لوحة القادة

أعرفكـوا بـيا .. أنا شـاب سيس مناضل كيبوردى..بدرجة رئيس براوِغ ... بناوِر بجادِل .. بحاوِر وِبضرب..وِبهرب..كتعلب خبـيـث وإسمِى وكِنايتى..خميس الخسيس أعرفكوا بيا .. أنا مِــسخنــــاتـــى أنا مِــهيجــاتــى..أنا مـِـولــعــاتى بَلِف .. وِبَدور .. وِبَحلِب فى تور وعايزك تِفـَرقَع .. ودمــك يفـور وعايزك يا خِينا..فى إيـدى عجينه وتِحرق فى نفسك..وتوصل ليأسك وتغضب بسـرعه .. وتبـدأ تثـــور واعرفكوا بيا....خميس الخسيس أعرفكوا بيا .. بحــب الحــرايـق وبارع وماهر.. فى قلب الحقايق أرارى حـويـط .. لِـسانى سَلِـيـط وراقِد .. وكامِن .. وبيرى غويط ولو تحـرجونى .. ولو تكشفونى بصنعِة لطافه .. وِظُرف وخَفافه حَكَبَر .. حَنَفَض..وحَعمِل عـبـيط واعرفكوا بيا...خميس الخسيس أعرفكوا بيا ...تَخَصُص هجايِص وعالنِت قاعد .. بَــ حَرَك عرايس أقول (لليمين) .. يجاوبوا(أمين) كَخاتِم فى صابعى .. ومِتبرمَجين صاحِبكم زعيم..وداهيه .. ولئيم وحالِف يا عسكر.. أحَرَض أَدَبَر وحَقلِب عليكوا .. الناس أجمعين خُلاصة الكـلام .. مِسَيطَر تمـام وإسمى وكنايتى..خميس الخسيس ***شكرا واجب للاخت الفاضلة ((الزهراء )) صاحبة الفكرة****

ماذا فعل بنا الطغاة و ماذا فعلت بنا الأيام ؟ ... و كيف وصلنا الى ما وصلنا أليه الكثيرون ظنوا أنهم سلبوا منا وعينا و بعض من أخلاقنا لم يتخيلوا أنهم سلبوا من الكثيرين فطرتهم السوية و كل ضمائرهم أهكذا تصرف حقير ... موغل في الحقارة تدينه الشياطين نجده هنا و هنا .. صالون ثقافي للصفوة ... نجده محل خلاف يدينه العالم أجمع و نجد عندنا من يبرره اللهم لا تهلكنا كما أهلكت بعض القرى الظالمة ... وأظننا اشد ظلما من بعضهم

موقفك غريب جداً ياعماد ياجماعه هو ليه حساباتنا الحزبية اصبحت هي الدين الواجب اتباعه ليه حسابات الحزب والجماعه اصبحت ميثاق مقدس لايجوز مخالفته احمد الله انني اخترت من اول يوم عدم التحزب والانضمام لأي كيان سوى ضميري ومصريتي هي مين اللي كانت بتعري نفسها ياعماد اتقي الله ياراجل البنت راقده بكسر في الجمجمه بين الحياة والموت وانت بتاكل في لحمها ياعماد طظ ف مليون انتخابات لو كانت هتخلينا أحط من كفار قريش اللي اختشوا من لطم وترويع النساء بحثا عن الرسول في الهجرة طظ ف مليون كرسي لو كانت رجولتنا اصبحت مجرد شعار حزبي وطظ في رجولتنا نفسها لو افتكرنا انها نهش عرض مصرية شريفة بمنتهى الاستهتار يا عماد خليني اقول لك ان دي مومس نزلت التحرير تاكل عيش ياعم عاوز حاجه اكتر من كده تقو م تسحلها انت يامسلم ياجندي ياشريف ولا تستحي لما جسمها يتعرى أمام عيونك وترجع تصلي العصر طب طظ ف صلاة العصر نفسها لو كان ده حالي بقية اليوم ياسيدي .. فيه ناس بتقرأ القرآن وهو يلعنها وفيه ناس بتصلي وصلاتها وبال عليها ياعماد اخاطب فيك ضميرك يارجل يارجل يارجل يامسلم ياموحد بيدن ارحم الرحمين نعمت رأيت بعيني وكتبت ان فيه جندي في آخر لقطه في الفيلم بيحاول يسترها ..بس بعد ماشارك في الجريمة هل سمعت انت عن رجل جاء اكثر من مرة للرسول فجلده لشربه المتكرر للخمر فلما لعنه احد الواقفين نهاه رسول الانسانية وقال لا تعن الشيطان على اخيك .. أو قال لا تلعنه فإنه مؤمن يا أخي ده حتى الغامدية التي تأذى احد الواقفين من دمها الذي لطخ ثوبه فسبها نها سيد البشر وقال لقد تابت توبة لو وزعت على أهل الأرض لوسعتهم لاحظ إني وافقت معاك انها مومس من خيمات الدعارة التي تفضلت حضرتك بذكرها واثبت لك بالعقل والنقل أنه لايجوز ما خطته يمينك استغفر ربنا ياراجل وراجع حساباتك اعذرني ياعماد لاني مدب واللي ف قلبي على لساني بدون رتوش وعمري ماشلت من حد بس كلامك وجعني جدا والله وتصدق وتآمن بالله .. لو كانت من حد غيرك .. كان يمكن اطنش لاني عارف دماغه راكبه شمال .. بس منك .. عيب والله والشيخ برهامي يقول لك دي محاولة لجر السلفيين .. ياأخي يحرق السلفيين والشيوعيين في مشنة واحده يا أخي فين الكرامة للمصريين يا أخي .. فين ياجماعه ياللي بتقربوا الناس من ربنا فين يامصريين يابتوع النخوة اللي تونس ولعت عشان شاب فقير مكافح خد قلم على وشه فين النخوة الموسمية اللي تقصدها .. دي مصيبه في حق السلفيين ومن انتفض عشان اخته مديحه أو كاميليا ياعماد وبعدين انخرس لما عشنا مصيبة اختبار كشف العذرية زي المجلس العسكري بالضبط عمل نفسه عبيط واعمى ورجع سخن تاني عشان الاخت بتاعة امبابه .. وبعدين رجع للخيبه تاني بعد الاخت المنقبه امام مجلس الوزراء بذمتك دي ناس عندها مبدأ وكرامه

http://www.youtube.com/watch?v=XTkLEdg75Ls

اتقى الله يا استاذ محمود ياريت تشوف الفيديو تانى وتشوف الجندى وهو بيضربها بالشالوط فى بطنها ولا حضرتك مخدتش بالك من دى طيب ياريت تشوف الراجل اليى كان ماشى مع الست اليى كانت لابسه احمر وبرده اخدوه وضربوا وفعصوهم هما الاتنين ولا دى كمان كانت لابسه كباسين ومعرفش ايه يا سيدى الفاضل اليى حصل كارثه وفضيحه بمعنى الكلمه ولا يوجد ليها اى مبرر مهما كان ما اقترفوه من اثم هذه هى اخلاق الاسلام عنبو هقبلها منك يا سيدى الفاضل لكنى اريد منك ان ترد على سؤالى لو حضرتك عندك بنات وذاهب الى حديقة ملاهى ماهى الاستخدامات للبسهن ؟؟ اذا كانت هناك انثي تعرف انها فى مظاهرات ونوم على الارض وخلافة ماهى استعداداتها للملبس وماهى ظروف الطقس وخلافة وهل شاهدت يومآ منتقبة ترتدى لباس او عباءة من الكباسين ؟؟ انتم اهل علم وتفكير لماذا تنكرون على الناس مجرد التفكير فى شيء يظهر حق او يمنع شبهه الحقيقه لا ادري كيف يمكن لرجل مسلم او متدين باي دين ان يقبل دينه و رجولته ان يري مشهد ضرب سيده او فتاه بهذا الشكل القذر وكل ما يهمه هو انها لم تكن ترتدي 4 طبقات و استك ناهيك عن التلميح بهذا الشكل يمس عرض الفتاه وهو ما ستحاسب عليه حساب الله اعلم به يوم القيامه ثم ان هناك فيديو اخر يبين انها كانت ترتدي ملابس اخري بالاضافه الي انه يا اخي الفاضل هل كان الجيش جيش اداب يعاقب مرتديات الملابس علي اللحم ام كان يضرب وبعاقب كل من كان يقف في طريقه ومنهم طبيبات واطباء ويمكنك مراجعة فيديوهات اليوم كله ....لا سامح الله من زرع في قلوب المصريين الغل و الكره لبعضهم التعض لكي يبقي هو و يستمر

