لوحة القادة

أولا أتقدم بالتهنئة للآخوة الأقباط بمناسبة أعيادهم. ثانيا اتوجه بهذا الخبر الى دعاة الفتن و المجازر . فليعلم الجميع ان نسيج مصر لن يتمزق باذن الله ولن تفلح معنا محاولات فرق تسد . ............................................................ أطلق مجموعة من الشباب على موقع التواصل الاجتماعى مبادرة لحماية الكنائس خلال يومى عيد الأقباط فى 31 ديسمبر الجارى و7 يناير القادم، والتى حملت اسم "أنا مسلم هاحمى الكنيسة يوم العيد"، وذلك لتجنب لتكرار يوم مؤلم آخر مثل حادث كنيسة القديسين بالإسكندرية، والتى تبين فى التحقيقات تورط حبيب العادلى وزير الداخلية الأسبق بتلك الأحداث التى كان الهدف منها إثارة الفتنة الطائفية بين أبناء الشعب المصرى. وأكد أحمد حسن الناشط بحركة "شباب من أجل العدالة والحرية" ومنسق المبادرة على أن الهدف من هو مقاومة الفتنة القائمة على استغلال التفرقة الدينية القائمة على أساس "فرق تسد"، مطالباً كل مسلم خائف من أن يتكرر يوم مؤلم مثل يوم حادث كنيسة القديسين بالإسكندرية أن يحمى الكنيسة المجاورة من سكنه لحماية أخوه المسيحى من مسير الفتنة فى مصر. http://www.akhbarak.net/articles/5475479-%D9%85%D8%A8%D8%A7%D8%AF%D8%B1%D8%A9_%D8%B9%D9%84%D9%89_%D9%81%D9%8A%D8%B3_%D8%A8%D9%88%D9%83_%D8%AA%D8%AD%D8%AA_%D8%B4%D8%B9%D8%A7%D8%B1_%D8%A3%D9%86%D8%A7_%D9%85%D8%B3%D9%84%D9%85_ يحيا شعب مصر العظيم

رغم اختلافي مع الاخوان خصوصا مكتب الارشاد الا اني حزنت من مشاهدة الفيديو ده لانه فكرني بسلوك المجلس العسكري ضد مخالفيه في الرأي المفروض رئيس الدولة اب لكل المصريين مش يطلع في مؤتمر جماهيري يسخر من احد الفصائل ! احلى حاجه الشعب العسل اللي عمال يسقف بيجامل رئيسه اشك انهم في الآخره حيسقفوا بنفس الحماس ده !

مات عبدالناصر وشبع موت وبقيت سيرته في مصر يدل عليها أحزابه التي لم تحوذ ثقة الشعب المصري في كرسي واحد في البرلمان بقيت سيرته في لعن حكم العسكر صباح مساء والذي كان هو أحد أهم دواعمه ومؤسسيه ومات الهضيبي وشبع موت وبقيت سيرته في مصر يدل عليها جماعته التي حصدت حتى الآن ما يزيد على 70% من ثقة وحب الشعب المصري تحياتي

ستنتهي الفتنه عندما يؤمن المسلم ان عم جرجس اللي في الشقه اللي فوقيه اقربله من احمد اللي ساكن في الهند ويؤمن عم جرجس ان محمد اللي ساكن تحتيه اقربله من جوون اللي ساكن في امريكا

السلام عليكم ورحمة الله وبركاته نحن الان على نهاية عام 2011 بحلوه ومره واسال الله العظيم رب العرش العظيم ان يجعل القادم افضل باذن الله اكيد على مدار العام فيه ناس زعلت منى سواء بكلمه او بتصرف وسواء كنت قاصد او مكنتش قاصد او سواء كان معايا حق او عليا حق احب اقول فى نهاية السنه لاى حد زعلته بكلمه او بتصرف انا اسف انا بحد مكنتش اقصد انى ازعلك احيانا ضغوط الحياه والشغل والمسؤليه بتخلى الواحد يخرج عن شعوره ويكون عصبى طول الوقت فممكن يقول كلمه لواحد او يتصرف تصرف يزعل الناس منه ولكن عشمنا فيكم كبير احيانا الواحد بيكون انانى وبيفكر فى نفسه بس وبيبص للامور من جهته بس وبياخد قرار ويتسبب فى جرح ناس ولكن نحن فى الاخر بشر وليس ملائكه ارجو كل واحد انا زعلته سواء بكلمه او بتصرف او بقرار ان يسامحنى وميزعلش منى وطبعا مش هقدر اذكر اسماء لانى انا عارف نفسى مبهدل الدنيا فلو حبيت اذكر اسماء يبقى هقعد اكتب يومين تلاته علشان احصر الاسماء وتقبلوا تحياتى محمد

مفتقد نفسي والله أنا مفتقد نفسي في المحاورات..... بعد غياب طويل عاوز أشارك بس مش عارف بمعنى أدق.... حاسس إني كبرت أو عجزت........ أو العضمة كبرت من سبع أو ثماني سنين الواحد كان نشيط....... فكاهة يكتب.... قصص.... جد...سباسة....اجنماعيات حضرت صولات وجولات أخي "سي السيد" وحبيبي "أسد"........حضرت شعنونه، والطفشان واخناتون، وهشام عبد الوهاب................... وحشيش حاسس إني غريب بيحاول يرجع لبلده مرة تانية أهملت عن دون قصد الرد على الرسائل.......... أخذتني الحياة............... دوامة الدنيا دلوقت بدخل المحاورات وعايو اكتب........... بس ساعات مش عارف اكتب اقول إيه.........حاسس إني هكون غلس أكيد سقراط هيرجع تاني................... التفاؤل حلو تحياتي للجميع

تصدق تنفع نكتة "مرة عبد الناصر اجتمع مع المعارضة وسئلهم ايه مطالبكم" :)

عارفين ليه الصعيدي لما اشتري شقه غرقها لبن ؟؟؟ .. . . . . . . . . . . . . . .. علشان عايزها شقة milk

اولا شكرا ليك علي كلمة قديم قوي و عندك الحق المسميات و الاشخاص كمان خلصوا عادت كلها اسلاميون اخوان و سلفيون و هم فعلا الاصل عشان كده انا قديم قوي ثانيا هو حضرتك بتسأل هيعملوا ايه السلفين فيما سميتهم بالخوارج و لا هيعملوا ايه في اسرائيل علي العموم ممكن تدخل علي صفحتهم ع الفيس بوك و تشوف برنامجهم هتلاقي اجابات لتساؤلاتك كلها و اعتقد انها هتكون اجابات رسمية تقدر حضرتك تشوفها و ان عجبتك تأيد الحزب و ان معجنتكش محدش ممكن يغصبك علي تأييده بس الي لازم تكون عارفه اني فيه ملايين بتايد الحزب ده و بدل متكون ناقد للحزب و خلاص شارك انت في حزب شايفه بيعبر عن رايك و لا تفرض رايك علي الاخرين و في النهاية اتصور اني محدش فينا سواء افراد او احزاب عايز حاجة الا كل خير لمصر يعني كلنا مشتركين في الهدف بس مختلفين في الوسيلة علي فكرة انا مش عضو في حزب النور لكني شايفه انه افضل حزب و دي وجهة نظري

لا يا كبير الناس دي مشفتش ظلم اطلاقا راجع معلوماتك التاريخية هناك ما لو نطق يه هذا ... لقطع به هذا انا قربت اكره الاخوان بسببك اعمل معروف ف الاخوان و متتكلمش باسمهم تاني

من هنا.. وهناك .. يأتون ذاك يشكو... من الم.. يقض مضجعه... وتلك تذرف الدمع من ذكرى حبيب ..غادر ذاك يبحث عمن يخفف آلامه وتلك منهكة من رحلة اضناتها يأتون جميعا ليحطو رحالهم ثم يرحل .. كل إلى وجهته... ألملم .. ما تبعثر منى ... وأسألني؟ ألم تدركي بعد ... انك مجرد احتياط؟؟!!!

اسمحوا لي ابعد قليلا عن الموضوع الاساسي بقيت كل ما اقرأ موضوع في المنتدى يذكر فيه السلفيين او الاخوان افتكر قصة حصلت معايا في الحياة التدريسية القصة باختصار كان عندي حصة وجالي الطالب (أ) بيشتكي من الطالب (ب) انه اخد مكانه وده المكان اللي بيقعد فيه كل مرة يعني المشكلة كلها على كرسي فقلت للطالب (ب) انت ليه قعدت مكانه ارجع لمكانك الاصلي لقيته رد عليا رد عجيب قالي اصلا هذا شيعي ... والشيعه يسبون الناظر قلت له مال شيعي وسني والناظر بمشكلة الكرسي؟؟؟ فجأة انفجر (ب) في بكاء شديد وفضل يصرخ ليش الشيعه يسبون الناظر ... ليش الشيعه يسبون الناظر الناظر طبعا هو مدير المدرسة والواد قال يعني قلبه عليه المتشابه في القصة ان كل ما حد يقول اسلامي يطلع واحد يقوله ليش العلمانيين والليبراليين يسبون الناظر والعكس باستمرار تحياتي ارجعوا بقى لموضوع البرادعي والعلمانيين الكفرة انا عن نفسي لو قررت اكفر العلمانيين والليبراليين هبطل استخدم اي اختراع اخترعه علماني من موبايل لسيارة لبنطلون لبدلة لتلفزيون لكمبيوتر لكل حاجة وهعيش في خيمة وده رأيي وقراري ومحدش يتدخل فيه ولا يعارضني عليه حرية شخصية فردية تحياتي للاخوة الاعداء

متفقة معاك دا اكيد لكن في ظل الانفلات الامني لا نضمن المكائد من عدة جهات مش حنسى تصريح رئيس الموساد السابق عن الفتنة الطائفية ولا امن الدولة وافعالها وممكن من اطراف عايزة ترهب المصريين لسبب او لاخر دلوقت اي تجمع لازم تتم حمايته من اول المظاهرات لحد صلاة الجمعة للاسف احنا فقدنا الثقة في الشرطة ومش عايزين مأسي تاتي معرفش حضرتك متخيل مشاعر الرعب عند فقراء الاقباط ولا لأ بس غالبا عندك فكرة لازم يتم احتوائهم وطمأنتهم ودمجهم في المجتمع عشان يحس ان مفيش اي تميير القهر النفسي هو اقسى قهر ممكن شخص يتعرض له واحنا عايزين نحمي كل المصريين منه و شكرا لك

الحمد لله عدت سنة من ال 6 شهور بتوع الفترة الانتقاليه

عزيزتي البنت بخصوص فارس الأحلام اللى بتحلمى بيه: طويل ورشيق وحلو وبيشتغل ومرتبه كبير وطيب وكريم وحنون ومثالي ومتواضع ورومانسي ويحب مامتك ويجيب لك خدامة وسواق وعربية وطباخ وعنده بيت وشاعري وجذاب ويسفرك ويونسك ويضحكك السؤال: عايزاه بيتشقلب ولا عادي ؟

الفاضل الأستاذ محمد الجروبات ع الفيس بوك عملت ثورة 25 يناير ما زلنا نعمم الحالات الشاذة و نتجاهل الحالة العامة و هي أصل هذا الشعب .. و بإذن الله مصر ستكون أفضل لنا و للأجيال القادمة .. فقط إذا نظرنا للجزء المملوء من الكوب و هو الأكبر بالفعل الكلام وحده لا يكفي .. الفعل أهم من الكلام ..

اخى الفاضل لماذا قمت بارسال شهادة الميلاد لمصر؟؟؟ لانى فى انتظار مولود بعد عدة اشهر وما هى اجراءات استخراج شهادة ميلاد لطفل مولود بالمملكة؟؟ خالص شكرى السلام عليكم ارسلت الشهاده السعوديه لمصر حتى يقوم احد اقاربى بأستخراج شهادة ميلاد مصريه من العباسيه بعد ان علمت ان استخراجها من القنصليه هنا قد يستغرق 45 يوم على احسن تقدير.. بالنسبه لأجراءات استخراج شهادة الميلاد لطفل مولود بالمملكه.. اعتقد ان حضرتك بتسأل عن الشهاده السعوديه.. بعد ما يجى المولود بالسلامه بتعمل حاجه اسمها تبليغ عن ولاده من المستشفى.. بعد كده بمده تتراوح بين 3 ايام و اسبوعين بتأخد تبليغ ولاده من المستشفى و بيكون مصدق عليه من الصحه و جاهز تدخل على موقع وزارة الداخليه و من صفحة الاحوال المدنيه تعمل حجز ميعاد..و فى اليوم اللي حددوه لحضرتك تأخد تبليغ الولاده ( اصل و صوره ) و جواز سفر حضرتك مع جواز سفر زوجتك و صور منهم.. و اقامة حضرتك و اقامة زوجتك و صور منهم و تطلع على الاحوال المدنيه اللى حجزت فيها و تدخل على شهادات الميلاد لغير السعوديين.. و خلاص بتأخد شهاده ميلاد .. .. و اي استفسار اخر يسعدنى الرد عليه

في ناس كتيره مش عاوزه تفهم كده أنا برضوا إنتخبت الحرية والعدالة لأنهم الأفضل في دائرتي .. ولن أنتخبهم مره أخرى لو قيمت أداءهم بعد ذلك ولم يعجبني السياسة ما فيهاش ألتراس .. يعني تعصب وأبقى جنب حزبي سواء جيد أو سيء ... بالعكس .. أنا مع الأصلح والاكفء مهما كان وده ديناميك مش ستاتيك

علاء عبد الفتاح بيقول انه انتخب الحرية والعدالة

فيه مكان ليا ... أنا كمان معاكم ومش ناسي مشهد المسيحيين وهم بيحموا المسلمين في الصلاة في يناير ولا المسلمين وهم بيحموا القداس في التحرير ومش ناسي حنا اللى كان بيحمى اختنا في التحرير ومش ناسي دم المسلمين والمسحيين اللى اختلط في يناير وما بعدها وكل عام والأخوة المسحيين بخير كل عام وكل المصريين بخير :egyflag:

جميل د / ياسر ايدي فى ايدك وكلنا هانحمى مقدساتنا بنفسنا اخوتنا سبق وعملوا زينا فى التحرير من قبلنا اجمل التهانى واسمى التبريكات بحلول العيد المجيد

الشروق مدينة ترتفع عن القاهرة بمقدار 100 متر تقريبا لذا فجوها معتدل ... اضف الى ذلك معدل اقل فى تلوث الجو لانها مدينة غير صناعية ... و هى المدينة الوحيدة التى تتمتع بعدد كبير من المداخل و المخارج فكافى وقوعها على طريقين حيويين مثل طريق الاسماعيلية و طريق السويس لذا من يسلك طريق الاسماعيلية فى عمله او مدارس اولاده و يريد شقة فقط للسكن او ارض لفيلا و ليس للاستثمار القريب يشترى فى المنطقة التاسعة او الحى الاول شرق و من يريد سكنا كشقة راقية فى حى راقى عمارات او فيلات او ارض و استثمار قريب فعليه بالمناطق القريبة من طريق السويس كالمنطقة السابعة و الثامنة ( لا يتوفر فيهم اراضى للبيع ) و الحى الثالث شرق و الحى الرابع ( الاراضى المعروضة لابد من وجود اعمال مسلحة بها لقرب انتهاء المهلات ) و طبعا اول خمس نمر على كلا جانبى اى مدخل من مداخل الشروق موقعهم افضل و تمنهم اعلى و هنا وضعت خريطة الشروق لاشرح عليها ما يجئ تاليا فنجد مول سكاى بلازا الذى يقع كارفور داخله و مول براندز و الذى يجرى انشاؤه حاليا و اوشك على الانتهاء من تقفيل الطوب فيه يقعا فى المنطقة الترفيهية التى بجوار الحى التاسع قرب طريق الاسماعيلية و جارى بناء مول كبير فى مركز المينة 1 و يقع ايضا فيه الجامع الكبير و الكنيسة و بالقلاب منه الجامعة الفرنسية تحياتى

اةةةةةةةةة علشان كدة انت بعيد ياراجل انت واحشنا كلنا سؤال كدة على جنب لية محدش علق من بتوع الليبرالية ولا الموضوع طلع ليبرالى او اوبرالى مهو لما واحد يقول ان ما فيش فرق بين الفكر الأسلامى والفكر الاخر الا بتقديم ماهو مفيد محدش بقى يبقى يصرخ ويقول الضلاميين الرجعيين ويجعلة عامر الله يكرمك يا عمنا انا كنت غايب لعدة ظروف اعتبرها كوكتيل بالنسبة لحكاية ليه مفيش حد من بتوع الليبرالية علق اقولك كويس ان محدش علق منهم لانى اتوقع هيكون التعليق ان ده شغل بروبجاندا لخدمة الاهداف الانتخابية ليظهر بعد الانتخابات الوجه الحقيقى بتاع قطع الودان :P

ودى الحكـايـه .. والقـضـيه .. يا أم سـلـمى زحـمـة أراء .. وبرده لسه .. الدنـيـا ضلمه وكلام كـتـيـر .. لكـنه ... مش بيحــل أزمــه ونـقـاش..وزى المـعـركه..بين دول..و دول دا يقول عميل..دا يقول جبان..دا يقول فلول ولا حــد يـعـنـى ..مَــــرَّه .. أقـنـعـنى بحـلول !!!!!!!!!!!!!! فالحين يا حسره.. فى الجدال .. وفى الخناق عايزين بــقــى .. نـِـوصـَـــل لـِ بَـر الإتــفــاق عايزين..و بــــس .. يكون لـ مصر الإنتماء شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار

عارفين مين اكثر من سيتاثر بهذا القرار ؟ المصريين اللى معاهم جنسية تانية !!!!! تصدقوا واح يسال طيب ازاى اقولك انا المصريين اللى معاهم جواز تانى كان يقولك دايما ده حمايتى ولو حصل مشكلة السفارة بتتدخل صح ؟ الكلام ده صح بس لما تكون داخل مصر بجوازك الاجنبى لان القانون الدولى بيقول كد الجواز اللى دخلت بيه هو الجواز اللى يحميك بمعنى واحد معاه جواز مصرى وواحد امريكى وواحد المانى دخل مصر بالجواز المصرى يبقى مفيش حد يقدر يحميك ولا الالمانى ولا الامريكى ولا ليهم حق انهم يطالبوا باستلامك ولا محاكمتك اما قضاءهم وكده اما لو دخلت بالجواز الامريكى يبقى من حقك امريكا تطالب بمحاكمتك هناك ولو حتى عليك عقوبة تطبقها هناك كان مزدوجى الجنسية ييجى المطار يطلع الجواز التانى وطبعا دخل بيه رسمى ومش محتاج تاشيرة اما بعد القرار الصلاة على النبى هاتدخل بالجوازالمصرى يبقى اهلا بيك فكرت تدخل بالجواز التانى وتقول ليهم انا مصرى يقولولك اسفين هات لينا تاشيرة من سفارة مصر فى بلد الجواز يعنى القانون ده ضربة مباشرة وقوية لحماية الجواز الاجنبى واللى كانت هدف من اهداف الهجرة لكثيير مننا سؤال خبيث بقى : يا ترى هل فيه بعد امنى للموضوع ده ؟ لضرب الناس اللى بتتكلم ومحتمية فى جوازها الجنبى ؟ ده اللى هاتكشفه الايام

و الله من السهل جدا انني اخد مقطع من كلام اي علماني ليبرالي و هو بيطلب الحماية الدولية او الليبرالية الغربية و هقول ماذا سيفعل الليبراليون اذا حكموا مصر ؟ وقتها الكل هيقول هذا لا يمثل الا نفسه البرادعي لا يمثل الا نفسه سويرس لا يمثل الا نفسه ابراهيم عيسى لا يمثل الا نفسه عمرو اديب لا يمثل الا نفسه عمرو حمزازي لا يمثل الا نفسه لكن احمد النقيب يمثل كل السلفين مع انه مش من حزب النور اصلا و لا يعترف به اساسا سبحان الله !!!!!!!!

لو كنت انا اللي فتحت الموضوع كنت هسميه يا ناري يا مراري ..ده عيد ميلاد الساري أو استر يا رب وداري...ده عيد ميلاد الساري أو اصوت ليلي ونهاري ..في عيد ميلاد الساري كل سنه وانت طيب يا ابو السواري ابقى طل علينا بلاش تقطع

أي حد هايجيب سيرتي او إسمي هاعوره .. وهابقى ضامن إنهم هايفرجوا عني من السجن الحربي انا باعترف إن سين سين تحول إلى إنسان انوي يعيش في غابات السافانا الممطرة ويتغذا على الحشرات الضارة وبقيت سيكوباتي متحول وأميل إلى الدموية لكن غصب عني والله .. الواحد بيصبح على سياسة وينام على سياسة .. فلازم أتحول .. وحاولت أبقى جبله وجتتي منحسه .. ما عرفتش والله بس أوعدكم على منتصف السنة الجاية لما الشفيق أحمد فريق يبقى رئيس للجمهورية الأولى بعد الثورة .. هابقى كويس وهاتحجب وأقعد في البيت ومش هاتكلم في السياسة تاني وهاكتب بقى في أي حاجه هلس والسلام

شاهدت هذا الفيديو الذى يلخص الحدث الأعظم في تاريخ مصر القديم و الحديث . دمعت عيناى و أنا أرى شعبا عظيما ينتفض بكل طوائفه مسلمين و مسيحيين , رجال و نساء, أطفال و شيوخ. كلهم خرجوا لهدف واحد فقط .. إسقاط النظام . قتلى و جرحى من جميع الأعمار , غضب عارم ضد الطغاة , شجاعة و بسالة منقطعة النظير . لم تفرق بينهم ديانة أو عقيدة او اتجاه , فالثورة ضد الظلم لا تعترف بتلك الفوارق. شعب عظيم إذا قام بحق لا يقف امامه سلطان جائر , رأيت مبارك الذى كان يطالعنا بكبريائه الزائف بين الحين والآخر , رأيته يقف مرتعشا يحاول التماسك دون جدوى من هول ما رأى في الشارع المصري. أطاح به الشرفاء , أطاحوا برأس الأفعى وبقي الجسد حتى الآن يتلوى ويحن الى رأسه الحبيس قيد المحاكمة . أدعوا إخوانى هنا لمشاهدة هذه المقاطع المؤثرة مع اقتراب الذكرى الأولى لأعظم حدث في تاريخ مصر . انظروا وتذكروا لعلكم قد نسيتم , كيف أن هذه الثورة كانت و لازالت ملكا لشعب بأكمله , فلم تحتكرها طائفة أو اتجاه. فلتنعشوا ذاكرتم لتتأكدوا أنه لا سبيل لإستكمال أهداف الثورة إلا باتحادنا مرة اخرى على مختلف توجهاتنا تحت راية واحدة كما فعلنا منذ عام. راية مصر . :egyflag: :egyflag: http://www.youtube.com/watch?v=Fl5B1Qq3T58&feature=player_detailpage

سألوا صرصار: إيه اكتر حاجة بتتمناها . . . . ... ... ... . . . . . . . . . . . . قالهم .. نفسى أموت موتة ربنا

جهاد الكيبورد أفضل مليون مره من اللي قاعد يمصمص في شفايفه ولو في قلب الأحداث جهاد الكيبورد هو اللي اطلق شرارة ثورة يناير رغم إنكار وجحود كل الجاحدين

حبيت أفكر نفسي وأفكركم إن أعظم عبادة في البلاء حسن الظن بالله وبما إننا بنمر بظروف صعبة في مصر فياريت نحاول نفكر نفسنا وننشر بين الناس الفكرة دي حسن الظن بالله لازم نتفكر إزاي ربنا كريم وعظيم وإزاي بيحبنا وقادر علي إصلاح الأمور وتحقيق أمانينا بل تحقيق ماهو أفضل من أمانينا

´طبعا المفروض والمطلوب منى اقول رأيى فى ... موضوع العباية ام كباسين.. بما ان المشكلة كلها تم تلخيصها فى ....كباسين العباية اللى اتفتحت. لكن؟؟ كلمة حق امام الله . ف حياتى كلها وف اشرس الأفلام اللى شفتها ....مشوفتش (((( راااااااااجل )))) بيرفع جسمه كله ...وينزل بكل قوته((( اللى ان شاء الله ربنا حايحرمه منها )).. على صدر بنت.. على صدر بنت؟؟؟ ايه الغل ده؟؟ دى لو كانت قتلت كل اهله مكانش عمل كدة .. يعنى وحشية وجنون وعدم انسانية .. وكفايااااااااااا كدة.. ملعونة هذه التعليمات .....ملعون من اصدر الأمر . ملعون شرف الجندية ان كان...الضرب والسحل . مش كفاية يتحاسب...هو واللى معاه. ومش كفاية حتى ....يتشنق . كل ده مش كفاية .. ده لازم ينام على ظهره ف ميدان التحرير........وأى ثورى قوى ...قوى يعنى قوى . يلبس البيادة ويدوس على قلبه. وشوف ساعتها .......حايعمل ايه؟؟ ياترى حايحاول يستر نفسه بعد ما......يغمى عليه؟؟ وسلام.

وبما إننا رجعنا للعباية أم كباسين ورجعنا للعقل والحكمة الرزانه والكياسه إلى آخر القائمة الطويلة اللذيذة وطرحنا جانبا الكرامة ومفرداتها في انتظار تحليل الدي ان ايه يبقى نفكر نفسينا بأن الشمس في كبد السماء تأبلقت أقصد نفكر نفسينا بأهمية توضيح الواضحات وياريت ونحن نقرا الفاتحة لرجولة استجابة لدعوة جادة من أخت فاضلة نقرا مايلي لنزداد حكمة وكياسة وهدوء وتحليل حفيدة الفرسان التي داستها البيادة جريدة الشروق http://shorouknews.com/news/view.aspx?cdate=26122011&id=bc453906-6c2f-4d8a-9873-9cd517514372 تتحدث عزة هلال وهى مستلقية على سرير المستشفى فى فيديو على موقع يوتيوب يحمل اسم «عزة هلال تم ضربها وسحلها فى أحداث مجلس الوزراء». عزة أصيبت يوم السبت 17 ديسمبر الحالى، فى اعتداءات الجيش على متظاهرى مجلس الوزراء. ظهرت عزة وهى ترتدى جاكت أحمر فى الفيديو الشهير لسحل الفتاة على أيدى عساكر الجيش وهى تسير على جانب الطريق بجوار ومعها شاب يدعى إيهاب حنا. فى لحظة وقفت عزة مفزوعة من مشهد سحل الفتاة وضربها بقسوة من جنود الجيش حتى تعرى جسدها، لكن إيهاب حاول أن يجذبها ليمروا بسرعة من المكان قبل أن يضربه جندى على ظهره بالعصا ليسرع الخطى. عندما أشار أحد الجنود للمتظاهرين بأن يتقدموا ويأخذوا الفتاة كانت عزة أول من وصل إليها ومعها إيهاب. فور أن انحنت عزة لتطمئن على الفتاة وتغطى جسدها، أطلق أحد ضباط الجيش الرصاص فى اتجاهها من مسدس يظهر بوضوح فى الفيديو، وخلفه عشرات من العساكر يهرولون. نصيب إيهاب حنا الذى حاول إنقاذ الفتاة كان الركل بالبيادات، ورصاصة دخلت من ركبته وخرجت من خلف الساق. أما عزة فكان نصيبها الركل بالبيادات والعصى، لم يختلف فى قسوته عن الفتاة التى حاولت إنقاذها. كانت عزة مركز اهتمام إعلامى كبيرا بعد التقرير الصادم عن إصاباتها الذى أذاعته قناة سى إن إن. لكن الفيديو الذى انتشر على موقع «يوتيوب» الأسبوع الماضى يكشف حقائق جديدة عن شخصية عزة، منها أن الكثير من أقاربها هم ضباط جيش سابقون وأبطال حرب أكتوبر. يظهر فى الفيديو عميد أركان حرب متقاعد أحمد سليمان أمام سرير عزة، قال بحزن إنه تلقى اتصالا هاتفيا من شاب يدعى إيهاب زميل عزة من الميدان، أبلغه بأن عزة ترقد فى المستشفى الميدانى وأنها مصابة. وقال إنه يعرف إيهاب وزارة فى مستشفى قصر العينى. وأضاف نحن ننتمى لأسرة ريفية عسكرية الأب هلال سليمان ضابط سابق بالجيش، والعم قائد لواء مشاه ميكانيكى فى حرب أكتوبر، والعم الثانى اللواء مجدى سليمان قائد لواء دفاع جوى فى حرب أكتوبر. والأسرة تعتز بمهنة «الفرسان»، وهى تشبيه لضابط الجيش الذى يدافع المصريين عن وطنه ومعرض أنه يفقد روحه، لكنه استنكر «استنزاف دماء بهذا الشكل، أنا مكنتش عايز أصدق اللى حصل -------------------------------- الافاضل المتشحون بثوب الحكمة والكياسه مارأيكم في عزه هلال أجندة برضه الافاضل المتسربلون بالاسلامية الميكافيلية ما رأيكم في حنا إيهاب عميل مش كده الافاضل الذين لم يحسموا أمرهم بعد رأيكم لايهمني شكراً

مش عارف انا موضوع قذف المحصنات الى مش هيخلص ده والناس الى عمالة تدافع عن الباطل والبنت لابسة اللحم ومش لابسة على اللحم والكلام الفارغ ده والبنت الى اسمها عزة الى كانت لابسة سويتر احمر الى كانت ماشية فى حالها وشافت البنت وهى بتنضرب ضرب موت وحاولت تتدخلتنقذها لولا العسكرى الكلب الى قالوهم امشو من هنا ومشيت لحد مالعساكر تراجعت فرجعت البنت بكل عفوية تغطيها وتشوف مالها واتارى كان الهجوم التانى للعساكر الى مسكو البنت الى اسمها عزة وعجنوها ضرب وكلنا شفناها وهى نايمة فى المستشفى حصل فيها ايه وكمان موضوع العباية ام كباسين انا عايش هنا فى السعودية ومخدتش بالى ان العبايات هنا فى السعودية معظمها بكباسين وقليل انك تلاقى عباية مقفولة من قدام لان الستات هنا فى السعودية بتلبس اللبس الى نفسهم فيه هنا وفوقيه العباية ام كباسين دى وده الطبيعى هنا والبنت كانت لابسة بدى وجبنز ضيق ومعظم البنات هنا فى السعودية لابسة كدة وفوقيه العباية ام كباسين وانا مخدتش بالى من الموضوع ده الا لما حاولت اجيب لزوجتى عبايات هنا ودوخت علشان الاقى حاجة مقفولة فبدات اخد بالى ان السعوديات كلهم كدة وكمان الى صور البنت فيديو من الكاميرات الى محطوطة فى ميدان التحرير من القنوات الفضائية وبخاصة سى بى سى الى اعلنت عن حرق المجمع العلمى قبلها بيوم والكاميرات اصلا بتاعة قنوات فضائية ومراسلين القنوات بيبقوا جمبها وكاميرات على احدث مستوى مش البنت الى عملت كل ده فى نفسها علشان يصوروها بطلوا بقى قذف البنات بالظلم من غير ماتشوفوا

احنا هنفضل نضحك على بعض لغاية امتى؟ طيب هى اللى فتحت العباية... فضلوا يضربوها و يسحلوها ليه؟ الفرقة اللى نازلة دى كانت نازلة علشان هدف معين و الكلام ده اتقال صراحة.. ان الكل يعرف ان المجلس مش هيسكت على شتيمته و هيبته. نيجى بقى نبرر احنا ليه؟ ما هما بذات نفسيتهم اعترفوا عالجريمة.

بص يا سيدي لإن الموضوع ده اتناقش بشكل كبير ... انت شوفت الفيديو كامل الأول؟ الأحداث كالتالي أولا الثانية 15 من الكليب : الفتاة تجرى وزملائها يسحبوها ولكنها تتعثر في العباية وتسقط أرضاً ثانيا الثانية 20 من الكليب : يبدأ ضرب البنت بالأقدام والعصي فك كل الجسم ثالثا الثانية 23 من الكليب : يبدأ الجندي بالكوتشي ضرب البنت بالقدم في راسها وصدرها وجانبها وخلف الراس ينتهى في الثانية 28 وتكون البنت فاقدة الوعي بعد ضرب مؤخرة الرأس ويتضح من انعدام مقاومتها تماما برغم الضرب في الرأس ... للمشككين الرجوع لرأى متخصص ماذا يحدث عند رطم خلف الرأس بقوة .... لأن من الواضح فيه ناس ما بتفهمش في الطب هنا رابعا الثانية 31 وحتى 36 : صاحب الكوتشي يضربها بالقدم في صدرها وفي الثانية 33 ضربة قدمه تفتح ما تبقى من كباسين العباية والبنت غير واعية ولا تقاوم الضرب تماماً لدرجة عدم مقاومة ولا وجود رد الفعل لضربة موجهة بشدة للقفص الصدري -بعد التعري- والجانب خامسا الثانية 39 : يقوم جندي منهم بالدفع بيده اليسرى الجندي صاحب الكوتشي ويقوم بمحاولة تغطيتها والبنت فاقدة للوعي تماماً خامسا الثانية 51 : تقوم عزة الفتاة ذات البلطو الأحمر بمحاولة إسعاف الفتاة بعد تراجع الجنود بعد ضربهم بالحجارة ولكن يندفع الجنود مرة اخرى ويقومون بضربها بكل قسوة بالرغم من عدم اشتراكها من البداية في الأحداث الإستنتاج 6 جنود ضربوا البنت منهم جندي يرتدي كوتشي كان يضربها بكل غل وكل عنف وفي اماكن قاتلة ... جندي واحد بارك الله فيه هو من حاول الدفاع عنها بما يملكه لم يشارك في ضربها وغطاها وهي فاقدة الوعي أضافة صغيرة ... البنت كانت لابسه جينز وبدي اسود تحت العباية وفي الثانية 27 الجندي بيشدها من البدي ورفعه على راسها وده اللى خلى الناس تفتكر انها منتقبة ... يعنى لمرضى القلوب البنت كانت لابسه لبس محترم الكليب هنا لمن أراد ان يشاهد ويحكم بنفسه http://www.youtube.com/watch?v=1B34UAXUtlA&feature=player_detailpage

إحنا خير عاطفيين الارض و الاهلي نادي القرن واللي ييجي مصر و يشرب من نيلها لازم يرجع تاني و الله الموفق

فضيلة المفتى الآن على سي بي سي يتحدث عن الشيخ عماد عفت يقول كلام عجيب الشيخ عماد توفى عن عمر 52 سنة ، وكان يحفظ القرآن كاملا بالقراءات العشر وكان يدرس النحو الغريب ان فضيلة المفتى يقول ان الشيخ عماد كان في التحرير من يوم 25 يناير وكان يقول لفضيلة المفتى عندما كان ينصحة ... يقول له ... لهواء ميدان التحرير عندى احب من ريح الكعبة ... هذا كلام فضيلة المفتى بلفظة حتى لا تنهال على قذائف التكفير رحم الله الشيخ الشهيد لقد صدق الله ما عاهده فصدقه الله ما وعده خسرناك يا شيخ وكم تقنا لمثلك لن تموت ثورة رواها امثالك وامثال باقي الشهداء بدمائهم واعطاها الآخرون أعينهم ودمائهم

حضور برائحة القهوة الصنعانية في صحبة عبد العزيز المقالح على روابي اليمن السعيد وحشتينا يا شهد

كونك تستمعين بإنصات .. فقد تسببت لنفسك في الوقوع في هذا المآزق .. لكن كان يجب ان يتفهموا إنسانيتك فلا يحرموك من فرصة الفضفضة أنت أيضاً .. يبدو أنك تحسنين الإنصات بدرجة عالية جداً .. فأصبحتِ لهم ملجأ .. و فقدتِ أي أمل في ان يعاملوك كإنسانة عادية .. لقد أصبحتِ مرفأ لهم جميعاً .. ترسو عليه مراكبُ احزانهم .. و طيورُ هجرانهم (و غربتهم) .. فهنيئاً لك ... أيتها الجزيرة المنعزلة وسط أمواج بحار أحزان الآخرين .. المحاطة بهدير أمواجهم .. لا تحزني .. فهذا أفضل من أن تكوني جزيرة مهجورة (تماماً) لا يزورها أحد .. حتى الحزن .. rs: rs:

سؤال : هو ليه المجلس ما أخدش عبرة من اللي حصل لمبارك؟؟؟!!! . . . . . . . . الإجابة : ليه هو مبارك كان حصل له إيه أصلًا ؟؟ ^_^

http://www.youtube.com/watch?v=2fpt6hv0D5A&feature=player_detailpage

كتب omda2006 وانا في انتظارهم وكلي شوق واشكر لك سعيك وحتى يشرفونا بالرد سأستمر بين حين وحين في نشر تعليقي علي مطالب المرحوم حسن البنا

قبل ان يتم الترويج لافكار الاخوان الجديدة علينا بالتخلص اولا من الافكار القديمة او تبريرها هذه المطالب تقدم بها المرحوم حسن البنا لملوك ورؤساء وحكام الدول العربية والإسلامية وهو يعني بما يقول وتعد تلك المطالب اهداف في حد ذاتها يسعى اليها الاخوان ويعملون علي تنفيذها فهل تخلى الاخوان عن هذه المطالب ام بدلوها ام احتفظوا باجزاء منها وتركوا بعضا منها هل ما زال من ضمن اهدافهم القضاء على الاحزاب والحياة الحزبية كلها تساؤلات تحتاج لاجابة وستظل هذه المطالب تطاردهم اينما كانوا لابد من تحديد موقفهم منها بصراحة شديدة

محمد رسول الله سلامتك يا ياسر كيف الاحوال ربنا يكرمك ويبارك فيك

هذه هي ادبيات الاخوان المسلمون في ادارة الدولة ولم ولن تتغير لانهم لم يعلنوا انكارها او تعديلها وكل الذي نشاهده الان هو نوع من انواع التقية والضرورات تبيح المحظورات والغاية تبرر الوسيلة لا تنخدعوا بالكلام المعسول فتلك المطالب هي ما يسعون لتحقيقها ولو طال الزمان اقول قولي هذا واستغفر الله لي ولكم

استني بس يا ابو عمار .. احنا ما صدقنا نلاقي وصفة ننفع نشتغل عليها ... من غير راس توم و لا هيل ... ايه الحلاوة دي يا عنبو... انت تعبت من شوية يا أخي .. ما هو من خدماتك للناس اللي زينا كده و وصفاتك ليهم .. شوف بما انك الوحيد من قبيلة الخناشير اللي عبرني فيا ريت تكمل جميلك و تحكيلي شوية عن الصلصة .. اصل انا عقبال امالتك مدكن علي حلة عصير طماطم في التلاجة من فترة و نفسي اتفشخر بيها بقي ... فهل ما يسمي بالدقة اللي بتتحط عالكشري بيدخل في مكوناتها الطماطم و الا لأ ... و بالمرة تديلي اشارة عن المقادير .. يعني كام كبشة رز .. كام كبشة معكرونة ... كام حباية عدس .. و كده يعني .. و زي ما بيقولوا أخواننا السودانيين والله ما جصرت ... علي فكرة الف مبروك علي المداخلة رقم 2000 شفت اهي مداخلة مهمة و فيها بتقدم خدمة للناس و بالذات انا ... حياكم الله يا طويل العمر

يا سلالالالالالالالالالالالالالالالالالام شوفت ازاي؟ والله ما قصرت يا أخ عنبو الوصف التفصيلي ده خلاني جسمي قشعر وأنا بأتخيل الكشري . ولا طعمه يا عيني ع اللي هيأكله عموما يعني وكلمة في سركم كده ومن غير ما ستات المنتدى يسمعوا الكشري والمحشي والحاجات اللي بتوجع الدماغ دي تخلوها للناس المخضرمين في المطبخ انما المبيتدئين زي حالاتنا يروح مع عنبو لنفس المطعم أو مطعم تاني مش فارقة فكرتني بأشرف عبد الباقي في مسلسل مش فاكر اسمه لما مراته ما كانتش عارفه تطبخ وقاعدين استشارات أونلاين بالتليفون عشان الكشري برضو وفي الآخر راحوا يأكلوا في المطعم أرزاق لازم أصحاب المطاعم يأكلوا عيش واحنا نأكل كشري