لوحة القادة

اعلام متشنج احول لايرى ويربى شريحة من الشعب اصبحت بلا عقل او أدراك ماهذة الفرية التى اطلقتها تلك المذيعة او مقدمة التوك شو صاحبة البنات ****** على شاشات تليفزيون مصر هل اصبحت فى يوم وليلة هالة سرحان تلك الساقطة اعلاميآ دليل دامغ على ان انتخابات مصر زورت ولصالح من ؟؟؟؟؟؟ تيقنو قبل ان تجذبكم اليها فتصبحون بلا عقل ما حدث واتت بة تلك المرأة الغير محترمة هى بطاقات لصناديق تم ابعادها والتخلص منها بسبب التشكيك فى صلاحيات الصناديق بعدما تلفت اقفالها فأستبعدتها ضمائر القضاة المحترمين فى كثير من الدوائر فماكان من الخاسرين الا ان اتو بها ليقدموها لها لكى تصيح كالكلبة فى شاشات التلفاز كالمعددة وتتلاعب بعقول طائفة من الشعب تصدق التليفزيون او بالاحرى تحب ان تشاهد الفضائح لكن العاقلين من الشعب وهم كثر لا يخيل عليهم تلك الألاعيب الدنيئة

أيا كانت نتيجة الانتخابات و مبروك للفائز أيا كان لكن أحب أن أوجه كلمة الانتخابات ليست " مبايعة " وأصوات الناخبين ليست " ثقة مطلقة " أيها الفائزون ليس فوزكم فرحة و نصر وهتافات لمباراة كرة قدم فوزكم هو أمانة في أعناقكم اختاركم الشعب لتمثلوه و أئتمنكم على حقوقه انتخب الشعب من يخدمه ولم ينتخب فرعونا جديدا الحاكم ... خادم للشعب و ليس سيده برجاء تذكر ذلك جيدا لسنا بحاجة ل " ريس" جديد نحتاج لمن يعمل لخدمة هذا البلد وكفى مشجعين ( الالتراس) هتافات مضادة وان من ليس معنا فهو علينا انفضوا عنكم هذه التفاهات و ابدأوا العمل شبعنا و اكتفينا من الكلام و الوعود عقود بأكملها المسؤولية كبيرة كبيرة تنوء عن حملها الجبال فهل أنتم على قدرالمسؤولية؟؟؟ هل أنتم على قدر الأمانة ؟؟؟ هل تستحقون الثقة؟؟؟ أسئلة ستجيب عنها الأيام القادمة

السلام عليكم الاخ العزيز محمد بارك الله فيك الوطنيه ليست شعارا او لقب و إنما هى اعتقاد وقول و عمل حسب فهمى بمعنى ما اطلعش اعمل اغانى وطنيه فى اكتوبر و انا هربان من الجيش و مزور شهاده الجيش و الجامعه اى وطنيه يدعيها هذا الكذاب المزور ما اطلعش اعمل اغانى وطنيه و انا ممسوكه فى شقه مفروشه او متهرب من الضرائب ... ثم ان الدوله تحصل ضرائب على الدعاره و القمار و تجاره الخمور ..فهل هذه وطنيه يا محمد ؟!؟ هل سمعت عن موائد الرحمن فى رمضان للراقصه الفلانيه و الممثل ..الشاذ ..فلان الفلانى ثم إن اقتناعه هو او هى بتلك الاسباب لن يجعلها صحيحه او مقبوله ...او وطنيه . و معظمنا ممن كما تفضلت لم يكن ترفا او فراغه عين و حب فى الغربه و البهدله و العنصريه الرهيبه التى نعانيها و انما لضيق ذات اليد و حاله البلد المزريه على يد عصابه مبارك و منتفعيه و منهم هؤلاء الذين تشير اليهم من الفنانين و الفنانات الذين قطعا استفادوا من هذا النظام الذى استخدمهم كغيرهم من بعض المثقفين ..زورا .. و لاعبى الكره و اخرين ممن غيب هذا النظام الشعب لسنين طويله. إن اقل المصريين قدرا(و كلهم كبار ) من العماله الحرفيه البسيطه فى الخارج لهو اعلى قدرا و شرفا من هذا المزور او ذلك الشاذ او تلك الماجنه التى لا تستحى من كشف لحمها الرخيص بكل بجاحه. اخيرا يا محمد مفردات الشرف و الامانه و الصدق واقع حقيقى لا يحس به إلا اصحابه اما المزورين و الشواذ و الماجنين فليذهبوا ...فى ستميت ;) داهيه ..غير مأسوف عليهم و خلى البلد تنضف يا ابو حميد بأه . و سبحان القائل

الاستاذ الفاضل عادل ابو عمر اشكرك جدا علي ثناءك ، وانا الحقيقة كنت ناوية اكتب تهنئة لحزب الحرية والعدالة وحزب النور اللي حازوا علي ثقة الشعب في المرحلة الاولي بس كنت شايفة اني اكتبها في موضوع افراح الحرية والعدالة والنور للفاضلة جويرية بس بما ان حضرتك طلبت مني رد فممكن اكتبه هنا- بعد اذن الاستاذ الفاضل محمود البصيلي - وان شاء الله ما اكونش بعدت عن الموضوع الاصلي عايزة ابارك للاخوان وحزب النور حبايبنا كمان ياللي صبرتوا وياللي عافرتوا ياللي شربتوا المر زمان اهه جه يوم تترد حقوقكم ربنا لا بينسي ولا ينام ياللي الشعب اداكم صوته ثقة الشعب دي اغلي وسام ونصر كبير قوي للاسلام مصر بلدنا امانة في ايدكم وصلوا مصر لبر امان وكلناكوا تجيبوا حقوقنا شيلوا الحمل وكونوا جدعان اوعوا تخافوا كمان م المجلس من طنطاوي وحتي عنان ربنا اكبر من سلطانهم ربنا مابيعجزه انسان اوفوا الوعد وصونوا العهد حتبقوا بجد جوة قلوبنا في اغلي مكان

السلام عليكم الاخوه الكرام جزاكم الله خيرا . بحاله من الرثاء الشديد على الفصيل العلمانى الاعلامى تابعت هذا الموضوع و تعجبت بشده من هذا الاصرار و التناحر على ضرب كرسي فى الكلوب فى احد اهم بل اعتبره اهم الاحداث فى تاريخ مصر فى هذا القرن فالانتخابات ليست شيئا جديدا فى حد ذاتها و لكن هل هؤلاء الذين وقفوا ساعات طوال فى طوابير ممتده بصبر و أدب ينتظرون دورهم ليقولوا كلمتهم ..هل هؤلاء هم المصريين الذين قال عنهم نظام مبارك و فعل فيهم الافاعيل و استضعفهم و نكل بهم الانتخابات كانت هى الكلمه الفصل فى تاريخ مصر و ما يحيط بها بل و اقول متفائلا ..تاريخ العالم يُكتَب من جديد و انظروا الى ردود افعال امريكا و توابعها فى اوروبا و ما يكيدونه الان اعلنوه ام لم يعلنوه ادرك كم الخيبه الشديده على نفوس الفصيل العلمانى و الليبرالى من الحقيقه المره التى نعلمها جميعا و لكنها لم تكن معلنه الا و هى الحجم الحقيقى و الوجود الفعلى على الارض .. هل تعلمون يا ساده لماذا هذه الدائره بالذات ..الدائره الخامسه .. فى القاهره و التى تشمل المطريه و عين شمس و السلام ..هل تعلمون ان تم الغاء حوالى 350000 نعم ثلاثمائه و خمسون الف صوت تقريبا بدعوى شك القضاه و هنا لن اقف امام ذلك فللقاضى الحق و هو الفيصل فى ذلك و حسابه عند ربه و رغم ما تم الغائه كانت النتيجه قريبه مما اعلن فى دوائر اخرى و هى التفوق الرهيب للحريه و العداله و النور و الوجود الرمزى للكتله المجهوله تماما فى تلك المناطق الشعبيه ذات الكثافه السكانيه الرهيبه ..و الاهم ,, هذا الاستحواذ و الهيمنه الكامله للتيار الاسلامى بطوائفه ..إخوان ..سلفيين ..جماعه اسلاميه..و اسألونى حيث انى من مواليد المطريه و ما زال اهلى يعيشون هناك حتى الان و صدقونى انه لو تمت اضافه الاصوات الملغاه لما كان للكتله و غيرها اى وجود ما تم العثور عليه و بشهاده الكثيرين و منهم مرشح الاخوان الذى كان هناك اتصال تليفونى معه امس و اكد الموضوع ان تلك الاصوات بعد فرزها يتم تحريزها و الاحتفاظ بها لدى مديريه الامن لمده ستين يوما و طبعا لوجود بعض من يريد عمل اى مشكله بالتشكيك فى نتيجه الانتخابات التى اشاد بها العالم تم تسريب بعض تلك الاوراق بل الانكى كما قيل امس انه تم التخلص من الاصوات المستبعده بصناديقها و هذا ايضا ما تم عرضه امس . الاغرب من كل ذلك هو التركيز الشديد على التجاوزات و التى لا تؤثر بحال على المكسب الكبير لمصر بحدوث انتخابات رائعه بهذا الشكل و مجيئ برلمان حقيقى يعبر عن المصريين و لكن من ادمن التزوير و الحياه المتسلقه المتطفله يصعب عليه غير ذلك .. بالمناسبه هل تعلمون اول اسم تم اعلانه فائزا فى الانتخابات الفرديه ....عمرو حمزاوى ..الليبرالي هل لو كان هناك تزوير كما يدعى البعض الم يكن من باب اولى التركيز على حمزاوى المثير للجدل و اسقاطه خصوصا ان منافسه المباشر كان اخوانيا .. يا مصريين ثقوا اكثر فى الله و فى انفسكم و افخروا مثلى بالتاريخ الذى تكتبونه الان و والله امس وانا داخل الشركه التى اعمل بها إذ بأحد الزملاء الاجانب يحادثنى (بالعنجليزى :P )برغم عدم وجود سابق معرفه و يسألنى عن حال الانتخابات فى مصر و نظره تقدير واضحه فى عينيه فرددت عليه بكل و فخر و فرحه و الحمد لله على فضله

لا (( نـــور )) .. ولا ((إخـــوان)) لا (( وســـط )) .. ولا ((بِتِـنجان)) لا (( كُتله )) .. ولا حتى (( وفد )) ولا أى (( نــائـــب )) ...... كـــان فـُــوكَـــك... واهــــتــِـف ..معــــايا ((يا خِــى .. طُــــظ .. فى البرلمان)) ((يا خِــى .. طُــــظ .. فى البرلمان)) شرعـــــية إيــــــــه .. يا سِيــــدنا !!!!؟ بـــــلاش .. كــــــلام .. جِنــــــــان شرعــــية إيــــــــه .. يا شيــــخنا !!!!؟ أنــــا .. رايــــح .. عــــ الميـــدان والشعـــب .. يا صاحــبى .. رأيُـــه مـلـــــــوش .. عنــــدى .. مــكــان فـُــوكَـــك... واهــــتــِـف ..معــــايا ((يا خِــى .. طُــــظ .. فى البرلمان)) ((يا خِــى .. طُــــظ .. فى البرلمان)) لا تــــقـــول لى ..... أغـــلـــبــيــه لا تــــقولى لى ......ديمـــوقراطيه دى عـــالم .. يابــــنى .. فــــاضيه و نـــــاس .. جــاهله .. وغــبــيــه دانـا .. ثــــــورى .. وبس وحـدى إلــلـى .. مــعــايــا .. الشــرعــيـه فـُــوكَـــك... واهــــتــِـف ..معـــايا ((يا خِــى .. طُــــظ .. فى البرلمان)) ((يا خِــى .. طُــــظ .. فى البرلمان)) مــلــــيــش ...مـــزاج ... أفـــــكـــر ولا حـــد .. يـقـــول لى ... إصــبُــر مـــحــروق .... كــــل المـــجالِــس نَــفَــض .... إحـــلــق .... وِ كَــبَــر دانا ثـــــــورى ..... وللنـــهــايــه ولا بــيـخـوفــنـى .... عــــســكـــر فـُــوكَـــك... واهــــتــِـف ..معــــايا ((يا خِــى .. طُــــظ .. فى البرلمان)) ((يا خِــى .. طُــــظ .. فى البرلمان)) قصيدة تستبق الاحداث ..وتستقرئ المستقبل .. يارب يخيب ظنى محمود البصيلى 4 ديسمبر 2011

بخصوص ما تناقلته بعض المواقع الالكترونية وتناقله بعض الزملاء الفضلاء هنا عن المنافسة الانتخابية بين الدكتور محمد يسري والدكتور مصطفى النجار ، وما دار فيها من بعض التصرفات غير المسئولة ، أنقل لكم بيان الدكتور محمد يسري بخصوص ذلك . بيان الدكتور محمد يسري حول الحملة المثارة ضده لاتهامه بالتحريض الطائفي كذباً Date: 2011-12-01 21:28:15 الحمد لله والصلاة والسلام على رسول الله، أما بعد، فقد تلقيت ببالغ الأسف الأخبار التي انتشرت بين الناس عن استخدام بعض الشباب – الذي لا يعي عاقبة ما يفعله – من تشهير بالدكتور مصطفى النجار، في سلوك ينحدر بمستوى التنافس الشريف بين متنافسين على خدمة الوطن، وإني أبرأ إلى الله من الخوض في عرض أخي الدكتور مصطفى بغير دليل أو بسوء ظن، والدكتور مصطفى النجاركان قبل أن يلتحق بحملة دعم الدكتور البرادعي ومشاركته في تأسيس حزب العدل عضوا بجماعة الإخوان المسلمين المباركة، فلا ينبغي الطعن في دينه، وبقدر ما آلمني ذلك فقد آلمني أن يظن الدكتور مصطفى أني وراء ذلك أو أرتضيه. كما وأني أثق أن الدكتور النجار لا يرضى عن ارسال رسائل محمول في الجولة الماضية تدعي أني قد انسحبت من الانتخابات لصالحه، أو ما يروجه بعض الشباب من ادعاء أن المهندس خيرت الشاطر قد سحب دعمه لي، وغير ذلك من الأكاذيب، كما أدعوه لتنقية صفحته من السباب والشتائم الموجهة إليّ من داعمي حملته، في الوقت الذي لا أسمح فيه بأن يُساء إليه في صفحتي. د.محمد يسري إبراهيم الخميس 1 ديسمبر 2011

السلام عليكم ورحمة الله وبركاته ماهو الفرق بين الاخوان المسلمين و السلفين ؟؟؟؟ سؤال يطرح نفسه على كل فرد فى مجتمعنا الحالى و خصوصا بعد ان قرر المصرين خوض الانتخابات و لكل منهم حزبة السياسى فوجدت هذا الموضوع والذى اتمنى ان يستفاد منه الجميع نبداء بالراي الاول الفرق بين الإخوان والسلفيين والذي استوعبه السلف ولم يدركه الخلف عندما قال رسول الله صلى الله عليه وسلم فيما معناه ( من كان يؤمن بالله واليوم الآخر فليصلين العصر فى بنى قريظة ) ظهرت مدرستين من الصحابة : 1) مدرسة التزمت نص قول رسول الله فلم يصلوا إلا فى بنى قريظة 2) ومدرسة نظرت فى مقاصد الحديث فتحركوا على الفور وعندما حان العصر صلوا فى أماكنهم قبل أن يصلوا إلى بنى قريظة .......... وأقر رسول الله الفعلين بالسكوت فظهرت مدرستين مدرسة الحديث ومدرسة الرأي والسلفيون و الإخوان هم خليفتا المدرستين ~ ~ إن جماعة الإخوان المسلمين هى إمتداد مدرسة الرأى والاجتهاد والتي هى امتداد لمنهج الإمام ابي حنيفة إلا أن منهج أبى حنيفة كان فى الفقه ولكن منهج الإخوان يشمل جميع مظاهر الحياة مع كامل الالتزام بالقواعد والثوابت والمقاصد العليا للإسلام . ~ ~ أما السلفيون فهم امتداد مدرسة أهل الحديث التي هى امتداد منهج الامام مالك والتي تميل إلى الالتزام بالنصوص والتي كانت فى البداية على عهد مالك القرآن والأحاديث ولكن السلفيين أضافوا لها أقوال السلف من الثلاث قرون الأولى مع بعض الاجتهادات القليلة . وسلفنا رضى الله عنهم استوعبوا هذا الاختلاف فى المنهجين وتنافسوا بينهم فى إفادة العلم والفقه وتحاوروا تحت مظلة الاخوة والثقة والحب فى الله أما بعض الخلف فتناطحوا ولم يدركوا انه اختلاف تكامل وتنوع لا تناحر وتفرق . ورأيى والله أعلم اننا فى حاجة للمنهجين فهما منهجين متكاملين ليس للإسلام غنى عنهما . والذى يجعل تعصبه لجماعة أو حزب فليراجع إخلاصه لله فالمحب لدين الله يحب ويجل كل من يعمل لرفعتــــــــــــــــــــه الراي الثانى سئل ذات مره الامام حسن البنا_رحمه الله_ وهو يخطب فى احد الندوات التى اقامها شباب الاخوان المسلمين سأله احد الجلساء فقال له :يا أمام هناك جماعه تسمى الاخوان المسلمين واخرون يسمون السلفيون او الجمعيه الشرعيه فما الفرق بينهما ؟؟؟؟ تتوقع رد قال ايه؟؟ فقال له الامام حسن البنا: الفرق بين الاخوان والسلفييون او الجمعيه الشرعيه ان الاخوان مقرّهم فى الدرب الاحمر والجمعيه الشرعيه فى كذا (لا اذكر مكان المقر صراحة) (تخيلوا هذا هو كان الفرق فى ذهن الامام حسن رحمه الله) فقال له السائل مره اخرى: ولكن الجمعيه الشرعيه او السلفييون افضل من الاخوانلانهم يبنون المساجد اما الاخوان فلا يبنون المساجد فرد عليه الامام حسن وقال: خيرا عليهم ان يبنو المساجد وعلينا(الاخوان) ان نعمّرها بالمصليين هذا هو كان فكر الامام البنا مؤسس الاخوان فى الفرق بين الاخوان والسلفيين انه اختلاف مكانى (اختلاف مقرّ ومركز) او اختلاف دورى (هذا يبنى المسجد وهذا يعمره بالمصليين) هذا هو الاختلاف اختلاف فى فرعيات الفرعيات وليس فى العقيدة او الفكر الدينى او غيره ننظر ايضا فى شىء اخر اذا قرأنا فى احد رسائل الامام حسن البنا رحمه الله وهو يتكلم عن الاخوان المسلمون كجماعه وماهى فقال وهو يصفها أحد اوصافها فقال انها (اى الاخوان) جماعه سلفية اى تدعوا الى ما دعى اليه السلف الصالح منذ عهد النبى صلى الله عليه وسلم وحتى عهد السلف الصالح من صحابه أئمة وتابعين وتدعوا للرجوع الى ماكانو عليه رضوان الله عليهم وفى رأئى ان هذه النقطة التى اتصف بها الاخوان هى اساسا اصل الجماعه السلفية حتى ان اسمهم(السلفيون) سمو انفسهم بذالك لان مقصدهم هو ذلك ايضا فيشتركان(الاخوان و السلفيون) فى نفس الفكر وفى نفس المقصد السليم ومن هذا وذاك بجد انه: 1_ لا فرق بين الاخوان والسلفيون فى الاساسيات بل هو فرق طبيعى "ولوشاء الله لجعلكم أمه واحده" فالفرق شىء اساسى فالاشتراك فى المقصد والهدف وهو ارضاء الله وتعمير الارض بالخير والاصلاح فى الدنيا بالدين واما الاختلاف فهو فى طريقة الدعوه او اسلوبها او شويخها او اماكنها او و الخ 2_ انهم مشتركان فى نفس الفكر ونفس المقصد وهو الرجوع الى سلف هذه الامة والاقتداء بهم والعمل على الرجوع الى ماكان عليه النبى صلى الله عليه وسلم واصحابه (من تعاملات واهداف نبيله واصلاح ونشر دين بحب ورحمة والعيش على ما جاء به رسول الله صلى الله عليه وسلم_وليس ذلك بمعنى الدولة الدينية لا ولكن نرجع بكل ذلك مع وجود الدولة المدنيه_ فنجد الطالب المجتهد الذى لا يغش والعامل المتقن لعمله والرئيس الخائف على رعيته فلا يظلم ولا يطغى و و فالدين تغيير للنفوس واصلاح لها قبل اصلاح الظاهر) منقووول

فيه فرق كبير جدا بين الاخوان والسلفيين والفرق ليس فى العقيدة لكن فى الايدلوجية والعبادات هاحاول اعمل مقارنة بسيطة وارجو ان يتم تصحيحى اذا اخطات السلفين طريقة حياتية تدعو الى نهج السلف الصالح وتطبيقه كما قام به الرسول والصحابة تماما وبصرف النظر عن الظروف الزمانية والمكانية الاخوان هى جماعة خدمية اكثر منها دعوية وتدعو الى التقيد بما جاء فى القراءان والسنة ولكن مع بعض التساهل والتطور حتى يناسب الوقت والمكان السلفيون : متشددون فى تطبيق العبادات ويتم ايكال التطبيق الى الحاكم الذى يعابر ولى الامر ولا يحوز الخروج عليه الاخوان نزرتهم اكثر تطورا ولا يقدسون الحاكم بل نهجهم تقويم الحاكم اذا اخطأ السلفيون انشطتهم المجتمعية مرتبطة بالعبادة بمعنى ممكن تلاقى مستوصف لكن مرتبط مع المسجد وهكذا الاخوان انشطة اجتماعية لا يوجد لها سند مع العبادة كمثال الاخوان بيعملوا مستوصفات - نوادى - رحلات النشاط الدعوى للسلفيون نشاط دعوى دينى بالامر بالمعروف والنهى عن المنك كمثال النصح بالصلاة فى الموعد وفى المسجد النصح بالنقابر النشاط الدعوى للاخوان نشاط اجتماعى اكثر منه دينى ففى دعوتهم وحملاتهم كمثال قد تكون دعوة او حملة نظافة او حملة للاقلاع عن التدخين مساحة الحرية الشخصية للفرد فى السلفيين ضيقة لانها مرتبطة بما كان للصحابة بالظبط مساحة الحرية الشخصية للفرد عند الاخوان واسعة ومش عايز اقول لا نهائية طالما لا تخرج عن الدين او التقاليد الاسلامية حاجة اخيرة هى الشدة واللين فالسلفيون متشددون حينما يتعلق الامر بالدين كالعبادات كمثال ودائما الحكم والنظرة للواقع وما هو موجود اما الاخوان الامر ايسر قليلا ونرتهم للابعد دائما بمعنى لامانع من التنازل قليلا لتحقيق هدف اوسع واكبر بعض نقاط الاختلاف الدينية السلفيون : اللحية سنة واجبة والنقاب فرض نادر لما تلاقى اخ سلفى حليق اللحية او زوجته غير منقبه الاخوان اللحية سنة يجازى من فعلها - النقاب سنة وليست فرض يجزى فاعلها بالاضافة لبعض الاختلافات وليس هذا المكان لذكرها طبعا الاخوان اكثر خبرة سياسية لانخراطهم فى العمل السياسى منذ زمن اما الاخوة السلفيون فكان امرهم اتركوا السلطة لاهل السلطة فهم اهل علم وحقيقة افضل من تاخذ منهم العلم الشرعى والفتوى ارجو ان اكون وفقت فى الشرح وارجو تصحيحى من الاخوة سواء من السلفيون او الاخوان حيث انى حاولت ان ابعد عن الاختلافات فى الشرعية وتبسيط الفروقات قد الامكان وللعلم انا لا انتمى لاى منهم ولكنى شديد القرب بالكثير من اعضاءهم وما ذكرت هو مما علمته بالتعامل معهم

وده اللى خايف منه .. شرعية الميدان بعد ما كانت ضد المجلس العسكرى .. حنبص نلاقيها تصطدم بشرعية البرلمان ((الشعب يعنى)) .. وبرلمان ايه بالصلاة على النبى ... ممكن يكون فيه الدكتور عبد المنعم الشحات.. مع احترامى .. اللى ولعها اساسا من قبل ما تخطى رجله عتبة البرلمان .. بتصريحاته حول البنوك والصور ونجيب محفوظ .. وغيره وغيره .. وحنفترض ان لديه حجته الشرعيه .. لكن مش وقته خاااااااااالص .. يعنى كل المؤشرات بتقول ان العمليه حتولع حتولع بين الثوار من جهه((خاصة الليبراليين منهم)).. وبين اعضاء البرلمان ((خاصة التيار الاسلامى لو هيمن على الاغلبيه)) من جهة اخرى.. وطبعا الجيش حيرتاح شويه .. وحيقعد يتفرج .. واترك لخيالك العنان فى تكملة باقى السيناريو انا لا ألوم الثوار وحدهم الان.. فيبدو ان الجميع ((بدون وعى ولا تفكير)) مستعد ومتأهب ومتحفز .. لالقاء حمولته من البنزين على الطرف الاخر .. واللى حتتحرق هى مصر .. اقول ايه تانى .. معدش يفيد الكلام .. قليل هم .. من يعقلونها .. ورغم ضبابية الصوره .. الا ان برده ربنا كبير و موجود ... وله تدابيره وحكمته .. ونحن لا نأمل الا ان يحفنا برحمته .. كما حدث ب25 يناير