نفسى افهم .......... والله ماسكة نفسى و هحاول احافظ على كلامى انا عايزة اعرف اى رجل عنده دم ازاى يقعد يقول اصل البنت كانت لابسة كذا و كذا و كذا انتم فاهمينا ايه بنلبس على اى مقياس بنلبس على مقياس اننا هنتضرب فى الشوارع و احب اقل اى بيه هنا او فى الاعلام بيقول عباية بكباسين او بنطلون بكباسين انى و صديقاتى بنلبس ازدالات مش عبايات يعنى بمقياس معين اشد التزام و عشان اغلبها بيكون مفتوح بنقفله بكباسين و لان اللون الاسود بيحر بنلبس احيانا بادى كت خفيف صيفا صوفا شتاءا تحت الازدال اللى بكباسين و بنقفله بخياطة بسيطة من المنتصف بايدينا عشان يسهل علينا خلعه هو او العباءة اثناء الوضوء فى مسجد الكلية او فى اى مكان و لو اتشد الازدال او العباية اللى بكباسين بشدة قوية مثل رجل بيسحلك على الارض هتتتفتح من الاول للاخر متخيطة او لا ان متقطعتش اساسالانها قماش خفيف و ده شتاءا صباحا و على فكرة الشاب اللى كان يضرب جنبها اللى حاول ينقذها صحفى من البديل و فيه كلام كثير انها طبيبة من التيار الاسلامى اى كان ايه هو كانت بتنزل الميدان عشان تساعدو المعلوم ان اغلب البنات بيروحوا على الليل و عشان خاطر سيادتك افهمك حاجة كمان اغلب العبايات السعودى السوداء اساسا مفتوحة و بتتقفل بكوتشات من الجنبين و من الكتف و احنا برده بنخيطها خياطة بسيطة جدا ممكن ب شدقوى جدا تتفتح و العبايا من الامام اللى بكباسين لو اتقفلت بخياطة مكينةالخياطة بتبقى باينة و شكلها وحش و بنطلونات الجينز بتاعتنا اما بحاجتين بسوسته او بكباسين ايه كمان اه عارف العبايات الملونة ديه بنسميها احنا تركى او سورى و بناخد الموديلات من المجلات و بتكون مفتوحة من الامام و بتتقفل بزراير بتتقطع برده مع السحل على الارض اما الازدالات المقفولة من الامام او العباءات المقفولة بخياطة من الامام فبتكون موديلات قليلة من اللى بزراير او بكباسين و فى حالة الازدال المقفول من الامام بيكون فيه قماش اقل تجاريا فيعيق اكثر فى الحركة تحب ازود و اقول لحضرتك ايه كمان عشان تحضر دكتوراة فى لبس الفتيات ......الناس اللى فاهمة نفسها بتفهم فى لبس الفتيات و قاعدين يفتوا هيسكتوا و الله العظيم انا لو جوزى كان قالى ان احسن اللى حصل للبنت لكانت رجولته نزلت فى نظرى بس الحمد لله طلعت عرفت اختار رجل ميرضاش اى بنت تنضرب بالشكل ده لاي سبب حتى لو كانت لابسة ايه و على فكرة اكثر انا لو لبست بكينى و نزلت اى مكان فى مصر محدش ليه حق انه يخلعلى ملابسى ايا كانت و مفروض يا ريت عشان نرضى الذين يدعوا الاسلام و الرجولة نبقى نلبس 3 باديهات و بدلة غطس تحت العباءةو بنطلون بترباس لما نقرر ننزل نتظاهر او نقدم مساعدات للميدان بجد اخر استفزاز اتقوا الله اى حد يقول النزول للميدان فى الوقت ده غلط لانه مش وقته عشان الانتخابات يحترم لانى فعلا شفت ان التيار الاسلامى و قصدى الاخوان عايزين ياخدوها واحدة واحدة و اسلوبهم صح و التظاهر الان ملوش لازمة بس لانى بنى ادمة لازم احترم بقية البنى ادمين اللى ارائهم مختلفة لا انكر عليهم الحق فى التظاهر و عشان انا عندى دم مينقعش اغلط الضحية و اقول اصلها هى التى اعطت الفرصة للجانى و الله العظيم انا قرات هذه الاجابة و عدلتها و حزفت منها الكثير 4 مرات

ياسر برهامي: فتاة التحرير ليست من السلفيين محمود غزلان عضو مكتب الإرشاد: فتاة التحرير ليست من الإخوان الحمد لله البنت طلعت شريفة المفروض ان دي نكتة و المفروض انكم تضحكوا عليها انما اللي عايز اقوله ان البهوات بيطمنونا علي اعراضنا عندهم بعد ما يمسكوا الحكم يا ابها المسلمون قال امير المؤمنين عمر بن الخطاب ان الشجاع يدافع عمن لا يعرف و الجبان يفر عن امه و الشجاعة هي بذل النفس في سبيل الغير و هي منتهي الكرم عند العرب ماذا اقول ...؟ هل اكتفي بان افهم انكم عجم و انكم الاخوان و السلفيين و لستم من ديدننا معشر المسلمين الا سحقا سحقا

شوف يا عمدة انا راجل ابن بلد ومتربي وسط الناس البسطاء وبعرف الاصول والواجب وبعرف يعني ايه راجل ورجولة والراجل اللي هو راجل بجد لما يشوف واحدة ست وهو ماشي في الشارع راجل تاني نازل فيها ضرب ومن غير ما يعرف علاقة الست دي بالراجل ده بيدخل يحجز عن الست دي وبيتعاطف معاها اتوماتيك للاسف ولاد البلد اللي انا متربي وسطهم يعرفوا ان لو ما تدخلش في صف واحدة بتنضرب من واحد يبقى رجولته ناقصة وماعندوش شهامة ولاد البلد وضع من الصفات القبيحة اللي يمنعني هذا المكان من ان اسردها لكن الجميع يعرف ما هي هذه الصفات انت عمال تقول لو كانت على حق فانا اسف لها ولو كانت مندسة يبقى حلال عليها عايز اقولك مش حلال عليها ولا حاجة يا عمدة لانها انضربت ضرب مبرح من كام راجل مدربين علة قتال الاعداء مش مدربين على قتال النساء العزل يعني ايه مندسة يعني هي تعرض نفسها للموت عشان تنفذ خطة وضعاها باحكام الكلام ده ما يصحش يا عمدة ومايركبش عشان كده كان واجب عليك وبكرر كان واجب عليك انك تنصفها مش تميع الكلام وتضع شروط لاسفك وبعدين انا بصف كل واحد شاف المنظر ده وقعد يكمل دبح في البنت بعدم الرجولة مش نقصان الرجولة وده من وجهة نظري وصف دقيق جدا واعني ما اقوله كفاية اللي حصل لها عشان نتعاطف معاها مش نكمل دبحها

