لوحة القادة

حركة مصرنا هي مبادرة جديدة من شباب مصري محترم شباب من مختلف التوجهات والميول يحاولوا صنع كيان للشباب. تتلاقي فيه إرادتهم جميعا حتى ننقل مصرنا التي نريد من حيز الحلم والخيال إلى عالم الواقع والتنفيذ (على حد تعبيرهم) والأهداف الاستراتيجية للحركة : 1- جمع أكبر عدد من المشاركين الفاعلين في المجتمع المصري تحت مظلة وطنية تمثّل الأهداف الأصيلة لثورة 25 يناير 2- المساهمة في تقديم نخبة مصرية شبابية إلى المجتمع قادرة على تحقيق النهضة الشاملة 3- العمل على صناعة روح توافق حقيقية في الشارع المصري بين مختلف التيارات الفكرية والسياسية 4- الضغط على صانعي القرار لتحقيق أهداف الثورة 5- زيادة مساحة المشاركة السياسية الواعية لأكبر عدد ممكن من المصريين هذا موقع الحركة ويمكنكم المشاركة فيها وهذا رابط الحركة على فيس بوك وكان للحركة بالأمس لقاء مع منى الشاذلي في برنامج "العاشرة مساء" فيديو تعريفي بالحركة http://www.youtube.com/watch?v=SNL7DPUGsfU&feature=player_embedded تحياتي، ولي عودة إن شاء الله

واحد قاعد ياكل بزر تفاح صاحبه بيقوله ايه ده قاله : ده بزر تفاح قاله : حد ياكل بزر تفاح رد عليه : ده مفيد جدا ومنشط للذاكرة وبيزود الذكاء قاله صاحبه : اديني شوية رد صاحبه : لا انا هابيعلك 10 بذرات بـ 100 جنيه قاله : ماشي خد المية وهات البزر بدأ ياكل اول واحدة وتاني واحدة وبعدين بطل وقال بصوت عالي لصاحبه انت بتضحك عليا انا كان ممكن اشتري 15 كيلو تفاح بالمية جنيه دي رد صاحبه قاله : شوفت ازاي من تاني بزرة بدأت تفكر :D:D:D:D:D

الفاضلة بينك روز اختفت فجأة أرجو ان تكون بخير و تعود بموضوعاتها المتميزة هل يوجد أي آلية للإشراف للتواصل مثلا مع الأعضاء النشطين في المنتدى و للاطمئنان بمفهوم بيت العيلة الذي يحتوينا ... أعلم أنه عبأ كبير و مسئولية هي الاشراف و لكن المغتربين تحديدا يتعاملون مع المنتدى بشكل خاص و هو عالمهم الذي يعيشون داخله أجواء مصر بكل ما فيها .. هو ليس مجرد منتدى على الانترنت .. ولأن أحيانا حدود العلاقة بين الأعضاء لا تسمح بالمراسلة على الخاص لذا اتمنى لو توجد وسيلة للتواصل المباشر بين الإدارة و الأعضاء .. بغرض الاطمئنان عليهم كأفراد من أسرة المحاورات الذين ربما يكونون في احتياج لمجرد السؤال عنهم او لتقديم المساعدة في أي أمر .. مجرد وجهة نظر

بسوا الموضوع ده نفسى اناقشه بعد الزواج اوى من باب من شاف مصيبة غيره ممكن تهون عليه مصيبته خاصة مع زوجى اللى علاقته بالرومانسية زى علاقة شماعة الملابس برباط الجذمة كده بالزبط رغم انه و الله العظيم كان رومانسى موووووووووت فترة الخطوبة :blink: و طبعا دلوقتى لما بساله ايه الللى حصل يقولى ما انا اتجوزتك خلاص يعنى كان بيضحك على عقلى لحد ما اتجوزنى اللى غايظنى بئه انك تسالى اى رجل يقولك انا مراتى مش مهتمية بي رغم انه ممكن يكون هو اللى توبها تعمل كده و هحكيلكم عن مواقفى معاه و انتم احكموا بعد ما فات شهر و نصف كده قلت بس اعمل يوم حب و رومانسية جامد اوى اتصلت بحماتى الله يرحمها و عرفت ايه اكثر 3 اصناف اكل بيحبها و نزلت جبت كل حاجة طازة bv:- و شلت كل حاجة على قلبى و روحت لصديقة امى اللى طبخها ميختلفش عليه اتنان bv:- و بتعمل اكل و تبيعه لان نفسها تحفة و مكنتش عايزة غلطة فى اليوم ده و زينت الشقة ببالوانات و وورود حمرا و زينت نفسى و جبت شمعتان حمر ووولعتهم و رتبت السفره باطباق و اكواب عليها قلوب كريستال و ملئت الاكواب بعصير فراولة من الاخر عملت كل اللى على و زيادة و الله bv:- المهم استنيت جوزى و اول ما دخل و بص على الشقة و السفرة قالى باستغراب :هو النهاردة عيد ميلادى ..ولا ..عيد ميلادك ....فيه ايه انا نسيت عيد ايه و كان فعلا متحير انا(ضاحكة) مفيش اى اعياد يا حبيبى ......ديه بس رومانسية بسلى بريبه و دخل الى الغرفة و غير ملابسه و جاء لياكل اطفئت الانوار و ولعت الشمع و جلست بجانبه على السفرة بص الى الشمع الاحمر كده و قالى : هو النور قطع قلتله : لا قالى :طيب ممكن تولعى النور عشان اشوف انا باكل ايه ........ولعت النور و انا مستسلمة و بقول معلش يمكن لسه متفاجا بدا ياكل و يقولى : ايه ده انت عاملة الكوسة بالبشاميل من غير صلصة و الملوخية ناقصة ملح و الارز يعنى مش بطال بصراحة اتغظت اوى و قلتله مش انا اللى عاملة الاكل تنت ......هى اللى ساعدتنى فيه :sad: قال: اه بس ابقى اسالى ماما بتعمله ازاى و اتعلمى منها واضح ان تنت ...نفسها مش جامد اوى بدا الغيظ داخلى يزيد و لكنى لايمتها و قلت حاضر بدا ينظر الى الكاس الكريستالى المزين بالقلوب بريبة و ضيق :ايه العصير الاحمر اللى فى الكاس ده جاوبت باستغراب :عصير فراولة جاوب بارتياح .... :اه اصلى افتكرته شربات و انا مبحبش الشربات بدا ت اتخنق و روحى تطلع و انا بفكر هو يعنى لو كان شربات كنت شربتهوله بالعافية يعنى bsh:) اخيرا بعد ما اكل قلتله حبيبى انا عملتلك كيكة و كانت الكيكة رائعة و هى على شكل قلب و مزدانة بالورود قالى بمنتهى القرف و هو بيبصلها كده : انا مبحبش الكيك و بحب التورتة بس هنا بقى فاض بيه و قلتله معلش المرة الجاية هبقى اسال مامتك بتطبخ ازاى (حماتى نفسها حلو بس عادى مش متميز زى )و ابقى اعملك تورتة اى اوامر تانية و قمت اعيط فى اودتى :sad: اللى يغيظك بئه ان الاكل اتمسح يومها من الصوانى و حتى الكيكة اكل نصها بالهنا و الشفا و من يوم هذا الموقف بحضر ايام جميلة و رومانسية لكن ما بستناش منه كلمة حلوة الحقيقة لانه تقريبا نسى الكلام الحلو و هو بيمضى على عقد الزواج و كثير بحطله رسائل حب لطيفة فى جيب القميص و البدلة و يجى و لا حس و لا خبر حتى يا مومنين لما بعد كم سنة قلتله نفسى فى شهر عسل بدل اللى باز و قررنا نروح رحلة لاوروبا اصر ناخد طفلنا الصغير معنا مما جعل الاستمتاع بالرحلة يضيع تماما خاصة بعد ما رجعت من الرحلة على دكتور العظام لاصابتى بالتهاب حاد فى الاعصاب من مجهود شيل الولد طوال الوقت انا بصراحة مش زعلانة لا الحمد لله انا مبسوطة لانه ورغم ان كان من كثر ما بيقولى يا ماما اصبحت متاكدة انه نسى اسمى الا انه حنون جدا و طيب و بيحبنى بس فى صمت و شموخ ابو الهول كده و بحاول على اد ما اقدر اكون رومانسية و استنى منه بعد كده يدخل على بطلبات البيت من السوبرماركت و هو مبسوط جدا لانه عمل الل عليه و زيادة او يتنازل و يتواضع و يقرر ميشوفش التعليق على الماتش بعد ما شاف الماتش نفسه عشان يشوف معايا فيلم او حتى يقرر انا بيحبنى اوى اوى اوى و يرضى يقعد ما الولد ربع ساعة بس لغاية ما اعمل اى حاجة تانية الحمد لله انا بحبه جدا و متاكده ان ابو الهول قصدى زوجى بيحبنى برده و سعدا بس تقولى ايه الانسان مبيعجبوش حاله

