لوحة القادة

يعنى هو انا ممكن اقول كلمة عن الرومانسية حسب وجهة نظرى ليه حصرتم الرومانسية فى الرجال او الازواج فقط فراى انها عملية نسبية تختلف باختلاف الشخص نفسه سواء زوج او زوجة لانى اعرف بعض الحالات يكون فيها الزوج هو من يبحث عن الرومانسية فى زوجته ولايجدها بمعنى ان الرجل يواجه كثيرا من الضغوطات فى مجال عمله وفى الطريق ويكون فكره مشغول بكثير من الامور فمن الافضل عند دخوله بيته يستقبل بوجه بشوش يمتص عناء يومه لكن مايحدث يفاجئ احيانا بقمطة فوق الراس وملابس غير مهندمة ورائحة بصل وثوم وكم من الطلبات والشكوى والضجيج من مشاكل الاولاد غير وجه عبوس غير مبرر ده صراحة يسد نفس اى راجل يقولها حتى السلام عليكم حتى لو اراد الراحة والنوم يزيد الصراخ مع الاولاد وصوت التلفزيون وحديثها فى التليفون بصوت عال فابن تولد الرومانسية فى مثل هذه الاجواء المادية والمشحونة والمشكلة الاكبر لو كان من هواة السهر ليلا وهى مجهدة طوال اليوم من وجهة نظرها هى عملت اللى عليها نظفت المنزل وطبخت وغسلت يبقى خلاص كده مهامى انتهت وسيبونى انام طيب يعنى واحد زى ده يقعد يكلم نفسه بالليل ولا المفروض يجدها انيسه يناقشها فى احداث يومه وتخبره عن امور البيت والاولاد فذلك حديثا ربما يراه الكثيرون انه بعيد عن الرومانسية لكنه بالعكس طالما هناك حديث باى صورة فهناك الفة وتفاهم يتبعها مشاعر و احاديث واهتمامات مشتركة يولد خلالها الحب ومن ثم تتواجد الرومانسية فى جو صحى فهى لم تكن مجرد كلمتين يقولهم الزوج لارضاء زوجته فى لحظة صفا وكان الله بالسر عليم الرومانسية من وجهة نظر الرجال تصرفات ومن وجهة نظرنا نحن النساء كلام فيحدث التعارض لكن انا الرومانسية عندى ليست قاصرة على كلمات العشق والحب فقط انما حنية وتقدير وخوف ولهفة وشوق ربما لاتعبر عنها الكلمات بقدر الفعل خلاصة الكلام ان لكى نحيى الرومانسية فى بيوتنا لابد ان نشارك فى صنعها احنا الاتنين بشتى الوسائل فلكل فعل رد فعل واسفة ان اقول لاتتواجد الرومانسية الا بين الزوجين العاشقين والمحبين لبعضهما فكثيرا من الزواج الخالى من الحب والمشاعر لاتنتظر منه الزوجة او الزوج اى رومانسيات بالمرة لانه زواج عملى اعتمد على العقل فقام على العشرة الطيبة لا غير الرومانسية ليست ورود وشموع واهات لكن احتواء كل طرف للاخر حتى ولو بنظرة دون كلام لكن لايفهم مغزاها سواهما هما الاثنين رغم وجود اخرين معهما وحولهما واجدك اختى مؤمنة لم تقصرى ولكن ابحثى عما يحبك هو ان تفعليه لا ماتحبى انت من وجهة نظرك فعله حينها ستجدى ماتبحثى عنه دون عناء فقط تعرفى على مفاتيح زوجك تملكين قلبه وجميع حواسه

أعتقد ان الموضوع حصل به خلط بين عنوانه و ربطه مع موقف رئيس حزب الأصالة اللي استنكره الغالبية من المصريين و اعتقد إن الخبر في صدر الموضوع يوضح ان السلفيين لا يرون مشكلة في التهنئة .. يوجد فارق كبير بين التهنئة و حضور القداس .. المفروض أن نناقش عنوان الموضوع و هو "النور" يرفض مشاركة الكنيسة بالقداس.. وأبو إسماعيل ينتظر الدعوة " و المحور الأساسي هو " رفض المشاركة في القداس " من فصيل سياسي سؤال لحضرتك يا أستاذ محمد .. بما إن حضرتك عايش في أمريكا فيه أي نائب في أي ولاية امريكية فيها مسلمين بيصلي العيد مع المسلمين ؟ بلاش أمريكا حضرتك لو فيه نائب مسيحي عن دايرة معينة في مصر .. أهل دايرته عاوزينه يشاركهم في أفراحهم و احتفالاتهم زي حضرتك ما قلت .. هل ممكن الناس دي تلومه إنه ما راحش يجامل أهل دايرته و يقعد معاهم في المصلي يوم صلاة العيد .. و هل فيه حد هيدعيه أصلا .. السؤال اللي بيطرح نفسه هو ليه الكنيسة وجهت الدعوة لحزب النور لمناسبة دينية بحتة .. على الرغم من إنهم عارفين رأيهم المعلن مسبقا إنه لا يجوز تهتنئهم بأعيادهم ؟؟؟ يعني هم عارفين .. إنهم مش هيوافقوا .. يبقى إيه الهدف ؟؟ طب سؤال تاني .. هو ليه لم يتم توجيه نفس الدعوة لشيخ الأزهر و المفتي ؟؟؟ هم دول برده مش شخصيات عامة و سياسية رغم مكانتهم الدينية .. شيخ الأزهر بعت مندوب تأييد للتحرير في جمعة 25 نوفمبر يعني له مواقف سياسية .. شيخ الأزهر بيروح يزور البابا شنودة في أكثر من مناسبة .. والمفتي عنده سعة في حضور المناسبات و له واقعة شهيرة في موافقته على تقطيع تورتة عيد ميلاده الـ 57 في أحد نوادي الليونز بعد ندوة حضرها .. مع ذلك ما شوفناش حد وجه الدعوة لشيخ الأزهر أو المفتي لحضور قداس عيد الميلاد ... مع إن الواقع بيقول علاقة شيخ الأزهر و المفتي بالكنيسة و بالبابا شنودة و بالمسيحيين علاقة طيبة .. و دار الافتاء أصدرت فتوى عن تهنئة المسيحيين مخصوص للرد على كلام رئيس حزب الأصالة .. حد عنده إجابة ؟؟

خجلت من نفسي و ان أطالع هذا الموضوع في أحد المواقع , كيف هانت علينا الصلاة الى هذه الدرجة إلا من رحم الله. لماذا أصبحت الصلاة عملا روتينيا بلا روح ؟ اطلعت في هذا الموضوع على كيفية تعامل السلف مع تلك الفريضة العظمى التى تمثل عمود سنام الإسلام. أترككم معهم قليلا ثم لنا عودة باذن الله لنحاول البحث عن العلاج .................................................................. قال عمر بن الخطاب رضي الله عنه على المنبر: إن الرجل ليشيب عارضاه في الإسلام وما أكمل لله تعالى صلاة، قيل: وكيف ذلك؟ فقال: لا يُتم خشوعها وتواضعها وإقباله على الله عز وجل. هذا قول عمر بن الخطاب في صدر الإسلام، ماذا عن واقعنا نحن اليوم، والكثير –إلا من رحم ربي - تذهب به أحوال الدنيا كل مذهب، فهو يصلي ببدنه ولكنه يذهب بفكره إلى الدنيا وأسواقها ؛ يبيع ويشتري، ويزيد وينقص... وما ذاك إلا من الغفلة. فهذا أبو بكر بن عياش يقول: رأيت حبيب بن أبي ثابت ساجداً، فلو رأيته قلت ميت، يعني من طول السجود. أما ابن وهب فقد قال: رأيت الثوري في الحرم بعد المغرب، صلى، ثم سجد سجدة، فلم يرفع حتى نودي بالعشاء. ولم يكن يشغلهم عن الصلاة شاغل، ولم يكن بينهم وبين الله حائل، فالانتباه مقتصر على الصلاة والخشوع لله والتذلل بين يديه. فقد صلى أبو عبد الله النباحي يوماً بأهل طرسوس، فصيح بالنفير، فلم يخفف الصلاة، فلما فرغوا قالوا: أنت جاسوس، قال: ولم؟ قالوا: صيح بالنفير وأنت في الصلاة فلم تخفف. قال: ما حسبت أن أحداً يكون في الصلاة فيقع في سمعه غير ما يخاطب به الله عز وجل. وكان الإمام البخاري يصلي ذات ليلة، فلسعه الزنبور سبع عشرة مرة، فلما قضى الصلاة، قال: انظروا أيش آذاني. وعن ميمون بن حيان قال: ما رأيت مسلم بن يسار متلفتاً في صلاته قط خفيفة ولا طويلة، ولقد انهدمت ناحية المسجد ففزع أهل السوق لهدته وإنه في المسجد في صلاته فما التفت. وعندما سُئل خلف بن أيوب: ألا يؤذيك الذباب في صلاتك فتطردها قال: لا أُعوِّد نفسي شيئاً يفسد علي صلاتي، قيل له: وكيف تصبر على ذلك؟ قال: بلغني أن الفساق يصبرون تحت سياط السلطان فيقال: فلان صبور ويفتخرون بذلك ؛ فأنا قائم بين يدي ربي أفأتحرك لذبابة؟!!. قال القاسم بن محمد: غدوت يوماً وكنت إذا غدوت بدأت بعائشة رضي الله عنها أسلِّم عليها، فغدوت يوماً إليها فإذا هي تصلي الضحى وهي تقرأ: (فَمَنَّ اللَّهُ عَلَيْنَا وَوَقَانَا عَذَابَ السَّمُومِ) [الطور:27]، وتبكي وتدعو وتردد الآية فقمت حتى مللت وهي كما هي، فلما رأيت ذلك ذهبت إلى السوق فقلت: أفرغ من حاجتي ثم أرجع، ففرغت من حاجتي ثم رجعت وهي كما هي تردد الآية وتبكي وتدعو. وعن حاتم الأصم رضي الله عنه أنه سئل عن صلاته فقال: إذا حانت الصلاة أسبغت الوضوء وأتيت الموضع الذي أريد الصلاة فيه فأقعد فيه حتى تجتمع جوارحي، ثم أقوم إلى صلاتي وأجعل الكعبة بين حاجبي والصراط تحت قدمي والجنة عن يميني والنار عن شمالي وملك الموت ورائي أظنها آخر صلاتي، ثم أقوم بين الرجاء والخوف وأكبر تكبيراً بتحقيق وأقرأ قراءة بترتيل وأركع ركوعا بتواضع وأسجد سجوداً بتخشع وأقعد على الورك الأيسر وأفرش ظهر قدمها وأنصب القدم اليمنى على الإبهام وأتبعها الإخلاص، ثم لا أدري أقبلت مني أم لا؟ يتبع

السلام عليكم ورخمة الله وبركاته الموضوع هو العنوان قاعدة شرعية "كلٌ يلزمه اجتهاده" .. سالم بن عبد الله لماذا اختفت هذة القاعدة من حياتنا لماذا اصبحنا ننكر على بعضنا في الفروع اكثر من الاصول احيانا !!! لماذا لا نحترم مذاهب بعضنا حاليا لماذا يطلب الازهري من السلفي ان يخضع لاجتهادة او العكس ؟ سأنقل بعض الجمل التي اعجبني اجزاء منها الخلط بين المذاهب و الفرق و الدعوات الاصلاحية دليل على جهل شديد بتطور الفكر الاسلامي و لولا ضعف الازهر و انحيازه الحالي لما تكلم الجهلاء https://twitter.com/#!/Essamas/status/152735198163902465 الحديث في الفرق و المذاهب أمر جيد و وسيلة لمعرفة أخطاء الآخرين لعدم الوقوع فيها ، المشكلة أن يكون المتحدث لا يحترم الشريعة فكيف نقبل حكمه https://twitter.com/#!/Essamas/status/152731636092518400 رغم اعتراضي قليلا على اسلوب الجملتين لكنه لفت النظر الى الفرق بين الفرق والمذاهب والمجددين ارجوكم يرحمكم الله اذا اعتقد احدكم بحرمانية امر و رأى ان غيره يستحله و لكل منهما دلائل شرعية بنى عليها اجتهاده الا يكفر الاول الثاني و لا يصف الثاني الاول بالتخلف الحوار يكون بالادلة و ان وصلو لطريق سد فكلٌ يلزمه اجتهاده و شكرا