لا حول و لا قوة إلا بالله العلي العظيم عليك العوض و منك العوض انت وحدك يا رب حتى أبسط الأمور و أكثرها بداهة و وضوح أصبحنا نختلف عليها حتى أضعف الإيمان أصبح بعيد المنال و حق غير مكفول لأحد !! يعني من يدافع بيده مخرب .. و من يدافع بلسانه عميل !! و حتى من يناصر بقلبه .. بالدعاء .. بنقول يارب بس .. حتى من يغير ما يرى أنه منكراً بقلبه أصبح مفروضاً عليه اليوم أن يواجه و يجابه و يتصدى للنقد و التجريح البنت مرميه عالأرض رمية من لا حول له و لا قوه .. و يجي واحد ممن لا يخافون الله ’’يظبــَّـط’’ فيديو و ينزله على النت و يقول كل الجندي ما يغطيها تعري روحها هو جرى إيه في الدنيا ؟ خلاص مفيش خوف من ربنا ؟ .. مفيش أعراض مستوره في أهل بيته يخاف عليها ؟ الفيديو واضح فيه الضرب و لا ضرب الكفار .. لو كانت في وعيها و هي بتاخد رجل واحده من رجلين الكافر اللي بيرفصها في صدرها كانت إتلوت على روحها أو حتى كان ظهر منها أي رد فعل غير إرادي .. طب حتى كانت إتقت ضرباتها الهمجيه بعضم إيديها يا بني آدميين دي فاقده الوعي من كتر الضرب .. هتعري روحها إزاي و هي فاقده الوعي .. مهو لازم نتقي الله شويه أقسم بالله العظيم دي لو كافره لوجب علينا إغاثتها .. مش نقطع في لحمها بألسنتنا كده هو محدش فينا سمع قبل كده عن كراهة قذف المحصنات ؟ ولا خلاص كلنا دخلنا في علم الغيب و عرفنا إنها سافله و منحطه و لا يجوز وصفها بالمحصنه ؟؟ أنا قرأت المداخلات كلها و أقسم بالله أن ما أذكره هو الكلام دون تذكر من كتبه حتى لا يتهمني أحد بأنني أوجه كلامي لشخص بعينه بس يعني الأخ أو الأخت اللي قال رداً على من يقول ماذا لو كانت أختك أو إبنتك أو أمك .. فقال و هو يعني جنود الجيش مش ولادنا و إخواتنا .. لا إسمح لي معلش .. الجندي إللي اتخلى عن أبسط صفات الإنسانيه قبل ما يتنكر لشرف الجنديه .. ميشرفناش لا يبقى أخ و لا إبن و لا حتى جار و اللي له أخ و سايبه كده بالأخلاق دي يبقى ليس أقل منه سوءاً و اللي له إبن و رباه كده يبقى أسوأ منه و اللي له جار و شافه كده و لا نصحهوش يبقى مش مؤمن بالله و اليوم الآخر مش قادره أستوعب فين ضمائر من يلوكون سمعتها بألسنتهم و لا يتورعون عن شرب دمها و تمزيع لحمها بأفواههم و هم يتهمونها بالسوء لمجرد لون ملابسها الداخليه أو ما ترتديه تحت عباءه يفترض بها أنها كانت ساتره خافيه لم تكن لتشف عن ما تحتها لولا هذا الإعتداء الهمجي عليها الموضوع كان عباره عن كلمه يوجهها من يحب أن يوجهها لهذه الفتاه المنكوبه المظلومه المكسوره .. أو اللي إحنا شايفينها كده أما أنت يا من تراها على غير ذلك .. هل كان من الضروري أن تتدخل في هذه المساحه لتصب عليها جام غضبك و سخام تهمك حتى هنا؟ في هذه المساحه الإفتراضيه التي نوجه لها فيها كلاماً نريح به أنفسنا قبلها و نعرف أنها في أغلب الظن لن تقرأه ؟ تستكثر عليها أن تؤاذرها أو تساندها نفوس ليس بيدها غير أضعف الإيمان ؟؟ نفوس لم تطال أن تغير ما تراه منكراً لا بيدها و لا بلسانها فلم يتنبق لديهم إلا القلوب ليوظفوها قدر إستطاعتهم ؟ لا حول و لا قوة إلا بالله العلي العظيم و حسبنا الله و نعم الوكيل

هذه الصورة حق يُراد به باطلل وإذا كانت حق .. يبقى كمل جميلك وكلمنا عن إحصائيات الذين قتلوا في هذه المظاهرات منذ نشات امريكا حتى .. بلاش قتلى عشان مش هاتلاقي .. كلمنا عن خلع عيون المتظاهرين وضربهم مباشرة في العين بلاش دي .. كلمنا عن ضربهم على رؤوسهم بالعصي الثقيلة وعن العاهات اللي حصلت لهم

سبحان الله اكد الدكتور إحسان كميل جورجي -رئيس مصلحة الطب الشرعي- أنه عند فتح مقبرة اللواء محمد البطران -الرئيس السابق لقطاع مصلحة السجون- تبيّن احتفاظ جثة البطران بكامل نضارتها على الرغم من مرور أكثر من ست أشهر على دفنها. ورأى جورجي -خلال حلقة برنامج "مانشيت" الذى تبثه فضائية أون تى- أن التفسيرات العلمية لتلك الحالة لن تساعده كثيرًا، مما أدى إلى استرساله في الحديث عن أنواع التربة والعوامل المناخية المؤثرة فيها. يشار الي أن اللواء البطران استشهد خلال محاولته منع نزلاء سجن القطا من الهروب خلال أحداث ثورة الخامس والعشرين من يناير، وأثار استشهاده شكوكا حول تورط قيادات بالداخلية فى مقتله لتهريب المساجين. http://www.youtube.com/watch?v=5XDUt_mdyQE

اتقى الله يا استاذ محمود ياريت تشوف الفيديو تانى وتشوف الجندى وهو بيضربها بالشالوط فى بطنها ولا حضرتك مخدتش بالك من دى طيب ياريت تشوف الراجل اليى كان ماشى مع الست اليى كانت لابسه احمر وبرده اخدوه وضربوا وفعصوهم هما الاتنين ولا دى كمان كانت لابسه كباسين ومعرفش ايه يا سيدى الفاضل اليى حصل كارثه وفضيحه بمعنى الكلمه ولا يوجد ليها اى مبرر مهما كان ما اقترفوه من اثم هذه هى اخلاق الاسلام عنبو هقبلها منك يا سيدى الفاضل لكنى اريد منك ان ترد على سؤالى لو حضرتك عندك بنات وذاهب الى حديقة ملاهى ماهى الاستخدامات للبسهن ؟؟ اذا كانت هناك انثي تعرف انها فى مظاهرات ونوم على الارض وخلافة ماهى استعداداتها للملبس وماهى ظروف الطقس وخلافة وهل شاهدت يومآ منتقبة ترتدى لباس او عباءة من الكباسين ؟؟ انتم اهل علم وتفكير لماذا تنكرون على الناس مجرد التفكير فى شيء يظهر حق او يمنع شبهه اولا احب اقول لحضرتك انا ماعنديش معلومات عن لبس الستات خالص لانى مش متزوج ولا عندى بنات فمعرفش طبيعة لبس البنات ايه ثانياً فيه ناس بيقولوا ان البنت كانت لابسه حاجه زى البدى كده تحت العبايه وتم تمزيقه وفيه فيديو بيظهر ده بس انا لسه مشفتش الفيديو ولكن يسرى فوده قال موجود ثالثاً سيبك من البنت دى الوحشه دى اليى ...........الخ قولت لحضرتك كان فى نفس الفيديو واحده لابسه بلوزه حمرا وبرده فعصوها هى واليى معها ولا دى كمان مكنتش لابسه حاجه تحت البلوزه طيب شوفت الفيديو الاخر اليى العسكرى بيدى ست كبيره قد امه بالشالوط مازلت اقول رغم اختلافى مع الثوار فى موضوع الاعتصام الا ان اليى حصلليهم كارثه وفضيحه بمعنى الكلمه تحياتى عنبو لو ركزت شوية فى الفديوهات هتلاقى ناس تانية ماشية فى حالها والعسكر معملش لهم حاجة ثم ان العسكرى ده مش بنى ادم برضه ومصرى كمان وليه مش ممكن تكون البنت ال ... استفذته او ماشابه وغلط العسكرى ووقع فى استفذاذها وكان فيه عسكرى تانى يغطيها وال دى محدش شافها وهذا العسكرى ان اخطأ تتكلم حضرتك عن اخلاق الاسلام يعنى لما عمر بن الخطاب رضى الله عنه فى خطبته عن المهور ردته امرأة فقال اخطأ عمر واصابت امرأة الناس اتكلمت عن اخلاق الاسلام بلاش خلط اوراق الله يهديكم وينور بصيرتكم هو انا لما اتكلم عن اخلاق الاسلام يبقى بخلط الامور طيب اتكلم عن اخلاق ايه اتكلم عن اخلاق لعيبة البلى فى الحوارى يعنى علشان مببقاش اخلط الامور انا بجد مستغرب ولا هتعمل زى خالد عبدالله وهو بيقول الكل دلوقتى بقى بدافع عن النقاب والعوارات !!!!!!!!!!!!!!!!! وبيسخر ان شاء الله هنسخر منه ومن اليى زيه قريبا ان شاء الله اما بالنسبه لمبرر حضرتك عن انها ممكن تكون استفزت العسكرى وبتقول كان فيه ناس تانيه ماشيه ومعرفش ايه انا اسف مش هقدر ارد على حضرتك علشان ردى مش هيبقى كويس تحياتى عنبو

بإذن الله لن تمر هذه القضية بسلام و مش لازم ابدا ان يشغنا المجلس و اذنابه بقضايا اخرى تنسينا هذه الواقعة اللى بالنسبة لى هى اشد من واقعة خالد سعيد أعتقد ان ما حدث لهذه الفتاة يمكن ان يسير على نهج قضية خالد سعيد و سيد بلال- رحمهما الله - اللى كانت وقود ثورة 25يناير , خليهم يشتغلوا بنفس العقلية الغبية بتاعة نظام مبارك إن شاء الله هتنقلب على دماغهم