علي فكره بعد الرومانسيه ضروري الواحد يشرب شويه لبن رايب عشان مايجلهوش امساك وطبعا تفضل ان الرومانسيه تكون نص سوي عشان كرشه النفس :blink:

إنتي لسة شوفتي حاجة .. صبرك بس .. بصي يا دريم ... الرجالة الرومانسيين نوعين نوع بيتشقلب و نوع عادي ..

احنا كنا بنقبل كاركاتيرات اقوى من هذه على مبارك وعائلته ولم نلتفت ابدا لجماعة اسفين يا ريس ولمشاعرهم بل كنا نستهزأ بمن يخرج ليقول عيب ما تقوله عن رئيسكم كنا بنقبلها لانها كانت وصف للظالم الذي ظلمنا دلوقت اصبحنا نصفين كل منا يتهم الاخر لماذا لم نشاهد هذه الهجمة والحمية من الاسلاميين على صورة حقيقية لفتاة مصرية سحلت في الشارع وتعرت لماذا لم نشاهدها عندما سقط شيخ جليل برصاص غادر لماذا لم نشاهدها عندما فقعت الاعين ورمي الشهداء بالقمامة لماذا شاهدناها فقط امام كاريكاتير ولم نشاهدها امام الواقع الأليم وهل عندما اعترف الجيش بالواقعة وهل عندما ظهر ان البلطجية كانوا بفعل فاعل ظهر احدا منهم ليعتذر لما خطت يده تجاه الثوار الف سؤال وسؤال ويبقى الكاريكتير ليعبر عن الواقع الأليم الواقع الذي ينكره البعض ويؤيده البعض ويبقى كلا منا على رأيه وان ظهر له الحق

معلش يا أم سلمى هي السياسة كده اللي يلعب سياسة مايزعلش من الحاجات دي كل الليبراليين والعلمانيين اتكفروا واتخونوا واتوصفوا بأنهم عملاء لامريكا ولاسرائيل وبأن لهم أجندات واترموا بتهم لا اول لها ولا آخر ، وعندك خالد عبدالله اللي بيقولوا عليه شيخ مش سايب حد إلا مقطع في فروته لدرجة انه تفوق على توفيق عكاشة. ماتخديش المواضيع بالحساسية دي وبعدين خلاص مفيش حاجة إسمها إسلاميين ، دي ناس دخلت انتخابات وبتلعب سياسة ، يبقى من حق الناس تنتقدهم بالشكل اللي يشوفوه ده حتى المجلس العسكري وهو من بيده السلطة لم يسلم من النقد والاتهامات والتخوين والعماة. ومجدي الجلاد غلطان لو حيعمل حجر على نشر الآراء. السلام عليكم يا محمد يا حبيبى السياسه شئ و قله الادب و الحياء شئ تانى و ما فيش حاجه فى الدنيا إسمها ما فيش عرف ما فيش قانون ما فيش اخلاق ..غريب كلامك معاك ان السياسه فيها ما فيها من وسخ و لذلك نريد الدين لينظفها ثم إن كلامك ان كلام عام مرسل فقط لبرير قبولك لقله أدب المصرى اليوم و الغير جديد عليها عموما ..يا ما هانشوف منك يا ليبراليه ..

توبيك جميل شكرا أستاذ عنبو وانا أعتذر لأي عضو أو عضوة ممكن يكون زعلان مني بسبب انفعال أو حدة أو .... وكل عام وجميع الأعضاء بخير

انا الى أتأسف ليك ياباشا وأتأسف لكل أعضاء المحاورات الى حدث منى اى خطأ دون قصد

أغبى 8 اسئله في العالم 1 - يتصلو على تليفون البيت يسألوك انت فين؟ في السوق و ساحب السلك هناك مثلا؟؟ 2 - يشوفوك طالع من الحمام مبلول يسألوك استحميت ؟ لا طالع من البحر 3 - واقف عند الاسانسير في الدور الارضي يسألوك ، طـِآلع فوق ؟ لا مستني الشقة تنزل لي 4 - أكون في الحمام يخبطو علي الباب يسألوني بتعمل ايه ؟ قاعد االعب بلاستيشن 5-يشوفوا عربيتك مخبوطه يسالوك حادث ؟ لا والله نيو لوك 6-يشوفوك قاعد تكح وعندك زكام يسألوك تعبان ؟ لا بعمل بروفة 7- يجولك وانت في السرير مغمض يسألوك هتنام ؟! لا بأحاول أموت 8- طالع من المسجد و يسألوك خلصتوا ؟ لا الإمام طلعنا فسحة

كان يوما عاديا كباقى الأيام ..... كنت صائمة ... رن جرس الهاتف .... لو استطعتى ...احضرى اليوم ...الوالدة فى خطر ..والموقف حرج... لم افكر مرتين .. .وضعت الضروريات وما احتاجه فى زيارة تستغرق يومان ..فى حقيبة صغيرة .. قالت ابنتى ...انتى صائمة ....وعلى سفر ...واعصابك منهارة .. حلال تفطرى ...هذه رخصة .. قلت لها ...لا...لن اسافر على جمل !!...بل هذا سبب اكبر كى اكمل صيامى .. قالت لى ....من المحتمل الا تكون رحلتك عن طريق طيران مباشر ....واحتمال تجدى طيران عن طريق فرنسا او المانيا او اليونان ....سوف اعمل لكى سندوتشات ... وعندما رفضت .....صممت .. عملت سندوتشين من اللحم ووضعت بعض ورقات من الخس ... قالت لى وهى تضحك ......كل شئ سيكون على ما يرام ... جدتى ستكون بخير ...انا صنعت لكى سندوتشات ....مليئة حب .. تذكرى انى احبك جدا ..وتذكرى انك مؤمنة ...وتذكرى ان كل شئ مقدر.. .ذهبنا للمطار ...حجزت تذكرة وانا فى السيارة .. كنت اتصرف وافكر بسرعة ...حجزت عن طريق لوفتهانزا.. كان لابد من المرور على فرانكفورت ..والانتظار ساعتين ثم اخذ طائرة الى الاسكندرية ... فى هذه الرحلات يتم تقديم وجبة خفيفة ... من هنا لفرانكفورت ...لم ااكل شئ ...كنت صائمة .. وصلت مطار فرانكفورت ..فى الثالثة .... علمت ان الطائرة لن تقلع قبل مرور ثلاث او اربع ساعات ... كنت امضى الوقت فى القراءة .والتفكير ..فى لاشئ... شعرت بالجوع .....نظرت فى الساعة .......باقى ساعة ونصف على ميعاد اقلاع الطائرة ... الظلام دامس فى الخارج .....فات آوان المغرب .... شعرت بالجوع ..... ذهبت الكافتيريا .........نظرت لأنواع الطعام .... لا رغبة لى فى تناول شئ من هذه الوجبات ..... طلبت قطعة كيك ..وشاى ... ركبت الطائرة ......قدموا شرائح ديك رومى وقهوة ... وصلت مطار الاسكندرية وانا فى حالة غريبة .......شئ داخلى يقول لى ..ان والدتى ستمر من هذه الأزمة ../ كان فى علم الغيب انها ستتوفى بعد ثلاثة اعوام من هذا الحدث /. وفى المطار وجدت اخوتى ....كنت اشعر بنفس شعورى كلما ذهبت الى الاسكندرية ...... وصل البحار الى الشاطئ .......وآن له ان يستريح... وفجأة ..........رأيته.. طفل فى حوالى السابعة من عمره ... ما الذى اتى به الى هذا المكان ؟؟ وفى هذه الساعة ؟؟؟ يضع يداه فى جيوب البنطلون ....... يرتدى قميصا بنصف كم ....كل ملابسه مهترئة ...... كان ينظر لى ويبتسم .... لم يمد يده ... لم يطلب شئ ............... وطلب كل شئ .. كانت نظراته تقول شيئا ....شيئا لا ادريه ....ومازلت كلما تذكرته تصيبنى قشعريرة ....... كان كأنه يأمرنى ...وكأنه يعاتبنى .........لماذا تأخرتى ؟؟ كنت فى انتظارك ....تعبت من البرد ...اين كنتى ؟؟؟ بدون شعور .....وجدت يدى تمتد الى جيبى .....اخرجت كل ما معى من اوراق نقدية .....قدمتها له وانا ابتسم .. اخذها على استحياء ......وظل ينظر لى .....وكأنه فى انتظار شئ آخر ..........وكأنه لم يكترث للاوراق النقدية .. شعرت بالحيرة .. اخوتى يستعجلونى ........ ماذا تفعلين ؟؟؟ فتحت حقيبة اوراقى ......لعلى كنت ابحث عن مزيد من النقود .. ورأيت اللفافة ......لفافة السندوتشات .. صنعتها ابنتى بكل الحب ......هناك فى قارة اخرى ... مددت يدى .....بكل الحب ........اخرجت اللفافة . اعطيتها للطفل ...... ورأيت اجمل ابتسامة من الممكن ان يقع عليها نظر بشر ... وشعرت بنشوة.وسعادة ..وراحة وتفاؤل ..... وضعت يدى على وجنتيه ...قبلته ... قال لى كلمة واحدة ... تصحبك السلامة .....

http://www.youtube.com/watch?v=uOcp1RxilJ8 حبك اصيل وكفاية - عفاف راضى - تصوير اصلى نادر

السلام عليكم ورحمة الله وبركاته نحن الان على نهاية عام 2011 بحلوه ومره واسال الله العظيم رب العرش العظيم ان يجعل القادم افضل باذن الله اكيد على مدار العام فيه ناس زعلت منى سواء بكلمه او بتصرف وسواء كنت قاصد او مكنتش قاصد او سواء كان معايا حق او عليا حق احب اقول فى نهاية السنه لاى حد زعلته بكلمه او بتصرف انا اسف انا بحد مكنتش اقصد انى ازعلك احيانا ضغوط الحياه والشغل والمسؤليه بتخلى الواحد يخرج عن شعوره ويكون عصبى طول الوقت فممكن يقول كلمه لواحد او يتصرف تصرف يزعل الناس منه ولكن عشمنا فيكم كبير احيانا الواحد بيكون انانى وبيفكر فى نفسه بس وبيبص للامور من جهته بس وبياخد قرار ويتسبب فى جرح ناس ولكن نحن فى الاخر بشر وليس ملائكه ارجو كل واحد انا زعلته سواء بكلمه او بتصرف او بقرار ان يسامحنى وميزعلش منى وطبعا مش هقدر اذكر اسماء لانى انا عارف نفسى مبهدل الدنيا فلو حبيت اذكر اسماء يبقى هقعد اكتب يومين تلاته علشان احصر الاسماء وتقبلوا تحياتى محمد

