لوحة القادة

التايم: الإسلاميون أثبتوا أنهم يفهمون الديمقراطية أفضل من الليبراليين الإثنين، 12 ديسمبر 2011 - 12:16 رفضت مجلة "التايم" الأمريكية تفسير فوز الإسلاميين فى الانتخابات التى شهدتها ثلاث دول عربية مؤخرا على أنه يعود إلى تنظيمهم على مدار سنيين، فى الوقت الذى لم يكن هناك متسع من الوقت أمام الليبراليين لتنظيم أنفسهم. وقالت المجلة إن الدليل على خطأ هذا الرأى هو تحقيق السلفيين لمكاسب مفاجئة فى الانتخابات البرلمانية فى مصر حتى الآن، على الرغم من أنهم حديثو العهد بالسياسة أيضا. كما استبعدت الصحيفة أن يكون السر فى نجاح الإسلاميين هو قدرتهم على خداع الجماهير، لأن هذا الرأى يعنى أن غالبية الناخبين من الحمقى السذج، وهو ما يفسر أسباب تحقيق الليبراليين لنتائج سيئة جدا حيث يعكس موقفهم تجاه ناخبيهم. وتعتقد التايم أن الانتخابات أظهرت أن الإسلاميين يفهمون الديمقراطية بشكل أفضل بكثير من الليبراليين، فحزب النهضة فى تونس والحرية والعدالة فى مصر ليسا فقط أفضل تنظيما لكنهما أكثر ذكاء ويقومان بحملات انتخابية قوية. فالإسلاميون توقعوا أن يزعم البعض أنهم يريدون إنشاء نظام حكم دينى، فقاموا بالتحالف مع بعض الأحزاب العلمانية واليسارية وأعلنوا فى وقت مبكر للغاية أنهم لن يسعوا إلى طرح مرشح للرئاسة فى مصر. ومثلهم مثل الساسة الأذكياء فى كل مكان، لعبوا على نقاط القوة الخاصة بهم واستفادوا من دورهم فى تقديم الخدمات الاجتماعية على مدار سنوات، كما أنهم استغلوا تدينهم لطمأنة الناخبين بأنهم سيقدمون حكومة نظيفة وهو أمر ليس بالهين بالنسبة لشعب عانى من عقود من الفساد.. وحتى السلفيون المتشددون استفادوا من تصور الناخبين أنهم صادقون. وتتابع المجلة الأمريكية متسائلة: بعد أن أظهر الإسلاميون براعتهم فى الفوز بالانتخابات، فهل سيثبتون الآن أنهم ديمقراطيون. وتجيب قائلة إن هناك ما يدعو إلى الأمل فى هذا الشأن وهو أن الحرية والعدالة فى مصر ومعه حزب النهضة فى تونس بدوا تصالحين أكثر من كونهم فائزين، فسعوا إلى توسيع التحالفات وجلب المزيد من الليبراليين فى ظلهم. ويقول المعارضون أن هذا الأمر ينظوى على خدعة، إلا أن المصريين والتونسيين أمنوا على ديمقراطيتهم بعدم إعطاء الإسلاميين الأغلبية المطلقة. وختمت المجلة تقريرها بالقول إن نجاح الليبراليين فيما بعد يتطلب منهم أن يلعبوا دوراً بناء فى المعارضة البرلمانية بدلا من تقويض الانتخابات بالعودة إلى الاحتجاجات فى الشارع، وعليهم أن يستعدوا لانتخابات متوقعة فى 2012 و2013، ولا يزال لديهم وقتا ليتعلموا أن يكون ديمقراطيين بشكل أفضل مثل الإسلاميين. المصدر

إحتساب أي عمل نقوم به لوجه الله أعمال المنزل من تحضير طعام وتنظيف و... الإعتناء بالأبناء مساعدتهم في الإستذكار والصبر علي دوشتهم وإطعامهم و.... حتي أخذ قسط من الراحة والنوم حتي نتمكن من مواصلة القيام بما علينا من عبادات وأعمال و رعاية أطفالنا و.... حتي الكتابة في هذا المنتدي ، نحتسب كل ما نكتب لوجه الله لن نتكلف شىء غير استحضار النية فقط قبل أي شئ نقوم به أسأل الله أن يتقبل منا جميعا صالح الأعمال ..... آمين جزاك الله خير يا لونا علي الموضوع الجميل

كنت لا أؤمن بنظرية المؤامرة وأحاول دائما أن أفكر بطريقة تجنب أي احتمالات لها ولكني في هذا التوقيت أستغرب من ما يحدث وأجد صعوبة في تنحية هذه النظرية ما أقصده هل التوقيت والظرف يسمح لنا في الدخول في جدل متواصل واستعداء بين القوي السياسية المختلفة وبالتبعية أنصار كل فصيل فينقسم الشعب الي فصائل متناحرة أخشي أن أقول أن الجنازة حارة والميت برلمان بدون صلاحيات يذكرني هذا الموقف باثنين من الطلاب يستعدون لأداء أهم امتحان في تحديد مستقبلهم ويكاد يبدأ الامتحان وهم في جدل حاد عن كيف ومتي يذهبون لهذا الامتحان ويبدو أن الامتحان علي وشك الانتهاء وما زال الجدل قائما هل نذهب مشيا أم بالتوك توك

بالفعل اتمنى معك اخي ابراهيم ان نتخلص من مرحلة التربص والاغاظة وان نقف جميعا خلف مرشح رئاسي واحد وطني ونلتف حوله ونؤزاره واتوقع ان هذا سيحدث من شعب مصر الواعي بصرف النظر عن انتماؤه الفكري اي مرشح مخلص لبلده يضع مشاكل مصر الاقتصادية منزاهم اولوياته لان عن طريق اقتصاد قوي يستطيع حل مشاكل التعليم والصحة والفقر اي مرشح حتى لو كان توفيق عكاشة

