لوحة القادة

أستاذة / نور العين مفيش حد بيوجه إتهام للثوار انهم هم من يقومون بالتخريب. الثوار الحقيقيون واجهوا قوات الأمن بشعاراتهم وهتافتهم يرددونها ولم يرفع أحدهم طوبة أو كسر رخام ضد قوات الأمن على الرغم من إستخدام قوات الأمن لنفس الوسائل مدرعات ومدافع الماء وقنابل الغاز المسيل للدموع والرصاص المطاطي، وبصورة أعنف أيام 25 يناير حتى إختفائهم من على الساحة. لم يستخدم الثوار الحقيقيين سلاح الطوب إلا لحماية أنفسهم من بلطجية النظام في موقعة الجمل حيث ظهر سلاح الطوب والمولوتوف لأول مرة من بلطجية النظام القادمون من مصطفى محمود وراكبي الجمال والحمير. مانعيبه على الثوار هو تورطهم في حماية البلطجية واعتبارهم من الثوار فأساءوا لأنفسهم ولسمعتهم. عندما نري أحداث مجلس الوزراء الأخيرة ونجد أن من بين الشهداء شيخ جليل وطالب في خامسة طب وغيرهم من العيال النضاف ومعاهم شوية بلطجية وصيع ونجد أيضا أن من تسبب في إندلاع الشرارة على حسب وصفهم لم يكن سوي ابن عضو مجلس شعب سابق بالحزب الوطني يتأكد لنا أن شباب الثورة قد تم إختراقهم وأصبحوا يضمون بين صفوفهم المأجورين ومثيري الشغب. ماتظلموش الشعب لما يعلن كفره بالثورة والثوار لانهم يرون ان مايحدث إنما يحدث بأيدي الثوار ، المواطن العادي لن يبحث ويحلل إن كان البلطجي الذي يشعل النيران في مبنى المجمع العلمي هو ثائر حقيقي أو بلطجي مأجور ، هو يراهم جميعا من نفس الشلة أو نفس السلة ، سلة الثوار. يجب على الثوار أن يعيدوا فرز المنضمين لهم وإبعاد المشتبه فيهم ، وصدقيني من كثرة الروايات التي تناقلتها وسائل الإعلام يزداد يقيني أن من يطلقون الرصاص إنما هم مندسون داخل الزحام وغالبا يحملون السلاح داخل جيوبهم لان أكثر من حالة يثبت فيها أن الإطلاق إنما تم من مسافة مترين إلى ثلاثة. ومعلومة على الماشي ، صوت الطلقات اللي بتسمعوه في الفيديوهات ده غالبا إما طلقات صوت أو خرطوش ، أما طلقات الطبنجات والبنادق الآلية فصوتها مكتوم ويكاد يختفي باستخدام كاتم الصوت وخاصة في الزحام والضجيح الحادث في المظاهرات. ممكن جدا أن أضع طبنجة في جيبي وأطلق منها على من حولي دون أن يلحظ ذلك الآخرين.

السلام عليكم عذرا على التأخر فى الرد يا تيمور بالصلاه على النبى كده ..انهى جناح فى 6 ابريل يعنى 6 ابريل قبل العشروميت انشقاق و لا بعدها يعنى 6 ابريل جناح احمد ماهر اللى عملوا هاكينج على ايميله و طلعوا بلاوى يقال ان فيها ريحه تمويل و الله اعلم و لا 6 ابريل الجبهه الديمقراطيه جناح طارق الخولى .. ربما تكونون الان غير مؤهلين لا و لا مدربين عليها لان التدريب الذى كان فى صربيا كان على الاسقاط السلمى للانظمه كما قال محمد عادل من قبل او حركات اللا عنف لكن ربما تضطركم الظروف ...التمويل مثلا ..للتحول الى منهج العنف و قياده ...حرب شوارع ..يا نهار اسود ..حرب شوارع يا تيمور و مع كتائب طنطاوى ..خلاص اختصرتم الموضوع كله و مصر و الجيش و بقت كتائب طنطاوى .. و بعدين هو يعنى شعب مصر خلاص لم يصبح له وجود دا انتوا ما قدرتوش تعدوا من ميدان العباسيه ..ها تخوضوا حرب شوارع و هما اللى ساكنين الشوارع دول لا مؤاخذه هايقفوا يتفرجوا عليكم يا كباتن الان صراحه و حقيقه و أمانه يجب الحجر عليكم ايها المتهورون بل و الله ان لم يتخذ المجلس المتواطئ الان موقف شديد مع العابثين امثالكم وو الله لتندمون جميعا يوم لا ينفع الندم هههههههه شكلك لسه صاحي من النوم يا بو عمر الله يهديك لو عندك وقت ابقى اقرأ ردودي على الزملاء الافاضل ففيها كل الرد على كلماتك ورجاء حار بلاش تجيب مداخله قديمة فيها اسم شباب 6 ابريل ثم تلحقها بكلام يعبر عن ارائي الشخصية للتدليس على الجميع كده عيب جدا جدا وانت المفترض اكبر من كده ,, شوف التوبيك ده هو اللي فيه الخلاصه لو فعلا نيتك صافية وعاوز تحقق الامان والاستقرار للبلد http://www.egyptiantalks.org/invb/index.php?showtopic=130510 اما لو غرضك التشويه وبس بدون سبب فاسمح لي ساتجاهل اي كلام موجه لي من طرفك مستقبلا تحيتي ,, السلام عليكم المداخله القديمه كانت امس يا ارش لما سألتك انتو مين رديت 6 ابريل و بس و ردى اعلاه هو رأيي مع احترامى لكل من سبق و تبقى مصيبه يا تيمور بعد كل ده تقولى غرضى التشويه و بس و بدون سبب كان نفسي ردك على ما كتبت يكون واضح مين فى 6 ابريل تحديدا عنيت فى كلامك اما قصه التجاهل او عدمه فهذه حريتك ليس لى فيها دخل و لن يمنعنى هذا من الرد و بكل قوه ..و أدب .. عليك و على اى احد يضر مصر ..بقصد او بدون قصد بعلم او جهل و انصحك من اخ اكبر لك فى السن على الاقل تحسس كلماتك جيدا فانت تتعامل مع نخبه حقيقيه مثقفه وواعيه لن تفوت عليها الهمسه . الفاضل RAWDS اليك ايها الفاضل و لكل المحترمين فى المنتدى نموذج لهؤلاء الثوار المحترمين رافعى شعار الثائر الحق ..ما يقولش للبانجو ..او الحشيش .. لأ http://www.youtube.com/watch?v=Re15RNER-Gg&feature=player_embedded ممكن فيديو للشيخ عماد عفت كدة وهو بيرتكب اى حاجة غلط علشان اتاكد من الثوار كلهم بنات دعارة و ولاد بتوع مخدرات بانجو وبلطجية ؟ انا مش عارف افسر ازاى كنم تدافعون عن الححاب والنقاب وكامليا وعبير الى متجوزة اتنين فى وقت واحد ولم تتأثروا بواحدة يخلعون عن ملابس ويسحلوها وهى شبه ميتة وكمان لم تتأثروا عندا استشهد رجل دين مسلم بس يمكن مش من قادتكم ولا طائفتكم كيف تنأمن مصر كلها بكل اختلافاتها الدينية والاجتماعية من حكم بعضكم ؟ الثورة الى انتوا استعملتوها مثل السلم لتصلوا الى طموحات قادتكم الان انتوا تريدون ان تحرقوا السلم حتى لا يصل احد اخر وطبعا فتوى الخروج على الحاكم جاهزة وعدم تدويل الحكم هى كمان موجودة ليه كل ما حد يجيب فيديو يدين تصرفات بعض الثوار والمعتصمين يتم الإتيان بإسم الشهيد عماد عفت والإستشهاد به وكأنه أحد الثوار المعتصمين كلنا قرأنا وسمعنا إنه كان رايح يتفاوض مع الثوار ويحاول إقناعهم بفض الإعتصام ، وكمان زوجته قالت نفس الشىء ثم قتل غدرا والتقارير بتشير إن الإصابة كانت من مكان قريب والرصاصة إخترقت جسده ( رحمه الله وتقبله في الشهداء .. آمين ) يعني اللي قتله كان مندس بين الثوار ، إاللي تم إختراق صفوفهم بالبلطجية والمدمنين والمأجورين وليه الدفاع والتبرير لكل أفعال الثوار أو بعضهم أو المحسوبين عليهم وكأنهم ملائكة تمشي علي الأرض هم بشر ويخطئون ولم يحتكروا الطهر لهم وحدهم دونا عن باقي المصريين ولا يحتكرون الثورة ولا مكتساباتها لهم وحدهم دونا عن باقي الملايين والمصريين اللي نزلوا معاهم في كل ميادين مصر وللا نسيتوا السويس واسكندرية وباقي المحافظات ؟؟؟ ولولا الملايين دي ماكان هيبقي فيه ثورة ولا ثوار خلاص الثوار بقوا المجموعة اللي في التحرير واللي عند مجلس الوزراء وهم دول اللي لازم يقرروا عن باقي الشعب وهم دول اللي إحتكروا الثورة والطهر دونا عن باقي المصريين !!!!!!!!!!

بدون الكشف عن هوية الشخص الذي دفع هذه الأموال للتخريب والإحراق للمنشأت العامة فهذا الكلام لا يعدو كونه حبرا على ورق مسئول أمني يخرج ليحدث الشعب عن ( أبو الرجال وعز الرجال وأبو دومة ووو إلخ ) !!! ما هذا ؟؟ هل نحن أمام عمل درامي مثلا حتى يتم تلقيب المجرم بمثل هذه الأسماء ؟ مسئول أمني يخرج يقول لنا حقائق وأسماء , هذا ما نعرفه ونراه في الدول المختلفة أما كلاما مثل هذا والذي يأتي بهدف تعميق الشعور لدى الشعب بوجود ( الطرف الثالث ) فهو لا يؤخذ به .

ألومهم و ألومها ألوم من سحلها ألوم من جرحها ألوم من عراها و ضربها ألوم من لم يرحم ضعفها ألوم من أخرجها وزجها ألوم من أغراها وخدعها ألومهم و ألومها ألومها وقد أنصتت لمن دفعها إلى الميدان فبلعها ألومها وقد خالطت من حولها من فاسدين ومارقين وإنها أنثى كريمة.. ذرونى ألومها ألومهم و ألومها

من يدافع عن انتهاك عرض طبيبة من قبل جندي ... لن يراعي حرمة الأنفس التى كرمها الله بسم الله الرحمن الرحيم {{إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلاَفٍ أَوْ يُنْفَوْا مِنَ الأَرْضِ}} صدق الله العظيم لكن حدود الله يتم تطبيقها عن طريق السلطات المختصة بذلك بعد إجراء التحقيقات وإثبات تهمة الإفساد على المتهم , وليس عن طريق قوات فض الشغب تحياتي لك طيب يا هيمة هو انت شفتهم صلبوهم ولا ايه.. :) ...كلها كام عصاية على اجسامهم علشان يتأدبوا bsh:) وبعدين انا عاوز اقول ان احنا قبل هذه الاحداث كنا ماشيين في طريق محترم له جدول زمني لتسلم السلطة من هؤلاء الاوباش اللي يتعاملوا بقسوة...ليه نسيب الطريق المحترم..ونتجه الى البلطجة... وفي وسط البلطة وارد يحدث تجاوزات واخطاء...ليه نديهم الفرصة..طالما احنا عارفين انهم وحشين..

الناس اليى بتقول ان انتخابات رئاسة الجمهوريه محتاجه فتره علشان نقرا البرنامج الانتخابى والكلام الكبير ده احب اقولكم اننا لو قعدنا عشرين سنه مافيش حد هيقرا البرنامج الانتخابى الناس فى مصر بتختار على حسب الميول والايدلوجيه لا حسب الكفاءه يعنى دلوقتى معظم الناس عارفه كويس قوى هى هتنتخب مين ولو قعدت تعيد وتزيد معاه مش هيقتنع الا باليى يتماشى مع ايدلوجيته يبقى نوفر على نفسنا وقت ضايع وندخل على طول فى انتخابات الرئاسه بعد انتخابات مجلس الشعب وبالنسبه لكلام المهندس رؤف انا متفق معاه فى ان نعمل وثيقه عدم ملاحقة القوات المسلحه حتى يوم 14 يناير 2012 ولكن تفتكروا ان العسكريين هيرضوا بالكلام ده تحياتى عنبو

معذرة يا أستاذ تيمور لم أستطع تمرير تلك العبارة الخطيرة مرور السلام . هل من الممكن أن توضح لنا من أين تأتيكم تلك الدعوات لحرب شوارع في مصر ضد الجيش المصري ؟! من صاحب تلك الدعوات ياباشمهندس ؟ هل هي من قيادات 6 أبريل أم من الخارج ؟ أرجو التوضيح للأهمية إيه الكلام الغريب ده يا بشمهندس انتوا جاتلكوا أوامر بإعلان الحرب علي مصر واحنا مش دريانين ؟؟؟ جناح عسكري إيه وكتائب طنطاوي إيه ؟؟ الجيش المصري يعني ؟؟؟!!! اللي ممكن يكون أخويا وللا أخوك عسكري فيه ؟؟ وحرب شوارع إيه إللي لا طاقة لهم بها ؟؟؟؟ وكام واحد هيروحوا فيها دي ؟؟؟ وعشان إيه ؟؟؟ عشان الإنتخابات نتايجها مش عجباكوا ؟؟؟ ومش مهم مصر تتحرق باللي فيها ؟؟؟ لا بس انتوا مش موافقين حفاظا علي سلمية الثورة !!!!!!!!!!!! والمفروض نثق في 6 ابريل بعد كلام حضرتك ده حسبنا الله ونعم الوكيل حسبنا الله ونعم الوكيل حسبنا الله ونعم الوكيل في كل واحد قلبه مش علي البلد وعايز يولعها عشان مصالحه هو لا تستغربو من كلام اي مدعى للثورة من اتباع ال6 ابريل دة بيهزر معقولة ممكن يقتل اخوة لأ لأ انا مش مصدق ابدآ دة مصرى يا جماعة مش من جنسية تانية واحنا عارفين ان جيش مصر مش من المرتزقة او غيرة دول مجندين اجبارى يعنى بيخدمو بضريبة دم أرجو من زملائي في فريق الإشراف ألا يقوم أحد بحذف أو إخفاء تلك المداخلات فقد تكون مصر في أمس الحاجة لهذا الكلام يوماً ما لإثبات حقيقة .. أو لتبرير موقف ... أو لتفسير غموض الكلام المكتوب هنا خطير جداً .. إذا كان حقيقي ... فهذا نذير خطر شديد ... وتنبؤاتنا بأن هناك خطر المؤامرة على مصر حقيقي وإذا كان مجرد كلام لا أساس له من الصحة فلنعرف جميعاً من قائله .. ونشير عليه .. ليعرف قدر نفسه مستقبلاً ...

بعد اذنكو يا جماعة ماحدش يسمى الناس دى ثوار ولا متظاهرين كل اللى موجودين مش طبيعة واحدة ومالهمش هدف واحد هناك فيه ناس حاسة ان الثورة خلصت وما استفادوش منها بحاجة فقالو مش هاينفع لازم نجذب الأنظار شوية يمكن نطلع بحاجة فيه برضو ناس هبلة واخدهم الحماس ومفكرين نفسهم حماة البلد وبيجاهدوا فى سبيل تحريرها مايعرفوش ان اللى بيضربوا فيه دة عسكرى غلبان وبياخد اوامر من رؤساءه اللى بيحاولا يدافعوا عن منشىآت البلد فيه ناس مأجورة وبيتاخد فلوس على اللى بتعملوا دة فيه ناس مدمنين ومش لاقيين حتة يناموا فيها ولا حاجة يعملوها ما صدقوا لقوا الحفلة دى بالذمة من يقدر يقول على دول متظاهرين ولا ثوار

معذرة يا أستاذ تيمور لم أستطع تمرير تلك العبارة الخطيرة مرور السلام . هل من الممكن أن توضح لنا من أين تأتيكم تلك الدعوات لحرب شوارع في مصر ضد الجيش المصري ؟! من صاحب تلك الدعوات ياباشمهندس ؟ هل هي من قيادات 6 أبريل أم من الخارج ؟ أرجو التوضيح للأهمية إيه الكلام الغريب ده يا بشمهندس انتوا جاتلكوا أوامر بإعلان الحرب علي مصر واحنا مش دريانين ؟؟؟ جناح عسكري إيه وكتائب طنطاوي إيه ؟؟ الجيش المصري يعني ؟؟؟!!! اللي ممكن يكون أخويا وللا أخوك عسكري فيه ؟؟ وحرب شوارع إيه إللي لا طاقة لهم بها ؟؟؟؟ وكام واحد هيروحوا فيها دي ؟؟؟ وعشان إيه ؟؟؟ عشان الإنتخابات نتايجها مش عجباكوا ؟؟؟ ومش مهم مصر تتحرق باللي فيها ؟؟؟ لا بس انتوا مش موافقين حفاظا علي سلمية الثورة !!!!!!!!!!!! والمفروض نثق في 6 ابريل بعد كلام حضرتك ده حسبنا الله ونعم الوكيل حسبنا الله ونعم الوكيل حسبنا الله ونعم الوكيل في كل واحد قلبه مش علي البلد وعايز يولعها عشان مصالحه هو

إسمح لي يا باشمهندس ، طبعا حبيب العادلي يستحق الضرب بالنار في ميدان عام لكن أنا شايف إن الحركة الوسخة النهاردة من نصيب المذيع والمذيعة اللي بيحاولوا يلصقوا تهمة التآمر على قوات الأمن ومش مهم مين قوات الأمن دي ، الرجل يقول أن البلطجية يقذفون الطوب والمولوتوف على رجال الإطفاء ( العسكريين ) وأن قوات الآمن حاولت زحزحتهم فيتفضل المذيع والمذيعة المصابين بداء نظرية المؤامرة بتحوير كلامه أن قوات الأمن كانت منتظرة البلطجية حتى يتموا مهمتهم وبعد كده يقولوا لهم متشكرين بقي ، وان العملية كلها من أولها لآخرها مؤامرة ومن مين؟ من الجيش ، وليه الجيش؟ علشان الأمن مش موجود، يعني لازم السلطة تطلع غلطانة حتى لو كان رجال الإطفاء هم من قوات الإطفاء الخاصة بالقوات المسلحة الذين كان يكافحون النيران تحت وابل من الطوب وكسر الرخام وزجاجات المولوتوف. لازم ياباشمهندس نشغل مخنا ومنسلمش دماغنا لمن يركبون الموجة ، معظم القنوات الخاصة تبحث عن وسيلة تجتذب بها مشاهدين فيتقمصون دور الثوار والمدافعين عن الثوار ، وفي الحقيقة هم نجحوا في ذلك بالنسبة للناس التي تعودت على الحفظ من الملخصات ، لكن للأسف فقدوا مصداقيتهم عند من تعودوا على القراءة ثم التلخيص. واسمح لي أن أنقل لك ردا كتبته ردا على مداخلة للفاضلة نور العين:

يا أستاذ عادل أبو الرجال ده عروسة ماريونيت من ضمن العرايس ويمكن ماسكاه عروسة اكبر وفوقها عروسة اكبر .. والخيوط عديدة لكن صعب جدا رؤيتها فضلا عن تتبعها .. لاعب العرائس الخفى ماهر حقاً .. ماكر حقاً .. أكاد أرسمه من كثرة تخيلى له ولأفعاله التى أقرأها واسمعها واشاهدها لكن سيسقط ان شاء الله بوعينا جميعاً وبوقوفنا يد واحدة كما بدأت الثورة

اعلم انه لا يفضل نقل المقالات لكن هذة المقالة مختلفة انها عقلانية اتمنى ان نقرأها د. أحمد خالد توفيق يكتب.. في حقل ألغام لآخر مرة يمكنك أن تقرأ هذا المقال ثم تنهال علي بالشتائم وتقول إنني عميل وفلول و.. و... لكنها كلمة حق يجب أن أقولها. يعرف قارئي جيدًا أنني رجل لا يطمع في منصب، وقد عُرضت علي جائزة أدبية مهمة فاعتذرت عنها لأنني لا أستحقها، ويعرف أصدقائي أنني مهمل جدًا في تحصيل مستحقاتي المالية، دعك من أن قلبي توقف مرتين عن العمل في يوم واحد، وحياتي خاضعة لمزاج جهاز قد يعمل أو لا يعمل في اللحظة المصيرية.. أي أنني جرّبت الموت ولم أعد أخاف شيئًا أو أطمع في شيء. كل هذه المقدمة الطويلة لأذكرك بأنني صادق تمامًا، وأنني أتكلم لأن (دماغي كده).. دعني أذكرك كذلك أن أصدقاء كثيرين كتبوا لي بعد خطاب مبارك العاطفي الثاني يقولون: "الرجل الكبير سيرحل .. كفانا ما حصلنا عليه"، فقلت في أكثر من مقال إن الثورة يجب أن تستمر، وتوقفها الآن سوف يؤدي إلى انفراد أمن الدولة بكل منظمي 25 يناير، ولسوف (يقزقزهم) كما (نقزقر) اللب، دعك من أن (مبارك) لن يصدق ولن يرحل.. سوف يجتمع مجلس الشعب ويبكي ويتوسل له كي يبقى.. لقد كذب الرجل في كل وعد قطعه من قبل.. عندما اندلعت أحداث شارع محمد محمود كتبت في "بص وطل" مقالاً أقول فيه إنني كنت ضد الاعتصام، لكن بعد كل هذا الدم وكل هذا العنف لم يعد مناص من التمادي والانتقام.. اسم المقال هو (فليحفظ الله مصر).. وأعتقد أن السيناريو يتكرر هذه المرة حرفيًا.. إذن يمكنك أن تتهمني بقصر النظر أو الغباء عندما أقول إن مصر تفلت مننا وإن كل الأطراف مخطئة: الجيش والمعتصمون والصحافة.. لكن لا تقل إنني أكتب مدفوعًا بأي حسابات، وليتني أستطيع قول نفس الشيء عن معظم السادة الذين نقرأ لهم أو يطالعوننا في الفضائيات.. عندما أقرأ لشخص يؤيد الجيش والمجلس العسكري الآن يخطر لي أنه فاز في الانتخابات ويريد ضمان الوضع الحالي، وعندما أرى من يتشنج في رفض الجنزوري (قبل أن يكذب بصدد المذبحة)، أو يرفض الانتخابات منذ البداية – يخطر لي أنه غاضب لأن الإسلاميين فازوا بثمار الثورة بينما لم ينل هو شيئًا.. إنه يخشى الكلام بصراحة حتى لا يهدم ما قاله من قبل عن الديمقراطية والشعب الحكيم وسلطة صناديق الاقتراع.. من البداية لنتفق على بعض الأمور: 1- أنا لا أدافع عن المجلس العسكري.. أعني أنني لم أعد أدافع عنه، فأداؤه مشوب بالأخطاء و يسمح للكثيرين باعتباره يعمل من أجل مبارك.. وأرى أنه يجب أن يرحل فعلاً. اليوم قبل الغد.. 2- لا أوافق بتاتًا على قتل المتظاهرين والمعتصمين وفقء عيونهم والفتاة التي جردوها من الثياب في الشارع و .. و.. وكل هذا الميراث.. وبالمناسبة فأنا لا أوافق كذلك على عرض صورة جسد الفتاة العاري على الصفحة الأولى للصحف، فهي طريقة رخيصة للبيع تتنكر في ثياب إلهاب المشاعر.. لكن هذه قصة أخرى.. 3- كذلك لا أقبل بحال التنازل عن دماء الشهداء.. لابد من القصاص العادل.. وبالمناسبة فطالب الطب الشاب الذي استشهد في الأحداث الأخيرة قيل إنه من طنطا. ولربما درّست له يومًا ما.. 4- كل آثار العالم لا تساوي دم شاب مصري واحد، لكن من الغريب أن تسود نغمة (في داهية كتاب وصف مصر قدام اللي ماتوا).. إن مصر تتكون من مجموعة من اللمسات والرموز الثقافية والجمالية، ونحن نفقدها في كل يوم، ونفقد الحسرة لأننا نفقدها. لماذا نفقد هذا الكتاب الثمين ؟.. ولماذا نفقد هؤلاء الشباب .. كان بوسعنا أن نحتفظ بالاثنين؟ 5- الأسوأ هو أنك لا تعرف الحقيقة أبدًا.. كل طرف يؤكد أن من حرق المجمع العلمي هو الآخر، وكل طرف لديه صور لرجاله ينقذون المخطوطات. نفس الكلام يقال عن رمي المولوتوف وإطلاق الرصاص.. لكن الفيلم الذي رأيته على الأقل يظهر رجال الجيش يطلقون الرصاص. لو كنت أختلف مع أي من هذه النقاط الخمس فأنا شيطان رجيم مستحق للعنات، وعلي أن أتخذ مكاني في سجن طرة مع مبارك.. اتفقنا؟ أقول اليوم بملء فمي إنني لم أعد خائفًا من الحرب الأهلية.. لأنها بدأت فعلاً.. لم أعد خائفًا من الصدام مع الجيش لأنه حدث فعلاً.. والآن ماذا أفعل والبعض يعتبرون الجيش عدوًا، لهم وأرى على الانترنت من يطالب بالتسلح وبدء المقاومة الشعبية! وما هو مصير بلد تنظر فئة من أبنائه إلى جيشه على أنه عدو الشعب رقم واحد ؟ هنا يجب على المرء أن يصرخ: توقفوا ! الكل يشيطن الطرف الآخر . الكل يقذف السباب واللعنات .. الكل لا يصغي لك. كل واحد كتيبة مسلحة وحده. الكل مخطئ.. لا يوجد ملائكة.. الكل يدفع هذا الوطن نحو الهاوية.. إن الاعتصام حق مكفول للجميع لكننا سئمنا الاحتكاك.. الاحتكاك الذي يحدث بسرعة البرق ويكفي أن تسببه كرة قدم أو جندي جاهل يبول من أعلى، وفي كل مرة يرد الجيش بمذبحة.. وكما قال لي صديق: "كأن ابني يتشاقى فيطلقون عليه الرصاص". هكذا يصير هناك دم وتصير للمظاهرة القادمة شرعية لا شك فيها، وبالتأكيد ستكون أعنف.. إن المعتصمين رفضوا الجنزوري من قبل أن يخطّ حرفًا واحدًا أو يصدر قرارًا واحدًا.. تعنت لا شك فيه لمجرد البرهنة على أنهم الطرف الأقوى.. لن نرحل حتى يرحل الجنزوري. ثم تأتي الشرطة العسكرية.. ومن قال إن رجالها العسكرية يتمتعون بالكياسة أو الرقة؟.. هكذا تسيل دماء المعتصمين وتصير هناك شرعية أقوى للمظاهرة القادمة. لم يعط أحد الجنزوري فرصة، تولى الرجل بينما كل الصحف تنتقده وتشتمه وتسفه من اختياراته قبل أن يختار، حتى تمنيت لو قال للناس انتخبوا أنتم ما دمتم بهذه البراعة!.. ثم بدأ يتحرك في نشاط وبدأ رجل الشارع يتحدث عن عودة الأمن وحملات اعتقال الخطرين، والأمل في تحسّن الاقتصاد.. لو قلتم إن هذا لم يحدث فأنتم لا علاقة لكم بالشارع أبدًا، ولا تركبون التاكسي ولا تقفون في طوابير الخبز .. لم يستمر هذا سوى أربعة أيام ثم وقعت المذبحة، فتصايحوا جميعًا: ألم نقل لكم أنه سيئ ؟؟. يقول البعض إنه لابد أن يدفع ثمن أحداث شارع محمد محمود!.. وهل كان موجودًا عندما وقعت هذه الأحداث ؟.. لا أعرف ما حدث مع الجنزوري ولا لماذا كذب مع أن الفضائيات تنفي كلامه بشدة، لكن أذكرك أنهم رفضوه قبل أن يكذب كأنهم رأوا بأنف طويل منذ اللحظة الأولى فتنبأوا. حلم الجنزوري بأن ينقذ السفينة ويدخل التاريخ.. لكن مصر اليوم أشبه بثور هائج لا يمكن ركوبه أو التنبؤ به.. ثور يجري نحو الهاوية. الحرب الأهلية سوف تضع "الأخوان" و"السلفيين" في مواجهة الشباب الليبرالي؛ لأن الأخوان يعتبرون كل هذه الضوضاء محاولة لإفساد فرصتهم في الوصول إلى البرلمان. الحرب الأهلية تضع الجيش في مواجهة الجميع.. الآن يمكننا تصور المرح الرائع الذي ينتظرنا .. السبيل إلى احتراق مصر وتقسيمها أو التدخل الأجنبي .. أما عن الإعلام فهو يعيش أسعد أيامه.. كن حذرًا.. لو قلت حرفًا لا يناسب المتظاهرين لانتهى أمرك للأبد ولتلقيت اللعنات.. لابد أن تكون الأكثر حماسة وغضبًا.. القاعدة الثانية هي أن أي شخص يتشاجر أو يتضارب مع الجيش أو الشرطة على حق دائمًا وهو مناضل لا يمكن انتقاده.. عليك أن تتملق الثوار مهما بلغوا من شطط.. أيد أي مظاهرة.. ارفض كل قرار حكومي.. أقول للصحفيين: اتقوا الله.. أنتم مسئولون عن كل من يموت، مثلكم مثل الجيش بالضبط.. تغلي دماء الشباب فيندفعون للتهلكة، ويندس وسطهم بعض البلطجية الذين أرسلهم لواءات أمن الدولة السابقون.. تتطاير الطلقات ويموت طالب طب وعالم أزهر وسط من ماتوا.. ليس القاتل هو من أطلق الرصاصة فقط.. من حرض الضحية كي تلقي بنفسها على فوهة البندقية مسئول كذلك.. وفي كل مرة يترك الشباب أرجلهم تنزلق للفخ بذات الطريقة.. وفي كل مرة نقرأ أن هذا يوم حزين على مصر.. كل أيامنا صارت حزينة.. ومن جديد أكرر: قالت سررت الأعداء.. قلت لها: ذلك شيء لو شئت لم يكن.. السؤال هو: كيف يمكن لأحد أن يصير رئيس وزراء بعد كل ما حدث؟.. الجنزوري تورط في جرائم قتل بعد استلامه بأسبوع ، وصار مثل حبيب العادلي.. يحيى الجمل لم يكن رئيس وزراء لكنه خرج مصحوبا باللعنات وكذلك عصام شرف.. أحمد شفيق ذهب بمحاكمة علنية في الفضائيات (وهو الوحيد الذي أراه يستحق).. كيف يرحل المجلس بعد هذا كله؟.. وبعد كل هذه الاحتجاجات؟.. ما يحدث يؤكد كل يوم أن المجلس لا يستطيع الرحيل.. إنه كمن ركب النمر فلا يقدر على النزول عن ظهره.. وهذا يعني أن الحكم العسكري هو المخرج الوحيد للمجلس اليوم.. يجب أن نهدأ ونرحم هذا الوطن.. على الشباب تقليص الاحتكاك إلى أقصى حد ممكن على سبيل وقف الذرائع. يجب أن نسمح لفترة الانتخابات أن تمر بسلام، ويجب أن يصير لنا رئيس جمهورية بأسرع وقت، وعندها نحاكم ونرغم كل مخطئ على دفع الثمن، ولسوف تتضح خيوط هذه المؤامرة العملاقة وهل هي تخطيط شيطاني من أعوان مبارك فعلاً أم هي حماقة منا. إما هذا وإلا تكفلت المليشيات المسلحة التي ستجوب الشوارع المحترقة بتصفية الحساب بنفسها.. ولعاد الإعدام على الهوية، ولتحسر علينا اللبنانيون لأنهم سيتذكرون حربهم التي دمرت كل شيء ولم يكسبها أحد. فقط سيجوب الفنانون العالم يغنون كم كانت مصر جميلة وكم كانوا يحبونها.. انتهى مقالي.. سوف تنهال علي الشتائم بكثرة على الأرجح، فطرق النقاش هذه الأيام صارت بسيطة جدًا.. بالطبع لم يعد أحد مستعدًا للاقتناع بأي شيء، وقد قررت على كل حال ألا أكتب في السياسة ثانية أبدًا.. سأعود إلى الكتابة في مواضيع عامة؛ لأن كلماتي قد تكون خطأ أو لا تقنع أحدًا. لكن لو احترقت ديارنا بأحبائنا بداخلها.. لو أعلن المجلس الحكم العسكري وعدنا لعام 1954.. لو تم تقسيم مصر أو دخلتها القوى الأجنبية.. عندئذ تذكروا أنني كتبت يومًا أحذر جميع الأطراف مما هو آت فلم يصغ لي أحد لأنهم كانوا يشتمون بعضهم ويشتمونني. http://boswtol.com/politics/prespectives/11/december/19/46969

برنامج محطة مصر ( معتز مطر ) اتصل بمحام اسمه طارق العوضي هو محامي عن ثلاثة اخوة من اللي ظهروا في فيديو التليفزيون المصري بيقول انه هؤلاء الشبان الثلاثة تم القبض عليهم قبل الاحداث بيومين على ذمة قضايا اخرى في الزاوية الحمراء وذكر رقم القضية وانه تم حبسهم عن طريق النياية اربعة ايام على ذمة التحقيق من يوم 14/12/2011 وتم التجديد لهم عن طريق النيابة وانهم حتى الأن موجودون في قسم شرطة الحدائق ولا تعليق

أيوه يا استاذ باز افندي حانسيب كل اللي قلت عليه دلوقتي وندور على حقهم بعدين وحنمسك في الاوساخ اللي احنا شايفنهم في الفيديو دول هم السبب في اندلاع أعمال الشغب والعنف الناس اللى اتسحلت واللي اتعرت واللي ماتت كانت ضحايا الانسياق وراء هؤلاء الأوساخ ولو سيبنا هؤلاء الأوساخ فستكرر الاحداث مرات ومرات وسيكون هناك من الضحايا أكثر وأكثر من الناس الحلوين اللي بيروحوا في الرجلين. العاهات اللي احنا بنشوفهم في الفيديو دول عايزين البتر

اللي في الفيديو ده إجرام والعيال دي واللي مشغلينهم مفروض يقام عليهم " حد الحرابة " دول اللي مفروض يتعمل لهم محاكم عسكرية فورا اللي بيعملوه ده قنابل حارقة قاتلة لانهم بيعبوها كسر زجاج وشايف واحد لابس بدلة والولد اللي بيعبي كسر وجاج لابس جاكيت لبس بتوع اللجان الشعبية

السلام عليكم ورحمة الله.. معلش يا استاذ سى السيد..حضرتك عارف انى ست كبيرة وفهمى على قدى يعنى.... الكلام اللى سيادة النائب العام ذكره ...والفيديوهات والتسجيلات اللى بيتكلموا عنها دى..ممكن نشوفها؟؟ يعنى هل لها وصلات على اليوتيوب وكده..ولا هو يتكلم واحنا نقول أمين ....أين الدليل ؟؟..(الله.. تصدقواحلوة قوى اين الدليل دى :) ) الكلام ده يعنى ...حنشوفه صوت وصورة ولا هم حلفوا على المصحف ولا ايه ... يعنى الوسيط دوت والاعترافات داهيت..حنشوفها يعنى ولا دى معلومات سرية متشالة مع اخواتها للمرة الجاية؟؟؟ اااه يادماغى...

http://www.youtube.com/watch?v=Jxamz5e2kE4&feature=share

وعلى حسب الصفحة الرسمية له على الفيسبوك فسيصدر أبو إسماعيل بيانه الرسمي رقم 2 عن أحداث مجلس الوزراء بعد قليل انا مش فاهم ايه الغريب او الجديد في كلام الشيخ حازم الراجل بيقول فيه دم واعراض اصبحت بين الشعب والمجلس العسكري طيب هل فينا احد قال انه عاوز المجلس العسكري يستمر في الحكم وبعدين هل فيه جملة واحدة في كلام الشيخ حازم بتقول انه يؤيد المواجهة المسلحة مع المجلس العسكري او حرب شوارع او استخدام التخريب لكي يترك المجلس العسكري الحكم هل الشيخ حازم قال عبارة واحدة تؤيد ان يقوم الثوار بمواجهة رجال الامن بالقوة واقتحام مجلس الوزراء او مجلس الشعب ومنع رئيس الوزراء من دخول مجلس الوزراء ياريت بس حد يورينا اللي احنا مش شايفينه في كلام الشيخ حازم لان الظاهر فيه ناس كده زي حالاتي فهمهم بطيء - وعلى فكرة لو الشيخ حازم شايف ان استخدام العنف ضد المجلس العسكري او ضد الامن في هذا الوقت بالذات امر مطلوب يبقى يروح يسرح بعربية بطاطا او يروح يبيع سبح وسجاجيد صلاة. احسن له ولنا. ويبعد عن مسألة الرئاسة أخي العزيز أبو ريم : في الحقيقة ولا أخفيك سرا إنني إندهشت من تعليقك هذا في مداختلي محل التعليق من شخصك الكريم , قمت بعرض كلام الشيخ حازم في المؤتمر فقط لا غير , وبشكل مجرد خالي حتى من أي تعليق لي فمن الذي قال كل الكلام الذي قلته في مداخلتك ؟ النقطة الثانية : ومن ذا الذي دعى لإستخدام العنف أو شجعه سواء من قبل الثوار أو الأمن ؟؟؟؟؟ راجع كل التعليقات سواء لي أو لباقي الأخوة وإقتبس لي فضلا منك التعليق الذي يشجع بعض الثوار على ما فعلوه , او يشجع ويؤيد ما حدث من حرق وتدمير للمنشأت العامة ؟؟؟؟ الكل أجمع على رفض هذه النقطة أما تعليقي على كلام أبو إسماعيل في المؤتمر : هو كلام فيه أبلغ رد على من برر تعرية هذه المرأة تحت تبرير ( دي تستاهل الحرق , دي بلطجية , إيه اللي منزلها , وما شابه من هذا الكلام ) علما بأن أبو إسماعيل قالها صريحة ( أنا لن أنافق المتواجدين أما مجلس الوزراء , فأنا لا أتفق مع إعتصامهم لأنه خطأ كبير , لكني في نفس الوقت أرفض ولا أجد تبريرا لما حدث معهم من تعامل عنيف ) كنت أتمنى يا أبو ريم منك أن تخرج لتقول في المتواجدين في إعتصام مجلس الوزراء ما قاله مالكا في الخمر ولكن تتبع ذلك برفض ما حدث لفتاه مصرية من تعرية لجسدها , وكان ذلك في رأي الشخصي خيرا وأقوم قيلا تحياتي لك أخي الفاضل

صباح الخير جميعا كلمتين و رد غطاهم لو واحد بيحشش في وسط عشر الاف مش معناها أبدا ان ال 9999 شخص بيحششوا ثانيا كتير بيحششوا و هم ناس مش شرانيه ولا مؤذيين بنفسي و بعيني شفت الشيخ الطبلاوي بيشرب حشيش و هو انسان طيب جداً بالمناسبة و كثير من الزعماء و قيل عن ام كلثوم و سعد زغلول و اخرون عموما انا رأيي الحشاش الراجل احسن من الخرع اللي مابيحشش

اليوم كان هناك مؤتمر للمرشح الرئاسي حازم أبو إسماعيل في جامعة مصر للعلوم والتكنولوجيا بمدينة 6 أكتوبر كلية الصيدلة وعلق في المؤتمر على أحداث مجلس الوزراء بالتالي / وعلى حسب الصفحة الرسمية له على الفيسبوك فسيصدر أبو إسماعيل بيانه الرسمي رقم 2 عن أحداث مجلس الوزراء بعد قليل

فى هذا الفيديو ممكن نعرف مين الى بحرق مصر http://www.youtube.com/watch?v=djgZTOjEQPo

يا استاذ محمد مش احنا اللى بنقول ان فيه مندسين هما اللى احرقوا وبايدي مجهولة التحقيقات هي اللى بتقول يبقى المفروض ان يتقبض على هؤلاء المخربين مش نطلب انسحاب الثوار طيب ما هو ده المطلوب انهم ينسحبوا من الميدان عشان كده استخدموا البلطجية والعنف لو انفض الميدان من الثوارمش حيبقى ليهم لزمة البلطجية ويمشوا هما كمان لكن مش حيقدر الثوار يرجعوا تاني الميدان ليعبروا عن رأيهم لان الجيش مش حيسمحلهم المفروض زي ما حصل كده نقبض على اللى بيثيروا الشغب ونحقق معاهم واظن ده مش صعب على قوي عسكرية المفروض بتحارب اعداء والله أعتي القوات العسكرية والمخابراتية ما تقدرش تفرق بين مندس ومتظاهر أساسا كلهم شكل بعض وللا هو المندس علي راسه شرطة مثلا والمتظاهر من غير شرطة كل اللي الجيش يقدر يعمله إنه يقبض علي الكل وبعدين يحقق وساعتها يبدأ يبان مين مندس وقابض فلوس ومن مين ، ومين متظاهر ومين مغرر بيه وليه بعد اللي حصل ده كله مصرين علي بقاء المتظاهرين ومعاهم البلطجية في التحرير وعند مجلس الوزراْء؟؟؟ وليييييييييييييه دلوقتي أثناء إجراء الإنتخابات ؟؟؟؟؟؟؟؟؟ عشان انتو مش عايزين الإنتخابات اللي إكتسح فيها الإسلاميين عايزين تثيروا الفوضي ( والشباب فيهم مغرر بيهم ) عشان المجلس العسكري يفرض الأحكام العرفية ويفضل متبت فيها ويلغي الإنتخابات إبحث عن المستفيد من كل اللي بيحصل أما جزئية إن الثوار مش هيقدروا يرجعوا الميدان تاني - عشان يعبروا عن رأيهم - لو مشيوا دلوقتي ، فعذرا الكلام ده غير منطقي بالمرة ، إيه اللي هيمنعهم لو كان فيه دافع - حقيقي - لنزولهم ؟إنهم يرجعوا الميدان تاني في أي وقت ؟؟؟؟ ولو عندهم حق المرة دي الشعب كله هينزل معاهم ويساندهم آسفة ، كل ما يحدث ، والإصرار علي عدم فض الإعتصام ، والتوقيت بيأكدو إن هدفكو الأوحد هو إفساد العملية الإنتخابية برغم ان اسلوبك مرفوض بس حرد حتى لا تتصورى اني بتهرب الثوار لو على اسلوبك ....فعلا من غير شرطة لانهم ببساطة لا يحملوا اسلحة والعملية مش مستحيلة زي ما انت متصورة لانها فعلا تمت وقبض على كثيرين منهم من افرج عنهم ومنهم من اعترف بفعلته وبمحرضه كمان زي ما الموضوع بيشير يعنى مكنش لازم نستخدم عنف ضد الجميع ظالم ومظلوم ومكنش لازم نهين ونضرب بنات بسفاقة وحقارة وقف لها الاسلاميين متفرجين بل وفرحين ومستهزئين واكيد شفتي قناة الناس التى تتابعيها والمذيع الشيخ اللى بيتريق علىهم والمتحدثين عن حزب النور معه يتضاحكون !!! ولو كنت كلفت نفسك وعرفت طلباتهم الحالية كنتي عرفتي انهم بيطلبوا تسليم سلطة مصر كلها لرئيس مجلس الشعب المنتخب واللى اكيد حيكون من الغالبية المتأسلمة طبعا لانهم فيها الغالبية او تسليمها لرئيس منتخب حسب الاغلبية اللى شفناها وقدرة التيار الديني على الحشد كانت كمان حتكون لصالحكم بس لانهم اطهر ابناء مصر لم يفكروا في ركوب الثورة وحصد مكاسب منها كان تفكيرهم الاوحد ابعاد الجيش عن الهيمنة على الدستور ابعاده لانه كل يوم يفقد نقاط من رصيده لدينا عندما لا يقدم القتلة للمحاكمة ولا يحاكم الا الثوار ويترك القتلة يرتعون وبرغم ذلك كانوا اول من اهانوا ممن ركب الثورة وحصد المكاسب لنفسه

http://www.youtube.com/watch?v=0-MKHLJX3lg كاذبون

الله يحفظك من كل سوء يا سيد / أحمد قميحة وأنا أيضا أقول بأعلى صوتي : " يسقط يسقط حكم العسكر " أقولها وأرددها مليون بل مليار مرة. ولكنني أيضا أردد وأقول بأعلى صوتي مليارات المرات: " إسلمي يامصر ولا تسقطي " " لاتسقطي يامصر بأيدي المغفلين من أبناءك " لاتسقطي يامصر على يد الجهال من أبناءك " ليس بيننا من يدعو لحكم العسكر ، فلا تخلطوا الأوراق ، فقط نريد ترتيب الأولويات، فقط نريد أن نكمل المسيرة بأقل قدر من الخسائر.

يا استاذ محمد مش احنا اللى بنقول ان فيه مندسين هما اللى احرقوا وبايدي مجهولة التحقيقات هي اللى بتقول يبقى المفروض ان يتقبض على هؤلاء المخربين مش نطلب انسحاب الثوار طيب ما هو ده المطلوب انهم ينسحبوا من الميدان عشان كده استخدموا البلطجية والعنف لو انفض الميدان من الثوارمش حيبقى ليهم لزمة البلطجية ويمشوا هما كمان لكن مش حيقدر الثوار يرجعوا تاني الميدان ليعبروا عن رأيهم لان الجيش مش حيسمحلهم المفروض زي ما حصل كده نقبض على اللى بيثيروا الشغب ونحقق معاهم واظن ده مش صعب على قوي عسكرية المفروض بتحارب اعداء

يعني دلوقت البعض مقتنع بأن مفيش أصابع بتحرك الحرايس وان طنطاوي ومعاه المجلس العسكري متواطئون وهم من يدبرون لكل تلك الأعمال وأن المجلس هو من يستأجر البلطجية لاثارة العنف وان المجلس يدفع قوات الجيش والشرطة لإحداث الفوضي حتى يستمر المشير في قيادة المجلس وبعد كده يجيبوا لكوا مبارك وجمال وسرور والشريف يحكموا البلد تاني. خلاص أنا مصدقوا ممكن بقى لما حضراتكم متأكدين قوي أن هو ده الموقف وان الجيش والشرطة ايد وسخة وهم من يتركون البلطجية يولعوا البلد، ممكن بقى حضراتكوا تقولوا لي انتوا ياثوار يامحترمين بتروحوا تتصدروا المشهد ليه؟ ليه ماتسيبوش الجيش يطحن فيهم مادام هو من دفع لهم وحماهم زي مابتقولوا. ليه الثوار متواجدون مع من يشعلون البلد؟ ليه الثوار ماسابوش الميدان للبلطجية وراحوا بيتهم حتى يبعدوا الشبهات عن نفسهم؟ مش لاقي جواب غير ان الثوار لازالوا في طور المراهقة السياسية ولا يعرفون متى وأين يثورون ومتى وأين يبتعدون ، وكيف أن صرخات وتهييج البلطجية والصيع قد استطاعوا جرجرتهم كالقطيع ليورطوهم في الأحداث. مشكلة الثوار دلوقت انهم أصبحوا " تحت الطلب " ولكن كثيران هائجة ، يصرخ صايع في ميدان التحرير فيأتي إليه الثوار من كل حدب وصوب ، هكذا بدون تفكير وبدون تيقن وبدون تخطيط ، هم فقط جاهزون لأي صرخة قادمة من أي مكان. طبعا انا حطيت اكثر من فيديو يبين بلطجية وصيع وهم يكسرون ويشعلون النار ويحاربون قوات الجيش ، لكن بما انكم مش عايزين تقتنعوا إلا باللى انتوا اقتنعتوا بيه ، مش حاقدر اقول إلا " ربنا لاتجعل مصيبتنا في عقولنا وإنا لله وإنا إليه راجعون ".

من يدافع عن انتهاك عرض طبيبة من قبل جندي ... لن يراعي حرمة الأنفس التى كرمها الله بسم الله الرحمن الرحيم {{إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلاَفٍ أَوْ يُنْفَوْا مِنَ الأَرْضِ}} صدق الله العظيم لكن حدود الله يتم تطبيقها عن طريق السلطات المختصة بذلك بعد إجراء التحقيقات وإثبات تهمة الإفساد على المتهم , وليس عن طريق قوات فض الشغب تحياتي لك طيب يا هيمة هو انت شفتهم صلبوهم ولا ايه.. :) ...كلها كام عصاية على اجسامهم علشان يتأدبوا bsh:) وبعدين انا عاوز اقول ان احنا قبل هذه الاحداث كنا ماشيين في طريق محترم له جدول زمني لتسلم السلطة من هؤلاء الاوباش اللي يتعاملوا بقسوة...ليه نسيب الطريق المحترم..ونتجه الى البلطجة... وفي وسط البلطة وارد يحدث تجاوزات واخطاء...ليه نديهم الفرصة..طالما احنا عارفين انهم وحشين.. هذا الطريق الذى تراه انت محترما يا أبو ريم يرونه هم دنية وخنوع وتضحية بالكرامة. يضربون بعرض الحائط رغبة معظم الشعب في نقل سلمى هادئ منظم للسلطة ويصرون على جعلها حريقا ياكل الأخضر واليابس , إن كان هناك حقا اخضرا باقيا بعد أن أصبحت الدولة على حافة الإفلاس. وحين تنصحهم بتعليق اعتصامهم وانتظار ما ستسفر عنه العملية الدائرة بالفعل لتسليم السلطة يردون عليك لن نخرج بلا مقابل ! ماهو المقابل ؟! تنحى المجلس العسكري في يناير القادم و عودة الجيش إلى ثكناته . وبالطبع لو رفض المجلس هذا المطلب المستحيل.. فلا مشكلة عندهم , فلندفع بالمزيد من الشباب ليراق دمه ولندفع بالمزيد من النساء ليسحلن و يتعرين ! أنا لا أبرر للمجلس فأنا أشارككم عدم الثقة به .. ولكنى أهيب بكم أن تحقنوا دمائكم و دماء شعب كتب عليه أن يعانى بلا نهاية . لن تكتب لمساعيكم تلك النجاح إلا بالتفاف الشعب حولكم كما فعلوا منذ عام .. و هذا الشعب لن يعود إلى الميدان مرة أخرى إلا إذا تيقن تماما أن ما يسعى إليه مجرد سراب وهذا لم يحدث لأنه ببساطة رأى أنه أصبح قريبا من هدفه حتى ظهرتم أنتم وأشعلتموها نارا . صدقونى ما يتمناه الشعب الآن في مجمله هو تنحيكم أنتم .

عارف المشكلو ايه فى ناس كتير هنا ؟ انه مقتنع برايه ورافض انه يشغل دماغه ويصدق عينه سيدى هل فيه حد هنا شتم او قال الشباب المحترمين هم سبب اللى بيحصل ؟ احنا قلنا المندسين والبلطجية هم السبب ليه مش مقتنعين ان فيه ناس مندسة وسط الشباب المعتصمين ووراهم ناس بتدفع ليهم لاشعال الموقف واستغلال وطنية الشباب فقط احكم من ارض الواقع ساعتها هاتدرك ان مش كل اللى انت مقتنع بيه صح

علشان كده كنا بنقول للثوار المحترمين ان يبتعدوا عن اثارة المشاكل والتجمهر والاعتصام..حتى لا يتم استغلالهم ومن يضع نفسه موضع الشبهات يستحق ما يحدث له.... لو ينسحب الثوار المحترمين عندما يجدوا الفوضى بدأت في الحدوث...لم نكن لنرى ما حدث.. لكن اصرارهم على التواجد ...عندما تشتد الاحداث وعندما يرون بأعينهم ان البلطجية بينهم يحرقون ويعتدون على رجال الامن...فهذا يعني انهم موافقين على ذلك لذلك يظلوا عندي مدانين...ويستحقوا اقصى عقاب...لان ليس لهم هدف سوى الفوضى..وتنفيذ مخططهم الخاص بهم بعيدا عن ارادة الشعب

عزيزى حنظله منذ فترة كبيرة ونحن نطلب من الشباب ابعاد مثل هؤلاء الصيع من اعتصامهم بل وتبليغ الشرطة والجيش عنهم ولكن لاحياة لمن تنادى عندى بس تعليقين - الاول ناس صايع و ومعتصمة فى الشارع جابو فلوس البانجو والمخدرات ازاى ؟ ده الاول الثانى لما تلاقى واحد ولا ناس زى دول هل تقرب منهم وتدافع عنهم ولا تبعد عنهم وتتبرى منهم ؟

رغم تحفظي على ان موقف التخاذل عن نصرة المظلوم هو قمةا لحكمة والمروؤة من اي حد كان لكن متفق معاك على رؤيتك السليمة لحقيقية موقف العسكر المتعمد لاستفزاز الثوار لكي يجد ذريعة تضمن له البقاء على رأس السلطة اطول فترة ممكنه طيب يابو عمر لما الغوله ام عين حمرا تدخل بيت جارك وتهاجمه هل من الحكمة بمكان تركها في حالها تستفرد وتفتك بجارك الذي يقاومها ليطردها ام التوحد معه لطردها نهائيا من المكان ! تحيتي ,, السلام عليكم اولا احمد الله على ان اتفقنا فى شئ مهم و هو حقيقه الوضع و اشكرك على ذلك ثانيا ..يا تيمور نحن لسنا فى خناقه فى شارع مع طرف غريب او بعيد و الصراع على شئ هين و بسيط نحن نتكلم عن بلد بحجم مصر يراد لها ما اتفقنا عليه اعلاه و عليه فليس من الحكمه و الحصافه إطلاقا التهور و إيجاد المبرر و العذر لمن يريد الخراب و التدمير و لو على حساب الدماء و الناس و أذكرك و أذكر نفسي بحبيبى و حبيبك و خير خلق الله صلى الله عليه و سلم حينما ذهب للعمره و معه الصحابه و منعتهم قريش فى قصه صلح الحديبيه و موقف الصحابه و منهم عمر و رؤيتهم بانهم بهذا اعطوا الدنيه فى دينهم و سبحان الله ظهر بعد ذلك حكمه المصطفى و بعد نظره كيف لا و هو مؤيد بالوحى رغم ان من يرى المشهد فى ساعتها يظن ان ذلك ضعف او خضوع لرأى قريش و لكنها السياسه و التعامل مع الواقع المجلس يريد حريقه فليس من الحكمه و الحصافه ان امنحه ما يريد سأصبر عليه و اتجاوز عن كل المناوشات حتى اصل الى الهدف و هو الانتخابات و عندها لن يكون لدى العسكر مبرر للاستمرار و سيكون الضغط الشعبى اقوى من التحمل كما حدث مع مبارك ..اى نعم ستكون فى الطريق عقبات و صعوبات لكن من الحكمه العقل و الصبر و اعتقد هذا ما وعيه اكثر من الجميع الشيخ حازم و الذى ادرك خطوره ما يرمى اليه المجلس بهذا التحريش فأمسك هذه المره عن الدعوه للنزول لتفويت الفرصه على المجلس و من يريدون الفتنه و هذا يجب ان يكون مسلك العقلاء المخلصين يا تيمور لن يفلت احد بجريمته صدقنى و المسأله اسابيع و الله فلماذا العجله بعد عشنا سنيييين طويله فى القهر و ما النصر إلا مع الصبر كما يقولون و تذكر ان النخله تحنى رأسها مع العاصفه حتى تمر و تبقى هى النخله و العاصفه تمضى

معذرة يا أستاذ تيمور لم أستطع تمرير تلك العبارة الخطيرة مرور السلام . هل من الممكن أن توضح لنا من أين تأتيكم تلك الدعوات لحرب شوارع في مصر ضد الجيش المصري ؟! من صاحب تلك الدعوات ياباشمهندس ؟ هل هي من قيادات 6 أبريل أم من الخارج ؟ أرجو التوضيح للأهمية إيه الكلام الغريب ده يا بشمهندس انتوا جاتلكوا أوامر بإعلان الحرب علي مصر واحنا مش دريانين ؟؟؟ جناح عسكري إيه وكتائب طنطاوي إيه ؟؟ الجيش المصري يعني ؟؟؟!!! اللي ممكن يكون أخويا وللا أخوك عسكري فيه ؟؟ وحرب شوارع إيه إللي لا طاقة لهم بها ؟؟؟؟ وكام واحد هيروحوا فيها دي ؟؟؟ وعشان إيه ؟؟؟ عشان الإنتخابات نتايجها مش عجباكوا ؟؟؟ ومش مهم مصر تتحرق باللي فيها ؟؟؟ لا بس انتوا مش موافقين حفاظا علي سلمية الثورة !!!!!!!!!!!! والمفروض نثق في 6 ابريل بعد كلام حضرتك ده حسبنا الله ونعم الوكيل حسبنا الله ونعم الوكيل حسبنا الله ونعم الوكيل في كل واحد قلبه مش علي البلد وعايز يولعها عشان مصالحه هو لا تستغربو من كلام اي مدعى للثورة من اتباع ال6 ابريل دة بيهزر معقولة ممكن يقتل اخوة لأ لأ انا مش مصدق ابدآ دة مصرى يا جماعة مش من جنسية تانية واحنا عارفين ان جيش مصر مش من المرتزقة او غيرة دول مجندين اجبارى يعنى بيخدمو بضريبة دم تيمور تكلم عن دعوات دعوات دعوات ... تم تظليل نصف الحقيقة وتحولت إلى أوامر الدعوات موجودة على فيسبوك وعلى تويتر من أفراد وأكرر أفراد ... تحركهم العاطفة عندما يرون مشاهد القتل اليومي البشعة ومشاهد التحرش بالنساء ومشاهد نزع ثياب الطبيبة المنتقبة من قبل الجنود ، الأفراد تحركهم العواطف ولكن يبقى الوطن اكبر وأهم تيمور أوضح ان تلك الدعوات كلها تم إسقاطها وعدم الإنجراف إليها لا لن نقبل حرب أهلية ولن نضحي بالوطن وسنواجه بصدور عارية آلة القتل ... هذا هو ملخص كلامه

طبعا المهندس وحركته تدس السم فى العسل لا اظن انه وحركته ومايسمى ائتلاف الثوره يسعون الى استقرار من مصلحتهم ان يظل الحال كما هو عليه لانه سبب شهرتهم واكل عيشهم لما يكون فيه دوله ورئيس وحكومه الناس دى هتشتغل ايه وهثور على مين ونواره نجم هتهتف ضد مين طلبك مرفوض

يا تري إيه رد من يدافع عن الثوار علطول الخط علي الكلام ده ؟؟؟ شخصيا لا اصدقه اعترافات شخص ليست دليل مادى يا مدام نوران صدقينى شباب 6 ابريل الحقيقيين وطنيين جدا رغم اختلافى معهم فى بعض الافكار نظرا لانى اهدى شوية من معظمهم وجماستهم عالية جدا مين اللى عرف اللى اعترف ان المدعو شريف الروبى عضو فى 6 ابريل ؟ وهل شريف ده من الهبل انه يعرف واحد بلطجى يبيه ابوه علشان 5 جنيه اسمه وهو مين

إعلان قرعة الإسكان العائلي 24 ديسمبر.. وتسليم الأراضي في يناير elbadil | December 18, 2011 | التصنيف : إقتصاد 1 كتبت- نها فوزي: قالت وزارة الإسكان بالتعاون مع بنك التعمير والإسكان إن إعلان نتيجة القرعة العلنية لأراضي الإسكان العائلي “المرحلة الأولى” سيبدأ من يوم 24 ديسمبر الجاري على أن تبدأ بمدينة الشروق باستاد المقاولون العرب. وأوضحت الوزارة أن الإعلان سيبدأ بأراضي منطقة النادي مسلسل رقم 1 في 24 ديسمبر، ومنطقة النادي مسلسل رقم 2 في اليوم التالي 25 ديسمبر” . وأضافت أنه سيتم في يوم الاثنين الموافق 26 ديسمبر إجراء القرعة العلنية على أراضى عدة مدن وهي “مدينة الصالحية الجديدة بمركز شباب المدينة، ومدينة بني سويف الجديدة وستتم في سرادق بجوار مبنى جهاز المدينة، والمنيا الجديدة تعلن القرعة فى مقر جهاز المدينة، وسوهاج الجديدة إعلان القرعة فى الصالة المغطاة بالمدينة أمام الاستاد ، أسوان الجديدة تعلن القرعة فى مقر جهاز المدينة. كما تحدد يوم الثلاثاء الموافق 27 ديسمبر ستجرى قرعة أراضي مدينة بدر باستاد المقاولون العرب، ومدينة أسيوط الجديدة فى استاد الأربعين الرياضى بأسيوط. بينما ستجرى القرعة العلنية لأراضي مدينة العاشر من رمضان فى استاد المقاولون العرب يوم الأربعاء الموافق 28 ديسمبر وفي يوم الاثنين الموافق 2يناير 2012 تجرى قرعة أراضى مدينة 15 مايو منطقة “1،2″ باستاد المقاولون العرب وتجرى يوم الثلاثاء 3 يناير 2012 قرعة أراضى المنطقة الثالثة “منطقة امتداد الإسكان العائلي” بمدينة 15 مايو في إستاد المقاولون. ويوم الأربعاء الموافق 4 يناير 2012 تتحدد إعلان القرعة على أراضى مدينة السادات في إستاد المقاولون العرب، و مدينة برج العرب الجديدة يوم الاثنين الموافق 9 يناير 2012 بإستاد الجيش بالمدينة، وعلى الراغبين من المواطنين في حضور إجراء القرعة العلنية يمكنهم الحضور إلى أماكن إجراء القرعة المحددة من الساعة العاشرة صباحا حتى الساعة الثانية عشر ظهرا، حيث سيتم غلق أبواب استقبال المواطنين فى تمام الثانية عشر ظهرا، وذلك للبدء في إجراءات القرعة. وذكرت مصادر أنه سيتم تسليم هذه الأراضي خلال شهر يناير المقبل بعد الانتهاء من إجراء القرعة وذلك بالتوازي مع فتح باب الحجز بالقرعة الثانية في 16 يناير 2012والتى سيتم الإعلان عنها الخميس 22 ديسمبر في الصحف. واوضحت مصادر أن الوزارة وضعت تيسيرات لمن لم يصيبهم الحظ فى الفوز بأراضى المرحلة الأولى من القرعة ويرغبون فى الحجز فى القرعات المقبلة بإمكانية فتح حساب خاص تحت مسمى “الحساب المميز لحجز أراضى القرعة” ببنك التعمير وذلك بإيداع مبلغ جدية الحجز السابق دفعه فى هذا الحساب والبالغ 10 آلاف جنيه. بشرط أن ينطبق عليهم شروط القرعة المطروحة.وأضاف أنهم يمكنهم الحصول على كراسات الشروط بدون مقابل فى القرعات التالية، والتقدم بالحجز للمدينة السابق التقدم بها إذا كانت متاحة فى القرعة التالية المطروحة أو التقدم بالحجز فى مدينة أخرى من المدن المتاحة فى القرعة الجديدة وذلك لمن تنطبق عليه الشروط، وهى أن يكون المتقد للحجز من مواليد أو سكان أو عاملى هذه المدينة المراد الحجز بها بالإضافة إلى حصول الحاجز على عائد مميز على مبلغ جدية الحجز طبقا لمدة الإيداع كما يمكنه الحصول على كشف حساب وإيداع من البنك يمكن من خلاله الإيداع والسحب النقدى

لم اكن انتوي الرد ... لأن الطرح غير موضوعي وغير هادف وعنوانه يثير القارئ ورسالته الغير مباشرة سلبية ، والموضوع لا يبحث عن حلول لمشكلة مصر ، بل الموضوع كله مكرس فقط لوضع الثائرين في كورنر الدمويين ، الثائرين للثورة ، البلطجية ، الغوغاء ... من كان منهم بالداخل ، والإنتهازية والدموية لمن كان منهم بالخارج او مجاهد من منازلهم ولكن للأسف كان من الواجب فصل الحق عن الباطل والذين تم خلطهما معا بروح بالفكاهة المغلفة بروح التشائم وماء الدهاء بدأت موضوعك بالثورة الفاشلة .... هذا وصفك انت وشعورك انت ... وأجيبك بأنك أخطأت العنوان ، الثورة التى وصفتها بالفاشلة هى التى أوصلت الإخوان والسلفيين لما يسمى إنتخابات ، وبما انك قلت عن الانتخابات انها باطلة فهذا ادعاء يلزمه إثبات من قول أو فعل من مسئولين وليس من أفراد تحركهم العاطفة ، انا عندى ما يثبت عكس ادعاءك من علمانين ينادون بحكومة تشكلها الأغلبية المنتخبة ..... وانتظر منك ان تأتي بدليلك على ادعاءك انت وضعت خيارين فقط وحجمت بزعمك الخيارات واخبرت بأن الثورات لا تقبل حلول وسط .... ان تزعم ذلك فإما انك تؤمن به ، واما انك تصنع فخا لمن تبع كلماتك بغير تعقل ... وخياراتك كانت اما ثائراً دموياً يسعى لحرب أهلية ، ودفعت بزعمك في إتجاه هذا الخيار وزعمت ان تلك طبيعة الثورات .... انت لا تنتمي للثورة ولا تعرف ديناميكياتها وهي لك مثال للفوضى ، زعمك ودفعك غير مقبول وخيارات الله ارحب واكثر الثائر الذي ضحى بنفسه من أجل بلده ومنحها عينيه تتهمه أنت بأنه يسعى لدمارها وخرابها .... هذا قولك وهذا زعمك ، اما انا فأفهم ان من يحمي الثورة تلك الأجسام التى تقف بصدور عارية امام آلة العنف ، يُخطفون ، ويقتلون غدراً ، ويعذبون ، وتعرى نسائهم ويلعنون ويصنفون على انهم برابرة قتلة حشاشون ... ويمكرون ويمكر الله .... وليفضح الله وصفهم بالمخربين الدموين الساعين لدمار وخراب البلاد لأنهم يسعون للوصول الى السلطة على جثث المصريين ... يشاء الله ان يكون منهم الشيخ عادل عفت وطلبة وثائرين ... هل يكفيك رد الله هذا على طرحك متى نتوقف عن لعب دور نبى القرية الكافرة ... هؤلاء الثائرين ، فضوا اعتصام التحرير طوعاً ، بعد ان فشلت القوة ، ونقلوا الإعتصام (القانوني) بشكل مصغر إلى مجلس الوزراء كأداة ضغط للحفاظ على المكتسبات ولضمان نقل السلطة للمجلس المنتخب والرئيس المنتخب .. ولكن بعد اكتشاف فرد تحريات عسكرية بينهم والقبض عليه وتسجيل فيديو له يبين المخطط الخاص بإختراقهم ، تم خطف عبودي وتعذيبه لمبادلته بفرد التحريات .... هذا هو محرك الإحداث .... هل ترى من المجنى عليه ومن المجرم ، وتوالت الأحداث ... سقط فيها القتلى والمصابين من المعتصمين (قانوناً) ... متى نتقى الله ونقف بجانب المجنى عليه ، ولا نكن كمن اتهم الفتاة التى انتهك حرمتها افراد من جيش قادته على وشك وصمهم بأبشع الصفات ... الا ترى كيف يهينون ويحرقون تاريخ وشرف الجندي المصري لا يا يا سيدي ... الثوار ليسوا دمويين ، الدمويين هم من يرون الدماء تراق من أجل الدفاع عنهم ، ولا يتورعون عن تلويث سمعة من يضحي لأجله ويتهمه في عرضه وشرفه وخلقه ... ولكني لا اتعجب فأعوام كثير من المهانة كانت كافية بقلب المثل والأخلاق عند الكثيريين لا يا سيدي لن تكون ليبا أخرى ... سنواجه بصدور عارية حتى لو أستشهدنا كلنا .. وادعو الله ان اكون بين من يقفون ... سلاحنا الإيمان بعدل الله ، والكفر بكل مثبط محبط ، سنقف بجانب الحق لن نداهن فيه ولن نمالق ظالم فيه ... لإننا مسائلون أمام الله ، سنقف نزود عن كرامتنا وحريتنا حتى تتحقق مطالب الثورة .... كرامة ... حرية ... عدالة حق الإعتصام ... قانوني .... انتزع بدماء الشهداء .... نحن مع الشرعية مهما اتت به ولو اتت بأجهل جهول أو أعلم عالم ، وان كنت تملك أدنى ضمان بأن يتم تسليم السلطة ولا يتم التبول على ممثليها كما حدث لو ذهب الثوار إلى بيوتهم ... فسأكون أول من يدعو لذلك ... ولكنك لا تملك ولا احد يملك .... فقط الثوار هم ضماننا الوحيد بصدورهم العارية ... فادعو الله ان يثبتهم حتى وجود رئيس حقيقي للبلاد حق الإعتصام ... قانوني حق الإعتصام ... قانوني حق الإعتصام ... قانوني حق الإعتصام ... قانوني

أَلَا بِذِكْرِ اللَّـهِ تَطْمَئِنُّ الْقُلُوبُ

سؤال : حضرتك ليه مش في الاعتصام حاليا ما دام مقتنع بيه و بتشجع على الذهاب الى هناك ؟ لان ببساطه بعيد عنهم بكتير ويارتنى قريب منهم كنت قلتلهم ال انتوا بتعملوه ده هبل فى الجبل العالم دى مش هتمشى وتترك البلد بالطوب لان كده هنبقى عملنا زى الفلسطينين ال بيحاربوا اكبر ترسانه عسكريه فى المنطقه بالحجارة لايفل الحديد الا الحديد العالم دى عاوزة تصفيه وحرب شوارع على ابوه عشان تمشى من البلد ولو بدئوا فى ده هتلقينى ضارب غطس فى قلبهم كل وحد ووجه نظره يعنى لان مينفعشى نقول سلميه ماتت واحنا ال بنموت برده سوال بقه.. ليه بقى حضرتك مش معاهم على السطح طالما مش مقتنع ؟ لاني مش مقتنعة باللي بيعملوه الناس اللي في السطح بل بعتبر دا جريمة و رغم اني مش مع اعتصام مجلس الوزرا في اهدافه بس اللي بيتعمل فيهم دا جريمة و انا ضده و شايفة ان مفهاش حاجة لو اعتصمو مدام ما بيعتدوش على حد و اا ضد حرب الشوارع جملة و تفصيلا و لو مفيش غير حرب الشوارع و ان شاء الله مش حيبقى في افضل ان ابقى مقتولة على اني اقتل شخص مغرر به مش فاهم و مضحوك عليه

سؤال : حضرتك ليه مش في الاعتصام حاليا ما دام مقتنع بيه و بتشجع على الذهاب الى هناك ؟ لان ببساطه بعيد عنهم بكتير ويارتنى قريب منهم كنت قلتلهم ال انتوا بتعملوه ده هبل فى الجبل العالم دى مش هتمشى وتترك البلد بالطوب لان كده هنبقى عملنا زى الفلسطينين ال بيحاربوا اكبر ترسانه عسكريه فى المنطقه بالحجارة لايفل الحديد الا الحديد العالم دى عاوزة تصفيه وحرب شوارع على ابوه عشان تمشى من البلد ولو بدئوا فى ده هتلقينى ضارب غطس فى قلبهم كل وحد ووجه نظره يعنى لان مينفعشى نقول سلميه ماتت واحنا ال بنموت برده سوال بقه.. ليه بقى حضرتك مش معاهم على السطح طالما مش مقتنع ؟ الكلام ده خطير وغير مسئول بالمرة هذه دعوة لحرب أهلية فهل انت من الداعين لحرب أهلية وتفكيك للدولة؟ أعتقد ان مثل هذه الآراء ليس لها مكانا بيننا.

خاص بوابة الشروق - صورة تظهر وجوها واضحة لشخصين يلقيان الحجارة على معتصمي مجلس الوزراء من سطح مبنى الهيئة للعامة للطرق و الكبارى - الثالثة والنص عصر اليوم - تصوير: محمود نوفل مصدر الخبر : http://www.facebook.com/photo.php?pid=8281204&l=9d1878e512&id=91753888816 تعليق احد المواطنات لما أسمع أن أطفال10و14سنه ماتت أو أتصابت..ده إدانة للجميع..مين قال أن الأعمار دى تعتصم ويكون لها مطالب وهم مالهمش حق الأنتخاب.مين بيستخدمهم؟ مصدر التعليق : https://twitter.com/#!/Ghada_Essa/status/147732735769837572 يعني احنا ادام جريمة ذات اربع اوجه : الوجه الاول مين بيضرب على الناس من فوق و مين المسئول عن الجريمة دي الوجه الثاني من يشجع و يجرئ الشباب و يتخلى عنهم في نفس الان (مجاهدي القنوات الفضائية) و لا اعلم لماذا ذكرني هذا بقول الله تعالى ( فاذهب أنت وربك فقاتلا إنا هاهنا قاعدون ) [ المائدة : 24 ] صدق الله العظيم الوجه الثالث من زج باطفال 14 و 10 سنوات في هذا الجو من اول ما اهمل في حق اطفال الشوارع لحد ما وقف يتفرج و هم يستدرجون الى الموت لان حركة الشباب المعتصم اكيد اسرع منهم الوجه الرابع اللي عمال يشتم في ناس بتموت و لا اي فرد في البلد بعنترية من غير ما يحاول يفهم فعلا ايه اللي بيحصل و بيستدرج من غير ما يشغل مخه و شكرا لك

الفاضل / الباز أفندي الخبر يتحدث عن حادث سرقة بالسلاح تعرض له مواطن مصري ، اللص أو اللصوص يحملون سلاح أبيض ، اللص حاول إيذاء مواطن مصري وربنا ستر ان السلاح لم يصب هذا المواطن حيث اصاب السلاح جلابية المواطن وأعتقد ان إتساع الجلابية كان من كرم ربنا. نسيب ده ونتكلم على يطلع مين المواطن المصري ده؟ ايام تعرض حسني مبارك لمحاولة اغتيال في اثيوبيا المصريين زعلوا على الرغم من انهم كانوا بيتمنوا ان مبارك يغور. عايز تهاجم نائب المرشد هاجمه بس ماتهاجمهوش في خبر عن مصيبة وقعت له.