لوحة القادة

والله يا جماعة الواحد خلاص قرب يتجنن من الكلام اللى من نوعية نازلة ليه وتستاهل التاريخ الإسلامى ملئ بنماذج السيدات الصحابيات الفضليات شاركن فى غزوات وشاركن فى حروب ولم يقل لهن النبى صلى الله عليه وسلم ولا أحد من الصحابة لماذا تشاركن؟ هل نسينا أم عمارة رضى الله عنها التى دافعت عن الرسول عليه الصلاة والسلام فى موقعة أحد؟ هل نسينا شهيدة البحر أم حرام بنت ملحان؟ هل نسينا رفيدة الأسلمية أول طبيبة ميدانية فى الإسلام والتى كانت تسعف الجرحى فى الغزوات؟ هو فى إيه بالظبط؟ فى المظاهرات دائماً أرى رجال نزلوا بأسرهم كاملة -الزوجة والأولاد- ودائماً ما يعاملون باحترام وتقدير بالغين ويكون لهم الأولوية والحماية فى كل شئ من المتظاهرين الآخرين. كفاية بقى حرام عليكم, تذكروا: فليقل خيراً أو ليصمت.

مهما اختلفنا .. أو اتفقنا ماحدث لتلك الفتاة .. ولغيرها من تعامل وحشي موصوم بالخسة والحقارة .. مدفوع من الغل والكراهية والحقد التي أصبحت تملأ قلوب الكثير من المصريين ... ماحدث لتلك الفتاة .. أمر يندى له الجبين .. ولا يمكن قبوله تحت أي مسمى .. ولا تحت أي عرف .. أو بأي عذر .. ماحدث لتلك الفتاة ولغيرها .. هو انتهاك للإنسانية ... أي كانت المبررات .. أو الملابسات لا أحد يقبل مثل هذا ... لا يمكن مهما كانت درجة التأييد للمجلس العسكري أن تجد لهم مبرر لفعل إجرامي ... همجي .. دافعه .. الحقد والغل والكراهية .. واللا إنسانية

إتهامات مرفوضة ، فكما ان لك وجهة نظر فالآخرين أيضا لهم وجهة نظر ومن حقهم أن يعلنوها ، أنت تري النصف الفارغ من الكوب وهم يرون النصف المملوء من الكوب ، وليس معنى ذلك أنهم عميان لأنهم رأوا النصف المملوء. وسؤال مباشر وأرجو الإجابة عليه بصراحة، لو كنت موجود في مصر ونزلت المظاهرات ؛ ىهل كنت ستقوم بحمل شنطة من الحجارة وكسر الرخام لتقذف رجال الشرطة أو الجيش؟ هل كنت ستصطحب معك إبنك وزوجتك ليمدوك بالمزيد من الحجارة أو مشاركتك قذف الحجارة على قوات الأمن؟ هل كنت ستشتري صندوقين من زجاجات البيبسي الفارغة وجركنين بنزين علشان تعملهم قنابل مولوتوف تقذفها على المباني وعلى قوات الأمن؟ وياريت ماتقوليش ترضي يحصل لامك او لاختك اللي شفناه في الفيديو، لاني لن اسمح لهم بالتواجد في احداث ينتشر خلالها البلطجية ، وحتي ايام الثورة كانت تنبيهاتي لهم ان الثورة ليست أكثر من رفع لافتات وترديد هتافات ، ولو شفتوا ان الموضوع سيتحول إلي عنف ، فالانسحاب هو عين العقل ، الموضوع مفيهوش كرامة ، الموضوع ان نطالب بمطالبنا بطريقة سلمية . أما مانراه فهو مزايدات وتحفيز لاعمال العنف غير مبرر ، السلطة لايجب أن تنكسر ، وكفاية انكسار الشرطة والذي تلاه تخاذلها عن القيام بواجبها ، عايزين تسرحوا الجيش بحجة انه اعتدى على المتظاهرين ، يبقى خلاص كل واحد عايش بره يبعت ياخد أهله ويخليه بره علشان مصر مش حتبقى موجودة بعد تسريح جيشها. العنف يجب أن ينتهي ، ومن يجب عليه البدء في التهدئة والانسحاب هم الجمهور بلطجية كانوا او ثوار او معتصمين ، لو انسحبت قوات الامن من المشهد فاعلم ان على مصر السلام.

مع احترامي لكل من ذكرتهم لن اصدق اي واحد فيهم انه بيتكلم للمصلحة وليس لاثبات موقف او بيلمع نفسه الا لما اشوفه بنفسي واقف بيحدف طوب مع الشباب اللي بيعمل ده ضد افراد الامن طالما شايفين التخريب اللي بيحصل ده عمل وطني وان التصرفات دي هيه اللي هتخلينا نتقدم للامام يبقى البهوات دول يتفضلوا ينزلوا او حتى ينزلوا اولادهم او اخواتهم للمشاركة في هذا العمل الوطنى اما البيه عبد الرحمن يوسف اللي بيتهم الجيش بقتل الشيخ عفت ،، يبقى يروح يقدم الدليل اللي عنده بأن الشيخ اتقتل برصاص الجيش غير كده يبقى مفتري وربنا هايحاسبه على افتراؤه وبعدين الناس اللي بتتكلم عن الشيخ هل هي تعرف لماذا كان الشيخ هناك وهل كان الشيخ يؤيد هؤلاء الشباب في الاعتداء على قوات الامن ومهاجمتهم وتعريض انفسهم وتعريض امن البلد كله للخطر وهل من له مطالب شرعية هل لا يستطيع ان ينتظر ان يقدم مطالبه لابناء دائرته الذي انتخبهم وهل بهذه الطريقة سيحصل اصحاب المطالب على حقوقهم ؟؟ - هل لما يكون 80 مليون معترض على الطريقة التي يسلكها هؤلاء الشباب هل سيستطيع عندها الشباب ان يكسبوا قضيتهم في ظل عدم تأييد من 80 مليون مصري هذا اذا كانت لدى هؤلاء الشباب قضية اصلا.... اتقوا الله يا من تشجعون الفوضى وهدم واحراق البلد وتدفعون مزيدا من الابرياء مثل الشيخ عفت لكي يلقوا حتفهم من اابلطجية الذين يستغلون هذه الفوضى لقتل الابرياء من الطرفين ويا من تتكلم عن" المعتز عبد الفتاح" ادخل واسمعه وشوف كم الاعتراضات عنده على تصرفات هؤلاء الشباب كفانا قص ولزق الكلام والشعارات واحنا قاعدين....يعني على الاقل لو الواحد شاف اثنين بيتخانقوا. يهدي الامور ويحاول انهاء الموقف قبل ازدياد الخسائر وبعد كده يبقى ينتقد براحته ويحلل الامر براحته مش يسخن ويشعل الدنيا وهو قاعد يتفرج....نبعد البنزين عن النار ياعقلاء هذه هي الاولوية فالطرفين في النهاية مصريين والمركب التي يتم تخريبها بتحملنا كلنا -

تساؤل لعمرو اديب قولوا للشباب ده مين اللى قتلوهم وزالا حتكونوا انتم اللى قتلتوهم http://www.youtube.com/watch?v=PtZS-cOsbV4

استاذ محمود انسى ان جيش مصر او المجلس العسكري. يسمح او يدخل في مواجهة مباشرة مع شعب مصر المخترم قد يتعامل بعنف مع البلطجية ومثيري الشغب ...لكن شعب مصر. ...مستحييييل ممكن المجلس لا يحسن التصرف لانه عليه ضغوطات كثيرة من اطراف مختلفة خارجيا وداخليا. سواء من افراد او من دول معينة ممكن المجلس يماطل شوية في تسليمه الحكم لسلطة مدنية لعدم ثقته فيمن سيحمل المهمة... هذا ايضا ممكن ممكن يكون هناك بعض التعارض بين رأي بعض اعضاء المجلس هذا وارد بدرجة كبيرة بس ان المجلس العسكري يأمر الجيش بانه يفعل مثل متا يفعل جيش سوريا بشعبها فهنا اقول لك بالفم المليان مش هيحصل. لاسباب عديدة قد لا يكون من المفيد الافصاح عنها لكن عاوزك انت وباقي من يخاف من هذا السيناريو ان يسأل نفسه عدة اسئلة - اذا كان المجلس العسكري يريد مواجهة الشعب بااقوة العسكرية ويريدها مواجهة بين الجيش والشعب لكان فعل ذلك ايام مبارك وحتما هذا السيناريو كان مطروح فلماذا لم يفعله في ظل وجود وئيس فعلي للبلاد وكانت المسئولية ستقع عليه على اساس ان الرئيس كان القائد الاعلى للقوات المسلحة. وكان ساعتها العسكر سيكونوا منفذين للاوامر - ثانيا جيشنا الان لو دخل في مواجهة مع الشعب فلمن سينتصر... فلا يوجد رئيس فعلي للبلاد ولن يستطيع ابدا ان يحكمرالجيش بلد اقتصادها سينهار وستتوقف عنه المساعدات وسيخسر اصدقائه قبل اعداءه ... فبماذا يستفيد المجلس العسكري من استعداء 80 مليون عليه لو عملوا اضرابات جماعية فلن يجد المجلس العسكري ولا الجيش مليما لينعموا به - ثم ان معظم قوات الجيش المصري هم اخي واخيك وابنك او ابيك ولم نعهد ابدا ان جيش مصر يحارب شعبه المناضل المغلوب على امره وكما قلت لك ان التعامل القاسي الذي نراه من حين لاخر هو الاستثناء ختصة انه دائما ما يحدث في المواقف التي يختلط فيها الصالح والطالح وعندما تنتشر البلطجة بصورة واضحة - ثم لماذا ينتظر المجلس العسكري حتى الان وكان بامكانه معاقبة الشعب المصري كله خاصة بعد وقوع احداث تبرر له هذا مثل احداث ماسبيرو. واحداث محمد محمود وايضا احداث اليوم...ومع ذلك يمضي قدما في تحقيق ما تريده اغلبية الشعب الساحقة لذلك يجب ان نساعدهم على ذلك ولا ننخدع بدموع التماسيح التي يصدرها لنا دعاة الفوضى ومن يناصروها

يا شبابنا يا حبابنا ثوارنا وولادنا كفايا بقى ياللا نبنى أمجادنا في بينكوا مندسين بيخشوا في اللمة ويشعللوا الدنيا وتتقلب غمة وصور يافنان خليهالهم ضلمة شعللها ولعها وطز في بلادنا فينكم يا عاقلين فينكم يافهمين ليه بس ساكتين والقتلى بالجملة

أقسم بالله لو جبت أينشتين عشان يفهم عسكري أمن مركزي عفواً مريح نفسه ومش بيفكر عُمره ما هايحاول يفكر - الفيديو كله متفبرك - البنت اللي كانت في التحرير لابسه مايوه بكيني حتى بالامارة كانت بتاخد حمام شمس قدام المجمع - البنت دي كانت بتبات فعلاً في الميدان مع الشباب الصيع اللي بيشربوا خمره .. حتى بالامارة الشيخ عماد عفت كان بيخدم عليه حتى الست اللي صاحت وامعتصماه من على بعد الاف الكيلو مترات وإتحركت الجيوش كلها عشانها .. كانت مرتدية بكيني هي كمان ... والست اللي تعمل كده .. ممكن تكون مالقتش رجالة يحموها لإن الرجالة ماتت خلاص لكن مع ذلك ألسنة السوء لديهم مازالت تعمل بكامل طاقتها .

هذه المداخلة أعيدها مرة أخرى ياريت بلاش نحط البنزين جنب النار ... وبعدين نقعد ندور مين اللي بدأ .. وكل واحد يقعد يرفع فيديوهات وصور .. بس بعد مايكون اللي راح راح أول أمس كان هناك من يشير إلى أن هناك خطر على المجمع العلمي منالإحتراق ... ثم تم تكذيب القول .. وبالأمسإحترق بالفعل .. بالكامل وعن عند وبالأمس.. كانت هناك تلميحات عن حرائقأخرى .. التليفزيون .. والبنك المركزي .. ومحطة كهرباء شبرا ودعوة لأن تتكون لجان شعبيةلحمايتها .. والخطة كما يظهر لي.. أن يتجمع الناس ثم يحدث الحدث الغير متوقع ..من شخص ما ثم تحدث الفوضى .. والإشتباكات وضرب الناس... والغضب من الضرب.. ثم الحريق... وتبرير الحريق .. بأنه غضب علىاستخدام العنف ممكن نفوق شوية .. ونهدأ أرجوكم..

يارادوس باحبيبي التليفزيون اللي بتعرف الأخبار منه ... ومواقع النت ... واللي عندي زيهم بالضبط .. لا يظهرون كامل الصورة ... الكادر لا يتسع لأن ترى منه كل شئ لا تجزم بشئ أنت لا تعرفه جيداً ... أعرف وأتفق معك ... أن هناك من شباب مصر أظهر منا أنفسنا ... وبكثير ... ضحوا بكل غالي .. وبنور عيونهم ... من أجل حريتنا جميعاً ... لا أختلف معك .... ولكن بسوء التصرف .. وسوء التقدير ... يحدث ما حدث .. ويتحترق تراثنا وتحترق قلوبنا معه ... حبيبي رادوس ... يوم 28 يناير .. حدث في ميدان التحرير .. حدث جلل ... أعظم ما حدث في تاريخ مصر القديم والحديث .. إنتصر المصريون على طاغية رهيب .. وكان مصاحباً لهذا الحدث العظيم .. وفي نفس الوقت .. عمليات حرق ونهب وسلب في كثير من أنحاء مصر ... مصر يعيش فيها كثير من الأشراف .. ويعيش فيها أيضاً كثير من اللصوص والمجرمين ... لا يجب أن نعطيهم الفرصة .. يجب أن نحمي أنفسنا وبلدنا .. حتى من أنفسنا ... المستفيدون من حكم مبارك كانوا كثيرون .. يمكنهم أن يفعلوا الكثير من أجل إفشال الثورة .. وهم يفعلون ... ويفعلون .. وكل يوم يفعلون ... والمجلس العسكري .. مرتبك جداً ... والشباب يزيدون من إرتباكه .. ويذعرونه .. ويجعلونه أكثر تخبطاً .. أدعوا إلى الهدوء قليلاً ... أرجوكم .. نهدأ قليلاً ... حتى ولو لا لتقاط الأنفاس

شكرا يا نوران ، ويا رب يصلح حال البلد شكرا للاستاذ الفاضل الدكتور ياسر علي مشاركتك الرائعة ، ليك عندي نقطة خضرا اما اشحن مين اللي كان غلطان... الكل اهه محتار اللي يقول عسكر ..... واللي يقول ثوار مش وقته نتفرق ......مابين خناق ونقار وبلدنا اهه بتغرق....بين الرصاص والنار تعبت اقول تاني .......تعبت م التكرار ادي الامور واضحة ......لازم بقي نختار بين لخبطة وفوضي... وبين امن واستقرار في ناس بيندسوا ......بين اللي معتصمين ويشعللوا الموقف.......ويزودوا التسخين يضرب بقي العسكر...كل اللي في الميادين والضرب يتصور ........فينزلوا الباقيين يا ناس كفاية كدة.....خليكوا يوم عاقلين حنتوه كدة لامتي .... ما بين شمال ويمين نزود الشهدا ...........ونزود المصابين لا نحصل انتخابات..... ويضيع تعب ملايين لا المجلس اتنحي ......ولا الجنود ماشيين تارنا حيتأجل .....م الجيش وم الشرطة لحد ما الاول.......... يسلموا السلطة وبعدها نحاسب .......اللي ارتكب غلطة لكن حنستعجل ...........ونزود الورطة نديهم الفرصة ..........ينفذوا الخطة لا حاخد انا حقي ......ولا حتاخده انت وبلدنا تتعسكر ......ويقسموا التورتة

منقول وموافق عليه

السلام عليكم ،، صحيت اليوم متأخر جدا و نزلت جري علي المسجد الأزهر عشان ألحق جنازة الشهيد الشيخ عماد عفت و عقبال ما وصلت منطقة الأزهر كانت مقفولة تماما و اضطريت اركن بعيد يعتبر قرب الدراسة مالحقتش الصلاة و لا الجنازة داخل المسجد ،، لحقتها في الخارج قرب دار الإفتاء ما شاء الله ، الجنازة كانت ضخمة و مهيبة جدا جدا ،، الأعداد لا تحصر و طول الجنازة لا يدرك علي إمتداد البصر كثير من الشخصيات السياسية و المشاهير كانوا حاضرين هتافات غاضبة بدون تسقيف إحتراما للموت ،، الناس حزينة و بيسألوا بعض هنفضل كده نشيع شهدا الكل مش فاهم حاجة و بيسأل ما دام كل شوية بيحتلوا الميدان و يخلوا الإعتصام بسهولة ،، ميسيطروا عليهم و نرجع بيوتنا بدلا ما بيصطادونا الناس في الشارع و السيارات متعاطفة جدا و النساء بتبكي في الشرفات من الأزهر للسيدة عائشة ثم المدافن ،،، بعد الدفنة تحولت الجنازة إلي مسيرة ضخمة إلي ميدان التحرير بعد ما تحولت لمسيرة ابتدي يظهر ناس كثيرة بتشتم يا خونة يا شوية صيع يا عواطليه (( رغم إن كل المسيرة تقريبا خيرة و أنظف شباب و بنات في مصر )) واحدة ست طلعت من شباك بيتهم تشتم و تقول يا خونة يا عملاء ، قبضتم كام و قلة مؤيدين و متعاطفين بس كله بالهدوء لأن الأعداد مهولة و المسيرة طولها بتاع نصف ساعة مبتخلصشي فمحدهش يقدر يتحرش بالمسيرة وأخترقنا شوارع نصف البلد ،، يمكن لو كان فيه وقت و أتجهزت صور للشيخ الشهيد كان الناس فهمت أسرع رغم كثرة الأزهريين معانا حتي دخولنا ميدان التحرير في هتافات رجت شوارع نص البلد و ميدان التحرير قعدت شوية في الميدان مع شباب حزب العدل ، اتناقش معاهم و أسمع قصة الدكتور يماني اللي تم خطفه و تعذيبه من مقر الحزب و رجعت بتاكسي تاني للأزهر آخد عربيتي عشان خلاص كنت مش قادر من الأربع ساعات مشي ------------------------------------------------------------------------ علي الهامش :_ * اللي بيقول اللي في الميدان صيع و بلطجية و سبرسجية مش عارف بيجيب الكلام ده منين أنا مبشوفشي غير أنضف و أحسن شباب و بنات في مصر أو تقريبا كل واحد بيشوف اللي هوا عايزه ،، يعني خلاص الصيع و السبرسجية اتلموا يملوا ميدان التحرير و يتحرشوا بالجيش !!! * اللي بيقول البنت لابسة لبس خفيف ،، رغم إنه شئ لا يحتاج رد ، بس ببساطة الحركة و الزحام و الجري بتخلي الواحد عرقان و هيفطس اساسا

ليه؟؟ ليه ده بيحصل؟ مين له مصلحة ف الوصول بالبلد للحال ده؟؟ هل هى محاولة اثبات لكلمة قيلت؟؟؟ حامشى وحاتبقى فوضى ؟؟؟ من وراء كل ما يحدث ؟؟؟غير اللى ف السجن الصغير ( طرة ) والسجن الكبير (الفلول) ف أغلب مناطق مصر واقصد بكلمة اغلب ...الكثرة والغلب معا ...لأن الغلبان يضطر لمد يده ...احيانا ...خصوصا مع اختفاء المبدأ...!! حرقوا المجمع العلمى ؟؟؟ المصرى ؟؟ يارب ما توصل لحرق .....الانسان المصرى . الآن يتم حرق كل ماهو جميل فى مصر. لااقصد منشآت...فهى زائلة ولو بعد الآف الأعوام. لكن ؟؟ يتم حرق قيم الانسان المصرى ...يتم تدميره بتجريده من أصوله العريقة . نرى الآن وبعد حوالى احدى عشر شهرا من الثورة الجميلة الرائعة ...جنينا مشوها ...انجبته الاحداث . لانعلم من اباه؟؟ من أوجده؟؟؟ ابن من؟؟ أهو ابن بار ؟؟؟ ام ابن عار؟؟؟ تتشابك كل الخيوط الموصلة للحقائق ....صعب فكها. تم احراق ....قلوبنا.... قبل المجمع. أهل مصر جميعهم يعيشون فى رعب ....دمار يلحق بكل مكان فى بلدى . ماذا تنتظرون؟؟؟؟ أأحزن على الجماد؟؟؟أم على الانسان؟؟ ضباب يعيق الرؤية ..اين المسار وأين المصير ؟؟؟ أكل هذا من أجل السلطة والمال ؟؟؟ .........واين هو الانتماء ؟؟,اين هو حب الوطن؟؟؟ واين هو ثمن دم الشهداء ؟؟؟ هل ضاعت دماءهم ؟ وأن كنا كما كنا...اخبرونى لماذا ضاعوا ؟؟؟لماذا ضحوا ؟؟؟ المشهد كان واضح من البداية ولكننا فى عز الفرحة ....نسينا الحذر. نسينا الحذر.. نسينا الحذر. واصابتنا قلة الحيلة ورددنا ..الحذر لايمنع قدر . رغم اننا رسمنا اقدارنا بأيدينا . لك الله يامصر. وليرحمكم الله ياشهداء مصر الأبرار .

بعد ما قرأت اليوم لا اجد تعليقا غير هذا من على تويتر يناسب ما نحن فيه ايها الثوارهل يستحق هذا الشعب دماءكم؟ بعد ما سمعته من وضاعة الناس اليوم اقترح ان تنسحبوا الى زمن آخر تثوروا فيه من اجل شعب يستحق

يا مصر ليه هنتى على ولادك والدم بقى انهار وسال على ترابك المصري يقتل مصري جوة محرابك فرح العدو فينا وباركوا أحزانك ولو حاربونا ما يلاقوا جندى على بابك الجندى يضرب مصري و المصري يضرب جندى ويهز أركانك والفتنة تاكل فينا و تهد وجدانك يامصري اصحى وفوق وانسى أهوائك بلدك بيغرق و لا انت على بالك كل اللى همك نفسك ونصر احزابك فتح عنيك واسمع ده الحق قدامك

الاسم:ايهاب حنا اشعيا .. الجنسية:مصري الديانة:مسيحي . .. سبب الاصابة:محاولة انقاذ الفتاه المصرية المنقبة صاحبة الصورة الشهيرة من مليشيات طنطاوي العسكرية... معملهاش واحد كان بيجرى ورا كاميليا ,,وعبير,,,

للأسف فقدت الثقة في أي مقترح يأتي عن طريقك يا تيمور ليس لشخصك بالطبع و لكن لاتجاهك السياسي . الاتجاه الذي لا أراه يسعى سوى للفوضى الخلاقة التي تخلق الجو المناسب لصعود من تهيئونه للصعود في الوقت المناسب بعد تهيئة الوضع ليكون وحده المناسب للوقت و للمكان .. ِ عذرا أخي الفاضل لا أثق في اتجاهك تماما كما لا أثق في المجلس العسكري .. تحياتي

بادئ ذى بدء . أستسمحك أخى الفاضل ابو ريم الا تقول عليهم بلطجية ومثيرى شغب ... إنهم ثوار .. أحرار.. أطهار.. أبرار .. أخيار .. تصدوا بحجارتهم ومولوتوفهم وشماريخهم ((بتاعة الالتراس)) .. لقمع وعنف الجيش الخائن العميل.. بقيادة فل الفلول طنطاوى .. ان الثوار يفعلون هذا من أجلى ومن أجلك .. ومن أجل كرامة وحرية وعدالة 80 مليون مصرى .. فلا تنعتهم بتلك الصفات ارجوك .. بل نحن الخانعين الخائفين المرجفين .. لاننا لسنا معهم .. نشاركهم مقاومة الشر المستطير ..المتمثل فى الجيش المصرى عديم الانسانية والقيم والمبادئ أنت تتحدث اخى الفاضل وكأن هذا الجيش هو جيش وطنى .. لا والف لا لا لا لا لا لا .... بل هو جيش أختير وتربى على أيد مبارك .. جيش كبار قادته مرتشون وعملاء للغرب واسرائيل .. وصغار ضباطه وجنوده((المغسولة ادمغتهم )) يقتلون الثوار .. ويسحلونهم .. ويعرون النساء منهم .. اين النخووووووووووووه .. أين الرجوووووووووووووله.. أين الشهااااااااااااااااااااااااامة .. اين المرووووووووووؤه .. واااااااااااا ثوارااااااااااااااه... واااااااا ثوارااااااااااااه.. لا بد من الثأر لهم .. حتى ولو لم يبقى على ارض مصر غير ثلة الثوار الابرار الاطهار الاخيار والاحرار.. ومن يوالوهم .. فما حدث لهم امس ...واليوم .. قد يحدث لنا ولنساءنا فى المستقبل .. لا بديل عن السيناريو الليبى .. ويإما نعيش فى بلد نضيفه وديموقراطيه ..بكرامه وعداله وحريه .. يا إما الموت اهون وافضل واكرم واشرف ..حتى ولو كانت حرب أهليه .. المهم ان تنجح الثورة

http://www.youtube.com/watch?v=uGs5PQsehz0&feature=youtu.be

انا أول مرة أعرف ان النخوة والغيرة على العرض .... أصبحت تهييج للناس هل هذا ما تريده خرفان لا ترفع صوتها وحتى لو انتهكت أعراضها هيهات هيهات لن يحدث أبدا بعد الآن هيهات ان نريدك ان تكون من الخراف اخى الكريم انا شايف ان الجدل حولين هى البنت غلطانة ولا لا مفيش منة فايدة و خلينى اتبنى وجهة نظر البعض ان الجيش المصرى - اسف بلطجية و كتائب طنطاوى غلطانين وولاد ستين تيت اية المطلوب و كيف نصل الية يعنى هدف و اجراءات تنفيذية للوصول الية ؟؟؟؟؟؟ تمام يا باشا المطلوب هو ان يسلم المجلس العسكري جميع صلاحيته الرئاسية والتشريعية ( تسليم حقيقي ) لرئيس الوزراء الحالي كمال الجنزوري رغم تحفظنا عليه ,, وان يعود معززا مكرما الى دوره الاساسي والاهم وهو الحفاظ على الوطن من اي اعتداء ( خارجي ) بكده حنبقى حققنا اكثر من نصف مطالب الثوار و هدأنا من مخاوفهم بشان استيلاء العسكر على الحكم كمال الجنزورى اللى الاعتصام لمدة اسابيع كان لرفضة كمال الجنورى اللى المعتصمين محاصرين مدخل مجلس الوزراء عشان ميدخلش و كان رفضهم لية مقدمة لاشتعال الوضع الحالى ادينى عقلك

فيه حاجة احب ان اذكرها هنا بعد شهر سوف نجتمع هنا على اتهامات ضد المجلس العسكرى ولكن سوف تتبدل الادوار سوف يتحول المدافعون بأستماة الان عن المجلس (الذى هو رمز الجيش ومن يهاجم المجلس يريد ان يسقط مصر حسب اقوالهم الان) الى مهاجمون للمجلس والعسكر وسوف تمتلىء الميادين بهم وسوف يعلونون الجهاد ضد المجلس ويمكن يستعملوا الفيدوهات المنتشرة الان لحشد الناس معهم ضد المجلس طبعا الكل عارف ايه سبب لما سيحدث بعد شهر(شهر العسل ) للاسف فيلم عربى قديم

لكل من يستبيح دم معتصمي مجلس الوزراء ويختلق تبرير تلو الأخر للتعدي الذي حصل ضدهم تحت تبرير أنهم مجموعة من البلطجية شاءات إرادة المولى أن يخرج أناسا كراما لا يخافون في الحق لومة لائم ليقولوا كلمة الحق حتى يبطلوا بها أقوال من يروجون لبلطجة من قتلوا في فعاليات مجلس الوزراء نبدأ بصفحة المرشح الرئاسي حازم أبو إسماعيل على الفيسبوك وتعليقها على أحداث مجلس الوزراء : حازم أبو إسماعيل وهو واحد من المنتمين للتيار الديني لكنه على الرغم من ذلك لم يردد أقوال من نوعية ( دول عاوزين يبوظوا الإنتخابات عشان خايفين من نتيجتها !! ) شاءت إرادة الله أن يستقيل من المجلس الإستشاري أعضاء كرام رفضوا طريقة التعامل مع عناصر فعاليات مجلس الوزراء مثل ( شريف محمد زهران - حسن نافعة - زياد علي - لبيب السباعي - معتز بالله عبدالفتاح - منار الشوربجي - نادية مصطفى - حنا جريس ) والان رئيس المجلس السيد منصور حسن يهدد بالإستقالة إذا لم تتوقف الممارسات العنيفة ضد معتصمي مجلس الوزراء . شاءت إرادة الله أن يخرج المستشار عمرو جمعة نائب رئيس مجلس الدولة ليطالب المجلس العسكري بالاستقالة بعد أحداث "مجلس الوزراء" أترون أن أمثال المرشح الرئاسي حازم أبو إسماعيل وأعضاء المجلس الإستشاري ونائب رئيس مجلس الدولة يدافعون عن بلطجية ؟؟؟

