وكثر مالي ، و ملكت البيوت وفاضت تجارتي ، وصرت أتصدق بالألف درهم في المرة الواحدة في شكرالله تعالى .. ومرت الأيام ، وأنا أكثر من الصدقات حتى أعجبتني نفسي!! وفي ليلة من الليالي رأيت في المنام أن الميزان قد وضع ونادى مناد : أبا نصر الصياد هلم لوزن حسناتك وسيئاتك ، فوضعت حسناتي ووضعت سيئاتي، فرجحت السيئات .. فقلت أين الأموال التي تصدقت بها ؟ فوضعت الأموال، فإذا تحت كل ألف درهم شهوة نفس أو إعجاب بصنيع كأنه لفافة من القطن لا تساوي شيئاً، ورجحت السيئات وبكيَت .. بكيت حتى كادت نفسي تذهب وأحشائي تتقطع . وقلت ما النجاة ؟ وسمعت المنادي يقول : هل بقى له من شيء ؟ فأسمع الملك يقول: نعم بقيت له رقاقتان ... وتوضع الرقاقتان (الفطيرتان) في كفة الحسنات ، فتهبط كفة الحسنات حتى تساوت مع كفة السيئات. فبقيت خائفاً .. وأسمع المنادي مرة أخرى يقول: هل بقى له من شيء؟ فأسمع الملك يقول: بقى له شيء قلت: ما هو؟ ... قيل له: دموع المرأة حين أعطيتها الرقاقتين . فوزنت الدموع، فإذا بها كالحجر الصقيل وزناً .فثقلت كفة الحسنات، ففرحت فرحاً شديداً .. وأسمع المنادي كرة أخرى يقول: هل بقى له من شيء؟ فقيل: نعم ابتسامة الطفل الصغير حين أعطيَت أمُه الرقاقتان ... وترجح كفة الحسنات...و ترجح ...وترجح.. وأسمع المنادي يقول: لقد نجا ... لقد نجا فاستيقظت من النوم فزعا أقول ما قاله لي أحمد بن مسكين حين رد إليّ إحدى الفطيرتين : لو أطعمنا أنفسنا هذا ما خرجت السمكة . لـ دكتور عثمان قدري مكانسي

