لوحة القادة

شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار مـــعــــقــــــولــــه ده ...... أدب الخــــــلاف مـــعــــقــــــولــــه ده .. أصـــــلاً حــــــــوار شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار المـُـنــــــتــــدى ....... وبـــــدون جـِــــــــدال أصـــــبـــــح .. مِـــــثـــــال ... للإقـــتِـــتـــال ودا شــــــئ .. وِ فـــــــــــاق .. الإحِــــتِمــــال الــــرحــــمـــه .. يـــــا ولاد الحـــــــــــــــلال شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار الإخـــــــتــــــــلاف ...... وفـــ دَمِــــــــنــــــا مــــيـــهِــمِنـــــاش .. غــــــير .. رأيــــــنــــــا غــــــاويـــيــن .. نِـــــخَـــــوِّن .. بـــعــضنــــا والعـــــيــــب دا .. فــــــيـــنــــا ... كُـــــلِـــنــا شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار فــيــه نــــاس .. تِــــوَلــــع .. فى الفِــــتــيــل عــــايــزاهــــا نـــــار .. مـلهــــاش مــثــيـــل ونــــــاس كـــده .. مــــن غـــــير دلـــــــيــل تـــقـــول عـــلــيـك ..((خــايــن ..عــمــيــل)) شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار فــيــه نـــــاس تِـــخــالــفــك .. بالأُصـــــــول ونـــــاس تِـــــــحَــــــرَكـــــها المِــــــيــول ونــــــاس .. تِـــهـــاجـــمــك .. كــالمَــغـــول تــصــرخ .. تــقــول..((إمــسِــــك فـــلــول)) شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار أعـــضـــاء كـــــتـــــيـــــر.. كـــانـُـوم هِـــنــا رَحـَــــلُـــــوم .. وِبِـــــعـــِــدوم .... عَــــنِـــنــا يـــــمـــكـــن يــــكـــــون .... ده ذَنـــبِـــــنـــا يــــــاريــــــت .. نـــــراجِــــع نَــــفـــسِـــنـــا شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار حــــــبـــــايـــبـــى .. أهــــــل المــــنــــتـــدى مــــا تِــــهـــــدوا حَــــبـــه .. وِمـــش كِـــــده إنــــتُــــم أكـــــــيــــــد ..... بالــشـــكـــــل ده حــَــتــــشَـــــمِـــتـــوا .... فـــيـــنــا العِـــــدا شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار مـــعــــقــــــولــــه ده ...... أدب الخــــــلاف مـــعــــقــــــولــــه ده .. أصـــــلاً حــــــــوار مع تحيات أخوكم .. إللى عمره ما زِعِل من حد .. بسبب خلاف فى الرأى محمود البصيلى

لو قلت ليه الجيش بيسحل في البنات؟ يقولوا هي البنت ليه اصلا تبات وليه بقي تلبس عباية بكبسونات واللي يدافع عنها يبقي اكيد ظلم ومش بعيد ياخد ذنوب وسيئات قلت خلاص يبقي اكيد جيشنا اتخدع قالوا اللي يسكت يبقي طبعا مش جدع وازاي اهانة اختكم كدة تتبلع تقبل بسحل اختك ولبسها يتخلع؟ قلت ان احسن شئ نبطل اعتصام قالوا انت فل من الفلول تبع النظام ثورة مضادة بدون نقاش وبدون كلام عايز تبلبلنا.... وتعمل انقسام قلت خلاص الاعتصام من حقنا قالوا الميدان فيه بلطجية في وسطنا تضرب وتحرق وتستحل في دمنا واللي يقول الاعتصام يبقي عميل خليك مع استقرار بلدنا زينا قلت ان احسن شئ ابطل بقي كلام قالوا اللي يسكت يبقي خاين او جبان وازاي تشوف اللي اتظلم وعنيك تنام واللي حيسكت بعدها يبقي شيطان يا ناس يا هو...... بلاش تعب مافيش كلام........ خالص عجب حتي السكوت دلوقتي بقي قلة ادب خلاص نويت اني ابقي من حزب الكنب

ياسلام عليك أستاذ كبير كلام جميل و كلام خطير بس فين صاحب ضمير يقرا ويفهم مننا ......................... الخلاف مش عيب يا ناس العيبة تبقا في الجدال وكلمة كدة زى الرصاص تفسد وتجرح قلبنا ......................... يريت شوية اعتبار كلام الحق مفهوش هزار وانت قاعد في الحوار حاول ما تنسى ربنا ......................... الكلمة توضع في الميزان لو فيها خير تكسب كمان والشيطان مالوش أمان ده بكلمة تغضب ربنا

بجد يا جماعة الواحد تعب .. لو حتى ابني غلط .. و حد ضربه ... مستحيل أقوله أحسن .. أو اقول للي ضربه تسلم إيديك .. المفروض نكون كلنا حسينا بضربة الجزمة في " قلبنا " لو العين شافت و القلب محسش ... يبقى الوصلة بين القلب و العين مش شغالة ... رأيي.. غلطت ما غلطتش اتعرت و لا عروها ..ياريت نداري على فضيحتنا و نسكت أحسن بدل من المناقشات اللي فعلا عررتنا في غربتنا .. تخيلوا واحد مش مصري بيقولي هو إنتوا بتتناقشوا في إيه ...هي اللي اتعرت و اضربت دي ...حتى لو بفرض إنها غلطانة .. مش بنتكم ؟؟؟؟ الفضيحة مش بس في تعرية جسد بنت مصرية و نشرها على الصفحات الأولى في صحافة العالم .. فضيحتنا الأكبر في نظري في تعرية بعض الأفكار عند تحليل الفضيحة الأولى

بجد كفااااية كفاية!!!!

بص يا سيدي لإن الموضوع ده اتناقش بشكل كبير ... انت شوفت الفيديو كامل الأول؟ الأحداث كالتالي أولا الثانية 15 من الكليب : الفتاة تجرى وزملائها يسحبوها ولكنها تتعثر في العباية وتسقط أرضاً ثانيا الثانية 20 من الكليب : يبدأ ضرب البنت بالأقدام والعصي فك كل الجسم ثالثا الثانية 23 من الكليب : يبدأ الجندي بالكوتشي ضرب البنت بالقدم في راسها وصدرها وجانبها وخلف الراس ينتهى في الثانية 28 وتكون البنت فاقدة الوعي بعد ضرب مؤخرة الرأس ويتضح من انعدام مقاومتها تماما برغم الضرب في الرأس ... للمشككين الرجوع لرأى متخصص ماذا يحدث عند رطم خلف الرأس بقوة .... لأن من الواضح فيه ناس ما بتفهمش في الطب هنا رابعا الثانية 31 وحتى 36 : صاحب الكوتشي يضربها بالقدم في صدرها وفي الثانية 33 ضربة قدمه تفتح ما تبقى من كباسين العباية والبنت غير واعية ولا تقاوم الضرب تماماً لدرجة عدم مقاومة ولا وجود رد الفعل لضربة موجهة بشدة للقفص الصدري -بعد التعري- والجانب خامسا الثانية 39 : يقوم جندي منهم بالدفع بيده اليسرى الجندي صاحب الكوتشي ويقوم بمحاولة تغطيتها والبنت فاقدة للوعي تماماً خامسا الثانية 51 : تقوم عزة الفتاة ذات البلطو الأحمر بمحاولة إسعاف الفتاة بعد تراجع الجنود بعد ضربهم بالحجارة ولكن يندفع الجنود مرة اخرى ويقومون بضربها بكل قسوة بالرغم من عدم اشتراكها من البداية في الأحداث الإستنتاج 6 جنود ضربوا البنت منهم جندي يرتدي كوتشي كان يضربها بكل غل وكل عنف وفي اماكن قاتلة ... جندي واحد بارك الله فيه هو من حاول الدفاع عنها بما يملكه لم يشارك في ضربها وغطاها وهي فاقدة الوعي أضافة صغيرة ... البنت كانت لابسه جينز وبدي اسود تحت العباية وفي الثانية 27 الجندي بيشدها من البدي ورفعه على راسها وده اللى خلى الناس تفتكر انها منتقبة ... يعنى لمرضى القلوب البنت كانت لابسه لبس محترم الكليب هنا لمن أراد ان يشاهد ويحكم بنفسه http://www.youtube.com/watch?v=1B34UAXUtlA&feature=player_detailpage

بصراحة انا معرفتش احط الفيديو دا فين ؟؟ دا افضل تفسير لحالتنا دلوقت الكل بقى متحيز والأفكار والمبادئ بتتغير وتتلون لو انت تبعى تبقى حلو لو ضدى يا حلو نهارك اسود ربنا يحفظ مصر http://www.youtube.com/watch?v=1Kkw5lZud6o

الفاضل أستاذ محمد و من قال ان لا نثور إلا لإنتهاك حقوق البنات !!! أوليس كل من يعترض الآن على ما حدث للفتاه الأولى و لغيرها من البنات أنفسهم هم المعترضون على ما حدث لأحمد حراره خيرة الشباب ؟ المسأله و ما فيها هي أن هناك من يتصيدون الأخطاء للضحايا على طول الخط ذكور أو إناث قيل عن زينة الشباب انهم بلطجيه و قيل عن البنات الأحرار أنهن في حالة عهر ثوري و العياذ بالله من ما يقولون عندما أتكلم لا أتكلم عن حاله بعينها و لكن للأسف أتكلم عن توجه عام .. توجه يفضل إلصاق التهم بطرف لغرض تبرئة آخر و مهما كانت بشاعة هذه التهم .. فهذا في موازينهم غير مهم .. المهم هو .. و هو فقط : تبرئة الجاني الحقيقي !!!! و رغم أن مسألة الأعراض و الشرف و البنات هي مسأله أو مسائل يفترض بها عند كل عاقل أنها خطوط حمراء تتصدر القائمه عند الحديث عن الأولويات .. إلا أن هذا لا يعني أن الدفاع عنهم و لو بأضعف الإيمان و هو الشجب و الإستنكار هو إقتصار على الدفاع عن الإناث فقط أو عن البنات فقط الخلاصه .. كل انواع التعديات و العنف و انتهاك الحقوق و الحريات و التعامل غير الآدمي مع المصريين كلها مرفوضه و مع ذلك فحتى و إن كان كل ذلك على إطلاقه و عمومه مرفوض .. إلا أن الفطره السليمه تجعل من البداهه أن نعرف أن ممارسة هذه التجاوزات مع '' بنات '' و مساس هذه التجاوزات بالأعراض و الشرف .. هو أمر يجب أن يتعدى في تقييمه عند الجميع حد الكراهه .. و أقول عند الجميع .. لاسيما من يغارون على هذه الأعراض . أو أن هذا هو ما أعرفه أنا أم كريم

بابا نويل عدى على البيوت يوزع الهدايا ..... فتحتلوا بنت حلوه اوووى ..... قعد يبحلق فيها وهو بيديها الهديه ,,, قالتلوا ميرسى يا بابا نويل .. . ... قلها . . . .. . . بلاش بابا قوليلى نويل بس

رأى عقلانى .. ممكن الناس تبص للسبب ده انه سبب سطحى .. لكنه فعلا كان له تأثير كبير جدا بالسلب .. عند كتير من الشعب ..عندما كونوا رايهم عن البرادعى .. عشان كده مينفعش الناس اللى بتطمح تحكم مصر .. تقول للناس بتوعنا .. خبط لزق ..((مفيش دين فى السياسه )) .. حتى الناس اللى هى مش متدينه اوى .. حيحصل عندها قلق وتوجس ... حتى لو فعلا مينفعش الدين فى السياسه .. لازم تاخد الناس على قد عقلها و((((تسايسها))))) . .. ((طبعا ناس ممكن تاخد ده نفااق)) .. وتعرف مفتاح شخصيتها .. وتدخلهم من الطريق اللى هما فاتحينه ومنورينه ليك ..بدلا من الشوارع المظلمة الخلفيه .. عشان تكسب ثقتهم وتأييدهم وحبهم .. وبعد كده .. وبعد ما يبقى فى ايدك زمام الحكم .. بالشرعيه والقانون والانتخاب .. ممكن تفهمهم سياستك ومبادئك حبه حبه وبالراحه .. زى ما الاخوان والسلفيين بيعملوا حاليا .. بجانب الدين والسمعه الطيبه واعمال الخير ((اكيد ناس شايفه غير كده .. ولهم حرية الرأى)) ... دخلوا للناس أيضا من باب الديموقراطيه .. اللى هما ((ممكن)) ميكونوش بيعتقدوا فيها ((وبعضهم كفرها صراحة)) .. بس هما تيقنوا تعطش الناس للديموقراطيه وحرية التعبير عن الراى .. فدخلوا من الباب ده .. .. والناس صدقتهم .. وكانت النتيجه انهم اكتسحوا الليبراليين على أرضهم وملعبهم الديموقراطى بصراحه مكنتش عايز اكتب فى السياسه تانى ... بسبب شعورى (( وقد يكون شعور صادق او كاذب )) .. بالإرهاب الفكرى ..من البعض .. لكنى مش قادر ابطل العادة السيئه المتمثله فى الكتابه والافتاء السياسي ههههههههههههههههههههههه

اولا لا انصح بتنزيل عربيات مصر اركب واتمتع هنا وبيع قبل ماتمشي لان مصر هاتبتدي تدخل في الجات وهاتلاقي العربيات الاوروبي من غير جمارك خالص 2018 ده غير ان السعر هنا هو في مصر بعد اضافه الجمارك حتي مع خصم الاستعمال هاتكون هلكت بيهم العربيه وبرضه هاتنزل بقديم ومن غير ضمان الوكيل يبقي تجيب من مصر احسن ثانيا لو اقتنعت باللي فوق ارشحلك كيا سبورتاج رائعه 2000 سي سي بحوالي 72 الف كاش وفي عرض رائع في التوكيل ادفع النص 36 الف وقسط النص علي 3 سنين من غير فوايد خالص

حاسس يا صاحبى .. بِـ اغتراب وبجد .. يعـنـى ... بقيت بـاهاب من الإهـــانـــه .. وم السِــبــاب بقيت بخــــــــاف م الإختـــــــــلاف ودا شئ .. وأقــرب .. للعــذاب والحل إيه !!!؟.... قوللى عليه أطفـش .. وأهـرب .. م الجــدال أرفــــع .. رايــات الإعـــتـــزال أكدب .. وا قول .. الحال دا عال أدفــن فى راسـى كـــَ الـــنـــعــــــام ما تقوللى .. أعمل إيه .. يا خال!!!!!!؟ ما تقوللى .. أعمل إيه .. يا خال!!!!!؟ شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار

الله يا لماضة ..... ربنا يسعد قلبك يارب علي طاقة الحلم اللي أنتي فتحتيها أولا أحب أشكرك شكر خاص علي حلمك ليا وربنا يسعد قلبك ويرزقك بالمثل يارب أنا بأه هأحلم أحلم كتيرة قوي هأحلم إن الناس كلها ترجع تؤمن بالأحلام وتثق إن الله يحقق لنا أحلامنا والله الأحلام بتتحقق وبالعكس بتحقق بشكل أجمل بكتير من الحلم وحلم النهاردة هو حقيقة بكرة بإذن الله هأحلم بإن الناس كل الناس تشوف الحق وربنا ينورلها بصيرتها هأحلم لمصر إن كلنا نتلم علي قلب واحد مش شرط إننا نكون أرائنا واحدة لكن نتعلم إننا نحب بعض بالرغم من الاختلافات في الرأي لأننا مش هنقدر نبنب مصر غير لما نتلم هأحلم للمحاورات إن ربنا ما يحرمناش من بعض أبدا ويجمعنا علي طول يارب هأحلم لكل أصدقائي إن ربنا يسعد قلوبهم دنيا وآخرة ويرزقهم أفضل مما يتمنوه هأحلم لنفسي إن ربنا يرضيني ويرضا عني وإنه يبارك لي في أهلي وخطيبي وأصحابي وكل أحبابي وإن ربنا ييسر لي شغل الدكتوراة وأخلص بأه علي خير هأحلم أكون في بيتي السنة الجديدة وربنا يقدرني إني أكون سكن حقيقي لخطيبي هأحلم إني أشوفكم كلكم علي الطبيعة لأنكم فعلا بقيتوا أهلي بجد

تحليل مقبول .. نوعاً ما و ربنا هيجيب ليها حقها إن كان فعلاً ظني أو ظن من هم مثل رأي خطأ و ربنا برده هيخذلها و يخذل من تأمر معها إن كان رأي و ظني صحيح .. كل اللي بنعرضه هنا آراء لكن بوجه عام فيه قاعده متوافقين عليها و هي أننا ضد إستخدام العنف مع رجالة أو ستات حتى لو الستات دول إية .. علشان مش نتشعب و نتهم بعض بإنعدام الرجولة و النخوه و الشهامة .. الخ تحيــاتي ،،

الموضوع ده قررت افتحه بعد موضوع عصام بتاع السيارة التيريوس انا بصفتى احم احم خبير سيارات قديم ومن ابطال سباقات السيارات القدام الحمد لله من ابطال الاوتو كروس ايحجبت القدام ومغير لحد الان 17 عربية فى 7 سنين فى السعودية محدش يحسد الحمد لله من اول الدايو للبورش وهى هواية ومستمرة ولله الحمد المهم اى استفسار او سؤال عن اى عربية انا موجود الاسئلة من نوع الاستخدام او الاسعار او المميزات او العيوب او حتى الميكانيكا او الجمارك اتشرف بخدمتك قيمة الاجابة 15 ريال بس وللاصدقاء اللى فى لستة الاصدقاء 10 ريال اول موضوع هايكون فى كيفية وطريقة احتساب الجمارك وده ان شاء الله هاكتبه يوم الجمعة الجاى وهاحط ليكم جدول لذيذ وظريف ازاى تحسب جمارك عربيتك

بداية انا اعرض الموضوع ولا افرضه ويجب ان نسمع جميع الاصوات واليكم ما قراته اليوم على المصريون كتب ـ أحمد على عكة | 25-12-2011 14:16 برأ "ضباط بالقوات المسلحة"، الجيش فى واقعة سحل فتاة وتعريتها خلال أحداث العنف التى شهدها ميدان التحرير مؤخرًا، متهمًا الفتاة بأنها هى التى قامت بتعرية نفسها بنفسها، وأن زميلاً لها قام بتصويرها، وأقسم على صحة روايته استنادًا إلى حد الجنود "الغلابة"، على حد وصفه، قائلا إنها "أول ما وقعت فتحت (كباسين) العباية بيديها وواحد قريب منها بعشرين متر صورها"، واحتج الضابط خلال مداخلة هاتفية مع مدحت شلبى عبر برنامجه "مساء الأنوار" على قناة "مودرن سبورت" بأن الفتاة لم تبادر بستر جسدها على الفور كما كان يفترض، متسائلا: "واحدة وقعت على الأرض أول حاجة هتعملها إيه؟ هتدارى نفسها صح؟"، فأجابه شلبى موافقا: "آه صح.. هتحط إيديها على جسمها"!!. واختتم الضابط قائلا: "أقسم بالله هى اللى شدت الكباسين واللى صورها زميلها عن عمد علشان الصورة دى تطلع، حتى العسكرى الغلبان كان بيقول غطيها غطيها لكن هى كانت فاتحة إيديها". وأكد شلبى كلام المتصل قائلاً: "أه فعلا فيه عسكرى قال غطيها غطيها فعلا أنا سمعت ده". الرابط http://www.almesryoo...s.aspx?id=92603

ههههههههه بغض النظر عن الكحرتة الشخصية اللي الواحد إتكحرتها ولسه بيتكحرتها في 2011 ... لكن والله ما زعلان ... كفايه بلدي وحبايبي والمجتمع والناس .. وإن شالله أبات جعان وأخواتي تلبس وتاكل وكدهوت على المستوى القومي والعروبي ... لم يكن أكثر الناس تفائلاً على الأرض يتوقع أن يتم محو أكثر الانظمة ديكتاتوريةً ودمويتاً من على وجه الخريطة السياسية كنا عارفين إن الكيل كان طفح خلاص ... لكن مش للدرجة دي بصراحة بدأت بنظام زين الهاربين .. ثم أمتد إشتعال الفتيل إلى مصر وأتخلع زين الخايبين .... ثم توغل وامتد إلى قتل زين المهابيل القذافي وده شرب بالقرش كله وجت له ملو بصراحة ... ثم عصلج معانا التنح .. انا مسمية التنج بصراحة الشاويش علي عبد الله صالح واهو انكشح ولله الحمد ... ومازالت عملية لخلخة بشار الكلب جارية على قدم وساق .. لكنه إلى زوال بإذن الله الف الف شكر 2011 .. ويارب يارب 2012 نبتدي غرس نبتة الحرية والكرامة والديمقراطية .... عشان الاجيال القادمة تجني ما يتم زرعه أنا من الناس اللي ممكن اعيش أكل عيش وملح بس أكون في بلد تحترمني وتقدرني وأمشي فيها وانا رافع راسي كل الخير لبلادي العربية من المحيط إلى الخليج

في خضم الهرس اللي بيحصل في مصر .. بتمر أحداث كده المفروض تبشر بالخير .. لكن هاييجي منين الخير وفي ناس قاعدة على قلبنا ومش عاوزه لنا المهم - الإسبوع اللي فات أصدرت وزارة الخارجية تعميم على كل القنصليات الأجنبية في دول الإتحاد الأوربي بتلزمهم فيها بإن حاملي جوازات السفر الدبلوماسية لازم يحصلوا على تاشيرة مسبقة من القنصليات المصرية في أوروبا ... ولكن يكتفوا حتى بإن الدبلوماسي من دول يبعت جواز سفره مع عيل صغير وخلاص عشان ياخد التأشيرة ... لأ .. ده لازم يروح بنفسه للقنصلية أو السفارة عشان يتصور ويتم وضع هذه الصورة على جواز سفره . النهاردة بقى الزغلول الكبير ناس هاتقول لنا : يا عم إنت بتتكلم في إيه ده احنا اللي محتاجين لهم ؟ وإن كان لك عند البوبي حاجه قول له يا مستر هاقول لك لأ يا حبيبي .. طب ما هما محتاجين لنا في عدد السياح اللي بيروحوا بلادهم وخصوصاً الخليجيين .. ومع ذلك الواحد مننا بيطلع تلاته عينه عشان ياخد تأشيرة شنجن ولا تأشيرة الجنة الامريكية وده مش هايأثر على السياحة بإذن الله لأني مش بأقول له تعالى انا هاعذبك أو أبهدلك عشان أديك التأشيرة لمصر ... بالعكس الموضوع تنظيمي وموضوع معاملة بالمثل يا شقيق على الجانب الاخر .. أتمنى من كل قلبي ان يكون هناك على الجانب الأخر تسهيلات في هذا المجال بين الدول العربية عشان ما نشمتش الناس فينا

على ذكر الوزارة الجديدة بتونس وبعد وزيرة بيئة تبلغ من العمر 26 عام يأتي وزير الداخلية التونسي الجديد على العريض الذي تخرّج مهندسا أولا من مدرسة البحرية التجارية بالساحل التونسي. واكب مؤسسات الحركة وخاصة المؤتمر ومجلس الشورى منذ أوائل الثمانينات. أشرف بين 1982 وسنة 1986 على لجنة مشروع الأولويات الذي أفرز ورقات أساسية في بلورة مشروع الحركة أهمّها: 1-تقييم مسار الحركة منذ النشأة حتى سنة 1984 . 2-الاستراتيجية المؤقتة للحركة التي أجابت على أولويات الحركة وتصورها لمنهج التغيير وبلورت طبيعتها كحركة سياسية مدنية سلمية. 3-معالم رؤيتنا التنظيمية. رأس المهندس علي العريض مجلس شورى الحركة من سنة 1982 إلى مؤتمر ديسمبر 1986 وتولى صحبة المهندس حمادي الجبالي إدارة قيادة الحركة الداخلية وتوثيق العلاقة مع الوسط السياسي في أجواء من الملاحقة الأمنية الشديدة بين محاكمة القيادة في سنة 1981 والانفراج السياسي في سنة 1984 الذي عقبه مؤتمر أعاد انتخاب القيادة التاريخية على رأس الحركة. شغل الأخ علي العريض عضوية المكتب التنفيذي للحركة وكان رئيسا للمكتب السياسي منذ مؤتمر سنة 1988 حتى تاريخ اعتقاله في 23 ديسمبر 1990 . كما كان الناطق الرسمي بالنيابة للحركة. حوكم سنة 1987 بعشر سنوات سجنا غيابيا، ثم حوكم في نفس السنة بالإعدام الذي أسقط عنه بعفو رئاسي سنة 1988 . ومثل سنة 1992 أمام المحكمة العسكرية التي أصدرت عليه حكما بالسجن 15 سنة. وزيادة على ألوان التعذيب البدني الرهيب الذي تعرض له المهندس العريض في أروقة وزارة الداخلية أثناء الإيقاف التحفظي الذي استمر أشهرا، خضع في السجن بعد الحكم عليه إلى ضغوط مادية ومعنوية شديدة كان من بينها ما نشرته صحيفة الفضائح المخابراتية "الإعلان" من ادعاء امتلاك شريط فيديو يتّهمه بالوقوع في "جريمة جنسية"، وكان كل ذلك لحمله على الاستقالة وطلب العفو، لكنه صبر واحتمل . ربنا يوفقك كمان وكمان يا تونس إن شاء الله ستكون لنا في مصر تجربة في بناء الدولة تكون ملهمة للعالم أجمع.. أنا متفائل

لو كنت انا اللي فتحت الموضوع كنت هسميه يا ناري يا مراري ..ده عيد ميلاد الساري أو استر يا رب وداري...ده عيد ميلاد الساري أو اصوت ليلي ونهاري ..في عيد ميلاد الساري كل سنه وانت طيب يا ابو السواري ابقى طل علينا بلاش تقطع

وأخافُ يوْمًا أنْ أُحِبَّكِ فوقَ ما تتحمَّلينْ ... وأخافُ أن ألقاكِ نَهرًا في دُموعي ... وأخافُ أن ألقاكِ يَومًا في ضُلُوعي .. نَهرًا من الأشواقِ ، نَبْعًا مِنْ حَنينْ وأخافُ أنْ ألقاكِ شَمسًا دِفْؤها لا يَستكينْ وأخافُ يا قََدَري الذي قد خُطَّ مِن فَوقِ الجَبينْ .. من بَعدِ أن أهوى هَواكِ تُسافِرينْ وأخافُ يا عُمري أنا يَومًا تُفرِّقُنا السِّنينْ بالرَّغْمِ من أني أخافُ وتَعرِفينْ قَلبي يُحِبُّكِ فَوقَ ما تَتصوَّرينْ ما زِلتِ في قَلبي وعَيني تَسكُنينْ يا أجملَ الأطْيارِ تَشدو دَاخِلي يا مَوجةً نامَتْ بِحِضنِ سَواحِلي عَيناكِ أجمَلُ من حُقولِ الياسَمينْ وأخافُ يَومًا أن أُحبَّكِ فَوقَ ما تَتوقَّعينْ فالعِشقُ عِندي غَيرُ كلِّ العاشقينْ عِشقي أنا كالنَّارِ ، كالإعصارِ ، كالزِّلزالِ ، كَالبُركانِ ، عِشقي ثَائرٌ .. لا يَسْتَكينْ عِشقي كَسيلٍ جَارفٍ ، نَهرٍ يَصُبُّ مَشاعري في الآخَرينْ عِشقي عَطاءٌ دَائمٌ فَإذا طلَبْتِ الشَّيءَ كانْ وإذا طلَبْتِ العُمرَ هَانْ لَكِ دَائمًا ما تَطلُبينْ يا مَن مَلكْتِ الرُّوحَ ، والقلبَ المُعذَّبَ بالحنينْ رِفقًا بمِنْ تَتَمَلَّكِينْ شاعر مجهول الهوية

أي حد هايجيب سيرتي او إسمي هاعوره .. وهابقى ضامن إنهم هايفرجوا عني من السجن الحربي انا باعترف إن سين سين تحول إلى إنسان انوي يعيش في غابات السافانا الممطرة ويتغذا على الحشرات الضارة وبقيت سيكوباتي متحول وأميل إلى الدموية لكن غصب عني والله .. الواحد بيصبح على سياسة وينام على سياسة .. فلازم أتحول .. وحاولت أبقى جبله وجتتي منحسه .. ما عرفتش والله بس أوعدكم على منتصف السنة الجاية لما الشفيق أحمد فريق يبقى رئيس للجمهورية الأولى بعد الثورة .. هابقى كويس وهاتحجب وأقعد في البيت ومش هاتكلم في السياسة تاني وهاكتب بقى في أي حاجه هلس والسلام

في الدولة المدنية يوجد الدستور الدستور يتم باستفتاء الشعب الذي يرتضي الاحتكام له ومعروف للجميع أنه عندما يتم تجاوز الدستور يتم رفض الأمر و يطلق عليه غير دستوري هذا الرفض يتم بالوسائل القانونية كلها ما هو تصرف الدولة المدنية في مواجهة فئة من الشعب تطالب باسقاط الدستور لو الفئة دي قليلة .. تحاسب وفق الدستور و القوانين طب لو الفئة دي هي غالبية الشعب ثم رفض القائمون بالحكم مطالب الشعب يبقى الحل هو الثورة لتطبيق ما يراه الشعب حتى لو وصفهم النظام بأنهم بلطجية أو خونة أو عملاء ما ذا لو نفس الشعب اختار أن تكون الشريعة بديلا عن دستوره ماذا لو طلبت فئة قليلة رفض العمل بالشريعة بالتأكيد سيتم التعامل معهم وفق ما ارتضاه الشعب الشريعة ( الدستور في الحالة الأولى ) طب بفرض الفئة دي هي غالبية الشعب و طلبت إلغاء الاحتكام للشريعة نفس السيناريو ثورة مهما اتهمهم الحكام بأنهم خوارج أو كفرة أو فاسقون في النهاية الكلمة للشعب لو مكن الشعب أمثال الشيخ و لو مكن الشعب الشريعة من أن تحكمه فلا يصح خروج فئة تطالب بإسقاط (النظام ) إلا إذا كان الشعب يقف معها ...

طب و مصر نسيبها لمين.....(وش محمود ياسين و هوشايل الرصاصة في جيبه قبل ما يتخرم ) الحقيقة يا استاذي صعب ان الناس متتكلمشي في السياسة في الوقت الحالي بس اللي انا شايفاه مش صعب يعني ان احنا نتكلم في حاجات تانية مع السياسة و خصوصا لما الحوار بيبقي من نوعية بسميها...تعالوا نلبس في الحيط حياتنا شئنا ام ابينا...بتستمر...و بايدينا نخليها تمشي و تخطي فوق كل عتبة انا نفسي يرجع توازن في التوبيكات.....و خصوصا الشخصية منها....لانها كانت بتلمس الوتر الانساني جوه كل حد فينا و ده اللي محتاج ثورة بجد كل الاحترام استاذي و كل الود

السلام عليكم و رحمة الله و بركاته فاكرين التوبيك دوت يا رجالة زمان مش زمان اوي يعني كنا بنحب نتجمع مع بعضينا كده و ندي بعض معلقة شهد حتي لو بالحروف يمكن دنيتنا بره مش كده و يمكن كل حد فينا بيخش المحاورات و عنده هدف...او معندوش بس كنا قادرين نشوف بعض و قادرين نتلم حوالين حاجة توصفنا بجد ملاحظة ان معانا اعضاء كتير دخلوا المحاورات و معاصروش الجو ده و رجليهم غرست في توبيكات...جادلني و جادلك...(دي اغنية سي سي سي ...مي مي...مي بس حرفتها) و ملاحظة كمان ان اكيد احنا نفسنا اتغيرنا تحبوا نرجع نشوف حاجات حلوة في بعض تاني تحبوا اكيد هتحبوا مستنياكم و هاجي كمان شوية مساكم.....لمة حوالين الدفاية في الشتا...بس في بيت العيلة

أدخل علي صفحة جوجل أكتب let it snow أعمل سيرش وشوف إيه اللي هيحصل ومتنساش تضغط علي الماوس وتحركه بعد ما الصفحة تخلص تحميل وشوف إيه اللي هيحصل مساكم لعب وثلج

حنقل رد على الموضوع دا موجود في المقالة دي من الاخر انا مش حدافع لان الجريمة الوحيدة لهذة المسكينة انها : امرأة

سألوا صرصار: إيه اكتر حاجة بتتمناها . . . . ... ... ... . . . . . . . . . . . . قالهم .. نفسى أموت موتة ربنا

الموضوع بيعاد مرة أخرى ونفس الكلام يتكرر , والردود هيه هيه! يا جماعة احنا مالنا ومال لبسها او انتمائها أو غايتها او حتى اللى بيصورها؟! احنا مالنا بتمثل ولا مش بتمثل ؟ احنا في الرجالة ! اللى أشبعوها ضربا لم يأخذه حمار في مطلع .. هل يصح هذا السحل والضرب الغبى و الوحشي من رجال! لإمرأة ولو كانت يهودية عاهرة ؟؟!! ياريت كفاية كدا . اتخنقنا !

جهاد الكيبورد أفضل مليون مره من اللي قاعد يمصمص في شفايفه ولو في قلب الأحداث جهاد الكيبورد هو اللي اطلق شرارة ثورة يناير رغم إنكار وجحود كل الجاحدين

للأسف مش شغالة عندنا في السعودية..وتقريبا ده بسبب الفلترة اللي بتحصل عندنا و اللي بيحصل بسببها حجب المواقع.. و بسبب كده برضه .. علي سبيل المثال لو حبيت في جوجل تشيل علامة التصفح الآمن..واللي موجودة برضه في ياهوو..مش هيرضي..ودي عشان ما تجيبلكش نتايج تحتوي علي حاجات دموية ..أو جنسية أو ما شابه.. (وياريت ما حدش يظن فيا ظن وحش) :closedeyes: حتي لو حاولت تشيلها بترجع تاني لوحدها..عشان كده أنا متوقع ان موضوع الفلترة هو السبب,,

ياعني حضرتك مينفعش نكون محترمين أكتر من كدة ياعني ! حضرتك واحد مُختلف معاكي تقولي ليه الله يرحمك يا رجولة و نقرا عليها الفاتحة عيب ياعني كدة ميصحش .. المفروض تتقبلي الرأي الأخر و كل واحد ليه وجهة نظر و راي لازم يُحترم زي ما أنا برده مُتقبل راي حضرتك بالرغم من أنه مُخالف لرأي و مش إتهمتك بالخيانه و لا المرامرة و لا لا لا .. ياريت ناخد بالنا من الكلام بعد كدة ،، تحيـــاتي ،، ********************************************* الزميل الفاضل عمده حضرتك أصبح لك أسلوب مختلف جدا في الكلام عن ما عهدناه عنك من قبل لدرجه تصل لأن أحتاج أن أتأكد مرتين من إسم العضو و أنا أقرأ مشاركاتك لأتأكد أنه إنت بالفعل أولاً الأخت مؤمنه أو moamana كانت تتكلم بشكل عام و لم تذكر أحد بالإسم .. ثم جاء ردك موجها لها بنقد يصل للتجريح أنا آسفه جداً إن تدخلت بدون ما أكلمها حتى لكن يا أخي لا أجد في كلامها خروجاً عن الإحترام لتوجه لها الجمله الأولى من كلامك أما بالنسبه لشكوك حضرتك و التي بنيت عليها رأيك _ و الذي أرجو أن لا تقيم إعتباري له أنه قذفاً للمحصنات بأن هذا الإعتبار أيضاً خروجاً عن حدود المسموح _ فما رأيك و ما رأي شكوك حضرتك في هذا الفيديو ؟ إنت قلت لن تحكم قبل أن تسمع من البنت نفسها دي بنت تانيه و بتتكلم و بتحكي بنفسها اهوه كمان أنا عارفه إنه سهل جدا بما انك قلت الأولى بتمثل يبقى ممكن تقول التانيه بتكدب و جايز اللي في وشها ده مكياج و يمكن كمان تكون كانت بتعترف بغلطتها و بتقر بأنها عميله و قابضه .. بس المزيعه مركبه صوت تاني هو عموما أنا حبيت احط الفيديو حجه و دليل و خلاص http://www.youtube.com/watch?v=p8svdG-zZnM و قل لي بالله عليك الآن .. إن كانت الفتاه الأولى حصلت على لقب فتاة العبايه بجداره !! .. فما اللقب الذي ترى أن نمنحه لهذه ؟؟؟ و إن كانت جريمة الأولى هي الإنتساب ل 6 ابريل .. فما رأيك بأن نتهم الثانيه بالإنتساب لكلية التربيه و جرأة الحصول على الماجستير و صفاقة العمل كمعيده بالجامعه؟ و إن كانت التهمه الموجهه للفتاه الأولى هي التمثيل و الكذب الإدعاء و ما إلى ذلك .. فما رأي حضرتك في أن نتهم الجديده بمحاولة غسل عقول الشباب أثناء السكاشن و المحاضرات ؟ فكره مش كده ؟ و بما أنه هناك (( أولى )) وجدت من يغض النظر عن تعريتها و يتهمها بالفسق و (( ثانيه )) وجدت من يتجاهل وطنيتها و حقها في المطالبه بغد أفضل و عاملها معاملة المجرمين رغم مكانتها العلميه و تجاهل في المقام الأول آدميتها من البدايه .. الدكتوره هند بدوي التي تملك من العمر 23 سنه و من الغرز في رأسها 20 غرزه و تملك من الديكور على جسمها من آثار الضرب و الصواعق الكهربائيه كما أسماه من ضربها ما يقال عنه ’’حدث و لا حرج ’’ فكم في رأيك العدد الذي سنتوصل إليه بعد الأولى و الثانيه _ مع العلم أن غيرهن في نفس الدائره كثيرات لكن لضرب المثل سأكتفي بهن فقط _ في ظل نفس المعطيات ؟ الفاضلة زهرة الجبل من انتهكت كرامته ليس بالضرورة ان يكون بنت او سيدة ، المواطن بدون تفرقه لجنسه او لونه له حقوق انسانية ، لو انتهكت هذه الحقوق ؛ يجب محاسبة من انتهكها ويجب البحث عنم حرض على انتهاكها ويجب ان تتم محاسبة من سمح بانتهاكها بالتغاضي عن انتهاكات سابقة. لن لثور فقط عندما يكون الانتهاك قد حدث لانثى فقط ، يجب ان نثور لاي انتهاك ، انتهاك ضد ذكرا او انثي ، صغير او كبير ، مصري او غير مصري ، نثور لانتهاك حقوق الانسان.

