لوحة القادة

أنا مع النزول قلباً وقالباً أنا مع إتمام كتابة الدستور وأنتخابات الرئاسة في ظل عدم وجود خيال واحد عسكري على كرسي الحكم .. ولو كان بيعمل شاي وقهوة حتى مجلس الشعب يا سادة ليس نهاية المطاف ... فكل قصد وهدف المجلس هو أن يكون له موطأ قدم في الدستور وعلى كرسي الرئاسة أيها السادة ... الـ 6 شهور المتبقين على إنتخابات الرئاسة هي بالظبط لا تزيد ولا تنقص عن مرثية وبكاء الديكتاتور المخلوع يوم 1 فبراير وتوسله إلينا للبقاء 6 شهور فقط حتى يُسلم السلطة .... قصدي حتى يظبط السلطة ويظبط نفسه أيها السادة الأفاضل يا من تتابعون الأرقام ... البنك المركزي اعلن بالأمس إن الإحتياطي إنخفض كالمعتاد بمقدار 2 مليار دولار خلال شهر ديسمبر ووصل إلى 18 مليار دولار ... 18 مليار أي اننا على حافة الهاوية والأفلاس الحقيقي لما تعرفوا إن 5 مليار من دول لازم تكون محجوزه عشان نسدد فوايد ديوننا الخارجية أيها السادة أصحاب العقول والقلوب الم تلاحظوا معي إننا ماشيين بخطى ثابتة ومدروسة في الأنخفاض المتعمد 2 مليار كل شهر ... بغض النظر عن مظاهرات ولا اعتصامات ؟ طب ظبطها شويه عشان تقنعني .. مره أثناء سخونة الاحداث وخراب البلد وحرقها خليها 4 مليار مثلاً .. وفي الهدوء والسكينة خليها إتنين عشان تقنعني إن العجلة والبسكلتة بتتدمر مع المظاهرات والمليونيات .. لكن بهبل كده تمشيها تارجت وكوته واحده ما بتتغيرش ... تبقى أهبل لا مؤخذه وأبقى انا أهبل لو صدقتك ولو للحظة . من بيده الدفة وأدارة الإقتصاد والمصانع أيها السادة ؟ من بيده إستغلال ثروة مصر الداخلية خلال عام مضى ؟ سنة كاملة وانا شايف واحد مسجون في طره بيتحول لحسابة الشخصي 700 مليون جنية أرباح عن مصانع سرقها من الدولة ومن قوت الشعب والقضية متداولة حتى الأن وعيش يا حمار لو أتحسمت ... 700 مليون صافي ربح لحساب احمد عز .. يا حلاوه !!!! سنة كاملة وأنا شايف غاز بيتصدر وبتستولي عليه شركة واحد كلب إسمه حسين سالم ... وشايف مدينة كاملة إسمها شرم الشيخ يملكها . وجيمع الأرباح بتتحول له بأستمرار وبدون توقف إلى حيث النعيم في أسبانيا سنة كاملة وإحنا في عرض مليم وشايف صندوق أسود أشبه بالبالوعة إسمه الصناديق الخاصة ومليان مليارات تقترب ايها السادة من تيرليون جنيه ... تيرليون .. وثورة قامت عشان تنضف وعشان تحقق العدل للجميع ... ومع ذلك هما هما اللي كانوا بييحكموا زمان هما اللي بيحكموا دلوقت ومطرمخين على الصندوق وماسكين مفاتيحه بإيدهم وسنانهم زي زمان ... سمعتوا حد من المجلس أو من الحكومات المتعاقبة جاب سيرة المغارة دي من بعيد او من قريب خلال سنة ؟ .. تفتكروا ليه ؟ عشان هما نفسهم الحرامية اللي معاهم المفاتيح وهما اللي بيحكموا ويتحكموا ؟ بعد ده كله عاوزني أدي الحرامي مهلة 6 شهور عشان يظبط نفسه تاني ؟ ويهرب فلوسه تاني ؟ فاكرين أحمد شفيق وأحلى واجب عمله في تهريب اموال مصر للخارج .. وحرامية مصر للخارج ؟ وهذا يحدث الان .... خروج امن ... وحصانة .. وعفا الله عما سلف ... وأرجع كما كنت .. وولا تأذينا ولا نأذيك .. وحلال عليك ست الحلوين وفجأة نلاقي مدير إدارة الأموال العامة بامن الدولة هوووووووووووب كت على بره . وهو إيه ... وهو فى الخدمة تخيلوا ؟.. زوغ على لندن بعد ان ادى عمله في عدة شهور بعد الثورة على اكمل وجه طيلة فترة حكومة احمد شفيق وسلك المليارات وسابنا على الحديدة وقالوا له : زوغ إنت يا حمو دلوقت ومتشكرين يا كبير على الواجب ده .. ونصيبك إتحول لك توتو على كبوتو .. عيش واتمرمغ في خير مصر ما احنا طيبين وساكنين فيها إيجار جديد . تخيلوا حتى الان ماحدش خد باله او قال هو الراجل ده راح فين وساب الخدمة بتاعته ؟ عارفين : انا مش خايف إن البلد تُعلن إفلاسها أو الدول الأجنبية يبقى من حقها تحجز على هدومنا كمان شهرين تلاتة .. لكن ده لو كان في ظل حكومة وحكم رشيد نستحمل معاه وندوق المر وناكلها بملح ونبقى عارفين إنه بيشتغل عشان البلد والظروف معكساه أو لسه بنبني نفسنا .. لكن أتحدى حد يقنعني وبالأرقام إن المجلس أبو 19 او 30 عضو ده بيشتغلوا عشان البلد مش عشان نفسهم وحصانتهم وخروجهم الامن تعرفوا إن الأرجنتين اعلنت إفلاسها الرسمي سنة 2004 ؟ لكن عشان هما محترمين أستطاعوا في أقل يمكن من 6 سنوات إنهم يبقوا من الأقتصاديات القوية جداً على مستوى العالم تعرفوا إن البرازيل اللي لحد كام سنة يمكن ما يكملوش 7 سنوات مضوا كانت من أفقر الدول .. ومن أشدها خطراً في الامن والجريمة المنظمة والمخدرات ... عارفين التقرير الأقتصادي العالمي الأسبوع الماضي صنف البرازيل على إنها سابع اقوى إقتصاد في العالم وازاحت الامبراطورية التي لا يغيب عنها الشمس وهي بريطانيا من مكانها ؟ عشان ناس بيشتغلوا .. وعارفين قيمة الوقت .. مش .. يا عم أدي له 6 شهور تاني وهو احنا خسرانين حاجه دلو بيعدوا هو يا بني ... يا عم إبقى انزل تاني والله وإحنا معاك .. هههههههه ده لو لقيتوا وقت ولا صحة ولا بلد تنزلوا فيها إساساً بعد 6 شهور عارفين خسرانين إيه خلال 6 شهور ؟ خسرانين بلد بحالها خسرانين ثروات بتُنهب بشكل منظم خسرانين تخريب متعمد لمستقبل بلد خسرانين تثبيت وتنويم فينا .... أوعى الـ 70 مليار اللي عند مبارك وعياله .. اوعى المليارات المتلتلة اللي هربها رجال الاعمال الحرامية العصابة على بره .. بس بُصوا إحنا نلبس سموكن ونعمل فيها من نبلاء القرون الوسطى .. فاكرينهم ؟ أيوه اللي كانوا بيلبسوا جوانتيات بيضا وبيتكلموا من طراطيف مناخيرهم .. وندخل بقى موسوعه جينيس ريكورد كاول ثورة محترمة وعبيطة قصدي مؤدبة وتحاكم 1 % من رموز الفساد امام محاكم عادية وكدهوت .. عارفين ليه ؟ عشان ناخد الحكم ده على يد محضر ونديلة للدول اللي فلوسنا متسلكه عندها وكدهوت يقوموا معيطين ومحولين لنا الفلوس المتلتلة دي عن طريق الويسترن يونيون وكل واحد ياخد حقه .. بشرع الله .. بشرعععععع الله ... هههههههه مش بأقول لكم شعب طيب ومش غريبة إني أسمع نفس النغمة حتى من رئيس وزراء المفروض إنه جاي يموت نفسه عشان البلد وينقذها وينتشلها من الازمة .. ما هي حكومة إنقاذ بقى لما يقول مين يومين : مستحيل تتم عملية تسليم السلطة لرئيس مجلس الشعب المنتخب ؟ على أساس إنه هايبىقى اهطل ولا مشلول يعني ؟ تقدروا تقولوا مين يقدر يحكم البلد لو المجلس قرر إنه يمشي اليوم ؟ هههههههه أنظر الكتاب صفحة أسود عهد شهدته مصر ومين يقدر يحكم مصر بعد مبارك .. و85 مليون بني أدم كلهم معوقين إلا هو أيها السادة .. من يزهد في الحكم ... وانحرف عن واجبه الأساسي اللي حلف اليمين عليه وعايش في خيرة وهو الجيش والدفاع عن أمن البلد الخارجي ... وكذب وقال 6 شهور بس ووضع جدول لتسليم السلطة ثم أستحلاها وقرر يقعد وقال بعضمة لسانة إنه ده مش هايحصل إلا فى منتصف 2013 ... ولما ثورنا ضدة بمنتهى الأدب وبمنتهى السلمية عمل عيل وقال خلاص خلاص شهر 6 2012 ... ثم بمنتهى الدم البارد قتل أبناءنا في ماسبيرو ومحمد محمود ومجلس الوزراء ودمر اقتصاد البلد .. ثم يحاول الأن القفز على جثث الشعب كله وياخد حصانة بخروج آمن ... اه قبل ما أكمل ... ومن غير تنظير ولا كلام كتير ولا إفتاءات .. على الصفحة الرئيسية لمجلس الوزراء أمس . وضعوا جدول لاهالي شهداء واخدين بالكم شهداء ومصابي ماسبيرو ومحمد محمود ومجلس الوزراء إنهم لازم يذهبوا خلال اليومين تلاتة الجايين عشان يستلموا التعويضات كاش شهداء ؟؟؟؟ تفتكروا الشهيد بيموت من نزلة برد .. أو بيقتله مجهول ؟ او هو بلطجي وكان بيحرق ومات فالدولة حبت تكرمه وهاتصرف له تعويض ؟ فوق ده كله .. تفتكروا مين اللي قتله ؟ واللي مش عارفينه لحد دلوقت من يزهد في السلطة أيها السادة ويقول بنفسه انا لا أصلح للحكم لا يجب أن يترك الحكم وقت ما يحب هو ويشاء هو ... او يمارس علي سلطة أبوية لانه بيعرف كل حاجه وهو اللي عارف مصلحتي .... من يزهد في الحكم أيها السادة لا يتربس مخه ويصمم يضيع وقت مصر في حاجه هزلية إسمها مجلس شورى أراهنكم من دلوقت إن 6 انفار بس هما اللي هايروحوا ينتخبوا في كل لجنة ووقت معدود ومحسوب علينا وكان اولى نستغلها في فتح باب الترشح لمنصب رئيس الجمهورية او نعمل حاجه خدمية تفيد البلد زي المحليات مثلاً عرفتوا ليه لازم ننزل يوم 25 يناير ؟ عرفتوا ليه مافيش حد من اللي قاعدين على الكراسي وبيحموا الثورة يا فندم أعترف أصلاً إن في حاجه إسمها ثورة ولا عيد ثورة ولا وقفة ثورة حتى وكان عمل فيها كحكتين وضحك علينا أو إداهولنا نص يوم اجازة حتى ؟ عرفتوا ليه إن 6 شهور فترة كافية لتظبيط كل امور مصر وجعلها لقمة سائغة في فم العسكر ؟ عرفتوا الكذب والخداع والنفاق بتاع تحويل الصلاحيات لرئيس الوزراء .... إيه ما حدش خد باله إنه نفس خط مبارك بالمللي لما حب يأكلنا البالوظة ويحول السلطات لصبي من صبيان رئيس العصابة وهو عُمر سليمان ؟ طب طالما حولت السلطات ومش هاتحكم وانت راجل زاهد ولابس خيش .. ما تزق عجلك وتورينا عرض اكتافك وأرجع احمي الحدود .. ولا الكرسي مش تيفال ولازق فيك ؟ عرفتوا ليه لازم الدستور يتكتب والرئيس يُنتخب في ظل عدم وجود عسكري واحد على الكرسي ؟ اما موضوع يا عم ما هو عندنا مجلس شعب أهو عاوز إيه تاني ؟ لا إله إلا الله .. وهي الامور اختلطت علينا ؟ يا سادة مجلس الشعب جهة تشريعية وليست تنفيذية .... مجلس الشعب في ظل ديكتاتورية عسكرية لا هايهش ولا ينش .. كنت هاقول ما ننزلش ونقعد في البيت قدام الدفايات لو مجلس الشعب كان هايكون هو حكومة تنفيذية تبقى معبرة عننا ... لكن هذا لن يحدث وكله هايستمر على قديمة واخبطوا راسكم في الحيط ... لازم الكل ينزل مرة أخرى يوم 25 يناير ... ولازم . مكسوف أقولها والله .. ولازم المجلس يضع قانون وشروط إنتخاب رئيس الجمهورية مش يفاجئنا إن الإنتخابات بكرة واجري يا عم وأسلق يا خال .. ويالا الوقت بيجري وولا نسمع ولا نشوف برامج إنتخابية وفجأة نلاقي حد نط على الكرسي ما نعرفش جه منين . لا تعارض أيها السادة بين الثورة والأمن .... ومرة أخرى وكله بالدليل ... أعرضوا لنا يا معترضين مره واحده .. إيه كتير مرة ؟ بادر بها متظاهرون او معتصمون بالعنف هايقول لك ما هم بيندسوا وسطهم و مش عارف إيه ؟ هما مين ؟ البلطلجية اللي تبع امن الدولة اللي صاحي وبيلعب ؟ ولا التأمين والامن ده من بديهيات مسئولية من يحكم وسايبها سلطة وبيكلمني عن صوابع وضوافر ومانيكير وباديكير وكأنه بيحكم من على كرسي متحرك ومشلول الاطراف ؟ كلمة اخيرة .. إذا كنت لا تقرا الأحداث فتلك مصيبة ... وإذا كنت لا تعرف مكان الزرار اللي بيدوسوا عليه يقوم يحصل أمن 100 % .. وفجاة يخبوا الزرار فيبقى منذ يومين يومين فقط تخيلوا ... اه والله ... خط سكة حديد وجه قبلي مقطوع تماماً عشان مش عارف مين في سوهاج سقط في الإنتخابات فمن أول أمبارح مولعين في خط السكة الحديد كله .. وخط وجه بحري مقطوع تماماً عشان في عمال لهم مطالب ونايمين على القضبان ... وخط أسكندرية القاهرة الصحراوي مقطوع تماماً عشان اهالي طنطا معترضين على سقوط واحد منهم في الانتخابات فقطعوا الهاي واي وخط القاهرة أسكندرية الزراعي مقطوع تماماً .. عشان في واحده ست وعيالها التلاتة بيعدوا الطريق الزراعي امام اخدى القرى الريفية فجت عربية مسرعة وقتلتهم جيمعاً فالاهالي قفلوا الطريق من بابه بلا وجع دماغ وميناء نويبع .. طبعاً عرفتوا الكارثة اللي حصلت أمبارح ؟ البدو أقتحموه تحت وابل من إطلاق النار الكثيف وهروب الشرطة تماماً ... واحتلوا المينا تفتكروا الأمن مسئولية مين ؟ تفتكروا من أولى بضرب النار والغاز المسيل للدموع والخرطوش وجدع يا باشا ؟ تفتكروا مين اللي له مصلحة يرعبنا وكل شويه يقول "تم العثور على عدد من مضادات الطائرات والأربيجيهات واجهزة لاسلكي حديثة ملقاة على شاطيء قناة السويس " على أساس يعني إن اللي كان هايضرب السفن وهي معدية جهز كل حاجه وفجأة ضمبره صحي وساب الأسلحة والذخيرة دي ورجع لحياته العادية . كل ثورة وإنتم طيبين

هنزل لما الاقى الجيش بيحكمنا بعد الميعاد وان الدستور لم يعد او الجيش كان لة صلاحيات مبهمة فوق الدستور او مقيدة لة هنزل لما عملى يتوقف والناس اللي بتشتغل معايا متلاقيش شغل هنزل لما مجلس الشعب يتم حلة بسبب واهى والانتخابات تبقى مجرد حركة وصورة هنزل لما الاقى مافيش تغيير بعد المدة المقررة سلفآ وان التغيير لايمكن يحدث فقط عندما اشعر بكل هذا سأنزل كما نزلت فى السابق ولن اترك مكانى لكل متسكع وسارق للمجهود ولن اعود الى عملى واشغالى الا بعدما تتغير الصورة تمامآ يقولون انها ثورة شباب نعم هي ! لكنى اتسائل اين من وقف بجوار الشباب من امثالى ؟؟؟ لماذا تم بتر وجوهنا من الصورة وكل ما اشاهدة شباب فوق العشرين فقط اما نحن فيطلقون علينا حزب الكنبة فهل كانو هم اصحاب هذة الثورة ؟ ثورة كانت بدايتها للصغار منا وانضجها نزول كبارنا فتحولت من وقفة احتجاجية الى ثورة عارمة شارك فيها الجميع كبير وصغير متعلم ودون ذلك فلا تسرقوها وتهدوها كذبآ الى فصيل واحد كما حدث فى ال52 فطمع فيها شباب العسكر فخسرنا بتصرفاتهم الحمقاء كل ارض سيناء ومعها اجيال كثيرة انتجت لنا اجيال مريضة نحاول جاهدين ان نتخلص من امراضها المستعصية ان كنت مصري تحب مصر حقآ حاول ان تفكر جيدآ فى بناءها لا خرابها او هدمها فكر بكل صدق فى فقراءها قبل اغنياءها فكر فى الفلاح فى الحقل والعامل فى المصتع فكر فى اجيال نستطيع ان نؤمن لهم حياة كريمة بتنازلنا عن اطماعنا فى مكاسب واهية تسمى السلطة واطماع الكرسي وبريق الاعلام من هنا يجب ان نكون فى مواقعنا الحقيقية لرفعة هذا الوطن مواقع الانتاج والعمل الجاد لتحقيق النهضة لا للوقوف امام مدافع العسكر وبنادقهم والزج بشبابنا امام فوهات المدافع ومكر المخادعين لابد ان نعمل جاهدين على حقن الدماء واستغلال الفرص السانحة لجنى اكبر المكاسب واعظمها وهو ان نكون بيدنا التشريع وتقليص صلاحيات الرئيس القادم ومعة المؤسسة العسكرية التى مارست الحكم علينا طيلة 70 سنة بالحكمة لا بالقوة حتى لا نخسر لاننا لانملك سلاح مثلها وأن كل مانملكة هو الارادة والعزيمة متمثلة فى الانتاج وعدم السماح لهم بزرع الفتنة فى صدورنا

بصراحة دكتور محمد يسرى ابدع فى المقال ده كلام موزن جدا يعطى لكل صاحب حق حقه مش فاهم طالما هناك اشخاص بالجمال والحلاوة ورجاحة الفكر دى امال ليه مصدرين لينا الشحات وبكار اعلاميا

http://www.youtube.com/watch?v=a8w4iu0vtQY&feature=player_detailpage عندما يجلس احمد حرارة في بيته هو ومن مثله من الرجال والنساء .... يومها نقول ماتت الثورة ، او تحققت أهداف الثورة وحتى يأتي ذلك اليوم ، السياسة يجب ان تمارس بجانب ضغط الشارع وخاصة عندما يكون الساسة ضعفاء لا يقوون على التفاوض امام مجلس الصقور ، كنا نملك ذراعاً واحد لأخذ الحق والكل يتكالب عليه لقطعه ... اليوم نملك ذراعين .... مجلس منتخب وشرعي ، وضغط الشارع ... لا افضل أبداً أن نخسر أحدهما في هذه المرحلة الفاصلة أنا مع مجلس شعب قوي .... يدعم قوته ضغط الشارع حتى كتابة الدستور وتسليم السلطة ولا تسالوا الضحية عن سفك دمه لأنه لم ينزل ن بيته إلا لغير ذلك أو يعود بحقوقنا جميعاً من الكرامة والعدل والحرية ... وإنما إسئلوا الجاني كيف تجرأ على سفك دمه ولم يمنحة حرية الإختيار وأهان كرامته ولم يعدل في القضية

بصراحة موضوع الدعوة الى ثورة ثانية يوم 26 يناير لا اتفق معه على الاطلاق وليس فى المبدأ ولكن فى الموعد للمرة الثانية سيتم جر مصر الى ماسبيرو اخر الى محمد محمود اخر الى حرائق اخرى اتفق مع كل من يسمون انفسهم بالثوار ى بطء الاجراءات فى المحاكمات فى كل ما يطالبون به ولكن اختلف معهم فى الطريقة والتوقيت المجلس العسكرى غلط غلطة وحدد موعد انتقال السلطة غلط غلطة وطلع بيان ان مجلس الشعب من سيتولى انتخاب لجنة اعداد الدستور غلط غلطة لما عمل انتخابات نزيهة غير مزوة واعطى الشعب شرعية كاملة كل ما فى اعلاه اعطانا الشرعية وسبب للانتظار حتى 30 يونيو فقط اريد ان اعرف ماذا سيفيد اللى بيدعوا للثوة من انتقال السلطة من 1 فبراير مثلا الى يونيو هل هى 4 شهور ؟ ما تاثيرها ولكن اى احداث شغب او مظاهرات الان ستدعوا العسكرى الى سحب كل وعوده تدعوا العسكرى الى اعلان الاحكام العرفية تدعوا العسكرى الى تعيين رئيس عسكرى تدعو الشعب الى كره كل ما يسمى او يرتبط بشباب الثورة او من يقوم بها وستكون هذه الطامة الكبرىالتى سنعانى منها لاجيال هاتكون الاجابة لعدة اجيال جربنا الثورة مجاش منها الا الخراب والقتل وانتشار السرقة هذا ما سيقوله رجل الشارع الذى لا الومه كواحد من الشعب اطلب تاجيل اى مظاهرات لما بعد 30 يونيو او على الاقل لما بعد تاسيس لجنة اعداد الدستور واعلانه ساعتها سنعلم من على حق ساعتها سنعلم النيات المبيتة ولكنى احذر من الان ان رد فعل الشعب والشارع ومعهم 80% ممن فى سن الانتخاب لن يسمحوا بالتظاهر وهم من سيقف اماممهم هذه المرة وليس الامن المركوى ولا الشرطة اكاد اجزم ان كل من يدعون الى هذه المرة الى ما يسمى ثورة لا يعرفون معنى كلمة جيش واكرر نتفق علىالمطالب ونختلف فى الطريقةة لو ليك دين وفلوس عند واحد وقالك هاردها اخر الشهر الجاى اجى اول الشهر واخد بلطجية واروح اضربه ؟ ولا يحصل ده بعد ما يعدى الموعد اللى حدده بنفسه سؤال كمان : هل لو ربح حزب الثورة مستعمرة او العدل او الكتلة المصرية هل كانت ستقوم هذه المظاهرات ام الدعوات اليها صدقونى هى بداية تقسيم مصر هى بداية حرب اهلية هى بداية لبنان او عراق جديد

فلنقرأ أولا ونفكر ثم نتناقش خطة «البرادعى» للعبور بالاقتصاد المصرى من أزمته ( حل قصير الأجل )

رغم مآخذي على حزب النور وعلى السلفيين، لكني احترمت موقفهم في الموضوع ده. بصراحة لم أكن أتوقعه. في كل الأحوال، وبصرف النظر عن حكم التهنئة أو المشاركة في الاحتفال، يحسب لحزب النور ثباته على المبدأ - مهما كان - وتجنبه التلون لأغراض سياسية. يعني ده كان رأيهم قبل نجاحهم في الانتخابات، وثبتوا على نفس الرأي بعد نجاحهم في الانتخابات. في النقطة دي، الحزب محترم لأنه ثابت على برنامجه ومنهجه الأساسي. وببساطة الديمقراطية بتقول لو فيه حد مش موافق على موقف أو منهج أو برنامج حزب النور، مايصوتش له تاني في الانتخابات. هو حزب مش عارف مصلحته فين، يبقى هو حر، يستنى بقى نتيجة الانتخابات الجاية.

الناس الآن إتقسمت ل 3 فرق الفريق الأول ينادي بالنزول يوم 25 وبدْء الثورة الثانية ولا يهتم كثيرا بالخسائر والعواقب ولا يهتم بقتلي ولا جرحي ولا حرق ولا تخريب . . . ولا يريد الإنتظار قليلا حتي ميعاد تسليم السلطة وربما ترتب علي هذا الإندفاع ، حدوث كوارث وفوضي عارمة ويتم إعلان الأحكام العرفية من قبل الجيش الفريق الثاني يري المجلس العسكري شريفا نزيها ، حمي الثورة ولم يقف بجانب مبارك ويري هذا الفريق عدم المساس بقيادات الجيش ولا محاسبتهم علي أي جرائم حدثت في الفترة التي تولي فيها السلطة، وربما لا يمانع هذا الفريق في بقاء العسكر لفترة أطول في الحكم وربما بعض من هذا الفريق لا يمانع في استمرار الحكم العسكري ، لأنه من وجهة نظرهم ، الحكم العسكري هو ما يناسب مصر حاليا ورأيي الشخصي إن كلا الفريقين عل خطأ أما الفريق الثالث وأنا منهم يعلم جيدا أن العسكر ليسوا ملائكة وأنهم يتمنوا البقاء في الحكم ولكن ، المجلس ألزم نفسه بميعاد لتسليم السلطة وانتهينا من الإنتخابات البرلمانية بالفعل ( والتي ربما تكون نتائجها غر مرضية للبعض ) وأيضا ما حدث من قبل من أحداث كارثية بعد الإحتكاكات بين المتظاهرين والجيش والتي لم تسفر إلا عن سقوط مصابين وقتلي جدد وحرق المجمع العلمي وغيرها من نتائج مؤسفة يجعل هذا الفريق يري الإنتظار قليلا ، بدون مواجهات جديدة مع العسكر حتي ميعاد تسليم السلطة فإذا أخلف العسكر الوعد أو ماطلوا أو .... فنحن مع النزول ثانية للتحرير ولكل ميادين مصر وعندها سيتوحد الشعب علي هذا الإختيار المبرر حينها للنزول وعدم العودة للمنازل قبل رحيل المجلس عن السلطة ثم محاسبة من تورط منهم في قتل الثوار والجرائم الأخري .