ربما يكون قد أضر ولكنه كشف ماتخفيه بعض النفوس وكشف مفاهيم البعض كشف بعضا من عوار المجتمع ( الطائفي ) مش قادر افهم منطق حضرتك بجد.. يعنى انتا شايف ان رد الفعل هو اللى كشف.. لكن الفعل الشنيع المقرف العنصرى المستفز اللى عمله ساويرس لم يكشف عن اى شىء؟ أبسطها لك نفترض ان هناك حي من الأحياء الحي ده بيتكون من عدة مئات وربما آلاف من العمارات والفيلات والمنازل الصغيرة مثله مثل أي حي من أحياء مصر. يسكن هذا الحي عدة مئات من الآلاف من البشر ، فيهم واحد إسمه ساويرس له فيلا في الحي ده. ساويرس ده ربنا رزقه من وسع وقرر يرصف شوارع الحي ده ويملأه بالأشجار لأي غرض في نفسه لان احنا مش بنفتش في نفوس الناس ساويرس ده إتخانق مع شيخ المسجد علشان ميكرفون المسجد بيزعجه وقال له ياريت تبقي تصلي من غير ميكرفون وكفاية عليك انك بتقيم الأذان في الميكرفون. قام شيخ المسجد نشر إشاعة إن ساويرس ده معادي للإسلام والمسلمين وعايز يهدم الإسلام وانه عنصري ومقرف وبيعمل أفعال شنيعة ضد الإسلام. تفتكر إن الصح إن الناس بتوع الأحياء المجاورة تهجم على الحي الذي يسكن به ساويرس ويكسروا الرصفان ويفحروا الشوارع ويكسروا الأشجار علشان خاطر عيون الشيخ اللى فهمهم إن ساويرس معادي للإسلام. تفتكر إن الصح إن سكان الأحياء المجاورة تقوم بدون تفكير عاملين مقاطعة للحي اللي ساكن فيه ساويرس لايبيعوا لهم ولايشتروا من عندهم؟ إذن فأنا أرى أن إرتباط ساويرس بحزب المصريين الأحرار وتحالف عدة أحزاب مع المصريين لأحرار مكونين الكتلة المصرية وماشابه من إتهام لكل أعضاء الكتلة بأنهم ساويرس يدل على عوار وقصور فهم سياسي ، ويدل على أننا لانزال في طور المراهقة السياسية ، بل وربما في كى جي 1 سياسة ، وأن العنصرية الدينية هي مايحرك الكثيرين من المتعلمين ونسبة لابأس بها من ذوي الأمية السياسية وربما أحيانا قلة المعرفة ، وأذكرك بالشيخ حازم شومان عندما إتهم الدكتور زويل والدكتور البرادعي بأنهم يتبنون منهجا سيجعل أمه لاتلبس الحجاب ، واتهم الدكتور البرادعي بأن ابنته متزوجة من ( نصراني كافر ) كما قال ، ثم بعد ذلك خرج ليعتذر بأنه كان لايعرف ولكن بعد أن تركت رصاصاته جرحا غائرا في سمعة الرجلين. قارن كل ذلك باختيار الأمريكان لأوباما الأسود والنصف أمريكي ، علما بأن السود في أمريكا نسبتهم أقل من 13% ، وعندما يحصد 51% من أصوات الناخبين ، فذلك يعني أن أكثر من 38% من البيض قد صوتوا له. ، وبحسبة أخرى ، لو إعتبرنا أن ليس كل السود قد صوتوا لأوباما ، فهذا يعني أن مالايقل عن 40% من البيض قد صوتوا لصالح أوباما، لماذا؟ لانهم ربما لديهم وعي سياسي أكثر مما لدينا. وعموما هذه هي رؤيته لك أن تقبلها أو أن ترفضها ، ولكن أرجوك لاتتعجب من منطقي إذا لم يعجبك ، فأنا أكتب لأقول رأيي وليس لإقناع الآخرين بوجهة نظري.

كلماتك تقطر صدقآ تحياتى على صواب ورجاحة عقلك

ثم معلشى من ساعة ما بدأت الانتخابات والناس مش عايزة الاخوان يكسبوا وفى نفس الوقت يتكلموا عن الديمقراطية ومش عارف ايه واختلاق الاسباب الواهية اصل الحق دولبيعملوا دعاية خارج اللجان اصل بيوزعوا مش عارف ايه اصل بيفرقوا منشورات ..اصل جايبين شباب بلاب توب عشان الناس تنتخبهم واقسم بالله عن تجربة شخصية ...امام لجنتى احد شباب الاب توب سالته سؤال وجاوبنى بادب شديد وقاللى بالحرف انا ما بقولش انتخب الحرية والعدالة... انت حر ... انتخب اللى انت عايزه

حابب اشوف تمثيل مشرِّف لشباب الثورة ف البرلمان .. حتى لو العدد مش كبير لأن وجودهم حيكون عامل زي "العنصر المُحفز" .. و بتفاعل الجميع .. الناتج بإذن الله في صالح مصر .. كل الأمنيات الجميلة ليكي يا مصر .. :egyflag:

ربنا يوفق الجميع لخدمة مصر وعزتها رغم ان اغلب الشعب المصري اشترك في الثورة لكن يظل الفضل الاكبر بعد الله سبحانه وتعالي لشباب الثورة لانهم اول ما اشعلوا فتيلها.... تمنياتي بالتوفيق للجميع ....

كدة الشغل الصح مع إنه إتأخر لما بعد المرحلة الأولى لأن الرهان كان على تأجيل الانتخابات و كان المفروض أخذ كل الاحتمالات في الحسبان الكل يتمنى بكل تأكيد وجود تمثيل لشباب الثورة داخل البرلمان لكن المفروض الآن عمل مضاعف من الدعاية الإيجابية التي طالما نادينا بها بدلا من الدخول في جدال سياسي مع القوى السياسية الأخرى منذ مارس حتى نوفمبر ولي تحفظ على جملة ( من يستحقها ) و كأن من فاز في المرحلة االأولى لا يستحقها مع إن الشعب هو من أعطاه صوته .. و كأن المعنى أن من لا يملك أعطى من لا يستحق خروج الملايين في المرحلة االأولى وحده يكفي كدليل على ان الشعب فاهم ديمقراطية بس محتاج اللي يوصل له ويعرفه بنفسه و يشرح له برنامج يقتنع بيه و إذا كان هناك قوي سياسية انتهكت نظام الانتخاب في المرحلة الاولى .. يبقى جه دوركم تعرفوا الناس الوجه المثالي للدعاية الانتخابية ..

ردك وأسلوبك غير مقبولين ، ولاأعتقد أن العلاقة بيننا تسمح لك بأن تتحاور معي بهذه الطريقة. برجاء وضع المسافة اللازمة عندما ترد على مداخلاتي.

"المتكلم عن فوز الإسلاميين بالتزوير كالمتكلم عن فوز برشلونة على أسمنت أسيوط بظلم الحكم".!! بلال فضل

أسأل الله العلي القدير التوفيق والسداد للحرية والعدالة والنور وأن يثبتوا لمن أستأمنوهم علي أصواتهم أنهم جديرين بهذه الثقة ويثبتوا لمن شككوا فيهم وحاولوا تشويه صورتهم أنهم كانوا علي خطأ وأدعوا لمصرنا الحبيبة بالخير كله

وطنى عمت صباحا يا وطن وطنى أنشودة غنيتها بمرارة الهزيمة .. غنيتها بحلاوة النصر .. فليغنها كل من يشعر بالتيه ــــــــــــــــ وطنى وصباى وأحلامى وطنى وهواى وأيامى ورضا أمى وحنان أبى وخطى ولدى عند اللعب يخطو برجاء بسام هتف التاريخ به فصحى ومضى وثبا ومشى مرحا حملت يده شعل النصر وبدا غده أمل الدهر يستقبل موكبه فرحا ويحيى مجد الأهرام وطنى وصباى وأحلامى فى ظل النخل على الوادى أصغيت لقصة أجدادى لمعانيها خفق القلب وبماضيها طاف الحب وشدا للمجد مع الشادى وصحا ليبارك أيامى وطنى وصباى وأحلامى بدم الأحرار سأرويه وبماضى العزم سأبنيه وأشيده وطنا نضرا وأقدمه لابنى حرا فيصون حماه ويفديه بإباء فيه وإقدام وطنى وصباى وأحلامى وطنى وصباى وأحلامى.mp3

مساؤك يا وطن .. بطعم الكرامة و العز .. الممزوج بألم فراق الأبطال http://www.youtube.com/watch?v=nBWzJsxaxM0

ثق سيدي الفاضل بأن الطائر لا يطير أبدآ وحيدآ ... و ثق أيضآ ان كل العقول ليست بالمتحجرة ... و هنا الخاسر الوحيد هي تلك العقول التي ركنت الي راحة التحجر ... محاكم التفتيش ذهبت الي مزبلة التاريخ بينما أفكار جاليليو حلقت حرة حتي وصلت الينا.. لا نتذكر لهم حتي اسمآ و لكن اسمه هو ظل و سيظل خالدآ ...

طيب قبل ما الواحد يتهور... انا ممكن اعمل فوتوشوب دعاية لحزب الحرية و العدالة.. و اكتب: صوتك لمن يدعم القاعدة.. او: صوتك للقضاء على الاقلية.. مقدرش انكر ان الصورة اللى انتا حاططها دى استفزتنى و خلت الدم يفط فى نافوخى.. لكن لازم برضه نتأكد من مصدرها و مين اللى وراها بالظبط.. و هل فعلا الكتلة المصرية متورطة فيها ولا لا.. بالنسبة لحزب المصريين الاحرار, ده ميمنعش انى اتوقع ده منه, و انى شايفه حزب بتاع واحد عامله "بفلوسه" علشان "يسب الدين" لاى حد براحته و "بفلوسه" برضه.. و انا شايف انه حزب يسارى متطرف.. (يسارى الشكل يمينى الجوهر).. انا مصدق ان الصورة اللى فوق دى ممكن تكون حقيقية, و لكن فى نفس ذات الوقت.. دى ماتنفعش دليل لان اى حد دلوقتى ممكن ينسب اى شىء لحزب او جماعة بالكدب.. علشان كده لازم نتحقق من مصدرها الاول.

مش نستني نسمع كلامها الاول يا استاذ عمدة ولا علطول كده عرفت الاسباب والمسببات ورصيت الاتهامات بعدم تقبل الديمقراطية التى طبعا لا يعرفها غير الاخون

اعرف علم اليقين ان الاخوان بالفعل استولوا على كل مقاعد النقابات وعلى الجامعات حتى النوادى لم يتروكها مثل نادى الشمس ولا اعرف اية علاقة النوادى بجماعة الاخوان اعرف علم اليقين ان حق المراءة هيضيع مهما قالوا و حلفوا ووعدواااا اعرف ان الكثير من اخواتنا فى المنتدى هيكونوا ضد راى دة لكنى اقتنع داخليا بان الدين و السياسة لا يتفقان وان من يخاف على دينة الا يشوبة شائبة ان يبتعد عن السياسة لانها لعبة قذرة شئت ام ابيت فلن تذهب منها قبل ان يصيبك من قذرتها الجزء الكبير لا اعرف مبرر مقتع يجعلنى اقتنع بان اصحاب الدين لديهممن المبررات ما يجعلهم من سوابق السياسة لا اجد اى خطة فعلية للمستقبل على ايديهم الا الحجاب و قفل شوراع الهرم و الغناء حرام وغيرة كلها دعوات دينية لا اختلف معهم فيهم لكن ان تكون هو هدف من يمسك البلد احس بالفخر و الاعتزاز و انا اشاهد رجل عظيم مثل احمد زويل و احس ان بجد لفخر لمصر ان يكون ابن من ابنائها احس ان المستقل مشرق و هو يتكلم عن غدا كلة علم على اسس علمية واشعر بالاحباط وانا اشاهد من امتلىء عقولهم بتقليل دور المراءة لا ارفض تطبيق الدين الاسلامى على حق لكن ارفض ان يكون وسيلة للهدف لمصالح اخرى ارفض ان يتم استغلال عقول الفقراء و المتدين بحجة الدين و شحنهم ليكونوا وسيلة لوصول ما لا يستحق الى السلطة

أخ عماد انت زودتها أوى md2: إسمع دى منتدى ايام العصر الحجرى فلان : انت مش هتبطل نكت سخيفة بقى يا علان مش شايف ان كده كفاية رخامة علان : خلاص اقولك نكت سيراميكة خخخخخخخخ ههههههههه و هنا قمام فلان بطعن علان بالسيف فى بطنه و قطع رقبته بالخنجر و عم الفرح المنتدى و تم تعيين فلان مشرفا عاما على المنتدى نظير فعلته الجليله gjy:: :winner:

يــا رب اسـتـلـم أنــــت حــيـــاتــــى لأنــــى اثـــــق فـــى عـــمــلـــك وتـــدابــيــرك لـــحــيـاتــى فـــمــهــما حـــاولـــت جـــــاهــــدا لــعــمــل مــا هـو حـســــن ... فــــلـــن يــــــكــــون كــعـــمــلــك لـــــــى وانــت قــلت ( مـــلـقــيــن كـــــل هــمـــكـم عــلــيــة لانـة هــــو يـــعـــتــنــى بــــكـم ) والــــيــــــوم ارمى كـــل آمـــــور حــيـاتــى وهـــمـــومــى وأثـــقـــالــى بــيـــن يــديــك لأنـك آمـــــيــــن وعادل فــى كــل وعــودك