عمر طاهر التحرير الطرطشة عكس اتجاه الريح December 18th, 2011 9:52 am هناك حكمة عالمية شهيرة خاصة بالتبول تقول «لا تطرطش عكس الريح وإلا طرطشت الريح عليك»، كنت أتمنى أن يكون الجندى المصرى الذى خلع ملابسه فوق مبنى مجلس الوزراء وطرطش على المتظاهرين على علم بهذه الحكمة ليقى نفسه ورؤساءه شر الطرطشة العكسية، لو كان هذا الجندى يجيد القراءة والكتابة ونظر إلى أسفل مسافة ثلاثة أمتار للاحظ اللافتة التى قال لى صديقى الواقف إلى جوارى هناك إن وجودها فى هذا المشهد يدعو للسخرية.. كان الجندى يطرطش وأسفل منه بالبنط العريض على جدران المجلس لافتة تقول «الديمقراطية هى توكيد سيادة الشعب».. كان هذا الجندى يؤكدها على طريقته. اتجاه الريح هو على الدوام اتجاه الشعب ولا تقل لى إنهم أقلية لا يعبرون عن بقية الشعب.. أعرف هذا، لكننى أؤمن أيضا أن الصواب «عمره ما كان بالكترة»، وأن الأغلبية لا تعنى بالضرورة أن كل سكانها على حق.. عندك مثلا قوم لوط كانوا أغلبية.. وكل الرسالات السماوية بدأت بشخص واحد فقط. (2) يقول سيدنا على بن أبى طالب إن العامة متى اجتمعوا أضروا «لأنهم قد يصدرون شوشرة على الأحلام وقد يضعفون جرأة الحق» ومتى تفرقوا نفعوا «لأنهم بتفرقهم يعود كل واحد إلى مهنته التى يفيد بها المجتمع»، لا أقصد إساءة إلى أحد لكن الكثيرين لهم ما يرونه على السطح فقط من عنف أو حرائق أو اقتصاد ينهار، يدعم رؤيتهم هذه إعلام رسمى يؤكد لهم صحة ما يرونه. فى عز الضرب أسفل مبنى مجلس الوزراء تسللت بيننا سيدة ريفية بسيطة خمنت أنها ربما زوجة أحد حراس عقارات المنطقة، نظرنا جميعا إليها وتفاءلنا بوجودها بيننا، قال لها أحد الشباب «إدعى لنا يا حاجة»، فقالت له «عايزنى أدعيلكم يا معرضين.. يا شعب معرض.. بتحرقوا الدولة يا كلاب بالفلوس اللى بيقبضوهالكم على النت؟»، أصيب الجميع بصدمة من وابل الشتائم والاتهامات العكاشية التى انهالت على شباب معظمهم قد ربط رأسه بشاش أو علق ذراعه فى عنقه برباط ضاغط، تحمس أحدهم فقال لها «ماشى يا ستى كتر خيرك»، وعندما احتد أحدهم التف الجميع حوله وأسكتوه بالعافية وطلبوا من السيدة إن «خلاص ماتزعليش نفسك»، فقالت «مش عايزنى أزعل؟ ليه؟ هتراضينى بباكوين من فلوس النت؟ هه»، فأخرج لها الشاب جيوبه ودلدلها فارغة من بنطلونه وأمسك بيده ورقة بعشرة جنيهات قائلا «والله ما معايا غيرها وخايف أفكها من الصبح». كنت مهتما بالفعل بالمساعدة فى إخراج السيدة من مرمى الحجارة وبعيدا عن حدود المذبحة الحجرية، لم أندهش عندما وجدت الأغلبية تناقش الأمر من وجهة نظر السيدة البسيطة بالضبط. (3) الناس التى تقف خارج حدود المعركة ضربها مؤلم أكثر من هؤلاء الذين يقفون فوق سطوح المجلس.. الواقفون خارج الميدان يقتلون دون نقطة دم واحدة، يرون النار المشتعلة فى المبنى ولا يرون التواطؤ فى تغافل المسؤولين عن الاستعانة بسيارات المطافئ التى تبعد 100 متر عن موقع الحدث.. يرون أن نارا اشتعلت من فرط الغضب هى العمالة ولا يرون فى إصرار الكبار على تركها مشتعلة هى الخيانة بعينها.. المبنى اللى حضرتك خايف عليه الدولة على استعداد تام على التفريط فيه مجانا لتشويه وجه الثورة. حضرتك وبسبب زن الإعلام ترى الملايين التى خسرتها البورصة فى أسبوع بسبب الاعتصام، ولم تسمع أن البورصة خسرت منذ أسبوع 2 مليار جنيه فى يوم واحد بسبب التسرع فى جنى الأرباح، على حد تعبير تقرير البورصة.. لم تسمع الخبر لأن الإعلام يهتم بأخبار البورصة عندما يمكن الربط بين خسائرها وبين الثورة وتتجاهل الحديث عنها وعن الجشع الغبى لروادها. حضرتك تستمع من الجنزورى لتبسيط مخل لما حدث منذ يومين، تستمع إلى خطاب قديم تفوح منه رائحة العطن، وتفسيرات ساذجة على طريقة الغسيل بتاع الجيران كان بينقط على غسيل الجيران اللى تحتهم، فتصدقه وتؤمن أن الأمر بسيط وأن المتظاهرين بلطجية ومأجورون ومراسيل مخطط التقسيم. لا تلتفت غالبا لقائمة الشهداء والمصابين وصورهم ما بين شيخ وعالم دين كبير، مثل الشيخ عماد عفت وطالب طب برىء نزل ليساعد فى المستشفى الميدانى مثل علاء عبد الهادى، ولكنك تلتفت بلا شك لأمور من نوعية البنت التى توجد خارج منزلها فى هذا الوقت المتأخر لدعم الثورة والمعتصمين، حضرتك نسخة من زوجة رياض باشا البنطلونى التى قالت له اسمها مامى مش أمك. حضرتك ترتاح لمن يكلمك بالهجايص فيلقى بالاتهامات جزافا، سواء كان قيادة عسكرية أو مذيعا نصف جاهل، ولا ترتاح لمن يتحدث بلهجة ثورية، لأنه يكسر كل ما تشكل بداخلك عبر السنوات الماضية عن أهمية الانصياع وتصديق من يحملون كارنيهات رسمية حكومية. (4) حضرتك تسأل لماذا يعتصم الشباب أمام مجلس الوزراء ولماذا يعترضون على الجنزورى؟.. إليك هذه القصة الصغيرة.. بدأت كتابة هذا المقال والجنزورى إلى جوارى فى الراديو يؤكد ويقسم أنه لا مجال لاستخدام العنف وأنه يعد بذلك على الأقل، لأنه إنسان قبل أن يكون مسؤولا وأسهب كثيرا فى تأكيد هذا الوعد، والآن أمامى على شاشة تليفزيون «سى بى سى» -بعد ربع ساعة من انتهاء الخطاب- جنود الجيش يطاردون الناس فى التحرير على الهواء مباشرة، وينهالون ضربا بالعصى على اثنين يفترشان الأرض ما بين فاقد للوعى وقتيل وعشرات يتساقطون على وجوههم أمام هذا الهجوم الكاسح. نحن أمام اختيار من أربعة.. الدكتور الجنزورى يكذب.. الدكتور الجنزورى مع نفسه.. الدكتور الجنزورى مالوش فيها.. الدكتور الجنزورى بيثبتنا. الفرق أن حضرتك تجد صعوبة فى تصديق أى اختيار من السابقين رغم ما تراه بعينيك، بينما شباب الثورة قبل أن يشهدوا ذلك بكثير كانوا يؤمنون أن الجنزورى لن يخرج كثيرا عن تلك الاختيارات. هل لدى حضرتك أسئلة أخرى

ربنا يسترها ..المصريون المختلفون والمؤيدون ..يملأوهم الحزن والغضب مما حدث ويحدث ومما سوف يحدث . بصرف النظر عن الطرف الذى يؤيدوه

يا مصر حالك ليه كدة ما بيتعدلشي نفسي اما نطلع خطوة فوق ما ننزلشي ثرنا وشيلنا اللي سنين قاعد ما يرحلشي مسكنا عسكر وقالوا جنودنا دي ما تقتلشي سحلوا في ولادنا وكهربوهم وقالولنا معلشي رموا قنابل وطوب والغاز ملا وشي و مجلس العسكر يقولوا ملتزمين اننا نمشي مين اللي حدف عليهم طوب ونار ما تسألشي ما الخطة بيكرروها وليه كل يوم ما تحصلشي ما دام المعتصمين يقولوا ليه ما نفضلشي ومهما قلنا دي خطة علينا ما بتخلشي يا اما ننزل كلنا يا اما ما ننزلشي يقولوا ده الاعتصام حقنا،مش حنسمع فما تقولشي ادوهم الفرصة اكتر وسهلوا لهم كمان غشي عشان بلدنا للامن والحرية ما توصلشي يا شعب قلبي عليك اصبر ما تزعلشي حيجي يوم ينعدل حالنا ولا يميلشي حيجي يوم ينعدل حالنا ولا يميلشي

هو انتوا عمالين تتجادلوا من غير فايدة ليه؟ احنا قدام امرين 1- يااما الجيش غلطانين والمجلس متواطئ وبيتعمد يعمل كدة علشان ما يسلمش السلطة ، فدي تبقي مشكلة كبيرة ، انسب حل ليها ان كل المعتصمين دول يروحوا دلوقتي علشان ما يبقالوش حجة يأجل تسليم السلطة بيها ، ونبقي بوظنا عليه خطته و يضطر يسلم السلطة في المعاد وبعدها نعمل تحقيقات نزيهة وكل اللي اتظلم ياخد حقه ، اما لو ماطل وعطل تسليم السلطة عن يونيو الشعب حيكشفه و حيتحدوا وينزلوا كلهم ضده تاني ،لأن دلوقتي جزء كبير من الشعب مخدوع فيه وشايفينه بريئ و شايفين ان اللي في الميدان دول بلطجية ، 2- يا اما الجيش مش غلطانين وهما فقط بيردوا علي الاعتداءات اللي بتجيلهم ، ودي حلها ان المعتصمين السلميين اللي هناك برضه يروحوا دلوقتي ، علشان ما يبقاش اللا البلطجية والمندسين هناك وينولوا جزاءهم اللي يستحقوه، يعني الخلاصة في كلا الحالتين انسب حل دلوقتي الكل يرجع بيته

السلام عليكم الثوار .....الاشرار

كلام حضرتك غير دقيق الشباب كانوا معتصمين في امان الله والانتخابات بمراحلها عدت بكل امان بالعكس احنا ساهمنا في كشف الفاسدين وتمهيد الطريق امام اللي فازوا حتى الآن باغلبية المقاعد عاوزين بس المصري ترجع له كرامته لا يتسحل ولا يتقتل ولا يتهان عاوزين مجلس شعب ليه صلاحيات حقيقية ويكتب دستوره بنفسه بدون وصاية من مجلس العار عاوزين كل مجرم تلوثت يداه بدماء المصريين يتحاكم امام القضاء العادل

حضرتك عندك أدلة أو مرجعية للكلام ده ، لأننا زهقنا ندور في حلقة مفرغة من الكلام بلا أدلة وكلام مرسل وناس تكتب ولا تقرأ ، الم تقرأ بعد ان مجلس الشعب المنتخب ليس له أي صلاحيات ، الم تقرأ بعد ضرب الضباط لنواب الشعب المنتخبون ، الم ترى فيديو العسكري فوق قبة مجلس الشعب يبول على الناس في رسالة هى اوضح ما تكون لكل السياسيين .... هو تصفية الثوار من الخلف هو اللى حيخللى الإنتخابات تكمل ، هو تعرية النساء هو اللى حيخلى الإنتخابات تكمل ، هو حرق تاريخ مصر هو اللى حيخلى الإنتخابات تكمل ، هو قتل خيرة شباب ورجال مصر هو اللى حيخلى الإنتخابات تكمل ... وماذا يتبقى بعد كل هؤلاء انتخابات ايه ولمين لما كرامتنا وعرضنا على الأسفلت في الشارع .... ايه الكلام ده هو كان ال 200 معتصم دول اللى كانوا حيوقفوا الإنتخابات وكأن هم اللى كسروا وحرقوا وقتلوا وسحلوا وعروا واغتالوا .... هو فيه ايه هو الحق صعب قوى كده انه يتشاف على العموم قرأت أن التاريخ سيذكر أن خلف جنازة الشيخ الشهيد المغدور عماد عفت مشى المسيحيون والليبراليون والعلمانيون والأزهريون ... بينما جلس الإسلاميون في بيوتهم ينتظرون نتيجة الإنتخابات

العالم ينتفض لعرضنا ... هل فيكم رجل رشيد

أختصمك أمام المولى عز وجل بهذه الأسطر يوم لا ينفع مال ولا بنون حسبنا الله ونعم الوكيل حسبنا الله ونعم الوكيل حسبنا الله ونعم الوكيل

لا طبعا فلا نامت أعين الجبناء بس الحيلة يا تيمور حرام خيرة شباب مصر بيروحوا بجد ده اللي حازز في نفسي اوي لازم تحافظوا عليهم لازم اذا 3 اعتصامات في 3 شهور كانت نتايجهم كده لازم تفكير مختلف انا مش مع الانتخابات و لا مؤمنة ان حد حيمسك حاجة غيرهم الناس متخدرة زي بعد خطاب المخلوع تعبوا و نفسهم يستقروا و شايفين الثوار همة العقبة في طريق الاستقرار و الانتخابات و الاحلام الوردية مصدقين بكل أسف اذا كان 25 يناير من غير تخطيط دلوقتي ما ينفعش نسير بنفس الطريقة شوفوا حل القوة غير متكافئة مش باطالب بتنازل و لا اننا نفضها سيرة بس الناس سدت ودانها و الثوار حيروحوا في الرجلين معرفش ايه الحل بس لازم يكون في حل يصون الدماء أرجوكم ما تقفوش قدام القطر لفوا من وراه

اخطر فيديو ممكن تراه الجيش يستخدم السلاح الآلي والثوار يحاولون إطفاء الحرائق http://www.youtube.com/watch?v=gRyG_JaZDDQ

غالبا يا أخي الفاضل أبو العز في مسائل العرض تحديدا عندما يتكلم أحد الرجال في عرض امرأة يُرد ذلك الكلام في أهل بيته و يجد من يتكلم في عرضه فقط دعوت لك ألا يحدث معك ذلك و أن يحفظ لك أهل بيتك و كما قال الإخوة هنا لو كانت نازلة من بيت دعارة لا يجوز فضحها بذلك الشكل و لا يجوز اللوم بهذا الشكل نحن لا نعرف حقا ماذا كانت تفعل هذه الفتاة و مهما كانت تفعل لا تستحق ذلك و حتى الضرب اللي حضرتك مستهون بيه لا يجوز لعاهرة و حقا تألمت كسيدة أن تلام المرأة على انتهاك عرضها و لا أحد يلوم الجاني؟!

للعلم وبس .. البنت كانت مرتديه الجينز تحت العبايه وهم الذين جردوها من ملابسها وشكلها متعلمه ومحترمه وبنت ناس واهلها عرفم يربوا واى واحد عنده بعض من حميه / او بقايا رجوله لازم يتحر عليها لو المبدأ بمنطق ليه تنزل وتبات فى الشارع : هأرد واقول اولآ الحكايه كانت بالنهار وبلاش مغالطه وكتير زيها نزلم وباتم واتسحلم وماتم فى 25 ياناير ثانيا ليه بنسيب زوجتنا واخوتنا من الطبيبات او الممرضات يباتم بره البيت ؟ علشان الماده فى الأصل رغم سمو المهنه / والتظاهر او الإعتصام من اجل وطن ( أليس اسمى واعمق وادل ) كتير من السيدات يطرهم عملهم للمبيت خارج المنزل / كلهم ولامؤخذه بمنطقكم بقى !! اتقوا الله وبطلوا الخنوع اللى انتم فيه / بدعوى الإستقرار والأمن واشياء مستهلكه الأمن لما حبم يضبطوه حصل فى 24 ساعه فقط المجلس تعهد بألا يتعرض لفرد من ابناء الوطن / دلوقتى بيضرب وشباب بتموت حد يقولى ايه الفرق بينه وبين الجيش السورى مثلا ؟ حد يقولى رأس ورموز النظام البائد ليه ماتحكموش لحد دلوقتى حد يقولى ايه الخطوات العمليه اللى اتخذوها لإسترداد اللى اتنهب ويقدر بثلاثة تيرليونات /

الجنود الذين قاموا بسحل الفتاة و ضربها بهذا الشكل المزرى لابد و أن يحاسبوا على جريمتهم تلك التى أخجلت كل صاحب نخوة ومروءة . هل وصلنا إلى هذه الدرجة من التدنى حتى نضرب نساءنا ونسحلهم في الشوارع ؟! ولكن هذا لا يعطى مبررا لأى كائن كان أن يحرق بلده ويدمر تاريخها بهذا الشكل المحزن.

احييك على شهادتك طبعا شهادتك لن تجد لها صدى هنا لانك تقول الحق لكن لو قلت انك شاهدت الشرطه العسكريه تقتل المتظاهرين كنت اخدت مائة نقطه خضراء لان معظم الاخوه هنا عايشين فى دور الشهداء ومعظمهم فى جده والرياض وتبوك يا منتدى الشهداء

هى فعلا كانت بتنضرب بس ماحدش خلع ملابسها وبعدين انا لو بنتى تنزل تبات فى الشارع مع شباب صايعة انا بنفسى اللى ح أعمل فيها كده ده اذا ماكنتش قتلتها قبل كده السؤال اللى ماحدش عايز يجاوب عليه هى العيال دى معتصمة ليه والانتخابات شغالة زى الفل والبلد بدأت يمشى حالها وبعدين عمرنا ماسمعنا عن عيال بتلعب كورة قدام مجلس الوزراء ده احنا مابنسمحش بلعب الكورة قدام بيوتنا نوافق على اللعب قدام مجلس الوزراء على كده بكره نشوف ترابيزات بلياردو أو بنج بونج قدام وزارة الخارجية ولا حتى رئاسة الجمهورية ياريت نصحى بقى ونشوف بلدنا وصلت لفين واحنا عمالين نحرقها بايدينا حسبى الله ونعم الوكيل

يا استاذ ابراهيم ما حدث من تصرفات حمقاء قد يؤدي الى انهيار دولة للابد والتاريخ ملئ بحروب استمرت عشرات السنين بين قبائل الدولة الواحدة بسبب تصرف احمق بسيط فايهما اهم في رأيك ؟؟؟؟ هناك اوقات لابد من التصرف فيها بمنتهى القسوة خاصة مع البلطجية والمخربين والا سيسيطروا على البلد وتكون دائما تحت رحمة امزجتهم هل لو اختك ارادت النزول في موقف مثل هذا واضح ان فيه بلطجة ومجرمين ومندسين ليس لهم هدف او مطالب سوى اشعال الفتن هل كنت ستوافقها على النزول ؟؟؟ هل من قاموا بضرب هذه الفتاة او غيرها ،،، ذهبوا لها في بيتها وضربوها ؟؟؟ هل رايت انت مثلا ماذا كانت تفعل هي؟؟؟ يا عزيزي. لو سقطت هيبة الدولة اما البلطجية سنتتضرر جميعا اخوان وسلف وليبرالي وعلماني ومسيحي معقولة يا استاذ ابراهيم انت كمان مش مدرك خطورة المشاركة في هذه الاحداث الجنزوري كان بيبكي على وضع مصر الاقتصادي... ثم يأتي هؤلاء يريدون اسقاط مصر بالضربة القاضية وفاكرين ان شوية صور او فديوهات ستؤثر على اصحاب العواطف..... مصر فوق الجميع ومن يعرض امنها للخطر ويعرض شعبها كله لحرب اهلية. يستحق الحرق ردا على النقطة الملونة بالأحمر زمان كان لما تطلع واحدة بتبكى وبتقول ان بعض الشباب اغتصبوها فى الشارع او ميكروباس كان فيه بعض الناس كانوا بيردوا زى حضرتك بالضبط يمكن البنت دى كانت لابسة ملابس خليعة او ايه الى نزلها فى الوقت ده او المكان ده وكان اللوم كله منصب على الضحية ويتضح لنا ان الضحية كانت محجبة وكانت راجعة من شغلها وكانت الوقت مش متأخر ولكن كان هناك من يتهم الضحية زى حضرتك بدون ان يفكر فى اتهام الجانى اعتقد اننا كنا نتهم الضحية لعجز مننا ان نحميها اوان نقتص من الجانى فكنا نصور لنفسنا انها بنت مش كويسة وتستاهل الى جارلها ولكن اذا لم نتسطيع ان نحى الضحية ولا نقتص من الجانى على الأقل لا نتهم الضحية ونبرأ الجانى فنكون من الظالمين

ما تخافش على الكتب اللى عمل الكتب اول مرة يقدر يعملها مرة تانية انما ممكن نتكلم عن كسر الشعب واستباحة المواطن واللى علشانها يقال ان هناك ثورة حدثت وما زال نفس الأسلوب القديم بل وافظع بالمناسبة الشعب الديكتاتورى ده زى ما هو واضح من الفيديو بيحاول ينتقل الكتب فى الوقت اللى بنتضرب عليهم طوب وحجارة وبيتسحلوا http://www.youtube.com/watch?v=YOs2j4XRjs0 اه قبل ما انسى قرأيت على تويتر ان الشعب اللى يستاهل الديكتاتورية ده كان بيستغرب ازاى هناك حريق فى المجمع العلمى وامامه او بالقرب منه نقطة اطفاء وكمان الشباب جمعوا الكتب وودوها لضباط الجيش واللى رموها فى الشارع

سأل عالم تلميذه: منذ متى صحبتني؟ فقال التلميذ: منذ ثلاثة وثلاثين سنة... !!فقال... العالم: فماذا تعلمت مني في هذه الفترة؟ ... قال التلميذ: ثماني مسائل... !!!قال العالم: إنا لله وإنا إليه راجعون ذهب عمري معك ولم تتعلم الا ثماني مسائل؟ قال التلميذ: يا أستاذ لم أتعلم غيرها ولا أحب أن أكذب. فقال الأستاذ: هات ما عندك لأسمع... قال التلميذ: الأولي : ---------- أني نظرت إلي الخلق فرأيت كل واحد يحب محبوبا فإذا ذهب إلي القبر فارقه محبوبه فجعلت الحسنات محبوبي فإذا دخلت القبر دخلت معي . الثانية: --------- أني نظرت إلي قول الله تعالي : 'وأما من خاف مقام ربه ونهي النفس عن الهوي فإن الجنة هي المأوى ' فأجهدت نفسي في دفع الهوى حتى استقرت علي طاعة الله . الثالثة : --------- أني نظرت إلي هذا الخلق فرأيت أن كل من معه شيء له قيمة حفظه حتي لا يضيع ثم نظرت إلي قول الله تعالي: 'ما عندكم ينفد وما عند الله باق' فكلما وقع في يدي شيء ذو قيمة وجهته لله ليحفظه عنده . الرابعة: --------- أني نظرت إلي الخلق فرأيت كل واحد يتباهي بماله أو حسبه أو نسبه، ثم نظرت إلي قول الله تعالي: 'إن أكرمكم عند الله أتقاكم' فعملت في التقوي حتي أكون عند الله كريما . الخامسة: --------- أني نظرت في الخلق وهم يطعن بعضهم في بعض ويلعن بعضهم بعضا، وأصل هذا كله الحسد، ثم نظرت إلي قول الله عز وجل: ' نحن قسمنا بينهم معيشتهم في الحياة الدنيا ' فتركت الحسد واجتنبت الناس وعلمت ان القسمة من عند الله فتركت الحسد عني . السادسة : --------- أني نظرت إلي الخلق يعادي بعضهم بعضا ويبغي بعضهم علي بعض ويقاتل بعضهم بعضا ونظرت إلي قول الله تعالي: 'إن الشيطان لكم عدو فاتخذوه عدوا ' فتركت عداوة الخلق وتفرغت لعداوة الشيطان وحده . السابعة: --------- أني نظرت إلي الخلق فرأيت كل واحد منهم يكابد نفسه ويذلها في طلب الرزق حتي انه قد يدخل فيما لا يحل له، ونظرت إلي قول الله عز وجل: 'وما من دابة في الأرض إلا علي الله رزقها' فعلمت أني واحد من هذه الدواب فاشتغلت بما لله عليّ وتركت ما لي عنده . الثامنة : --------- أني نظرت إلي الخلق فرأيت كل مخلوق منهم متوكل علي مخلوق مثله, هذا علي ماله وهذا علي ضيعته وهذا علي صحته وهذا علي مركزه ونظرت إلي قول الله تعالي 'ومن يتوكل علي الله فهو حسبه' فتركت التوكل علي الخلق واجتهدت في التوكل علي الله . فقال الأستاذ: بارك الله فيك سبحان الله - الحمد لله - لا اله إلا الله - محمد رسول الله - الله اكبر - اللهم صل وسلم وبارك على نبينا وحبيبنا محمد وعلى اله وصحبه

المشكلة الأكبر في نظري هي إفتقاد الثقة بين المتظاهرين والمعتصمين تجاه السلطة متمثلة في أي ممثل لها ( شرطة - جيش - او أي مسئول ) المشكلة التي تليها هي إفتقاد المتظاهرين والمعتصمين لثقافة التعامل مع ممثل السلطة ( العسكري البسيط ومن يعلوه ) فيتخيل المتظاهر ان هناك عداء بينهما. مقاومة فرد الامن لن يقابلها فرد الامن بابتسامة او قبلة يطبعها على جبين المتظاهر ، فما بالنا باستخدام القوة او السلاح ضد فرد الامن؟. فرد الامن هو صاحب الحق في استخدام القوة بقوة القانون ، والمواطن له الحق في التظاهر السلمي فقط وواجب عليه عدم مقاومة السلطات. يوم يتعلم المواطن كيف يتظاهر وفي نفس الوقت لايقاوم او يعتدي على السلطات ؛ لن نري هذا العنف المتبادل والذي يسفر في نهايته عن ضحايا من المدنيين وعداء متبادل وانعدام ثقة يزداد يوما بعد يوم. في كل الاحداث التي تمت ، كانت الاحداث تبدأ بخطأ بسيط يتبعه تهور من احد المتظاهرين لتتطور الاحداث لقتلى وجرحى ومعاقين. طبعا آخر الاحداث كان ( كرة نطت داخل حرم المجلس ) تبعها تصرف خاطئ من واحد من المعتصمين ضد أفراد من المظلات لايعرفون الهزار اثناء ادئهم لخدمتهم او الحراسة المكلفين بها ، وانتهت موقعة الكرة بخسائر جديدة في الارواح والممتلكات وفي المسيرة الديمقراطية بدون ادنى شك. احل في نظري يقع اولا على عاتق المتظاهر والمعتصم والذي يجب عليه ان يفهم اصول التظاهر والاعتصام السلمي ، والذي يجب عليه ان يفهم انه عند التظاهر أو الإعتصام ليس لديه أي حق في مقاومة السلطات وان اقصى مايمكنه ان يفعله ان ينام على الأرض رافضا ان يتحرك او ان يترك مكانه ، وإذا قامت قوة الأمن بالقبض عليه فليس له ان يقاوم ، وليس له ان يتدخل عند القبض على أي من زملائه. يجب أن يتعلم المتظاهر أنه لم يخرج ليقاوم السلطات بل للمطالبة بحق يراه او للإعتراض على قرار ما ، وان التظاهر هو وسيلة لإيصال صوته للمسئولين او الضغط عليهم في سبيل أمر ما. لو تعلم المواطن حقوقه واين تنتهي حدود تلك الحقوق ، فاعتقد ان ذلك سيكون له عامل كبير في وقف العنف وأعمال الشغب التي تحدث الآن. مايحدث الآن ليس له تعبير الا ان الثورة قد تحولت بفضل الفهم الخاطئ لمنطق حق التظاهر والإعتراض إلى فوضى وأعمال شغب.

الشئ العجيب في توم وجيري | | | | ... | | | | أنهم طول الوقت من غير هدوم ولما يروحوا حمام السباحه عشان يستحموا بيلبسو مايوه

قال رسول الله صلى الله عليه وسلم : ( من تعار من الليل فقال حين يستيقظ لااله الا الله وحده لاشريك له. له الملك . وله الحمد. يحي ويميت بيده الخير وهو على كل شي قدير ,سبحان الله, والحمد لله, ولا اله الاالله, والله اكبر , ولا حول ولاقوه الا بالله , ثم قال : اللهم اغفر لي او دعا ,استجيب له فان قام وتوضأ ثم صلى قبلت صلاته ) رواة البخاري

السلام عليكم و رحمة الله و بركاته ليه بنزعل بعض؟؟؟ و لا ليه بنزعل من بعض؟؟؟ لا اصلها تفرق الحقيقة....(وش اي حد موظف بيشتغل في الارشيف) لو الاولانية يبقي كده دي حالة تلبس يا دكتور يعني حد قاصد يزعل التاني مع سبق الاصرار و الترصد...(هنا بقي وش اي محامي مبتديء) و دي معتقدشي ان اي حد قاصدها....لان ببساطة كل واحد في حياته اللي هي بعيد عن الشاشة اكيد عنده لسته طويلة اوي من الحاجات اللي يقدر يزعل منها و عليها التانية...ليه بنزعل من بعض و ده اغلب الافتراض اللي حضرتك تقصده وجهة نظري المتواضعة جدا بنزعل من بعض لما بنخش في حوار انا بسميه بنلبس في الحيطة يعني تفضل مداخلة ورا التانية تجرنا.....لغاية ما احنا الاتنين نلبس في الحيطة...و ساعتها لازم نزعل من بعض...(الله مش هي الحيطة بتوجع برضه و لا لا) في الكلية اتعلمنا انك لما تيجي تقرا مش بس تقرا الكلمات جنب بعضيها انت بتقرا ازاي الكاتب بيبني الفكرة بتاعته و بتتطور طبعا ده سهل جدا لما تكون بتقرا مقالة واحدة لكاتب واحد بيحاول يستعرض فكرة واحدة لكن تعالي بقي في حالة المنتدي يعني كل شخص داخل بفكرة....و بيعبر عن ده في مداخلة...و بعدين يتقاطع معاه اتفاقا او اختلافا شخص اخر ساعتها حاجة من الاتنين....يا هتفضل المداخلات تبقي عاملة زي لعبة البينج بونج...رايح جاي...جاي رايح لغاية ما حد يجيب التاني تثبيت اكتاف...(و في الحالة دي انا بعتبرها قمة العنف في الحوار) يا اما الاتنين يلبسوا في الحيط مين بقي الرايق اللي قاعد ع جنب و بيتابع كل ده.....(انا سعادتك..شريرة انا صح) لاني بحب اشوف الحوار اصلا...اصلا بيتبني ازاي يعني الموضوع بيبتدي ازاي...تطوره بيوصل لغاية فين....قمة الصراع...(في الافكار) بتوصل انهي نقطة...و ازاي يتم اللبس في الحيط او الخروج منها و ده اللي اقدر اقوله لحضرتك علشان لا تزعل من حد و لا تزعل حد ارسم لنفسك خط....او فكرة انت عايزة توصل ليها من خلال الحوار و ركز علي الفكرة دي لو حسيت ان الحوار بيتبني بشكل انت نفسك بتتعلم منه و بيضيف لافكارك جديد...يبقي ميت فل و اربعتاشر لما تحس ان الحوار هيلا بيلا رايح بيك لحيطة سد....يبقي اعمل ستوب و جيب مارشيدير و ارجع بالعربية و غادر الموضوع فورا صدقني عمر ما الحوار هيخلص لكن المحك الحقيقي....كام فكرة قدرنا نثري بيها الحوار و كام سؤال انت قدرت تساله لنفسك و ينكش دماغك لكن هنفضل نخرج من حيطة و نلبس في التانية صدقني...هنفضل نقول.....آي....و دماغك انت اللي هتوجعك مش حد تاني طولت علي حضرتك بس عجبني التوبيك و اه مساحة فضفضة ووجهات نظر صباح حضرتك......حوار....يبني لقدام...و يا رب ميلبسشي بينا في حيطة...قول آمين...(هاااقولت....سمعاك ع فكرة)