لوحة القادة

ماخلفوش طيار ولا طيارة، خلفوا بنت بميت راجل ميعرفش إلا انه يكتب ويخوض في عرض الناس. خلفوا بنت سموها نوارة الإنتصار ، ماشفتش ابوها لانه كان في المعتقل واضطرت أمها انها تسافر العراق بيها وهي عمرها سنتين، واشتغلت أمها هناك مدرسة في الجامعة ، وشافت أبوها لأول مرة وهي عندها اربع سنين في المعتقل برضه ، ولما رجعت مع أمها سنة 1981 وبعدها بقليل امها دخلت المغتقل هي كمان، عارف كان عمرها كام لما بقت من غير أب ومن غير أم؟ 8 سنين الا شهر، وعلى الرغم من ان ابوها " حشاش " وأمها " شيعية " كملت دراستها واتخرجت من كلية الآداب قسم لغة انجليزية ، وكانت بتشتغل في الصحافة منذ ان كانت في اولى جامعة ، واتخرجت واشتغلت في الصحافة والكتابة. وهاجمت الحكومة قبل وبعد الثورة وكفاية أن صوتها واسمها مسمع في كل مصر وبره مصر كسياسية وليس كممثلة او مغنية. إيه رأيك بقي؟ عرفوا يجيبوا بنت بميت راجل؟ كل واحد فينا عايز يقعد مع نفسه ويدور على فيديوهات حقيقية لشباب الثورة الذي بدء الثورة وكيف كانوا أقوياء وأشجع باقي الشعب ليقفوا في وجه حكومة قمعية بهدلتهم واهانتهم ورغم كده وقفوا وصبروا ولم يفت مافعلته الحكومة في عضدهم او يثنيهم عن عزيمتهم وهدفهم. أنا عن نفسي لا أرى أن ماقام به الثوار رجلا ونساءا يقل عما قدمناه في حرب أكتوبر 1973 ، كلانا وضعنا أرواحنا على أكفنا فداءا لمصر. ولكن يبدوا أن من لم يعتاد أن يعطي لايقدر قيمة من أعطى. ليكي ربنا يانوارة وربنا لايضيع أجر إنسان وسيجزيك الله عما فعلتيه أنت وزملاءئك من أجل مصر.

الأخ الكريم ابراهيم هل حضرتك مؤمن بهؤلاء من يقوموا بسب الدين والشتائم بأقذع الألفاظ انا شخصيا غير مقتنع بأن هؤلاء ثوار لأن الثوار شرفاء محترمين لم اسمع منهم لفظ بذئ كالذى تسمعه فى الفيديو حتى فى عز ايام الثورة تقبلوا تحياتى من قال أخي أبو العز أنه مؤمن بالسب والشتم بأقذع الألفاظ كما قلت ؟؟ ومن قال أنه يؤيد شتم جنود هم إخواننا ؟ أخي : جاوبتك على سؤالك بكلام واضح ومباشر المتواجدين أمام ماسبيرو ثوار من يفعل هذه التصرفات من شتم وسب هم مجموعة( الموطنين الشرفاء ) الذين يظهرون عادة في مثل هذه المواقف , يتم أرسالهم للإعتداء على المعتصمين لإجبارهم على الرد عليهم ومن ثم تصوير المعتصمين أنهم بلطجية وتشويه هدفه إعتصامهم هذا رأي كررته مرة أخرى بصورة لعلها تكون أوضح لك تحياتي كلامك واضح اخى الفاضل اذا انا لدى عتاب على الثوار لماذا لايقوموا بطرد هؤلاء من بينهم حتى لاتتشوه صورتهم يعلم الله انى لا أخون احدا ولا اتهم احد ولا انا ضد 6 ابريل ولا ضد شباب الثورة ولكن اريد لثورتنا ان تظل نظيفة وسلمية وحتى لايسخر مننا العالم وان لانفقد احترام العالم لنا الأن بعد ما اشادوا بنا أيام الثورة الاولى رؤساء دول عظمي أشاد بالشباب المصرى وطلب ان يقتدى مواطنيهم بنا ماذا لوا رأوا تلك المشاهد الان ان التاريخ يسجل مايحدث الآن وسيشاهده أبناؤنا وأحفادنا فلندع التاريخ يتحدث عن عظمة وأخلاق شعبنا أرجو ان تكون وصلت رسالتى بالتوفيق للجميع

أنا أرفض منصور حسن يكون هو من يتسلم السلطة أولاً منصور حسن معروف عنة أنة من الفلول و تابع و من شلة موافقون لأي حاجة للمجلس العسكري و كمان مسألة تسليم السلطة لة ممكن جداً تكون زي أن حكومة الجنزوري لها كل صلاحيات الرئيس هههههههههههههه حد لسة فاكر الموضوع دا يعني ممكن جداً يكون مجرد برفان أو ستارة يستخبي وراها العسكر أنا شايف ان الحل الوحيد هو فتح باب الترشح للرئاسة بعد انتخابات الشوري فوراً و يتم أجراء أنتخابات الرئاسة في أول أبريل لكن أن أحنا نقول رئيس مؤقت و نقعد تاني فترة أنتقالية من جديد لغاية كتابة الدستور و بعدها أنتخابات رئاسة فدا هيرجعنا تاني نلف في نفس الدايرة من جديد

في الأونة الأخيرة أصبح كل من ينتقد الأوضاع القائمة , أو يرى الثورة لم تحقق أهدافها بعد هو ليبرالي أو علماني أو حاقد على إنتصار التيار الديني في الإنتخابات البرلمانية أو يريد الإنقلاب على الشرعية من يعتقدون هذا الإعتقاد لا يريدون أن يصدقوا أن هناك الكثيرون من الغير مسيسين أصلا أو حتى من المنتمين للتيارات الدينية نفسها مقتنعون فعلا بأن الثورة لم تحقق أهدافها دون أغراض ولا أهداف من وراء هذه القناعة لذلك سأستخدم هذا الموضوع لعرض أراء وفيديوهات لبعض الأقلام المنتمية للتيار الديني , وسأجعل هذا الموضوع حصريا لأقلام الكتاب والمفكرين والأشخاص العادين المنتمين للتيار الديني وسنرى لاحقا أن منهم من ينتقد الأوضاع الحالية بشكل يفوق إنتقاد شباب الثورة( الليبرالين العلمانين الحاقدين ) لها ولعل وعسى يقتنع بعض الأخوة أن من ينتقد الأوضاع الحالية ليس بالضرورة كاره أو معادي للتيار الديني السياسي ولعل وعسى نُبطل هذه الفكرة التي تم دسها في العقول

((( مكنتش حابب أكرهك ))) !!! ـــــــــــــــــــــــــــــ مكنتش حابب أكرهك واكره ملامح منظرك لو صدفة عيني غصب عني تبص لك كان نفسي تبقي من البشر ليك قلب حي ومش حجر ليك قلب حي يحرَّكك كان نفسي لحظة أفهمك أنت مين !!!؟؟؟ وازاي تكون ع الكون أمين ؟! وأنت شايف الكون كمين !!! فيه بتلقي مغنمك أحلي حالات الفرح عندك لمَّا يبقي الكون حزين أحلي حالات الراحة عندك لمَّا نبقي تعبانين أحلي حالات العز عندك لمَّا نبقي مكسورين أحلي حالات النصر عندك لمَّا نبقي مهزومين أنت مين ؟؟؟؟؟؟؟؟ نفسي أفكه طلسمك!!! والله نفسي أفهمك مين دا اللي يا أنت فهِّمك ؟! وسقاك بجهله وعلمّك وقال قابيل قانونه حُكم ؟؟؟ !!! بص لإيديك غرقانة دم أنت قابيل ... من أخرك أنت لأوّلك ومحال فيه حد يحوّلك ومحال فيه حد يأوّلك .... غير إنك الليل والكابوس غير إنك الوش العبوس وكل معني ف القاموس للشر .... يبقي بيوصفك *** منين ما ترحل أو فين تحل فالت عيارك في فض شمل لناس بتزرع الدنيا ضل !!! لناس قلوبها حليب وفُل روقان مزاجهم عكّرَّك !!! *** فكرّت إنك .... يوم تبقي غيرك ؟؟؟!!! ويصحي قلبك ويفوق ضميرك ؟؟؟!!! وبعد شرَّك يشب خيرك وتبقي زي البشر بقلب يعرف يعيش الحياة بحُب فكَّرت ولاَّ دا حلم صعب ؟! لو حتي مين ما هايعدلك !!!!!!!!!! *** أنت بعينك نِفسك وعينك لكن بعينك !!! تلمح ف عيني خيال لخوف واطاطي تاني وأقول ظروف وبيدي تاني أقطع لساني وبيدي تاني أرضع هواني وتحت حيطة يكون مكاني مش ها أرضي تاني وبأي حالة مش ها أرضي تاني ألف استحالة تاني يبقي قبري( مقلب زبالة ) !!!

الكلام ده منتهي العدل والإنصاف الحقيقة. . . . ......................................................................... الفرق بين َهَو و هَي : -هي : تضع مولودهآ بعملية قيصرية وبعد أسبوع ، تجدهآ وآقفة... مقصوفة الظهر وهي تحمل رضيعهآ بيد وباليد الأخرى تقلب الطبخة وفي الوقت نفسه تعتني بأطفآلهآ الآخرين تهيئهم للمدرسة ، ترتب المنزل ، وتحضّر لزيآرة أهل الزوج للعشآء .. ... -هو : عند أول عطسة تبدأ نزلة برد عآرضة ، تجده وقد لبسه الإگتئآب فيمتنع عن مزآولة أي نشآط ويأخذ إجآزة مفتوحة من عمله ، يطلب لنفسه وجبآت خاصة ، وأدوية خآصة ، ومعآملة خآصة ، ويتأفف ويتأوه ليلآ ونهآرآ ( وبعد گل هذآ يتهم الرجل المرأة بآلدلع ! ) - هي : تتآبع مسلسلآ في التلفزيون بينمآ تتصفح مجلة وتحل وآجب الحسآب مع ولدهآ وتنآقش زوجهآ في موضوع جديد وترد على الهآتف لتهدئ أختهآ التي تشآجرت مع زوجهآ وتؤنب إبنتهآ المرآهقة على طوآلة لسآنهآ فيمآ تتآبع گل مآسبق بنفس التركيز -هو : يريد أن يقرأ خبرآ إعلآنيآ في جريدة ، فيصرخ : (أسگتو خلوني أركز ) .. -هي : تذهب لوظيفتهآ صبآحآ وتعود ظهرآ لتحضّر الغدآء وتذهب لإجتمآع أوليآء الأمور لتتحدث مع المدرسة عن وضع إبنتهآ الدرآسي وتأخذ إبنتهآ لموعد الجلدية لحل المشگلة الأزلية (حب الشبآب) وتزور أمهآ خطفآ وتعود بوجه مبتسم وروح مرحة لتگمل وآجباتهآ الزوجية .. -هو : يذهب إلى عمله صبآحآ ويعود غآضبآ حانقا علي العمل والحر والموظفين ويجد گل شيء جآهزآ يتغدى ، ينام ،ويقوم ليخرج ويرى أصدقائه يعود لتنآول العشآء يشآهد التلفزيون (مرگزآ) على أي برنآمج أخيرآ يذهب إلى فرآشه ويقول : (إنتو مش حاسيين بتعبي) -هي : لآتنآم قبل أن تطمئن على البيت گله وتضع رأسهآ المثقل بآلهموم على المخدة فتلآحقهآ الهوآجس والمشآگل والتسآؤلآت : مرض الولد ، درآسة البنت ، موعد أسنان الولد ، ومبآرگة الخآلة ، وعزآء الجآرة ، ومآذآ أطبخ غدآ .. وطآرت النومة .. -هو : يغفو قبل أن يصل رأسه للمخدة ويعلو شخيره ليوقظ أهل البيت ، وأحيانا الجيران ويقوم صبآحآ ليقول (تعبآن مآنمتش كويس ) هو : مجرد رجل . . هي : الجنة تحت أقدآمهآ ............................................ منقول طبعا ماحدش عنده اعتراض علي الحقائق دي ربنا يكون في عوننا

يا أخ غريب صدقني الاختلاف في الرأي لا يفسد أبدا للود قضية والاختلاف هو ظاهرة صحية بصفة عامة .. ولكن الغير صحي هو التطاول والهجوم للهجوم فقط لا غير كما أنه تواجد في الاونة الأخيرة بعض المتثقفين الذين ينفر الناس من قراءة مواضيعهم ولكن هذه هي الحياة .. والمحاورات جزء من الحياة .. والحياة لابد ان يتوافر فيها كافة الشرائح والمستويات وكما أخذت علي البرادعي انسحابه من الساحة وقت المعركة التي يفترض ان لا ينسحب منها جندي مقاتل أقول لك أيضا لا تنسحب ان كنت تظن نفسك في معركة ... فاذا انسحب كل صاحب رأي وعقل ومنطق ... فمن يتبقي !!! بالتأكيد استفدنا جميعا من المحاورات .. وبالتأكيد صادفك فيها أيام سعيدة كثيرة ... فأقل شيء أن ترد لها الجميل فساعة وساعة ... أظن ولله الحمد انه مهما اختلفنا سنظل جميعا أخوة .. وأحسب أن الجميع سواء اختلفوا او اتفقوا هدفهم واحد وهو المصلحة العامة فلا أحد يتقاضي شيئا علي كتاباته ولا علي وقته الذي يقضيه هنا .... صدقني أنا شخصيا استمتع بوجودي بالمحاورات وان كنت لا اشارك في كافة المواضيع المطروحة لا تيأس ولا ترحل ولا تغيب ... ولتتكاتف أيدينا سويا ... لتجد المحاورات مرة أخري ذلك الملتقي الثقافي الحضاري الرائع الذي عهدته دائما

ماستر هدي نفسك الموضع بسيط كل واحد بيعامل الثورة على انها ابنه وعنده استعداد يتخانق مع اي حد يقول عليها وحشة ، وكمان حتلاقي ناس هدفها انها تجذب الناس لناحية تانية ممكن ناحية عنف ، ممكن ناحية النظام انفعالك كلنا عارفين انه نابع من وجود حلم عظيم لمستقبل جميل لمصر وأبنائها ... وخوفك من الإحباط ان لم يتحقق الحلم واحب أهديك بيتين الشعر ده لسه قاصصهم حالاً أمر على الديار أبتغي حالـماً .. وحلمي ثورة للنور تبتغـي جل الكمال فيرتجف الفؤاد يخاف كســــرا .. وتشويها وغدراً لحلـمي فترتعد الأمال فتنتفض العزيمة تُخال ليثـــاً .. فاغر الفاه ومنقضاً يهاجم لا محـــال فهدئ الروع قليلاً وكن فطنـــاً .. فثورة الشعب نوراً ورائدة المجـــال حاجة كده على ما قسم يا رب يعجبوك واعذرني ملحقتش أوزنهم الميزان نسيته في البيت .. إوزن انت بره

استاذى الفاضل, اسمح لى ان اختلف معك قليلا فى هذة الجملة, الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة يظهر يا ابو ريم المدخلة بتاعتى دى جت ليك على وجيعة ويظهر الى على راسة بطحة معلش يا سيدى خلينى اوضح ليك تانى, فية فرق بين قلة الادب و الشتيمة وتشويه الثورة والثوار من جهة و التعبير عن الرأى من جهة اخرى, عبر عن رأيك زى مانت عايز بس خلى بالك ذاكرة الانترنت قوية جدا وان شاء الله ربنا يعنا ونفضح كل منافق كذاب لا يتقى الله فى نفسة ولا فى بلدة وغرضة تشوية الثورة والثوار ويتتبع عورات المسلمين, على فكرة ياابو ريم انا مُصر على كلامى اعلاة ومش هرجع عنة الاستاذ الفاضل ماستر الحقيقة المداخلة دي وجعتني انا كمان لما قريتها و ساعتها حتي كتبت لحضرتك رد الظاهر ان اعضاء كتير في المحاورات انا واحدة منهم اصبح علي راسنا بطحات علشان كدة بنزعل من الكلام ده تحياتي لحضرتك الاخت الفاضلة ام سلمى, طيب اية المطلوب منى؟ يعنى اسكت عن اى حد بيشتم الثورة والثوار وبيشوة اجمل حاجة حصلت فى مصر من قرون طويلة؟ اية المطلوب منى لما اشوف حد بيغتال حلمى وحلم الشعب المصرى قدامى؟ الاستاذ الفاضل ماستر طبعا من حق حضرتك تقول رأيك ، وطالما مقتنع ان رأيك صح مش حيحتاج اثباته انك تتهم اللي يخالفك "انه بيسمم المنتدي او تدعي عليه بالموت علشان مصر ترتاح منه. "إذا رأيت الرجل يدافع عن الحق فيشتم ويسب ويغضب فاعلم أنه معلول النية لأن الحق لا يحتاج إلى هذا، يكفي الحق أن تصدح به، حتى يستجاب له" - الإمام مالك ومش كل اللي بينتقد بعض تصرفات الثوار او المندسين اللي وسطهم ، خاصة بعد الاحداث المؤسفة اللي حصلت مع الاعتصامات ، يبقي بيكره الثورة او بيشوههاوغرضه الشر ، بالعكس قد يكون النقد ده بدافع الخوف من الافعال دي انها تشوه صورة الثورة وتكره الناس فيها. وانتقاد بعض تصرفات الثوار ما يبقاش شتيمة طالما ما خرجش عن الادب او استخدم الفاظ بذيئة وتقبل تحياتي

استاذى الفاضل, اسمح لى ان اختلف معك قليلا فى هذة الجملة, الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة يظهر يا ابو ريم المدخلة بتاعتى دى جت ليك على وجيعة ويظهر الى على راسة بطحة معلش يا سيدى خلينى اوضح ليك تانى, فية فرق بين قلة الادب و الشتيمة وتشويه الثورة والثوار من جهة و التعبير عن الرأى من جهة اخرى, عبر عن رأيك زى مانت عايز بس خلى بالك ذاكرة الانترنت قوية جدا وان شاء الله ربنا يعنا ونفضح كل منافق كذاب لا يتقى الله فى نفسة ولا فى بلدة وغرضة تشوية الثورة والثوار ويتتبع عورات المسلمين, على فكرة ياابو ريم انا مُصر على كلامى اعلاة ومش هرجع عنة الاستاذ الفاضل ماستر الحقيقة المداخلة دي وجعتني انا كمان لما قريتها و ساعتها حتي كتبت لحضرتك رد الظاهر ان اعضاء كتير في المحاورات انا واحدة منهم اصبح علي راسنا بطحات علشان كدة بنزعل من الكلام ده تحياتي لحضرتك

وحدوا الله يا جماعة لاإله إلا الله .. نحن نحترم الأستاذ أحمد الشهير بسي السيد وله الكثير من الآراء المتزنة التى تعجبني ونعلم حبه لوطنه وغيرته عليه .. نحترم أيضا الأستاذ أبوريم وقلمه المتميز الراقى ونعلم أيضا حبه لوطنه و غيرته عليه .. كلمة على جنب لأخى وحبيبى أبو ريم : تختلف آرائنا يا اخي وتوجهاتنا ولكن يجمعنا حب الوطن الذي يضمنا و أرى ألا جدوى من الإستمرار في هذا الموضوع الذى لن نجنى من وراءه إلا المزيد من الشقاق في وقت نتطلع فيه إلى نقطة واحدة للتلاقى ولك مطلق الحرية بالطبع

وبعد الاقتباس السابق كان هناك رد من المحترم coming soon نشوف قال ايه ويبدو انه كان فاهم اللعبة من اولها وها هي تتحقق الان بطريقة اخرى..بعد ان فشلوا في لا... الله ينور على صاحب هذه المداخلة معلش جزء بس من مداخلة عزيزي وحبيبي سين سين ده اتاري مصطلح " برطمان " ده طلع قديم اوي وانا مش عارف مفروض زعبلة بقى يتهم باقتباس حقوق الملكية

يا عمدة كل مواطن مصري حر في رأية .. وكل انسان عنده قناعات هو مؤمن بيها واستحالة يجمع جميع الشعب علي حب الاخوان .... والشيخ هشام حر انه يروح الكنيسة ويقول اللي هو عايزه لكن اللي هو مش حر فيه ... انه يدعي علي جميع الاخوان في صلاة يحضرها الالاف يأمنوا وراه لان لو هو شايف ان فيه بعض أعضاء الاخوان أخطأوا في شيء يستوجب الدعاء عليهم بناءا علي قناعته الشخصية فأكيد فيه ألاف تانية من الاخوان ناس محترمة وملتزمة ولم يقعوا في نفس الخطأ .. وبالتالي لا يجب عليه الدعاء عليهم هكذا علي الملأ دعاء الشيخ علي الاخوان لن يضر ولن يفيد الا اذا تقبله الله .. ولن يتقبله الله ان كان الاخوان علي الحق .. فلا تحزن ويجب أن تعتاد علي مثل هذه الامور طالما تبوأ الاخوان المراكز السياسية .. وتقدموا الصفوف .. فلابد ان يكونوا عرضة للهجوم والانتقاد .. هذه هي السياسة

حلوة قوي المداخلة دي بعد نتيجة الاستفتاء بس علشان نعرف ان المسألة ترتيبات وقلب مائدة كما في الاقتباس بالادنى وليست حقوق شهداء ولا معتصمين...الكلام ده كان بعد الاستفتاء يعني قبل اي احداث عنف تحصل يعني كان المجلس العسكري رايته بيضاء... نشوف ونقرأ الكلام علشان نعرف انها انقلاب على رأي الشعب وانقلاب على الانتخابات الديموقراطية... وعلى الاخوان بالتحديد...اما لو كانت االانتخابات جاءت على هواهم...فكانت كل الامور ستكون عال العال طبعا انا لن اعلق احتراما للاعضاء ولهم مطلق الحرية في التعليق على اقوالهم.. يعني فقط اوضح ان اتهام الاخوان والحرب ضدهم هي منذ البداية ..ولا يتعلق الامر بشهداء او اعتصامات او غيره فهذه المداخلات قبل اي احداث عنف......لذلك فليقرأ كل منا ما كتب على لسان الاعضاء ليعرف الجميع ما هي القضايا التي يثور كل واحد من اجلها...

أيوا يعني ايه هيا صلاحيات سيادة الرئيس المؤقت ده ... واد ايه الفترة الانتقالية التانية بتاعته الظاهر احنا عمرنا كله هنقضيه في فترات انتقاليه ماهو مش معقولة هيجيبوا رئيس مؤقت ويقعد شهرين مثلا .. اقل شيء يقولك يقعد سنة .. وطبعا طول السنة احنا عارفين مين اللي هيحكم !!! يبقي ليه العك ده ... لو الرئيس المؤقت اللي هييجي .. جاي اساسا عشان ينظم انتخابات الرئاسة .. طيب ما ينظمها المجلس العسكري ومجلس الشعب الوقتي ونخلص منها وبدل رئيس مؤقت يحركوه من وراء الستار يكون عندنا رئيس دائم ونكون عرفنا راسنا من رجلينا وهيفرق ايه المجلس الرئاسي الموقر ده عن المجلس الاستشاري الحالي !! الرئيس هو الرئيس .. وباقي الشلة اللي من كل الاطياف والالوان هتكون هيا هيا يبقي ايه الجديد انا شايف ان كل ده تحايل .. ولف ودوران مالوش اي لازمة .... المجلس العسكري عمل استفتاء .. والشعب طلع وقال انتخابات الرئيس وبعدين نعمل الدستور ليه مش بيتم تنفيذ نتيجة الاستفتاء .. ولا هما كانوا بيهزروا !!! هوا مش ممكن لما سيادتهم يتجاهلوا نتيجة الاستفتاء الشعبي ... ويصمموا انهم يكتبوا الدستور الاول .. يطلعلنا محامي عقر من عينة نبيه الوحش .. ويطعن في مشروعية كتابة الدستور لمخالفته نتيجة الاستفتاء !!!! ونرجع تاني من الاول من نقطة الصفر .. ونقضيها انتقاليات علي طول بقي

نعرف السبب وبعدين نتكلم يا دكتورة http://www.youtube.com/watch?v=Tlx_WiXdkBI

هل تعلم أن مجلس الشعب المصري الحالي يوجد به !!! *اكثرمن 140 عضوآ من اعضائه من حملة القرءان الكريم *اكثرمن 100 عضوا يحمل الواحد اكثر من 10000 حديث ... واكثر من 180 يحمل اكثرمن نصف القراءن *اكثر من 170 عضوآ يحمل درجة الدكتوراة في مجالات مختلفة *اكثر من 50 عضوا لايمتلكون سيارة ... *أكثرمن 350 عضوآ تعرضوا للاعتقال لفترات مختلفة تتراوح بين 6 اشهر إلي 9او 10 سنوات

السادة الافاضل اللي علقو على وجهة نظري حضراتكم اكدتولي انها فعلا محتاجة دعم معنوي و سبحان الله وضحتولي ان مشكلة المطلقات اكبر من ما كنت اتخيل فانا وضحت عدد من المشاكل عند البنت و على الهامش الطلاق و ركزتم على النقطة دي و سيبتم باقي النقاط مما يدل على ان المجتمع الرجالي فعلا عنده مشكلة في التعامل مع المطلقات للاسف مشكلة نوارة لا تخصها لوحدها دي تخص كثير من النساء بقو على درجة عالية جدا من الشراسة بسبب تعامل المجتمع معاهم اعرف نساءبيعملو عشان يصرفو على ابنائهم ومع ذلك المجتمع الرجالي عايز يطفشهم من المجال للاسف مشكلة البنت مش مشكلتها لوحدها دي مشكلة نساء كثيرات و بعدين من فينا بيختار اهله امرأة تعاير باهلها ليه؟ هى اختارتهم و اضهادها الديني دا حاجة منفرة فعلا الوعظ المفروض يبقى بالحسنى وللاسف يا جماعة في ناس بتبقى منفرة فعلا بدعوى التدين و تضايق الستات العاملات عشان يعدو في بيوتهم من غير ما يعرف ظروفهم و يغلطو فيهم بدعوى القوة في الحق و على الهامش كدة يا ريت حضراتكم تنزلو الشارع و تركبو المكروبسات وتسمعو الالفاظ تدخلو على القهاوي و تسمعو تدخلو على المواقع الاجتماعية وتقرو و تنزلو تشوفو المعاملات من سرقة و غش وكذب و يا ريت تشترو المنشورات السياحية وتشوفو مكتوب عن مصر فيها ايه مكتوب تحذير للسائحات من التحرش يعني بامانه كدة للاسف احنا عايشين في وهم و المجتمع فعلا فاسد جدا و عنده فصام و عدد المحترمين قليل جدا و مبيقدرش يحمي الضحايا انا عارفة ان كلامي حيستفذ المغتربيين لان العاطفة اتجاه الوطن بتبقى عالية لكن النقد الذاتي للمجتمعتنا اصبح ضرورة و شكرا لكم

فينك يا روينى يا محترف اشاعات فين تمويل 6 ابريل ربنا ينصر الثورة وشبابها يارب

البنت دي شافت آخر بهدلة من الناس وضربوها رجاله بشنباتهم ( مصريين للأسف ) يبقى هيا إتعاملت مع شعب قليل أدب إنزل حضرتك وشوف كلام الناس مع الثائر وهتعرف المستوى اللي بيعيش فيه الثوار بيتعاملوا مع أوسخ طبقات الشعب وحتى الناس النظيفة بتعاملهم بقلة أدب على إعتبار إنهم شوية خونة وعملاء ودا لا يعني إن الشعب المصري كله قليل أدب ولكن هيا تعاملت مع الأصناف دي هيا بتحكي على شيء شافته بغضب و إنفعال بس بت رجال عشان قدرت تقول كدا بكل جراءة الناس دي متعرفش حاجة إسمها نفاق أحسن من ناس كتير بتنافق عشان تكسب الناس وكلامي برضو لا يعني إني مؤيد لها كشخص أو كمذهب أو كرأي أنا بتكلم عن ( سبب ) موضوع مطلقه ده ضرب تحت الحزام لا تسخري منه دي نصيحه من اخ اكبر مش عشان شتيمه لكن لسبب تاني ,, تحيتي ,, واضح جدا ان دي مش سخرية يا تيمور انا متعاطفة مع نوارة وموضوع انها مطلقة هى اللي قالت عليه و دا ابتلاء من عند ربنا خاصة في المجتمع بتاعنا لان المطلقة في مصر بتعامل معاملة سيئة جدا في المجتمع و لما بوضح دا بوضح هى بتشوف هوان اد ايه في مجتمعنا دا اللي هى يتثور عشانه حكاية إنها مطلقة دي مش وصمة عار ولا إبتلاء حسيت إنها مريضة مرض جلدي مزمن عشان نتعاطف ونقول ياعيني وإيه يعني مطلقة ! زيها زي أي ست المفروض نظرتنا متكونش كدا لا تعاطف ولا العكس

مسيحي زهق من مراته ف دخل في الإسلام، قالتله وراك وراك أشهد أن لا إله إلا الله واشهد ان محمدا رسول الله قالها حلو قوي جيتيلي ف الواسع.. روحي و إنتي طالق

طيب يا أخواني أتفقنا أو أختلفنا علي نوارة نجم بس خلينا نتكلم بصراحة شوية هو مش الحقيقة أن الشعب المصري فعلاً قليل ألادب ههههههه اللي مختلف علي كدة ياريت ينزل الشارع أو يتفرج علي ماتشت الكورة و يسمع الجمهور بيقول أية أو أنزل قدام أي مدرسة أعدادي أو ثانوي و شوف طريقة كلام الشباب مع بعض أية بلاش دا كلة أدخل علي اليوتيوب و أقر التعليقات أو أدخل ا\الياهو و شوف الكلام هناك أزاي مش معني كدة أن كل الشعب المصري قليل ألادب بالعكس في ناس كتير كويسة و علي فكرة أنا بعتبر أن الشتيمة مش قلة دب لأن بجد في مواقف كتيرة متنفعش معاة غير الشيتمة و قلة ألادب و كمان هي عندها حق يعني واحد بيضربنا بالنار و يسحل و يعري البنات و مش عاوزنا نبقا قليلة ألادب معاة و علي ألاقل أنحنا نرد علية بشتيمة

طيب يا ريت يا ريت منحولشي دفة الموضوع أ/ أبراهيم عبد العزيز ، عنده فكرة رائعة عايز يوضحلناها بلاش نقلبها الخناقة المعتادة :) (( الحكمة ضالة المؤمن أينما وجدها هو أولي بها )) متقلبوهاش ليبراليين و إسلاميين

شعبى و أهلى و أجدادى.... من يسبهم لا يستحق أن أعبره فى قعر جزمتى... أو أرد عليه مع يقينى إنى أستطيع أن اضع لها على صفحتها... قاموس من السباب و الشتائم و اللعنات يصيبها بذبحة قلبية إن نجت منها تفقد عقلها بعدها لكن يكفيها سفها ماهى عليه.... و المثل البلدى عندنا يقول .... إن طلع العيب من أهل العيب ما يبآش عيب هذا مع تأكيدى على الجانب الآخر... إن من يسب الجيش و رجاله الذين حملوا ماضى المجد إلى حاضر الصعب... و مستقبل المسؤلية..... ليسوا بأفضل حالا منها و للذكرى فقط مع إحتارمى للكل... حرب أكتوبر 1973 :egyflag: مر عليها للآن حوالى 39 سنة... بعدها لم تحدث حروب و لا ضغوط خارجية على البلد ..... يعنى من عنده 40 سنه اليوم لم يختبر معنى الجيش.... و من عنده 45 سنه يادوب يفتكر الأغانى بتاعة الحرب يعنى برضه مع شديد إحترامى الغالبية من الذين يشتمون و يسبون الجيش كل ما يعرفوه عن الجيش و ما تحمله ... شويه أفلام فيديو... و بالقطع من لم يكون راشدا أيام 73... لم يحضر ما قبلها من إستنزاف و كسرة 67... و حرب اليمن و غيره... فلا يعلم عن الجيش و رجاله إلا القليل... يا ريت نتعقل شويه فى مهاجمة أهلنا.. فخرنا رجال القوات المسلحة .....من يحملوا أرواحهم على أكفهم زمان و دلوقت... و للعمر كله.....من يقوموا الليل.... و النهار.... لينام منا البعض بالليل... و كثيرون بالنهار

السلام عليكم قريتها يا احمد و الله و كان نفسي تقرأ مداخلتى بتركيز اكتر يمكن يوصلك ما اردت ..يا اخى هو فيه احد قال ان اعضاء المجلس دول انبياء او نازلين من السماء ما كلنا عارفين انهم رجاله مبارك و بالتأكيد وراهم بلاوى متلتله و انهم لو عليهم كانوا قعدوا على قلبنا و لو الدنيا اتقلبت كلنا عارفين ده يا احمد و ممكن نتوقع منهم اسواء مما قلت يبقى الحكمه و السياسه فين ؟؟ و الوضع ايه دلوقتى ؟؟ الغريب ان هناك تيار من الفشله العلمانيين الليبراليين بيطلبوا من المجلس الاستمرار و ان المشير يبقى رئيس عارف ده و لا لأ يا احمد ...سبحان الله http://www.almasryalyoum.com/node/625271 .. الامور حتى الان تسير بشكل جيد و الزمن الباقى لا شئ فى عرف الزمن ..اربع شهور .. و يغور المجلس هل تريدون حقا ان يذهب ام ان مشاكلته و التحرش به و استفزازه ليبقى .. عموما الحمد لله الشعب المصرى واعى و فاهم الفوله و خلاص المجلس عارف طريقه و التيار العلمانى الليبرالى الفاشل يدور له على شغلانه تانيه ..ممكن يتحول الى إخوان او سلفيين ..ههههههههههه على رأى س س

شبكة خبر || د.حلمي الجزار و سيد القاضي .. نواب شعب عن حزب الحرية والعدالة ياكلون فلافل فى حديقه مجلس الشعب لقمة هنية تكفى ميه :) الصورة تفرح ويارب المجلس يستمر فى الإحساس بنبض الشارع ويعيش عيشة الناس الغلابة عشان يقدر يعرف مطالبهم وينفذها ويكون خادم للشعب فعلاً مش زى اللى كانوا بيدخلوا المجلس عشان مصالحهم الشخصية وبس.

عزيزتي المرأة إياكي و الندية مع الرجل فستجعلك تخسرين الكثير خُلق الرجل اولا ثم خُلقت منه المرأة ليكون لقاءهما مرة أخرى ارجاعا للقيمة العددية (1 ) فلا كمال لأحدهما دون الآخر و تذكري لا يمكن أن يستوى الجزء مع الكل يكملان بعضهما لكنهما غير متساويين تبا لكل دعاوى التحرر و المساواة التي لم يخسر فيها سوى المرأة وحدها يوم تخلت عن فطرتها و دخلت مصاف الرجال فلا أصبحت رجلا و لا بقيت امرأة !!

السلام عليكم مغالطات كثيره يا تيمور للاسف اولا قله الادب و الحياء ليس عذرا على بذاءه اللسان هذه من الثورجيه بنت الحشاش كما قال هو بعضمه لسانه و لا ارضى لك ان تفعل مثلها و تتهكم على الشعب و تتهمه انه متقرطس و لابس العمه فالشعب المتقرطس هو اللى لبس امريكا و من تمولهم الطرح و جعلهم يضربون اخماس فى اسداس . ثانيا خلاص مصر بقت محتله من العسكر علشان ما لكمش اى دور و لو حتى الدور الارضى فى المستقبل القريب او حتى البعيد بعد ان ثبت ان لا وجود لليبراليين او العلمانيين إلا فى الصالونات او المنتديات الفضائيه و اخيرا هل افهم من كلامك اعلاه ان الشعار تغير الان ..انا ثائر ..إذن انا شتام

يا اخي احمد رضوان لو سمحت..لم يطالب احد بشيء ...اعتبرة فلاش باك لاقوالنا ...وبهذه المناسبة السعيدة التي تجمع كل الاحبة اعضاء المحاورات اليكم المفاجأة....فالبرنامج مليء بالمفاجات..بس الصبر حلو - اقرأوا معي تفسير وتحليل لكل ما يحدث ولكل ما حدث..تحليل يوضح انه ما نقوله صحيحا بأن ما يحدث ليس للعسكر ذنب فيه..هم نعم متورطون في بعض الاخطاء ولكن الخصوم كثيرين نشوف بقى " الثائرة نوارة نجم " كيف ترى الموقف وكيف ترى ان الجيش يتم التآمر عليه من فلول مبارك..وانه يحمي الثورة.. اقرأوا بأنفسكم كلمة كلمة في مقالها.... واللي بيحب النبي يسمعنا الصلاة عليه بعد أن يقرأ مقال نوارة نجم الذي وضعه لنا الفاضل تيمور بعد الثورة بشهور احنا اللي نحمي الجيش مش هوه اللي يحمينا مش لاقي غير...ياحلولي...... اقولها...بصراحة

وهذه مداخلة للفاضل ماستر لنرى كيف يتعامل مع الاخرين المختلفين معه يعني عندما اصف ما اراه بانه ليس ثورة ولكن محاولة للقفز على الثورة ومحاولة لتخريب الثورة فأنا اقول رأيي ولم اتهم من يرونها ثورة بانهم يبثون سمومهم...وبالتالي يجب على من يرى ان ما يحدث الان من بعض الثوار انهم يقومون بثورة فعليه ان يصفها كما يشاء ويرى كما يشاء ولكن لا يصفي زملائه بهذه الاوصاف ... نقرأ لنعرف كيف ان المسألة ليس خلاف وجهات نظر ولكن احيانا تكون تتطاول استاذى الفاضل, اسمح لى ان اختلف معك قليلا فى هذة الجملة, الى مصمم يقف ضد الثورة لا يبث سمه فى المنتدى, عليه ان يحتفظ بيه لنفسة لغاية ما يتسمم ويموت ويريح مصر منه, وان اى كلمة شتيمة على الثورة والثوار سوف نفضحة ونظهرة للجميع, يعنى من الاخر يقف لوحدة على جنب ويخلى شرة لنفسة

لا ياجماعة ... كده الموضوع حيبوظ الموضوع مهم حقيقي .. بغض النظر عن نية كاتبه .. فلا أحد يستطيع أن يعرف نيته .. لازم نتعلم أن نختلف .. ولازم نتعلم إننا ممكن نغير رأينا أو كلامنا ... ولازم نتعلم أن لكل مرحلة معطياتها .. ولكل مقام مقال .. الذي أقصده هنا ليس التلون ... والنفاق .. والرقص على كل الألحان ولكن ما أقصده هنا .. هو أن لكل مقام مقال .. ومايقال عن قطع الطرق .. والإحتجاز .. لا يصح أن يقال عن الإحتشاد في ميدان التحرير

صاحب الرسالة لا يترك القلم الا على رقبته اركتيكت الله يصبحه بالخير كان بينضرب بالنار لكن فضل ثابت ما انسحبش اتمنى الكل يثبت على موقفه مهما كانت العواصف والصعوبات ,,

مش ممكن يا نوران الصورة دي بالضبط كان بيعملها والدي الحبيب رحمة الله عليه و كمان زوجي العزيز هو كل الرجالة كدة فعلًا؟

بالونة إختبار ليس أكثر يمكن تهدئ الشارع المجلس بيتحايل علينا ... فاكر الناس عبيطة

إسمحي لي بالتعليق يا دكتور ياسر بس لما تكون كل المواضيع اللي بيشارك فيها أسماء بعينها لا تحتمل إلا إحتمال واحد وهو إهالة الطين والخراب والدمار على كل ما يتعلق بالثورة ... يبقى الأمر لا يحتمل الشك .. طب أقول لك حاجه مش هاتصدقها ويمكن تكون ما تابعتهاش في البدايات الأولى لثورة يناير 2011 إن نفس الأشكال دي كانت بتطبل وبتزمر للمخلوع ... وحتى بعد ما تأكد خلعه لم يتواجدوا إلا في الموضوعات المثيرة للجدل ... هو كده لا ينجذب إلا لمثل تلك الموضوعات اللي بيشعر فيها بنشوى وحاله عجيبة من الخراب والدمار بتشفي غليلة شوية ... تفتكر دي صدفة برضوا ؟ وبعدين إن جيت للحق إن الفلول الحق او المندس الأصلي المفروض يشتغل شغل إحترافي .. يعني يحدف طوب على الثوار شوية .. وعلى السُلطة شوية .. عشان ما يبقاش شكله مفضوح .. أما أن يكون تواجده وتحديفة كله على ما يخص الثورة ... فده يتقال له " يا عينك يا جبايرك يا أخي "

معذرة يا أستاذ محمد لو قرأت تلك الجملة من غيرك لما أعرتها إهتماما أو علقت عليها .. أعتقد أن من حق حضرتك أن تعلق على الفيديو وما جاء فيه بما تراه وترى من فيه بلطجية أو ثوار كما يحلو لك .. ولكن ليس من حقك أن تتهم من يرى رأيا غير رأيك من أعضاء المنتدى ببث سمومه ومحاولة تشويه الثورة و الثوار كما لو كانوا فلولا أو من أتباع مبارك .. أعتقد أن الليبرالية التى تدعمها حضرتك تدعوا إلى الحرية في إبداء الرأى دون حجر عليها و ليس مطلوبا منى أن أتفق معك على طول الخط فرأيي دائما يحتمل الخطأ و الصواب معا كما هو رأيك أيضا .. أنا أتمنى طبعا أن يكون هؤلاء بلطجية مندسين لتشويه الثورة والثوار وحتى يثبت ذلك تبقى كل الإحتمالات و التحليلات ممكنة ومطروحة..

الأخ الفاضل محمد لا احد يقوم بتشويه الثوار ان كانوا فعلا موجودين كما ذكرت سابقا للعلم انا لست عضو فى اى جماعة من بتوع الفيس بوك بس شفت الفيديو فى برنامج القاهرة اليوم بالأمس ولكن بدون صوت فقمت بالبحث عنه من اليوتيوب ولما شاهدت وسمعت صدمت صدمة كبيرة هؤلاء الرابضون امام ماسبيرو هم من يشوه الثوار ولسنا نحن حزب الكنبة كما تحب ان تسموننا نحن اخترنا الشرعية وذهبنا الى صندوق الانتخاب واخترنا من توسم فيه الخير لتحقيق مطالبنا نحن ياسيدى الفاضل لانعرف ان نردد تلك الالفاظ ولانقوم باهانة جندى مصرى هو ابن من ابناؤنا وليس عسكرى اسرائيلى هل تتخيل حضرتك لو انك مكان ذلك الجندى الذى ينعت باقبح الالفاظ ولمدة طويلة اليس من المحتمل ان تفقد اعصابك وتفتح النار عليهم وساعتها تحصل مجزرة ونقول عليهم شهداء وبعدين نعمل لهؤلاء البلطجية مليونية للمطالبة بحقوقهم تقبل تحياتى أرجو منكم تقبل الرأى الاخر فهناك مسافة كبيرة يمكن الاختلاف فيها وليس معنى انى مش معاك ابقى ضدك

لأ حضرتك إنت بس لو هديت بإذن الله مش هايبقى في حرق أو خراب .... واه فعلاً الشعب اللي أسقط عرش أبشع ديكتاتور في العالم من حقه يبقى عالم علامه وحبر فهامه ... لأن الشعب أصبح يقود ولا يُقاد أما من يريد ان يظل في صفوف المنقادين فليظل كذلك .. وممكن يعلق حبل في رقبته إذا أراد

مش موافق طبعا !!! هوا عمرنا ماهنشوف ثوري و لا مناضل في مقعد الحكم !! و بعدين عندنا برلمان ميسلموا السلطة للبرلمان علي الأقل مادام إنتخابات الرئاسة دي طلعت هسهس مش عارف روحنا استفتينا علي مرات الريس و أمه و ابوه ليه ؟؟؟؟؟؟؟؟؟؟؟؟؟؟؟؟؟؟

مش صحيح يا دكتور ياسر ... الله يكرمك إرجع شويه بالذاكرة كده وأفتكر إن الناس في أول الثورة كانت تستخدم شعار أو إتنين في منتهى الأدب لكن لما الحاكم يطنش ويعمل نفسه عبيط .. يبقى لا مانع من تصعيد الموقف ... وأظن إنت فاكر " إرحل يعني إمشي ياللي ما بتفهمشي " والشعب يريد إعدام الرئيس نفس النهج تكرر مع العسكر أنا كنت في احدى مظاهرات شهرة يولية .... وسائني إستخدام شعار " يسقط يسقط حكم العسكر " وقولت مالوش لازمه .. ده على أساس إني كنت عبيط وفاكر إنهم هايسلموا السلطة في شهر 9 ويرجعوا مساكنهم لكن ماذا حدث ؟ ومن بدأ بالتصعيد ؟ تصعيد إيه .. ده عيب نسمية تصعيد .. فإذا كان الثوار يستخدمون ألفاظ فقط .. فالعسكر أستخدموا النار حضرتك وقتلوا المئات وأصابوا الألاف .. وأعتقلوا الألاف وكأنها لا كانت ثورة ولا يحزنون ناهيك عن التخبط وسوء الإدارة اللي الجنين في بطن أمه بيشهد بذلك ناهيك عن التطنيش وأتخاذ قرارات غريبة تستفز الشعب كله يبقى مش عاوز الناس تطلع من هدومها وأخر مثال ... أديك شوفت يمكن مصر كلها نزلت من 4 أيام في الميادين مرة اخرى تنادي بأنهاء حكم العسكر .... وبنفس طريقة رد فعل المخلوع .. نفس التطنيش والودن التقيلة وكأن ما يحدث الأن يحدث في المريخ أو في مجرة أخرى من المجرات . بالمناسبة يا دكتور ياسر ... وإثباتاً لحُسن نية العسكر ... كام مصيبة من اللي حصلت وعملوا فيها لجان تقصي الحقائق ... تفتكر كم حقيقة ظهرت لنا او كام حقيقة عرضها علينا الكاذبون .. قصدي المجلس العسكري ؟

من تصدر لخدمه العامة, فلا بد أن يتصدق ببعض من عرضه على الناس؛ لأنه لامحاله مشتــوم, حتي وإن واصل الليل بالنهــــار الإمام ابن حزم, رحمه الله

إياكم و رد الاساءة بمثلها فمن يسيء إلينا لا يستحق بذل الجهد في معاداته دعوه يرحل بسلام فمشاعر العداء و الكراهية تؤذي أصحابها و لا تضر من نوجهها إليه فلا تدمروا أنفسكم مرتين مرة بامتصاص مشاعر العداء بيد من يسيء إليكم ثم مرة بأيديكم عند مبادلته تلك المشاعر!

كل منّا يدخل السجن والمعتقل في دولة الظلم ، دفاعا عن فكرته التي يرى أنها تحمل الخير لدولته ، وبما أن فكرته تحمل الخير في دولة الشر فلابد أن تكون حبيسة المعتقل ، وبخاصة إذا جهر بها ودعى إليها، ولم يجلس في الغرف المكيفة ينتظر إنكشاف الظلم عن دولته وشعبه.. قيس على هذه القاعدة كل الإتجاهات بما فيها الليبرالية والاشتراكية ، ستجد أن من دخلوا المعتقلات من هؤلاء هم الصادعين بالعدل في مقابل الظلم.. ولكن لا تتعجب من كثرة المعتقلين عند السلفيين والإخوان من غيرهم من أصحاب الدعاوى الأخرى لأن الأمر عائد لسببين : 1- أن هؤلاء يتخذوا الدعوة لفكرتهم "دين" يصدعوا ويعلنوا عنه مهما كلفهم الأمر. 2- ليس لهم من يدافع عنهم كما دافع عن غيرهم القوى الدولية من أصحاب الملكية الفكرية لما ينادوا به من ليبرالية وإشتراكية. أما بالنسبة للتمويل ، فلو كنت تعلم جماعة الإخوان جيدا وعن قرب (كما تردد في مداخلاتك) لكنت عرفت أن الجماعة تعتمد على تبرعات بنسب محددة تستقطع من رواتب المنضمين إليها بشكل شهري. أما السلفيين فلم يكن لهم نشاطات تستحق الحاجة للتمويل ، إلا مع ظهور الأحزاب السلفية بعد الثورة ، والتي بدأت تجمع رسوم الإشتراكات من أعضائها (أعداد كبيرة) من أجل المشاركة في أنشطة هذا الحزب التي تحتاج للتمويل قطعا، أضف إلى هذا أن المنتمي للحزب لديه قناعة دينية أن إنفاقه للحزب هو من باب الإنفاق في سبيل الله فلا يبخل عليه. أعتذر عن خروجي عن الموضوع، ولكني أردت أن أجيب العضو عن تسائله لعل باله يرتاح إن شاء الله تحياتي...

قصة كلمة (Ladies First) أو النساء أولاً ... هذه العبارة لها قصة عجيبة حدثت في ...إيطاليا في القرن الثامن عشر الميلادي مفادها انه كان هناك شاب من إحدي الأسر الغنية في إحدي مقاطعات إيطاليا وقع في حب فتاه من أسرة أقل منه في المستوي المعيشي والطبقات التي ينتمون إليها اتفق الاثنان علي الزواج ولكن الشاب لقي معارضة من قبل أسرته والتي اضطرت لتهديده بعدم مباركة هذا الزواج.. كبرت الضغوط علي الشاب وعلي الفتاة وقررا أن لا يفرقهما إلا الموت وبالفعل بعد أن كثرت الضغوط خافا أن يفترقا وقررا الانتحار وتوجها إلي صخرة عالية جداً ومطلة علي البحر عندها قررت الفتاه القفز أولا ولكن، الشاب منعها من القفز بحجة أنه لا يستطيع أن يراها تموت أمامه واتفقا علي أن يقفز الشاب أولاً وبالفعل قفز الشاب وسقط ومات.. ولكن عندما رأت الفتاه هذا المنظر غيرت رأيها وغدرت بالشاب وعدلت عن مرافقته في الموت ورجعت إلي البلدة وتزوجت شخصا آخر من طبقتها وخانت حبيبها الذي ضحي بنفسه من أجلها... وعندما علم أهل القرية بذلك قرروا أن تكون النساء أول من يقمن بالأعمال... وظهرت مقولة النساء اولا ، (Ladies First)

الاستاذ الفاضل محمد إجابتي المختصرة للسؤالين انهم اسئلة عن النوايا ودي علمها عند الله ولم نؤمر اننا نحاسب الناس عليها قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: “إِنِّي لَمْ أُومَرْ أَنْ أُنَقِّبَ عَنْ قُلُوبِ النَّاسِ, وَلَا أَشُقَّ بُطُونَهُمْ” الْحَدِيثُ فِي الصَّحِيحَيْنِ

ارد أنا عليك يا استاذ محمد الفرق هو بين ما - وما سوف ، الاخوان الان أخذوا اصوات الناس في الانتخابات بالفعل ما كان مضى ما سوف قادم هم شرفاء في موقع مسئولية الان ما نظروه لسنين سوف يدركون على الارض صعوبة تطبيقه والجميل انهم ليسوا وحدهم والأجمل ان الشعب بدأ يستيقظ وسيراقبهم ولو ثبت انهم يسعون لمخططهم اول من سيسقطهم هو الشارع المتيقظ الان أنا كنت ضد الاخوان بسبب إدارتهم ظهرهم للثورة ولكن بعد نتائج الانتخابات اصبح لدينا كيان يجب ان نحترمه ونقف خلفه فان احسن فسيحمل فوق الاعناق وان أساء فسيلفظ للأبد ولكن انعدام المرؤة لدرجة ان من وقف معنا نركله عند اول خطأ له او هكذا هي وجهة نظرنا الاخوان ليسوا شياطين ولن يكونوا أسوأ من مبارك وان كانوا افضل منه بمراحل أدائهم يراقب من الشعب وقوة الثورة تتمثل في تجمع الجميع ولعلنا نتذكر ظلم الجميع لليبرالين والعلمانيين اليوم لنعرف اننا كلنا في نفس القارب عندما ننظر لما يحدث الان سوف نجد هناك فرقا بين دعاء الجاهل على الليبرالين ودعاء المسلم على اخيه ولو مرت لتحولنا ولظهر منا خوارج وشيعة وفرق نحن الان في غنى عنها ولكان الفائز الوحيد هو المجلس العسكري لا يصح ان من وقف معك بالأمس يصبح عدوك اليوم فجأة ولو حدث ذك فاسأل نفسك من المستفيد تعرف ما يحاك فى الخفاء

بشكر حضرتك علي المتابعة بس المشكلة ان اخويا هنا في مصر وهيسافر بعدي بشوية ..وطبعا هوا معاه سكن عائلي وتبع الشغل ومش ينفع يتفتح ليا المشكلة اني عايز ارتب قبل ما انزل السعودية والشركة اللي هشتغل فيها في حتة اسمها العليا ..شارع الضباب تقريبا فعايز اعرف اي اقرب حي يكون رخيص في المنقطة دي سواء سكن اوضة وصالة وحمام او غرفة تبع شقة واسف علي تعبكم مرة تانية