مناظرة بين الدكتور محمد يسري والدكتور مصطفي النجار http://www.youtube.com/watch?v=2CI1UwP9QcA

عزيزى أبو عمر لكم سرنى عودتك بعد هذا الغياب الطويل الذى كنت تطل علينا فيه زى القمر اللى ما نصدق إنه طلع إلا ونلاقيه اختفى .. أكيد كنت مشغول فى انتخابات المصريين بالسعودية :) كما سرنى رأيك "الجديد" فى إحدى آليات الديموقراطية التى كنت تؤمن بأنها معارضة للاسلام والدين .. ومش عارف لغاية دلوقت لسه عند رأيك ، أم أنك غيرت رأيك فى الديموقراطية بعد أن عادت لك الثقة فى كلمة "الأغلبية" التى كنت ترفض رفضا تاما الاحتكام إليها خلينى المرة دى أفكرك برأيك القديم .. لأنك مرة سألتنى أن آتى إليك بالدليل على رفضك الديموقراطية وانا فى الحقيقة ما كنتش عاوز أطوِّل المناقشة لكن بماإنك أصبحت الآن من الحكام :P فخلينى أفكرك : هذا كان رأيك أبا عمر .. ترى ماذا أصبح ؟

جريدة الوفد حاطة ترتيب الاصوات للقوائم ، حاحط اول عشر احزاب بالترتيب ترتيب أصوات القوائم فى المرحلة الأولى تصدر حزب الحرية والعدالة الذراع السياسى لجماعة الإخوان المسلمين على أعلى الأصوات، وذلك بحصوله على ثلاثة ملايين و565 ألفا و92 صوتا، يليه حزب النور المعبر عن التيار السلفى بحصوله على 2 مليون و371 ألفا و713 صوتا، وجاء ائتلاف الكتلة المصرية فى المركز الثالث حيث حصل على مليون و299 ألفا و819 صوتا. وحصل حزب الوفد على المركز الرابع حيث حصل على 690 ألفا و77 صوتا، يليه حزب الوسط فى المركز الخامس بحصوله على 415 ألفا و59 صوتا. وجاء تحالف الثورة مستمرة فى المركز السادس فى القائمة بحصوله على 335 ألفا و947 صوتا، وحصل حزب الإصلاح والتنمية على المركز السابع بحصوله على 185 ألفا و238 صوتا، وحزب مصر القومى على المركز الثامن وحصل على 153 ألفا 429 صوتا، وحزب الحرية على المركز التاسع حيث حصل على 136 ألفا و784 صوتا، وعلى المركز العاشر حزب العدل حيث حصل على 76 ألفا و769 صوتا. اقرأ المقال الأصلي علي بوابة الوفد الاليكترونية الوفد - ترتيب أصوات القوائم فى المرحلة الأولى

كتر خيرك .. يا بــــــاز:unsure: كتر خيرك .. يا بــــــاز:blush2: كتر خيرك ..((طفحنا)) وشربنا .. من الكيعان كتر خيرك ..((زهقنا)) وشبعنا .. من الجنـان فهمنى ..بــس ..يعنى حكايتكم إيــه.. يا مان ولا عايزين حكم عسكر ولا عايزين ..برلــمـان عايزينها يعنى ..ثـوره لكن ... بدون عنـــوان عايزينها يعنى..توصل لنقـــطــة الغــــلـــيـــان عايزينها يعنى..فـتــنـه يا خوفى يا......بدران بكره الحقيقه .. تظـهر والمستخبى .. يـبـــان أه يا بــلــد .. موعوده بـ ِالـهـــم..والأحـــزان بقى نخلص من مبارك يطلع لــنا .. الميـــدان!!!!!!!!!!!؟ كتر خيرك .. يا بــــــاز:unsure: كتر خيرك .. يا بــــــاز:unsure: كتر خيرك ..((طفحنا)) وشربنا .. من الكيعان ......... ......... ........

ممتاز طيب مافيه حل اسهل من كده ان الثوار اللى فى التحرير يعملوا دعم للاسلاميين ويقفوا وراهم وورا الشرعية وورا راى باقى الشعب لحد نا ناخد حقنا اللى متفقين عليه من المجلس العسكرى الحل ده يا ريت يتحقق ... بس هل انت عارف ان نص اللى موجودين في الميدان دلوقتى تحريات عسكرية ، نفس لعبة إعتصام إبريل ده أولا ، ثانياً وده الأهم اللى في الميدان بدون قيادة تحركهم وكلهم متحمسين فقط وعندهم شعور بالغدر من كل الفصائل بسبب أحداث 19 نوفمبر ثالثاً وده المعضلة ... ما هو كلنا كده يبقى وقعنا في نفس الفخ اللى المجلس بيجهزة للإسلام السياسي ... مجلس شعب غير متوازن في وجهة معارك لا نهائية تبدأ من لجنة التأسيس ، وكتابة الدستور ، وحكومة لا تخضع له كلها من رجال النظام السابق ....وغيره من المعارك المخطط لها لإسقاطه كان فيه فخ 19 نوفمبر المجلس بيظبطه للإسلام السياسي ... بس ربنا ستر ، كانت خطة المجلس يجر الإخوان للمعركة ، او يكسر شوكة الإعتصامات وبكه يتأكد موت الثورة .... سبحان الله صمود الشباب الفقير الإسطوري أمام الغازات المستخدمة غير المعادلة وخرج منها المجلس بخسارة كبيرة ..... انه لازم يعمل الإنتخابات بشكل لا تشوبه شائبة ... كسب الإخوان وشفيت الثورة وخسر المجلس لكن للإسف .... جراب الحاوي مليان حيل الحيلة الجديدة اللى أنا خايف منها .... الأغلبية المطلقة اللى تحفر قبرها بإيدها على فكرة فيه حيلة تانية دلوقتى بعيدة بس قريبه ... مجلس الإستشاري لرئيس الحكومة ... لحرق مرشحي الرئاسة .... حتى يظهر المنقذ والجاهز لتولى الرئاسة

( عمرو حمزاوي ) في البرلمان

من حق من نجحوا في الإنتخابات أن يفرحوا لثقة الناس فيهم لكن لا أستطيع فهم هذا الفرح المبالغ فيه , وهو ما يجعلني أشعر أحيانا أن الوصول للسلطة هو هدفا في حد ذاته يستحق كل هذا الفرح كنت أتوقع العكس في الحقيقة كم يصل للسلطة وهو ينوي العمل الجدي , ويعلم بحجم المسئولية الضخمة الملقاه على عاتقه المفترض أن يضحك قليلا ويبكي كثيرا نحن كشعب لا نستفيد شيئا من نسب مقاعد كل حزب داخل البرلمان , هذه النسب يتفاخر بها الأحزاب بينهم وبين بعضهم ولا تهمنا في شىء ما يهمنا بعد أن تنتهي الإنتخابات أن نرى العمل الجدي لتحسين أحوالنا سواء الإقتصادية أو الإجتماعية أو الثقافية او التعلمية أو الصحية , هذا هو مكسبنا فقط , وليس مكسبنا في من فاز ومن خسر ! وكما قلتي يا أخت عبير المشكلة في أي حاكم تكمن في البطانة المحيطة , لذلك فإن الحاكم العادل دائما يدعون الله سبحانه وتعالى أن يزرقه البطانة الصالحة التي تدله على الخير فأجزم أن غالبية الحكام الذي وصلوا للحكم سواء في مصر أو غيرها وظلموا لم يكونوا سيئين في بدايتهم , وكانوا كلهم وطنية وإخلاص مثلهم مثل أي مواطن , ولكن بمجرد ما وصلوا للحكم وبدأت البطانة في التملق والتطبيل لهم إنحرف مسارهم نسأل الله أن يهيىء لمصر أمر رشد يعز فيه أهل طاعته ؛ ويهدى به أهل معصيته , ويؤمر فيه بالمعروف وينهى فيه عن المنكر , إنه ولي ذلك والقادر عليه

نكت ثورية ليبرالية علمانية ههههههههههههههههههههههه • معيار الثورية يتغير في مصر بتغير فصول السنة. فالثوري منذ تسعة أشهر هو الذي يرفض التشكيك في المجلس العسكري. الثوري اليوم هو من يطالب بإسقاطه. • تصريح ثائر في مارس: المجلس العسكري رفض إطلاق النار على الشعب. تصريح نفس الثائر في نوفمبر: المجلس سمح للنظام بضربنا يوم موقعة الجمل. • العسكري: 6 أبريل متواطئة مع واشنطن، الليبراليون: العسكري متواطئ مع الإخوان، الأقباط: العسكري متواطئ مع السلفيين، الإسلاميون: العسكري متواطئ مع الفلول • القاعدة الثورية هي تخوين من لا ينزل التحرير. على كده 99% من الشعب المصري يوم 25 يناير كان خاين. • منطق الثوار: كل من ينزل التحرير هو ثوري وطني بالضرورة إلا الإسلاميين فهم الاستثناء من القاعدة. • الإسلامي إذا نزل التحرير يستخدم الدين لأغراض سياسية. الإسلامي الذي لا ينزل يبيع الوطن من أجل مصالح شخصية انتخابية. نفتح الشباك ولا نقفله. • العلماني يأخذ بقول الشعراوي في الوهابية ولا يأخذ بقوله في العلمانية. يأخذ بقول الأزهر في حكم التماثيل ويتجاهل رأيه في الحجاب. • سؤال غير بريء: لماذا لا يعترض الليبراليون على الفتاوى السلفية الداعية للنزول يوم 18 نوفمبر بوصفه إقحاما للدين في السياسة؟ الإجابة: عشان الليبراليين نازلين. شبكة سلفي على فيسبوك شبكة محترمة وواعدة. الليبراليون يعترضون على اسمها ويقولون السلفية جاءت من السعودية. يبدو أن الليبرالية أصلها مصري. • مش عيب إن مدحت شلبي وشوبير يتكلموا في برنامجيهما الرياضي في السياسة. مش عيب إن عمرو أديب وإبراهيم عيسى والسيناريست بلال فضل والطبيب باسم يوسف وعمرو حمزاوي يتكلموا في الدين. العيب إن السلفيين يتكلموا في السياسة. التخصص واخد حقه. • سخرية دعاء سلطان من أحمد سبايدر ووصفه بالعنكبوت اسمه إبداع. سخرية السلفيين من إبراهيم عيسى وحمالاته اسمها قلة أدب.

اول موضوع اكتبة فى قسم الادب بقلمى شعر اسمة صــرخه ....من فلــسطين ليه الدمـــــار ليه الخــراب .......ليه بيـــــوتنا بتتهدِم ليه نحط راسنـــا فـ التراب ......ليه وجودنــــا بينعدِم ليه نخـــلى الخضره نار .......والزرع فـ ارضه بيتردِم وقدســــنا دمه بينــــزف ......والآه فـ قلبـــــه بتتــكتِم حتى أرضى ....قدام عنيا ....وبين اديا .....بتتسرق وعن ولادنا ...وعن بلادنا ...وعن وجودنا ...بنفترق قــــوم ياعربى شد حيـلك........وََرٍِى للعــــالم مكانـــك اوعى خوفك يكون سبيلك .......فين عزيمتك فين ايمانك اوعى تحسب حقك يجيلك .......لما ترضى ويطول هوانك عُمر عدوك ما كان حبيبك ....وعُمر اخوك فـ الأزمه خانك خلى ثقتــك ف الله دليـــلك .....هى سنـــدك وزاد زمـــانك قوم يا عربى ......شد حيلك ورى للعــــــــــالم ....... مكــــانك

لا هِىَ جريمه .. ولا سُبــــه طبعا .. مش حزب ((الكنبه)) إنتى .. بجد .. بدون تفــكــير من حزب((العقلاء))يا عـبـير إنتى ..من الناس الواعـــيه للوسطيه.. كمان ..ساعــيه عايزه الخير.. بتهدى نفوس صابها الإفك..نخرها السوس ربى يسلم .... ربى يحـــوش يكـــفــيـنا .. شر الفنكـــــوش والفنكـــوش .. عندُه الأسرار دا اللى عايزها .. تولع نــــار لازم بقى .. نعقل.. ونفــــوق وبإذنُه..ح تحلى .. وح تروق دا المولى .. موجود .. وكبير وانتى ... بجد .. بدون تفكير من حزب((العقلاء))يا عبيــر ان شا الله تسلم و تعيش يا "حودة " يا قاهر الفناكيش قول لي ياخويا و لا تخبيش منين بيجيوا الصبر منين؟؟؟ العسكر مش هوا الجيش خاين مجرم واطي وخسيس طب والحل ؟ يا ابو الباشابيش و الفكرة واخدانا لفين؟؟؟ نقف له و سلاح مفيش؟! وخيرة شبابنا يروحوا فطيس؟! و شوية ضباط مهاويس أخدوا بتارهم م العينين!!! فضلم واقفين بعناد و تحدي يا أرض انهدي ماعليكي قدي والناس حواليهم تاخد تدي طب يا أسيادنا و بعدين؟ لما الرؤية تتوه وتضيع نفضل برضه ويا التقطيع؟! في شبابنا نشتري ونبيع ؟! بالله ده يرضي مين؟؟؟ في المجلس ثقة معنديش و لا إخوان و لا دراويش ومادمنا في وقت التضبيش طريقنا مودينا لفين؟؟؟ ومادام تضبيش بتضبيش خلونا نضبش بس نعيش خلونا ويا الدراويش يمكن على ايدهم تبقى زين؟؟؟ خسارة وقت و لا الأرواح؟؟؟ بزيادة شهدا كفاية اللي راح خلونا نشم نفسنا و نرتاح و نجرّب مش خسرانين؟؟؟ سنين وسنين شربنا القهر دلوقتي فرقوا كام شهر؟! و من الفجر لحد الضهر يكون حلها رب العالمين

بسم الله الرحمن الرحيم مع كامل الاحترام لكلام الاستاذ عمدة .. المتحدث الرسمي باسم جماعة الإخوان المسلمين هنا في المنتدى. مسألة أن الحزب منفصل عن الجماعة أو أي كلام من هذا القبيل هو ضرب من الهراء وأكذوبة كبيرة .. أما بخصوص مسألة تأليه الحاكم وأنه بدأ أو لا .. حتى الآن الوضع السياسي في مصر لا يزال في حالة سيولة ولم يستقر بعد .. حتى نعلم من هو الحاكم الفعلي لمصر .. حتى نبدأ في التأليه من عدمه. من النهاية .. الوضع السياسي في مصر لن يستقر إلا إذا تمت الإجابة بوضوح وشفافية عن سؤال محدد .. هل سيقبل المشير طنطاوي أو من سيخلفه في قيادة القوات المسلحة أو حتى غيره من قادة الأفرع الرئيسية للقوات المسلحة .. هل سيقبل أحد من هؤلاء أن يتلقى الأوامر من المرشد الأعلى لجماعة الإخوان المسلمين أم لا .. ؟ إجابة هذا السؤال في ظني تجعلني أجزم بأن الصدام قادم قادم لا محالة .. بين المجلس العسكري ومن خلفه القوات المسلحة كاملة .. وبين الإخوان كجماعة كاملة ( وليس مجلس الإرشاد فقط ) .. مثلما حدث أيام ثورة يوليو تماما. أما إن حدث العكس ولم يحدث الصدام .... فسوف يصبح المرشد الأعلى للإخوان هو الحاكم الفعلي لمصر .. مهما قيل عن أن منصبه روحي وإرشادي وأي كلام من هذا الاتجاه .. لكن سيبقى هناك سؤال آخر .. هل ستمر الأمور بسهولة ما بين الإخوان والسلفيين ( الذين ظهروا كقوة ثانية في الانتخابات )... التاريخ علمنا أن المصائب يجمعن المصابينا .. فإذا اختفت المصائب تفرق القوم بعدها ثانية .. بمعنى .. الإخوان والسلفيون معروف تماما أن بينهم خلافات فقهية وعقدية كبيرة جدا .. لأن المرجعية بينهم مختلفة إلى حد التضاد. لكنهم الآن يبدون كقوة واحدة لأن مواجهة الليبراليين جمعتهم كقوة واحدة .. ولكن إذا ما انتهت الانتخابات على هذا الحال.. فأي من الفصيلين سيكون له السلطة على الآخر ؟ هل سيتمر التنسيق والتفاهم على نفس المنوال الذي تم في الانتخابات ؟ أم ستصحو الخلافات القديمة التي لم تخب إلا في فترة مع بعد الثورة ؟ نقطة أخيرة .. مثلما حدث في عام 2005 .. كثير ممن انتخبوا الإخوان ممثلين في حزب الحرية والعدالة انتخبوهم لأنهم لم يجدوا غيرهم .. وهذه هي الحقيقة فالساحة السياسية خالية .. وكل أشباه السياسيين الذي خاضوا الانتخابات ليسوا على القدر الكافي من التنظيم أو القدرة على كسب ثقة الشعب .. ولهذا لم يجد الشعب أمامه غير الإخوان .. أختي على سبيل المثال .. صوتت في التعديلات الدستورية بـ ( لا ) .. وكانت حجتها أنها لا تريد أن يصل الإخوان إلى الحكم .. والمفاجأة الكبرى أنني عندما سألتها عن الحزب الذي انتخبته في التشريعية .. أجابتني أنها أعطت صوتها للحرية والعدالة .. وليست هي فقط .. بل باقي سكان العمارة .. وعندما سألتها لماذا .. أجابتني أنه لا يوجد غيرهم ..

