لوحة القادة

معظم الأخبار .. كله للوقيعة بين الثوار جميعاً وجرهم لكمائن سياسية يا ريت أخبار الخلاف نخليها على جنب دلوقتي لإن كل شوية يطلع خبر ويطلع تكذيبه ، فبلاش ننقل أخبار الخلاف هنا ، ويا ريت نركز على نقاط الإتفاق حتى ينتهى اليوم على خير ربنا كبير وحيسترها مع الشعب الطيب اللى نزل بالملايين

الجنزورى قالك هو فيه ثائر عنده 12 سنة طيب خد ثوار اصغر بقى

من أجمل الصور اللي شفتها في الميدان..من تصوير أحد أصدقائي بجد..لو ده مبدأ كل اللي موجودين في الميدان..يبقي بإذن الله ستيغير الحال تماما للأفضل..وفي وقت بسيط جدا بأمر الله

بداية ياريت مفيش حد يطلب منى الدليل لأن الواقعة دى حدثت معى شخصياً, فمن لا يصدقنى هو حر فى رأيه. ما حدث أننى تعرضت للسباب والشد والجذب وكدت أن أضرب اليوم من سلفيين حولوا خطبة الجمعة فى مسجد التقوى -وهو تابع للأوقاف- إلى دعاية لانتخابات مجلس الشورى. فبعد خطبة لمدة تقارب الساعة, نصفها كان عبارة عن دعاية انتخابية وهجوم على الخصوم السياسيين وما أن انتهت الصلاة قمت وقلت: صلاة الجمعة للمسلمين جميعاً وليست للسلفيين أو الإخوان فقط, فلا يجب أن تتحول لدعاية انتخابية, من يريد عمل دعاية انتخابية فليقم بها بعد الصلاة... وعينك ماتشوف الا النورbsh:)... تجمع حولى العشرات من السلفيين منهم من يسبنى ويقول أن أخلاقى سيئة وأننى أحقد عليهم ومنهم من يحاول جذبى من ملابسى والإحاطة بى لضربى, وقام بعضهم بطردى من المسجد! ولما اعترضت على ذلك وقلت: ده بيت ربنا مش بيتك عشان تطردنى منه, تجمعوا حولى ودفعونى للخارج بطريقة مهينة ولولا ستر الله ووجود بعض الأفراد الذين أنقذونى من بينهم أنا وابنى ذو ال 4 أعوام لكانوا قد فتكوا بنا. أعرف أن كل السلفيين ليسوا على شاكلة واحدة, ولكن لم أتوقع أن يقابل اختلافى معهم فى الرأى بهذه الطريقة. , ولن أسامح كل من أهاننى وتعدى على بالقول وروع ابنى وطردنى من بيت الله, وسنقتص منهم يوم القيامة. حسبى الله ونعم الوكيل

كلنا ايد واحده يا بهجت ,, كلنا بنكمل بعض ! نقسم ان ان ان ان :) ان نبقى آخر حلاوه بالصلاه ع النبي مع بعض :) بلاش الطيبه وحسن النيه اللي ضيع مننا الثورة لما سلمناها للعسكر الضمير الجمعي للشعب زعلان من الاخوان مش لازم يضحكوا علينا ويخلونا نتحالف معاهم ضد الشعب

استاذى الفاضل, اسمح لى ان اختلف معك قليلا فى هذة الجملة, الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة الاستاذ الفاضل ماستر حضرتك كدة حكمت علي كل اللي مصدق ان المجلس العسكري حيسلم السلطة في اخر يونيو ولذلك مش مقتنع بفايدة للثورة التانية، او حتي اللي مش متأكد انه حيسلمها بس بيفضل الانتظار انه بيسمم المنتدي والافضل انه ما يقولش رأيه و كفاية يسمم بيه نفسه واتمنيت له الموت كمان علشان يريحكم !!! يا استاذ ماستر المشكلة ان احنا دلوقتي مش في الثورة الاولي كان لا يختلف عليها اتنين واللي مش عايزها كان اكيد فلول انما الثورة التانية وضع مختلف ، كتير من المصريين مش شافيين انها كان ليها لازمة وكان ممكن نستني كام شهر دي وجهات نظر وما يصحش ان كل من يختلف معاك في وجهة نظرك تقول عليه كدة تحياتي لحضرتك

اضحك" لما تبقي راكب مترو زحمة ومش لاقي مكان تقف فيه....في ناس نفسها بس تحس إن في ناس حواليها "اضحك" لما تحط إيدك ف جيبك ومتلاقيش غير 2 جنيه مغسولين .... كويس إن مامتك سابتهملك ف البنطلون ... "اضحك" لما تبقي ماشي مضايق اوي ..والمطره تغرقك..ربنا بيزغزغك عشان تضحك "اضحك" لما تحب حد جدآ و فجأة يسيبك و يمشي .... كفاية إنك حبيته بجد وقلبك دق شوية انت يعنى لازم تاخد كل حاجة ؟؟ "اضحك" لما حد يستندل معاك.....قوله بضحكتك طظ " اضحك" لما تبص ف ورقة الإمتحان ومتعرفش تحل....عشان لو ظهرت النتيجة ونجحت هتضحك إن جت معاك كده..ولو شيلت المادة هتضحك إنك خدت فرصة تانية تعلم نفسك "اضحك" لو رجليك فقفقت من كتر اللف ع الشغل...كفاية إنك شميت هوا الشارع و إحساس ان ربك بيسعى معاك "اضحك" لما تضحى كتير عشان خاطر حد ، و بعدين تلاقيه مش مقدّر اى حاجة انت عملتهاله "اضحك" لما تشتري بطيخه وتطلع قرعة ..... مش أحسن ما كان اشتراها واحد غلبان ومبيشوفهاش غير م السنة للسنة "اضحك" لما فجأة كده تتعب اوي...أكيد هيظهر علي موبايلك إسم حد كان واحشك "اضحك" لما تحس إنك لوحدك...وخليك واثق إن في حد ف الجانب الأخر من العالم بيشاورلك وبيقولك استناني "اضحك" لما تحب حد أوى ويطلع مش من نصيبك ، أكيد رينا كاتب لك الخير مع حد تانى .. هتعرف اكتر من ربنا ؟؟ اضحك ... تعرف تضحك ؟ :)

زمن الفرسان | أحمد غريب أحد أبطال الثورة، والذي أصيب بكسر في الجمجمة إصابات بالغة في الوجه والفكين والظهر والذراعين والقدمين بعد أن دهسته مدرعة للداخلية خلال أحداث الثورة العام الماضي، أصر على الحضور إلى الميدان في اليوم الأول من العام الثاني للثورة، مصافحاً أحد الثوار (محمد عبد الحكيم) وبينها الصابرة الفاضلة والدته

سبوع مواليد ما بعد الثورة إسمع كلام أمك ... إسمع كلام أبوك ... ما تسمعش كلام الرويني ولا القناة الأولى

انا عُمري ما اقلق من مناوشات بسيطة زي دي لكن أقلق من الفلول والبلطجية والمأجورين اللي سارحين وعايشين لسه وديولهم بتلعب

شكرا أ.عماد فيه فيديو آخر مختصر (أقل من دقيقة) عن أن أهمية عنصر التسويق ضمن الأنشطة الالكترونية التسويقية:ـ http://www.youtube.com/watch?v=SzMHTpl-tqg لكن على المدونة الخاصة بي يوجد موضوع قد يكون مفيدا عن خمس مؤشرات لتقييم نجاح موقع الانترنت http://blog.newegyptconsulting.com/2011/05/arabic-web-development-ksa-egypt.html بإمكان حضرتك متابعة مواضيع أخرى ذات صلة على نفس المدونة خالص شكري وتقديري

صورة من اعلى منصة الاخوان وفيها البلتاجى واحمد ماهر والصاوى وبعض النشطاء يرفعون ايديهم معا ويهتفون ايد واحدة اللهم وحد صفوفنا والف بين قلوبنا لا تسمحوا لمجلس الوقيعة والدسائس والفتن باشعال وافتعال المشاجرات والفتن بينكم ليفرق بيننا لكى ينتصر علينا يجب ان نظل يد واحدة ووحدة واحدة ضد الاحتلال العسكرى وخيانتة وعمالتة...

مبدئيا هى اليوم السابع مش جريدة صفرا ولا حضرتك متعرفش ؟؟ وياترى تشغيل القرأن الكريم علشان تغطى على هتافات الناس مش استغلال سئ للدين ولا ايه رأيك ؟؟ الخبر منتشر على تويتر من اربع ساعات بخصوص المناوشات بين الشباب فى التحرير ورفع الأحذية واذاعه الأغانى وكمان ازالة الأخوان لكلمة عيد من البنرات الموجودة على المنصة علشان ما نشتتش الموضوع دا اخر تحديث للقصة دى احمد ماهر - 6 ابريل على منصة الأخوان المسلمين ياريت نركز على عدونا المشترك افضل بدل من اصطياد الأخطاء لبعض

بكل صراحة غير مطمئن لخطوة تنظيم مسيرات لوزارة الدفاع ولماسبيرو فكما سبقني الأخ أحمد رضوان , فإن الثورة وبفضل يوم 25 يناير 2012 بعد الله سبحانه وتعالي عاد لها الزخم الثورة وإلتفاف الشعب المصري حولها بقوة في مشهد غير مُتوقع بالمرة وأذهل المراقبين هذا النزول المليوني للشعب المصري في ذكرى الثورة الأن يجب على شباب الثورة أن يفهموا طبيعة الشعب المصري حتى يتحركوا بشكل صحيح الشعب المصري يكره العنف ويخاف الفوضى لو حدثت أحداث عنف بسبب المسيرة لماسبيرو ووزارة الدفاع فسينتقد قطاع عريض من الشعب المصري من ذهبوا الى هناك , وستستغل بعض وسائل الإعلام هذا الحدث لبث سمومها في روع الشعب المصري ضد الثورة وتشويه الثوار وتصويرهم بالمخربين لا أرى داعي لهذه المسيرات تجاه وزارة الدفاع وماسبيرو يوم 25 يناير 2012 أوصل الرسالة بدقة للمجلس العسكري أهم ما جاء في هذه الرسالة : أن محاولات تشويه الثورة , وجعل الشعب المصري يكفر بها قد باءت بالفشل الذريع , وأن إستخدام فزاعة الأمن أو توقف عجلة الإنتاج أو المخططات الخارجية لن يجدي نفعا , والشعب المصري قد يمم وجهه شطر تحقيق أهداف الثورة كاملة غير منقوصة ولن يلتفت في سبيل الوصول لهذا الهدف لأي أشياء جانبية . وهذا يكفي تماما تماما الأن وليس هناك حاجة في الوقت الحالي لأي تحركات تصعيدية المطلوب الأن هو تنظيم جُمع ضاغطة ضاغطة ذات زخم بشكل دوري هذا رأي والله أعلى وأعلم تحية كبيرة لحضرتك يا أستاذ ابراهيم علي المداخلة التي أتفق مع كل ما ذكرته فيها وأعبر عن شعوري بالإطمئنان بإلتزام الجميع بسلمية الثورة وأدعو الله أن يتمها علي خير وأن لا تحدث مواجهات مع الجيش أو تصعيد من جانب البعض وأن تتحقق مطالب الثورة جميعها وأن يعوض الله المصريين خيرا عن كل ما عانوه فيما مضي لا أحد هنا ضد الثورة ولا الثوار كلنا مع الثورة قلبا وقالبا منذ 25 يناير 2011 ،لكن التخوف من أحداث عنف أو تخريب أو سقوط ضحايا جدد هو ما جعل البعض وأنا منهم نري التريث قليلا حتي يسلم المجلس العسكري السلطة في الميعاد الذي حدده أو النزول للميدان جميعا تحياتي

قال رسوال الله صلى الله عليه وسلم (يا معشر من آمن بلسانه ولم يدخل الإيمان قلبه لا تغتابوا المسلمين، ولا تتبعوا عوراتهم، فإنه من يتتبع عورات المسلمين يتتبع الله عورته حتى يفضحه في بيته)

عايز أعمل إعلانات فيس بوك لصفحة شركتي علي الفيس و مش قادر خااالص أفهم نظام الدفع و طريقة الحساب أنا بيعجبني نظام الكليكات بس مش فاهم خالص نظام المزاد و شم شايف طريقة عشان أحدد خالص حد أقصي للتكلفة الإعلانية

خطيب «الأزهر»: الشريعة لا تمنع التظاهر بشرط عدم تعطيل الطرق والمرور دعا الشيخ محمد زكىّ الدين أبو القاسم، وكيل وزارة الأوقاف الأسبق، جموع المواطنين إلى الحفاظ على أمن الوطن وجعل مصلحته فوق كل اعتبار، والحفاظ على الممتلكات العامة للدولة والخاصة بالمواطنين. وقال الشيخ أبو القاسم، فى خطبة الجمعة بالجامع الأزهر، إن الشريعة الاسلامية «لا تمنع المواطن من المطالبة بحقوقه المشروعة والمطالبة برفع الظلم الواقع عليه، إلا أنه يشترط للتظاهر والمطالبة بالحقوق عدم تعطيل الطرق والمرور ومصالح العباد». وأضاف «إن الاحتفالات بذكرى 25 يناير حدث عظيم، فمن كان منا يستطيع أن ينطق أو يطالب بحقه فى ظل نظام استبد حقوق الشعب ولم يوفر أدنى الحقوق والكرامة للمواطنين، فعلينا أن نحتفل جميعا بذكرى هذه الثورة العظيمة ولكن دون أى عمليات تخريبية أو عنف». وأكد أبو القاسم أن النظام السابق استهان بالشعب وجعل نصف المواطنين تحت خط الفقر بينما احتفظ فى خزائن الدولة بأموال الشعب التى نهبها ليستمتعوا بها وحدهم.

لا وانتش صادق ده اللي بيحصل دلوقتي ,, مالكش حق يا عماد ويا تيمور للاسف انت تشاكون فى الانقسام بيننا .

استاذى الفاضل, اسمح لى ان اختلف معك قليلا فى هذة الجملة, الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة الاستاذ الفاضل ماستر حضرتك كدة حكمت علي كل اللي مصدق ان المجلس العسكري حيسلم السلطة في اخر يونيو ولذلك مش مقتنع بفايدة للثورة التانية، او حتي اللي مش متأكد انه حيسلمها بس بيفضل الانتظار انه بيسمم المنتدي والافضل انه ما يقولش رأيه و كفاية يسمم بيه نفسه واتمنيت له الموت كمان علشان يريحكم !!! يا استاذ ماستر المشكلة ان احنا دلوقتي مش في الثورة الاولي كان لا يختلف عليها اتنين واللي مش عايزها كان اكيد فلول انما الثورة التانية وضع مختلف ، كتير من المصريين مش شافيين انها كان ليها لازمة وكان ممكن نستني كام شهر دي وجهات نظر وما يصحش ان كل من يختلف معاك في وجهة نظرك تقول عليه كدة تحياتي لحضرتك الفاضلة ام سلمى, الكلام اعلاة يختلف تمام عن ما اقول, يبدوا ان حضرتك فهمتى شئ مختلف, شوفى فى فرق بين الى لية رأى بيعبر عنة بأدب واحترام الحوار المتبادل وفى نفس الوقت مقنتع برأية ولا يشوة الثورة والثوار والصنف دة على العين والرأس لانه جزء من الشعب المصرى وفى النهاية بردة هم اخوانا واخواتنا, ولكن ما قصدته هو ان هناك اشخاص دائما ما يتعمدون ان يشوهوا ويسبوا الثورة والثوار فى كل مكان فى مصر ومنهم اعضاء هنا فى المنتدى, وامثال هؤلاء من السهل ان تعرفيهم بنفسك, سيدتى الفاضلة مفيش تسامح ولا اختلاف فى الرأى مع اى حد هيشتم الثورة مهما كان, الى عايز يتناقش ويعبر عن رأيك لا يشتم او يشوة او يسب من هم افضل منا والسبب فى استرداد حريه مصر وكرامة الشعب المصرى

طول عمري أعشق الفيزياء و أعشق دقة تعريفاتها للأشياء دايما مبهورة بالظواهر الكونية و الفضاء و الأجرام السماوية و الكواكب و الجاذبية الأرضية و القوة و الحركة و طبعا الطاقة و احب أخلط العلم ده بالتأمل فيما حولي طبعا كمان أعشق الكيمياء أو لنقل أعشق العلاقة بين الفيزياء و الكيمياء مع المادة العلوم دي لها علاقة وثيقة بالبشر و ما بداخلهم و ليس كما يتصور الناس لم تشبع المقررات الدراسية المملة فضولي و شغفي بالمعرفة في هذا الصدد كنت أقرأ كل ما يقع تحت يدي في هذه العلوم عشقت حلقات د. مصطفى محمود رحمه الله فهو من علمني ادخال العلوم في الحياة كم سنة ندرس الرياضيات دون أن يُقال لنا ما الهدف منها؟! هل فقط العمليات الحسابية ؟؟ اكتشفت ان الرياضيات تتعلق بالمنطق و الاستدلال و ان النظريات الهندسية و معادلات الجبر هي طريقة حل المشكلات!!! كم طالب يعلم ذلك ؟؟؟ من يكرهون الكيمياء مثلا و يجدونها صعبة و لا يفهمون معادلاتها هل يعرفون ان العطور و المنظفات و مستحضرات التجميل و الطهي كيمياء؟! هل يعرفون ان التغذية و ما يتعلق بأمراض سوء التغذية من تقصف الأظافر و تساقط الشعر بل و حتى السرطان -عافانا الله و إياكم - كيمياء؟! هل يعلم هؤلاء الطلاب أن كل ما يتحرك حولنا بما فيه حركاتنا فيزياء؟! و أن الرياضة البدنية و الجهد المبذول فيها فيزياء؟! و أن رفع الأشياء سواء باليد أو بآلات فيزياء؟! نعاني بشدة من عدم ربط العلوم بحياتنا اليومية لو أن ذلك يحدث لفضّل العديد من الطلاب الدراسة في القسم العلمي أعشق الأدب بشعره و نثره و اللغة و تأثيراتها و لكن يبقى الأدب حس و ذوق يمتلكه البعض و يعيش الكثيرون بدونه و تبقى العلوم ضرورة حياتية لا نعلم عنها الكثير بكل أسف ! بل أن التبحر في العلوم ينمي الاحساس بالحياة و بالجمال فيعلو الحس الأدبي أرى كل العلوم مترابطة لا يُغني بعضها عن البعض أذكر اندهاشي الشديد و انا صغيرة أن الجغرافيا هي أم العلوم و الكثير من متبلدي الشعور يصفون من يدرسونها في القسم الأدبي بالغباء و عدم الفهم أعشق الجغرافيا و التاريخ و اللغة و الأدب و علم النفس و الفلسفة و أيضا الرياضيات و الفيزياء و الكيمياء و الأحياء لي تجربة يومين في القسم الأدبي دخلته لأن والدي رحمه الله كان يخشى من اختلاف المناهج بين السعودية ومصر و خاف ألا أستطيع تدارك الفجوة بين الصف الثاني و الثالث الثانوي و اختلاف المناهج دخلته مرغمة و كل معلمة تدخل تنصدم بشدة لوجودي في القسم الأدبي!!! فقد كنت من جماعة الرياضيات و من المتفوقات في العلوم و بعد أن تبدي دهشتها تبدأ في وصلة من التأنيب و الاذلال للطالبات و اعطائهن الشعور بأنهن مستوى أدنى من طالبات القسم العلمي !!! عجبا مع ان هؤلاء المعلمات كن في نفس القسم!!! ساءني ذلك كثيرا و لكن قلبي كان يهفو لما افتقدت من علوم و أثناء الفسحة بكيت بشدة عندما قابلت زميلاتي في القسم العلمي و كن يتحدثن عن درس الفيزياء و في المنزل كنت كعادتي اول اسبوع في الدراسة أقوم بتجليد الكتب و الكراريس و لكني كنت حزينة و لا أتحدث مع أحد و ما أن سألني والدي ما بكِ؟ حتى انفجرت في البكاء أفتقد العلوم و الرياضيات فما كان من أبي إلا أن رق لحالي و طلب من والدتي أن تذهب في اليوم التالي لتحولني للقسم العلمي كنت في شدة الفرح و ارتدت روحي إليّ و قضيت عامين من المتعة كنت أتمنى أن ألتحق بكلية العلوم و لكن استسلمت لرغبة أبي في أن العلوم ليس لها مستقبل في بلدنا و رغم عدم تحقيق رغبة الطفولة لم أتوقف عن القراءة في هذه المجالات و التزود بكل جديد فيها

ماسبيرو في ذاته ... ليس هدفاً ... هو مؤسسة فاسدة كما الكثير من مؤسسات الدولة وفضيحته بجلالجل والشعب لم يهضم ما يقدمه من اكاذيب وزارة الدفاع في ذاتها ليست هدفاً ... ,وإنما رمز لكرامة كل عسكري فما المتوقع من إذلال رمز العسكريين ورمز الجيش المصري وكل مصري يجب الإلتزام بالأهداف وعدم الإنجرار وراء أشياء قد تؤدي لتصادم نحن في غنى عنه في هذه اللحظة الفارقة ... الشعب مع الثوار الآن ونحن لسنا في حاجة لخسارته ، المجلس يترنح ولسنا في حاجه لدفعه لمواجهة دموية من خلال المطروح بأعلى لأن العسكري عنده يموت ولا يحصل اللي فوق ده لنركز على أهدافنا : نقل السلطة أو فتح باب الترشح لرئاسة الجمهورية فوراً ملاحظة الحشد الموجود حالياً سيتفرق غداً للرجوع للأعمال والجامعات والمدارس والمصانع ، لذ يجب التركيز على أهداف محددة اليوم لأنه لو لم يحدث إستجابة اليوم يمكن إستثمار كل تلك الحشود إسبوعياً ملحوظة شخصية لا داعي للإعتصام بعد فض الحشد وإنما عمل مليونيات حاشدة كل يوم جمعة سيفي بالغرض لعدم تكرار احداث محمد محمود وماسبيرو ، الشعب في جانب الثورة لا داعي لخسارته مرة أخرى لأنه اهم مكاسب اليوم

يا استاذ تيمور انتوا كنتوا بتقولوا سلمية حترجعوا في كلامكم ليه دلوقتي ؟ خليكم قد كلمتكم

سيدتى راحله .. هربا من افكارى الضاحله من كلماتى الموحله خوفا من شطحاتى القاتله من الضياع فى ردهات ايامى الموغله ' سيدتى المبتعده .. تتبع قافلة "المرده" ذاهبه مشرقه ' عائده آفله !!

السلام عليكم و رحمة الله و بركاته كنت اتمني اشوفها و لو شوية هزار طب يمن قالك ان الحياة...مورجيحة بين الجد و الهزار و مين قال ان حد ممكن ياخد فيها قرار اوقات بنطلع صندوق ذكريات و نلون الحكايات بس اللون لازم يكون طالع من القلب علشان اكيد لسه فيها شيء يتحب الحياة صورة زيتية بنحاول نرسمها بملامحنا الحقيقية ملامح تطلع من قلب عرف الحزن بس لسه مصدق ان فيها فرحة متدارية يمكن تكون عن العين منشالة بس هي اكيد...لو صدق القلب...مش راح يلاقيها استحالة ===================================== و النبي ما تضحك علي البوقين كتبتهم و هقراهم بعدين عجبتني الصورة الزيتية بس بحب الالوان الشقية و بحب اللون اللي يفتح دراعاته لكل فرحة مستخبية بجد متضحكشي عليا انا بس اللي اضحك :) :) :)

السلام عليكم و رحمة الله و بركاته معلشي انا تاني و معذرة استاذي ماستر....(بس لو تتخيل احنا قعدنا ندرس في الشلوفة دي اد ايه...مش هتصدق) بعيدا عن شلوفيات الثورة :closedeyes: نرجع تاني للسؤال...ليه بعض الناس مش طايقة النشطاء؟؟ افتكر كان من مطالب الميدان "تطهير" الاعلام و ساعتهاانا شخصيا مفهمتش ايه المطلوب هل هو يعني تغيير قيادات ماسبيرو و لا تنقلات وظيفية لاسماء ليها ثقل في الشارع المصري بس الحقيقة دلوقتي بقيت اتبني اتجاه اكثر تحديدا و هو "تحرير" الاعلام....(المسمي و الفكرة للمدون وائل عباس...عشان منلفش في حكاية ال شلوفة تاني:) الفكرة جذرها من "ميدان التحرير" اللي بيرسم حلم ال "تحرير" للبلد كلها و التحرير لازم يبقي فيه قطبين اساسين تحرير الاعلام و تحرير المجتمع المدني....(و يمكن ده مش السياق بتاعه دلوقتي في التوبيك هنا) لكن تحرير الاعلام ببساطة انه يكون عندك اعلام مستقل يعمل علي تحرير العقل من القوالب الجاهزة ببساطة يكون عندك اعلام مالوش توجه مسبق اعلام يفتح خلايا دماغك للتحليل و التفكير و البحث عن الحقيقة مش بيقدملك وجبة جاهزة معلبة الافكار عن ما يراه هو كأداة للسلطة "حقيقة". الاعلام مش ان احنا نمثل "اعلام" و لا ننقل خبر....و لا نمثل "حرية" لو قدرت توفرلي الاعلام ده صدقني محدش لا هيحب و لا هيكره النشطاء و لا هيتريق ع الصعايدة:) هيوضع امامك حقائق...معلومات....و انت تشغل عقلك و توصل للدلالات و تاخد قراراك انت مؤيد الفكرة...(و ليس الشخص) ام انت ضدها انت بتشتري الفكرة دي من شخص و بترفض فكرة تانية من نفس ذات الشخص هي قدرتك ع التحليل طب احنا عندنا ده....(انا شخصيا معنديش بس بحاول اتغير) طب احنا عندنا اعلام....حر.......استحالة يبقي هتتوقع ايه غير الفرزة اللي في وش القفص اللي اسمه التلفزيون محصلة منطقية...لمدخلات هشة....متوقع ايه تاني و برضه دي وجهة نظري كان معكم الناشط الاعلامي لماضة ابو العافية:closedeyes:

أتحدث عن الأستاذ نادر بكار ما شاء الله عليه كان أكثر أسباب نجاح حزب النور دعائيا بفضل الله ثم بسبب انتهاجه للدعوة بالحكمة و الموعظة الحسنة .. شاب مصري 29 سنة ربنا يبارك فيه و في جميع الشباب المصريين .. جمعتني ظروف العمل مع زميل من إسكندرية كان جارا للأستاذ نادر بكار و يحكي لي أنه و منذ كان طفلا صغيرا كان ينزل لصلاة الفجر في المسجد حتى في عز أيام الشتاء القارسة البرد ... ربنا يبارك لوالديه و يجازيهم كل خير و يثبتهم ... المهم .. الأستاذ نادر اختار طريقه و انتسب لتيار ما يدعى التيار السلفي و أثبت نجاحا باهرا ... كشاب سلفي .. اختار أن ينتمي سياسيا لحزب النور .. و بفضل الله نجح في تمثيله .. ليه حضرتك دلوقتي علقت على تصنيف ( سلفي ) لنموذج مصري ( متميز ) و تريد الان ( الدمج ) و توصيفه ( مصري) فقط ؟ بسأل لأن حضرتك ما تركت سقطة لأي شيخ ( مصري ) مجهول أو معلوم إلا و قمت بتوصيفه على انه ( سلفي ) .. فلماذا حضرتك تدمج النماذج التي تراها سيئة على السلفيين .... في حين ما تراه متميزا في السلفيين تريد دمجه على المصريين ؟؟؟ حضرتك ممكن ترجع لموضوعاتك و مداخلات كثيرة جدا تنطق بعكس ما تدعو إليه الآن نماذج من موضوعات حضرتك لو تمكن السلفيون من الأرض؛ ماذا سيفعلون بالخوارج عندما يت. كذب وتضليل حزب النور السلفي داعية سلفى يؤيد البرادعى رئيساً للجمهورية فتوى سلفية: التصويت للقبطى والعلمانى والليبرالي والفلول ح... 70 الف سلفي يتظاهرون بسبب لجوء المفتي للقضاء حضرتك تريد الدمج الآن .. نحن بحت أصواتنا نرجو الدمج ...

تجربتي للإقلاع عن التدخين حاولت عدة مرات الإقلاع عن التدخين، وفي كل مرة كانت تفشل بمجرد تدخين أول سيجارة. المرة الأخيرة كانت أول رمضان 1407 هـ عام اعتقد كان اول مايو او آخر ابريل 1987 وكانت هي المرة الأخير ونهاية التدخين بالنسبة لي. عادة بعد صيام أول يوم في رمضان ومع أول نفس سيجارة بعد الإفطار تشعر بنفس تأثير أول نفس سيجارة دخنتها في حياتك (دوخة بسيطة) والغريب أن الجسم يتأقلم بعد ذلك مع المواعيد الجديدة للصيام ولايحدث نفس الشعور في الأيام التالية، فقط أول يوم بعد الإفطار، لذلك أهم شيئ يجب على من يقلع عن التدخين تفاديه أن يدخن ولو نفس واحد بعد الإقلاع عن التدخين، بعد عدة الأيام يصبح الحنين للسيجارة مجرد عادة وليست إحتياج للنيكوتين نفسه حيث يشعر الإنسان بفقده لإحدى الحلقات من مسلسل نشاطه اليومي ، مثلا سيجارة عند الصحيان ، سيجارة مع دخول الحمام ، سيجارة بعد تناول الطعام، سيجارة مع كوب الشاي أو فنجان القهوة، سيجارة لو كان يفكر، سيجارة عند ركوب السيارة، سيجارة لو فرحان، سيجارة لو مهموم، سيجارة لتحية ضيف وهكذا، فنجد أن ماينقص المدخن السابق هو عزيمته على التغلب على تلك العادة المتلازمة لأفعال يومية. والحمد لله 25 عاما بدون دخان أو نيكوتين بعد مايقرب من تدخين متواصل لمدة عشرون عاما بلغ عدد السجائر التي دخنتها يوميا في نهاية تلك الفترة لما يفوق الـ 100 سيجارة يوميا بلا مبالغة حيث كنت أحيانا أفتح العلبة السادسة في المساء. كانت كراتين السجاير في كل مكان تحسبا للأزمات، وطبعا الحبايب كانوا كثيرين ( عايزين يخدموا ) فكانوا يحجزون لي كراتين السجاير لانها كانت تباع سوق سوداء. الله لايعيد تلكاالأيام ويبتلي بها أحدا. أهم المستفيدين من إقلاعي عن التدخين كانوا اولادي حيث رحمتهم من دخان يملا المنزل ويؤثر فيهم كمدخنيين سلبيين.

واصل المحاولة ربما خطوة واحدة فقط تنقصك

كتير من الناس ال قالبة الدنيا على كلمة الاحتفال (باهداف الثورة التى تحققت) وبيقول ازي تحتفل ودم الشهداء لسه ما نشفش !! هما ال احتفلوا بالكريسماس في ميدان التحرير ,,,, وعجبي!!!!!!! الصورة لإحتفالات رأس السنة في ميدان التحرير

يا تيمور التقسيمة دي اللى بدأها هم أمن الدولة يوم ما اخترق حساب بنت البرادعي ونشر صورهم الشخصية ، وبعدها بدأت موجة ان ده المنتظر منه لأنه علماني وإنه حيسمح بزواج الشواذ ... يعنى الموضوع بدأ من نظام مبارك لتشويه الرجل بعد كده احنا اللى أضفنا السيناريوهات المختلفة وعملنا الحبكة الدرامية الأمر الآخر فيه فرق بين انك تشتغل سياسة وإنك تكون ثائر ... حدد دورك ثائر معناها تضغط تاخد حقك بقوة الإرادة الششعبية ، لكن تشتغل سياسة معناها تتفاوض ومكاسب وتنازلات وقبول أطروحات قد لا تكون مرضية للجميع احنا ليه مش عايزين نوصل لإن الثورة تتكون من الإثنين ، ولازم التكامل ، التخوين والتخبيط في بعض ... مش بيفيد غير المجلس العسكري اليوم اثبت ان الشعب فاهم ومع الثورة ... بس كمان مع الإستقرار ومع دعم مجلس الشعب ياريت نتجمع على ده الإخوان مجلس الشعب شغالين وشايفين انهم يتفاوضوا ويهادنوا ويكسبوا وقت وارض في الوقت الحالي ... والثوار شاغلين ضغط وحشد وتوعية للشارع .... فيه اجمل من كده ادوات نتحرك بيها للمستقبل في ظل الظروف الحالية ... يا ريت نغير الإطار اللى النظام اللى لسه بيترنح راسمهولنا ونخرج نعمل إطارنا الىىفيه الكل بيتحرك إسلامي إخواني سلفي ليبرالي علماني ... كلنا صباح الخير .. صباح الثورة صباح ثورة فيها مصريين من كل الإطياف إيدهم في إيد بعض صباح مفيهوش فرقه ومفيهوش آسافين تندق بينا من المجلس العسكري صباح فيه كنيسة الدوبارة بتفتح للمسلمين يتوضوا صباح فيه قس خارج شايل صورة الشيخ عماد عفت

هتسلموها لمين بقا ؟؟ و لو تم اختيار شخص من الميدان منين نضمن يكون فيه توافق عليه ؟؟ هنا وجه إعتراضي ..... إختار شخص توافق عليه كل القوى السياسية و بعد كدة نادي بإسقاط العسكر انما الاحداث دلوقتي هتكون فوضى و تضييع و قت ع الفاضي

للأسف الحوار بقي بالعدد يعني بدل ما نناقش الأفكار وده عنوان المنتدي أصبح احنا كام وانتم كام بصراحة أسلوب غريب يعني مش مهم تكون صح أو أفكارك صح أو رؤيتك صحيحة المهم تكون مع اللعيب حتي لو بيلعب وحش

وهذه صــــــــــــــور اغرب المنازل في العالم جداً راااااااااااائعه

سبحان الله يا استاذ احمد انا موعود بالثورات هههههههههههه .. السنه اللى فاتت حضرت الثوره بمصر... وكنت فى اخر اسبوع من اجازتى .. اللى اتمدت لخمس شهور بعد كده ... لما قامت الثورة الاولى ونجحت .. ... والمره دى برده فى اجازه .. واجازتى حتخلص كمان اربع ايام .. فهل يا ترى حتتمد تانى :unsure: ؟ الله اعلم انا يمكن الكلام اللى جاى ده اول مره اقوله فى المحاورات انا بقى مش عارف اقول انى سيئ او سعيد الحظ .. لانى كنت فى القاهره يومين بالضبط قبل الثوره ..بتعالج عند دكتور .. ونمت فيهم كمان فى فندق فى التحرير ,, وسافرت ليلة الثورة بورسعيد ..ومخرجتش خالص من البيت نظرا لتعبى.. وكان عندى متابعه مع الدكتور بالقاهره ليلة يوم الغضب .. ومردتش ابات .. ويوميها دار بينى وبين سواق التاكس فى القاهره حوار حول توقعاته ليوم الغضب .. قاللى خلال الحوار وأكد لى انها بالنص ((ح تتلم)) .. وقد كان ما كان .. وما هو مخالف لكل التوقعات تانى يوم بعد يوم الغضب اللى انسحبت فيه الشرطه .. نزلت الشارع .. وشهدت بنفسى حرق احد اقسام الشرطه وصورت الحدث ده للتاريخ .. وأحد عربات الشرطه كادت ان تنفجر بجانبى .. لولا ستر ربنا انى بعدت عنها فى الوقت المناسب .. فى اليوم ده مصدقتش ومتصورتش انى فى يوم من الايام حتحط فى موقف زى ده .. وحكون بالجراءه دى .. يااااااه .. اليوم ده كأنه قدام عنيا دلوقتى .. وعمال اتفرج على الفيديو .. وانا فيه بصرخ فى الناس متحرقش القسم .. وعمال اقولهم بشكل يثير ضحكى الى الان ((خلاص يا جماعه البلد امبارح مكنتش بلدنا .. والنهارده بقت بلدنا .. الاحتلال مشى خلاص .. متخربوش البلد )) معرفش انا ايه اللى خلانى اقول الكلام الغريب ده ساعتها .. وايه اللى خلانى اتشجع فى مواجهة الناس اللى كانت بتحرق وتخرب .. رغم انهم كانوا معاهم سنج ومطاوى وخلافه .. لانى انا بطبيعتى بخاف وبتجنب الاحتكاك بالناس اللى زى دى .. لكن اهو كان اختبار وخبره جيده ليا انا عشت الثوره بكل احداثها واجوائها .. بقلبى وروحى وعقلى ووجدانى .. ويمكن المره دى مستعد لاى حاجه تحصل اكثر من السنه اللى فاتت .. وان شاء الله مش حيحصل شئ

سبحان الله وبحمده ..عدد خلقه .. ورضا نفسه ... وزنه عرشه .. ومداد كلماته...

فعلاً .. نينه الحاجه ربنا يخليها لي كانت دايماً بتقول لي كده ... إمشي عدل يحتار عدوك فيك بس هي نسيت تفسر لي هما الإخوان كان بيحصل فيهم ليه كده أيام مبارك بالذات ؟ هل هما فعلاً كانوا ماشيين مشي بطال ؟ لأ إنت بس عشان كنت صغير يا عماد فما توعاش على قول المؤسس " هؤلاء ليسوا بإخوان ولا مسلمون " .. تخيل ؟ لأ عيب تقول كلمة الشعب كده وتسكت ... فأنت من الشعب وأنا من الشعب .. فهل حضرتك إديت حد على قفاه ؟ وهل تعتبر من اعتدوا على نوار نجم وهما 25 راجل بشنبات وبالتأكيد نشك في رجولتهم وهما بيهتفوا " بتاعت 6 إبريل أهي " .. فهل هؤلاء هم الشعب ؟ وهل بتوع اسفين يا ريس دول من الشعب ؟ وهل اللي أعتدوا على البرادعي في المقطم دول من الشعب ؟ وهل البغبغانات اللي بيقولوا البرادعي دمر العراق وكوريا وأفغانستان وإن بنته ملحده ومراته إيرانية .. هل دول من الشعب ؟

مما قرأت على أحد الطرق السريعة .. توقف السائق لدفع رسوم الطريق و الغريب أنه دفع ضعف المبلغ المطلوب ! و أشار بيده إلى السيارة التي خلفه ملفتا انتباه الموظف إلى أن قد سدد عن صاحبها الرسم .. ثم مضى حال سبيله ! سئل عن صلته بالشخص الذي سدد عنه الرسوم ؟ صديق أم قريب أم جار ؟ قال لا أعرفه !!! إذن لماذا سددت عنه ؟ قال : عودت نفسي على هذا و لا أجد أن المبلغ الذي أدفعه يوازي سعادتي تجاه إدخال السرور على الآخرين ... الله ما أروعك سائق بسيط المؤهل .. متواضع الثقافة .. اهتدى بالممارسة إلى هذه الحقيقة العميقة ! إن من الاشياء التي اتفق عليها المصلحون الذين تحدثوا عن السعادة و مسبباتها إن العمل على إسعاد الآخرين يعتبر من أقوى الأسباب الجالبة للسعادة . و ما أروع هذا العطاء إذا صاحبته نية صادقة وقصد مخلص لله ( وَمَا لِأَحَدٍ عِنْدَهُ مِنْ نِعْمَةِ تُجْزَى إَلَّا ابْتِغَاءَ وَجْهِ رَبهِ الأَعْلَى ) لـ د خآلد المنيف

بمناسبة برودة الجو أظرف التعليقات من الفيس بوك و تويتر * أنا طلعت الهدوم الصيفي خلاص .....الشتوي مش مكفي *اللي معاه ريموت التكييف يا جماعة يبطل هزار ... *احنا بنعييش حملة فريزر التانية علي مصر *الجو لو فضل كده لحد يوم 25 يناير .. الجيش ممكن يفض المظاهرات بإزازتين مية ساقعة *الطقس طقس اوروبا و العيشه عيشه صومال *درجه الحراره ف القاهره 9 وف نيويورك 6 شدوا حيلكم 3 درجات ونوصل للعالميه :) *مصر دافئة بطبيعتها..البرد جزء من المخطط الاجنبي عشان عجلة الانتاج تقفش *منكوا لله يا بتوع الثورة بقالنا سنين مع حسنى مبارك والدنيا عمرها ماسقعت كده بالمنظر ده *التلج عندنا ومحدش قدنااااااااا *بالنسبه للناس الي كانت ناويه تحرق مصر ...ياريت تبداو من دلوقتي عشان كده هنموت من البرد !! *الجو بيستهبل يافوزيه فاكر نفسه في اوروبا قولوله يعيش عيشة اهله *أيها المواطنون : في ظل تلك الظروف الساقعة التي تمر بها البلاد .. قرر نسر العلم تخلية عن منصبة .. وتكليف طائر البطريق بادارة شئون العلم .والله الموفق والمستعان...

بارك الله فيك

العادي .. تواجد أطباء عليهم علامات استفهام كبيرة على شاشات الفضائيات ينتحلون صفات غريبة ما بين خبير أغذية وخبير أعشاب ، ثم إعلانات كهذه لا تخضع لأدنى نوع من أنواع الرقابة.. والظاهرة في طريقها لمزيد من الاستفحال.. لأنه لا توجد رقابة ، ولأنه لا أحد في الفضائيات عموماً يريد أي شكل من أشكال الرقابة ويعتبرها حجراً عليه.. وعندما يتحدث أصحابها عن "مجلس أعلى للإعلام" يكون ذلك بنفس غير صافية وابتسامة صفراء مصطنعة ، وهم يعلمون أنهم سيعاملون ذلك المجلس معاملة حكام كرة القدم .. تنظيف الإعلام متعلق بتنظيف النخبة السياسية والاقتصادية التي تسيطر عليه.. خلص الكلام