استاذ احمد اتفق معك ولكن نحن هنا لا نتكلم عن مليونية او ضغط دعوات 25 يناير بعضها يدعوا لحمل السلاح !!!!!!!!!!!تصدق دعوات لتظاهرات مستمرة بدون توقف لو مليونية لدعم البرلمان يبقى هاكون اول الداعمين لها انما دعوات مقاومة مسلحة وحرق وقتل يبقى يستاهل كل من يشارك بها ما سيحل به ويستاهل دعوات الاجيال القادمة لانه فوت فرصة الحصول على رئيس شرعى منتخب ممكن اسال هى فين الدعوات دى وعلى اى موقع ؟؟ ومين اصحابها انا فعلا بسال لأنى مش عارف ..انا متابع لتويتر ولم تمر على مثل تلك الدعوات اطلاقا يمكن على الفيس بوك ؟؟ بالمناسبة اللى عاوز يولع فى البلد معروف هو مين وبلاش نضحك على بعض اللى عاوز يولع يفبض على شخص بيوزع منشورات ضده وياخد سنة فى خلال محاكمة سريعه اللى عاوز يولع هو اللى بيقسم الناس على حاجات بديهية ... اللى عاوز يولع هو اللى خلق المواطنين الشرفاء اه بالمناسبة اللى عاوز يولع يسيب مبارك وولاده يطلعوا لسانهم للشعب وفى الوقت ذاته يربط جرحى الثوار - وان اختلفتنا معهم فى سرايرهم اللى عاوز يولع يدى الحرامى مفتاح الكرار - ويسمح له وهو المتهم بجمع ادلة ادانته ...دا فى اى عرف ده ؟؟ وطبعا المسخرة الكبرى محاكمة مبارك ...محاكمة بدون ادلة ومحامى النيابة يطلع يقول خطبة عصماء تاريخية ... الهدف منها كسب الناس ...والقاء اللوم على بعض اجهزة الدولة اللى الكل عارف انها هى السبب الأول فيما يحدث وطالب الكل بالتحقيق ولم يحدث شئ ياريت حضرتك تلقى نظرة على المقالة دى والفيديو فى اسفلها وبعدين نتكلم http://www.shorouknews.com/columns/view.aspx?cdate=07012012&id=3d21c8c0-e239-4e08-9bde-b667e833687b http://www.youtube.com/watch?v=GU0NK2fESPI ياريت نجاوب على الأسئلة ونعرف مين اللى عاوز يحرق مصر

لكن هذه الصورة لها ترجمة أخرى عندي حتى الكنيسة لا تريد دولة مدنية .... لأنها ببساطة بوقفة قداسة البابا ومدحه للمجلس العسكري ... بيلعب سياسة طيب لو الكنيسة مش عايزة دولة مدنية ... تبقى عايزه أيه ... اكيد مش دولة إسلامية مش فاضل غير ........ دوله عسكرية ... الكنيسه أيضا ضد الثورة ، وللأسف الكثير من القتلى هم من المسيحيين

- 1879 قامت فى مصر ثورة بقيادة الزعيم احمد عرابى وتم احتوائها و بعدها احتل الانجليز مصر سنة 1882 لمدة تزيد عن 70 سنة, لما نقرأ التاريخ دة نتعجب هى مصر مكنش فيها شعب ولا رجال يوقفوا مع الثورة اية الى حصل؟ ولية فشلت؟ واية نظراتكم للجيل الى كان موجود وقتها؟ الثورة العرابية - 1919 حدثت فى مصر ثورة بقيادة سعد زغلول وبردة تم احتوائها واستمر الاحتلال الانجليزى تانى والمكسب الوحيد هو دستور 23 وبعض المكاسب الشكلية, نرجع تانى ونسأل نفس الاسئلة {هى مصر مكنش فيها شعب ولا رجال يوقفوا مع الثورة اية الى حصل؟ ولية فشلت؟ واية نظراتكم للجيل الى كان موجود وقتها؟} ثورة 1919 -25يناير 2011 حدثت فى مصر ثورة شارك فيها معظم الشعب المصرى وكلاكيت تالت مرة يتم السطو عليها واحنوائها من العسكر انا همش هسأل نفس الاسئلة المكررة عبر التاريخ بس كل واحد يجهز رد للاجيال القادمة, انا عن نفسى بقول ابنى لن يحكمة عسكرى

السلام عليكم و رحمة الله و بركاته مش عارفة ليه لما قريت اللي حضرتك كتبته افتكرت نفس المفردات اللي اتقالت 25 يناير 2011 سبحان الله طب ما نرفع التوبيك القديم علشان نشوف في 25 يناير2011 يعني من سنة كااااااااااااااااااااملة يا استاذي كان اللي عمل الدعوة علشان الناس تنزل في الشارع و تقول "آآآآآآآآآه" بعلو الصوت كان عارف انه راح يقولها لوحده محدش كان متخيل ان حد ممكن ينزل معاه كنا خايفين لانها اول مرة و اول مرة في كل حاجة بيبقي ليها رهبة و احنا اتربينا علي الخوف و اتربينا علي مبدا امشي يا بنت جنب الحيط بصيت علي القاهرة اخر مرة زرتها امتي القاهرة بقت مش حيط نمشي جنبيه القاهرة بقت جدران عازلة.....فصلت العسكر عن الناس خليتهم يفتكروا انهم يقدروا يدارو عجزهم و فشلم في ادارة و حل اي مشكلة بانهم يبنوا حيطة نفس المنطق علشان الشعب يمشي جنب الحيط طب في 25 يناير 2011 كنا خايفين....و كان عندنا الف مليون سبب لكن لما الروح تصحي جوانا و لما نحس ان لسه البلد دي فيها حاجة حلوة و لما نحس اننا مش لوحدنا اللي عايزين نعيش و نموت فيها بس بكرامة و لما نشوف ده قصاد عينينا بيتحقق....و هيتحقق باذن الله احنا كنا فاكرين الثورة زي الافلام العربي المصري...اللي بتنتهي بنهاية سعيدة...(اقتباس من علاء عبد الفتاح) للاسف دي مش فيلم....اينعم هو مصري....بس مش فيلم دلوقتي...خايفين ليه...و من ايه...و بتدوا الفرصة لمين حضرتك قولت انك مش مع الثورة التانية معاك حق بلاش تبقي معاها بس هو الحقيقة مافيش ثورة تانية لانها الاولانية بس لسه مكملة الانتخابات اللي الناس عمل تهلل و تزغرط عليها مش عرفة علي ايه....مكنتشي هي الهدف و نقول تاني اديني تغيير حقيقي حصل في مصر اديني نظام حقيقي اتبني اديني قرار واحدصحيح يقولنا ان البلد دي قامت فيها ثورة للاسف مش هتلاقي مش هتلاقي غير دواير...خوف...عمالين نلف فيها....و للي ماسك كل خيوط اللعبة واقف يتفرج علينا بره الدايرة و يخوفنا زيادة علشان نفضل نلف....و نلف....و نلف....لغاية لما نتعب و نتهد و الثورة تموت...و الروح تنكسر حضرتك مش مع الثورة...اللي سمتها ال "تانية" كل احترامي و تقديري لوجهة نظر حضرتك بس متبقاش ضدها تحياتي و هتفضل سلمية....و مكملة

هو الزبال ده بيكتب في انهي خرابة ؟ يعني دي لا صحافة ولا مقال ولا حاجه أبداً إلا بالوعة مفتوحة ومليئة بالقاذورات

بسم الله الرحمن الرحيم السلام عليكم ورحمه الله وبركاتة هحكيلكم تجربتي الشخصيه في الاستقدام بعد تغيير المهنه عشان ملاحظ ان فيه ناس كتيير بتسال في الموضوع دا اولا حاجه الخطوات الي عملتها عشان اغير مهنه قدمت طلب من خلال موقع مكتب العمل واداني رقم الطلب كذا طبعت الورقه دي وخليتها معايا وبعد كام يوم دخلت عشان اتابع حاله الطلب قالي تمت الموافقة علي الطلب طبعت الورقة دي برضه وحطيتها في ملف علاقي اخضر ومعاها خطاب من الكفيل بعد الممانعه ومعاها اصل الشهادة وصوره الجواز وراح المعقب بتاعنا للجوازات قالوله لحد الان مفيش ربط بين الجوازات ومكتب العمل ودا كان طبعا اول ما عملوا العرض دا وبعد كدا المعقب بتاعنا شاف معقب تاني اخد 3000 ريال اتعاب و1000 رسوم تغيير المهنه وبعدها ب 10 ايام غير المهنه بس طبعا دلوقتي انت مش مضطر تدفع زي ما انا دفعت لان دلوقتي حصل ربط في الجوازات بمكتب العمل وبقيت تقدر تغير من غير ما تروح مكتب العمل اصلا ثانيا بقه والاهم خطوت الاستقدام جهزت الورق بتاعي كله الي هوه عباره عن 1- صورة الجواز 2- صورة الاقامه 3- خطاب الاستقدام موثق من الغرفه التجارية 4- خطاب عدم ممانعه من الكفيل وتكتب فيه الراتب و انه مامن ليك سكن عائلي مع العلم اني كنت كاتب الراتب 3000 ريال 5- اصل شهادة التخرج موثقة من الخارجية في مصر وموثقة من الملحق الثقافي للسفارة السعودية بالقاهره 6- اصل قسيمة الزواج موثقة برضه من الخارجية في مصر وموثقة من الملحق الثقافي للسفارة السعودية بالقاهره 7- وشهادات ميلاد الاولاد لو عندك اولاد بس معرفش بقه اذا كانت لازم تكون موثقة ولا لا . 8- ايصال سداد رسوم الاستقدام الي هما ال 2000 ريال وخدت بعضي ورحت علي مكتب الاستقدام بتاع الدمام ورفضوا لي الاستقدام والسبب كان ان اقامتي طالعه من الرياض وانا تابع لمكتب عمل الرياض ملحوظه : في معقب قالي حل عشان ميترفضش لو قدمت في الدمام مره تانيه الي هو اني اجيب خطاب تعريف من الكفيل اني بعمل في فرع المؤسسة في الدمام واوثقة من الغرفة التجارية وارفق معاه صورة السجل التجاري للفرع دا بس انا قلت اروح الرياض اجرب هناك الاول فسافرت بعدها بكام يوم الرياض ورحت مكتب الاستقدام الساعه 6.5 الصبح تقريبا علي اساس اني اكون من اوائل الناس الي موجوده رحت ولقيت ورقة بيكتبوا فيها اسامي الي موجودين علي اساس لما يفتحوا يدوا الارقام بناءا علي الورقة دي ومع ذلك كان رقمي في الورقة 63 المهم فتحوا المكتب حوالي 8 ودخلنا وبما اني رقمي 63 ولما دخلت وادونا الارقام لقيت نفسي 75 فشفت ناس كتير بتقدم وكان فيه تساهل جدا مع الي مهنته في التاشيره بتسمح بالاستقدام وكان بيقدم الورق للموظف يطبع ليه الورقة الصفره علي طول مبتاخدش اكتر من 5 دقايق وانا موجود هناك لقيت واحد مغير مهنته من عامل الي محاسب عام قدم الورق للموظف الي علي الشباك فعلق له علي الورق وكتب عليه انه مغير مهنه الي محاسب ولم ينقل كفالة وقاله ادخل للمدير الراجل دخل للمدير بص في الورق وقاله انت ناقل كفاله قاله لا فوقع له علي الورقة وراح للموظف مره تانيه واستلم الورقة الصفرا دي حاله من الي شفتهم حاله تانيه واحد مغير مهنته الي مبرمج بس كان ناقل كفالة برضه حصل معاه نفس الي حصل مع الاولاني ولما دخل للمدير قاله انت مغير مهنه وناقل كفالة ملكش استقدام ورفض له الورق وطبعا انا كان وضعي زي وضعه تقريبا لاني مغير مهنه من نجار مباني الي محاسب عام فقلت مفيش امل المهم دخلت للموظف علق لي علي الورق برضه وكتب مغير مهنه من نجار لمحاسب وناقل كفالة وقالي روح للمدير رحت دخلت للمدير بص في الورقة واول ما بص قالي انت جيت لي قبل كدا قلت له والله ابدا دي اول مره ولسه جاي من الدمام دلوقتي حتي تذكره القطر اهيه قالي طيب الموظف معلق لك علي الورقة من زمان ليه مجتش في ساعتها قلت له والله لسه معلق لي عليها حالا لقيته بيشخبط قلت له بالله عليك مترفضها اتاري الشخبطه دي هيه الموافقة وقالي روح للموظف المهم رحت للموظف وطلع لي الورقة الصفره الحمد لله ودلوقتي انا بخلص ورقي في مصر في النهايه الموضوع كله اولا توفيق من رب العاملين وثانيا علي حسب مزاج الموظف يعني مفيش قانون يقول ان الي مغير مهنه ملوش استقداك دلوقتي ولا بعد سنه ولا الكلام دا كله لان في ناس قدمت واتقال لها بعد سنه فالكلام دا كله راجع للموظف فالي عاوز يجرب يروح ويجرب حظه وربنا يوفق الجميع ويلم شملكم مع اسركم يارب العالمين ولو في اي استفسار انا تحت امركم

المشربية سنبدأ بها المشربية التي كانت تشتهر بها بيوت مصر في ذلك الوقت كانت موجودة في البيوت كلها كي تجلس فيها النساء دون أن يراها المارة بالشارع .. مثل ( البلكونه ) تماماً وهاهي امرأة تطل منها الصورة التقطت سنة 1872م

بمناسبة القوارير اللي بيموتوا في الرومانسية واحد صاحبي اوي (عشان الرقابة بس) اول ما اتجوز ظبط تواريخ المناسبات كلها علي تقويم الموبايل وطبعا مفيش مناسبة كان بينساها اول عيد خطوبة جاب وردة وقالها كل سنة وانتي طيبه فرحت اوي القارورة وعدت الليله علي خير في عيد الجواز جابت وردتين وقالها كل سنة وانتي طيبه يا حبيبتي الغريب كان في نظرة غريبة في عينها بس عدت في عيد ميلادها جاب بوكيه ورد قالته ايه الحكاية انت هاتقضيها ورد مفيش سعادتك حتة دهب ولا الماس ههههههههههههههههه ودي كانت نهاية الرومانسية الجميلة وشرب صاحبنا بعدها كوب لبن رايب بس ما جابش نتيجه خالص

السلام عليكم و رحمة الله و بركاته فيه عشق بيستنانا و عشق بنستناه و عشق بينسينا العشق اللي عشقناه القلب اللي بيجرحنا في حاجة أكيد جارحاه و جراحنا بتفكرنا بالقلب اللي جرحناه كتير بنعشق........أغنية شيرين.....(اللي كتبها....مفتري...في احساسه اوي)

. أذا أحتـضـنــت شـخـــص ً و بـكــى ؟ ! فأعـلــم أنـــه كــان يحـتـــاجـك فــي أوقـــات ً لـم يـجــدك َ بجــــانـبـــه . و أذا أحتـضــنـت شخــص ً و حـضـــنـك َ بـشــدة َ ؟ ! ... فأعــلــم أنــه كـــان يـنـــتـظـــر هــذه الـلــحـظـــة

ملخص لقاء امس فى الرياض

فلنفرض إن المجلس العسكري صادق فلنفرض إن البرلمان هينتزع حقوقنا إنتزاعا ليه ما ننزلشي ندعم المجلس العسكري في صدقه المفترض ليه ما ننزلشي ندعم البرلمان في معركته المقبلة ليه ما نقفشي في ظهر الصادق و المخلص ليه نقعد في بيوتنا و نستني نشوف مين اللي هينتصر من غير ما يكون لينا دور الظهير الشعبي لأي مفاوض هوا أقوي سلاح و إحنا منعرفشي آيه اللي بيدور في الغرف المغلقة و مادام مبنطلبشي شقة في دبي و عربية مرسيدس لنفسنا و بنطلب طلبات يستفيد بيها الإسلامي قبل الليبرالي يبقي نقف جنب بعض أحسن

انشودة رائعة للمنشد ياسر ابو عمار تدعو لاتحاد التيارات الاسلامية و ترك الخلافات http://www.youtube.com/watch?v=AvpMppSjBcA

إنت مش بتزهق من الكلام المكرر ده ؟ قصدي يعني ما بيجيش عليك وقت تقول أنا هاغير يمكن لخمس دقائق فقط ؟ 5 دقائق فقط .. إيه كتير في حياتك ؟ اه على فكره .. كنا حاضرين ندوة الدكتور عبد المنعم أبو الفتوح إمبارح في الرياض ... تخيل طلع بمبريال علماني ممول من أمريكا ؟ .. أصله بيقول نفس كلامنا وإن لا علاقة بين ثائر او متظاهر بيطالب بحقه وبين امن وبلطجة وكلام فارغ من ده ... وفي أثناء الندوة يمكن الزملاء اللي حضروها شاهدوه وهو يرفع شعار ثورة 25 يناير الثانية القادمة . وبالمناسبة ... الشيخ حازم هو كمان طلع بمبريال وعلماني وبيتلقى تدريب من أمريكا .. أصله بيتكلم نفس كلامنا اما مين اللي مش كده ؟ فهو من يلهث وراء كرسي برلماني ويساوم على دم الشهداء ز. وهو من يصور له عقلة إنه مرسل من السماء لإصلاح أهل مصر الكفرة اللي بيلبسوا مايوهات وبيشربوا خمره ولا السفنجة .

يا استاذ تيمور سيناريو العفو ده اتكلم فيه قبل الاخوان حمزاوي ،ومصطفي النجار ،وعصام سلطان اشمعني ماسك في مكتب الارشاد ، غزلان قال ان الخروج الامن ده لو القوي السياسية في البرلمان وافقت ، واهه واضح ان اغلبهم عندهم استعداد حقنا للدماء يوافقوا بس في مشكلتين اولا ان الاسلاميين نفسهم اللي حيجي منهم رئيس مجلس الشعب ده مش موافقين علي الاستعجال ، يعني حتسلموهم السلطة غصب عنهم ؟ وكمان حضرتك تتوقع مين رئيس مجلس الشعب الاسلامي ده ، مش هو غالبا الخضيري ، الخضيري برضه لسة قايل خروج امن للعسكر ،في لقاء مع لميس الحديدي بلاش اعتصامات جديدة حقنا للدماء ارجوكم خاصة لو العدد قليل

ميرسي كتير لكل اللي دور عليا ميرسي كتير لكل اللي سأل عليا ميرسي كتير لكل اللي اهتم بيا ميرسي كتير لكل اللي زعل عشاني ميرسي كتير لكل اللي حسسني اني مهمة عنده ميرسي كتير لكل حد كلمني سواء على الخاص او على الفيس بجد انتم الكنز الحقيقي اللي طلعت بيه من النت عموما و فعلا ما ينفعش اسيبكم عشان حد اساء ليا انتوا اهم بكتير عندي ربنا يخليكم ليا

والله مش فاهم المؤيدين ايه دوافعهم اذا انت قلت ان انتقال السلطة يتم على قدم وساق صحيح أخي رؤوف أن نقل السلطة قد بدأ ولكن هذه الخطوات لنقل السلطة لم تأتي هكذا من فراغ , ولكنها أتت نتيجة لضغط الثوار في الشارع طوال السنة الماضية بعد الثورة حتى الإنتخابات الرئاسية التي ستأتي في يونيو 2012 , كيف أتي هذا الموعد أخي رؤوف ؟ ألم يأتي بالضغط عن طريق الفعاليات الثورية التي حدثت في شهر نوفمبر 2011 والتي بفضلها بعد الله سبحانه وتعالى تم تقديم موعدها سنة كاملة بدلا من يونيو 2013 ( وهي الفعاليات التي كانت تلقى معارضة البعض ) ؟؟؟؟ فلماذا نتغافل عن دور الشباب ويدهم الثورية التي لا تعرف كلمات مثل ( الحنكة والحكمة) ولكنها تعرف قرارات وأفعال على الأرض ؟؟؟ مرة أخرى : يد الثورة مكملة ليد البناء الديموقراطي , وهي من تهيء وتعبد الطريق ليد البناء الديموقراطي لكي تعمل طيب أخي رؤوف : إإتي لي بخطوة واحدة ( واحدة فقط ) إلى الأمام في المسيرة الديموقراطية منذ ثورة 25 يناير أتت بدون ضغط الثوار وبدون فعاليات ثورية في الشارع ؟؟؟ وحتى لا يكون الكلام مرسلا : حل مجلسي الشعب والشورى بعد الثورة كيف تم ؟؟ بدء محاكمة الرئيس السابق ورموز الفساد كيف تمت ؟؟ إقالة بعض قيادات الداخلية التي شاركت في أحداث الثورة كيف تمت ؟ تغير القيادات الإعلامية للصحف القومية التي شاركت في تزيف وعي الشعب المصري طوال سنوات طويلة ماضية كيف تم ؟؟ قرار إنشاء صندوق لرعاية الشهداء والمصابين ( بصرف النظر عن مدى الرضا عن الخدمة المقدمة منه لهم ) كيف تم ؟ إلغاء وثيقة السلمي كيف تم؟؟ تقديم موعد الإنتخابات الرئاسية سنة كاملة من يونيو 2013 الى يونيو 2012 كيف تم ؟؟ كل الخطوات أعلاه تمت بفعل اليد الثورية على الأرض أخي رؤوف وبالخطوات السابقة التي كان لليد الثورية الفضل بعد الله سبحانه وتعالى فيها تقدمت يد البناء للأمام وشقت طريقها لذلك أقول لك أن اليد الثورية واليد التي تبني الديموقراطية يتكاملان ولا يتعارضان مطلقا ومن نافلة القول أن الفعاليات الثورية مقصود بها التجمعات والتظاهرات المليونية السلمية للتعبير عن رفض أمر من الأمور أو المطالبه بمطلب ما , وليست الفعاليات الثورية هي التخريب أو الإعتداء أو الحرق أو النهب أو أي عمل فيه إضرار بالممتلكات العامة أو الخاصة أعود لسؤالي مرة أخرى : إإتي لي أخي رؤوف بخطوة واحدة تمت دون الحركة الثورية على الأرض ؟؟

عااااااااااااادي خالص إني اقول لواحد مسيحي في عيده كل سنة وانت طيب وبالفعل انا حضرت قداس عيد الميلاد بدعوة من صديق ولكن كان في ألمانيا أنا مش شايف مشكلة. ومع كامل احترامي لفقهاء الدين المسلمين، انا ماشي بالآية الكريمة: لكم دينكم ولي دين. ملحوظة: 1- انا مش بحب الاخوان لله في لله. 2- أنا مش بحب السلفيين لله في لله 3- بس بحب مصر مسلميها واقباطها. سلام سقراط

أختلف في مسمى الثورة الثانية لأن الأولى لسة مكملتش أصلا أو بالأدق لو مراحل الثورة عشرة خطوات .. فثورة 25 يناير بدأت أول خطوة و ووقفت .. الانتخابات تجربة جميلة للشعب المصري .. لكني في داخل نفسي غيرراض تماما .. مش علشان النتايج بالتأكيد بالعكس النتايج بتتفقمع أيدولوجية أقرب لنفسي من غيرها و هي الإسلامية .. لكن بوجه عام مش هي دي مصر اللي اتمنيتها بعد 25 يناير .. مش هو ده برلمان مصر اللي يمثل كل وجوه ثورة شعب مصر .. كل الأمور تدعو للثورة ... لكني لا أوافق عليها قبل 30 يونية .. أرفض ما يسمى ثورة ثانية أرفضها كرها في المجلس العسكري أرفضها ليس اعتمادا على برلمان ولا لمراعاة ظروف المعيشةالصعبة المصريين ... أرفضها لأني لا أثق بالمرة في كل المتصدرين للمشهد في وسائل الإعلام أو من يسمونهم النخبة اللي ضيعونا و ضيعوا على الشعب جني ثمار ثورته بسبب لعبة مصالح سياسية و ما أقذر السياسة التي تتاجر بشعب صنع ثورته بدماء أبنائه و ليس بفضل توجيهات النخبة .. المجلس العسكري.. إبليس بس مش لوحده فمن المصريين من تاجروا بحقوق الشهداء .... فاختلفنا في ضمير المصريين من المصريين من شاهدوا اخوانهم يقتلون و يسحلون وتركوهم.. فاختلفنا في شهامة المصريين من المصريين من دبروا بليل لسقوط مزيد من الشهداء لاستفزاز الشعب ليثور خلفهم .. فاختلفنا في أمانة المصريين عندما يختلف المصريون على مفاهيم الضمير والشهامة و الأمانة ..ثم تأتي المصيبة الأكبر و يختلف المصريون على مفهوم " العرض أو الشرف " فهم بالتأكيد سيختلفون على مفهوم الثورة ... ولو اختلف المصريين وقت الثورة فستكون مأساة عندما يثور المصريونعلى المصريين .. و كل منهم سيدعي أنهم هم الثوار كما قلت كل الأمور تدعو فعلا للثورة والثوار جاهزين بقلب أقوى من 25 يناير .. و لكني أرفضها ... أرفضها لأنها ستفرق المصريين و لو حدث لا قدر الله فلنيبقى بعدها شيء .. لأنه لن تبقى هناك مصر أرفضها لأن وحدتنا اهم من أي شيء

السلام عليكم الإخوه الكرام جزاكم الله خيرا استعير جمله اخى ..الغريب .. الصراخ على قدر الالم و أزيد عليها ان رفقا بالمساكين هؤلاء اى و الله اراهم مساكين و ذلك لرقه قلبى المفاجأه اخوتى الكرام كانت اكبر من تخيلهم و تحملهم فى اقل من عام واحد و بفضل الله عز و جل مصر على اعتاب مرحله جديده تكتب فيها التاريخ من جديد فى اقل من عام واحد تم إسقاط اعتى الانظمه الديكتاتوريه الدمويه فى العالم و تساقط كبيت من كرتون فى اقل من عام انهارت اكبر كذبه فى تاريخ مصر الحديث و هى الليبراليه و العلمانيه و الحريه التابعه لها فى اقل من عام نرى الاسلام يعود ليتبوأ مكانته الطبيعيه التى اقصى منها عنوه فى اقل من عام نرى مبارك ذليلا حبيسا هو نظامه كله فى الوقت الذى يُستَقبل فيه ابواسماعيل فى ربوع مصر بكل حب و ترحاب حقيقى بل و ترى المشايخ يمكن الله لهم فى دعوتهم اليه سبحانه فى أقل من عام نرى وائل الابراشي و مجدى الجلاد و خالد صلاح ينقلبون على اعقابهم و يغازلون التيار الاسلامى بل و يذهبون الى اعلامهم و يقدمون فروض الطاعه للقادم و الكثير الكثير يا اخوتى فى الجزء المليئ من الكوب الذى كنت تتهم بفقدان العقل لو انك حلمت باى من مفرداته المذكوره اعلاه و ينصحك الاطباء بان تتغطى جيدا قبل نومك :) لكيلا تهاجمك الكوابيس . طبعا انقسم الفشله الى اكثر من جبهه منهم منهم من انقلب على عقبيه و صار الان من الثوار بعد ان كان يبكى على مبارك و ما حدث معه منهم من افقدته الاحداث صوابه فصار يهذى ككاتب المقال الذى ابسط ما يقال عنه انه جاهل و لا يدرى انه جاهل . ندعو له بالشفاء و ان يمن الله عليه بمن يبصره و لعل و عسي .

صـــــــــامت لا اقدر على ابداء الراي لانى لا استطيع رؤية الحقيقة كاملة ---------------- ولكن الذى اراه ان الجيش لا يعمل الا تحت ضغط والدليل المرافعة بتاعة محاكمة مبارك والمنشيات بتاعة الجرايد امس بالمطالبة باعدام مبارك وامثلة اخرى كتيرة على ذلك (الجيش هيعط ابنه تحت رجليه عشان ينجو بنفسه) ولن يسلم السلطة الا بالضغط الشعبى وبعد استنذاف جميع اوراقه لن الوم اللى مش هينزل ولن الوم اللى هينزل وسالتزم بالحياد (كل واحد يلزم اجتهاده وكل واحد ونواياه واجتهادك لا يلزم الاخرين واجتهادى لا يلزمك وكلنا نبحث عن الحق) عن سالم بن عمر بن الخطاب

http://www.youtube.com/watch?v=nF5x5jwhSj8 فاكرين عزة هلال ؟؟ اللى كانت لابسة جاكيت احمر ودافعت هى وهى ايهاب اشعيا عن ست البنات فى التحرير لما جنودنا البواسل عروها وعروا كثير من اخلاقنا عزة وبرغم ماحدث وبرغم البهدلة نازلة التحرير احمد حرارة اللى فقد عينيه الإثنين واحد الشباب اللى ربنا - يهديه - تزعم حملة على النت يطالب بالكشف على عينة علشان نعرف صدقه من عدمه ...نازل التحرير انا ايضا اعلنها صراحة لو كان بيدى النزول لنزلت التحرير أو اى ميدان من ميادين مصر وانا مع اى نشاط يقوم به ثوار التحرير للحفاظ على الثورة وتنفيذ اهدافها

أسباب المجلس العسكرى لتسليم السلطة : 1- لأن هذا هو الوعد الذى قطعوه على أنفسهم حين انتصرت الثورة 2- لأنهم شرفاء ولم يحموا مبارك او يساعدوه فى الهرب ولم يحموا اولاده ولم يتستروا على فسادهم 3- لأنهم اقسموا على حماية أمن الوطن ومهمتهم تنتهى بانتخاب سلطة من الشعب 4- لأنهم تحملوا عبئاً كبيرا وارهقتهم الثورة المضادة وثورة الغضب الثانية أو هكذا أظن 5- لأن الشعب وسلطته المنتخبة لن تسمح باستمرارهم فى الحكم بعد الانتخابات الرئاسية وسيكون لهم من المزايا كما لغيرهم من مؤسسات الدولة بدون اى تمييز 6- لنستطيع ان نقول حقاً ويقول التاريخ ان النظام الذى سقط تم استبداله بنظام مدنى منتخب لأول مرة فى تاريخ مصر بوعى مشترك من الشعب والجيش ويد واحدة كما بدأت 7- ليحتفلوا بالتقاعد مع ثورة 23 يوليو ويكون ذلك مسك ختامها

اضافة الى كلام الاستاذ الفاضل وممكن نخسر فلوس اد اية؟ مع استمرار نزيف الاحطياطى وكام مستثمر اجنبى هيمشى من مصر؟ وكام مستثمر مصرى هيفلس نتيجة عدم الامن وتخبط الادارة يعنى عقبال ما نيجى الى تسليم السلطة (دة اذ حصل يعنى) هتكون البلد افلست وشبعت افلاس

و الكام شهر إنتظار دوول ممكن يموت فيهم كام شهيد جديد ؟؟

يأخذون الماء العذب من النيل في قِرَب كي يكون معهم في سفرهم عبر المركب الظاهر بالصورة الماء الذي يأخذوه ليس للاستخدام العادي فقط .. بل وللشرب فقد كان الجميع يشرب من النيل مباشرة كحال أي نهر وقتها .. فقد كانت الأنهار كما خلقها الله بدون مبيدات كيميائية ولا فضلات صناعية فقط تجلس أمام النيل وتمد يديك وتشرب !

لا يا لماضة لو راجعتى التوبيك القديم هتلاقى عضوين ثلاثة كانو بيايدو الثورة تاييد تام قبل بدايتها وانا ولله الحمد منهم وكان تيمور وكان ايمن وتقدرى تراجعى المشاركات ده رأى لماضة ... تماماً زى رأيها لما هاجمت المطالبة بخلع المجلس فى جمعة 8 يوليو الرباط الخاص بي كوبى وبيست تقريباً من ردها هنا وده رأيها فى موضوع ثورة الغضب الثانية الرباط الخاص بي ويبدو انها لم تكن متحمسة لها فى البداية لست أحاسبها وهى حرة فى أرائها كالجميع .. ولكنى ارى انها مع العديدين هم من يريدون السير فى دوائر وليس المجلس العسكرى السلام عليكم و رحمة الله و بركاته اولا بشكر حضرتك استاذي انك فكرتني بالمداخلات القديمة ديت...لاني عندي جهل شديد ازاي اجيب اي حاجة بكتبها...تخياتي و تقديري الحقيقة انا مش بلف في دواير....و موقفي من ثورة الغضب التانية اللي حضرتك ادرجتها في الرابط التاني لو تفتكر كانت في مايو...و ساعتها قولت عايزين نشوف آلية و تنفيذ علي ارض الواقع من قبل المجلس العسكري كنت كتير زي ملايين غير كان لسه عندهم ثقة في المجلس العسكري و زي غيرنا اللي ساب الميدان و روح بيته فرحان لما اتنحي مبارك و سلم السلطة للجيش....كنت فرحانة...اول مرة في حياتي اشوف ثورة و اعيشها يا ناس..(و غالبا مش راح اشوف غيرها) لكن لما بنبقي بنتكلم في فاصل زمني عمره سنة....و محسش ان فيه حاجة حصلت خلاص رايي و انا اتحمله الموضوع مش لماضة و الناس مش راح تنزل علشاني و لا هتاخد قرار انها متنزلشي علشان حد تاني الموضوع مبدأ انا شايفاه كده متحاولشي تغيره و لا تكسره و لا تشكك فيه و لا تخوفني و مش هجبر حضرتك انك تنزل رايك و احترمه و لا هجهز قايمة سودة احط الي هيخالفني فيها مش مستاهلة كل واحد بياخد موقف و بيتحمل نتيجة موقفه تحياتي و احترامي

معذرة انا كنت داخلة التوبيك علشان اسال سؤال واحد (بس مداخلة استاذي استوقفتني) كنت عايزة اسال يا تري حصل ايه في قضية سيد بلال؟؟؟ مرت سنة؟؟ حصل ايه؟؟؟ ده مش سؤال عايز اجابة....ده زعيق....و غضب و حاجات كتير اوي....بتقول...كل ده و مش حاسين ان مافيش حاجة اتغيرت سيد بلال و غيره و ناس تانية كتير اوي راحت و بالكتير هيعملوا ليها نصب تذكاري...(وزير التعليم العالي النهاردة اخد قرار بكده....يا فرحتي) طب ما بدل ما نفتكر اليوم اللي استشهدوا (ماتوا) فيه و بدل ما نقلب علي نفسنا الوجع ليه مبنعملشي الذكري يوم النطق بالحكم و يم تحقيق العدالة ع الاقل نرا اهله هتبرد ع الاقل بدل ما تبقي احياء ذكري الغدر....هتبقي ذكري العدل و لا خلاص مبقناش واثقين ان اصلا فيه عدالة هتحصل مرت سنة؟؟؟ و مافيش حاجة حصلت؟؟ يا تري هتاخد عمر اد ايه؟؟؟

انا مع اكمال الثورة حتى النهاية تسلم ايديك يا لماضة انا مش لاقى كلام تانى اقوله زيادة غير يسقط حكم العسكر, ابنى لن يحكمة عسكرى

معلومات غريبة لا يعلمها الكثير من الناس : هل تعلم انك إذا التقطت صورة بالكاميرا في يوم اكتمال القمر.. فانك سترى أشباحا .. ويمكنك ملاحظتهم بوضوح.. ... ... ... هل تعلم انك إذا أضفت بصلا إلى كميه من الصودا.. فانه سيتكون لديك غاز الاسيد السام والقاتل.. هل تعلم انه في إحدى المحيطات البعيدة توجد دوامة بحرية من يسقط بها يجد نفسه في الفضاء خارج الغلاف الجوي.. هل تعلم انك إذا أكلت فاكهة بعد شربك للقهوة فانك ستموت فورا ..... وهذه حقيقة لم يستطع العلماء تفسيرها.. هل تعلم انك إذا تحدثت في اليوم الواحد أكثر من 1400 كلمة.. فانك مهدد بالإصابة بجلطه دماغية.. هل تعلم انك إذا استلقيت على الرمال لمدة 5 ساعات متواصلة فانك ستجد نفسك في الجهة الثانية من الكرة الأرضية.. وهذه حقيقة غير مجربة حتى الان هل تعلم انك اذا قلت.. زوباغ.. ريباغ..عسواج.. مزهاغ.. فانك سوف تسمع أصوات أشباح . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . هل تعلم انك إذا صدقت كل الكلام الي فوق خسارة فيك الكمبيوتر! كفاية عليك آلة حاسبة

شكرا أستاذ عادل على تعليقك واستفسارك عن موضوعاتي الخاصة بالأفلام. للأسف علاقتي بمجال الأفلام تساوي صفرا ، ربما استمع للأغاني القديمة ويمكن أن تري ذكرياتي عنها في باب الفنون. أشاهد البرامج الحوارية والدينية ولكنني لاأشاهد القنوات السلفية لانها ليست موجودة عندنا ولكن لاختلاف التوقيتات يفوتني الكثير من البرامج. ولكنني متابع جيد للأخبار بالتليفزيون والانترنت وهذا هو السبب ان تعليقاتي متعلقة بما يدور على الساحة. وأوعدك لو غيرت رأيي وقررت أن أشاهد أفلام خليعة فلن أتردد عن التعليق عليها. أثبت لي الان إن حضرتك بتنتقد الأفلام الخليعة بطريقة غير موضوعية لإنك كما تقول لم تعرفها من الأصل ( ولله الحمد ) بس مش ده كلام حضرتك علشان كدة في موضوعات حضرتك و انتقادك للسلفيين و الإخوان بتفتقد لنفس الموضوعية و هي إن حضرتك تنتقد ما لم تعايشه على الواقع فلم تعايش فعليا الإخوان أو السلفيين في مصر إلا من خلال القنوات والانترنت .. ورغم إن حضرتك نأيت بنفسك عن مشاهدة السيء من الأفلام .. فلم تتردد في عرض السيء من الفيديوهات علينا و التي لا يقبلها عاقل وتصر على إلصاقها بالسلفيين و الإخوان . فقط قليل من الإنصاف .. لن يضر أستاذي الفاضل تحياتي

دكتورين فى كلية علوم قاعدين بيشربو قهوة | | | | | | | | | الأول بيقول للثاني : • امبارح وأنا بصحح أوراق الامتحان حصلى موقف غريب جدا ! • خير انشاء الله .. • تصور صححت ورقة امتحان طالب أخد 74 من 100 • ياااااااااااه طالب عندك ياخد 74 والله غريبة فعلاً • بس أنا ماسكتش على الموضوع طبعاً • عملت ايه ؟! • رجعت صححت الورقة مرة ثانية و شددت التصحيح جدا نزلت الدرجة لـ 64 درجة • ياااااااااااه .. بعد التشديد وأخذ 64 والله مصيبة • بس هييييه على مين .. رجعت وصححت مرة ثالثة وشددت اووووى اوووووى .. عصرت الدرجات عصر طلعت درجته 52 .. تصوّر ! • طالب عندك بياخذ بالامتحان 52 .. مستحيل ! • أنا كمان ما اقتنعتش .. قلت أفتح أشوف اسم الطالب العبقرى ده • طلع مين ؟ • تصوّر .. طلعت نموذج الاجابة

أنا باحب صلاة الضحى جدًا باحس إن اليوم بيفرق كتير لما أصليها كمان باحب أقرأ فيها من المصحف و أدعي كتير في السجود لو صليتها من غير مصحف مش حتاخد 3 دقايق بالمصحف حسب حتقرأ قد إيه يعني عبادة سهلة أقلها ركعتين و الرسول صلى الله عليه و سلم صلاها 2 و 4 و 8 في الصحيحين عن أبي هريرة رضي الله عنه قال رسول الله صلى الله عليه و سلم: (أوصاني خليلي صلى الله عليه وسلم بثلاث .. صيام ثلاثة أيام من كل شهر.. وركعتي الضحى .. وأن أوتر قبل أن أنام) و وقتها بعد ارتفاع الشمس إلى وقوفها عند الظهر هذا كله ضحى والأفضل أن تصلي حين يشتد الضحى وحين تحتر الشمس لقوله صلى الله عليه وسلم: ((صلاة الأوابين حين ترمض الفصال)) رواه مسلم في صحيحه بعد الجملتين المنقولين اللي فوق دول.. قرأت إن موعدها نصف ساعة بعد الشروق حتى نصف ساعة قبل صلاة الظهر صباح الفل

أعتقد ان الموضوع حصل به خلط بين عنوانه و ربطه مع موقف رئيس حزب الأصالة اللي استنكره الغالبية من المصريين و اعتقد إن الخبر في صدر الموضوع يوضح ان السلفيين لا يرون مشكلة في التهنئة .. يوجد فارق كبير بين التهنئة و حضور القداس .. المفروض أن نناقش عنوان الموضوع و هو "النور" يرفض مشاركة الكنيسة بالقداس.. وأبو إسماعيل ينتظر الدعوة " و المحور الأساسي هو " رفض المشاركة في القداس " من فصيل سياسي سؤال لحضرتك يا أستاذ محمد .. بما إن حضرتك عايش في أمريكا فيه أي نائب في أي ولاية امريكية فيها مسلمين بيصلي العيد مع المسلمين ؟ بلاش أمريكا حضرتك لو فيه نائب مسيحي عن دايرة معينة في مصر .. أهل دايرته عاوزينه يشاركهم في أفراحهم و احتفالاتهم زي حضرتك ما قلت .. هل ممكن الناس دي تلومه إنه ما راحش يجامل أهل دايرته و يقعد معاهم في المصلي يوم صلاة العيد .. و هل فيه حد هيدعيه أصلا .. السؤال اللي بيطرح نفسه هو ليه الكنيسة وجهت الدعوة لحزب النور لمناسبة دينية بحتة .. على الرغم من إنهم عارفين رأيهم المعلن مسبقا إنه لا يجوز تهتنئهم بأعيادهم ؟؟؟ يعني هم عارفين .. إنهم مش هيوافقوا .. يبقى إيه الهدف ؟؟ طب سؤال تاني .. هو ليه لم يتم توجيه نفس الدعوة لشيخ الأزهر و المفتي ؟؟؟ هم دول برده مش شخصيات عامة و سياسية رغم مكانتهم الدينية .. شيخ الأزهر بعت مندوب تأييد للتحرير في جمعة 25 نوفمبر يعني له مواقف سياسية .. شيخ الأزهر بيروح يزور البابا شنودة في أكثر من مناسبة .. والمفتي عنده سعة في حضور المناسبات و له واقعة شهيرة في موافقته على تقطيع تورتة عيد ميلاده الـ 57 في أحد نوادي الليونز بعد ندوة حضرها .. مع ذلك ما شوفناش حد وجه الدعوة لشيخ الأزهر أو المفتي لحضور قداس عيد الميلاد ... مع إن الواقع بيقول علاقة شيخ الأزهر و المفتي بالكنيسة و بالبابا شنودة و بالمسيحيين علاقة طيبة .. و دار الافتاء أصدرت فتوى عن تهنئة المسيحيين مخصوص للرد على كلام رئيس حزب الأصالة .. حد عنده إجابة ؟؟

أرى أن هذا هو الموقف الشرعي السليم ، فلا ينبغي للمسلم أن يتهاون في أمر عقيدته والتي ما خلقه الله إلا لتحقيقها . فلقد خلق الله السماوات والأرض وأرسل الرسل وأنزل الكتب لأجل تحقيق عقيدة التوحيد . يحتفل النصارى في هذا اليوم بميلاد الرب (بعقيدتهم) ! وأنا مسلم موّحد صاحب عقيدة ورسالة ، فبأي شئ احتفل ؟! نعم أمرنا أن نعاملهم بالبر وبالقسط ، ولكن لم نؤمر بمشاركتهم في أعيادهم الكفريّة . وندعو الله أن يشرح صدورهم للدين الحق ، فوالله نحن نحب لهم الخير ونخاف عليهم من عذاب النار .