لوحة القادة

بسم الله الرحمن الرحيم لا تنسوا إبن المحاورات البار المعلم سين سين ... خير من يمثلكم في رئاسة جمهورية مصر العالمية برنامجي من غير لت وعجن بيتلخص في كلمة واحدة وهي المنجهة يعني هامنجه شعب المحاورات كله يعني منتدى خاص لكل عضو عربية مرشيدس مع كوبون بنزيم 80 هدية لمدة سنة شقتين .. واحده في مدينة نصر والتانية في الساتت من أكتوبر بحيث كل واحد حر لو فتحهم على بعض عشان البراح هاقعد ستات المحاورات في البيوت .. والرجالة كمان ... بحيث أرجع الترابط الأُسري تاني مدارس نضيفة لكل طلبة المحاورات وكل تلموذ يبقى رئيس جمهورية نفسه .. يعني يتعلم ما يتعلمش ينجح يسقط هو حر .... واللي بياكل على ضرسه بينفع نفسه خلال سنتين نقول تلاتة هاخلي المحاورات أشهر من موقع الفيس بوء وهاغير إسمها وهاخليها " منتدى المحاورات العالمية " بحيث كل الناس تعرف بعض وتتكلم مع بعض رئاسة جمهورية المحاورات عاوزة مُشرف ميفتيري وقلبه ميت وما عندوش ياما أرحميني إنتخبوا مرشح الشباب سين سين إنتخبوا أشيك واحد في المحاورات سين سين الملقب بدونجوان روكسي إنتخبوا سين سين رمز المانجا إنتخبوا سين سين يرحمكم الله

لأ يا أم عمر الموضوع مش كده والاخ إيهاب ده بيهيس ومش عارف حاجه - ديون مصر في أول الحكم الاغبر للعسكر بعد ثورة يناير العظيمة كانت تريليون و80 مليار جنيه تقريباً .... وهي تشمل الديون الخارجية اللي هي حوالي 35 مليار دولار والديون الداخلية وهي الاخطر .... الديون الخارجية معروفة وهي ديون الدول الاخرى وصندوق النقد على مصر .. وتقريباً في حالة زي حالة مصر بيبقى صعب نسدد أصل الدين ... فبنشتغل تسديد في خدمة الدين يعني الفوائد السنوية يعني الديون الداخلية بتزيد ليه ؟ لأن كلها ديون على الحكومة ...يعني ديون مصلحة الكهرباء .. والمياة والسكك الحديد مثلاً على الحكومة أكتر وزارة بتبقى مداينة الحكومة هي وزارة التأمينات الإجتماعية ديون المقاولين اللي بينفذوا مشاريع للدولة ديون أذون الخزانة والسندات التي تطرحها الحكومة عشان تستلف وتفك زنقتها من الأفراد داخل مصر أو ساعات بتبيعها للحكومة والشركات المتخصصة أو المهتمة بكده إلخ ومش معنى إنها ديون داخلية يبقى الحكومة تبلطج وتقول مش هاسدد أو إحنا اهالي في بعضينا ... إلخ الان بلا فخر وحسب أرقام شهر فبراير 2012 .. وصلت الديون تريليون وتلتمية مليار ... عشان شربنا العسكري بالهنا والشفا وقولنا إستقرار ما كانش حد غلب يعني على مستوى الأفراد ... لو انا علي ديون للبنوك أو خلافة وغيرت إسمي وخليته الريس محمدين .. يبقى خلصت كده ؟ لأ طبعاً ومهما تغيري إسم الدولة فإن ديونها لا تسقط تبعياتها مرعبة وأبسط اللي ممكن يحصل فينا هو زي موضوع المحضر بتاع المحكمة اللي بييجي يحجز على المنقولات في شقة الواحد ويبيعها في مزاد عشان يسدد منها ديون الناس لكن في الدول غالباً بيتدخل صندوق النقد الدولي والبنك الدولي وبيحجزوا على بعض مصادر الدخل في الدولة عشان ياخدوا فلوسهم ... وكمان لما الديون بتزيد عن حد معين مع إنخفاض الأحتياطي النقدي الاجنبي اللي بنسدد منه خدمة الدين زي ما بيحصل دلوقت .. بيبقى من حقهم يبعتوا حد يقعد في أرابزنا زي عبد الشكور بتاع صندوق النقد وبيبقى له الحق التدخل في سياستنا الإقتصادية والنقدية من غير ما نقدر نفتح بؤنا يعني شيل الدعم عن البنزين ... وودي البلد في داهية .. حاضر شيل الدعم عن العيش وخلي الناس تاكل توست ... حاضر إعمل عجين الفلاحة ... برضوا حاضر لكن صدقيني بشكل عام الموضوع ليس مرعباً لهذه الدرجة طالما توفرت النية الصادقة للإصلاح والعلاج على سبيل المثال سنة 2001 اعلنت الأرجنتين إفلاسها طب تخيلي إن روسيا أعلنت إفلاسها رسمياً سنة 89 عندما سقطت الشيوعية والدول الروسية كلها بقت على الحديدة ؟ لكن كمثال الأرجنتين لما اعلنت إفلاسها .. إشتغلوا بعدها بجد ... وفي سنوات قليلة حققوا معدلات نمو هايلة ... وبقت دولة أكتر من محترمة من حوالي 12 أو 13 سنة .. حالة تركيا الإقتصادية كانت مزرية .... وفي أقل من 10 سنوات بقوا أفضل 100 مرة من كثير من الدول الأوروبية والمثال اللي بيتدرس إقتصادياً على مستوى العالم في العصر الحديث دلوقت هو البرازيل ففي خلال فترة التسعينات البرازيل كانت حالتها أبشع من الدول اللي بتعلن إفلاسها يعني أنا أفهم إن دولة عندها مشاكل إقتصادية وزيادة ديون وزيادة بطالة و و و و ... ماشي ومقبول وربنا كبير .. لكن فوق ده كله تكون في ظروف أمنية لا يمكن تخيلها زي ما كان حاصل في البرازيل اللي في عز الضهر ماحدش كان يقدر يمشي في الشارع إلا أما يتثبت ويتسرق ولو حظه حلو بيتقتل بس هههههههه ... ومدن كاملة من الصفيح والعشش .. ومخدرات للرُكب وناس عايشة في المجهول .... لكن واحد عادي جداً من عامة الشعب ولم يكن زعيم لحزب او حاكم ولاية أو محافظ .. واعني هنا الرئيس لولا دي سيلفا جه وفي أقل من 8 سنوات عمل معجزة في بلدة مش بس كده ده واحد كان لا مؤخذه بيمسح أحذية في الشوارع ... إحم إحم .. وخرج من التعليم من 5 إبتدائي عشان أهله مش قادرين يصرفوا عليه وفقراء أكتر من اللازم.. تخيلوا ؟ بعد كده إتمرمط في الشغل وساب شغل تلميع الجزم وأشتغل في محطة بنزين ... وبعدين راح إشتغل خراط معادن وبعدين ميكانيكي سيارات وبعدين إشتغل بياع خضار سريح في الشوارع وبعدين راح إشتغل في مصنع قطع غيار سيارات تخيلوا كل ده ولم يكن اكمل الـ 19 عاماً .. وهنا كانت نقطة فارقة في حياتة .. حيث إن أحدى ماكينات المصنع قطعت أحد أصابعه وهو بيشتغل .... وضاع حقه وماحدش عبره بتعويض وهنا قرر إنه ينضم لنقابات العمال عشان يدافع عن حقه وحق زملاءة العاملين في كل المصانع ومن هنا بدأ نضالة السياسي الطويل من خلال نقابات العمال إلى أن وصل إلى حكم البرازيل سنة 2003 لحد 2011 وكان عنده 58 سننة تقريباً والراجل إستلم دولة أشبة بالخرابة معدومة الامن ووصل بها إلى أن ازاحت الأمبراطورية البريطانية من ترتيب الدول الأقوى إقتصاداً على مستوى العالم واحتلت البرازيل المركز السابع بدل بريطانيا بس خلاص أخوكم الفقير .. لولو دي سين سين

ان شالله أطفحها يا أستاذ محمود ان كنت دوقتها قبل كده ولا أعرفها حتى ده أنا حتى قريتها غلط..وقلت ايه دخل الاخ الفاضل " كليبر" فى الموضوع أنا مسلمة سنية معتدلة..أقبل مايقبله الشرع وأرفض ما يرفضه وموحدة بالله ،ولا لى ايتوها دعوة بالبلبلية دى ولا حتى بحب أقزقز لب ولا عمرى اشتركت فى أيتوها "لب" "رالى"...لانى مش بحب المسابقات كده ابقى انا ايه بقى..هه..اييه والنبى.. بأشكرك على ثقتك ودعمك لترشحى لكرسى الرئاسة...وأوعدك بمنصب وزير الثقافة والرى باذنك يارب

بس دول حاجتين بس يا أستاذ كابيتشينو....فين التالتة؟؟ التالتة اهى يا فندم bsh:) ياحفيظ..يامغيث..اللهم إحفظنا من شواكيش الأعضاء ليه بس كده ياكابيتشينو باشا...قلبك أبيض.. على أى حال أنت إبننا برضك..ولايهمك يافندم...اضرب ياعبد الهادى يا ما دقت على الراس طبول :)

وبالطبع لم "تتذكر" أيضاً ( على سبيل المثال ) قبل كتابتك لتلك العبارة .. ان هناك باب كامل "دائم" بالمحاورات اسمه "هدى الإسلام" ... حتى مع وجود اكثر من عضو معنا هنا من الأقباط المسيحيين ... عادي عادي ... بتحصل ... جل من لا يسهو! تحياتي. يا مان انا اقترحت باب للديانه المسيحيه من قبل والااداره رفضت .. بما انك تتبع الديانه المسيحيه ممكن تطلب ده بنفسك وانا معاك يمكن الاداره تغير رايها

ما هو السلفيين لو كانوا خالفوا قناعاتهم ووقفوا دقيقه حداد مكنوش حيترحموا من النقد برده .. بل كان حيبقى نقد اشد.. لان كان حيتقال عليهم ببساطه ((امسك يا جدع انت وهو .. شفت نفاق السلفيين .. شفت تشبههم بالغرب .. شفت بتوع قال الله وقال الرسول .. شفت باعوا دينهم بعد ما دخلوا البطرمان .. شفت الشو الاعلامى)) هما سواء وقفوا او موقفوش .. لم ولن يسلموا من النقد .. عشان كده .. غلبوا كفة الدين على السياسه فى النقطه دى .. دى رؤيتى والله اعلم إلا صحيح .. هى الضحكه الصفراء دى علاقتها ايه بالموضوع :) ؟

رغم كل هذا نحن شعب مسلم ولا عند حضرتك رأي تاني ولا سي حازم ده كمان هو ودراويشه اللي ملمومين حواليه جاي على اخرة الزمن يخرجنا من الظلمات الى النور ويقارن نفسه برسول الله عندما بعث في قومه ايه حازم ده كمان عشان اقارنه برسول الله يطلع ايه بسلامته ابو زيد الهلالي ولا الزناتي خليفة ده اخره واعظ وواعظ مغمور وحكاية الرياسة دي شهرته هو الصراحة بيفكرني بظاظا لما رشح نفسه في الانتخابات بداية لزم التنويه إني قيمت حضرتك في مداخلتك دي عن طريق الخطأ ثانيا هو مين اللي قال إن ابو اسماعيل بيقارن نفسه أو إن حد بيقارنه بالرسول عليه الصلاة والسلام ؟؟؟ :blink: :blink: ابو اسماعيل قال انه هيعمل علي تفعيل وتطبيق الشريعة وبالتدريج بس أنصح حضرتك بالتعرف علي برنامجه الإنتخابي الذي أراه وكثير من المصريين جيدا جدا ولا علاقة له بظاظا ومحدش قال ان احنا مش شعب مسلم لكن حكوماتنا عيشتنا عقود أراها أسوأ من عصر الجاهلية علي الأقل هم ماكانوش عرفوا بالإسلام أما احنا فالحجة مقامة علينا ولذا وجب علينا ترشيح من يعلن تبنيه تطبيق الشريعة كما أُمرنا.

الزوج و هو راجع من الشغل على البيت : ازيك يا حبيبتى ... عامله ايه على الغدا ؟ تمام يا حبيبى .. عاملالك اندومى الزوج : طيب يا حبيبتى لمى اندومك كلها و روحى اندومك بسرعة !

أعذرني سيدي الفاضل .. و لكنني بالطبع لن اقول آمين وراء دعوتك تلك ... فلقد أكرمني ربي بعقلآ يجعلني افكر و اختار ... كما ان مقارنة حضرتك فاسدة تمامآ ... فالبابا القادم سيكون بابا للكنيسة الأرثوزكسية و دوره سيكون دينيآ فقط لا غير و ليس رئيسآ لجمهورية الأورثوزكس ... سيدي الفاضل .. هذا الموضوع يدور في فلك موضوع سابق يقوم علي المعرفة فقط ... شرح طقوس اختيار بابا الأرثوزكس .. فهل أطمع من الجميع ان نتركه في هذا الأطار ... شاكر تفهمكم مقدمآ

يا مساء الجمال والذوق المتميز والاختيارات الرقيقة رجاء لا تغيبي أفتقدك جدا يا هنودة الموضوع من غيرك ملوش طعم مساااااااااا الورد والفل بيرو مايجى بعد ذوقك واختيارتك المميزة وانا ايضا افتقدك وافتقد وجودى بينكم

أولا مفيش مصطلح في مصر اسمه الليبراليين ،،، ليه عشان الليبرالية في مصر فكرة و ليس تيار منظم و دي حقيقة للأسف و بالتالي لا تجد من يعبر عنهم أولا ، الليبراليين غالبا كسالي و إستقلاليين بزيادة و لذلك تجدهم دائما يرفضوا الإنضواء تحت لواء أحزاب أو حركات و كمان اللي بيحركهم فكر و ليس عقيدة فبالتالي معندهمشي دافع قوي لبذل الجهد و المال من أجلها

حبك طير أخضر طير غريب أخضر يكبر يا حبيبتي كما الطيور تكبر ينقر من أصابعي و من جفوني ينقر كيف أتى ؟ متى أتى الطير الجميل الأخضر ؟ لم أفتكر بالأمر يا حبيبتي إن الذي يحب لا يفكر حبك طفل أشقر يكسر في طريقه ما يكسر يزورني .. حين السماء تمطر يلعب في مشاعري و أصبر حبُك طفل متعب ينام كل الناس يا حبيبتي و يسهر طفل .. على دموعه لا أقدر حبك ينمو وحده كما الحقول تزهر كما على أبوابنا .. ينمو الشقيق الأحمر كما على السفوح ينمو اللوز و الصنوبر كما بقلب الخوخِ يجري السكر حبك .. كالهواء يا حبيبتي يحيط بي من حيث لا أدري به ، أو أشعر جزيرة حبك .. لا يطالها التخيل حلم من الأحلامِ لا يحْكى .. و لا يُفسر حبك ما يكون يا حبيبتي ؟ أزهرة ؟ أم خنجر ؟ أم شمعة تضيء .. أم عاصفة تدمِر ؟ أم أنه مشيئة الله التي لا تقهر كل الذي أعرف عن مشاعري أنك يا حبيبتي ، حبيبتي و أن من يحب لا يفكر نزار القباني

لا .. اميركا دوله مسيحيه رغم القشره العلمانيه الليبراليه واستحاله حاجه زى دى تحصل .. انت عايزهم يخالفوا دينهم عشان مخلوق اى كان قدره .. دى تعاليم دين مش لعب عيال .. هما اخرهم كلمتين كده تطييب خاطر واخرهم الوقوف حداد لو فعلا راجل مهم جدا وله تاثير ايجابى ... وممكن الاستاذ محمد يفيدنا اكتر مدام هو قاعد فى اميركا .. يمكن فى واقعه زى كده واحنا جاهلين بيها أستاذ محمود البصيلي ، سعيد جدا بتوجيهك بعض الأسئلة وطلبك مني أن أجيب عليها أو أن أدلي بدلوي فيها. بدون زعل، الأمريكان مركبين مخ في دماغهم، من غير زعل تاني، يعني إيه؟ يعني اللي يربط الناس في الحالات دي هي " المشاركة الإنسانية والوجدانية " الوقوف دقيقة حداد لوفاة شخص ما دي مجرد مشاركة وجدانية تؤدى للجميع بلا إستثناء بصرف النظر عن الديانة أو الجنسية الأصلية. طيب خلينا بعيد عن الرسميات، زوجة صديق عزيز لي توفيت في ديسمبر قبل الماضي، زوجها مسلم سلفي، وهي مسلمة زي باقي المسلمين، أمها مسيحية وزوج أمها الذي تربت في بيته مسيحي وأختها وزوج أختها مسيحيون، يعني هي الوحيدة المسلمة من تلك العائلة. وطبعا تمت الصلاة عليها في أحد مساجد المدينة الثلاثة ، وحضرت العائلة وحضروا الصلاة ( صامتين ). وانتقلنا من المسجد إلى مدافن المسلمين وحضروا الدفن وعند قراءة بعض آيات القرآن والفاتحة وقفوا ( صامتين ) -أو ربما يتلون صلوات في سرهم، لاأعلم- مرة أخرى ، وتقبلوا بعدها العزاء مع زوجها كعائلة واحدة. جميل قوي، طيب لو جنازة مسيحي؟ بنحضر عادي وتتلى الصلوات الخاصة بهم ولا أحدا يشغل باله بما يحدث، لان الأصل في حضور الجنازة هو المشاركة الوجدانية. في أفراحهم التي تتم بمباركة أحد القساوسة أو الوعاظ، تشاركهم بشكل عادي ولاتشغل بالك بالمراسم فهي تخص من يتبع العقيدة. طيب خليني أضيف حاجة بعيدة عن الجنازة ، في الحياة العامة، ماذا لو دعيت للعشاء مع بعض الزملاء؟ هل ترفض لان المطعم يقدم خمور ولحم خنزير؟ لا طبعا لانها بتبقى جليطة وقلة ذوق، طيب إيه اللي بيحصل؟ لو جديد على زملائك بتشرح لهم انك لا تتناول منتجات الخنزير، انك لاتشرب المشروبات الكحولية، لو كنت جديد سينبهونك للأطعمة التي تحتوي منتجات الخنزير لتتجنبها، سيسألك أحدهم إن هو أحب أن يتناول بيرة أو مشروب كحولي إن كان هذا يضايقك. لو ركبت السيارة مع أحدهم لتوصيلك وكان من المدخنيين فسوف يستأذنك إن كنت تسمح له بالتدخين داخل سيارته أثناء ركوبك معه. الموضوع ببساطة مشاركة واحترام متبادل. ولذلك فأنا أرى أن مافعله نواب حزب النور لايعدو كونه مظاهرة فارغة خالية من الذوق وحركة للفت الأنظار. كان بإمكانهم الوقوف بدون شوشرة بأي نية تتماشى معهم وليعتبرونها نوع من كذب المعاريض الذي يتقنونه، ولكن هذا لايكفي غرورهم، فليتحدث عنهم الإعلام ويشهرهم، وليخرج المسكين نادر بكار يرقع خلفهم.

ظلمت الرجل يا سي السيد فبنود هذا القانون المقترح ليست من بنات أفكاره .. كل ما قام به هو تجميعها بالرغم من انه لا يوافق علي بعضآ من تلك البنود !!! لا غرابة بالطبع في تصريحات مماثلة فهذا هو الطبيعي .. اليس صبحي صالح هذا وهو صاحب تصريح زواج الإخواني من الإخوانية كي ينجبوا النسل الأرقى... لا أعرف اذا كان هناك منكم .. و بالأخص من الزملاء الذين يدافعون بأسلحة مشرعة عن اي عضو برلماني متدثر بعباء الدين مهما كانت كلماته او افعاله او مقترحاته .. فكلها لا يأتيها الباطل ا[دآ .. و انما اعداء الأسلام هم من يهولون و يحاربون الفضيلة القادمة .. لا أدري اذا كان هناك من شاهد اللقاء الذي حاصره فيه خالد منتصر في محاورة تلفزيونية و ادعى أنه لم يكن يعلم بأمر هذه المحاورة ولا بوجود الدكتور منتصر فيهامن الأساس !! ... إلا أن المذيعة سارعت إلى تكذيبه مؤكدة أنه كان يعلم لأنها كانت شخصيآ جالسة بجوار معدة البرنامج أثناء الاتفاق مع صالح. والآن بعد أن أصبح له كرسيا في البرطمان .. او دعونا نسميه "المكلمة" بما أن البرطمان يثير غضب الفاضل رؤوف ... فقد اتحفنا بتحفة قانونية من النوع الشديد السمية وهو قانون تنظيم التظاهر المذكور هنا ... الذي أثار ضجة كبيرة ورفضا من بعض أعضاء البرلمان أنفسهم.. دعت الأخ صالح إلى التنصل من مشروع القانون وحتى من صفته كنائب برلمان. فقد ادعى أنه مجرد "مُجَّمِع" للقانون وليس صانعا له! وكأنه بوسطجي يسعى بين النواب في الخير... و أخوة آخرين يستعملونه في تمرير قوانين فاشية كمخلب قط .. و هذا ليس غريبآ عنه فلق تم تجربتها بمحاولته التملص من تصريحاته العنصرية في مقابلتهالشهيرة المذكورة سابقآ. الخلاصة .. لا جديد تحت الشمس .. فالمثل المصري يقول "هي عادتهم و الا حيشتروها " كلام الإخوان يمتزج فيه العسل بالسم حتى لا تكاد تفقه منه شيئا لأنه يعني كل المتناقضات في نفس الوقت. لنرجع الي موضوعنا و نتأمل في شغل الحواة الذي يحتويه مشروع هذا القانون والذي جلب العار على من قدموه .. هذا اذا كان لديهم مشاعر بحق يشترط القانون أن يقوم منظمي المظاهرة أو الاجتماع بإخطار الجهات المختصة قبل المظاهرة بثلاثة أيام على الأقل أو 24 ساعة إن كان الأمر يتعلق باجتماع انتخابي. لو تذكرتم سادتي نفس الأقتراح حاول الحزب الوطني المنحل تمريره في مشروع مشابه قبل الثورة .. ولكن أقل استبدادا من مشروع صالح... ولقي مقاومة عنيفة من المدافعين عن حقوق الإنسان .. بل و كانت هناك بعض الأصوات الإخوانية المناهضة له في ذلك الزمان الذي ولى. ويبدو أن أصحاب الأغلبية في البرلمان الذي يهذي أكثر مما يتكلم بما يُعقل لم يكتفوا بموقفهم المتخاذل تجاه قضية الشهداء ودعمهم المريب للمجلس العسكري و الداخلية .. وإنما أرادوا أن يكونوا أداة تشريعية تمارس بها الأجهزة الأمنية قمعها باسم القانون. القانون المقترح يلزم منظمي الاجتماع أو المظاهرة بتحديد مكان وزمان وموضوع المظاهرة وكأنه اعتراف مسبق يقر به المنظمون كي يستخدم ضدهم فيما بعد.. وكله بالقانون. أي أن ينظم البعض مثلا مظاهرة تندد بحكم العسكر .. فقبل التظاهر يجب ان يكتبوا إلى العسكر نريد تنظيم مظاهرة ننادي فيها باسقاط ولي نعمتكم !!!. وطبعا لأننا نعيش في أفضل عالم ممكن حيث ترفرف العصافير الملونة وتتمايل الفراشات فوق الورود مع النسيم العليل.. فإن أجهزة الأمن ستوافق بالطبع باسم احترام حرية التعبير عن هذا النوع من المظاهرات. كما أن الطلب يجب ان يكون شاملآ "بخلاف ورقة الدمغة " معلومات مفصلة عن الداعي إلى المظاهرة وتحديد اثنين نائبين له.. حتى يتمكن الأمن من قطع الرؤوس أولا بأول وتحميل مسؤولية التخريب ( والذي لابد وأن يحدث على يد مأجورين وبلطجية الداخلية) على عاتق هذه الأسماء. وبالطبع هناك عقوبة... أهناك عناق بدون قبل ؟؟ الحبس ستة أشهر لمن يشارك في مظاهرة بدون تصريح أو مظاهرة رفضها الأمن. أي أن كل من يجرؤ على فتح فمه بما لا يعجب النظام سوف يقطع لسانه.. وسوف يجر الجميع إلى السجن. والعجيب أن الغرض الأعم من تنظيم مظاهرات هي التنديد بشيء ما أو الدعوة لتغيير ما. ومن الصعب تخيل كم سيكون عدد المظاهرات التي ستحصل على رضا الأجهزة الأمنية وفق قانون كهذا. السؤال الذي أعرف اجابته مقدمآ هل الإخوان بتقديمهم لهذا المشروع الفضيحة يقدمون الشكر إلى الشعب الذي وثق فيهم وتمنى أن يشهد حرية وكرامة وعدالة على أيديهم؟ هل يكرسون بهذا لدولة فاشية استبدادية وهو أمر يتسق مع منهجهم ومبادئهم الأساسية ؟ هل هذه واحدة من خطوات تأسيس دولة العسكر-إخوان التي بدأت معالمها تتضح رويدا رويدا؟ وهل سحبهم الاعتراف بوليدهم غير الشرعي هذا هو حرص منهم على البقية الباقية من شعبيتهم أم أنها مناورة؟ الأكيد و الواضح و الطبيعي أن أداء الإخوان داخل البرلمان بعيد عن الحرص على تأسيس أي قواعد لدولة ديمقراطية تتمتع بسيادة القانون.

آن لأبي حنيفة أن يمد قدميه

على الفيس بوك من صفحة القئمة السودا للمشاهير الذين باعوا مصر واختاروا النظام

ان شالله أطفحها يا أستاذ محمود ان كنت دوقتها قبل كده ولا أعرفها حتى ده أنا حتى قريتها غلط..وقلت ايه دخل الاخ الفاضل " كليبر" فى الموضوع أنا مسلمة سنية معتدلة..أقبل مايقبله الشرع وأرفض ما يرفضه وموحدة بالله ،ولا لى ايتوها دعوة بالبلبلية دى ولا حتى بحب أقزقز لب ولا عمرى اشتركت فى أيتوها "لب" "رالى"...لانى مش بحب المسابقات كده ابقى انا ايه بقى..هه..اييه والنبى.. بأشكرك على ثقتك ودعمك لترشحى لكرسى الرئاسة...وأوعدك بمنصب وزير الثقافة والرى باذنك يارب هى الليبراليه دى شتومه يا مدام فولانه .. انا صنفتك ليبراليه معتدله ... تبعا للتعريف الخاص بيا ل الليبراليه .. انا بقى طمعان سيادتك فى وزارة الشباب والرياضه لان اغلب وقتى بقضيه فى الرياضه .. وشمال ويمين ويمين وشمال .. ألعب مصارعه وارفع اثقال .. والعب مراجيح وانط حبال ههههههههههههههههههههههه

السلام عليكم ورحمه الله وبركاته،، اذكركم بقول الله تبارك وتعالى : بسم الله الرحمن الرحيم مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ (50/18) وأقول إن المرئ وجب عليه قدر الاستطاعه ان يجتنب الشبهات، وبتفاق الكثير لا يوجد أيه شبهه في تعزيه النصارى في وفاه كبيرهم أو صغيرهم بل ولا حرج أن يذهب المسلم إلى الكنسية أو إلى بيت النصراني لتقديم واجب التعزيه بما لا يتلفظ فيه من امور تناقض الشرع كسؤال الرحمه له ولأهله وما ذلك، وعلى المستوى الشخصي فانا تقدمت بالعزاء لبعض الزملاء هنا بالقول "البقاء لله" ولا انكر حكمه وحنكه هذا الرجل في بعض الامور الوطنية رغم اختلافنا معه. لكن ما يحزنني كثير من المسلمين تراهم هم من يتصيدون لاخوانهم المسلمين قبل غير المسلمين ولا حول ولا قوة إلا بالله، والتصيد هنا المقصد به الامور التي يمكن ان نختلف عليها فلا اختلاف على التعزيه من كون صحتها شرعاً ولكن (وضع تحت ولكن هذه اكثر من خط) المرئ حر أن يذهب ويعزي أو لا يذهب، وأما الوقوف حداداً فهذا ليس من الشرع في شيء وإن فعله المسلم بقصد التعزيه أو غيرها فأمره إلى الله ولكن الانسان في نهايه المطاف حر أن يقف حدادا أو لا يقف أن يعزي أو لا يعزي. فعلى أي شيء الاختلاف وعلى أي شيء الخلاف وعلى أي شيء الاعتراض ؟ انت حر ما لم تضر .. فلماذا تتصيدون هفوات (هذا إن اعتبرنا عدم الوقوف دقيقة حداد هفوه أو خطأ من الاساس) غيركم وتنهالون عليهم بسياط السنتكم وتنسون انفسكم واخطاءكم انتم وذنوبكم انتم ؟ ! ... إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ ..... (13/11) غيروا انفسكم انتم انظروا إلى اخطائكم وإلى قلوبكم قبل ان تتصيدوا هفوات غيركم .. حاكموا انفسكم انتم وصححوا انفسكم انتم أرى والله اعلم أن هذا الامر ـ الموضوع ـ لا يستحق الحديث عنه ولا يرقى إلى الكلام واللغو فيه فهناك الكثير والكثير من المسلمين قد قدموا العزاء وانا منهم كلا حسب موقعه وظروفه ناهيك أن النصارى عن حق قد أخذوا حقهم الإعلامي والسياسي والديني في هذا الامر ولا ينكر ذلك غير جاحد. والسلام عليكم ورحمه الله،،

زى ما حضرتك شايفه الاستاذ الفاضل محمد كاتب الموضوع .. هو من بدأ بذكر موضوع الابتسامه الصفراء .. وكنت فعلا استفسر منه ولكن بشكل لطيف .. هما يضحكوا والا يعبسوا؟ .. وازاى ممكن فعلا نعرف اذا كان الشخص بيضحك من قلبه او ضحكه مصطنعه .. عامة حصل خير

بس دول حاجتين بس يا أستاذ كابيتشينو....فين التالتة؟؟ التالتة اهى يا فندم bsh:)

السلام عليكم ورحمة الله... الاخوة الكرام.. الموضوع لا يناقش معنى " الابتسامة الصفراء"..وليس هدفه تبادل النكات والقفشات والدردشة... تم حذف بعض المداخلات المخالفة لقواعد الكتابة ربنا يجمعكم فى الخير دايما !!!

يانهااار أأأبيض!!!! :) ده بجد الكلام ده؟؟ نفاق محاوراتى لإدراج نعى للبابا نزولا على رغبة بعض الاعضاء اللى فتحوا موضوع يطلبوا فيه الطلب ده؟؟ هو كان طلبهم بدافع حقيقى لمشاركة الاخوة المسيحين مصابهم ولا نصب فخاخ للادارة ، حتى اذا ما استجابت يتم اتهامها بالنفاق؟؟ نفاق لاننا بنحاول نهتم بكل الاحداث اللى تمس المصريين بإختلاف ديانتهم؟؟ نفاق؟؟؟!!! أمال حضرتك ماكتبتش ليه تعترض على طلب الاخوة الاعضاء لوضع بانر تعزية للبابا ؟؟ولما اتأخرنا شوية دقايق كده تم اتهامنا بالبيروقراطية ولم تعترض ليه وتتهم بعض الاخوة اللى غيروا توقيعهم بالنفاق أيضا؟؟ أما ليه لم ترى مثل هذا البانر فى وفاة شيخ الازهر..لأن ماحدش لفت نظرنا لضرورة ادراج نعى فى الصفحة الاولى والله...عندنا دى...ان شاء الله المرة الجاية ابقى فكرنا حضرتك .. ماشاء الله..ونعم أخلاق الاسلام حقيقى ربنا يزيد..ربنا يبارك بالفعل يا أخي أبو هنا فإن "البانر" كان اقتراح من أحد الزملاء واستجابت له الادارة .

الحمد لله يا جماعه انا خلصت الاستقدام امبارح من الرياض 21-03-2012 طبعا التوفيق من عند ربنا اولا واخيرا ولكن كل حاجه ولازم ليها سبب احكيلكم اللي حصل معايابالظبط عشان الكل يستفاد خدت بعضي وطلعت عالرياض يوم 20-02-2012 ولما وصلت سجلنا اسامينا بالورقة دخلنا الصبح وكل واحد خد رقمه من الشباك وعشان ياخد رقم لازم يكون معاه طلب الاستقدام مصدق من الغرفة التجاريه وخطاب التعريف من الكفيل مصدق ايضاولو طلب الاستقدام مختوم وموقع من الكفيل فقط مفيش اي مشكله ما دام خطاب التعريف مصدق من الغرفه ودا حصل معايا ولازم يكون معاك اصل الاقامة وخدت رقم المهم جه دوري دخلت عالشباك الموظف خد الاوراق ورتبهاكالاتي : طلب الاستقدام بعديه خطاب التعريف ثم صورة الاقامة بعديه صورة الجواز وتاشيرة الدخول طبعا ثم شهادة المؤهل ثم عقد النكاح ثم شهادة ميلاد الاولاد ان وجد بعد ما بص فالاوراق طلع ملاحظاته علي ورقه صغيره وكتب عليها 1 - نجار مباني ( ودي المهنه اللي انا داخل بيها ) 2 - شهادة ميلاد الاطفال غير مصدقه من السفاره السعودية قلتله طب انا مصدق شهادات الميلاد من الخارجيه المصريه قال لا متنفعش لازم كل الاصول تتصدق من السفاره السعوديه ببلدك وراح مدبس الورقه مع الاوراق بتعتي وقالي ادخل لرئيس القسم ولو اعطاك موافقه تعلالي , دخلت لرئيس القسم بص عالملاحظات اللي كاتبها الموظف وراح حاطط خط تحت عدم تصديق شهادات الميلاد من السفاره السعودية وقالي روح صدق الشهادات الاول من السفاره وبعدين نشوف انت ليك استقدام ولا زيارة طب يهديك يرضيك مدانيش وش وقالي صدق الاوراق الاول وبعدين نشوف . خدت بعضي ومشيت بعد ما اتنرفز عليا من كتر الحاحي وبعت الشهادات علي مصر عشان تصدق من السفاره وقبل ما اكمل اقول ليكوا بعض النقاط الهامه اللي استفدتها من اليوم دا وهي وطبعا بالنسبه لمكتب استقدام الرياض فقط لان كل مكتب وليه نظامه : ** لازم كل اصول شهادات الميلاد وعقد النكاح تتصدق من السفاره والسعوديه ببلدك والخارجية المصريه ** لازم المؤهل يكون مصدق من الخارجية المصرية والسفارة السعودية والملحق الثقافي ولازم الاصول كلها تبقي معاك وانت رايح ** اي مؤهل متوسط ( دبلوم يعني ) ملوش استقدام نهائيا ** يجب ان يتوافق المؤهل العلمي سواء كان مؤهل عالي او فوق المتوسط مع المهنه المعدله ويجب ان تتوافق المهنه المعدله مع نشاط الشركة او المؤسسة والتلاته دول لو اتوافقوا مع بعض ان شاء الله مش هيبقي فيها مشاكل ** لا يهم اذا كان كفيلك مؤسسة ومكتوب في اقامتك اسم الكفيل فلان بن فلان بدون اسم المؤسسه ودي مفيهاش مشكله بالنسبة لمكتب استقدام الرياض ومن بعض المواقف اللي شفتها هناك * واحد معدل مهنته الي مهنه اختصاصي تسويق ومؤهله بكالوريوس زراعه اترفض عشان المؤهل مش ماشي مع المهنه * واحد معدل مهنته الي مهنه اختصاصي تسويق ومعاه ليسانس اداب وكفيله مقاولات اترفض عشان المهنه مش ماشيه مع النشاط * واحد معدل مهنته الي مهنه محاسب ومعاه دبلوم صناعي اترفض عشان المؤهل متوسط ودي ملهاش علاقه بمكتب العمل يعني مكتب العمل بيعدل المهنه مخلاص بدون ما يدقق بالمؤهل اللي مع الشخص * واحد مهنته اختصاصي تسويق اصلا ومعاه بكالوريوس صيدله الموظف عمل عليها دايره لكن رئيس القسم وافق له علي الطلب وكتبله لا مانع وكده يبقي خلاص الراجل دا خد استقدام * واحد معدل مهنته الي مهنة مستشار قانوني ليسانس حقوق ويعمل بمكتب محاماه الموظف كتبها فالملاحظات ورئيس القسم وافق عليهاوكتب لا مانع * واحد معدل مهنته الي مهنة محاسب عام وناقل كفاله من سنه قبل ما يعدل المهنه ووافق عليه رئيس القسم وكتبله لا مانع * واحد مهنته فني اتصالات ومعاه مؤهل متوسط اترفض برضه الخلاصه وهي زي ما قلتلكو المؤهل متوافق مع المهنه والمهنه متوافقه مع النشاط وجميع الاوراق مصدقه من السفاره السعودية يبقي في استقدام ان شاء الله نرجع لموضوعي رحت صدقت الشهادات من السفاره السعودية وبعتوهالي وطبعا رئيس القسم كان اتنرفز عليه المره اللي فاتت من كتر الاسئله وكان علم علي طلب الاستقدام ولما زهق مني يوم 20-02 قالي بص انت مالكش استقدام وراح مقطع ورقة الملاحظات وعلم علي الطلب بعلامة زي كلمة لا غيرت انا طبعا الورقه دي بتاعة طلب ااستقدام وعملت واحد جديده عشان لما اروح ميعرفش اني جيتله قبل كده وعلم عليا المهم خدت بعضي ورحت علي الرياض يوم 20-03-2012 وكان اسمي تالت واحد ودي مبتفرقش علي فكره عشان انا لما اترفضت كنت رقم واحد بالكشف المره اللي فاتت , وبعدين دخلنا الصبح كالعاده الموظف قال كله يجهز طلب الاستقدام عالاول ومعاه اصل الاقامه عشان تاخد رقم للشباك خدت الرقم ورحت لنفس الموظف اديته الاوراق وقلتله علي فكره انا جتلك قبل كده وانت رجعتني عشان مكنتش مصدق شهادات الميلاد من السفاره السعودية وخلاص صدقتها والاصول اهه مبصش عليها بصراحه واكتفي انه يبص عالصور اللي انا حاططهاوطلع ورقته وبدا يكتب ملاحظاته عليها وهي بالنسبالي : 1 - نجار مباني 2 - المؤهل محاسبة وقالي اطلع علي رئيس القسم لو وافقلك عليها هات الورق وتعلالي طلعت علي رئيس القسم وخليت نفسي السادس او السابع عشان انا عارف الموظف اول ما يقعد والناس بتهجم عليه مزاج امه بيتعكر دخل اول واحد والتاني لقيت مزاجه تمام , دخلت وطبعا دي مبتفرقش الراجل شايف شغله بس انا باخد احتياطاتي , كان اللي قبلي اترفض عشان مؤهله دبلوم , دخلت خد الاوراق بص عالملاحظات اللي كاتبها الموظف قالي وش مهنة مدقق حسابات هذي قلتله مراجع حسابات يا ريس قالي ليش ما سويتها محاسب او محاسب عام قلتله ما هي دي مهنتي اللي انا شغال بيها فعلا قالي اصل المؤهل بتاعك معاك قلتله اه ورحت مطلعهوله ( انا معايا بكالوريوس تجاره - محاسبه ) المهم بص فيه قراه بدقه ومشي صوابعه علي اسمي والمؤهل والشعبة وقلب الشهاده علي ضهرها وقعد يقرا في التصاديق بتاعت السفاره السعودية ويبص عالاختام ولما خلص اداني الاصل وفر في الاوراق يبص عالصور اللي فيها وبعدين راح لاول ورقه وكتب عليها لا مانع طبعا وانا في قمة الذهول ومش مصدق اللي انا شايفه قدام عينيه عملت نفسي اهبل وقلتله شكرا وخدت الاوراق بدون اي تعليق وطيران عالموظف قلتله خد الاوراق انا خدت موافقه والمدير كتبلي لا مانع خد الاوراق بص علي اعتماد رئيس القسم وقالي اجلس انت دلوقتي لغاية ما انده عليك وبصراحه صعبت عليا نفسي وقعدت اعيط من كتر ما انا مش مصدق اني خلاص ربنا فرجهاوان الحلم اللي انا مستنيه من اكتر من خمس سنين خلاص هيتحقق بعد البهدله والحرمان من اعز الاحباب طول السنين دي , المهم نده عليا الموظف واتاكد مني من اسماء عائلتي وفجاه ضغط علي انتر ولقيت الورقه بتطبع واسمي فيها علي الاول ورقم الصادر وتاريخه عرفت ان خلاص الحمد لله ربنا كرمني زي ما كرم ناس كتير فاليوم دا وخدت الورقه الصفرا وسلمت علي ام الموظف وقلتله شكرا , رجعت ورا واتاكدت من البيانات المدخله قبل ما امشي اسم الزوجه وصلة القرابه وجهة الوصول ليها هي والاولاد والحمد لله لقيت كله تمام وخدت بعضي ومشيت , ودي كل القصه وكل الحكايه من البداية للنهاية. تمنياتي بالتوفيق للجميع وبعتذر للاخ محمد بك افندي والناس اللي كانت بتتواصل معايا فالفتره دي وانا مردتش عليها والله مكنت عايز اقفلها في وشكوا واجيب ليكوا احباط وكنت مستني لما اخلص خالص واشوف بنفسي ايه اللي بيحصل واحكيلكوا عليه وعلي فكرة الناس اللي مش هتعرف تخلص في سكك من تحت لتحت بس غاليه شويه بتدخل لها في 12000 ريال سعودي غير الرسوم او اكتر او اقل بس في نفس الرنج وربنا يسهل للجميع تحياتي

السلام عليكم الاخ الكريم محمد اوف اميريكا هاو دو يو دو ابتسامه اخرى من حبيبك ابوعمر الذى يتمنى ان يكون سلفيا و لكنها ليست صفراء و الله يا محمد يبدو من كلام كاتب المقال جهله العميق و حقده البين الواضح فضلا عن تهكمه و سوء ادبه مع المخالف فاى فهم تنسبه اليه ..عامله الله بما يستحق ثم يا اخى الحبيب هناك ما هو من الدين لا يتغير بمرور الزمن و الرسول ارشدنا اليه مثل موضوعنا فى الجنائز و احكامها و التى عند الكلام عنها يجب الرجوع الى اهل الاختصاص و لا يجب الركون الى الجهلاء و طنطنتهم الفارغه المبنيه فقط على اهوائهم و عقولهم المنحرفه كثله المنافقين المنتشرين فى الاعلام الحالى و التى اقامت مناحه لم تشهدها مصر من قبل على الاقل فى العصر الحديث فكم من علماء و عظماء فى مجالاتهم ماتوا و لم نسمع لهم همسا ..للاسف اما ما تفضلت به من امثله اعلاه عن هدى الرسول صلى الله عليه و سلم فاجيبك و هل كانت تلك الاختراعات موجوده ايام الرسول فامتنع عنها يا محمد او وجه الى تجنبها فى المستقبل الم تقرأ فى القرأن هذا ما حرم الله عدا ذلك و ما بينته السنه المطهره فالحكمه ضاله المؤمن اينما وجدها فهو احق بها .

اول 3 حاجات هاعملها هاغلق محاورات المصريين . وهاعتقل جميع المشرفيين الحاليين والسابقيين واللى بره منهم الانتربول موجود برده . bsh:)

أنا سعيد جدًا إنه له شعبية قوية رغم كل التشوية الغبي أنا سعيد جدًا إن قلبي بينبض بشدة وبشعر بسعادة بالغة لما بشوفه بيتكلم ! أنا هكون أسعد لو بقي الشخص دا رئيسي بحبك ياحازم صلاح أبو إسماعيل وبتمنى ربنا يوفقه ويبقى رئيس مصر في الأيام القليلة القادمة بإذن الله هنعمله حملة قوية جدًا على الإنترنت هتستهدف المصريين في الخارج خاصة دول الخليج في كل بحث عن كلمة مصر أو رئيس أو إخوان مسلمين هتظهر الحملة ربنا يقدرنا ونعملها فعلًا بإذن الله ولكن معرفش هل دا ممكن يكون مش قانوني ؟!! أو لازم إذن مسبق من الشيخ حازم عن طريق المسؤولين عن حملته الإنتخابية الرسمية هل حد هيدقق في المبالغ المدفوعة في الحملة ؟

لو ارسلت له هذه الرسالة فانت بذلك تكون بتغشه أو بتضحك عليه، لانك لم تذكر له الحقيقة السلام عليكم ورحمة الله وبركاته الاستاذ الفاضل Mohammed ماهى الحقيقة ؟؟؟؟ الحقيقة مش وحهة نظر حضرتك نعيد من الاول ونقول للغايب والحاضر ان الاستاذ حازم صلاح ابواسمعيل اخطى تصدق ياراجل اه والله اخطء الله امال ازاى احنا بنغلط الله ده مش مقدس اه طلع بش بشر بشر مش نبى مش نبى مش معصوم اخطاء اخطاء اخطاء ياعلم اه الراجال اخطا بس انه عامل كده مخصوص علشان تصدقواانه ممكن يخطى كده وكده يعنى استاذى الفاضل الام ترى مداخلة الفاضلة ام زيادفى موضوعنا الاصلى وهى تقول ان الشيخ اعلن توبته ونزل على صفحته الكلام ده حازم صلاح أبو إسماعيل نداء هام جداً من الأستاذ حازم صلاح أبو إسماعيل أرجوكم يا أخواني أنا لا أبيح أبداً لنفسي و لا لأحد من أحبابي أن نشوه أي حائط نظيف من الحوائط سواء كان ملكية عامة أو خاصة بأي عمل من أعمال الدعاية ..... Hazemsalah#A/N مش مصدق طيب معلش هتعب حضرتك شوية وروح شوف صفحته على الفيس بوك تحياتى

الفاضل محمود البصيلي أعتذر عن اخفاء المداخلة أخفيتها و كانت تحتوي على حرف "الواو" مرتين !!! واضح ان حضرتك كنت تقوم بتعديلها في نفس الوقت أعتذر مرة أخرى عن فريق التنسيق و الاشراف

الفاضل وايت هارت .. رجاءا منك الدقة فى نقل النصوص القرءانية التى لا تحتمل النقصان او الزيادة التصحيح :وقل الحق من ربكم فمن شاء فليؤمن ومن شاء فليكفر التصحيح : المص ( 1 ) كتاب أنزل إليك فلا يكن في صدرك حرج منه لتنذر به وذكرى للمؤمنين ( 2 ) ((سورة الأعراف)).. وهذا مما تنص عليه القاعدة الثالثة للمشاركة هنا :

معظم النقاط التي طرحت نوقشت أكثر من مرّة في مواضيع كثيرة . وبالرغم من وجود أكثر من موضوع في المحاورات بخصوص الشيخ حازم صلاح ، إلا أن قرارات دمج المواضيع وحذفها لم تشمل هذه المواضيع بعد . نصيحتي لصاحب الموضوع : إذا كنت تشعر أنك سوف تصبح خروفاً مع أحد المرّشحين فلا تنتخبه بكل تأكيد ، ولكن ابحث عن المرشّح الذي تشعر معه بالعزّة والكرامة . وبالطبع ستجد اختلافات كثيرة وتباينات في وجهات النظر الشعب المصري تجاه الأسماء المطروحة من مرشحي الرئاسة.

لا يا عزيزي .. انا لم أخرج عن الموضوع بالمرة ... وبالمناسبة لم اكن لأتناوله من هذه الزاوية الا بعدما قامت الإدارة بنقله الى باب الفنون ... نعم .. انا أمسكت بكلمة " تائب" وأوضحت وسأظل اوضح وأناقش وأحاجج وأقارع طالما هناك من قرر أن يضعها هى والصورة والإعلان عن إحدى الاحزاب/الفرق الدينية بعينها .. ومع كل الإحترام لك ليس لك أن تصادر حقي هذا بأى شكل من الأشكال ... أظن واضح؟؟؟ أحسنت! أشكرك على تذكيرنا بهذا ... تحياتي ماهو انت لو حتلتزم بالجزء الاول من قواعد الكتابه (( الالتزام بعدم تغيير مجرى الحوار او محاولة تشتيت الافكار التى يناقشها كاتب الموضوع)) حتمنع تحول الموضوع الى مهاترات شخصيه ((دا لو فعلا مداخلاتنا مهاترات شخصيه من وجهة نظرك)) يا مان .. مدام فتحت الهويس على نفسك .. يبقى تستحمل ما يحدث بعد ذلك.. ولا تلومن الا نفسك .. وانا نصحتك بإنك تفتح موضوع منفصل تتكلم فيه براحتك عن النقاط التى اثرتها بعيد عن الموضوع الرئيسى .. لكن انت مصمم على ذلك ..ومناقشة تلك النقاط ها هنا .. فى تحدى مريب .. وكأنك واثق من ان ما تفعله لن يلقى اى تحفظات او اعتراض .. وعشان كده بقولك الله معك .. واسيبك لحد ما الموضوع يتقفل كالعاده .. لان عندى شغل وشكرا على سعة صدرك

رغم انى انضمامى للمحاورات جديد بالنسبة لتاريخ انضمام حضرتك الا انى اول مرة اشوف مشاركات لك فى الفترة الاخيرة وربما اسمع عن اسمك لاول مرة ايضا ورغم بعدى عن المحاورات فترة الا انى اتابع باستمرار مواضيعها والمداخلات التابعة لها ومالاحظته هو تعمد حضرتك استفزاز الاخوة الافاضل بردود لايصح ان تصدر من شخص ناضج زى حضرتك وتعرضك خصيصا لكل مايمت للاسلام بصلة حقيقتا لااعرف ديانة حضرتك ان كنت مسلم او غير ذلك لكن فى كلتا الحالتين يسيئنا التعرض المستمر من جانبك او جانب اى شخص لاى ديانة سواء الاسلام او المسيحية او حتى اليهودية والتى اعتقد لايتدين بها احد هنا فنقول فيها مالا ريضى الله ورسوله لمجرد ان هنا مفيش يهودى يعترض على كلامنا كلنا سواء مسلمين او مسحين لنا حرية تفكير وعقيدة وحرين نسمع اغانى نبطل سمعاها فليس هناك داع للسخرية والتنبيط على كل صغيرة وكبيرة فى موضوع لمجرد الاستفزاز واثارة البلابل والمشاغبات فى المنتدى كل شوية ابسط شئ ممكن حضرتك تعمله انك تتجنب قراءة المواضيع اللى بتضايقك وتحفزك لاستفزاز غيرك تجاهلها كما افعل ويفعل الكثيرين فى الفترة الاخيرة وبذلك قلت مشاركات البعض واحجام الكثيرين عن المشاركة نهائى او دخول المحاورات اصلا بالشهور من الاخر امثالك طفشتم الكثيرين وانا منهم من المنتدى بمجادلات عقيمة وتافهة لا لاشئ سوى نوايا سوء ليس وراها الا وجع القلب وسكب البنزين على النار البلد فى حالة فوضى وغليان والان عزاء وحزن للاخوة المسيحين وحضرتك نازل تريقة وسخرية على خبر نزله احد الاخوة الافاضل ارحمونا شوية ربنا يرحمكم

عندما تخرج على حاكم يحكم لكونه عسكريا فقد تتهم بأنك ضد حكم العسكر... يعنى مدنى و عندما تخرج على ديكتانور يسارى... فأنت يمينى رأسمالى مثلا و عندما تخرج على رأسمالى... فقد تكون تهمتك الإشتراكية ولاا الشيوعيه ...مثلا لكن عندما تثور أو تنتقد.... (ناهيك على أن تخرج) على من يحكم بسم دين... ترى كيف تكون تهمتك... و عقوبتك الفاضل أو الفاضلة آل مصريم ممكن بس نعرف مين اللي ادعى انه هيحكم باسم الدين...ياريت لو عندك اي تصريح مقروء او مرئي ان هناك من ادعى انه سيحكم باسم الدين ان تضعه لنا هنا لكي نعرف من هو الذي ادعى ذلك ام هو مجرد ترديد كلام من حضرتك وخلاص تذكرت الموضوع ده و المداخلة دي تحديدا مع ما رايته اليوم من مشانق تم تعليقها لمن تجرأ و انتقد ابن ابو اسماعيل عشان عايز يفرض الجزية ع المسيحيين فعلا احنا ظلمة مين قال بس انه حا يحكم باسم الدين :closedeyes: