لوحة القادة

رغم انى انضمامى للمحاورات جديد بالنسبة لتاريخ انضمام حضرتك الا انى اول مرة اشوف مشاركات لك فى الفترة الاخيرة وربما اسمع عن اسمك لاول مرة ايضا ورغم بعدى عن المحاورات فترة الا انى اتابع باستمرار مواضيعها والمداخلات التابعة لها ومالاحظته هو تعمد حضرتك استفزاز الاخوة الافاضل بردود لايصح ان تصدر من شخص ناضج زى حضرتك وتعرضك خصيصا لكل مايمت للاسلام بصلة حقيقتا لااعرف ديانة حضرتك ان كنت مسلم او غير ذلك لكن فى كلتا الحالتين يسيئنا التعرض المستمر من جانبك او جانب اى شخص لاى ديانة سواء الاسلام او المسيحية او حتى اليهودية والتى اعتقد لايتدين بها احد هنا فنقول فيها مالا ريضى الله ورسوله لمجرد ان هنا مفيش يهودى يعترض على كلامنا كلنا سواء مسلمين او مسحين لنا حرية تفكير وعقيدة وحرين نسمع اغانى نبطل سمعاها فليس هناك داع للسخرية والتنبيط على كل صغيرة وكبيرة فى موضوع لمجرد الاستفزاز واثارة البلابل والمشاغبات فى المنتدى كل شوية ابسط شئ ممكن حضرتك تعمله انك تتجنب قراءة المواضيع اللى بتضايقك وتحفزك لاستفزاز غيرك تجاهلها كما افعل ويفعل الكثيرين فى الفترة الاخيرة وبذلك قلت مشاركات البعض واحجام الكثيرين عن المشاركة نهائى او دخول المحاورات اصلا بالشهور من الاخر امثالك طفشتم الكثيرين وانا منهم من المنتدى بمجادلات عقيمة وتافهة لا لاشئ سوى نوايا سوء ليس وراها الا وجع القلب وسكب البنزين على النار البلد فى حالة فوضى وغليان والان عزاء وحزن للاخوة المسيحين وحضرتك نازل تريقة وسخرية على خبر نزله احد الاخوة الافاضل ارحمونا شوية ربنا يرحمكم

هو فين الصراع ده :blink: .. هو حد أصلا دخل علق على الموضوع غيرى ههههههههههههههههههههههههههههههههههه .. وخير إيه .. وشر ايه.. وحلال ايه .. وحرام ايه ... وفيلم عربى قديم ايه ههههههههههههه.. مع احترامى لحضرتك ..ايه اللى دخل كل ده فى فكرة الموضوع الرئيسيه .. انا رديت على استفسار حضرتك من المعلومات اللى عندى ان الرجل تاب عن الاختلاط بالوسط الع((فنى)) .. والاغانى الخليعه .. وربنا يتوب على الواحد ايضا من متابعة تلك الاغانى .. وان كان سماع الاغانى بشكل عام ذنبا .. أدعو الله ان يغفره ..وعلى فكره موضوع التوبه ده والاعتزال مش من النهارده .. ده اثير من حوالى سنتين .. وبعدين تراجع عنه .. وبعدين أعلنه حاليا .. بس خلاص .. ولا حد عايز يصارع ... ولا حد عايز يحرم أو يحلل .. ولا حد فتح السيره الا حضرتك .. والفتاوى موجوده والتفاسير موجوده .. اللى شايف ان الغناء والموسيقى حرام كلية ميسمعش .. واللى شايف انها حلال كلية يعيش حياته معاها .. واللى شايفها زى اى شئ فى الدنيا ..فيها الحلال وفيها الحرام .. ينتقى ما يراه جيد وراقى وحلال .. وربنا اللى بيحاسب .. كان ايه لزومه استدعاء الماضى .. ومحاولة خلق صراع من لا شئ .. شبعنا صراعات يا مان ..واتهد حيل فكرنا .. مفيش موضوعات او مناقشات تلم الشمل .. بدل الفرقه .. وتقسيمنا الى جناحين .. شر وخير .. حلال وحرام .. انا عن نفسى مش حلوم حضرتك بعد كده .. انا حلوم اللى حينساق ..ويقع فى فخ الجدال العقيم .. والذى لا يؤدى فى غالب الاحيان .. الا الى غلق الموضوع . وكإنك يا بو زيد ما غزيت .. قال صراع قال.. فكرتنى بمشهد فى مسرحية الجوكر (( لموا التحابين .. لموا التحابين ....هى فين التعابين .. هى فين التعابيييييييييين .. طب هو فين الظابط)) هههههههههههههههههه وشكرا

سبحان الله !! يتحول الموضوع الآن من الحديث عن فنان سورى قرر استخدام فنه لخدمة القضية السورية إلى صراع بين الحلال و الحرام وفق مختلف التفاسير !!! ثم الحديث طبعا عن التطبيقات الخاطئة .. ثم تنهال الفيديوهات عن التضارب بين آراء علماء المسلمين في الغناء .. ونصدق مين بقى وكدهوت .. ومنهجهم ومنهجكم ونسمع لمين بالظبط ؟!؟!؟ومداخلات وجدال طويل بلا فائدة تذكر وتشتيت تام للموضوع الأصلى .. ماشي .. على بركة الله ..

يا مدام هند ... يعني هو حضرتك ما لقيتيش غير الموضوع ده .. ده أنا لسة بقول حضرتك نورتي المنتدى .. ابقى أنا السبب في ده كله .. أحب بس أوضح لحضرتك إن " وايت هارت " من أصحاب العزاء لأنه واحد من الإخوة المسيحيين معانا في المنتدى .. ولكنه خرج من حالة الحداد مخصوص ... مش عشان يرد على اتهام أو حاجة مستعجلة أو نقد موجه لرأيه ... و لا حاجة من دول .. ده بس متطوع عشان يقوم بالواجب اليومي و الذي صار عنده اهم من الحزن .. الواجب في نبش أي من الموضوعات الخلافية وإثبات وجهة نظره الخاطئة أن الإسلام دين الاختلافات و التفاسير المتناقضة ... وهكذا هي الاستفزازات متكررة حتى من إصراره على الاستفزاز لم يراع كيف تكون الفواصل بين الاقتباس و بداية الكلام بعده و بعدين يسمعنا ضحكته هههههه .. وبعدها أنطلق "الإحتفال" الرسمي ... وهكذا هي آراءه التي يفترض أنه يعلمنا بها كيف تحترم عقيدة أخوانك في الوطن .. متشغليش بالك حضرتك ومقدما لاتشغلي بالك بعرايض الرد اللي هتيجي كمان شوية ... إقلبي الصفحة وخلاص ... مش هاقول لحضرتك الرد عليها خسارة ... هاقولك قراءة الرد نفسها تضييع وقت و حرقة دم .. ملهاش داعي ... لأن زي حضرتك ما بتقولي كفاية اللي البلد فيه تحياتي لحضرتك ...

الفنان التائب فضل شاكر يهدي ابطال سوريا نشيد سوف نبقى هنا http://www.youtube.com/watch?v=n4jH-151v5k&feature=player_embedded#! شعر: د.عادل المشيطي سوف نبقى هنا .. كي يزول الألم سوف نحيا هنا .. سوف يحلو النغم موطني موطني .. موطني ذا الإباء موطني موطني .. موطني يا أنا رغم كيد العدا .. رغم كل النقم سوف نسعى إلى .. أن تعم النعم سوف نرنو إلى .. رفع كل الهمم بالمسير للعلا ومناجاة القمم فلنقم كلنا .. بالدواء والقلم كلنا عفو على .. من يصارع السقم فلنواصل المسير .. نحو غايات أهم ونكون حقا .. خير أمة بين الأمم سوف نبقى هنا.. كي يزول الألم سوف نحيا هنا .. سوف يحلو النغم كم سهرنا من ليالي .. للصباح لا ننم كم عراقيل كسرنا .. كم حفظنا من رزم كم جسور قد عبرنا .. كم ذرفنا من حمم نبتغي صيد المعالي .. نبتغي رأس الهرم نقضي ساعات طوال .. نستقي علم العجم نستهين كل غالي .. كي نحقق الحلم إن سأمنا لا نبال .. فلنسير للأمل إن قمة الجبال .. تستحق لا جرم سوف نبقى هنا .. كي يزول الألم سوف نحيا هنا .. سوف يحلو النغم فضلكم يا والدي .. عمني حتى اللجم كل هم قد أصبنا .. زادكم بالطبع هم إن كل ما جنينا .. من جهودكم نجم والدي يا خير عون .. كان لي عند المحن أنت يامن تملكين .. جنة تحت القدم كل ألفاظ لساني .. كل شكر قد رهن إجمعو كل المعاني .. من عراب أو عجم لا توافي شكركن .. لا تجاوز العدم سوف نبقى هنا .. كي يزول الألم سوف نحيا هنا .. سوف يحلو النغم هذي فرحة الأهالي .. لا يساويها رقم حين يشهدون حالي .. بالسرور أبتسم إذ أقلد اللآلي .. والشهادة أستلم فرحتي وصرختي .. تكاد تسمع الأصم يا نجوم السماء .. يا عبائق النسم يا سحائب الرجا .. يا طيور الحرم يا رعود الشتاء .. يا جميع الأنام إشهدو هذا المساء .. إنني قلت القسم إشهدو هذا المساء .. إنني قلت القسم سوف نبقى هنا .. كي يزول الألم سوف نحيا هنا .. سوف يحلو النغم

فى الآونة الأخيرة ، بدأت ظاهرة جديدة على "محاورات المصريين" .. وهى ظاهرة تنطوى على مخالفات عديدة لفلسفة وجود موقع "محاورات المصريين" .. تلك الفلسفة التى تلخصت فى الفقرة الأولى من قواعد المشاركة : تبلورت هذه الظاهرة فى موضوع فكاهى "وإن لم تقتصر عليه وحده" .. وبالتحديد بمداخلة غامضة من أحد الأعضاء الأفاضل سرعان ما وضحت بمداخلة من عضو فاضل آخر هكذا جامده قوى يا عزيزى انت جبت من الاخر هذه الظاهرة ليست فقط مخالفة ، بل تهدد روح "محاورات المصريين" بالإصابة فى مقتل بممارسات تحتوى على شخصنة .. شللية واضحة .. استهزاء وسخرية لا شك فيها .. استغلال موضوع فكاهى للسخرية من عضو أو أعضاء آخرين وحيث أن عددا من الأعضاء الأفاضل - الذين لهم رصيد فى إثراء الموقع والمساعدة على نشر رسالته الثقافية - قد تورطوا بكل أسف فى هذه الظاهرة الجديدة على "محاورات المصريين" فإن فريق التنسيق والإشراف يهيب بهم أن يترفعوا عن ممارسة هذا الأسلوب الذى ينتقص من رصيدهم الثمين قبل أن ينتقص من رصيد "محاورات المصريين" إن فريق الإشراف والتنسيق على ثقة تامة من استجابة الأعضاء الأفاضل الذين نعتز بهم وبوجودهم داخل هذا الصالون المفتوح للجميع .. وفى نفس الوقت نطمئنهم إلى أن فريق الإشراف والتنسيق سيبدأ فور نشر هذا الإعلان وسيستمر فى اتخاذ الإجراءات المنصوص عليها فى القواعد والتى لا تهدف إلا إلى توفير الجو الصحى للحوار المفيد البناء فى إطار الضوابط التى نلتزم بها جميعا .. وإلى الحفاظ على "محاورات المصريين" متنفسا لكل المصريين من جميع ألوان الطيف المصرى ، تلك الألوان التى عندما تتجمع وتتحد تكوِّن الضوء الساطع الذى غمر الوطن فى ثمانية عشر يوما تاريخية ومشهودة ... ضوء ما أحوج الوطن إليه فى هذه الفترة العصيبة التى تمثل عنق زجاجة ونقطة تحول فى مسيرته نحو المجد الذى يستحقه والذى حـُرم منه لعقود طويلة ثقتنا غير محدودة فى بقاء "محاورات المصريين" مصدرا من مصادر هذا الضوء الساطع الذى سينير طريق الوطن نحو المجد المنشود

يا عزيزي .. ماينفعش تحط كرأس موضوع صورة لفنان فى مظاهرة المفروض انها فى المقام الأول "سياسية" تهم الشعب بجميييييييييييع أطيافه وعقائده وإنتمائته ... وتقوم مختارها وهو بيبوس راس الشيخ أحمد الأسير (السلفي) ... وشعار سلف الإخبارية موضوعة بشكل منمق فى إحدى الزوايا .. و"مانشيت" الخبر بالبنط العريض كلمة " التائب" .. وبعدها تتحدث عن "الخلط" الذي وقع فيه المُتلقي؟!؟!؟ وبعدها المفروض ان الموضوع مالوش أى علاقة لا بالدين ولا بالحلال ولا بالحرام!!! تحياتي استاذ وايت هارت المظاهرة التي القي فيها فضل شاكر هذا النشيد دعت اليها الحركة السلفية في بيروت ، و لذلك سموها مظاهرة السلفيين ، فطبيعي ان الصورة لفضل شاكر يكون فيها احد السلفيين ممن دعوا للمظاهرة ، لكن كلام الاستاذ عادل كان واضح انه لا يريد الدخول في قضية تحريم الغناء و لذلك وضع الموضوع بداية في باب السياسة الخارجية ولم يضعها مثلا في باب هدي الاسلام او حتي الفنون عموما حتي لو ان الامر التبس علي حضرتك ، فاعتقد انه اتضح الان و بامكانك فتح موضوع مستقل عن توبة فضل شاكر ، او اضافة رأيك في موضوع " رأى مجرامون وآخرين فى الغناء والموسيقى" الذي تحدثت عنه بدلا من تغيير مسار هذا الموضوع تحياتي

عزيزي وايت هارت.. لا اعرف لماذا الاعتراض على امر يحدث في كل مجالات الحياة....أليس من يدخل في دين جديد بعد ان عاش عمرا طويلا في ظل ديانته التي ولد عليها..اليس هذا الامر يحدث كل يوم - يعني مثلا لو كان عندنا واحد مسيحي عاش وتربى وكبر وتوظف وانجب اولادا..ثم بعد عمر طويل ..قرأ واطلع ودرس وتحول يمحض اراداته الى الاسلام....فما المشكلة.....والعكس صحيح ايضا في حالة مسلم تنصر - كون الشخص يأتي بعد ذلك ويذكر مساويء الفترة التي قضاها في ضلال ( من وجهة نظره طبعا) فهذا امر طبيعي ان يتكلم عن ديانته السابقة ويتكلم عن سلبياتها..او اوا او..فهذا شيء ليس من حق احد الاعتراض عليه.. - الاعتراض يتم فقط في حالة اجبار الاخرين على اتباع نفس الدين او الدخول في نفس الخطوات التي اتخذها هو.. ( بالقوة) والاجبار....وهذا غير مقبول ولم يحدث - يعني طالما الشخص تخلى عن مبدأ او دين او تصرف معين..فهو حر.في ذلك..حر ايضا في وصف الوضع السابق الذي كان عليه ايا كان هذا الوصف مسيء لمن هم يعتنقون هذا المبدأ او هذا الدين او هذا التصرف...... - الاعتراض فقط اراه مقبولا عندما يقوم هذا الشخص باستخدام القوة مع الاخرين لكي يتراجعوا عن دينهم او مبادئهم او تصرفاتهم...( غناءا كانت ام تمثيلا..الخ) غير كده..كلامك ليس له...منطق سوى انه محاولة لمصادرة حرية التعبير....

من هو فضل شاكر؟ عظيم جداً ... هذه نبذة عن إنطلاقته الفنية ... كيفية إكتسابه الشهرة المحلية والعالمية بسبب من ساندوه من عالم الفن ... فادوه كما هو أيضاً إستفاد منهم أكثر بلا شك. وماذا عن حياته العائلية ياترى كأحد الشخصيات العامة وله من المعجبين والمعجبات الآلاف ان لم يكن الملايين حول العالم .. والذين هم أنفسهم من جعلوا من أسمه وزن وقيمة فى عالم الشهرة والمال والفن؟!؟ عظيم قوي جداًً خالص ,,, يعني حياته بأكملها بمعظم تفاصيلها منذ مرحلة البلوغ أى منذ كان عمره 15سنة وحتى مرحلة النضوج فى كافة النواحي العملية والشخصية أى حتى بلغ عُمر 42 سنة، قامت على الفن ووسطة وليسشئ آخر .. حتى أصبح "مشهور" غنى لهم سابقاً ... ويخطب لناس اليوم متبرئاً!!! ... برافو. أيوووووووووة ... بيقول لمين بقى ياترى؟!؟!؟ بيقول لكلللللللل هؤلاء جميعاً الذين تابعوه منذ كان عمره 15 عاماً ... وكانوا سبب شهرته وتسليط الأضواء والكاشافات المبهرة طوااااااااااال حياته... :) ... نعم .. أنا هو يا عزيزي هذا "البعض" الذى أراد مشاهدة نفس الصورة ولكن من زاوية مختلفة ... نعم .. أنا هو هذا "البعض" الذى من حقه أن يعبر عن رأيه بكل وضوح وصراحة بدون أى نوع من انواع التكالبات والإرهاب الفكري .. كأن يتم إتهامه بالدخول فى مهاترات أو تحويل دفة الموضوع الى جهة مختلفة ومغايرة!!! هذه ليست "مهاترات" (سامحك الله) خاصة اننى أعلم جيداً الرأي الديني (تعاليم المدرسة) حيال الفنون بصفة عامة والموسيقى والغناء بصفة خاصة للــ "رمز" الذي يُقبِل الفنان فضل شاكر رأسه فى الصورة التى قمت بإختيارها بعناية وجعلتها رأساً للموضوع علاوة على باقي المفاتيح .. أى <<< التائب >>> و <<< شبكة سلف الإخبارية >>> ... أم أنك تجهل تلك التعاليم يا تٌرى؟!؟!؟ نعم .. انا هو هذا "البعض" الذى رأى فى كلمة واحدة <<< الـــــتــــــائــــــــب >>> قضية الساعة (وكل ساعة) التى تعنينا نحن هنا فى مصر من قبل باقي الدول الجارة (المسئولة) "الغارقة" حتى أذنيها في تفاصيل وتبعات ذات القضية!!! نعم ... أنا هو هذا "البعض" الذي يعي جيداً الحدود والفواصل والفروق الواضحة بين مختلف القضايا المتعلقة بمناحي الحياة. نعم ... أنا هو هذا "البعض" الذي لا يعنيه من قريب أو بعيد ماذا قرر الفنان فضل شاكر أو غيره من قرارات "شخصية" تخصه هو وحده .. (كم احترم الفنانة العظيمة شادية) ولكن يعنيني وبشدة من يحاولون "إستغلال" أى من تلك القرارات وتطويعها من أجل خدمة أى هدف من اى نوع وليكن "المُتاجرة" والمزايدة والإعلان والدعاية !!! نعم ... أنا هو هذا "البعض" الذى كان سيحترم(مع إحدى التحفظات الفارقة الهامة) نص الخبر والهدف منه وفى الباب الذى قمت بإختياره أولاً (السياسة الدولية) لولا تم "إقحام" كلمة " الــــــــتــــــــــائــــــــب" تلك .. وباقي حزمة التقسيم والتمييز!!! نعم .. أنا هو هذا البعض الذي لم يرى فى إقحام تلك الكلمة علاوة على النبرة العدائية عند تناول أنشطة باقي الفنانين: ... فمن لم يكن معنا فهو علينا!!! لم أرى الا مجرد مبادرة مستفزة من قِبَل "طرف" بالإتهام الصريح لباقي الفنانين ومعجبيهم وكلللللللل العاملين فى حقلهم بأنهم مجرد "مــــــــــذنــــــــــبــــــــيـــــــــــن" خطائين .. (كاذبون وممثلون) !!! ... لأنهم إستخدموا ببساطة ذات الحق حريتهم الكاملة .. وقرارهم فى إخــــــــتــــيـــــار أى شئ مغاير ومختلف عن حضرة الفنان العظيم والمهللين من خلفه!!! كل هذا لا يعنيني يا عزيزي ... هذه مفاهيمه وآراءه وإعتقاداته وحريته الشخصية ... فقط مايعنيني هو أى تحريض .. أو إتهام أو حتى تلميح أو التعرض بأى شكل أو نوع للباقين وإختياراتهم .. الأمر بالنسبة لي أشبه بمن يدخل "مدرسة" صغيراً (بملأ إرداته وأختياره) وينشأ ويترعرع فيها وينهل منها ومن القائمين عليها كل ما يُصبح عليه مُستقبلاً ... ومن ثم "فجأة" يكتشف كرؤية شخصية وبناء على مفاهيم شخصية ان كلللللللل ماسبق بما فيه إعترافه هو نفسه بفضل أحدهم "دوماً" ... كله "غش" وكذب ونفاق وخداع .. ويقرر الإنتساب الى "مدرسة" جديدة ليبدأ "نشاط" مغاير ومختلف .... عظيم جداً .. حتى هنا ولا يوجد أى مشكلة ... ولكن كل المشاكل والصراعات والإنشقاقات والتطاحنات والتشرزمات ستبدأ متى بدأ بالصياح والتهليل وتعميم صب الإتهامات والتحقير والتبرأ من "مدرسته" القديمة والتى مازال لها قيمتها ومازال لها القائمين عليها ومازال يتعلم ويعمل بها "اشقاءه" و "جيرانه" ... ومازال هناك الملايين ممن يعجبون ويفضلون "تلاميذها" ... ويقوم بالتحريض عليها وعلى أتباعها الذين أصلاً كانوا سبباً فيما هو عليه اليوم ... فهذا ما يعنيني ... وهذا له مسمى واحد فقط لدى ... أظن واضح؟ تحياتي.

السلام عليكم ورحمة الله... كلام حضرتك مظبوط أخى الفاضل عادل.. بس إسمح لى أوضح لحضرتك نقطتين : 1- إدراج أى موضوع فى منتدى الفنون لايقلل من قيمة كاتبه ولا يعنى أنه تنازل عن مبادئه وبدأ يناقش الأمور الفنية.. بمعنى إن ماحدش حيقول الحقوا استاذ عادل بيكتب فى باب الفن. 2- موضوع حضرتك بيناقش موقف فنان تجاه قضية بعينها..سواء توبته عن الفن..أو عن الغناء..أو تضامنه مع الشعب السورى.. ده كله مكانه الصحيح، تبعا لرؤية المشرفين والمنوطين بتنسيق الابواب ، باب الفنون ومش باب سياسة خارجية والتى تهتم فى المقام الأول بمناقشة ما يدور على الساحة الدولية واللى مش من ضمنها إعتزال فنان للغناء أو توجيه مجهوده وفنه لخدمة قضية بعينها .. ده تنسيق للأبواب وليس تقليل من قيمة موضوع حضرتك أبدا. خالص مودتى وإحترامى

تائب؟ تائب عن ماذا تحديداً؟؟؟ تائب عن الوسط الفنى .. والذى يعج بالفساد بكافة اشكاله .. الفساد الذى سوء وشوه سمعة الفن ذاته فى عيون الكثيرين .. وتاب عن تلك النوعيه من الاغانى الخليعه التى ملاءت سماء الفضائيات .. ولا اعتقد انه تاب عن الغناء .. فحلاله بين وحرامه بين ...هذا استنتاجى والله اعلم

بسم الله الرحمن الرحيم منذ فترة ذكرت بعض الاقتراحات في احد الموضوعات هنا ايام كثرة الحديث عن الازمة الاقتصادية وتقلص الاحتياطي الدولاري ، منها ان يتم السماح للمصريين بالخارج بادخال سياراتهم ايا كان نوعها الى مصر نظير مبلغ مقظوع بالدولار...يترواح بين 3000 الى 5000 دولار دون قيود على الموديل ومسألة اول مالك للسيارة - يبدو اننا بصدد سماع اخبار جيدة الفترة القادمة عن موضوع الجمارك....لدي بعض الاخبار ان هناك دراسة لموضوع يتعلق بجمارك سيارات المغتربين..خلاصته: - ان يقوم من يرغب بانزال سيارة الى مصر بوضع وديعة بالدولار = 10000 دولار في حساب مصلحة الجمارك..وبالتالي يسمح له بادخال سيارة الى مصر وليس شرطا ان يكون المالك الاول وليس شرطا تكون نفس سنة التملك هي نفس سنة الموديل...ولكن طبعا سيوضع حد اقصى لموديل السيارة حتى لا يتم ادخال سيارات قديمة - طبعا هناك بعض التفاصيل مازالت تدرس حول كيفية حساب الجمرك..والذي سيتم خصم قيمته من ثمن الوديعة..وحول استرداد باقي ثمن الوديعة..من حيث هل يسمح في اي وقت باسترداد الوديعة او ما تبقى منها او انه مسموح في اي وقت ان يتم الاسترداد - مبدئيا ساحاول ان احصل لكم على الاخبار...اولا بأول...المهم ان الامور بدأت تتحرك..وهذا شيء جيد للغاية

وعسى أن تكرهوا شيءاً وهو خير لكم صدق الله العظيم بالرغم إن الموت هو الحق الوحيد في هذه الحياة إلا أننا نكرهه حينما نفقد به أعز الأحباب أو المقربين ... وأنا اعلم بالتأكيد مشاعر المسيحيين خصوصاً والمصريين عموماً في فقد البابا شنودة .. لكن رغم ذلك شعرت أن هناك حالة وحده وتكاتف أنتابت الشارع المصري اللي كان منقسم إلى حد ما إلى أحزاب وطوائف وجماعات و و .. وكأن المصاب هو مصاب الجميع ورأيت برقيات العزاء والتعاطف من كل حدب وصوب تؤازر إخوتنا في الوطن وجيراننا وأشقاءنا المسيحيين وتواسيهم في محنتهم ومصيبتهم وهذا إن دل على شيء فإنما يدل على أصالة معدن هذا الشعب العظيم .... لا أقولها مجاملةً عشان دي بلدي ودول اهلي ... لكن فعلاً إحنا شعب أصيل محتاج شوية تلميع وعمل وجهد عشان يبقى شعب في مقدمة الامم بإذن الله بُصوا الروعة والأختراع اللحظي دي واحده ست من سكان العباسية اللي كانت مكتظة بمئات الألاف من المسيحيين اللي جايين يلقوا نظرة الوداع على جثمان الفقيد في كنيسة العباسية ... وأدى التزاحم إلى وفاة حوالي 3 أشخاص .... فما كان من هذه السيدة إلا انها كانت بتعبي زجاجات مياة وتنزلها للناس من البلكونة عن طريق الحبل ... وصورها بعض الموجودن من أخوتنا المسيحيين ونشروها في اللحظة على موقع الفيس بوك لم يفرق كثيراً عن مشهد عالق في ذاكرتي لما كنت بأسافر مع أهلي الريف وأنا صغير لحضور أي واجب عزاء .. وكنت أجد جميع أهل البلدة يتسابقون لعمل طعام وشراب وإحضارة لبيت المتوفي لإطعام كل الموجودين من أهل المتوفي او المعزين ... ويستمر هذا السباق بنفس القوة إلى دة أيام هي فترة العزاء ..

- مرة واحدة وحشة أوى متجوزة واحد بتكرهه كل يوم الصبح تقف فى المرايا و تبص لنفسها و تقول : يستاهل - مسطول بيقول لصاحبه : يا أخى امبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم

ممكن سؤال بعيد عن الموضوع وبعيد عن التوبة بتاعت مولانا فضل شاكر مش التوبة بتاعت عبدالحليم ممكن أهاجم الأستاذ وايت هارت وتدوني 20 تقييم من الاخضر علشان أعدي رقم الـ 900 ، أصلي عايز أسجل في جينيس ريكورد والاجر والثواب على الله. سؤال قبل ما أمشي، هو مولانا فضل شاكر بيشتغل ايه دلوقتي؟ وياترى رد أو تخلص من الفلوس اللي عملها من الشغل الحرام وبدء من الزيرو؟ اللي عنده إجابة يبقى يقول لي وبالمرة يعرفني الحجة اللي عملها من فلوس طرحت من شجرة المعاصي هل تجوز؟

الموضوع ناقشته شخصيا مع القنصل المصرى وفى وجود نقيب عام المهتدسين اثناء زيارته للدمام وكنت محضوظا انى كنت فى لقاء مصغر ضم المستثمرين فى المنطقة الشرقية المهم ان الموضوع فعلا يتم مناقشته جديا الان والموضوع تصاعدى بمعنى 1600 سى سى الوديعة ستكون 10000 دولار لمده عشر ستوات 2000 سى سى ستكون 20000 دولار اكثر من 2000 30000 والمدة 3 سنوات وعلى حسب كلام الدكتور حسن لاشين ان مجلس الشعب هايناقش القانون مباشرة بعد الانتهاء من الدستور

أثناء المتابعة وجدت مداخلتين من اتنين عـُزاز علىَّ .. الفاضل "عادل ابو عمر" والفاضل "أبو ريم" .. والاتنين دول ما اقدرش اعتذر عن عدم التحاور معهما "عادل أبو عمر كتب : أهو انت دلوقت بتجبرنى على إن أسأل : هو إيه المقرر "المفروض فرضا" والذى يجب ألا نخرج عنه ؟ وكتب : إذا رجعت إلى مداخلاتى القديمة ستجدنى من أشد المعجبين بالشيخ محمد الغزالى عليه رحمة الله .. ولذلك يجب عليك يا سيدى أن توضح فى أى مرحلة من المراحل الفكرية للشيخ كان هذا الفيديو .. قبل أو بعد أن ترك جماعة الإخوان المسلمين .. قبل أو بعد مراجعاته للفكر السلفى الذى كان سائدا فى جماعة الأخوان ؟ .. هل قرأت له مثلا كتابا من كتبه المتأخرة مثل "السنة النبوية الشريفة بين أهل الفقه وأهل الحديث؟" وهل تعرفت منه على رأيه المتأخر فى الفكر السلفى ؟ .. من أسباب إعجابى الشديد بالشيخ عليه رحمة الله هو تطوره الفكرى وعدم جموده من يقرأ كتابه "من هنا نعلم" ردا على كتاب الأستاذ خالد محمد خالد "من هنا نبدأ" لا يتخيل أنه هو نفس صاحب كتاب السنة النبوية الشريفة أو كتاب الإسلام وقضايا المرأة أو كتاب "ليس من الإسلام" أما بخصوص الأحزاب ذات المسمى الدينى فى الغرب ، فالحال مختلف بل متناقض مع ما يحدث عندنا .. فتلك الأحزاب ظهرت بعد أن عبرت أوروبا والغرب عصور الظلام التى كانت تمارس فيها السلطة باسم الدين والتى كان الحاكم فيها هو ظل الله فى الأرض .. أما فى حالتنا نحن ، فالأحزاب الدينية تريد لنا العودة إلى ما عبرته أوروبا أما ماكتبه الفاضل "أبو ريم" فأنا لا أستطيع الاختلاف معه لولا اعتقادى الذى عبرت عنه فى الفقرة السابقة من ردى على الأستاذ عادل ابو عمر .. ومعلش .. نرجع للأسئلة تانى .. ما هو تأثير "أبو ريم" بفكره المنفتح إذا ما قارناه بتأثير الشيخ "النقيب" أو بتأثير الشيخ "اللحيدان" الموضوعة أراؤهم فى هذا الموضوع ؟ .. آسف يابو ريم .. ستجد أن المقارنة غير عادلة بالمرة .. والدليل قالوله .. قصدى إقرأ مداخلات زميلنا الجديد الفاضل "سلمان الفارسى" ومواضيعه .. فقد قرأت له – للتو – موضوع "عدول لا معصومون" .. يساوى فيه بين صلاح ابو اسماعيل وجماعته ، والصحابة الكرام .. ولا أريد أن أصدمه وآتى له بأدلة من القرآن الكريم على خطأ التعميم ، حتى على الصحابة الكرام فى موضوع أن كلهم عدول .. فما بالك بمن تسمع كلامهم تصدقهم تشوف أمورهم تستعجب ؟ .. أنا باقول نصبر عليه شوية لما نشوف هو عاوز يقول إيه بالضبط فى موضوع "عدول لا معصومون" على فكرة يا بو ريم .. فيه مليونية بيتحضر لها تحت عنوان "جمعة إنقاذ الدستور" .. ده غير القضايا المرفوعة واللى حتترفع أما الأخت الفاضلة "أم سلمى" فأنا أعتقد أنها من حكماء "المحاورات" .. فهى تأخذ وقتها فى التفكير قبل الرد على الفكرة وقبل الإجابة على الأسئلة .. لذلك فأنا فى انتظار رأيها إن شاء الله .. ولو إنى مش فاهم هى بتقصد إيه بالمزرعة السعيدة و "سنحيا كراما" :blink: عاجبكم كده ؟ .. أهى كلمتى نزلت الأرض .. مع إنها لا ممكن تنزل الأرض أبدا

اللهم اجعل ٱمهاتنا من سيدات اهل الجنة

يانهار مش فايت طيب تصدق بالله انا كنت بتكلم على انه مسلم والشيطان لعب بدماغه زى مابيحصل معانا كلنا وقلت فى نفسى ربنا يهدينا ويهديه يطلع مسيحى كده بقى بجد انا مكسوفة له اوى اوى وعليه حق عرب مش عشان اتعرض لللاسلام ولا المسلمين لاسمح الله لأ لانه غلط فى حق ديانته هو وفى اخوانه المسيحين بعدم احترامه لحزنهم وفترة عزاءهم باختراق صمتهم وحزنهم بضحكة حتى لو كانت سخرية من متعقداتناالاسلامية ياراجل انا لما بيموت مطرب بحبه واسمع له اغانى ( اهو بعيد عن الدين اهو ) بزعل واحزن عليه ولما مات الشيخ المنجى رحمة الله عليه من مدة قصيرة حسيت انى ابويا اللى مات من كتر حزنى لفقده وده حالنا دلوقت فى مصابكم الاليم فمبالك انت باكبر رمز من رموزكم كقداسة البابا شنودة الثالث وبدل ماتروح الكنيسة تتلقى العزاء كباقى اخوانك كما رايت هنا فى الكنائس عندنا او على الاقل تلتزم الصمت احتراما لوفاته عمال تتدعبس وتدور على مواضيع لاتسئ لك ولا حتى تخصك من قريب اوبعيد لا لشئ سوى اثارة الجدل واشعال الفتن بينك وبين اناس لاتكن للاخوة المسيحيين الا كل تقدير واحترام واجب عليك الاعتذار لاخوانك المسيحيين مع وافر احترامى وتقديرى للاخ العزيز الفاضل / استاذ كامل ياريت تتعلم منه على الاقل فن الصمت وقت المصائب

اولا: البقاء لله استاذ وايت هارت ثانيا : اقترح على حضرتك تفتح موضوع منفصل وتسميه(((محاكمة الفنان التائب فضل شاكر)) او اى عنوان تصيغه ببلاغتك الخاصه.. وتنقل مداخلاتك الطويله العريضه هناك براحتك .. لان حضرتك خرجت تماما عن الموضوع الرئيسى .. ومسكت بس فى كلمة ((تائب)) ((يعنى الراجل أكل عشرين كيلو بسبوسه .. وحتة القشطه هى اللى وقفت فى زوره موتته ههههههههههههههههههههههههههههه ))مع الاعتذار للقلعاوى فى مسرحية الجوكر برده .. انا بهزر من قبيل تلطيف الاجواء.. وليس من قبيل السماجه على فكره .. بما اننا يعنى فى قاعة الفنون واذكرك يعنى بشى مهم كمان احب اضيفه 7. الإلتزام بعدم تغيير مجري الحوار في الموضوعات او محاولة تشتيت الأفكار التي يناقشها كاتب الموضوع أو تحويل الموضوعات إلي مهاترات شخصية أو إضافة مشاركات لا يقصد الإثراء بها أو الأستفادة وانما فقط لزيادة عدد المشاركات وبالأخص إذا كانت في سياق حوارات جادة.

أهلا يا فندم ويسعدني تكون أول مشاركة لحضرتك هنا في موضوعي المتواضع بما ن حضرتك في الرياض يبقى عليك و على الكابتن المبجل سين سين خصوصا انه بيشرب القهوة التركي مع كيك :blink:

السلام عليكم جميعاّ يا مصريين بمناسبة ان الكلام عن القهوة كان لازم اشارك لسببين : 1- اني مدمن قهوة تركي و اعشقها 2- انا لسة واصل الرياض من شهرين و يا ريت حد يفيدني لو عارفين محل كويس اشتري من عندة حاجة مزاج اوي و يا ريت مايكونش الرفاعي صباح البن

السلام عليكم ورحمة الله وبركاته يرفع ايده الى السماء ويدعى ويقول ربنا يشيل الغمة وينهى الفترة الانتقالية على خير سيدى الفاضل انت تعلم اكثر منى ان الوظائف المرموقة مثل قطاعات البترول والبنوك والدخلية والبورصة كانت توزع على اصحاب النفوذ وتهادى اليهم وليس من قريب بل منذ زمن بعيد ( الكوسة) مثلا حممدى البمبى عمل شركة ايمبى وعين فيها كل اقاربه برضه مش مهم المهم هما كفاءات ولا لاه انت تعلم ان اللص عندما يريد شريكا يبحث فى وجوه اقرب الناس اليه ليرى من منهم يستطيع ان يسانده ويقف بجواره انت تعلم ان عنمل هولاء الاشخاص فى الاماكن المرموقة ماهو الا رشوة لصاحب القرار سواء كان فى السلطة القضائية او التنفيذية او التشريعية وسواء هذا اوذاك فانه ينحول الى لص بالتبعية لما يعلم من انه مسنود ولا يطاله القانون بالاضافة الى ثغراتنا القانونية لكن اقول لك ان والله يوجد اناس يعملون فى هذه الاماكن المميزة ( البترول والبنوك) بدون واسطة هما قليلون وانا منهم واحب ان انوه انهم لايترقون ولايحصلون على المبالغ الوهمية التى يحصل عليها الكبار ولسان حال الكبار بوسوا ايدكو وش وضهر كويس ان انتو اتعينتوا هنا قطاع البترول بيه مفاسد عظيمة جا اكثر مما تتخيلها انا اعمل به والله ان فى ناس مرتابتهم تصل الى 1500 جنيه شهريا بكل الحوافز والبدلات وهم مهندسين فى مثل الشركة العامة للبترول- صان مصر- مصر للبترول-التعاون ----وناس تصل مرتابتهم الى اعلى من 100 الف جنيه غير البدلات مصر منهوبة حتى النخاع تحياتى

السلام عليكم بشمهندس رؤوف الكلمات تعجز عن شكرك لهذا الموضوع الاكثر من رائع جزاك الله خير واصلح لك النية والذرية تابعت 13 صفحة السابقة وبفكر اشترى سيارة بعد ما استقر سأحتاج للمشورة من حضرتك مرة اخرى اسجل اعجابى بموضوعك

تُعد الأخطاء الفردية والهفوات التى تقع من بعض مَن عُرف عنهم التدين، من أوسع الأبواب التى يتسلل منها أعداء المشروع الإسلامى وكارهو أتباعه والمنادين به. خاصة إن كان مَن يقع منهم الخطأ ممن يلتزمون بالهَدْى الظاهر، أو من الشخصيات العامة، فحينها تتهاوشهم الانتقادات، وتصيد الهفوات، والتشهير بلا رحمة ولا هوادة. وإن كنت أرى أننا معشر مَن نحسب أنفسنا "متدينين"، يجب علينا احترام ما يظهر منا للناس وما يعرفوننا به، بألا نضع أنفسنا موضوع الشبهات، فضلاً عن أن نقع فى الحرام أو ما يخرم المروءة، إلا أنه يجب أن يعلم الآخرون أننا، وإن كنا كذلك، فلا يجب أن يُسقطوا عن "المتدين" صفة البشرية، وجواز وقوع الخطأ منه، صغيرًا وكبيرًا، وكذلك المتدين نفسه لا يجب أن يعتقد فى نفسه أنه فوق الخطأ وعَصِىّ عن الهفوات والزلات، ويحمِّل نفسه أعباءً نفسية وضغوطًا فوق طاقة البشر، إلا أنه يجب عليه تُعد الأخطاء الفردية والهفوات التى تقع من بعض مَن عُرف أن يعترف بالخطأ إن وقع فيه، ويعتذر عنه، ولا يجهد نفسه فى تدبيج التبريرات. إن صحابة رسول الله - صلى الله عليه وسلم - وهم أفضل جيل شهدته الأرض، وقعت من بعضهم الصغائر والكبائر، فمنهم مَن زنى، ومنهم مَن سرق، ومنهم مَن وقع فيما يُشْبه الخيانة العظمى، إلا أن المجتمع الطاهر النظيف فى وقتها، وكذلك مَن أتى بعدهم، تعاملوا مع هذه الأخطاء تعاملاً راشدًا، بوضعها فى مقامها الطبيعى، فلا هم عمَّموا ولا هم غمزوا ولمزوا مجتمع المدينة أو جيل الصحابة بأسره، بل إن العلماء أجمعوا على عدالة كل الصحابة. والعدالة، كما يراها أهل السنة والجماعة، صفة تحمل صاحبها على ملازمة التقوى والمروءة، وفعل ما هو من صفات أهل العقل الراجح، ومن سمات أهل الفضل والخير بحسب عرف البلد والزمن. والعدالة وفق هذا التعريف لا تعنى العصمة أبدًا، حيث لا يلزم ممن اتصف بالعدالة أن يكون معصومًا، فقد يخالف صاحب الصفة صفته أحيانًا، فلكل جواد كبوة، ولكل سيفٍ نَبوة، ولكل عالم هفوة؛ لذا قالوا: إن الشخص العدل هو مَن كان الغالب عليه فعل الطاعات وترك المعاصى، أو أنه هو مَن غلب خيرُه شرَّه. ونرى الكثيرين من جميع الأطراف الآن يتعامون عن هذا المفهوم ، فيكلِّفون أنفسهم والناس ما لم يكلفهم به الله، فيقع الحرج الذى ما جاء الإسلام إلا ليرفعه عنا. ولو فطن الناس لهذا لما اهتزت ثقتهم بأنفسهم، ولا بإخوانهم، ولا بمجتمعهم، طالما أن الخطأ لا أحد يقر به، وأن المخطئ يأخذ جزاءه على قدر خطئه، دون انتقاص من بشريته، وهذا ما فعله، صلى الله عليه وسلم، عندما أقام الحد على رجل وامرأة زنيا، ومع ذلك أنكر على مَن لمزهما، بل ذكرهما بالخير وأثنى على إيمانهما وصدق توبتهما. أين هذا الخُلق القويم والحس الراقى من أصحاب الشاشات والميكروفونات والأقلام، الذين لا تقع أعينهم إلا على القبيح، ويفتشون عن القَذَى فى أعين الناس، وينسون الجذوع التى فى أعينهم!!. فتحى عبد الستار | 17-03-2012

شوفي حضرتك يا مدام عبير إجابة على أسئلتك : ما دخل السياسة الدولية بفنان نائب؟؟؟ السياسة : ثورة الدولية : سوريا بفنان : فضل شاكر تائب : هذا الفنان يرى انه لا يصح عنه الغناء المعتاد منه في هذا الوقت وكأنه تجاهل عما يفعل بالشعب السوري من ذبح يومي بالمئات .. ده كلامه وما مدى تأثير توبته عن الغناء على الأوضاع السياسية في سوريا؟؟؟ شوفي حضرتك الفيديو الأول و اسمعي القصيدة الرائعة بصوته الجميل.. اسمعيها بقلبك و تخيلي وقعها على إخواننا الثوار في سوريا الذين يتشوقون لأي دعم من أي إنسان يلفت النظر لقضيتهم التي لم تتحرك منذ عام كل ما تغير فيها هو إضافة أصفار على يمين الرقم ليصبح أعداد الشهداء من عشرات ثم مئات ثم الآلاف .. فلما يكون تصرف واحد محسوب من نجوم العالم العربي و من أفضلهم في رأيي بهذا الشكل يجب أن نلتفت إليه و نقدره لأن غيره من الفنانين العرب ما زالوا يغنون للنظام في سوريا بل ويمجدون مذابحه .. توبته عن الغناء واضح إن الخلط سببه هذه النقطة ( توبته ) : وده مصطلح هو اللي استخدمه و إذا كان هذا اللفظ هو سبب الخلط و تغيير مسار الموضوع عما أراد صاحبه فأعتقد أنا طلبت من حضرتك صراحة تحذفي أو تعدلي أي شيء يكون خارج عن إطار الرسالة السياسية من الموضوع و لكي كل الحرية لكن حضرتك حكمتي على أن الموضوع فنون . وفيما يخص الغناء أعتقد أن الغناء في الفيديو الأول أكبر دليل .. وفي الفيدو الثاني هو نفسه بيقول مش هابطل غناء .. يبقى من المنطقي إني مش مهتم أو بناقش في هذا الموضوع حرمة الغناء إذا كنت أنا نفسي جايب أغنية في صدر الموضوع ... و كان الخلاف سيكون منطقيا مثلا لو تحدثت عن ماهية الغناء الذي يقوم به الفنان قبل و بعد موقفه وأنواع الغناء وحرمته و هذا لو قصدته لكنت وضعت الموضوع في باب هدي الإسلام و ليس حتى الفنون .. لأننا سنتكلم حينها عن الحلال و الحرام .. وعن نفسي لست معنيا بفتح موضوع يناقش الحلال و الحرام لأني لست أهلا لذلك ..و لأن القاعدة التي أؤمن بها ... كل واحد حر يا مدام عبير وكل واحد عقله في راسه و احنا مش صغيرين وأيضا رأيي إنه مش من حق حد إنه يدخل في نيتي أو يجبرني على مناقشة الفنون وحرمة الغناء في باب فتحته في السياسة الدولية عن وعي وليس عن جهل . وأوضح رأيي الشخصي لحضرتك إن الفن رسالة إذا تم توظيفها في الظروف السياسية أو الوطنية فقد تكون أقوى من خطب الزعماء .. فن إيه و ما هي معاييره .. ده موضوع تاني ندخل بيه موضوع جديد في باب الفنون ... لكني سأوضح ما أقصده بمثالين من أرض الواقع عندنا في مصر عن تأثير الغناء في السياسة .. قارني حضرتك بين غناء : الفنان ..... عمرو مصطفى .. في روكسي و رسالته السياسية وغناء : الفنان ..... محمد منير في الفيديو التالي و حاولي تفتكري احساسك و انت تسمعي هذه الأغنية أيام الثورة http://www.youtube.com/watch?v=p9TOi3EwRQw الخلاصة يا مدام عبير أنا بتكلم عن دور إيجابي قام بيه فنان لبناني مش سوري مما زاد من احترامي له لدعمه ثورة اخواتنا في سوريا تحياتي ... و شكرا لحضرتك

الإستحواذ على كل شيء اصبح ظاهرة للاخوان والطمع يقل ما جمع كما تعلمنا وكما شاهدنا ماذا حدث لمبارك وبطانته قالو في مجلس الشعب تمثيل وليس تغليب ورجعو في كلامهم قالو الدستور مصر كلها هاتشترك في كتابته ورجعو في كلامهم مش فاضل غير الرئاسة ودي رغم انهم اتخذو قرار بعدم ترشيح واحد تبعهم اليوم فيه كلام على استفتاء لمجلس شورى الجماعة بالرجوع عن هذا القرار وترشيح الشاطر هما ما عندهمش حد غير الشاطر ده مرة يرشحوه لرئاسة الوزرا ومرة يرشحوه لرئاسة الدولة أصحاب المبادىء الثابته هما بيقصدوا هنا الخيانه الثابته لشعوب الارض وليس شعب مصر . والشعب عاوز ده ريح دماغك حكايه ترشيح الشاطر مرة للوزراء ومرة لرياسه الجمهوريه . دى اشتغاله للشعب عشان ابو الفتوح ومينكشفشى الملعوب بتاعهم ابو الفتوح هو مرشح الاخوان فى السر واصواتهم هتكون له لانه لم يترك المجاعه قصدى الجماعه وهما فصلوه من مركزه القيادى فقط وقالوا انهم فصلوه من الاخوان عشان يرشحوه ويستحوزوا على البلد . ومازلت بنت ابو الفتوح موجوده فى الاخوان وعضوة نشطه فيه ومش بس كده دى متجوزة عضو ادارى فيها يعنى ال بيحصل دلوقتى تلبيس العمم . بس الشعب موافق على ده . خلاص يشربوا من كعانهم فوكك منهم ده مش بس كده. الشعب ادمن كمان المبررات ال بيقولوها الاخوان . يعنى يقولوا اى كلام فى طحينه وطحينه من النوم . يوثق نفس الشى مع السلفيين برده باصم بالعشرة على حمله كازبون . قصدى حازمون وشرع الله ال اشتغلوا بيه نفس الشعب ولما وصلوا مفيش حاجه اسمها شرع الله ولا حد بيتكلم عنه نهائى وطلع لينا بكار الان يقول الاسلام لايعترف بالدوله الدينيه وبريجعوا يعيدوا الكارة تانى وحمله كازبون لابو اسماعيل بتعيد نفس الانتاج والتغنى بشرع الله تانى فى الحمله يعنى اصبح التجارة بالدين رقم واحد والتجارة بشرع الله رقم اتنين وفى النهايه مفيش الاتنين مهو نفس الحزب ال وافق حاليا على ترشيح حمله كازبون لولاد ابو اسماعيل قالوا الاسلام لايعترف بالدوله الدينيه !!!! تانى شرع الله مع ابو اسماعيل على ما ينجح ويطبقوا حدود الله وليس شرع الله الشعب عاوز من ده قال على رأى المثل بكرة ترجع ريما من عند خالتها فى مارينا

ليله بارده .. حقيبه وتذكرتان ؛ حيث وجهتان مختلفتان عربتان على رصيفان متضاضان يؤنسون وحشتهم ؛ بأحاديث السفر فى انتظار راكبان لن يأتيان !! (محطة)

حجم الشاور ايجب ان لا يقل حجم للشاور عن 36 بوصة في 36 بوصة ( 91.44 في 91.44 سم) اقل حجم مقبول للشاور هو 30 في 30 بوصة ( 76.2 في 76.2 سم ) او مساحة 900 بوصة مربعة

http://www.youtube.com/watch?v=XNoPS6rr-QI&feature=related فضل شاكر يقول أنه سيغني بمعنى أنه هو صاحب الشأن لم يحرم الغناء في حد ذاته كما أراد البعض الدخول في مهاترات حول حرمة الفن بل هو نفسه يقوم بالغناء في أول مداخلة و لكنه في الفيديو يوضح موقفه و رسالته السياسية التي يهمه منها رضا الله و فنه إذا لم يخدم قضيته فهو يخجل منه

من دعاء النبي صلى الله عليه وسلم : اللهم إني أعوذ بك من العجز والكسل والجبن والبخل والهرم ، وعذاب القبر اللهم أتي نفسي تقواها وزكها أنت خير من زكَّها ، أنت وليها ومولاها اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها . آمين فلنحاول المواظبة علي قراءة سورة الملك كل ليلة وندعو الله أن يقينا عذاب القبر

تائب؟ تائب عن ماذا تحديداً؟؟؟ سؤال منطقي ... حضرتك ممكن تعمل سيرش وهتعرف تاب عن إيه ..

لا يا أستاذ وايت هارت كلامك واضح وليس له أكثر من معنى .. انا ذكرت هنا في بداية الموضوع انه من المحرج ان تفتح موضوعا مبنيا على خبر من مصدر إخبارى .. وبعد ان يتم مناقشته مرارا يتضح انه كاذبا .. وهذا نص كلامى حضرتك تنفى أن هذا هو سبب الشعور بالحرج !! بل لان الخبر مصحوب بالتشفى المستتر أليس هذا كلامك ؟!؟! ولم تكتفي بتكذيب المحاور و التدخل في نيته !! بل زدت على ذلك تلميحات او قل تصريحات بالدعوة إلى الإحتفال والتنقيط !! أليس هذا كلامك أيضا ؟!؟ ثم تسمي هذا تلطيفا لحدة الموقف بشكل مرح ؟!؟! قطعا حضرتك أسأت الفهم .. واعتذارك مقبول ..

قابلت إحدى الساحرات رجل وزوجته .. فقالت لهما لكونكما من أفضل الزوجين،، وقضيتما معًا ما يقارب الـ 35 عامًا فإني سأهب لكل واحد منكما أمنية لأحققها له قالت الزوجة :أنا أتمنى أن أسافر حول العالم مع زوجي العزيز دون أن نفترق حركت الساحرة عصاها بشكل دائري مرددة : أبرا كدابرا أبرا كدابرا, أبرا كدابرا فظهرت تذكرتين للسفر حول العالم وضعتهـــــا في يد الزوجــة ! جاء دور الزوج الذي جلس يفكر ثم قال : هذه لحظة رومانسية لكن الفرصة لا تأتي إلا مرة واحدة في العمر آسف حبيبتي : لكن أمنيتي أن أتزوج امرأة تصغُرني بـ 30 عامًا شعرت الزوجة بغصّة في حلقها وبطعنة سيف في قلبها وبدت خيبة الأمل على وجهها ( لكن الأمنية أمنية) حركت الساحرة عصاها بشكل دائري مرددة : أبرا كدابرا أبرا كدابرا, أبرا كدابرا فجأة أصبح عمر الزوج 90 عامـًا ! قـد يعتقــد بعـض الـرجال أنهم أذكيـاء ولكنهم ينسون أن الساحرات في النهـاية.......هُنّ نســـــــــاء

فينك يا عم ابو محمد الرجل تنبأ باقل من هذا بكثير ولم يدر بخلده ان الطمع قد يصل الى هذه الدرجة يا جماعة كله بالخناق الا الدستور بالاتفاق والدستور لا علاقة له باغلبية ولكن علاقته بالتوافق والرضا والقبول زي الجواز بالضبط وطبعا سيتم توزيع الخمسين بنفس نسب مجلس الشعب الاخوان ياخدلهم 25 عضو والسلفيين بتاع 15 واحد والعشرة دول قصدي العشرة اللي باقين مشكلين وكمان كام واحد اخوان من النقابات والقوى الاخرى يبقى كدة الدستور ليس بالتوافق ولن يختلف عن دساتير مبارك التي كان يفرضها على الشعب وطبعا الكل مش هايعجبه التهريج ده وندخل في ثورات ومظاهرات ورفض وامتناع ويبقى كستور مش دستور

صدقنى يا استاذ كامل ... إحنا كمصريين .. ممكن نختلف لدرجة التشاحن و العراك .. وحتى التلاسن بالالفاظ ..يعنى شعب مبالغ فيه بجد هههههههههه.. لكن ساعة الجد وساعة الازمات بنكون إيد واحده .. أوتوماتيك .. بننسى اى خلاف او احتقان .. وتلقائيا ربانيا بتلاقينا فى تأخى وتعاضد بدون ما حد يدعونا لده .. وده اللى مجنن اعدائنا والله ..ومش عارفين يلاقوله حل سحرى يبطله .. وبعد كده ولما بتهدا الامور وتخلص الازمه .بنرجع نتشابك تانى هههههههههه..عادى يعنى ..والعركة تدور من تانى .. لكن فى النهايه ملناش الا بعض ..لأن ده قدرنا .. أن نمتزج ونذوب معا فى ارض واحده مباركه .. هى مصر .. ودى مش ازدواجيه .. لكنها طبع الحياه ..شد وجذب .. حتى بين الاخوة والاحباب .. فما بالك بالمختلفين فى العقيده .. وعلى العموم عزائنا هو اقل واجب .. تجاه اخواتنا فى الوطن

اعتقد انه لو كان يستطيع ان يبلغنا ارادته حول هذا الأمر .. لرفضه و طلب ان يتم ترجمة تلك المشاعر الطيبة الي افعال حقيقية .. الي تآخي و تعاضد و اخوة بالفعل .. و ليس مجرد كلمات و شعارات و لافتات لم بكن ابدآ من الباحثين عنها اثناء حياته .. فما بالكم بعد وفاته .. فقط بتلك الطريقة سنخلد ذكري الرجل بالفعل و عملنا ما كان يصبو اليه طوال حياته .. علي اية حال بأسم من بقي من مسيحيي محاورات المصريين اشكر الجميع علي مشاعركم تلك .. و انتهز الفرصة ايضآ لشكر من راسلني علي الخاص

الزوج و هو راجع من الشغل على البيت : ازيك يا حبيبتى ... عامله ايه على الغدا ؟ تمام يا حبيبى .. عاملالك اندومى الزوج : طيب يا حبيبتى لمى اندومك كلها و روحى اندومك بسرعة !

<script src='http:///shareable/?i=1837762441256914115.jpg&s=835&p=tl' type='text/javascript'></script><noscript></noscript>

<script src='http:///shareable/?i=1837552621263856424.jpg&s=535&p=tl' type='text/javascript'></script><noscript></noscript>

<script src='http:///shareable/?i=1837552621263856190.jpg&s=39&p=tl' type='text/javascript'></script><noscript></noscript>

:tahtaybh: الحمام هذا رائع والوان الابيض مع البينك مع الاسبوت لايت فعلا جميل ياتري ممكن يتكلف كام بالمنتجات المصرية الجيده اخي العزيز ابو ريم المشكله ليست في الوان الحمام المشكله لابد من رسم الشكل النهائي للحمام قبل البدء في التنفيذ هذا الحمام يعتبر اللوحة الديكوريه فلكي تحصل على هذا الحمام لابد من مراعاه الاتي 1 تحديد اماكن الحوض والبانيو والقاعدة 2/ توزيع اماكن المياه والصرف ووصلات الكهرباء ثم البدء في تنفيذها وعند تنفيذ السيراميك يجب تحديد اماكن الدهانات والغلاق- جزء المقطع من السيراميك - لكي لايشوه المنظر بالنسبة للخامات فهناك في الاسواق خامات ممتازه في السيراميك والدهانات وطبعا مش هقول انهي محلات عشان مايكونش دعاية ؟؟؟؟؟؟