السلام عليكم و رحمة الله و بركاته الحقيقة يا عبير فكرتيني لما كنا في توبيك لاستاذ عصام ابو الفتح "بطاقة عقلية" و سالنا كم تعول و ساعتها انا سالته يعني ايه تعول؟؟؟ السؤال مكنشي من باب اللماضة...(ها مين بينادي....ياحلولي..بقيت انادي عليا) السؤال من باب ان اوقات بنبرمج حياتنا علي مفهوم معين...بس بعد فترة من الوقت بنلاقي ان تصرفاتنا مش ماشية مع المفهوم دوت خالص من ضمن المفاهيم ديت هي رعاية الاسرة و هنا لازم تحضرني الجملة الفزيعة بتاعت احمد ماهر و هو لابس حتة موكيت علي ام راسه و بيقول...الراجل مش بس بكلمته...الراجل برعايته لبيته و اسرته و محدش نط في كرش التلفزيون و قاله يا ريس يعني ايه رعايته لاسرته...طب بلاش يا ريس انزل عيش مع الناس و اتفرج علي احوال الاسر وصلت لغاية فين و عشان كده اللي هكتبه هنا هو تصوري الشخصي لمشوار حياة...اتنين اتفقوا عليه و اتفقوا انهم يكملوا صح باذن الله بتهمني الرعاية الانسانية في المقام الاول طالما بنتكلم عن بني ادمين يبقي بنتكلم عن روح...و احساس و انسان عنده قيم و عنده اتجاهات و عنده رؤية للحياة رعاية الاسرة يعني انك تديني ارض طيبة اقدر اكبر فيها و تكبر معايا روحي و مبادئي و قيمي من غير ما احس اني في حالة صراع او حالة شد و جذب او حالة من الجدل اللي يثير الغثيان رعاية الاسرة هي التواجد....مش بالجسد...بقدر ما هو التواجد بمعني الحماية...يعني دايما فيه كتف تقدري تبكي عليه او ترمي عليه حملك و الكتف مش لازم يكون جنبك...بس تبقي عارفة انك منين ماتحتاجيه هيخليكي دايما نمرة واحد في حياته رعاية الاسرة معناها انك تقدري تحبي....تحبي نفسك و حياتك و ربنا و الكون بحاله من غير مصادرة علي ارائك حتي لو وصفها الكثير بالجنون...انتي كائن ليه توليفة...و الرعاية في الاسرة انها تمنحني حقي اني اكون مقبولة و محبوبة بالتوليفة و الخلطة بتاعتي الرعاية انك تحسي انك راكبة في مركبة متوازنة...لما الموج يعلي...هتعرفي مين يمسك البتاع و مين يمسك البتاع التاني...(نسيت اساميهم ايه معلشي) و لو هي بالمفهوم ده يبقي عمرها ما هتكون مسئولية راجل و لا مسئولية ست و لا مسئولية اطفال هتبقي مسئولية كل طرف ارتضي لنفسه انه يخر بره حدود دايرته و يرسم حدود تاني ليها جديدة تضم ناس تانية جديدة ساعتها عمر الرعاية دي ما هتعترف و لا تقف عند يا تري الاب و الام عايشين مع بعض و لا منفصلين يا تري الاب مسافر و لا موجود يا تري الام بتشتغل و لا قاعدة في البيت يا تري الولاد صغيرين و لا كبروا و فهموا لو الرعاية دي بمفهومها ده حقيقي بنتربي عليها...صدقيني كناوفرناعلي نفسنا تعب القلب في مشاكل كتير بنعيشها في حياتنا ووفرنا علي نفسنا عمر كتير بنضيعه و احنا بنفتكر ان احنا بنضحي علشان ناس تانية في يوم هيبقي ليها حياة تانية و يمكن مش راح يقفوا كتير و يسالوا نفسهم يا تري هو ابويا و لا امي ضحوا علشان ي بجد و لا ده كان جزء من واجبهم الرعاية الاسرية عطاء غير مشروط....مش واجب لازم اسقيه لغيري بالمعلقة الرعاية اني احس ان ليا ارض...و بقدر اتنفس فيها اني انسان الرعاية هي اني افضل مؤمنة اني قادرة علي العطاء ده باي شكل و تحت اي مسمي و مهما اختلفت دايرتي اوقات بتعيشي في دايرة بترسميها حوالين نفسك لكن بتشوفي انك ب "تحمي" و ب "ترعي" ناس تحبيهم قريبن من دايرتك و اوقات بتضطري توسعي الدايرة و تعيدي رسم حدودها علشان تضم ناس تاني ساعتها برضه قدرتك ع العطاء مش هتتغير...هتتقاطع من دواير ناس تانية....لكن هتظل هي نفسها...زي مية الهويس اللي بتروي الارض العطشانة اوي دي وجهة نظري

أنا محسوبكم .. داكتور أُسطى بمسح جوخ .. وبشيل الشنطه عندى قــناه .. مليـانه أونــطه وانا و زبــايــدر.. نِن عيـــونى راح نقضى .. على كل ماسونى بس يا ريتــكــم .. تنتــخــبــونى رمزى..بدون تهــزيئ .. البـطـه ونا محسوبكم .. داكتور اُسـطـى

أخيرا .....و بالمناسبة ده أول إعلان تسليم قطع في عهد البرادعي واللي سبق وصرح إن جميع المشاريع السابقة سينتهي ترفيقها وتسليمها قبل نهاية السنة الحالية وأدينا في شهر ديسمبر ومستنين نشوف هل هايسلم اكتوبر ودمياط الجديدة ولا إيه وأتمني إنه يكون صادق ويسلم الآراضي اللي في اكتوبر ودمياط الجديدة ولا هو مركز في القاهرة الجديدة علشان زمايله اللي فيها اتمني اني اكون فاهمه غلط ويسلم باقي المدن ..... وشكرا الي الاستاذ اللي ناشر الصورة واتمني متابعة مثل هذه الاخبار باستمرار

التحليل الجزء الأكبر منه منطقي ،، فقط أخطأ بإستثناء عنصر الإستقطاب الديني يا جماعة الغرب يهمه مصالحه و لا يهمه ليبرالية و لا دينية ما السعودية حبيبة الغرب و أمريكا و بتطبق الشريعة في نفس الوقت باكستان ،، اللي أمريكا باعته لنا سفيرتها السابقة فيها خبرة أمريكية في التعامل مع الحركات الإسلامية خدعوك فقالوا الغرب ضد الإسلام السياسي الغرب مع مصالحه فقط و لا مانع من مغازلة اي تيار يخدم مصالحه

التطرف هو الخطر الحقيقي على أي أمة التطرف الديني التطرف العلماني التطرف الليبرالي التطرف الشيوعي كلها أمور تكون نتائجها عكسية على أي مجتمع. حتي التطرف في تناولنا لأمور حياتنا اليومية من مأكل أو مشرب أو زينة كلها أمور تضرنا بشكل مباشر. الوسطية في كل شيئ واليسر في كل شيئ هما أنجع السبل لإستقرار المجتمعات. ولنذكر حديث الرسول صلى الله عليه وسلم حيث قال: " ما كان الرفق في شيء إلا زانه ، ولا نزع الرفق من شيء إلا شانه "

اسمعوا الشيخ الشعراوي رحمة الله عليه http://www.youtube.com/watch?v=OXxzTq0Pop0&feature=related

.. الحياة .. صورة .. صح 100 × 100 و هذه صورة لها .. في أبهى حللها ..

واحد مسيحي بيقول لواحد صاحبه مسلم ،،، صباح الخير قاله صباحك حرية و عدالة قاله ليه كده بس ؟؟ قاله مش أحسن ما أقولك صباح النور

شكرا لك يا أخى الحبيب وخد منى الهدية دي مثال آخر لاستخدام المعاريض :) استخدمها أبوبكر الصديق رضي الله عنه، وهو في طريق الهجرة مع رسول الله صلى الله عليه وسلم. روى الإمام البخاري في صحيحه والإمام أحمد في مسنده عن أَنَس بن مالك رَضيَ الله عنه قال: أَقبَلَ نَبيُّ الله إلى المَدِينَةِ وهوَ مُردِفٌ أبا بَكر، وأَبو بكر شيخ يُعرَف، وَنَبيُّ الله شابٌّ لَا يُعرَف، قال فَيَلقَى الرَّجلُ أبا بكر فَيَقول يا أبا بكر مَن هَذا الرَّجُل الذِي بَينَ يَدَيك؟ فَيَقول هَذا الرجُل يَهديني السَّبيل، قال فَيَحسِبُ الحاسِبُ أنَّهُ إِنَّمَا يَعني الطَّريقَ، وَإنَّما يَعني سَبِيلَ الخيرِ. bv:- كان بإمكانه ان يخدعه دون الشعور بالذنب فهو في حالة حرب ومواجهة مع اعدائه ده طبعا رأى حضرتك الشخصي و لن أجادلك فيه . وحضرتك حر فيما تعتقد . مش الكذب مباح في حالة الحرب بردوا ولا انا معلوماتي غلط الكذب مباح في ثلاث حالات : 1- الحرب 2- الإصلاح بين المتخاصمين 3- كذب الرجل على زوجته بادعائه حبه لها. ولكن ابو بكر الصديق رضي الله عنه لم يكذب هنا يا أستاذ إسلام بل قال حقا وصدقا أن النبي صلى الله عليه وسلم يهديه السبيل ففهمها الرجل على نحو غير المقصود . وكان الهدف من ذلك حماية النبي صلى الله عليه وسلم وهذا هو التعريض يا أستاذ إسلام . وأرجو أن تراجع ما كتبته في كلام ابن القيم رحمه الله . وشكرا على مرورك الكريم .

قَدْ أَفْلَحَ مَن تَزَكَّىٰ ﴿14﴾ وَذَكَرَ اسْمَ رَبِّهِ فَصَلَّىٰ ﴿15

ببساطة ياريت يتم تطبيق نفس القاعدة على هذه المداخلات . . . . أمريكا و بريطانيا و فرنسا ... يتنافسون في مغازلة الدكتور البرادعي .. طبعا في هذه الحالة ده شيء عادي ... . لا تعليق

الفكرة مش في مين الشيخ يا تيمور الفكرة في ان الشيخ مش غلبان ولا حاجة لكنه يعيش في قصور مثله مثل العسكري وفي نفس الحي ومستفيد من الوضع ده الفكرة ان العسكري يقدر يسيطر على كل اصحاب المصالح وعشان هما اصحاب مصالح فاكيد بيقعوا في اخطاء كثيرة وممكن يمسك عليهم ذله لكن الي مش اصحاب مصالح وهما الثوار الي هما خيالات بتظهر له اصبحوا بينغصوا عليه عيشته لانه مش قادر يسيطر عليهم زي ما قدر يسيطر على اصحاب المصالح ومهما حاول يهرب منهم حتى بالخروج العائلي كن هايفضلو دائما يظهروا له في الحلم ينغصوا عليه عيشته انهم الوحيدين الي مش عارف ازاي يسيطر عليهم

تيك تاك....بوم الحياة مش قلب...بينبض...زي ما بتقول سماعة الطبيب الحياة...قلب لسه قادر...يحلم.... يعشق.... يغضب... يسامح... يصالح... يطبطب علي روحه الحياة ان قلبك يفضل اخضر علي اد ما تقدر

اسمعو ايها العقلاء اسمعو ايها المثقفين http://www.youtube.com/watch?v=d3TCNdwp0L0&feature=youtu.be ان لم يظهر الفيديو الرجاء اى اخ يظهرة لاننا امام ماساة بحق

في الحياة جميل يبقي عندنا قرار ان احنا نتولد من جديد يمكن نقدر نعيش نقطة و من اول العمر يمكن

ايه ده....دهدي يا دريمي انتي من ساعت ما حطيتي الصورة ديت و انتي اختفيتي قوليلنا يا امي مين شد ديل القطة؟؟؟ مفتقدينك تعالي و معاكي قطاقيط صغنتتين:)

اعتقد ان ده كلام تحشيش وواضح جدا لان اليورانيوم مبيروحش على طول وتاثيره موجود لمده طويله ثانيا كل القنوات ذايعه دقيقه يدقيقه اللى بيحصل فى شارع محمد محمود فمش كل كاره نفسه وبلده يفتى بفتاوى الرحمه الرحمه

السلام عليكم و رحمة الله و بركاته س: هل تخجل يا متهم من طلب حقوقك المادية ج: يعني ايه اخجل اصلا....(صوت رزعة حتة قلم ع القفا من الشاويش اللي واقف ورايا) س: رد كويس يا مجرم يا وش الاجرام ج: حاضر يا باشا....(مع ان الثورة قامت بس لسه بنقولها برضه)...لا سعادتك...انا لو عايز لبن العصفور اجيب الكسرولة و اصحاله الصبح بدري هذا و قد اقفل المحضر في ساعته و تاريخه من امام قسم الازبكية لماضة....مش خجلانة خالص -------------------------------------------------- طيب شوفي يا عبير انا فعلا مش بخجل خالص من موضوع حقوقي المادية...لانها حقي يعني مش فانتازيا....بس اللي اتعلمته انك تقوليها صراحة قبل ما تعمل الشغلانة و اوعي تعتمدي علي فكاكة و حداقة و خفافة الشخص اللي قدامك....اصلي ابتديت احس انه مع متلازمة الربيع العربي...بقي فيه حاجة كده اسمها الاستنصاح و التذاكي علي خلق الله عشان كده لو فيه عرض شغل من البداية خالص بنحط ورقنا ع الترابيزة و بنتكلم في كل حاجة الجميل بقي...او اللي ينقط الحقيقة لما بيبقي ليكي حق عند حد...و مبتقدريش تاخديه لانك "محرجة" عشان هو غالي عليكي جدا و متقدريش تعامليه زي الغريب و الحرج ده انساني من المقام الاول يعني ده موقف انا محطوطة فيه مع استاذي اولا علاقتي الانسانية بيه اكبر من اي فلوس متاخرة و اصلا اصلا بحبه جدا بس برضه طلبتها منه بالمفتشر كدهوت و لما ملقتشي رد فضلت اني احتفظ بعلاقته الانسانية....اينعم انا هتنقط....بس سيبك انتي...مرعفة الناس كنووووووووز...(وش حد بيخبط راسه في ام الحيطة) ها قوليل بقي هتدفعي كام ع البوقين دولم وش حد فكيك اوي و عايز يعملي سبوبة حلوة:)

اختلف معك في هذا أخي الفاضل :) حقك طبعا يا أستاذ تامر ..

السلام عليكم و رحمة الله و بركاته فيه ناس بتعيش الحياة بكل جنونها وفرحها ووجعها و فيه ناس بتبص عليها من ورا قزاز و بتفتكر انها كده عايشاهاو انها كده بتحمي نفسها علمتني الحياة ان مافيش حد صح و ما فيش قاعدة صح و ان في وقت ممكن اكسر قالب القزاز....و ارمي نفسي في اول مركبة و في وقت تاني ممكن جدا اقعد ورا الشيش....استني الموجة اللي راح تستفزني تاني و برضه دي وهة نظر اني اعيش بره القزاز في وقت و اعيش ورا القزاز في وقت تاني لغاية ما اخد وقتي اني ارجع ارمي نفسي جوه الحياة مرةتانية المهم اني اخد وقتي اخد نفسي اخد قراري امتي هكون بره القزاز و امتي هعيش وراه و دي وجهة نظر

. فهلا ركزنا أولاً على عدم كفرهم بجوعهم من خلال طرح برامج إقتصادية حقيقية تساعدهم ؟ تماماً أخي Radws . ولكن هذا السؤال يوجّه إلى مقدمي هذه البرامج ، فهم الذين يركّزون على قضايا الخمور والمايوهات ، وإلا فلو سألوا الضيف عن البرامج الاقتصادية وغيرها لاتاحوا له الفرصة لعرض رؤيته . وهذا ما طرحه الأخ الكريم صاحب الموضوع : "بتسألو على اية ؟!" :)

هناك حالة من التطبيل والغرور المبالغ فيه من انصار التيار الدينى المتشدد فى مصر .. ده احنا لسه فى الجولة الاولى فقط !!

علي فكرة الشيخ حازم صلاح قال المسجد الجامع ، وليس اي مسجد ، وده طبعا بيبقي مسجد كبير تعريف المسجد الجامع من ويكيبيديا المسجد الجامع هو مسجد تقام فيه صلاة الجمعة والعيدين ويعتكف فيه جريا على الحديث الذي رواه أبو داود: ولا اعتكاف إلا في مسجد جامع. كما أنه يكون الموضع الذي تقام فيه الحدود، ومركز يلتقي ويجتمع فيه الناس، ويتبادلون فيه قضاياهم ومنافعهم، ويتشاورون في أمورهم العامة وغيرها.

والله عندها حق هذه المتصلة فيما قالته بالفعل نقول لبعض الإعلاميين ( بتسألوا على إيه ؟ ) كيف تتركون مناقشة مشاكل مصر الضخمة من بطالة لفقر لجهل لمرض لأمية مع مرشحي الرئاسة حتى نعلم وجهة نظرههم فيها , وتركزون على سؤالهم عن حرية لبس البكيني وشرب الخمر ؟ طيب كم يمثلون من يملكون القدرة المالية والقابلية الأخلاقية في شعب مصر لشرب الخمر ولعب القمار ولبس البكيني ؟؟ لن يزيدوا في أحسن الأحوال عن 10% طيب هل نناقش مشاكل وهموم ( على إعتبار أن هذه الأمور من المشاكل ) هذه الشريحة الصغيرة جدا من المجتمع ونترك ال 90% الباقية والذين يعانون من مشاكل في المقومات الأساسية للحياه وليست المشكلة بالنسبة لهم في الرفاهيات كم الشريحة الأقل !!؟ ونلقي باللوم الأكبر على مرشح الرئاسة الذي يرد على مثل هذه الأسئلة , فالرد عليها هو إستفزاز لعامة الشعب الفقير الذي يوجد منه من لا يجد كوب الماء النظيف ليشربه ( وليس الخمر ) , ونرجو من الأن وصاعدا أن يتجاهل أي مرشح رئاسي هذا النوع من الأسئلة إذا تم توجيهه إليه , وإذا أصر الإعلامي على هذا النوع من الأسئلة فالأفضل له مغادرة الإستديو فورا .

شفتوا اهم بيخلطوا الدين بالسياحة :)

اختي مؤمنة بخصوص ان الشيخ حازم لم يكن مهذب واتعصب ، فأنا الحقيقة شفت اللقاء تقريبا كامل ، مش شايفة انه اتعصب ، بالعكس كان هادي زي طريقته المعتادة ولم يزيد علي قوله يا فندم التبرج حرام تقدري تشوفي اللقاء بداية من ساعة و49 دقيقة http://www.youtube.com/watch?v=BBZaaR4YX7k اما بالنسبة لابن لادن فكلنا علي فكرة يساورنا شكوك ان القصة كلها لعبة من امريكا وهذا ليس بعيد عنها ، فكما كذبت من قبل وادعت ان العراق بها اسلحة كيماوية ثم ثبت كذبها وفقط كانت حجة لاحتلال العراق ، فطبيعي ان نشك ان لها يد في موضوع بن لادن خاصة بعد الطريقة الغريبة لموته ودفنه بمنتهي السرعة في مكان غير معلوم حتي لا يستطيع احد ان يثبت هل كان هو فعلا بن لادن ام لا ، احنا هنا في المحاورات ناقشنا هذه الشكوك في موضوع سابق هذا هو رابطه لو احببتي الرجوع اليه http://www.egyptiantalks.org/invb/index.php?showtopic=120737 فبالتالي عادي ان الشيخ حازم يشك في وجود خدعة من امريكا في موضوع بن لادن ، ولكن يقر في نفس الوقت ان منهج قتل المدنيين من غير المسلمين او قتل المسلمين خطأ ، هذا علي اساس ان ليس هناك تأكيد او دليل قطعي ان امريكا وراء هذه الاشياء وعامة تقدري تحطي الفيديو اللي تقصديه اللي قال فيه الشيخ هذا الكلام حتي يتثني الحكم الصحيح علي ما قاله وتقبلي تحياتي

تحية لك يا أستاذ محمد . لقد تفضلت حضرتك بتفريغ كلام الاستاذ حازم وعلقت عليه بالتفصيل ، ولكنك تجاهلت التعليق على الجزء المكمّل للحوار والذي أدرجت رابطه ، فهلا تفضلت علينا بالتعليق على بقية المقطع من الدقيقة 12:40 إلى نهاية المقطع . http://www.youtube.com/watch?v=REbHHT7NxQY

إنسى يا عطار ده لو توفيق عوكاشة مش بقى رئيس جمهورية ... لأ ده لو بقى عضو مجلس شعب ... يبقى هاجي عندك وأكل من فراخك المشوية وأخلص حياتي بإيدي .. --------------

http://www.youtube.com/watch?v=woDuKri7LZw&feature=player_embedded

افتكرتك بتهرجى فى الاول و الله يا جويريه الغى بكل بساطة قطاع كامل قد ينقل مصر اقتصاديامثلما انتقلت تركيا و ماليزيا لاننا نمتلك الكثير من الاثار و الشواطىء الرائعة .الخ لاجل بضعة الالاف من الشباب تزوج من اجنبيات طيب ما انا اقولك حل احسن اللى اتجوز من اجنبية نرحله بره البلد ايه رايك او نعدمه كده اسهل فموت الالاف الشباب افضل من القضاء على وظائف 5 مليون مصرى و استثمارات بالمليارات اولا عشان نتكلم فى مصادر رزق 5 مليون مصرى و دخل مصرى يصل الى 13"% من الموازنة يجب ان يكون الكلام مقنع و بالارقام اولا الشباب المصرى لا يتزوج من اجنبية بسهولة كما تقولين لان المصرى يفكر الف مرة فى هذا الزواج واضراره و يكون له اسبابه 1.هيسيب البلد و يهاجر معاها و ده طبعا بيكون اغلبية من يتزوجون من اجنبيات و ده طبعا هربا من جحيم البطالة و الفقر و العيشة الزبالة فى مصر فلو حليتى تلك المشاكل و اصبحت مصر كاى دولة اقتصادها قوى فلن يجد الشاب التفكير فى الهجرة مغرى و سيظل فى مصر و لن يتزوج اجنبية 2.ان يحب اجنبية غنية تساعده فى مشروع و هذا بعدد قليل لان الاجنبيات لا يعطون اموالهم لقاء الزواج و السلام و لكن ان فتح هذا المشروع فى مصر فهذا شىء رائع جدا لانه زيادة و دفعة للاقتصادو كون الزواج من الاجنبية مشكلة فان نشرنا التوعية الدينية و نشرنا مجتمع مسلم متحاب قوى امن صدقينى هتسلم هى بعد اسابيع قليلة و هذا المثال حدث امامى فامراة عمى كانت نصرانية و قرات عن الاسلام عندما التقت عمى فى ابو ظبى لكى تحوله الى المسيحية و لكن لان الكتب و الدعاة المترجمة الاسلامية الصحيحة موجودة بكثرة فى الامارات كلما قرات الاسلام اقتنعت به اكثر حتى اسلمت هى قبل ان تتكلم معه عن المسيحية و التبشير 3.كمية العوانس فى مصر يقابلها عدد كبير جدا من الشباب غير متزوج و موجود فى مصر لان معندهوش رفاهية الزواج من اجنبية كخيار فلا هو يعمل فى مجال السياحة او يعمل اساسا فان اوجدنا عمل لهولاء الشباب سيتزوج هولاء الشباب و تنتهى العنوسة او تقل جدا 4.التعدد يبقى حل لماذا لا يعدد من يمتلك المقدرة و ترضى زوجته بذلك و لكن بلاش و ببكر صغيرة لماذا لا يختار عانس و يتزوجها 5.المدن السياحية ليس بها خدمات و هذه هى الكارثة الكبرى فالمستثمر يبنى المدينة و يبيعها للاجانب و تنسى الحكومة مسئوليتها و تشيل ايديها فلا تبنى هناك اى مدارس اللهم الا اقل القليل بل لا تشترط توافر سكن عائلى لهذا العامل المتزوج فان وفرنا فى الغردقة و جميع المدن العائلية سكن عائلى للشاب المتزوج و ووفرنا المدارس و المستشفيات و بنينا مدن جميلة قائمة فلن يجد الشاب الشهوة و الاغراء كبير جدا لانه اساسا محصن نفسه و متزوج من مصرية اعتقد ان لو الحل فى الغاء السياحة كانت دول كثير اكتشفت هذا الحل السحرى للقضاء على العنوسة مثل الامارات على سبيل المثال و ليس الحصر و على فكرة انا عندى شك بانك تقترحين الغاء السياحة ليس فقط من باب الزواج من الاجنبيات بل لان مشاكلها كثير خمور و مايوهات لانك قلت ان المجتمع الغربى لا يتحول الى شرقى فى ايام و ان نحول شواطئنا الى مصايد للاسماك و لم تذكرى المفروض نعمل ايه فى الاقصر و اسوان و الاثار الفرعونية على حد معلوماتى السعودية لا تمنع الزواج من غير السعودية الا لمن فى مناصب حساسة او لمن فوق او تحت سن معين و برده حل فاشل و لم يقضى على العنوسة حتى الان لانهم لم يوفروا الاقتصاد القوى و الحد الادنى من المرتب الذى يقضى على طاهرة العنوسة خاصة لان الزواج فى الخليج مكلف موووت

أحييك يا أخت Pocy على شجاعتك و صدقك في إبداء رأيك. بس أنا مش مسئول عن اللى هيحصل بعد ما الأخوات يقرأن مداخلتك تلك. bag): ولكن لنكون موضوعيين يجب الإعتراف أن معظم النساء في هذا الزمان لا يقبلن بالزوجة الثانية , وليس هذا الرفض اعتراضا منهن على حكم الله ( حاش لله ) . بل لأنها طبيعة المراة التى تغار على زوجها وترفض نفسيا أن تشاركها فيه امرأة غيرها. وأنا أرى أن الرجل في هذه الحالة هو حكم نفسه. فلو رأى أن هذا الحب الجديد و ما يتبعه من زواج ثانى سيؤدى إلى انهيار بيته الأول وطلاق زوجته الأولى و انقسام أولاده بينهما, أرى أن في هذه الحالة يجدر به أن يقدم بيته و أولاده على تلك المراة الجديدة دون ان يعلم زوجته الأولى باى شيئ ( ومن ترك شيئا لله عوضه الله خيرا منه). أما إن كانت زوجته الأولى بالفعل مقصرة معه وحاول الحديث معها وحل المشاكل بينهما ومراجعة حاله معها والبحث عن تقصيره هو أيضا في المقابل ولم تنجح مساعيه تلك , ثم خاف على نفسه من الوقوع في الحرام ففى تلك الحالة يتزوج ويحاول قدر جهده العدل بين زوجتيه, وفي تلك الحالة تكون زوجته الأولى بالخيار بين قبول هذا الوضع أو مفارقته, على ان يتعهدا سويا بالاستمرار في رعاية الأولاد وحماية مستقبلهم.

السادات .. المنوفية مبارك .. المنوفية الشاذلي ..المنوفية أحمد عز .. المنوفية شرف .. المنوفية الجنزوري.. المنوفية "المنوفية" بتلعب سنجل ومصر كلها واقفة نيكست

إذا غضبت إمرأه من رجل وبقيت صـــــــــــــــــــــــــــــــــــــــــــــامته . . . . . . . . . . . فهذا ليس دليل علي ضعفها بل اعلم انها تتناقش مع إبليس علي الخطة المستخدمة للقضاء عليه وابليس يحاول تهدئتها......

احساس صعب جدا أن أكون متألمة وطفلتي أيضا و تبكي و لا أعرف ماذا تريد و المزعج أن شدة ألمي تفقدني صبري فيزداد بكاءها و يتحول إلى صراخ!! في هذه الحالة ينعدم التفاهم بيننا تماما ولا حل له سوى ضمة حنان نهدأ بها كلينا ونبدأ التفاهم

أستاذ / raouf أعتقد أنا كلامي واضح أنا أتحدث عن موقف حزب ليس له صفة تنفيذية أو تشريعية ، فعلى أي أساس يمكن أن يكون له صفة في ترويج سياحي وهو ليس في موقع سلطة تنفيذية ؟ وهل تعتقد أن مسئولي السياحة في تركيا سيتخطون مسئولي السياحة في مصر ويعقدوا صفقات مع حزب الحرية والعدالة؟ ثانيا بقى ياسيدي من غير ماتستغرب إنا باتبرع لأعمال خير يقوم بها أعضاء أعرفهم من تنظيم الإخوان ، لأنها أعمال فعلا تصب في صالح الناس ، مدرسة / مستوسف. إستريحت بقى؟ ربنا يسامحك. طب رد على الناس اللي بتسأل عن تمويل الحرية والعدالة او جماعة الاخوان اذآ الناس دى فية ناس محترمة جدآ زي حضرتك بتتبرع لهم فى صورة دورية اذآ اموالهم مش من تمويل خارجى ههههههههههههههههه

لا معلش انا شفت اللقاء ده و للامانة الرجل قال ان مفروض المسجد يستضيف المرشح هذا و مع ذاك و يحصل مناظرة و هكذا يعنى كل المرشحين يتناظروا تحت قباب المساجد لاعادة المسجد لدوره الاجتماعى المهم فى الاسلام و الله كلامه كان حلو جدا جدا كداعية و كانسان محترم لم يمارس العمل السياسى و محدش يقولى بتناقضى نفسك لانى ما زلت عند موقفى الرجل رائع كداعية

عارف يا استاذ محمد انا حاسس ان لو قالوا ليك ان حد من الاخوان اتبرع بجنيه او عمل اى حاجة حلوة هاتقول رياء وسمعة ومصلحة ولا لوقالولك حد من الاخوان صايم هاتطلع تقول لا ده اكيد بيفطر فى البيت بجد انا مش فاهم موقفك نهائى يجب ان تكون عادل وتعطى كل حق حقه كونك مش بتوافقهم الراى لا يعنى ابدا ان تهاجمهم على الفاضى والمليان مش كل حاجة بيعملها الاخوان تبقى وحشة هاقولك حاجة جلوة - رئيس مجلس الشعب القادم المستشار الخضيرى ومن الاخوان - رئيس الوزراء هايكون من الاخوان - الرئيس اللى هاينجح هو اللى هايدعمه الاخوان سؤال بقى من ييجى 20 سنة كده عندنا واحد اسمه ساويرس وممن اغنى اغنياء العالم ممكن اعرف عمل ايه لمصر واكرر للبلد يعنى بدون ان يربح شىء من وراها ؟ طبعا غير الكنائس ودى حاجه لربه كمان مش للبلد ومش ممكن الومه عليها انا ممكن اقولك قناتين او 3 للتليفزيون دعم الحركات المناهضة لكل ما هو اسلامى تاسيس شوية احزاب فاشلة لتفتيت الاصوات ملحوظة مبدأ الاخوان الان اتركوا لهم الكلام ولنا العمل وده اللى واضح ناخذ من منافسيهم فقط الكلام

رتب من حيث الإحتمالية ،، المخاطر التالية :_ 1- دولة عسكرية 2- دولة دينية شمولية 3- دولة علمانية تحارب الدين الإجابة أقلهم خطرا و إحتمالية الإختيار الثالث و لما بتناقش مع أصحاب إسلاميين و يقولوا الديمقراطية ناقصة عشان هيا حكم الشعب للشعب فممكن بعد 500 سنة الشعب يبيح زواج الشواذ أشعر بتفاهة طرحهم و الحامي من اي خطر هو الديمقراطية و الحرية و ليس العكس إطلاااااااااااقا تحت اي مسمي

الكلمة الطيبه .....صدقه العمل .....عباده

من العبادات السهلة و التي لا تكلف وقتًا و لا جهدًا إسباغ الوضوء بمعنى إتمام الوضوء على الوجه الأكمل و نسمي الله قبله .. و نقول بعده أشهد أن لا إله إلا الله و أن محمد عبده و رسوله إن الله يحب التوابين و يحب المتطهرين في الحديث: { مَا مِنْكُمْ مِنْ أَحَدٍ يَتَوَضَّأُ فَيُبْلِغُ -أَوْ فَيُسْبِغُ- الْوُضُوءَ ثُمَّ يَقُولُ أَشْهَدُ أَنْ لاَ إِلَهَ إِلاَّ اللَّهُ وَأَنَّ مُحَمَّدًا عَبْدُ اللَّهِ وَرَسُولُهُ إِلاَّ فُتِحَتْ لَهُ أَبْوَابُ الْجَنَّةِ الثَّمَانِيَةُ يَدْخُلُ مِنْ أَيِّهَا شَاءَ } [رواه مسلم].

الثورة نور.. واللى سرقها خبيث يرقص ما بين شُهدا وبين محابيس والدم لسّه مغرَّق الميادين. قصيدة :ضحكة المساجين تغازل العصافير.. قُضبانها زنزانة لاجلَك كارهة سجّانها ... دُوق زيّنا حلاوة الزنازين. ■ ■ ■ على بُرشَها.. بتمِدّ أطرافك سجّانك المحتار فى أوصافك مهما اجتهدْ ماحيعرف انت مين. ■ ■ ■ والشمس شُعْلِةْ عِنْد.. رافضه تغيب وفكرها يودى معاك.. ويجيب الشمس تحزن زى أى سجين. ■ ■ ■ والليل.. نديمك صبر ع الرحلة بتغنى.. والليل فى السواد كُحْلَة وارث غُناه معاناه من السابقين. ■ ■ ■ فى العتمة عاتِب مصَْر وِدَاديها إنت اللى روحك من زمان فيها توأم.. فى لحظةْ عِشق مولودين. ■ ■ ■ طوبَى لكل المسجونين باطل... فى زمن.. بيخدعنا وبيماطل يا شموس بتبرُق فى غُرَف عِتْمين. ■ ■ ■ وخطوة الديدبان ورا الشبّاك صوت نعل يقْضِى الليل هناك وياك سجّانك اللى فى حاجة للمحامين. ■ ■ ■ الحرب واللى خاضوها بجسارة كانوا مسلمين يا عم ونصارى فازاى نناصر دين وننكر دين؟ كل اللى زرعوا ما بينّا سُور الفُرقة وبْيقْسِمونا.. فرقة تكره فرقة فى النية.. مصر الواحدة تبقى اتنين. ■ ■ ■ تحية لكْ.. وانا كاتبها بخطّى.. إدفع تمن حبَّك لاخوك القبطى مع إننا فى الأصل.. قبطيِّين. ■ ■ ■ همّ اللّى ماتوا فى ميدان الثورة كانت دماهم حمرا والاّ سمرا؟ قول للّى جاييّن يِفْرزوا الدَّمِّين. ■ ■ ■ الصرخة هادية.. بسّ هازّه الكون قال الغشيم للوردة: «خبِّى اللون» إيش يفهم التُّور فى هوا البساتين ■ ■ ■ {الشرّ فى طرْف الميدان يِسكر والفجر يطلع.. تحجبُه العسكر وانت بتكتب سكَّه للجايّين.}. ■ ■ ■ الثورة نور.. واللى سرقها خبيث يرقص ما بين شُهدا وبين محابيس والدم لسّه مغرَّق الميادين. ■ ■ ■ ما بيتوبوش.. ولا اللى فات علّمهم ما بيسمعوش فى الدنيا إلا كلامهم مالهمش فى حوار النبات والطين. ■ ■ ■ إحنا نقول: «أيوه» يقولوا: «لأ» وفى الحقيقة يا عمّ... ليهم حق مانتو خلقتوا الثورة بالتدوين. ■ ■ ■ شوف الوشوش حمرا تُكبّ الدم واحنا سَمار الوِشّ.. تِرْكةْ هَم وِرثوا وطنّا وِرْث م الوارثين. مِش مِنّا.. شوف اللون وحِسّ الَّلغوه وشوش أجانب.. ع الأقلّ «تراكوه» جيشهم رحل.. وفِضلوا دول لابدين. ■ ■ ■ العُمده يتْقَل قد مَلْو كروشُه بطيخُه لاقْرَع.. هاج ومَدّ عروشُه وله غفير صوت زعقته بضميرين. ■ ■ ■ نطلع من الساقية نُقع فى طاحون فاشهد يا وطنى ع اللى فينا يخون ياللى انت ماسِك دفتر الخاينين. ■ ■ ■ ومصر عارفه وشايفه وبتصبُر لكنّها ف خَطْفِةْ زمن.. تُعْبُر وتستردّ الإسم والعناوين. ■ ■ ■ وكل ما الصوت البليد.. بلّد لا تِبتئِس م الظلم.. واتجلّد منِ ده اللى يطفى شعلة الصادقين؟ ■ ■ ■ واللى يُقف فى وش ثوّارها ما حيورث إلاّ ذلها وعارها واللى حيفضل.. (ضحكة المساجين). ■ ■ ■ وياربّ جَمّلنى بقُصْر القول المخ داير.. والفؤاد مقتول خايف يئن ليحزِن المحازين. ■ ■ ■ سامعَه أنينى وساكته ليه يا مصر؟ الحلم.. فارشين بيه فى سوق العصر قدّام عينين اللى ما لهشى عينين. ■ ■ ■ زنزانة واخدة دروس قُدَام فى الصمت وعِرْفتَك من غير ما اتعرّفت صمتك على صمت الحجر لايْقين. ■ ■ ■ الحزن طايح فى قلوبنا.. بجدّ ما فضلْش غير الشوك فى شجر الورد غِلِط الربيع ودخل فى أغبى كمين. يا للى دَمَعْتى.. رجّعى الدمعه الدِّنيا شايفه كلّها وسامعه واللى سرق.. حيخبى شيلته فين؟ ■ ■ ■ ولدِك ضياء الفجر.. بمقاسُه ووطنّا عارف عِزوتُه وناسُه أجيَال بترحل.. والجُداد جايين. ■ ■ ■ يا وليدى.. ميِّل قول لإخوانك تانى رجع من خان.. واهُه خانك والسجن مش شبعان شباب صالحين. ■ ■ ■ غزلان ووقْعت فى ضلام غابه قضبان وليها ضحكه كدابة والضحكة كاشفة عن سنان صُفرين. ■ ■ ■ أما اللى خان وطنَك وأوطانى م الهيبة.. حاطّينه ف قفص تانى يصحى وينعس والجميع واقفين. ■ ■ ■ وفى انتظار تيأس مع الأيام غيرك فى قفصُه بيضربوله سلام وانت الجزم قبل الكفوف جاهزين. ■ ■ ■ يا دى الميزان اللى طِلعْت لفوق بينزِّلوك بالعافية أو بالذوق دول مش بتوع الصدق فى الموازين. ■ ■ ■ ويا مصر.. هَدِّى وانتى بتفُوتى الصوت فى صمتُه.. أعلى من صوتى آدى السجين اللى ما باتش حزين. ■ ■ ■ لسّه اللى حَكَمونا أهم حاكمين بينوبوا عنْهم بس ناس تانيين وانتو هناك فى علبة السردين. ■ ■ ■ بيحلموا يعودوا إلى ما كان وقضاة تحرّرهم فلان وفلان وكإن لا ثورة.. ولا حسانين. ما هو شباب الثورة بقى مسجون ولا عاد قصاد الخونة إلا تخون تاه الميدان الحُرّ فى الميادين. ■ ■ ■ نطمِس معالم ثورتك يا شباب أهو زى صفحة بتتقِطع فى كتاب والدنيا تهدا ويرجعوا الغايبين. ■ ■ ■ ولا كانْش فيه ثورة ولا ثوار ولا شعب مصر الغاضب الجبار لا احداشر اكتوبر ولا عشرين. ■ ■ ■ يا عم اقعد بسّ واشرب شاى الدنيا ماشيه وشعبنا نسّاى والبركة فى الشاشة وفى الجرانين. ■ ■ ■ واذا هوْهوُوا.. قوم إعلن الأحكام وكل بُق.. تلجّمه.. بلجام ومش حتغلب تطبخ القوانين. ■ ■ ■ وانت قمر سهران مع الصُّحبه حالمين ببكره وجنّته الغايبه ومتبّتين فى الحلم.. مش صاحيين. ■ ■ ■ ويا وردة البساتين.. يا مصرية راية.. بترمى الضل ع الميّة والنيل مِموِّجها رايات تانيين. ■ ■ ■ بُكراك.. لا حيثيات ولا هو نصوص يا شاب ياللى ليك صباح مخصوص بتفرّقُه بالحتّه.. ع الملايين. ■ ■ ■ وحتفضل العصافير على الشبابيك والفجر.. يستنى أدان الديك وطن.. وحلم.. وفجر.. متعانقين عبد الرحمن الابنودى - علاء عبد الفتاح اتمنى اسمعها بصوت الابنودي

ودى صورة من على الفيس من تونس ومن حزب النهضة اللي تابع للأخوان المسلمين ده رئيس لجنة التنظيم المؤقت للسلطات في المجلس التأسيسي التونسي!!!

في الحياة... نبكي و نضحك و ممكن الضحكة يكون بعديها .....وجع بس الأجمل....ان بعد كل "بكا" يبقي لسه القلب قادر يضحك في الحياة جميل أنك تفضل تضحك....و يمكن يكون قلبك بيبكي...بس لسه جواك مصدق أن صوت الضحكة....هيعلي فوق اي دموع