و نقول كمان شباب الثورة حالف عمره ما ينسى الميدان عاوزين دكر مخلص موزون بالف مان عاوزين بالاحرى نايب يغيثنا م النوايب ! و يرجع الكرامة لهيبة البرلمان لو جالنا حد طيشه يعمل في الجد عيشه ! و ديني لم يهوب اعتاب البرلمان اما لو معجباني اسد طالع وباني يجيب حق اللي راحوا وانصابوا في الميدان حيلاقي في الشدايد ارواحنا شمع قايد ملايين تفرح وتدبح حتى ان كان عنان !

و نقول كمان شباب الثورة حالف عمره ما ينسى الميدان عاوزين دكر مخلص موزون بالف مان عاوزين بالاحرى نايب يغيثنا م النوايب ! و يرجع الكرامة لهيبة البرلمان لو جالنا حد طيشه يعمل في الجد عيشه ! و ديني لم يهوب اعتاب البرلمان اما لو معجباني اسد طالع وباني يجيب حق اللي راحوا وانصابوا في الميدان حيلاقي في الشدايد ارواحنا شمع قايد ملايين تفرح وتدبح حتى وان كان عنان !

ياه بجد خساااارة كبيرة :lol: للبلد اللي مسافرها طبعا :)

عن محمد بن سيرين ‏ ‏عن ‏ ‏أبي هريرة ‏ ‏رضي الله عنه ‏ ‏قال ‏: قال النبي ‏ ‏صلى الله عليه وسلم ‏ ‏بينما كلب‏ ‏يطيف ‏ ‏بركية كاد يقتله العطش إذ رأته بغي من بغايا‏ ‏بني إسرائيل ‏ ‏فنزعت موقها فسقته فغفر لها به...(البخارى) ربنا هو اللي بيحاسب الناس يا أبو عُمر ... مش البشر وإلا كانت هاتبقى مدابح والناس تخلص على بعض وهي فاكره إنها تمتلك الكمال وتمتلك المغفرة والسخط مثل هذه الرأفة مطلوبة في التعامل مع الجميع مش هناك نسيب ناس تقول المرتشي العام على واحد لم يشهد له بالفسق و ناس تمسك شيوخ محترمين يتحدثوا في أعراضهم ويتهموهم بالعمالة وهنا ندافع عن الراقصات و الشواذ و نستشهد بحديث البغي لسنا نطلب قليل من الانصاف بل كل الانصاف بالتأكيد هؤلاء الفاسدين على فسادهم و افسادهم لا يملك أحد أن يشكك في وطنيتهم ... لكن لما هم اللي يهددوا إنهم هيحرمونا من فسادهم يبقى مفيش رد غير ردك اللي إنت قولته في البداية

أيام هواك رجعت للقلب أحلامه الهنية و نور بهاك خللى كل الدنيا حلوة في عينيا و اللي فات من عمري باتندم عليه ليه يفوت من غير ما احبك بس ليه http://www.youtube.com/watch?v=FUB1vY56pvs

كتر خيرك .. يا بــــــاز:unsure: كتر خيرك .. يا بــــــاز:blush2: كتر خيرك ..((طفحنا)) وشربنا .. من الكيعان كتر خيرك ..((زهقنا)) وشبعنا .. من الجنـان فهمنى ..بــس ..يعنى حكايتكم إيــه.. يا مان ولا عايزين حكم عسكر ولا عايزين ..برلــمـان عايزينها يعنى ..ثـوره لكن ... بدون عنـــوان عايزينها يعنى..توصل لنقـــطــة الغــــلـــيـــان عايزينها يعنى..فـتــنـه يا خوفى يا......بدران بكره الحقيقه .. تظـهر والمستخبى .. يـبـــان أه يا بــلــد .. موعوده بـ ِالـهـــم..والأحـــزان بقى نخلص من مبارك يطلع لــنا .. الميـــدان!!!!!!!!!!!؟ كتر خيرك .. يا بــــــاز:unsure: كتر خيرك .. يا بــــــاز:unsure: كتر خيرك ..((طفحنا)) وشربنا .. من الكيعان ......... ......... ........ حلوة قوى واخف وأرشق من الأولى ... تسلم ولاعتك ولو انى زعلان منك ... بقى يا راجل تحط الوسط مع البتنجان فى بيت واحد ؟!!!:protest: أسف جدا واعتذر ليك اخى الفاضل عصام ابو الفتح وكمان لام ريم ((بينك روز )).. . .. لو كان المعنى وصل لحضراتكم كده .. انا عارف انكم تنتمون لحزب الوسط .. انا مقصدتش خالص الربط بين الوسط والبتنجان .. هى بس القافيه حكمت .. وفى الاخر برده العهده على ((الثورى)) اللى انا تقمصت دوره:closedeyes: بالنسبه لردى الشعرى على الباز افندى . انا كده .. دايما ((توابعى)) الشعريه .. اقوى من الزلزال الشعرى الاصلى نورت الموضوع .. واحتجاجك مقبول

عن نفسي عمري ما عرفته قبل كده انما قبل حوار البرلمان و الترشح و كده كان عامل مداخلة مع وائل الابراشي و بيقول نغطي وشوش التماثيل الفرعونية بالشمع اتأكدت انه افكار متطرفة بشكل كبير جدا و رافضة تماما وجوده في البرلمان و اتمنى مرشح الاخوان هو اللي يكسب في الدائرة دي لانهم على الاقل معتدلين عن السلفيين ممن يتبنون افكار الشحات

طيب يا اختي نور العيون..انا ارفض تماما فكرة ان العالم اتي بالصدفة و اؤمن تماما بالمعجزات و ان هناك ظواهر فوق ادراك العقل البشري و بتالي هى ذات طابع يحمل القدرة الالهية المطلقة. ايضا ارفض خلط الدين بالسياسة و ارفض الدوله التي تقوم على اساس ديني ..ابقي اسمي ايه؟؟ ما هو دة اللي الكتلة بتنادي بيه ..يا جماعة الدين لله و الوطن للجميــــــــع تبقي اسمك مصري لأ.. ده يبقى اسمه سمك لبن تمر هندى.

يا جماعة برجاء اى شخص فاضل حاليا متابع موضوع تغيير المهنة او ماشى فية يحكيلنا تجربتة وفى اى مكتب عمل للاستفادة وتبادل الاخبار والتجارب بشرط تكون تجربة حقيقة مش مجرد كلام مسموع

نسمع كلنا الاعلام في تغطيته للمرحلة الاولى في الانتخابات و التي انتهت بحصول التيارات الاسلامية على نسبة عالية حول ما سيكون موقفهم من البكيني و الخمور و فنادق القمار و كأن أفراد الشعب المصري يعاقرون الخمور و يلعبون القمار و نسائهم تسيح على الشواطئ بالبكيني و بسبب اعلام البكيني المحسوب على تيارات الليبراليين كالعادة يحدث استقطاب ايديولوجي بين التيارات المختلفة و التركيز على الاقل اهمية من جهتي الاولويات هي 1- اعادة هيكلة كاملة لقطاع الداخلية و وزارة العدل 2- تحييد كامل و شامل للمجلس العسكري و تقنين علاقة القوات المسلحة بالتدخل في الشأن المدني اتمنى ان يطرح كُل منا اولويات العمل كما يراها التي يجب على المجلس القادم ان يناقشها ارجو ان يكون هذا الموضوع بمثابة عصف ذهني لتحديد اولويات المجلس القادم لعله ينفع او يعرف الاخرين بها

واحد غبى فتـــح محل كتب على يافظة المحل " هريدى وشركاه " بتوع الضرائب سألوه مين شركائك ؟ قال مفيش شركاء .. فسجنوه طلع من السجن غير اليافطة وسماها " هريدى و إخوانه " ... ... بتوع أمن الدولة قالوله فين الإخوان ؟؟ قال مليش إخوان .. اعتـقـلوه طلع من المعتـقــل زهقان من حياته غير اليافطة .. و كتب عليها " هريدى لا شريك له " السلفيين قتلوه

الصوره اللي على اليمين الوان والصوره اللي على الشمال ابيض واسود :P

السلام عليكم ورحمة الله... إذن ، فقد إتضحت الرؤية :) وأوافقك أن نبدأ حوار جديد من أول طرف الخيط ... تحياتى

لأ يا أختي الكريمة الآية والمشاركة بأكملها موجهة للمتطرفين الذين نقل عنهم الأخ الفاضل Ahmed Anwer اللي بيشنعوا حتى ولو بالكذب على مخالفيهم أقول لهم موتوا بغيظكم تحياتي...

اول هدف واهمهم بالنسبة لى اتاحة التصويت الالكترونى والغاء التصويت الورقى لاى انتخابات وحتى التصويت فى مجلس الشعب وده لتاسيس ارضية ديموقراطية صلبة نقف عليها ونقلل اتهامات التزوير وموضوع موافقون موافقة نقلل المجهود المادى والاقتصادى والجسدى والتنظيمى الكبير لاجراء اى استفتاء صغير اما لو تم موضوع التصويت الالكترونى فسنتمكن من حكم انفسنا بانفسنا

http://www.youtube.com/watch?v=db7tq8caPhE&feature=mfu_in_order&list=UL حلقة تستحق المشاهدة

نكت خليجية واحد معه ارنب يبغى يشوف هو ذكر ولا انثى . ……. سأل محشش قاله المحشش: “اتركه اذا هرب فهو ذكر واذا هربت فهي انثى” ****** -اتصل واحد على زوجته وقال لها “انا ربحت مليون دولار جهزي شنطتك بسرعة” فقالت الزوجة:” طيب احمل معاي ثياب صيف أو شتاء؟” فرد عليها : “شيلي كل اللي تبين المهم ما ابي تصيرين بالبيت اذا رجعت” ****** محشش دخل استريو قال: “عندك محمد عبده” قال: “ايه” قال المحشش: “خله يطلع سيارته مسكرة علي” ****** محشش جالس قدام ستارة غرفته ليشششش؟- ينتظر المسرحيه تبدأ ****** محشش سألوه وش أصعب شئ: “قال انك تحدد السكسوكة وانت تاكل لبان” ****** اثنين محششين..واحد منهم يبي يسوي حكيم قال للثاني: “قلي من صديقك أقولك من أنت؟؟؟ ” قال الثاني: “من صديقك؟ ” ردعليه: “من أنت؟” ****** -محشش يقول أحسن خمس أشياء بالدنيا ثلاثة:النوم والأكل ..!! ! ****** فيه شايب قال لولده: انت ماتستحي على وجهك شف عيالك ماشاءالله عليهم لحاهم طويله ولا يدخنون ويصلون بالمسجد وانت الله لايبلانا حالقن لحيتك وتدخن ولاتصلي بالمسجد ماتستحي على وجهك.. قاله ولده: هذولا عيالي انا اللي مربيهم لكن انا من اللي مربيني؟ ****** في واحد خكري زوجوه قام الصبح قال لامه : يمه تكفين خليها تنام عندنا بكرة بعد . ****** فيه واحد مجنون بليستيشن:مات ابوه كتب على قبره game over

انا من حزب الكنبة يا باشا باتفرج من بعيد و آكل بغاشا أتسلى بالأخبار.. يوه يا نداشة و أؤيد و أشجب كل العفاشة يفوز مرتضى و الا عكاشة دي حتبقى فرجة و لا السيما انا مانتخبتش هيه وحأدفع غرامة قال صوتي حيفرق يا ميت ندامة لما ابقى أرجع لبلدي بالسلامة أبقى أواجه الفساد بكل صرامة ما انا برة.. خليني ساكتة بكرامة يا اخواتي بلا بهدلة ..بلا قلة قيمة

" طظ في البرلمان " قصيدة شعرية تأتي بعد قصيدة واقعية استمرت تسع شهور اسمها " طظ في الاستفتاء " تحياتي وتقديري لك أخي محمود على كلماتك الجميلة.... و يارب ظننا ده يخيب .. في انتظار جرعة تفاؤل .. في انتظار رد ... من الفاضلة أم سلمى .. الموضوع السابق لكما كان من أفضل ما قرأت ..

استبعدوها إلى الشارع يا أستاذ محمود ؟ .. دى بيتم تحريزها زى الصناديق السليمة بالضبط بلاش الاستمارات ما قولك فيما أوردته فى مداخلتى بشأن الكيلو ونص بطاقات رقم قومى التى أظهرها جمال عنايت ؟ كل أملى أن يظهر التحقيق أن هذه فبركة إعلامية من برنامجين فى نفس اليوم حتى يظل ثوب الانتخابات أبيض كما سعدنا به ولكن الاسراع إلى النفى وسب المذيعة (حتى لو كان فيها ما فيها) لا يغنى من الحق شيئا .. الحق يا أستاذ محمود .. نحن نتطلع إلى تحقيق فى الجريمة .. سواء كانت جريمة تزوير .. أو جريمة إعلامية .. أو جريمة إهمال بإلقاء أوراق رسمية فى الشارع فى وسط العملية الانتخابية .. أو جريمة مدبرة لإشعال فتنة بين المرشحين وأنصارهم .. فى كل الحالات هى جريمة .. لا يعالجها سب هالة سرحان وصب جام الغضب عليها ، أو حتى عليها وعلى اللى خلفوها والدعاء بأن ربنا يخرب بيتها والبيوت اللى جنب بيتها كمان وتقوللى انك لا سلفى ولا إخوانى ؟ .. طب عينى فى عينك كده ؟

سي السيد وصلني ندائك عبر القارات و ها أنا دا البي النداء والله مشغوليات الحياهنعمل ايه بس ؟ و اديني بحاول اطل كل سنة مرتين على المكان الجميل اللي جمعني بناس أجمل يارب يديم المحبة مرسي على سؤالك يا راجل يا طيب

ههههههههه ياحرااااااام ياباربي بعد الرشاقة كلها و الجمال كله و مفيش غير 5 سنين زواج يعملو فيكي كده؟؟؟؟ ده لو 15 سنة زواج و 3 او 4 عيال هتبقي ازاي ؟؟ :rolleyes: سي السيد :protest: حرام عليك انت كده حتسد نفس كل المقبلين على الزواج يا معشر الشباب متصدقوش مايريد ان يضع في عقولكم سي السيد فهناك من الرشيقات الجميلات من تحتفظ بشكلها ولو بعد 30 سنة زواج و ده تقريبا في المغرب و فرنسا بس هههههههههههههههههههههه

الاستاذه الفاضله ورده الايمان و الاستاذه الفاضله نوران شكرا لدعوتكما الكريمه للحوار اولا مبروك لمصر على الحريه :) ثانيا: انا هتكلم هنا كمواطن مصرى ليبرالى النزعه و ليس كقبطى ثانيا المقال اعلاه هدفه ضرب اسفين فى الكتله المصريه و تصويره على انه حزب المسيحيين فينفر منه المسلمين مبدأيا المسيحيين منتخبوش الكتله و بس فمثلا فى غرب الاسكندريه المسيحيين صوتوا بكثافه للثوره مستمره و ده لأن ابو العز الحريرى ليه مواقف وطنيه كتير مع الاقباط و مع الاسكندرانيه و المصريين عموما و انا عن نفسى انتخبت العدل ثالثا: لماذا لا اؤيد الاحزاب الدينيه؟ انا ضد فكره الاحزاب الدينيه عموما ايا كان الدين. و ده ببساطه انها تتدعى التحدث باسم الله و تستخدم الدين ضد الخصوم السياسيين. و كأن من يعاديهم يعادى الله. و التاريخ الانسانى ملئ بالمأسى التى سببها ادعاء البعض التحدث باسم الدين, اى دين. رابعا: الاسلاميين نفسهم مش متفقين عاوزين ايه و ما يريدوا ان يطبقوا من الشريعه. الاخوان مثلا بيقولوا انهم عاوزين ديموقراطيه و تعدديه حزبيه و دوله مدنيه بمرجعيه اسلاميه بينما عبدالمنعم الشحات المتحدث الرسمى للدعوه السلفيه بيعتبر الديموقراطيه كفر و عاوز شورى و جماعه اهل العقد و الحل بدل الديموقراطيه. انهى نسخه من الدوله الاسلاميه هى المطلوبه؟ حدديلى نسخه من اى عصر و مكان و دعينا نتناقش. خامسا:اختصار الشريعه الاسلاميه على مجموعه من القواعد و الاحكام فيه ظلم عظيم للاسلام نفسه فالاسلام اعظم و اعمق من مجموعه احكام. فروح التشريع هى المبادئ و ليس احكام محدده. فبالرغم ان هذه الاحكام كانت الافضل لأنتشال العرب من الجاهليه فى عصر محدد و زمن محدد. الا اننا فى زمن مختلف و مكان مختلف. و التشريع فى الاسلام تطور مع الوقت و ليس كما يصوره البعض انه ثابت لا يتغير. و التغيير و التطور سنه الحياه و من الطبيعى ان القوانين و نظم الحكم تتطور كما تتطور جميع العلوم و حبسنا فى قوانيين من 14 قرن ظلم لنا و للاسلام. المبادئ تبقى ثابته و لكن التفاصيل تتغير مع المكان و الزمان. فمثلا نظام الحكم الاسلامى تغير. فالرسول اوصى من بعده بان يكون "امركم شورى بينكم" و ده مبدأ مهم جدا و كان انسب شيئ فى هذا الوقت و حصل تداول سلس للسلطه بعد الرسول لأبو بكر الصديق و بعده الخليفه عمر. و لكن بعدها حدثت اختلافات كبيره فى عصر الخليفه عثمان و الامام على و التى انتهت بمقتلهما الاثنين و حدثت حروب بين الامام على و شيعته و بنى اميه بقياده معاويه و الخوارج. و استمرت الخلافات و الانشقاقات فى عصور معاويه و الحسن و عبدالله بن الزبير و الحسين و يزيد بن معاويه و حتى عصر عبدالملك بن مروان . و بدأت الخلافات تنحصر مع تغير النظام من شورى لنظام ملكى يرث الخليفه ابنه او اخوه. هل كفر كل المسلميين من القرن الاول الاسلامى حتى سقوط الدوله العثمانيه لتحول نظام الحكم لملكى؟؟ و هل نستطيع ان نقول ان الخلافه من ايام الامويين ليست اسلاميه لعدم تطبيق مبدأ الشورى؟؟؟ و ازهى عصور الاسلام حضاريا كانت اكثرها ليبراليه. فقمه الحضاره الاسلاميه كانت فى بغداد فى عصر العباسيين و فى الاندلس. و المسلمين فى هذان العصران كانوا منفتحين جدا. اقرأى دواوين ابو نواس مثلا و كلامه عن النساء و الخمر. بلاش اقرأى ما كتبه ابن سينا عن الموسيقى مثلا. فيه علاقه عكسيه بين التشدد و التطور و فى العصر الحديث مصر تتطوت جدا لما كان عندها شيوخ منفتحين مثل رفاعه الطهطاوى و محمد عبده. انا مع ان يحكمنا مبادئ مستقاه من ادياننا كمصريين (و بالتالى الاسلام لأن اغلب المصريين مسلمين) و لكننى ارفض ان يحتكر احد التحدث باسم الدين و استغلاله. فتاريخيا اسواء انواع الاستبداد هو الاستبداد الدينى

الاخ الفاضل اولا اسف علي تاخيري في الرد بس كنت بتاكد عليك علشان اعلمك الطريق الصحيح اولا انت واخد 90 يوم من الخارجيه السعوديه تمام انما القنصل هو الا من عنده الا بيعطيك الاقامه يعني ممكن يكون معك 90 يوم اقامه وهو يعطيك 15 يوم ومفيش حد يقدر يناقشه في اي شي انما انت سافر ومفيش غير انك تجدد ومن حقك تجدد اكتر من ثلاث شهور واتمني لك التوفيق علشان مش تتعب نفسك وتروح القنصليه علي الفاضي دون اي جدوه في الموضوع

اخي فيرالميند..مش شايف انك تحاملت شوية في تسمية الموضوع لمجرد ان دي رؤيتك الشخصية للامور؟ اولا كلنا متفقين ان للاسف كلمة علمانية لا تحظي بقبول بين المصريين و ذلك نظرا للتشويه الدائم لها حتي لما رجب طيب اردوغان رئيس الحكومة ذات المرجعية الاسلامية اتكلم عنها انقلب عليه ذات التيار اللي كان بيحتفي بيه..طييب ما المصريين الاحرار بردو بيقولواانهم مع المادة التانية . هل كدة هو حزب ديني او بيلعب على الونجين؟؟ هل لما احاول ارضي جميع الاراء و بصورة صريحة و معلنة ابقي مضلل و مدلس؟؟ بقول لده متزعلش بلاش علمانية و بقول للاخر مش دينية و بقول للاتنين تبقي مصريه ديمقراطية مدنية بالقانون فوقي و فوقك يبقي دة تضليل؟؟ هو في حد بيعمل اعلان عن التضليل؟؟ ان كانت دي رؤيتك للامور فارجو الا تجلعها قاعدة للاحتكام(دة عتاب على فكرة ). ثانيا بالرغم من ان المهندس نجيب ساويروس مؤسس الحزب الا انه رفض يتراسه عشان الاتهامات من عينة حزب الكنيسة. بل بالعكس انضم للحزب مصريين مسلمين اغلبهم معروف للمجتمع و مشهود لهم بالنزاهة و الوطنية ..تفتكر هو محتاج يعمل حزب عشان يشرب خمرة براحته او مراته تلبس قصير!! حضرتك متعرفش مثلا مبادرة موبنيل لتوفير فرص عمل للشباب..السوال اللي نفسه نجاوبه بضمير ليه المهندس نجيب ساويرس اللي بيتعرض دايما لحملات تشويه دونا عن غيره من الاقباط رجال الاعمال..هي حاجة واحدة مالهاش تاني..انه بيحاول يكون له دور سياسي وطني و مش عايز يمشي جنب الحيط.. ثالثا..الاخت الفاضلة الزهراء ..دي اسمها الكتلة المصريه تضم حوالي 70 ائتلاف ما بين احزاب سياسية و قوي ثوريه ..طبيعي انك تلاقي فيهم المهندس و الشيخ و الفلاح..يعني مثلا في بلدنا معلقين صورة للحاج فلان..هل الكتلة مافيهاش غير دكاترة الجامعات و حملة المؤهلات..يا جماعة المظاهر مينفعش تكون حكم للامور . قد اكون بلحية و انافق الاخرين و قد اكون غير متدين و لكن ضميري حي و العكس صحيح .. اخيرا انا لست من المصريين الاحرار و لا اقوم بعمل دعائي لهم ..لكن انا اويد كل من يعمل لصالح الوطن و كنت اتمني ان تكون كل الاحزاب كتلة واحدة مصرية ..لان ببساطة مصر واحدة..تحياتي لكم جميعا

يا باز افندى انا معنديش اى مشكلة ان اى حزب يطلع و يقول برنامجه زى ما هو عايز.. حتى لو فيه حزب كنسى, برضه معنديش اى مشكلة.. المشكلة هى التضليل و الكذب.. انتا علمانى و برنامجك هو فصل الدين عن الدولة, علشان ساويرس يشرب خمرة براحته و مراته تمشى بهدوم قصيرة او حتى من غير هدوم براحتها.. معنديش مشكلة اطلاقا انك تعلن بصراحة عن ده.. مشكلتى تحديدا هى الكذب و الضحك عالدقون.. حكاية انك تكسب كل الاصوات لصالحك مستحيل.. و لذلك الثبات عالمبادىء هو الاساس و الا هتخسر حتى اللى كانوا بيأيدوك, لانك كده هتبقى على كل لون يا باطسطة.

المفترض ان كل حزب يعرض برنامجه الانتخابى على الشعب والشعب يختار زى ما بتقولوا وهو صاحب القرار ومش محتاج وصايه من احد كما تقولوا واعتقد ان مش من ضمن برامج الاحزاب هى الهجوم على الاحزاب الاخرى او ان يكون من ضمن برامجه تشويهه باى صور فيجب ان يترك الامر برمته للمواطن ومن مصلحه الكل ان تكون الاحزاب متعدده فى المجلس لكن حزب بمفرده يسيطر على البرلمان ده مش هيفيد المواطن واعتقد برده بدل الكلام عن الاحزاب الاخرى ان يكون الهدف هو عرض برنامج الحزب فقط الذى تنتمى اليه كباقى البرامج المتواجده على الساحه واعتقد برده ان ده اقصاء صريح لحزب منافس او لاحزاب منافسه وفرض اراء على الناس حتى تنتخب تيار معين فقط والباقى لايصلح

لما كلكوا شعراء أمال مين اللي هينضرب