السلام عليكم الباشمهندس ياسر/ الدماء لها حرمة عظيمة جدا وانا استغرب لمن يستسهل الامر ودة دليلى -قالَ رسولُ اللَّهِ صَلَّى اللَّهُ عَلَيْهِ وَسَلَّمَ: (أَوَّلُ مَا يُقْضَى بَيْنَ النَّاسِ يَوْمَ الْقِيَامَةِ فِي الدِّمَاءِ). -قالَ رسولُ اللَّهِ صَلَّى اللَّهُ عَلَيْهِ وَسَلَّمَ: (إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ) لو مش عايز تنزل الميدان انت حر ودة قرارك بس اظنك مش هتقدار تقعد فى البيت وتشوف الى بيحصل قدامك تسليح الثورة لن يحل المشكلة بل يعد انحراف ليها وتعقيد ودة مش فى صالح الثورة بالعكس دة فى صالح اعدائها وهما بيدفعوا لكدة وحاول تشوف الاحداث السابقة كلها حتلقيها اسفزاز وعنف غير مبرر كل ما الامور تهدى وتمشى فى اتجاة الانتخابات وتسليم السلطة، الا تلاحظ انة كلما خفت صوت الثورة الحقيقى وتراجعت اهدافها وزادت قوة الثورة المضادة والعودة الى الوراء, اشتعلت الثورة الحقيقية من جديد شوف احداث محمد محمود ومن بعدها احداث مجلس الوزراء ايه هو معيار نجاح الثورة فى مفهومك؟ انها توصل للحكم ولا ان الشباب الى قام بالثورة يتعينوا وزراء ؟ الثورة نجحت جدا بس فية شوية استعجال منك ومن البعض, اظن ان نجاح الثورة مش حيباين غير بعد اربع سنين من حكم اول رئيس منتخب, كمان لا تنسى ان لغاية دلوقتى الحاكم الفعلى لمصر هو النظام القديم بس بشكل مختلف شوية وبنفس ادواتة

إني داعا فأمن يا باشمهندس ياسر اللهم إكفي الثوار المرجفون اللهم إكفي الثوار المثبطون اللهم إكفي الثوار المستهزئون اللهم إكفي الثوار من في قلوبهم مرض اللهم إكفي الثوار المنافقون اللهم إجعل من أمامهم نورا , ومن خلفهم نورا , وعن يمينهم نورا , وعن شمالهم نورا , اللهم إعطهم نورا اللهم أرهم الحق حقا وأرزقهم إتباعه , وأرهم الباطل باطلا وإرزقهم إجتنابه اللهم إجعل التوفيق حليفهم في القول والعمل اللهم إجعل عاقبتهم في الأمور خيرا اللهم عاملهم بما أنت أهل له , ولا تعاملهم بما هم أهل له , فأنت أهل التقوى والمغفرة اللهم هيء لنا أمر رشد , يعز فيه أهل طاعتك ويهدى فيه أهل معصيتك ربنا دعوناك كما أمرتنا ............... فإستجب لنا كما وعدتنا ربنا دعوناك كما أمرتنا ............... فإستجب لنا كما عودتنا

أيهما احب لك ... ان تقتل جندي جاهل فتحمل دمه في عنقك ... أم أن يرزقك الله الشهادة مقبلاً غير مدبر رافعاً صوتك وواقفاً امام ساطان جائر مدافعاً عن حقوق الضعفاء الخياران كلاهما موجود والخيار متاح للجميع ولكن هناك خيار ان تضحي بنفسك حماية لأهلك وابتغاء وجه الله ، لا ترفع سيفك لتقتل جاهلاً يحركة ظالم فتعيش حياتك منغصاً بدمه ، وتحمل إثم كل من تبع رأيك فتحمل أيضاً إثمهم ، وتحمل إثم قتل الفقراء والضعفاء المعتزلين الفتنة لو اتسع الأمر وتحمل إثم جر البلد إلى الإقتتال الداخلى وما يتبعه من انفلات وقتل وحرق وسرقة واخيرا ... قد يضيع الهدف الذي أخرجك الا وهو حب مصر بعد ان تضيع هي والخيار الآخر ان تقبل مجاهدا بنفسك ، عاري صدرك متوجه الى الله رغبة لا رهبة رافعاً الظلم عن الضعفاء وواقفاً في وجه الظالم مضحياً بما تملك ابتغاء إحدى الحسنيين شهادة لا يشوبها إثم او ظلم او دم انسان او ان تنتصر بإنسانيتك وسموك ونبلك وأخلاقك ... واعلم اننا هنا فقط عابرون وليس لمن يعبر ابداً وهو غير مقيم ان يضحي بدار إقامته من اجل منزل نزله في ترحاله واعلم ان الكلمة كالسيف قد تقتل ... ونحن كلمتنا هي سيفنا نهوي بها على أفئدة الظلمة والله هو ناصر كل ضعيف واذكرك بمن ضحى بعينه في يناير ثم نزل اعزلاً ليفقد الأخرى فى نوفمبر ... ثم ينزل اعزلا وهو اعمى كليا ليقود مسيرة سلمية ... احمد حرارة رجل احيى امل وهزم ضعف نفوس واضاء طريقاً للآخرين ، واذكرك بقول رسول الله ما تقابل المسلمين بسيفيهما ... الا واحدهما فى النار ... فأعيذك بالله ان تكون هو وأخيراً اقول لك ان كنت قد تعبت من الرباط ، فلترجع إلى بيتك وكل شكرنا لك والله شاكر سعيك في انقاذ البلاد والعباد ، ولكن اعلم انك لن تستطيع ان تجلس في بيتك وانت ترى دماء الضعفاء تسيل ... لأنك استشعرت معنى ان تكون رجلاً وان تكون مضحيا ثوتنا سلمية لا عن ضعف بل عن ايمان بأن الله هو ناصر الضعفاء وهو صادق الوعد وان تأخر النصر ... فالآخرة قريبة وكل مجازى بما قدم ... نقدم نفسنا فداء مصر وفداء اهلها وفقك الله وسدد خطاك وخطى كل المرابطين ... ورزقنا ان نقف معكم والله ناصركم الله اكبر والنصر للثوار سلماً الله اكبر والنصر للثوار سلماً الله اكبر والنصر للثوار سلماً

السلام عليكم ورحمة الله وبركاته باشمهندس ياسر هون عليك يا باشمهندس ياسر الثوار لا يحتاجون لإستخدام العنف , فهم بإخلاصهم ووطنيتهم وتضحياتهم وطهرهم وإيثارهم يزلزلون العروش منذ ثورة 25 يناير وحتى الأن هذا الشباب هو من يصنع الفارق صدقني يا أخي الفاضل السلطات لا تخشى أحدا في مصر إلا هؤلاء الشباب , لأنهم قوى غير منظمة وتتميز بالتحركات السريعة القوية المركزة التي تبدو للبعض عشوائية فتجعل السلطات عاجزة في التعامل معها وتوقع خطواتهم المستقبلية ( بعكس التيارات الأخرى المنظمة التي تم إحتوائها وقضي الأمر ) كلما حادت الثورة عن المسار يخرج هؤلاء الشباب الرائعين ليعيدوها الى جادة الصواب مرة أخرى بعز عزيز أو بذل ذليل هم لا يحتاجون لسلاح , هم بصدورهم العارية وشبابهم الوهاج وحيويتهم يرعبون كل ظالم كل ما يحتاجونه هو شىء صغير جدا يحتاجون فقط أن يكف بعض أبناء وطنهم ألسنتهم الحداد عنهم تلك الألسنة التي إستباحت أعراضهم وشككت في وطنيتهم وهم ويا للغرابة يضحون من أجلهم هم يتساقط هؤلاء الشباب شهداء واحدا تلو الأخر من أجل من يسلقوهم بألسنتهم الحداد يفقد هؤلاء الشباب نور أعينهم من أجل من يسلقوهم بألسنتهم الحداد ينتهك أعراض هؤلاء الشباب من أجل من يسلقوهم بألسنتهم الحداد ياليت ذوي الألسنة الحداد يوجهون ألسنتهم الى المفسدين الذي يسرقون وينهبون قوت الشعب بدلا من توجيهها الى شباب هم أطهر وأشرف ما أنجبت مصر , يخرجون لا يريدون إلا كرامة وحرية وعدالة إنسانية للجميع وليس لهم فقط .

لآ أعرف في أي مبنى كان الحريق، ولايهم حقيقي ماذا كان ذلك المبنى عربة إطفاء تذهب لإطفاء حريق ، يعترضها من يسمون أنفسهم بالثوار ويختطفونها ليهاجموا بها قوات الجيش وسط ذهول " الثوار الشرفاء الحقيقيين " الذين لايملكون أن يمنعوا " البلطجية " من تخريب البلد. مرة أخرى ، ياريت الثوار النضاف الشرفاء يروحوا بيوتهم http://www.youtube.com/watch?v=vOPx0IUxs6c

اللي بيهاجموا البنت هنيئا لهم رفقة توفيق عكاشة قل لي من صديقك اقل لك من انت وانت يا عم مرافق عكاشة ذات نفسه شخصيا ,, http://www.youtube.com/watch?v=Bwy_SnFURnM

هناك فارق كبير ياأخت نور بين من يتحدث بوصفه شخص من العامة أو من يتحدث من موقع المسئولية . فأنا مثلا أدعوا إلى نقض تلك الإتفاقية لإجحافها وظلمها للجانب المصري. أقول هذا و أنا على البر أى لست مسئولا . ولكن حين أتولى مسئولية بلد بحجم مصر فهناك ألف اعتبار واعتبار . هناك بلد ينهار اقتصاديا و منقسم داخليا ومنهار امنيا ومعنويا . هل ترين حضرتك أنه من الحكمة في هذا التوقيت الدقيق أن يعلن السلفيون عدم احترامهم لهذه الإتفاقية بعد ان أصبحوا قوة فاعلة في البرلمان وتحسب عليهم كلمتهم . لا يا أختى إن كلاما غير ما قاله يسري حماد سيعد إعلان حرب على الدولة الصهيونية . وأفكر الآن في ما كان سيكون عليه رد الفعل الخارجى والداخلى لو أعلن السلفيون عدم التزامهم باتفاقية كامب ديفيد ؟ أرجو أن نتخلى عن انتماءاتنا و توجهاتنا حين نحكم على الكلام حتى يكون حكمنا عليه منصفا .

با تونسي بحب كلمة تونسي اكتر ده وقت للضحك... انا فعلا بتكلم من قلبي و بناقش الفكرة ده مش مقامك يا شاعر الحمد لله الذي نحاك ان تكون مع القوم الظالمين الخارجين علي الحاكم المارقيين علي السلطان هي فعلا ثورتنا احنا مش ثورتكم اصدق فعلا احنا ناس بنبص تحت رجلينا و مش فاهمين حاجة لا عن ليبيا ولا اليمن ولا ملابسات المسائل ولا حاجة ابدا انما ماشاء الله عليك جهبز استفدنا كتير من مداخلتك احب انوه سعادتك لمعلومة بسيطة جدا و هي حرب الشوارع او العصابات للمدن الكبري ذات الطبيعة المركزية بتبقي مختلفة شويتين بارب ميكونش ليك اي علاقة بالعلوم العسكرية لاني هزعل اوي ساعتها علي مصر انت مبتغرقش تقرا ..؟؟؟ انت ممنوع من دهول الموضوع اصلا

جميل جداُ إن حضرتك تقول أننا هنا نحلل فقط .. و نحلل ما نراه فقط .. و هذا بالتحديد هو سبب إستغرابي لأنني في الحقيقه لا أعرف ما الذي رأيتموه من هذه الفتاه أو ما الذي عرفتموه عنها سواء حضرتك أو أياً من الإخوه اللذين يهاجمونها حتى تبنون عليه هجومكم عليها ؟ كيف تبرر لي هذا الهجوم و ما هي أدلتك التي تمتلكها حتى أراه أنا منطقياً يستحق التفكير ؟؟ هذه هي النقطه الأولى . أما الثانيه فهي عن سؤالك لي هل أرضى لنفسي أو لإبنتي أن أكون كهذه الفتاه أو تكون إبنتي مثلها (( قبل السحل )) عى حد تعبيرك !! أولاً ليس كل ما لا أستطيع القيام به هو مشين ... أو سئ .. و كم من نساء و بنات هن أفضل مني و لسن حتى مثلي فليس معنى أنني لم أفعل ما قد فعلته هي هو أنني خير منها أو أفضل منها و لا أعتقد أنني لو كنت في مصر وقت الثوره كان البيت سيكون مكاني .. أعتقد أنني كنت سأكون و زوجي معاً في الميدان من البدايه حالنا حال كل من يحبون هذه الأرض و يريدون لها الخير و سأذهب لما هو أبعد من ذلك و أقول لك أنني أكاد أجزم أنهن كثيرات جداً نساء مصر اللواتي أردن بشده أن تكون لهن مشاركه في إرساء الحق و رفع سحابة الظلم عن الجميع .. إلا أن خوفهن أو عجزهن منعهن و هن يعلمن تماماً أنهن لسن أفضل ممن شاركن و لا أكثر حشمة كما تريد حضرتك أن تصور لنا .. بل أنهن و الله أكثر من يحترمن كل فتاه نزلت و شاركت و تصيبهن الغيره منهن أو الغبطه لهن و لو كانت إبنتي في عمر يسمح لها بالمشاركه في قول كلمة حق أو محاولة رفع الظلم لما منعتها .. إلا خوفاً عليها و لا يعني هذا أنني إن منعتها فهي أفضل من غيرها ممن شاركن في ذلك بل على العكس و الله .. أشهد الله انني أحترم كل من شارك في قول كلمة حق .. و كل من شارك في رفع الظلم .. رجلاً كان أو إمرأه .. شاباً كان أو فتاه و أشعر بالتضاؤل و الصغر أمامهم بعجزي و عدم قدرتي على ما فعلوه الخلاصه .. سؤالك فيه إشاره إلى أنني لا أرضى هذا لنفسي او لإبنتي .. و إجابتي هي أنه إن كان في هذا ما لا أرضاه لنفسي أو لإبنتي فهو الطريقه التي يتم التعامل بها مع مثيلات هذه الفتاه و ليس ما تفعله هي أما عن كون هذا التوقيت بالتحديد يختلف عن بدايات الثوره و أن وجودها في هذا المكان الآن لم يكن ضرورياً فهذا أمر آخر أمر يمكننا مناقشته بعيداً عن الخوض في عرضها أمر مهما إتفقنا عليه أو إختلفنا فلن يعني أبداً إستحقاقها لكل هذا الضرب و السحل و الإمتهان و وحشيه مهما إتفقنا أو إختلفنا على صواب مشاركتها الآن من عدمه فلن نتفق أبداً على إستحقاقها لما نالته جزاء على ذلك و لن نتفق أبداً على تبرئة من فعلوا بها ذلك أو إلتماس الأعذار لهم .. و لا من حرضوا على ذلك .. و لا من لم يغيثوها من أيديهم .. و لا من إستمرأوا هذا و دافعوا عنه هي مهما كانت و مهما فعلت و مهما كان إقترابها من الصواب أو إبتعادها عنه فهي لا تستحق ما نالت من أقدامهم و لا ما نالت من ألسنتكم أو هكذا أرى أنا الأمور

أخى الفاضل استاذ ابراهيم .. أستغرب منك أن تنحاز الى نصف الحقيقه .. وتتغاضى عن النصف الأخر منها ... تعودنا منك الموضوعية .. والاراء المتزنة المنصفه .. فماذا حدث .. وما الذى تغير فى اتجاهك العقلانى .. الذى ينظر دائما للمشهد بزاوية بانوراميه شامله ؟ السلام عليكم ورحمة الله وبركاته شاعرنا الهمام محمود البصيلي : عندما يوجه أخ فاضل وعزيز مثلك إلي ملاحظات ومأخذ لرأي من أرائي تجاه واقعة فوجب علي أن أقف عندها وكلي أذان صاغية لو تقصد بنصف الحقيقة ما قام به بعض المندسون أو حتى الثوار أنفسهم من تخريب وحرق فقد أجمعنا كلنا على رفضها ومطالبتنا لمعاقبة من قام بها أنا في إنتظارك أخي لتوضح لي أكثر ما الذي تراه إنحيازا وعدم إنصاف في رأي تجاه هذا الموضوع , فقد أكون مخطئا وأنت على صواب تفضل بسم الله وإبدأ بالتوضيح وسأرد عليك إن شاء الله بما يرضي ضميري تحياتي لك

تمثيلية ؟ّ! من الممثل هنا ؟ الجنود ؟ ام الفتاة ؟ أم كلاهما معا ؟ لو كان من الجنود .. هل هذا السحل و الضرب الوحشي المؤدى إلى فقدان الوعي يدخل في نطاق التمثيل ؟! لو كان من الفتاة , أى أنها استفزتهم بالسباب و الرمى بالحجارة حتى يفعلوا بها ما فعلوا وتعمدت لبس عباءة بكباسيل حتى يسهل تعريتها وتصويرها, لو كان هذا صحيحا فهل هذا يبرر للجنود ما فعلوه ؟ لا أظن ذلك . تربينا و تعلمنا من الصغر أن المرأة إذا تصدرت المشهد فلا يجوز أبدا أخلاقيا أن يضربها الرجال تحت أى ظرف , بل إن الرجل الذى يفعل ذلك مع امرأة لا تمت له بصلة يوصف دائما بالخسة و الندالة مهما كانت المراة مخطئة وهذا بالطبع المقصود به المراة الغريبة عنك أى لست مسئولا عنها كالزوجة أو الأخت مثلا . ما فعله الجنود يعكس بوضوح العقيدة العسكرية التى تربوا عليها من إطاعة الأوامر بلا نقاش . أيا كانت تلك الأوامر ومهما كانت تلك الأوامر مخالفة للأخلاق و الإنسانية . فهم تلقوا الأمر بالضرب بلا تمييز , فلا فارق عندهم في ذلك ما بين رجل و امرأة أو مسلم أو مسيحى , المهم عندهم في ذلك هو تنفيذ الأمر فقط بلا نقاش . وهذا للأسف هو السبب فيما حدث للفتاة .