السلام عليكم و رحمة الله و بركاته طب بالصلاتو ع النبي كده و قبل ما نضرب كورسي في الكلوب...(وش اي حد من عصابة القناع الاسود) ممكن اسال هو يعني ايه رومانسية اصلا؟؟؟ هحكيلك موقف حصلي من قيمة عشرين سنة قبل الهجرة كنت مخطوبة لواد حليوة كدهوت...(هو و لاكان حليوة و لا يحزنون....انا اللي نفسي حلوة) و طبعا اختك لماضة عاشت دهر لا باس بيه ين قصائد نزار قباني و اضربيهم في الخلاط علي فاروق جويدة...مع شوية اغاني كدهوت من شريط اليسا الفقري بتاع اواخر الشتا...(بقيت اكرهه الالبون دوت اخر سبع حاجات) المهم في يوم من ذوات الاربع....قولت بس كديا بنت يا لماضة انتي تبعتيله مسج كدهوت من مقطع من اغنية...ده علي غيار الريق و بعدين العصر تبعتيله حتتين محشي.....قصدي بيتين شعر من قصيدة لنزار و نختم بقي الليلة بالكلمة اللولبية...اللي هي اولها باء و اخرها كاف....(ايون اعتبروا بفتيك...و عدوا الليلة) و ابتدت الخوطة آن آن آآآآآآآآآآآآآآآن تش موسيقي تصويرية ماراشات عسكرية اعمل الخطوة الاولانية مافيش رد الخطوة التانية مافيش رد التالتة بقي بتاعت طبق البوفتيك بالسلطات و التحابيش مافيش رد خالص و بعيدن قوووووووووووم ايه في نهاية الليلة لقيته بيبعتلي مسج لطيفة جدا بيقولي انتي كويسة...قلقت عليكي طول اليوم و دي كانت نهاية فرقة عوكاشة المرسحية طب نخلص بايه من اللت العجن دهوت نخلص ان اوقات كتير البنت بتبقي بسبب اسهال الافلام بتاعت اذكريني حين تغيب الشمس و تعمل طش....و بسبب يا عيني كل اغانينيا اللي هي عيون حبيبي ضاربة مقص شمال....ووحشتني يا بعيد....و امتي هشوفك عشان اقفل الباب علي صوباعك البنت نفسها ابتدت تتخيل ان هي دي الرومانسية و اسخف حاجة هي عيد الحب دوت....تلاقي الشوارع كلها لونها احمر....و بتمثل انها بتحب....طب مين قال الحب لا ليه شكل و لا مواعيد و لا قالب يتصب فيه الحب مش كتاب جاهز زي سلاح التلميذ هسلمهولي لما تيجي تتخطبي الحب ممكن يكون شموع...و ممكن يكون وردة ع المخدة الصبح....و ممكن يكون نوكتة تقوليهاله....او حركة شقية تفاجئية بيها....او تسحبي مثلا عربيته حبيبته من تحت ايده و تسيبه يركب مع باقي الشعب...(وش حد شرير) لو جاوبتي يعني ايه رومانسية صدقيني هتكتشفي مساحة جديدة معاه و هتقللي من مساحة الاحباط اللي ممكن بتجيلنا كتير الرومانسية مش انا بنبسط بايه الرومانسية اني اقدر انبسط و ابسطه من غير ما يجاملني و من غير ما اجامله و من غير ما نعيش قصص ناس تانية عارفة ممكن تلاقي اللي بيبسطه انه ياكل كوارع....ايون....(معرفشي ايه اللي بيعجبهم في رجلين البقر...بس ما علينا) و يمكن لما يحس انك بتعملي حاجة علشانه....مع انك بعديها ممكن ترجعي لمدة اسبوع.....اكيد راح تفرق...(بس الله يكرمك متبقيش تاكلي من الاسلحة ديت) و انا بكتبلك افتكرت حاجة من السيرة النبوية فاكرة الرسول صلي الله عليه و سلم لما كان بيحب يشرب من نفس الموضوع اللي كانت بتشرب منه السدة عائشة عليه افضل الصلاة و السلام اهي دي بالنسبة ليا قمة الرومانسية تفصيلة بسيطة.....بعيد عن عيون الناس....انتي و هو بس اللي نفهميها....و مهياش محتاجة هدة حيل....لكنها محتاجة روح بتحب بجد...و عايزة تكتشف اللي قدامها مش جوزك بيقولك مش خلاص اتجوزنا.....عارفة ده ممعناه ايه....معناه يعني انتي بقي فاضياله...يعني ابتدي جربي كل حيلة و كل فكرة و كل افتكاسة لغاية ما تعرفي زراير الريموت.....عشان ساعتها تلاقي القناة اللي تقدر تبسطكم انتو الاتنين و يا رب يملي ما بينكم....تفاصيل.....صغنتتة اوي....بس بتعمل بينكم ابجدية خاصة جدا مساكي...و صباحك....و كل أيامك....رومانسية....بس بتاعتك انت و هو مش حد تاني علي هامش المداخلة و كدهون متنسيش تطبقي ايدك بحتة بخمسة.....دي الفوزيتا بتاعت الكشف كان معكم لماضة تومارجي....العائلات:)

خوف إيه بس يا دريم ... بعد الشر عليكي من الخوف ده .. ربنا يسعدك يارب مش هقولك كفاية دعوات كل اللي بيقدروكي هنا ... كفاية دعوة والدتك ... ربنا يفرحها بيكي و تكوني بإذن الله أسعد زوجة و يارب يتمم لكم بخير وعن قريب بإذن الله نقولكم بارك الله لكما و عليكما و جمع بينكما في خير السعادة الزوجية في الاحسان لشريك العمر ابتغاء مرضات الله باستكشاف مساحات الرحمة و المودة و السكينة .. ولأن كلا الطرفين فعلا محتاج لحنان النظرة و الكلمة قبل حنان اللمسة .. وحنان الصمت عن التأنيب .. أفضل من حنان الرومانسية بعد العتاب .. أخرج بقى .. قبل ما حد يحدفني بحاجة

موضوعك رائع يا مدام مؤمنه بس ممكن ادافع شوية عن الرجالة الراجل فى فترة الخطوبة واللى قبلها مش وراه مسئوليات يعنى بياخد مرتبه يصرف اللى عايزه ويحوش جزء للاعداد للزواج الراجل بيتزوج فى بداية حياته العملية وبتبقى الضغوط عليه ضعيفة مش فارقة معاه ساب شغله ولا انطرد منه لان ماعندوش التزامات ولا مسئوليات اما بعد الجواز وخصوصا بعد الانجاب الراجل بيشيل هم الدنيا وللاسف الصفة دى زايدة فينا كعرب وهو هم الاسرة ومسئولية رب الاسرة عن كل اسرته مسئولية تامة عكس دول اوربا الرومانسيين الراجل بيكبر وبتكبر همومه ومسئولياته وخوفه من المستقبل معاه انا هاشبه ليكى الزوجة العربية او المصرية بالوردة البلدى بتبقى جميلة وريحتها جذابة اول ماتقطفيها وتبدأ الراحة وشكلها فى الذوبان حتى تجف وتنتهى ريحتها تماما اما المراة الغربية فهى وردة عادية رائحتها عادية ولكنها تظل مشرقة والرائحة الزكية بها فترة طويلة ممكن حتى تموت تماما مشكلة الست العربية مش بتحافظ على نفسها ولا بتجدد نفسها الراجل بيجب التجديد يعنى شوفى كم من صديقاتك زاد وزنهم ولم يهتموا بمظهرهم داخل المنزل بعد الزواج ؟ كم من صديقاتك مازلن يحتفظن بنفس طريقة تعاملهم مع زوجهم كما كانت قبل الزواج ؟ قبل الزواج تكون المراء العربية رشيقة هادئة صوتها منخفض تهتم لنفسها بعد الزواج خاجة تانية وانا مش بالوم لان ممكن يكون حمل الاولاد وغيره تقيل عليهم لكن بصراحة دى مش حجة لان الغربيين عندهم ضغوط اكثر من المراة العربية شوفى الست الغربية بقى ما شاء الله تكون عندها 50 سنة ولسه محافظة على جسمها ولباقتها وصتها المنخفض والهدوء والاعتناء بالمظهر ومش عايز اقول الجمال كمان احتياجات الرجل للمراه قبل الزواج تختلف تماما عن احتياجاته بعد الزواج والمراة بالطبع ايضا قبل الزواج الراجل محتاج بنت تقوله حاضر وبس ليظهر عليها رجولته بنت حلوة وشيك علشان يحس انه مميز بعد الزواج عايز ست تحافظ على عرضه وماله وولده اما الست قبل الزواج عايزه راجل رومانسى يحسسها بانوثتها ويغرقها هدايا حتى تحس بتفردها وتميزها وبعد الزواج عايزه راجل يكفى مصاريف البيت ومصاريفها صدقينى يا مدام مؤمنة لا تلومى على زوجك فضغوط الحياة والعصر الحالى تقتل اى صفة جميلة فينا وربنا يسعدك انت وزوجك ملحوظة زوجك بتصفه هذا مش غريب بل اجزم ان 99% من الرجال مثله وال1% الرومانسيين هتلاقيهم ملاينيين عيوب تقل الرومانسية فى يوم من الايام