أرض النفـــــاق حكاية الشنكـــل يارب حكاية العباية أم كباسين تنتهي قبل 18 سنة http://www.youtube.com/watch?v=ljo4f059srI

´طبعا المفروض والمطلوب منى اقول رأيى فى ... موضوع العباية ام كباسين.. بما ان المشكلة كلها تم تلخيصها فى ....كباسين العباية اللى اتفتحت. لكن؟؟ كلمة حق امام الله . ف حياتى كلها وف اشرس الأفلام اللى شفتها ....مشوفتش (((( راااااااااجل )))) بيرفع جسمه كله ...وينزل بكل قوته((( اللى ان شاء الله ربنا حايحرمه منها )).. على صدر بنت.. على صدر بنت؟؟؟ ايه الغل ده؟؟ دى لو كانت قتلت كل اهله مكانش عمل كدة .. يعنى وحشية وجنون وعدم انسانية .. وكفايااااااااااا كدة.. ملعونة هذه التعليمات .....ملعون من اصدر الأمر . ملعون شرف الجندية ان كان...الضرب والسحل . مش كفاية يتحاسب...هو واللى معاه. ومش كفاية حتى ....يتشنق . كل ده مش كفاية .. ده لازم ينام على ظهره ف ميدان التحرير........وأى ثورى قوى ...قوى يعنى قوى . يلبس البيادة ويدوس على قلبه. وشوف ساعتها .......حايعمل ايه؟؟ ياترى حايحاول يستر نفسه بعد ما......يغمى عليه؟؟ وسلام.

السلام عليكم و رحمة الله و بركاته خلوها تكون ساحة للاحلام اللي اكيد مش مستحيلة خلونا نجدد ايماننا ان كل يوم و كل لحظة ممكن يكون عمر جديد خلونا نطلع مارد الاحلام من القمقم اللي اتسجن في السنة اللي فاتت و تعالو نحلم سنة 2012 لونها ايه طعمها ايه انا حطيت امنياتي....في توقيعي يا تري انتوا تحبوا تتمنوا ايه و تكون دي بصمتكم للسنة اللي لسه هتتولد يا رب سنة جديدة عمر جديد و نقطة و من أول العمر

أستاذ عصام .. انت مرتبط انها تكون اقل من 1600 سي سي عشان تنزلها مصر ولا مش فارقة معاك ؟؟ انا شخصيا مافكرتش ابدا انزل عربية مصر من برة .. لو جيت تحسبها هتلاقيها قريبة كتير من بعضها عارف ان بيكون فيه فرق في المواصفات بين اللي بينزل الخليج واللي بينزل مصر بس لو انت مقرر خلاص تخرج نهائي وتنزل مصر ساعتها هاكون موافقك .. لكن لو مكمل ان شاء الله في السفر ولسة محددتش هتنزل مصر امتي يبقي احسن متربطش نفسك ولو عايز حاجة اكبر واقوي واوسع والسعر قريب .. انصحك بالفورشنر هيا 2700 سي سي وسواء دفع رباعي او ثنائي . بصراحة ممتازة واستهلاكها للبنزين اقتصادي جدا لان فيه منها 4 سيلندر وهيا تويوتا برضه يعني قطع الغيار والصيانة رخيصة واكيد ماسكة سعر لو حبيت تبيعها تاني ربنا يوفقك ان شاء الله

http://www.youtube.com/watch?v=DHhiKN_wG2A&feature=share

لا تظن أن الجمال : ميزة - فقط - في الأشياء التي تراها أمامك .. بل الجمال أيضاً : ميزة فيك .. جعلتك ترى الأشياء بشكل مختلف محمد الرطيان

البرادعي أُغتيل يوم نشر صور إبنته بالمايوه وصور حفل الزواج لن يغفر شعب مفتاح شخصيته الدين ومستوى الوعي عنده ما زال في مرحلة التبلور له تلك الصور لأنها تمثل لهم ما سوف يفعله البرادعي بنسائهم ... وهناك من يفهم شخصية المصريين ويعزف على أوتارها دهاء

انا عندي تيريوس 2 GLX من سنة 2008 وممتازه العربيه مافيهاش اي مشاكل وليس لي اي تحفظات عليها بس هات لون فاتح لان الاسود في الصيف بيخزن الحراره انا كنت فتحت توبيك في منتدى نايل موتورز لو تحب تفاصيل اكتر http://www.nilemotors.net/Nile/40424-a.html http://www.nilemotors.net/Nile/24864-glx.html

كلام موزون من محارب قديم ياريت نتفق عليه وكان الاتفاق اصبح عمله صعبة هذه الايام ------------------------------------------------ سيادة المشير.. لكون سيادتكم أحد قادتنا فى حرب أكتوبر ٧٣ أطالبك بالكشف عن أولئك الجنود والضباط الذين سحلوا تلك الفتاة، وجردوها من ملابسها وعروا جسدها، والذين ضربوا سيدة فى الثامنة والخمسين من عمرها وهى تتوسل إليهم، وتقديمهم إلى المحاكمة الفورية فلقد أساءوا إلى العسكرية المصرية ودنسوا عقيدتها التى لم تمارس ذات يوم تلك الوحشية والبربرية حتى مع أعداء الوطن، والذى قامت الصحف العالمية بنشره على صفحاتها ليشكل فضيحة للعسكرية المصرية، ويطعنها فى شجاعتها وشرفها العسكرى على مستوى العالم، الأمر الذى تتبرأ منه العسكرية المصرية ورجالها، لقد أهانوا مجد العسكرية المصرية التى «طفحنا» الدم وكنا نسف الرمل فى الجبهة، كما قال الرئيس أنور السادات لكى نسترد للعسكرية المصرية هيبتها وعظمتها، وكنت أنت يا سيادة المشير أحد القادة العظام فى تلك الحرب المجيدة فى أكتوبر ٧٣ وليس لدى أدنى شك فى أن ما اقترفه أولئك الصغار من الضباط والجنود، والذى لا يرضيك بالتأكيد، قد تأذى منه شعور كل ضباط أكتوبر.. هؤلاء الصغار الذين لم يكونوا بيننا فى حرب أكتوبر، ولم يعرفوا عن مجدها شيئاً ولم يستطعيوا الحفاظ على ذلك الإرث العظيم الذى تركناه لهم ودفعنا ثمنه عرقا وجهدا من دماء الشهداء الأجلاء من رجال القوات المسلحة.. لم يعرفوا له قدره ولا قامته.. فأهانونا وبددوه بدلا من الفخار به!!. سيادة المشير أطالبك بأن ترد لنا نحن ضباط أكتوبر ما انتقص من كرامتنا على يد هؤلاء الصغار بالكشف عنهم وتقديمهم إلى المحاكمة العلنية فوراً.. ولتكن مصر وستبقى أبدا فوق الجميع. عزمى أحمد عدوى هانى من ضباط أكتوبر- بالمعاش http://www.almasry-alyoum.com/article2.aspx?ArticleID=322203&IssueID=2360