إبراهيم الهضيبى (الناشط السياسى والباحث فى الشئون الإسلامية الإخواني السابق وحفيد مرشد الإخوان السابق مأمون الهضيبي) فى تعليقه على بيان الإخوان اليوم على تويتر: ادعاء بيان الإخوان أسبقية الدستور على انتخابات الرئاسة كذب، الاستفتاء والإعلان يجعلان الرئاسة قبل الدستور، اتقوا الله في وطنكم آمل أن أرى من شباب وعموم الإخوان موقفا أخلاقيا حاسما برفض خروج قيادتهم على نتائج الاستفتاء التي كنت أحيي تمسكهم به

متشكرين يا أ محمود إنك لفتت نظرنا إنها كباسين أنا فعلاً كنت مُضلل وفاهم إنها سوسته عشان كده عاوزين نراسل كل مرشحي الرئاسة وكل الجامعات اللي فيها رجاله وفيها ستات أرجل من الرجال .. وأتضللوا يا عيني وكانوا فاهمين إنه سوسته مش كباسين ونوضح ده للرأي العام بس ما تنكرش إنها تبقى كده صاحبة قضية يعني بنت منقبة أو محجبة ترتدي عباءة سوداء .. تصادف إنها ماشية في ميدان التحرير ... لكن هي في قرارة نفسها بتقول أنا هانزل أبوظ الإنتخابات وهاتاجر بشرفي عشان انا من النخب وضد التيار الإسلامي إنما قول لي بقى كده بصفتك من التيار الإسلامي هما كلهم بيفكروا زي حضرتك كده ؟ قصدي يعني هما كباسين ولا سوست بتتجر ؟ لأ ما تغيرش الموضوع الله يخليك .... أنا بصراحة شاهدت الاف منهم هنا .. بكباسين ... لكن سؤالك عشان يبقى واقعي كان لازم يبقى كده : هل شاهدت في مرة منقبة أو محجبة ترتدي ملابس داخلية ملونة ؟ هي دي الأسئلة اللي في لُب الموضوع وما تشعبش الموضوع لكباسين وسوست لو سمحت ...

يا أستاذ محمد فضيلة الشيخ ياسر برهامي حفظه الله ، لم يقل أنها ليست سلفية ، ولكنه قال أنها ليست منقبّة . وهذا هو الرابط المرئي لكلمة فضيلة الشيخ -في المسجد- والتي تلقفها الاعلام البائس -كالمعتاد- ليشوّه الصورة ، وذلك ضمن الحملة المسعورة للهجوم على السلفيين . بدءاً من الدقيقة 4:30 http://www.youtube.com/watch?v=PMTA2GTSXD4 عنوان الخبر الكاذب على جريدة الشروق : بالاضافة لاول كلامه الذى كرره اكثر من مرة فى الفيديو عن رفضه للعنف الغير مبرر ضد المتظاهرين حتى و لو حدثت تجاوزات منهم و طبعا المقال مجابش سيرة الكلام ده مطلقا

قال رسول الله (ص) "أنا زعيم بيت في ربض الجنة لمن ترك المراء وإن كان محقا أعتقد ان الجدال في حادثة البنت والجنود لن يصلنا لشئ كما قلت سابقا أصبحنا نتحاور حوار الطرشان لا أحد يستمع لأحد طب وبعدين اذا كنا في منتدي محترم وأعضاء محترمين نتحاور بهذه الطريقة مابالك بالناس في الشارع أرجو أن نتحاور ونتبادل الأفكار لنتعلم من بعضنا فأنا شخصيا أستفيد من قراءاتي لمداخلات الكثير من رواد هذا المنتدي كمان ملاحظة للأخوان أعتقد أن المرحلة المقبلة ستكون مختلفة لأن دور من يمسك بالسلطة أو يشارك بها يختلف عن دور المعارض فيجب أن يتسع صدرهم للنقد الذي أتوقع أن يكون عنيفا فيجب التحلي بالهدوء في الردود كمان ملاحظة للثوار وخصوصا 6 ابريل كثير من الشرفاء ضد الاعتصام والتصعيد لا يعني هذا أنهم خائنون لكن هذه رؤيتهم يجب احترامها نجاح البلد في تخطي الأزمة معناه نجاح للمصريين وليس فصيل منهم كثيرا ما أحس أن البعض يتمني النجاح ليذل الطرف الثاني الذي يتمني الفشل للتشفي في الطرف الأول بصراحة التوانسة يحسدوا علي ما أنجزوه حتي الان بفضل الله ثم توحدهم ونبذ الفرقة

أبو إسماعيل في رسالة لشباب مصر في مؤتمره بجامعة مصر للعلوم التكنولوجيا أول أمس :

أعرفكـوا بـيا .. أنا شـاب سيس مناضل كيبوردى..بدرجة رئيس براوِغ ... بناوِر بجادِل .. بحاوِر وِبضرب..وِبهرب..كتعلب خبـيـث وإسمِى وكِنايتى..خميس الخسيس أعرفكوا بيا .. أنا مِــسخنــــاتـــى أنا مِــهيجــاتــى..أنا مـِـولــعــاتى بَلِف .. وِبَدور .. وِبَحلِب فى تور وعايزك تِفـَرقَع .. ودمــك يفـور وعايزك يا خِينا..فى إيـدى عجينه وتِحرق فى نفسك..وتوصل ليأسك وتغضب بسـرعه .. وتبـدأ تثـــور واعرفكوا بيا....خميس الخسيس أعرفكوا بيا .. بحــب الحــرايـق وبارع وماهر.. فى قلب الحقايق أرارى حـويـط .. لِـسانى سَلِـيـط وراقِد .. وكامِن .. وبيرى غويط ولو تحـرجونى .. ولو تكشفونى بصنعِة لطافه .. وِظُرف وخَفافه حَكَبَر .. حَنَفَض..وحَعمِل عـبـيط واعرفكوا بيا...خميس الخسيس أعرفكوا بيا ...تَخَصُص هجايِص وعالنِت قاعد .. بَــ حَرَك عرايس أقول (لليمين) .. يجاوبوا(أمين) كَخاتِم فى صابعى .. ومِتبرمَجين صاحِبكم زعيم..وداهيه .. ولئيم وحالِف يا عسكر.. أحَرَض أَدَبَر وحَقلِب عليكوا .. الناس أجمعين خُلاصة الكـلام .. مِسَيطَر تمـام وإسمى وكنايتى..خميس الخسيس

جيش مصر ليس مرتزقة ، وطنطاوي لايزال وزيرا لدفاع الجيش المصري إهانة جيش مصر غير مسوح به ، أرجو أن تعتبر أن ذلك سيكون آخر تحذير

من حساب د أبو الفتوح على تويتر Dr.Aboulfotoh @DrAboulfotoh 20h Reply Retweet Favorite · Open تنظيم البلطجية والطرف الثالث الذى يتحدث عنه الجميع هو بيد المجلس العسكرى وتم إيقافه فى الانتخابات بضغطة زر واحدة وبقرار منها Retweeted by Esraa Abdel Fattah

الاخت الفاضله ام عمرو اخوكي بيقوم بواجب وطني وتاكدي ان الله معاهم وسوف ينصر الحق واهله ويخزل الباطل وان شاء الله اخوكي يرجع سالم باذان الله في وسط اهله واحبابه واخوانه ربي يحفظه من كل مكروه هو وشباب التحرير احفظهم يارب وابعد عنهم يدي الغدر

والله دمعت عيناي لما قرأت كلملتك حسيت كأنه اخي انا مكانه ..ودعيت ربي انه يحفظه وكل الشباب اللي معاه يارب تبعد عنهم كل حاقد وجبان ...وتردهم لاهلهم مرفوعين الراس وقد تحقق ما يتمنوه

استاذنا الغالى محمد اتفق معك الا فيما تم تظليله بالاحمر الناس قامت بثورة لانه لم يكن هناك قانون عادل ولا دستور يحكمنا اما بعد الثورة ان الشعب يعتصم ويثور كل ما رئيس ولا وزير ما يعجبوش هو كلام عبثى وتدميرى طبعا لا نراه فى اى دولة ديموقراطية محترمة الرئيس يستمد شرعيته من انتخابات ودستور ويفقد شرعيته باسقاطه برلمانيا او انتخابيا يجب ان نراعى فى الدستور الجديد اسس اسقاط وحجب الثقة عن رئيس الجمهورية كما فى اميركا والمانيا وفرنسا وغيرها والا كل يوم هنلاقى 5 مليون واحد عملوا اعتصام وثورة لان مش عايزين الرئيس مع مراعاة ان 75 مليون عايزينه لكن اللى هايظهر هم ال5 مليون فقط شيل رئيس ليس سلطة الشعب بل سلطة نواب مجلس الشعب ارجو ان نبدأ نشر حملة توعية بمعنى كلمة ديموقراطية ومعنى كلمة دستور وقانون ومعنى احترام كل الشعب للقانون والدستور تحياتى لكم

كلامك كله تفسير خاطئ لما نراه على الأرض ، لدرجة ان أعلام من اعلام العلمانية في مصر نادوا بنقل السلطة الى حكومة يشكلها حزب الأغلبية وهذا من عدة ايام فقط ليخرج المجلس العسكري من السلطة ، بل نادوا بانتخابات مباشرةة بعد مجلس الشعب وهم يعلمون ان افخوان هم من يستطيعون الفوز لمرشحهم من في الإعتصام وقفوا اعتراضا على حكومة الجنزوري ... ولم نسمع من احدهم اعتراض على الإنتخابات بل ذهب نصفهم للإنتخابات وعاد لإعتصام ، واذكرك ان من كان مثل الشيخ عفت لن يصدر منه مثل ذلك بلاش مغالطات ... الحقائق كلها موجودة والإخوان عن نفسى مش عايزهم في الميدان اصلا في الوقت ده الشباب صامدين والحمد لله .... لأن ده فخ بيتجرجروا ليه ... وعلشان كده كان انتهاك اعضاء مجلس الشعب والتبول على المجلس واخيرا لما لم تفلح تلك المحاولات ... كان الشرف والعرض في التحرش بالفتيات والنساء .... لأنهم دينياً لن يقبلوا بذلك ولأن العرض هو اغلى ما يملك المصري ... ولكن الحمد لله وعى الإخوان الدرس واخبرك ... ان الثالثة تابته ... المرحلة التالتة العنف فيها حيوصل للذروة .... مرة واحدة قبل الإعادة فيها لإن مجلس الشعب حيكون قرب خلاص يبقى موجود .... ولامجلس مش عايز مجلس شعب قبل ما يتوافق على وثيقة السلمي ... ربنا يسلم مصر من شرور الإفاعى اللى بيلعبوا سياسة على حساب دم الشباب

اختي بوسي بأذن الله ربنا حيرجعه بالسلامة وتتطمنوا عليه ربنا يبارك لكم فيه وربنا ينتقم من كل ظالم وصلنا للحال ده

الرد جاهز يا أستاذ عصام . ال 14% تمثل الثوار الذين يعرفون مصلحة الشعب أكثر منه. ال84 % تمثل باقي الشعب الذى يتميز بالجهل و قلة الوعي . هو حضرتك نسيت ما قيل بعد المرحلة الأولى والثانية من الإنتخابات ؟

ليعلم اهل الحقد والضغينة ان كيدهم فى نحورهم لو لم تكن نتائج الانتخابات بمراحلها الاولى والثانية اتت بالتيار الاسلامى ماكانت هناك لا تظاهرات او اشتباكات انها احقاد من جهلة تصورو ان الشعب عبيط او ناقص تعليم وتعاملو مع مصر انها شركة والأن يبحثون عن مخرج بان يشعلو الميادين بهتافات مؤداها انهم لا يريدون سلطة او يخرجون نساء فى مظاهرات تطالب بالقصاص ممن عرى او سحل البنت التى صوروها فى اشتباكات الجيش مع المتظاهرين وعندما يتم الكشف عن النوايا تصبح كل المعادلات على المحك وكيف ان هناك من يدبر المصادمات كى يهدم العرس الديمقراطى لقد اسقطت تلك المصادمات الاقنعة من على وجوة الكثير من العملاء وتم استدراج الشرفاء الى الوحل

أخو حضرتك رجل..بحق يؤدي عمل عظيم يستحق أن تفخري به...أكثر من خوفك عليه أدعي الله أن يحفظه..هذا ما يمكن أن تفعليه....واتركي عنك القلق نهائيا.... ففي الحروب العسكرية مثلا يشارك مئات الالاف من الجنود وفي النهاية تكون الخسائر قليلة بالمقارنة بالاعداد الكبيرة المشاركة ونحن الان في مرحلة هامة وخطرة نوعا ولكننا لسنا في حرب....ولذلك فمقدار الخطورة..قليل جدا بإذن الله ان تركيز الاعلام على بعض الحالات هو ما يصور لك ان الكل معرض للخطر...ولكن عاوز اقول لك..أننا نحن من نعيش بعيدا ونذهب الى اعمالنا بالسيارات كل يوم قد نكون معرضين لخطر الحوادث مقلا اكثر منه بكثير.. هو يؤدي عمل عظيم..والثوار السلميين يؤدون عمل عظيم نفتخر به..ولكن دعي عنك القلق..لان..الاعمار مكتوبة ولو اجتمعت الامة على ان تضره بشيء ليس مقدار له فلن يستطيعوا..... - أكثري فقط من الدعاء وانتبهي انت لنفسك...وان شاء الله ستقل هذه الاحداث تدريجيا...فكلنا معرضون للخطر حتى ونحن بعيد عن الثورة....

أهلا بك أخي الكريم OMDA ... افتقدناك الفترة الماضية ... :)

لو فقدت الثوره سلميتها هتفقد تعاطف الناس معاك وتعاطف العالم اجمع معاك وهيبقى حجه للجيش انه ينزل بكل قواته لمواجهتك ومهماالى جانب هتلاقى الشعب اتوماتيك بقى مع الجي ضدك سلميه سلميه ومينفعش تكون غير سلميه لان رفع السلاح معناه خساره للكل عنبو

حاسبوا الجندى الذى أخطأ وعرى الفتاة ولا تنسوا أن تحاسبوا كل من عرت لخلق الله شعرها ولا تنسوا ان تحاسبوا كل أب سمح لبنته تعرى وسطها ولا تنسوا ان تحاسبوا كل من لبست قصير وكشفت رجلها ولا تنسوا أن تحاسبوا كل من خصرت وكل من ضيقت لبسها أيها الجاهليون الجدد . . حاسبوا الجندى لو تعمد وكافئوا الجندى الذى غطاها . . ولكن كيف تتركون كل هؤلاء وهم عامدون ? انا مع وجود الحسبة والمحتسبين بضوابط . . لكن على الكل.

ده إندفاع مش في صالح الثورة يا ياسر .. مهما كان مستحيل يبقى سلاحك زي ما أنت بتقول زي الجيش لكن بإذن الله بإتحاد الجميع وبألتفافهم حول هدف واحد وهو مصر .. هايكون ده سلاحنا اللي ولا جيوش العالم تقدر توقفه .. وأظن إحنا شوفنا السلاح ده اللي أسقط أعظم طاغية ف يالعالم في خلال 18 يوم بل بالعكس ... العنف هو اللي بيشوه ثورة الثوار ... وبيخلي المجلس العسكري متشبث أكتر ... لكن أكثر ما يجعله يتهاوى ويغور الـ 40 واحد دول هو وحدة الناس حول هدف واحد .

ياجماعه ياريت محدش شيزعل مني ده نتاج طبيعي لحوالي 60 عام من حكم العسكر انا بالتأكيد منحاز لرؤية استاذ احمد واستاذ ابراهيم عبد العزيز واستاذ رادوس والافاضل الذين يشكلون فريق يمكن ان اطلق عليه ضمير مصر وبالتالي فأنا ضد توجهات الفاضل أبو ريم والفاضل عصام مع احترامي لقناعتهم ووجهات نظرهم لكن أكرر ..هذا نتاج طبيعي لعقود من الاستبداد والرؤية الاحادية التي فرضت على شعب عظيم مثل شعبنا اقصد طبيعي ان يضع المجلس العسكري الخائن المعادلة التي يضعها كل ديكتاتور أنا أو الفوضى .. ثم يثير الفتن والكوارث التي تقنعك بهذا وكمثال .. حريتك أو رغيفك .. كرامتك و لا أمنك وكأنه لايجوز الجمع بين الحسنيين وكأنها عقده أزلية مثل عقدة أوديب .. أو شقاء حتمي بقدر الاهي مكتوب علينا مثل شقاء سيزيف انا لاني عشت نصف حياتي خارج مصر فأجد ان انحيازي لفريق ضمير مصر لعدة اسباب الصورة ليست بهذا التعقيد الذي يريد الخائن ادخاله وحشره في عقولنا الصورة بسيطة جدا ثورة سلمية عظيمة لشعب عظيم .. نجحت في اسقاط رأس النظام هذا الخائن لو كان يعتقد مثل اعتقادنا جميعا ويؤمن بثورتنا فعلا .. كان بدأ محاكمة المخلوع وعصابته من أول يوم وينحاز كل يوم لاختيارات شعبه وارادة شعبه بدل ان ينتظر شهور ويحاكم الحرامي وعصابته تحت ضغط مليونيات بعد ثلاث شهور ثم يقر قانون ممارسة الحقوق السياسية بعد 6 شهور ثم نبدأ انتخابات برلمانية بعد 9 شهور وخلال كل هذا الزمن يدبر لنا مصائد وعثرات وكوارث لاتنتهي ... وحتى لو سلمنا بمنطق حضراتكم المعارضين لتخوين هؤلاء والقائلين بأن هناك مصلحة لاسرائيل مثلا في إثارة الفوضى .. فهو من ترك مساحة لهم وساعدهم على هذا التحرك لان هذا المجلس باختصار يريد رضى الامريكان وليس رضى المصريين لو كان المشير نزيه وليس خائن .. كان تنحى بعد أي كارثة مما سبقت وبعد أي موقف سالت فيه دماء المصريين التي ستظل على يديه ليوم الدين لو كان نزيه .. لم يكن ليلعب معنا لعبة التحرير العباسيبة أو لعبة جئت بإرادة الشعب وسوف اتنازل بعد استفتاء الشعب لكنهم جميعا خائنون للأمانة ..فكيف تطلب الضمير من عصابة باعته ارجوك لاتقنعني انه برغم كل الفساد الذي عشناه لسنوات وعقود في كل ارجاء مصر .. ظلت مؤسسة الجيش محافظة على عذريتها بالتأكيد أصابها العطن والعفن مثل كثير بل أغلب مؤسسات مصر وبالتالي فيها ضباط شرفاء وفيها قيادات على درجة من السفالة لا نتخيلها نحن المشغولون بلقمة العيش ارجو ان يتسع وقتكم لرؤية فيديو على اليوتيون تحت اسم فيديو رهيب للكبار فقط شاهد ماذا فعل العسكر والضباط لهذه الفتاة وفيديو آخر مرتبط بذات المعنى وإن كان يعود لايام موقعة الجمل الشهيرة .. ستجده تحت عنوان شاهد ماذا فعل احمد شفيق عندما أحرجته مذيعة سي ان ان وفيديو تالت تحت عنوان فضيحة المجلس العسكري وأصوات تعذيب في فيديو المؤتمر يعني تخيل .. لما جرب يلفق ويكدب ..طلع خايب برضه .. في الدقيقة 35 الى 40 اصوات صراخ معذبين وبالتالي ستجد صوت اللواء الهمام بيقول بحزم : يالا كمل .. جري الشريط .. وذلك اثناء المؤتمر الصحفي الخايب

أستاذة نور العين أولا كده إحنا إتفقنا يمكن لأول مرة علي كلامك المظلل بالأحمر وأما بالنسبة لسؤالك إذا كان أكبر همنا هو الخوف علي نتائج الإنتخابات ؟؟ فأحب أجاوبك وأصحح بس معلومة حضرتك خوفي وخوف أكتر المصريين وأكبر همنا مش علي نتائج الإنتخابات ولكن علي إتمام إجراء الإنتخابات ، لإن إتمام العملية الإنتخابية هو أول خطوة علي سلم نقل السلطة من العسكر لحكومة منتخبة سواء انتظرنا لحين إجراء إنتخابات رئاسية أو تسليم السلطة مؤقتا لرئيس مجلس الشعب المنتخب لإن هدفنا كلنا هو إنهاء حكم العسكر عشان كدة ، إعتراضي كان علي الإعتصامات وما ترتب عليها من أحداث قد تؤجل أو تلغي الإنتخابات بالكلية وبالتالي بقاء العسكر لفترة أطول في الحكم ، وهو بالتأكيد مالا نريده جميعا يا ريت أكون قدرت أوضح وجهة نظري بالمناسبة أنا كما قلت سابقا، فقط مصرية مسلمة وليست لي أي إنتماءات أخري

عروستى ... امال أصدق مين حضرتك لو مش حصدق اللى عينيه شيفاه واللى ودني سمعاه ... أصدق توفيق عكاشة بتاع 13 13 2013 ولا اصدق ان ده كله تمثيلية واحد بيمثل انه اتقتل واحد بيمثل انه شايل جثته واحد بيمثل انه صلى عليه ... وكمان اجزاء جسمة اللى متقطعة بتمثل انها جثة ايه الإستخفاف بالعقول ده ده لو اطفال في حضانة لا يتم التعامل معهم بالطريقة دي انا عملت زى الإخ عصام ما قال وقمت من مكاني اكتر من مرة .... بس لسه عقلي مش راضي يصدق ان اللى جوه المشرحة دي مش جثث ، وان البنت الدكتورة اللى اتشلحت في الشارع على ايدى الأسود مش عاهرة ، وان الشيخ عماد عفت مش حشاش ، وان البلطجية بيتحركوا في لحظة وبيختفوا في لحظة لو فيه امر ليهم ، وإن اللى دغدغ مجلس الشعب المواطنين الشرفاء بتوع المجلس العسكري وفي حماية الجنود وبالإشتراك معهم وإن اللى طرطر على الشعب من فوق قبة مجلس الشعب هو جندي ميقدرش يعمل كده من غير أوامر المسئول هو وغن اللى ضرب عضو مجلس الشعب ضابط ... وإن المسئول هو المجلس العسكري ، لا ايران ، ولا اسرائيل ، ولا الدولة المسيحية المزعومة ، ولا اطفال الشوارع ..... أعمل ايه دلوقتى في نفسي وازاي اتعالج الظاهر ان توفيق عكاشة .... ده مش فرد ده مدرسة

عجبتني أوي الاغنية دي للشاعر أحمد فؤاد نجم هي عبارة عن رساله من أب لابنه المحارب في الجبهة مع اسرائيل ( الكلمات ) واه يا عبد الودود يا رابص علي الحدود ... ومحافظ علي النظام كيفك يا واد صحيح ... عسي الله تكون مليح ...وراقب للامام امك ع تدعي ليك ... وع تسلم عليك... وتقول بعد السلام ... خليك جدع لابوك ...لايقولوا منين جابوك ... ويمصخوا الكلام واه يا عبد الودود..... ع قولك وانت خابر كل القضية عاد ..... ولسه دم خيك ماشرباش التراب ... حسك عينك تزحزح يدك عن الذناد .....خليك يا عبده راصد لساعة الحساب ان الاوان يا ولدي ما عاد الا المعاد تنفض الشركة واصل وينزاحو (.........) ان كنت واد ابوك .... اتجيبلي تار اخوك .... والاهل يبلغوك جميعا السلام واه يا عبد الودود....... كيفك وكيف زمايلك عسي الله طيبين خالك زناتي جايلك ضمن المتطوعين واختك تطلع يوماتي ع المشتشفي القديمة... حكم ع يمرنوها في العركة تكون حكيمه ومحمدين موافي يتعلم المطافي.... ويقولك شد عزمك ويقولك العوافي ومن هنا القرايب ....والعيلة والعيال ....ع يبغوك سلامهم ...واتمة الرجال واخر الكلام.... نقولك في الختام ....الله يصون بلدنا ويحرس السلام والدك / حسن محارب (غفير برج الحمام) http://www.youtube.com/watch?v=bxcHOcOWAyw