لوحة القادة

استاذى الفاضل, اسمح لى ان اختلف معك قليلا فى هذة الجملة, الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة

موضوع متميز بالفعل يا ابو ريم اتفق معك بشكل كبير فى تسلسل الاحداث حتى تنحى مبارك و تفويضه المجلس العسكرى و انا لاالقى بأى لوم على المجلس خلال الثوره و حتى توليه السلطه العتب على المجلس فى شيئين اولا انه مجلس عسكرى و انا كمواطن مصرى رزح تحت حكم الديكتاتوريه العسكريه لستين عام ارفض ان نقوم بثوره ينتهى فيه االمطاف بالحكم فى حضن العسكر مره اخرى ثانيا ادارته بشكل سيئ للمرحله الانتقاليه المرحله الانتقاليه تقضى بتطهير مؤسسات الدوله من الفساد المعشش فيها لعقود طويله اهم تقصير هو ماسبيرو نفس العقليه قبل الثوره هى هى بعد الثوره التقصير الثانى فى الاعتماد على نفس رجال مبارك لأداره المرحله الانتقاليه و اهمهم النائب العام كيف نأتمن النائب العام المعين من مبارك بمحاكمته هو و نظامه و كنتيجه طبيعيه فان تحقيقات النائب العام واهيه و بها ثغرات لتبرئه المتهمين ثالثا عدم وجود رؤيه و ايجابيه. فالمجلس سلبى بشكل كبير و لا يتحرك الا بعد خراب مالطه او تحت ضغوط كبيره مثلا الغاء قانون الطوارئ قبل يوم واحد من ذكرى الثوره لامتصاص غضب المتظاهرين و تتوالى الاخطاء من المحاكمه العسكريه للمدنيين لتشويه الثوار مثل 6 ابريل و منظمات المجتمع المدنى و لكن اكبر اخطاء المجلس انه ظن انه يستطيع ان يقمع المصريين مثل مبارك و حدث تحول خطير فى سياساته باستخدام العنف ضد المتظاهرين و رأينا اول الشهدا ساقطين بيد جيشنا فى ماسبيرو ثم محمد محمود ثم القصر العينى و اخيرا مجلس الوزراء و رأينا انتهاك سيدات مصر باوامر من المجلس فى مشهد سيدين المجلس ليوم الدين من الصعب تبرير المجلس من هذه الجرائم خصوصا انه لا يعترف بها حتى الان( ارجع لتصريح المشير لكارتر ان فيديو فتاه التحرير مزور) انا متفائل جدا. فايام المجلس معدوده و حتى ان طالت حتى يونيو يجب ان يستمر الضغط على المجلس حتى يرحل المصائب تحدث فقط عندما يقل الضغط

المتحدث باسم أهالى شهداء السويس: لن نشارك فى مظاهرات ضد "العسكرى" الخميس، 26 يناير 2012 - 16:02 قال على الجنيدى المتحدث باسم أهالى الشهداء والمصابين بالسويس، "إننا كأسر شهداء لن نشارك فى مظاهرات أخرى وننتظر مجلس الشعب ماذا يفعل فى قضية الشهداء". وأضاف الجنيدى، أنه مع مرور يوم 25 يناير قد انتهت الرسالة التى تم توصيلها بأن الثورة لابد أن تستكمل، وننتظر النتائج بالقصاص للشهداء، مؤكدا أن أهالى الشهداء والمصابين لن يشاركوا فى اعتصام أو تظاهرة مرة أخرى. وفيما يتعلق بالمظاهرات ضد المجلس العسكرى، أشار الجنيدى أن كل ما يتردد عن أن أهالى الشهداء سوف تتظاهر ضد المجلس العسكرى هذا كلام غير صحيح، وأكد أنه كمتحدث عنهم ينفى هذا الكلام، وقال: لابد أن يستمر الجيش والمجلس العسكرى فى إدارة شئون البلاد حتى يتم اختيار رئيس جديد للبلاد، مؤكدا أن المجلس العسكرى حمى ثورة يناير ولابد من احترامه. اليوم السابع

خروج ملايين المصريين في كل ميادين ومدن مصر بعد مرور عام كامل على الثورة وهم بهذا الغضب والاصرار معناه ايه معناه اننا شربنا المرار من المجلس السمكري وكلنا تصميم على رحيله ومحاكمته معناه ان المجلس السمكري استنفذ كل حيله والاعيبه معانا ولم ينتصر على إرادة شعب يستحق ان يقطف ثمار ثورة سلمية رائعة أذهلت العالم معناه ان خفافيش الظلام معاهم جبال فلوس ومعنا جبال عزيمة وارادة من حديد معناه ان المنتخبين في مجلس الشعب - اغلبية او غيره - لازم ياخدوا بالهم قوي قوي قوي الناس دي بتعبر عن شعب عظيم شعب لن تعود به عقارب الزمن للوراء .. حيث الصمت والصبر والاحتمال والسكوت نواب الشعب لازم يكونوا على مستوى المسؤولية وكل يوم يقدموا للشعب واقع جديد يستحق مرتباتهم ويستحق امتيازاتهم ويستحق تعبنا في طوابير بالساعات لانتخابهم مبروك لشعب مصر العظيم ان قلبه لازال شباب ولازال نابض ولازال قابض على الثورة ولم تضيع منه البوصلة عيونكم ع الغلابه يا أفاضل ارجوكم صبروهمو حنوا عليهم من فضلكم لانهم مكويين بالنار فعلا اكتر من أي مصري تاني رحمتنا ببعضنا تستوجب نزول رحمات ربنا علينا كلنا ربنا اللي سترها معانا من أول يوم ثورة لحد يومنا هذا يارب النصر لمصر

واحنا اللى كنا فاهمينهم غلط :)

يا تيمور التقسيمة دي اللى بدأها هم أمن الدولة يوم ما اخترق حساب بنت البرادعي ونشر صورهم الشخصية ، وبعدها بدأت موجة ان ده المنتظر منه لأنه علماني وإنه حيسمح بزواج الشواذ ... يعنى الموضوع بدأ من نظام مبارك لتشويه الرجل بعد كده احنا اللى أضفنا السيناريوهات المختلفة وعملنا الحبكة الدرامية الأمر الآخر فيه فرق بين انك تشتغل سياسة وإنك تكون ثائر ... حدد دورك ثائر معناها تضغط تاخد حقك بقوة الإرادة الششعبية ، لكن تشتغل سياسة معناها تتفاوض ومكاسب وتنازلات وقبول أطروحات قد لا تكون مرضية للجميع احنا ليه مش عايزين نوصل لإن الثورة تتكون من الإثنين ، ولازم التكامل ، التخوين والتخبيط في بعض ... مش بيفيد غير المجلس العسكري اليوم اثبت ان الشعب فاهم ومع الثورة ... بس كمان مع الإستقرار ومع دعم مجلس الشعب ياريت نتجمع على ده الإخوان مجلس الشعب شغالين وشايفين انهم يتفاوضوا ويهادنوا ويكسبوا وقت وارض في الوقت الحالي ... والثوار شاغلين ضغط وحشد وتوعية للشارع .... فيه اجمل من كده ادوات نتحرك بيها للمستقبل في ظل الظروف الحالية ... يا ريت نغير الإطار اللى النظام اللى لسه بيترنح راسمهولنا ونخرج نعمل إطارنا الىىفيه الكل بيتحرك إسلامي إخواني سلفي ليبرالي علماني ... كلنا صباح الخير .. صباح الثورة صباح ثورة فيها مصريين من كل الإطياف إيدهم في إيد بعض صباح مفيهوش فرقه ومفيهوش آسافين تندق بينا من المجلس العسكري صباح فيه كنيسة الدوبارة بتفتح للمسلمين يتوضوا صباح فيه قس خارج شايل صورة الشيخ عماد عفت

آدي اللي خدناه من الثورة زيد بيقولي.. يا أمي متزعليش أموت أموت .. و بلدنا تعيش

منذ فترة أردت أن أطرح هذا الموضوع للنقاش و لكن بشكل مبسط الموضوع ببساطة هو اكتشافات جديدة في علم الفيزياء غيّرت مفاهيم كثيرة جدا درسناها في المدارس أولها أنه لا يوجد شيء اسمه فراغ!! فالطاقة تملأ كل ما نعتبره نحن فراغ و كان بداية هذه الاكتشافات هي "نظرية النسبية" لاينشتاين تعالوا معا نبحر في هذه الاكتشافات التي غيّرت كثير مما كنا نعده من الحقائق الثابتة !!

فوائد جمة يجنيها من ينجح في الإقلاع عن التدخين نجمعها في صورة واحدة معبرة .. ونضيف إلى تلك الفوائد فى الصورة .. مرضاة الله عز وجل ..

بسم الله الرحمن الرحيم . حزب النور ذلك الحزب الذي خرج إلى النور منذأشهر معدودة ليدخل إلى مضمار المنافسة السياسية . ومن ثم حقق الحزب نجاحاً ملحوظاً في انتخابات مجلس الشعب فاجأ العديد من المراقبين . وكان من تبعات ذلك استمرار مسلسل تشويه الاسلاميين عموماً والسلفيين خصوصاً ، فقد بدأت حلقة جديدة لتشويه نوّاب الحزب ، كان آخرها الادعاء بأن النوّاب ادخلوا أكياس عصير القصب داخل المجلس . :) ولا نستبعد أن نقرأ قريباً أن نائبة للحزب شوهدت وهي تخرّط "الملوخية" خلال احدى الجلسات ! :huh: ومما يساعد الاعلام ويجرؤه على حملات التشويه ضد نواب الحزب هو أن هؤلاء النواب ليسوا معروفين بشكل كبير على المستوى العام ، ولكن لكل منهم شعبية عالية في المدينة والمحافظة التي يقطنها . فالسلفيين تعرّضوا خلال عقود طويلة للتجاهل والإقصاء ، ولم يحاول الاعلام التواصل معهم فيما مضى إلا في معرض التشويه والتنفير . وكنت قد نقلت نموذجاً لهذا الاقصاء وهو الموقف الذي حدث للدكتور محمد يسري إبراهيم أمين عام الهيئة الشرعية للحقوق والإصلاح في عهد الرئيس المخلوع حيث كان من المقرر تسجيل حلقة معه على القناة الثالثة المصرية على برنامج "تعظيم سلام لعلماء مصر" وذلك بعد تسجيله لاختراع باسمه بصفته دكتور باحث في المركز القومي بالبحوث . ولكن لحيته حالت بينه وبين دخول "ماسبيرو" ! وتم تسجيل الحلقة معه خارج الاستوديو ! http://www.youtube.com/watch?v=Y_iCfQzF7PU ولكن ما أن يسمح للسلفيين بالتمثيل المنصف على منابر الاعلام إلا وتظهر الكوادر والكفاءات لهؤلاء المصريين الوطنيين ذوي الخبرات والدرجات العلمية . في هذا الموضوع أحاول تعويض هذا القصور الذي سببه التجاهل الاعلامي لأبناء الدعوة السلفية لأعرض نماذجاً من كوادر وكفاءات أبناء الحزب . نادر بكّار هذا الشاب الذي لمع نجمه في سماء الاعلام ، وشهد له الجميع بقوة المنطق ودماثة الخلق ورقي الحوار قد لا يعلم البعض أنه من مواليد 1984 (عمره حوالي 29 عاماً)! نبذه عن نادر بكار : نادر محمود عبدالسلام بكار هو المتحدث الرسمي باسم حزب النور ، مسلم سني مصر من مواليد الإسكندرية(1405 - 1984)[1] ، حاصل على بكالوريس تجارة (إنجليزي)2005 من جامعة الإسكندرية.[1] يعمل مديراً تنفيذياُ لشركة تريند ، كما يعمل عضواً للهيئة العليا حزب النور ، أميناً للجنة الثقافية في الحزب ، أشتهر من خلال الحملة الإنتخابية انتخابات مجلس الشعب المصري 2011-2012 وخروجه للإعلام المحلي والدولي لإعلان البرنامج الإنتخابي لـحزب النور ، حيث يمتاز بحس إعلامي مميز ، في إدارة الحوارات واللقاءات التلفزيونية ، كما يتميز بقلم إعلامي وأدبي ، من خلال كتاباته الصحفية في اليوم السابع (جريدة) وجريدة النور التابعة للحزب ، ومن خلال مدونته الشخصية ، وصفحاته الإجتماعية على فيسبوك وتويتر.[1] يعد نادر بكار من الدعاة البارزين في الإسكندرية ، حيث يقوم بتدريس العلوم الشرعية في عدد من مساجدها ، ومن تلك الدروس التي يلقيها : شرح رياض الصالحين ، شرح الفقه الميسر ، شرح صحيح البخاري ، شرح الادب المفرد للبخاري ، وشرح كتاب عمدة الاحكام ، وشرح الفقه الميسر وشرح كتاب السياسة الشريعة لشيخ الإسلام ابن تيمية ، كما يقدم عدداً من الدورات التدريبية في مهارات التفكير و فنون الإتصال والتأثير ومنها تلك الدورات التي يقدمها دورة مهارات شخصية [1]

السلام عليكم و رحمة الله و بركاته استاذي العزيز انا لسه مشفتش الفيديو بس لسه قاعدة اقرا في السؤال ليه "بعض" الناس مش طايقة النشطاء دلوقتي؟؟ ارفع لحضرتك القبعة لاستخدامك لفظ بعض و البعد عن التعميم بس علشان اجاوب سؤال حضرتك لازم اسأل سؤال قبله يعني ايه اصلا "ناشط" لو من باب علم اللغة علشان نرد الاشياء للاصل هتلاقي ان نشاط هو اسم فاعل من الفعل نشط...(اسم الفاعل عادة بيوصف شخص بفعل ما و الاصرار علي هذا الفعل) طب ما ممكن تسرح من نفسك شوية و تلاقيك بتفتكر كيميا بتاع الثانوية العامة و يقولك العنصر دوت دونا عن باقي العناصر....ناشط....(يعني مهم لتحريك التفاعل الكيميائي علي ما اتذكر) ما لو جينا لعلم الاجتماع كان فيه نظرية زمان كلمنا عنها استاذنا و اسمحلي افكر فيها بصوت عالي مع حضرتك احنا بنسمي الاشياء ازاي...يعني ليه بنقول علي الكوب...كوب....و ليه بنقول علي الترابيزة كده...يعني ايه اصلهم و عمل تجربة هايلة جدا مسك ورقة و قطعها بطريقة معينة و بعدين قالنا دي اسمها "شلوفة" طبعا احنا في الاول كل واحد فينا طرطأ ودانه و قال مين فين يعني ايه و طبعا هو رد علينا بكل ثقة و قال ايوة دي اسمها شلوفة بس انتو مش عارفين حاجة تمام اول يوم استغربنا تاني يوم استغربنا برضه تالت يوم ابتدينا نستخدم اللفظ علي استحياء بس و احنا بنستخدمه بنقول اصل الدكتور الفولاني قال كده بنهاية الاسبوع كانت ال "شلوفة" هي شيء عادي جدا في حياتنا بنهاية الشهر كان لل "شلوفة"....مجموعة من السمات و الصفات و الخصائص اللي تتارجح ما بين القبح و الجمال و بعد ما خلصت التجربة استاذنا جابنا و قالنا مافيش حاجة اسمها "شلوفة" يا حمير....(ايون هو لسانه طويل حبتين تلاتة عشرة) هو كان عايز يعرض لينا ببساطة ازاي مفهوم بيتكون و ازاي مجموعة من الناس بتاخده و ازاي ممكن "تلعب" في الحاجة الوهمية ديت علشان توجه الناس لفكرة معينة انا بقول ده ليه لاني شخصيا مش فاهمة معني "ناشط" و اللي من اول الثورة ما قامت بيتم استهدافه بشكل غريب طب ما نسال نفسنا مين هو الناشط و احيانا تلاقي ان فيه حاجة اسمها ناشط سياسي وواحد تاني ناشط اجتماعي طب انا ايه بقي ناشط من منازلهم مثلا الادهي من كده مش فكرة "تكوين المفهوم" و لا "المصطلح نفسه لكن الصفات اللي بتتفصل علي حاجة مش موجودة اصلا يعني علي سبيل المثال افلام وحيد حامد اعتمدت لفترة طويلة علي فكرة "الارهابي" صح و صورته و فصلته في قالب معين و يمكن كلنا وقعنا في الفخ ده في الوقت اللي امريكا نفسها عمالة تروج لفكرة الاسلاموفوبيا و احنا نفسنا كنا اكبر شاري ليها هتنكر ان في مصر ناس بتخاف من اللي مربي دقنه او اللي لابسة نقاب ده اسمه نمذجة ده اسمه صب الناس في قوالب و ابتدي اصد عليهم احكام مسبقة من مجرد "مسميات" زي برضه جزء من ثقافتنا الغبي جدا...في ان احنا نتريق علي الصعايدة...و الصعيدي دايما لازم يطلع عنده شنب يقف عليه الصقر و داقق عصافير جنب عينه اليمين و لازمن ينضحك عليه دي ثقافة دي نمذجة...كلنا بنقع فيها طب نيجي لثورتنا دلوقتي شخصيا انا مش عارفة يعني ايه ناشط و ارفض ان مجرد اسم نوارة نجم و لا احمد حرارة و لا مالك مصطفي مع احترامي لكل توجهاتهم ارفض ان يتقال ان ده ناشط سياسي نوارة نجم....مترجمة و صحفية احمد دكتور مالك مدون و مشهور جدا في التدوين انا برفض ان ال"نشطاء" يكونوا فريق معين لابس "صفات معينة عارف ليه علشان لو احناححدناهم و خنقناهم كده...هيبقي استهدافهم سهل جدا و ده الللي بيحصل و بيسموه التلاعب بالعقل ,mind manipulation اول ما حد يقولك ده "ناشط" لازم تترسم في ذهنك صورة معينة عنه و يا سلام بقي زي لما ازق في الصورة دي واحدة زي علياء المهدي اللي....في مدونتها و اوقلك اوعي بقي دي ناشطة كمان هتلاقي عقلك اتبرمج لا اراديا ان كل ما تيجي الكلمة.....تستدعي معاها صورة ذهنية معينة و ده قمة القولبة و التعميم و قمة تسليم عقلك لحد تاني يلعب فيه انت عارف حضرتك انك انت شخصيا انا بشوفك "ناشط" مش بتقضي وقت علي النت ب "تنشط" في قضية ما يبقي دكتور ياسر....ناشط.....(اقبضوا عليه بقي:) ليه الرغي الكتير ده علشان اقول لحضرتك متسلمشي دماغك لفكرة هتتصب فيها عارف ليه علشان اعتقد ان الوعي الحقيقي هو انك تفلتر كل كلمة تعدي عليك و تشوفها ب "صورة" تحليلية لو اللي مسمي نفسه "ناشط" طلع النهاردة و قال كلام متوافقشي مع رؤيتي او تحليلي المنطقي يبقي كتر خيره و ادور علي غيره و اكون انا نفسي الناشط و اصلا الشعب ده كله....نشطاااااااااااء جمعاااااااااااااء اسفة جدا علي التطويل بس سؤالك حضرتك استدعي عندي "صورة ذهنية" لل "شلوفة"...:) صباح حضرتك.....حد مصري...ماشي في البلد دي...و بيحلم بيها تبقي كويسة... يبقي ناشط يبقي بتاع بطاطا.... يبقي تلميذ غلبان كاره الجامعة بس لازم يروح :closedeyes: ... بس من حقه يحلم...و ينشط علشان يحققه علي جنب بقي ع فكرة استاذي بتاع ال "شلوفة" درسني سنتين و انا فاكرة انه جاسوس اوعي وشك بقي عارف ليه علشان كان فلسطيني من عرب 48 و معاه جنسية امريكية انا طبعا عرفت المعولمتين دولما (مثني دوت يعني:)...و فضلت اتعامل معاه بمنتهي القولبة الصعيدي اللي في الدنيا بس مطلعشي جاسوس....(قال يعني لو كان فعلا جاسوس كنت عرفت)...[س متأكدة انه مش جاسوس بس كان عنده قدرة انه يتحكم في افكر اللي قدامه...متهيالي لو حد فينا عنده نصها كنا زماننا حررنا القدس من زمان اوي

انا موجود - ابداع بجد http://www.youtube.com/watch?v=uC_87iPyxHA

واصل المحاولة ربما خطوة واحدة فقط تنقصك

الثورة المصرية ... هي الحدث الأهم في العالم المصريون في باريس - ميدان تراكاديرو إرفع راسك انت مصري

ضباط 8 أبريل يطلبون مقابلة لجنة الدفاع بالبرلمان لكشف فساد أعضاء «العسكري» ************************************************************ الضباط: مطلبنا يعد من أهم خطوات إسقاط حكم العسكر ضباط 8 أبريل : تقدم ضباط 8 أبريل من داخل محبسهم بالسجون الحربية المختلفة، بطلب مقابلة رسمية مع لجنة الدفاع بمجلس الشعب، بهدف الكشف عن عمليات الفساد التي ضربت القوات المسلحة خلال 20 عاما، تحت قيادة أعضاء المجلس العسكري. وجاء في بيان لهم، نشر على مئات الصفحات بموقع التواصل الاجتماعي فيسبوك وخاصة صفحة "حركة مؤيدي ضباط 8 أبريل"، أن الضباط لم يطلبوا منظارة مع المجلس العسكري وإنما طلبوا لجنة الدفاع المتخصصة من مجلس الشعب، بهدف الحفاظ على الأمن القومي المصري، معربين عن ثقتهم في النواب الذين اختارهم الشعب للاضطلاع بدورهم الحقيقي تجاه مسئوليتهم التاريخية بتطهير الدولة من أمراض وفساد.

موضوع مميز يا أبا ريم وتسلسل الأحداث الذي تفضلت به منطقي وله وجاهته ووارد جدا أن ما تفضلت به هو ما حدث ولأن الشعب المصري بشكل عام والقوى السياسية بشكل خاص تميل لهذا التحليل فقد إستقبل الشعب المصري نبأ تنحي الرئيس السابق ونقله للسلطة الى المجلس العسكري أيام الثورة يالتهليل والترحاب الشديد تقديرا منه لهذا المجلس نتيجة لأفعاله في الساعات الأخيرة التي سبقت إعلان التنحي طبقا لما ورد في تحليلك وكما تعلم أن ما حدث بالضبط في هذه الساعات لا يعلمه إلأ الله وأطراف الحدث لكن سواء أكان هذا التحليل صحيحا أو غير صحيح يُحسب للمجلس العسكري أنه لم يقف ضد رغبة الشعب , ولم يقرر الدفاع عن الرئيس السابق صحيح أنني مقتنع أنه حتى ولو حدث هذا وكان المجلس العسكري قرر الدفاع عن الرئيس السابق كانت الثورة ستنتصر أيضا لأن الشعب وقتها كان في حالة ( تعبئة ) إن جاز لنا التعبير , ولكن كانت ستكون الخسائر كبيرة ولأن المجلس العسكري جنب مصر هذه الخسائر بصرف النظر عن خلفية قرار الإنحياز للشعب , فإن الشعب كله يحسب له هذا الأمر هذه كانت الصورة عقب إعلان تنحي الرئيس السابق ونقل السلطة للمجلس العسكري : شعب فخور بموقف مجلسه العسكري ومُرحب به كقائد للمرحلة الإنتقالية وظلت الصورة هكذا حتى بدأت الأحداث المعروفة التي حدثت خلال الفترة الإنتقالية والتي يعلمها الجميع هذه الاحداث تسببت في تغير صورة المجلس العسكري أمام قطاع من المواطنين قل أو كثر ما أريد قوله : أن ما ورد في تحليلك هو محل تقدير من الشعب بأكمله تجاه المجلس العسكري , لكن المشكلة في الفترة التي أعقبت هذه الأحداث وهي الفترة الإنتقالية , والمنتقدين للمجلس العسكري حاليا لن تجد أحد فيهم يُقلل من دوره في الساعات الأخيرة التي سبقت التنحي مطلقا تحياتي لك

اخي العزيز / ابراهيم عبد العزيز اذن كما اتضح لك انه لم يحدث قفز على ارادة الشعب بان يكون الدستور اولا. حيث ان الاعلان لم يحدد ان يكون انتخابات الرئاسة اولا ويظل الامر خاضع لرغبة الشعب او كما سيتفق البرلمان وللعلم هناك رأي ومقترح جميل انا قلته امس في خلال تواجدي في حفل السفارة المصرية بالدوحة وكان المدعوون منقسمون ايضا مثلنا بين استمرار العسكر الى يونيو او تسليمهم السلطة الان وايضا كان الخلاف حول الدستور اولا في وجود سلطة المجلس العسكري ام انتخابات الرئاسة اولا ولقد اقترحت اقتراحا لقى قبول من العديد من الموجودين وان كان هناك ايضا من يعارضه وساتكلم عن هذا الاقتراح هنا في موضوعي عن المجلس العسكري الذي ارجو ان تشرفني فيه ويمكن مساء اليوم او غدا اطرحه بعد ان انتهي من الحوار حول دور المجلس العسكري اثناء الثورة تحياتي

اللهم وحد جميع المصريين والف قلوبهم ووفقهم للخير

عزيزي ابو ريم من حقك أن تدافع عن المجلس فهذا ليس عيباً بل من حقك أن تدافع عن الحرامي المخلوع واختلف مع حضرتك أو اتفق وتظل مساحة الاحترام لكن الاشكالية هي تبرير الخطأ فهذا بالتأكيد لن تجد له مناصرين يا استاذي الكريم والجملة التي صدرت بها موضوعك اراها مثال جيد للتعبير عن مبدأ تبرير الخطأ سيدي المجلس عندك متهم بشرط أن يسلم السلطة وبعدها سيكون جميل ونبيل اختلف معك المجلس عندي أنا متهم سواء سلم السلطة أو أجبرناه على تسليمها والمتهم مكانه الطبيعي محاكمة عادلة وعاجلة وناجعة دمت بخير

زي ما قلت في أول يوم انتخابات : الشعب المصري دائما يفاجئ الجميع وهاقولها تاني ماحدش يقولي أن الشعب مش فاهم أو مغيب .....الحقيقة ان مع كل حملات التضليل اللي بتمارس ضده الا انه عزل الفلول بنفسه في الانتخابات واختار الاسلاميين لانهم الاقرب له في الشارع ولأنه يعلمهم من سنين ويثق فيهم ويريد ان يعطيهم فرصة وخرج اليوم ليعلن رسالته واضحة وصريحة الثورة مستمرة و لا نريد حكم العسكر ونريد تحقيق اهداف الثورة عيش حرية عدالة اجتماعية كرامة انسانية ----------------------------------------------------------- منقووول لا تعارض ما بين إختيار الشعب المصري للإسلاميين و ولائه للثورة اللي مصمم يقف ضد الثورة هوا حر بقه !! بس يخاف علي الأقل من حكم التاريخ

اذآ نتفق على محاكمة ومسائله كل من كان يعيش فى ظل حكم مبارك كل من استفاد من حكمة وعاش فى ظل نفاق الحاكم وكان منافق مثلة وورث ثروة من العيش فى ظل هذا النظام اذآ يجرى تحقيق مع الجميع بكل الفئات ونحاكم الجميع ولا نستثنى احد من اول المدرس الى الحاكم كل فئات الشعب التى استفادت من الفساد او عاشت فى رحابة من نخب كانت تحتمى بة وتؤيد سياستة ومن اعلاميين ثبت عليهم فيديوهات او كتابات سيرت وتمحكت وبافقت هذا النظام ونعلى من شأن كل من سجن وتم تصفية اموالة ومصادرتها وتخريب بيوتهم والتنكيل باسرهم بل ومحاسبة من لا ينضم الى تيار سياسى فاعل يدل على هويتة فلا يصح ان نترك من يمتهن السياسة بدون هوية (حزب ) يسأل عن افعالة ويحاسب عليها عندها فقط نحاكم ونحاسب كل من عاش فى ظل حكم الفاسد مبارك وكل من استفاد ولو بالهروب من مصر ولم يدافع عنها وتركها حبآ فى ان ينفد بجلدة من جلاديها عندها فقط نحاسب الجميع ولانترك فردآ من شعبها دون محاسبة بل نفتش فى نوايا الجميع بعمل تحليلات نفسية وطبية للجميع حتى ننظف المجتمع من العاهات التى ضربت بة وتحاول ان تعيد الكرة مرة اخرى بتكوين نظام حكم دينى او علمانى بحت لابد من الكشف عن النوايا فى داخل كلآ منا ولا نستثنى احدآ من النخب او من يطلبون القصاص او من يقفون فى طابور المكسب او الخسارة وكل من ساهم فى تغيير النظام بدفعة اموال او دم او شهيد او مجرد محاولة ولهذا يجب ان يموت الجميع حتى تكشف النوايا عن طريق رسالة الى الله نرسلها لة من باب حب مصر ان يطلعنا على نوايا البشر التى هى من اختصاصة فقط سبحان الله وبحمدة واستغفر الله العظيم واتوب اليه واستسمحة ان يهدينا الى صواب السبيل وان ينعم علينا بالعقل والتسامح ومعرفة قدرنا كبشر ناقصين يكملنا هو بقدرتة وقدرة واعوذ بة من الشيطان الرجيم وأطلب حمايتة للجميع من الجميع

ونعود لنكرر: يسقط يسقط حكم الأهطل. اعتزازى بوطنى مصر يطابق اعتزازى بذاتى كإنسان. أنا لست أَمَة أحد إلا الله، لست متسولة، لست ذليلة، لا أرضى بقليلى، ولا أشعر بأن «الشعرة من دقن الخنزير مكسب» كما يُقال فى المثل المصرى. هذا ما أشعر به حيال وطنى مصر. لا أبحث لها عن بدائل، ولا أرضى لها بمواءمات، ولا أقبل لها بحلول وسط… مصر ست الكل. يستحق وطنى مصر أن يكون أرفع الأوطان شأنا. يستحق وطنى مصر أن يكون فى مقدمة الأمم. يستحق وطنى مصر أن يكون قوة عظمى. يستحق وطنى مصر أن يتبعه الناس ولا يتبع هو أحدا. يستحق وطنى مصر أن يعطى معونة للإنسانية وأن لا يمد يده للتسول من أحد. أقول ذلك لا بدافع الشوفينية، ولا من منطلق الوطنية الجوفاء، لكننى أقولها لأننى أعرف مصر، وأعرف المصريين. حين كانت مصر سلة الغلال لم تلقِ بالقمح فى عُرض البحر لتحتفظ بسعره، بل قَرَت الضيف، وأطعمت الجائع، وحملت الكل. حين كانت مصر مركز العلوم لم تبِع علمها بأثمان باهظة، ولم تستخدمه فى القتل وسفك الدماء وإذلال الأمم، وإنما أشرقت على العالم بالبذل والعطاء. حين أسست مصر أول جيش نظامى، لم تقتل العزل، ولم تهتك الأعراض، وإنما ظلت تحافظ على حدودها وعزتها، وشهدت جيوش العدو لجيشها بالكرامة والإنسانية والأخلاق. مصر طيبة، وكان المماليك يسمونها «أم الخير». ثم اتوكست مصر.. اتوكست وكسة سودا.. الوكسة ليس فى كونها دولة منهوبة من العالم الثالث تتبع قوة استعمارية لا أخلاقية باطشة وتتسول منها المعونة فقط، وإنما تكمن الوكسة فى أن هناك من يسعى حثيثا لتحويل مصر من «طيّبة» إلى مهطولة ومنحطّة فى آن واحد. مصر لا تستحق أن تعرَّى نساؤها ويخرج من هم محسوبون على أبنائها ليرددوا كلاما لا يليق بتاريخها الأخلاقى، الذى هو أهم وأنصع وأبقى من تاريخها العلمى والحضارى، ونسمع حديثا منحطا عن العباية أم كباسين، والكتاب الذى هو أهم من شرف المرأة، والتساؤل: هى إيه اللى نزّلها؟ ثم يعود نفس الأشخاص ليرددوا العبارة الممجوجة: منكم لله خربتوا البلد! وأى خراب أفدح من الخراب الأخلاقى الذى يحوّل الناس إلى مجموعة من القوّادين والمنظّرين للطغيان والهتك والحقارة؟ أى مصاب أكبر من وقوف عنصر ينتمى إلى أقدم جيش نظامى ليتبول على الناس؟ لم يفعلها أجداده فى العدو وفعلها هو فى بنى وطنه… إتفو. لا.. أنا لا أريد أن يسقط حكم العسكر.. لإننا ليس لدينا عسكر. أنا أريد عسكرا فى البداية، عسكر.. رجالة يعنى، لا حثالة تعرِّى النساء وتسحلهن وتتبول على أبناء الوطن. لا أريد للعسكر أن يحكم، لكن أريد عسكرا يحمى الوطن، لا ينشغل بصناعة الحلل، وبيع زجاجات زيت الزيتون، وتقديم الشربات والجاتوهات فى صالات الأفراح… حقه لو جنّدوا الستات وشغلوهم رقاصات فى صالات الأفراح بتاعتهم، عسكر ده ولا مكتب مخدّم؟ مش ناقص غير يفتحوا بيوتى سنتر وحمّام تلات، حيث يقضى المجند مدة خدمته فى تكييس الزبائن. نحن لا نُحكم بعسكر أيها الإخوة المواطنون، نحن نحكم بمجموعة يسلحها العدو بماله وعتاده، ويغدق عليها من أموالنا، ويا ريتهم عارفين يبقوا مجموعة مسلحة تشرّف، ما عاش ولا كان اللى يعمل فى مصر كده. مصر ست الكل. مصر ست الكل. لا يليق بشباب مصر الباسل، الشهم، الإنسان، الشجاع أن يذهب للتجنيد ليجد نفسه خادما للضباط وزوجاتهن بملابس ميرى. لا يليق بشباب مصر أن يزحف على بطنه حين يخالف التعليمات فى أثناء فترة تجنيده، عمى فى عينيكم.. ولادنا يزحفوا على بطنهم؟ لا يليق بمصر أن تتسول السلاح من العدو. لا يليق بجيش مصر أن يقوده مجموعة من رجال الأعمال المنشغلين دوما بصفقات السلاح والسطو على الأراضى وممتلكات الدولة وتكديس المليارات. جيش مصر لا يقوده إلا من يحمل روحه على كفه، وعناصر الجيش المصرى لا تهان ولا تذل ليتم تدريبها على إهانة وإذلال بنى جلدتها، العسكرى المهان لا يموت فى سبيل أرض لا يملكها وقائد يَسُومه المذلّة، العسكرى المهان يشعر بفقد الرجولة، ويتملكه الجبن فلا يستعرض قوته إلا على النساء والعزل.. العسكرى المهان خائن للوطن. أنا أريد جيشا قويا، كريما، عزيزا، أخلاقيا.. مش بلانة.

زي ما القلب بيبكي ع الفراق .. نفس القلب بيفرح باللقا من حقي أفرح بالميدان النهاردة .. زي ما فرحت فيه من سنة .. وشفت نفسي وسط أهلي .. و فرحت إني مصري .. هاحتفل .. إني مصري .. .. ... مش كفاية ضيعنا سنة من عمر مصر في خلافات و خناقات و ترتيبات .. ولو اتفقنا إننا مصريين زي ما كنا في الميدان أكيد كنا حققنا كل أحلامنا --------------- مواقف سمعت برنامج من فترة للدكتور عمر عبد الكافي بيقول كان في مطار برشلونة في أسباينا و ضابطة الجوازات نظرت إليه و هي تعطي له التأشيرة على جواز سفره المصري و هي تقول له : يجب أن تفتخر أنك تحمل هذا الجواز يجب أن تفتخر أنك مصري ------ من شهور كنت في زيارة عمل للكويت المفروض أن آخذ تأشيرة الدخول في المطار اشتريت طوابع للتأشيرة من الماكينة و انتظرت دوري فلما توجهت للضابط أعطيته الجواز و الطوابع فنظر لي و قال إنت مصري .. مش محتاج تدفع لتأشيرة الدخول .. و بص للي حواليه و قالي بصوت عالي إنتوا المصريين المفروض نشيلكوا فوق راسنا .. كفاية فرحتونا بمصر احنا اللي نتشرف بيكوا ----------------- إمتى هنفكر إننا مصريين و نبطل خلاف و نوحد رأينا كل الدنيا شايفانا مصريين و احنا اختلفنا بينا و بين بعضنا إمتى نفوق و نفهم إن ثورتنا واحدة إمتى يحصل ولغاية ما يحصل بإذن الله مش هانسى إني مصري و بحب كل أهلي المصريين و هاحتفل بالثورة و هادعي للشهداء و مش هضيع حقهم ومش هسيب مصر تضيع مني تاني لأنها غالية عندي ---- http://www.youtube.com/watch?v=4TOrByL036k

عزيزى عماد, لا يوجد شئ شخصى بينى وبينك, ما دام هناك احترام متبادل, واتمنى نكون جميعا فى هدف واحد وهو مصلحة هذ البلد

صورة لثائرين نازلين يكملوا الثورة .... مش نازلين يحتفلوا إبداً .... مصر كلها نازلة تكمل المشوار وومش ناسية الشهداء ولا المصابين ... مش ممكن شعب بالقوة ده ممكن يخسر

من متابعتي لأحداث اليوم 25 يناير 2012 ومن خلال متابعة أخبار المحافظات وخروج الناس لإثبات أن الثورة مازالت قائمة ومن خلال متابعتي لنوعيات الناس التي شاركات في المظاهرات اليوم والتي تنوعت مابين سياسيين وأساتذة جامعات إلى أفراد لم يحالفهم الحظ للحصول على أي قسط من التعليم مرورا بكل المستويات الإجتماعية أستطيع أن أقول أن الشعب المصري مازال يقظا وأنه شعب محترم كل ماينقصه هو الإدارة الجيدة التي تعرف كيف تُخرج منهم طاقات نافعة لهم ولمجتمعهم. أستطيع أن أقول أن الشعب أراد يبعث للمجلس العسكري ولأعضاء مجلس الشعب وللوزارة ولمن سيأتي بعد ذلك برسالة مفادها " نحن نراقبكم ونحسب عليكم ماتفعلون ، لن تستطيعوا أن تضحكوا علينا من جديد ، خلاص كسرنا قيودنا وعرفنا الطريق للتعامل معكم . بارك الله فيكم ياشعب مصر وأكمل ثورتكم على خير وبإذن الله ستكون مصر في الصفوف الأولى قريبا. اللهم بارك في مصر وفي شعبها وولي أمورها خيار أهلها

ده اسمه مسك العصا من المنتصف اكبار يقولوا حاجة ويسيبوا اصغار يعملوا عكسها، مشيت يظهروا في الصورة ويقول لك احنا موجودين من البداية ، كلكعت يقولك مالناش دعوة ده اللى عملها الصغا واحنا حنحاسبهم. سيناريو 25 يناير 2011

هذه رايتى البيضاء مرفوعه ... كجندى مهزوم ترجل عن جواد الكلمات سلم درع القلب والقى جميع اسلحته على الأرض مرهق .. يريد ان يستريح بواديكِ عطشان .. يتوق الى الشرب من نهر الفجر الممتد بلياليكِ فيامن تقفين خلف الباب صامده هلا واربته قليلا !!

هو انا حأعلق على الموضوع ده من زاوية تانية بعيدا عن قواعد العمل داخل المجلس هذا النائب من ذاك الشعب .... هؤلاء فعلا هم نواب الشعب بطباعه بصوته المرتفع بقلة نظامه ... هؤلاء فعلا هم نواب الشعب ، وعندما ينضبط هؤلاء سينضبط الشعب لأنهم هم فعلاً قدوته ويراهم ويجلس معهم ... والجميل ان اكثرهم بسطاء مثل معظم الشعب الطيب ، يا رب ما تتغيرش نفوسهم بعد ما يعرفوا حجم السلطة اللى في إيدهم المشكلة ان ممكن تحصل كوارث لو اتذاعت الجلسات على الهواء وممكن نواجه ازمات سياسية للصبح وخاصة مع الدول الأخرى وذلك عند تناول امور السياسة الخارجية بس برضه متفائل خير إن شاء الله

مع ذلك الإقتراح مائة بالمائة فمجلس الشورى بلا مهام وهو رفاهية ديموقراطية لا نملكها الأن تماما في مصر , ومضيعة للمال والوقت دون فائدة مرجوة الأولى الأن إلغاء هذا المجلس وإستبدال إنتخاباته بالإنتخابات الرئاسية

يا ريت محدش يمشى من الميدان حتى تسليم السلطة ونشوف بنفسنا وثيقة موقعة يعنى لا يكفى يطلع حد وقول كلمة فى الاذاعة او التليفزيون مش عايزين نلدغ من نفس الحجر مرة تانية, خلليك فاكر كويس تسلسل انتقال السلطة طبقا للقوانين المصرية: 1- رئيس مجلس الشعب ويتم الانتخابات الرئاسية بعد 60 يوم 2- رئيس المحكمة الدستورية العليا ويتم الانتخابات الرئاسية بعد 60 يوم 3- تأجيل انتخابات مجلس الشورى وفتح باب الانتخابات لرئاسة الجمهورية فورا وتتم الانتخابات بعد شهر من تاريخة ( طبقا لاستفتاء 19 مارس) ودة اضعف الايمان, ونفس الوقت لو وصلنا ل الا ختيار دة لازم يكون فية مليونية كل جمعة فى ميدان التحرير حتى يتم انتخاب الرئيس ويمشى العسكر - علشان منلفش فى دوائر مفرغه وفية طرف يرفض او يطلع بكلام من عندة والعسكرى يستغل الفرصة يجب الالتزام بالقانون وعدم طرح اى اسم بعينة وفى نفس الوقت نحافظ على التوافق قدر الامكان

كنت نايمه لاني كنت تعبانه بقالي يومين وطبعا الدهشة والفرحة ضيعوا كل التعب كنت سمعت قبلها ان هيكون في مظاهرات بس كنت بقول لنفسي معقول هنبقي ذي تونس قبلها وبعد انتصار ثورة تونس اتصلت بأختي بقولها شوفتي اللي حصل في تونس قالتلي عقبال اللي بالي بالك قولتلها يا رب بس ده مستحيل فعلا والله كنا كلنا بندعي ربنا بالدموع ان الثورة تنجح وكنت متخيلة ان مبارك والعادلي عندهم استعداد يفجروا التحرير باللي فيه ولا انهم يسيبوا مناصبهم ................ يوم موقعة الجمل انفجرت بالبكاء في مكان عملي من سماعي لتعليقات الزملاء انها خلاص خلصت وقولت البلد دي مش ممكن تقوم لها قومه تاني اذا فشلت الثورة لا قدر الله .............. قبل التنحي بكام يوم كنت متفائلة جدا وتذكرت حديث الرسول صلي الله عليه وسلم "ان الله يملي للظالم حتي اذا اخذه لم يفلته" صدق رسول الله وربنا يتمها علي خير وتحقق كل اهدفها وكفاية كده ذل لمصر وللمصريين انا والله اخويا كان بيقول كنت بخجل اقول اني مصري لحد ما قامت الثورة وعن نفسي عمري ما حسيت بالوطنية اللي كنت بسمع عنها في الاغاني الا بعد الثورة خلونا نحس اننا اغراب في بلدنا ..........

سنن شرب الماء مكتوبة

فريد الديب لمبارك: بص بقه ؛لما القاضى يسألك أتنحيت ليه تروح باصص فى الأرض بخجل و ترد عليه و تقوله أخاف أن لا أقيم حدود الله :wub:

من غرائب الست المصرية . . . . ... . . . . . لو ضاع ابنها او بنتها الصغيرة بالشارع بتعيط و تصوت وأول ما تلاقيه تديله بالقلم علي وشه!!!!

شعور وحش اوى > ... > > > > > > اما تدخل محل من بتوع التيك اواى و تبقى عايز تشتري ساندوتش تمنه 10 جنيه و تدخل على البنت اللى على الكاشير و تطلب الطلب بتاعك , و بعدين تسألك : تحب صوص الهلهليز و لا صوص البرطنيز؟ طبعا انت تتحرج تقولها ماعرفش ايه دة .. فتقول لها : هلهليز لو سمحتى - و يا فندم تحب مع السندوتش كونجا مونجا و لا سيكي ميكي ترد انت تقولها : سيكي ميكي لو سمحتى و يا ريت كتير عشان بحبه - جوه السندوتش يا فندم تحب هارالام بمبم ؟ و لا جنبه شنجرنفت؟ ترد و انت كأنك بتفكر : هارالام بمبم لو سمحتى . بس مش كتير عشان بيوجعلى بطنى - اوك يا فندم بالنسبه للسلطه . سلطة كوكو واوا؟ و لا سلطه سيكيليه فى الحمبزيـه ؟ و لا سلطه باربارينو ايطالى؟ تقولها و انت محرج : اى حاجه مش هتفرق - اوك يا فندم الحساب 176 جنيه و 40 قرش و الــبس بقــي يا مــعـــلم يااااااااااارب اغننا بالحلال الطيب