تفتكروا لو الثوار كانوا سمعوا كلام مبارك و مؤيديه و صبروا عليه 6 اشهر كان هيحصل آيه ؟؟؟ مكنشي هيحصل أي حاجة أزيد أو أنقص من اللي بيحصل الآن

أرى أن هذا هو الموقف الشرعي السليم ، فلا ينبغي للمسلم أن يتهاون في أمر عقيدته والتي ما خلقه الله إلا لتحقيقها . فلقد خلق الله السماوات والأرض وأرسل الرسل وأنزل الكتب لأجل تحقيق عقيدة التوحيد . يحتفل النصارى في هذا اليوم بميلاد الرب (بعقيدتهم) ! وأنا مسلم موّحد صاحب عقيدة ورسالة ، فبأي شئ احتفل ؟! نعم أمرنا أن نعاملهم بالبر وبالقسط ، ولكن لم نؤمر بمشاركتهم في أعيادهم الكفريّة . وندعو الله أن يشرح صدورهم للدين الحق ، فوالله نحن نحب لهم الخير ونخاف عليهم من عذاب النار .

فلنسترح قليلا ونلتقط الأنفاس , دعونا نخرج قليلا من مطحنة السياسة ونبتسم مع بعض المواقف الحقيقية مع نجوم من اهل العلم وجدتها مصادفة ونقلتها لكم هنا.. :) ...................................................................................... - ركب أحد طلبة العلم مع الشيخ الألباني رحمه الله في سيارته و كان الشيخ يسرع في السير . فقال له الطالب : خفف يا شيخ فإن الشيخ ابن باز يرى أن تجاوز السرعة إلقاء بالنفس إلى التهلكة . فقال الشيخ الألباني رحمه الله : هذه فتوى من لم يجرب فن القيادة . فقال الطالب : هل أخبر الشيخ ابن باز . قال الألباني : أخبره . فلما حدث الطالب الشيخ ابن باز رحمه الله بما قال الشيخ الألباني ضحك>>> وقال : قل له هذه فتوى من لم يجرب دفع الديات !!. bsh:) (ترجمة السدحان للشيخ ابن باز ). :":":":":":": يقول أحد طلبة العلم.... من الأجوبة اللطيفة التي سمعتها عن سؤال يقول فيه صاحبه انه متزوج ويريد الزواج بالثانية بنية اعفاف فتاة فقال له الشيخ ابن عثيمين اعط المال لشاب فقير يتزوجها وتأخذ اجر الاثنين. ;) :":":":":":":": ومن طرائف الشيخ ابن عثيمين مع الشيخ ابن باز رحمهما الله أنه مرة سألهما شخص فقال : لقد اخترع لنا جهاز ينبّه على السهو أثناء الصلاة ، فلا يسهو المصلي إذا استعمله ، فما حكمه ؟ فسكت الشيخ ابن باز وضحك الشيخ ابن عثيمين رحمهما الله وقال : اسأله أهو يسبح أم يصفق ؟ .. :) وكان الشيخ يقصد التسبيح للرجال والتصفيق للنساء :":":":":":": وسأل ابن عثيمين أحدهم : ما يفعل الشخص بعد أن ينتهي من الدعاء ؟ . فرد الشيخ : ينزل يديه...!! :P

بسوا الموضوع ده نفسى اناقشه بعد الزواج اوى من باب من شاف مصيبة غيره ممكن تهون عليه مصيبته خاصة مع زوجى اللى علاقته بالرومانسية زى علاقة شماعة الملابس برباط الجذمة كده بالزبط رغم انه و الله العظيم كان رومانسى موووووووووت فترة الخطوبة :blink: و طبعا دلوقتى لما بساله ايه الللى حصل يقولى ما انا اتجوزتك خلاص يعنى كان بيضحك على عقلى لحد ما اتجوزنى اللى غايظنى بئه انك تسالى اى رجل يقولك انا مراتى مش مهتمية بي رغم انه ممكن يكون هو اللى توبها تعمل كده و هحكيلكم عن مواقفى معاه و انتم احكموا بعد ما فات شهر و نصف كده قلت بس اعمل يوم حب و رومانسية جامد اوى اتصلت بحماتى الله يرحمها و عرفت ايه اكثر 3 اصناف اكل بيحبها و نزلت جبت كل حاجة طازة bv:- و شلت كل حاجة على قلبى و روحت لصديقة امى اللى طبخها ميختلفش عليه اتنان bv:- و بتعمل اكل و تبيعه لان نفسها تحفة و مكنتش عايزة غلطة فى اليوم ده و زينت الشقة ببالوانات و وورود حمرا و زينت نفسى و جبت شمعتان حمر ووولعتهم و رتبت السفره باطباق و اكواب عليها قلوب كريستال و ملئت الاكواب بعصير فراولة من الاخر عملت كل اللى على و زيادة و الله bv:- المهم استنيت جوزى و اول ما دخل و بص على الشقة و السفرة قالى باستغراب :هو النهاردة عيد ميلادى ..ولا ..عيد ميلادك ....فيه ايه انا نسيت عيد ايه و كان فعلا متحير انا(ضاحكة) مفيش اى اعياد يا حبيبى ......ديه بس رومانسية بسلى بريبه و دخل الى الغرفة و غير ملابسه و جاء لياكل اطفئت الانوار و ولعت الشمع و جلست بجانبه على السفرة بص الى الشمع الاحمر كده و قالى : هو النور قطع قلتله : لا قالى :طيب ممكن تولعى النور عشان اشوف انا باكل ايه ........ولعت النور و انا مستسلمة و بقول معلش يمكن لسه متفاجا بدا ياكل و يقولى : ايه ده انت عاملة الكوسة بالبشاميل من غير صلصة و الملوخية ناقصة ملح و الارز يعنى مش بطال بصراحة اتغظت اوى و قلتله مش انا اللى عاملة الاكل تنت ......هى اللى ساعدتنى فيه :sad: قال: اه بس ابقى اسالى ماما بتعمله ازاى و اتعلمى منها واضح ان تنت ...نفسها مش جامد اوى بدا الغيظ داخلى يزيد و لكنى لايمتها و قلت حاضر بدا ينظر الى الكاس الكريستالى المزين بالقلوب بريبة و ضيق :ايه العصير الاحمر اللى فى الكاس ده جاوبت باستغراب :عصير فراولة جاوب بارتياح .... :اه اصلى افتكرته شربات و انا مبحبش الشربات بدا ت اتخنق و روحى تطلع و انا بفكر هو يعنى لو كان شربات كنت شربتهوله بالعافية يعنى bsh:) اخيرا بعد ما اكل قلتله حبيبى انا عملتلك كيكة و كانت الكيكة رائعة و هى على شكل قلب و مزدانة بالورود قالى بمنتهى القرف و هو بيبصلها كده : انا مبحبش الكيك و بحب التورتة بس هنا بقى فاض بيه و قلتله معلش المرة الجاية هبقى اسال مامتك بتطبخ ازاى (حماتى نفسها حلو بس عادى مش متميز زى )و ابقى اعملك تورتة اى اوامر تانية و قمت اعيط فى اودتى :sad: اللى يغيظك بئه ان الاكل اتمسح يومها من الصوانى و حتى الكيكة اكل نصها بالهنا و الشفا و من يوم هذا الموقف بحضر ايام جميلة و رومانسية لكن ما بستناش منه كلمة حلوة الحقيقة لانه تقريبا نسى الكلام الحلو و هو بيمضى على عقد الزواج و كثير بحطله رسائل حب لطيفة فى جيب القميص و البدلة و يجى و لا حس و لا خبر حتى يا مومنين لما بعد كم سنة قلتله نفسى فى شهر عسل بدل اللى باز و قررنا نروح رحلة لاوروبا اصر ناخد طفلنا الصغير معنا مما جعل الاستمتاع بالرحلة يضيع تماما خاصة بعد ما رجعت من الرحلة على دكتور العظام لاصابتى بالتهاب حاد فى الاعصاب من مجهود شيل الولد طوال الوقت انا بصراحة مش زعلانة لا الحمد لله انا مبسوطة لانه ورغم ان كان من كثر ما بيقولى يا ماما اصبحت متاكدة انه نسى اسمى الا انه حنون جدا و طيب و بيحبنى بس فى صمت و شموخ ابو الهول كده و بحاول على اد ما اقدر اكون رومانسية و استنى منه بعد كده يدخل على بطلبات البيت من السوبرماركت و هو مبسوط جدا لانه عمل الل عليه و زيادة او يتنازل و يتواضع و يقرر ميشوفش التعليق على الماتش بعد ما شاف الماتش نفسه عشان يشوف معايا فيلم او حتى يقرر انا بيحبنى اوى اوى اوى و يرضى يقعد ما الولد ربع ساعة بس لغاية ما اعمل اى حاجة تانية الحمد لله انا بحبه جدا و متاكده ان ابو الهول قصدى زوجى بيحبنى برده و سعدا بس تقولى ايه الانسان مبيعجبوش حاله

الاستاذ الفاضل اسلام المصري طبعا الخمر منكر مش عارفة إيه اللي قلته أوحي لك أني معترضة علي ان الخمر منكر بالعكس أنا قلت المنكر هو اللي ربنا نهي عنه ، والخمر ربنا نهي عنه في القران يبقي إيه المشكلة ؟ ما أنا قلت لحضرتك هات لي الامر في القران مثلا بتجارة الرقيق علشان اقتنع انها كانت معروف طب هل ممكن حضرتك تقتنع ان عتق الرقيق هو اللي معروف ، أنا مقتنعة انه معروف لان ربنا بيقول " فك رقبة " ممكن برضه الإحسان للرقيق والرحمة في معاملتهم يكون معروف لان ده اللي أمرنا بيه الرسول صلي الله عليه وسلم يعني المعروف هو الحاجة اللي حتاخد عليها ثواب حتي الحديث يقول صنائع المعروف تقي مصارع السوء مش معقول يكون المتاجرة بالرقيق تقي مصارع السوء انما الإحسان للرقيق وعتقهم ده عمل صالح ممكن يقي الانسان من سوء الخاتمة علي العموم أنا برضه تعبت من الجدل في النقطة دي ولو ما يضايقش حضرتك ممكن ننهي النقاش في الموضوع لان من الواضح ان ما حدش قدر يقنع التاني واختلاف الرأي لا يفسد للود قضية وتحياتي لحضرتك

والله ملحوظة الميكروباص دى مهمة جدا .. انا كتير فى مصر بشاور لعربيات بيضاء وبعدين تطلع ملاكى مش تاكسى :) فهتبقى حاجة غريبة ان كل الناس تقعد تشاورلى على انى ميكروباص ...ههههههههههه كمان فى ناس بتتريق علي العربيات البيضا والمندوب قالى بيقولوا راكب تلاجة ... هههههههههه وبصراحة انا شايف ان العربية لا يجب انها تكون ملفتة للنظر وعشان كده الاحمر والذهبى لم احبهم .. ورغم ان الشركة فيها جراج فى البدروم مخصص لى مكان فيه والعربية مبتشفش الشمس تقريبا الا فى الاجازة .. فالاسود مبيريحنيش نفسياً .. ولن اسعى ان عربيتى تكون مهمة فى مصر او يبان انها كده .. خصوصا بعد الثورة .. وخدوا بالكم من حتة الثورة دى جداً عشان كده استقر خاطرى واختيارى ولله الحمد على اللون .... ...الفضى وبعد التصويت الاولاد كلهم وافقوا عليه . وباركولى .. انا خلصت فى العربية امبارح وهاستلمها يوم الاحد القادم باذن الله يوم 1/1/2012 تحياتى وشكرى للجميع

كل اللى بيحصل فى مصر دلوقتى ينبئ بوضع خطير للثورة, وكل يوم المجلس العسكرى بيقعده فى السلطة كل ما الخطر بيزيد. أتمنى نتوحد كلنا تانى لمصلحة مصر قبل فوات الآوان

معذرة أنا لم أقرأ كل المداخلات ولكن قرأت المداخلة الأولى صدر الموضوع . خطأشائع يقع فيه معظم الرجال بعد الزواج وهو إهمال الجانب النفسي لدى الزوجة , بالرغم من أن الاهتمام بهذا الجانب منه كفيل بتهيئة جو سعيد و صحى له بعد عودته الى البيت . يظن الكثير من الرجال ان المرأة سترضى منه فقط تعبه وشقائه خارج البيت ليوفر لهم الحياة الكريمة , وان كان هذا محمود منه بلا شك إلا أنه غير كاف بالتأكيد لسعادة زوجته التى تنتظره اليوم الطويل لتسمع منه كلمة حانية ولو من وراء قلبه أو ثناءا على ملبسها أو تزينها له . مجهود بسيط وكلمات قليلة منه تبث السعادة في قلب زوجته , التى تعتبر عمله خارج البيت أو حتى عنايته و تربيته لأولاده أمرا مفروغا منه . ولذلك تجد الإسلام يهتم بتلك النقطة , فترى الشريعة الإسلامية تبيح للزوج أن يتلفظ بكلمات الحب و الرومانسية لزوجته حتى لو كان كاذبا في تلك المشاعر.

عشان نقطع الطريق على المغيبين واللي لغوا عقولهم من زمان .... فلن يتسامح أي مصري شريف ومحترم مع أي جهة مهما كانت تعمل خارج إطار القانون أو تتلقى معونات او ما إلى ذلك لتخريب مصر أياً كانت .. لكن عندما تتعمد تشوه كل الثوار وتجعلهم بلطجية ومخربين وهما اللي حرقوا المجمع العلمي اللي 99 % من الشعب المصري ما كانوش يعرفوا عنه حاجه بالرغم من إنهم حافظين منطقة التحرير حته حته . وعندما تتعمد وضع كل منظمات المجتمع المدني في سلة واحدة وتجعلهم مشاركين في قلب نظام الحكم والتجسس والعمالة و و و يبقى هناك مخطط وسباق محموم لتشوية كل من شارك في الثورة أو تعاطف معها قبل الذكرى السنوية الاولى لها بعد عدة أيام .. وذلك لكي يأتي يوم 25 يناير والظروف زي الطين .. والبلد على شفا الافلاس .. والثوار هما البلطجية .. والمظاهرات خربت البلد ووقفت العجلة ... وجمعيات المجتمع الوطني اللي في منها جمعيات عملت إنجازات تاريخية لم يحلم بها أحد ومنها الحصول على حق المغتربين في التصويت في كل الإنتخابات ... وتصويرهم على إنهم جواسيس أما البطل والمنقذ الحقيقي فهو المجلس العسكري ... الشريف العفيف الطاهر النقي .. اللي اعلن منذ أيام قليلة عن إقراض البنك المركزي المصري مليار دولار لانقاذ مصر .. على أساس إن طنطاوي جايبها من عند مامته أو من ورث ورثه .... وهو الذي يُغيث أهالي النوبة اللي غرقت بيوتهم من خراب ترعة عملها زكريا عزمي لري أراضية هناك ... وهو الذي يقوم الان ببناء وحدات سكنية لغير القادرين هــا .. يبقى مين الحلو ومين الوحش ؟

الكلام ده غير صحيح يا أستاذ محمد :protest: ربنا يبارك في حضرتك . . . آمين :)

ليه بندور على اللي يفرقنا بمنكاش؟

يا مزاجك يا اوزو اوزو 6*6 ب36 .... كله يدلع نفسه حبيبى يا عطوة هههههههههه

الشاب ده إسمه أشرف عبد الفتاح والقتلة واحد إسمه وليد الشامي .. والتاني إسمه سعيد حسانين فهل كده فرقت مع سيادتك الإسماء ؟ يعني لو خلينا أشرف عبد الفتاح ... إسمه عبد الفتاح أشرف .. عملت فرق كتير في تفكيرك ؟ بُص من الأخر يا اخ شرف .. الكل عارف أفكار سعادتك .. وإن لو ملايكة من السما نزلوا عشان يقولوا لك إنها كانت ثورة وأن هناك شهداء وأننا لا نعتبر من قُتل أمام قسم وهو يحاول إقتحامة بهدف سرقتة شهيداً بل هو بلطجي ونص ... والدليل إنك لم تذكر لا من بعيد ولا قريب من قتلوا في الميادين ... ده عادي بالنسبة لك أنا عارف أو يمكن كان فيه هناك اقسام شرطة متحركة وكان الثوار بيهاجموها لكن الفرق بيننا وبينك إنك كاره للثورة وكاره لأي إصلاح لمصر .. وتحاول جاهداً الظهور في مثل تلك الموضوعات فقط ... وبالتالي تريد تشويه أي ثورة للثورة ووضع كل الشهداء في صورة بلطجية أثمين وما إلى ذلك .. فالكللام معاك مش هايفيد ... وربنا يهديك

الرفع للتذكرة . تقبل الله منا ومنكم صالح الأعمال..

انت ايه تعليقك يا عزيزي :) المفترض إن حضرتك صاحب الموضوع , تضع تعليقا وافيا على الخبر الذى أوردته كما علمنا في قانون المحاورات . أليس كذلك ؟ :) على العموم مادام الزملاء قد بداوا في التعليق فلا بأس . لو دعانى زميل قبطي لحضور قداس في الكنيسة فسأعتذر له بلباقة لانشغالى و سأكتفى بتهنئته دون أن اتلفظ بألفاظ تتعارض مع عقيدتى . أى سأقول له مثلا كل عام و أنتم بخير . بالنسبة لحزب النور فالموقف مختلف . فلا بد من موقف رسمي محدد . فالحزب مثلا لن يتحجج بانشغاله كما سأفعل أنا :happy: بل يجب ان يعتذر عن قبول الدعوة لمخالفة ما سيستمعون اليه أثناء مراسم الاحتفال لصميم العقيدة الاسلامية وحضور هذه المراسم يعد اقرارا منهم لما يستمعون اليه . وفي نفس الوقت يدافع عن حريتهم في ممارسة عقيدتهم داخل كنيستهم ويكفل لهم ذلك ويحمي كنائسهم ولو بذل في ذلك دمه.

كلام جميل يا استاذ/روؤف بس مهو البنت برضو في فترة الخطوبه مش بيكون وراها مسؤليات وبتاخد مصروفها من اهلها وبتبقى متدلعه ومتستته في بيت ابوها وبعد الجواز بتشيل المسؤليه مع زوجها مسؤلية البيت والاولاد (ودي مش مسؤليه سهله على فكره) يعني الضغوط بتبقى على الطرفين مش على طرف واحد كلام حضرتك صح لكن لازم نراعي ان هيه كمان عليها مسؤليات يمكن اكبر من زوجها (في حالة انها تكون بتشتغل وبتراعي البيت والاولاد) يعني بتقوم بنفس شغل الزوج وكمان مضاف اليه مسؤليات اخرى بس انا عاوزه اقول ان المراْه رومانسيه بطبعها وبتفكر بقلبها اما الرجل طول عمره عقلاني وده الفرق

باشمهندس عصام ابننا عنبو استاذنا...عزوز...(معلشي محتاجينك بحرف العين) الف الف مبروك بقيتوا مثلث الرعب العيناوي و عشان الاضافات اللي تفتح النفس ديت....(طبعا نفس الزوجة انها تنزل علي راسه بايد الهون و هو نايم.....وش اجرامي جدا) فانا بقول انا فرشت ليكم ترابيزة كده علي ما قوسم في السندرة...هناااااااااااااااااااااااااااااااااااااااااااااااااك طب ما تخليكوا قاعدين متبقوش تقطعوا الجوابات تيكوب.....(ده صوت الباب و هو بيتقفل وراهم) تيكوب....(ده بقي صوت الترباس...احسن يفكروا يرجعوا تاني) ها كملوا بقي يا كتاكيت بتقولوا ايه :closedeyes:

الاستاذ الفاضل اسلام المصري بالنسبة لحزب النور فالأستاذ الفاضل تامر حسن محمد حط فيديو لكلام نادر بكار وبيقول انهم حيستخدموا الية النصح والإرشاد وحتي لو البعض رفض شئ حيصبروا عليهم ومش حيستخدموا إجبار ، إذن ما فيش داعي للخوف او اتهام الاسلاميين انهم حيدمروا مصر اما موضوع الآلية للأمر بالمعروف والنهي عن المنكر في الشريعة فهي بتترك للحاكم وتقديره فإذا رأي ان الامر مش حينصلح اللا بفرض عقوبة او منع مرتكب المنكر فده من حقه وحديث من رأي منكم منكرا فليغيره بيده بيدل علي مشروعية منع المنكر باليد للحاكم ، واللا لو الحاكم نفسه مش من حقه منع المنكر باليد آمال الامر ده نازل لمين ؟ وتقبل تحياتي

مازلت عند رايى اللى كتبته عدة مرات فى المنتدى كل القضايا فشنك ولتهدئة الراى العام وده للتالى اولا هاتحاكم ناس بقانون مشوه هم اللى عملوه وعدلوه لمزاجهم ومجهز لمثل هذه الاوقات بثغرات عارفينها ودرسينها ثانيا اللى بيقدم الادلة هى النيابة اللى كلنا عارفين اللى اتعينوا فيها اتعينوا ازاى طبعا ب100 الف او بواسطة او يكون ايوه قاضى وده طبعا من قمة الفساد فبالتالى وجودهم كان فى وجود الفساد فلا تتوقع ان يقدم وكيل نيابة ادلة وقضية محبوكة بل يترك الثغرات ختتى يدخل منها دفاع الكلاب المرتشين القتلة ثالثا اسناد القضايا اللى زى دى لقضاة معينين معروفين بالاسم من مرتشيهم واللى كانوا معينينهم لتاديب خصومهم امثال نور وقيادات الاخوان من امثال خيرت الشاطر رابعا ضحكهم على الناس بمقولة ان القضاء مستقل ولا يمكن الحديث عنه ولكن اجزم انه من اكثر اماكن الدولة فسادا واسالو الدكتوه نهى الزينى والمحترم احمد مكى وشوفوا مساخر الانتخابات الماضية طوال 30 عام واحد يسال والحل ايه الحل كل القضايا اما تتاجل لحد ما يتم تطهير القضاء وقيام مؤسسات الدولة ( مجلس الشعب وانتخابات الرئاسة والمحليات )ويتم توليه قضاه معروف عنهم النزاهه واديهم مرميين فى السجن او يتم محاكمتهم امام محاكم ثورية كلا الحلين جيد ولكن لكل منهم مساوءه

السلام عليكم و رحمة الله و بركاته طب بالصلاتو ع النبي كده و قبل ما نضرب كورسي في الكلوب...(وش اي حد من عصابة القناع الاسود) ممكن اسال هو يعني ايه رومانسية اصلا؟؟؟ هحكيلك موقف حصلي من قيمة عشرين سنة قبل الهجرة كنت مخطوبة لواد حليوة كدهوت...(هو و لاكان حليوة و لا يحزنون....انا اللي نفسي حلوة) و طبعا اختك لماضة عاشت دهر لا باس بيه ين قصائد نزار قباني و اضربيهم في الخلاط علي فاروق جويدة...مع شوية اغاني كدهوت من شريط اليسا الفقري بتاع اواخر الشتا...(بقيت اكرهه الالبون دوت اخر سبع حاجات) المهم في يوم من ذوات الاربع....قولت بس كديا بنت يا لماضة انتي تبعتيله مسج كدهوت من مقطع من اغنية...ده علي غيار الريق و بعدين العصر تبعتيله حتتين محشي.....قصدي بيتين شعر من قصيدة لنزار و نختم بقي الليلة بالكلمة اللولبية...اللي هي اولها باء و اخرها كاف....(ايون اعتبروا بفتيك...و عدوا الليلة) و ابتدت الخوطة آن آن آآآآآآآآآآآآآآآن تش موسيقي تصويرية ماراشات عسكرية اعمل الخطوة الاولانية مافيش رد الخطوة التانية مافيش رد التالتة بقي بتاعت طبق البوفتيك بالسلطات و التحابيش مافيش رد خالص و بعيدن قوووووووووووم ايه في نهاية الليلة لقيته بيبعتلي مسج لطيفة جدا بيقولي انتي كويسة...قلقت عليكي طول اليوم و دي كانت نهاية فرقة عوكاشة المرسحية طب نخلص بايه من اللت العجن دهوت نخلص ان اوقات كتير البنت بتبقي بسبب اسهال الافلام بتاعت اذكريني حين تغيب الشمس و تعمل طش....و بسبب يا عيني كل اغانينيا اللي هي عيون حبيبي ضاربة مقص شمال....ووحشتني يا بعيد....و امتي هشوفك عشان اقفل الباب علي صوباعك البنت نفسها ابتدت تتخيل ان هي دي الرومانسية و اسخف حاجة هي عيد الحب دوت....تلاقي الشوارع كلها لونها احمر....و بتمثل انها بتحب....طب مين قال الحب لا ليه شكل و لا مواعيد و لا قالب يتصب فيه الحب مش كتاب جاهز زي سلاح التلميذ هسلمهولي لما تيجي تتخطبي الحب ممكن يكون شموع...و ممكن يكون وردة ع المخدة الصبح....و ممكن يكون نوكتة تقوليهاله....او حركة شقية تفاجئية بيها....او تسحبي مثلا عربيته حبيبته من تحت ايده و تسيبه يركب مع باقي الشعب...(وش حد شرير) لو جاوبتي يعني ايه رومانسية صدقيني هتكتشفي مساحة جديدة معاه و هتقللي من مساحة الاحباط اللي ممكن بتجيلنا كتير الرومانسية مش انا بنبسط بايه الرومانسية اني اقدر انبسط و ابسطه من غير ما يجاملني و من غير ما اجامله و من غير ما نعيش قصص ناس تانية عارفة ممكن تلاقي اللي بيبسطه انه ياكل كوارع....ايون....(معرفشي ايه اللي بيعجبهم في رجلين البقر...بس ما علينا) و يمكن لما يحس انك بتعملي حاجة علشانه....مع انك بعديها ممكن ترجعي لمدة اسبوع.....اكيد راح تفرق...(بس الله يكرمك متبقيش تاكلي من الاسلحة ديت) و انا بكتبلك افتكرت حاجة من السيرة النبوية فاكرة الرسول صلي الله عليه و سلم لما كان بيحب يشرب من نفس الموضوع اللي كانت بتشرب منه السدة عائشة عليه افضل الصلاة و السلام اهي دي بالنسبة ليا قمة الرومانسية تفصيلة بسيطة.....بعيد عن عيون الناس....انتي و هو بس اللي نفهميها....و مهياش محتاجة هدة حيل....لكنها محتاجة روح بتحب بجد...و عايزة تكتشف اللي قدامها مش جوزك بيقولك مش خلاص اتجوزنا.....عارفة ده ممعناه ايه....معناه يعني انتي بقي فاضياله...يعني ابتدي جربي كل حيلة و كل فكرة و كل افتكاسة لغاية ما تعرفي زراير الريموت.....عشان ساعتها تلاقي القناة اللي تقدر تبسطكم انتو الاتنين و يا رب يملي ما بينكم....تفاصيل.....صغنتتة اوي....بس بتعمل بينكم ابجدية خاصة جدا مساكي...و صباحك....و كل أيامك....رومانسية....بس بتاعتك انت و هو مش حد تاني علي هامش المداخلة و كدهون متنسيش تطبقي ايدك بحتة بخمسة.....دي الفوزيتا بتاعت الكشف كان معكم لماضة تومارجي....العائلات:)

خوف إيه بس يا دريم ... بعد الشر عليكي من الخوف ده .. ربنا يسعدك يارب مش هقولك كفاية دعوات كل اللي بيقدروكي هنا ... كفاية دعوة والدتك ... ربنا يفرحها بيكي و تكوني بإذن الله أسعد زوجة و يارب يتمم لكم بخير وعن قريب بإذن الله نقولكم بارك الله لكما و عليكما و جمع بينكما في خير السعادة الزوجية في الاحسان لشريك العمر ابتغاء مرضات الله باستكشاف مساحات الرحمة و المودة و السكينة .. ولأن كلا الطرفين فعلا محتاج لحنان النظرة و الكلمة قبل حنان اللمسة .. وحنان الصمت عن التأنيب .. أفضل من حنان الرومانسية بعد العتاب .. أخرج بقى .. قبل ما حد يحدفني بحاجة

ايه الضياع اللى احنا بقينا فيه دة وايه كمية الشائعات اللى نازلة ترخ على دماغنا دى واشمعنا الشائعات دى ما ظهرتش غير ايام الانتخابات والظهور الغير متوقع للسلفيين هى صعبة دى انك تعمل صفحة على الفيس بوك باسم المنافس ليك وتكتب عليها كل تخيلاتك واحلامك ليه الدعاية الانتخابية بقت عبارة عن تنزيل من قدر المنافس ورميه بالشائعات علشان يخسر أصوات ليه مانرجعش لأساس الدعاية الانتخابية اللى هى التعريف بالحزب/المرشح وانجازاته وبرامجه علشان يكسب أصوات كل ما تحول على قناة تلاقى واحد قاعد متربع يقول الاخوان عملوا والسلفيين عملوا....طيب انت عملت ايه علشان تنجح دة حتى المنتدى هنا ما يزيد عن نصف المواضيع بقت مهاجمة للإسلاميين وخصوصاالسلفيين اللى بيشجع توجه معين يقولنا على مميزاته وأهدافه علشان نستفيد ونقدر نقرر مين نختار..مش يقولنا على سقطات التوجهات التانية انا لسة هانتحب فى المرحلة التالتة انتخابات وكل اللى عرفتو عن الاحزاب لحد دلوقتى ان الإسلاميين ركبوا الموجة ولو أخدوا اغلبية هايبهدلونا الله يعينا على على الفشل بتاع الاعلام المصرى

إنتي لسة شوفتي حاجة .. صبرك بس .. بصي يا دريم ... الرجالة الرومانسيين نوعين نوع بيتشقلب و نوع عادي ..

انا هتكلم عن بعض الاعضاء حاليا والبعض الاخر في مشاركة لاحقة بس محدش يزعل لان اللي هذكر اسمه هنا عزيز على قلبي والا مكنتش اقرب عنده من الاساس ابتدي بالساري : الشاب اللي فاكر نفسه بيشتغل كل اللي حواليه وفي الحقيقة الكل عمال يشتغله وضاحكين عليه ههههه بيفكرني باحمد مكي لما كان عامل خليجي وكل شوية يقول بلهجة مصرية مكسرة انا ابن بلد ومدأدأ بوسي : الصديق المفقود هند علي : الاخت الكبيرة الطيبة اللي مش بتنام الليل لو حد زعلان منها - حتى لو كان هو اللي غلطان قلب ابيض : الام صغيرة السن القريبة من اولادها لماضة مصرية : بنت الحارة الجدعه اللي حافظة كل كلام الشقاوة تيمور المراغي : كتر لعب (كاونتر استرايك وترافيان) بوظوا دماغه بهزر معاك يا تيمو انت حبيبي من ايام الجيزة بس لو تخف لعب الالعاب العنيفة جي هتبقى شاطر :) سمبا : الحساس ومفيش كلمة بعدها اغابي : المشاكس ونكمل في المشاركة التالية

الموت أو الوفاة يعني الوفاء بالحقوق الجسد يستعير ذرات من الأرض في رحلة الحياة و لابد من الوفاء بها للأرض مرة أخرى التراب إلى التراب و الروح إلى بارئها

هجيبلك م الآخر يا مصر، بكيفك غصب عنك هتتحرري، م الآخر إحنا مواليد السبعينات والتمانينات والتسعينات، تزايدنا بشكل أذهل العالمين بالرغم من أبلة فاطمة عيد وانظر حولك وحسنين ومحمدين وإوعي يا شابة تنسي الحبة. شربنا لبن بالفورمالين وكلنا وجبة مدرسية بسم فيران ونزلنا البحر في إسكندرية لما عملوه مصرف مجاري وبرضو ما متناش. وصلنا للبطالة والطفشان م البيوت من أهالينا وتمركزنا على القهاوي وقعدنا في السايبر بنلعب أتاري وبلاي ستيشن وان وتو وثري وقتلنا واتقتلنا ولما زهقنا دخلنا على الفيسبوك واتفقنا ع اللي سمّوها مؤامرة. إنسي يا مصر، إحنا خلاص حطيناكي في دماغنا .. هتتغيّري يعني هتتغيّري إمضاء مصري سبعيني تمانيني تسعيني مشترك كمقةل

للاسف يا س س المتضرر الوحيد من دا كلو هو المشاهد المريض الي بيلاقي بارقة امل في الي بيسمعوا ويشوفو مش بس تضرر مادي لا والضرر الاكبر نفسي وهو فقدانه لامل في العلاج والي موضحين انو مضمون مئه بالمئه في النتائج وهو المريض سواء عقيم ولا عندو سكر ولا تخين يجيب اللاسقه السحريه هيبقى ولا غزال في ريعن الشباب ولا تجيب الحلق الي بيعمل ايه ولا الحزام بتاع ايه ولا الكريم الي اول متهدن يشفطلك الدهون ولا تخلف ماشاء الله انا شفت الاعلان واذانا لعبهم على الوتر الحساس واستهتارعم بالام الناس جيبين واحد متشحتف على حتت عيل وفي كتير كده فهيضرو ايه لو كعلوا 200 جنيه كمان حاولات كتير مضنيه مع العلاج الفاشل وهو يوضع سرو في اضعف خلقو ويجري ويجيب دا حتى الضرب في الميت حرام قولي اناس بس تعمل ايه وهيا بدور على اي حاجه او اي امل وطالما الاعلان نازل في التلفزيون يبقى دا علاج مضمون وجيبين الدكتور زكي جمعه ( اي اسم) تلاقيه بياع طماطم بيقول انا عملت تحاليلي يامه ومتاكد من النتائج :closedeyes: