لوحة القادة

أخويا يا ثاير .. يا رمز الفِـدا يا عاشق لوطنك.. لأبعد مدى بحــق الإخــوه.. بنادى عليك ياريتك يا خـويا .. تلبى النِـدا بنادِى .. وبقُلَك.. بِصِدق .. وضمير بـــحـــبـــك ... برغم اختلافنا الكبير ولكن سامحنى.. معاك مش حـَ اسير الوضع فـ بلدنا .... ياخويا .. خطير وخايف عليها :egyflag: تـضيـع..تنكـسـر و دمــك مـعـاهـا .. كـده يـروح هدر وطبعا .. كــلامــى .. دا وجهة نـظـر بـقـولها .. وبَعِيدها .. بـكـل الصــور وتِفضَل أخــويا .. كِدا .. أو كِدا :give_rose: ونِفضَل حبايب .. ومحناش عِدا :clappingrose: أخــويـا يا ثاير .. يا رمــز الفِـدا

لا اله الا الله هو ليه معندناش غير يا يمين يا شمال فيه 180 درجة نقدر نتكلم جواهم يا اخي الفاضل اتق الله الناس اللي بتشتمها هي السبب الاصيل ف اننا قاعدين نتكلم بالطريقادي و بنتناقش في مصير الوطن و تحديد مسار العملية الديمقراطية ياريت شوية تركيز مش كده يعني

الشعب كان هيفرح باليوم ده أكتر لو ... لو اعلنوه يوم تكريم الشعب المصري اللي قام بالثورة .. لو اعلنوه يوما لتكريم الشهداء والمصابين و الثوار الذين ضحوا و خاطروا في أيام الثورة و منحهم نوط شرف أعلى من نوط العسكريين لو أعلنوه يوم قيام دولة مصر المدنية بعد الثورة يقودها رئيس مدني منتخب لو أعلنوه يوم لتدشين مشروعات رائدة يلتف حولها المصريون بأحلامهم و بسواعدهم و بعقولهم لو أعلنوه يوم القصاص من أجرموا في حق هذا الشعب لو أعلنوه يوم يعيشه المصريون في بلدهم الآمن لو أعلنوه يوم رد مليارات نهبت من الشعب لو أعلنوه يوم إعلان خطة بناء التعليم في مصر لو أعلنوه يوم عيد في سفارات مصر حول العالم تفتح أبوابها للمصريين و أبنائهم و زوجاتهم للاحتفال لو أعلنوه يوم نبدأه بصلاة شكر للمسلمين في مساجدهم و للمسيحيين في كنائسهم لو أعلنوه يوم رد المظالم عن الجميع و اعلان ميثاق شرف بين المصريين جميعا .. نعمل في حب و طالما مفيش ولا لو اتحققت .. كانوا ينقطونا بسكاتهم أحسن ... و يقولوا شكرا يا أزهر

في رأيي خبر سييء وينبئ عن نية المجلس العسكري الاستمرار في خداعنا بأنه كان ومازال مع الثورة وحماها. وإمعانًا في الخداع، فهيعطي أنواط الواجب العسكري لقيادات القوات المسلحة على اعتبار أن الجيش حمى الثورة. وأنا الحقيقة مش عارف ايه نوط الواجب العسكري اللي هياخده القائد اللي أصدر أوامر بكشف عذرية بنات مصر. ولا الوسام اللي هياخده القائد اللي أصدر الأوامر بسحل بنات مصر في الشوارع وعلنًا أمام الكاميرات ليراهن العالم أجمع. ولا النيشان اللي هياخده القائد اللي أصدر الأوامر بقتل المصريين وأخذ نور أبصارهم علنًا برضه. ومن ناحية تانية ... المجلس العسكري عايز كلمته هي اللي تبقى الأعلى، وصوته هو أكتر صوت مسموع. كلمته أعلى من كلمة الثوار، وصوته مسموع أكتر من هتافات المتظاهرين. الاحتفال من أهدافه إخفاء صوت الثوار في السرادق المجاور بصوت الاحتفال الأعلى. المجلس العسكري بإيد بيعمل احتفال منه يأكد انحيازه للثورة، ومنه يخفي صوت الثوار، ومنه يسحب من رصيد الثوار عند الرأي العام وعند من لم يحسموا أمرهم بعد ويشق الصف أكتر وأكتر، وبالإيد التانية هيكون بيجهض في الثورة أكتر وأكتر وبيعتقل الثوار وبيستجوبهم (راجع مظهر شاهين ونوارة نجم وأيمن نور والثوار اللي بيتم استدعاؤهم على إنهم شهود فيتحولوا لمتهمين ويختفوا!). الخبر بيأكد إصرار المجلس العسكري على قيادة الثورة المضادة.

اللواء محمود منصور لم يخطيء الرجل عبر بصدق عن مكنون المجلس العسكري تجاه الثورة والثوار والشعب المصري هؤلاء أصحاب نظرية احنا اسياد الناس واللي يمد إيده على سيده نقطعها له بالمناسبه .. عضو 6 ابريل معيد بهندسة طيران مدني بالجامعة الالمانية يعني مينفعشي يبقى عيل ولا اجنده ولا عميل امريكاني لانه باخصار عينه مليانه ومش منتفع من الثورة زي شيوخ خد الدية واسكت خد الديه ونام

علي جريدة الاهرام ، نفي اشاعة التزوير وتوضيح مفصل التنمية الإدارية تؤكد‏:‏ لا صحة لما أشيع عن تزوير في أصوات الناخبين نفت وزارة التنمية الإدارية المسئولة عن إعداد وتجهيز قاعدة بيانات الناخبين والجداول الانتخابية التي تم علي أساسها إجراء الانتخابات البرلمانية بمرحلها الثلاث بشكل قاطع ما تردد ببعض الصحف والقنوات الفضائية خلال اليومين الماضيين عن وجود عمليات تكرار واسعة النطاق في أسماء الناخبين بالجداول الانتخابية, وأكدت أن ما جري الحديث بشأنه هو قوائم أسماء الناخبين التي أنتجتها الوزارة وتم توزيعها علي المرشحين للاستعانة بها في أعمال الدعاية الانتخابية, وهذه الأسماء لا تعبر عن الهوية الكاملة للناخبين ولكن تذكر بها الأسماء فقط بدون ربطها بالرقم القومي أو الرقم في الكشوف الانتخابية, وبالتالي فهي عرضة لوجود تشابهات وتكرار في الأسماء بمئات الآلاف وربما الملايين, لكن هذا لا علاقة له علي الإطلاق بعملية التصويت ولا يؤثر عليها من قريب أو بعيد, وليس له علاقة علي الإطلاق بالنتائج أو سلامة عملية التصويت ونزاهتها, واكدت الوزارة أن العملية الانتخابية لسيمة والنتائج المعلنة عنها دقيقة وتكرار الأسماء الذي جري الحديث عنه لا يؤثر في النتيجة, لأن هوية الناخب أثناء التصويت تتم من خلال حزمة معلومات مترابطة يندمج فيها الاسم مع الرقم القومي مع الرقم في الكشوف الانتخابية مع محل الإقامة, وليس الاسم فقط. وفي تصريح خاص للغة العصر شرح الدكتور أشرف عبدالوهاب القائم بأعمال وزير التنمية الإدارية هذا الأمر من خلال النقاط التالية: 1ـ أوردت بعض الصحف وإحدي القنوات الفضائية أن هناك أعداد كبيرة من المواطنين تم تكرار أسماؤهم في كشوف الناخبين التي تم توزيعها علي المرشحين في وسائط ممغنطة, وأن البعض قام بمراجعة وتحليل هذه الأسماء وفهرستها وانتهي إلي وجود ملايين الأسماء المتكررة داخل الجداول, وانتهي من ذلك إلي أن عملية التصويت شابتها عملية نزوير واسعة النطاق تصل إلي ملايين الأصوات. نود أن نلفت النظر إلي ما يلي:- 2- هذه الوسائط خاصة بالمرشحين وليس الناخبين, وتم إعدادها بحيث لا تشمل الأرقام القومية للناخبين حسب نص القانون رقم(38) لسنة72 في شأن مجلس الشعب المادة العاشرة, ولا عناوين الناخبين ولا أرقامهم داخل اللجان الانتخابية, ولا أرقام اللجان الانتخابية التي ينتمون لها, وذلك حسبما ينص عليه القانون من ضرورة حماية الخصوصية للمواطنين وعدم هتك هذه الخصوصية بإذاعة الأرقام القومية والعناوين الخاصة بالناخبين وتوزيعها علي المرشحين, كما روعي في ذلك مقتضيات ومتطلبات الأمن القومي التي تفرض عدم إتاحة بيانات خمسين مليون مواطن علي الملأ بهذه الصورة بما يشكل تهديدا للبيانات القومية وجعلها عرضة للوقوع في أيدي أجهزة وجهات أجنبية ومحلية وتجارية ليس من حقها الإطلاع عليها وامتلاكها في صورة مجمعة ومفهرسة بهذه الصورة, لأن هذه البيانات تعد أصل من الأصول الوطنية التي هي ملك خالص للدولة المصرية وحدها دون غيرها, بل وأن الدولة من مسئولياتها اتخاذ كل التدابير الممكنة لحماية هذه البيانات وصيانتها. 2- ظاهرة تكرار الأسماء داخل السجلات المدنية معروفة منذ بداية القرن الماضي وما قبله وتتزايد مع الوقت وتعيها أجهزة الدولة جيدا وتعرف مسبقا أن تكرار الأسماء بالملايين, ولذلك فهي ظاهرة كانت تمثل مشكلة ضخمة بالنسبة لأجهزة الدولة جميعا وليس الجهات المشرفة علي الانتخابات فقط, فتم التفكير في إنشاء قاعدة بيانات الرقم القومي عام1982 أصلا للتعامل مع هذه المشكلة, عبر إنتاج رقم قومي متفرد لكل مواطن, يتم ربطه باسم المواطن بحيث يصبح الإثنان الرقم والاسم ههما العنصران المحددان للهوية بصورة نهائية, وقد روعي أن يتم إنتاج الرقم آليا وفق معايير علمية صرفة لا يتدخل فيها المواطن أو أي جهة, وبالتالي فإن وسيلة التحقق من هوية الناخب عند دخوله اللجنة وعند التصويت هو الأسم مربوطا بالرقم القومي وليس الاسم فقط, وعليه فإن أي تكرار في الأسماء عند فصلها عن الأرقام القومية يعد أمرا بلا معني ولا شأن له بسلامة التصويت ونزاهته, وأي حديث في هذا الاتجاه يعد استنتاجات مغلوطة قائمة علي عدم معرفة بطريقة إعداد وعمل قاعدة البيانات, وطريقة إدارة البيانات بداخلها وإنتاجها منها. 3- المقياس الحقيقي والوحيد للحديث عن تكرار الأسماء في العملية الانتخابية والتصويت هو تدقيق ومراجعة ظاهرة تكرار الأسماء والأرقام القومية المقابلة لكل اسم داخل الكشوف المطبوعة التي تسلمها القضاة وتم علي أساسها إجراء الانتخابات والتصويت وقام الناخبون بالتوقيع عليها أمام القضاة أثناء دخولهم لجان التصويت وليس الكشوف الموزعة علي المرشحين لأغراض الدعاية الانتخابية, ومن ثم فاستخدام كشوف الدعاية الانتخابية للحديث عن وجود تكرار أو تزوير بالانتخابات يعد حديثا مغلوطا كلية وليس له أساس من الصحة. 4- جميع الأسماء التي أشير إلي تكرارها في كشوف الناخبين تم مراجعتها بقاعدة بيانات الرقم القومي الثابتة في مصلحة الأحوال المدنية التابعة لوزارة الداخلية( اصل بيانات قاعدة الناخبين) واتضح ان لكل اسم منها رقم قومي متفرد ومحل اقامة وتاريخ ميلاد مختلفين, بالإضافة إلي ذلك فقد تم مراجعة أسماء الأم لكل اسم من هؤلاء وتبين اختلافها لهذه الأسماء المكررة بما يعني اختلاف الأشخاص المتشابهة أسماؤهم. 5-التعرف علي هوية الناخب أثناء التصويت يتم من خلال بطاقة الرقم القومي والتي تحوي اسم الناخب ورقمه القومي بالإضافة إلي صورته والتي يتأكد من صحتها كل من رئيس اللجنة الفرعية. وأنهي الدكتور أشرف عبد الوهاب تعليقه بالقول بأن واقعة تكرار الأسماء المشار إليها ليست تكرار للأشخاص وإنما هي تشابه فعلي بالأسماء, الفيصل بنها هو ب الأرقام القومية المختلفة ومحال الميلاد المختلفة وأسماء الام المختلفة, وبالتالي فالواقعة برمتها ليس لها أدني تأثير علي العملية الانتخابية ولا علاقة لها بالجداول التي استخدمت في عملية التصويت, وتم علي أساسها الفرز وإعلان النتائج, http://www.ahram.org.eg/AIT/News/123924.aspx

ليه مش صابر أخويا يا ثاير بلدك بيفلس و بينزف نكلم فيك تزعل وتكابر وعامل فيها شهيد وبتحلف راسك ناشفة ودمك فاير فاكر أخوك جاهل متخلف عايز تنزل تانى في يناير وأنا و الله عليك متأسف تقول سلمية ومعاك مولوتوف وفاكرنا نايمين مش بنشوف ارحمنا ياخويا واعمل معروف دنا من غلبي خلاص متأفف

اردت ان تشاركونى الاعجاب ولو بعض الوقت. بكل ما فى هذه الصور من روعة. رقص الحصان الاندلسى الأصيل ..(( بالتأكيد يعود الى اصله العربى )). ولنرى معا كيفية التناغم والتوافق بين حركات الراقصة وغناء المغنى ورقص الحصان. أردت ان نخرج قليلا خارج دائرة ....الأحداث الجارية . كل تحياتى ..... http://www.youtube.com/watch?v=EhKxWhKqmEY&feature=related :clappingrose:

بدأ فرز الفردي نتيجة مرتضي منصور لحد دلوقتي نتيجة الحصاوي فلول في الغربية

25 يناير 2011 عبدالمنعم ابو الفتوح حمزة نمرة وائل غنيم بلال فضل عمرو سلامه عبدالرحمن يوسف يا الله اول مرة اشوف الفيديو ده http://www.youtube.com/watch?v=aDLR-ktpQ2Q#!

هى ثورة شعب ولا يوجد 85 مليون نوط شرف يا ابوعمر هذا اليوم سيكون 30 يونيو الفترة الانتقالية لا تحتمل مشروعات رائدة لانها بلا تمويل .. وينبغى تطوير مصادر الدخل القومى أولاً القصاص جارى وسيكتمل وليس له يوم محدد لو هدأنا والتفتنا لأعمالنا وامتنع دعاة التسلح والاعتصامات عن تهييج الناس لعشنا بأمن وأمان لان الداخلية ستركز على مطاردة عصابات السلاح القادم من ليبيا المال الحلال مبيضعش ... وفلوسنا هاترجع التعليم يحتاج زويل على رأسه او كرئيس للوزراء حتى ينصلح .. سلطة الفترة الانتقالية تسير الامور فقط لعدة شهور فقط ماهو كده طبعا وهاتشوف الاحتفالات يومها المسلمين يسجدون شكراً ولا توجد لدينا صلاة شكر تم اعلان ميثاق شرف للشرطة ويبقى عمل ميثاق شرف للشعب ... الالتزام والاحترام يجب ان يكون متبادل

أهلا بيك أستاذنا الفاضل مستنيك وبقالى يومين أخويا الثاير نشف ريقي أروحله شمال ويجيلى يمين أقوله استنى فاكرنى جبان هى الجرأة دى يعنى تهور ودم يسيل من غير حسبان لو مش همك نفسك ماشي بس انا همى في بلدى كمان أنا مش عايز حرب شوارع ودمار يسرى فى كل مكان شكرا ليك أستاذى الفاضل و سلامى لأخويا الثاير ولا يزعل منى ولا يغضب هدعيله في كل اوان

السلام عليكم و رحمة الله و بركاته مع تحفظي على عنوان الفيديو بنت مصرية تعرض وجهة نظرها http://www.youtube.com/watch?v=0FBYdpQ3Wqs

احتراما لقدرك وقدراتك الشعرية اسمحلى ان ارد عادى (بدون رص كام قالب طوب واقول انه بيت شعر وادعاء انى بعرف فى الشعر) انا شايف معظم الناس اللى رافضة النزول يوم 25 يناير حتنزل اول يوليو معظم الناس المعارضة بتقول خليينا ورا الكداب ومعظمهم متأكدين انه لن يسلم السلطة كالاتفاق ممكن نعمل مقارنة بسيطة بين النزول يوم 25 ولا اول يوليو الهدف من النزول يوم 25 :تسليم المجلس العسكرى الحكم الى سلطة مدنية الهدف من النزول اول يونيو:تسليم المجلس العسكرى الحكم لسلطة مدنية وسيلة تحقيق الهدف : الثورة او المظاهرات السلمية فى الأثنين المكان :ميدان التحرير وميدان مصر كلها :برضه هما الأثنين الخطورة :هناك خطورة من العنف من طرف القوة الحاكمة ممكن ان يستشهد ويصاب الكثيرون فى من سينزل فى 25 يناير او يوليو من الناحية القانونية:خروج على الشرعية الدستوريةوالتحويل الى قضاء عسكرى ومدنى بتهم كثيرة :فى اليومين برضه من الناحية الشرعية الخروج على الحاكم فى الاثنين يعنى هناك اشياء مشتركة كثيرة لاتعطى الحق للمعترض على الثورة الثانية وموافق على ثورة يوليو ان يشكك او يتهم او يحكم شرعا ولا قانونا على من سينزل لى يناير لانه ببساطة سيحكم على من سينزل يوم واحد يوليو والى كل من يذكر ان هناك مؤامرات يوم 25 احب اقولله انا معاك ان هناك مؤارات عالمية للضرر بمصر يوم 25 ويوم واحد يوليو برضه

ومن قال أن هذا لم يحدث أخي أبو ريم ؟؟؟ 6 إبريل فعلت ما هو أكثر من ذلك فقد تقدمت ببلاغ رسمي للنائب العام ضد نفسها! لكي يقوم بالتحقيق في مصادر تمويلها فما هو المطلوب منها أن تفعله أكثر من ذلك ؟؟ وأنا ذكرت ذلك ايضا في الافتباس... واؤيدها في تصرفها وايضا اؤيد المطالبة بعقوبة قوية لصاحب التصريح اذا ثبت انه اتهام كاذب وهناك عقوبة على الاتها الكاذب...تتطبق على الجميع.. واذا كان هناك اي ضغط من دول عظمى على المجلس العسكري لعدم فتح هذا الملف فهنا ستكون الاشكالية... ولذلك نتفق جميعا على اهمية تخلي المجلس العسكري عن السلطة.... وكنا نتمنى ان يخرج الناس ويتسامحوا على الخلافات ونحتفل جميعا بسقوط الطاغية وكنا نود ان تكون يحتفل فيها الجيش والشعب ويتم اظهار النوايا الحسنة للعسكر وانهم استطاعوا حماية ارادة الشعب في الانتخابات وبهذه الروح كنت اتوقع ان المجلس العسكري سينتهز الفرصة ويخرج من الحكم في يونيو وهو مطمئن من شعبه لكن للاسف بعض افراد الشعب يريدون ويحبون العيش على الفضائح... ولم يتعلموا من رسولنا الكريم في صلح الحيديبة عندما وقع المعاهدة مع الكفار...رغم وجود عداوات وشروط مجحفة لا يقبلها البعض..ولكنه تعامل مع الواقع في حينها وعلم ان التنازل في بعض الاوقات يكون للمصلحة العامة افضل من الدخول في مواجهات لن تنتهي واظنك يا اخي ابراهيم قد تتفق معي هذه المرة..في ان الاحتفال وتناسي الخلافات ووقف التخوين هو الحل الامثل في هذه الظروف تحياتي لك وتصبح على حير صباح الخير أبو ريم ظنك في محله وأنا أتفق معك فيما قلته بإستثناء نقطة الإحتفال أتفق معك في وجوب تناسي الخلافات والوقف الفوري لحملات التخوين لكن بالنسبة لنقطة الإحتفال : فأنا للأسف لا أجد الشىء الذي أحتفل به بعد مرور سنة كاملة على الثورة سعيد بالتأكيد بالمظهر الذي كانت عليه الإنتخابات البرلمانية , لكن البرلمان في حد ذاته لم يكن هو الهدف من الثورة , ولكن إنتخاب مؤسسات الدولة هي وسيلة لتحقيق أهداف الثورة الذي نادت به منذ أول يوم في 25 يناير 2011 : عيش حرية عدالة اجتماعية كرامة انسانية وطوال السنة الماضية مازال المواطن المصري يتم إهانته , ويُهدر دمه دون القصاص له , وزادت حالته المادية ومستوى معيشته سوء على سوء , ومازالت الطبقية البغيضة قائمة في المجتمع , ومازال الإعلام يقوم بدوره المعهود في تغيبه عن الوعي حتى حكومتنا والمفترض أنها ( حكومة الثورة ) لم تقم بجعل يوم 25 يناير أجازة رسمية تحتفل فيها الدولة بالثورة المجيدة أنا أسف يا أبو ريم والله لا أجد ما أحتفل من أجله, بل أنني أشعر بألم وغصة في حلقي كلما إقتربت ذكرى ثورة 25 يناير العظيمة, وأشعر بحسرة كلما قارنت بين الأمال الكبيرة بلا سقف والأهداف السامية التي نادينا بها في الثورة وبين وضعها الحالي .

من اجمل الاخبار برضوا الراجل ده هايولع البرلمان لأن مثال الشرف فهو صاحب قضية فسخ عقد مدينتي وبالم هيلز وقضايا اخرى لثروات مصر المنهوبة الف الف مليون مبروك للمهندس حمدي الفخراني

سمعت يسري فودة بيعلن فوز خالد الديب على مرتضى بما أنك ( سهران ) زي فيسعدني ~أبشرك و أفقعني نقطة خضرا لو سمحت

ليس هنالك دقات اضعف من بندول الساعه ومع هذا فأن ارتعاشاته ؛ تحطم الزمن !! يمكن لبعوضه ان تكدر لياليك .. كما ان ذبابه بإستطاعتها ان تنهيك ! فأقم وزنا لأتفه الأشياء وادق المخلوقات ألا ترى الجراثيم / تحصد ارواح الملايين !! ( بكتريا )

من باح بالأسرار يشابه الأحمق فالصمت والكتمان احرى بمن يعشق

http://www.youtube.com/watch?v=xNnCUO3hda0الفرق بين الطفل المصرى والطفل الأجنبى

اوباااااااااااااااااااااااااااااااااااااااااااااااااااااااااااااااااااااااااااااااااااااااا\ حل وسط ورائع للخروج من الازمة اعتقد والله اعلم منحهم مثل هذا النوط يعفيهم من المساءلة القانونية بالاضافة الى المعاملة الخاصة والتمتع ببعض امتيازات الجيش حتى بعض خروجهم منه فى رايى افضل من موضوع الخروج الامن والحصانة والكلام ده موضوع ان 25 يناير يكون عيد قومى اكيد خبر حلو بس هايزعل الشرطة

اينشتاين راجع فى طيارة على مصر و معاه واحد مصرى اينشتاين قاله بص هسألك سؤال لو مجاوبتينيش عليه تدينى 5 دولار ... و انت اسألنى سؤال لو مجاوبتكش عليه ... ... هديك 500 دولار المصرى قاله ماشى اينشتاين قاله ما هو سر الجاذبية الأرضية ؟ المصرى راح على طول مطلع 5 دولار و مديهالوا من غير ما يفكر خد اينشتاين ال5 دولار وضحك و قاله اسألنى انت بقى المصرى قاله ما هو الشئ الذى يصعد الجبل بثلاث رجول و ينزل برجل واحده اينشتاين قعد يفكر واتضايق أوى و راح مدى المصرى 500 دولار و قال اينشتاين للمصرى ايه هو الشئ دا راح المصرى مطلع 5 دولار و ادهالوا

ماشاء الله يا تيمور اية دة, انت طلعت احسن واحد بينفذ الاوامر بحزفيرها ( تمام يافندم) :)

بيقولوا 25 يناير عيد الثورة ! حاضر "حنعيدها" :egyflag:

ملعوبة يا اوزو .. يا مزاجك العالى

ايوة يالونا . اسمك جميل قوى يالونا ......( لونا يعنى قمر باللغة الاسبانية ) ..وانا سبق لى وقلت لك ان اسمك حلو قوى . انا بقى ممكن افضل اتكلم لحدددددد بكرة ف الموضوع ده. حتى لو اعترض المعترضون من كل الجنسيات . شوفى يالونا... قولى لأبنتك الصغيرة .......أن مش شرط ام البلاد يعنى امهم اللى ولدتهم . لالالالا ده معناه .امهم....يعنى (( تأمهم )) زى كدة لما يبقى فيه امام ..يؤم المصلين . هى بقى أم البلاد .. آهو اللى كتب الكلام ده كتبه باحساسه وعلشان كدة قال ......أم البلاد يعنى هى ف المقدمة دايما. هى امام...,الباقى مصلين . الكل بيعمل زيها . قولى لها متزعلش من الولاد اللى بيزعلوا من الكلام ده ومعترضين عليه . وخليها تقول لهم...اسألوا جدودكم لو كانوا لسا عايشين ....مين اللى علمكم.. مش مدرس مصرى ؟؟ ومين اللى طببكم؟؟ مش طبيب مصرى ؟ ومين ومين ومين ؟؟ أول حضارة كانت فين؟؟؟...............حضارتنا مش خمس الاف سنة .. الكلام ده مش صحيح... حضارتنا لها اكتر من عشرة الاف وزيادة ......ده الهرم لوحده داخل ف سبع الاف سنة . حضارتنا مش مجرد اصنام ( زى ما بيقولوا يعنى ) ... خللى بنتك تقول لأصحابها ......ايه رمز اطباء العيون على مستوى العالم كله؟؟ عيون فرعونية .. طيب ليه؟؟؟ لأن المصرى القديم ...هو أول من عرف طب العيون .. عارفة يالونا؟؟؟ المصرى القديم هو أول من عرف خيوط الجراحة.. ومش فاكرة اكذب عليكى لو قلت لك انى فاكرة بالظبط...بس انا عارفة انهم تقريبا اخذوا امعاء بعض الحيوانات وعملوها خيوط للجراحة . وغيره وغيره وغيره ... الكتابة ....والطباعة ...وكل شئ.. والتجارة كمان...المصرى القديم عرف التجارة وكان بيبادل السلع والمنتجات اللى بيعملها .. وعملوا مساحيق للزينة .....ده غير البناء طبعاااا اللى برعوا فيه جدااا. وايضا بناء السفن . الف حاجة عملها المصريين .....ومش عاجبكم اننا نقول ام البلاد؟؟؟ انا لو يسألونى .المفروض مصر نسميها بلد؟؟؟ الرد حايكون....لالالالالالالا مصر المفروض انها ........هرم قائم بذاته. لكن؟؟ منهم لله ....ربنا مش حايسيبهم اللى خللوا ولاد مصر يهاجروا برا مصر ويسيبوا مصر ويدوروا على أكل عيشهم بعيد عنها . على مر العصور كان فيه ف مصر ........مصاصى دماء الشعوب . لكن؟؟ ربنا سبحانه وتعالى دايما بيحفظ مصر . وان شاء الله حاتفضل مصر زى ما كانت دايما. أم الدنيا .. بلادى فوق جبين الدهر حرة ياأغلى درة ... :clappingrose: :clappingrose: :clappingrose:

مصر أم الدنيا لسبب تاريخي و لسبب ديني ، ذكر في تفسير ابن كثير : مصر سميت ام الدنيا نسبة للسيدة هاجر زوجة سيدنا إبراهيم عليه السلام حيث هى من مصر وولد سيدنا إبراهيم فى العراق وانتقل وعاش بين مصر والشام وتزوج السيدة هاجر وهى كانت من مصر وبعدها انتقل للجزيرة العربية وتم تعمير الجزيرة العربية التى لم يسكن بها بشر من قبل وتم رفع قواعد البيت العتيق لهذا سميت مصر أم الدنيا حيث ان السيدة هاجر هى أم أنبياء الله وام سيدنا إسماعيل وأم العرب وهى مصرية و كان هذا تكريم للسيدة هاجر زوجة سيدنا إبراهيم وأم سيدنا إسماعيل ابو العرب والأنبياء والدليل على هذاحديث رسول الله عن أهل مصر وهو حديث صحيح فقد روي عن رسول الله صلى الله عليه وسلم أنه قال: " ستفتح عليكم بعدي مصر فاستوصوا بقبطها خيرًا فإن لهم ذمة ورحمًا " قال ابن كثير رحمه الله: والمراد بالرحم أنهم أخوال إسماعيل بن إبراهيم الخليل عليهما السلام لأمه هاجر القبطية وهو الذبيح على الصحيح وهو والد عرب الحجاز الذين منهم النبي صلى الله عليه وسلم وأخوال إبراهيم ابن رسول الله صلى الله عليه وسلم وأمه مارية القبطية وقد وضع عنهم معاوية الجزية إكرامًا لإبراهيم ابن رسول الله صلى الله عليه وسلم. سميت مصر نسبة إلى اسم ابن سيدنا نوح عليه السلام" مصرائيم" حيث الجنس الحامى هو أول من سكن مصر بعد طوفان سيدنا نوح :copied:

اسمه كحك يا شهد بالمصري مش عايزة اقولك على فرحة لمة عمايل كحك الفرح عند العروسة و العريس لسة موجودة في الفلاحين و المدن الصغيرة و حتى في القاهرة و اسكندرية مش عارفة اخبار الصعيد ايه .. بس افتكر لسة موجودة و اهم حاجة ازاي يحافظوا على الكحك بعيدا عن متناول الأطفال مش عشان مياكلوهوش.. لا .. عشان بيكسروه و يبهدلوه و ميبقاش شكله وحش و هوا رايح بيت العرسان في انتظار باقي الحلقات

شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار مـــعــــقــــــولــــه ده ...... أدب الخــــــلاف مـــعــــقــــــولــــه ده .. أصـــــلاً حــــــــوار شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار المـُـنــــــتــــدى ....... وبـــــدون جـِــــــــدال أصـــــبـــــح .. مِـــــثـــــال ... للإقـــتِـــتـــال ودا شــــــئ .. وِ فـــــــــــاق .. الإحِــــتِمــــال الــــرحــــمـــه .. يـــــا ولاد الحـــــــــــــــلال شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار الإخـــــــتــــــــلاف ...... وفـــ دَمِــــــــنــــــا مــــيـــهِــمِنـــــاش .. غــــــير .. رأيــــــنــــــا غــــــاويـــيــن .. نِـــــخَـــــوِّن .. بـــعــضنــــا والعـــــيــــب دا .. فــــــيـــنــــا ... كُـــــلِـــنــا شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار فــيــه نــــاس .. تِــــوَلــــع .. فى الفِــــتــيــل عــــايــزاهــــا نـــــار .. مـلهــــاش مــثــيـــل ونــــــاس كـــده .. مــــن غـــــير دلـــــــيــل تـــقـــول عـــلــيـك ..((خــايــن ..عــمــيــل)) شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار فــيــه نـــــاس تِـــخــالــفــك .. بالأُصـــــــول ونـــــاس تِـــــــحَــــــرَكـــــها المِــــــيــول ونــــــاس .. تِـــهـــاجـــمــك .. كــالمَــغـــول تــصــرخ .. تــقــول..((إمــسِــــك فـــلــول)) شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار أعـــضـــاء كـــــتـــــيـــــر.. كـــانـُـوم هِـــنــا رَحـَــــلُـــــوم .. وِبِـــــعـــِــدوم .... عَــــنِـــنــا يـــــمـــكـــن يــــكـــــون .... ده ذَنـــبِـــــنـــا يــــــاريــــــت .. نـــــراجِــــع نَــــفـــسِـــنـــا شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار حــــــبـــــايـــبـــى .. أهــــــل المــــنــــتـــدى مــــا تِــــهـــــدوا حَــــبـــه .. وِمـــش كِـــــده إنــــتُــــم أكـــــــيــــــد ..... بالــشـــكـــــل ده حــَــتــــشَـــــمِـــتـــوا .... فـــيـــنــا العِـــــدا شِجــــــــار ... نِقــــــــــار .. وضرب نـــــــــار يا نـــــــاس .. يا هووووو.. أنا عقلــــى طـــــار مـــعــــقــــــولــــه ده ...... أدب الخــــــلاف مـــعــــقــــــولــــه ده .. أصـــــلاً حــــــــوار مع تحيات أخوكم .. إللى عمره ما زِعِل من حد .. بسبب خلاف فى الرأى محمود البصيلى

شكراً لنقل المقال .. ولكن كنت اود لو وسع الكاتب حيزه ليسع الجميع فالجميع مطالب بذلك .. مطالب بألا يخون ضميره وليس الإسلامي فقط ولكني اتفق معه في الرؤية .. ان انصاف الثورات هي قبور للثوار .. وهذا ما بدأ يظهر على ارض الواقع مؤخراً قال رسول الله صلى الله عليه وسلم (أفضل الجهاد كلمة حق عند سلطان جائر أو أمير جائر)أبوداود

قول لى يا دكتور مين يغسل العار مين لمصر غير شباب احرار مين يبنى غير احرار مين يروح الميدان غير ثوار مين هيمشى العسكرى لو غدر ويكمل المشوار لية يونيو مش يناير ولا انتم بقيتوا تجار مش محمد (ص) نبى مختار مش فى مؤتة كانوا صغار قدام عسكر جبار مش جعفر اصبح طيار لية محمد (ص) بعت اصحابه فى مؤتة وهما صغار من امتى الاحرار كانوا كتار فى بدر كانوا كام وكنا كام وقالوا هما كتار من امتى كنتم اول ثوار طيب سينى انزل يناير وبلاش تكابر وسلامى للاحرار

انشودة عارٍ نحياها ونرددها وستلعننا عليها الأوتار .. أنشودة عارٍ لَحنها غرب الكفار .. أنشودة عارٍ أنتجها مال الفجار .. أنشودة عارٍ أخرجها .. فيلماً طواغيت البطش ومن حكموا .. بحديد ونار .. أنشودة عارٍ نشهدها .. وستشهدها كل الأمصار .. انشودة عارٍ نحياها ونرددها وستلعننا عليها الأوتار .. أنشودة عارٍ تكتبها .. أقلام الصمت وتكتبها معنا سنن الأقدار.. صمت كالقبر على ظلمٍ .. وفسادٍ قد حل بكل ديار ... صمت كالقبر على دمنا .. مسفوكاً يجرى مجرى الأنهار .. انشودة عارٍ نحياها ونرددها وستلعننا عليها الأوتار .. أنشودة عار قد جمعت كل فنون الزيف . وكل الغش .. ومغضب للرب الجبار.. أنشودة عارٍ قد نزعت .. كل حياء المرأة .. وكل براءة طفل .. وقد هتكت كل الأستار .. انشودة عارٍ نحياها ونرددها وستلعننا عليها الأوتار .. ونعيش زمان عزت فيه العزة .. وعز الحق .. وقد عز وجود الأنصار انشودة عارٍ نحياها ونرددها وستلعننا عليها الأوتار .. وعراق بات فلسطيناً .. أخر .. من بعد المجد قد انهار .. وبرغم النكبة .. ورغم النكسة .. ورغم الوكسة .. نغوص ببحر الأعذار .. انشودة عارٍ نحياها ونرددها وستلعننا عليها الأوتار .. ودفنا الرأس العربى بوحل الخزى .. وأُشربنا .. من كأس الذلة أنهار .. انشودة عارٍ نحياها ونرددها وستلعننا عليها الأوتار .. أخشاب أنتم وتراب ٌ ... أم أنتم هش الأحجار .. -------------------------------------------------- المهاجر

الست فكيهه قاعده في البيت .. مع شغالتها فتكات بتفكر ازاي تروح لنبيهه وتوصلها الكلام اللي بيتقال عليها بطريقه تبين انها خايفه عليها ... فكيهه: تعملي ايه يا فكيهه!! تعملي ايه!! فتكات: هو انتِ لازم تقوليلها يا ستي؟ فكيهه: امال اسيبها على عماها فتكات: ماهي مسيرها تعرف. فكيهه: لااا..هو انا افديك الساعه لما ا شمت في الست سعديه .. ؟ فتكات: هي عملت فيكي ايه يا ستي فكيهه: لولاها كان زماني متجوزه الحج ابو نبيهه.. غيرش هيا طلعت لي زي القضى المستعجل وخطفت الراجل... فتكات: اهي.. معقوله يا ستي.. يعني لو كنت اتجوزتيه كان زمان الست نبيهه بنتك.. حسره عليكي يا ستي..وعلى حظك الاسود فكيهه: اسود اما يسود عيشتك.. قومي فزي اعمليلي كوباية شاي.. انتي حتتسايري معايا!! فتكات: الله ياستي !! هو ايه اصله ده؟!! فكيهه: امشييي!! فتكات: حاضر ..حاضر .. فكيهه:فورتي دمي الهي يحرق دمك اروح لنبيهه ويحصل اللي يحصل المهم ابرد ناري.... تروح الست فكيهه لشقة الست سعديه فكيهه تخبط الباب .. الشغاله تفتح الباب الست فكيهه: ستك هنا يا بت الشغاله: ستي!! ستي!! الست فكيهه: ايه يابت مالك! جتتك اتلبشت اول ما شوفتيني ايه لدغتك عقربه؟ الست سعديه: مين يابتعه؟ بتعة: دي الست فكيهه ياستي الست سعديه: خليها تتفضل نبيهه: انتِ ناويه على ايه يا امه؟ الست سعديه: هيه اللي ناويه مش انا ... نبيهه: ياامه خالتي فكيهه جايه تزورنا وتباركلي ..عشان فرحي قرب الست سعديه: ما تبقيش عبيطه وعلى نياتك .. الست دي جايه وراها مصيبه.. وحتقولي امي قالت الست سعديه تطلع من الاوضه وتسلم على الست فكيهه الست سعديه: يا الف اهلا وسهلا يا فكيهه يا اختي.. خطوه عزيزه فكيهه مندهشه: الله يعز مقدارك يا سعديه يا اختي.. امال نبيهه فين؟ سعديه: الشاي يا بت يابتعه ؟ ولا ادوقلك من الكعك اللي عاملينه لفرح نبيهه!؟ فكيهه: هااا! انتوا علمتوا الكعك كمان؟ سعدية: طبعا عملنا الكعك والملبس .. وكروت الفرح ... بس انت مش محتاجه عزومه يا فكيهه يا اختي .. دي نبيه هزي بنتك فكيهه: يعني سي الافندي خطيبها حيجوزها خلاص الست سعديه: امال حيخللها! بتعه الشغاله: الشاي والكعك ياستي الست سعديه: اتفضلي الشاي ياختي الست فكيهه: يزيد فضلك فترة صمت,,,, الست سعديه: انستي وشرفتي يافكيهه ياختي الست فكيهه: ان شالله تعيشي ... اقوم انا عشان المعلم هنداوي زمانه جاي.. فتكو بعافيه الست سعديه: يعافيكي يختي نبيهه : مش قولت لك ياامه.. انت دايما ظالمة الست دي؟ الست سعديه: ظالماها؟ بس يا بت يا هبله ..الوليه دي مش حيهدلها بال الا اما تفركش الجوازه نبيهه: ليه بس يا امه.. دي خالتي فكيهه طيبه ودايما بتوعيني وتفطمني..... الست سعديه: استني بس وانا حثبتلك ان الست دي ما يجيش من وراها الا المصايب بت يا بتعه.. انتِ يا بت.. بتعه: نعمين يا ستي الست سعديه: عايزاكي تنزلي عند البت فتكات وتجرجريها في الكلام..تعرفيلي الست فكيهه كانت جايلنا ليه؟ نبيهه: استني يا بتعه ... وهي فتكات ايش عرفها يا امه؟ الست سعديه: حتعرفي دلوقتي .. انزلي يا بتعه بتعه: حاضر يا ستي تنزل بتعه لشقة الست فكيهه تخبط على الباب فتكات مين؟ بتعه: ان ابتعه يا فتكات فتكات تفتح الباب فتكات: في ايه يا بتعه ؟ عايزه ايه؟ بتعه: مالك يا فتكات ؟ مصدرالي الوش الخشب كده ليه؟ فتكات: مافيش .. بس اصل .. بتعه: اصل ايه وفصل ايه.. مش طايقاني حمشي! فتكات: خشي .. خشي بس بالراحه لحسن ستي .. متغاظه وعفاريت الدنيا بتتنطط فوق دماغها من ساعة ما نزلت من عندكوا بتعه: خير الهم اجعله خير فتكات: انا حقلك بس احلفي الكلام اللي حقولهولك يفضل سر بينا.. بتعه: سر في بير ... فتكات: بيقولوا ان عريس الست نبيهه سابها عشان.... بتعه: عيب يا فتكات يا بتعه تقولي الكلام ده على الست نبيهه فتكات: هو انا اللي بقول ! دي العماره كلها بتتكلم بتعه: هي حصلت ؟ طب انا ماشيه قبل ما ستك تصحى ترجع بتعه للشقه الست سعديه: هااا عرفتي حاجه يا بتعه بتعه: هااا.. لااا .. مافيش أي حاجه يا ستي الست سعديه: بتعه.. انطقي سمعتي ايه؟ بتعه: استغفر الله العظيم...سامحني يا رب.. حكشف السر... نبيهه: ما تقولي يا زفته.. بتعه: الحاره كلها بتقول ان عريس ستي نبيهه مش حيجوزها عشان... نبيهه: عشان ايه ؟؟ قولي .... بتعه: عشااان ...مشيها بطال.. نبيهه تمسك بتعه تضربها ... بتعه تصرخ بتعه: حرام عليكي يا ست نبيهه .. الست سعديه: حرمت عليكي عيشتك بتعه: هو انا عملت ايه .. انا قلت اللي سمعته الست سعديه: سمعتي الرعد في ودانك... بتعه: وانا مالي انا .. ما تروحي تتخانقي مع الناس اللي بتتكلم.. ولا يعني مش قادرين على الحمار بتتشطروا على البردعه. الست سعديه في قمه الغضب بتزعق لبتعه.. انت كمان بتقلي ادبك .. انا حوريكي وتنزل ضرب في بتعه ونبيهه بتعيط ومنهاره صوت بتعه والست سعديه يطلع لبره الباب يخبط.... يتبع.....

ماحدش ذكر ليه الكذبة الكبرى للكذوب الرويني اللي برر الإعتداء البربري على 150 معتصم بميدان التحرير من المصابين المكسحين يوم 19 نوفمبر بإن هؤلاء مدعون وإن مافيش ولا مصاب ماخدش إعانة أو تلقى علاج وإن صندوف المصابين والشهداء صرف لهم 70 مليون جنيه حتى الان ثم فوجئنا بإن هذا الإنسان مجرم من مجرمي الحرب .. لان كمال الجنزوري أنشأ لجنة من حوالي إسبوع لرعاية المصابين وأُسر الشهداء ووضعوا جدول لتسجيل الأسماء لصرف المستحقات ... ثم خرج علينا أعضاء اللجنة أنفسهم اللي بيرأسها طبيب تم تكليفة من الجنزوري لنكتشف إن الناس دي من يوم 25 يناير تم التنكيل بهم وتأديبهم على إشتراكهم أو إشتراك أبناءهم في الثورة اللي طهرت مصر من الفساد والمفسدين وإن كتير جداً من المصابين ساءت حالتهم الصحية بل منهم من أصبح حالته ميئوس منها لإنه لم يتلقى أي علاج أو رعاية ومنهم من تم طرده من المستشفى قبل أن يستكمل علاج فأصيب بالعجز .... اعتقد إن كل صاحب قلب وعقل يرى ويسمع ويقرأ ذلك منذ ثلاثة أيام من تاريخ فتح باب تسجيل الأسماء .. عشان تعرفوا وتتأكدوا مين الكذاب اللي بيتاجر بدم الناس البسطاء اللي ضحوا من أجلنا ... أعلم تماماً أن هناك متفهيقون يتشدقون بمعسول الكلام وهو كلام مليء بالسم من عينة " وهو في حد مصاب هايتاجر بإصابتة وياخد فلوس .. أو أهل شهيد هايكفيهم فيه كنوز الأرض " والكلام مردود عليه ونقول له : إعلم يا هذا إن الثورة المصرية ضمت كل فئات الشعب ... وبالتالي إذا أنجعصت وقعدت وحطيت رجل على رجل وتحدثت عن مسائل مادية من غير ان تعلم إن مصر فيها ما يزيد عن 40 % تحت خط الفقر وفي ناس مش لاقيه قوت يومها ... ومن هؤلاء الناس من أصيب وعجز في الميادين المصرية لما خرج عشان يصرخ في وجه الظلم وهناك من العائلات من فقدوا عائلهم الوحيد وأصبحوا على فيض الكريم بعد ده كله مش عاوز نعوضهم ولو بالقليل ليعينهم على حياتهم ؟

استوقفتني الجملة العجيبة دي اللي كبرتها هو خيرة شباب الوطن اليومين دول بيتهرب من التجنيد و بيطالب بالغاؤه و الامر من كده من المتيمين باسرائيل؟؟؟؟؟؟؟؟؟؟؟ يا حسرتي عليكي يا بلدي لو اللي زي دا خيرة شبابك

هنكرر و نعيد من تانى التكرار ينفع ويفيد احنا ما خلصناش أحلامنا بنفكر و نشوف لبعيد بص معايا أخويا يا ثاير دنا والله عليك زعلان شايفك متهور بتكابر ده كل نزولة و ليها أدان بتقولى مش فرقة ياصاحبى ومادام كدة نازلين نازلين انزل ياله معايا و جنبي نمشي العسكر منهزمين عارف إيه الفرق ياصحبي إن الدم ده غالى ثمين ولما يكون في فرصة يا خويا ليه حبايبنا مش صابرين هاتقولى نازلين بصدورنا ياحبيبى هتضحك على مين ماهى ماتت خالتك سلمية وشايفين بينكم مندسين بندمر ونهد بلادنا والله حرام يا أسيادنا ولو نصبر يمكن ياخوانا يمشوا العسكر مضطرين ماهي كلمة قلوها وفاكرينها ولو نسيوا نفكرهم بيها والثوار يبقوا ملايين

الصمت جمله قصيره يطيلها الأنتظار ... للمتربعه ... بقلب هذا البهو هل كنت لحظة صدق ؟ ام لحظتا سهو !! الصمت جمله طويله / يبترها الكلم

ملخص اللي بيحصل دا اكلت يوم اكل الثور الابيض و الدور جاي على الكل اجابة ما يحدث الان هو المقارنة بين الاعداد اللي نزلت الثورة في 18 يوم و الاعداد دلوقت الناس دي راحت فين اقولكم انا راحو فين من يوم اافبراير و بدا الاستقطاب الحاد و التعالي يبان و كانت النتيجة ان الشعب انسحب من تأيده من تعالى عليه ووصفه بالكسل والركود و انضم الى المجني عليه او من تم الاستقطاب ضده وهو التيار الاسلامي و جه الاستفتاء ووضح خريطة الطريق اللي الشعب ارتضاها لكن رفضها و تكرار كلام احمد عز و عمر سليمان عن جهل الشعب كره الشعب في الصوت العالي اكتر و اكتر لغاية ما وصلنا للي احنا فيه شخصيات محترمة جدا و ما اشتركتش في استقطاب ولا اي شئ وقعت تحت قبضة العسكر و الناس مش راضية تتعاطف لانها تعبت من الصوت العالي ايمن نور شخصية محترمة ودفع كتير جدا عشان البلد و اتسجن ظلم و مع كامل اخترامي للبرادعي هو نادى بالتغيير قبليه من جوة البلد ودفع التمن غالي جدا نوارة نجم من زمان وهى بتعارض و بردو اعتقلت و اتعذبت وامنت بالديمقراطية و احترمت الشعب بجد لما الشخصيتين دول يجي عليهم الدور لازم الكل يفوق و يتضامن معاهم و بفكركم تاني اكلت يوم اكل الثور الابيض اكلت يوم ما هاجم الاعلام السلفيين و تعالى الجميع عليهم فخرجو من الاجماع وحصلهم الاخوان لانهم كانو بيترضو من الميادين و بفكركم ان ساعة الاستقطاب قلنا بكرة يا يسار و يا يمين تقولو اكلنا يوم اكل السلفيين لازم التخوين ينتهي و الثوار يرجعو الفصيلين دول للصف و شكرا

عمرو واكد :

الأخ الفاضل عمرو جبل علي هي حي أو منطقة من مناطق دبي ، تعتبر أول منطقة بدبي وانت قادم من أبو ظبي ، لا يوجد فرق تقريبا بالنسبة لك كموظف في الشركة ان كانت الشركة منطقة حرة، أو شركة تم تسجيلها بدبي نفسها، الفرق يكون بالنسبة لمالك الشركة، حيث تتيج القوانين أن أي مستثمر يمكنه أن ينشأ شركة بنظام المنطقة الحرة ويتملك 100% من أسهمها دون الحاجة لشريك أو وكيل محلي، ولكنه في هذه الحالة لا يمكنه مزاولة أي نشاط تجاري داخل الامارات، بمعني ان كانت شركتك تقوم باستيراد نوع معين من المنتجات وتقوم ببيعها مرة ثانية، أو أي نوع أخر من انواع الخدمات، فهي لا تستطيع البيع أو تقديم الخدمات لأي عميل داخل الامارت الا من خلال وكيل محلي، وهذا ليس شيء يصعب توفيره، ولكنها يمكنها أن تبيع لأي عميل أخر في أي مكان بالعالم، فشركات المنطقة الحرة تعتبر مراكز أعمال. الرق الوحيد كما قلت أن شركات المنطقة الحرة يتملكها المستثمر الاجنبي بنسبة 100%، أما الشركات الداخلية فلابد من تواجد شريك محلي بنسبة 51% وهؤلاء متوفرون أيضا برسوم معقولة، وبنظم أمنة بعكس ما يحدث مثلا بالسعودية، فهنا في الامارات يمكنك تسجيل شركة داخلية مع شريك محلي وتقوم بكتابة عقد بينك وبينه بتوكيلك في جميع امور الشركة و بتنازله عن كل حقوقه ويتم تسجيل هذا العقد في المحكمة . أرجو أن أكون أفدتك .. تمنياتي لك بالتوفيق

عبادة سهلة .. حسن الظن بالله http://www.youtube.com/watch?v=P4N2m7zSNfE

يوصل الحاج ابو نبيهه ومعاه الست سعديه.......ونبيهه الحاج ابو نبيهه والست سعديه داخلين الحاره والحاج ابو نبيهه ساندها تقابلهم الست ام مصطفى جارتهم ام مصطفى: فيه ايه كف الله الشر يا ام نبيهه ؟ الست سعديه: زي ما انت شايفه يا ام مصطفى .. البت نبيهه بعافيه .. ام مصطفى: الف لا بأس عليكي .يا عروستنا ... نبيهه تعيط بغيظ: هو لسه في عريس يا اامه .. ام مصطفى: ايه هو العريس طفش؟ حسره عليكي يا بنتي... بس ولا يهمك.. الواد مصطفى ابني لسه شاري وجاهز من مجاميعه الست سعديه: يباركلك في مصطفى ياا م مصطفى..انا عريس بنتي بيموت في التراب اللي بتمشي عليه نبيهه: الوليه دي بتسبعبط.. انا اتجوز الواد مطصفى الاهبل. الست سعديه: بس يا بت اخرسي لا تسمعك.. تزود اجرة الشقه.. نبيهه: ما تزودها .. ولا هي من قلة الفلوس.. ده حتى الشغاله .. بتشتغل عندنا بلقمتها!! الست سعديه: الله اكبر .. الله اكبر .. يا بت ما يحسد المال الا اصحابه ام مصطفى: هو فيه ايه يا ست سعديه؟ الست سعديه: مافيش يا ختي .. بس البت تعبانه ومش قادره تطلع السلم ام مصطفى: طب انا حسندها من ناحيه وانت من ناحيه.. وبالراحه كده لحاد ما نوصل... الست سعديه تخبط على الباب .. الشغاله تفتح الشغاله: يالهووي.. مالك يا ست نبيهه .. الف بعد الشر عليكي..نبيهه ما تردش.. الشغاله: هي مالها ياستي ما بتردش ليه؟؟ يالهوووي ما كانش يومك يا ست نبيهه الست سعديه:الشر بر وبعيد يا بت .. هي عيانه شويه بس وحتبقى زي الفل .. ام مصطفى: اوعي يا بت خلينا ندخلها اوضتها. تنزل الست ام مصطفى وتلاقي الست فكيهه على السلم ومعاها المعلم هنداوي الست ام مصطفى: سالخير يا ست فكيهه الست فكيهه: سالنور يا ختي.. الست ام مصطفى: هو فيه ايه النهارده؟ ايه اللي جره لسكان عمارتي الست فكيهه: اصل يا ختي ... كح.. كح.. الست ام مصطفى: هو فيه ايه يا معلم هنداوي .. هي مالها بتترعش كده ليه؟ المعلم هنداوي: اصل عندها برد .. ام مصطفى: برد ايه واحنا في عز الحر دة؟ الست فكيهه: حر ولا برد انت مالك يا وليه يا حشريه ؟ الست ام مصطفى: ان احشريه يا وليه .. ياكركوبه. الست فكيهه: انا كركوبه ..يامقيحه.. يا معفنه.. .. المعلم هنداوي: وعاملالي فيها عيانه.. ويسيبها على السلم وينزل الست فكيهه : يا معلم .. يا معلم.. انت سايبني ورايح على فين!! طب مش تدخلني الشقه ؟. انا رجليا مش شايلاني المعلم هنداوي: خلي لسانك اللي طوله مترين يشيلك.. لحسن قسما عظمالو رجعت لا اكسر عضمك ...... الست فكيهه وهي بتترعش: روح يا اخويا روح والقلب داعيلك الست ام مصطفى: هاتي ايدك يا ختي .. انا حوصلك لشقتك.. يلا نعمل الخير ونرميه البحر الست فكيهه: مش عايزه منك حاجه.. انا حمشي لوحدي.. الست ام مصطفى: انا اللي استاهل .. وليه ناقصه بصحيح تطلع ...صفيه الست بنت ام مصطفى: صفيه: امه .. يااامه ام مصطفى: عايزه ايه ياصفيه ؟ صفيه: هي نبيهه مالها يا امه؟؟ ام مصطفى: اصلها بعافيه شويه يا بنتي .. صفيه: يعني الكلام اللي سمعته في الحاره ده مش صحيح ام مصطفى: سمعت ايه يا بني صفيه: ما ينفعش هنا.. تعالي نتكلم في بيتنا الست فكيهه بتتصنت على صفيه وامها الست فكيهه: يا ترى ايه اللي الكلام اللي سمعوه؟ توصل الست فكيهه لشقتها بطلوع الروح: فتكات الشغاله تفتح الباب: يانهااا ر اسووود!! ايه اللي عمل فيكي كده يا ستي؟ الست فكيهه: ولاحاجه؟ انزللي يا بت على شقه ام مصطفى.. كانك عايزه حاجه من البت نبويه شغالتهم.. فتكات تقاطع فكيهه: بس انا مش عايزه منها حاجة الست فكيهه: يا بت ما تقاطعينيش .. انزلي وحاولي تعرفي منها ايه الكلام اللي بيتقال في الحاره على البت نبيهه فتكات: بس كده...عنيا يا ستي.. تنزل فكتكات عند نبويه فتكات: مساء الخير يا نبويه.. نبويه: مساء النور يا فتكات: خشي .. خشي قبل ستي ام مصطفى وستي صفيه ما يشوفوكي.. فتكات: ليه هو في ايه يعني؟ نبويه : ششش يا بت خلينا نسمع فتكات: انت بتجسسي عليهم يانبويه.. عيب ما يصحش!! نبويه: يختي نقطينا بسكاتك؟ هو انت جايه ليه اصلا مش عشان كده؟! فتكات: انااا !! لا يا ختي انا جايه ازورك نبويه: بقولك ايه الشويتين بتوعك دول مش عليا انا!!مش عاجبك وريني عرض كتافك فتكات: لا وعلى ايه .. نسمع يا ختي.. احنا ورانا حاجه نبويه: ما قلنا من الاول .. حتعمليهم عليا يا بت فتكات ونبويه واقفين جمب باب الاوضه اللي فيها الست ام مصطفى وصفيه.. ام مصطفى: ما تقولي يا بنتي في ايه شغلتي لي بال صفيه: سمعت ان عريس نبيهه سابها عشا ن ولا مؤاخذه يعني.. استغفر الله العظيم .. استغفر الله العظيم الست ام مصطفى: بس يا بت .. قطع لسان اللي يقول عليها كده.. هيه أي نعم متقنزحه.. وطالعه فيها مش عارفة على ايه .. بس الا كده.. نبويه: سمعتي يا فتكات فتكات: ايوه سمعت.. تفتكري الكلام ده صحيح؟ نبيويه: مافيش دخان من غير نار ياختي.. فتكات: معقولة.. بس الست ام مصطفى.. بتقول... نبويه: الست ام مصطفى طيبة وعلى نياتها.. فتكات: اللهم استر على ولايا نا.. معقوله الست نبيهه .. يطلع منها كل ده.. استغفر الله العظيم .. استغفر الله العظيم... الست ام مصطفى لسه حتفتح الباب ... نبويه وفتكات يجروا على المطبخ.. فتكات تنزل من سلم الخدامين.ترجع فتكات للشقه المعلم هنداوي يفتح الباب معلم هنداوي: كنتِ فين يا بت؟ فتكات: كـــن...كوون... فكيهه: كانت بتستلف شوية بن من عند الست ام احمد معلم هنداوي: انت مش ناويه تبطلي شحاته ؟؟ فكيهه: شحاتة ايه بس يا معلم.. ده الناس لبعضيها معلم هنداوي: امال فين البن؟.فتكات: ماعندهاش ..البن بتاعهم خلص.. المعلم هنداوي: مش عارف.. حاسس انك كدابه يا بت يا فتكات: فتكات: طب والله العظيم ثلاثه يا سيدي... المعلم هنداوي: قالوا للحرامي احلف... فكيهه انا نازل عندي مشورا وراجع باليل متأخر فكيهه: مشوار ايه ياسي هنداوي المعلم هنداوي: وانتِ أيش اخششك يا وليه انت.. فكيهه: مراتك وليا حق عليك... هنداوي: جك كسر حقك... مش كفايه اني مستحملك ومستحمل قرفك طول السنين دي! فكيهه: بقى كده يا سي هنداوي..الله يسامحك ينزل المعلم هنداوي يروح مشواره ..... فكيهه: ما تننطقي يا بت سمعتي ايه ؟ فتكات: وانا مالي يا ست بتشخطي فيا ليه:؟ فكيهه: انطفي لا اجيب خبرك فتكات: حاضر.. يا ستي. الست صفيه بتفول ان عريس الست نبيهه سابها .. عشان لاقاها ... استغفر الله العظيم مش قادره انطقها! فكيهه:قولي يا بت خلصيني فتكات: هاتي ودنك يا ستي....... فكيهه: بقى كل ده يطلع منك يا نبيهه.. وانا بقول اتأخرتي ليه وانتِ جايه تزوريني في المستشفى.. وعملالي فيها.. وانا اللي بفطمك.... فتكات: شوفتي يا ستي.... بنات اخر زمن.... يتبع.....

إن أضخم الأبواب مفـاتيحها صغيرة، فلا تُعجزك ضخامة الأُمنيات، رُبما دعوة واحدة تجلب لك ما هو مُستحيل بالنسبة لك

( وَنُوحًا إِذْ نَادَى مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ ) ( وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ * فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ ) ( وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ ) ( وَزَكَرِيَّا إِذْ نَادَى رَبَّهُ رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ * فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ ) ( وَقَالَ رَبُّكُمُ ادْعُونِي أَسْتَجِبْ لَكُمْ ) اللهم إنا نسألك عيشة هنية و ميتة سوية و مردا غير مخز و لا فاضح اللهم إنا نسألك الهدى و التقى و العفاف و الغنى اللهم يا مصرف القلوب صرف قلوبنا على طاعتك اللهم آتنا في الدنيا حسنة و في الآخرة حسنة و قنا عذاب النار

ياسلام عليك أستاذ كبير كلام جميل و كلام خطير بس فين صاحب ضمير يقرا ويفهم مننا ......................... الخلاف مش عيب يا ناس العيبة تبقا في الجدال وكلمة كدة زى الرصاص تفسد وتجرح قلبنا ......................... يريت شوية اعتبار كلام الحق مفهوش هزار وانت قاعد في الحوار حاول ما تنسى ربنا ......................... الكلمة توضع في الميزان لو فيها خير تكسب كمان والشيطان مالوش أمان ده بكلمة تغضب ربنا

دم الشهداء شجرة تثمر سريعاً الجزيرة عاجل: المجلس الاستشاري المصري يبحث الليلة قانون انتخابات الرئاسة واجرائها في الذكرى الأولى للثورة لكل المرجفين المثبطين اقول لا قيمة لكم ولا فخر ، ولكن هذا فخر المرابطين الثابتين على اخلاق الرجال وعلى كلمة الحق يخطون بدمائهم انجازاتهم ... لكم الفخر ولكم المجد صبرتم واقترب الوعد الحق وزلزتم عرش المجلس العسكري بثباتكم ثبتكم الله ثبتكم الله