لوحة القادة

على النعمه الراجل ده منستاهلهوش. راجل فاهم اوى و واعى اوى لك الله يا دكتور البرادعى

تحية لك أستاذ محمد . حقيقة لقد توهمت من "المبحث الأول" الذي أدرجته حضرتك أنه يتعلق باللحية في الاسلام : لذا أدرجت هذا المقطع الذي يعرض نموذجاً مشرفاً لأحد القضاة المصريين الذي كان مثالاً للمسلم المتمسك بشعائر الدين فيما يتعلق بتعاملاته وأيضاً بالهدي والسمت الظاهر . نسأل الله أن يكثّر من أمثاله .

الهجوم على من سموهم اسلامين نرى اتباعهم يهرولون بطلب قفل المواضيع والتغنى بنغمات لاطال لها وبحجه ان هذا مخالف للدستور ما علينا الخطه كالاتى يا أ ستاذه عبير فلا تستعجبى البرادعى حر منذ فترة فلا احد يهجم عليه مطلقا الا القليل فالمرحله القادمه سيتجهون الى الهجوم على الرجل بشكل منظم وشويه فيديوهات مضروبه ومسجله خصيصا للهجوم عليه فى الفترة القادمه بكل السبل وكل الطرق ما ظهر منها وما بطن . ويخص بالهجوم الجماعات المتأسلمه فقط الى جانب اتباع النظام حتى يتسنى لترشيح الرياسه ثلاثه فقط الذين ايضا لم نرى اى هجوم عليهم مطلقا مع الرغم ان عليهم جرايم ويتم التحقيق معهم على الورق ومنهم جاسوس رسمى للاسرائيل بالاوراق سيتم تلميع الحرميه والسوابق كمثال شفشق وسليمان وموسى ولن يتعرض هؤلاء المتأسلمين لهم بسوء بل ان احترموا انفسهم سيلزموا الصمت على دعاياتهم بس هما استعجلوا السيناريو شويه لان التوقيت المفترض ان تعدى الانتخابات واختيار رئيس للبرلمان ونائبيه وبعدها على الفور سيلحقوا بكل السبل على الهجوم على البرادعى بشكل متواصل الى ان يتم المراد ويتم ترشيح احد الثلاثه ورابعهم الشيطان وسبحان مغير الاحوال بعد ان كان حليفا لهم اصبح الان من المرتدين وبعد ان كان فى قائمه من انته انا البرادعى وكان فخرا لى مصرى وتغنى هو نفسه النظام بالرجل سنين عده اصبح اليوم مطرود من رحمه الاثنين من تحالف معهم وخانوه بعد ما وصلوا والنظام الذى يرتعب من وصول البرادعى الى السلطه وياحلولى

بقلمي ، كلمة لنخبة عاملة علية الواصي المتحكم فية ولا عاجبينها ولا عاجبانا ولا عايزينها ولا عايزانا شايفانا فاقدين أهلية ما نستحقش ديمقراطية إنما هم المية مية وعقولهم ما تخر المية عايزين أحزاب ليبرالية ولا إخوان بقي ولا سلفية قال إيه أحزاب مش وطنية خانوا شباب الثورجية وبتمويل بلدان خليجية إيشى قطر وإيشي السعودية وليهم فكر الوهابية طب إسمع يابني انت وهي حزب الكنبة خلاص إختار ولا تتضايق ولا تنهار وكلي عزيمة كلي إصرار إنكوا تعرفوا إني كبرت ووعيت الدرس ، إتعلمت وأنا بقي واثق في الناس دية أنا بقي واثق في الناس دية وثقتي في ربي فوق الكل تبقي بلدنا زي الفل هتبقي بلدنا زي الفل يا رب بلدنا تبقي زي الفل ... آمين

محاوله بسيطه من مبتدئه ......... قالوا .....وقلنا ..... مصر هتبقي اخوانيه لا مصر هتبقي سلفيه لا مصر هتبقي ليبراليه لا مصر هتبقي علمانيه مصر هتفضل هى هى أخوانيه على سلفيه ليبراليه علمانيه مصر هتفضل غاليه على قالوا ....وقلنا .... هنسيبها لو اخووانيه هنسيبها لو سلفيه طب يا اخى استنى على كان سهل على اقول فى داهيه بس الاول جربنى هعملك ايه المهم اننا نتواصل بالحب والحريه هتفضل مصر هى هى مصر الحضاره مصر العراقه مصر الكرامه مصر الافضل مصر الاقوم مصر الاجمل فى عيون كل البشريه مع تحياتى بوسي

السلام عليكم الاخوه الكرام جزاكم الله خيرا . يا جوناثان نحن نتكلم عن رجل الاعمال المصرى نجيب ساويرس و ليس عن رجل الاعمال ...المسيحى .. لأن الموضوع صار اخطر و اوسع من عباءه التطرف و العنصريه التى يحصر البعض نفسه فيها . بلاوى نجيب ساويرس ليست وليده اليوم و مواقفه المخزيه و سلاطه لسانه و قله ادبه و سخريته من عقيده جل المصريين ليست جديده و لو هناك متسع من الوقت لاحضرت لك مواضيع من منتدانا منذ سنوات عن هذا الكذاب بدايه من صدور قنوات اون تى فى و كونها اول قناه مصريه تذيع افلاما un cut و البلبله الشديده وقتها ثم سخريته الان من الشعب كله الذى لحم اكتاف ساويرس اليونانى الاصل و عائلته كلها من خير هذا الشعب الذى يتندر عليه هذا الكذاب و انه يفوق على طبق الفول و البصل الامر الان اخطر يا جو نجيب ساويرس يستعدى العالم الغربى برمته على مصر و يهيجها للتدخل فى مصر هل سمعت هذا و شاهدته ام لا ساويرس يتهم الاخوان و السلفيين زورا و بهتانا بانهم يتلقون تمويل من قطر و السعوديه دون ان يقدم دليل واحد على كلامه و بناء على ذلك يطلب من المجتمع الغربى ان يتدخل فهل هان عليك وطنك الذى تعيش فيه لتدافع عن هذا الكذاب هل تعتقد يا جو ان امريكا عندما تتدخل سوف تدلع مسيحيي مصر مثلا امريكا البروتستانتيه و من قبلها انجلترا التى احتلت مصر اكثر من 70 عاما لو لا قدر الله استقر لها الوضع فى مصر فستنكل بمسيحيي مصر الاورثوزوكس ايما تنكيل و هذا التاريخ إذا كنت تقرأه او تعرفه يؤكد كلامى . . يا جو و يا كل مسيحيي مصر خذوا على يد هذا الكذاب و احموا انفسكم قبل مصر من مصير رأينا غيرنا وصل اليه بعد دخول امريكا و غيرها الى اى بلد و ما العراق و افغانستان و يوغوسلافيا سابقا و غيرها منا ببعيد .

أخى الفاضل .............. لماذا تسابق الاحداث انتظر قليلا حتى تتم باقي الانتخابات ولا تشاهد الاعلام المضلل وكن على يقين ان ما فى مصر الان افضل بكثير من عهدها فى نظامها البائد وان الكل يحاول ان يصلح الحال ............ لولا ان هناك بعض المنغصات وتأتى من فلول النظام البائد ولكنى اريد ان اجعلك متفائلا مصر رايحه للخير ان شاء الله ................وبعد سنه من الان مصر هتفرق كتير ............ وساعتها ابقي افتكرنى بدعوه انى بشرتك .................بس لازم نصبر ..............لان ده اللى فى ايدينا الان .......... يا مصر قومي وشدي الحيل كل اللي تتمنيه عندي لا القهر يطويني ولا الليل آمان آمان بيرم أفندي رافعين جباه حرة شريفة باسطين أيادي تأدي الفرض ناقصين مؤذن وخليفة ونور ما بين السما والأرض يا مصر عودي زي زمان ندهة من الجامعة وحلوان يا مصر عودي زي زمان تعصي العدو وتعاندي آمان آمان بيرم أفندي الدم يجري في ماء النيل والنيل بيفتح على سجني والسجن يطرح غلة وتيل نجوع ونتعرى ونبني يا مصر لسه عددنا كتير لا تجزعي من بأس الغير يا مصر ملو قلوبنا الخير وحلمنا ورد مندي آمان آمان بيرم أفندي يسعد صباحك يا جنينة يسعد صباح اللي رواكي يا خضرا من زرع إيدينا شربت من بحر هواكي شربت من كاس محبوبي وعشقت نيل أسمر نوبي وغسلت فيه بدني وتوبي وكتبت إسمه على جلدي آمان آمان بيرم أفندي

ولا نيلة ولا حاجه دا المتوقع من العسكرى ... المجلس العسكرى اللى يحتوى اشخاص مثل الروينى و عثمان والملا والفنجرى ... مستعد يعمل اى حاجه فى سبيل الحفاظ على وجوده بدءا من الاستعانة بمجموعة من الزومبيى - امثال وزراء الجنزروى ووزراء حكومة شرف الى دعم اشخاص اقل ما يوصفوا بيه انهم بلا عقول كالسيد توفيق عكاشة وسبايدر صدقا انا مش شايف اى حاجه غريبة

أعتقد أن السؤال ده كان المفروض يتسأل من مدة طويلة ... يمكن من أكتر من سنة ... و كان يبقى ليه المكان ده اللي كان واحة كلما دخلتها أزددت علما و أضفت الى فكرك آفاقا جديدة ... لو أستدعينا محركات البحث في محاورات المصريين لسنتين تلاتة الى الواء هانكتشف أجواء أخرى مختلفة عن الموجود الآن ..... السؤال هو لماذاأختلفت الأجواء ... و لماذا هجر المنتدي الكثيرين ممن يحملون فكرا مستنيرا راقيا .... و أصبحت النقاشات شيء أشبه بالمبارزة الجماعية كل يدافع عن تياره بالحق تارة و بالباطل تارة أخرى .. لو السؤال فين المسيحيين في المنتدا ده ؟؟؟ ... تبقى الأجابة .. لما ترجع الأقلام المستنيرة بالكم و الكيف اللي كانت في نفس المنتدى .. تحيتي

أخي العزيز المهندس رؤوف ربنا يوفقك لكل خير مش عارف رأيي هينفعك و لا لأ لأني م الآخر لسة متأثر بقرار الغربة اللي خدته على كبر مضطرا لكني لا أستطيع المرور على موضوعك و أرفض طلبا لك .. فأنت أخ عزيز أحبه في الله رغم أننا لم نلتق يوما .. لكن الحب في الله .. هكذا به تأتلف القلوب أنت تعمل حاليا في السعودية و يمكنك إذا أردت الانتقال لأي دولة أخرى من دول الخليج و فيها ما يمكن أن يكون أفضل لك في المجال المهني وكنوع من التغيير لو كان التغيير هو الهدف . لكن بالنسبة للهجرة .. لا أراني لك ناصحا إلا بما أحبه لك و هو أيضا ما أحبه لنفسي .. أن كفى أخي العزيز .. فأنت تعلم أن ليس هناك بلدا أحن علينا من مصر فهي الأم مهما قست علينا .. قسوة أم في غير كره لأبنائها وحتى إذا كنت تظن أنك أخذت منها ما يشبعك من ذكريات تكفيك في الغربة أو حتى في الهجرة ... فلا تحجر على رأي " نور " بانك تعرف الصالح له .. فمن حقه أن يعيش في مصر التي يحمل جنسيتها فلا تنزعها منه بقرار ربما يسألك هو عليه لاحقا .. أكيد في ناس خدت قرار الهجرة و أعرف ناس نفسها في الهجرة .. و أكيد في ناس ناجحة الحمد لله بعد الهجرة لكني لا أميل لقرار الهجرة .. ليس عن ضعف في اتخاذ القرار و لا الطموح و لا الأحلام ... ولكنها جذور ترتبط بالأرض و بالناس و بالجماد و ذكريات و خفة دم شعب بيقول نكت حتى في ثورته .. طيبة قلوب ينخدع فيها البعض فيظنها جهلا .. مش هقولك أنا بحب مصر أنا هقولك أنا عرفت متأخر إن مصر كانت دايما بتحبني رأي واحد متغرب

قالوا مصر ليبرالية قلنا إيه الكلمة دية؟ قالوا وطنية قالوا حرية قلنا ماشي استنوا شوية قالوا احنا الأغلبية قلنا نشوف المصراوية في الصناديق مفاجأة قوية الشعب اختارها إسلامية قالوا جهلة و عربجية قلة وعي و عصبجية بقى معقول المصراوية يختاروها إسلامية؟ سلمولى على الحرية بقى دى هى الليبرالية؟

اليوم السابع هيثم عبد الحميد الثلاثاء، 6 ديسمبر 2011 - 22:01 تابعت فى الفترة الأخيرة أكثر من حوار فى برامج متعددة على الفضائيات المصرية مع الشيخ الدكتور حازم صلاح أبو إسماعيل، المرشح المحتمل للرئاسة، والحقيقة أننى كنت أشعر أنها ليست حوارات بمعناها المعتاد، ولكنها أشبه بتحقيق يتقمص فيه مقدم البرنامج دور وكيل النيابة، بينما يكون الضيف محل اتهام دائم.. هذا التناول هو جزء نستطيع أن نسقطه على المشهد الإعلامى العام، باعتبار أبو إسماعيل أحد المنتمين البارزين للتيار الإسلامى. فالطريقة التى كانت تدار بها هذه الحوارات تدل على أزمة حقيقية- أو مفتعلة - لدى النخبة وقطاع عريض يطغى على الإعلام فى فهم التيار الإسلامى.. ففى حين كان أبو إسماعيل يتحدث عن مشروعات كبرى تتعلق بالقطاع السياحى، تجتذب استثمارات أجنبية تزيد من دخل السياحة إلى ثمانية أضعاف، كان مضيفوه يحدثونه عن البكينى باعتبار أن مصر لن تقوم لها قائمة من دونه.. وفى حين حاول الرجل توضيح رؤيته عن اقتصاد يعتمد مبادئ إسلامية غير ربوية ومشروعات تنموية حقيقية متحدثاً عن اتحاد البنوك الإسلامية الذى جذب دولا أوروبية، حدثوه عن اختلاط الجنسين ومحلات الخمور. أراد الشيخ التحدث عن أهمية إقرار قوانين تمنح القائمين على الأجهزة الرقابية الحماية وتفصلهم فصلا تاما عن مؤسسة الرئاسة، فسألوه عن موقفه من "الحبيبة على الكورنيش".. والغريب أن المداخلات الهاتفية كانت غالبا ما تتفق مع مقدم البرنامج وتهاجم الشيخ، وكأن آراء الأخير ليس لها أى مردود فى الشارع. إن أزمة النخبة والتيارات الأخرى مع الإسلاميين ترتكز على "تسطيح القضايا" ـ المتعمد فى رأيى ـ دون أدنى تقارب مع القضايا الجوهرية، فهم يدركون، كما أدرك الشعب، أن الإسلاميين فى مصر ليسوا "دراويش" ولا مغيبين، ولكنهم سياسيون واقتصاديون يدركون الواقع ومتطلباته.. وأحسب أن سياسة التخويف الإعلامية لا تريد الاقتراب من آراء التيار الإسلامى فى قضايا قد تطمئن الناس.. ولكن واقعيا دائما ما تأتى الهجمات الإعلامية على الإسلاميين بنتائج عكسية، فالشعب لم يتعاط مطلقا مع هذه الاتهامات ولم يصدقها، ولم تكن فى حساباته الآراء الموجهة، والأمثلة لا حصر لها على ذلك، ويكفى هنا أن نقول إن المحاولات المستميتة لتخويف الشعب من الانتخابات نتج عنها مشاركة تاريخية، والدعاية المضادة ضد "الإسلاميين الوحشين"، نتج عنها تقدمهم فى المرحلة الأولى. لقد كان الإسلاميون فى مصر دائما يتواجدون بين الشعب ويعرفون احتياجاته، وهم يدركون أن الجانب الاقتصادى من أهم عناصر النهوض بهذا البلد، وأن القضايا التى يتحدث عنها الإعلام دائما من نوعية الأسئلة التى كانت تعرض على د.أبو إسماعيل تتعلق بقيم المجتمع، وليست قيم الإسلاميين وحدهم، وأولى بهذه الأسئلة أن تعرض على الأزهر، وليس على مرشح محتمل للرئاسة.. وأعتقد أنه من الأجدى لهذا الوطن أن نكف عن التخويف والتخوين والقضايا السطحية، ونبدأ مناقشات موضوعية عن القضايا الجوهرية التى ترقى بالمجتمع المصرى وتنهض بالأمة. الرباط الخاص بي

بعد الاتصال بالدكتور احمد مسئول صندوق رعاية المصريين بالشرقية وتم الافادة انه سيتم تجميع اصوات المصريين بالشرقية يوم الجمعة 9 ديسمبر الساعة التاسعة مساءا من امام مستشفى الدمام المركزى لذا شخصيا افضل بدلا من ارسالها بالدى اتش ال وتلافى اى اسباب للتاخير ان يتم تسليمها الى المندوب فى الموعد المحدد ارجو ابلاغ كل المصريين اللى تعرفهم بالموعد والمكان اللى مايعرفش العنوان يكلمنى على الخاص هاعطيه تليفونى يكلمنى اللى مايعرفش يدخل يطبع استمارة الانتخاب انا نزلتهم هنا لسرعة وسهولة الطباعة فردى قوائم

http://www.youtube.com/watch?v=ALdm3mldD48&feature=related عيناك ليالٍ صيفية ورؤىً وقصائد وردية ورسائل حبٍ هاربةٌ من كتبِ الشوقِ المنسيةْ عيناك ليالٍ صيفية ورؤىً وقصائد وردية عيناك ليالٍ صيفية من أنت زرعت بنقل خطاك الدرب وروداً جوريـة من أنت كالضوء مررت، كخفق العطر، كهزج أغانٍ شعبية ومضيـت شراعـاً يحمـلني كقصيدة شمـس بحرية لـوعـودٍ راحـت ترسمـها أحـلام فتـاة شرقيـة عيناك ليالٍ صيفية ورؤىً وقصائد وردية يا حبيبي عيناك ليالٍ صيفية من أنت وسحـرٌ في عيـنيك يـزفُّ العمـر لأمنية لكـأنك من قمرٍ تـأتي، من نجـمة صـبحٍ ذهبـية من أرضٍ فيها شمس الحـب تعـانق وجـه الحريـة وأنـا في العمـر مسافرة، ومعي عـيناك وأغنية عيناك ليالٍ صيفية ورؤىً وقصائد وردية عيناك ليالٍ صيفية

محزون حبيبي مهموم تصارعه شتى الهموم نبراته يخنقها الغم يشكرني أني أهتم؟! يا لهف قلبي عليه كيف أزيل عنه الهم؟؟ خرج يملأ بالهواء رئتيه دمع ترقرق من عينيه يجري على وجنتيه يمر سريعا على شفتيه يمسحه بكلتا يديه آه لو أني بين يديه لارتشفت تلك الدمعات الغاليات و أمطرت وجهه بالقبلات و دفنت رأسه في صدري و بيمناي مسحت عليه و تلوت من الفرقان آيات و اتجهت لربي بدعوات يارب أزل حزنه يارب جفف دمعه يارب فرّج همه يارب أشرح صدره يارب أسعد قلبه و أمطره بالرحمات ♥ ♥ ♥

رأيي الشخصي .. يضع نفسه تحت تصرف بلده (كما قال بنفسه).. يمكنه ان يكون وجها دوليا لمصر و يساعد بخبراته و لو من موقع المعارضة .. و لن يكون وحده المهم ان يكون هدفنا جميعا ان نتعاون على نهضة بلدنا

صحيح بنحارب عشان اولادنا بس محتسبين اللي بنمر به عند ربنا سبحانه و تعالى ربنا يتقبله منا و يجعله في ميزان حسناتنا ما اقصده ان ما تمر به مصر الآن يعز عليّ ان يحرم احد اولادها من المشاركة الايجابية فيه بالنسبة لهل هنتوحد ام سنظل فرقاء.. فلعل تصريحات الملا توضح للناس اهمية التركيييييييييييييييييييز و التوحد

الشيخ محمد حسان كان في المستشفى بيعمل عملية في القلب بيركب دعامة عشان كدة تأخر في الرسالة دي بس الحمد لله انو خرج بالسلامة و اكلم و شكرا لك

دائما البدايات الخاطئة تنتهي نهايات خاطئة وتحدث التخبط واللغط الذي نعاني منه الأن الأن وبعد إنتخاب البرلمان سندخل في دوامة تشكيل لجنة صياغة الدستور الجديد تم خلق ( خميرة ) جديدة لشق الصف وتعميق الخلاف عضو المجلس العسكري يقول كلاما فيما معناه ( كيف نترك تيار سيطر على البرلمان أن يصيغ دستور الدولة لسنوات قادمة ؟ ) , طيب وهل إمكانية أن يسيطر تيار معين على البرلمان في أي إنتخابات برلمانية في العالم شىء لم يكن معروفا عندما تم وضع خارطة الطريق التي إختارها المجلس العسكري أو شىء مفاجىء لم يحدث سابقا في العالم !! فلماذا تم منذ البداية إختيار هذا الطريق في الإعلان الدستوري وإمكانية أن يسيطر تيار معين على البرلمان سواء ديني أو ليبرالي او علماني عليه واردة ؟؟؟ هل كان الغرض من إختيار هذا الطريق منذ البدايةأن ندخل في الدوامة الحالية ؟؟ الأيام تثبت أن ما جاء في إستفتاء مارس 2011 لم يكن إلا لترويض التيارات الدينية وإخراجها من منظومة ميدان التحرير بعد الثورة مباشرة لضرب الميدان وتفكيكه وهو ما حدث فعلا , وبعد أن حدث هذا وتحقق الهدف وظلت التيارات الدينية منذ نتيجة إستفتاء مارس وحتى اليوم الوسيلة التي تم إستخدامها في تثبيط الثوار وشق صفهم إنتفى الغرض من إستفتاء مارس 2011 وها نحن نرى الأن الإنقلاب عليه بندا وراء الأخر

ماذﺍ ﻳﻘﻮﻝ الشخص لما حبيبته تسيبه وتحب واحد غيره . . . .... ... ... ... ... ... ... ... ... . . ﺍﻻﻣﺮﻳﻜـــــــــــــــﻲ : ﺣﺎﻓﻆ ﻋﻠﻴﻬﺎ ﻓﺄﻧﻬﺎ ﻣﻼك ﺍﻻﺳــــﺒﺎﻧﻲ : ﻫﺬﺍ ﺍﻟﻘﺪﺭ ﻭ ﺃﻧﺎ ﺃﺣﺘﺮمـــ ﺍﻟﻘﺪﺭ ﺍﻟﻔﺮﻧــــــــــــﺴﻲ : ﺃﺭﺟﻮﻙ ﻻﺗﺮﻓﺾ ﻟﻬﺎ ﻃﻠﺐ ﺍﻟﺴــــــــﻮﻳﺴﺮﻱ : ﺃﻧﻬﺎ ﺗﻌﺸﻖ ﻭﻗﺖ ﺍﻟﻐﺮﻭﺏ ﺍﻟﻜـﻨﺪﻱ : ﺃﻧﻬﺎ ﺗﻌﺸق السفر و تحزن بسرعه . . . . . . ﺍﻟﻤــــــﺼﺮﻯ : ﻛﺎﻧﺖ ﺑﺘﺨﺮﺝ ﻣﻌﺎﻳﺎ ﻛﻞ ﻳﻮم ﻭ ﺩﻯ ﺻﻮﺭﻧﺎ ﻣﻊ ﺑﻌﺾ ﻳﺎ ﻣﻌﻠﻢ و ادى رقم تلفونها كمان انا بس بنورك ...وعلى فكرة انا لو مش بحبك مش هقولك كده

ليه؟ هل مثلا تم تقسيم مصر لجزءين: جزء أدلى المواطنين فيه بأصواتهم، والجزء التاني تم منع المواطنين فيه عن التصويت؟ هل مثلا الدوائر الانتخابية مش شاملة كل محافظات ومدن وقرى مصر؟ هل مثلا النظام الانتخابي بيقول إن اللي بياخد أقل الأصوات هو اللي ينجح؟ هل كان فيه فئة مثلا من الشعب المصري تم منعها عن التصويت؟ ليه البرلمان المقبل لن يكون ممثلا لجميع فئات الشعب المصري؟ مش دي الانتخابات اللي انتوا بنفسكوا يا مجلس يا عسكري حميتوها وتغنيتوا بنزاهتها؟ لو مفيش فئة تم منعها من التصويت، وكانت الانتخابات نزيهة، وكانت الدوائر الانتخابية موزعة على كل أنحاء مصر، يبقى البرلمان المقبل غصب عننا كلنا هيكون ممثل لجميع فئات الشعب المصري. لأن الفئات دي كلها أدليت بأصواتها بأعداد غير مسبوقة، واختاروا المرشحين اللي نجحوا. يبقى النواب دول بيمثلوا جميع فئات الشعب المصري. لكن لو كان قصدك يا ملا إن البرلمان هيكون فيه تيار واحد مثلا مستأثر بالأغلبية، فيبقى ببساطة دي رغبة فئات الشعب المصري، هم عايزين التيار ده، انت مالك؟ وبعدين طبقًا للاعلان الدستوري بتاعكم إنتم يا ملا، البرلمان ليه مجلسين: الشعب والشورى. واحنا لسه بنقول يا هادي في انتخابات مجلس الشعب، يعني لسه نتيجة المرحلة الأولى ظاهرة. يبقى إزاي بتحكم على البرلمان "المقبل" إنه لن يكون ممثلا لجميع فئات الشعب المصري؟ ما تصبر شوية يمكن يطلع ممثل. إلا إذا كنت بقى عارف حاجة احنا مش عارفنها. يعني مثلا فيه مشاكل في العملية الانتخابية وانت عارفها وبناء عليها بتحكم على نتائج انتخابات مستقبلية. ولو كان البرلمان فعلاً غير ممثل لجميع فئات الشعب المصري، فهذا معناه وجود عيوب جسيمة في العملية الانتخابية (اللي أفرزت برلمان غير ممثل لجميع الفئات) اللي انتم أنفسكم أدرتموها. فهل حاسبتوا نفسكوا على التقصير الجسيم ده واللي تسبب في برلمان غير ممثل لجميع الفئات، وبالتالي يحتاج الوصاية على قراراته؟ ولو افترضنا يا ملا إن البرلمان غير ممثل لجميع فئات الشعب المصري، وبالتالي هيحتاج وصاية على قراراته. مش المفروض يكون للواصي شعبية تفوق شعبية البرلمان القاصر ده؟ يعني ماتجيش تقول إنه لازم توافق الحكومة على جمعية كتابة الدستور اللي هيختارها البرلمان. هي الحكومة ممثلة لجميع فئات الشعب المصري وبالتالي هتكون مؤهلة للوصاية على ما يقرره البرلمان؟! أو الحكومة أكثر تمثيلاً للشعب المصري من البرلمان اللي اختاره الشعب (لكنه غير ممثل لجميع فئاته)؟ الإجابة: لأ. الحكومة لم يخترها الشعب، لكن البرلمان اختاره الشعب، حتى لو لم يكن ممثلاً لجميع فئات الشعب. ففي كل الأحوال هو الأكثر تمثيلاً للشعب المصري من الحكومة ومن مجلسكم العسكري. الظاهر المجلس العسكري لما قرر يعمل انتخابات ماكانش فاهم يعني ايه انتخابات. ولما النتائج بدأت في الظهور، حس إنه "غرز" ومش عارف يعمل ايه. أتمنى الناس دي تعقل وماتضيعش مصر.

بعد نتيجة الانتخابات فى مرحلتها الاولى .. نستطيع ان نقول مبدئيا ان البرادعى ((مش ح يشمها)) قصدى يعنى حلم رئاسة مصر بعيد عنه تماما .. الا اذا تخطى الصندوق وتم فرضه فرضا .. او لو حصل رابع المستحيلات .. وقام باحتواء الاسلاميين((اخوان وسلف)) .. او قاموا هم باحتواءه .. انا بقول ليه كده ؟ .. لانى بصراحه لو مكان البرادعى .. وشايف نتيجة الصندوق من جهه .. وحملات التشكيك من جهه أخرى .. وفى نفس الوقت انا نيتى الاصلاح وليس طمعا فى السلطه .. حاخدها من قاصرها وانسحب من المشهد السياسى .. لانها مش معركه لازم انتصر فيها .. يعنى شعب أنتمى له .. و أكن له كل خير..وأرى فى نفسى القدرة السياسيه لقيادته لبر الامان.. ومع ذلك أغلبه مش عايزنى رئيس .. خلاص بقى .. حفظا لماء وجهى ..ولسمعتى .. ولراحتى النفسيه والبدنيه.. أنسحب انسحاب الفارس النبيل((((حتى تُطلب منى السلطة طلباً . ولا اسعى اليها))

أختلف معك يا أستاذ محمد فيما يتعلق بوصفك لقناة الناس وضيوفها بأنهم ظلاميين وانغلاقيين ، بل إني أراها قناة ناجحة ومنفتحة ، ويشهد لذلك الشعبية الكبيرة للقناة داخل مصر وخارجها . وهي بلا شك أكثر موضوعية وأمانة من معظم القنوات الليبرالية التي لا شغل لها إلا الكذب والتدليس السافر والإقصاء لكل من يخالفها في المنهج . بخصوص ضيوف القناة فإن فيهم الملتحي وفيهم غير ذلك ، وإن أردت نماذج لذلك فيمكنني إدراج بعض منها . كان هذا تعقيباً على مقدمة موضوع حضرتك .

بدون اي داعي نجيب نازل تريقه ع الشعب المصري ! هو ساعات بتجيله شعرة هبل كده ويورط نفسه ويورط شركاته في خساير ويرجع يعتذر ويلطم بعد كده ! للحياديه انا حطيت الفيديو هنا عشان زي ما بنلاقي هرتله من الاسلاميين ونجري نحطها آدي كمان ليبرالي اتهبل على كبر http://www.youtube.com/watch?v=LLgE5HiwHd4

أستاذ تامر حسن محمد الفيديو الذي أدرجته ليس له علاقة بهذا الموضوع. الموضوع في الأصل موضوع خفيف عن ناس لم تطلق لحاه تدينا او عدلا أو لأي من الأسباب الإنسانية. مش عارف ليه الناس متخيلة ان شعر اللحية لاينمو إلا عند المسلمين والكلام عن اللحية يعني التوجه للملتحين المسلمين.

انقاذ السياحيه الحقيقى ..فى الامتناع عن عمل اى مليونيه اصلا . قصدى ان القلاقل والمظاهرات والاعتصامات .. وما قد يشوبها من اضطرابات .. بتخوف السائح انه يجى البلد .. خاصة لما وسائل الاعلام بتهول الاوضاع فى مصر .. الاستقرااااااااااااااااااااااااااااااااااااااااار .. وتحسن الوضع الامنى ..هو السبيل الافضل لانقاذ السياحه

كلامه يدل على جهل جهول لإن الموضوع نسبة وتناسب ناخد 1000 يطلع منهم 900 لبناني ؟ ده فين ده إن شاء الله في لبنان اللي عاصمتها بيروت ؟ أعتقد إن الساويرس ده راح لبنان ولم يخرج من الفندق أو المطعم اللي على البحر ... لأن لبنان نسبة الفقر فيها عالية جداً ... وهما شارعين تلاتة بالكتير اللي متسفلتين والباقي متدمر من أي الحرب .. ناهيك عن إن اغلبية البلد أرياف .... ومش هاتكلم عن الفقر والدمار اللي في الجنوب كله يعني عشان شوفت 5 أو 6 بني أدمين مستحميين يبقى البلد كلها كده ؟ وإذا كان البيه بيعايرينا بنسبة الفقر والفول .... فإن شاء الله المليارات دي عملها منين ؟ مش من الشعب بتاع الفول برضوا ؟ وما صرفلوش قد 100 مليون جنية ليه على تعليم الناس الغلابة دول كجزء من رد الجميل ولا هي هات بس ما فيش خد ؟

فيه طريقه م الآخر مجربه ومفعولها اكيد ! فين ياض الخماشر جنيه اللي عليك !!! :happy: http://www.youtube.com/watch?v=9y2CI9yH9G8

عنبوووووووووووووووو اهلا يا باشا فينك مختفي من مدة مش بتشارك بس شرقاوي شرقاوي يعني ;) دي طبيعة كل الشراقوة على فكرة يدوك عينيهم بمزاجهم بس اللي يحاول يستغلهم يخرموا له عينه smk: اهلا ب بيرو بلدياتى انا موجود من بعيد لبعيد كل شويه بدخل اطل طله على المحاورات واطلع تانى خلاص راحت ايام الهنا ايام مكان الواحد بيروح المكتب يقعد ساعتين يفوق كده ما بين يتصفح المواقع والايميلات ويشرب النسكافيه بتاعه ولكن دلوقتى النسكافيه فى العربيه وفى الغالب بيكون اخره انه يترمى فى الزباله بسبب تفاعل الاشعه فوق شمسيه معاه

متابعه لأخر غزوات شرطتنا وجيشنا المظفر ...نفسى افهم ناقص ايه غير كده يعنى قعدوا يعايرونا بليبيا وسوريا وما حدث فى مصر مقارب لما حدث فى كلا البلدين الله ينتقم منك يا مبارك يارب وينتقم من كل مبارك فى كل مكان فى مصر http://www.youtube.com/watch?v=4NwJwIiPjqcتحديث للمعلومات من لقاء ريم ماجد فى بلدنا بالمصرى

منقـــــول من مدونة غربال --------------------- شهادة ضحايا الغاز في محمد محمود http://www.youtube.com/watch?v=7kcXoZZNuBs&feature=player_embedded الغاز هذه المرة يتسبب في إرتفاع درجة الحرارة إلى أربعين درجة مئوية , و إعياء شديد , و التهابات كيماوية في الغشية المخاطية http://www.youtube.com/watch?v=hsiNcVPI4Mo&feature=player_embedded تكلم الدكتور أحمد فاروق عن الأيام السابقة ليوم 23 نوفمبر . و عن غاز له رائحة مميزة شبيهة بالمستردة تم استخدامه في يوم 23 و الأيام السابقة له الدقيقة : 1:40 و الدقيقة 2:50 و يتحدث عن حالات وفيات كثيرة بسبب الغازات . الدقيقة 3:40 بسبب تقلصات شديدة و قيء ------------------------- تعليقي ما هو لغز محمد محمود ، انواع الغاز المستخدمة كانت متعددة منها ما يسبب تشنجات وتقلص للعضلات ومنها ما يسبب القئ ومنا ما يسبب ارتفاع درجة حرارة الجسم لأربعين ومنها ما كا يسبب حروق من الدرجة الولى ومنها ما كان يسبب حروق من الدرجة الثانية .... ماذا كان يدور في شارع محمد محمود ومن له المقدرة على امتلاك كل تلك الأنواع من الغازات التى منها ما يصنف على أنه غازات حروب كيماوية بسبب التأثير على المتعرض لها .... لغز غريب لا يملك حله غير الجالسين على كرسي السلطة في مصر الآن وربما قليل من البحث يوصولنا لما حدث ، الأهم من ذلك ان من وقف في محمد محمود هو بطل بكل معاني الكلمة لأنه خاض حرباً وليس قوات مكافحة شغب والعجب أنه لم يكن يملك أسلحة ، وربما تسجل هذه مستقبلا كعلامة سوداء في رداء احدهم وربما يحاكم دولياً بسببها للعلم منظمة العفو الدولية قالت ان أمريكا صدرت الى مصر 38 طن من غازات مكافحة الشغب بعد احداث يناير ولحديث الألم بقية

كلام خطير جدا ويستحق النشر المجلس العسكري لا يمكن أبدا أن يأمن جانبه أي قوة سياسية ستأمن مكره سيكون بداية النهاية لها يمكن لكل القوة السياسية أن تختلف فيما بينها وسنقبل منها ذلك ولكن على الجميع أن يتفقوا على إنهاء حكم العسكر دون أي إمتياز لهم في الدستور في أقرب وقت هل ممكن يكون هذا الكلام ميثاق شرف بين الجميع على الأقل هنا في المحاورات ، نختلف في سبل مواجهة العسكر نعم ، ولكن نتفق جميعا على سرعة إخلائهم لكرسي الحكم في مصر .. ممكن ؟؟ تحياتي...

حبيبى عصام اختلف معك الاسبوع الماضى حينما تقابلنا وتحدثنا كثيرا فى هذا الموضوع وكنا متفقين تماما الاحداث التى حدثت فى خلال هذا الاسبوع غيرت وجهة نظرى بنسبة 180 درجة للاسف يا عصام واضح ان هناك لعبة كبيرة وايادى خفية وشياطين بتلعب وبتخطط لاقتياد مصر الى النموذج الجزائرى او السورى وسيكون على الشعب الاختيار بين النموذجين الاصطدام قادم وبقوة بين البرلمان والمجلس العسكرى الذى لن يسمح للبرلمان باختيار لجنة وضع الدستور المجلس لن يسمح للبرلمان باسقاط الحكومة واختيار رئيس الوزراء من الحزب الفائز القصة بقى هل سيستمر انقسام الشعب زى ماهو حاصل الان هل ستستمر الاعتصامات فى ميدان التحرير ؟ هل سيستمر الليبراليون فى مهاجمة الاسلامييين والعكس ؟ ام سيتحد الشعب خلف الشرعية الوحيدة الموجودة الان وهى شرعية البرلمان والانتخابات ؟ وان يرضى الجميع بحكم الصندوق هذه هى القوى الوحيدة التى تجبر المجلس العسكرى على ترك السلطة طواعية وهى اتحاد كل الشعب خلف سلطة شرعية

علشان محدش يزعل ونوقف المشادات ونعمل صلح الشعب اللي اختار الاخوان فى انتخاباتة لن يرضى عن اختيار البرادعى للرئاسة لاسباب كثيرة البرادعى حرقة الجيش وسيحرق فى الشهور القادمة لاننا لن يحكمنا من هم على الساحة المطلوب اثباتة اختزال الانتخابات فى مجلس شعب ومن ثم تحدث المشاكل وبعدها يتم تعيين رئيس من العسكر لحين الهدوء فيتم بذل المجهود وانتشار الرخاء الشكلى بمصر فيرتاح الناس عدة اشهر ومن ثم ينزل نفس الرئيس فى انتخابات فيختارة المصريين كما اختارو السلفيين والاخوان لاننا مصريين ونحب اللي عمل شغل كويس مصر لن يحكمها الا العسكر ولو بتغيير البدلة ولبس روب مش مهم المهم ادارة الدول العظمى تكون راضية بمعنى هناكل كويس ونشرب كويس لكن نصنع لأ ممكن نزرع الاكل بتاعنا لكن لن نصنع سلاح او نكون رقم فى التصنيع لو حاولنا سيتم اجهاض جميع المحاولات الثمن باهظ اذا كنا نريد ان نكون هكذا ولن ينفعنا شخصيات محروقة مثل البرادعى او أي ممثل حاليآ فيما يظهرون علينا المهم الشعب لازم يدفع الثمن والثمن لن يكون كام شهيد ومقاومة شرطة الثمن حرب كبيرة فى الطريق او اختيار الثانى وهو عسكرى

بردوا يعني مافيش فايدة انا كده بأه باقع في زباين طيبة مره بتاع السمك اللي بتعامل معاه طلب مني شغل المهم بعت الناس عملوله الشغل واستني يحاسبني ابدا اعدي من ادامه واسلم عليه مافيش فايدة اطلب منه سمك واعزم عليه بالحساب الاقيه بيقبل الحساب انو مرة يقولي حسابنا ايه مايحصلش قلت برادة ببرادة كان عندي عزومة كبيرة وعزومة رمضان عندي كأنها مائدة الرحمن قمت داخل المحل وحول حول وعبي ده شوي وده قلي وده طاجن واشي سبيط واشي جمبري واديلو وبالزيادة ماشي والزيادة تتشال في الديب المهم اخذت الحاجة وبنفس اسلوبه قلت له هاجيلك بعدين بعدين مستعجل عندي عزومة المهم مابقيتش اعدي من ادامه خالص لغاية ما حسيت اني انا اللي ببرد عليه قلت كفاية كده ورحتله وحاسبته طلع له فلوس رحت عاطيتلو باقي الحساب ووقت التعامل معاه من ناحيتي وكل ما يطلب مني حاجة اعتذر بصنعة لطافة لكن سمكه حكاية بصراحة وماوقفتش تاعملي انا معاه وكل ما يقابلني يقولي انت مش عايز تتعامل معايا عشان موضوع الشغل اللي كان بنا وكنت مطنش على باقي الحساب

هي اللي بتوثق علاقتها بيا لما شافتني مصرة تاخد حقها بالريال :closedeyes: ظريفة حكاية المراحل و تصدير المحاسب للعملاء bv:-

شكرا لحضرتك يا مدام عبير أن نختلف فهذا طبيعي . ولكن تبقى الأخوة و الإحترام. و كلنا يريد مصلحة وطنه في النهاية. فهدفنا في النهاية واحد وان اختلفت نظرتنا للأمور. تحياتى لك .

يا رجال البرلمان العين عليكم من زمان بيقولوا علينا اخترناكم جهل و قلة وعي كمان شدوا حيلكم فرجوهم مين الأحسن في الميدان شغلك دايما هو الفيصل يتحطلكم في الميزان مصر بلدنا مستنية منكم أفضل الأيام لا ليبرالى و لاعلمانى العهد القادم للإخوان

حلو ان الواحد يبقى من أصحاب اليد العليا بس انك تاخد حقك ما يخليكش من اصحاب اليد السفلى :blink: زي ما قلنا المجاملات و الكرم ملوش علاقة انك تاخد حقك كمان في نقطة مهمة هي الاستغلال يعني مثلا ممكن اشتري اكل ب 500 جنيه و اتغاظ لو باقي 2 جنيه و ما رجعوليش ادي بمزاجي بس محدش يستغلني :protest:

ردا على اللي بيقولولي انت غيرت موقفك ليه وبقيت اخوانجي دفاعي عن حق الشعب المصري في اختيار من يمثله لا يعني دفاعي عن التيار الاسلامي وخذلانه للشباب 19 نوفمبر والاربع ايام اللي بعديها لما كانت الداخليه بكل سفاله بتدبح في الشباب وهما قاعدين بيتفرجوا وساكتين عشان الانتخابات دي لسه ليها وقفه و حسابها حيكون بعدين لما نخلص م العسكر

عشان ابقى حقانية بصراحة كلامة عن الاقتصاد الحقيقي عاجبني جدا ودا فديو عن الكلام دا في فرنسا http://www.youtube.com/watch?v=1vdyKjUvkMg&feature=player_embedded ودا موضوع عن الكلام دا هنا في المنتدى http://www.egyptiantalks.org/invb/index.php?showtopic=129960 للعضو الفاضل ابراهيم عبد العزيز لكني اشعر ان حازم صلاح ابو اسماعيل ضعيف الشخصية لذا ارى ان يكون مستشارا و ليس في منصب تنفيذي و في النهاية هذا مجرد رأي و الكلمة الاخيرة للصندوق و شكرا

فعلا شىء مثير للغثيان أن كل إعلامي يستضيف الأستاذ حازم أبو إسماعيل لا يعطي للرجل فرصة للحديث عن برنامجه المتكامل للإقتصاد وللمجتمع وللسياسية الخارجية ويحصره دائما في زاوية ( البكيني والخمور والقمار وملابس المرأة ولقاء الشاب مع البنت على الكورنيش وووو إلخ ) أعجبني جدا كلمة قالها حازم أبو إسماعيل بتأثر شديد ( معقولة إحنا بندافع أوي كدا ومهتمين بالبكيني والدعارة والربا بطريقة تعطي للمراقب في الخارج أن مصر غارقة في هذه الامور ونترك المشكلات الضخمة اللي عندنا ؟؟ ) هو نهج مقصود أخي العزيز تامر وليس عفويا في كل البرامج إلا من رحم ربي وقليلا ما هم , وذلك حتى لا يعطوا فرصة للرجل أن يعرض برنامجه مخافة أن يؤثر على الناس ويجذبهم ومن ثم يبطل حملات التشويه ضده التي تهدف لإظهاره في مظهر رجل الدين (الدرويش) الذي لا يصلح كرجل دولة .

إيه ده يا أستاذ إسلام؟ ليه بتحور في الكلام؟ وتخرجنا من الموضوع وتدخلنا في الممنوع إيه جاب سيرة حليم؟ الله يرحمه قول آمين احنا كلامنا عالاخوان فازوا بكل البرلمان والليبرالى يا خويا مفقوع من تصويت الشعب كمان ياللا ادخل في الموضوع بلاش دوران بلاش زوغان

علي جدران الحياة أنحت حياة وبالفرشاة والحلم أرسم لوحاتي خيالاتي حد لمعاناتي اراقص الحلم أطرب لوقع خطواتي أنا عاشق حر وفي حريتي أختلق حركاتي علي جدران الحياة أرسم الأميرات وأمنح مرسوم ملكي لذاتي عش حر ا كن طيرا كن شتاءا كن صيفا كن انت كما تريد هذا انا وتلك ببساطة حياتي أنسج من الخيال قصرا أجول في كل الغرف الملكية في الخارج المهمومين بقضايا العشق ينشدون حروب أهلية لا أريد الخروج لخيالي لا قدرة لي علي مواجهة حماقاتي أرسم علي جدران الحياة أميرة وصغيرة باريسية وعربية لامعة وغجرية كل ليلة أرسم امرأة تكون مولاتي علي جدران الحياة أرسمني أقوي من ذاتي أرسمني فارس او نبيل أرسمني أبن الغرب أو النيل انا في الخيال تحلو أوقاتي لا أخرج منه ابدا للواقع فالواقع دوما فوق قدراتي

ما هي دي المشكلة ان الاخوان فجأة بقوا ليسوا من الثوار و كذلك ملايين الناس اللي شاركوا في ثورة يناير و بعد ذهاب مبارك رجعوا لبيوتهم منتظرين وعود المجلس العسكري حضرتك لغيتي ملايين و اعتبرتيهم ليسوا من الثوار لعدم مشاركتهم في 19 نوفمبر و بعدين أنا شخصيا معتبرة نفسي من ثوار يناير صحيح من على النت (و ربنا عالم بأكثر من ده كمان) و توبيك الثورة يشهد على كلامي ده فهل لكوني اخترت الاخوان يبقى بقيت مش تبع الثورة؟ فهل كان يجب انزل مصر لأبحث عن حقي في تورتة الثورة و كل واحد يشوف شارك بقد ايه و ياخد؟ هل شاركنا في الثورة لنأخذ نصيبنا بعد كده منها أم ليأخذ الشعب كله حريته سواء شارك ام لا؟

الفاضل أسامة .... أدبي يمنعني إلا أن أقول الفاضل مشاركتك السابقة مثال " للجليطة " و لا يسعفني قاموسي اللغوي بصفة أكثر حدة يقولون "الملافظ سعد" و إعلم أنك لا تمثل المسلمين و لا تمثل حتى عينة شبه سليمة لأعضاء محاورات المصريين . الفاضل سكوربيون إسمحلي أن أحتج على مشاركتك اللينة و أنت عضو قديم فى فريق التنسيق و الإشراف ... ياسيدي كنت أتوقع أو أتمنى أن يكون ردك " بل باقون ياسيدي باقون ما بقى النيل يجري في أرض مصر ...." و أذكر السيد أسامة بقول الله تعالى لرسوله صلى الله عليه و سلم "و لو كنت فظا غليظ القلب لإنفضوا من حولك" الفاضل جوناثان و الفاضل سكوربيون المسلم الفظ غليظ القلب لا يمثل جمهور المسلمين أو حتى جمهور المصريين إنما هو شخص فرد "ضيق الأفق" لم يقرأ قوله تعالى " و لو كنت فظا غليظ القلب لإنفضوا من حولك" ..... و عليكم أنتم - أقصد الأقباط - مسئولية تجاه الوطن هنا فى محاورات المصريين لا يكفي أن تكون مسالما ... الفاضل سكوربيون ليتك تواصل إيجابيتك و تعود لإستكمال موضعاتك التى بدأتها بعنوان أخي المسلم.

أين تذهبين؟ تعالي إلى هنا كفاكِ ابتعاد كفاكِ عناد أنا و أنتِ خلقنا لبعضنا يا توأم الروحِ متى تبوحي بأنك غيري ما عشقتِ و غير حبي ما عرفتِ كفاكِ خوف و قلق ارحمي عينيك من سهد و أرق أقسم بحبكِ لن أكون لغيرك أتفهمين؟ ♥أحبـــــ♥ــــكِ♥

انا خلاني اكتب احساس ان الوضع خطير حساس ناس مندفعة بكل حماس غاز وحريق اصابات ورصاص ناس بتموت وشباب ينداس رسموا الخطة علينا خلاص شرطة فلول امن وحراس فوقوا وشوفوا الفخ يا ناس وقفوا فترة الاعتصامات مش وقت نزول في مظاهرات واذا كان حد اتصاب او مات دمه ده عمره ما ضاع ولا فات حقه حناخده واي اهات بكرة حتصبح ابتسامات نقل السلطة فاضل له ساعات والقهوة حتصبح شربات قوموا معايا شباب وبنات يللا نروح ع الانتخابات روحوا رشحوا عمال وفئات واحرسوا لجنتكم بثبات لو ميت بلطجي احنا مئات لو ميت عدو احنا اخوات ده واجبنا عشان مصر الغالية اللي سقتنا بنيلها فرات

لا بيحصل و كتير كمان و فى برامج كتير اجنبيه مختصه بتسليط الضوء على الناس الى حصلهم الظواهر دى لكن هما مش بيسموها جن و تلبيس لان الديانه المسيحيه مفيهاش ذكر للجن بخلاف الديانه الاسلاميه فبيسموها هجوم من ارواح شريره او استحواذ من قبل روح شريره او بيتوقوا عند فكره انها ظواهر ميتافيزيقيه مجهوله التفسير

سبحان الله يا أستاذ محمد .. بدأت الكلام بقولك (( أنقل إليكم أكثر ما قيل في اللحية )) فتوقعت منك أن تنقل لنا أحاديث صحيحة لرسول لله صلى الله عليه وسلم .. فإذا بك تنقل لنا كلاما لتقى الدين و النخعى و الأحنف .. وغيرهم... من هؤلاء في ميزان النبوة يا أستاذى الكريم ؟؟ سبحان الله .. أتيت فقط من سنته أن لحيته كانت قليلة الشيب في سطر واحد.!!!! أين باقي السنة الصحيحة يا أخا الاسلام ؟؟ اللحية ثابته عن النبي صلى الله عليه وسلم و ثبت عنه أنه يأمر بإعفائها وإكرامها وإرخائها، وكان - عليه الصلاة والسلام- كث اللحية، وترى لحيته من خلفه، وتعرف قراءته باضطراب لحيته. كان عظيم اللحية و لكنه كان يعنى بها و بتهذيبها و ذكر أنها من سنن الفطرة .. فلم أراك الآن تسخر منها بهذا الشكل ؟؟وحتى وإن كان الكلام منقولا فنقلك له يعنى موافقتك الضمنية لمحتواه..