السلام عليكم و رحمة الله و بركاته طبعا احب احيي استاذي عادل و الجميلة عبير...مش عارفة ليه فكروني ببهجت الاباصيري و مورسي الزناتي و انا طبعا عبد المعطي ناظر المدرسة اللي واقف في النص و بيقول....حووووووووووووول :P طب بمناسبة ان التوبيك الحمد لله اتردم عليه...انا عارفة شتا و كدهوت و الناس كمشانة جوه روحها و جوه البطاطين بس برضه حبيت احلم دلوقتي....للسنة الجديدة للجميلة اوي.....دريميDreamwithme بمناسبة دقوا المزاهر يا اهل البيت تعالوا ...و الخطوبة و كدهوت يا رب يسعدها و يتمم ليها الجواز في السنة الجديدة و بسرررعة...(اصلهم كده اتخطبوا في اخر دسيمبر يعني من علي اول يناير هنقدرنقول انهم قدموا و بقالهم سنة مخطوبين...و احنا الكلام ده ميمشيش معاناوااااااااااصل...وش حد صعييد اوي و دماغه ترباس) و نقول الو و تعالوا نكمل حلم

السلام عليكم و رحمة الله و بركاته الحياة...زي الأدراج مساحات....نخبي فيها تفاصيلنا و مساحات....نكشفها لكل اللي هيعدي جنب الدرج فيها حاجات كتير اوي ممكن ميبقاش ليها لازمة و فيها برضه حاجات كتير غالية اوي و عايزين نشيلها من العين اوقات نسيبها ملخبطة اوي و اوقات بنحتاج نعيد ترتيبها اوقات بتفضل مقفولة و اوقات بتتفتح بس بت اخد وقتها الحياة....ادراج صباحكم.....ادراج مليانة تفاصيل سعادة....من الجنة

يا استاذ محمد مش احنا اللى بنقول ان فيه مندسين هما اللى احرقوا وبايدي مجهولة التحقيقات هي اللى بتقول يبقى المفروض ان يتقبض على هؤلاء المخربين مش نطلب انسحاب الثوار طيب ما هو ده المطلوب انهم ينسحبوا من الميدان عشان كده استخدموا البلطجية والعنف لو انفض الميدان من الثوارمش حيبقى ليهم لزمة البلطجية ويمشوا هما كمان لكن مش حيقدر الثوار يرجعوا تاني الميدان ليعبروا عن رأيهم لان الجيش مش حيسمحلهم المفروض زي ما حصل كده نقبض على اللى بيثيروا الشغب ونحقق معاهم واظن ده مش صعب على قوي عسكرية المفروض بتحارب اعداء والله أعتي القوات العسكرية والمخابراتية ما تقدرش تفرق بين مندس ومتظاهر أساسا كلهم شكل بعض وللا هو المندس علي راسه شرطة مثلا والمتظاهر من غير شرطة كل اللي الجيش يقدر يعمله إنه يقبض علي الكل وبعدين يحقق وساعتها يبدأ يبان مين مندس وقابض فلوس ومن مين ، ومين متظاهر ومين مغرر بيه وليه بعد اللي حصل ده كله مصرين علي بقاء المتظاهرين ومعاهم البلطجية في التحرير وعند مجلس الوزراْء؟؟؟ وليييييييييييييه دلوقتي أثناء إجراء الإنتخابات ؟؟؟؟؟؟؟؟؟ عشان انتو مش عايزين الإنتخابات اللي إكتسح فيها الإسلاميين عايزين تثيروا الفوضي ( والشباب فيهم مغرر بيهم ) عشان المجلس العسكري يفرض الأحكام العرفية ويفضل متبت فيها ويلغي الإنتخابات إبحث عن المستفيد من كل اللي بيحصل أما جزئية إن الثوار مش هيقدروا يرجعوا الميدان تاني - عشان يعبروا عن رأيهم - لو مشيوا دلوقتي ، فعذرا الكلام ده غير منطقي بالمرة ، إيه اللي هيمنعهم لو كان فيه دافع - حقيقي - لنزولهم ؟إنهم يرجعوا الميدان تاني في أي وقت ؟؟؟؟ ولو عندهم حق المرة دي الشعب كله هينزل معاهم ويساندهم آسفة ، كل ما يحدث ، والإصرار علي عدم فض الإعتصام ، والتوقيت بيأكدو إن هدفكو الأوحد هو إفساد العملية الإنتخابية برغم ان اسلوبك مرفوض بس حرد حتى لا تتصورى اني بتهرب الثوار لو على اسلوبك ....فعلا من غير شرطة لانهم ببساطة لا يحملوا اسلحة والعملية مش مستحيلة زي ما انت متصورة لانها فعلا تمت وقبض على كثيرين منهم من افرج عنهم ومنهم من اعترف بفعلته وبمحرضه كمان زي ما الموضوع بيشير يعنى مكنش لازم نستخدم عنف ضد الجميع ظالم ومظلوم ومكنش لازم نهين ونضرب بنات بسفاقة وحقارة وقف لها الاسلاميين متفرجين بل وفرحين ومستهزئين واكيد شفتي قناة الناس التى تتابعيها والمذيع الشيخ اللى بيتريق علىهم والمتحدثين عن حزب النور معه يتضاحكون !!! ولو كنت كلفت نفسك وعرفت طلباتهم الحالية كنتي عرفتي انهم بيطلبوا تسليم سلطة مصر كلها لرئيس مجلس الشعب المنتخب واللى اكيد حيكون من الغالبية المتأسلمة طبعا لانهم فيها الغالبية او تسليمها لرئيس منتخب حسب الاغلبية اللى شفناها وقدرة التيار الديني على الحشد كانت كمان حتكون لصالحكم بس لانهم اطهر ابناء مصر لم يفكروا في ركوب الثورة وحصد مكاسب منها كان تفكيرهم الاوحد ابعاد الجيش عن الهيمنة على الدستور ابعاده لانه كل يوم يفقد نقاط من رصيده لدينا عندما لا يقدم القتلة للمحاكمة ولا يحاكم الا الثوار ويترك القتلة يرتعون وبرغم ذلك كانوا اول من اهانوا ممن ركب الثورة وحصد المكاسب لنفسه شفت فيديو خالد عبد الله وما عجبنيش أسلوبه وشفت فيديوهات تانية لشباب بيلفوا سجاير بانجو أو حشيش شباب المعتصمين ولو هتقولي مندسين ، فمشفناش الثوار أطهر شباب مصر بيبتعدوا عنهم وبيتبروا منهم زي ما قال أحد الزملاء وشفت فيديوهات العنف فيها كان من جانب الثوار أو اللي محسوبين علي الثوار وشايفاكوا برغم كل الدم اللي سال والناس اللي ماتت ، لسة بتباركوا الإعتصام وبتأيدوا المتظاهرين في الإستمرار وشايفة الحال كان بدأ ينصلح والإنتخابات شغالة والمتأسلمين ، زي ما بتوصفيهم ، فازوا بأغلبية البرلمان عشان الشعب هو اللي إختارهم بإرادته ولأول مرة الشعب بينتخب وبيختار بحرية وشايفة طلبات الثوار وإعتصاماتهم كان ممكن تتأجل لحد ما الإنتخابات تخلص ، أو حتي لمانلاقي العسكر بيفرضوا سيطرتهم علي وضع الدستور أو لو لقيناهم بيماطلوا في إجراء إنتخابات الرئاسة في موعدها وبيماطلوا في تسليم السلطة، ساعتها كنا هنفهم هما بيعتصموا وبيصعدوا ليه وليه ناس بتموت وبتنصاب وشايفة الناس فقدوا ثقتهم في الثوار والغالبية ضدهم ومستنكرة أفعالهم اللي بقت نتايجها خساير ومفيش فوائد وشايفة توقيت يخللي الكل يشك في هدفهم من كل ده ، وتفسير واحد ، ألا وهو إلغاء الإنتخابات وبعتذر لك إن كان ضايقك أسلوبي ، بس إلتمسي لي بعض العذر بعد اللي كتبته ده كله

صباح الخير يا ريهام عندي حمامة فوق السطح رجلها اتكسرت و باطلّع لها عدس و ميه أقول يا ربي إشمعنى العدس ؟..أنا عرفت منين إن الحمام بياكل عدس؟ أتاريني عرفت منك ..و بياكل رز كمان و حاجرب القمح لسه على فكرة إنت كمان فكرتيني بالدعاء بين الأذان و الإقامة إن شاء الله في ميزان حسناتك

حلاّق محشش كان بيحلق دقن واحد و لما وصل عند ودنه قال له عايزها رد عليه الزبون باستخخفاف ( لا !!! ) قام المحشش وقطعها ورماها في الشارع و لما وصل عند الودن الثانية قال عايزها قال : الزبون طبعاً عايزها قام الحشاش قطعها و ادهاله ------------------------------------------ في واحد حشاش بيقسم مرتبه اول الشهر و يقول 500 للاكل 500 للكهرباء 1000 ايجار البيت 500 للحشيش .... دق الباب وقالولو الشرطة افتح قام قطع ال 500 بتاعة الحشيش --------------------------------------------- فيه اربع محششين فتحو سوبر ماركت وحطو كل دور فيه كاشير دخل زبون عايز فراخ قال عايز فراخ : رد عليه المحشش قال حية ولا ميتة قال الزبون ميتة فقاله المحشش روح الدور الثاني راح الدور الثاني قال عايز فراخ ميتة فقاله المحشش مبردة ولا مثلجة ؟ رد الزبون مبردة فقاله المحشش روح الدور الثالث فراح الدور الثالث وقال عايز فراخ ميتة ومبردة فقاله المحشش بأكياس ولا بدون اكياس فقال الزبون باكياس فقاله المحشش روح الدور الرابع فراح وجى وقال عايز فراخ ميتة ومبردة وباكياس فقاله المحشش اصلا ماعندناش فراخ بس ايه رايك في النظام ------------------------------- محشش قعد جنب واحد قال له ضيقت عليك قال : ايوة والله قال له : طيب قوم هناك --------------------------------------------- محشش قالو له :ايه رأيك في الزواج المبكر؟ قال يعني الساعه كم؟؟؟!! ------ محشش وقف تكسي قله فاضي قله التكسي ايوا قلو المحشش طيب انزل ندردش شوية -------- في خمسة حشاشين قاعدين بيهزروا بسكاكين ماتوا تلاتة قال الرابع لصاحبه خلاص كفاية لا تقلب جد ----------

متقلقيش ................ الحاجات الحلوة يا حبيبتى غصب عننا بتعيش.. متقلقيش.. تضرب.. تقلب أصلنا الطيب ف الآخر بيغلب وتبقى إنتى.. حكاية العشق اللى ما بتنتهيش.. متقلقيش هو إنتى يا حبيبتى مجرد سكن.. ولا جواز سفر.. ولا حتة أرض فاضية مرمية جنب شط وسموها وطن.. والله لو ضهرك الغالى انكسر الدنيا كلها راح تدفع التمن.. وبرضه مايكفيش.. متقلقيش وإن شفتى جاهل.. عامل مناضل.. ما تخفيش.. عمرك زرتى بلد لا فيها رشوة ولا بقشيش.. عمرك دخلتى مقبرة ماشفتى فيها شاهد.. إحنا أول أمة قالت للدنيا إن ربنا واحد.. وحماية القلوب.. لا محتاجة عسكرى.. ولا شاويش.. = متقلقيش...على سلامة ٩/ ١١/ ٢٠١١-

السلام عليكم و رحمة الله و بركاته بمناسبة المدارس و كدهوت يعني اليكم النشيد الجديد نشيد المدرسة الجديد .. الشرطة العسكرية .. حلوة بس شقية .. نطت حتة نطة .. ركبت بيها السلطة .. الثورة زعلانة .. هى اللى غلطانة .. سابت الداخلية .. لشوية بلطجية .. اخص عليكى يا شرطة

السلام عليكم و رحمة الله و بركاته اما الدنيا دي حلوة حلاوة .. يخرب بيت كده .. تمد إيدك تساعد حد .. يرد عليك بنظرة رضا .. ماتعرفش ساعتها مين اللي كان محتاج للتاني .. - علي سلامة-

موضوع جامد اخر حاجه على رأى العيال الفرافير الموضوع بسيط جداً حضرتك هتجيب الحله اللى سين سين كان بيغسل فيها الشرابات وكمان الحله بتعت الملوخه وتبعت سين سين لفولانه يستلف كمان حله وبكده نكون معنا عدد 3 حله وتقوم بالصلاة على النبى كده تحط الرز فى حله والمكرونه فى حله اخرى ويتبقى حله ابقى حط فيها العدس وتقوم غاسل الرز غسله محترمه كده بس متكترش الصابون السايل لان اسمع انه مش كويس علشان الصحه يعنى وبعد لما تغسله تقوم مفضيه على غطا الحله وتقوم حاطط الحله على النار وتجيب نص معلقة سمنه وبعد لما السمنه تسيح تبدأ فى اضافة المياه تقريبا نص الحله وتقوم باضافة الملح وتخلى سين سين ياخذ معلقه من الخليط لكى يتذوقه ولما يقول تمام تقوم بانزال الرز اللى على الغطا فى الحله وتقلب يا معلم تفضل تقلب تقلب تقلب لحد لما يتكون خليط ويكون المكون كلوودال غروى يعنى وتسيبه على النار وكل شويه تقلبه تقلبه لحد لما يبقى تمام وطفى النار وبكده نكون عملنا الرز ندخل بقى على المكرونه نفس الكلام بالظبط بس كل ما الموضوع ان المكرونه مش تغسلها لانها اساسا بتتسغل فى المصنع وبنفس الطريقه تقوم بطهى المكرونه فى الحله وبكده يكون ليدنا الرز والمكرونه يتبقى لنا العدس العدس ده بقى يستخدم فى تزين الطبق يعنى حضرتك تحط شوية رز مع شوية مكرونه وترش فوقهم شوية عدس على الوش يعنى وممكن بقى لو عاوز بقى تعمل حاجه اشيك كمان تجيب بصله وتقشرها حلو كده وتقوم بقى تخلى سين سين يقطعها قطع صغيره علشان عينه تدمع وبعدين بقى تقوم محمرها فى الزيت لحد لما لونها يتغير ولو انت بقى بتحب الغوامق زى هتخلى البصل يسود ولو من النوع اللى مالوش فى الغوامق زى برده هتخلى يادوب ياخد كلر كده وترش برده شوية بصل فوق شوية العدس بس خد بالك برده لازم العدس يظهر يعنى من تحت البصل يعنى وبالهنا والشفا اقوم انا بقى اشوفلى مطعم اتعشا فيه تحياتى الشيف عنبو