ايه الضياع اللى احنا بقينا فيه دة وايه كمية الشائعات اللى نازلة ترخ على دماغنا دى واشمعنا الشائعات دى ما ظهرتش غير ايام الانتخابات والظهور الغير متوقع للسلفيين هى صعبة دى انك تعمل صفحة على الفيس بوك باسم المنافس ليك وتكتب عليها كل تخيلاتك واحلامك ليه الدعاية الانتخابية بقت عبارة عن تنزيل من قدر المنافس ورميه بالشائعات علشان يخسر أصوات ليه مانرجعش لأساس الدعاية الانتخابية اللى هى التعريف بالحزب/المرشح وانجازاته وبرامجه علشان يكسب أصوات كل ما تحول على قناة تلاقى واحد قاعد متربع يقول الاخوان عملوا والسلفيين عملوا....طيب انت عملت ايه علشان تنجح دة حتى المنتدى هنا ما يزيد عن نصف المواضيع بقت مهاجمة للإسلاميين وخصوصاالسلفيين اللى بيشجع توجه معين يقولنا على مميزاته وأهدافه علشان نستفيد ونقدر نقرر مين نختار..مش يقولنا على سقطات التوجهات التانية انا لسة هانتحب فى المرحلة التالتة انتخابات وكل اللى عرفتو عن الاحزاب لحد دلوقتى ان الإسلاميين ركبوا الموجة ولو أخدوا اغلبية هايبهدلونا الله يعينا على على الفشل بتاع الاعلام المصرى

حضرتك كنت موجود في القرعة وشفت بنفسك ولا الكلام ده نقلا عن مين؟ أعتقد انه صعب قوي تحصل تجاوزات بالشكل العلني الفاضح ده دلوقتي والله حضرت القرعه وناس لفتت نظره للكلام ده ومفيش فايده لأن هما كش بيعدوا

مجلس الوزرا وافق ان فرز الاستمارات يبقي في اللجان الفرعية بداية من انتخابات مجلس الشوري "الوزراء" يوافق على فرز أصوات "الشورى" داخل اللجان الانتخابية وافق مجلس الوزراء فى اجتماعه اليوم، برئاسة الدكتور كمال الجنزورى، على إجراء عمليات فرز التصويت داخل مقار اللجان الانتخابية، على أن يتم تطبيق ذلك اعتباراً من انتخابات الشورى المقبلة. وقالت فائزة أبو النجا، وزير التخطيط والتعاون الدولى، فى مؤتمر صحفياً عصر اليوم: "الوقت لا يسمح بتطبيق فرز التصويت داخل مقار اللجان الانتخابية فى المرحلة الثالثة للانتخابات مجلس الشعب". وأوضحت أن مجلس الوزراء وافق أيضاً على تعديل قانون الكسب غير المشروع بما يسمح لرئيس إدارة الفحص بالكسب الغير مشروع بمتابعة قضايا الجهاز أمام المحاكم لأنه أكثر إلماما بها.

أولا ربنا ينتقم ممن قسمنا مسلمين و مسلمين علي ما تفرج ثانيا ،، معتقدشي اساسا البرادعي هيوصل للإعادة أساسا و لو وصل هتيجي الإعادة توحد ضده لو ما يدعي التيار الإسلامي بيدور علي توافق وطني فعلا فليلفتوا حول د/ أبو الفتوح حيث أنه مرشح مقبول من كافة التيارات

فعلا هو بيهاجم الطرفين باسلوب يخلي كل طرف يعتقد ان التاني هو اللي بيهاجمة و بيدورو على مساحات الاختلاف حتى لو لم تكن كبيرة شكرا لك

بعتذر لأي حد أسأت إليه . و بتمنى أنه يسامحني فعلاً الفترة اللي فاتت أنا كنت مُستفذ جداً و مازلت برده ! و معرفش بصراحة مين الل عداني بالمرض المهبب دا .. بقا إدمان بصراحة إستحملوني مرحلة و هتعدي :) ياريت بقا محدش يزعل منى و عام سعيد عليكم جميعاً

دي سفالة ولا علاقه لها بالفن أو الصحافة او الادب وهل مثلاً لو كان اللي في الصورة ده مسيحي .. كانت الدنيا هاتسكت ؟ او إحنا حتى كنا هانسكت ؟ في ثوابت في المجتمع لا يجب ان نتخطاها ويجب إحترامها .... إحنا مش اوروبا أو أمريكا عشان الدنيا تبقى سداح مداح

هذه الجريدة تخطت حدود حرية الرأي الى الإهانة و التجريح . كما أنها لم تلتزم بقواعد الحيادية و الوقوف على مساحة واحدة من كل الأطراف . وأرى أن اعتذار مجدى الجلاد يعد منقوصا إذا لم يحذف هذه الصورة المعيبة ويحاسب من نشرها. ولكن اقول للأخوان و النور , تلك سنة الحياة , فدائما للنجاح أعداء وحاقدين ومثبطين .

المكان: المشرحه الاشخاص: عطوه, عبد المعطي, فكيهه, نبيهه عطوة: يا نهار مش فايت .. الست المديرة جايه عبد المعطي: حط المصيبتين دول في اي ثلاجه من بتوع الميتين واقفلها يا عطوه فكيهه: يا مصيبتي..... نبيهه: ياوقعتك السوده يانبيهه ........ تعاليليي ياااامه عطوه: اخرسي ياوليه منك ليها .. لا اقطع خبرك... مديرة المستشفى: ايه الدوشه اللي جايه من ناحيه المشرحه دي افتح الباب ياللي جوه السكرتيره: مافيش حد جوه .. ده بس بيتهيألك المديره: هو انا مجنونه.. انا متأكده اني سامعه صوت من المشرحه السكرتيره: حاضر يا فندم نفتح الباب ونشوف.. المديره: انت معاكي المفتاح؟ السكرتيره: لأ .. ده مع عطوه وعبد المعطي المديره : اجري شوفيهم في انهي مصيبة السكرتيره : حاضر .. حااضر تروح السكرتيره تدور عليهم ما تلاقيهمش ترجع للمديرة السكرتيرة : مش موجودين يا افندم المديرة: نعم يا اختي ... راحوا فين؟ السكرتيره : ما اعرفش المديرة: اجري هاتي حد يكسر الباب السكرتيره:بس ... المديره: اسمعي الكلام.. قبل مااا... السكرتيره: احياااة ابوكي ما تكملي... تنادي السكرتيره على السكيورتي ويكسرواا الباب المديرة: خشي قدامي... السكرتيرة : اخش فين يا هانم... ما يصحش ... حضرتك الاول المديرة: خشي يا بنت.. بلاش دلع السكرتيره: لاااا يا افندم اخش قبل سيادتك .. ده لا يمكن يحصل ابدااا السكيورتي: خلاص .. انا اللي حدخل ... المديرة: انت لسه ما دخلتس؟؟ السكيورتي: ما حضراتكوا واقفينلنا في الباب... المديرة: انت بترد عليا... حسابك معايا بعدين السكيورتي: اللهم طولك يا روح المديرة: بتبرطم بتقول ايه يا ولد؟ السكيورتي: بسلم عــ الميتين السكرتيره: هما بيتكلموااا معاك.؟ السكيورتي: ايوه .. اصل ولا مؤاخذه في بينا حوار من زمااان .. المديرة: حوار ا يه يابن الــــــــــــــ...... السكرتيره: خلاص يا ست الكل :... هو انتِ حتعملي عقلك بعقل المهبول ده؟ السكيورتي: طب تحبي اثبتلك.. حمسي عليهم دلوقتي وحيردوا عليا... السكيورتي: مساااء الخير يا اهل الله يرد عطوه : مساء الفل يا اض يا ابو علي المديرة تترعش السكرتيره يالهووي .. يا لهوووي السكيورتي: امسكي نفسك بس !!! ايه الاخبار عندكوا؟ يرد عبد المعطي: مية فل واربعتاشر.. احلى من دنيتكوا ... السكيورتي: عندك حق.. حاكم عيشتنا بقت صعبه قوي يا اخويا الاسعار غليت, ومش لاقي شقة اجوز فيها عطوه: تعالى عندي احجزلك احلى شقه.. كامله من مجاميعه السكيورتي: حفكر في الموضوع ... المديره: تفكر في ايه يا اهبل.. بيقلك جمبه ..جمبه..... عارف يعني فييين؟ السكيورتي: عارف طبعا ياست الدكتورة.. كلنا لهااا.... وحدوووووه يرد عطوه وعبد المعطي لا اله الا الله ............... فكيهه: ايه المديره الهبله دي مصدقه انه بيكلم ميتين نبيهه: عندك حق ياخاله.. عينوها ا ازاي الوليه المتخلفة دي فكيهه: تلاقي وراها ضهر يا ختي.. نبيهه: اي والله يا خاله .. ده انا اللي علامي على قده .. فهمت الملعوب فكيهه: فهمتي ايه ؟ ما تفطميني يا بت نبيهه: اما نخرج من المدعوق ده بس .. فكيهه:.. هو انا لسه حستنى اما نخرج نبيهه: سيبني في حالي ياخاله الله لا يسيئك فكيهه: طب قوليلي. يابت.. فرحك فاضله قد ايه؟ نبيهه: فرحّي ؟ فرح ايه بس ؟ احنا في الثلاجه.. حنموووت فكيهه: فال الله ولا فالك يا بت دي كلها دقيقه واحده نبيهه: ليه هو انتِ واخده على كده ولا ايه؟ تلاقي هنداوي كان بيحطك في تلاجة المحل مع الدبيحه؟ فكيهه: بس يا بت بلا ش كلا م فاضي .. وردي عليا .. فرحك امتى؟ نبيهه: يا دي النصيبة السوده .. فاضله اسبوعين فكيهه: طب اديني ودانك كده ..لحسن في حاجات مهمة قوي لازماَ ولا بد اقلك عليهااا نبيهه: ارحميينني ابوس ايدك ارحمييييني. وتصرخ نبيهه.. وتخبط في باب الثلاجه وماحدش يسمعهاا.... يتبع...............

توالت التعليقات وردود الفعل الساخرة علي موقع التواصل الاجتماعي "فيسبوك" على خبر احتجاز توفيق عكاشة فى مدينة بلقاس بالدقهلية دقائق، ومنها: ملك ملوك العباسية وقائد ثورة الفاتح من نوفمبر.. محتجز داخل أحد المنازل بمدينة بلقاس وتجمع للأهالي يطالب بتسلّمه.. الماسونيين و العملاء عكشوني الحقني يامشير.. وإليكم التعليقات كما وردت ومنها: - ملك ملوك العباسية وقائد ثورة الفاتح من نوفمبر.. محتجز داخل أحد المنازل بمدينة بلقاس وتجمع للأهالي تطالب بتسلّمه - انا فاتح علي قناة الفراعين يارب يشغلوا بقا قرآن - الغازية لازم تنزل الغازية لازم ترحل - تبقة رجالة لو خلصتة علية - اراهن هايقولك دول ماسونيين و 6 ابريل فرع المنصورة هما اللى وراء اللى بيحصل ده .... ده عوكش وانا عارفه - اقسم بالله انا اعلم ان نهايته سوف تكون كنهاية القذافى - يا رب ما تكون نهايته زي نهاية ملك ملوك أفريقيا (ركلاً بالنعال ) ............ بعد كده الواحد مش هيلاقي حد يضحك عليه ......... القذافي و عكاشة يروحوا في سنة واحدة ............ رحمتك يا رب - متخيل منظره و هو مستخبي و بيبص من الشباك و يصرخ "كااااااااااااااك، كاااااااااك". - لولولولولولولولولوليييييييييييييييييييي, بركة ان ربنا وراني فيك يوم يا موكووووووووووس يابن الهبلة....... اوعوا تسيبوه يا عيال, ركبوه عالحمار بالعكس و اعملوا له زفة تليق بيه ههههههههههههههههههه - اها عندنا انا شوفته وضربو عليه نار انا فرحت فيه والله رمز دكر البط ده ههههههههههه - اى واحد هيلمس عكاشة انا هخلص عليه امال هنضحك على مين مش كفاية القذافى - خيانه حقيقيه محاوله دنيئه من اعداء الوطن فى اجهاض ثورة التصحيح وقائد العباسيه والفاتح من ديسمبرقاهر الماسونيه الاول دكتور توفيق عكاشه - شوية وقناة الفراعين تنزل خبر "كوماندوز ماسوني" يحاصر قائد ثورة التصحيح في بلقاس ويتصلو بعكاشة يقولهم "يردونني اسيراً او طريداً او قتيلاً وانا اقول بل شهيداًَ شهيداً شهيداً" - الماسونيين و العملاء عكشوني الحقني يامشير - مكنشي يومك يا عكوشتى يا رمز البطه - فيه جموع من شعب العباسيه واحد رايحين يحرروا المخطوف - عوكشوا فى المصيده - شوية وقناة الفراعين تنزل خبر "كوماندوز ماسوني" يحاصر قائد ثورة التصحيح في بلقاس ويتصلو بعكاشة يقولهم "يردونني اسيراً او طريداً او قتيلاً وانا اقول بل شهيداًَ شهيداً شهيداً" -ههههههههههههههههههههههههههه مين اللى هيزغط البط -اهالى بلقاس هيزغطوا عكشه ٣٠٠ قرص جله و ٥٠٠ حزمه جرجير لغاية ما يشبع -يا قوم المنصورة ،يبدو أن عكاشة قد تم عكشه، و جاري عمل الصح معاه في بلقاس،أسمع احلى سلام للبلاقسة -عاجل : وصول مسيرة البط و الهتاف الآن ، يا عكاشة يا مظبتنا من بعدك مين هيزغتنا -قمة الكوميديا ﻫﻲ ﺃﻥ ﻋﻜﺎﺷﺔ ﻛﺎﻥ ﻣﺤﺒﻮﺳﺎ ﻓﻲ ﻣﻨﺰﻝ ﺍﻟﺤﺎﺝ ﻃﻪ ﺃﻛﺒﺮ ﺗﺎﺟﺮ ﺩﻭﺍﺟﻦ ﻓﻲ ﺑﻠﻘﺎﺱ. -انباء عن توجه قوات خاصة من الصاعقة لتحرير عكاشة في بلقاس..رمزها (3بطات)... و قوات الصاعقة بتهتف ومسموع صدي صوت..صاعكاك..كاك..كاك. ولكن يبقي يوم الافراج عن عكاشة هو يوم 13-13-2013. -خبر عاجل.. قامت الشرطه بتحرير عوكشه من ايدي الجماهير التي ارادت الفتك به والاعتداء عليه وفي حوار مع عوكشه بعد ماتهري ضرب قال "انا كعكاشه انبسطت" -رسالة من باسم يوسف لأهالي المنصورة على تويتر "سيبوه ده بتاعي أنا" -عكاشة مزنوق فى العشة واهالى بلقاس حالفين يزغطوه :)) -ياجماعه من مصادري الخاصه مش هيسيبوه غير اما يقولهم ربطة الجرجير فيها كام عود ..... -المنصورة طلعت كلها ماسونيين.. يا عكاشة سير سير إحنا وراك بالمواسير بوابة الاهرام وده كانت نهاية واحد باس ايد صفوت الشريف

لقيت الفيديو ده عن الديمقراطية والاسلام للداعية البريطاني عبد الرحيم جرين سبحان الله برغم انه اجنبي عايش في الغرب بس عنده اعتزاز كبير بالنظام الاسلامي وبيعتبره اعدل من اي نظام ديمقراطي وجد في العالم يا ريت تشوفوا رأيه http://www.youtube.com/watch?v=Frvjuaea22w

مقال لخالد صلاح اليوم فى جريدة اليوم السابع كل هذا الخوف من الانهيار الاقتصادى، أو الفزع المصرفى، أو انقلابات البورصة، لم يمنع الملايين من أبناء مصر فى الخارج من مضاعفة قيمة تحويلاتهم المالية إلى البنوك المصرية، لتحقق التدفقات النقدية للعمالة فى بلدان الخليج وأوروبا رقما قياسيا هذا العام، لم يتحقق فى أزهى عصور النظام البائد، وفق تقديرات البنك المركزى. أنت تعلم أن هذه التحويلات هى جزء لا يتجزأ من خريطة الناتج القومى لهذا البلد، ومن ثمّ فإن هذا الخبر لا ينبغى أن يمر مرورا عاديا، فيمضى فى حال سبيله دون قراءة دلالاته العطرة، فالرسالة من وراء ذلك مشرقة وكاشفة وباعثة على الفرح، إذ تكشف عن ضمير من ذهب لهؤلاء العاملين فى الخارج، وقلب وطنى لم يتغير بفعل الهجرة، ولم تصبه عوامل التعرية تحت قهر الخوف، أو رعب سقوط الدولة. فالمصريون فى الخارج يقدمون درسا فى الوطنية لكل هؤلاء الذين يتآمرون الآن لتحويل ملياراتهم إلى البنوك الآمنة عبر البحار، وإلى رجال الأعمال الذين ترتعش قلوبهم مع كل ضربة فى سوق المال، ويتباكون ليلا ونهارا، ويدعون الناس للبكاء معهم على شبح سقوط الدولة. المصريون فى الخارج رفعوا راية الجهاد الوطنى بهذه التحويلات، كأنهم يؤكدون للعالم أن أهل هذا البلد لن يسمحوا لأشباح الخوف أن تلعب فى العقول، ولن يتركوا وهم السقوط أن يتمكن من الضمائر، وأنه إذا ضاقت علينا الأرض بما رحبت، فإن سواعد المصريين فى الخارج والداخل ستحمى هذا الوطن من الهاوية، مهما كان الثمن عرقا وجهدا ومالا ودماء. إلى كل مصرى يعيش فى الخارج أقول: شكرا من كل قلبى.. قلوبكم ودعمكم وأموالكم معنا، فى كل وقت، وفى كل حين. عظيمة يا مصر. لنك الخبر http://www1.youm7.com/News.asp?NewsID=564837&SecID=12

السياسة شئ والمهنية الإعلامية شئ آخر تماما وبالتحديد في الجرائد لأنها تعتبر نفسها تمثل الرأي العام وتعتبر نفسها أيضا صاحبة الحق الدستوري في رقابة الجميع وبالتالي لابد أن تقف على مسافة واحدة من جميع التيارات نعم لا تحجب الرأي ولكن لا ترضى بالدونية في العرض أما في السياسة فممكن أنا وحضرتك نتكلم ونتحاور معا في السياسة وتتهمني بالإهتمام بالكرسي على حساب نفوس الناس وأنا أرد عليك بمنتهى الإحترام وأتهمك أيضا بالمتاجرة بدماء الشهداء ... وهكذا من السياسة التي لا تخفى عليك تحياتي...

معلش يا أم سلمى هي السياسة كده اللي يلعب سياسة مايزعلش من الحاجات دي كل الليبراليين والعلمانيين اتكفروا واتخونوا واتوصفوا بأنهم عملاء لامريكا ولاسرائيل وبأن لهم أجندات واترموا بتهم لا اول لها ولا آخر ، وعندك خالد عبدالله اللي بيقولوا عليه شيخ مش سايب حد إلا مقطع في فروته لدرجة انه تفوق على توفيق عكاشة. ماتخديش المواضيع بالحساسية دي وبعدين خلاص مفيش حاجة إسمها إسلاميين ، دي ناس دخلت انتخابات وبتلعب سياسة ، يبقى من حق الناس تنتقدهم بالشكل اللي يشوفوه ده حتى المجلس العسكري وهو من بيده السلطة لم يسلم من النقد والاتهامات والتخوين والعماة. ومجدي الجلاد غلطان لو حيعمل حجر على نشر الآراء.

شكرا للاستاذ عنبو علي الموضوع ، واحب اشارك انا كمان احب أقول لكل من أسأت إليه في يوم ولكل من أخطأت أو قصرت في حقه ولكل من آذيته بقصد أو بدون قصد . . . . . . . . . . . . . . . . . . إنتو لسه شوفتوا حاجة !!!!! اوعي حد يصدق انا بس لقيت الكلام ده علي الفيسبوك وعجبني قوي :) لكن طبعا انا باعتذر لأي حد زعلته في شئ ، ويا رب يبقي العام الجديد سعيد علي الجميع

هو كان لازم الواحد يحضر بنفسه ويضع الايصال فى الصندوق ولا ايه بالضبط

مبادرة رائعة لكن ومن غير زعل والله أنا عارف نيتك وقصدك الطيب يا ياسر انا أسف لا أقبل إني احمي كنيسة مسيحي ولا أقبل مسيحي يحمي مسجدي نحن في دولة أيها السادة ... ووحدتنا هي التي تحمينا .. دستورنا هي الذي يحمينا .... أخلاقنا هي التي تحمينا ... ديننا ً هو الذي يحمينا أتذكر زمان لما كنا أنقياء وطيبين ... لم يكن هناك جندي امام أي كنيسة أو حتى أمام محل صائغ ليه بقى مافيش ولا غفير حتى أمام أي مسجد .. في حين حراسات كثيرة أمام الكنائس .. ده تمييز وخلل في المجتمع ؟ وليه العملية تتحول إلى لجان شعبية ... وثغرات ومندسين ممكن يدخلوا وسط هذه اللجان ويحدث ما لا يحمد عقباة أنا نفسي نوصل لمرحلة عدم التمييز .... هو مسيحي علاقتة بربه يحاسبة عليها الله .. وأنا مُسلم أرفع رأسي وأعبد ربي وأفتخر إني باعيش في مجتمع لا يوجد به تمييز ... ومسلم او مسيحي هو مصري له نفس الحقوق وعليه نفس الواجبات .. ولا فرق بيننا ... فالدين عُمره ما كان للتفرقة أو للتمييز ... وما يحكمني ويحكمه ويربطني به هو حُسن المعاملة تحت ظل وطن واحد ... ولو عاو أأكد على إني مسلم صحيح .. وهو يؤكد على إنه مسيحي صحيح .. يبقى لازم ده ينعكس على طريقة معاملتنا بعضنا البعض . وأخيراً .. اعتقد إن أجمل شعور بالحماية يشعر به القبطي من اخوته في الوطن المسلمين .. هو شعوره بعدم التمييز ....

شعور طيب منك يا عنبو .. ولحقت نفسك قبل نهاية السنة بتلات أيام انا كنت مقهور منك فاكر البط والفسيخ والجبنه الحادقة اللي وصلت لك من الشرقية وكتمت على المسائل ونسيتني ؟ ما تعملش كده تاني واللي ياكل لوحده يزور ... ولو عملت كده هايحصل لك زي واحد صاحبي ما تعرفهوش إسمه زهيري ... جاله شروة فسيخ نبراوي وفضل يحنسني .. وبعيد عنك على اللي حصل له بعدها .. إترمى يا مؤمن في اخر بلاد اللي مش مسلمين .. وأهو قاعد هناك بياكل فسيخ مجمد ( أيس فسيخ ) ولا الشيشة يابني ... بيقول لك هناك لو فكر بس يشد نفس شيشة ..وحد شم الدخان .. وزارة البيئة تشرشحه ... في حين كنا هنا بنعملها مدخنه والبوليوشن بيملا المكان ولا بيهمنا ... وادي اخرة اللي ياكل فسيخ لوحده

عودٌ أحمد يا غاليتي ذكرتني خاطرتك بقول أحدهم: " إن قلبي كالمقهى ... يأتون إليه ليرتاحوا قليلا ... ثم يرحلون" فهو لا يدرك أنه صاحب المقهى و أنه كان بإمكانه إغلاق المقهى عندما وجد زبوناً يريد البقاء للأبد ! ولكن يبدو أنه يستمتع بتنوع رواد المقهى و يعجبه أن يأخذ من كل بستان زهرة و لا ينتبه أنه بنهاية المطاف سيجد نفسه وحيدا مع باقة من الزهور.... الميتة !!

حلوة ومعبرة...... قرأتها أربع مرات للاستمتاع بها تحياتي

الحمد لله عدت سنة من ال 6 شهور بتوع الفترة الانتقاليه

الفاضل الأستاذ محمد الجروبات ع الفيس بوك عملت ثورة 25 يناير ما زلنا نعمم الحالات الشاذة و نتجاهل الحالة العامة و هي أصل هذا الشعب .. و بإذن الله مصر ستكون أفضل لنا و للأجيال القادمة .. فقط إذا نظرنا للجزء المملوء من الكوب و هو الأكبر بالفعل الكلام وحده لا يكفي .. الفعل أهم من الكلام ..

اخى الفاضل لماذا قمت بارسال شهادة الميلاد لمصر؟؟؟ لانى فى انتظار مولود بعد عدة اشهر وما هى اجراءات استخراج شهادة ميلاد لطفل مولود بالمملكة؟؟ خالص شكرى السلام عليكم ارسلت الشهاده السعوديه لمصر حتى يقوم احد اقاربى بأستخراج شهادة ميلاد مصريه من العباسيه بعد ان علمت ان استخراجها من القنصليه هنا قد يستغرق 45 يوم على احسن تقدير.. بالنسبه لأجراءات استخراج شهادة الميلاد لطفل مولود بالمملكه.. اعتقد ان حضرتك بتسأل عن الشهاده السعوديه.. بعد ما يجى المولود بالسلامه بتعمل حاجه اسمها تبليغ عن ولاده من المستشفى.. بعد كده بمده تتراوح بين 3 ايام و اسبوعين بتأخد تبليغ ولاده من المستشفى و بيكون مصدق عليه من الصحه و جاهز تدخل على موقع وزارة الداخليه و من صفحة الاحوال المدنيه تعمل حجز ميعاد..و فى اليوم اللي حددوه لحضرتك تأخد تبليغ الولاده ( اصل و صوره ) و جواز سفر حضرتك مع جواز سفر زوجتك و صور منهم.. و اقامة حضرتك و اقامة زوجتك و صور منهم و تطلع على الاحوال المدنيه اللى حجزت فيها و تدخل على شهادات الميلاد لغير السعوديين.. و خلاص بتأخد شهاده ميلاد .. .. و اي استفسار اخر يسعدنى الرد عليه

و الله من السهل جدا انني اخد مقطع من كلام اي علماني ليبرالي و هو بيطلب الحماية الدولية او الليبرالية الغربية و هقول ماذا سيفعل الليبراليون اذا حكموا مصر ؟ وقتها الكل هيقول هذا لا يمثل الا نفسه البرادعي لا يمثل الا نفسه سويرس لا يمثل الا نفسه ابراهيم عيسى لا يمثل الا نفسه عمرو اديب لا يمثل الا نفسه عمرو حمزازي لا يمثل الا نفسه لكن احمد النقيب يمثل كل السلفين مع انه مش من حزب النور اصلا و لا يعترف به اساسا سبحان الله !!!!!!!!

(( من كثر ضحكه قلت هيبته , ومن اكثر من شيء عرف به , ومن كثر كلامه كثر سقطه , ومن كثر سقطه قل حياؤه , ومن قل حياؤه قل ورعه , ومن قل ورعه مات قلبه )) أمير المؤمنين عمر بن الخطاب رضي الله عنه.

مات عبدالناصر وشبع موت وبقيت سيرته في مصر يدل عليها أحزابه التي لم تحوذ ثقة الشعب المصري في كرسي واحد في البرلمان بقيت سيرته في لعن حكم العسكر صباح مساء والذي كان هو أحد أهم دواعمه ومؤسسيه ومات الهضيبي وشبع موت وبقيت سيرته في مصر يدل عليها جماعته التي حصدت حتى الآن ما يزيد على 70% من ثقة وحب الشعب المصري تحياتي

اهو انا بقى حسيت انى الراجل صاحب الدجاجه .. او الفرخه .. اللى اتهرى صفعات على وجهه ههههههههههههههههههههههههههههه

لا تكن مع الثورة، بس متتعودش على منظر الدم في شوراع وسط البلد، الدم في الشارع مش عادي، خصوصاً لو كان بيجري في الشوارع بسبب أوامر جهات سيادية... إغلي لما تشوف جثة شاب مات برصاصة على أرض وطنه، ابكي لما تسمع أمه بتتشحتف عليه، اكسر أي حاجة قدامك لم تشوف أبوه فاقد النطق و المنطق... ماتقولش عليه شهيد، بس ما تتعاملش معاه على إنه كلب! صدق إنه بلطجي، بس متحرموش من حقوق البلطجي... صدق إنه حشاش، إنه كذاب، إن قابض، إنه خاين، بس متفرحش لموته و متدافعش عن إللي قتله ... كل واحد مات وراه عيلة و أب و أم و زوجة و أولاد، و أحلام و حكايات و ذكريات... أنا مقتنع إنه مات عشان مصر، وانت مش لازم تقتنع بكدة.. لا تكن مع الثورة، بس خليك بني آدم منقووووول